| |
روابط مفيدة :
استرجاع كلمة المرور|
طلب كود تفعيل العضوية | تفعيل العضوية
| منتدى الروايات الكامله منتدى, بوح, تحميل, بدون, ردود, txt , روايات, غرام, رومنسيه, سعوديه, جرئيه, حزينه, واقعيه, رواية, جرحني, اجمل, بشويش, ضمني , صار, معشوقي, غرور, رماني, الروايات, المميزه ,الكامله, المكتمله |
11-30-2011, 05:24 PM
|
رقم المشاركة : ( 41 )
|
|
عضو نشيط
|
لوني المفضل :
Cadetblue
|
|
رقم العضوية :
22014
|
|
تاريخ التسجيل :
Nov 2011
|
|
المشاركات :
126 [
+ ]
|
|
عدد النقاط :
10 |
|
|
|
56
واقفه عند باب الحرم وتناظر فيه لابس الاحرام طوويل وعريض وشعر راسه واصل لتحت اذانه
سلطان :جاهزه
الهنوف بوجل:ايه
مسك يدها ومشى معها ادخلو لساحة الحرم بدو يطوفون اسمعته يتمتم بادعيه تمنت تسمع وش يدعي فيه قعدت تسمع له ونست نفسها من الدعاء
سلطان وهو يقربها منه:انتبهي الناس سديتي طريقهم ماخذه جوه بلحالتس
الهنوف بفشله:الدعاء ماخلاني انتبه
خلصو الطواف وراحو للصفاء والمروه ترك يدها وعلمها مكان اذا خلصت تلقاه فيه راح يمشي مره يركض ومره يهدي حست برجليها تكسرت وبدوخه تحملت على نفسها واصبرت اخر دوره جات تبي تجلس معاد في مجال تحمل
مصريه وهي تقومها :لا لا ماتجلسي حتى تخلصي مره وحده ازي كده متخافيش ربنا
الهنوف بتعب: فيني فقر دم برتاح ثم بكمل
المصريه :لا يعني انا قايه من اخر الدنيا ونا الي بفهمك
الهنوف ترتفع ثاني مره وتمشي متعنزه بالجدار الخاص باصحاب الكراسي قربت من المكان الي وعدها فيه خلاص طفح الكيل بتجلس وبتنسدح بعد شافها وقفت عند المعناز راح لها بسرعه
سلطان وهو يهز راسه :تعبتي
الهنوف بتعب: المصريه عيت اتخليني اجلس اشوي
سلطان بهدؤ :كان جلستي يجوز لتعبان..
الهنوف برهاق :رجلي ماحس فيها ..خلن نطلع برى
سلطان يحس بنشاط ويناظرها برحمه :تعالي قصي شعرتس قبل ... شوفي وحده من الحريم جيبي منها مقص ناظرت الهنوف للمكان الي ياشر لها عليه وراحت لها
وقفت عندها وبسحى:ممكن المقص شوي
الحرمه:ايه تفضلي ورجعيه لي
الهنوف تضحك من تحت الغطاء:طيب ابشري.. لفت بترووح وشافت بنت واقفه هي واختها على جنب ويناظرنه
غمضت عيونها وتنهدت اهدي يالهنوف جعلهن العمى يارب وفي الحرم ..
سلطان يمد يده لها :عطيني المقص
انتبهت له طنشتهن ومدت له المقص
سلطان :ياله طلعي شعرتس انا بقصه..
طلعت شعرها له بدون شعور وهي تناظرهن خلاص يكفي ماشبعن شافت اخوهن يوم جاء وراحن معه تنفست براحه ولفت له خذا شوي وقصه فركه بيده
سلطان ببتسامه :حرير اصلي..
الهنوف تناظره باستغراب شافت شعرها بيده ابتسمت وهزت راسها مادريت عنه ..مدت يدها وطقت يده بخفيف الي فيها شعرها وطاح منه
ناظر لها ببتسامه ماعرفت وش يقصد منه امسك يدها ورص عليها
سلطان يتنهد :بيصلون الحين التروايح انتبهي للجوال معتس طيب
الهنوف تناظر يدها بيده وبتعب ابيه ..ماابيه..يحبني مايحبني.. ارمشت بسرعه صعب الشعور الي احس به معه
سلطان بستغراب:معي..
الهنوف بتوتر:وشو ؟؟..
سلطان :خليتس هناه
الهنوف تهز راسها بايه وتصد منه
راح منها اجلست في مكانها كل شي فيها مهدود حيلها ومشاعرها وعيونها الي تدور زوله كل لحظه .. في شي جذاب غصب عني انجر وراءه
قامو للتراويح صلو معهم الوتر دعى السديس بهم امنت وراءه من قلب بكل دعوه قالها محتاجتها وبخشوع خلصو الصلاه دق جوالها برقمه علمها بمكانه وراحت للمكان الي وصف لها شافته جالس على حديد المواقف
الهنوف بهدؤ:خلاص
وقف من قدامها ومشى دون لا يناظرها اوصلو الجناح دخل للحمام وهي راحت للحمام الثاني تروشت اطلعت للحجره مالقته فيها البست بجامه وطاحت على السرير بتعب نامت بعمق بدون لا تحس بأحد ادخل عليها ووقف عند الباب ناظرها بهدؤ نايمه ومعقده حواجبها بضيقه انسدح جنبها ومد اصبعه على عقدت حواجبها يفردها لها..
افتحت عيونها بشويش وارجعت تسكرها بنعاس قرب من خشمها وباسه ارجعت تفتح عيونها اسحبت الحاف عليها ودفنت وجهها فيه وهي ترجع تغمض مره ثانيه .. سلطان وقلبه يدق بقوه صد عنها بسرعه معاد ينفع الي يصير لي الحين انقلب على ظهره ويديه تحت راسه تنهد بتعب وتشتت اسحب صوته بموال خفيف
أعتلي يانفس واعقل ياخفوق...
وارقدي ياعين وارحل ياهوى...
بنصحك ياقلب لايطويك شوق...
روحته مع جيته عندي سوى...
من يحطك تحت لاتعليه فوق..
ومن يحطك فوق يبشر لانوى..
الكرامه مايوطيها مخلوق...
والنجم لاطاح قالوله هوى..
غمضت عيونها بقوه وألم حاولت كل الي تقدر عليه تبقى هاديه وتبين انها راقده ماتسمعه.. مستحيل اني اسمع الكلام هذا واقوم بكره ابتسم له الافضل اني مابين له شي ارتعشت شفايفها بوجع وكلماته تثبت بذاكرتها روحته مع جيته سوى.. اغمست نفسها اكثر وقلبت نفسها للجهه الثانيه تخفي ملامحها الي فاضت بالم
..................
عند سارة فى القريه
سلمت على المدرسات الي معها وراشد واقف برى يحتريها تطلع لها بدات اجازة المدارس لرمضان
ادخلت عليهن بسرعه :اسويرره بتروحين ذلحين
ساره وهي تلف عليها :ايه اخوي برى
مضاوي :شفته مشالله بلى انتي الله لايضركم
ساره :هههه ماعليتس نقص زين
مضاوي تمسكها مع يدها وتبرز بها :سااره لا تفهميني غلط وترى ذاه شين عادي عندنا وانتي حاسبتش منا
سااره :وش عندتس
مضاوي:ترى سعود يقول لي سلمي لي عليها وعيدها امبارك قبل حزته
ساره بستغراب وقهر:وليه يسلم علي انا اعرفه ..
مضاوي بخجل:لا والله مهوب قصده بس عندنا عادي لهوى الرجال مره وصل لها سلام مع اهله ..يالله مع السلامه
اطلعت مضاوي بسرعه وساره يرجف قلبها وهي تذكر شكله وضحكته عند باب البيت وشعره الفوضوي البست غطوتها بسرعه واطلعت والبنات يودعهن عند الباب
راشد وهو يحرك السياره :ذلحين توى ماجاء طعم العطله
سااره مهيب بوعيها وهي تشوفه ياشر لسيارة اخوها راشد
راشد وهو يحاسب عنده :هلا اخوي
سعوود وعيونه ذابله:مرحبا بكم في ديرتكم
راشد :الله يخليك ويبقيك
سعود وهو مايدري وش يقول :انا من الي يعنون لامر المدرسات الي يسكنون برى المنازل الخاصه فيهم
راشد يحتريه يكمل:يعطيكم العافيه.. دق جوال راشد لف له
سعود وهو يستغل الفرصه ويناظر لها شافها منزله راسها ناظر راشد لا يناظره شاف عينه بالجوال رجع يناظرفيها تمنى بس لوى تناظر لجهته بس ويلمح عيونها
لفت صوبه ناظرت بعيونه الي مركزه عليها نظرته جامده تنفست بسرعه ولفت راسها للجهه الثانيه
راشد يدخل الجوال بجيبه :كمل معليش
سعود وهو يلف شماغه من تحت لحيه وكنه بيتلطم :سلامتك حبيت بس اطمنك على الاهل ونهم بامان
راشد :تسلم ماتقصر
بعد عنهم سعود وش الي خلاني اتعلق فيها من شفتها بساحة المدرسه وعيونها مافارقت فكري حتى ريحة عطرها غير وصوتها وعصبيتها كلها عذبتني ...
سااره وشعور اول مره تحس به لا لا وش يبي عيونه نظرته غريبه كانه زعلان وعتبان وش يبي مني . . .
. . . . . . . . . .
فى بيت بو فهد
رمضان يرحل والناس تقضي للعيد لمياء نفسيتها عالي العال من قامت صباحية ذاك اليوم طالعه برائتها وهي منتعشه حتى خوياتها بالكليه لاحظن الي فيها..
اليوم لازم تخلص مقاضيها للبر بيشدون لبوها باقي يوم وينتهي رمضان ام فهد :لاعيدنا اول يوم روحنا
لمياء :يمه متى بيجن خواتي
ام فهد :كلهن بيروحن معنا من هناه الا غزيل بتجي هي ورجلها
فهد :حلووو بتجي هبه
لميا ءتضحك:هماك ماتحب البنات
فهد :لا ذي غير ياخي مدري وش فيها شي كذ ينغوش قلبي
لمياء :هههههه الحب وما يفعل
ام فهد :ههههه يالله جعل بعد اشوف اعياله يلعبون عنده
لمياء :امين كلهن بنات هههههههه
ابو فهد :ههههههه ياسعد عينه بهن
فهد بصدمه :استغفري طيب قولي واحد ولد
لمياء:هههههههه
ام فهد تلف على ابو فهد وبضيقه:ماتقدر تكلم رجل الهنوف تخليها تجينا...
ابو فهد :لا والله مارفعها عليه...
لمياء :يمه بيسون لها زواج بااولى العيد يمكن لاجات من عقب شهر العسل ياحظها..تجينا
ام فهد وهي تكش عليها :بلى تحاتين التمشيه..
لمياء:الا صدق ذكرتيني ادق عليها اسالها وين بيروحون يتمشون
فهد :هههههه اول مره ايطاليا اكيد ذلحين المريخ
لمياء ماتت ضحك:انشهدنك ماشفت خير عشان ايطاليا وصلتها المريخ... ....................
عند سلطان
البيت خالي الا من الخدم اهل البيت راحو الرياض قبل اسبوع يجهزون لعرس سلطان ومعهم الهنوف
سلطان بضحكه رنانه :ههههاي انا قايله من زمان ..بسس عبيط ..تنهد براحه..يااه يامحمد لو ماحصل الي ابي..
محمد بفرحه:الحمدالله احد درى بسالفته معك..
سلطان بهدؤ:ايه درت الهنوف
محمد بستغراب:علمتها..!!
سلطان ببتسامه سخريه:علمتهاا..!! هي الي افتحت الجوال وشافت الرساله من حظها كنت ظامن اني بكسبه واخسره فوق خسارته ..ولا كان جاها علم موب الي جاءها...
محمد :اوف اوف سلطااان العرس بكره وهاذا اسلوبك للعروس..
سلطان يعنز يديه على الطاوله وبتفكير مشتت:محمد جربت تعب القلب وهو له وجهين ماتدري من تطيع فيه ولا وش تبي فيهن..
محمد :وش قصدك..!!
سلطان بتغير السالفه : الى الحين ولاحد يدري اني رجعت للبيت...
محمد بستنكار :انت غاامض وكل الي حوالك تبيه واضح لك مدري كيف..
سلطان يرجع ظهره لورى وببرود:حياتي عاجبتني بغموضها بس كل شي الا اني اعيش والناس اجهل حقيقتهم ..
محمد يهز اكتافه:انشدني ..بس هذا صعب..
سلطان يوقف وينسف اشماغه: انا بمشي بعد بكره الظهر للرياض
محمد بضيقه:تمشي يوم العرس... سبق قبله تجهز حالك...
سلطان :لا توني ماسمحت على اموري هنا..
محمد: اجل اسمح لي انا بمشي الحين ازبط بعض الامور واخلص كل شي..
سلطان بمتنان :مسموح ..ماقصرت
. . . . . . . . . . . .
فى الرياض
الهنوف بصراخ على النايفه :والله يالنايفه ان افشلتس
النايفه بقهر:ترى شين هوين مالت عليتس يالقرويه
الهنوف بقهر:ماعليه قرويه مقحيه بعد اجل لاستقبلته وضميته اصير متطوره ...لااااا ياويلي جعلتس المرض
النايفه :مالت انتو قدكم معاريس من زمان وش الفايده طيب
طنشتها الهنوف وقامت طالعه لبرى وصكت الباب بقوه
موضي ترقى الدرج صوت الكعب ينسمع بصوت عالي بانحاء القصر
الهنوف:مرحبااا ام سلطان
موضي :مرحب بتس اكثر.. اوصلت عندها وسلمت عليها ..خلصتو البروفه والزفه
الهنوف بضحكه :ايه الحمدالله
موضي:وش فيتس تضحكين
الهنوف : ماصدقت الي بتسويه اختتس روحي تعلمتس وش تبي تهبب...لفت من موضي وانزلت وبصوت عالي ... اشوى ان قدني ماعلي منها ولا بتصرفني على كيفها
موضي تضحك:يمكن اعاونها عليتس ماتدرين..
الهنوف :شكلنا بنتهاد اهناك
انزلت تحت عند ام سلطان في حديقة البيت الواسعه لفت بنظرها للشلالات الصغيره معطي الجو اريحيه
ام سلطان تناظرها بحنان:مستعده ابي ارفع راسي بكل شي فيتس
الهنوف براحه وتأكيد:خلصت فديتتس انشالله ترفعين راستس
ام سلطان بفرحه :حبيبتي ياأمي واثقه.. بعد بكره تظهرين لهم وتسكتين طويلين اللسان
الهنوف بخجل من كلامها: والله ان فيني ربكه..
ام سلطان :لا احذري ..امشي وانتي واثقه والله ان اغلبهن يطلبني اخطب بناتهن له حتى امور العرس هن الي بيسنعنها
الهنوف بحراج:على خير الله يزين كل شي
...........
فى بيت الراشد
ساره تقوس فستان عند نوره:نوره شوفي يزين علي
نوره :يهبل روعه بس ناحفه شوي
ساااره وفكرها تشوش :مدري..
نوره بستغراب:وش في وجهتس حمر
سااره بربكه :نوره انا مستحيه اقولتس صراحه
نوره تقرب منها :لا تستحين اعتبريني اختتس
ساره :اليوم الي جيت في عندكم مخلص الدوام جو يسلمون علي بعض حريم القريه وجات وحده من البنات اعرفها واسير عليهم بعض الاحيان اسكتت ساره بتوتر
نوره :كملي سرتس في بير وامرتس محفوظ
ساره :يوم جاتني قالت لي..ابتسمت بتوتر .. ان اخوها يسلم علي وان والله مدري وش اقولتس
نوره :ههههه يسلم عليس كملي امانه
ساره بقهر:لاتضحكين علي افهمي السالفه اول
نوره :خلاص يالله كملي
ساره تنهد :انه يعني اذا ارسل سلام لي مع اهلها انه هاوي المره
نوره :هههههههههاي انتي رايحه لستار اكاديمي تحبين وتنحبين والا رايحه اتدرسين
سااره وهي تقوم :اقول الشرهه على الي علمتس
نوره تمسكها :خلاااص يابنت الحلال بس يعني قد شافتس ولا قد شفتيه
ساره ترجع تقعد :ايه اول مره صدمت فيه بساحة المدرسه بالعصر جاي ينزل كتب وبعده من بعيد لبعيد
نوره :شافتس بدون غطاء
ساره بحراج :ايه وبعد علي بجامه
نوره تغمز :حلو
ساره بصراحه:ايه بس نحيف موب طويل مره اقصرمن راشد شوي
نووره:راشد طووويل مره
سااره برتباك: بس هم كلامهم غير كلامنا
نوره :كيف يعني حضر
ام راشد تدخل عليهن:قومي يا ساره افرشو فرشه برى لا جاء راشد نجلس عليها
ساره تقوم :ابشري احطها تحت النخل ولا في الصبه
نوره تقوم معها :لا بنحطه تحت النخل احلى
ام راشد :افرشو في اي مكان بصلي عليها التراويح
اطلعن برى يفرشنها
نوره :كملي وش قصدتس
ساره :هم بدو نفس كلامنا بس يوشوشون
نوره :اها بس.. طيب لا يخطبتس بتوافقين بما انه هاويتس
ساره براعه ماتوقعت كلامها :يووه نوره مدري روعتيني
نوره ببتسامه :اهله موصفاته اخلاقه تعجبتس ارتاحت نفستس وافقي ولا تمالين
ساره تمسك طرف الفرشه وتسحبها :هههه الي بيشوف جاء وبخطب
نوره بجديه :اذا اخطبتس ولا ابعدي من طريقه شي نهايته زواج ياساره ولا احذري منهم
ساره ارفعت ظهرها :خليها على الله ولاتخافين مارخيت معه مع اني اشوف انه يتبسم لي وعيونه تلاحقني يعني بالنسبه لوحده لي ما يعرفونها غلط يسوي معها كذا
نوره براحه:الله يكملتس بعقلتس
.........
|
|
|
|
|
|
11-30-2011, 05:24 PM
|
رقم المشاركة : ( 42 )
|
|
عضو نشيط
|
لوني المفضل :
Cadetblue
|
|
رقم العضوية :
22014
|
|
تاريخ التسجيل :
Nov 2011
|
|
المشاركات :
126 [
+ ]
|
|
عدد النقاط :
10 |
|
|
|
57
فى بيت بو فهد
اليوم اخر رمضان بتمام الشهر ليلة العيد اصوات الشريخات ماليه الشوراع النعيريه ازعاج البزارين حتى البنات واقفات عند الباب يناظرن
نوف تدف لمياء:وخري كل الوانها شفتيها
لمياء تسحبها مع يدها:مكاني طيب
نوف بهياط راعه :بطني جعلتس المرض
منيره :ههههه يالكذوب يدتس مهوب بطنتس
لمياء :انتي تشوفين اعوذ بالله شكلي برفسها ونا رايحه
منيره:ههههههههه بتروحين تصلين معهم العيد
لمياءبستهزاء:لا بمسك بنتس
منيره تبي تقهرا تضحك:حلوووو متى اجيبها
لمياء ونوف:هههههههههههههه
ابو فهد : افرشو لنا فرشه بالصور الجوء زين
افرشوها وقعدو يسولفون عليها تعشو وبعدها راحن البنات فوق نوف رجلها رايح لرحلة قنص ومنيره رجلها بيطلع مع خوياه كشته للبر اذا حضر العيد وبتجي لهلها تروح معهم لاراح
في مسجد العيد الي في الحي جالسه لمياء ونوف وامهن تسلم على الحريم تعرفهن وجات تجلس عندهن
لمياء تهز نوف بقوه:عاني ساره جاو
نوف براعه :جعلتس الطير والله لو انها الملك عبدالله..
دارت ساره بعيونها على المصليات شافتهن وجات عندهن هي ونوره الي سلمت عليهن وراحت لامها في الصف الي قدام
سااره :سبقتونا
لمياء :تعالي شوفي نوف وش تقول ميدتس..
ساره وهي تناظرهن :قومن اول عيدن علينا
لمياء بدون اهتمام :اصبري لين انتلبس وش له شارين الملابس الجديده ساره :ههه ماعليه وش تقول نوف
نوف تبي تكلم اسبقتها لمياء وتكلمت قبلها :يوم شفتس قلت عانو ساره قالت والله لوها الملك عبدالله الله يكرمه
نوف تناظرها متعجبه
سااره :هههههههه نوف تعالي وخليها ذالمريضه
نوف بفرحه من تفشيلتها:هههه لمياء..
لمياء بقهر تقبص ساره بقوه :جعلتس تسخنين ولا تروحين معنا..
ساره تصرخ ويدها على مكان القبصه وتحسسها بالم :مجرمه
ام راشد بضيقه:اووص انتن في البيت بلحالكن
ساره ونوف راحن يدورن لهن مكان ولمياء عودت تجلس عند امها
......
عند الهنوف
ارقدت امس بدري وقامت الساعه ست ص اكيد انهم في المسجد كلهن خالتي وبناتها ماراوحو يصلون بالمسجد البيت هادي يالبى ارضتس يالنعيريه لوني اهناك كان ازعاج البيت من انصلي الفجر مع ان ما عندنا احد بالبيت صغير
تقلبت بفراشها بملل اليوم زفتها حست برعشه بقلبها وتوتر شديد مابعد جاء من سفرته ..
. . . . . . . . . . .
عند اهل النعيريه ..
مفلح كاشخ ولابس الغتره البيضاء واقف عند باب سيارته يحتري امه وعنده مساعد لابس غتره حمراء امس شراء الغتره البيضاء الي على مفلح اعجبت مفلح وخذاها منه وعطاءه غترته الحمراء
مساعد بقهر:متكشخ بغترتي وراز نفسك
مفلح يفكها ويعدلها مره ثانيه :انت تشوفها علي تحسبها بتصير عليك زيي لاتوهق..
عطاه مساعد نظره استهزاء ضحك عقبها مفلح
راشد :السلام عليكم
مفلح لف له :هلا وغلا وعليكم السلام
راشد :عيد الله عليك مبارك
مفلح وهو يواجه :جعلك من عواده من العايدين
راشد:من الفايزين ..سلمو عليهم اطلعو شيبان الجماعه سلمو عليهم وعايدهم
ام مفلح وهي تاشر لهم من بعيد
مساعد :مفلح امي تاشر لنا
لف لهم مفلح شاف امه وخالته اشرت له امه يجي وراح لهن
لمياء ملقيتهم ظهرها وتكلم ساره :لا مهيب جايه العيد ذاه
ساره :الله يعينها ويوفقها
لمياء :امين لاتنسين كاميرتس
ساره وهي تروح :لا منيب ناسيه انشالله
لفت لهم لمياء شافته قده امدنق على امها يحب خشمها ومبعد واجر امها وعايد عليها حست بنار تغلي في جوفها والشرر يتطاير من عيونها
لف للبنات وعايدهن ردت عليه نوف ولمياء تدور بعيونها اتدور سيارة اخوها شافته واقف عند سيارتهم وابوه عنده راحت لهم مطنشته والحقتها نوف
نوف بصوت قصير :يمتي منه يوم رحتي والله ان عينه ناشبه فيتس..
لمياء وهي تناظرها بستهزاء صدت منها وبقرف:مالت
نوف :يعني يمكن نفسه فيتس لذلحين وندم
لمياء :انتي نادمه انتس خذيتي مبارك.. اسالتها لانها تدري كيف نوف تحبه حب الحياه ومبسوطه معه
نوف بصراحه :لا الا الساعه السعيده
لمياء :اجل انا متاكده انه موب نادم يحتري ذالفرصه ..
نوف :وليه يبي ينفصل يعني
لمياء :لوتس الهنوف علمتس بس انتي ماينفع
نوف :من زين اعلومتس
لمياء تفتح الباب وتركب :ازين من علومتس وتسهزي فيها "حبيبي كيف اعيد وانت موب موجود" ..خخخ شوفي كيف راح وخلاتس..
نوف تدزها عشان تزحف لها وتركب :كل ذاه قهر عشان ساره فشلتس
لمياء تسفهها وتقدم من ابوها تحب خشمه :عيدك مبارك
ابو فهد :جعلتس من عواده
نوف تسلم عليها :عيدك مبارك
ابو فهد :جعلتس من عواده..عيدكم مبارك ..
البنات :جعلك من عواده..
ابو فهد: وين امكم
نوف :شوفها ذيك مع اعيال خالتي نمشه
فهد يدخل السياره :دقو عليها خلونا نمشي
جاتهم قبل يدقون ومشو الغداء عند الراشد وبيتجمعون عندهم الجماعه
. . . . . . . . . .
فى بيت بو فهد
اوصلو للبيت تلبست لمياء ملابس العيد تنوره لنص الساق مشجره بلون الطيف الفاتحه يغلب عليها لون الاخضر ضيقه وبلوزه خضرا حرير بدون اكمام شعرها بقصته الفراوله طال لنص ظهرها شافت نفسها بالمرايه راضيه عن نفسها اشد الرضى بمكياجها الخفيف بدون ظل مجرد روج وردي غامق وماسكره وكحله داخليه خضرا وحمر خدود من عرفت نفسها ماداني المكياج
اطلعت برى نوف معها عباتها وتحتري فهد يطلع عليهم من حجرته.. امها وبوها راحو على سيارتهم الجيب عليها ااغراض البر بعد الغداء بيمشون للبر
نوف :واااوووو روعه لمياء..وبسرعه.. لاتفهميني غلط اقصد الملابس
لمياء :الملابس يوم شفتيها على العرض ماعجبتس.. وبغرور.. عشانها علي بس
فهد ويفرد يديه بستهبال :يالله خواتي العزيزات سلمو علي بدا العيد
لمياء تمشي صوبه ببتسامه: فديتك كذا الصح العيد بعد الصلاه والتزيان.. سلمت عليه وباركت له العيد سلمت عليه نوف واطلعو برى رايحين لهم الساعه 11
. . . . . . . . . . .
فى بيت الراشد
اوصلو وكل الناس موجودين ادخلن مع المطبخ فسخن عبياتهن رتبن اشكالهن وطلعو للحريم عايدوهم ولميا تسلم على ساره وتوقف جنبها
لمياء :ياأختي متى تغرفون الغداء
ساره تمسك ضحكتها وبراعه:تونا نقول بسم الله
لمياء بستهبال :يعني بديتو تاكلون..
ساره :ههههههه ..
نوره تناظر لمياء ببتسامه شكلها روعه ناعمه وحلوه جمال طبيعي موب مثل البنات الي هناه اغلبهن لطخ تحسرت على حظ اخوه الاعوج سبحان الله يمكن مايطابقون كلهم نفس الطينه قامت صوبهن
لمياء :مرحبا
نوره :مرحبتين...الهنوف مغيره جوالها..
لمياء :لا توها داقه علينا عقب صلاة العيد ليش ماترد اجل
ساره :حتى انا معطيني مقفل
لمياء تطق يدها بجبهتها :يووه نسيت اليوم بيسون لها فرح يمكنها اغلقته مشغوله
ساره بستغراب:اليوم ... ليش مارحتو
لمياء بصدق:صراحه ابوي وامي كلهم استحو قالو يسون لها فرح قدها منهم وحنا بروح لبلنا وحلالنا
نوره بتأيد :صادقين اهم شي الهنوف تشوفونها وذا كماليات يهتمون لها مالنا دخل فيها
لمياء :هذا الي صار..
اذن الظهر رقن البنات فوق صلن وانزلو الغداء يغرف تغدو الجماعه وكلن تسهل الي بيروح يتمشى في البلاد والي بيروح للبر
ام فهد بعجله :لمياء امشينا ابوتس يحترينا برى نادي نوف ومنيره وياله ..
لمياء تشرب علبة البيبسي بسرعه :ياله ياله جينا.. احذفته على ساره واضحكت
ساره اصرخت وهي تنفضه من فستانها الليموني لا ينكب عليه :هين انا درايه مهيب امخليه حقها..
نوره تدخل عليها وبسرعه :ساره بسرعه خلينا انرتب المكان ونغسل عشان نلحقهم بدري..
وقفت ساره :خلاص خلي علي المجلس والمقلط وانتي روحي مع الشغاله
اركضت للمغسلة المطبخ تغسل يدها صوت ارجاجيل برى اكيد امي زعلت غسلت يدها وراحت للفوطه تمسح يديها باب المطبخ الخارجي ينفتح لفت لمياء بسرعه للباب تشوف ارتاحت عقب ماشافته منيصير ولد اختها غزيل معه سفرة الاكل حقت الرجاجيل
لمياء تجي وتاخذ منه السفره :سلم منيصير ماعيدت علي
منصور يحبها مع خدها ويتفلت منها
لمياء :ياخي شوي بسالك
منصور بيبكي :هديني بروح معهم بيخلوني
هدته وراح يركض برى وقف عند الباب حط الصحن الي معه شافها منزله راسها وتوخر باقي رز باخر تنورتها وتبعده بعجله
ارفعت راسها بسرعه عقب ماخلصت عقدت حواجبها بضيقه وكره وبنظرة قهره طنشته ولفت منه داخله لداخل البيت
دخل يده من ورى ارقبته يمسحها بتوتر .. ونفخ فمه بضيقه كل شي كامل كل شي الزين الي اتمناه وابيه تنفس بقهر ولف راجع لمواقف السيارت
ام فهد تهاوش لمياء عقب ماركبت ومشو :اخر من يركب انتي مستحيل تغيرين . . نوف تناظرها وتحرك حواجبها لفت منهم لمياء تناظر لبرى كاشخ كأنه معرس غميزته واضحه حتى وهو مايضحك تجذب الرجال كيف وحده كانت تحمل له في قلبها شي كااانت.. تسندت على السيت غمضت يونها بالم وبصوت واطي تسمعه منيره المنسدحه على السيت مثلها غنتها من قلب مجروح
لاردك الله لا ولا اطلب ترد لي
ادعي عليك بعثره في صلاتي
عثره تشلك مابعدها تقومي
يالي نقضت عهودنا الماضياتي
منيره ببتسامه عفويه:حلو صوتتس والكلمات توجع
لمياء تلف لها وفي عينها دمعها تلمع بالم : قد سمعتها بالجوال واعجبتني...
منيره بدون لاتشك :ارسليها لي انكنها عندك
لمياء وبيدها الجوال وبسرحان :مسحتها ..
نوف بدفاشه تطقها :منتب وجه شي زين
لمياء تزحف صوب الباب لاصقه فيه :موب انتي الي تقولين حظي.. لفت لامها وكلمتها ..يمه تكفين بنزل مع فهد
ام فهد :فهد معه مساعد
لمياء بقهر :اووف ماعندهم سيارتهم..
ام فهد :اطرده مفلح زاحمهم ..
لمياء بقرف ويقولونها برواقان كأنهم مستانسين عليه اي شي يسويه يعجبهم ومافيه شي.. كرهي لك بس
منيره :عسى موب ريحة بنتي
نوف :ااااه وينك يامبارك
ناظرت لها لمياء وصدت عنها حظتس يانوف
الساعه ثلاث العصر خلصت نوره وساره ترتيب اغراضهن صكن البيبان واطلعو يركبون في السياره
ام راشد قدام : صكيتو كل البيبان
نوره:ايه فديتتس الا باب حجرتس
ام راشد براعه :ليه جعل امحق
راشد يركب ويسكر بابه :خلاص نمشي
ام راشد :لا اصبر وحده تروح اتسكرها
سااره :هههههههه يمه تكذب عليس
نوره تضحك :امزح عمه ابي اشوف قد ايش غاليه عندتس
راشد بدون صبر :يعني نمشي
ام راشد :ايه امش امش
مشو من النعيريه على العشاء بيصلون لرماح
.........................
زواج الهنوف وسلطان
مغمضه عيونها والخبيره تضع لمساتها الاخيره وترفع يدها
سوار :تمااام الهنوف مابتطالعي في وشك بالمرايه الا بعد مانخلص من كل حاجياتك
الهنوف ببرود بااطراف اصابعها:مافيه مشكله كم الساعه الحين
سواار تناظر ساعتها :تسعه بتمام تفضلي لغرفة التبديل اذا بتسمحي
قامت معها والبست فستان الزفاف الابيض ادخلت عليها موضي والنايفه اضحكن بفرحه من شكلها الجميل وهن يتكلمن وش بيسون اهلهم برى ناظرتهم بقلق يتكلمن بشي وانا احس بشي ثاني ياحظها لمياء مشالله كلهم اكيد هناك تعبت عيونها بالدموع من غير شعوور
النايفه براعه :الهنوف لاتصيحين مكياجتس حرام
موضي بحنان :وش فيتس كل هذا خوف..
الهنوف ترفرف برموشها تخفي دموعها : مرتبكه شوي ..
راحت موضي تزبط زفتها كلاسكيه منوعه بصوت العصافير وانغام موسيقيه اختارت موضي القصر بليلته الرومنسيه حمراء وطوالات المعازيم شموع على ضوء القمر ليون اخوها سلطان
وقفت الهنوف على الدرج ونظرها على الصاله كل شي خيالي ماخلت موضي شي ماسوته حتى البدر في ليلة كماله جايبته مجسم في نص الصاله يضي بالونه المعروفه ويوقف شوي عشان يعكس لون احمر مناسب لجو الصاله
بداءت الموسيقى تنفست بهدؤ ورجلها تخطو اول خطوه على الدرج نزلت بفستانها الكت طالبته النايفه من برى بتصميم فستان باسكال باغنية بحبك انا بحبك ونفس ستايل الطرحه
اشرت لها النايفه من جنب الكوشه تبتسم ابتسمت بهدؤ.. وين امي وين خواتي وين البنات وين اهلي في عالم موب عالمي
وقفت في نص الطريق مثل مابغت النايفه ناظرت للمعازيم ودارت بخفيف حولين نفسها بدقه حست بدموعها تخونها غمضت وافتحتها بسرعه
ام بندر:مشالله تبارك الله
نواار بنتها بنبهار :تجنن لايق فستان عليها مررره
ناظرت لهن الجوهره بحقد
ام بندر بطيبة قلب :انااا معجبني عليها اكثر طويله وخصرها ادق ولاقاصره زين اسم الله عليها مدري وين لقوها موب تجي في حفلاتنا..
الجوهره بدون شعوور :اسكتن الزين موب كل شي ..ناظرنها بصدمه ناظرت لهن بقرف وقفت وراحت لطاوله بلحالها
بعد ماوصلت للكوشه لفت للناس وجلست بتعب
النايفه :ليش تجلسين قومي تونا
الهنوف برهاق :ارحميني تعبت الحمدالله الي تم كل شي هنا ويكفي
ام سلطان ترقى الكوشه عليهم وقفت لها الهنوف سلمت عليها ومن بعدها رقو المعازيم
ام سلطان جنبها وبحبور :ماظن احد بيجيب مثلتس في عيال عمه
الهنوف بخجل وبربكه :تسلمين كلن فيه خير وبركه
موضي تصغي على امها :بيجون الرجاجيل ودتس تجلسين معها
ام سلطاان تقوم :لا بنزل تحت..
موضي توقف وتاخذ المايك حيت الحظور بفرح اخوها وعطتهم علم بدخول الرجال الي تغطى والي قعد على ماهو عليه
الهنوف برجفه :موضي
موضي تلف طرحتها :لبيه
الهنوف بصوت مهتز :لاتبعدون مني
موضي :ماعليس شر الا سلطان قدتس بتحملين ههههه
الهنوف تسمع صفير باذانها توترت بقوه ماتدرون بلي في قلبي والله اني اتمنى اني في ليله جديده واني مابعد شفته.. راحت موضي بسرعه انفتحت بوابة القصر ادخلو وقفت ويدها تزحلق من على المسكه من التعرق . . تشوف الناس من حوله معه بس ماميزت الا هو ببشته الاسود وطوله الفارع افتحت فمها بخفيف تاخذ نفس وتهدي من خفقان قلبها وصل لها ووقف قدامها ماقدرت ترفع اعيونها له كانها اول مره تشوفه
سلطان وعينه تدور على وجهها وبروقان باسها على راسها بوسه طويله
تنفست بتوتر متاكده انها بتعجبه ومتاكده انه يتظاهر قدام العالم الي قدامه
الجوهره بقهر :جازت له مطول..
الحريم الي جنبها لفو لها مافهمو قصدها وارجعو يناظرون
بعد عنها عشان الي معه ووقف جنبها
وقف ابو سلطان قدامها تقدمت منه حبت راسه
ابو سلطان ببتسامة اعجاب :مبروك ياحظه سلطان بذالزين
سكتت بخجل وراسها مازلت منزلته تحت
ناصر الي دخل عقب ماقنع سلطان ان ماعليه حرج لاشافها واهم شي الشرع ويبي يسلم عليها وافق له سلطان وخلاه يدخل
ناصر وعيونه تناظرها :مبروك مرت اخوي الحفله.. ولا مهوب عرس العرس راح
الهنوف بصدمه ارفعت راسها له كيف يدخلونه كانه رجال حطت نفسها عادي وابتسمت :الله يبارك فيك
ابو سلطان :يالله اترخص منتس بروح لجده اليله جالسن علشانتس يا بوتس
سلطان يصد من ابوه وبصوت هادي:مهوب لازم ياابو سلمان تكلف على عمرك وتجلس علشان احد..
ابو سلطان يناظره ويتنهد:الهنوف تبي من يوقف معها في ذاليله
سلطان بسخريه: الهنوف مهيب بحاجتك..
ابو سلطان يناظره بقهر وحسره:في امان الله ..لف منهم وطلع وناصر يغمز لها ابتسمت له الحق ابوه وسلطان لف لها عقب ماجلسو
سلطان ويده في يدها :احلى عروس راتها عيني..
الهنوف بحمرار لفت تدور البنات ماجو شافت المصوره تقرب منهم لفت له بتوتر
الهنوف :عادي تصور
سلطان :تصور الصور الي تشوفها بعيونها بس..(يقصد ماتقول له سوى كذا او تمشيه على كيفها بوضعية الصور)
الهنوف وعيونها تشع بالفرح احسن يالنايفه رايحه تجيب مصوره وانا مادريت
المصوره ببتسامه معجبه :سيدي بدك ناخز صور اليك هااسه
سلطان يوقف ويوقف الهنوف معه :اخذي... خذت المصوره وضعية لها وصورتهم وعينها ماتنزل من سلطان البارد ويلف بنظره للحضور والمنصه خاليه من اي احد فرصه عشان تاخذ المصوره الصور لهم ناظرت الهنوف للمصوره محاوله تلفت نظره لابتسامتها الواسعه وهي تناظره بشغف واعجاب وتقرب منه بحذر وتلتقط صور وكانها تاخذ صور له وحده
الهنوف تناظرها بهدؤ وبدون شعور لفت لسلطان :مانزلت عينها منك..
سلطان ناظر للمصوره شوي ولف للهنوف وببتسامه هاديه:تغارين ..
الهنوف ترف برموشها بهدؤ وساكته
سلطان بصوت مبحوح:اخليها تنزل..
الهنوف تبلع ريقها بتعب وترص على شفايفها تمنع رجفتها:ايه خلها تنزل ..
سلطان يلف للمصوره وبنظره هاديه وأمره :انزلي لتحت ..لفت المصوره برتباك وانزلت
سلطان يلف للهنوف ناظرها شوي باينه بملامحها الارهاق والتعب رطب شفايفه ولف لاامه المقبله عليه ابتسم لها وقفت عنده حب راسها وخشمها ويدها
ام سلطان بفرحه غامره :مبرووك
سلطان : الله يبارك بعمرتس ويخليتس
نهاية البارت
|
|
|
|
|
|
11-30-2011, 05:25 PM
|
رقم المشاركة : ( 43 )
|
|
عضو نشيط
|
لوني المفضل :
Cadetblue
|
|
رقم العضوية :
22014
|
|
تاريخ التسجيل :
Nov 2011
|
|
المشاركات :
126 [
+ ]
|
|
عدد النقاط :
10 |
|
|
|
58
فى زفاف سلطان والهنوف
ام سلطان تأشر للمطربه تبداء بالترحيب وتغني..وبدات بصوتها الصاخب النايفه تمسكه مع يده وتلفها وراها باست خده :مبروك يبه..
سلطان بحنان ويده على ظهرها :الحين ذكرتي الكلمه...
النايفه بضحك :بس توني رضيت عليك ولا قبل الهنوف تجي اقولها لك دايم صح
سلطان يضحك :صح وليش يوم جات الهنوف ما قلتيها.!!
النايفه ببتسامه صادقه :والله استحي منها.. قربت منه وشاورته والهنوف تناظر لهم ..احس انها بتزعل اذا شافتني اقول يبه بس تبي لعيالها
سلطان بنظرة عطف وحنيه ضمها لصدره وابعدها عنه شوي:الهنوف تفكيرها مهوب محدود يمكن تفرح منها اكثر من اي كلمه..
ماقدرت تمنع دمعه تنزل من عينها بغيره من النايفه اول مره اصدق ان فيه غيره تقهر لهالدرجه بين حريم ارتجفت شفايفها بألم انا منجذبه له غصب عني جذااب ووسامه غير طبيعيه امسحت دمعتها بسرعه لتبان لناس وبداخلها وجع..
موضي تقرب منهم سلطان وهو يفك يده من النايفه الي ابعدت ويمدها لموضي سلم عليها وضمها وهي تبارك له
قربو منهم عماته وبعض الحريم الي سلمو عليه باليد وصافحهم والهنوف واقفه بهدؤ بمكانها كن الامر مايعنيها ..
النايفه :سلطان طلبتك بس بعض الصور كذكرى.. دام الناس انزلو..
سلطان :لا خذت صور تكفي..
النايفه برجى :بعد اكثر..
سلطان يناظر للهنوف ويرجع يناظر لنايفه:نبهي عليها تجي تصور..
دق قلبها بقوه وناظرته يناظر لقدام ومعقد حواجبه ..
الهنوف بصوت مرتجف :ماابي اصور
سلطان يرفع يده لجبهته ويرص عليها بتعب:لازم تحملي..
الهنوف وبنبرة بكاء:لاترقى..رجعها
سلطان يلف لها وبهدؤ رافع حاجبه اليسار:وش سالفتتس..
صدت منه وارمشت بسرعه تخفي المها مابيها تقربني منك يكفي الي في قلبي لك ..انا ياسلطان احبك ..ارفعت اصابعها لتحت عينها وامسحت دموعها الخفيفه..
سلطان ببرود:ماتبين تصورين معي..قوليها صريحه ترى ماهمتني..
الهنوف بصدمه لتفسيره الغلط هزت راسها بلا وبتعب
قربها منه برقه بحظنه من جنب ويده محوطه بها دنق راسه له وهمس له .. مهوب لازم ترتاحين لقربي مهوب لازم.. هز راسه للمصوره تصور ناظرته بنظره جانبيه وارجعت تناظر الكاميره او بالاصح المصوره المتوتره حط اطراف اصابعه على ذقنها ورفعه له
الهنوف تكلم بسرعه:خلاص صور الي تبي ..عادي لو تجلس المصوره ..
ناظرها بهدؤ ممزوج بستغراب اخفاه في داخله ..تركها ويده تحاوط كتفها..أشر للمصوره بمعنى خلاص
موضي :خلاص اكتفيت
سلطان :ايه صورت الي فيه الكفايه..
النايفه :بلى صورتين
سلطان ببتسامه بارده:تحكي مشاعر واحاسيس كثيره
لفت الهنوف له ناظرته وعقب صدت منه وهو يناظرها
حط يده على اكتافها :كأنتس ماصدقتي
هزت راسها بلا بدون اهتمام
سلطان :اهاا ماتصدقين الا الي تبين..
لف للمصوره الي واقفه وتناظرهم اشر لها تصور حط يده من تحت اكتوفها وقربها لها بقوه وظهرها ملاصق لصدره لصق خده بخدها وصورتهم المصوره
لف لها من قريب وكلمها :ابتسمي الى ان تبين صفت اسنانتس
لفت له شافته قريب ولفت عنه:ماقدر بتصير موب حلوه
سلطان ببتسامه :كل شي منتس حلو.. ابتسمي اشوف.. انغزها من جنبها اضحكت بدون شعور
اشر للمصوره تستعد نزل فمه وباسها على خدها وهي مبتسمه صورتهم سلطان برسميه في كلامه :هذي بتصدقينها يمكن!! مسكها مع يدها جاو خواته يترجونه يتاخر شوي رفض توسلاتهن نزل من الكوشه ويده بيدها بتملك ويمشي بشويش لااجل تكون بجنبه وراسه لها يناظر خطواتها وراسها المرفوع فوق بهدؤ اسمع صوات تصفير وتصفيق وكلمات اعجاب متمنين لهم حياة سعيده ابتسم غصب عنه بعد ماسمع وحده تكلم بصوت عالي بجنب الممشى.. واضح انه مجبور عليها ومايحبها.. لف لصوتها عرف نظرة عمته الحاقد ومعليه صوتها بتسمعه لف للهنوف بيشوف ردة فعلها ناظرته وابتسمت بسخريه أطلعو برى للبوابه وقف لموضي الي وراهم ومنحرجه من كلمة عمتهم الي من شافتهم وهي ماخذه اول كرسي بجنب الممشى عشان تقول كلمتها
موضي بتردد:سلطان بتروح مكان
سلطان :لا.. لف للهنوف.. روحي فوق البسي عباتتس ونزلي لي تحت ...روحي معها موضي
موضي :ابشر دقايق.؟!
رقو فوق وهو يناظرها بتامل حرك شفايفه بتفكير وطلع لبرى
بعد ماوصلو لفوق وادخلو لغرفة التبديل
موضي بحراج:لا تفسخين فستانتس
الهنوف بستغراب:ليش صعبه اطلع فيه من هنا
موضي ببتسامه:سلطان ارسل لي يطلب مني اقولتس لا تفسخينه
الهنوف ترطب شفايفها وببتسامة استهزاء:من اعيوني الي يطلبه اخوتس
موضي بتوتر:عرفتيها الحرمه صح..
الهنوف تنهد بتعب:ايه عرفتها وماهمني كلامها..اذا اقدر اطلع الحين
موضي بتاكيد:اكيد سلطان بعد مستعجل..
عند الحريم النايفه عند صديقاتها بالثانوي اصواتهم تنسمع لاخر القاعه
ام بندر :مشالله شكله يحبها
ام سلطان تبيها توصل الكلام للجوهره :ايه ماخذها من حب ومن زمان
ام بندر:الله يهنيهم يارب
ام سلطان :جزاتس الله خير ..وين خلود ماشفتها
ام بندر:تكمل الماجستير برى ..الا ياأم سلطان مارديتو علينا بالنسبه لنايفه
ام سلطان :انت تعلمين معزتتس عندي بدتهم كلهم..بس اصبري علينا شوي
ام بندر :تسلمين والله في قلبي مثل الي في قلبتس ..من زمان وبندر يطلب واحده من خوات سلطان موضي ربي وفقها ما بعد بغا العرس والنايفه ما يبيها تفوته
ام سلطان :ابستشيرها وبرد الخبر لاخوها وبتوافق انشالله بندر مافيه مثله
ام بندر:انشالله جعلها من نصيب بيتي.. ناظرت لنايفه الي تسولف كنها منفلته من زمان عن العرب ابتسمت لرقت ذالبنت
..............
عند اهل النعيريه
اوصلو ارماح على اذان المغرب رتبو عفشهم الي بالمطبخ والي بخيامهم حوالي عشر خيام مستاجره لجماعتهم خيمة لبوفهد واهله وخيمه لهم مطبخ وخيام الثاني موزعها بعيده شوي عن حوش الابل الي قريب من خيام ابو فهد
لمياء بعد ماغيرت ملابسها البست دراعه موف غامق استرتش وبرقعها واطلعت برى الجوء هادي ماوصل الى خالتي نمشه وعيالها خيامهم مع الخيام المتشهله ومافيه احد برى
ام فهد :لمياء افرشي فرشه برى وحطي عليها القهوه بيصلون الرجاجيل وبيجون عليها
لمياء :ابشري ..سيريتا
سيريتا الي خايفه تحط عيونها بعيون لمياء عقب ماجاتها تصيح وتطقها من سالفة الرجال تعذرت منها وقالت انه عادي عندهم حسبته بس يبي يصير صديق مافي معلوم صير مشكله
ام فهد :يالله انا اقول افرشيها انتي ليش تنادينها
لمياء بزهق:يمه بغبر خلي منيره بمسك بنتها
لفت عنها ام فهد بقهر وهي تروح للوايت افرشتها الشغاله وحطت عليها زمااازم القهوه والقدوع
صلو الرجاجيل واجلسو ابو فهد وابو مفلح وفهد ومساعد ومفلح جاتهم ام مفلح واجلست عندهم وام فهد ونوف.. ومنيره ترقد بنتها وارقدت معها مواصله من امس ولمياء اجلست في الخيمه
ابو فهد متحمس:والله اني حاطن فيها فوق الالفين روسيه اصلييه
فهد يشاور مساعد :لاتكلمو في السلاح ماسكتو تروح معي للرعيان
مساعد يقوم :مشينا ..راحو والرجاجيل مندمجين
ابو مفلح :يارجال مبذا نوعهن نوعهن منقطع له سنه
مفلح:لا يبه لاتكذب توني شايفها
ابو مفلح بضحكه ممسوكه :يالله جعلك القوم لا تدبل تسبدي وانت تكذب
مفلح :ههههههههههاي لا والله صادق ابوي يابوفهد قد لها سنه مابعد جات
ابو فهد منقهر وبصوت عالي :لمياااااء
فزت من مكانها احذفت الجوال ووقفت عند باب الخييمه
ابو فهد :جيبي البندق عانيها ورى فراشي
لفت لمياء وراحت لفراشه شافتها شالتها يالله ماثقلها الله يستر مافيها شي تحاملت بيديها الثنتين ورفعتها وقفت عند باب الخيمه ونبهت ابوها بوهقه وراعه
لمياء وهي تحاول ترفعها ازياده لاتطيح :يييبه بتطيح ..
فر مفلح بسرعه واركض لها امسكها وارفعها من يديها بسهوله :عنتس لاتحشرينا بالي فيها..
لمياءء ببرود: امنيتي ..لوها بيدي قضيتها فيك ..
مفلح بهدؤ وسخريه:شيليها زين ثمن حققي امنيتس..
لمياء تناظر لهم وهم منشغلين عنهم :راعي سجون ماعليك شرهه..
ناظرها بسرعه رافع حاجبه:حسافه صرت راعي سجون لعيونتس... لف عنها وهي تناظره بتعجب ورفعت حاجب مشكلتك والله..
راح لهم فكها ابو فهد وفضى الي فيها من الرصاص وطلع صح عليه شاريها من واحد لاقيه في رماح في وحده من روحاته لبله
ام فهد :هناك سياره جاتكم يمكنهم الراشد
نوف :شكلها هي..
ابو مفلح :اي اي هاذي هي..
مفلح سرحان موب يمهم طردت مساعد لايركب معنا السياره من سبايبها من شفتها ونفسي في راس خشمي جميله على نعومة ماألبست لا لا خلاص انا مستحيل ارجع افاتحهم بالموضوع مره ثانيه تافف بتشتت قدني بصك الثلاثين ووظيفه وبيت جاهز وش احتري مادور البنت الي تناسبني..
ابو مفلح بضيقه :امفلح انت تسمعني.. قم
مفلح رافع راسه بهدؤ :لبيك
ابو مفلح :قم الرجاجيل جاوك وانت جالس جب لنا مراكي وزود قهوه..
رفع راسه السياره بلى سيارة راشد هذا رجاجيل :الله يهديك يبه مبلى راشد يجيب المركى بنفسه..
ابو فهد بضحكه :انا الي بجيبه
مفلح وهو يفز يقوم :لا والله اني امزح ..راح يجيبهن والسياره توقف عندهم انزلن البنات وراحن للخيام وراشد ينزل عند فرشة الرجاجيل وقعدت معه امه
لمياء بفرحه :اخيرن مابغيتو
ساره :اجل جالسه بلحالتس موب معهم
لمياء بملل:اي والله
نووره تجلس بتعب:لمياء ماعليتس امر ابي وساده شكلي برقد جنب منيره
لمياء :ابشررري
ساره :لمياء وين خيمتنا بروح انحط اغراضنا
لمياء :اخذو الخيمه اقرب وحده اصبري بجي معتس
اطلعن برى وساره تكلم راشد يوقف عندهم سيارتهم
ساره توقف داخل الخيمه :شين البر بدونها اول مره نروح مهيب معنا
لمياء :اسكتي بس اليوم امي خاطرها ماش عقب ماكلمتها تبارك لها بالعيد.. يالله حبوني انا
ساره وهي تناظر الخيمه بستهبال :ايه سمحا امرتس بنحبتس ..عزتي لنا
لمياء بغرور: كان بساعدتس ذلحين بتعشى وبرقد قايمين من صبح
ساره : لاغرفتوه نادوني
لمياء :لا وش دعوه بجيب لتس والقمتس
ساره :لا وش داعي ذاه كله جيبيه ونا بلقم نفسي خخخخخخخ
اطلعت لمياء لهم اسمعتهم يصلون وراشد يأم بهم الصلاه راحت للمطبخ نوف عند الشغالات الي تجمعن وامها تصلي في الخيمه
نوف :انا بروح اعلم منيره تجيتس اغررفي العشاء
لمياء :بغرفه واروح ارقد ترى مالي دخل
نوف وهي تطلع :الله لايحدني عليتس
وقفت عند الشغاله الي ترتب صحون للعشاء
لمياء:صحن اكبر هذا صغير
سيريتا:لا هذا كبير كلو رجال مافي اكل
لمياء بغضب:اغرفي وانتي ساكته ترى النفس مهيب عليتس طيبه..
دخل للخيمه ومسكها مع رقبتها اصرخت بقوه من الحركه ولفت له بسرعه
فهد يضحك:خخخخخخخخخ يارخمه
لمياء بعصبيه:الونه داخل فيني سكني وش بتسوي
فهد :ههههههه
مفلح واقف برى الخيمه :فهد العشاء جاهز الشيبان يبونه
لمياء بقرف:قله جاهز بكيته
فهد ماسمعها :يالله بسرعه...
اغرفت عشاهم واغرفت للحريم الي ودوه لهم الشغالت في خيمة مجلس النسوان
فهد ومعه صحن العشاء وقدامه مفلح يمشي:وش فيكم عندكم صوت صراخ
فهد يضحك: بلى لمياء مروعها
اسكت وهو يجلس على المركى
راشد :تعشى يامال الشحم
مفلح يرفع يده: بس ماكل في السياره على تسدبي لذلحين
ابو مفلح :خله ل.. لايقوم كلا صحن كله وقعدنا بلى اناظره
مفلح :هههههه جعلني مابكيك يبه والله انك نكوتي
ابو مفلح يبتسم :اجل مثلك نفسك اهناه
ابو فهد :لاتظلمه دايمن ومفلح يضحك الله لايغير عليه
مسااعد :لا حيك ماشفته ياخال في رمضان انتجنبه.. متغير ذالايام والله الحمد بفضل دعباتي المستمره
راشد :هههههههه اصدق مساعد هو المزوح
فهد :وانا منيب مزاح
مفلح :ياليل البزارين
منيره تقوم تمغط يديها:غرفتو العشاء
لمياء تناظرها بستهزاءوتفرش فراشها :لا.. اخيرن قمتي عشان نغرفه
منيره توقف دزت لمياء لين طاحت على فراشها واطلعت برى
لمياء بقهر وقفت ثاني مره وانفضت الفراش وهي تدخل فيه كل منه خلى نفسي في راس خشمي ليته ماجاء
نوره :بترقدين
لمياء :ايه
ادخلت عليهم ساره :وين يالحبيبه بترقدين
لميا بقرف:ايه برقد
ساره :توى السمره تبداء وش مرقدتس
لمياء ملقيتهم ظهرها ومتلحفه :ابي ارقد..مواصلين اليوم
ساره :كيفتس العيال كلهم برى شابين ضوء وقاعدين عليها
لمياء هذا الي مابيه كلهم عليها اسكتت ماردت عليها
اطلعت ساره ونوره توقف وراءها وتقرب وبهدؤ:لمياء اذا كذا منعزله في الخيمه من قبل نجي والى ذلحين عشانه ماراح تستانسين
لمياء بهدؤ:مهوب عشانه
نوره بتاكيد:الا عشانه حتى نظرتس له مليانه غيض يفهمها العميان
لمياء بصدق:اصلن انتهى من كل شي يخصني من اليوم الي شك فيني..
نوره بقهر :صحح غلطته يالمياء.. وترى مهوب بس انتي الي حسيتي حتى هو مارتاح الى عقب مارح للرجال الي اادخل عليكم واسوى معه مشكله انتي اخبر وش سوى عقبها والحمدالله الي فكه..
لمياء:محد قال رح له ...
نوره بصدمه: هذا الي قدرتي عليه..!!
اسكتت لمياء وعيونها شاطحه بذرا الخيمه راعي سجون اكرهك مهما سويت
...........
عند سلطان والهنوف
اجلست على كنب الغرفه ببيتهم الي في الرياض وهو واقف يفسخ بشته خلص ولف لها
سلطان بأمر :وقفي..
وقفت وعيونها تطالع لبرى بشرود
سلطان يقرب منها وبعقدة حاجب :انتي وش صاير لتس..
الهنوف ترفع عيونها له معقده حواجبها بعدم فهم
سلطان بقهر :قدامي انسانه بارده كان مافيها حياه فهميني هذا مفتعل او ايش ..
الهنوف تبلع ريقها:مافيني شي..
تافف بقهر ويديه على خصره :وريني الى اي حد ماثره فيتس كلماتها..
الهنوف تلف له وعبرتها تشق حلقها بوجع انا متت موب بس اهتميت:ماثرت فيني عادي..
ناظرها بحقد وعينه تمسح وجهها الجامد والمتعب نفخ بفمه وقربها من صدره ضامها بهدؤ
الهنوف ترجف شفايفها بالم وبضعف:صدقو انا عرسان جدد
تركها ولف وبنظره هاديه :موب يهم يصدقون ولا لا المهم اني شفتتس بفستان الزفاف مثل كل بنت وماهضمت حقتس بااحلامكن الي تمنن..
الهنوف بدموع ماقدرت تصبر:انا منيب مثلهن انا اليوم بلحالي ابي اشوف امي ولااحد من اهلي انا اليوم محرومه منيب سعيده
تنفس بهدؤ وعمق: لا هذا عاد موب في يدي..
اشهقت بهدؤ وامسحت دموعها لف لها وناظر فيها وهي تمسح دموعها حط يده على اكتافها وبهدؤ:اهلي مايكفون.. وانا وين..؟؟
الهنوف بالم :انت سلطان اهلك بس اما انا ... اسكتت ماكملت
سلطان يزم شفايفه موب معجبه ردها نفخ بفمه وبتردد تساءل: اول مره دخلت عليتس..واليوم نفس الشعور.. لف بعيونه لها وهي صدت
الهنوف ودموعها ترجع تنزل كله منك خذيتني من اهلي وبعدتني منهم وحيده وهم مجتمعين منعتني عنهم متسلط غيرت مشاعري غصب عني لك وانت ماتستاهل متعجرف.. حبيتك وانت ماتحبني .. وتسالني بعد.. وبقهر ارفعت وحده من حواجبها:كلهن من اتعس لحظات حياتي..
رص باظافره على عضدها بقسوه ورص على اسنانه حست باالوجع عضت شفايفها بالم طاحت منها المسكه ويدها ترتفع لفمها تمنع صوت شهقاتها
الهنوف بالم:عورررتني,,
رص عليها بقوه وغيض وعقب فكها وببرود مصطنع :لازم تكملين اجل الدراما هاذي اليله نفس ليلتتس التعيسه...
راحت عنه بسرعه للحمام والفستان يسحب من وراءها ينهي ليله عاشت بدايتها في شقق رماح ...
سمعت صوت الفجر ياذن حاولت تخلص نفسها منه بدون لايحس مافي فايده محوطها بيديه تنهدت وعودت تغمض عيونها برهاق
اسمعت الاقامه اندمت انها ماقومته وبهدؤ:سلطاااان..
سلطان بتململ:همممم
الهنوف :اقامو وانت نايم
ابعد عنها وهو منسدح على ظهره ومدد يديه على السرير مغمض عيونه
اقعدت وهزته :الصلاه فاتتك بس قوم صلها هناه
مغمض عيونه وراقد بعمق ترددت تقومه مره ثانيه وقفت خلاص اهم شي علمته صلت الفجر البست بجامه واطلعت برى بالصاله مافي بلكونه هنا الفله على شوارع موب مثل ذيك في مزارع.. تمشت شوي في البيت النور طلع ارجعت للغرفه تقومه قبل تشرق الشمس
ادخلت شافته راقد للحين قربت منه مدت يدها ورجعتها مره ثانيه خلاص بخليه لين يقوم بنفسه تاففت بتشرق الشمس بقومه والي يصير يصير
هزته بخفيف ماقام ارجعت تهزه اقوى من الاوله فتح عيونه ورجع يغمضها بثقل
الهنوف تنفس بتوتر علت صوتها :بتشرق الشمس ماقمت.. هزته بقوه من كتوفه
الهنوف بخوف لايعصب:الفجر بيفوتك لاتمثل النوم..
فتح عيونه ناظرها بقهر واصرخ عليها بغيض:خلاااص ابعدي عني بقوم..اقلقتيني..
ارجعت ورى شوي ناظرته بعتب اجلست على كرسي التسريحه ويديها على عيونها صاحت بهدؤ ودموعها على خدها بغزاره مالومتس ياعين لابكيتي تعبت من القدر لازانت شانت ..ماعرفت للحياه معه ماوضحت لي.. انا ابين احبه عشان يحبني ولا اواصل كرهي له عشان يخليني ولا اموت قهر وانا اشوف قلبي يتصرف من وراي غصب عني..
تنهد بتوتر نفخ بفمه ووقف مشى لها وجلس قدامها ويده تسحب يدها من عيونها ابعدت يدها من يده ورجعتها لوجهها وانحبت بقوه
سلطان بعطف:انا تعبان يومين مارقدت فلا تشرهين علي..
هزت راسها وبشهقه:ابيك تقوم لصلاه بس..
سلطان ببتسامه حنونه:وتصيحين عشان صرخت عليتس ..تحملي شوي..
هدت شوي ونزلت راسها:انا بعد تعبانه صحت غصب عني كل شي تجمع علي..
سحبها من يديها بهدؤ الى ان انزلت قدامه على ركبها ابتسم :طيب نسيت هديتس ياالله يمديتس..
الهنوف برتباك من حركاته وصوته الهادي:اذا سفر ..انا مابي اسافر وماعليك من كلام الناس اجلس في البيت مع اهلك احلى من سفر برى.. وبتردد..اذا سافرت نفسيتي بتتعب اكثر..
سلطان ينزل عيونه لتحت ويزم شفايفه:السفر ذالمره صوب ارماح
|
|
|
|
|
|
11-30-2011, 05:25 PM
|
رقم المشاركة : ( 44 )
|
|
عضو نشيط
|
لوني المفضل :
Cadetblue
|
|
رقم العضوية :
22014
|
|
تاريخ التسجيل :
Nov 2011
|
|
المشاركات :
126 [
+ ]
|
|
عدد النقاط :
10 |
|
|
|
59
الهنوف وعيونها تعبى دموع مره ثانيه وصوتها يروح وبعدم تصديق :وشلون يعني..؟؟
سلطان وكأنه مجبور:يعني جهزي نفستس من هناه الى الظهر يالله يمدي ترتبين وضعتس..
احذفت نفسها عليه واجهشت بالبكاء وهو يضمها برقه ومبتسم بألم
ارفعت نفسها وامسحت دموعها :لبى روحك لا خلا ولاعدم...
سلطان ببتسامة هاديه:بصلي وبروح لجده مع الوالد ونكمل العيد عند الي ماحضره بالرياض.. وقف وراح للحمام وقف من مكانها بفرحه بخليها مفاجاه لهم طلعت شنطتها ورتبت الاغراض بسرعه وبحماس صلى وخلص دخل عليها وهي ترتب بحيويه ونشاط مابدى اي كلمه لبس لبسه الرسمي وخذا بشته وقف عند باب الجناح
سلطان ببتسامه افرد يدينه لها بخفيف :تعالي سلمي علي قبل اروح..
ابتسمت ابتسامه حلوه ومشت له بسرعه احضنته اول مره من خذته من كل قلبها وبكل رضاها ضمها بقوه وتنهد ابعدها عنه..
الهنوف :تروح وترجع بالسلامه
سلطان ويده بيديها : الله يسلمتس ..باس يدها وطلع عقبها من الجناح..
ابتسمت بألم ونزلت عيونها تحت ابلعت ريقها ليته صدق يحبني بس مشكله لا يحب ولا يكره حطت يدها على عينها ورصتها بقووه خلاص هدي هدي ماله داعي تحرقتس الدموع..ابعدته من تفكيرها وتذكرت اهلها تنهدت براحه لفت بسرعه تكمل اغراضها
.........................
فى ارماح .. عند اهل النعيريه
بعد ماصلو الفجر اجلسو على الضوء الشيبان وراشد.. مفلح ومساعد وفهد والبنات راقدات تقلبت على فراشها ماجاءها النوم وخرت الحاف وقفت البست برقعها والجلال واطلعت لهم الشيبان واقفين عند حوش الابل والحريم جالسات يشربون حليب
لمياء تجلس جنب امها لفت لها امها وبحنان :وش فيتس قمتي..
لمياء بصوت خفيف عشان راشد :طار مني النوم
جاءهم سلم وصبحهم بالخير وجلس جنب راشد في الجهه الثانيه من المركى وعم الهدؤ
ام راشد بحنيه :وينتس امس ماسمرتي معهم مستانسين..
رفع راسه لها وعقب لفه وعيونه في جهتهم
لمياء بحراج :جعله دوم ..تعبت ورحت ارقد اعوضها اليوم انشالله
ام راشد:انشالله
ام مفلح جايبه الفطور حطته عندهم وراحت تجلس جنب ام فهد
ام مفلح :انتي هناه وش قومتس رقدتي امس ماسمرتي معهم
ضحك فجاءه عقب كلام امه لفو له مستغربين
راشد :وش فيك..
مفلح بحراج:ذالراعي بغى يطيح وامسكه ابو فهد ..
محد صدقه بس مشوها له وام مفلح تلف لمياء وتنشدها مره ثانيه ارفعت لمياء عيونها له بسرعه شافته مبتسم ياأكل ويناظرهم صدت عنه وكلمت خالتها نفس عذر ام راشد
يكلم هو راشد بصوت خفيف والشيبان جالسين يفطرون حست بالملل راحت لساره بخيمتهم شافتها قايمه تفرش اسنانها
لمياء برتياح:اشوى كنت بقومتس
خلصت ولفت صوبها تكلمها:توني قايمه قمتي بدري
لمياء :اي عقب الفجر مارقدت
ساره :قومتس الرقاد بدري ..بلبس وبجي
لمياء تطلع :ترى في خيمة المطبخ ..وين نوره
ساره :في خيمتها اسمع صوتها قايمه لاتروحين لها احذري تحسبينها نفسي
لمياء تطلع :منيب خبل ..
راحت لخواتها راقدات قومتهن :قومن امحق نسوان ان الي اقومكن
نوف مطنشتها وراقده ومنيره وخرت الحاف وقامت اطلعت لمياء لخيمة المطبخ جهزت الفطور واحترتهم يجونها تجمعن البنات عندها بعده كل وحده راحت تلبس اليوم توه ثاني العيد وجماعتهم بادين يوصلون لهم
البست لمياء تنوره فيروزي حرير سيده بشك خفيف اسود متدرج من الجنب وجلال نفس الون وكحل بحدود العين سايل وكحل من داخل فيروزي بس..
اطلعت برى الساعه عشر شافت نوره و ساره جالسات عند الحريم الكبار في مجلس الحريم
ساااره :بدري تاخرتن وين خواتس
لمياء :والله انا يااختي ناس مانرضى بتزين الخفيف
سااره :قومي بس صبي القهوه ..حاطه مكياج كويتي مشالله...
لمياء تقوم وهي تضحك اجلست عند دلال القهوه وقهوة خالاتها جن خواتها من عقبه وهي غاسله يدها من القهوه وطالعه هي وساره بررى ارجعت تطل براسها للخيمه :نوره تروحين معنا..!!
نوره بتعب:لا عاجزه امشي.. ارجعت لمياء لساره وقعدن يمشن
لمياء بحالميه :رووووعه الجوء خيال
سساره :اي والله يارب يجي مطر
لمياء بتفكير :شكله بيجي مطر الغيوم سوادء وهذا يبشر بسقوط امطار سريعه وكثيفه..
ساره : صدقتي لازم نرجع بدري للخيام
لمياء : انا طويله بتعلق في الشجر وانتي وحظتس ان نشتي رجلي ترى برفستس هديني هههه
ساره :ههههه يقولون القصار سباق
شافن سيارات ددسن ثنتين وصالون عايله متجهه للخيام
لمياء :من الي جاو شكله مبروك من جوء والمطر يرش
ساره تناظرهم:شكلهم ام عمر وولدها ..واهل وفاء ومشاعل وابراهيم واهله
لمياء تلف لها :نرجع
ساره تكمل مشيها قدام :يعني وش بتسوين بهم قدامهم البنات وخيامهم
كملن مشي وهن يسولفون متحمسات من الايام الي في رمضان يعلمهم ابوهم بالامطار الي تنزل في البر عليه والارض ذلحين باديه تخضر تحمسو كلهم يطلعون له
............
فى قصر سلطان
واقفه برى وعبايتها في يدها لفت للبنات :ياله اشوفكم على خير
الجميع :على خير انشالله
النايفه :هذا نعتبره شهر العسل..
الهنوف تبتسم :ايه شهر العسل روحت له من زمان...
ام سلطان :سلمي لنا على اهلتس كلهم..
الهنوف :الله يسلمتس من الشر ..البست عباتها واركبت السياره اطلعت السياره برى البيت
الهنوف تناظر ورى:هذي تبعنا
السايق:ايه وامرنا به طويل العمر
الهنوف ببتسامه ماجاء في بالي أخذ معي شي واول مره اروح لهم من زمان.. اتبعتهم سياره كبيره فيه بعض العانيات والكراميات وخيمة شعر سوادء
.........................
فى ارماح
على اذان الظهر اوصلت لهم الرياض من ارماح قريبه مهيب مثل النعيريه
شافت الخيام وبزران برى والرجاجيل واقفين المطر يرش صوته على سقف السياره وقفت عند الاخيام انزلت ماشافت احد نادت شغالتهم
سيريتا بفرحه :ماما هنوف وش اخبار انتا
الهنوف ببتسامه :الحمدالله كيفكم انتو
الشغاله :الحمدالله
الهنوف :سيريتا روحي عند رجال هذا شيلو اغراض .. راحت الشغاله ومعها الشغالات عند راعي السياره الكبيره
والهنوف وقفت برى خيمتهم فاضيه وفيه خيمه ثانيه مليانه اصوات الحريم ترددت تروح
لمياء :وش ذا السياره الكبيره..امشي الناس في حال وانا كن منب معهم
ساره تمشي معها :كيفس ابي ابعدتس من الشغل
ارجعن وقفت شوي تناظر المره منزله عباتها وعليها بس طرحه على اكتافها وشعرها مفتوح ولابسه فستان شيفون اخضر فاتح مزموم من تحت الصدر
لمياء بدموع :الهنوف
لفت لها بسرعه وشافتها يااه من زمان عنهم اركضت لها لمياء ضمن بعض واقعدن يصيحن
لمياء تصيح بقهر وشوق:الهنوووف من رحتي وانا حياتي متلخبطه..
الهنوف تضحك وهي تشهق:اعتمدي على نفستس..
لمييا ءتصيح بقوه وتضمها هدتها الهنوف وناظرت في ساره الي تمسح ادموعها قربت منها وضمتها
ساره :وش علومتس
الهنوف وعيونها تعبى بدموع من شافت ساره وكلامها في ايطاليا يرن باذنها الى الحين :الحمدالله كل شي زين وش اخبار مدرستس
ساره بضحكه :لا الحمدالله كل شي زين
ادخلن الخيمه ولمياء مازالت تمسح دموعها
ساره :لمياء خلاص اذا شافتتس امتس كذا وش بتسوي اجل هي
الهنوف تمسح على ظهر لمياء :خلاص فديتس لوه بيدي ماخليتكم ولا ساعه..
ادخلت نوره وهي تناظر اشكلهن في شي غريب وبستغراب:وش فيكم وش فيتس لمياء
ساره تضحك:ماش اثر عليتس الحمل في ذاكرتتس
الهنوف بصيحه وفرحه :حامل ماعلمتوني
لفت لها نوره بسرعه ناظرت فيها وهي تحط يدها على فمها:الهنوووف
وقفت لها الهنووف سلمت عليها بحراره
نوره :يالخاينه مفاجاءه
الهنووف بفرحه:والله مفاجاهء لي بعد انا ..حملتي النوري
نووره :ههههه حملت وانتي
الهنوف بهدؤ:لا انا توني ..لمياء روحو نادو امي مستحيه اروح لهم
وقفت لمياء وساره تكلمت بسرعه :تعالي
لفت لها لمياء:خير
ساره توقف وتروح لها :اتروحين بذالزين اجلسي رتبي شكلتس بروح انا
الهنوف :هههههه كحلتس سايل ارفعو براقعكم خلوني اشبع منكم احس اني سنين ماشفتكم ارفعت نوره برقعها ولمياء افسخته مره وحده
لمياء :جعله يسعده الي خلاتس تجين بتفرح امي
الهنوف بصدق:امين
ساره وهي واقفه عند باب خيمة الحريم وعندها ام فهد :وش فيكم
ساره :خاله الهنوف جات ..
ام فهد والعبره تخنقها راحت بسرعه وخلت ساره ادخلت عليهم بخيمتهم شافتها جالسه بين لمياء ونوره هذي بنتي هذي الهنوف
لفت الهنوف للباب الي ادخلت معه امها فزت بسرعه وبكت بصوت عالي ام فهد تضمها :حبيبتي والله وش اخبارتس
الهنوف تصيح وساكته وتشهق بقوه
نوف ومنيره اطلعن برى الخيمه :ساره وش فيكم
ساره تضحك :الهنوف جات
البنات بفرحه راحو لخيمتهم
ادخلت ساره للحريم سلمت على البنات الي توهم جايات وقعدت تصب القهوه لهن
ام مفلح :ساره وين راحو
ساره تقصر صوتها :الهنوف جت وراحو يسلمون عليها
ام مفلح بفرحه :الحمدالله .. لفت بخجل للحريم ماصبرت تجلس وقامت رايحه لهم .. ادخلت عليهم والبنات ملتفات حولها
ام مفلح :مرحباا يالله حيها
وقفت لها الهنوف ضمتها وخالتها ترحب بها وتسلم عليها بحفاووه
ام مفلح بحنان :وش علومتس اربتس مستانسه
الهنوف ودموعها مازلت في عيونها :الحمدالله تطمنو ..ابي بعد ابوي مشتاقه له
ام فهد :بكلمه يجي لمياء جيبي الجوال
لمياء توقف :معادهم بحابيني ذلحين
نوف :انا عزلت منتس وبكرهتس
الهنوف :ههههههه عارفتها تدلع عليكم
ام فهد وهي تناظر لمياء الي دخلت مع شق الحريم :خلوها تدلع
ابتسمن البنات وام مفلح نزلت راسها اي مجال في لمياء تحسس منه لذلحين منقهره من ولدها
دقو لبو فهد الي جاء وجاء معه فهد
ابو فهد بحنان وشوق :يامرحبااااا بهنوف الجيد
الهنوف تمالكت نفسها قدام ابوها حبت راسها وخشمه وهو ضمها له برحمه :وش لونتس وانا ابوتس
الهنوف يتحشرج صوتها :الحمدالله انت وش لونك
ابو فهد :طيب بشوفتكن مرتاحات
بناته كلهن :الله يخليك لنا ..سلم عليها فهد حب راسها..
الهنوف:منيب فيه اقهرك خذيت راحتك..
فهد يضحك:من رحتي مدري وش جاني على لمياء خذيت دروستس وقعدت اقهرها
لمياء :حولت علي
فهد :ههههه اثرتس يالهنوف تستانسين اذا قهرتي توني اجرب شعورتس
الهنوف :هههههههههه..وين هبه تغيرت!!..
منيره :راقده ومثل ماهي اللهم انها زانت ازياده
الهنوف تضحك:بعد ازياده على زينها..
منيره بفرحه: جعلتس بعدهم ..
رجع فهد وابو فهد لخيمة الرجاجيل صلو الظهر وراحن البنات وخالتهن لخيمة الحريم سلمت عليهم الهنوف وهن يقزنها من اسفلها لعلوها
ساره تشاور الهنوف:يناظرونتس من قلب
الهنوف ببتسامه :خليهم حتى انا بعد ابي اقعد اناظرهم
ساره :هههه اجل بخليكم تاخذون راحتكم
الهنوف تلف لها :وش سويتي في المدرسه
ساره تلخبط متدري ليه اذا طرو المدرسه:زينه الحمدالله
الهنوف بستغراب:وش فيتس شكلتس مارتحتي فيها
ساره بصراحه :بالعكس اول مره اشتاق ارجع ادرس مره ثانيه
الهنوف:حلووو وش اخبار نوره بالعرس تغيرت
ساره :اول عرسها توهم جداد على بعض لابد من المشاكل حتى نفسيتها تغيرت الى اسوء بس الحين مشالله مرتاحه ..وبتردد..انتي ماتعودتي
الهنوف:بعدين اقولتس مايصلح هنا
قوموهم للغداء قامن الحريم والبنات اجلسن تجمعن وبنات جماعتهم يسالنها عن حياتهم ويسولفون عن بنات الشيوخ
الهنوف تلف على لمياء :متى بتجي غزيل
لمياء :يمكن تجي بكره اذا على كلام رجلها ماغير رايه
الهنوف بشوق:ياربي مشتاقه لمنصور وصباء يالبى قلبها
لمياء :تجنن اكبرت
الهنوف بضحكه:ذكرتيني ببنت موضي اسم الله عليها كلامها موب على سنها تهبل وشعرها مجعد من ذلحين هههه
لمياء :هههههههه يمكن لوه ناعم يروحون اتجعده تبي تصير مثلهم
الهنوف ببتسامه:لاتوقعين انهم نفس الي نسمع عنهم ترى بسيطين حتى بعض الاحيان تحسين ان هاذولا مثلنا لا يتباهون ولايتكابرون حبيتهم من قلب
لمياء :ماقد مره شفتي احد من الشيوخ
الهنوف برتباك : يوم الزفاف ودي كان االارض تنشق وتبلعني
لمياء بحماس:يبي لنا جلسه غير ذي
بعد العصر افرشو فرشه برى تجمعو الرجاجيل في جههة المجلس ونسوان عند جهتن في فرشه ثانيه
الهنوف مبسوطه :دورو لنا سياره انروح عليها انتمشى
وفاء :اروح على صالون يكفي
مشاعل اختها :لا لا نبي سياره مفتوحه نركب فوق
لمياء :اهبي تعرف تختار
مشاعل :هههه اصبرو بشوف ددسن
ساره : من الي بتسوق
نوره :انا الي بسوق بكن جيبن سياره بس
مشاعل توقف :بروح لااحمد بيوافق انشالله
راحت والبنات يتجمعن ورى الخيام ينتظرونها شافن السياره وفيها مشاعل يسوق بها احمد اخوها ..
انزل والبنات يركبن فيها
احمد براعه :وين فوق
البنات اضحكن واسكتن
مشاعل بترجاي:نبي نستانس الجوء حلو
احمد تردد وبعدين:كيفكم
ادخلت نوره داخل ودخلت معها منيره وبنتها ونوف
الهنوف فوق السياره :منيره جيبي هبه منتب صاحيه جيبيها ماسلمت عليها..
لمياء بزهق:بعدين فااااضيه
الهنوف بعناد :لا جيبيها فوق معنا
مدتها لها منيره خذتها الهنوف وقعدت تبوسها مشت نوره بشويش الى ان ابعدت من الخيام اقعدن يتمشن مرت عليهن سيارة فيها حريم ورجالهم
لمياء براعه :ياويلي فضحي منهم
الهنوف وهبه في حظنها :ليه وش فيهها تخيلي انا داخل وانسي..
ساره :ههههه روعه المنظر بس برد..
مشاعل تزحف صوب الهنوف الي لابسه ملفح صوف على كتوفها..
الهنوف تضحك:قامن يتزاحفن..
وفاء ترتجف:برد والله ماتوقعنا بيبرد كذا
لمياء :عشان فوق
ساره :خلاص خلوها توقف بندخل
مشاعل تطق قزازة السياره عشان يوقفون
وقفت نوره وافتحت الدريشه :هلا
وفااء :برد ببنزل ..انزلن البنات كلهن واركبن داخل
نوف بزهق:زحمه ليتنا درينا مقصدكم كذا والله مانوقف
ساره :اشوى انتس مادريتي
شغلت نوره السياره حاولت اتحرك وبخوف:بنات شكلنا غرزنا
لمياء تقدم جسمها: حاولي ماسرع وغرزنا
نوره برتباك :اصبرو شوي ..حاولت فيها والكفرات تحفر في الارض زياده
نوف:انزلو دفوها انا ماقدر .. انزلن دفنها مافيه فايده..
الهنوف :دقو على احد دام الوقت..
مشاعل :بدق على احمد
نوره بسرعه :لاتكفين بيزعل علينا وانا بعد السبب.. بدق على مفلح يطلعها ولا يدري اخوتس
وفاء:لا عادي ..
نوره :لا الله يرضى عليتس بدق انا ..دقت نوره على مفلح كلمته وجاءهم على سيارته الجيب
لمياء تلفلف شفايفها :بيهايط ذلحين..
|
|
|
|
|
|
11-30-2011, 05:26 PM
|
رقم المشاركة : ( 45 )
|
|
عضو نشيط
|
لوني المفضل :
Cadetblue
|
|
رقم العضوية :
22014
|
|
تاريخ التسجيل :
Nov 2011
|
|
المشاركات :
126 [
+ ]
|
|
عدد النقاط :
10 |
|
|
|
60
ساره فيها الضحكه بس امسكتها الموقف مايساعد انزل ووقف عندهن
مفلح ببتسامه حلوه :وين الهنوف
الهنوف :مرحبا ابو سعد
مفلح :هلا ومسهلا وش اعلومتس
الهنوف :طيبه طاب حالك..وش لونك انت.. سلم عليها وتحفاها ركب في سيارتهن افتح الباب وطلع راسه لهن
مفلح بضحكه :دفن يامال الشحم..
تضاحكن البنات وقربن يدفن
ساره بقهر:لمياء دفي لعنبو ذالراس
قربت من السياره وحطت يدها على باب من ورى بس وناظرتهن
الهنوف:مشالله وخري بس ثقلتي
لمياء ترفع حواجبها بخبث: قربت ابي لامشت نطيت فوق
صدت عنها الهنوف وقعدن يدفن مشت السياره ونطت لمياء في الصندوق الى ان اركبت وزينت جلستها متربعه وهي تضحك على البنات يناظرنها ومنقهرات
وقف بعيد عن مكان التغريزه وطلع
مفلح بصدمه :خير..اشوف السياره ثاقله
لمياء :مهيب سيارتك..
مفلح : انزلي معهن يالله..
لمياء بغرور :منيب نازله..
مفلح :انزلي وروحي وقفي معهن مثل ماوقفن هن..
لمياء :لاصرت احمد طعت كلامك..
خلاها على عنادها شاف البنات يمشن صوبه راح للسياره ركبها ومشى وهي فيها
وقفن البنات ويضحكن على شكلها الخايف
سااره :وين موديها
نوف تضحك:تستاهل كان انزلت شكلها كان اتعاند
منيره :عزتي لها خوافه مهيب على شكلها
اقعدن البنات في مكانهن والهنوف راحت تمشي لمكان السياره تشوف التغريزه
الهنوف بصوت عالي :مايحد كان اناديه ماش نوره منتب سواقه
ساره تناظر معها :معلقه بس
الهنوف تجلس في مكان الكفر :دافي مكانها الارض بارده
ساره تجلس جنبها :من كثر مادرات الكفرات ولعت شراره
ابتسمت الهنوف خذت عود وارسمت به على الارض
ساره :كم تقادريتس في المواد الراسبه فيها
الهنوف ويدها تشخبط في الارض:كلها مقبول ..وابتسمت
ساره :هههههه المشكله كان مذاكرتها يعني بلا مراجعه ..
الهنوف ببتسامه :ذاكرت بس ..يعني.. اشوفه يدخل يطلع .. ارفعت راسها لها.. تقدرين تقولين اذاكر بس برتباك وتوتر ومضر بالنفسيه هذا الي درسناه صح
ساره تناظر بشخابيطها :الاشياء الحلوه نحب نتذكرها وتجينا حتى في الخيال بدون شعور درسنا هذا صح..
الهنوف بستغراب من كلامها :مافهمتتس..!!
ساره تاشر للارض ناظرت الهنوف ابتسمت بخجل وعقب اضحكت :كتبته ماحسيت والله..
ساره بهدؤ:تذكرين تلفونتس لي في ايطاليا..
الهنوف تهز راسها باسى :اشين لحظات عمري ماعمري حسيت بالغبينه والقهر مثل ذيك الايام
سااره :فضفضي..
الهنوف تنهد وبالم :حسيت بايطاليا بالكره له وانا اشوفه يمد يده علي بغطرسه وبقوه كم مره ابيت وانا عيني حزينه اغلب لقاتنا تنتهي بضرب واهانه يمكن بعد انا ماخفي عليتس اطول الساني عليه وهذا الي بس اقدر عليه حتى عقب ماجينا في بداية معرفتي بهله يناظرني من فوق ..ابتسمت اتعرفيني ماداني ذالنظره فماصبر ارد عليه من قلب بكلام يسم
ساره :انا قلت لتس خليه وعيشي حياتس..
الهنوف وصوتها تخنقه العبره وبسرحان :ماقدرت ساره هو انسان ماعرف اعبر لتس عنه عصبي شايف نفسه متكبر وحنون وفيه رحمه لفت لساره وكملت اذا اظهر جانب شخصيته كلام معسول عطف وحنيه وكانه عاشق احس انه متعلق فيني حتى نظرته تغيرني عشان كذا ماقدر اصبر واطنشه يخليني غصب ادخل معه بالكلام ماقدرت اعيش منعزله يقهرني بثقته وينرفزني ..
سااره ببتسامه :االا الان المشاعر كذا
الهنوف ببرود:لا... ميه بالميه تغيرت انا خايفه على نفسي هذا الي مابيه في الوقت هذا... حست بدموع تهاجم عيونها ارمشت بقوه
ساره :الهنوف اتركي الحبوب .. احملي حاسه ان حياتس بتغير مع خبر حملتس خذيها مني.
الهنوف بخوف:وذا حملت وخذاه مني وخلاني اروح..
ساره :مهما صار الطفل يبي امه خاصه اذا تعلقت فيه بيجيها ويعيش عندها اذا اعتمد على نفسه..
الهنوف بتردد: انا خليتها هالفتره ومراح ارجع اكلها..
عند مفلح ولمياء
لفت صوبه بخوف تناظره داخل السياره شافته لابس نظاره شمسيه ويسوق بها بسرعه مشى بها الى الجهه الثانيه ووقفها تشوف الخيام بعيده مره نزل وهو ينسف اشماغه ويزينه قدامها ويناظرها وهي تراجف بس مابينت
مفلح عقب مانزل يديه ودخلها بمخابيه:يالله انزلي
لمياء بخوف :وين انزل..
مفلح بنظره قوييه :انزلي روحي للخيام تشوفينها..
لمياء :بلحالي..
مفلح بستهزاء واضح:لااا وين بلحالتس بشيلتس..
درت لمياء من كلامه بالجديه وبعزة نفس انزلت ..
لمياء بغرور:اووه قاهرتك وانا مدري سورري
قفت منه متجهه للخيام عود للسياره ركبها مشى بتجاهه قرب من جنبها وحرك كفرات السياره عليها بسرعه الى ان تعبت اغبار ناظرته بصدمه وقهر .. بعد منها شوي افتح دريشته وابتسم
حرك منها وهي تغلي من القهر حقير تافه..تخنقها العبره برد كيف اتروش اشوف فيك يوم..
رجع للبنات وقف عندهن نزل وركب سيارته وهن يمشن لسياره
نوره بصوت عالي قبل يمشي :مفلح
لف لها بعد ماشغل السياره
نوره بضيقه وترص على اسنانها :وين لمياء
مفلح :وصلتها للخيام قبلكم انتو يالله امشو قدامي لاتغرزن بعد
راحت نوره للبنات شغلن ومشن وراه اوصلو ونزلن البنات على غروب الشمس كلن راح لخيمته يلبس شي دافي التهن البنات بغزيل الي وصلت لهم اليوم بعد ماكلمتها امها وعلمتها بمجي الهنوف..
وقف سيارته وراء خيمة الرجاجيل وقعد فيها يناظرها تمشي من بعيد ابتسم بالم غمض عيونه بقوه وزفر
انتظرها الى ان اوصلت ودخلت بين الخيام نزل ودخل على الرجاجيل
لمياء وهي تنادي منصور :منصور تعال حبيبي
الهنوف تسحب منصور لحظنها وتسولف عليه:خليه توني ماشبعت منه
لمياء بقهر :انتي هنا ليش مافزعتو لي
الهنوف تلف بقوه وضحكه :نسيتس ياشيخه وينتس
لمياء تخنقها العبره :توتس تذكريني شوفي شكلي
تمعنت فيه الهنوف وعقب اضحكت بقوه :يووه وش ذالزين متمرغه مع النوقات..
نوف :هههههههه
لمياء بترجاي تنرحم:دبرو لي مويه دافيه بتروش
الهنوف تقوم :ابشري دقايق روحي جهزي نفستس ..
غزيل تجلس مع امها بعد مانومت صباء :مشاالله الهنوف حالها زين
ام فهد بوناسه :الحمدالله
دفت مويه وودته لها تروشت والبست واطلعت لهم ترجف من البرد
لمياء :يمه برد وين الدفايه
منيره :روحي لها قربي مافيه احد كلهم راحو للضو عند خيمة ام راشد.. لمياء :ااه الله ياخذ من كان السبب
منيره تزين لها خبزه وجبنه :استغفري انتي السبب بطرانه..
درت لمياء انها تستهزي فيها خلتها تلبست ملابس دافيه وصلت المغرب وراحت لهم هناك ادخلت اول ماشفنها البنات اضحكن وهي تقلب اعيونها عليهن وتجلس جنب امها عند الحريم
منصور بصوت عالي :يبه (يقصد جده ابو فهد ) جاءت سياره
ابو فهد :قم يافهد شف منهو
مفلح :خلك فهد واحد من اخوياي بقوم له انا
قام له مفلح وهو يرحب بمحمد
محمد بتوتر :والله اني مستحي من اهلك
مفلح يطقه على ظهره بقوه :والله ان ابوي معتبرك واحد منا ...
محمد يبتسم :يالله خلني ادخل سمى علي لاطيح..
مفلح :منتب طايح عليك سيقان..
محمد براعه :والله لو اطيح يامفلح ان ارجع امتر ثري..
مفلح :اييي اتفوو على هيك سيقان مشعره..
دخل محمد سلم عليهم وجلس جنب مفلح بوجل
مفلح يدزه :وخر ترى منيب ابوك متمسك فيني
محمد متفشل لايشوفه احد وبستهبال:اااه مالت عليك الي معتبرك زي ابوي ..بتاخذ راحتك بين اهلك
مفلح :هههههههههاي ..لف لمحمد يكلمه بصوت خفيف..واضح علي انى عمري 29
محمد بستغراب :وش الي يخليك تسال
مفلح :ابي لا بغيت اكذب ذلحين ذالرجاجيل الي انت تشوف عندهم ان مفلح مايمزح سيده وانت عاد جيت الساني يحقرشني لازم احتسي عليك..
محمد يفتح عيونه :يووه السالفه وش الزبده..
مفلح يضحك :يعني لاشافوني انكت معك قالو استخف الرجال اثر ذي دبرته مع اخوياه وعندنا عاقل..
محمد يلف لها ويمثل الجديه :تدري انك سامج
مفلح يمثل الاهتمام :معلي منك لازم اعقل لين اخطب منهم بناتهم مزايين...
محمد يلف له :انت ماقد خطبت..
مفلح ببتسامه متوتره :لا خلاص كلن راح في طريق..
محمد :الله يكتب لكم الخيره ..صليتو
مفلح :لعنبوك انت جالس ماصليت
محمد براعه :قصر صوتك لاحد يسمعك
مفلح يستهبل عليه :صل ورى الذر لايشوفك احد..
محمد :معليه .. وبتعبير جديه اقول مفلح ..
مفلح :لبيه
محمد :عندكم شاهي اقط
مفلح يضحك:افاا عليك صل وتلقاه جاهز
راح محمد يصلي المغرب ومفلح ينادي منصور
منصور :هاا
مفلح :لاتقول هااا قل سم
منصور :سم
مفلح :ابعدي ..روح لخيمة المطبخ قلهم يزينون شاهي اقط
منصور :اقولهم يزينون شاهي اقط
مفلح :ايه حبيبي يالله
راح منصور لهم دخل على الشغالات
لمياء بفرحه :منيصير تعال ماسلمت علي يوم ناديتك
منصور يجيها ويسلم عليها جلسته في حظنها
منصور يقوم :لا لا مفلح يبي شاهي اقط بوديه لهم
لمياء بقهر:والله يتامر عليك ليش ماعيت
منصور :لا تحسبني بزر اعيي
لمياء :هو هو الي قالك ولا احد ثاني
منصور :لا جالس قريب منهم عشان اشوف خويه جاي عنده وقاله خويه وهو قالي
لمياء ببتسامه شيطانيه :خلاص انا بزين لكم
منصور :عجلي بحتريس
خذت الابريق حطت مويه وفيه شوي طحين وركبته على القز الى ان غلى ترددت تسوي الي في بالها تذكرت شكلها بالغبار وترواشها بالبرد خذت تراب وكبته فيها وشوي مصفر يغير لونه بعد ماغلى مدته لمنصور ببيز وراح لهم
بضحكه انتصار يارب لك الحمد احس اني هديت وانا من عصر اغلي لفت اجلالها زين البست بالطوها واطلعت للحريم منحاشه
مفلح ومحمد جالسين ورى الرجاجيل في اقصاء الخيمه ووالباقين قدامهم متجمعين على الضوء
جاب منصور الابريق وحطه قدامهم
مفلح :جعله يسلم ولد ماجد..جب بيلات قبل تروح
محمد :كديت البزر
مفلح بتهديد اشر على الابريق:تراني بكبه
محمد :تبتزني ..
عطاه منصور البيالات خذاها مفلح وصب لمحمد ظلام شوي فماوضح شكل الشاهي
مفلح :ياله اشربها كلها هذا طلبيه مخصص لعيونك
محمد :جعل اعيونك سالمه
صب له مفلح ومحمد يشرب ابيالته تتطعم طعمها يع وش هم حاطين فيه الله يديم النعمه تصبر عليه استح يقول له شي وهو طالبه طلب
جلس قدامهم منصور وقعد يناظرهم
مفلح يناظر منصور ويضحك :مستغربك والله لوتبخ عليه ان تمرجه..
محمد :يحب الزين ..اكيد انه معجب ..حط محمد البياله مقدر يصبر على طعمها
مفلح يصب له بياله ويحطها قدامه :كمل ذالابريق الحق رغبتك فيه
محمد بتوهيقه ياليل الساري خذاها واشرب رشفه بسرعه عشان تكمل وبيعيي لاصب له مره ثانيه
مفلح :وش اخبار نادر منقول من قسمنا جاكم
محمد :جاء الهم صبرتس يارض اناظره وانغضي
مفلح ميت من الضحك : والله اني مستانس عليه موب يشيل في خاطره..الظاهر انكم جدين شوي..
محمد يناظر منصور :صب لذا الاغليم كونه يصد مني شوي
مفلح :ههههه منصور تبي
منصور :لا مابي تبيني اشرب تراب
مفلح منصدم ويضحك :وش اتربه ذاه اقط تعرفه..
محمد اني والله داري ان فيه نكره :عسى موب هو الي مزينه..
منصور :لا موب انا خالتي لمياء زينته وحطت تراب..
مفلح منصدم من كلامه خذا بيالته وشرب منها بانت على وجهه تعابير القرف
مفلح :انت شفتها
منصور :ايه وتخلطه تقول خلطه سريه عطتني اياه واقعدت تضحك..
محمد :ههههههههههاي خبل ذي ولا صاحيه ..
مفلح مبتسم بسخريه وعيونه في الارض :تبي تردها لي..
محمد مازال فيه الضحكه :متصبر على الشاهي اثره فيه ان ..اني داخلن عليك يامفلح ان اتعلمني وش سالفته تكفى..
لف له مفلح وابتسم ابتسامه ذات مغزى :وديتها بعيد ونزلتها لين عافت السانها..
محمد يبتسم ويغمز له :شكله معجبك الوضع تبوسم..
مفلح :حتى لو يعجبني معاد يمديني.. هات بيالتك بروح لاحد يسنعه..
محمد :والله معاد يركب اليوم لي شي..
مفلح بقهر :استغفر والله انه يركب وان تذوقه وان اتزينه راعيته الي خربته..
محمد برتباك :مفلح ياخوك ترى السالفه هوينه لاتسبب لهم مشكله..
مفلح بجمود:والله ماقامت معي ولااقعدت مقدار شعره ..الا انه عناد فيها ماتصير الاخيره..
محمد بستغراب:الظاهر انها العبت في عقلك خبلت بك ..
مفلح ياخذ الابريق:من زمان ..طلع برى وكلم خالته ام فهد
مفلح :خاله فهد يمدح زيان لمياء بشاهي الاقط خويي عندي خلوها تزين لنا وذوقيه جعلني مابكيتس قبل يجينا..
ام فهد :ابشر نفداك بعلمها ذلحين..
مفلح :بيجي لها منصور ياخذه..
ام فهد تصكر منه وتلف للمياء
لمياء تجلس على اركبها عند امها :لبيه
ام فهد بهتمام :زيني شاهي اقط مفلح عنده خويه زينيه زيانن حلو وجيبيه خليني اذوقه قبل تودونه ...
لمياء افتحت عيونها على الاخير:وش على كيفه ..
ام فهد ترص عيونها عليها :استحي على وجهتس ترى موب فهد ترفضين..
قامت بقهر للمطبخ زينته صح ذالمره وقفت عند القز وبيدها البيز وهي تحرك رجلها بتوتر وكل شوي تزفر بضجر..
وقف عند الباب وابتسم بنتصار :وش افضل الطريقه الاولى او هاذي..
لفت له بسرعه ناظرته بقرف وصدت
مفلح بستهزاء :صراحه متردد مدري كلها حلوه بس انتي وش رايتس..؟؟
لمياء ببرود:والله والله يامفلح ماكرهتك بحياتي من عرفتك.. لفت له وناظرت بعيونه الهاديه..مثل ماكرهتك برمضان وفي ذالمكان انت انسان بغيض...
مفلح يحرك مسباحه بهدؤ :الافضل تكرهيني وتعيشين حياتس لنتس لوبقيتي تحبيني نفس اول وهذا شي متاكد منه بتضلين تعيسه لا انتي لي ولا انا لتس..
لمياء ترفع راسها لفوق وبجمود :تكذب على نفسك وتصدق كذبتك.. الحقيقه اني ماحبيتك بحياتي..رصت على اسنانها وبتاكيد.. اكرهك واكررررهك من كل قلبي ودوم ..وبقرف ..كريه ماتساوي مقدار ذره ..وبستهزاء..احبك مسكين
مفلح يتنهد:انا دكتور في نظرت اعيونتس الي بدت تكره وبغرور ..مد اصبعه السبابه لها ..تدرين وش الحقيقه حتى انا بديت اكرهتس وبقوه.. مادري وش الحظ السعيد الي افسخ خطبتي منتس الحمدالله على هالساعه..
نزلت نظرتها بشرود لعيون القز الي تشتعل بنيران
مفلح بتهكم :لا تنسين تحطين اصبعتس تحلينه احبه حالي ازياده..سلام
طلع وهي نزلت على ركبها بسرعه ويدها على وجهها تصيح بقوه
دخل عليهم الخيمه جلس جنب محمد بسرحان وتعب شفت بعيونها الكره شفته بمطبخ الراشد ياليتني ماتمرجلت ووديت الصحن افضلي قعدت على نظرت الحب بعيونها الاولى ماقدرت تخفيه مني او على الاقل اقدر اسميه اعجاب..بس الان تكبرت على مشاعرها وابغضتني..
محمد بهدؤ:وش فيك عسى مابيت راعين الشاهي
مفلح يتنفس بقوه :بيتهم وبيتوني..
محمد ببتسامه وصراحه:طحت في حب ابنيه..
مفلح ببتسامه حزن هز راسه: ليته اول يامحمد ليته قبل تكرهني..
محمد برحمه:الكره ماجاء عبث صحح غلطتك وترجع الامور كما كانت..
مفلح بسخريه:لا مافيه مجال تتتصلح الامور انا نفسي عزيزه جدا اتعبتني...
سكت محمد عقب ماصد مفلح للرجاجيل ملقي محمد جنب وجهه وساحب اشماغه .. محمد في نفسه الله على الزمن مفلح تتعب نفسيته لذاالامر حكم الاقدار..
ارفعت راسها وطفت النار بعد مافار الشاهي عليه امسحت ادموعها وشالت الشاهي نادت منصور وعطته اياها
منصور :خاله وش فيها عيونتس حمر..
لمياء بتعب:عشان الدخان.. عطته اياها وراح.. ابتسمت ويدها على فمها ابكي عشانه بين مشاعره لي طيب واذا اكرهني بالطقاق الي يطقه مثل ماكرهته بيكرهني
اطلعت للحريم شافتهن قايمات يصلن العشاء اجلست جنب الهنوف وقعدت تسولف معها جاتها منيره واجلست جنبها
منيره تشاورها :ترى عمر ولد صبيحه اخطبتس من امي اليوم..!!
لمياء تحس بجليد بقبلها :وش قالت امي.. ؟؟
منيره :تقول بسالها وبرد لتس..
لمياء بهدؤ:شفته عمر مشالله شكله رجال وعاقل قولو لامي انا مواقفه مالله داعي تجي تسالني
الهنوف:اكيد بكل قناعاتس ..شفتيه..
لمياء تلف صوبها اجبرت نفسها ببتسامه : لمحته من بعيد ولاباس فيه صح انه سمين مهوب مهم الشكل ..وفي نفسها حبيت الشكل الجميل وماستفدت شي
منيره :زين اجل بعلمها تقول لها
لمياء :ايه تعلمها بكره مهوب اليوم تحسبنا مشافيح على ولدها
نهاية البارت
|
|
|
|
|
|
11-30-2011, 05:27 PM
|
رقم المشاركة : ( 47 )
|
|
عضو نشيط
|
لوني المفضل :
Cadetblue
|
|
رقم العضوية :
22014
|
|
تاريخ التسجيل :
Nov 2011
|
|
المشاركات :
126 [
+ ]
|
|
عدد النقاط :
10 |
|
|
|
:::البارت الثانى والستون:::
جاب مساعد الفاين وعطاه عمر خذاه وراح للوايت يغسل
مساعد :وش سالفتهم..!!
فهد لذلحين منصدم :مدري وش فيه مفلح هو الي بداء بالكلام ومد اليد
راشد بهدؤ:خلاص اعيال صلو ولا تكبرون السالفه..
ادخلو على الصلاه الي اقامة وبدؤ يصلون المخيم فاضي ماغير ام عمر وولدها والراشد والمفلح
...........
فى قصر سلطان
في الرياض واقف محمد عند مكتبه يحط الاوارق
سلطان :تصرف فيهن انا وراي مشوار..
محمد:ابشر بسعدك..بعيد مشوارك..؟؟
سلطان يوقف ويتجه للباب:لا قريب...
محمد بحراج:ماتقدر تاجله شوي..ابيك بموضوع صغير
سلطان ببتسامه هاديه:ماقدر والله يامحمد لازم امشي ...
محمد بتردد:فيه مشكله ولاشي..؟؟
سلطان :ابد ابد..في امان الله
محمد:في حفظه
...........
فى ارماح
العصر تقهوو البنات وراحن يمشن
غزيل :بنات تاخذون معكم صباء
الهنوف تلف لهم :هاتيها ..تعالي قلبي تعالي.. مشت لهم صباء باديه تمشي اوصلت لها شالتها وكملو طريقهم
منصور يركض صوبهم :انا بعد بروح ..
لمياء تمد يدها له:هذا عاد حبيبي.. مسكها مع يدها واقعدو يمشون ويسولفون اتعبن واجلسن
لمياء :الهنوف تعرفين مشاعل الي معنا بالباص
الهنوف:ايوا اذكرها ..ملسونه ذيك البنت
نوف :خلوها في حالها
ساره :لا اصبري خلي لمياء تكمل حاسه وراءها شي
لمياء :ههههههه يافاهمني
الهنوف:اها داريه بعد انتي..
ساره :مرسله ورقه مع لمياء بعد ماعرفت انها تعرف مفلح..صح نوره
نوره :صح ..هي تبي تزعل لمياء تدري انه اخوي ولمياء خاطبها اخوي فسوت كذا
لمياء انصدمت يوم اذكرت هالموضوع نست سالفة الرساله كانت تقصد سالفه ثانيه
الهنوف بستغراب :وش دخلها صدق ماتستحي..
ساره :ايام رحت قبل الدوام مع نوره تبي تسحب ملفها ولمياء جات معنا وهي كانت جايه مع وحده من خوياتها تاخذ جدول امتحان الاعاده
لمياء بتصريفه :لا السالفه هاذي مالها داعي انا اقصد سالفه ثانيه
نوف بلقافه :لا علمينا وش سويتي بالرساله
لمياء بتوتر:يعني كان اول خاطبني فطبيعي حذفتها..
نوف :وليش تنشرين خطبتس هذا شرعكن يالبنات
لمياء :بصراحه ماقلت لاحد الا خوياتي وطبعن ماراح ينشرن بس تعرفينهم بنات الكليه ومن كبرها النعيريه ياحسره..
الهنوف :وبعد عندها سالفه غير هاذي
لمياء تنهد:ايه تطاقت مع وحده من الامن مهيب هينه قوتها عطتها كف مع وجهها والامن تصاعق وهذ الي اقدرت عليه..
منصور :نفس مفلح والله عند الخيمه اسطر عمر كف لللللللين طاح عى وجهه...
البنات يلفن له بستغراب
ونوره بهدؤ :وليش يضربه متهاوشين
منصور يهز كتوفه :مدري يسولفون وبعدين مفلح طقه وجاء خالي فهد وانا نحشت عند خيمتنا
لمياء قلبها يدق بقوه.. شرير متسلط ليش يمد يده شايف الناس تحته
الهنوف:اخافهم يمزحون
نوره بزهق:ماظنيت مب ذاه مزح مفلح..
نوف :ماعليكم من كلامه بزر
منصور بضيقه :لا منيب بزر الاصدق طقه بعلم عليه ابوي ناصر عشان ثاني مره معاد يطق عمر وهو يلعب معنا.. لف لنوره وبقرف.. مالت على اخوتس يع منه كل شوي يمشي جنبنا ياخذ الكوره ويحذفها بعيد
الهنوف تضحك:يبيكم تلحقونها..
منصور يفهمها:لااا هو يقول العبو بعيد ازعجتونا وحامد عيا يبي يلعب قريب
نوف :خلاص منصور عيب ..ثاني مره طيعو كلامه
حاولت تبين طبيعيه معهم تبتسم بدون حياه والكلام يدخل ويطلع بدون فهم.. يبي يبين يعني ان عمر اقل منا وش فيها لو صارت امه اجنبيه متعلم ومتفهم اكثر منه ..ليش يمد يده عليه ..
وقفن البنات بيروحون والهنوف تلف لهم وتبتسم :بنلحقكم انا ولمياء
راحن البنات وخذو معهم صباء
الهنوف بهدؤ:انا متاكده انه مد يده عليه وانتي في السالفه..
لمياء بقهر:داريه يبي يقهرني يبيني افهم اني خذيت واحد اقل منه نسب..
الهنوف بستغراب :كم مره وانا افهمتس انتي وافكارتس الغلط ..ماقصدت كذا
لمياء تنفخ بغيض:وش تقصدين
الهنوف :ماقصدت الي فكرتي فيه وبعدين ليش مفلح بذالوقت يمد يدها على عمر الا عقب ماعرف انه خاطبتس.. مفلح انقهر من عمر لانه بياخذتس وهو توه يشيل في قلبه لتس اتوقع انتي مثله..
لمياء وتنفسها يسرع:لا لوه يبيني مارخصني لوه يحبني يشيل في قلبه لي شي ويثق فيني كلكم تحبونه وتوقفون معه ضدي انا اكرهه واكرهه من كل قلبي انسان مافيه احساس لا لا يالهنوف لاتقولين كذا انتي ماتدرين كيف عشتها ايام عصيبه علي ماتمسك فيني ولاوقف معي بالعكس خلاني كاني شي ملك له وبيملكه بس اصلن مارضى بالخطبه من البدايه الا عقب ماكلمته وانقهر..
الهنوف بستغراب:وش صاير لتس معه غير الي نعرفه
لمياء برتباك: ماصار شي بس عارفه انه كذا ..
الهنوف :ودي اصدق كلامتس فيه بس انتي منتب واضحه مشاعرتس له مهيب كره
لمياء تبكي:انتي توهمين كنت معجبه فيه بس مثلي مثل البنات جمال وشخصيه بس من عرفته وهو يكرهني ماحبه ماحبه
الهنوف تنهد بهم وتلف عنها تناظر غروب الشمس:انا قبلتس كرهت سلطان وحقدت عليه حتى بصلاتي ادعي عليه ماتوقعين كيف انا خايفه ان الله يستجيب دعواتي الي قد دعيتها عاشرته عرفت انه انسان مثل غيره يخطي ويعصب ولازم الي يحب يتحمل انتي مثلي بالضبط لو انا ماحسيت بسلطان يشيل لي مشاعر اشوفها بحنانه وكلامه وتغاضيت عن الباقي ماشفتيني قدامتس طبيعيه ابتسمت بستهزا ..حتى لو كانت نظراته وكلامه مجاملات صدقتها غصب عني
هدت لمياء تناظر الهنوف السرحانه راحت لها وضمتها من ورى وصاحت
الهنوف ببتسامه:يعني مازال فيه بقول اعجاب مهوب حب
لمياء ابتسمت تغير مودها:حتى لو فيه على قولتس بمحيه انا خلاص صرت لواحد غيره وهو الله يوفقه..
الهنوف تلف لها :امين اجمعين
راحن للمخيم شافو سيارة مشغله عند خيمتهم وقد صلو العرب ادخلن صلن واطلعن برى والسياره اتحرك
الهنوف: كانهم راجعين
ام مفلح بضيقه وحرج :الله يهديه وش يبي منه فشلنا عندهم
لمياء تكلم ساره :وش فيهم.؟؟
ساره :شكلهم عشان الهوشه زعل عمر وامه بعد.. احليله علمها افزعت عند خالي سعد وقعدت تشره عليهم..
لمياء تنهد بتعب: ماله داعي ليش يمد يده وبعد عمر ..وناظرت ساره.. يعني عشان اصير منصفه ماله داعي يروح كان اجلس ولا علم امه..
في خيمة الرجاجيل
ابو مفلح ويده على راسه:بتجيب لي المرض مانتب صغير...
مفلح بهدؤ وفرحه من داخل ما توقع انهم بيروحون ولكان تهاوش معه من زمان
ابوفهد:لا ذالي صار مايصلح منك يامفلح
مفلح يبعد من المركى المتراكي عليه: اخطيت وهو استفزني ومديت يدي..
راشد :لازوم تملك نفسك الرجال ضاق وراح...
مفلح :يا شيخ ابرك الساعات ..
ابو مفلح بقهر :انت وش صاير لك وش مسوي لك هو..
مساعد :والله يايوبه ماخبرت عمر يزعل احد تلقها بلى هاذا متفرغ ولاجاء في وجهه الاعمر..
مفلح بهدؤ:صادق مساعد..
ابو مفلح يناظره بعصبيه وبروده للموقف:علمن جاك ياما تصير رجال مع الرجاجيل وتكف اذاك منهم ولا فارقني لاتشوه سمعتي..
ابو فهد يهديه :هد نفسك هذا الشباب ومشاكلهم
ابو مفلح بغيض :هذا قده شايب متى بيحس بنفسه..!!
مفلح عاقد حواجبه ومنزل راسه ..
ابو فهد بعتب : لوك تحملت شوي عاد هذا نسيبنا وبياخذ بنتنا..
ناظره مفلح بسرعه وصد بغيض وألم..
ابو مفلح بفشله من اهل عمر:احرجتني قدامهم وقدام امه.. وش حادك تمد يدك عليه مصتصغره..
مفلح يتنفس بهدؤ وتراكى على المركى ملقيهم كلهم اظهره ويديه ورى راسه بدون اهميه ودندن بصوت واطي..
هي راس مالي والعرب مايدركون
اني على باب الممات وماحكيت
يقوى قلبي يوم قفنه اطعون
الي على ذاك الموادع مابكيت
وياصبر صبري والعواذل يحسبون
اني دلهت من الهوى ولا سليت
اسكت عساهم من اسكاتي يسكتون
وانا عن الي في ضميري مانتهيت
راشد يفتح عيونه في مفلح يبيه يحس بالي حوله ولا يسفهم كذا
غمض عيونه بقوه وافتحها:مساعد جبي لي مويه
ابو مفلح بغيض وقهر:لاااامنتب صاحي..
مفلح بالم :يبه الله يرضى عليك ويخليك لي انا اسف والسموحه منك..
ابو مفلح :انا وش ابي باسفك كان تاسفت منه وحبيت راسه يوم اشرت لك
مفلح بعتب : يبه انت خبرتني من الرجال الهواين تبيني احب راسه لا والله.. تاسفت منه رضى لك بس وشوف عينكم مارضى وراح
سكت ابو مفلح عقب ماذكره بسالفة اخوه مفلح المتوفي طاق مفلح ولد سعد عشان المدرس جاي يتشكى منه مطول السانه على المدرس وعقب ماعلمهم مفلح بسبب المشكله ان المدرس هو الي ضاالمه مع قائمة طلبه متسربين وهو جالس في الصف بشهادة طلاب الصف طقه عمه قبل يدري ومفلح طول السانه عليه وتهدده... طلب ابوه ذيك الحين يحب راس عمه رفض وطلع من البيت رقد عند خالته نوره عقب مادرو ببرائته تاسف منه عمه الله يرحمه
فهد يدخل عليهم :قومو على العشاء
قامو كلهم بهدؤ وكل واحد يسترق النظرات لمفلح راحو للعشاء ومفلح ماراح معهم
جالسه وراهم ماتبي العشاء وتفرج عليهم شافت نوره يوم قامت توها جالسه اطلعت وراحت لخيمة مجلس الرجاجيل محد انتبه لها
ادخلت على مفلح منسدح براسه على المركى ويرص بيده على راسه من الصداع
نوره :ليش ماتعشيت؟؟...
مفلح وهو على وضعه :مالي به ..وش الي جابتس لو فيه احد غيري..
نوره :شفتهم يوم ادخلو الخيمة وتباطيتك دريت انك بلحالك..
مفلح :وش بغيتي..
نوره تقرب منه وبرحمه :خلاص الايام كفيله تغير حياتك وتنسيك الي اصعب من كذا...
مفلح ساكت ولا قال شي
نوره :ياخوي ترى مظهرك كذا يزعلني ماصبرت اسكت ولاانت قدرت تخفي شعورك..
مفلح بالم :وش تبيني اسوي يانوره...
نوره تجلس على ركبها قدامه :ابيك تنساها انا داريه انك حبيتها من شفتها بمطبخهم وعارفه انها هي الي تبي وتدخل مزاجك بس الله يدبر اموره..
مفلح يستقعد ويديه على راسه وبضيقه:ليتني مادريت انها بريئه كان على الاقل بخلي السالفه عياف المشكله انها ..انها ..تحبني...
نوره بهدؤ:تحبك لمياء ؟؟!
مفلح :ايه انا اعرف عيونهن بس عقب ذا عمر ذالمخيس تغيرت
نوره بستغراب:لا تفكر كذا ماعمرها حبتك ..!!
مفلح بنزعاج:خلاص خليني راسي موجعني لاتزيديني..
اطلعت نوره منه ادخلت عليهم بالخيمه شافتها جالسه وتلعب بجوالها حسافه تعبان وهي تلعب ماهمها
حطت الجوال وراحت لامها الي تبيها تجي تشيل العشاء صلن الحريم الكبار وراحن يرقدن وغزيل معهم
نوف :مافيه لعبه
ساره :الافيه بيلوت تبون
الهنوف :بيلوت المعروف
ساره :المعروف بس المشكله ماعندي
منيره :معتس ولا مامعتس
لمياء :لا هي معها عيشه بس ماتعرف الى هي
ساره :ايه وعيشه احد يبي ههههههه
لمياء :هههههههه وريته شكله قام يماري به
ساره بنبهار :احلى تقولين امثال وحكم
الهنوف تضحك:بالله فسريه
لمياء :يعني مثلن فيه واحد خلونا نقول ساره تهايط يوم قلنا لها حقيقتها قامت تماري بها وهي مصدقه ونا نقوله نلعب عليها خخخخخخخ
ساره تكش عليها وتلف لضوء:خلونا نصير رومنسين ولو ليله وحده يعني لعبة الصمت
نوف برومنسيه : وكلن يذكر حبيبه
منيره :ويكلم رجله..
ساره براعه :اما ذي لا تكفن معاد الا انا ولمياء
اسمعن صوت رساله واصله لفن لجوالتهن
لمياء بفرحه :لي الرساله من الي متذكرني في ذالحزه
نوف بضحكه:استعدي لطيحة الوجه...
افتحت الرساله اقعدت تقراءها وهن يناظرنها
الهنوف:شكلها مهمه
لمياء بستغراب ارفعت حواجبها :لا رقم غريب
الهنوف:هاتي خليني اشوف
عطتها الجوال والهنوف تقرى
ساره :طولي صوتتس
الهنوف :خلوني اتحنحن شكلها موثره ...احم احم
روحي عسى درب مشيتي فيه لـك منـه خيـره ,,
ارخصتك وانتي مثل الذهب الصافي نقاوه وقيمه..
لعل كفن حوى كفك بدل كفي كسرن ماله جبيره,,
ولعل جسمن ضم جسمك موت ساعته قريـبه..
نوره تكلم بعد ماكانت معتزلتهم :عطيني اقراهء مره ثانيه
نوف :ياااه وش حلوه القصيده احساس عميق
ساره بستهزاء:حسيتي به وهو عميق
نوره متردده تمسح الرساله معقوله هو الي يرسل لها برقمه الاصلي يبيها تدري وش يقصد
نوره بحراج :مسكين اكيد انه غلطان
لمياء بعفويه :مادري يعور كلامه ..اكيد مجروح او مجروحه
ساره :او مجاريح هههههههههه
لمياء:هو كذالك هههههههه
الهنوف:يالله لو صدق صاير معنى القصيده.. وبتفكير ابتسمت وناظرت للبنات ..ندق على صاحب الرقم اذا رد رجال انسكره وذا مره انعلمها انها ارسلت بالغلط
منيره :لا وش عليكم منهم لازم كل شي تدرون وش مقصده
الهنوف بصرار :هاتي لمياء انا الي بدق..
نوره بخوف:لا بنات عيب اخاف بعدين يسبب ازعاج للمياء
لمياء متحمسه :لا عادي دقي الهنوف اذا ازعجني بخلي فهد يرد عليه..
ساره :خليس طبيعيه اقول حتى لو رجال اساليه وش قصته
نوره بقهر:لا بنات ماستحيتن
نوف تبي وماتبي:وش رايكم انخليه..
لمياء :دقي بس هذا جوالي ونا حره
دقت الهنوف ولمياء تحط اذنها عندها
ساره بغيض:ظلم حطي سبيكر
اشرت لها الهنوف تسكت وهي تسمع صوت الرجال يرد:مابي اتصال ..اذا نويتي تقفين..
الهنوف تعض شفايفها ويدها على السميعه وتناظر لمياء: وش اقوله..!!
لمياء بهدؤ يعصف بداخلها :قولي انت غلطان برساله..
الهنوف ترجع تكلمه :ماعليش اخوي انت غلطان الرساله ارسلت لرقم غلط...
مفلح درى انها الهنوف:لانوى صاحب الجوال بصد يعطيني خبر مهوب مجبور يكلم... وصكه في وجهها
الهنوف بعقدت حاجب: صكه
ساره :وش يقول
الهنوف : شكله مادرى انه غلطان لذلحين
نوره بخوف :امسحي الرقم وافلحن
لمياء بندم :بمسحه ليتني ماخليتس تدقين
الهنوف: يوم اشبعتي فضولتس
لمياء بهدؤ:لا بس اثر فيني صوته وكلامه شكله موب لعاب ليتني ماعطيتس..
نوره توقف :الله حسيبها المقصوده..ياله تمسو على خير
لمياء بتعب :انا بعد بروح ارقد
ساره :يالدجاجه
لمياء توقف وتطلع حست براسها يدور اطلعت برى وهي تمسك اطناب الخيمه الى ان ادخلت فراشها راحو عقبها كلهن يرقدن اقعدت تقلب في فراشها ماعرفوه تحسب نوره اني ماعرفته عرفت صوته ونغمته مانساها يحسبون اني متحمسه اسمع قصته وسالفة عشقه ليش يرسلها لي عقب مانخطبت ووافقت يبي يخرب على عمر عشانه متهاوش معه وبتردد بافكارها او يحس بحساسي اتجاه وندمان ..لو يحس بكذا اعترض على خبطة عمر وهو رايح يرسل لي انا .. وبستهزاء ناظرت جوالها..يعني انا الي ابدا وارفض عمر واقول يامفلح تعال اخطبني ..تاففت بقهر وقرف..مستحيل ارفض عمر عشانك وانت اهنتني وارخص نفسي لك.. انزلت دموعها بالم وغصب عنها وهي تكتم شهقاتها ...
مساعد يناظر مفلح الي يتقلب بفراشه بكثره ونفسه عالي وكانه محتر او منكتم..
راح له وابعد الحاف عنه يناظره بتوجس:مفلح تعبان..؟؟
مفلح يجلس ببطء وتعب واصابعه على جبهته :تجيب لي بندول تسوي خير..
مساعد يقوم :ابشر ..راح لخيمتهم دور في شناط وفي شنطت امه استح يدخل على امه في شقهم وارجع يطلع
شاف منيره رايحه للمطبخ تدفي مويه لبنتها
مساعد :من انتي
منيره:منيره .. تدور شي
مساعد :ايه ولا عليتس امر ابي بنادول مفلح تعبان شوي
منيره :سلامته.. اصبر بروح اجيب لك
ادخلت تدور في الشناط
منيره :بنات عندكم حبوب بنادول
الهنوف بفراشها وتحط كريم على يديها :ليه تعبانه...
منيره :لا مساعد يبيها برى مفلح شكله تعبان
انكمشت في فراشها وهي تعض شفايفها بقوه. ..
دورو في جيوب الخيمه واشناطهن مالقو
الهنوف:مالقيتي
منيره :لا.. عزتي له اكيد انه تعبان مره ولا ماجاء مساعد يدور..
لمياء تقوم :لا انا معي بشنطتي..
منيره :بدري وتشوفينا مشتقات
لمياء تقوم بحراج من الهنوف وتروح لشنطتها خذت الكرتون وعطتهم اياه
منيره تروح لابنتها الي قامت :وديه انتي الله لايهينتس
راحت لمياء لبرقعها وجلالها البسته واطلعت لمساعد برى
لمياء :سم مساعد
لف لها وخذاه منها :ماقصرتي
لمياء بتردد:وش فيك تعبان وش الي يوجعك
مساعد :لا مفلح راسه يوجعه من اول اليل
هزت راسها بهدؤ ورجعت للخيمه
دخل على مفلح الي يتقلب بفراشه مره يحط المخده تحت راسه مره فوقه
مساعد برحمه :مفلح اكلها عساها تهدي عليك
مفلح ملقيه ظهره وبصوت واطي :حطها حطها وخلها..
مساعد :لازم تاكلها يالله لقتها لي لمياء..
مفلح بصوت مبحوح وغامض:اخذها هالحبوب منيب ماكلها..
مساعد بتردد:وش زعلان منه اخبر انه مايوجعك الا اذا زعلت نفس ايام رمضان..
مفلح يقوم بسرعه ويلتفت على الحبوب بجنبه كلاها بدون مويه وناظر مساعد بجمود:كليتها خلاص قوم ارقد..
مساعد يناظره بستغراب وقف ومشى عنه وهو ملقيه ظهره:عشان عمر ماعليك منه هذا رخمه رايح يعلم الشيبان كنه بزر..
مفلح يمسح شعره ويرص بقوه عليه:مانيب زعلان.. بردان بردان..
راح مساعد يرقد ومفلح يتعوذ من ابليس ويستغفر من هواجيس والافكار بعد طول تقلاب ووجع استسلم للنوم ورقد
|
|
|
|
|
|
11-30-2011, 05:28 PM
|
رقم المشاركة : ( 48 )
|
|
عضو نشيط
|
لوني المفضل :
Cadetblue
|
|
رقم العضوية :
22014
|
|
تاريخ التسجيل :
Nov 2011
|
|
المشاركات :
126 [
+ ]
|
|
عدد النقاط :
10 |
|
|
|
63
مع صوت العصافير قامت بسرعه اغسلت وجهها من صلت الفجر ماجاءها النوم البست جلالها واطلعت برى لابوها وابو مفلح وامها وام راشد عند النار
حبت راس ابوها وامها صبحتهم بالخير واجلست
ابو فهد :هذي تراهي ناقتتس يالمياء..
لمياء ببتسامه :فديتك صامل اكيد
ابو مفلح :هههههه اشهدو عليه ولا وانا ابوتس شيليها معتس نادي لتس دنه من ارماح دامنا عندتس..
لمياء تضحك:انكنه صامل كلمتهم ذلحين اضمنها..
ابو فهد يضحك:افااا بتغدرين فيني
لمياء :ههههههه ماعاش الي يسويها فيك
طلع من خيمة المجالس شافهم مجتمعين واتجه لهم قرب منهم ارفعت راسها وشافته ازحفت صوب امها برتباك وهي تشوفه يحب رؤس الشيبان وراس امها ويصبحهم بالخير
مفلح:صباح الخير لمياء..
غمضت عيونها ودقات قلبها تسارع وصوتها يخونها:صباح النور..
ابو مفلح بتردد :وش فيك ذابل ووجهك ماش..
مفلح متطلم لاف الشماغ الابيض على راسه من تحت ذقنه وعليه ثوب اشتاء رصاصي: مابه شي شوية ارهاق..
ام فهد :يذكر فهد ان راسك امس ماخلاك تمسي..
لمياء تناظر امها بمتنان الله يخليتس يمه على هاالسؤال
مفلح يرفع نظره لخالته وبهدؤ:شوي من بعد الحبوب هداء ونمت..
لمياء ببتسامه ناظرته انا عطيتك اياها..
ام مفلح تقرب منهم وتصبحهم بالخير قام لها مفلح حب راسها وجلسها في مكانه
ابوفهد:عطونا الفطور بنسوم الحشوان دام مفلح قام وقومو راشد والعيال يعاونونه (نسوم الحشوان يعني يبطحون الحاشي ويكونه برقبته بعلامه يعرف بها(
قامت لمياء تجيب الفطور ومفلح راح يقوم العيال وام مفلح دقت على نوره تقوم راشد يجيهم عقب ماجاتهم لمياء بالفطور كلهم متجمعين الشغالات يشيلنه وراها حطنه وراحن
ام راشد : يامحق اعيال انتو سهرانين امس
فهد يالله يفتح عيونه :ايه سهرنا عند جيرانا..
مفلح يلف لهم :روحتو امس..!!
مساعد يشرب حليبه :روحنا وجينا وانت منتب صوبنا..
لمياء تناظره وهو يحك ذقنه بسرحان شافته يناظر الجالسين كلهم شافهم مندمجين مع ابو فهد يعلمهم طريقة مسك الحاشي لف بعيونه لها يناظرها قبل يشوفه احد حط عينه بعينها
افتحت فمها بخفيف من تحت البرقع ورفت بعيونها بخفيف تناظره من غير شعور ونبض قلبها يزيد غض بعيونه منها وصد يناظر ابو فهد نزلت عيونها لتحت ابلعت ريقها وسكين يطعن بقلبها وينئبها انها ناظرت فيه وعرف قبل يناظرها.. خلصو الفطور وقامو لحوش الابل
ام راشد تقوم توقف :بروح اجلس على النفود الصغير اتفرج تجين يالمياء
لمياء توقف وتنفض فستانها:ايه بجي معتتس
راحن صوب جهه مصده من الحوش يناظرنهم ادخلو العيال وسوى ضجه بالحوش الابل تهج منا والعيال يركضون على عماهم
لمياء تضحك على العيال
ام راشد بضحكه:مفلح كانهم جابرينه ..
لفت لمياء بسرعه له فاك اشماغه وناسفه بهمال متعنز على شبك الابل ويناظرهم بنزعاج ..
ابومفلح يناظر فهد ومساعد:اطلع اطلع انت وياه روعتوهن ..
مساعد وفهد يضحكون وهم يمشون برى:وش نسوي بها معاد درينا وين نمسكها معه..
ابو فهد:ادخل مفلح الله لايهينك ..
مفلح يفك اشماغه ويتطلم به:انا خبرتي فيها ماش ..على الله
ابو فهد:مايبي لها تبي قوه به..
ابو مفلح :القوه ابشر بها
ابتسم مفلح لابوه
اشر لهم ابو فهد على حاشي راح من جهه يحده عليهم ومفلح يترقبها الى ان قربت من جهته متحوزم بثوبه ومتلطم قربت منه امسكها مع ذنبها ومشت به اشوي الى ان اقدر يسدحه وابو فهد يقرب منه بسرعه وابو مفلح يجيب السوط الي في النار عند راشد يحرها لهم ويكونها
ام راشد بحماس:مشاالله الله يحفظه..
قامو من الحاشي وهي فرت تركض صوب خوياتها
ابو فهد بعجاب:ابعدي والله سنايدي..فهد المره الثانيه دورك
مفلح يفك لطمته ويبتسم :ومساعد قبله..
مساعد :ياويل مساعد فكوه من شركم
ابو مفلح يطلع من الحوش:هههههه يقولون اخر العنقود مهما سويت فيه وعلمته على ماهو مايتغير داج
فهد اعجبه كلام ابو مفلح :هههههههههههههه صدقك صدقاه
ام راشد بتمناي تناظر مفلح :والله اني ادعي انه من نصيب ساره..الله يجيب دعوتي
لمياء تناظرها بصدمه ..كل شي الا ساره.. كيف اشوفهم يروحون ويجون قدامي .. حست بالعبره بتخونها بتجي لمنا ساره وبتحكي لنا عنه وسوالفه وانا لي عمر بس..حست بالغيره تغلي بقلبها..ناظرت للارض وانا انا وافقت على عمر خلاص ..لا لا مابيه ..طيب مفلح راح وساره تستاهل.. اصلن من قال انه يبيني وبيرجع لي
ام راشد بفرحه :شوفيه يأشر لنا..
ارفعت عيونها له بحزن وهو يبستم وياشر على عضلاته
لمياء تصد منه:انا بنزل..
ام راشد تضحك وتاشر له بصبعها الابهام بمعنى قد
لمياء تناظرها بقهر من ذلحين متفاهمين خلتها وانزلت من راس النفود الصغير ودخلت بخيمتهم لقتهم كلهم قايمين
لمياء تاخذ نفس :ازعاج ذالبزراين
نوف :اي والله الصغير يبكي والكبير يبكي الصغير .. خلية ذبان
منيره تلبس بنتها:ذبان بعينتس..
نوف تناظر لمياء :اشوف الخاطر ماش على الصبح..
لمياء تنفخ بفمها تبعد عنها الافكار:من شفتكم وخاطري ماش
نوف:مالت عليتس والي بيصبح بوجهتس..
لمياء :وخري بس ياويلتس علي كل صبح ..
منيره :ايوه بدات بطرتها ..
لمياء تبتسم بتعب:ودي اصير بطرانه اصليه.. ودي استانس ..ودي اغير عقلي واشيل افكاري كلها كلها مره وحده.. ودي اركض وانسى واصير وحده جديده ماعلي من احد ولا في بالي احد..
الهنوف تبعد الحاف عنها وترفع راسها ببتسامه رحمه :طيب سوي..
لمياء تبتسم :وهذا الي بيصير...
الهنوف تجلس وباحساس اختها:حتى انا بسوي مثلتس..ماافكر باحد
غزيل تتجه لهم بصينة الفطور :ليه والاخوات موب مبسوطات..
لمياء تشتنشق الهواء بقوه وتنفخ :لا بنبدا الحين الوناسه..
الهنوف تقوم :بروح اتسبح واغير..
لمياء بتفكير :حتى انا بتسبح ..
الهنوف بقهر :لذلحين تقلديني
لمياء :ايه وش اسوي بحركاتس حلوه
الهنوف تضحك وتروح ولمياء تتبعها دفن مويه بالحمام وتروشنا بالدور اطلعت الهنوف البست فستان مخمل احمر هادي ضيق على جسمها مشطت شعرها وخلته مفتوح الى ان يجف واجلست عند الدفايه ولمياء تلبس تنوره مخمل اسود وبيج وتمشط شعرها وتجلس جنب الهنوف
غزيل تناظرهن:الحمدالله والشكر ذلحين استانستن..
الهنوف تضحك:لا اصبري بعد شوي..
نوف :خخخخخ تصدقن والله انكن تشبهن بعض بس الهنوف اغلبتس بالغميزه
لمياء :اصلن انا موب معطيتس وجه ماتمدحين ..
الهنوف :لا والله ماتشوفينها تمدحني
لمياء :ليه انا انتي ..
الهنوف:هههههه وانتي ليش ماتفرحين لااخوتس المسلم..
ساره تدخل عليهن :السلام
البنات :وعليكم السلام
ساره تناظرهن وتجلس قدامهن :فالات الشعور..وش تحسن به ..
منيره:يحسن بشي صراحه خوفنا..
ساره بتحليل:الهنوف حلو شعرها طويل يعني جذاب لاكن الاخت هاذي..
لمياء:وش فيها الاخت هاذي تبين طويل..
الهنوف :هههههه
منيره :حلو شعر لمياء عشانه قصير
ساره :لا الشعر الزين هو الطويل
لمياء تناظرها بسرحان تذم فيني عشانه اول خاطبني اكيد امها قالت لها شي بتفكيرها عن مفلح
ساره تبتسم :امزح يالمياء والله انه روعه حتى لونه متغير غجري
لمياء تبتسم لها وبنتقاد لنفسها:فديتتس عارفه مزحتس..
الهنوف توقف :بلبس برقعي وخلنا نروح نتمشى على رجلينا ونجمع الخزامى نفسي فيها ..
لمياء :اصبري لين نفطر
ساره :مابعدو افطرتو..!!
لمياء :الظاهر جايه تبين الفطور..
ساره تضحك :ايه روحي جيبيه بس وحطيه قدامي وانتي يالهنوف نادي احد يمشينا بالسياره
غزيل :ههههه خلتس وياهن ...أمريهن
ساره :ههههه بيطيعني ولا قمت عليهن..
لمياء : هههههه تفيحلت بنت هادي..
نوف :بروح اطلع للحريم مابي فطور..اطلعت لهن والحقتها منيره
غزيل :الساعه عشر فطور متاخر..
الهنوف:حنى بنفطر الحين الغداء بناخره
افطرن البنات البسن براقعهن واطلعن برى يمشن ابعدن من الخيام
لمياء :ليت معنا كاميره..مع اني ذكرتتس بها
ساره :اي والله خساره كان صورت هالخزامى..ليتني جبتها صدق
الهنوف: جوالي تصويره حلو بصور
لمياء :خذي لي التقاطه
الهنوف تخزها بنظره وهي تصور الخزامى منتشره حولهم كانها بساط
ساره :ليتني شاعره الجوء يساعد..
الهنوف تبتسم وتناظر لبعيد :ياما تمنيت اصير شاعره ..
لمياء بحماس :رجلتس شاعر صح..
الهنوف بهدؤ:ايه ليته ماكان شاعر..
لمياء تناظرها بستغراب:ليه بالعكس
اسكتتها عبره قويه بحلقها واكتفت بهزة راسها بلاا .. عضت شفايفها بقوه مابي افكر فيه الحين والله لاابكي قدامهن من زمان عنه ليش مايدق علي انا مرته يشوف وش صار لي.. وبتردد بنفسها والدمعه بطرف عينها مشتاقه ياسلطان مشتاقه.. ناظرت فوق تبعد الدمعه بطرف عينها..
تقدمت عن البنات الي ينزلن ويقطفن الخزامى تمشي بسرعه تبعد الدمع الي بداء يهاجم اعيونها
ساره بصوت عالي:تعالي
الهنوف تمسح دموعها وتهف على نفسها انفخت بفمها ولفت راجعه لهن
ساره :وين رايحه الحبيبه شكلها خذتتس الهواجيس عقب الشاعر ..
لمياء :ههههه اكيد موب يمكن ..
الهنوف بحزن من داخلها ابتسمت:عاد وش نسوي غصب علينا ..
ساره تناظرها بحنان وتبتسم: قد قال لتس قصيده..
الهنوف بتردد:كثير..
لمياء تصفر: اذوب انا.. اكيد ماحفظتي ولا بيت..
الهنوف : شي بسيط يقولها مره ولا يعوده
ساره بترجي :امانه قولي لنا وش الموواقف الي اقصد فيها
الهنوف كلها تجرح وبجمود:مره يوم بيطاليا كنت راجعه مع الخادمه كان واقف قدام الباب وقفت قدامه وقال قصيده ماسمعتها زين بس دريت انه يقصد
البنات يضحكن
لمياء بعجاب:ياحظتس يالهنوف والله لو مايقصد فيني عمر لطلقه
ساره :حبيبتي مستحيل عمر يقصد بيتفلسف قصدتس..بعدين رجل الهنوف كذا اسلوبهم خقق
لمياء :جعلتس يارب تاخذين واحد كلامه منا وانتي منا
ساره يدق قلبها ودي اقول امين بس صعبه..
الهنوف:ههههه وش في وجهتس حمر
ساره بحراج :تخيلو اخذ... قبيله توشوش
الهنوف :عادي تصير وش فيها
ساره :يعني عندتتس عادي
لمياء :هو خليه يجي بعدين تحفزي
سااره :لا طيب وذا جاء
الهنوف بتشكك :ليه انتي خاطبتس احد منهم
ساره منفشله :لا بس فضول
لمياء في نفسها ليته خاطبتس صدق وتعرسين بسرعه
ساره بتصريفه :يالله ماحفظتي بيت من قصيدة ايطاليا
الهنوف :لااا ولابيت كان زعلانه منه... ابتسمت لهن
ساره تانظرها برحمه :اهاا..وش جديده
الهنوف تضحك بهدؤ:والله مدري عن قصيده شي ابد هو صامت مايتكلم عن نفسه..
لمياء تقوم وسحب الهنوف :قومي صوري عشان تورينه اذا رحتي لهناك ..
الهنوف تضحك بنفسها ايه مره بوريه صورتي..
ساره بتأيد:خليني اعطيتس وضعيه ترى عندي خلفيه عن التصوير
الهنوف تبتسم :طيب..
ساره تناظر حولها: طيب مادام مافيه احد افسخي برقعتس وجلالتس واجلسي جنب هالخزامى
لمياء :ياقدمتس ياساره
ساره :قديمك نديمك ...تعالي الهنوف هنا.. اجلست الهنوف عند الخزامى وافسخت برقعها واجلالها ابعدت قذلتها عن عيونها
ساره :يالله نزلي راستس اشوي وناظري بالخزامى وابتسمي واصابعتس تحرك اوراقها
سوت الي تقولها وشعرها تجمعه على الجهه الثانيه
ساره تاخذ جوال الهنوف :يالله استعدي
حطت اصابعها على ارواق الخزامى ابتسمت وجاتها الضحكه وبسرعه حطت يدها على فمها
الهنوف بضحكه :اصبري
ساره :لا لا خليتس كذا حركه انا بصورتس ..التقطتها ساره
لمياء تناظر مع ساره :واااووو الهنوف روعه كل شي مضبوط
اضحكت الهنوف وهي بمكانها
ساره بسرحان :اسم الله عليتس كيف ماتعلق فيتس الى الحين
الهنوف بحراج ناظرت لمياء الي ملتهيه وتناظر الصوره واشرت بعيونها بمعنى اسكتي..
وقف بسيارته بعيد منهن ناظرها جالسه وتضحك وشعرها يحركه الهواء بخفيف
وصل لخيامهم الساعه عشر دخل على الرجاجيل وتقهوى عندهم وبعد نص ساعه طلع وطلع معه ابو فهد طلب يشوفها وعلمتهم ام فهد انها رايحه تمشى مع البنات وبيروحون يجيبونها عيا وقال انا الي بروح لها مهوب لازم تجي وهذاا هو واقف يناظرها حرك صوبهن يمشي بشويش بفكساره الابيض وارد السنه الجديده
اسمعن تهشم العشب تحت الكفرات لفن لسياره ارتبكن والهنوف تروح وراهن
سلطان عليه نظاراته الشمسيه ويده على الدركسون :السلام عليكم
ارفعت راسها له بسرعه عقب ماعرفت صوته.. زادت دقات قلبها وهي تشوفه بجذابيته وهيبته قدامها ابتسمت بسرعه وبفرحه غصب عنها.. ماغيرت مكانها ورى البنات سلمن البنات بسحى شديد
سلطان يشوفها تخبي نفسها وواضح طولها من ورى البنيات ببتسامه دنق راسه من بينهن:بيني يانظر عيني..
نهايه البارت
|
|
|
|
|
|
الذين يشاهدون محتوى الموضوع الآن : 7 ( الأعضاء 0 والزوار 7)
|
|
|
| أدوات الموضوع |
|
|
| انواع عرض الموضوع |
 العرض العادي
|
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
كود HTML معطلة
|
|
|
الساعة الآن 01:51 AM بتوقيت السعوديه
| |
