رواية ليت هالقلب يعرف يحب غيرك..

كلي ذوق وذبحني الشوق · 11-26-2011, 01:59 AM

ليت , جيب , يعرف , رواية , غيرك , هالقلب

( البارت الاول)

..../ ميار الله يخليك فكري بالموضوع..
( تبكي)
..../ ميار اذا كنت تحبيني خلينا ننحاش..
( ميار وهي تبكي ومنهاره)/ مااقدر...
مااقدر ابعد عن امي مااقدر ياعزام..
عزام( ودموعه تنزل)/ وانا..
ميار(وهي تمسح دموعها)/ انساني
انساااااااااني
انسااااااني
عزام( بصراخوهي يضرب الدريكسون)/ اشلووون انسااااك انااا احبك
احبك..
ميار/ عزام خلاص انساااااني اليوم بكون زوجة ابوك وانسى الحب اللي بينا
مع السلامه..
( وسكرت)
انصدم اول حب في حياته
اشلوون بتكون لغيره .... وبتكون لابوه
( رمى الجوال وهو معصب خلاص كره الحياة يبي يرحل من هالدنيا)

مااصعب ان ينسى شخصا شاركه روحه وقلبه
كيف لقلب احب وعشق وشغف ان ينسى!!
كيف له حتى يتناسى..
انه .. حبي الاول..
اروع حب عانقته في حياتي
اسعد لحظات قضيتها
رحل حبي بلا وداع
رحل من بين يدي وانا ابكيه
رحل تاركا حبيب يتيم الحب وراءه

..... تعريف عن العائله...
يوسف رجل اعمال معرووف واب دكتاتوري ..
زوجته الولى/ فاطمه..
ابنائه منها...
......................................
1/ سعد يشتغل مع ابوه واسم زوجته بدور
ابنائهم..
نواف( عمره 26 سنه) يدرس دكتوراه .. ابيض شعره بني ومملوح..
مهند(23 سنه) حنطي ومملوح
لمياء(19 سنه) جميله..
غلا(17 سنه)تحب الفله والوناسه..

..................................
2/ ريهام.. دكتوره بالجامعه.. زوجها سليمان رجل عمال
ابنائهم
طلال (24 سنه) وسيم..
سجى وجنى توائم..(17 سنه يمووت في شيء اسمه كرة قدم مملوحات
باسل(6سنين)
...................................
3/ علياء(19 سنه ) رومنسيه..
_____________________________
زوجة يوسف الثانيه..منال
ابنائهم
1/ياسر(24 سنه) اسمراني ومملوح
2/اسيل 20 سنه ناعمه وجميله وشعرها بني مخطوبه لولد عمها عبدالعزيز
3/ مي 17 سنه
_______________________________

زوجة يوسف الثالثه... نوال( ماتهتم بعيالها تحب تروح المناسبات والزيارات)
ابنائها
1/ بندر 24 سنه متزوج صار له سنه يحب زوجته موووت اسمها ساره
عندهم ولد اسمه ريان
2/ عزام 22 سنه اجمل واحد في العائله الكل منجن عليه رموشه كثيره لون عيون زيتيه شعره بني فاتح على اشقر وحواجبه مرسومه رسم وخشمه سلة سيف وشفايفه شوي مليانه .. ابتسامته تجنن.. يحب وحده اسمها ميار يموووت فيها
________________________________
عائلة ناصر اخو يوسف
.............................
1/ فدوى متزوجه تكره عيال عمها وتبي تزوج بنتها عزام
عيالها
شذى(20 سنه جمالها عادي تموووت في عزام وتكره بنات عم امها
راكان19 سنه يحب وحده بعدين تعرفونها
...............................
2/ عبدالعزيز 24 سنه خطيب اسيل يحبها ويموت فيها
.........................................
حبيبة عزام
ميار جميله جداجدا اشباهه ناعمه
..................................

المصدر: منتديات بوح عشاق - من قسم: منتدى الروايات الكامله

v,hdm gdj ihgrgf duvt dpf ydv;>> [df duvt v,hdm ydv;

كلي ذوق وذبحني الشوق · 11-26-2011, 02:37 AM

ابناء يوسف وزوجاته الثلاث عايشين في قصر كبير وعايشه معهم جدتهم ام يوسف

في الصاله الكبيره
الساعه 4 م
كانوا جالسين البنات كلهم وياسر معهم وزوجات يوسف في غرفهم
ياسر/ انتم الحين ليش ضايقه صدوركم

علياء/ ابوي بيتزوج اليم وبيجيبها تعيش معنا هنا..
ياسر/ وطيب!!!
اسيل/ انت تدري انك باااارد ماعندك احساس..
ياسر/يعني تبوني ابكي واضرب عن الطعام..
مي/ايه شف عزام ياعمري عليه لما درى ان ابوي بيزوج وهو زعلان
ياسر( ضحك)/ههههههههههههه
والله انكم مساكين ماتدروون...
ريهام( بخوف على اخوها)/ ياسر عزام وشفيه....
ياسر/ تدرون ان زوجة ابوكم تكون حبيبة عزام..
صددددددمممممه
صدددددممممه
اسيل/ ميااااااار
جنى/ انت وشدراك انها ميااار
اسيل وقفت وهي تبكي وراحت لغرفتها..
علياء/ هذي وشفيها

؟

وفي غرفة اسيل
سكت الباب وانسدحت عالسرير وهي تبكي وتتذكر لما عزام جاء وقالها عن ميار
اسيل/ انت من جدك تحب..
زام/ ليه انا ماعندي قلب!!
اسيل/ لا بس ماتوقت انك تحب..
عزام/ اسيل غصب عني حبيتها .. اول ماشفتها دخلت قلبي بدون استئذان
تدرين اني مااعرف انام الا لما اسمع صوتها
اسيل/ياسلام
عزام/ اسيل والله احبها اموت فيها ..
..........................
في الصاله جت الجده
الجده/ مو حاظرين زواج ابوكم..
مي/ لا ان شاء الله هذا اللي ناقص نحظر زواج ابونا
الجده/ حتى انا مو رايحه
سجى/ احلى ياجده انظميت للحزب
الجده/ لاوالله انا ودي احظر بس احس اني تعبانه..
علياء/ بنات لازم نسوي خطه عشان نطفش زوجة ابوي..
الجده/ لالا حرام عليكم البنت مالها ذنب..
..................................
الساعه 9 م
جالس بسيارته يشوف الضيوف يدخلون والانوار مضاءة قلبه يتقطع من داخل وده يروح يدخل وياخذها بس هي قالت مابيه قالت انساااني
شاف سيارة ابوه جايه ووقف ونزل ودخل البيت
يكره ابوه يكرها لانه خطف من ملكة قلبه

وبعد ساعتين
طلع ابوه ومعه ميار شافه وهي تركب السياره
خلاص صارت لغيره
صارت زوجة ابوه
...........................
بعد ساعه
الفندق
كانت جالسه ومنزله راسهاودموعها تنزل
تخليت لو ان كل هذا يكون حلم
او انه ترفع راسه وتشوف عزام
رفعت راسها وشافت ابوه يوسف
.......................

άηĢєŁ · 11-26-2011, 03:31 AM

موفقه

اسستمري ولاتاخرين بالبارتات

كلي ذوق وذبحني الشوق · 11-26-2011, 03:42 PM

( الباارت الثااني)

الساعه 3 صباحا
قصر يوسف
الصاله كان الكل مجتمع
سعد/ متى اخر مره كلمكم

علياء/ماكلمنا ولا مره
ريهام/ طيب كلمتم اصدقائه
بندر/ ايه ولا واحد شافه
نوال( ببرودة اعصاب)/ تلقونه مسافر ولا يبي احد يدري..
( الكل يناظرها على برودة اعصابه)
( سمعوا صوت سياره)
الجده/ هذا اكيد عزام..
( شوي انفتح الباب ودخل عزام.. الكل وقف .. دخل عزام وكان شكله مره تعبان
عيونه حمراء ووجهه اصفر)
سعد/ عزام وين كنت فيه؟؟
( عزام ناظرهم وراح لغرفته)
الجده/ عزام وشفيه؟؟
نوال/ يبي يخطب وحده ماتنفع له وانا رفضت!!
( البنات ناظروا بعض وعرفوا ان زوجات ابوهم مايدرون عن شيء)
مهند( قام )/ انا بروح اشوف عزام..
( وراح يشوفه)
...................................
جناح عزام
طق اباب ومايرد
طق الباب ومايرد
دخل وشاف عزام نايم.. وطلع
.................................................. ..
وفي اليوم الثاني
الساعه 2الظهر
الصاله
مي/ااااااااااااه مات مات
علياء/ مي انت هذي خامس مره تتابعين هالفيلم.
مي/ اموووووت على هذا الفيلم..
اسيل/ عزام ماقام..
علياء/ لا مقفل عليه الغرفه
مي/ اقول علوش اسيل امس انا وجنى وسجى جتنا فكره جهنميه..
اسيل/ الله يستر من افكاركم..
مي/ والله انها بتطلع عزام من الحزن وتخليه ينسى ميار..
علياء/ وشي..
مي/ بسيطه نزوجه..
اسيل/ مااظن عزام يوافق..
( نهااية البااارت)

يكفيني مافيني · 11-27-2011, 02:48 PM

رووووووووووعه
الله يعطيك العاافيه
بااااااااااانتظاااااارك
يكفيني مافيني

كلي ذوق وذبحني الشوق · 11-30-2011, 01:16 PM

شكرا لمرورك على موضوعي وهذا شرف لي ووسام على صدري

كلي ذوق وذبحني الشوق · 12-01-2011, 02:37 AM

( الباارت الثالث)

في جنااح عزام
كان جالس عالسرير ومعه صوره هو وميار لماكانوا بالجامعه
شق الصور ورماها
......................................
في مكان ثاني
...../ انت يالبقره قومي كفايه نوم
( فتحت عيونها وبعصبيه)/ خيييييير وشتبين...
سمر/ امي تقولك قومي الحين الساعه 6 المغرب..
...../ماراح اقوم بنام..
سمر/ يارا قومي بقولك شيء..
يارا( قامت )/ وشو!!!!
سمر/ اليوم بيرجع عبدالرحمن من لندن..
يارا( بفرح)/ حللللللللفي..
سمر/ والله..
( وبسرعه قامت يارا وراحت اخذت لها شاور ولبست بنطلون جينيز وتيشرت عادي )

عائلة ابو عبدالرحمن
ابو عبدالرحمن متوفي
ام عبدالرحمن مدرسة عربي تحب عيالها
عبدالرحمن( 26 سنه)يدرس دكتوراه
سمر( 20 سنه)بيضاء وناعمه وجميله
يارا(19 سنه) بيضاء وجميله جدا خشمه ضغير وشفايفه صغار ومليانه وعيونه لونها زرقاء طالع على جدتها ام امها لبنانيه وشعرها بني غامق بوي
يارا بنت ماتعرف النعمه هي بطريق والنعومه بطريق

( عبدالرحمن كان صديق يوسف منذ الطفوله)
.................................................. .........
بعد يومين
قصر يوسف
الصاله كان الكل مجتمع عيال يوسف وحريمهم جالسين مع بعض والحاريم متغطيات
سعد/ الا وين عزام

؟
غلا/ يقول شوي وبيجي..
( وشوي يدخل عزام)
الجده/ عمرك طويل..
عزام(وهو واقف)/ مساء الخير
( الكل مساء النور)
(كان في مكانين فاضيين جنب ياسر وجنب طلال)
عزام ناظر ياسر نظرات حقد وراح جلس جنب طلال
جنى( بحماس)/ يلا خالي سعد كمل وبعد ماشفت خالتي بدور وشصار فيك..
مهند/ اكيد خقق..
بدور( بخجل)/ بس ياولد..
سعد/ بس حبيتها..
نواف/ والله طلعتوا تحبون بعض قبل الزواج..
جنى/ وانت ياخالي بندر..
بندر( ضحك)/ اما انا سالفه ثانيه..
علياء/ يالله قووول ..
بندر/ لامو قايل بلاش فضايح..
مي/ بندوره يالله قول..
بندر/اوكي..انا حبيتها من واحنا صغار..
ياسر/ اجل عشان كذا كنت دائما في بيت خالك..
( بندر ناظر ساره وضحكوا)
بندر/ تقدر تقول هالشيء..
سجى/ ومافي رسايل حركات..
بندر ناظر عزام وعزام ابتسم..
عزام( بابتسامه خبيثه): بندر اعترف احسن لك..
بندر/ لالالالالالا واللي يرحم والديك لا..
مهند/ حتى انت بعد..
الباقي مو فاهم شيء!!!
عزام/ خولوني اقوول عاااااااااااااااااااادي..
سعد/ قووول ماعليك منهم..
عزام/ بالنسبه للاخ بندوره الرسايل ( ناظر ساره) اللي يرسله لك كنت انا اكتبها له وبعدين هو ينقله في ورقه ثانيه..
ساره(ناظرت بندر)/ حسابك معي بعدين..
بندر/ سارونتي والله مااعرف اكتب مثل العالم والناس..
علياء( بلقافه)/ ايوه كمل.
عزام/ ومهند.....(سكت) ماراح اقول
( مهند ارتاح)
سعد/ بندر معقوله ماتعرف تقول كلام حب هاللي اصغر منك يعلمك..
بندر/ انت شوف الرسايل اللي يكتبها وانت تعرف..
............ رن جوال عزام.........
وشاف المتصل رقم غريب ورد
عزام/ الوووو
......../هاي كيفك..
عزام( بااستغراب)/ من معي..
..../ اقووول بلا سخافه جب معك وانت جاي كيك انا موصيه عليه من محل...
وياويلك تتأخر...(سكرت)
( عزام استغرب وناظر الرقم)
طلال/ مين!!!!
عزام( بتفكير)/ اكيد هذا واحد من اخوياي مسوي معي مقلب..
( واتصل عزام على الرقم)
وردت
..../ خيييييير وشتبي بعد...
عزام/ اختي انت متصله علي..
.....( بعصبيه)/ والله ثم والله اذا ماكانت الاغراض عندي بعد نص ساعه لاوريك شيءعمرك ماشفته..
عزام( بيرفع ضغطها)/ والله وش هالشيء اللي اول مره بشوفه!!!!
......( وهي راصه عااسنانها)/ عبيد لاترفع ضغطي..
( ضحك عزام)/ اقوووول ياحلوه ناظري الرقم زين..
( وسكر)
الجده/ عزام من اللي تكلمها وتقولها حلوه!!!
عزام( بهمس) يالليل..
الجده/ رد علي ليكون تكلم بنات..
عزام/ افااا ياجده انا عزام اكلم ..
الجده/ اجل مين الحلوه
ريهام/ اكيد وحده معجبه بعزام ..
نوال( بغرور/ ومين يحصلها جمال ومال..

( نهاية البااارت)

كلي ذوق وذبحني الشوق · 12-02-2011, 03:13 AM

( الباارت الرابع)

في بيت عبدالرحمن
......./ هييييييي انت وين رحت

يارا/ اتصلت على واحد بالغلط وهزئته احسبه عبدالله ولد خالتي..
سمر/ الله يفشلك..
يارا/ وانا وشدراني..
سمر/ انت دائما كذا..
يارا/ اوووووووف منك ( وقامت وراحت عنها)
...............................................
بعد اسبوع
قصر يوسف
دخل الصاله وهو مبتسم وتفاجاء من اللي شافه ..كانت جالسه جنب ابوه ولاصق فيها
سمع صوت يكره صاحب الصوت
عزام/ سم يبه..
يوسف/ وراك ماتسلم..
( ميار كانت مبتسمه ومستانسه على سواليف الجده ولكن اندمت من اللي شافته نفسه هو ماتغير)
( تقدم عزام وحب راس ابوه ومد يده لميار وميار مدت يدها وسحبتها بسرعه)
عزام/ مبرووك..
ميار( بدون ماتناظره)/ الله يبارك فيك.
(عزام راح وجلس جنب علياء)
الجده/ ان شاءالله بكره عيال يوسف كله يجتمعون وتتعرفين عليهم..
فاطمه/اعتبريني مثل اختك..
(ابتسمت لها )
يوسف/ يالله حبيتي ....
( ناظر ابوه والبنات ناظروا ابوهم وفيهم الضحكه ومنال ونوال ماتوا قهر.. ام عزام تقطع قلبه)
يوسف/ قومي نرتاح فوق..
( قاموا وراحوا واول ماراحوا علياء واسيل ماتوا ضحكوا)
فاطمه/ عيب عليكم..
نوال/ وبعد يقولها حبيبتي..
عزام/شيء طبيعي يقولها كلام حلو ويدلعه لانها صغيره وحلوه..
نوال/ هذا حلوه والله ماشافت الزين..
عزام/ لانك غيرانه تقولين هالكلام..
نوال/ انا اغار من ذي..
( عزام قام وراح لغرفته وهو يتذكر شكلها مع ابوه... وتذكر كلام ريهام له)
ريهام/ عزام اللي تسويه مايجوز خلاص انسى ميار واعتبرها مثل اختك وان شاء الله انت تتجوز وتنسى ميار)
...........................................
وفي اليوم الثاني الكل اجتمع وجالسين مع بعض وكانوا يضحكون وبعض الناس منقهرين اللي هم منال ونوال
وميار كانت جالسه جنب يوسف ويوسف فرحان فيها..
مي/ بابا..
يوسف/ سمي..
مي/ متى تسوي الحفله اللي قلتلك عليها..
يوسف/ خلاص الاسبوع الجاي..
مي/ هيه انت احلى بابا في العالم..
يوسف/ عارف... بس لاتنسون تعزمون بنات عبدالرحمن..
علياء/ اول ناس هم..
نوال/ لا هم لاتعزمونهم..
يوسف/ انا قلت يعزمونهم يعني يعزمونهم..
الجده/ نوال خلاص الموضوع منتهي..
نوال( وقفت)/ انا ماعلي منكم ولدي انا بياخذ اللي انا اختارها..
( وراحت)
( الكل مستغرب الا سعد وريهام ومنال وفاطمه)
بندر/يبه امي وشفيها ...
( يوسف كان معصب وساكت وشوي )
يوسف/ياسر عزام جهزوا نفسكم ملكتكم الاسبوع الجاااي..
صدددددددددددددددمه
ياسر/ ملكت السبوع الجاي ..
على مين.
الجده/ يوسف اشلون الاسبوع الجاي..
يوسف( بعصبيه)/ الاسوع الجاي يعني الاسبوع الجاي..
ياسر/ يبه..
يوسف/ ياسر انا قلت كلمتي وخلاص..
( قام ياسر وراح... اما عزام كان ساكت ويشرب وحاط رجل على رجل ويشرب شاهي ويناظر البياله)
( الكل مسغرب ان عزام سكات الكل عارف ان عزام مايحب ابوه يتحكم فيه)
يوسف/ غريبه ساكت..
( رفع راسه)
يوسف/ يعني مااعترضت على كلامي مثل عادتك..
عزام/ليش احرق اعصابي على شيء تافه..
يوسف/يعني انك تتزوج شيء تافه..
( عزام شرب الشاهي وحط البياله عالطاوله وقام بيرو بس صوت ابوه وقفه)
يوسف( بعصبيه)/ انا للحين ماخلصت كلامي..
( التفت عزام)
عزام/انت خططت كل شيء وش المطلوب مني الحين..
يوسف( بعصبيه)/ عزاااااااااااااااااام..
سعد/ يبه خلاص هديء ..انت ياعزام روح غرفتك..
( راح عزام)
( ميارتقطع قلبها لما سمعت ان عزام بيتزوج .. ميار/ انا لازم انساااه لازم)

بعد اسبوع
قبل الملكه بيوم
بالصاله
نوال( بعصبيه)/ انت ماتفهم اقولك البنت مسترجله..
( عزام ساكت)
فاطمه/ نوال خلاص بكره الملكه وبعدين البنت حلوه..
نوال/ انت مالك دخل فاهمه
الجده/ نوال عيب عليك..
نوال/ انتم ماتحسوون يترك بنت الحسب والنسب وياخذ هذي المسترجله..
عزام قام وترك امه وراح
.......................................
ويوم الملكه

بيت عبدالرحمن
يارا/ قلت لكم انا مابيه انتم ماتفهمون..
ام عبدالرحمن/ يمااه عشان خاطر عمك يوسف انت ماتحبينه وبعدين لاتنسين هو دائما
كان الابو لكم بعد مامت ابوكم..
يارا/ يماااه انا ماابي اتزوج..
ام عبدالرحمن( بعصبيه)/ ليييييييه وشفيك انت مو مثلك مثل اي بنت تحلم تتزوج وتلبس فستان الابيض وتصير ام..
يارا/ انا غييير عن البنات انا ماابي رجال يتحكم فيني وماابي اكووووون بنت مااابي..
طرررررررررررررررراخ
( ام عبدالرحمن اعطت يارا كف)
ام عبدالرحمن/اسمعي هالكلام ماابي اسمعه مره ثانيه فاهمه
واذا رفضت انسي انه عندك ام ..
( وراحت)

نهاااااية البارت