رواية كل ماجيت أبتدي فيك إنتهيت وكل ماجيت أنتهي شفتك بدايه كامله

[♥...mema]

ماجيت , آبتدي , منتهى , بدايه , بدايهكامله , رواية , شفتك , فيك , إنتهيت , إنتهيتوكل , وكل , كل , كامله

رواية كل ماجيت أبتدي فيك إنتهيت وكل ماجيت أنتهي شفتك بدايه كامله

بسم الله الرحمن الرحيم

كل ما جيت ابتدي " فيك " انتهيت ..وكلما جيت انتهي شفتك بداية....!!
للكاتبه: أوراق خريــــفية!!!



نبدا بشخصيات القصه>>>
وركزوا لأنهم كثير...


عايلة محمد أبو عمر ولطيفه أم عمر:..
عمر وعامر: توأم 24سنة..ماخذين من أبوهم الطووول والهيبه ومن أمهم العيون
العسليه والشعر
الأسود الناعم ..رياضين من الدرجه الأولى..مخلصين طب عيوون بكندا وعندهم
مستشفى خاص
يديرونه اثنينهم ومستحيل يفترقون عن بعض..والفرق الوحيد بينهم أن عمر برقبته
شامه
وتحت شفايفه شامه..


وجدان: 22سنة..طويله وجسمها
ضعيف وصدرها نافر ومليان وشعرها من الله بني ولنهاية ظهرها..دلووووعة
أخوانها والبنت
الوحيده وطالبه بالجامعة..أخر سنه تخصص أدب أنجليزي وطموحها الترجمه..
طلال: 21 سنه..دمه خفيف وطويل وبشرته سمرا وحواجبه حاده وكثيفه.
.جنتل مـــااااااااان
وجريء وفري وايد مع أخته..طالب بالجامعه مع أخته بس هو ثالث سنة
تخصص أعلام..


بدر: 20سنه.. يشبه لأخوه طلال
وايد بس بشرته حنطيه وهادي على عكس أخوه..طالب بالكليه الأستراليه
بالكويت..ويعرف لغات..
سعود: 19 سنه..أبيض وطويل وهمه الوحيد بالدنيا الأكل ..
يعني 5 شباب وبنت وحده..


عايلة العم حمد أبو جـــراح وشريفه أم جراح:..
جراح: 23سنة..طويل وأسمر وعضلاته قوووية وله هيبه تخوف..هادي وحنون
وايد..


زياد: 22سنة..طويل وأبيض وعيونه بنيه وشعره أسود ناعم وطويل..درس
بكالورويس طب
أسنان بإيطاليا ورجع وفتح له عياده..ذكي جدا..
ناصر: 20سنة..طويل وأبيض وداااااااج حده ويحب ينكت ويهبل
بالعالم..ويموت بالكشخه..

العنووود: 18سنة..طولها متوسط وتحب الرشاقه ولها برنامج خاص بقعدتها
ونومتها..رومانسية وحساسه وعيونها سود..توها مخلصه ثانوية بنسبة
89 % ..
غزل: 17سنة..نعووومه وايد وفضولية موووت وشعرها أسود
كاريه وطولها متوسط وعيونها عسلية..علمي أخر سنة..

نهى: 16سنة..بيضا وطولها متوسط وطيبه مووت وفيها براءه مو طبيعيـــه..
وعيونها سود مثل العنوود أختها..

يعني 3شباب و 3 بنات...


عايلة العم سعد أبو فهد وطيبه أم فهد:
فهد : 24سنة..طووويل وبشرته حنطية وخريج جامعة الكويت تخصص
هندسة مباني..هادي..

أريج: 23سنة.. طولها متوسط وبشرتها بيضا وجسمها مليان وحلووو..فيها
نحاسه وخبث وطالعه على أمها..

شجون:22سنة..طويله وبشرتها برونزية وصابغه شعرها بني مخصل بنحاسي
وفراوله ويجنن على بشرتها ووجهها الدائري وفيها شامه فوق شفايفها
محليتها..وعكس أختها طيبه وما تحقد على أحد..

مشعل: 20سنة..حلووو وبشرته
بيضا..صايع وأغلب الوقت برا مع
ربعه..والزقاير ما تفارق إيده..

صمود: 19سنة..أنعم وأطيب وأحلى وحده بخواتها..بيضا وشعرها أسود
شلالات وضعيفه
وعيونها عسلية..

جنا: 17سنة..أدبي أخر سنة..حلوه بس بويا وتقلد حركات الشباب وكل
لبسها جينزات لووست خصر واطي وبلايز واسعه..

يعني 4 بنات و2 شباب..


عايلة الخال خالد أبو مشاري أخو أم عمر ..متزوج اثنين..هبه أم مشاري..
ونيرون اليونانيه أم روز..طبعا كانت مسيحية بس لما تزوجت خالد أسلمت
وتعلمت عربي فصحى..وكل وحده ببيت بروحها
عياله من أم مشاري:
مشاري: 25 سنه..طويل وأبيض وحلووو ودمه خفيف ورياضي واهو مع عمر
وعامر عيال عمته توام والروح بالروح..وأربع وعشرين ساعه مطيح عندهم
حتى وجدان تعودت عليه..

مناف: 23سنة..يشبه أخوووه وايد بس الفرق أن بشرته سمرا
وهادي واجتماعي وايد..

عبدالعزيز: 21سنة..حلوو وبشرته حنطيه ويحب يستهبل..

صبا: 20سنة.. طويله وبشرتها بيضا وتحب الرشاقه ومحافظه على جسمها
ورشاقتها وشعرها
أسود ليل وناعم..

لمى: 18سنة..بشرتها برونزيه وصابغه شعرها لاتيني(مثل الفنانة شجوون)..
عيونها وساع وعالمها النت وبس..

عياله من نيرون اليونانية:
روز: 18سنة..أسطوره بالجمال والرشاقه..طالعه على أمها..عيونها زرق وبشرتها
بيضا مثل الأجانب وتحب رقص الباليه وتشجع البرازيل..تعشق المغامره والغموض.
.وأغلب شباب العايله يحبونها..وأمها ما جابت غيرها لأنها تحافظ على جسمها
وخايفه لا تسمن..ورغم كل هذا إلا أنها حبوبه ومتواضعه..

يعني 3 شباب و 3 بنات..



عايلة طلال أبو الوليد والخاله أم
الوليد..:
الوليد: 26سنة..طويل وعيونه سود ناعسه وحواجبه محدده وشفايفه مرسومه
رسم..يخقق
ورهيــــــب بس مغرور موت بنفسه ومو أي بنت تعجبه..

الريم: 24 سنة..متزوجه ماجد من برا العايله..حبته وحبها وعايشه معاه بلندن
لأنه سفير هناك..

فجــر: 22سنة..طولها متوسط وبشرتها حنطية ونعوووووومه وايد..

أبرار: 20سنة..طويله وبيضا ومستهتره ودايم ميك أب كامل ومغروره بأخوها.
.وعندها علاقات وايد مع الشباب..

يعني 3 بنات وولد واحد..

المصدر: منتديات بوح عشاق - من قسم: منتدى الروايات الطويله

---

v,hdm ;g lh[dj Hfj]d td; Ykjidj ,;g Hkjid atj; f]hdi ;hlgi Nfj]d lkjin f]hdi f]hdi;hlgi v,hdm atj; td; Ykjidj Ykjidj,;g ,;g

[♥...mema]

& الفصـــل الأوووول &

بفيلاااا أبووو عمـــر...
الساعه 11:30 الفجر..

بالديوانية..

وجدان قاعده مع أخوانها تسولف وتلعب..كانت لابسه بيجامة نوم أخضر تفاحي..بلوزه
علاق رفيع وبرمودا وقاطه قميصها بالأرض..وشعرها مفتوح..

طلال كان ماسك الريموت يفرفر قنوات..وحب يتحرش فيها
: وجدانوووه لبسي قميصج الحين بيي مشاري يسهر معانا..
وجدان كانت تطالع عمر وعامر
اللي يلعبون شطرنج: كل تبــن أنت وياه..
الكل: هههههههههههههههههههههه
طلال فتح عيونه عالأخر: أيا العوبه..أوريج..
بدر غمز لأخوه وكتم ضحكته: انزين لمي شعرج ما أشوف الشاشه..
وجدان رفعت حاجب: ليـــش عندك عشى ليلي ولا عمى ألوان..أنا مو جدامك..
الكل: هههههههههههههههههههههه
عمر ضحك: خلاص خلوها براحتها..هههههههههههه

شوي واندق جرس الباب..
طلال قام يفتح ووجدان لبست قميصها..
وجدان بطفش: اففففف
أخوانها ضحكوا وقاموا سلموا على مشاري..
مشاري سمعها وضحك: هههههه
شكلج مو بالعتني كلش..
وجدان بقهر وتأشر لبلعومها: أي
والله واقف لي هني..ذبحتنا ياخي شنووو ما عندك أهل..كل
يوم راز وجهك عندنا..ياخـــــي
بقعد مفصخه وحضرتك حاكرني..و
عمر سكر حلجها ومشاري وأخوانها زهقوا ضحك: هههههههههههههههههههههههههههه
عمر يضحك: أششششششش
يافضيحه..كلتي الريال بلسانج..
مشاري يستانس على وجدان..يحب يستهبل عليها لأنه يدري أنها تمزح..: ههههههههههههههههه
لو ييت بيتج اطرديني..أنا ياي أسهر عندي ربعي ما ييت عشان
خشتج..
وجدان وقفت وتخصرت: عــدال
يا...[وقطعت كلامها لما طاحت عينها عالشاشه وكان طلال يطالع فلم أجنبي وطلعت لقطه
أحم أحم]..هـــى ألعن خيرك
يابو عين زايغه يالوصخ..يا..
طلال ميت عليها ضحك..سحبها بحضنه وطاحت فوقه وقرص خدودها: هههههههههههههههههه
وجدانوووه يعنني مستحيه وبعدين بكيفي أنا ريال عادي..
وجدان معشت شعره: لااااااا والله..شايفني ريال ولا بويا ياوصخ يانذل..أنا أوريك..
طلال يضحك: ههههههههه أخ أح
هديني يالخبله..
عامر يضحك وقام شالها من خصرها: ههههههههههههههههههه
خلاص وجدان خليه يولي..
وجدان طايره بالهوا وحدها مقهوره: لااا هدني عليه الوصخ..هين ياطليل وربي لو تزوجت لخلي
زوجتك صايعه..
أخوانها ماتوا ضحك: هههههههههههههههههههههههههههه
مشاري يدمع ضحك: ههههههه
خلاص ياطلال اعتذر وفكنا..
طلال قام وهو يضحك..وكان بيبوسها
وجدان صدت وجهها: وووع وع
مابي بوستك لا تيي..[وتحاجي
عامر]هدني أنت..اففففف
طلال باسها غصب عنها : وهذي
بوسه..أنا آسف أنتي الحيا كله ارتحتي..
وجدان نزلت ومسحت خدها: وووع..هين ياطليل إذا ما أعلم أبووي..هـــين..
ولفت بتطلع..
سعود بسرعه وقف وسحبها وقعدها عنده: ههههههههههههه
تعالي خلاص..أبوي ينام..
وجدان ابتسمت: انزين خلاص برووح أنام..
مشاري يتحرش: لاااا خليج عادي..أنتي وحده منا
بدر ضحك وضرب كفه بكف مشاري: هههههههههههه والله يبتها..عادي وجدان خليج تعودنا
عليج..
وجدان انقهرت منهم ووقفت: وربـــي هين..تشوف أنت واللزقه هذا..وطلعت بـــرا..بابا بـــــــــــــــابا..

الكل كان يضحك عليها..: هههههههههههههههههههههههههههه
مشاري يستهبل: شفيها تقول بابا..شكل عمتي كانت تتوحم على أفلام هندية لما حملت
فيها
..هههههههههههههههههههه
عمر ضحك: هههههههههه اسكت لا تسمعك..

شوي ويت وجدان وأبوها جدامها لابس بس مكسر وفانليه ودايخ من النوووووم..

عامر انصدم: قعدتي أبوووي يالخبله!!
وجدان أشرت لراسها: كيفي مزاجي!!
أبو عمر بحده: منوو اللي يتحرش ببنتي حبيبتي.. تكلموا شفيكم عليـــها..
مشاري قام وباس راسه: شلووونك ياعمي..ما عليك منها نمزح معاها..
أبوعمر ابتسم: هلا مشاري هلا
..شلونك أنت وشلون أمك وأبوك
..
مشاري ابتسم: أنا تمام الحمدلله.. وأهلي دووم يسألون
عنك..
وجدان بملل: بابـــا أنا ما ناديتك
تسلم..
أبو عمر ضحك: ههههههههههههه
أسف..نسيت..طـــلال شعندك مع أختك..
طلال يأشر لها على رقبته يعني بذبحج: هاااااا لا يبه كنا نمزح بس إهي خبله تصدق بسرعه..
وجدان تضحك عليه وتحرك حواجبها..
أبو عمر مسك أذنه:هذي أخر مره تسمع..ترى مره ثانية ألسبك بالخيزرانه..
طلال يتألم يتوعد بوجدان: أأي أي إن شاء الـــله..
أبو عمر ضحك وطلع..
طلال قام لها وشال على ظهره
: تعالي يازفت وربي لأوريج..
وجدان تصارخ وتحرك رجولها: طلال يـــاوصخ هدني..طــلال

طلال يضحك وماشي فيهـــا برا
الفيلا عند الحديقه..: لااااا تووو الناس..أشوف قبل شوي انشلعت أذاني وما تكلمتي..

وجدان تخاف من الظلام وتصارخ: طلـــــــــيل يازفت خلاص نزلني..أنا أخاف..طلااال

طلال ضحك عليها ونزلها بأخر الحديقه عند السور : لااا تحاولين
..كلك ما يمشي معاي..
ومشى وخلاها..
طبعا وجدان ما تحركت ولا خطوة لأنها تخاف مووووووت من الظلام..والدنيا ظلمه بهالوقت لأن
ليتات الحديقه طافيه وحتى الفيلا كلها طافيه بس الديوانية ليتاتها شغاله..
دفنت وجهها بريولها وبدت تبجي
ودموعها تنزل بسرعة البرق..



طلال راح المطبخ..سوى 6 كابتشينو عالسريع ورجع الديوانية وهو مبتســـم..دخل ووزع
الكابتشينو عليهم وقعد يشرب ويطالع الفلم..
بدر بضحك: وين وديتــــــها..
طلال ضحك: ههههههههههههه اوووه من ربع ساعه قطيتها بأخر الحديقه..
عامر شهق: خليتها برا بالظلام..
طلال استغرب: إيه ليـــش..
عامر وقف بسرعه: تستهبل حضرتك..وجـــدان تخاف من الظلام..
وركض لها بسرعه وأخوانه وراه
حتى مشاري راح معاهم..


عامر بخوف: وجــــدان..وجدان
وجدان..

وجدان كانت ميـــته خوووووف
وتشاهق من البجي..رفعت راسها بسرعه أول ما سمعت صوت: عـ ع ـ ـ ـامـ ـ ـر أنا هني

أخوانها بسرعه راحوا لها..
ووجدان بسرعه رفعت راسها وقطت نفسها بحضن عامر..
عامر بحنان حضنها: خلاص وجوووده..ما صار شي
طلال بندم: وجدان أنا....
وجدان قاطعته بكف قوووي: قتلك أخـــاف ليش ما سمعتني.
وراحت تركض لداخل..
طلال كان مصدوم من ردة فعلها العنيفه..مسك خده وطالع طيفها وهي تدخل..

طبعا الكل كان واقف مصدوم حتى مشاري..
عمر بعد صمت..حط إيده على
جتفه: طلال لا تزعل منها بس
إهي تأثرت شوي عشانك تركتها
بروحها بالظلام..
طلال سكت وما رد..مشـــى وهو متضايق..
الكل سكت...
سعود ينهي الموقف: يلا شباب امشوا نرجع داخل..
بدر ابتسم: وأنت الصاج خلونا نلعب دوري بلاي ستيشن..


راحوا كلهم وظلوا هناك..شغلوا
بلاي ستيشن وظلوا يلعبون..
وطلال قاعد بزاوية وحده متضايق..

بعد ساعه ونص..
مشاري ضغط استارت: طلالوه
خلاص عاد قوم ألعب معانا..ياكرهك لا غلقت..
بدر بمزح: يصير حده مليغ..
هههههههههه
طلال ابتسم مجامله وأخذ مخده وانسدح عالقنفات: ههههههههه كملوا بس..

[♥...mema]

شوي ونزلت وجدان..مستحيه من تصرفها ومنزله راسها..وقفت عند الباب
..وهمست: طـــــــــلال..أنا آسفه...
ومشت بهدوء مثل ما يت بهدوء
..وما رفعت راسها..
الكل ابتسم وطالعوا بطلال..
عمر بضحك: خلاص روووح لها
طلال ابتسم..قام وناداها: وجدان...وجدانووووه..
وجدان كانت تصعد عالسلم..
وقفت لما ناداها بس ما التفت له..: نعم..
طلال ابتسم..صعد لها ولفها له وحضنها وباس خدودها:ههههه
ياكرهج لا زعلتي..افردي هالخشه أنا ما زعلت منج بس
تضايقت شوي والحين هديت..
وجدان حطت إيدها على مكان الكف: يعورك..
طلال ابتسم لحنانها وقرص خدودها: لااااا عادي..وبعدين خلاص لا تصيرين هبله..
وجدان باست خده ونزلت راسها
: أدري أني أحرجتك جدامهم..وبعدين أنت أخووي وفكرة أني أمد إيدي عليك تضايقني
بس خفت لما تركتني بروحي..
طلال ضحك ورفع راسها: ههههههههههههههه وجوووده خلاص عاد قتلج مو زعـــلااان بس
بقلبي سؤال وبعرف جوابه
..ليش فجأه صرتي تخافين من الظلام..أذكرج بأولى متوسط كنتي داجه ومحد يخوفج..
وجدان توترت ونزلت دموعها: كنت صغيره توني بالـ11..بس طلال أنا بقولك شي خاشته
بقلبي من زمان عشان ارتاح..
بس توعدني أنك تفهمني وما تعصب علي..
طلال سكت شووي..صارت الأفكار توديه وتييبه..مسك إيدها وصعدها غرفته وقعدها
عالسرير: قولي أسمعج..
بنفس الوقت دخلوا أخوانه عمر
وعامر وبدر وسعود..
سعود بضحك: اففف الحبايب هني..شعندكم..
طلال ابتسم:راح مشاري..
عمر: توه راح..فاز علينا..كسر راسنا بالدوري
طلال طنش والتفت لوجدان: قولي أسمعج...
وجدان توترت أنها بتتكلم جدامهم كلهم..وبتردد: يعـ يعني
شنوو إذا أحد قالك تحرش أو إعتداء جنسي..
كلهم انصدموا..بلموا فيـــها..
وجدان خافت من ردة فعلهم ونظرتهم..نزلت راسها وقامت: خـ ـ ـلاص مو لازم آ
طلال مسكها وقعدها: اقعدي..شنوو قصدج من السؤال..وشدخله بخوفج من الظـــلام..

وجدان بتردد: آآ هـــا لاااا بس آ آ..[وتنهدت بقوووووه] تتذكر وقتها لما رجعت من المدرسه
خايفه وأبجي..
طلال بترقب: إيه أذكر
عمر بتساؤل: متى تقصد
طلال: لما كانت بأولى متوسط..وقتها كان عمرها 11سنة..توها ما بلغت..
الكل مع بعض شهقوا: إيـــه صح..
وجدان بصوت مبحوح: كان وقت الهده..أنا ظليت أخر وحده بالصف لأني جمعت دفاتري
وأغراضي..ونزلت تحت ووقفت انطر أبوي..كانت الشمس حاره
وحسيت بالعطش بس اكتشفت أني نسيت مطارتي فوق بالصف
..
بدر: وصعدتي تيينها..
وجدان: ياليتني ما صعدت..خذت
المطاره وطلعت بسرعه وكان هدوء ومافيه إلا أنا..كنت أشرب وأمشي..بس سمعت صوت
بنهاية الممر ورحت وراه..وو[سكتت]
طلال بسرعه وبخوف: كملي شفيج سكتي..
وجدان نزلت دمعتها: شفت الحارس ماسك بنت من الصف الثالث وحاشرها بزاوية ظلمه
ويتحرش فيها..
سعود بدهشه: الحـــارس!!
عامر : لحظه!!يعني شنو يتحرش فيها..قصدج يتحسس جسمها ولا يحاول يغتصبها
وجدان بلمت فيه...: شنوو يعني ما فهمت!!
أخوانها بصدمه: ما فهمتـــي!!
وجدان عصبت ووقفت: أيـــه ما فهمت..شنوو شايفيني ريال ولا وحده فلتانه حتى أعرف..
طلال مسكها وقعدها: وجدان اهدي شوي..الحين بفهم السالفه وبعدين أفهمج..
وجدان كملت: أنا خفت وصرخت
ونزلت أركض وأهو خاف من صراخي ولحقني..بس عند الباب
شفت بابا واقف ورحت له وكنت أبجي..طبعا اهو خاف وتهاوش مع الحارس وطلب له
الشرطه وكان يحاول يفهم مني السالفه
بس أنا كنت خايفه وأقطع بالكلام وما فهم شي مني..
طلال بهدوء تنهد بارتياح: والبنت!
وجدان: سمعت أنها تركت الدراسه من ذاك اليوم لأنهم اكتشفوا بعد الفحص والتحقيقات
أنها مريضه نفسيه وإن الحارس كان أكثر من مره يتحرش فيها ويعتدي عليها جنسيا بمكان
ظلام.. ومنها صار أبوي ما يخلي أحد يطلعني
أو ياخذني بروحنا..ومنها صرت أنا أخاف من الظلام ولما تركتني بروحي خفت وحسيت
نفسي بنفس الموقف..
طلال سكت..صار يطالع بعيونها
المليانة دموووع..وفكها اللي يرتجف من الخووف..
عامر خذاها بحضنه ومسح على
شعرها: وجدان خلاص انسي الماضي وافتحي صفحه جديده..
وجدان بدمووع: ما جاوبت على
سؤالي..
عامر تنهد[ افف شقولها هذي
شلون أفهمها]: وجدان ياقلبي أنتي..تحرش فيج يعني حاول يلمسج..واعتداء جنسي
أو اغتصاب اثنينهم لهم معنى واحد
..يعني اعتداء بالأكراه أو علاقه
...
وجدان قاطعته وحدها مستحيه
: خلاص فهمـــت..
ضحكوا على شكلها المستحي..: هههههههههههههههههههههههههههههههههه
وجدان طنشتهم لأنها نعسانه عالأخر..مددت بفراش طلال وتغطت وهي تحس
بارتياح: ماني راده عليكم بس لأني تعبانة وبنام..
طلال ضحك: هههههههههههههه أشوف احتليتي فراشي..
وجدان لفت عليه وحطت إيدينها ورى رقبته: عـــادي أخوووي أنت حبيبي عادي..
طلال ضحك وخربط شعرها: هههههههه ما أقدر عليج أنا..خلاص نامي بس لو رفستيني
بطردج..
وجدان ضحكت: هههههههههههه
اووك تصبحون على خير..
الكل ابتسم: وأنتي من أهله..

نامت وجدان بسرعه من التعب
وطلال انسدح جنبها وطالع بأخوانه..: شفيكم ساكتين..
عمر بعد صمت: خايف تكوون وجدان تمر بحاله نفسية..لأن خوفها من الظلام وبعد 11سنة
من الحادثه دليل أنها ما تخلصت منها ويمكن تأثر عليها بالمستقبل..
عامر: نفس اللي كنت أفكر فيه وبقوله..
بدر ضحك: اسكت أنت وتوأمك..ههههههههههه..عادي لا تكبرون السالفه..وجدان كانت خايفه
من الموقف نفسه بس الحين لا
لأنها فهمت وعرفت..
سعود: صح كلامه وبعدين إهي واعيه الحين مو طفله..
طلال: لااا بالعكس..لو كانت واعيه كفايه جان ما سألت هالسؤال..وجدان عندها قصور
بالثقافه الجنسية وهذا شي أغلب البنات فاقدينه لأنه بالنسبه
لمجتمعنا حرام أو عيب..
عمر ابتسم: أنا معاك..بس طبعا
مو كل البنات..لأن بنات هالوقت ما ينخاف عليهم والنت ما خلا شي ما حط عنه..
وجدان انزعجت منهم وفتحت عيونها: افففف..فصخت قميصها
وقطته عالأرض ورجعت نامت..

طلال ضحك: هههههههه خلاص
ازعجتوها..قوموا ناموا صارت 3
..وباجر نكمل كلامنا..
عامر قام يتثاوب..: آآآه أي والله
أني نعسان..
وطلع..
بعدها الكل قام نام..وطلال ظل قاعد للفجر..صلى ونام..بس وجدان كانت متضايقه
وتشوف كوابيس وتخربط كلام
عن الحادث..
طلال تضايق وهزها: وجدان..وجدان قومي أنتي تحلمين..
وجدان فتحت عيونها وشهقت: بسم الله..
طلال : قومي صلي الفجر وتعوذي من الشيطان..
وجدان قامت: أعوذ بالله من الشيطان الرجيم..
دخلت الحمام..غسلت وجددت وضوئها وطلعت..فرشت السجاده وصلت وشافت الساعه
صارت 5..راحت غرفتها ونامت على نور الأبجوره وضوء
الفجر..


.......

ملاحظه : بنااات لا تستغربون جرأة القصه لاني انقلها مثل ما سمعتها بالضبط..مع فرق
اني غيرت الوقت اللي صارت فيه واسم العايله والاماكن..

[♥...mema]

‏*‏ الفصل الثاني *

صباح يووووووم مشرق..وحين بدأت خيوط الظلام بالرحيل وحلت خيوط النوووور مكانها..
الساعه 6 الصبح..
بفيلا أبو جراح..

العنووووود بغرفتها صحت على صوت المنبه..رفعت اللحاف ودخلت الحمام..تروشت
عالسريع وطلعت لبست شورت أبيض بخطوط حمر عالجنب وبلوزه حمرا علاق بوسطها
قلوب بيضا وحمرا..وسرحت شعرها عالسريع وخلته مبلل..وحطت كريم واقي الشمس
ونزلت الحديقه...تمارس رياضتها الصباحية..

بنفس الوقت..كانت أم جراح توها صاحية..طلت من شباكها وابتسمت لما شافت بنتها
وهمست: ربي يحفظج ويوفقج
..
طلعت من غرفتها بعد ما غسلت
وبدلت ولبست دراعة بيت حلووه
وتعطرت..

راحت تقعد بناتها عشان يلحقون
عالمدرسه..
فتحت غرفة غزل وشافتها ظلام
..طفت التكييف وشغلت الليت ورفعت الستاير
أم جراح تهزها:غـــزل يايمه..غزل قومي الساعه 6:30قومي
قبل لاتتأخرين
غزل قلبت على بطنها: اففففف يمه نعسانة..شوي بس شووي
تكفين..
أم جراح ابتسمت: ولا دقيقه..يلا
يايمه قوومي..خليج مثل أختج بعد عيني تقعد بروحها وما اتعبني..
غزل فتحت عيونها وقامت:وأنا هالأخت على يوم بذبحها لأنج تحبينها أكثر منــي..
أم جراح ابتسمت: لا والله كلكم
أحبكم سوى بس إهي تريحني بالقعده والترتيب..
غزل ضحكت وقامت دخلت الحمام:ههههههههه كل واحد له شخصيته..

قامت أم جراح وراحت لبنتها نهى
..: نـــهى يانهى يمه قومي تأخرتي عالمدرسه..قومي خواتج قعدوا إلا أنتي..
نهـــى بطفش: أووووه يمه خليني أنام..
أم جراح بحده شالت اللحاف: قووومي أشوف يالعله..الظاهر أنتي ما ينفع معاج الطيب..
نـهى قامت بملل وفيها النووم: افففف خلاص قايمه قايمه..


بالصاله..
نزلت أم جراح وشافت عيالها قاعدين يتريقون..
جراح وزياد وناصر: صباح الخير
يمه
أم جراح ابتسمت: صبـــاح النور
والسرور...والله محد مريحني غيركم أنتو والعنود..أما نهى وغزل يااااالله عله..
نزلت غزل لابسه مريول الثانوية
الرمادي ورافعه شعرها بماشه
وحاطه شريطه وردية ولابسه أساور وتراجي..وبيدها شنطتها..

قعدت اتريق بملل: ها أم جراح
أشوف مو عاجبينج..عيني عينك تحشين فينا
زياد ضحك: هههههههه الواحد يصبح بالأول..
غزل ضحكت: هههههههههههههه نسيتكم..صبـــاح الخير..
جراح ابتسم: بالله هذا شكل وحده بعلمي وأخر سنة بعـــد
..رايحه عرس ولا مدرسه
غزل ضحكت:ههههههههه شخباري الحين هذي المووضه
..لازم غزل بنت حمد الــ تكون غير عن البنات..
أم جراح بطيب: ليش على راسج ريشه يابنت حمد..ولا عشانج بنت نعمه تشوفين
نفسج عالناس
ناصر ضحك ورفع حواجبه: أيه يمه بعد جبدي أنتي..عطيها من الكلام الحلووو..
غزل رفعت حاجب: كل تبن أنت
..يمه شدعوى هالمحاضره نمزح بس..

قطع عليهم دخلة العنوووود
وعلى جتفها الفوطه..
العنود ابتسمت: ها قاعدين..صباح الخيـــر..
الكل ابتسم: صباح النووووور
ناصر: عنوودي البسي بسرعه عشان ألحق أوديج الجامعه..وأروح محاضرتي..
العنود قعدت تفطر: لااا أنت روح..أنا توني قبل أسبوع طلع قبولي..بعد باقي بشوف موعد
المقابله وأسحب جدولي..
نهى نزلت لابسه مريول المدرسه وبيدها شنطتها وشعرها مفتوح وبطفش قعدت
تاكل: يـــاحظج..خلصتي وافتكيتي مو أحنا..
العنود ضحكت: ههههههههههههه
شدي حيلج وأنتي تخلصين..

أم جراح: يلا يايمه قوموا روحوا
شغلكم..ولا تنسون تييون مبجر
عشان نروح بيت عمكم أبوعمر
مسوي غدا اليوم..



بفيلا أبو فهـــد..الساعه 11 الظهر..

بالصاله:

شجوون نزلت مبتسمه : صباح الخير
أم فهد باستغراب: ما رحتي الجامعه..
شجون ابتسمت وقعدت: لاااا ما عندي محاضرات اليوم..معطينا أووف
أم فهد بحماس خبيث: وصمود راحت
أريج ردت وهي تبرد أظافرها:
إيه الخدامه تقول أن صمود راحت الصبح الجامعه مع مشعل.. وجنا راحت المدرسه..
أم فهد بمكر: عيل قوموا أنتو البسوا وتكشخوا وخلونا نروح بيت عمكم قبل الكل وخواتج
بييون بعدين مع فهد ومشعل..

شجون باعتراض: وليه العباله..ننطرهم أحسن..وبعدين تو الناس فشله نروح الحين
أم فهد بمكر وابتسمت: ياخبله أنا
متعمده نروح هالوقت..أبيكم تكونون موجودين لما عمر وعامر يرجعون من الشغل..أبيهم
يشوفونكم يمكن تنخطبون وأفتك..
أريج تحمست وباست أمها: اممواه فديت هالمخ العبقري أنا
..ماكو إلا جذي يمكن عمر ينعجب فيني ويخطبني وافتك..
وقامت..برووح ألبس..
شجون ابتسمت باستهزاء على تفكير أمها وأختها..: يمه النصيب بيي متى ما الله كتب.
.وعمر لو أنه يبي بنتج جان خطبها من زمان..مو تروح ترزز عنده..عيني
عينك
أم فهد ما عجبها الكلام وحذفتها
بالخداديه: أقوووول جب بس جب وحطي لسانج بحلجج..وقومي ألبسي خلينا نروح..
شجون : آسفه روحوا أنتوا..أنا بيي مع أبوي وفهد..
أم فهد قامت وكشت عليها: اهوو مالت..خليج قاعده أرووح ألبس أحسن..
شجون بنفسها[الله يهديج يايمه..تحسبين بمكرج وخبثج بتتزوج أريج..أصلا إهي قعدت ومحد
خطبها عشانها نسخه منج..نحيسه ولسانها وصخ]


بفيلااا أبو مشاري الثانية..
نفس الوقت..

أبومشاري كان قاعد يقرأ الجريده ويشرب قهوة..

نزلت روز كاشخه عالأخر..لابسه
جينز برمودا لتحت ركبتها وفيه رسومات وكريستالات عالاطراف مع صندل كعب أبيض ربط
عالساق..وبدي أبيض
كت وفوقه جاكيت قصير سماوي
لتحت الصدر ثلاث أرباع الكم وكله كريستال..ومسويه شعرها
الأشقر كيرلي وحاطه كحل وماسكرا وبلاشر خوخي وروج
وردي فاقع..وعطرها جيفشني واصل تحت من قوته..وماسكه شنطتها ديور طقم مع الشوز..

روز بابتسامه وهي تبوس راس أبوها: صباح الخير داد..
أبومشاري ابتسم: ياصباح النور والروز والنرجس..ها أشوفج كاشخه..
روز ضحكت وقعدت: هههههههه
عازمه رفيجاتي بنروح السووق نتمشى ونقعد بكوفي ويمكن نتغدا برى..
أبومشاري ابتسم وطلع من بوكه
1000دينار ومدها: يعني تبين فلووووس
روز خذت الفلوس وضحكت: هههههههههههه أحسن شي فيك أنك ذكي وتفهمها عالطاير..
أبومشاري ضحك: هههههههههه انزين يلا روحي وديري بالج على نفسج..
روز قامت: اوووك داد بس ماما وين
أبومشاري: فوق بغرفتها حاطه ماسك على وجهها
روز مشت وغمزت له: بااااي داد
..بترك لك الجووو عاد مو تنسانا

أبومشاري ضحك على تلميحها: هههههههههههههه


طلعت روز وركبت بسيارتها الفورد إكسبلورر بيضا..وحركـت
..
مرت على رفيجاتها قوت وضي وخذتهم معاها وراحوا مجمع الفنـــار..

ضي: روز مو تنزلين وتقعدين تبتسمين لهذا وهذا
روز ضحكت: هههههههه حبيبتي الشباب اهم يبتسمون لي مو أنا أروح لهم..
ومدت إيدها وشغلت سيدي أغاني أجنبيه..وعلت الصووووت
..

[♥...mema]

بعد دقايق..وصلوا المجمع ونزلت روز أول وحده بعد ما عدلت نفسها..
روز بنعومه: ‏Come on girls‏ وترى كل شي على حسابي اليوم..أنا عازمتكم..
قوت وضي ابتسموا ومشوا معاها..

طبعا السوق هالوقت مليان شباب الجامعه أو بنات مواعدين
شباب..
روز تمشي وعيون الشباب بتأكلها أكـــل..تبتسم وتضحك بنعومه..
قوت بحيا: روز فشلتينا لا تبتسمين..
روز باستغراب: ليش عادي..وبعدين أنا فري أمي يونانية..وهالشي عادي عندنا..اوووكي..
ومشت وخلتهم..ودخلت محل نظارات شمسية..
طبعا قوت تفشلت وسكتـــت..
ومشت وراها إهي وضي..

ظلت روز تتفرج وتشتري...وفيه شباب وراها..

واحد منهم قرب وبيده نظارة غوتشي وبهمس: جرب هذي ياحلووو..
روز بنعومه فصخت نظارتها والشاب بلم وفتح حلجه من عيونها الزرق..: هذي شنوو
ماركتها
الشاب بلع ريجه وربعه يوو: هذي غوتشي..وأصلا مو لايقه إلا على عيونج..
روز ضحكت ضحكه ذوبتهم فيها: هههههههههه اوووك نجرب
..فصخت نظارتها وحطتها بصدرها بين نهودها وهالحركه جننت الشباب..
خذت النظاره اليديده ولبستها وطالعت رفيجاتها: شرايكم حلووووه..
ضي وقوت بهمس: تييـــن عليج
..أخذيها
الشاب قرب من ظهرها وهمس: أكيد حلوووووه ياحلوه
..
روز لفت عليه وابتسمت: امممم
أنت شسمك
الشاب رفع ياقة قميصه بفخر:
أنا حسيـــن..وهذول ربعي أحمد ونادر..
روز طالعتهم وضحكت: هههههه
وأنا روز..وقربت من حسين وسبلت عيونها: تشرفنا ياحلووو..

ولفت عنهم..حاسبت عالنظاره وخذتها بعلبتها وطلعت..وقوت وضي وراها..
ضي بهمس وهي تمشي: اففف
حدج قووية طاعي شلوووون فجوا حلوجهم..
روز ضحكت بلامباالاه: هههههه
حبيبتي أنا روز خالد الـ أكيد بيفجون حلوجهم..

سكتوا بعد كلمتها وظلوا يتمشون
ويشترون على حسابها..ولما تعبوا صعدوا فوق وراحوا الكوفي..
روز وهي تحط شنطتها: يلا اطلبوا عشان يمدينا نطلع نتغدى
برا..
قوت: اوك..بس شوفي حسين وربعه تراهم وراج..
روز التفت وأشرت بيدها يعني تعالوا..
حسين بابتسامه: هـــلا
أحمد : ممكن نقعد معاكم..
روز ابتسمت: حياكم..ولعيونك أحلى كوفي على حسابي..

الشباب قعدوا وضي وقوت تضايقوا بس سكتوا لأنهم ما يقدرون يلومونها..روز
أمها أجنبيه
وهذي عاداتها..



بفيـــلا أبو مشاري الأووولى..
الساعه 1:30 الظهر..

مشاري رجع من الجامعه وصعد غرفته ترووش ولبس دشداشه وكشخ ونزل عشان
يروحون بيت عمته..

مشاري : يلا خالصين..
أم مشاري: أيه يايمه بس صبا ولمى فوق يلبسون..شووي وينزلون..
مشاري قعد وأخذ الجريده يقرأها علما ينزلون خواته..

نزل مناف: دقيتوا على أبوووي
عبدالعزيز: أنا دقيت..يقول اهو طالع مع مرته وما بيي..
مناف: انزين وروز بعد طالعه معاهم..
عبدالعزيز: لا روز طالعه السوق مع رفيجاتها وعازمتهم
عالغدى..
مشاري عصب: شنووو طالعه مع رفيجاتها..ليش ما عندها أخوان تروح معاهم ولا تاركينها
براحتها الدلووووعه
أم مشاري تهديه: طووووول بالك يايمه..أبوها وأمها راضين لا
تتدخل ولا تعور راسك بمشاكلهم..مالك شغل ببنت نيرون
صبا نزلت وسمعتهم: بالعكس يمه..صج روز أمها أجنبيه بس إهي كويتيه وعندها أخوان
يحافظون عليها ويخافون على سمعتها..
أم مشاري وقفت تنهي النقاش:
سكروا هالسالفه الحين..وامشوا
قبل لا نتأخر..وأنت يامشاري دق
عليها عشان تتطمن..
مشاري تنهد: خلاص روحوا أنتوا
وأنا لاحقكم..

خذا تلفونه ودق..
روز ابتسمت: هلااا مشمش..وينك ياخي لا تدق ولا تسأل ولا
أنا مو أختك
مشاري ابتسم: هلااا روز..بالعكس أنتي أختي وحبيبتي..ولو أني مو مشتاقلج وخايف
عليج جان ما دقيت عليج..المهم
أنتي وين..
روز: أنا قاعده أتغدى بمطعم الــ...مع رفيجاتي ليش تبي شي
..
مشاري: لاا سلامتج..بس بليز روز ثاني مره إذا بتطلعين دقي
علي أنا أو على مناف..عشان نوصلج
روز بجدية: ليش مو واثق فيني..
مشاري ابتسم: مو جذي..بس أنتي أختي وأنا أخاف عليج..
روز استانست أن أخوها مهتم فيها: حبيبي مشمش..صج أنا فري شوي ومرات اضحك
وابتسم مع الشباب بس عندي حدود وأعرف احترم نفسي..
مشاري استانس على تفكيرها:
خلاص روز..مع السلامه وانتبهي لنفسج..وترى أحنا بنروح
بيت عمتي أم عمر..
روز ضحكت: ههههههه اوووك بحاول أيي..سي يوو..


بفيلا أبوو عمـــر..
الساعه 1:45 الظهر..

وجدان بغرفتها كانت للحين نايمه وتحس بصداع وما راحت الجامعه..
دخلوا أخوانها عمر وعامر وطلال جايين من الشغل..

طلال رفع الستاير ودخلت أشعة الشمس: وجدانووووه قومي خستي بفراشج رحت الجامعه
وييت وأنتي نايمه..
وجدان حست بازعاجهم وقلبت على بطنها: اففففف
عمر ضحك ورفع عنها اللحاف: ههههههههههه وجدانوووووه قومي ترى الساعه ثنتين وبنات
عمي سعد تحت مع أمي..قومي
عـــاد
وجدان فتحت عيونها بثقل ورفعت نفسها: أووووه راسي مصدع ما نمت إلا ست..
طلال خربط شعرها: قومي تروشي وبيروح التعب كله..

اندق الباب ودخلت أريج تتميلح عند عمر: السلام عليكم..
الكل باستغراب من جرأتها: وعليكم السلام..
أريج بنعومه مصطنعه: وجدان شدعوى نايمه لهلحزه وتاركتنا بروحنا تحت..قوووومي خلاص..

وجدان رفعت حاجب: انزيــن أنتي روحي وأنا بيي وراج..
أريج: لااا بنطرج
وجدان بصراحه: أريج ما تشوفين أخواني عندي..خلاص روحي وأنا بيي
أريج تفشلت وطاح وجهها: أوك
براحتج..ونزلت

طلال تفجر ضحك:هههههههههه فشلتيها..
عمر بهدوء: أحسها جرئيه وايد..
وجدان قامت ودخلت الحمام وسمعتهم: هههههههه إهي جذي
سبحان الله..تحب تتهزئ..
عامر ضحك:هههههه حرام عليكم شفيكم حاقدين عليها..
وجدان من تحت الدش: انطروني مو تنزلون عنـــي..

دخل بدر وشافهم: شفيكم معلقين فوووق
عمر: لا بس عشان بنات عمي سعد ياخذون راحتهم..
طلال: الشباب يو
بدر: لااا أتوقع بالطريج..بس أنا وأبوي وسعود وعمي سعد بالديوانية..
عامر: انزين خلاص إذا يو بننزل
..
وجدان طلعت لابسه روبها الأبيض وشبشبها الفرو وشعرها يقطر ماي..
أخوانها ابتسموا : نعيمـــا..
وجدان بابتسامه طافيه: ينعم بحالكم..
راحت غرفة التبديل وطلعت لها ملابس داخليه ولبستهم..ولبست نفنوف صيفي كت عالصدر
أحمر حرير ضيق وفيه حزام أسود جلد عريض تحت الصدر..وطوله لتحت ركبتها بالضبط..ولبست
معاه صندل أسود كعب رفيع بحبال معقوده..ونشفت شعرها عالسريع بالاستشوار وحطت
طووق أسود وفيه ورده حمرا كريستال على شعرها..وطلعت عند مرايتها..

أخوانها يطالعونها ويبتسمون..
عمر: ما خلصتي..
وجدان ضحكت وهي تدور الكحل: ههههههههه اصبر باقي الميك أب والأكسسوار..
حطت كحل داخل عيونها وسائل
حول عيونها وصاروا وساع وكبار
وحطت بلاشر خوخي وغلوس أحمر ناعم وتعطرت ولبست ساعه جلد أحمر ماركة قوتشي
وتراجي ألماس ناعم بوسطه زمرد أسود..
سبلت عيونها ودارت حول نفسها: ها حلـــووووو..
أخوانها ضحكوا: هههههههههههه رهــــــيبه..
طلال مسكها ونزل فيها: تعالي
بس..

[♥...mema]

الفصل الثالث

طلال مسكها ونزل فيها: تعالي
بس..

على نزلتهم انفتح الباب ودخلوا
بيت عمهم حمد وعمهم سعد وخالهم طلال وعيال خالهم خالد..
الرياييل راحوا الديوانية والبنات بالصاله..
وجدان نزلت تسلم عليهم..: الســـلام عليكم..
سلمت على حريم عمامها وراحت عند البنات..
العنوود حضنتها: عاش من شافج..والله وحشتيــني..
وجدان ابتسمت: عاشت أيامج أنا اللي اشتقت لكم..
صمود باست خدودها وتعلقت فيها: اففف شهالكشخه..وبعدين
يالخايسه شحقه ما داومتي اليوم..
وجدان ضحكت: ههههههه والله
أمس سهرت مع أخواني للفجر وطبعا مشاري الدعله نشب لي ونمت متأخر
الكل:هههههههههههههههه
صبا بمزح: وجدانوه حدج عاد
كلش ولا أخووي حبيبي..
وجدان بعد ما سلمت عالبنات قعدت وابتسمت: والله أخوج أنتي أما أنا واقف عظم
ببلعومي
..صج اهو يا
أريج بقلبها[هين ياوجدان بس خل يصير اللي ببالي وأنا أوريج]: أكيد بيي..
وجدان بطيب: شلوونج جنا..يالخايسه لا تدقين ولا تسألين..
جنا بثقل تقلد الشباب:شسوي مشغوله شوي بالدراسه بس ولا يهمج بطيح عندج

24ساعه..
غزل بمزح: أكيد عشانها حلووه..
الكل: هههههههههههههههههههههه

أم عمر: وجدان يمه قومي شوفي سورنا ودت القهوة والشاي حق الرياييل ولا لا..
وجدان قامت مبتسمه: أن شاء الله يـــمه..عنوده قومي معاي..
العنود قامت: اووووك..

صبا بابتسامه: بنات قوموا نروح الحديقه أحلى وأشرح..
نهـــى بتأييد:صح بنات خلونا نروح داخل
شجون: خلوها بعد الغدى الحين
حر..
أريج بخبث[يمكن ألمح عمر]: لاا لااا الحين أحسن..قوموا يلا

قاموا كل البنات ما عدا شجوون
راحت المطبخ عند وجدان والعنوود..


بالمطبخ..
وجدان بعد ما تأكدت أن سورنا
ودت الشاي والقهوة الديوانية..خذت توست وحطت فيها جبن شرايح وخس وطماط وقصتها
نصين..وصبت لها كاس شاي..وقعدت عالطاوله تاكل وتسولف
مع العنووود..
دخلت شجون: هااا أشوف قعدتوا بروحكم..ليكون بس عندكم أسرار
وجدان والعنود: هههههههههههه
العنود: لا أسرار ولا شي قعدي بس..
شجون قعدت: البنات راحوا الحديقه..
وجدان ابتسمت: شوي ونروح لهم..صج بنات شرايكم بعد ما نعطل نقول لأهلنا أننا بنسافر
السعودية مع بعض..
العنود بحماس: آآي والله يبتيها منها عمره ومنها سفره
شجون: ليش متى تبدأ عطلة الصيف
وجدان: باجي بس أسبوعيـــن
وخلاص..
شجون أعجبتها الفكره: يعني نقعد 15يوم بالسعودية والله فكــــــره..
العنود تحمست: أخخ أصلا وناسه..جمعة بنات نطلع وننام
وناكل ونلعب ونشتري مع بعض..
وجدان قامت بعد ما خلصت أكل: عيل أنا بروح أسلم على عمامي وأقووول لأبووي وأنتوا
انطروني
العنود: تكفين وجووود أقنعيهم
وجدان طلعت:ههههههه أووك..

راحت فوق خذت قميص أسود
ربط عالصدر ولبسته وراحت الديوانية..

بالديوانية...
كانوا كل الشباب والرجال مجتمعين يتقهوون ويسولفون..

أبوعمر شافها وابتسم:تعالي يبه
حياج..سلمي على عمامج وخوالج..
وجدان بحيا: الســـلام عليكم..
الكل سكت: وعليكم السلام..
وجدان راحت لعمها أبوجراح وباست راسه: شلووونك عمي..
أبوجراح ابتسم لها: تمام..أنتي شلوونج..
وجدان بابتسامه: أنا بخير الحمدلله أسال عنكم بس..
وراحت لخالها أبو مشاري وباست راسه: شلووونك خالي..وينك ما تنشاف..
مناف ضحك:ههههه لاهي مع مرته اليونانية حتى أحنا عياله ناسينا
الكل:هههههههههههههههههههههه
أبومشاري: ما عليج منه..[وقعدها عنده]قولي لي أنتي شلونج
وجدان طالعت مشاري: أنا بخير
بس ولدك ياخالي ناشب في بلعومي
مشاري فج عيونه: أنـــــــــا..
الكل:ههههههههههههههههههههه
وجدان ضحكت:هههههههه إيه أنت..نسيت شسويت أمس..
مشاري التفت لطلال:شوف هذي أختك أنا بذبحها
طلال ضحك:ههههههههههههههه
خلاص وجدان..اسكتي عنه..

وجدان قامت وتخصرت: أصلا أنا
ما ييت أشوف خشتك..ييت لأبوي
..وراحت قعدت عند أبوها..
أبو عمر ابتسم: هلا بحبيبتي..ها شعندج
وجدان حطت إيدها على صدره
وبهمس: بابا مو الدراسه تنتهي بعد أسبوعين..
أبوعمر: أيه صح..بس شحقه هالمقدمه..
وجدان بصوت خافت:شرايك تقول لهم أننا بنسافر السعودية
مع بعض..عفيه بابا والله بستانس مع البنات..
أبو عمر ابتسم: من عيوووني الحين أقول لهم..

وبناحية الشباب..
زياد كان ساكت ويطالعها بنظرات أعجاب[الحين هذي وجدان اللي قبل جم سنة كانت
طفله وكنت ألعب أنا وياها..آآه شحلاتها قمر قمر عالأرض]


أبو عمر بصوت عالي: ياجماعه
وجدان طلبت طلب منكم وتبي الموافقه..
الكل سكت والتفت له..
الوليد بنظرة غرور: وجدان بنتك
وحيدتك وأكيد طلباتها أوامر..
وجدان رفعت حاجبها وبثقه:أقول ياولد خالتي مو جنك تقولها
بدون نفس..ليكون مو عاجبتك بس..
أبو عمر يسكتها: ها ياجماعه شقلتوا..وجدان تقول بتسافر السعودية بالعطله منها عمره
وتغير جو ومنها تستانس مع البنــات..
أبوفهد: والله أنا ما عندي مانع..منو يحصل فرصه يشوف بيت ربه ويقول لا..
أبومشاري: وأنا بعد موافق..وبالمره أخلي مرتي أم روز تعتمر كل مره تطلبني وأجل..
أبو جراح: دام اتفقتوا أكيد ماني رافض..
طلال بحماس: أووف..وأخيرا بنغير جوو الدراسه..زهقنا
الكل:ههههههههههههههههههههههه
وجدان قامت: عيل أرووح أبلغ البنات..
أبو عمر: وقولي لأمج تنجب لنا الغدى..متنا يووع..


عامر بهمس: عموور قوووم نطلع..ما زهقت من سوالفهم..
عمر ضحك:هههههههه مو بس جذي..ولد عمك مشعلووه زهقني بريحة الزقاير..طقت جبدي..
عامر ابتسم: قوووم بس قوم..

قاموا وطلعوا برا..

عمر: روح أنت وأنا بروح حمام ولاحقك..
عامر ابتسم: لا بنطرك..

راحوا المغاســـل..ودخل عمر الحمام..وعامر وقف يطالع نفسه بالمرايه..

أريج كانت بتدخل تدور عمر وشافت عامر واقف وراحت له تحسبه عمر..وبدلع: ها ياولد عمي
أشوفك برووحك..
عامر تفأجا فيها وبلبسها الضيق
ووقاحتها وطالعها باستحقار: ناطر أخووي أنتي اللي شعندج هني..أتوقع هذا مكان رياييل..
طلع عمر وشافها وسمع كل شي..
أريج بدلع تقرب منهم وتلعب بشعرها: أدري بس هناك ملل
قلت أشوف الشباب يمكن سوالفهم حلوه وتفتح النفس..

قاطعهم صوت شجون..
شجون بحده: أريج شتسوين هني..ما أتوقع البراد هني..مو قلتي عطشانه..
الكل التفت لها..
أريج توترت وخافت تنكشف: أدري بس كنت ماره بالصدفه وقلت أسلم..عادي ما فيها شي..

عمر وعامر طلعوا وخلوهم..بس وقفتهم جملة شجون..

شجون بحده بعد ما تأكدت أنهم طلعوا: أريج عمر لو يبيج جان يا
بنفسه وخطبج..مو تقعدين تترزين عنده..ترى أنتي محد خربج غير أمي..تحشي رأسج
وتصدقينها..ترى الريال ما يحب البنت اللي تقط نفسها عليه..
أريج عصبت: جب بس جب..وسدي حلجج..كلمة ثانية وتشوفين شي ما يسرج..وخليج
بطيبتج وغبائج ونشوف شلون بتتزوجين..
وراحت عنها..

عند باب الحديقه..
عمر كان مصدوم من الكلام اللي سمعه..ومعجب بموقف شجون وعقليتها..
عامر مسك جتفه: لاااا تفكر

[♥...mema]

عامر مسك جتفه: لاااا تفكر بتفاهات..اتركها عنك..
عمر بهدوء: مو أريج اللي هامتني..أصلا أنا أدري من زمان
أنها حاطه عينها علي وروحاتها وجياتها عندنا بس عشان تتقرب مني بس موقف
شجون صدمني
..كنت أتوقع أنهم خوات نفس الطينه..
عامر ابتسم: واكتشفت أنك غلطان..
عمر ابتسم وسرح بشجون: مو
بس جذي..اكتشفت شخصيتها..طيبه وهاديه ومتفتحه و...
عامر قاطعه بضحكه: وحبيتها هههههههههههههههههههههههههههه
عمر تنهد : تصدق عاد دخلت قلبي..
عامر ميت ضحك: ههههه امش بس امش وأنت ساكت..


عند النافووووره..
كانوا البنات[ العنود _ غزل _ نهى _ أريج _ شجون _ صمود _ جنا _ صبا _ لمى _
روز _ فجر _ أبرار]

صبا بضحك: اسمعوا هالنكته بنات..قسم بالله لما سمعتها فطست ضحك..واحد اشترى
نعال مقاس 40 وبعد أسبوع
رجعه وأخذ مقاس 30 ,ليش؟
قص أظافره..
كل البنات: هههههههههههههههههه
يت وجدان متحمسه: بنـــــات عندي لكم خبر حصري..بالعطله
بنسافر السعودية كلنا مع بعض
..
البنات بصرخة حماس: يـــــس
هههههههههههههههه
صمود: صج وجووود من قالج..
وجدان ابتسمت: أنا رحت عند أبوي وقلته وسأل عمامي ووافقوا..
غزل: وااااااااو حماس بنسافر مع بعض..بنفلها ونستهبل أخر وناسه..
جنا بثقل حطت رجل على رجل: عـــاااادي كل صيف نسافر شالجديد
نهى بمزح: أمووووت أنا ياثقيل..
الكل ضحك: هههههههههههههههه

بعدها راحوا البنات يتغدون..وبعد الغــدى اجتمعوا كلهم بالصاله يسولفون ويشربون شاي..

أم فهد بمكر: والله زين ما فكرتوا..عالأقل نكوون مع بعض أحسن وأونس..

بدر كان منقرف من جنا ولبسها الشبابي البحت..جينز خصر واطي وحزام عريض وسلاسل
حديد طايحه منه..وبلوزه واسعه نص كم وشعرها قاصته سبايكي..ولابسه نيدية وحاطه
رجل على رجل..وبهمس لمشاري: شايف اللي أنا أشوفه..وووع ياخي قررررف
..
مشاري كتم ضحكته غصب: مراهقه وعقلها طاير..شعليك منها..عندها أهل وبكيفها
بدر بقهر: ياخي أنا هذي ما أطيقها لا إهي ولا أخوها مشعلووه..ما ينبلع غثيث ووصخ
وقذر
مشاري بهمس: سبحان الله اللي
يشوفه اهو وفهد ما يقول أنهم أخوان..ياخي فرق السما عن الأرض..


أما عند فهد ومشعل وجراح..
فهد متضايق وبهمس: مشعلووه
طف هالزقاير خنقتنا فيها..ما تحس ما عندك دم من يينا وإهي بحلجك..لا وأختك الزفت
جنووه حسبالها أنها ولد طاع شلووون تتصرف وشلابسه..شلووون خليتها تيي بهالشكل..
والله لو أنا شايفها جان كسرت ريلها قبل ما تطلع بهالشكل..وفوق هذا أريجووه تبتسم وفاكه
الكشره تحسب عمر ميت
عليها..
مشعل بلا مبالاه طفى الزقاير:
خلاص طفيناها بس اسكت ما تسوى علينا هالمحاضره..
جراح: شفيك يافهد شكلك مقهور..
فهد بضيق: والله اللي عنده هالأخوان بيكره عمره..
جراح بهدوء: طووول بالك أنت الكبير وهم صغار ومراهقين ومصيرهم يعقلووون..
فهد تنهد وسكت...

عبدالعزيز: روزووه اليوم تنامين
عندنا وغصب عن خشمج بعد مو بكيفج..
روز ضحكت وهي تشوف عيون
طلال ومشعل طايره فيها: هههههههههههههه افف افف شكلك مشتاق بقوووه
عبدالعزيز قرص خدودها: ههههههههههه المهم تجين عندنا
ونسهر مع بعض..


وبعد السوالف والضحك الكل قام وخذا عياله وراح لبيته..



وجدان صعدت غرفتها وقطت قميصها وفصخت صندلها وحذفت نفسها فوق السرير بتعب وهي
تشوف الساعه 5 المغرب:آآآه ياراسي أحسه بينفجر..
دخلوا عليها عمر وعامـــر..

وجدان شافتهم: خيــــــر أنت وياه..
عامر ضحك وقعد عندها فوق السرير وتربع: ههههههههه ولااا شي بنسولف معاج بس..
وجدان قامت وفصخت تراجيها:
وأنا مالي خلق..أحس راسي بينفجر من الصداع..
عمر: خذتي بندول..
وجدان بهمس بطيء: لاااااااااا أصلا ما كلت إلا توسته وشاي..حتى ما تغديت..ما أشتهي..

ودخلت غرفة التبديـــل...

دخلوا سعود وطلال وبــــــدر
..
سعود : وينها وجدان..
عامر: تبدل...
طلال كان فاصخ بلوزته..وقف عند مراية أختها: اففف كل هذا عطور ومكياج حشى لو عروس
مو جذي..
وجدان من غرفة التبديل..ضحكت: هههههه اخلص شتبي
..
طلال ابتسم: أبي مزيل عرق..
عمر ضحك: هههههه اللـــه يفشلك أخذ من أي واحد منا..
وجدان تضحك: هههههههه عندك بالدرج الأوووول..بس يمكن مو نفس النوع اللي تستعمله..
وطلعت لابسه شورت بنفسجي
وبدي كت أبيض وفيه قلوب بنفسجية..
وشافته أخذ المزيل ويرش على نفسه..
وجدان ضحكت وهي تدزه: ههههههه وووع شهالقرف اطلع
برا..
طلال ضحك:هههههههه وخــري
بس
الكل:ههههههههههههههههههههههه

دخلت عليهم أم عمر: أنتو هني وأنا أدور عليكم..
وجدان تربعت فوق سريرها عند
عامر: تفضلي يمه حيـــاج..
أم عمر ابتسمت: قومي أنتي كلمي رفيجتج شوق عالتلفون..
وجدان تمددت على بطنها وخذت السماعه:خلاص أنا أحاجيها من عندي..[وردت]..هلا
شووق حبيبتي شلونج..
شوق بابتسامه: هلا فيج ياقلبي
أنا بخير أسال عنج..أنتي شلونج شخبارج..
وجدان منغثه من طلال اللي يحرك ريشه على جتوفها: أنا تمام..[لحظه شوق]..اففف
طليل وربي نرفزتني وخـــر..
طلال ضحك وقعدها بحضنه وصار يلعب بشعرها..
وجدان ملت منه: أيه شووق..اسمعج
شوق: تدرين اليوم من شفت بالجامعه
وجدان بفضول: منوووو..
شوق: تذكرين الطالبه اللي صارت لها السالفه بثالث وأنتي أنقذتيها وبعدين اختفت..
وجدان تجبست بحضن طلال وصفر وجهها وبخوف: أيـــه..
شوق: اليوم شفتها..توها مستجده ويايه تسحب أوراقها..متغيره وايد بس عرفت أنها
كانت بكندا تتعالج وتزوجت 3 مرات وتطلقت..
وجدان بصوت متقطع: أها..أوكي شوق أنا أحاجيج بعدين..
باي..
أخوانها لاحظوا خوفها وارتباكها
: شفيج..
وجدان بصوت مبحوح: ولا شي..
قامت بسرعه ودخلت الحمام وقفلت الباب وقعدت تبجي بصوت مكتوم..

عمر خاف عليها وقام بسرعه وطق الباب وأخوانه وراه: وجدان بطلي الباب شوي..وجدان
بحاجيج..وجــــــدان..
وجدان ما ترد بس تبجي بصوت
عالي..
طلال : وخر أنا أحاجيها..وطق الباب..وجدان بطلي وحاجيني..منوو هذي وشتبي منج.
.وجــدان
..وجدان بطلي ولا بكسر الباب..

وجدان ما ترد بس تتأوه وذكرى الحادث تمر ببالها من أمس ومو قادره تنمحي..ومكالمة
شووق زادتها..قعدت بأرض الحمام ودفنت راسها بريولها وبجت...

طلال عصب: وجـــدان بكسر الباب..
وجدان ما ترد...
طلال تنفس بسرعه: 123..ودز
الباب بقوووه وانفتح..
ودخلوا كلهم..وشهقوا من منظرها..
طلال بسرعه راح لها ورفع وجهها بخوف: وجدان حبيبتي شفيج..
وجدان تشاهق: شفت البــ البنت
اللي أمس كلمتكم عنها..توها شوق تقول لي أنها شافتها اليوم بالجامعه..كانت تعالج
بكندا..وأنها تزوجت وتطلقت 3 مرات..[وتمسح دموعها] ط..طلال أنا خايفه..أنا مابي أشوفها
..أنا مابي أصير مثلها..
طلال سكت حس أنه مقهور ما قدر يسوي شي بس خذاها بحضنه بعنف يهديها: خلاص
وجدان..حبيبتي أنتي..ترى عادي


يتبع

[♥...mema]

&الفصل الرابع&

عمر شالها ورفعها عن الأرض وباس جبينها: وجدان لا تخافين من شي
دام أحنا معاج..
وجدان ما ردت بس حضنته وظلت تبجي..
بدر بضيق: وجدان خلاص عاد
مسحي دموعج..وخلي هالبنت تولي..
وجدان رفعت راسها وبتوتر: آ آ بروح عند بابا..
وطلعت بسرعه وراحت غرفة أمها وأبوها..

فتحت الباب بسرعه وشافت أبوها متمدد بفراشه..ركضت له ورفعت عنه اللحاف ونامت معاه
وحطت راسه على صدره وتمسكت فيه بقوووووه: بابا ضمني..بابا أنا خايفه..لا تتركني
..بابا أنا أحبك..
أبو عمر كان خايف عليها ومصدوم..خذاها بحضنه: أنا معاج يابابا لا تخافين..
والتفت لعياله اللي دخلوا وراها..
: شفيكم..شلي صار...
دخلت أم عمر وخافت لما شافتهم: شصاير شفيـــكم..وجدان شفيها..
أبو عمر أشر لهم يقعدون ويسكتون..
ظل يطالع بوجدان اللي نايمه بحضنه..ولما غفت سدحها وغطاها عدل..وطبعا وجدان
متمسكه بيده عشان تضمن أنه ما يتركها..
عمر بقلق: يبه أنت تعرف وجدان شفيها..ليش تخاف جذي
..إهي قالت لنا عن سالفة البنت بس ما فهمت خوفها ليش..
أبو عمر تنهد: اللي ما تعرفونه أن وجدان بعد ما صار الحادث صار فيها حالة نفسيه وصارت
تخاف من الظلام وتخاف تبقى بروحها وصارت تتخيل أنها مكان هالبنت وما تنام الليل من
الكوابيس وطبعا ما تلاشى خوفها إلا بعد 3 سنين لما بلغت وعرفت أنها تقدر تدافع عن نفسها
وأن عندها أحد يحميها..
بدر: انزين يبه ما عالجتوها..وجدان خوفها مرضي ولازم تتعالج قبل ما تنتكس حالتها..
أبو عمر: سألت وعرفت أنها ما راح تتعالج إلا إذا أقتنعت بنفسها أنها تقدر تواجه مخاوفها وأن
لها أحد يحميها وتحس معاه بالأمان..
كلهم سكتوا وصاروا يطالعون ببعض..
أم عمر قامت: أنا بروح أسوي عصير ليمون تشربه وتهدأ أعصابها..
أبو عمر: يلا ياعمر خذ أخوك وروحوا الشغل تأخرتوا..أنا ببقى
معاها..
عمر وعامر قاموا غصب عنهم وهم متوترين عليها..
طلال تنهد وقام: أنا طالع حاس أني مخنوق..
سعود وقف: خذني معاك..
بدر قام: أنا بروح أريح حاس أني تعبان حـــدي..

ـــــــــــــــــــــــــــــــــــــــــ
بفيلااا أبو مشـــاري الأولى..

الساعه 8 بالليل...


صبا ولمى وروز قاعدين جدام التلفزيون يطالعون فلم هندي ومندمجين معاه وجدامهم عالطاولة
أنواع الشبسات والجلكسي والكولا..

لمى تاكل شبس: روز الحين أمج عادي تقعد بروحها بالبيت..
روز مندمجه مع الفلم وتاكل جلكسي: إيه عادي أصلا أهي جذي تحب تختلي بنفسها وايد وأنا
أحب اترك لها الجو مع بابا..

صبا تشرب كولا وتشفط: روز تدرين أول ما أبوي قالنا أنه متزوج وعنده بنت انصدمنا وطبعا كرهناج
وقلنا بندبر خطط
عشان نطفشج..بس لما شفناج
وعرفناج عدل طلعتي عسل بس بصراحه أمج أغار منها..
روز ابتسمت: وأنا ما ألومج لأني
أدري أنها أمج وأكيد بتخافين عليها..بس أهم شي عندي أني أحبكم وتحبوني..
لمى: اشششششش ازعجتونا..
تابعوا وأنتوا ساكتين..
بعدها سكتوا وصاروا يطالعون الفلم..

بنفس الوقت..نزلت أم مشاري من فوق وشافتهم..وبحـــقد..: أنتي عندنا ياروز
روز ابتسمت وقامت: أيه اشتقت لأخواني وقلت أيي أسهر معاهم
اليوم..
أم مشاري بسخرية: لاااا زين..والله وطلع فيج خير يابنت نيرون
وييتي تسألين عنا..
روز انصدمت من كلامها وحبست دموعها غصب..
صبا بحده: يـــمه شفيج عليها..روز دايم تيي وتسأل عنا..
روز بصوت مبحوح: خليها ياصبا
..[والتفت لأم مشاري]..خالتي أنا مالي دخل بخلافج مع أبوي وأمي..ومالي ذنب إذا أبوي
طلقج عشانها..أهم شي عندي بالدنيا هذي أن علاقتي مع أخواني ما تتأثر بخرابيطكم..

وطلعت بسرعه فوق ودموعها تسابقها..بدلت ملابسها بجينز وبلوزه وخذت سويجها وفونها ونزلت
طايره..

لمى وصبا: روز..روز لحظه روز
..
لكنها ما ردت وطلعت تركــض..

ركبت سيارتها بسرعه وشخطت فيها وهي ما تشوف من دموعها
..

بنفس الوقت..كانوا أخوانها مشاري ومناف وعبدالعزيز توهم جايين من برا..وخافوا من شكلها.
.وركضوا بسرعه داخل..
عبدالعزيز بسرعه: شفيها..ليكون صاير شي
مناف: امشوا نشوف بسرعه..

دخلوا داخل..

مشاري بخوف: يمه..شفيكم شصاير..وليش روز طالعه تركض..
صبا تخصرت: أمي سمعتها كلام
نفس السم..
أم مشاري بحده: طلعتوني أنا الغلطانة الحين..إهي اللي مسويه نفسها ياعنني حساسه..
اسمع أنت وياه بنت اليونانية هذي ما أبيها تدخل بيتي مره ثانية سمعتـــوا..
مناف عصب: يمه الله يهداج..روز أنا اللي قلت لها تيي عندنا..يمــــــه روز بنت وأحنا خايفين
عليها..لازم تكون تحت عينا طول الوقت..
أم مشاري بصراخ: وأنا مالي شغل..أختك تبيها وخايف عليها شوفها برا بيتي..سمعت..
وخلتهم وصعدت غرفتها..

مشاري قعد وحط إيدينه بشعره من القهر: يــــــالله..ياللــــــــــــــــــه..
صبا حطت إيدها على جتفه: طوول بالك ياخوووي..روز عاقله ومستحيل تغلط..بس دق
عليها شوفها وين..
مشاري تنهد: مناف دق عليها..خل ترجع..قول لها مشاري يبيج
..
مناف بضيق: إن شاء الله الحين
أدق عليها..
ـــــــــــــــــــــــــــــــــــــــــ

بسيارة روز..كانت موقفتها عند البحـــر..وحاطه راسها عالسكان وتبجي بحرقة قلب: آآآه ياربي
آآآآه..شذنبي أنا أتعذب وأنظلم بدون سبب..شذبني..إهى إهى إهى إهى إهى إهى إهى إهى
إهى إهى إهى..
وقطع عليها نغمة التلفوون.[ضعنا وتغربنا بزمن يشتري ويبيع..ندفع سعادتنا ثمن وبغمرة جراحه نضيع]
منـــاف الغالي يتصل بك...
روز مسحت دموعها وردت غصب: هلا مناف..
مناف بسرعه وبقلق: روز ارجعي البيت..
روز بصوت مبحوح: مناف لا تخاف علي..أنا تعبانه شوووي
وحاسه أني مخنوقه وبقعد بروحي..
مناف بأصرار: روز ياقلبي أنتي..تعالي عشان نتفاهم..ترى كلنا خايفين عليج ومشاري يبيج بيكلمج..
روز تحاول تتماسك: اسمحلي ياخووي..ما أقدر أجي..أصلا ما فيني حيل أتحرك خطوة وحده.
.أنت تعال أنا عند البحر..
مناف تنهد: خلاص خليج هناك وأحنا بنييج..باااااااي..

روز سكرت وحطت راسها عالسكان وظلت تبجي بروحها..

وبعد دقايق..انفتح الباب ودخل مشاري يمها..ومناف وعبدالعزيز
بالمرتبه اللي ورى..
مشاري رفع راسها بيده وشاف
عيونها المليانة دمووووع: روز صدقيني كل الكلام اللي تقوله أمي من دافع الغيره مو الكره..
بس إهي شايله بقلبها عشان أبووي طلقها عشان أمج..المفروض تكونين قوووووية ياروز ومو
أي شي يكسرج..وبعدين للحين ما تعودتي صار لج عشر سنين معانا وما عرفتي
أمي عدل..