رواية كانك نويت أتذل هالراس أخطيت كاملة تم أضافة بارت جديد

[بوح عشاق]

أتذل , أخطيت , أضافة , تارت , جديد , رواية , هالراس , ونيت , كاملة , كانك

رواية كانك نويت أتذل هالراس أخطيت كاملة تم أضافة بارت جديد

السلام عليكم

صباحكم ورد وياسمين

اليوم جايب معي رواية مره رائعه وحلوه وراح تعجبكم جميعا ض7

لاني صرت اعرف اذاوقكم


روياتنا اليوم بعنوان ان كانك نويت أتذل هالراس أخطيت

وراح تكون الرواية جاهزه للتحميل للجوال بصيغة txt

بعد اكتمالها في المنتدى



(الجزء الاول )
البدايه
وقف بشموخ وبأعلى صوته : البنت لولد عمها وانا ماارخصها ياعمي

ناظره عمه بعين الفخر وناظر بالرجال اللي مالين المجلس :السموحه منكم ولدعمها يبيها






جت تجري بسرعه وبخوف فتحت باب غرفت اختها وصرخت : لحقي يارغد عبد العزيز حجر عليك

وقفت بغضب : هو بكيفه مو كل شي يمشي على رايه انا ابغي محمد وانا قلت لمها اخته موافقه

ليش يدخل

صرخت وهي توقف والله لوقفه عند حده من شايف نفسه

مسكتها بقلق وهي مرتبكه : رغد يالغاليه هدي ماتقدرين توقفين بوجهه يااختي هي عادتنا

صرخت فيها بقهر وهي تاخذ عبايتها : انا اللي بكسر هالعادات الغبيه هالحقير يبي يذلني لكن هين

والله مااسكت له



مسكتها بقوى وبخوف :يارغد هذي والله مايصير بتوقعين رجال بشنبات ماسارت يابنت امي تبين

تشمتين العالم فينا

سحبت يدها وهي تلف الطرحه : ايه بوقف بوجههم كلهم

ياحنان اتركيني

بكت بخوف : الله يخليك علشاني يابنت امي وابوي اذكري الله الله يخليك مالي غيرك بهالدنيا

رغد غمضت عيونها بالم وضمت اختها اللي بدت تبكي : لاتخافين علي انا قدها انا بنت رجال

لاتنسين انا جدي مطلق واوقف اكبرها شنب

حنان بين دموعها : بس مو ابوي وعبد العزيز اللي الكل يحسب له مية حساب حتى ابوي وعمي

مااحد يقدر يسوي شي بدون شوره انا خايفه عليك وطي راسك للريح يااختي

مسحت رغد ادموع اختها وبهدوء : انا تربيت حصه بنت مطلق ماتعودت اوطي راسي او انكسر

امي الله يرحمها علمتني كيف اوقف بوجه الريح لاتخافين علي

تلثمت بطرحتها ونزلت الدرج بكل شموخ قابلتها مرت ابوها وباستهزاء : اوه العروس نازله وبقهر :

اكيد ترقصين لانك بتاخذين ولد الذيب وكبيرهم
ناظرتها رغد باستهتار ونظره قويه وصدت عنها وهي تقول بكل شموخ : خلك بعيده عن دربي ياصيته مانتي بقدي
يابنت حمد
انقهرت صيته : يابنت امك ايش شيافتني رغد طنشتها ومشت لمجلس الرجال ولاهمها احد


دخلت بخطوات ثابته بس ماكان فيه الا ابوها وعممها وعيال عمها وقفت ورى الباب وبصوت عالي : ماهقيتك تقطع النصيب ياولد عمي

سكت الكل بالمجلس وتفاجئ وابو راكان انصدم من بنته
ابتسم عبد العزيز ابتسامه جانبيه مو علي يابنت عمي :
تعرفين عرفنا وانتي لي يابنت عمي ومافيه نصيب انقطع

انقهرت رغد بصوت عالي : وان قلت ماابيك ياولد عمي عافتك نفسي

صرخ ابوها :بس يابنت

وقام لها وقف عبد العزيزبوجه عمه : خلها ياعم
على صوته عبد العزيز وبشموخ ووصوت استهزاء : من متى نطلب شور الحريم يابنت عمي

ردت بكل قهر : بالشرع والدين

طلع ابوها معصب ومسكها من معصم يدها وسحبها عالبيت :انتي تراددي الرجال شكلي ماعرفت اربيك

سحبت يدها من ابوها بقوى وهم في صالة البيت المفتوحه كان فيه عمتها صيته واختها حنان : لسارالموضوع عني اوقف بوجهك انت بعد

رفع يده بيضربها كف بس كانت حنان واقفه قدامه وبصوت باكي :طلبتك ياابوي امسحها بوجهي خلاص ماراح ترادد وبتوافق على عبد العزيز

تبغى تصرخ رغد بس حنان مسكت فم اختها وسحبتها معها

المصدر: منتديات بوح عشاق - من قسم: منتدى الروايات الطويله

---

v,hdm ;hk; k,dj Hj`g ihgvhs Ho'dj ;hlgm jl Hqhtm fhvj []d] Ho'dj Hqhtm jhvj []d] v,hdm ihgvhs ,kdj ;hlgm

[بوح عشاق]

طلعت فوق

صيته بخبث :الله يهديك دلعت بناتك لين سارن يعصنك يما قلت لك البنت مالها غير الشده ولابعد مخليها تدرس
تمريض هذي هي البنت استقوت عليك

ابو راكان وهو يمسح وجه:صدقتي ياصيته لكن ايام الدلع ولت قصرت راسي عند اخواني وقف انا طالع اشوفهم
طلع وابتسمت صيته بكل فرح هين يابنات حصوه جى وقت اوريكم الشغل





رمتها بقوى عالسرير :انا قلت لك وطي راسك للريح

رغد بعصبيه : ليش تسوين كذا لو ماانتي اختي كان عرفت اردها لك خليني معه والله مااسكت انا اخذعبد العزيز صاحيه انتي ولابعد متزوج و انا اللي ارضى فاهمه حتى لو رضت زوجته مو انا رغد اللي تنزل على وحده ليش مو فاهميني ان لي حق اختار لي حق اتزوج اللي ابغاه مو هم يختارو مين اتزوج هذا انتي زوجك ماجد غصب ايش مصيرك طلقك وسافر هالحقير انعدمت شخصيتك ورضيتي فيه

صرخت حنان بالم : بس يارغد بس حرام عليك
وراحت وتركتها

جلست رغد على السرير ليش ذكرتها الله لايوفقك ياعمي انت وولدك الله لايوفقك ياماجد بس ماراح اسكت بتشوفون ايش بسوي انا موحنان استسلم بسهوله

اه ياقلبي شكلي جرحتها بروح اشوفها او لا اخليها لحالها اعرفها ماتحب احد يكلمها لتضايقت




اه الله يسامحك ياماجد ايش سويت فيني شمت العالم فيني حتى اختي غمضت عيونها

واقف ببشته وجهه لفه عنها : اسمعيني انا مو موافق على هالزواج بتضلين معي شهرين واطلقك انا بسافر

ولو مو ابوي ماتزوجتك انا اشوفك مثل خواتي ومو انتي البنت اللي اتمناها
حست بخناجر تطعن فيها ودموعها تنزل مو قادره تتكلم الكلام ضاع من لسان

ها والدنيا اسودت بوجهاا ماقدرت تستوعب شي لين سمعت صوت الباب يتقفل

رمت نفسها عالسرير وهي منهاره تبكي الم

وكان الذكرى خنجر يطعنها غمضت عيونها ودموعها تنزل بدون صوت سار الالم صديقها والجرح ابوها والامل والسعاده اعداءها





بكل برود : الشرع حلل اربعه

صرخت بقهر : يالغبيه اقولك زوجك بيتزوج تقولين الشرع حلل اربعه انا اشهد انك منت بصاحيه يمال الماحي

ببرود : اوه لاتدعي انا دريت بس عادي مااحرم مااحل الله

يامريم ليش امنعه مايتزوج دامه عازني ورازني وكل مااتمنى عندي ومدلعني وماهو مقصر بشي ليش احرمه من سعادته

صرخت بقهر: انتي بتذبحيني سوير انتي تتكلمي عن زوجك مو ابوك او اخوك

بملل : هو يبي عيال ومن حقه اهم شي مو قاصرني شي وماراح يقصرني شي وبعدين انا اعرف عبد العزيز مايحب البنت المستقويه وماراح يحبها وبظل انا المعزبه
ويكفي انه قالي يعني عادي وبعدين هو ماقصر معي بشي وانا ماقدرت اجيب له الولد خله يتزوج يمكن يجيبه ولو يبي يتزوج ثلاث فوقي عادي دامه رازني وعازني ومو مخلي علي قاصر

صرخت بقوى: فالج لاتعالج وقفلت سماعة التليفون بقوى وقهر
:ايش فيك

مريم بعصبيه : اختك هالمجنونه داريه بزواج زوجها وراضيه ابتسمت ببرود وهي تبرد اظافرها : كيفها حياتها

رمت الطوله بقوى : قسم بالله ان كل وحده منكن اخس من الثانيه يامن يعطيني بوردكن
وطلعت وتركتها

الرجال يبي يتزوج وزجته راضيه ايش معصبها سخيفه صدق تبي تخرب بيت اختها رمت المبرد وقامت فوق دخلت غرفتها كانت غرفتها يالونها الوردي بدرجات مختلفه والموف بدرجات مختلفه

سمعت صوت جوالها

ماكنت اصدق باندماجك يالارواح

ردت وهي تجلس عالسرير: هلا هداوي

هدى بقهر: سمعتي ايش سار عزوز اخوي يبي يتزوج على ساره

ضحكت :هههههههههه وفيه احد مايعرف

هدى :انتي من جدك تضحكين وهو يبي يتزوج على اختك موني بتذبحيني انا اخته ومتنكده وطاقتني قهره وانتي اخت سارونه ومروقه وتضحكين

ابتسمت اماني: ياقلبي زوجته راضيه وبعدين عادي رغد بنت عمنا ايش فيها

صرخت هدى بنفاذ صبر : اقولك ضره يعني حره يعني طبينه يعني وحده تشارك اخوك بزوجته

اماني بهدوء :سمعيني ياقلبي اذا انا شفت ساره مقهوره ومعصبه كان قومت الدنيا بس ساره راضيه اذا هي راضيه خلاص حنا مالنا دخل لانخرب بيتها ياهدى انتي ومريم مالكم دخل ولاتقولي شي قدام ساره بتكونين سبب دمار بيتها بدل دخول هالضره

هدى بقهر: تدرين انك ترفعين الضغط والسكر

اماني تغير الموضوع : صدق ايش جهزتي لحفلة الدي جي انا متحمسه

هدى بصوت هادي: تدرين العتب علي الي اكلمك اقولك اخوي بيتزوج على اختك ومو أي وحده رغد ام لسان طويل تقولين حفله ودي جي ترى كنسلت الحفله وتدرين العتب علي اللي اكلمك وارفع ضغطي

اتقفل الخط ناظرت اماني بالجوال صدق سخافه طيب زوجته راضيه ايش دخلكم





متكي عالجدار والسيجاره بيده وابتسامه مايله على شفايفه ويناظر قدام الله يعينك يابنت عمي
ماقدرتي توقفي الا بوجه عبد العزيز وابوي وعمي رحتي فيها وطي
حس بيد على كتفه :ايش موقفك هنا والشباب جوى
ابتسم وهو يعدل وقفته ويمسح

على راسه بيد :ابدا بس جالس افكر باللي سار قبل يومين

ضحك :ههههههه قصدك بنت عمك والله انها قويه بنت رجال
ناظره بطرف عينه :سعد يعني مو متضايق

ناظره باستغراب :ليش اتضايق
بهدوء :يعني اختك ويتزوج عليها

ضحك سعد : عادي مافيها شي مو اول رجال يتزوج سكت اشوي هدوء وكل واحد يناظر الشارع
رجع سعد يقول بهدوء :تدري مااخفي عليك عصبت وانقهرت وبغيت اذبحه واللي قهرني اكثر ابوي مبتسم وعاجبه الوضع بس لمن رحت لااختي وشفت انها عارفه من قبل وراضيه قالت لي ياسعد سعادة عبد العزيز من سعادتي وانا مقصره معه مااقدر اجيب له العيال خله يتزوج وانا راضيه لايتزوج وانا ماني راضيه وتنقلب حياتي دامه معيشني سعيده ليش اعارض تدري وقتها يافهد
تمنيت وحده مثل اختي ساره اهم شي سعادتها وسعادت زوجها حتى لو شاركتها وحده ثانيه دامها مبسوطه معه ايش لها بغيرها لو يجيب ثلاثه

ابتسم فهد :اختك من حريم قبل واخوي من رجال قبل مستغرب شي رغم دراسته برى اكثر من سبع سنوات بس عقله ماتغير

ضحك سعد :عمرك شفت الحجر يلين



وقف بشموخ ومشى بخطوات ثقيله وكانه يقول ياارض انهدي ماعليك قدي وكان الارض تهتز من

تحته شخصيه ورزه وشموخ وقامه سكسوكته المميزه وحواجبه العريضه وعيونه المكحله برموش

كثيفه عيون واسعه كانها بحر يهابها كل شخص عرض اكتافه قمحي جذاب ووسيم

وقف وهو يسمع صوتها تناديه راح لها وهو يرسم ابتسامه خفيفه ماتغير من هيبته وثقله :سمي يمه
:اجلس ياولدي

جلس معها بهدوء قالت بصوت مقهور :ومالقيت تنزل على بنت اختي وبنت عمك غير رغيد ام لسان
ميل فمه بابتسامه ساخره :الموضوع انقفل يالغاليه ترى اليوم ثالث يوم ولاتخافين بنت اختك له الغلا والحشمه

وقف وترك امه

اه ياقهر ملقيت غير بنت حصيص تاخذه هالملسونه مين يقدر عليها ياويل قلبي عليك ياساره وهالولد طالع لبوه لاقال كلمه وش يرده الله يصبر قليبي بس


دخلت وهي تغني
ليله لو باقي ليله
قطعت الغنى وهي تشوف امها معصبها :افا افا مين معصب هيونه الحلوه
ناظرتها امها بطرف عينها بعصبيه

مسكت ضحكتها :لا بالله الزعله شينه لاتقولي عمتي هند لانها مو بالبيت عند جدي تدرين بعد اجازه وحنا طالعين بكره مزرعة جدي لاتقولي مااحد قالك

ام عبد العزيز بصرخه :رون غرفتك

طلعت رون تجري



الدور الثالث بشقه فخمه بالونها البيج والبني والبرسلان الابيض الارض تلمع دخل بهدوء ابتسم

وهي يشوفها واقفه قدامه شعرها الطويل لين ظهرها لونه بني محمر مع الحنى وعيونها الناعسه

وجسمها الي لاهي نحيفه ولاهي سمينه وخدوها الملاينه وشفايفها الورديه ناعمه بمشيتها

ناعمه بلبسها بكل شي وقفت قدامه باحلى ابتسامه دايما يشوفها :نورت ياقلبي


ابتسم وهو يحرك خصل شعرها وبصوت هادي ثقيل :
منور بوجودك ياقلبي


مشت ومشى وراها لين السفره كانت مفروشه على الارض مايحب ياكل على طاولات
جلس وجلست جنبه ابتسم بحنيه :يعطيك العافيه ياسارونت قلبي
ابتسمت وبدلع :الله يعافيك ياعزوز قلبي
بضحكه خفيفه :لاتقلدين


ابتسمت له وجلس ياكلو بهدوء مايحب احد يتكلم على الاكل وهي تحترم هدوءه بعد ماخلص اكل قامت معه

عبد العزيز بهدوء :جهزتي اغراضك لمزرعة جدي بكره
ابتسمت :ايه جهزت كل شي




واقفه عالدرج وبقهر وعصبيه :مو رايحه لو يفرشو لي الارض ورد

صيته باستهزاء :ومين يفرش لك ورد زوجت عمك هيا ولازوجت عمك الثاني مزون اصحي يابنت حصيص

نزلت رغد بسرعه ودفتها بقوى :امي ماتجيبين طاريها

عدلت صيته وقفتها :الله يعين ابوك ياقليلة التربيه
صدق حصوه ماعرفت تربي

انقهرت رغد وجت بتكمل عليها بس حنان وقفت قدامها
وصيته دخلت غرفتها بسرعه اما حنان عطتها كف محترم ناظرتها رغد بقهر واستغراب

حنان بقهر : عاجبك الناس تقول حصه ماعرفت تربي بتضلين لمتى كذا خربتي سمعة امي تتوقعين الله يرحمها راضيه عنك

رغد بقهر وهي تحبس دموعها بكل شموخ :بترضى عني لوافقت على عبد العزيز بترضى لنذليت لابوي واعمامي
اللي ذلوك قبلي

رفعت يدها حنان بس مسكتها وضغطت عليها وبين اسنانها :ايش دخل احترام الكبير بزواجك مهما كانت زوجت ابوك ملسونه بالنهايه حرمه كبيره واذا على الروحه بتروحين ورجلك فوق رقبتك وذا مارحتي واحترمتي الناس لاعاد تكلميني

طلعت حنان ورغد صرخة :كل هذا لانك عارفه اني احبك ومااقدر اقولك لا بس لعلمك انا رايحه بروح لجل اوقف كل واحد عند حده وزوجات عمانك اعرف كيف اسكتهن مالت عليهن من حريم
وطلعت غرفتها مقهوره



كيف اقوله ايش راح يسوي الله يهديك ياماجد مالقيت غيري مشى بقلق طق مكتب ابوه جاه صوته :ادخل

دخل بهدوء :السلام عليكم يبه
رفع راسه بهدوء :وعليكم السلام حياك ياسعد

دخل وجلس قدام ابوه وسكت ناظره ابوه باستفسار :ايش عندك

سعد بتوتر وهو يفرك يده اللي بدت تعرق خايف من ردت فعل ابوه :يبه
سكت

ابو ماجد :قولي ايش عندك

سعد تنهد :يبه ماجد جاي السعوديه طيارته الان بتيجي

وقف ابو ماجد بعصبيه : لابارك الله فيه هذا ايش جايبه بعد ماسود وجهي لا اشوفه ببيتي

قرب سعد من ابوه وباس راسه : يبه استهدي بالله ماجد مهما سار ولدك وسندك والظفر مايطلع من اللحم واللي سار قسمه ونصيب بعدين ولدك رجع لك دكتور يرفع راسك

سكت ابوماجد وسعد ينتظر ردت فعل ابوه
ابوماجد بعد تفكير: يرجع بس يرضى بشروطي ويرجع بنت عمه

توهق سعد اكثر لو تدري باللي سار ايش تسوي لتقطع رقبته : يبه مااتوقع بنت عمي ترضى ترجع خلي السالفه بعدين اللحين افرح بولدك جايك دكتور

سكت ابو ماجد :طيب خلاص

طلع سعد وهو بنفسه رحت فيها وطي ياماجد قابلته امه
:بشر

سعد :يقول لازم يرجع حنان

ام ماجد بعصبيه :وشو يرجع بنت حصه بعد مافضحتنا اختها بالعرب

سعد يهدي امه : يمه ولدك يستاهل ولايطلق بنت عمه ومالها شهرين

قطعته امه:عمى الدبب وهذا ولد اخوي بياخذهاعله على قلب بنتي الله ياخذها

سعد يتافف: امي استهدي بالله ولاتدعي عالناس وولدك بروح اجيبه بس البلوه اللي معه وين نوديها

امه :جيبها وماعليه باحد وانا امه

ابتسم سعد بتريقه : لصرخ ابوي تركتيه هو واللي معه
ناظرته امه بقهر تركها وهو يضحك











نزل من الطياره وهو يتنفس هو السعوديه بكل شوق أشتقت لك ولترابك ياأغلى بلد اه يحنان باقي تنتظرني انا اسف وهلاعتذار يرجع شي تنهد بالم وهو يناظر في ولده نايم مثل الملاك ابتسم وعدل له الشرشف لايستهوي وهو قلقان من اللي ينتظره



وقف عند باب المطار الله يعين ويستر عليك ياماجد بتروح فيها والله كانت بين يدك جوهره وضيعتها راجع بالشهاده ومعك ولد اكملت اوه هذا طول دق جواله رفع يشوف مين
هذا فهد :الو هاي ياقلبي

ضحك :اوه شكلي مغلط

ضحك سعد :هههههههههه لا وصلت

فهد :بشر وصل انتظر لين اوصل بيتكم بشوف الاكشن

ضحك سعد : لا تيجي لاتندفن معه بنفس الحفره ههههههه

ضحك فهد :هههههههههه

سعد وهو يناظر قدامه شافه ماشي ومعه طفل قال باستعجال : يلا اشوفك على خير هذا كبش الفداء وصل

ضحك فهد :الله يعين

قفل جواله ومشى له سلم عليه :هلا والله وغلا

ابتسم وبصوته المبحوح : هلابك زود كيف الديره والاهل

ابتسم سعد وهو يرفع الشرشف ويشوف البيبي :يابعد قلب عمك طالع قمر علي

ابتسم ماجد : بسم الله على ولدي منك

عدل سعد وقفته وراح لمكان السواق وهو يقول : يطول يوصل لعمه

ركب السياره وماجد فتح الباب الخلفي حط كرسي البيبي اللي ماكمل سنتين ربط حزامه الامان وركب قدام

قفل الباب ولف على سعد بتنهيده : عطيني الاخبار وردت فعل ابوك

ابتسم سعد وهو يسوق: ابد بس قال حي الله ولدي وقام يرقص

ماجد بقهر: سعد مو وقت مزحك

سعد بجديه : والله واصله حدها مع ابوك اتحمل ايش يجيك وفوق هذا كله ترى مايعرف عن ولي العهد اتحمل مايجيك وازيدك من الشعر بيت لمن قلت له اني رايح اجيبك دق على عمامي يعني فضيحه بجلاجل على قولة اخونا المصرين

تنهد ماجد :هذي حياتي وخياراتي ولا احد له دخل فيها

ابتسم سعد باستهزاء:شكلك انت وبنت عمك تبون الحريه غصب حتى لو بالغلط

لف عليه ماجد :أي بنت عم

ابتسم سعد باستهبال :فاتك فيلم بطلته رغيد وولد عمك عزوز

اول ماسمع اسم اختها تذكرها كيف حالها من بعده تذكره ولانسته اكثر انسانه ضريتها بحياتي ماتستاهلين ياحنان ماسار لك كنتي الضحيه كتنت مراهق متهور كل همه يكسر كلامهم وينطلق يدرس اللي يبيه برى



:مامي شتسوين غريبه كل هالغدا واو شكله يم يم
امها بابتسامه :فيه مفاجئه حلوه

موني بابتسامة تريقه :ليكون عزوز تزوج رغود

ناظرتها امها بقهر بعد ماغابت ابتسامتها :انقلعي عن وجهي ياوجه البومه هذا وقت تكدرين فرحتي بولدي

صرخت موني بفرحه :وااااااااااااااااااااااااااااااو مجودي جاي

صرخت امها اعلى :انقلعي عن وجهي كانك نكدتي فرحتي

طلعت اموني وتركت امها جلست عالكنبه بقهر من هالسيره مالقى غير بنت حصيص انفتح الباب وانجلى كل همها وارتسمت الضحكه على وجهها وهي تهلي وترحب
ياهلا والله بالغالي وولد الغالي

ضحك سعد :كل هذا لي مشكوره وراح لها يضمها دفته عنها :روح هناك انا هلي بهذا وهي تقرب من ماجد وتضمه يابعد قلب امك

سعد يسوي انه زعلان : لاخلاص طاح كرتي لف وجهه وشاف الاكل عالسفره ابتسم بفرحه وجلس عالسفره :اشبعي بولدك وانا اشبع بهالاكل

وقفت وهي تناظر فيه ودموعها بتنزل :كل هالسنوات غايب خفت ماشوفك ياولدي
ابتسم لها وهو يبوس يدها : لاتكدرين حالك يالغاليه هذا انا رجعت كان ماسك ولده بيد ويديبوس
يدها رفع لها وابتسم : هذا ولدي شالته بيدها وهي تبوس وتشمه : يابعد طوايف هلي وريحة ولدي


ابتسم ماجد وهو يمنع عيونه من الدموع :اقول يالغاليه مو كان الحوت اكل اكلنا

صرخ سعد والاكل بفمه : ماحوت غير ولدك قربت منه امه : انتظر ابوك يمال

[بوح عشاق]

قطع كلامه دخلت ابو ماجد قرب منه ماجد كان بيقسى
عليه بس قلب الابو ماقدر يقسى عليه ضمه له وهو يتنهد قال بصوت واطي ماسمعه غير ماجد :كسرت ظهري

ماجد بغصه : ماعشت ياابوي ماعشت

ربت ابوه على ظهره وهو يبعد عنه ويرسم ابتسامه فرح
لرجعت الغالي بكره

نزلت موني تجري :مجووووووووووووووووودي

راحت له وارتمت بحضنه اخوها الغالي سندها بكت بحرقه
:اشتقت لك يادب

ضحك وهو يمسح على شعرها : موني موني ماتغيرت

موني وهي تبكي : ست اسنين اتغير كثير

بلع غصه وسكت ماقدر يحكي بعد صمت فتره : يلا ناكل هالحوت خلص اكلنا ضحك كلهم وجلس عالسفره ام ماجد حطت الولد عالكنبه ماتبي تصدم ابو ماجد ويشوفه

نزلت مريم ناظرت شافت ماجد وعرفته بعد ماجد وقف يبي يسلم على مريم بس مريم مشت من جنبه وجلست عالسفره بدون ولا كلمه الكل سكت بس موني ناظرت بالولد اللي على الكنبه نايم صرخت : اوه بيبي في بيتنا



نزل ابو ماجد ملعقة الاكل الجو توتر وام ماجد اطالع بماجد وسعد وسعد يغمز لاامه بس امه ساكته ناظر فيهم ابو ماجد يبغى تفسير بلع ماجد ريقه :ولدي


انتهى البارت

[بوح عشاق]

(الجزء الثاني )

وقف ابو ماجد وبصرخه :اطلع برى وخذ هاالخمه معك اطلع برى

وقف ماجدبيروح
وام ماجد اتناظره بالم وترجع تناظر زوجها بترجي :الله يخليك يابو ماجد افهم

ابو ماجد بعصبيه : ماجد مات انا ابو سعد وناظر بماجد اللي نزل ياخذ ولده : وانت لااشوفك

ام ماجد بين دموعها :طلبتك هالمره سامحه

ابو ماجد بعصبيه : كل مره اسامحه طلق بنت عمه بدون سبب وسافر يدرس برى بدون مانعرف عنه قلنا طيش شباب ويرجع ويعقل ويرجع بنت عمه ويصلح غلطاته يرجع لنا بولد


ام ماجد وهي تمسك كتفه وعيونها كلهم دموع وهي تشوف ولدها طالع بولده اللي صحى ويبكي كانه يعرف اللي يسير لابوه

ام ماجد وهي تترجى بكل خضوع وبكي: طلبتك سامحه علشاني طلبتك صرخت لماجد خلك هنا لاتطلع

وقف ماجد بمكانه ولف شاف امه كيف تترجى ابوه كره نفسه اللي حط نفسه بالهموقف ومن داخله يبتسم بسخريه هذا ذنبك ياحنان جالس ادفع الثمن طردتك بدون سبب

صرخ ابو ماجد :يامره لو ماسكتي عليك يمين الطلاق
طلع ماجد بعد ماشاف حال امه ماقدر يهدم حيتها وانسحب من المكان وهو يضم ولده


وموني ومريم مسكو امهم يبعدوها عن ابوهم
لايقع عليها الطلاق




وقت العصر جالسه تقراء مجله معها كاسة كوفي بس

بالها مو مع المجله فاتحتها بس كذاتنهدت ياربي كيف

اقدر اخليها تحفظ لسانها هالبنت بتهبل فيني الله يرحمك
يمه كانها الكبيره وانا الصغيره كيف اقدر اخليها هاديه كل

هالمده والله لتهبل فينا واعرف جدتي كيف تغلي ساره

زوجة عبدالعزيز وكيف تكره رغد

قطع افكارها صيته جالسه جنبها هذي شكلها بتجر شكل

بسكت اعرفها تسمني بكم كلمه وتقوم تحسب اني

ساكته خوف انا ساكته لان الرد عالسفيه مذله

قطع افكارها كلام صيته اللي خلى الكوب ينكب عالارض والمجله اطيح تلقائيا ناظرت بصيته بعدم تصديق ابتسمت صيته بشماته : يؤ يؤ كل هذا لانو قلت ماجد رجع


ماقدرت تتحمل اول مره اعصابها تفلت وقدام مين صيته حاولت توقف رجفت يدها فضلت الهروب على الجلوس معها طلعت فوق وكل شي يرجف فيها قلبها يدينها حتى

رجولها يالله تمشي وصلت لغرفتها مئواها من كل الالم

والهم اتمسكت بالسرير بقوى هذا هو المنشود رمت

نفسها عليه بنهيار وهي تبكي رجع ورجع الالم معه تكره

تحبه خاين وتموت فيه حقير وهو دنيتها هو المها وهو

دواها تناقض كبير شهقت بالم وهي تبكي كل الايام اللي
فاتت كوم ووجوده بنفس المكان كوم ثاني اكيد بيجي

بكره وبتشوفه ياهم قلبها هماه ليش ذ بحني كنت اكرها

وخلاني احبه ليته ظل يكرهني ماعاملني كاختها
غمضت عيونها بالم

ناظرت فيه وهو يضحك :قلت لك ياحنان خليني اطبخ

ابتسمت وهي تستمتع بضحكته :اوه قلت لك مااعرف

اطبخ امي مدلعتني تبيني اطبخ جيب جاهز شغاله عندك

ابتسم : افا فيه اخت تجوع اخوها

طعنه قويه ابتسمت ابتسامه باهته : خسى الجوع باستهزاء ياخوي
بكت بالم بكت بحرقه جرحه ماجد لمن تركها ومارحموها الناس من كلامهم رجع ليش يبي يكمل عليها عذبتني يماجد وبتعذبني اكثر برجوعك

[بوح عشاق]

رمت البلوزه في الشنطه والله لهبل فيكم ياعيال الذيب انا

رغد تبون تزوجوني هالشيبه ايش شايف نفسه ماكفاهم

حنان اذا ماحرقت قلبوكم كلكم مين يطولني رقبتك ياعزيز

اخنقك اذبحك اقطعك شالت بنطلون من الدولاب ورمته

بالشنطه وانا غصب لازم اروح بس خليني اروح وارفع
ضغطهم ماراح اخليهم يتهنون بشي وانا بنت حصه ناظرت

الساعه اوف صلاة المغرب بروح اصلي راحت صلت

وطلعت من غرفتها نزلت تحت اوف يعني مااشوف الا وجه

البومه يلا اطقطق عليها اشوي راحت واخذت جهاز الرموت


من قدام صيته وجلست حطت رجل على رجل ولفت عن القناه صيته بعد مااستوعبت الوضع :يابنت انتي ماعندك حشمه

ضحكة رغد بتريقه : صيتوه هذي وين يبيعوها

صيته عدلت جلستها وبنظرات حارقه : صدق كيف تعرفينها يابنت حصه

رغد بابتسامه عريضه : ايه تدرين بعد انا بنت حصه بنت مطلق اللي ماقدرتي توصلين لمستوها اذكرك مكانك

صيته بتريقه :عارفه مكاني انا بنت الذيب وعمي عزام
مو انت وامك بس اللي بنات اصل

ضحكة رغد بصوت عالي تبي ترفع ضغطها : اوه مااقصد مكانك الاجتماعي اقصد قلب عبد الرحمن الذيب تعرفينه اللي يقولون كان ابوي


دخل وهو يسمع اخركلام بنته وناظرها بقهر: يعني واللحين مو ابوك


لفت عليه ولاهز لها جفن ناظرت بصيته اللي سكتت مره

وحده وناظرت بابوها وابتسمت بسخريه : ايه اللي رمي بنته على واحد حقير


قطعها بصرخه : شكلي صدق ماعرفت اربي هذا ولد عمك لاتقولين عنه كذا


وقفت وهي تصرخ : اصلا انت عايش بهالدنيا كل يومك شغل ولا عند اخوانك مثل مارم ماجد بنتك بيرميني هالواطي الثاني


كف قوي صداه بالبيت كله صمت خيم عالمكان من غير ابتسامت شماته بردقلب صيته

سارت تتنفس بسرعه وقهر هالكف ماراح تنساه ناظرت

فيه بكل حقد وبصوت واطي يرجف بدموع محبوسه :من

اليوم لساني مايخاطب لسانك وعيوني ماتشوف عينك

لانك من اليوم ميت الله يرحمك يبه الله يرحمك يبه

طلعت فوق وهو واقف وكان الارض تهتز من تحته ولا

يتخيل اكيد هذا حلم كابوس اه يامقاوها عند الله يابنت
الغاليه يامقواها عند الله قربت منه صيته وسندته لين

جلس عالكنبه فتح ازرار ثوبه برجفه وصيته بخوف تساعده

بصوت مبحوح :جيبي مويه


راحت صيته وهو سرحان يتامل هالكلام الكبيره بنته تبرت

منه يااخر الزمن ياعبد الرحمن يااخر الزمن ياعبد الرحمن

نزلت بعد ماقررت انها ماتجلس بروحها شافت رغد تدخل

بسرعه ماحبت تكلمها من بعد ماهزئتها مالها عين


اتكلمها وصلت للصاله اللي تحت شافت منظر ابوها كسر قلبها وجرت له مسكت كفه بخوف :يبه ايش فيك

جت صيته بكاست المويه وبقهر: جايه اتكملين عليه بعد اختك

ناظرتها حنان بصمت يعني رغد

ابوها بصوت واطي: خلاص ياصيته


صيته بقهر: خلها تعرف سوات اختها اللي هبلت فيك ولافيه بنت ترفع صوتها على ابوها


قامت حنان بقهر وصيته تمد كاست المويه وتخفي

ابتسامتها قالت هالكلام وهي تعرف انها بتشب بين
حنان ورغد طول عمر حنان تموت في ابوها وافقت غصب

على ماجد وهي ماتبيه لعيون ابوها ومع انها اطلقت بس

مالامت ابوها حتى لما لام نفسه



فتحت الباب بقوى وبكل قهر شافتها جالسه عالكومدينا وساكته وعيونها مليانه دموعه مو راضيه تنزل وخدها احمر بس ماقدرت مااتتكلم : تبين تذبحينه انتي صاحيه يالمجوننه ابوك


ناظرتها بهدوء وصوت هادي: مات

قربت منها بخوف :مين

ناظرت الفراغ:الله يرحمه

هزتها بقوى وهي تصرخ :مين اتكلمي مين

رغد بهدوء :ابوي

كف ثاني على نفس المكان بس هالمره الكف اقوى لانه

من الغاليه هالمره مو يد تنمد عالوجه لاخنجر قوي ينطعن

فيه القلب والروح الام الثانيه خسرت الابو بتخسر الاخت بس ماكان فيه فرصه تتكلم لان حنان اسم على مسمى

الحنان صفاتها ضمتها بقوى على صدرها وهي تبكي بس رغد ولادمعه نزلت صمت رهيب كن الروح فارقت الجسد كان الهوى اختفى والخنجر فعل فعايله



لانطعن الواحد تروح الروح وهي مريضه الطعنه تذبح تذبح وتحرق لسارت من اغلى البشر بهالدنيا


ناظرت فيها وهي ساكته ولاكلمه ولاحتى دمعها سحبتها معها كانها تسحب جسد فاضي نومتها عالسرير غطتها وجلست جنبها وسارت تمسح على راسها ودموعها تغرق شعر رغد ورغد لاحياه لمن تنادي

بدت بصوت غارق بالبكى وبغصات تغني : رغوده ياحيات اختك وهي تهزها ورغد ساكته
كملت تغني وهي تبكي بالم
:نامي يابعد عمري انا جنبك ياغلا روحي

رغود يااحلى بنوته كل العشيره يحبونها اجمل من كل البنات وعينها مثل الغزلان رغوده يابنت امها رغوده ياخت اختها بكت وماقدرت تكمل وهي تدفن نفسها جنب اختها معاد تتحمل اليوم انهارت ومافيها شده عالالم

ورغد ساكته وكان كل شي ماسار معها وبس عيونها تلف بالغرفه لمن سكتت حنان لفت عليها وشافتها تبكي ودافنه نفسها قربت منهاوضمتها وبصوت واطي هادي:
لو منتي امي الثانيه كان ذبحتك

ابتسمت بين دموعها رغم كل الالم بس رضى رغد شال هم كبير كانت بتشيله رفعت راسها وشافت ابتسامه خفيفه قالت بين ادموعها :طلبتك
رغد بهدوء :ايش
حنان برجفه :عمري ماكرهت ولا احب احد ومااعرف اخذ حقي من احد ابيك تحرقين قلبوهم مثل ماحرقو قلبي


تنهدت رغد :ماطلبتي بخليهم يتندمون عالساعه اللي عرفونا فيها وساروه

[بوح عشاق]

قطعتها حنان :لا مالها أي ذنب ماجد ماجد وبس ماجد


ضمتها رغد بهدوء: ماجد وام ماجد وابو ماجد وطوايف ماجد وحتى ابوك
قطعتها حنان :ابوي لا طلبتك


رغد باستهزاء :اطلبي بس


هدوء
اتكلمت بعدها حنان :تدرين صعب انك تكرهين انسان لحد الجنون وتحبينه لحد الجنون

رغد بهدوء :ماجد


حنان وهي تبكي وتهز راسها :ماجد






شمس جديده طلعت تعلن عن يوم جديد بحيات الجميع

بيت ابو عبد العزيز نزلت بشنطتها السماويه كبيره من

القماش وبيدها الثانيه الاب توب صرخت :انا جاهزه


ابتسم فهد :واخير الاميره ديانا ابوي لودرى عنك ياويلك انا قايله بنلحقكم اللحين هم في بيت عمي ابو ماجد


نزلت بسرعه :اول شي تخسي ديانه تاصل لنص جمالي ابتسم فهد باستهزاء صرخت عليه لاتبتسم ثاني شي العروسه هدوه اخرتنا كله فوق


ضحك فهد :ههههههههههه والله ماتدرين وين ربي حاطك هدى راحت مع ابوي

فتحت عيونها :قول قسم هالنذله


سحبها من شنطتها :يلا بس اطلعي لايوريك ابوك كملي دعى بالسياره




بهدوء ووبصوت ثقيل : ماعليك انت بس تعال لنا بكره المزرعه ومايسير الا اللي يرضيك


براحه :والله اني عارفك انك ماتردني خايب
ابتسم :ولو نبي خدمه لك


قفل جواله لفت عليه بحزن :ماجد
ناظر لها وبهدوء : ليش كل هالحزن مصيرهم يتصالحون


رفعت الفاين تمسح دمعه :بس ابوي حلف على امي بالطلاق يعني السالفه مو هينه


مسك يدها ولف عليها :لعيونك هالحلوه اطير العالم كلهم واسوي استنفار عند كل الرجال واخليهم يسامحونه ويبسون فوق راسه ايش تبين بعد


ابتسمت :الله لايحرمني منك يااغلى عزوز

ناظرها بنص عين ضحكة :اقصد حبيبي وعمري وحياتي عبد العزيز رضيت

ابتسم وهويرفع حاجب :اكيدبرضى ياقلب عبد العزيز

ابتسمت : يلا ننزل كل شي تحت وابوك راح


ابتسم وهو يعدل وقفته : يلا مشينا مسك يدها ومشت معها وهم نازلين بصوته الثقيل :ساره
ابتسمت وهي تعدل اللثمه :يلبيه
ابتسم :الله لايحرمني منك
ساره بفرح: ولامنك







صرخت بصوت عالي :يلا يابنات تاخرنا
نزلت حنا ن بسرعه : نازله يلا
صيته وهي تلف طرحتها : تاخرنا ينتظرونا عند بيت ابو ماجد

وقفت بثبات وهي تبلع ريقها بخوف نزلت رغد بصوت عالي : ياوجه البومه ايش هالصوت يجيب اخر الدنيا


ناظرتها صيته بقهر : انتي ماتنهدين


ابتسمت رغد تغايضها :لا ياقلبي ماانهد اشرت على قلبها هذا مثل الصخر ومشت تتمخطر قدام صيته اللي شبت قهر وحنان ماسكه ضحكتها وطلعت مع رغد


ناظرتهم صيته بقهر : الله يحرق اعصابكم مثل ماتحرقون اعصابي ولايبين فيكم كل يوم تزيدون قوه
لحقتهم وركبت السياره كانت هدوء السواق يسوق وابو راكان جالس جنبه والبنات وصيته ورى مشى السواق لبيت ابو ماجد







يلا ياعيال اخواني راحو ناظرت فيه وهو جالس : وانت مو رايح
ابتسم وهو يناظر شاشة الاب توب :لاتخافين بلحقكم مو طاير
نزل وهو يعدل شماغه :يافديتك ياقلبي جاهزه
ناظرته بقهر : لا ابدا


ابتسم وهو يغني : لاتزعلون منور من يزعل منور يزعلني
ابتسمت غصب : بس شاطر بالكلام يلا مروان تأخرنا

ابتسم مروان وهو يضبط العقال :من عيوني يااحلى ام مروان

لف من شاشة الاب توب : اللحين تستعجلينه وبنتك الدلوعه فوق تتمخطر

نزلت بهدوء ونعومه وبدلع : اوووووه فيه ناس يغارون مني يحشون فيني الله يسا محهم

قال بتريقه وهو يتمسخر: اوه في ناس يحشون ياشين الدلع عالبقر
صر خت بدلع :مامي شوفيه يقول عني بقره لفت عليه هين ياتروك

ابتسم مروان وهو يضبط ازرار ثوبه :اصلا ايش عليك منه انتي احلى بقره ضحك مروان وضحك تركي

دانيه خبطت برجلها على الارض: مامي شوفيهم يتريقون علي

ام محمد : بس انت وياه بتذبحنا السوالف واخواني اجتمعو بس ينتظروني بسرعه

مدت بوزها دانيه وطلعت وطلع وراها مروان امهم لفت على تركي اللي رجع لشاشه وانت قسم عظيم لو ماشفتك اليوم المغرب بالمزرعه ياويلك
ضحك تركي : من عيوني ياام محمد بتشوفيني المغرب يوم تردين


طيرت عيونها فيه ضحك :اليوم اليوم لاتخافين

ناظرته بقهر : الله المستعان على كذا عيال وطلعت وتركي يضحك

ركبت السياره وهي معصبه :اخرتونا عن اخواني

ضحك مروان :يمه كلها الشارع الثاني وحنا عندهم
مشى لين وصل البيت

كان تقريبا الكل وصل الا عمه ابو راكان نزل عندالشباب وامه واخته دخلوا







دخلت السياره وقلبها يدق خوف ماتبي تشوفه ماتبي

تحزن لو بيدها ماجت اصلا جالسه بقلق على اعصابها

[بوح عشاق]

اول مادخلو ناظرت الشباب واقفين على جنب ايش كثر

اكرهكم يعيال الذيب وينه هالخايس مسوي فيها كبير مع

الكبار هالشيبه حست نفسها مكتومه ونفسها تفش

حرتها باحد بس مو قادره

نزل ابو راكان وصيته فتحت الباب بتنزل صرخت عليها رغد بقهر : هيه هيه انتي وين رايحه

ناظرتها صيته بقهر :استحي على وجهك تكلميني بهالاسلوب سكوتي عنك مايعني خوف

ضحكة رغد :كل هذا وساكته يرحم امك لو تكلمتي شتسوي وبعدين لاحقه على الحش انتي وخواتك ارجعي خلينا نطلع بس


صرخت عليها بقهر لدرجة الشباب لفو عالسياره وكان الكل يسمع صوتها صيته فلتت اعصابها وماحست باحد
: انتي ياقليلة الادب ماتعرفي تمسكي لسانك يبيلك احد يربيك من جدوجديد ماتعرفين تحترمين الاكبر منك حسبي عليك من سلعوه


ضحكة رغد ترفع ضغطها وصلت صيته حدها وقفلت الباب بقوى بجيت ابو ركان :ايش سار


صيته بقهر وهي اشوي وتبكي :بروح مع واحد من عيال خواتي هذي مو راكبه معها

وراحت نادها سعد وهو مقهور وحاس انها اكيد هالسوسه الله يستر منها والله بتخزبقنا كلنا

لفت عليه صيته ابتسم لها : ايش رايك يخاله تخاويني

بهدوء : ايه بخاويك

كان واقف وهو يشوف نظرات الكل عليه حتى الحريم اللي

لحقو اخر كلام صيته مشى بهدوء عادي والمفاتيح بيده

وهو يمر على سيارته ناظر نظره عسيارة عمه لو تهد

جبال انهدت لتفجر اصخور اتفجرت قطع صغيره

قلبها اهتز خوف ناظرت باختها اللي مارف لها جفن كان

باب السياره مفتوح النظره مباشره بس ياجبل مايهزك ريح
قالت لها بخوف : رغد مو كذا

رغد بهدوء : طلبتك مو كل بعد موقف مسكتتني انا اوعدك اذا احد ماغلط علي مااتعرض له بس لتكلمو ببهدلهم

حنان :طيب ليش فجرتي بصيته

ضحكة رغد :ههههههههه فشت حره

دخل السياره وهو يسمع ضحكتها وبصرخه : انتي ماتستحي

ولا كلمه لف عليها لقها اطالع من الشباك على برى ولا كانها تسمع شي حس بالقهر نفسه ينزل وبعقال يعلمها كيف الادب صرخ بقهر :حنان قفل الباب

قفلته حنان وهي ترجف وحمدت ربها ماشافت ماجد

[بوح عشاق]

جهز الاكل اخوانك قربو يوصلو

جلست عالارض جنب امها :خلاص كل شي جاهز
امها بتوعد :سمعيني ياهند قسم بالله لو تغلطي على زوجات اخوانك مالك دخل فيهن انا عارفه ان هالملسونه ماراح تعدي الموضوع على خير

هند بقهر: وكانها مي بنت ولدك مثل غيرها
ام سالم :مالت عليها من بنت ولد طالعه على امها حصيص الله لايكسبها كانها


قطعتها هند :يمه الله يرحمها وبعدين رغد مااحد يلومها لو ايش ماتسوي تبون تزوجونها غصب

ام سالم :تحمد ربها وتشكره انها ببتزوج عبد العزيز الذيب اللي تهتز له مجالس رجال مسوي لي فيها مابقى الا هي فدية بنيتي اللي الله بلاها بضره مثلها

هند بضيق : يمه ترى رغد بنت ولدك مثل ماساره بنت ولدك وتقولين ليش تغلط لانك اصلا ماتعامليها زين كله تفدي ببنات عيالك وهي ماقلتي كلمه الا مسبه بامها


ام سالم وهي تشرب الشاي :قفلي السيره اصلا ايش في امها ينحمد مافيه شي تشكر عليه غير انها جابت هالحنان الطيبه مو اختها النسره
سكتت هند بقهر






فارش حصيره وجالس عند باب البيت دخلت السيارت كلها وصل الكل نزلو يسلمو عليه

في سيارة ابو ركان
حنان بهدوء: طلبتك بدون مشاكل
رغد بعصبيه :ليش مكتوب على جبهتي مشكله اذا هم سكت انا ماارد بس اذا احد تكلم بقص له لسانه

حنان :رغد

قطعتها رغد :انزلي بس شوفي الراس الكبيره ينتظرنا اقص يدي اذا ماكان هو ورى زواجي من هالخايس

حنان وبقهر وهي تفتح الباب: الكلام معك مايفيد اروح اسلم على جدي احسن وساعدي سورامي بتنزيل الاغراض

رغد وهي تفتح بابها :خلي صيتوه تساعدها

مشت حنان جهت الجد اللي كان الرجال حوله والحريم دخلوا داخل يسلمو عالجده سلمت عليه وباست راسه وبصوت هادي :كيفك ياجدي انشاء الله بخير

ابتسم بتسامح :من شفتك يابنتي انا بخير

غصب عينها لفت بالموجودين وحمدت ربها انه موموجود يمكن صيته كانت تستفزها راحت حنان تدخل

رغد بعد مانزلت من السياره كانت تشوف جدها وابتسامته وهو يرحب بحنان وهي من يشوفها يعتسف الله لاكان جاب الغلا بيننا يا ابو سالم مشت بخطوات ثابته كلها غرور ومهمها احد كانت بتمر من جنبهم بدون سلام

بس سمعت صوته بعصبيه :مافيه سلام يابنت عبد الرحمن

لفت شافته وهو مثبت يده على مركاده ونادها ثاني : تعالي
قربت منه بهدوء ماتدري ليش راحت تسلم
واقرب شي له هو عبد العزيز وعمها سالم وابوها والباقي مو موجودين ناظرت بعبدالعزيز بكل حقد وهو ناظرها بابتسامة تحدي انقهرت منه نزلت وباست راس جدها وبهدوء :كيفك
ابو سالم بحقد :توك تسالني ماكنتي بتمشي بدون ما تسلمي على جدك هذي تربيت مطلق اكيد


ناظرته بحقد يدور أي شي على جدي قالت بتحدي :تربيت ولدك اللي انت مربيه

عصب ابو سالم : قطع هالسان


رغد بتحدي : ماقلت شي غلط ليه غلط بالتربيه تراه ولدك

ابو راكان بعصبيه :يابنت استحي على وجهك ادخلي داخل لابهالعقال

ماناظرت فيه كانت نظرتها متركزه على جدها وابوها ورها
عصب الجد وهو يسند عمره كانه يبي يقوم لها ابوها صرخ ثاني وهي ولاكانها تسمعه

الوضع قدامه غلط هالبنت يبي لها تربيه ترك جده وجلسه وقف قدامها وعطها كف صداه بالمكان كله

ناظرت فيه بحقد وبصوت يرجف : مين انت اللي تمد يدك
بس هذي مو افعال رجال
وصل حده منها قبض على يده ماسوها انه يضرب وحده ومو من شيمه بس هي تستفزه وبوصت كله ثقل وهيبه وهو ضاغط على اسنانه :راسك وزوجك قريبا يابنت عمي

صرخت وهي تناظره: تخسي بيوم اكون لك النجوم اقرب لك مني

وراحت بسرعه وهي ترجف من القهر والعبره خانقتها بس مو هي اللي ادموعها تنزل بسهوله والله لاتندم ياعبد العزيز

ربت جده على كتفه:كفو ياولدي هالحريم مايتسنعن الا اذا لقن اللي يوقف بوجههن ناظر بولده وانت ماترد بنتك لاحيا ولامستحيا

ابو ركان وراسه بالارض :يبه والله عجزت فيهاالبنت راسها يابس

ابو سالم بعصبيه :كسر راسها الله لايكسبها من بنت فورة دمي

قرب منه عبد العزيز وسند كتفه وهو يبتسم :خلاص اعصابك يالغالي هالنتفه تفور اعصابك وهذا انا بربيها لاتخاف

ابو سالم بابتسامه :كفو والله ولدي

ابو ركان بضيق :ترها بنتي

انتبه عبد العزيز لعمه وماحب يزعله : ولانها بنتك بحطها بعيوني بس عنادها ياعم
تنهد ابو راكان وهو يروح لحقه عبد العزيز ربت على كتفه :خايف عليها معي تظن باضرها

ابو ركان بابتسامة سخريه :خايف عليك منها بنتي مو سهله ياعبد العزيز واحس اني ظلمتها ادري انك

ماتزوجتها الا لان جدك طلب منك وانك بس تبي الولد

ماقدرت اكون لبناتي الابو اللي يسندهن زوجت حنان

غصب عنها وانا عارف انها ماتبي بس لانها ماتقدر ترد لي


طلب شهرين بس وتطلقت واللحين رغد متوقع اطلقها ثاني يوم


ناظره عبد العزيز بهدوء وهو يمشي معه :لاتخاف ياعم انا

رجال اخاف الله في اهلي وفي ناسي واذا على حنان

ربي يعوضها وبنتك رغد انت ادرى بعنادها بس انا طويل

بال بس اليوم لان الموضوع يخص جدي وانت تدري بغلاته
سكت ابو ركان وتنهد بهدوء








مرت بسرعها بدون ماتسلم على احد طلعت فوق غرفتها

وغرفة اختها والله مااعديها لك ياعبد العزيز وانت ياجدي

ادري انك ورى زواجي من هالثور حقود ماينسى شي

قلعت عبايتها ولبست بجامه ولادمعه راضيه تنزل من

عيونها رغم الالم بخدودها يمكن عزت نفسها حتى وهي

بروحهاا تمنعها تبكي لان عبد العزيز مايستاهل ولادمعه

شافت نفسها بالمرايه الكف مو باين الحمد الله بس اللي

استغربته عمي سالم جالس ولاسمعة له كلمه بالعداه

صوته يلعلع احسن يعله بالبلا