رواية سلطان الحب أقوى من سلطان الإمارة / كاملة

[7btin]

للحب سلطان اقوى من سلطان الامارة

فالحب لا يعرف كبير ولا صغير

والحب لا يعرف فقير او امير

جميعنا بالحب نتساوى وبالاخر لا يجمعنا سوى الحب

احبائى اسمحوا لى ان اتشارك معكم بسمو الحب فوق عرش الامارة والمال والجاه

نتشارك حبا يدك اقوى القلاع ويسقط اعتى الحصون لتتساوى وتتهاوى تحت قدميه

فاهلا بكم معى ولنقراها سويا

وللامانة القصة منقولة و و و كاملة
بسم الله الرحمن الرحيم
هاأنا ابـــــــدا
حينما تعبر الحياه بسفينة تتخذ نمط تعيش به الاحلام اسلوب يعبر عن ما بداخلها...
ولكن تتفاجاء!!..
باالاقدار تختلط وتندمج لتظهر لها حياة غير تلك الحياه...
حين ذاك تتحطم السفينه لتقع في جزيره بعيده تحمل مشاعرها دون غيرها لكن ....
لابد وان تنتصر وتتحرر المشاعر...

عائلة بو فهد

(ابو فهد – ام فهد – وغزيل – نوف- منيرة – لمياء – الهنوف – فهد)
- منصور ابن غزيل
عائلة بو مفلح - ام مفلح شقيقة ام فهد

(بو مفلح – ام مفلح – مفلح – مساعد نورة )

عائلة الراشد - ام راشد شقيقة بو مفلح
وابنة عم ام مفلح وام فهد
( ام راشد – راشد – سارة )

عائلة السلطان
(بو سلطان – ام سلطان – سلطان – موضى – نواف – النايفة – ناصر)

(رفيف وسلطان ابناء موضى )

(محمد ابن خال سلطان وصديقه وكاتم اسراره )

اما البقية ستتعرفون اليهم حسب ادوارهم فى القصة



البارت الاول

ام فهد :ياله بسرعه موب لامن جاء بكره تجيبن لكن كيسه ولا شنطه ووتضيق
علينا السياره
غزيل :امشن عجلن على امي لا تزعلنها
الهنوف:ياله ياله معاد بقا شي وديتها كلها ..ها غزولها ماتبينا انحملتس مع العفش
غزيل :هههههههه انكنتس تقدرين اتخبيني معكم ماهيب شينه
الهنوف بقهر :ياختي رجلتس معاد ياسمح لتس اسبوع تروحين معنا
جاتهن لمياء تشيل كرتون اندومي :لا ماهوب سامح لها لوني اياه كان عيت من الي يبي يخاويتس
الهنوف ميته ضحك :احسن مابغيتي تقومين لي الا عقب الشين تستاهلين ماجاتس
اسفهتها لمياء وراحت لسياره مدخلينها داخل البيت يحطون العفش فيها
اغزيل :وش انتي امسويه فيها ترى ماهوب امقابلتس اهناك الا هي
الهنوف: ياختي اسحبها ومعيه تبيني اشتغل بلحالي امعصي كذبت على امي وراحت اتقومها هههههه
غزيل تهز راسها :المهم الله الله بالسناعه
الهنوف: ايه ماعليه يله سوي اسوات اختتس وروحي ابي اتسبح واتزين
جات لمياء ووقفت معهن لفت الهنوف بتروح
جاءها ولد غزيل منصور ساحب شعرها "عاد جادلته وطالعن طويل "اسحب الربطه ونحاش
التفت على لمياء هي الحماره اكيد قايله له :ها يالميه بدتس تجيني ذلحين تشحذين هين
لمياء :هههههه بردت حرتي احسن ياله ساعدناتس وفكينا ربطتتس روحي
تسبحي ههههههه
غزيل: ههههههههه
الهنوف اقهرني كله ولا شعري شفت انهن بيضحكن علي رحت اتسبح وجهز اغريضاتي .
غزيل تلف على لمياء:ماتحب احد يطاء لها على طرف ..تحملي الي بيجيتس
لمياء:بتنسى مشوار وبر ..
الساعه 10 تسبحت واستشورتنا اشعري مع انه مايحتاج طالعتن على امي شعرها مشالله ناعم بالحيل
لمياء:ها ياهنيف خلصتي
الهنوف:لمياء روحي وراتس لوني خلصت كان جيتتس
لمياء :ترى نوف ارسلت على جوالتس تقول ماخذه جلالتس الاسود .
انتفخت معاد الاهي ذا نويفان التفت على لمياء: انتي يوم تفتحين جوالي ليه .
لمياء :والله جاته رساله تبيني اخليها ليه ويش عشانه
مشيت صوبها ودفيتها بقهر ورحت اكلم اختي نوف
ساعه ذا الجوال يرن والا عشانها خابره انها مخطيه ماترد
نوف:الو هلا حبيبتي
الهنوف بقهر واندفاعيه:رجعي الجلال ذلحين ماعندي غيره
نوف :هههههههه وين خلاص راح عليتس ربطت بها خصري وانا ارقص ونسيته مربوط
الهنوف بغيض: شفتي شهادتس ذالي متشدده فيهاانسيها والله العظيم معاد تشوفينها
نوف :بخلي مبارك يكلمتس ولا يجي ياخذها بنفسه
الهنوف بسخريه:ههههههههه ماعليه تحسبني بستحي يعني
نوف:باقو... طوط طوط طوط سكرته هههههههههههههههههههههههه.
الهنوف تكلم نفسها ماعليه والله ان معاد تشوفها .
غزيل بصوت عالي من تحت :ترى منيره جات وجابت شنطتها روحي الشغاله توديها لهم يحطونها في السياره
انا ذلحين بروح مع السلامه .
الهنوف :مع السلامه
راحت لشغاله وودت لهم الشنطه مرت عليها امنيره وكرشها قدامها هي الوحيده الي وافق رجلها اتروح معهم
منيره :هلا اهنيف وش قومتس كنتس ضايقه .
الهنوف:لا تقولين اهنيف.. وبعدين موب ضايقه .
منيره : اهنيف لين تموتين.. بروح ارقد في سريرتس.
الهنوف:روحي نوم العوافي .
منيره:الله يعافيتس .
فهد بصوت عالي :وين وديتي الكشاف
الهنوف :حطيته في درج السياره... انت غايب اليوم ؟؟
فهد :ايه
الهنوف ترفع حاجبها :وليه!!
فهد :ماعندنا شي
الهنوف: عندكم بس لبغيت تغيب قلت ماع...
فهد يكمل :ايه بغيب ودايمن عندتس شي المهم علمي ابوي بروح اسهر عند العيال
الهنوف بخبث :نص ساعه بعده ان جيت ولا قلت لاابوي
افهد برجى وقهر: مددي شوي
الهنوف :اليوم امسكت معي لعانه نص ساعه وتعال
فهد بغيض:متحكمه ست الحسن
الهنوف بغرور :استاهل وفيه مثلي ..
فهد يلف منها :بدت بالتمدح والتكبر .. منيب مبطي نص ساعه وبجي.
ابتمست وفي نفسها ابوي شخصيته قويه اشوي وهيبه بس العمر له دور طيب وحنون علينا انا وخواتي وخاصه معي انا ويحبني ويبينه لي كثير غير عن خواتي
خلصت اشغالي ورحت دخلت المسن تسجيل دخول ودخلت
نوره وساره اون لاين
رمـــش االعين مظللن وجنها :هلا بالمزايين
النوري :هلا هنوف الجيد
رمش العين مظللن وجنها :لبى منطوقتس حي ذا العين بالكلام الزين اثره يفرح الزعلان
النوري :هههههه
اسويره ام احجيله : ماشين بكره ؟؟..
رمش العين مظللن وجنها :بنسرح الساعه ثمان بس الظاهر امي بتخليها خمس
اسويره :ههههههههههه
النوري :هههههه الله يعينكم لوني اياتس كان خذيت افراشي ورقدت في الغماره ومايضيعون علي نومي
رمش العين مظللن وجنها :مانيب خبل مثلس (وحطت فيس يطلع السانه
النوري : هههههههههه اقول يالمهايطيه
رمش العين مظللن وجنها:ههههههه لبيه
النوري :موب امخاويكم عبد العزيز يعني يتعرف عليس من اقريب
اسويره :ههههههههههههه
رمش العين مظللن وجنها :الا بيخاوينا روحي علمي البنات لا اوصيتس
النوري :ههههههههه
اسويره :ههههههههه علمتهم اخر يوم قبل اجازة اضحيه وهاتك من الكذب
رمش العين مظللن وجنها:لعنبو غيرتس خطبه وش بتسوين لاصار كل شي رسمي
النوري :ذيك الحزه عاد بسكت ههههههه.
لمياء تقاطعها"الهنوف شيلي شعري تكفين يؤلم معاد بقى الا ذا اليد
الهنوف:تبطين ...وبرفة حاجب .. مسرع وجيتيني
لمياء :تكفين عاد ماصارت زعله
الهنوف سافهتها
لمياء:ياله عاد
الهنوف تلف عليها: تبيني اشيل لتس جيبي لي ماي واشحني جوالي
لمياء :طيب ماطلبتي دقايق
التفت على لابتوبها
النوري :اهنيييف عسى مازعلتي
الهنوف ترفع حواجبها بقهرها رمش العين :الا زعلت وبروح ونا زعلانه
النوري :تكفين كله ولازعلتس انتي الغاليه
الهنوف :خلاص معاد يمديتس
النوري تضحك:الجدار الله الله فيه اصقعي راستس فيه وبيعتدل الزعل ههههههههه
الهنوف :ههههههههه بس ولو راضيني جيبي لي دبت ماي من بحر الشرقيه تكفين
اسويره :يامحق زعل اقلب ترجي ههههههه
النوري :ولو الهنوف تستاهل ابشري جركل يحبه قلبتس
رمش العين مضللن وجنها بستهبال:ههههههههه فديتس الله الله عاد* ليتكن اتخاونا مخيم ابوي عنده امراء وشيوخ راحين رادين
النوري :هههههههههه احذري قدتس خالصه عندتس عبد العزيز يكفي ويوفي
رمش العين :ايه (فيس مستحي )
النوري :هههههههههههههه
اسويره :هههههههه بنجيكم في عطلت الشتاء ..انوري اتخاويني انروح انخاوي لنا اثنين منهم
رمش العين :ههههههههههههه مايكفي واحد
اسويره :لا لازم اثنين واحد زين واحد انتعبر به
النوري :ههههههههههههه
رمش العين: ههههه ياله فديتكن انا بروح امسي وانكني قدرت بجيب معي مجموعه
اسويره :الله الله بالزين
النوري: ايه طلبتس
رمش العين:ههههههههههه طلبه عاد النوري بروح براشد معنا ثم بعود به بتقبلينه
النوري بقهر :اسري اسري دام النفس عليتس طيبه
سجلت خروجها واطلعت
اسويره :مدري وش فيها لونه عند غيرها كان تمنته ماعرفت اخوي زين
رمش العين:بدها ترضى ولا احد يلقلى راشد ويعيفه اسويره معاد اشوف مع السلامه فديتتس
وسلمي لي على انوري اطلعت وهي ضايقه وانا ...جاتها لمياء مره ثانيه وقاطعتها : هاتس الماء عجلي تكفين بروح بعد اتسبح
الهنوف :طيب طيب روعتيني
الهنوف تكمل محادثتها مع اسويره :ها اطلعت النوري وانا بروح بكره سمحيها بكلامن زين اسويره سلمي واسلمي ومع السلامه
اسويره :هههههههههه مع السلامه .سجلت الهنوف خروجه والتفت على اختها... فيني نوم بنام ..لفت منها وقامت
لمياء بقهر :ذلحين جاتس النوم ولا يومتس معهن طاير
الهنوف:ههههه
لمياء :ذكرتيني
الهنوف ترفع حواجبها :وش عندتس
لمياء: سميره وحده من خوياتي تقول ضحكتها اتجنن تقصدتس فيها غمازات قويه امحق اتجنن الا تروع
الهنوف تبي تقهرها :ههههههههههه هين انكنتس ماقلتي اختي فديتها مزيونه وتدلعتي
عندها اعرفتس تراني
لمياء:هههههههه الي بيشوف بيقول بسكال عاد
الهنوف بشهقه :تقارنيني بذا الفاسخه انا امزيدن حلاي ياقلبي الستر
لمياء تبي تقهرها :وي شايف نفسه مغتر بجماله
الهنوف بضحكه :ماتعرفين تقهرين
قامت على صوتهن منيره وبتعب :الهنوف
الهنوف:لبيه
منيره :مخلتيني ارقد قصرن صوتكن
الهنوف:ايه ابشري
لمياء برجى :امانه ساعديني
الهنوف بدلع :اول شي وعد انتس تساعديني ونخبي شهادة نوف الى ان تخاف
لمياء بسرعه :وعد عادي انا ودي بعد
الهنوف : هذا احلى شي فيتس تعرفين الي يعجبني ..ياله تعالي اسرعي
اجلست قدامها واقعدن يسولفن في الكليه لين خلصن وراحت تسبح لمياء
والهنوف صكت الباب ورقدت
\\\\\\\\\\\\\\\\\\\\\\



البارت الثانى

ام فهد :ياله الهنوف منيره قومن قومن بسرعه لا طلع ابوكن من المسجد لينكن خالصات
الهنوف موب يمهم غاطه
منيره قامت وشالت الحاف عن الهنوف : قومي بسرعه
الهنوف تناظر الساعه:يااااااااله كنا بروح الساعه ثمان تونا( تكلم والعبره تروح وتنزل
منيره :ايه صيحي عشان نوم
قامن صلن ويلبسن ساعه كانهن ماجهزن شي امس اقعد ابو فهد وامهن يحترونهن في السياره
ابو فهد بضيقه :فهد روح استعجلهن بناصل بدري
انزل فهد بسرعه وغضب وراح لهن
فهد بقهر وفيه نوم : امشن نزلني ابوي عشانكم
منيره تلبس عباتها بسرعه:ياله جينا جينا
فهد بعناد:لا امشن قدامي بسرعه
الهنوف بكسل :ودي اقول لاابوي الي صار امس
فهد :جيت قبل النص ساعه
لمياء : تبتزينه
الهنوف :خلاص امزح مالي نفس اقهرك
خلصن بسرعه واطلعو لهم اركبو السياره وتوكلو لطريق ارماح
\\\\
عند المفلح الساعه 11
النوري :يمه خالتي نوره مشت
ام مفلح :ايه مكلمتني الساعه ست تقول قدنا طالعين من النعيريه
النوري :ههههههههه
ام مفلح :وش فيتس
النوري :الله يهديها خالتي لازم تمشي قبل موعدها بساعات.. يمه راح معهم احد
ام مفلح:لا بس هم من الي بيروح معهم اجل
نوره :عبد العزيز ماهوب رايح معهم
ام مفلح بنتقاد :ويش يبي يوم يروح معهم لاعم ولاخاله ولا يعني عشانه خاطب اهنيف... روحي روحي قومي اخوانتس الساعه قدها 11
نوره تضحك في نفسها تكذب علينا اجل حاطه رومانسيه وفيس مستحي
امها :انوره امشي
نوره :ابشري ترى بعلمتس والله مايقومون لي
ام مفلح :قولي انتس ماتبين اتروحين وبس
نوره :تبين واحد منهم يتهددني لين يمسي
امها:روحي وايقي شوفي ابوتس راح منه الرجال الي عنده
نوره بحيويه :ياله
اطلعت من الباب الرئيسي واتجهت للمطبخ تعلم الشغاله تروح توايق بالمجالس وهي تغني اغنية راشد العمر لارحت مايسوى مايسوى خذ روحي خذ قلبي ..
منزله راسها وتناظر رجليها
رفعت راسها اتنادي الشغاله
نوره بشهقه قويه وصرخه ااااااااااااااااااااا غطت وجهها و ارجعت للباب البيت الداخلي :الله ياخذه من هذاه روعني .. انفضت يدها برتابك ..وببتسامه بس يهبل
راشد بفرحه مابعد شافها ابد مجرد امه اخطبتها وهو ماعارض اختيار امه هذي نوره ماخبر عند خالي سعد الابنت وحده اكيد انه هي تنهد براحه اشوى تطمنت على الزين بقى الاخلاق لوني عاد ادخل واجلس معها اشوف
ابتسم على افكاره وارجع للمجالس
راشد :خال ترى ماقدرت ادخل اشوف سراميك المطبخ كني سمعت صوت وحده من البنات خفت لادخل عليها
خاله سعد:كان تحنحنت ماعليك منها
راشد :المره الثانيه انشا الله ولا بعد خذيت معي مفلح يوريني اياه في المحل
خاله :على راحتك بغيتك تشوفه امك امس عندنا وتطري انها بتزين مطبخها مكسرن بلاطه وابيها تشوف السراميك اربه يعجبها
راشد :علمتني البارح كنها ودها بواحد ن زيه توصي شي الغالي انا بروح ذلحين!!.
خاله سعد :سلامتك.. اسمع وانا ابوك
راشد يلف له :سم
خاله : بخصوص موضوعك نوره تراهي وافقت والرجال الي مثلك ماينعاف
راشد :تسلم ياخال والشي الي يقربني منك ابيه واستانس له ونوره فوق راسي نفدا لحيتك
خاله سعد :جعلك تسلم
راشد :فمان الله
خاله:في حفظه
ام مفلح فاتحه عيونها بستغراب:أنوره ..نوره
النوري في عالمن ثاني
هزتها امها بقوه وبصوت عالي :نووووره
نوره براعه :بسم الله
ام مفلح :وش فيتس جالسه في مجلس الحريم حار وكتمه
نوره برتباك:سمعت صوت رجال في الحوش احتريه يروح
ادخل ابو مفلح من الباب الرئيسي واقعد ينبأهم :يانمشه
ام مفلح توايق عليه من مجلس الحريم :دونك دونك
ادخل عليهن وكلمهن وهوواقف والتفت على نوره :زين انتس اهناه
نوره :لبيه يبه
ابو مفلح :ترى علمت راشد انتس اموافقه
نوره بصدمه : بس انا مابي اعرس ذلحين
ابوها بنرفزه :ليه
نوره مستحيه :مابي راشد
ابوها :ونعمن ياراشد ماينعاف خلي منتس الدلع رجال وولد عمتتس وكلن يمدحه
قالها وهو طالع منهي الموضوع
تعكر مزاجها وبضيقه : من متى وانا انقول ايه ابي ذاه والا ذاه هم الي يوافقون وانا وراهم ...ازفرت بغيض ورقت فوق
ناظرتها امها بقهر:يجي لتس تطولين راشد
اجلست على سريرها ماسكه معها الضيقه صوت جوالها نغمت الهنوف
نوره: الو
الهنوف:مرحبا
نوره :ياله حيها
الهنوف :اهلين وسهلين
نوره تنفس بقوه تغير لمزاجها :هههه سرحتكم خالتي
الهنوف بكذب:لا توني في افراشي
نوره :ههه خلاص راحت عليتس الكذبه علمتني امي..وبحالميه..ااه يالهنوف يامحق زين شفت في حوشنا اليوم
الهنوف:من الي مصبحن في وجهتس الحلو
نوره:وجهتس احلى لبى روحتس .. ماعرفه والله شافني.. تذكرت الموقف واضحكت ...صرخت وروعته
الهنوف تضحك:مخروشه خابرتس
نوره:بس انحيف اشوي
الهنوف بقوه:هههههههه والله ماظنتي انتس نحشتي تمقلين في حلاياه
نوره :وش اسوي احب الزين
الهنوف:هههههههه ياله ياقلبي بننزل في المحطه ذلحين مع السلامه
نوره :مع السلامه
صكته منها وقامت للشغاله تحت مقد شفته وشكله يمون داخل الصور
انزلت وراحت سيد للمطبخ لفت وراءها بخوف لاحد سمعها تسال عن الرجال وعقب نادت الشغاله
الشغاله :نأم ماما
نوره :مين هذا رجال في حوش انا صبح ؟؟
الشغاله :ولد ماما وضحى كبير يجي وروح بسرعه
نوره بصدمه وعقدت حواجبها بضيقه ياويلي هذا هو كان عند ابوي وماقصر ابوي وافق على طول
ارجعت ادراجها لحجرتها وبهدؤ وسرحان توضت وصلت الظهر اجلست في امصلاه بتفكير شارد من متى ماشفته من زمان يوم اني بزر
يوووووه العيال بسرعه يكبرون ويتغيرون
\\\\\\
في بيت الراشد
راشد متعنز على الكنب وبتردد :ساره
حطت صحن الغداء قدامه:لبيه
راشد :تعالي اهناه
اتجهت صوبه واجلست بجنبه
راشد يتنفس بعمق ويناظر ساره:انا شفت نوره اليوم
ساره بستغراب:وين شفتها.. انت عندهم اليوم؟؟..
راشد :ايه رحت لخالي ابي اشوف سراميك الي علمتني بها امي ابي اروح بلحالي لاجيت اشتريه مابيها تتعب وتجي طريق الدمام تعب عليها
ساره بحنان :فديتك الله يخليك لنا ..اجل شفتها مادرت
راشد اضحك :ايه مادرت كنت رايح للمطبخ والله ان عليها صوت ارتعت مع اني خابر ان الصوت منها
ساره :هههه
ساره بغمزه :وش رايك
راشد يبتسم :مافيها اخلاف معاد بقى الا اخلاقها وهذا الي بسالتس عنه
ساره تبتسم :ارقد وامن
راشد :الله ييسر اجل
ساره بخوف انها تسوي مشكله ولا اتوافق :امين
ام راشد :ليش ماتقومون عند الغدا
راشد :هذانا قمنا نحتريس!!
....
الهنوف:لمياء صليتي
لمياء:ايه خلاص ..تشوفيني منسدحه يعني انكت
الهنوف :معاد بقى الاأنا
منيره :ايه بسرعه محبتس لشر تبين ابوي يعني يضيق
الهنوف :اربع تراهي وبخلص بس
سلمت امهن من الصلاه والتفت عليهن: ياله لا خلصتن امشن لا تاخرن واطلعت رايحه لسياره
صلن واطلعن كلهن منيره راحت لسياره لفت الهنوف ماشافت ابوها في السياره وناظرت لمياء
الهنوف:تروحين معي للحمام شوي
لمياء :ياله امشي
راحن للحماامات الي طريقه مافيه زفلت من ورى المحطه ادخلت للحمام بعد ماطلعت
الهنوف :مشينا تاخرنا
لمياء :ياله . ا
رجعن لسيارتهم لفن مع لفت المحطه
شافهن واعرف انهم هم بعد ماشاف فهدبالبقاله ابستم بفرحه تحنحن ونادهن:مرحباا الهنوف
الهنوف توقف وتلف له :هلااا
علي :وش لونكم عساكم طيبين
الهنوف تناظر لمياء :جعلك طيب وش حالك
علي ببتسامه تميلح:جعل يزين حالتس ..موجدين العطله هناا
الهنوف :ايه انشالله
علي يناظر وراءها لايجي احد ويطول السالفه:معكم احد من ربعكم
الهنوف:لا جينا بلحالنا
علي :اييه عسى الوسمي يطيح تزين الارض ونستانس انا وياكم الجمعه زينه
الهنوف تبتسم من تحت الغطاء :الله يسمع منك ..انا بروح تاخرنا
علي:ماتشوفون شر ..انا الله اكتب لناعمر اجمعنا ربي انا وياتس
ناظرن بعض بستغراب ومشن عنه
لمياء :والله فالها الاخ..متوهق
الهنوف:يعني مادرى عن بدالعزيز ..!!
لمياء :بس وش دراه عنتس يوم يناديتس..؟؟
الهنوف:من بعدهم جيرانا وخابرينا
لمياء تسبقها لسياره بالخطى:كلهم يسمعون عنتس ويحبون يتكملون معتس يمه منهم...
الهنوف ترفع حواجبها ببتسامه:وش اسوي يومي مزيونه وانحب
دورن سيارتهم جيب قديم فيه عربه من ورى به اغراضهم
الهنوف:امشي شوفيهم اهناك
ادخلن وجلسن يحترين فهد يجي نازل يشتري لهم
اركب ومشت السياره بقى بس كم كيلو وياصلون
السياره هدوء
ابو فهد :الوايت خربان
ام فهد :لعنبو لايمه كم قد لها سنه وهوعندك ومشاوير
ابو فهد :له فوق العشرين سنه بس من الي بيجيب ثلاث مية الف ولا اكثر بعد عشان اشتري جديد
ام فهد :الااكثر من عشرين عمر الهنوف قدها ام 23
ام فهد بمزح :لون الهنوف يوم شاركت في المسابقه فازت بثلات اميه الف
الهنوف بتصريفه:بس ثلاث ميه الف انا ابي مليون شين يحمل اني افوز به
وتلفت على امنيره بصوت واطي: الا لو ان ابوي ابله مزايين وتنباع بالغالي كان جابت له الي يبي
منيره :هذي ابله الي ربي ارزقه
الهنوف:معليه اهم شي ابل نطلع لها
منيره :ايه بس بعيده مره
الهنوف بصدق :احس المشوار لها يفتح النفس احب الابل وصوت حنينها
منيره :يااه رومانسية البدوان ...
لمياء بسرعه :اخيرن وصلنا
هدو من المشي ونزلو من الزفلت ومشو في البر لين اصلو حوش ابوهم وخيمته
اوصلو تقريب الساعه 1
رتبو الاغراض ونزلوها والشغاله اتزين الغدا راح الوقت بسرعه وعلى الساعه عشر
في اليل لمياء اتقصر صوتها: هي الهنوف رقدتي
الهنوف بنعاس :لا قدني برقد
لمياء: تسمعين ذا الصوت؟!! صوت شباب
الهنوف :وش فيها يعني كشاته ماهوب جاين لم خيمت ابوي خابرين حقت بدو وراعي ابل
ارقدي بس وينها منيره
لمياء :راقده برا تقول حر اهناه
الهنوف :شفتي ان مافيه خوف
اسكتت لمياء عقب وهدت والنوم يغلبها
الساعه ثمان اليوم الثاني قامت منيره وقومت البنات تغسلن وراحن عند الفطور في الخيمه الثانيه خيمت المجلس
ام فهد:اشوى انتس جيتي معنا يامنيره تكفيني همهن وهم الشغل
منيره :هذا الي ابيه انتس ترتاحين
الهنوف :الله يايمه هم ماكبرها عند ربتس اصبري لين يجون اقصرنا وتشوفين السنع على اصوله
لمياءتضحك :الله يزيدتس سناعه وتخليني في حالي
الهنوف بخبث: باأمر عليتس وانا عند النسوان بترفضين مثلن
ام فهد:على هونكن محد منهم جاء روحت لهم انا وابوتس كان بيحط غدا ورحنا انعزم
اطلعت علينا امهم لابسه عابتها قدها بتمشي تقول عندهم عرس ولا احدن جايهم
الهنوف بخيبت امل :ها مافيه اكشن ولا مسيار وذا الملابس والستشوار
منيره اطقها مع فخذها بشويش : عجوز وشايب والباقي اعيال وبزارين وش تبين بهم
الهنوف ولمياء: هههههههههههه
الهنوف ببرود :لمياء الي تقول يارب يجي احد من اعيالهم يعني اعجبه وهزت اكتافه بعدم اهتمام عاد خبرتس انا قدني خالصه
وهي توها طلابت نصيب وتغمز لمياء وترفع حواجبها
امها :لمياء يخطبونها العرب وتعي عقبن اتوافق على ذا ولا فقارين (وجلاف)قاسين
لمياء بنحشار:تكذب يمه تكلم من راسها ذا الحماره
منيره :ماجينا الا العيد قده منتهي وش يبون بعد بالبر
|||||||||||||||||||||||||||||||||||||||||
في نفس الوقت راشد واقف عند باب خاله سعد يحتري مفلح يجي
مفلح :السلام رشود
راشد :هلا ياله حيه
مفلح :الله يحيك
راشد :ياله ماشين
مفلح مقفي منه ويتكلم:ياله اصبر خلني اشرب ماء واخذ اخياره
راشد :ههههه مافطرت
مفلح قده داخل البيت بصوت عالي:لا اجويع من امس
ادخل راشد السياره يحتريه
تاخر لف للباب براسه بزهق شافه مقبل عليه غمارت السواق هي الي على باب البيت
مفلح :راشد امسك "احذف عليه اخياره
راشد يمسكه قدها بطيح ومال اشماغه اشوي امسكه بيده قبل لايطيح و بفجعه :الله لايخلفنا
مفلح يضحك : ادربك على تلقاف الاشيا بسرعه ..ماش شكلي بخلي انوري اتهون
راشد مستانس على طاريها :اركب اركب ودي عاد اكلمك دامك فتحت الموضوع
خير انشالله قالها مفلح ولف بيركب على الجهه الثانيه وحركو على الدمام
مفلح :ها سم وش موضوعك
راشد:سم اله عدوك شف يامفلح انا قدني ابو 28 ابيك اتكلم خالي ابي اجي الخميس الجاي املك دامنا في عطلت الحج ونوره ومعطله
والعرس في العطله الكبيره الشهر عاد الي يناسب نوره وامها
مفلح :على راحتك ياراشد تملك الحين اجل وتونا في شهر 12احسب على يده 12 و1و2و3 واربعه بتعطل في اخره وحط يده على فخذه وناظر براشد اربع اشهور بيناسبها انشالله
راشد يناظره اشوي وياظر الطريق وطول وهويناظره عقب ماقال بيناسبها
مفلح بضحكه ومبتسم :شوف الطريق شفه لا تبلاني توني مابعد اعرست
راشد :هههههههههه ززين وانت عندك نيه بس
مفلح : اجل الى متى واانا العب بنعقل انشالله ..
\\\\



البارت الثالث

ساره بزهق: يمه راشد ماهوب اهناه
ام راشد:لا راح مع مفلح للدمام الله يحفظهم الساعه تسع
ساره بترجي:يمه خالتي نمشه كلمتني

لمياء بعجله:الهنوف ياله بتروحين تمشين معنا امشي..
الهنوف :لا لا بقيل مارقدت امس زين
لمياء:فهد بيمشينا عند امخيمات الامراء تعالي بروح بس انا وفهد
اقعدت الهنوف بتردد: اجل بروح اشوف امخيماتهم وين ابوي وامي
لمياء :راحو صوب الابل وراحت معهم منيره
راحو لها طبعن من بعيد حولها سيارت دوريه الظاهر ان في امير توه جاي
لمياء تقد م قدام وتمد يدها سيده: شوفي شوفي السياره هههههههههههههه
الهنوف تلف بسرعه اتدورها
لمياء :شوفيها بتطلع ذلحين من ورى الخيمه ايوه ايوه شوفيها
الهنوف: مشالله حلوه.. وش فيتس تضحكين عاد
لمياء:السياره زينه وتخيلت سيارتنا
الهنوف التفت عليها ورى :ههههههههه بس الله يشفيتس
سكتنا فهد يوم قربت من سيارت الدوريه نزلن اجلالاتهن على عيونهن وسكتن
الرجال راعي الدوريه :السلام عليكم
فهد :وعليكم السلام
راعي الدوريه :معليش اخوي ابعدو من ذا المنطقه
فهد بطواعيه : سم اخوي انشالله.. ولف راجع
فهد : حسبته بيشرهنا مالت عليه
لمياء والهنوف: ههههههههههههه
امسينا ذاك اليوم ولو انه حر اشوي طبعن الساعه تسع اخر شي عندنا
\\\\\\\\\\\\
في نفس الوقت في النعيريه
ساره:ياله يمه راشد عند الباب
ام راشد : جيبي شنطتي
راحت تركض بسرعه :نوره نوره
نوره بستغراب وقفت بنص الدرج :هلا وش فيتس
ساره:امانه طلبتس قولي تم
نوره بعدم مباله :تم
ساره: نوره تكفين وايقي عليه مع الدريشه نور شارعكم ابيض بتشوفينه زين
نوره :وشو الي بشوفه زين
ساره :راشد اخوي
نوره بنرفزه :ياله روحي لخوتس ياله
ساره:تكفين يانوره بس وايقي امانه امانه
نوره بملل: طيب بطل عليكم اشوي
ساره :لا امانه لين ادق عليتس
نوره بغضب وتخصرت:اسويره وش عندتس
ساره تتمثل البرائه :والله ماعندي شي بس كذا تكفين عاد مايسوى عليتس ترى
نورره:طيب طيب روحي الله يثبتس
طلعت برى انا ابيها تشوفه ابيه تحس به كزوج ونها تنتمي لذا الشخص
اطلعت لراشد الي دريشته على باب عمارتهم ادخلت من عند جهته من وراء وايقت عليه والتفت عليها :هلا السوري
قربت منه وحبيت خشمه :راشد تراني ترجيت النوري توايق مع الدريشه اجبرتها
راشد لف راسه لها وببتسامه :هي ذلحين اتشوفنا
ادخلت ام راشد وقرب منها راشد وحب خشمها
ساره تطل مع دريشة بابها وشافتها مطفيه لمبت الحجره بس نور الشارع اموضح ان فيه احد يناظر
التفت على اخوها وعلمته وهو يسولف مع امها ابتسم دق لامه الجوال وعطاها ايه وعقب
طلع راسه مع الدريشه ورفعه فوق شافهاابتسم لين بينت صفت اسنانه وارسلها بوسه في الهوا
ساره في نفسها ..ياويلي منها وش بتسوي بي ..اضحكت وهي تشوفه تصكر الستاره بسرعه وبقوه
اضحك ودخل راسه: ها رضيتي
ساره :ههههه حرام عليك تحسبني قاصدتها بالحركه
ام راشد التفت عليه عقب ماسكرت الجوال: وش قوم ماتمشي
راشد مبتسم :ياله ياله الغاليه
عند نوره صكت الستاره وجلست على السرير بسرعه وهي ترجف :مالت عليها تراجاني اثرها تبي كذا..ابستمت اشوى اني بروح الشرقيه وبسفهها كم يوم ههههه
رومانسي الظاهر يمه احس بحراره هذا وانا بلحالي اجل لوه عندي
ضحكت على نفسي وحطيت راسي على المخده مع اني اسمع صوت الجوال يدق بس عارفه انها هي اسويره
\\\\\\\\\\\\\\\
الساعه تسع ص جات منيره اتقومهن
منيره بضحكه وحماس:بنات بنات قومن شوفن من الي عند ابوي
ارفعت لمياء الحاف واجلست والهنوف مغمضه اعيونها بس تسمعها
لمياء :من الي عنده
منيره :راعي لكزس المعاوني عليه رززه والسايق موب بعيد منه
لمياءء:بروح اشوف
ادخل عليهن فهد:منيره لا هنتي ابي قهوه جديده
منيره :ابشر دقايق وتعال اخذها
ام فهد تنادي فهد وهي في الشق الثاني
ام فهد:فهد من الي عند ابوك
فهد راح لامي يحاكيها وهو واقف وبحماس :يمه امير من المخيم الي جنبنا
اسمعته الهنوف قعدت على حيلها وناظرت في لمياء الي اضحكت
ام فهد :وش يبي مسير بس
فهد : ايه ايه يقول انه يبي صبوح (حليب ابل )
ام فهد :جاه شي طيب
فهد :رحت لوحده من الخلفات وحلبتها واحلف عليه ابوي يتقهوى واجلس
اطلع فهد لخيمة المطبخ وام فهد ادخلت القسم وشافتهن جالسات
ام فهد :قومن غسلن وتعالن افطرن
قامت الهنوف لدبت المويه اتغسل لقت فيها اشوي خذتها توهها بفتحها
امي :خليها خليها توني جايبتها بتوضا وبتسنن
الهنوف :بغسل وجهي وبفرش اسناني بس
ام فهد :ماهوب امكفيتس ذاه روحي للوايت
طلعت ونادت الشغاله بصوت عالي :سينيتا
ام فهد بغضب :وجع اقطع الله لسانتس من بعد خيمت الرجاجيل
الهنوف:يمه روعتيني الوايت ابعيد وانا توني قايمه
ام فهد :روحي لا شغل ولا مشغله امنيره عندتس اهناك
خيمة المطبخ قريبه من الوايت لفت للمياء وقالت لها ااذ تبي تروح تغسل معها اهناك
قامت معها لمياء وراحن للمطبخ قد فهد طالع بالقهوه ورايح ومنيره طالعه
منيره :ويش تبن
الهنوف :نبي ماء ياختي ثاني مره لقمتي جهزي لنا ماء لين نقوم
لمياء بتايد :ايه صادقه
منيره بقرف :معاد ناقص عليكن الا ذاه
الهنوف ولمياء :هههههه
الهنوف تكلم لمياء وراءها رايحات للوايت :ياحليلها اختي منيره حبوبه وتصدقه الموت انتي
لمياء :هههه ماجزت لتس عارفه حركاتتس الحشريه
الهنوف :ايه هههههههه..
خيمت الرجاجيل قدام الوايت بعيده شوي بس مفتوحه من الشمال والوايت من الجنوب وخيمتنا للوايت اقرب من خيمت الرجاجيل يعني مايشفونا الرجاجيل
وقفن عند صنبور الماء حق الوايت افتحته لمياء فسخت برقعها وجلالها وقعدت اتغسل والهنوف راحت لجهت الكفره الي من ورى
صوب لمياء فسخت اجلالها وبرقعها وحطته على الكفر وفكت شعرها قعدت ادلكه بشويش وهي املقيه لمياء وجهها :راسي احسه ثقيل !!..
اطلع من ابو فهد ولف له :الله يكثر خيرك وجعله زادن لك في الدنيا والاخره
ابو فهد :الله يجزاك خير ان بغيت تجي للغبوق (حليب اليل )فهو على احسابك
الامير :سلمت نفد لحيتك مار وانا عجل والله بيارك لك في منايحها
اركب سيارته في جهت المعاوني وارفع يده يودع ابو فهد وعلا صوته.. في امان الله
ابو فهد:في امان الكريم
سلطان يلتفت على محمد :والله انه حار ذا الحليب مابغيت اخليه عقب ماجابه
محمد :هههههه ذبيته اسواه حار ولابارد
عدل سلطان جلسته متعنز على المسند طلع يده مع الدريشه ارفع راسه يسحب اشماغه لقدام
ارفع اظهره من المسند ومد يده على محمد مشر عليه يوقف: وقف وقف
محمد يلف له باستغراب: وش فيك
عطاه جنب وجهه وهو مخفي فتحته الدريشه بجسمه العريض ناظرها تدلك شعرها الكثيف وطويل تحركه يمين وشمال بعفويه
لمياء تناظر الهنوف وهي اتفرش اسنانها :زيتي اشعرتس محد ن بيشوفه
انحنت اشوي على جنب وطاح عليها امسكته :حرام شكله طالع حلو محد بيشوف ذا الزين
لمياء تناظر فيه : من درجتي طالع شكله احلى بقص نفسك
الهنوف بقهر :يعني في كل شي يتقلديني
لمياء تروفع حواجبها :والله شعري وانا حره
التفت وهي منقرفه منها لازم اسوي كل شي سري عشان ماتسوي نفسي انزلت تاخذ برقعها طايح في الارض خذته وارفعت نفسها بسرعه تبي شعرها يرجع كله ورى
اول مارفعت نفسها عينها في عينه على طول وشعرها يرجع يحاوط وجهها الجميل .. ماستوعبت وش تناظر مادري وش جاني كنه صار في عيوني غمامه غمضت عيونها بسرعه ولفت تاخذ اجلالها من الكفره حطته عليها اي كلام
وراحت من جهت لمياء
لمياء مستغربه :وش فيتس
الهنوف براعه : ماغض ولا لف يوم شفته
لمياء بشك :في احد وراتس
الهنوف تعض شفايفها بتوتر : ايه سياره
عقب ماتغطت بالجلال لف لمحمد واشرله يمشي حط يده اليسار على فخذه واليمين حاطها على لحيه وزم شفايفه
سلطان :محمد ارجع على الرجال الي حركن منه قبل اشوي
محمد التفت عليه :ليه ويش تبي به
سلطان هز راسه لجهت خيام ابو فهد :ارجع ارجع
لف محمد بستسلام وارجع
لمياء:الهنوف شافتس زين يعني تظنين ميز ملامحتس الى خلاتس مرتبكه كذا!!
الهنوف بخجل: اول مره يصيري لي كذا شكله واقف من زمان متكي.. وبنزعاج ووتوتر.. حسيت اني بلحالي مركز نظره من قلب
منيره واقفه عند باب الخيمه اتناديهن: بنات
البسن براقعهن بسرعه وراحن ادخلن في خيمتهن وابو فهد عندهم موجود عقب ماراح منه الامير
يسولفون ولمياء اتعلم منيره بالي صارلهن
اسمعو صوت سياره برى فز فهد يشوفها
فهد بستغراب:يبه ذا الامير ارجع
ابو فهد :وش يبي بنا
الهنوف:بيشرهك اخبر الامراء الي في البر يشرهون
قام ابو فهد وهو مبتسم لتفكيرها وراح لخيمت الرجاجيل
لمياء :يمكن نسى الله ياربه صدق
الهنوف :تكفين ياشرهتم كلها الفين ان كثر
لمياء تستهبل: عادي الف لتس والف لي
الهنوف :هههههههههه
منيره :تضحكين عاجبتس الوضع
ام فهد :قصرن ياليت من درى ويش يبي به!!؟
عند المفلح نوره تلبس عباتها وتاخذ شنطتها كلهم يحترونه في السياره ماشين لشرقيه في السياره نص الطريق
نوره :لا نجي الايوم الجمعه عشان نشتهي الدراسه
التفت عليها مفلح :اييييه اثرني مابعد علمتس
نوره :وشو
مفلح التفت على ابوه :يبه راشد
انغزها بطنها على طول اول ماطروه
كمل مفلح :يبي يملك الخميس ذاه
ابو مفلح :معليه كيفه الوقت الي يناسبه
نوره بقهر على جنب ابد حتى ماقالو وش رايتس صح اني موب امعارضه ولا اقدر بس عاد حتى ولو
ام مفلح :اليوم السبت والاحد والاثنين ونرجع الاربعا ماعليه وقت يكفي مايسمحهم
التفت على امي بترجي وصوت واطي :يمه مايصلح الملكه بدري والعرس متاخر
ناظرتني امي شوي ثم التفت على مفلح وابوي قدام :ترى الملكه بدري والعرس متاخر ماهيب زينه مابغى راشد ياخرها شوي
مفلح بعتراض:ليه ليه متاخر العرس في سبعه اخره اوله على كيفكم عاد
نوره بقهر وقرف ومقصره صوتها:اووووف
تقدم مساعد وقام يسال ابوي عن اعماره هو عماتي وعماني سواليف بزر
\\\\\\\\\\\\\

نهاية البارت الثالث

(يا ترى وش اللى رجع سلطان وشلى يبيه سلطان من بو فهد)

[7btin]

البارت الرابع

خييمت الرجاجيل
ياله حيه قالها ابو فهد وهم يجلسون
سلطان بصوت فخم:الله يحيك
مد عليه الفنجال ابو فهد
سلطان :بس بس سلمت .. ابي حاجة بقضيها وبروح
ابو فهد :أمر بالي تبي..
سلطان بثقه ورجوله:انا جالس في ارماح اليوم وبكره ماشي عقب مانفتتح المشروع انا والوالد واطلب بنت ذا اللحيه الغانمه ومهرها هي الي تحدده والوايت بيوقف عند ك من بكره واتمنى ان اموري تسمح ابملك بها ذلحين وباخذها..
ابو فهد بهدوء مع انه منصدم من داخل ومستانس :ابشر بها وانا ابو فهد ولا اب امورك معقده وتستاهل انت وابوانك الي يلبى لكم الحاجه عايشين في خيرن مافيه الااهل السعوديه اصبر علي يابوك ابروح اعطيهن خبر وبشوف وش بيقولن لا زمن علي ياولدي اخذ رايهن
امسك سلطان يده ابو فهد قبل ليقوم وعود اجلس ابو فهد
ابو فهد :عسى مخلاف
سلطان ببتسامه هاديه ناظر في محمد الي منصدم منه التفت على ابو فهد وحرك حبات مسباحه:ابوفهد لا تفهم رغبتي خطا ولا الكلام الي بقوله انا ابي
بنتك الي شفتها عند الوايت
سلطان شاف في عيون الرجال نظره ماعجبته ضايق على متفاجاء
سلطان :البنيه ماله دخل شفتها هي واخته من غير قصدن مني ومنهن
محمد في نفسه ساعه ياسلطان وانت تناظرهن ولا هوب قصدك

\\\\\\\\\\\\\\\\\\\\\\\\

يابو فهد البنيه ماله دخل شفتها هي واختها من غير قصد مني ولا منهن
محمد في نفسه ساعه ياسلطان و انت تناظرهن ولا هوب قصدك
ابو فهد بتفهم :ماعليه يابوك خابر النظر ماهوب ملك احد قام عقبها وراح ..اسمحو لي
سلطان :مسموح
اطلع وسلطان يلتفت على محمد :واثقن من بنته النظر ماهوب ملك احد يعني اني ماقدرت املك نفسي ..!ابتسم بسخريه وحرك المسباح متراكي على المركى
محمد :اجل ذاه زين يا سلطان اتعلمه انك شفت بناته
سلطان بجديه :ما شفت الا وحده وباخذها.. وش عاد فيها لو شفتها مهيب الاولى
اسكت محمد عارف انه يمشي الامور على كيفه ولا همه لا عتب ولا نصيحه
عند خيمت البنات
ادخل ابو فهد وجلس على المركى بهدوء :من الي شافها راعي الفكسار ما عليها برقع
الهنوف حسيت احد معطيني كف يعني هذا الي شافني هو الامير كيف يعني جاي يعلمه ولا وش السالفه
ابو فهد بسوال سريع :منهي
ام فهد باستغراب :وحدتن منك شايفها احد
الهنوف بسحى وخوف بسيط :كنا عند الوايت انا ولمياء انغسل وهوالي جانا والله ما شفناه ولا درينا عنه
ابو فهد :يعني انتي
الهنوف منزله راسها :ايه
ابو فهد :الرجال اهناه يبيتس
ارفعت راسها بسرعه: وش يبي بي
ناظرني ابوي وابتسم :لا تخافين.. مابه شي خاطبتس بس يبيتس
ام فهد بستغراب :صادق يابو فهد
ابو فهد :ايه وش رايتس يالهنوف؟؟.. الرجال يحتريني ويبي يملك ذلحين وياخذتس
الهنوف بخوف ماقدرت تسيطر عليه وصدمه :لا لا انا مخطوبه لعبد العزيز ولا نسيتو لمياء كل ماخطبه واحد عيت اكيد انها هذا نصيبها تحتريه خلها تاخذه
التفت عليها لمياء بسحى وبسرعه وعاقدها حواجبها :الرجال حددتس بنفسه
ابو فهد: هو ماشي بكره يأبوتس وبيردس لنا لا راح .. كمل ابوها برجى.. يقول ان لها مهر مفتوح هي الي تحدده وبيجيب لي الوايت نرفس النعمه بيدينا فكري فيها وانا ابوتس
كملت امها: عبد العزيز متكلم فيتس بس ماعاد عادها
الهنوف وفيها البكى :معاده بس هوقال ان بحجزها ذلحين ولا تباطوني لين تزين اموري
ام فهد:اخذي الرجال وافلحي شوفي مصلحتس من كل النواحي ياهنيف
قامت لبوها وحبت راسه جات بتكلمه الدموع معاد خلتها اتكمل تحملت وقالت له :يبه بتخرج ذا السنه انشالله وبتوظف
والله اول ماستلم راتبي لاحط عليه قرض واشترري لك وايت ...وصحت ماقدرت اصبر
قام ابوها امسح اشعرها : الله يكتب لتس الخيره يابوتس وبيرزقنا الله انشالله
اطلع ابوها لفت على خواتها كلهن ساكتات اطلعت وراء الخيمه وقعدت تبكي ابوي كان بيجيه وايت بلاش
وانا السبب فيه واكيد انا بنغتني بس ماقدر وشهقت بقوه
جاتها لمياء وجلست جنبها :خلاص يالهنوف ما يسوى رفضتيه وش الي بيكيتس ذلحين
الهنوف : كان في يدي اجل لمياء توقعين لا شفت ابوي يشغل الوايت وهو خربان ولا تحسبين اني مافكرت انه بيزعل يوم رفضته وبينكبنا ..وشهقت ببكاء ..هذا الي يخوفني ويزيد قهري يالمياء ليته ماجاء.
حز في خاطري اختي الهنوف اشوفها تبكي ماعمري شفته بذا الشكل ابد شخصيتها قويه وماتحب احد يطاء لها على طرف تنرفز وتزعل والله يستر
لمياء:ليه ماوفقتي طيب اخبر انه ماهوب حبن في اعبد العزيز اصلن ما قد شفتيه
الهنوف تمسح ادموعها :مانيب ابي اعيش عيشتهم ابي جماعتنا اروح واجي لهلي حتى رجلي سهل اني اتعامل معه ..عارفه انه بيكون رسمي معي هاذي حياتهم
ومابي اتضايق من اهله ومجتمعه واكيد اني موب اخر حرمه ياخذها بيتزوج لين يشيب لا لا يالمياء
تكلمت لمياء وليتها ماتكلمت :الهنوف بس مانتب عايشه عندهم بس اليوم وبترجعين
معاد اقدرت تصبر وانزلت ادموعها بغزاره من السحى مادرت واش تسوي قالت لها :يعني بس ليله وحده ويبيه الاخو بحلال هاااا
لمياء نزلت راسها :مادري كيفتس ياهنوف
الهنوف:لمياء تكفين ادخلي جيبي برقعي وجلالي وتعالي معي
لمياءبرحمه :وين تبينا انروح
الهنوف في صوتها بحت البكا :ابي اروح خاف يجي ابوي يكلمني مره ثانيه وبعدين مابي ادخل عليهم مره ثانيه
هزت لمياء راسه بمعنى ايه ودخلت راحن قدامهم باطن (وادي )فيه شجر شوي
ادخل ابوفهد عليهم وعدل سلطان جلسته
ابو فهد مفتشل :والله ياولدي اني حاكيتها واجبرتها مير البنت خاطبها واحدن من جماعتنا ولا هوب اهناه وتقول انها بتحتريه
سلطان بهدوء ورزانه :انا قلت لها الي تبي
محمد التفت على صوت هكره خفيفه من فهد الي جا مع ابوه وجلس عند الدلال
ابو فهد :بتلقى يابوك البنات واجد وكلهن يشرفهن انهن ياخذن الامير سلطان بن نايف
سلطان قام :اجل الله يستر عليها ويوفقها انترخص ياعم
طلع بعدها وهو يدنق من سقف الخيمه ولا حتى شاف محمد ولا التفت على ابو فهد الي يتبعه
ركب سلطان السياره وجاه محمد وركب ورفع محمد يده على ابو فهد ومشو

نهاية البارت الرابع
يا ترى هل يتقبل سلطان رفض الهنوف له او راح يكون له تصرف ثانى
هذا اللى راح نعرفه انا وانتم بالبارت لخامس تحياتى



البارت الخامس

محمد يمشي بهدو ومتوتر من سلطان الساكت
سلطان ولاكنه صار شي التفت على محمد:لا تروح للمخيم خلن انتفرج اشوي بكره ماشين
ارض ارماح فيها اطعوس مرتفعه اشوي تمشى بينها محمد وقف على واحد من الطعوس
افتح سلطان بابه سكره بهدؤ ارفع ثوبه لين اركبه وجلس على صدام الموتر وعنز مرفق ايديه على اركبه وشبك ايديه قدامه
محمد " دريت انه تاثر موب يعني تعلق فيها شاف من الزين لين ملت اعيونه اذكر مره انا وياه في لندن كم بنت درينا انها اسعوديه وخليجيه تتبعه
تبي تجذبه حتى ان وحده منهن اليوم الثاني جات وعرضت نفسها عليه يعرس عليها ههههه اذكر يومها طالع فيها وارجع لا بتوبه وهي ماخلته جالسه على راسه تعرض اميزتها
شفت الغضب في عيونه عقب ماصبر كل ذالوقت قام بهدوءامسك طرف شعرها وحذفه على وجهها وبهدؤ :مادخلتي مزاجي ناظرها من فوق لتحت بحتقار ..ما تصلحين لي.. وهو في قمت بروده راحت المسكينه والله ان فيها ادموع
بس اما ذي دريت انه تاثر لرفضها له قدامي والي مثله ما ينعاف مظهر وماده ومتوفر فيه كل الي تبيه البنت والصدق مالومه شفت البنت تأخذ العقل جمال بارز ونعومه حتى لون فمها الوردي فارق في بياض بشرتها وطول ... ارخيت جسمي على امسند ونصه على الباب بحيث اني اشوفه محمد:سلطان فيه غيرها مليون
التفت علي سلطان مبتسم ساخر ولا عادي ما عرفت وش افسرها ذا الابتسامه ارفع انظره لسماء :محمد
غدت مني المهره لو اني لها خيال
لكن مال الحظ والعين تنظرها
تكلت الرجاء يالله القادر المتعال
عليك انت يالرحمن راجي اتصخرها
انا مهرتي تهاوس بدون حبال
تقول الوطات طبول من دق حافرها
مع اقدومها برقن شعاني يزيد اشعاع
تقفا اشعاعه داجي اليل ساترها
عليها تقول القلب ينتل لها بتلتال
وعيني تخيل اسهيل ماغط ناظرها
ونا والله اني ياعرب مابقى لي حال
تحت خافقي نارن يصاليه ساعرها
محمد :صح السانك وقدها
سلطان :صحت ابدانك قاله لي وهو في قمت هدوه
بعد ذا القصيده حسيت انه ناوي عليها والله ان ذا الصفه شينه فيه ما يهون من الي ييبيه قد عمره 34
سلطان :ياولد الخاله ماودك نمشي
محمد ينتبه له:الا انكنك سامح مرتن وحده مشينا
هد سلطان طرف ثوبه وفتح الباب : ياله تحرك
ارجعو مع طريقهم وسلطان يكلم في الجوال شكلها خالتي تزوجت ابوه وراحت معه وفهمتها وثقفتها حياتهم جابت سلطان ورجعت لهلها عقبن عودت لابوه لين جابت اربعه ووداها لهلها ولعاد ارجعت له ساكنتن في بيت عند اهلها باسم سلطان بانيه لها بعد ما طلعها من بيت ابوه الي حاطها فيه قبل بالرياض ومربينه خواله ويحبهم ويعز مقدارهم
سلطان :مافيني شي نفدا صوتس.. اسكت عقبن اضحك
..لا لا متضايق ولا شي
الجو حار وابوي لزم علي اجي معه وانا والله ما ودي اروح
هههههه لا والله منيب اضيع السالفه اسكت وهو مبتسم يسمع لها
يمه لقولتس ان بنت عمتس هبلت في ولدتس بترضين
خابر نفداتس انتي منتب ..."القبيله الي تنتمي له امه قبيله كبيره ولها اصل وفروع
ايه شفتها بمخيم ابوها وجازت لي
لا لا ماهيب اساسيه ذا اليله باخذها وبس
يمه مع السلامه لاجيت حاكيتس
التفت محمد لسلطان :وش فيك صرفتها
سلطان يناظر لقدام ببتسامه ساخره:تشوف الي عند الشجر
التفت محمد وبترجي :ايه تكفى يسلطان خلنا نكمل دربنا
سلطان ابتسم لمحمد :وقف وانزل انا الي بسوق
انزل محمد مسلم امره وتعاكسو الادوار
حرك سلطان ومشى صوبهن
حست بخوف ورجفه وهي تشوف السياره متجهه لهن
امسكت لمياء وهي تهدي نفسها موب عارفيني خلن اهدا...؟؟

شافوهم قربو وقفن وهم هدؤ لين اوصلو لنا ماعرفت الامير بس حسيت انه السواق شكله وجماله البدوي جلسته رزه وقعدته في الكززس مالي مكانه
سلطان مع جهتهن :السلام عليكم
رديت لان لمياء مستحيل ترد:وعليكم السلام
سلطان:مساكن الله بالخير
الهنوف :مساء النور
محمد عينه عليهن ومتفرج فقط
سلطان بهدؤ:وش اسمتس
لمياء اتكلم نفسها يوه يتكلم نفسنا اكيد امه قبيليه
الهنوف ترفع اعيونها صوبه واسكتت
سلطان بسرعه وبدون مبالاه :اسمعي يأم اسود..
ابلعت ريقها وحست بالخوف انه يمكن يسوي بهم شي لاعب فيها ومرتبكه انه اعرفها بسرعه حتى لون ملابسها
سلطان يكمل :انا كلها نص ساعه على مأصل ارماح واجي كمل بقهر منها ..انا لا خطبت ماب بنات العرب ينوخذ رايهن وانتي عارفه وش الي في يدي من السلطه اخرب حياة كل من تحبين وخليهم يقابلونتس بدال وظايفهم
الهنوف بدون صبر وبقهر :بنات القبايل حرات ماهوب انت الي بتعبدهن والي ما ينوخذ شورهن اسال عن اصلهن
سلطان ببتسامه سخريه وتعجب ارفع حاجبه : انا يالمزيونه مانيب خاسر شي ابد ابد وباخذتس ذا اليله ماهوب انا الي يقاله لا مابيه ..اذا اعجبتتس السالفه حلو وان ماعجبتتس اخليها غصب تعجبتس
محمد في نفسه ابتسم طلع توقعي صح ماظنيت انك بتخليها في حالها
سلطان :سمعتي يابنت ناصر الساعه ذلحين 12 الساعه و1 بالكثير 2 وانتي في جنبي لف بهدؤ واثق وحرك سيارته متجه للمخيم بدون حتى لايلقى لهن نظره
اتبعته بنظرها لين اتقى
لمياء لاتستغربون جرات الهنوف لا ضاقت معاد شافت :الهنوف وش بتسوين
الهنوف بالم التفت على لمياء وتمسكت فيها :خايفه ارفض واخاف يخرب على ابوي ذا الوظيفه ومن زينها عاد وكملت بقهر ودموع قلة الحيله.. شفتي نظراته ظنتس بيسهل الامور او بيخلينا بحالنا
لمياء تمسك يديها وبحنان ورجى:وافقي تحملي المشاكل موب سهله
الهنوف بقهر تمسح دموعها: والله لواجيكم بكره واحد تكلم علي ولا اسالني عن اي شي من ناحيته ان اسوي شي مايرضيكم
لمياء :وش قلنا ذلحين انا اهدي تراهي عوافي
مشت الهنوف وتبعتها لين دخلن الخيمه في شقنا راحت وجلست في زاويه ونسدحت
وانا جالسه جنبها وساكته
\\\\\\\\\
ساره تمشي في بيتهم هو ازين بيت جماعتهم مات ابوهم وراه خير كثير فيه حديقه وصاله واسعه في دخل البيت
ادخلت عند اخوها راشد جالس في المجلس ويطق طق على الاب
ساره بزهق :راشد
ارفع راسه لها :لبيتس
ساره :تكفى مشنا والله اني زهقت كلهم راحو مافيه احد اروح له
راشد:ان فضيت اليوم لاجاء بعد العصر شفت الي بيصلحلتس ..وابتسم لها
ساره ابتسمت لاخوها :جعل ربي يخليك لي

الساعه 1ونص
الهنوف اتصلي بخشوع ولمياء راحت لمنيره وعلمتها بالي صار لهن يوم راحن
منيره بذهول :تقولينها صادقه
لمياء بخوف :والله اني صادقه خايفه عليها وش بتسوي لاراحت
منيره بتفكير:لا ماعليها انشا الله انها ماهيب شايفتن مايعكر لها جوها المهم انها تهدى تخليه على كيفه بيسمح وبخليها ماهوب اول امير يسويها يالمياء
وينها هي بروح لها
لمياء:اتصلي...اختي منيره مشاالله هي الثانيه في عايلتناعمرها 25 هاديه وفاهمه دايم كلامها يدخل القلب بعد غزيل 27 ثم نوف 24والهنوف 23 وانا 19 واخيرن جاء فهد 16
راحت منيره لها وادخلت عليها لقت امها اتصلي وتقرى اذكرها راحت واجلست جنب الهنوف الي منزله راسها وسرحانه
منيره بصوت هادي عشان ماتسمع امهم :هنوفه اسمعي الكلام الي بقوله لتس
التفت عليها الهنوف بحزن وهي ساكته
كملت منيره :علمتني لمياء فديتها كان بتروحين كذا فجاءه يالهنوف ماخليتيني افهمتس شي!!.. اسمعي ياقلبي..
ترى السالفه هواين وفكري بالزين ياحبيبتي بتروحين له اليوم وبترجعين بكره مافيها شي لاتفكرين بغير كذا لا جيت انشالله جاء معتس الخير وايت لابوي والباقي موب امقصر معتس فيه
وعبد العزيز بنكلم خالتي نمشه واختي غزيل وبنخليها تعمم زواجتس منه عشان لا رجعنا مايجي اخلاف في عرستس مره ثانيه وخلصت السالفه لا تضايقين ياالمزيونه من قدتس ماخذه امير
الهنوف ببسمت امل :الله يخليس يامنيره ويهون عليس ولدتتس
امهن :وش فيكن.. الهنوف خاطرتس ماش وش فيتس
الهنوف تحاول تبين طبيعيه: لا مافيني شي كاني مصدعه بس
اامها :يالمياء
لمياء :لبيه
ام فهد :روحي جيبي ماء وحبوب بندول شوفيها في شنطتي عطيها اياه
الهنوف ببتسامه تعبانه :فديتس يمه
التفت عليها امنيره: ياله الهنوف قومي البسي لبس زين
الهنوف بقوه ورفض: خليني على راحتي ترى منيب امغيره
اسكتت امنيره وهي اتقيم لبسها لابسه جلابيه سوداء اطرافها صفراءعلى شكل فراشات خفيفه مبينه زين جسمها هي ازين خواتي جسم خصرها دقيق وطويله والملابس عليها حتى لوهي عاديه قبله كثير من صديقاتي الي يخطبنها لاخوانهن لاراحت معي صوب عرس واحدتن منهن
بس هي ترفض لين جاء عبد العزيز ورضت به الهنوف سبحانه مايندرى نصيبها منهو معه بعد
جابت لمياء البندول توها بتحط البندول في ثمها لا فهد رافع باب الخيمه بسرعه :الهنوف الامير جانا في الخيمه اهناك معه الشيخ شكل السالفه غصب
منيره : وش قال لابوي
فهد باستغراب :يقول انا شاري طيبك ومصر على البنت انكنك تقدر تسالها مره ثانيه وتقنعها
الهنوف تنزل البنادول :فهد روح لابوي قلو له اني خلاص رضيت
التفت علي فهد :متاكده
الهنوف :ايه
فهد :طيب ليش ماهوب من اول توس بتكلمين ولا لازم اتحطين في السالفه ان
منيره بحزم :خلاص فهد روح وقله

\\\\\\\\\\\\\\ نهاية البارت الخامس



البارت السادس

راح فهد ودخل عليهم في الخيمه ولا قدر يشاور ابوه وسطهم استحى يكلمه وهم يناظرونه وجلس ابوفهد يقوم ويروح لخيمتهن
سلطان :فهد نفسك في شي تبيه ولا حصلته اطلب واعتبره هديه مني
فهد بسحى :ما تقصر والله كل شي موجود ولله الحمد اهم شي الصحه والعافيه
سلطان :ولو لازم اعطيك شين خاص مني
ناظر فيه فهد وما يدرى وش يطلب وهو يقول بينه وبين نفسه "ولو اني نفسي بسياره معاد اقول لخوياي يمروني اروح معهم للمدرسه احرجت نفسي واحرجتهم "
حذف عليه سلطان مفتاح سيارته الي كانو راكبينها هو ومحمد
ارفع فهد راسه :والله يا طويل العمر ما هوب لازم شي
سلطان :اخذه والله انه اول مشوارن لي عليها اليوم ..ابيك بس اتودي محمد والشيخ لرماح وعقبها ارجع بها لابوك اهناه
فهد :الله يطول بعمرك ما تقصر
ابو فهد :ها يالهنوف وش رايتس
الهنوف هزت راسه موافقه
ابوها : ماعليس يا بوتس منتى بمبطيه علينا
راح ابوها وهي التفت على خواتها وتهز اكتافها ما عادت تدري وش تقول راحت لها منيره وضمتها :ما عليس وقومي البسي عباتس ذلحين ياله قبل يخلفونتس
ادخل ابو فهد على الرجاجيل :توكل يا طويل العمر
سلطان :ياله ابو عبيد البنت ووافقت اكتب اكتابك
وقع سلطان وودو الكتاب للهنوف ووقعت
سلطان برزانه وفيها لهجت امر :يا بو فهد اذا الامور زينه ابمشي ذلحين
ابو فهد :ايه بخليهم يطلعون لك
طلع بو فهد وسلطان راح يركب السياره الي راح محمد وجاب الشيخ فيها من ارماح حرك السياره صوب الخيمه ووقف في النص بين الخيمتين طلع له بو فهد والهنوف تمشي بهدو وراه والي في القلب اعلم به الله
انحنى سلطان وافتح باب الي جنبه ودزه بشويش عشان اتشوفه وتركب ادخلت وسكرت الباب وازحفت صوب الباب وشبكت ايديها في حضنها
اشر لابو فهد ومشى بهدؤ ولا قال ولا كلمه للهنوف
في نفسها يارب رحمتك ماقدر اصدق برجع متزوجه من البر ومطلقه بعد يارب اعني يارب
في خيمت النسوان منيره :يمه كلمي خالتي نمشه واختي غزيل خليها اتعلم العربان اهنك ان الهنوف اعرست لازم لمستقبلها يمه
امها ساكته والعبره خانقتها
امنيره تحط يدها على كتف امها :يمه اكلمها انا
امها هزت راسها وارفعت يدها فوق بمعنى الله يعين
كلمت امنيره خالتها قدهم في شقه في الخبر الي ما صدقت الا عقب ماخذت ام فهد منها التلفون وعلمتها وصوتها فيه نبرة بكى هدتها نمشه وسكرت منها التفلون
مساعد كان عند امه :يمه ذا الامراء متى ماطقت في روسهم اعرسو
نمشه بصدمتها لذلحين :ايه بالله سهل عليهم ياخذها دامه بالديره الي هو فيها لا راح طلقها ومشى
نوره جايتهم من ورى :وش السالفه
امها :تعالي تعالي شوفي وش صار لهنوف اسم الله عليها
نوره بخوف :وش فيها ؟؟..
امها :توقعي
نوره بترجي :تكفين يمه وش فيه
امها :البنت خذت امير اهناك وافلحت جابت الخير لهلها
نوره بستبعاد شديد :يمه انتي تكلمين جاده
نمشه:لعنبو غيرس هذي ينمزح فيها ...خذت التلفون ودقت على ام راشد وعلمتها ونوره تسمع
نوره في نفسها مستحيل اصدق بدق على جوالها بعلمها بالاشاعه الي طلعت عليها
نوره تدق وتدق والا الجوال محد يرد عليه في الاخير ارفعت الجوال منيره :الو
نوره :هلا منيره وش لونكم
منيره :طيبين وانتو وش لونكم كلكم
نوره :الحمد الله ماعلينا عطيني الهنوف فديتتس انكنها عندك
منيره :لا والله يانوره ماهيب اهناه ماعلمتس امتس
نوره :منيره هو صدق قالت امي بس عيت اصدق
منيره :الا صدق
نوره تهز راسها بصدمه :خلاص فديتس الله يوفقها

مساعد برواقه :يالله لاذن العصر خلونا نروح للبحر
ام مفلح :لاقام مفلح رحنا حتى قبل ياذن العصر
ابو مفلح طالع من الحمام :تبونا نروح ذلحين مايذن المغرب الا حنا في البيت
نوره ومساعد يعاينون بعض ويضحكون
ام مفلح :وش بلاكم
مساعد :يمه الناس تروح بعد المغرب ماهوب ترجع
ابو مفلح :ذولاه الدشير مهوب حنا
نوره :ماعليه انا حب التمشيه في النهار
ام مفلح :ها روحي قومي مفلح نبي نجلس على جال البحر قبل يكثرون العرب ويقذونا
راحت نوره وقومته
مفلح يجلس وبدهشه:انتو من جدكم بتروحون ذلحن في ذا الواهيب
نوره تهز اكتافها وتبي تقهره بس ولا هي ماتبي تروح ذلحين:لواهيب الا براد بسرعه بس قوم خلن نروح انتسبح واطلعت شوي وجاهم مفلح يترجاهم يجلسون وعيا ابوه فتلبس وجاهم رايحين للبحر في الظهر عند البحر افرشو بساطهم تحت اظلال السياره ونوره ومساعد بيدخلون البحر
مفلح بغضب : وين وين يالاخت
نوره خافت لا يرفض يخليها تسبح:تكفى بروح اسبح مافيه احد
مفلح قام لها وقرب منها :شوفي انا كان ناوي اخليس تدخلين بس من جيتي تقوميني ونا داري انتس بتقهريني ...ويحط اصبعه عند راسه ..حره مزاج منتب داخله
نوره :يبــــــــه شفه عياء مافيه احد
ابو مفلح :خلها يامفلح المكان فاضي
مفلح يناظره وهو يرفع حواجبه :لا لاتدخل فيه كيمرات على عمدان المبات بيصورونها والتفت عليها .. انطقي بس
ابو مفلح :تعالي اجلسي كنتس غيرتس
نوره تناظر مفلح بقهر :و ش استفدت جعلك ياربي يالله ياربي ومعاد درت وش تقول فغضت منه ووقفت عند الشاطي وهو مات ضحك
قعدت تستنشق هواء البحر وهي تنفس بصوت عالي وتزفر
مفلح :اووه ونا اقول الامواج تحركت اثرتس تشفيطينها هدي لا تسبيبن ازمه انتي ومناخيرتس
نوره تشم الهواء واطلع صوت بقوه تبي تسمعه
مفلح بتسهبال يحرك البساط والزمازم كنه مختلف بيقوم : قومو ...وينادي مساعد ..مساعد اخوي
ام مفلح تضحك وابوه يهز راسه وفيه الضحكه ناظرته بحقد وراحت لسياره تبيهم يرضون ويخلونها اتدخل البحرنسوها وقعدو يسولفون وايقت عليهم تبي تشوف نادمين شافتهم سافهينها ويسولفون انزلت لهم وجلست عندهم وسولفت على طول
|||||||||||

وقف سلطان عند باب بيت شكله صغير وقديم دق التلفون:ام فهاد اطلعي لي برا
اطلعت مره كبيره في الاربعين وجات مع جهته
سمعته يكلمها وهو يقول الله الله فيها التفت عليها وامرها تنزل انزلت بهدؤ
نزلت وهو يبتعد جاتها المره وسلمت عليها :وش اخبارك
الهنوف بصوت واطي :طيبه
ام فهاد بحنان :تعالي يمي معي منا
رحنا انا وياها وقطعنا اشارع لجهه فيها مشاغل دخلنا وحده منهن راحت اتكلم المديره وانا منقرفه من كل شي وناويتن اسفهه اوامرها الي بتجي ذلحين اتقولها
جات المديره وقالت لي ياله شيل شعر قلت لها وانا ارفع اعيوني فيها بقرف خلاص انا سويت قالت لي مافي مشكله مافي يبغى بس حمام بخار لازم صديت بوجهي عنها وهي مستغربه وكلمت ام فهاد الي جاتني وكلمتني وانا سافهتهم كلهم ترجتني ام فهاد اتروش مليت منهم وتروشت بسرعه وطلعت لهن بلبسي القديم
جلستني على الكرسي استشورت شعري وجات بتحط لي مكياج دزيت يدها وقمت بعصبيه :ااوووف خلاص يكفي معاد الاهي اتكشخ وروح له يعني تراني مستانسه لك
ام فهاد :لازم ترى بيزعل علي اذا ماشف الي يبي
الهنوف بقهر:وش اسوي بتس طيب، خليه يزعل لا بوي ولا اخوي ..
ام فهاد مستغربه :كيفك انا عبدن مامور
الهنوف ساكته ومنقهره تكلم نفسها صدق عبده اقعدو اشوي وهي عليها عباتها لابستها
ام فهاد :ياله السياره برى
طلعت معها في سياره يسوقها رجلها لانها اركبت معه قدام

|||||||||نهاية البارت السادس



البارت السابع

|||||||||||
وصلو لفندق فخم برماح شكله عادي محافظه ابعيده ومنعزله
انزلو ودخلن الاصنصير خمس ادوار دخلتها شقه عاديه و مرتبه
ام فهاد :ياله نزلي عباتك هذي شقتك
هنوف تجلس على كنبه منفرده:لا ماب امنزلتها اذا بغيت انزلها نزلتها
ناظرتني ودقت على رقمه اكيد هو من الي بتقوله طويل العمر الاهو
الساعه كانت تقريب السبع اطلعت من الشقه دقايق الا هو داخل
الهنوف "امغصني بطني يوم شفته ونزلت راسي بحراج وهو يشوفني بدون غطاء جاء واجلس قدامها على كنبه طويله
بهدؤ حسيت به يناظرني ايه والله انه يناظرني بعد بقوه
سلطان ياشر جنبه :تعالي اهناه
الهنوف ساكته ولا قامت
سلطان بهدؤ اشد من الي قبل :قومي تعالي اهناه
قامت واجلست على نفس الكنبه بس ابعيد اشوي بينهم شبر الكنبه اصلن اصغيره وعليها عباتها شعرها طالع من فوق العبايه
حست بيده تمسك عضدها واتسحبها جنبه ارفعت اعيونها صوبه وهو يناظرها ونزلت راسها حط يده من ورى ظهرها ويده الثانيه على يدها اسحبت يدها بشويش بحراج من ملمس يده
سلطان :وش اسمتس انا للحين ماعرفته اب اشوف ذا الزين وش الاسم الي مسما به
هنوف بصوت قصير ماسمعه :الهنوف
نزل راسه صوبها اشوي وضوق اعيونه :وشو ماسمعتس
الهنوف بصوت الي شوي:الهنوف
سلطان ببتسامه :مشالله احب اسم الهنوف من زمان ..ويناسب طلتس الحلوه .. طيب يالهنوف انا ابيس تفسخين ذا العبايه... حست بدموعها بتخونها ابلعت عبرتها وهزت راسها بمعنى لا
اسكت وقام امقومها معه مشت مستسلمه تحس انها في حلم مارضت تصدق دخلت حجره : ياله يالهنوف دقايق انا طالع وذا الفستان الي على السرير ابيه عليتس
ارفعت نظرها صوبه اول مره وقريب منها شكله رهيب بكل شي وهو معه المسباح ويناظرها .... تخنقتنها العبره وهزت راسها بلا سلطان بصبر :انتي يالهنوف منتب بزر الي فهمته من اخوتس ان عمرتس 23 العمر الي اكيد انتس فاهمه فيه كل شي مابي ازعلتس لاخاطر ابوتس لاجي الانتي لابسته ابي اشوف الزين لاكمل
اطلع ارفعت نظرها فيها وو يصك الباب تنفست بعمق
وبتشتت خذت الفستان وراحت للحمام داخل الحجره قفلته واجلست على البانيو رافض تفكيرها الي يصير اجفلت من صوت المويه الي اقعد يقطر بسرعه وكانه ينبهها لتاخرها البسته وانفجعت وهي تشوفها عليها مستحيل وش ذاه تل علاقي لاسفل الركبه مع ملابسه الداخليه وعليه روب شيفون ابيض البستها وهي تصيح اجلست مره ثانيه على البانيو ودموعها مازالت تنزل ارفعت راسها بخوف و امسحت ادموعها بقوه وطلعت اجلست على السرير قبل يدخل ويشوف الخافي دق قلبها بقوه وهي تسمع صوت الباب ينفتح امسكت طرف الشرشف بقوه
اجلس جنبها و ببتسامه ومروق:ويلومني محمد يوم اصريت عليتس اتضيعين العقل يوم شفتس عند الوايت شفت اشعرتس واذهلني جماله التفتي وكملتي الجمال الله يخليتس لاهلتس
ارفعت اعيونها له ونزلتها بسرعه وهي تشوف شعر دقنه حاطه سكسوكه وريحت العطر ماليته
شافها نزلت راسها قرب منها خذا شعرها كله وحطه مع الجهه الثانيه وحط يده ورى اظهرها ويد امسك فيها راسها وعنزه على صدره وصار يمسح اشعرها وهي تسمع كلام منيره يرن باذنها مد يده على لحيها وارفعه صوبه وبنعومه:لحيتس دقيق مره ...نزل راسه وباسه
انزلت ادموعها بدون شعور وهو اضحك ضحكه حلوووه وهاديه :ليه تبكين ياالهنوف مابغيت افوت علي بوست ذا الملحا الرقيق.. دخل يده في وسط شعرها ومدها لين خلها على خدها ورفع وجهها وباس خدها تنفس بتوتر :تحكي يالهنوف سولفي علي
الهنوف برتباك من حركاته واطراءه لها وكانها ماعافته قبل:وش اقول
سلطان ببتسامه هاديه ولاهامه شي:ابوتس رجالن طيب فشلتيه يومنتس رفضتي ماستحيتي اتردينه وهو طالبه امير؟؟..
الهنوف ترفرف برموشها بغرور اطلع غصب عنها :العرس راي شخصي مال ذا الامور دخلن فيها
سلطان ومروق على الاخير:صوتس اصغير وحلو اتغنين !!..
الهنوف منصدمه وبسرعه:لا لا ماقد غنيت
رجع راسها عليه مره ثانيه وهو يمسح شعرها من فوق لتحت :انتي يالهنوف حديتي الشاعر على قصاه
الهنوف بالم خافي :ماسويت شي الا حقي
سلطان بضحكه في كلامه ومعطيها على جوها :عارف نفدا شوفتس
لف وجهها لها برقه وباس جبهتها......
قامت الساعه 11 وعلى طول للحمام بدون ماتلف عليه ادخلت وقفلت الباب كم قفله وجلست في الارض انزلت ادموعها ابسرعه وغزاره امسحتها وارجعت تنزل حست بدوخه براسها انسدحت على بلاط الحمام وهي تشهق بخفيف طال الوقت وهي هناك افتحت عيونها بتعب وارفعت راسها من البلاط البارد تنفست بقوه وامسحت بقايا الدموع وقفت غيرت ملابسها والله لو يقولي البسيها مره ثانيه انها على جثتي تسبحت والبست جلابيتها كان مخليتها اهناه على المشبك
شغلت الهواي نشفت حتى نفسها وشعرها فيه وطلعت من الحمام التفت عليه نايم بهدؤ وبراحه ولا هامه الوضع وكانه متعاد عليه كذا حياة القساه مجرمين يسون فعلتهم ويقضون على ضحاياهم ببرود صدت عنه بقهر واطلعت برى اجلست على الكنبه وارفعت رجليها تحتها وعباتها في حظنها نزلت راسها على مسند الكنبه وغمضت عيونها
وقف عند راسها ودخل يده في شعره وبنعاس:ليه قمتي
افتحت عيونها براعه ووقفت بسرعه صارت اقريبه منه بالحيل الصاله متر في متر وزايد عليها الكنب ارفعت راسها له واصل لصدره وبرجى حزين:ودني لاهلي تكفى
اجلس قدامها ببرود :ليه انتي جايه اتنفذين مهمه وبتروحين ..حط يديه الثنتين وراى راسه وعنزه عليها وعينه تناظر ملامح وجهها

استحت من كلامه واجلست بتوتر لافه وجهها منه بقوه شوي وتنكسر ارقبتها... خذاتلفون الفندق ودق عليهم اطلب عشاء وقالهم يرقونه ابسرعه
سلطان يتامل ملامحها وبتساؤل :من قالو تشبهين ..
الهنوف وبحتقار في نفسها له ماقدرت ترفع عيونها له وتناظر له ناظرت للفراش وبصوت بارد:ماشبه لاحد ..
سلطان يبتسم ويتقدم بجسمه :فريده في جمالتس
الهنوف ترفع عيونها له وتنزلها وهي تشوفه يناظرها وبجمود: بعد اليوم انا فريده بكل شي ...
اضحك بخفيف ورجع نفسه لورى :انتي غريبه البنت تحب تكون متميزه بكل شي المهم ان هذا يسعدتس
اسكتت عارفه انه يتهزاء بها .. شوي الا هوجاي العشاء راح للباب يفتحه واشر عليها ترفع العبايه الي في حظنها تغطي نفسها
راح الهندي بعد مارتبها على الطاوله :تعالي تعشي تروحين لهلتس ووجهتس سفر
مشت بهدؤ وانا احلل كلامه تروحين لاهلتس وجهتس سفر ماخذني تعبار ااااه الله لايوفقك اجلست قدامه وتكتفت
سلطان : مدي يدتس
الهنوف :بس
سلطان بستفسار ملزم :ليه
الهنوف ارفعت وجهها له :اذ غصبتني وكليت رجعته ماقدر
سلطان كمل :على راحتس
قامت منه واجلست على الكنبه ماقدرت تخلي نظرها بجهه وحده ارفعت راسها صوبه تناظره مادق ذقنه وخشمه وفمه وحتى عيونه حاده ونظرتها قويه اسمر يميل للبياض وجذااااب بمعنى الكلمه حلومشالله صدق نفس الي نشوفهم بالتلفزيون طويل وكشخه
التفت عليها كان ياكل بهدؤ :وش رايتس مزيون
الهنوف بخجل لفت عنه واسكتت واصابعها تفرك طرف العبايه بتوتر
قام يغسل وانسدح على الكنبه الي قدامها وهي تحرك بعبايتها ارفعت اعيونها فيه عقب ماشافته يتحرك كثير مره يمين مره شمال حط يده على بطنه يضغط عليه و يفكه ويمد يده على راسه خافت من شكله
بطنه يوجعه اكيد اكلهم متسمم بس ماكانها اتشوف الين قام واجلس على حيله ورجع الي في بطنه على الارض لاف على جنب وقفت وراحت له من بعيد :تعبان
بتعب اشر لها تبعد ويده على بطنه اتجهت لطاوله جابت ماي ومدته له :خذ المويه اشرب اشوي.. خذاه واشرب ورجعه لها و صار يضغط بقوه على بطنه ومعالم وجهه بين عليها الالام مادرت وش اتسوي به ناظرته اشوي والسحى ماخلاها اتكلمه ويسيطر عليها شعور بالفرحه انشالله انه عقاب من الله راحت لمكانها ارفع راسه لجواله محذوف على الكنب مد يده وخذاه
سلطان بتعب :محمد تعالني بالفندق تعبان وابيك اتوديني للمستشفى.. صكر عقبها ولف لها.. روحي جيبي ثوبي
وقفت واتجهت للغرفه جابته ومدته عليه البسه وراح للمغسله بسرعه وصوته يرجع بقوه شوي والباب يطق راحت للحجره
الهنوف بتردد :لو سمحت الباب!! يمكن الي يبي ياخذ ك*** اطلعت منه اااه وامسك الباب اطلع من الحمام خذا اشماغه واطلع لصاله سمعت بعدها الباب الخارجي يتصكر توها بتطلع الا سمعت صوت وايقت اشوي خويه الي كان معه و هندي قاله ينظف المكان انتظرته لين راح واطلعت ونامت على الكنبه بعد مالبست عباتها صحت على صوت الباب قامت
ماتدري اي وقت وراحت للباب افتحته اشوي
ابو فهاد :ياطويلة العمر اجهزي وانزلي لنا تحت
تنهدت بعمق والم افتحت الدريشه تشوف اي وقت الشمس طالعه خذت عباتها واطلعت راكبه السياره
وفي نص الطريق
ابو فهاد :طويل العمر وصاني اوصلك لاهلك واعطيك هاذا.. مد عليها ظرف خذته وافتحته فيه شيك مهرها على قوله المهر بعد الزواج شقته كم قطعه واطلبت منه قلم ورجعت له الشيك في الظرف:سلمه للامير سلطان في يده
ابو فهاد :سمي طال عمرك ....وصلها لاهلها الي للحين نايمين ادخلت مع لمياء في فراشها وعيونها تناظر سقف الخيمه بشرود

في خيمة الي جالس فيها سلطان وابوه ...
ابو فهاد :ياطويل العمر.. التفت عليه سلطان براسه... جالس بالحفل مع ابوه وقدامهم العرض
ابو فهاد :هذا الظرف رجعته حرمكم لي وطلبت اسلمه لك
خذاه وافتحه شاف الشيك ومابين على وجهه اي رد فعل وقرى الي مكتوب
تاخذ معي عشره وفيني تفننت
هذا تبسمله.. وهذا شطبته..
انا ترى لاقفيت قفيت مابنت
والشخص لامني كرهته كرهته
ماذل نفسي وارخي الراس يافلان
نفسي عزيزه وافقه العلم لاهنت
الذل مايوم بعمري تبعته.
والي جرى غلطات حظي الردي
جبرني ظرفي عليها وتندمت
نهاية البارت السابع
\\\\\\\\\\\\\\\\\\\\\\\\\\\\\\

[7btin]

البارت الثامن

طال عليها الطويل وهي منسدحه ولاحد قام :لموي لموي قومي
قامت بسرعه والتفت عليها
لمياء تضمها وتصيح :الهنوف جيتي
الهنوف بهدؤ :ايه من زمان!! مالقيت امي وابوي وينهم؟؟؟.
لمياء تمسح ادموعها :راحو لرماح انتي وش اخبارتس
الهنوف بالم :طيبه بس احس اني مجروحه ومذلوله يالمياء
لمياء بحنان:لا تفكرين بلي راح خلاص صفحه في حياتس وعدت..!!
الهنوف بقهر:تعدي بدون لا تجرح ..!!
لمياء:انسيه مره وحده ولايمر ببالتس ويطيب الجرح
الهنوف بتعب :انشالله اقدر..
لمياء توقف :امشي معي بروح نفطر.. راحن عند الشغاله وافطرن ولمياء تسولف عليها ادخلت عليهن منيره
منيره:مرحبا وش اخبارتس
الهنوف: الحمد الله طيبه
جات منيره وياله اجلست
فهد داخل وبراعه :الهنوف وش قومتس اهناه
منيره :رجلها جابها وراح
اجلس فهد جنب الهنوف:الله يالهنوف لبى قلبس جاتني سياره باسبابتس
الهنوف تناظر لمياء وتحاول تبتسم
فهد :قومي شوفيها عطاني سييارته اخر موديل تهبل من داخل ياهي كايفه
قوم فهد الهنوف وراح يوريها السياره
يالله ماتوقعون وش فرحتي وانا اشوف وايت جديد واقف عند ابوي وسيارت فهد لكزس لؤلؤي
الهنوف:فهد متى جاكم الوايت
فهد :اليوم الساعه 4 قومنا صوته وابوي رايح هو وامي يبي يجيب استمارته
بعد تقريب الساعه اوصلو اهلها حبت اخشومهم امسك ابوها راسها حبه وهي ساكته وارفع يديه يدعي لها انه يوفقها من وين متلقي وجهها وامها رافعه يدها اتامن دعوته ابتسمت اول مره من جاتهم عقب الدعوه ياله ابوي وامي راضين علي هذا اهم شي اسكتو ولاعلقو على الموضوع ابد اليوم لنا تقريب خامس يوم جينا الاربعا واليوم الاحد امي قالت تبي ترجع بكره لنعيريه فرحت خلاص عفت البر الساعه
2 الظهر راحو كلهم يتمشون عند الابل مارجعو الا الساعه 4تقهوو العصر دقت غزيل تسالها وش اخبارها حاولت تبين طبيعيه بس ماقدرت قامت اتسولف عليها ارتاحت عقب ما كلمت منصور سكرته وعلى المغرب قرب فهد السياره شالو اغراض الي ما يحتاجونها اليله تعشو وقعدو برى الساعه 10 كلن راح لفراشه ماصدقت جاء اليوم الثاني على طول اول من دخل في السياره دقت علينا نوف وقالت انها بتجيب غدانا الساعه 1وصلنا النعيريه نزلنا ونوف اتهلي وترحب
نوف :اخيرن جيتو الدار من عقبكم كان مابها سكان
لمياء :الله اثرتس شاعره
حست بقلبها يهوي ببطنها عقب كلام لمياء انا حديته الشاعر على قصاه اقشعر جلدها يوم تذكرته روحته من بالها وسلمت على نوف الي كان كل اشوي ملتفته عليها تغدو وكلن راح لحجرته اول مادخلت الحجره دقت عليها ساره من جماعتنا القراب امها بنت عم امي وام ساره عمة نوره المهم انا بعض الاحيان نلتقي عند خالتي نمشه
ساره:مرحبا بالي زارو النعيريه
الهنوف بضحكه:بتس اكثر.. عدليها مرحبا بالذي سكن النعيريه
ساره بطيبه:الي تبينه هو الي بقوله
هنوف حز في خاطرها مابيهم يتحسسون مني وكنهم مايبون يزعلوني :فديتس... تعالي عندنا اليوم توى الدوامات وانا ولمياء بلحالنا
ساره بتاكيد :الله لايعوق بشر ماصدقت على الله اشوف احد منكم راحت انويران وخلتني
الهنوف :وش اخبارها
ساره :ملكتها الخميس
الهنوف:الله يوفقها..ننتظرتس
الساعه 9 اليل جات ساره ولقت البنات فارشات فرشه في الحوش سلمت عليهم وجلست
ساره :وين امتس وابوتس
لمياء:راحو يرقدون
الهنوف :اخذي راحتس ترى فهيدان راح عند العيال
لمياء:منتك صدره في البر بلحاله يسولف مع الراعي ويساله عن اهله كم بنت هو مزيون سمسم تلفزيون هههههههه
الهنوف وساره :ههههههه
ساره :حلووه اجواء البر
لمياء:ايه روعه انشا الله تجون معنا في عيد الفطر
الهنوف:ياله توى شهر 12 باقي عشر شهور
ساره بقهر :عسى مايغيرون مكانهم راعين المخيمات
لمياء:هههههههه سنه مايمديتس
ساره بهدؤ تلف للهنوف:ماتوقعت الي بصير لتس
الهنوف ببتسامه :والاانا اذا للحين احس كان الي صارلي حلم
ساره بتردد:طيب هو شايف نفسه
الهنوف حسيت ساره بتحس بالي احس به ماخذه ولد عمها يوم تخرجنا من الثانوي واطلع ماش سربوت وتطلقت منه تجرئت و اول مره تكلم عنه من جات اهلها ولمياء تناظرها بحنان:ماكذب عليكم اسلوبه روعه هادي وحديثه ممتع لو يقهرني حتى ضحكته هاديه اجذبني ماخفت منه اكثير صح استحيت بس احسه عادي
ساره بحالميه :يارب اخذ نفستس لكان يطقني رايح جاي ليل الله نهاره
الهنوف ولمياء:هههههههههه
الهنوف تضحك:لونه اصاير كان مب ذي اعلومتس تسبلين بذا العيون
لمياء :انا وياتس ياساره ناخذ واحد نشغله ونهيت على كيفنا ان طقني افزعي لي وان طقتس خليته ياخذ راحته
الهنوف :هههه بعدي اختي
ساره براعه :اشوى انتس افصحتي عن نوايتس من ذلحين
لمياء :هههههه
سرى اليل وجاء راشد خذاها على الساعه 2
يوم الاربعا الساعه 2م
ام فهد :الهنوف دقي على خالتس نمشه خليها تجي تقهوى عندنا العصر
الهنوف:توهم يمه جاين اليوم
ام فهد :دقت علي الصبح واصلين للبيت يمدي
الهنوف: ابشري
الساعه اربع جات ام مفلح وانزل مفلح يسلم على خالته نوره
مفلح عند الباب:احم حم ياولد
قامن البنات بسرعه ودخلن داخل
دخل سلم على خالته الي ترحب به وهو مقبل
ام فهد بحنان :وش اخبار ظهرك
مفلح يعكف ظهره بنشاط :انشالله انه تشالى
ام مفلح عقب ماسلمت عليها واجلست :الله يصلحهم وش لهم بالتحداي
مفلح :افااا يمه زاهمني الرجال
ام فهد :الي ازهمك يمكنه اشلى منك ماهمه السالفه جدا
مفلح :هههههه تبين الصراحه نفدا عينتس انا انسان احب المشاكل
ام فهد :هههه افا يامك
مفلح بجديه :ترى علي تبلوه واظلموه ونا اناظر ماقدرت امسك نفسي ومديت يدي
ام مفلح :ابوك مادرى الى ذلحين وبيزعل عليك
مفلح يلتفت عليها وهو مازال واقف:ماظلمت احد ولا مديت يدي عبث وغير كذا ماعلي من احد
ادخلت نوره على البنات:يؤيؤ السلام على العبدات اوف كذا البر يسوي
الهنوف :هههههههه وعليكم السلام ...ابرونز ماعندتس ذوق
نوره :هههههه برونز غصب
لمياء :لاصدق نوره واضح علينا
نوره :انتي مره الهنوف اشوي بس
لمياء بضيق:حتى انتي مسوده
نوره:ههههههه مسوده عاد
الهنوف :زعلتيها والبنت ابد معندها الا وحده..وش بحر الشرقيه غير عن بحرنا
نوره بمبالغه :يهبل اخضر ومره يزرق مشكل
لمياء تناظرها وتمشي معها الموضوع: يعني على كيف الواحد
نوره :ايوه على كيفتس الي تبين
لمياء تلف عنها :اقول اخوتس متى بيروح اعجبته الوقفه
مفلح واقف عند الباب :مع السلامه ..ولا حد يحش فيني لارحت
ام فهد تضحك :لبى والله قلبك وانت فيك عذروبن احد يحش فيك
مفلح يبتسم لخالته الي متاكد من حبها له ويبادلها نفس الشعور :لبى قلبتس انتي انا شاك في امي
ام مفلح تناظر ببتسامة استهزاء :دون نفسك وانا امك موب ذاه يهمك
اضحك واطلع برى

دخلن البنات عليهم وخالتها نمشه استلمتها بدعاوي جعل ربي يوفقس وييسر امرس ياحبيبتي وافقتي وعاونتي اهلس والبنت هذا موقفها ومن ذا الكلام عاد خالتي نمشه اموت فيها وكلامها عسل اكبود ومتقبلته بصدر رحب بس اني ساكته حتى الابتسامه ماقدرت اطلعهاخاصه اذا قعدت افكر ان الرجاجيل درو اموت سبعين مره ومحد حاس بالي فيني بعدها اسكتت خالتها وغيرو مجرى السالفه خايفين لايضايقونها تعشو عندهم ورقن البنات فوق في حجرة الهنوف يناظرن لهن فلم
لمياء: انا مشتهيه بيبسي بكلم البقاله احد يبي
البنات مندمجات :لا ....
كلمت لمياء ونزلت تحت تحتريه طق الباب افتحته وجات وراءه
لمياء :ها محمد حطي هنا وتاشر على الارض
راعي البقاله :جيب اول فلوس حق امس مافي اعطي
لميا بقرف :خلصني خلاص بكره جيب
راعي البقاله بصوت عالي:دايم يقول جيب ومافي جيب
حطت الجلال على شعرها وتلثمت شرعت الباب وطلعت له ببجامتها
لمياء بقهر:خلاص قبل يخلي فهد طقي
ادخلي ياقليلة الحياء التفت على الرجال الي حاكها مدت يدها وخذت البيبسي من يد الهندي طنشته ودخلت داخل ببرود
نزلت اجلالها على اكتوفها لوه يعرفني وش كان بيسوي استغفر الله

من اللى تكلم يا ترى

هذا اللى راح نعرفه بالبارت التاسع
نهاية البات الثامن



البارت التاسع

رقت على البنات ونوره توها نازله
لميا :وين رايحه
نوره :خلاص قلبي بنسري مفلح تحت
لمياء انصعقت :ليكون هو الي تكلم
ابعدت منها نوره قبل تسمعها وهي تحط يدها على راسها بخوف
اطلعو لمفلح الي يغلي من القهر طريقة كلامها ولثمتها وببجامه بعد مخلي لها الحبل على الغارب ومطنشه بعد
مفلح يلف لنوره الي اركبت وبضيقه:منهي الي انزلت لراعي البقاله يانوره
نوره :لموي
مفلح في نفسه معاد فيه حياء كلمت راعي البقاله حسبالها انه بزر ماهوب رجال قدامها
لمياء بخوف يارب مايقول شي لخالتي ولا يفكر فيني تفكير شين خطاء بس راعي بقاله مايسوى ادخلت عند الهنوف وكملت معها الفلم بذهن شارد قامت قبل لينتهي الفلم وراحت لحجرتها
الساعه 4العصر اليوم الثاني
راشد جايب المملك وكاشخ على سنقت عشره الي بشوفه بيدخل عليها
وقع ووقعت نوره وتمت مراسيم الملكه (هذي الملكه في النعيريه لاشوفه ولامكالمه )
دخل عليهم مفلح عقب ماراحو الرجاجيل ببتسامه:ها انويران وش رايتس اوريتس صورت راشد اليوم كنه بيدخل
نوره مستحيه :تفرج عليها انت
مفلح يضحك:قدها مندبله كبدي منه وش بعد ابي به
ام مفلح تضحك :اسم الله عليه .. كنها عندك عطني اياها
نوره عصبت :نذر ماشوفها
مفلح :هههههههههاي انتي الي بتناظرينه موب هو الي بيناظرتس
ام مفلح :ههههه
دخل عليهم ابو مفلح :السلام عليكم
كلهم :وعليكم السلام
ابو مفلح مستانس :الله يوفقهم
ام مفلح :امين انشالله ان يبرد كبدي عند نوره
مفلح :هيه على بالتس مستحيه والله ان تلقونها ذلحين تقول في نفسها امين
نوره بسرعه :قسم انه يكذب
ام مفلح مبتسمه:خلها تقوله
ابو مفلح :هههه ليه يكذب قليها صدق ماتبين توفقين معه ... وكمل بحنان والا لذلحين مابغاه قلبتس
نوره في نفسها لا والله انه صار عادي :لا ماهوب قصدي بس.. وسكتت
ابو مفلح :ماعليه بتستانسين انشالله في بيت الراشد
ام راشد بفرحه:مبروك جعلها من مقابيل البركه
راشد يحب راسها وخشمها وببتسامه حلوه:امين
ساره تحب خشمه:مبروك لبى قلبك
راشد يمسك راسها ويحبه :الله يبارك فيتس وعقبالتس انشالله
ام راشد :امين يارب اقريب وحبيب
ساره مبتسمه بسحى
راشد :انا مانيب اموافق على رجل ساره لين يكتب في العقد يجيبها لنا كل يوم
ساره اضحكت بخفيف
ام راشد :الله لايخليني منك انها لارحت معه وستانست هي الي بتقول ماهوب لازم انروح لهم دايم ازهل البنات
ساره بسرعه وصدمه :مستحيل
راشد :هههههههه امزح عليتس لاتوهقيني لاجا تحسبيني بكتبه
\\\\\\\
الهنوف:لمياء
لمياء تفصفص حب :هلا
فهد يدخل ويقاطعهن:لمويه انقزي جيبي ماء عطشان
لمياءبقهر :يجي من برى ويقول جيبي ماي
الهنوف برواقه :زين كنت بقول جيبي لي ماي
لمياء تلفت عليها بقرف :وكان بجيب لتس ظنتس
الهنوف تشر على خشمها بمعنى غصب وتحرك حواجبها
بعد صلاة العشاء دخل ابو فهد وسلم عليهم
ابوفهد:بكره انشالله ماشي للبر وببطي ماجيت بمر الدمام عندي اواراق بكملها
ام فهد :لاتمر البر بما انك بتروح لدمام
ابو فهد :لازم بما اني قربت من ارماح
ام فهد :وان بغينا شي وانت بتبطي
ابو فهد :فهد عندكم بدالي والمكان بعيد مانيب رايح راد كل اشوي دام عندي اجازه التفت ابو فهد على فهد الي يسولف مع خواته
فهد سنع اهلك وخواتك
فهد :ابشر يبه على راسي
ابو فهد :ايه يابوك جعل يسلم راسك ويخليك لي
لمياء تصك على اسنانها بستهبال وصوت واطي:العن ام التفرقه
الهنوف:لعنبو لايم ابوي وش فايدتس تبلعين من ذا الفلوس ومتكيه
ام فهد :اغرفن العشاء اجل دامه بيسري خلنه يرقد ويرتاح
الهنوف بصوت عالي :لمياء قومي راسسي يوجعني احس بدوخه
ناظرت لها لمياء بقهر وهي تنسدح بكذب
ام فهد :هاقومي يالمياء بسرعه
قامت لمياء بغيض من حركاتها النذله
ابو فهد :الهنوف كم باقي وتخلصين مدرستس
الهنوف تجلس من رقدتها:باقي ذالترم بس
ام فهد :اجتهدي عشان تخلصين مره وحده
ابو فهد بتفكير:عبدالعزيز قال لكم شي ولاكلمت امه
الهنوف مرتبكه من السالفه تمنت لو قامت مع لمياء
ام فهد :لا محد قالنا شي ..ليه
ابو فهد بندم :اخاف يكنسلون الخطبه
الهنوف بقهر تلخبطت حياتي الله يادنيا صرت اهتم بسالفة خطبته
ام فهد بتاكيد وثقه :لا ولا راح يسون شي عبدالعزيز وامه اكثر من سنه وهم يترددون علينا الى ان وافقت الهنوف اصبر وبيجون يبون يحددون الزواج لاتهتمين يامي قالتها وهي تلف للهنوف الساكته تناظر من غير اهتمام للفراغ
الساعه 4 العصر
انزلت اغزيل عند اهلها وجاتهم نوف
الهنوف تلعب كوره مع منصور في الحوش
الهنوف:وخر امنيصير والله ان امصعك
منصور:لا والله بعلم امي تجيني وتاخذ كورتي
امصعته بالكوره قوه اضحكت وانحاشت اقعد يصيح بصوت عالي
غزيل :اهنيف جعلس المرض عقل بزر وش بيسكته ذلحين
الهنوف تضحك :شكله يضحك يوم خميته بعدين قده بيدخل المدرسه وش يصيحه ذا البزر ...وتصارخ عليه هاااااااا يالبزر
منصور بقهر خذا الحذيان والحقها
الهنوف بخوف وضحك انكمشت على نفسها:يمااااااااااااااااه ......احذفها بقوه وطاحت جنبها
الهنوف تضحك :مايوجع
نوف :اتدورين الشر
لمياء تنادي منصور:منيصير هاك ذا الحذيان اقوى من ذيك
لفت الهنوف على الحذيان الي تشر عليها لمياء خذتها واحذفتها عليها اضحكت ودخلت داخل البيت بسرعه
لمياء مرتاعه :الله ياخذها احذفتها كذا وهي ماتناظر
خواتها :هههههههه
جهزت اغراض الكليه وقعدت اتكمل تخطيط الكتب الي خذتها من البنات قبل الاجازه لين اذن العشاء ونادوها على العشاء راحت ام فهد تمسي ونوف رقت مع البنات
نوف :خلصتن اغراضكن
الهنوف براحه :ايه الحمد الله
لمياء :بغيب بكره
الهنوف :عشان ابوي راح يعني
لمياء :عاد والله تسيفي
نوف :هههه تسيفي حتى ابوي مايقولها
الهنوف :سخيفه ترى لاتستانسين
لمياء : ماعليه اهم شي نوف اضحكت
نوف :وانتي ليه ماتخلينها تستانس حقوده
لمياء :ههههههه عشانه بتدوام
الهنوف بتكبر :لو بغيب غبت
نوف : اهنيف تراس شايفه نفستس متكبره ماهوب زين كذا
الهنوف بصدمه :حرام عليس محد قاله الا انتي
لمياء :خخخخ خايفين من السانتس
الهنوف :جعله يسلم ينقط حكم
لمياء :ااااه ليته صدق ..الله يعينتس عليه صراحه
الهنوف:اللي خاييف من الساني لايحاكيني
نوف :ايييه موب كل الناس مثل اهلتس بيجي يوم ويطلع من يحاسبتس عليه ذالسان
الهنوف بغيض :انويفان وش فيتس علي اليوم ..
لمياء تضحك:عشانها تقولتس الحقيقه
الهنوف بغرور :ماعلي منكن والي فيه خير يجي يحاسبني على حكي ...ماحد مقدر الفلسفه الي تطلع منه
نوف :اهل رجل فاطمه (اخت رجلها )يمدحونتس بس ذاه موب يعني شوفي نفستس على الناس وبعدين عاد لو يكمل التواضع كان احسن.. شوفي لمياء مشالله مزيونه ومتواضعه
لمياء ترز نفسها:الهنوف ياقلبي روحي نامي
الهنوف بخبية امل :حرام والله اني طيبه
لمياء :ههههه حنى ماقلنا انتس شريره تفكيرتس موب معتس
نوف :ههههههه
لمياء :يالله لاجابت انشالله نوف لها ابنيه تسمي علي وتشوف انشالله الحلى والزين

البارت العاشر
الهنوف تلف على نوف:ماصار شي
نوف بحزن :لا والله عجزت من العلاج.
الهنوف مشلكة خواتي مايحملن ابسرعه الوحده تقعد باربع اسنين والثلاث ماحملت نوف قده معرسه اربع اسنين
الهنوف بتفأؤل :انشالله بتحملين على شهر سته سبعه
نوف مبتسمه :الله وش ذا الحساب الغريب
الهنوف :غزيل ماحملت الا عقب اربع اسنين وامنيره مثلها وانشالله انتس هاذي اخر سنه والتفت على لمياء ها وش رايتس ماهوب صدق
لمياء بتايد :الا ادعي بس
ابتسمت لهن نوف ولفت لجوالها الي يدق ردت على رجلها الي قالها تنزل ينتظرها تحت راحت له بأامل وانشالله يتحقق اطلعت لرجلها سلمت وسكتت
مبارك:وش اخبارس
نوف :طيبه.. رحت للعشاء
مبارك:ايه رحت ..وش فيس كنتس زعلانه
التفت عليه نوف وهو يناظر الشارع عقب ناظرها
نوف:اختي الهنوف تقول شهر سته سبعه انشالله احمل
مبارك بستغراب :ليه متحلمه هي
نوف تضحك بتوتر:لالا ماتحلمت بس تقول متوقعه نفس خواتي يعني
مبارك امسك يدها وباسها :نوف ترى تاخرس باالحمل مازعلني عادي عندي والله
نوف تعبر:بس كلهم لاشفوني يدعون لي وشكله بيعرس عليها وليه متعالج
امسك يدها واحطها على فخذه وهو يسوق :ماعليس منهم اهم شي انا ..ويلتفت عليها ماهوب صح
نوف بضحكه وفيه بكى :الا صح .. احلى شي بدنيتي بس ابيك تستانس عشان كذا انا زعلانه
مبارك:انشالله ان الخير جاي وانتي الي ابيه من الدنيا ان جاونا بزران ولافي الجنه ويضغط يدها...لاعاد اشوفتس مكدره خاطرتس عشان ذالموضوع طيب
نوف :طيب يابعد عمري اذا هذا يزعلك بضغط على نفسي شوفتك مستانس تسوى الدنيا ومافيها
مبارك:حبيبتي والله ربي يخليس لي
يوم الدوام
داومو للكليه اسويره غايبه،، اليوم كله سلامات يع اكره اول يوم دخلنا المحاظرات وبدات القرقره هااا وانا بدات تاخذني الهواجيس مره يمين مره شمال
نوره :الهنوف
التفت عليها :يوم الخميس جاني مفلح يبي يورؤيني صورة راشد
ابتسمت الهنوف وقامت من على الطاوله الي كان حاطه راسها عليها :لاااااااا وش سويتي شفتيه مسألتك نسيت
نوره :احرجني الحمار خلاني احلف اني ماشوفها هههههه
الهنوف:ههههههه اصلن خلاص قدتس سامحه شفتيه طبيعه
نوره :ههه ايه وش الي خلاني اوافق
الهنوف تضحك :اجل مظاهر
اقطعت عليهم السالفه مرام في حارة اغزيل بيتهم :الهنوف انتي صدق ماخذه امير
الهنوف ترفع خشمها :لا موب صدق ..كل هذا اشااعات والظاهر انتس تروجينها
مرام :امي كان عند اغزيل يومها تعلم جدت رجلها ..والظاهر ان اغزيل موب كاذبه
الهنوف بحراج حست ان السانها انربط لازم الناس يدرون ولا ابي اعرس مره ثانيه كذا سيده.. بس موب لازم يدرون كل الناس اعوذ بالله
الهنوف بتاكيد ونظره متعاليه :انتي فاهمه غلط يمكن وحده ثانيه وحبيتي تستفسرين منها عندي
مرام :وين وحده ثانيه طيب اذا هـ..
نوره تقاطعها:يعني الهنوف تكذب وذا هذا موضوع يخصها.. ياختي صراحه فضوليه يامرام!! مرام انحرجت واسكتت..
الهنوف التفتت على نوره بمتنان ..
نوره:خلاص جهزي حالتس والله اني يجيون يسالؤن كل اشوي حتى الي على بالهم يمونون
الهنوف بحماس ممزوج بقهر :عسى ماتهاوش معهم؛؛
نوره :لا اهاوش ولاشي اسفهي الناس ما ينعطون وجه
جاء وقت البريك وطلعو مافيه محاظره عند البنات قسمهم علم اجتماع بس هو هناك وهن في بيت اهلن اجلسو على طاوله بالكفتريا
الهنوف ترفع شعرها وتنزله مره ثانيه :بقص اشعري
نوره :وش بتقصينه
الهنوف:مدري بفكر احس اني منقرفه منه
نوره بنغزه:اتخربينه عشان شي تافه
الهنوف درت انها فسرته على كيفها بس طنشت
نوره :طيب هو مقصوص مدرج وش بعد بتسوين
الهنوف بلعانه :ابد بحطه على حد اذني
نوره بشهقه :اتسوينها خبل!!
الهنوف بعدم مبالاه: تحري لي على عيد ارمضان انشالله لين اتروح الاعراس ..
نوره :يمديني فتنت عليس..
مرو عليهن بنات يناظرونها ويتغامزن
مشاعل بنت باول :تهبل ام شعر اسود (طبعن بنات الكليه بصوت عالي اهم شي تقول الي في قلبها ماعندها مشكله )
منال:جمالها مميز ..تعدوهن ولا كانهن يتكلمن فيهن
نوره بستهبال :ليتني ماخصلت شعري خليته كله اسود وحط نفسي بده انا هههههههه
الهنوف بهدؤ :انتي حلوه وتهبلين ولا وش راي راشد عقب ماشافتس.. وش يعني اذا تكلمو علي اصير الوحيده
نوره تبتسم : فديتس ..عاد بعرسي اجل خصلي غيري شكله..
الهنوف:في عرستس انشالله بخصل وبقص وبرقص خليه يقرب بس
نوره :ليتني احضر هههه
الهنوف وهي توقف :ههههه امشي امشي لازم حاضره في كل شي
تعدتها العنود ومشت قدامها الحقتها نوره وهي تشوف اعيون بنات الكليه عليها صح جمالها مميز لانها بيضاء وبشرتها ورديه وشعرها وحواجبها المنمقه سود وخشمها يوحي ان وراء هالانسانه عزت نفس قويه مع حدت شفايفها الورديه والناعمه وفوق الجمال الحلا بغميزاتها القويه متميزه فيها هي واخوي مفلح بس هو بجهه وحده
الهنوف تلف لها وبتساؤل:سرحانه
نوره ببتسامه :لا افكر
الهنوف:اشوى حسبتس سرحانه
نوره :هههههه تستهبلين .. وقفن عند باب الخروج البسن عبايتهن واطلعن لمواقف الباصات..
راحت الاسابيع والدراسه على اكمل وجه واخر سنه لتخرج البنات
في بيت ابو مفلح بعد العشاء
مفلح :هااا نوره خلاص معاد فيه ادراسه ..وبغمزه بيت ورجال وحركات..
نوره تبتسم وبتصريف:اهم شي اخلص الكليه .. ياله بروح ارقد الساعه عشر
مفلح بتردد :لحظه شوي
نوره :أمر
مفلح بهدؤ :انا شفتها امس بالسوق ولو لا يقولن وش دخلها فيه وريتها كيف تسوي كذا
نوره بستغراب :من هاذي
مفلح بعصبيه مفاجاءه:الي انزلت تاخذ من البقاله شفتها امس تكلم الهندي بالسوق شوي وتمسكه بجيبه صوتها يلعلع بالسوق
نوره تلف عليه وبخوف :لاتاخذ الامور بعصبيه
مفلح بصبر ينفد:نوووره هي كذا دوم
نوره تبلع ريقها :هي عصبيه شوي
مفلح بقهر: ساعه اتكلم الهندي ومتلثمه بس وبجامتها وطالعه برى البيت مره وحده
نوره :طيب خافه اقهره واكيد ان مافيه احد بالشارع
مفلح بغيض :الا فيه النجسه قلت لها ادخلي واسفهتني ومدت يدها على الكيسه وخذتها ولا حتى عبرتني..ارفع راسه لنوره ..لا تدافعين عنها حتى لو عصبيه تلزم احدودها
نوره بتوتر :هد هد انا اتعذر لها وبعدين اكيد ماعرفت ولكان بتسكت
مفلح رافع حواجبه :بس عشانها اتعرفني؟؟.
نوره بسرعه :مفلح بدق عليها الحين وبسالها والله ان تلقاها الحين مستحيه لاعلمتها..
دقت نوره وسلمت عليها تنهدت واستطردت كلاممها
نوره :لمياء تذكرين يوم كن عندكم
مفلح موطي صوته :حطي اسبيكر..
ناظرته وحطت اسيبكر
لمياء بستهزاء مازح :اي مره؟؟.. دايم وانتو مشرفين..
نوره مبتسمه وتناظر مفلح الي رافع وحده من حواجبه توترت وكملت :يوم كلمتي البقاله
لمياء تنهد وبزهق : ليه وش ذكرتس؟؟..
نوره :من شفتي عند الباب غير الهندي طبعن؟؟..
لمياء بخجل وندم:شفت اخوتس مفلح..
نوره على طول ناظرت في مفلح يوم شافت ملامحه تغيرت:قالس شي؟..
لمياء بتردد:مادريت انه هو ..عسى معلم احد وترى ماتسوى!!
ماعجبه ردها ناظر نوره ورص على يده بقوه يتمالك نفسه
نوره بمزح بتقلب السالفه:هههه اخوي مفلح يوم ادخل يسلم على خالتي يقول مابرد بلاطهم ودي انبطح عليه لاجيت من الدوام
لمياء :ههههههه ليته ...انصدم من كلامها كملت لمياء.. عشان اتوطى عليه رايحه جايه ههههه
نوره امسكت نفسها من الضحك وعضت شفايفها بقوه بس اطلعت الضحكه غصب
اسحب منها الجوال وبصوت واطي وتهديد:اسمعي يابنت والله وبالله انها حشمه لخالتي مادخلت على اثرتس وعلمتس وش المفروض اتسوين لا شفتي رجال
لمياء منصدمه من الصوت والكلام وبسرعه :مسويت غلط خذيت الكيسه ودخلت... وانت ماعرفتك !!!
مفلح بصوت عالي وغاضب:يعني هذا اسلوب عادي عندتس مع الرجاجيل اهم شي ماتعرفينه..!
لمياء ترص على الجوال متردده تصكه بس خايفه لايخلي السالفه تسوى وهي ماتسوى في نظرها
مفلح يتنهد :انا انسان شفت اشياء ماعرفتوه انتن فعتبري كلامي خوف عليكن وذا تكرر الي شفته ماتلومين الا نفستس
صكره منها واحذف الجوال على نوره
ارفعت راسها لها:اخ مفلح تحسب البنات كلهن زي ذالي مخاويهن
مفلح بدون اهتمام :واثقه فيها يعني ..البنات لهن كم وجه
نوره تعلي صوتها قبل لايطلع :لا تفسر طلعتها للبقاله وتصرفها يعني انها خايسه حطه في بالك
ناظرها بستهزاء وصكر الباب وراه بقوه
نوره:الله يعنيها اكيد انها مرتاعه الحين....
مر 4 شهور على العطله الي تملكت فيها نوره والحين في شهر 4 باقي اسبوع على الامتحانات
نوره حددو عرسها اخر سبعه وتذاكر لامتحناتها امها امقطعه اذانيه لتحمل ماده وهي وراها عرس وامها وخالته نوره يجهزن لها لين اتخلص وتكمل هي الباقي
يوم الجمعه الي بعده سبت الامتحان في بيت ابو فهد
احذفت الكتاب قدها خالصه على المغرب :بنزل تحت ابي فهد يشتري لي قلم تبين لمياء؟؟..
لمياء :ايه فديتس نسيت لوتس ماذكرتين كان خذيت اقلمس ..
الهنوف :يفداس ..
لمياء :هههههه والله من الخريط
انزلت الهنوف :فهد لجيت من صلاة العشاء مر البقاله نبي اقلام زرقاء
فهد :والله منيب فاضي لكن بجي سيده
ابو فهد بغضب:اقطع لعنبو ذا الوجه جب لهن وانت ماتشوف الدرب
فهد ضاق وطالع الهنوف الي ارفعت حواجبها بتقهره:ابشر بس مايقولن الي قدنا في تالي اليل
ابو فهد :جبه وانت ساكت..
فهد :ابشر ..
ام فهد بضيقه :جعل اتكبرين ليه ماتسكيتن وانتي ترفعين حواجبتس له بتقهرينه
الهنوف ببرائه:ياويلي ماسويت شي
ام فهد تخزها وتسكت
الصباح الساعه ثمان كلن في القاعه الجو هادي والبنات يحلن او ل ماطلع الهنوف
اجلست برى تاكد من الاجابات جن البنات وزعاج وانا صح لا خطاء وشوفي هذي الي صح
اطلعت نوره وساره وراحن للهنوف شالت شنطتها عقب ماشفتهن
الهنوف :ياله الباب انفتح
ساره :انا بروح مع راشد
نوره :ليت يمدي نشتري شندوتش
الهنوف :تبلع ليل ونهار ..ياختي يقولن المتحانات لازم الواحد ماياكل بدنه مجتهد
ساره وهي تقدم منهن :يقولون ولا انتي ماتسوين
الهنوف :بالعكس ماكل كله من دبلة الكبد وانا اشوف الكتاب طايح بالارض
نوره :هههه الله يرحم حالتس
افتحو الباب وراحت الهنوف ونوره للباص الي امتلى بسرعه
نوره :وين لمياء
الهنوف بقهر:مدري عنها لانروح ونخليها من الي بيجيبها
نوره :تعالي قالت لتس على سالفة مفلح
الهنوف تلف لها وبتنهاد:ايه ورافعه خشمها تهزي فيه الى ان طلعتها من حجرتي
نوره بهدؤ :تحذر لايشوف عليها ولو زله بسيطه وبيحط في باله انها مهيب مضبوطه
الهنوف :انا لو مكانه طقيتها الين تحب الارض اجل متلثمه وطالعه ببجامتها ..يبي لها تاديب
لمياء تدف باب الباص الي كان بيتصكر وتدخل وقفت تلفت شافتها الهنوف ونادتها
لميا تقرب منهن :ماعندي مكان
الهنوف تعطيها ظهرها وتناظر من الشباك :روحي جنب الهندي متعوده على سوالفن معهم
نوره تضحك :كفوها والله الهندي
لمياء ترفع حواجبها دنقت على الهنوف واقبصتها مع ظهرها :لاتهزين بذوقي
نوره :هههه قده ذوقتس
الهنوف تلف عليها ارفعت غطوتها من جهة لمياء وبنظرة استهزاء من فوق لتحت نزلت الغطوه وصدت عنها
لمياء بستهزاء :عاشو الي شايفين انفسهم
نوره اتدززهن بمزح :لوني روحت مع ساره ابرك لي منكن وهدتكن
وقت الظهيره قامت لمياء اتذاكر في حجرة الهنوف ماتحب تذاكر في حجرتها والهنوف مكمله ارقادها
ام فهد ترقى لهن فوق:ليش الهنوف ماقامت
لمياء تناظرها والكتاب في يدها :تقول شوي وبقوم
ام فهد متنرفزه :قوميها مافيها احساس للمذاكره كيف تنجح
قامت على صوت امها بس اسكتت لاتهزيها وهي مب امروقه
اطلعت ام فهد تحلطم عليها وعقبه الهنوف احذفت الحاف وقامت
لمياء تذاكر بصوت عالي ومندمجه اطلعت الهنوف برى انزلت تحت وسيده للمطبخ برى غسلت من هناك واجلست على العتبه بسرحان
الشغاله :هنوف حر مافي مشكله
ناظرت لها وارجعت تسرح نمت وانا مأفكر فيه ليش يجيني بالحلم تنفست بملل وتوتر قامت من باب المطبخ وادخلت داخل تاكل لها شي قبل تبداء
مرت على امها في الصاله
ام فهد بقهر :يامحق مذاكره
الهنوف بنعاس :انشهد يمه بلشه
ام فهد تحاول تهدي نفسها :المشكله اني بزعل لارسبتي ولا كان عادي مهمني
الهنوف تتجه لدرج :منيب راسبه انشالله كذا مذكرتي وانجح
مرت ايام الامتحانات بسرعه اخر يوم لهن ولمياء باقي يوم فيه يبدا امتحان فهد ومساعد وباقي طلاب المدراس
في الباص الهنوف ولمياء بكرسي باخر الباص
الهنوف بفرحه :الله لمياء خلاص خلصت ياربي الا الان ماصدقت
لمياء تطقها مع راسه بقوى :ها صدقتي
الهنوف تقبصه في يدها :جعل يدس الكسر يعني كل ذاه ماتبيني استانس
لمياء: عليس نور
اوصلن البيت وحطن روؤسهن على طول اذن الظهر قامت لمياء اتصلي وتذاكر بالصاله والهنوف مكمله ماعليها صلاه
على الساعه اربع جاتهن نوف فوق مرت لمياء بالصاله
نوف بهتمام :خلصتي ولا باقي
لمياء :لا والله توني ..
نوف :منيره جابت بنيه
لمياء بفرحه :صدق
نوف :ايه ..بروح اقوم الهنوف واقول لها ..
ادخلت بحجرتها واسحبت الحاف
نوف : قومي منيره اولدت
الهنوف تلف وتناظر نوف وببتسامه نعسانه:وش جابت
نوف : توى سعد مكلم امي يعلمها (سعد رجل اختها) ويقول بنت
الهنوف بفرحه:الله بنت ياحبي لهن البنات ..اجلست ..بروح اغسل وبنزل لكم ..
غسلت والبست بعجله مرت على لمياء المنسدحه على بطنها والكتاب قدامها
الهنوف تحرك شعرها رافعته ذيل حصان ومعليتها:ترى مانبي بنات يسقطون
وانزلت لهم تحت بعد العشاء ادخلت منيره ببنتها والبيت كله مرتبش من ابو فهد لين فهد الي ماساتنس على البنت يبي ولد
ابو فهد يشيلها من منيره ويجلس :وش سموتوها
منيره بتعب :هبه
فهد بتهزئ :امسمينها اسمن زين
الهنوف تضحك وتقرب من ابوها :خبلان ..خذتها من ابوها وقعدت تبوسها
ابو فهد يمسح على شعر الهنوف :لونكم امسمينها الهنوف احض لها
الهنوف بحنان تلف على ابوها قربت منه وباست خده: فديت روحك ..محد يستاهل ذالاسم الا انا صح..؟
ابو فهد يضحك :صحين اثنين مهوب واحد
ام فهد تاخذها منها :توى جلدها حساس لعاد تقربون منها ...
الهنوف تقوم :انا بروح ازين عشاء منور وبجيب عشاء ابوي اذا بيرقد
ابو فهد :اي برقد
ام فهد :اجل جيبي عشا ابوتس وانا بنحتري عشاء منيره
فهد :انا بتعشي بعد مع ابوي.. عشاء منيره اكيد فيه حشائش
االهنوف وهي رايحه :حشائش !!نكوت مشالله
الساعه عشر اغرفو عشاء منيره تعشت معها امها وراحو ينادون لمياء
الهنوف توقف عند الدرج :لموي العشاء
لمياء بصراخ :جيبي لي فوق
الهنوف بستهزاء :من عيوني والله
لموي :تكفين الهنوف جويعه
الهنوف تبعد من الدرج وتجلس مع اهلها على العشاء
منيره :وين لمياء
الهنوف:تقول بس شبعانه
ام فهد :جعل ربي يوفقها شاده حيلها من بداية الامتحانات ..
الهنوف:وأنأ
ام فهد :انتي تراب في وجهتس
الهنوف ميته ضحك :ياويلي يمه كله عشان كليه ماتسوى
منيره تاخذ بنتها وتهدهده:بنشوف النتيجه
الهنوف ترفع حواجبها بخفه :الوعد الشهاده
......
نهاية البارت العاشر
ملاحظة من البوم وليوم الثلاثاء ساضع بارتين مع بعض لاانى لن اكون متواجده فى العطلة

تحباتى ودمتم بود

[7btin]

البارت الحادى عشر

متوسد المركى في استراحة الشباب :محمد
محمد :هلا
علي :امس ابو مفلح درى بسالفة المشكله
محمد يلف عليه وبستغراب:صادز
علي يتنهد :اي كلمني ابوي مكلمه ابو مفلح يساله عن الي صار
محمد :وش قاله ابوك
علي :ابوي داري معلمه... علم ابوه بس الظاهر انه ماتفهم!! ومفلح عصب جدا
محمد :ذلحين ماتعلمني وش تبون بالرجال وهو رافض يعطيكم السياره
علي يقوم من مسدحه وبسرعه :لعنبوه قدني شاريها منه ومعطيه الفلوس بس توى ماكتبناها باسمي
محمد :هي قدها معك
علي :ايه اكيد اني باخذها ..بس هو تردد وشكله اندم يبي يرجعها
محمد :طيب مفلح وش حاده على الامور كلها
علي :مفلح مايحب ذالحركات وانقد عليه وسبه وارجال تطاول عليه وجاب اقصاها مع ادناه
محمد :يعني مفلح الي بدا
علي :ايه هو مد يده .. وشوفت عينك مافرقتهم الا عقب ماجاو اخوياه وخذو خويهم
محمد :غريبه ماعلمني بذاه كله
علي :منقهر..حتى ابوه يبيه يعلمه وش سبب المشكله ورافض
محمد يناظر مفلح الي يفسخ حذيانه عند الباب ويدخل :موب من صالحه انه يغضب ابوه
سلم عليهم واجلس جنب محمد وبغمزه :وش اخبار الدوره
محمد :تعجبك لو قدمت معنا عليها افود لك
مفلح يتعنز على المركى بظهره : والله ان رجال ماصبر عن النعيريه ..وقالعينا في الخميس
محمد يقرب منه:ليش ماعلمتني عن المشكله
مفلح يرفع وحده من حواجبه :وشايف انها حلوه السالفه اعلمك
محمد بستهزاء:الرجال اقدر يطلع منها سالم وانت متكركب ... مشكلتك انسان لازم كل شي تطلع منه كاسب
مفلح يعتدل ويناظر في عيونه وبهدؤ:هذي مشكله في نظرك
محمد بصرار :اكبر مشكله وتبي نصيحتي ارخى اعنانك الدنيا مهيب على الكيف
ارجع مفلح يتعنز:لا يامحمد انا ماقدر ارخيها بأسي شديد
علي يجلس من جنب مفلح الجهه الثانيه :انا والله متاسف منك والله موب بيدي ونا اخوك
مفلح يمسح حاجبه :لوك ماجيت وقلت لي بزعل عليك وش فايدة القصره والرفقه الرجال هو الي مخطي.. بالله انت كيف تحسس من سالفه مثل كذا
علي :عشان الوالد!! دريت انه ازعل عليك
مفلح :ابوي مازعل ابوي شرهه علي بس اني معلمته اني بت في السجن
محمد بقهر خفيف واستهزاء:يعني دخلت السجن
مفلح وهو يناظره:ايه دخلته ...باين اني منيب مضبوط في نظرك!!
محمد :محشوم ابو سعد...عملك تشوف انه يسمح بغلط نفس كذا
مفلح يقوم وياخذ اشماغه من على الكنب:لا طبعن... لف على علي وبصوت هادي...لاتحسب اني نادم اني جيت معك وتهاديت انا وياه لا ولاتفكر توى الان حسيت بالراحه ..واطلع برى الاستراحه
محمد يناظر علي وبستغراب :شف ياهو غريب ها الانسان عشان درى انه مخطي وحارشته قال منيب نادم يبي يبن انه معليه من احد
علي :الحمدالله انه عدت على خير ...
محمد بتحذير:سوى مشكله وتعاله استفزع به
علي :يأخي دريت انه موب نافعني الا هو!! شفه ملعون الخير خلى لي السياره اليوم الثاني عقب دخلت مفلح السجن وبعد ناكس راسه
محمد : ترى خابره اكثر من نفسه وعارف انه لوتجيه بيروح معك بعد بس احذرك ياعلي انت رجال راعي اشلل ومشاكل
علي ينزل راسه :العذر والسموحه لاتنسى انه من جماعتنا ويضره الي يضرني
محمد بنغزه :وش الي يخليه يفزع لك وهو اعرف بمشاكلك

[7btin]

بعد صلاة الفجر الهنوف مانامت ساهره عند التلفزيون راحت اتقوم لمياء تصلي واذاكر وبعدها اتجهت لغرفتها تنام ..
صلت الفجر البست وانزلت تحت تفطر والكتاب بحظنها على الساعه سبع اضرب بوري الباص اركبت وهي مرتبكه امس كلهم في البيت ولاذاكرت زين ومنيره وبنتها وكل شوي نازله افتحت الكتاب في حظنها وقعدت تذاكر بصوت خفيف
وقف الباص على الخط بين النعيريه والكليه الكفر بنشر
لمياء في نفسها ياويلي وش ذا الحظ عليس يالهنوف يوم خلصتي اخرب
البنات ينعدن على الاصابع بماان نصهن خلصن امس
مشاعل بصوت عالي :محمد وش فيه
الهندي:سياره خربان كفر والله مدري وش مشكله
مشاعل :الله لا يوفقك ياحمار ماشيكت عليها
الهندي بخوف:مافيه شوف شي ..شوف سياره برى
لمياء بتوتر :الله يستر من السيارات الي برى
مشاعل تراخى في كرسيها:انشالله يجي احد فاتح عين وينقذنا
لمياء بستهزاء:هذا الي همتس..
مشاعل بنرفزه: وشدخلتس اخت لمياء
لمياء تنطشها وتحاول تركز في المذاكره الخوف سيطر عليها صكت الكتاب وحطته جنبها
محمد بتصفيره :يووه ياشيخ شف الباص.. لبنات الكليه هذا خطهم!! يااااه على الحظ ماحلاه..
وبستهبال ..ليتني لبست الغتره البيضاء اكشخ
مفلح يعدل ظهره ويناظر لقدام :تكفى يامحمد وش اسوي.. حيك الموت والله انا!!. مسح شعره لورى رتب قلابي ثوبه من فوق كان بيصكه بس هون وهو يسحب شعره الطويل لاسفل ارقبته
محمد :ههههه شفت اني مبروك خليتك اتوصلني وانت ماعليك دوام
وقفو عنده وانزلو مفلح يناظر الهندي :خير محمد وش فيه
محمد بقرف:ياليل قله الزيدي ينفع ترى
مفلح يناظره ويضحك :ابشر ولا يهمك
مشاعل تناظر مع الدريشه :لبى الضحكه ياويلي خقق وغميزته
ناظرت لها لمياء وارجعت تناظر في الرجال وبخبث حلو اشوف وش يسوي مع الحريم
الهندي :هزا كفر مافيه معلوم شوف بابا
مفلح :وخر بس هذا معاد فيه رجى ..رقى في الباص ورقى وراه الهندي على طول
مفلح يلتفت على الهندي ويهز راسه :الكلب الي خلاك تسوق ماخلى الي وراك يتولاها
محمد بصدمه هين يامفيلح يشين حكيه علي عندهن
يلف على البنات وهو يدور بعيونه عليهن وببتسامه جذابه:الي وراها يعني امتحان بدري تجي معي والباقي والله عاد اسف يجن ثنتين ..
محمد يضحك في نفسه احليله مانساني ثنتين احسب علي
البنات يتهامسن الي خايفه والي تضحك ومعجبها الوضع
لمياء بستهزاء مشالله عشان كذا منتفخ وضايق اثروه الاخ كذا مأخذ على الخياس
رقى محمد على الدرجات الولى ونبهه:مفلح لايفوتني الدوام خلنا انكلم لهم الشرطه اتسنعهم..
مفلح خزه بنظره بمعنى الله ياخذك
لمياءخليه يوديني ولد خاله على الفاضي ماعليه ان مافشلتك قامت وراحت له وقفت قدامه على طول التفت لها مبتسم وبانت غميزته اليسرى
مفلح بسرعه :هلا والله.. تبين الجوال اتكلمين؟؟!
لمياءبهدؤ :لا ابيك اتوديني للكليه
انصدم ماتوقع احد بيوافق كان يبي يحاكيهن بس
لمياء :انا لمياء بنت خالتك نوره وراي امتحان بدري ودني
\\\\\\\\\\\\\\
انصدم وافتشل دخل اصابعه بين اشعره والتفت على محمد شافه يناظرهم صد عنها وتكلم بصوت واطي :لا ماقدر معليش خويي معي والبنات اذا شافوتس يحسبونتس خربانه ارجعي لمكانتس بسنع لكم احد
لمياء بقهر وفشله :بس بقى ربع ساعه على الامتحان
مفلح بعصبيه خفيفه:خلاص ارجعي انا بتصرف ....وانزل على طول
مفلح لمحمد وهو نازل ومستعجل :وخر وخر عن الدرب وانزل ياله
محمد لف وانزل بستغراب
مفلح يلتفت على محمد :محمد روح جب لهم كفر كبير الله لايهينك.. مايصلح كفر موتري السبير!..عاوني ولاعليك امر انا بجلس عندهن..
راح محمد لاقرب بنشري وجابها ومفلح عينه على الباص ويتسمع لاصوتهن ..وفي نفسه وبقرف لعنبوهن مايستحن اثرها بنت الخاله ماخذه على الجراوه كانن يتكلمن فيه ويتميعن ياعيني على الرزه والضحكه لبى الي يفزع وصل محمد بالكفر ونزله
راح له مفلح وارفع ثوبه وتحوزم به
البنات يناظرن وبعضهن رافعه نص غطاتها عافاني الله ويقزن
مشاعل:مشالله على مفلح بس اسمه داخل عرض بشكله وشخصيته
منال وهي ترفع تبي اتناظر:ولو الاسم مايعيب ياشيخه..الي معه والله موب شين
مشاعل :اااه بس على الي كلا الجوء عليه
لمياء بستغراب مسرع واحفظن الاسم
مشاعل :الله ياربي جنتل مان جعلني اخذه ياربي الله يكتبه من نصيبي
لمياء تكش عليهن :مالت على ذا الوجيه
ناظرن فيها منصدمات :وش دخلتس والله لوه رجلس وش بتسوين بنا
اسفهتهن لمياء وصدت
خلص وارفع راسه للهندي بجديه :يالله الزيدي اركب الله ياخذك ثاني مره معلوم كيف ركب
الهندي خاف :طيب طيب
فك ثوبه ونزله:بسرعه على طول كليه طوف سياره مافيه مشكله
محمد :ماسرع اخبالك من جدك
مفلح بصدق:الحمد الله الي وقفنا لهم
محمد يضحك :ايه والحمد الله الي ماركب معنا احد منهن
مفلح :هههههه
شغل الباص وتوه بس يحرك وقفت مشاعل ومسكت الدريشه :يسلموووووووو ياقلبي ..ارفعت يدها باي مفلح
مفلح مبتسم لها وارفع صوته: ماسوينا شي.. واشر لهم بيده.. بالتوفيق حلي زين
اضحكت مشاعل ولمياء منصدمه اول بقول مادرى ان فيه احد يعرفه وماخذ راحته يسولف لهن بس ذلحين اعرفني
محمد :هي الي كان اتحاكيك..
حز في نفسه يحط لمياء انها من ذا الشكال وبدون اهتمام:لا لا وحده ثانيه خبل تراجني ماسويبهم شي
محمد :سنايدي ابو سعد
مفلح يضحك :ياله بدايه حلوه لذا اليوم
\\\\\\\\\\\\\\\
بعد كم يوم الطلاب في نص امتحانتهم وبنات الكليه قد لهم اسبوع خالصين والنتايج اليوم راحت نوره خذت نتيجتها ناجحه وجابت نتيجت الهنوف وساره ولمياء
الهنوف بقلق:ها نوره بشري
نوره بلعانه :لا لا تعالونا في اليل اسهرو عندنا وبعلمكن ..علمت ساره بس واثقه انها بتجي فديتها..
الهنوف بقلة صبر:لاتصيرين سخيفه بسرعه تكفين
نوره :لا سخيفه الي يببي شهادته يجي!!.. هههههههه خلوني احس بالسيطره
الهنوف بستدراج :طيب علمينا وبنجيتس
نوره بعناد:لا انتو خاصه ماتجوني مااثق فيكم تعالو اول
الهنوف بيأس :خلاص بس والله لااسقط بتندمين.. الهنوف وكنها تذكرت ..تعالي علميني عشان لاسقط خاف اصيح عندكن واتفشل
نوره: منتب صايحه انشالله خلي قلبتس قوي مع السلامه ..وسكرت
لمياء :عيت اتعلمس
الهنوف:بروح لهم اصلن انا ودي.. علمت ساره الحماره يحبها للمصالح تبيها تمدح بها عند راشد
لمياء تضحك :صاحيه.. ياختي خليس مثل الناس عندها فهم موب كلن يلعبتس ويمشيتس على كيفه..
حز في خاطري كلن يلعبي من الي العب بي غيره وانا بدون حيله ولا عشان صبرت وخفت عليهم وانا الي ماتحمل انهان الله يذوقه الي ذوقني اياه سكت والي خفى في الصدر يوجع
في اليل مالقن احد يوديهن فهد يذاكر وارفض يروح مادته صعبه كلمو نوره وقالن لها احلفت عليهن يجين وان ماياخذن الشهاده الا اذا جو بيتهم قالن لها ان قلنا لفهد ودنا وارجع ذاكر بس ارفض مادته كثيره
اجلسن منقهرات ساره عندهم ياحظها راشد مدلعه وفالتها مع نوره

لمياء بملل :غريبه منتس تهبط همتس ماتصرفتي ووديتينا لهم
الهنوف :لاتنقرشيني وتخليني افزع
لمياء :اااه لو داريه بتسوين شي كان
دق جوال الهنوف ولفت له :هلا
نوره :الهنوف شوفي مفلح بيجيكم تجهزو
الهنوف بوناسه :فديت روحتس الله يخليه لكم ..صكرت وعلمت لمياء
لمياء بقرف:الحمدالله وانتي مستانسه بتروحين مع راعي ذا لابنات
الهنوف :امشي بس هو رجال اكيد انه شاف باصكم وفيه بنات كذا كل الرجاجيل ...ضحكت عقبها البسن ودقت نوره يطلعن له
الهنوف تركب :السلام عليكم
مفلح :وعليكم السلام وش لونكم
الهنوف:طيبين طاب حالك وش لونك انت عساك طيب
مفلح:بخير ولله الحمد وش لونتس لمياء
لمياء ارتاعت وردت بهدؤ:طيبه
وصلهم احتراهن لين ادخلن عقب راح
ادخلن والتفت لمياء على الهنوف وتكلمت بستهزاء: الله على باله يبي يتاكد انا دخلنا مهتم مره احليله
الهنوف:ايه مهتم ماشفتيه يوم درى انتس في الباص ماراح لين تاكد انكم مشيتو بعدين كيف اعرف صوتي وصوتس يوم اسال عن اخبارتس هااا ..وتغمز لها
لمياء اتصرف :ماشفتيه مبتسم ومستانس وتقلده .. بالتوفيق حلي زين ذاب على مشاعل من زينها
نوره تقاطعهن :جاين من بيتكم وتسولفن ماشبعتن من بعض
الهنوف بلعانه:لميا ءامسكتني الا تبي تعرف مفلح يكلم بنات ولا لا
لمياء بصدمه :ياالمنعونه نذر انها تكذب اعلمها بسوات اخوتس فازع لباصنا يوم خرب يعني وانه كان يناظر البنات ويناظرونه بس..
كشت على الهنوف وتعدتهن لداخل
نوره بصوت عالي:توتس اتعرفين مفلح يحب يلفلف بعيونه يفشلني في السوق الله يصلح حاله.. اامسكت يد الهنوف وراحن فوق
نوره :لمياء سمي شهادتس ناجحه مبروك
لمياء تاخذها وهي منغاضه :الله يبارك فيس امثله الدور من جد والله
نوره اتناظر الهنوف : والله ماتوقعت ماعليش ..مدت الشهاده عليها وشافتها مطنشها تعليقها
الهنوف بصدمه :لاااااااا وش ذاه الله ياخذه الله لايوفقه سقطني ..تخنقته العبره بس حاولت ماتبينها
نوره وساره يطالعونه بهدؤ ومتضايقات
لمياء:وريني ..خذته بعدين حطتها قدام الهنوف
نوره : عادي والله احمدي ربك بس مادتين ولاكان بقيت لسنه كلها انشالله تمتحنينها مع بداية الترم وتنجحين
ساره بهدؤ:بتنجحين لا تخلينه تاثر بعطلتس انسي الين شهر ثمانيه وابدي ذاكري بتنجحين انشالله عقب
الهنوف مبتسمه بالم:ماتوقعت حسبت اني خلصت من الكليه مره واحده الله يعين
لمياء:ياله خلاص وسعي صدرس اصلن ذا الدكتور ينجحون كل الي يعيدون عنده الدور الثاني
الهنوف :بس انا كل مواده الي يدرسن فيها حملتها اوف لعنبوه ذاك الصوت المخنز
نوره:عاقبس ربي يومتس اتنكتين على صوته
الهنوف :ااااااا ه جعله من ذا الصوت واردى جعله الطرم
البنات:ههههههه

نوره :وسعي صدرتس بكره الاربعا العيال ماعندهم شي خلهم يودون للمجمع
الهنوف:حلووو انسى شوي
نوره :خلاص على راحتكم بس المغرب ها لاتنسون
اسهرو عند نوره ولا ابطو على الساعه 1 منيره عندهم بيقومن بدري عشان الحريم الي يزرونها ضحى وعصر وبعض الاحيان المغرب اربع وعشرين ساعه يعني
البنات انزلن تحت ونزلت معهن نوره
الهنوف بفشله: جابنا ورجعنا يافضحي منه
لمياء :احسن توتس تحسين اعلمس
نوره :عادي والله.. فاضي ماوراءه شي ماخذ اجازه خلن انحركه شوي
اضرب بوري واطلعن له
اركبن الهنوف تعلي صوتها بحراج :معليش مفلح ضايقناك
مفلح بوسعت صدر :اخذن راحتكن وان بغيتن شي دقو على نوره وبجيكم لين يخلص فهد انشالله
الهنوف :ماتقصر ابو سعد
وصلهم وانزلن وقفن عند الباب يطقنه متصكر طقن ماحد افتح ..
الهنوف :وين منيره دقي عليها تفتح
لمياء تدق ومرتبكه:مشغول اتكلم رجلها اكيد
انزل مفلح ووقف عند العتبه :مافتحو الباب
الهنوف:لا.. ذلحين بندق على امي
دقت وامها جوالها امفضي ماتعرف تشحنه
لمياءبرتباك:قالتلي اشحنه بس نسيت
مفلح بمزح:نسيتي تشحنينه اجل اطمري افتحي لكم الباب انا رجلي توجعني...
التفت له لمياء وقلبت اعيونها عليه بقرف يبي يتفرج ذا المغازلجي
مفلح في نفسه ماعندها الا وحده
مفلح بلعانه :كان برفعتس لين ترقين بس الظاهر انتس ثقيله ..تقدم لها ..ابعدي ابعدي
كان واقفه عند عمود مظلات السيارت الي ملاصق للباب
لمياء بهدؤ:منيب في طريقك روح مناك.. وتاشر له
الهنوف تقبص اختها وتقصر صوتها :لمياء ابعدي عنه يالي ماتستحين
قرب منها ومد يده لها امسكها مع اذراعها ومشاه بيده قدامه وابعدها :اني اشوف منيب على عازت اتعلميني الدرب
هدها وهي راحت صوب الباب والصقت فيه انزلت ادموعها يمسكني على كيفه والله لوعندي اخو كبير ما يتجراء
قرب سيارته من مظلت السيارت حقتهم مسك طرف ثوبه ونط على المظله اشوي وافتح لهم الباب تفاجاء بلمياء متعانزه على الباب وهو افتحه بسرعه تمسكت في عروت الباب
مفلح يعنز لها :اوه اوه اشوي اشوي الله يصلحتس ...
لفت له بدون صبر وقهر عدلت وقفتها امسكت يده الي عليها ورصت عليها باظافرها وحذفتها عليه وابعدت عن طريقه
الهنوف افتحت فمها بنصدام
مفلح مبتسم وماسك يده وبصوت ساخر:قوي السان يقدر يطول يده
الهنوف:اسفين يامفلح ماتستاهل من يفتح لها الباب
لمياء رافعه خشمها :وخر عن الباب بدخل الظاهر جازت لك الوقفه والسوالف مع النسوان ماخذ عليها
مفلح يصك على اسنانه ويغلي من داخل :ايه ماخذ عليها مع واجد بعد.. مرتي قاهرتس سوالفي الي ماخذ عليها!! وترى وقفتس ومجيتس لي في الباص مانسيتها..
اطلع مفلح وهي ادخلت على طول شغل سيارته وراحت له الهنوف: مفلح امسح في وجهي والله انه توه بزر
مفلح بدون اهتمام :ماصار شي الهنوف مثل خواتي
ادخلت الهنوف وراحت على طول للمياء الي قاعده وتفسخ عباتها
الهنوف بغيض :الله لايوفقس يالحماره فشلتينا عنده وشهاالحركات الميه الي تسوينها؟؟..
لمياء تلتفت عليها بعصبيه :ماسكن يدي يحسبني بذوب عنده وش على كيفه يمشينا على هواه
الهنوف بستغراب :وش ذا التفسير!! وش سوابك الحين عشان تقولين يمشينا على هواه وبعدين عليس عبايه مامسكتس مفسخه
لمياء تصيح :الا نوره مكلمتني ذاك اليوم عشانه يقول ليش تطلع للبقاله!!.. وتكلم الرجال وش دخله موب هو الي بيحاسبني ولا بعد يوم جيته في الباص ابيه يوديني عيا يبي يقابل البنات ..طيب يقابلهن بس انا جيت واستفزعت به
الهنوف تروح لها امسحت على ظهرها وبرحمه:خلاص حبيبتي انتي قدتس كبيره المهم انتس تسكتين وتعرفين انه رجال والعيب بيحطونه عليس مهما سوى
لمياء تمسح ادموعها :ماعلي منه بس مابيتس تظلميني!!..
...ابتسمت لها الهنوف واطلعت منها ..
البست ابجامتها وانسدحت على السرير تقلبت بعجز ان النوم يجيها حطت يدها على راسها ورصت عليه ابعد عني صايع ويحب البنات ليش يفكر فيني كذا وهو حتى مايعرف اخلاقي اقعدت بفتور وقلق ماظن يجيني النوم وانا افكر اطلعت للهنوف مالقتها في الصاله شغلت التلفزيون وهي تفرج عليه بملل
اقبلت عليها الهنوف واجلست جنبها
لمياء :والله لويشوف ابوي ذا البجامه عليس بيزعل
الهنوف:وش الي خلاني البسه الاانه موب موجود
كانت لابسه برمودا وردي قطن وقميصه سيور وردي بكتبات صفراء ..طبعن عند بعضكم ساتره بس ابوي ممنوع عنده البجامه بكبرها لارح فلينها وياكثر مايروح ويبطي
لمياء :وش بتسوين في موادتس حذفتي كتبها
الهنوف بتذكر :مالت عليه ماخلاني اتهنى باجازتي الحمدالله اني ماحذفتها بذاكر اذا بقى اسبوع قبلها بس فاضيه له انا
لمياء :من يومتس كسلانه مادري كيف نجحتي السنوات الي راحت سبحان الله!!.. يدزونتس وذا الدكتور حط حد المهزله الي مسوينها لتس
الهنوف تسمعها بنتقاد:يوم نجحتي فليتها في الكلام
لمياء:هههههه

[7btin]

البارت الثانى عشر

في الدكه مع اخوياه وبقهر اعوذ بالله مأكلها السانها جعله القص المس مكان يدها والله بين انها منغاضه ومرره بعد ودي اشوف ذا المفعوصه!!.. لازم اشوفها لو لمحه
محمد يناظر يده :مفلح وش بلى يدك ..طالعها محمد يتمعن.. والتفت على الشباب ههههههههاي شباب لايفوتكم يده ابه اثر اظافر
علي يقرب له :لاعاد ورني
دزه مفلح :روح انت وياه بنت اختي العبها قهرتها وسوت كذا
محمد يضحك :والله لو تحلف خابر انا
مفلح ببتسامه يرفع حواجبه الثنتين :ياحلو لو اشر لها باصبعي جات وهي تضحك بعد
علي بصرخه :ياواثق
مفلح يلتفت على محمد:ماهوب صح يامحمد؟؟..التفت على الشباب حتى انها جاتني وانا الي عيت
واحد من الشباب :اماااا اتعيي
محمد يبي يقهره :افا يامفلح كل ذاه بترد اعتبارك!!.. تكذب على اخوياك لالا هي صح جاته تبي رقمه.. وهو تعلق فيها يبي يبوسها !!بس اطلعت اقوى منه واطرحته
مفلح اضحك وحذف عليه دبة الماء :اتعقب يالسربوت ..قام مفلح استاذن منهم واطلع الحقه محمد عند مواقف السيارت
محمد يناديه قده طالع من الاستراحه :مفلح
مفلح :هااا
محمد :عسى مازعلت
مفلح خزه بنظرات استهزاء واركب سيارته
محمد:الي يزعل شو بن اؤله مفلح احمار احمار
مفلح يبتسم :وخر وخر قبل اساويبك بالزفلت عاد الون متقارب بتطبي محد شافك ..اشخط مفلح بسيارته
محمد ميت ضحك وبصوت عالي:اذوب على الابيضاني
\\\\\\\\\\\\\\

من بكره وافقت ام فهد للهنوف ولمياء بعد حب الخشوم وواسطة منيره وداهم فهد عقب مدرى ان مساعد بيروح اوصلن البنات سوى والعيال حطوهم وراحو
ساره :يالله من زمان مجينا سوى
الهنوف بكذب :كله منكن اقولكم انروح وانتن ترفضن..
نوره:ههههه يعني تغدينا قبل انتعشاك..
لمياء :ايه مره دايم انقول تعالو ولاتجون!!
الهنوف بستهبال :لمياء امشي نشرب عصير بس..
ساره :عاش امصرف..
الهنوف:هههههه
اجلسن على الطاولات المجمع الهادي والقديم صوت البزران في الملاهي هو الي معكر هدوه بس
الهنوف :يالبى على البنت شوفن
ساره :ههه عادي عشانتس تحبين البزران بس
الهنوف تقوم :ههه بروح لهم هناك
ساره:بروح معتس
راحن للملاهي وقفن عند سلة الكرات
لمياء :ماقعد معي الا انتي
نوره :لازم نلقى حلى ونتفارق
لمياء :بس ماقدر افارقتس
نوره : لا يكثر ولقيت الحل!!.. روحي لراعي المحل سولفي عليهم وانا بتقضى
لمياء بغيض :الهندي يسوى مواطيتس
نوره :هههههه زعلانه شوي ولا واجد
الهنوف : ياحلوها البنيه
ساره:ياكثرهم ايهم
الهنوف :هذي ياكتكوته..وتاشر للبنيه الصغيره
جاتها ووقفت عندها ومعها كوره صغيره
الهنوف تضحك وتقرص خدودها :وش زينها وش اسمتس
البنيه بخجل: رفيف
الهنوف تضحك بتعجب:لبى الاسم وراعيته ..ياحظهم اهلتس
ساره:قولي مشالله تذبحين البنيه
الهنوف:لا جد والله تهبل شكل امها السوريه شوفي اتناظرنا
ساره :سبحان الله تشبه لها بس البنيه املح منها..!!
الهنوف تحرك رموش رفيف :عشان مافيها ارموش .. كذا الاجانب
ساره:يعني معجبتس
الهنوف تمسك يدين البنيه من ورى الشبك وتبوسها وبهدؤ :اذوب عند الصغنونات مشتاقه لوحده
ساره :انتي عكسي تمام ماحب الاطفال ..**
الهنوف تناظرها وبعتب:ليه...يعني ارجع هالسبب لتسقيطه للبيبي الي كان في بطنتس
ساره :لا لا هذا راح ورحمه من الله وكيف يعيش بين ابوين مطلقين
الهنوف:طيب حب االاطفال رحمه
ساره :يمكن عشان ماعندنا اطفال في بيتنا من زمان ماتعودت
الهنوف تهز اكتافها هذ عذر يخليها تحب الاطفال اكثر
لمياء توقف وراهن :ياعيني على البنت محلاها
الهنوف تضحك :شفتي وش حلات بسمتها
نوره :عطيني بوسه ياحلوه
اضحكت البينه ودنقت راسها
الهنوف:هههه رفيف بوسه لي ططيب انا
قربت من هنوف وباستها
نوره :مالت عليتس انتي وبزرتس
الهنوف:والله اول بنت لي اسميها رفيف
لمياء : خلو البنت تروح الهنوف هديها.. اضحكت الهنوف وهدتها قربت رفيف والمست رموش الهنوف الي غمضت بضحكه
رفيف بصوت ضغير:عيونك حلوه فيها رموش مرره انا ماعندي
البنات :ههههه
الهنوف :معقدينها شكلهم ..يالله روحي لماما راحت عقبها اتناقز وتكمل لعب
لمياء:بنات خلونا نطلع بطريق المشاه قبل يجون العيال
ساره بتايد وحماس :يالله بسرعه
نوره بخوف :لو يدري مفلح بيضيق وين رايحين
الهنوف:بس اشوي ونرجع ترى موب امن
اطلعو له فاضي بعض الناس القليله الي تمشى اغلبهم اجانب
لمياء :الـــله رهيب الهدؤ اعشقه
نوره بغمزه :يارومنسي.. خلو عينكن عليهااعرفها ترى من نوعيتي ههههه
الهنوف :هههه لا وزعلانه مني يوم اقول لامي في البر انها تحتري اعيالهم
ساره ونوره :هههههههه
يمشن وهن يسولفن وعقب جلسو على رصيف المشاه
لمياء :انتي ماعرفتي تصغينها يالحماره انا اقول انه اذا جاؤ بيصيرون يمشون خواتهم وبروح معهم وراحت اتعلمها صراحه معاد دريت وش لون اصرفها
الهنوف :هههههه اصبري علي احب القافه ولا انحاشي من البيت ازبني مفلح ههههه
لمياء انصدمت من الهنوف ..يالله الحين بيفسرونه على كيفهم هين ياهنيف
نوره :ههههه لا تبين اتنشبينها برقبة مفلح تحب اتلف بعيونها وهو مثلها
ساره :هههههههه وافق شن طبقه عشان ماتزعل منه لاناظر البنات اتناظر هي بعد
لمياء :خير خير وش دخله بالسالفه وشلي به يناظر ولا لا..اسكتت وابنات كملن يسولفن ولمياء تناظر لقدام بزعل ..
بعد دقايق لفت لنوره خذت نفس
لمياء بخبث :نوره جوالس اشوي بس
عطتها نوره الجوال ولمياء ارسلت لمساعد انه يجي وقالت تعال بلحالك انا بس الي بروح على لسان نوره
وكملت السوالف عادي وفجاءه :هههههه
البنات التفتو عليها :خير اسم الله عليس
لمياء تمسح ادموعها من الضحك :صراحه تخيلت الموقف
الهنوف بتوجس :وشو لموي وش مسويه
لمياء :انسو خلاص ..
يالبى الي بيزيد الرشاقه التفتن البنات على صوت واحد معه خويه يتمشون
لمياء اضحكت بشويش
الهنوف :هاذا الي تبينه الله يجزاهم خير وسعو صدرك
ساره :خخخخخ انزيد الرشاقه وجالسين
نوره :امشو بس خلاص مارتحت
ااقربو منه الشباب :انتسابق وشرايكن
نوره بستهزاء :قومي لمياء سابقيهم ..يتكلمن بصوت واطي عشان مايسمعونهم..
لمياء :ههههه اخاف يحطون نقطة الوصول سيارتهم
نوره:هههاي
واحد منهم :هيه الي في الاخير امشي اركضي ونا بنهرول ولتس الف يقصد لمياء
لمياء:هههه كنه داري انه ودي
الهنوف :امشن امشن بسرعه
وهن بالطريق دق امساعد :نوره اطلعي انا برى
نوره براعه : طيب ..صكته منه ولفت للبنات..ياويلي وش جابه معلمته مايجي لين ادق وش اسوي
الهنوف :امشي بنروح وبنقول طلعن نمشي اشوي وش فيها
نوره :لا لا ماتعرفونه بيعلم مفلح على طول وش الي ودانا اهناه كله منس يالمياء مالت على الي بيطيعس...!!
لمياء :امشي وش فيها كل الناس يمشون
راحن واسفهو الشباب الي كملو يدورون غيرهن والسياره قدام المجمع البوابه وحده
لمياء :انا والهنوف بنحتري فهد
الهنوف تلتفت عليها: دقيتي عليه
لمياء بخبث وهي ميته ضحك من داخل :ايه
راحت ساره ونوره لمساعد
نوره:السلام عليكم
مساعد :وش الي جابكن منا
نوره :روحن .. ومادرت وش تقول واسكتت
مساعد :من الي واقفات اهناك ليكون بعد صديقاتكن متواعدات معهن
نوره :لا هذي بنات خالتي نوره
مساعد :وين جايات منه قبل اعلم مفلح
نوره بخوف :في طريق المشاه
مساعد يلتفت عليها:لعنبو ذا الوجيه وش الي وداكن الساعه 11 وظلام
نوره :لمياء يقول الدكتور زين لها المشي وروحنا عشانها
مساعد :في اليل عاد!! ماعليه هين هين ..
اسكتت نوره وساره مرتاحه اخوها راشد موب اهناه وموب كثير يندمج مع اعيال جماعتهم
الهنوف:تاخر وش فيه
لمياء :بجي اصبري لاطيرين
اوصل لهم فهد واضرب بوري قدامهن واركبن
فهد :غريب واقفات برى قبل اكلمكن
لمياء تصرف :الله على السياره لازم لاجات الدومات اتوديني يوم
فهد يناظرها بسخريه :يصير خير
نزلو ساره في البيت وراحو لبيتهم
مساعد بنجاسه : والله ان ياصل العلم مفلح.. ماقلت شي يوم ساره معنا ذلحين اتشوفين يالوسخه
نوره بنرفزه:خير خير ترى رحنا انتمشى ماهوب انغازل...
وقف امساعد انزلت نوره قبله وأدخلت بسرعه
مفلح جاي من المطبخ ومعه كاس مويه :من وين جايين
مساعد بسرعه :مفلح وديتها السوق يوم جيت أخذاها لقيتها ماهيب فيه
مفلح بصدمه :وش لون ماهيب فيه
نوره تناظر مساعد بصدمه:لاتزيد.. يكذب يوم جاء ياخذنا كن رايحين لطريق المشاه بس
مفلح بعصبيه :وش موديتس له تالي اليل مافيه الا اجانب ورجاجيل
نوره بخوف :والله انا ماهوب قصدنا شي.. بس عشان لمياء تعبانه والطبيب معلمها تكثر مشي بس والله .."استغفر الله يارب حلفت وانا اكذب كل منها ذا الحماره
مفلح بغضب:تعبانه تروح تمشي بلحالها في مكان ماهوب ذاه ولاا قامت تمسكن قدامتس انا ذا البنت حاس انه ماهيب مضبوطه
نوره يالله مادريت انه بتاصل ذا المواصيل :لا والله ماقلت لي شي انا الي روحت ودي
دزها مع كتفها بقوه وهي واصله معه :امشي فارقي وعوديها انتي وياها
ناظرت نوره مساعد وقلبت اعيونه عليه (هذا الي فالحات فيه)
\\\\\\\\\\\\\\

كان اسبوع امتحان الطلبه تجينا خالتي نمشه كل يوم وذا روحنا لها تجي ساره عندها لارحنا اهناك اطلعنا خالتي نمشه وتمشينا يامجمع يامطاعم كثير تحب تطلع معنا وتوسع صدورنا
ساره :يالله اسمحو لي بروح
ام مفلح :لا والله ماتروحين
ساره :لا ياخاله لا تحلفين بروح
ام مفلح :امتس مهيب رايحه لجدتس امس (ام سعد ابو مفلح في قريه جنبهم )
ساره :ايه
ام مفلح :وين راشد
ساره :في البيت
ام فهد :خلاص يأمي روحي معهم استانسي علمي راشد بس
الهنوف:يالله بسرعه البسي عباتس مارحتي معنا ولا مره
نوره :تبين امي تكلم راشد
ساره :لا مافيه ادعي بكلمه انا
كلمته ووافق لها تروح معهم
ام مفلح :جهزو حالكم بكلم مفلح يجي اذا كنه فاضي
ام فهد :اذا كنه جاي من الدوام
ام مفلح :لا عنده اجازه
لمياء تهز اكتافها:خاله عادي نروح مع تاكسي مثل كل مره
ام مفلح :لا ازعل مفلح عقب مادرى يحسب انه يودينا راشد لاني قلت لها مره وكذبت عليه
ام فهد بعتب :كاذبه عليه
ام مفلح :وش اسوي به ياختي يرفض وانا ماعلينا خطر كثير والشوارع ماتفضى
دقت على جواله ورد عليها
مفلح :مرحبيتن
ام مفلح :السلام عليكم
مفلح :وعليكم السلام
ام مفلح :يابوي حنى نبيك تودينا نغير جو ونتمشى بالجبيل
مفلح :من انتو
ام مفلح :انا والبنات
مفلح بملل:يمه الله يرضى عليتس اوديكم وش اسوي هناك
امه:تعال وبتستانس
مفلح :لا يابعد قلبي انتي ماقدر
ام مفلح بضيقه :لا تزعلني
مفلح :لا ومن يقدر على زعتلس اذا جاء نص العطله لكم من يوديكم بس الحين اعذرني
ام مفلح :يعني انهون
مفلح :فيه خيره انشالله
ام مفلح تنهد : في عندك شغل الى هالحد مايتاجل
مفلح :الى راسي مشغول
ام مفلح :وينك انت
مفلح :في بيت محمد وفي يدي اوراق لازم انخلصها بدري
ام مفلح بضيقة صدر:معليه اجل مع السلامه
مفلح :مع السلامه
ام مفلح تلف لهن :مشغول
لمياء ببتسامه فرحه في نفسها حلو احسن لايجي.. شايف نفسه مايبي يودينا اسعدها والله من ساعه
نوره :انا بدبرها لكم دقايق بس ..راحت لابوها الجالس في فية الحوش تقول لها
ام مفلح :ماضنتي يابنيتي انتس راعيات حركات وبيطيعتس
الهنوف :ههههه وش دراتس يمكن ذلحين تجينا
ادخلت نوره وهي تضحك :يالله اركبو السياره
ام مفلح :زين به رجاء.. راحو للجبيل الساعه تقريب الاربع اقرب مدينه لهم
الهنوف تقرب من خالتها وهن يمشن متجهات للمجمع :خاله وين بيروح ابو مفلح
ام مفلح :ادخلو المجمع وانا بروح انا وياه نجلس بالحديقه المجمع
الهنوف:هههه لبى الشباب

نهاية البارت الثانى عشر

[7btin]

البارت الثالث عشر

ادخلن المجمع وام مفلح ارجعت لابو مفلح رايحين لحديقة المجمع المطل على البحر
الهنوف تدخل االاصنصير :واوا هذا المجمع موب ذاك
لمياء :هههه ولو تعيش النعيريه حتى عجها
ساره :اي والله سبحان الله غير حتى بجوها
نوره :يعني معجبتس جوها
ساره :ههه لا بس حلو
بعد عدة جولات في المجمع ادخلو لصلاة المغرب صلو واطلعن يكملن جولتهن لمياء شرت كل شي نفسسها فيه والهنوف متفرجه بس
نوره :الحين انتي بالله منقطعه من االاسواق
لمياء :تبيني اندم لاجيت اهناك ...كملن طريقهن وهي وقفت وراهن بهدؤ اهاااا هو هنا يعني
وناظرت فيه كاشخ بالشماغ والسكسوكه وملفت للنظر برزته وجذابيته جالس مع خويه على الطاولات ببتسامه وعيونه تلف وتدور على الناس وقف وراح لجهة المطعم متكي بيده على الطاوله ويبتسم لوحده تناظره بخجل كاذب وعقب قربت منه خذا الجوال يبتسم وغميزته اتبان لفت عنه بهدو عقب ماشافته ينقلها الرقم
ابعدت منه البنت وهو يتبعها بعيونه الى ادخلت في المحل الحقتها لمياء وادخلت وارءها
لمياء تقرب منها وبهدو:ليش ناظرتي لرجال... تاخذين منه الرقم!!
البنت تبتسم :تبينه بعد انتي ..حلو مو
لمياء :انا سالتس!!! وبعدين بيكلمتس..
البنت :ااعجبني مثل ماعجبك والحقتيني عشانه وراح يكلمني اجل منظر الرقم..!!
لمياء بسرعه:انا مالحقتتس عشانه..كنت ابي انصحتتس..
البنت :شكرا على النصيحه... ممكن تبعدين من طريقي
لمياء ببرود:طبعن... راحت البنت ولمياء تمرر السانها على شفايفها بخبث دقت على خالتها
ام مفلح :هلا لموي
لمياء :خاله بنتاخر
ام مفلح :الى الساعه 12 تقريبن..ليش
لمياء :لا مافيه شي بس عشاني لقيت مفلح موجود بالسوق!!! استغربت
ام مفلح بستغراب:وين لقيتيه
لمياء ببتسامه :موجود هنا في كراسي المطعم
ام مفلح بشك :اكيد
لمياء :ايه تعالي وشوفي بنفستس
ام مفلح بقهر :خلاص يامي مع السلامه بكلمه
لمياء :مع السلامه.. صكت منها واضحكت
صوت جوالها يدق ارفعته بفرحه وردت
لمياء:هلا
الهنوف : تعالي حنى بمطعم النساء
لمياء:يالله ثواني
طلعت اسمه ودقت عليه وبدون مقدمات:مفلح وينك فيه
مفلح :الله يهديتس يمه عند محمد
ام مفلح :انا تعبانه ابيك توديني للمشفى
مفلح يتنهد :مأقدر..شوفي ابوي وينه
ام مفلح :مأتقدر ..وبصوت عالي وغاضب...انا مابي الانت تعال وودني
مفلح يطق بصابعه على الطاوله:افااا دقايق الغاليه وانا عندتس
ام مفلح :احتريك ..... بعد دقايق اطلع من باب المجمع معه محمد رايحين لسياره
ابو مفلح يجيها ويجلس مد عليا كوب العصير:سمي
ام مفلح بغيض:تشوف الي قدامك
ابو مفلح يناظر لقدام :ذا مفلح
ام مفلح تناظره بقهر :ايه العب علي وش حاده..!! دقت عليه وشافته يرفع التلفون ببتسامه ومروق
ام مفلح :تعال يالي ضميتك وحطيتك في عيني
مفلح بستغراب :يمه وش فيتس
ام مفلح :شوفني يمين النافوره ماله داعي تطق خط النعيريه عشان اتسمحني
عض شفايفه بملل ولف بعيونه شافها هي وابوه جالسين بالحديقه
مفلح :محمد انا الحين بروح لها... لف خمس دقايق ومرني ...
محمد :اوووه شكلك مزعلها ...
مفلح ينسف اشماغه :اجل اجلس معهم واقعد اتابعهن
راح لامه واجلس جنبها على الكرسي :لبى قلبتس
ام مفلح صاده عنه:منا عيني يوم اشوفك بذالحال شايل هم ابوك وهمي
مفلح يعقد حواجبه شكل السالفه كايده
ابو مفلح :ادق عليك امك مارفعت لمكالمتها اهميه ولا طلبها
مفلح ياخذ نفس: انا واحد ماقدر اصبر والله على مشاوير البنات وازعاجهن بقولها لتس صريحه .. يعني تحملوني
ام مفلح بصوت عالي شوي:ايه لوها مرتك كان وديتها وانت مبسوط
ساكت مستسلم لامه وعينه تناظر لتحت
ابو مفلح بعد صمت :كم عمرك
مفلح يرفع راسه له :انت اخبر
ابو مفلح :الي يسوي اسواتك اتكلمك امك واتصرفها عشان شي مايسوى بس تبي تاخذ راحتك تسكع .. خبرت في يوم امك زعلتك ولو بكلمه
مفلح يتنهد :حقها علي ام مفلح لوني داري كل ذالزعل بيصير مابترت برى النعيريه
ام مفلح بضيقه :انا جمعت كل البنات ووعدتهن اني امشيهن وابيك انت توديهن يعرفونك من قريب الهنوف ولمياء وساره تختار الي تبي منهن
مفلح بعصبيه خفيفه :لا يمه الله يخليتس لي لايوصل الكلام الى هالحد
ابو مفلح :ايييه انا داري انك ضايعن من زمان
مفلح يتنفس بقهر :يبه والله ماسمعت الشينه من مجالس الرجاجيل فيني بكلمه تعيبيني ..سمعتها انت !!!
ابو مفلح بهدؤ:لا
مفلح يعنز يديه على اركبه :اجل وش ضايعن فيه ..عشان ماعرست ولا عشان ماوديت امي وخربت خطتها
ام مفلح تمسك عبرتها :تذكر ذالكلام وتنسى انك لعبت علي وفشلتي قدامهن وانت تكذب
مفلح بهدؤ:السموحه..ونذرن علي ان كان عدتها وزعلتس
ام مفلح :خلاص اجل ابوك يروح عشان مايتاخر في نومه وانت الي بترجعنا..
ابو مفلح :انا تعبت من الجلسه بروح
مفلح يعقد حواجبه:انا معي محمد لازم ارجعه وابوي بيروح على سيارته
ابو مفلح :لا كلم محمد يرجعني معه وانت رجعهم
مفلح يبتسم لهم :معليه انا بكلم محمد اجل وبعلمه
ام مفلح :ايه كلمه ...
كلمه وعلمه انه موب جاي معه راح ابو مفلح لمواقف السيارات ومفلح ادخل مع امه بالمجمع
ام مفلح بستهزاء تخز وحده من البنات :لاتكسر خاطرها خذ راحتك معليك مني
مفلح يضحك :وش ابي بهن وانتي معي
ام مفلح تلف له :بعد الله يستر ماشافتك لمياء وانت اتغازل
مفلح يزم شفايفه ويديه بمخباه:وش دخلها بعد لمياء
ام مفلح تلف منه وتكمل مشي: وش دخلها بعد هي الي علمتني انك موجود
مفلح بقهر لاااا زين فازعه لامي .. ياكرهي للبزر لاحط لنفسه مقام
مفلح بستهزاء يناظر البنات الي مقبلات عليهم
نوره تناظر مفلح:الله الله وش جابك ورانا وكاشخ بعد
اضحكت لمياء بخفيف وناظرت له صاد ومعنز يديه على سياج ويناظر تحت
ام مفلح :هذا مفلح دايمن كاشخ
لمياء تمثل البرائه :فهد يقول انه يكشخ اذا راح للمجمع بس
لف لها مفلح بهدؤ وابتسامة استهزاء على محياه صدت عنه ببتسامه انتصار
االهنوف :هذا حال الشباب اذا ماكشخو وش يحترون
مفلح مبتسم ويلف بعيونه للمياء الي اسكتت وراحت تمسك يد خاالتها وتمشيها معها قدام
لمياء :يالله خاله نكمل
مفلح :اجل انا اسمحو لي
ام مفلح بسرعه:وين
مفلح :بجلس انا ونوره على الطاولات الى ان تشبع لمياء باين انها تبي تكمل
لمياء وعيونها على المحلات اسمعت كلامه واسفهته
ام مفلح :على راحتكم
الهنوف:بجلس معهم انا تعبت
ام مفلح :وانتي ساره
ساره :لا انا ابي اروح معكم
ام مفلح : يالله
راحو لداخل المحلات ومفلح اجلس على الطاوله مع البنات بعد ماطلب لهم عصير
مفلح :ماشريتو شي
الهنوف :انا ماحتاج شي
نوره :ونا بعد
مفلح يناظر نوره :غريبه انتي ماشريتي
الهنوف تضحك :خلاص وش بعد بتاخذ من اربع شهور وهي تروح لسوق
مفلح :لحظه الحين ليش الوحده ماتاخذ معها اغراضها لارحت لبيت رجلها!!! لازم كل شي جديد...
نوره :الحين الوحده ماتصدق انها تعرس تبي تقضى اغراض جديده وعقب تقعد كذا...
مفلح يضحك:الا يالخايسه ماصدقتي تعرسين...
ابتسمت نوره بخجل والهنوف ماسكه ضحكتها
مفلح:ايوه هااا يالهنوف سمعت انتس راسبه
الهنوف تضحك :وليش تسمع
مفلح :هههه بس حاس انتس تعيشين نفس حالتي كسلانه
الهنوف :هههه اول مره اصير كسلانه ولا انا دايم الاولى
نوره :هههه الله لايضرتس
مفلح ببتسامه يناظر الهنوف وضحكتها الحلوه وبسرحان يعني لو ذيك طويلة السان مثلها كان يمكن افكر فيها
الهنوف بتوتر من نظرته صدت منه وناظرت في نوره الي تحرك عصيرها
نوره فجاءه :مفلح
مفلح يفوق من سرحانه :شوي شوي تراتس في سوق
نوره :طيب صوتي واطي
الهنوف :صوتتس واطي بس هو سرحان عشان كذا حس انها عالي
مفلح ببتسامه :صح عليتس.. كنت سرحان بس لا يروح بالتس لابعيد جات النظره غصب
الهنوف :حاول تسيطر عليها
مفلح ببتسامه: ابشري
الهنوف :انا بروح لخالتي اتمشى معهم ..قامت وراحت
مفلح :بنت خالتس ذي مافيه مثلها بس حسافه راحت علي
نوره بستغراب :وش التفكير الي حل عليك فجاءه
مفلح :فكرت انها يعني لو ماخذت واحد قبلي اني اخطبها!! ..
نوره تحط العصير:حتى لو ماخذت ماراح توافق
مفلح برفعت حاجب:وليه
نوره :لانها تقول ماراح اخذ واحد عشت معها اغلب حياتي حتى لو اعنس ..مطلق اخو رجل نوف اخطبها ايام اخطبو نوف بس ارفضت وهو مافيه عيب.. عشانهم عيال عمها وعايشتن معهم طفولتها فكيف انت
مفلح ببرود :لا.. لا.. لاتاخذين السالفه جد مره.. كان مجرد هواجيس بس
نوره بتردد :طيب لمياء نفس الهنوف بكل شي اللهم انها احرك منها بس وهذا طبيعة سنها
مفلح يقرب منها على الطاوله وبحقد:تسكرين ثمتس احسن لتس
نوره :بسكره مايحتاج ...
ام مفلح :هلا هنوفه
الهنوف تبتسم :هلا .. كانكم تعبتو
ام مفلح :انا توني بس بديت اتسوق طول اليوم برى ولمياء شوفيه ذيك رجعته
الهنوف تروح لمياء الجالسه على الكرسي :اوف لموي وش فيتس
لمياء بتعب :عطيتوني عين
الهنوف:قومي روحي اهناك لنوره يكفي خلاص شريتي كل شي
لمياء تبتسم :معليه عقب ماشريت الحين ارتحت
الهنوف تناظر ساره بمحل الرجال :وش تسوي
لمياء :تشتري لاخوها راشد
الهنوف:انا بروح لها يروق لي ذوق هالانسانه
لمياء بقهر :ونا اتسوق بلحالي مارق لتس
الهنوف تروح منها :لا للاسف
لمياء تناظر خالتها في محل التحف راحت لطاولات شافتهم جالسين ترددت تجلس عندهم بس كملت طريقها لهم وش علي منه وش عشان يهمني
قربت منهم :السلام عليكم
نوره :وعليكم السلام
مفلح يناظر يديها المليانه اكياس:روحي لاتفشلينا انتي ماشفتي خير!!!
اجلست بهدؤ على الكرسي ووهو قدامها حطت الاكياس وناظرت لقدام وتكتفت
نوره :كل انسان له طبيعه.. طبيعة لمياء تعجبني التسوق!!
مفلح ببرود:طبيعه سخيفه ...
لمياء تلف لها وببتسامه بارده:ماسخف منها الا السانك
حط يديه على الطاوله شابكها قدامه ويناظر نوره وبعده ناظر لمياء :هذي الي معجبتس وتقارنينها بالهنوف
نوره بتوتر :مفلح وش فيك
مفلح :يعني تبين تفهميني اني كسبت اذا خطبت وحده مثلها
لمياء بستغراب وقهر ارفعت وحده من حواجبها وبثقه: هذ رايك ولا يهمني ...بس المشكله انك ماتقدر تكسب ذالشي حتى لوحاولت
مفلح يضحك فجاءه ويرجع راسه ورى :حلو يعرفون يتكلمون بزران هالجيل ..شكرا على الفاصل الفكاهي
حست بدم يفور ويدها ترجف سيطرت على نفسها وقامت بهدؤ
نوره بقهر تمسك يدها :وين لمياء
لفت لها ببتسامه :بروح اشتري عروسة فله نسيت وشنطتها بعد
ارفع وحده من حواجبه ببتسامه اطلعت غصب:اخيرن اعترفتي بمكانتس بين الصغار
راحت بدون لاتلف عليه ادخلت الحمامات غسلت وجهها وصلت العشاء خلصت واجلست على طاولات النساء ودموعها تنزل ماخذه حريتها على وجهها الناعم
نوره بغيض:مفلح ليش سويت كذا
مفلح : بكل بساطه مادخلت مزاجي
نوره بضيقه :انا بقولك ليش؟؟ لانك انسان شايف نفسه محد يسوى عندك شي طيب اخوي ..بس هذي ماهتمت لنظرتك فيها ولاعبرتك بالعكس مثل ماسمعت من امي هي الي علمتها انك موجود وهذا يعني انك ماهميتها ولاخافت من اسلوبك معها
مفلح يصفر : تفسير متعوب عليه بس اسف تااااافه ...قام من الطاوله ووقف عند السياج مره ثانيه يناظر الي تحت
كلمت لميا ء الي ردت عليها
نوره :لمياء وينتس
لمياء :انا بمصلى الحريم
نوره ببتسامه :طيب انا بقولتس شي
لمياء :اذا بخصوص كلام اخوتس فرجاءن نوره
نوره :انا كنت بجيتس بالمصلى بس خفت لايشك اني روحت اناديتس اذا تبين اتغيضينه طيعني وتعالي اجلسي ولا كان قال شي
لمياء :منيب مجبوره اجي واجلس معه
نوره :شوفي انا اعرفتس ماترضين احد يقهرتس ... ونا عارفه انه بينقهر اذا جيتي.. اقهرني صراحه وانتي متستاهلين
لمياء :معليه مراح اجي
نوره بقهر :اقول الميه تعالي اذا رجعت البيت وقلت لتس راح تندمين انتس ماجيتي
لمياء بتردد:خلاص اجل بجي
نوره :بس هاا ترى ماكلمتس
لمياء :طيب ..صكت منها البست برقعها رتبت نفسها واطلعت لطاولات برى شافته ملقى الطاولات وجهه وظهره لسياج ويناظر بالناس الي على الطاولات
خذت نفس واتجهت لطاوله اجلست عليها ببتسامه لنوره الي اضحكت بنتصار
نوره :الحين بيجي اعرفه ...بس خلاص معاد لي دخل ..وبتردد واسفه على كلامه
لمياء :لا عادي ..هو صراحه اسفتس بداله ذكرني باسف الهنوف له مره!!
نوره :يعني عكس الادوار ...
لمياء:ايوه ..وين اكياسي ؟؟.. اشوى ماسرقت
نوره بهدؤ:اخوي مايعرف الذوق
لمياء :صدقيني ماهتميت مره... والله والله شوفني حلفت انا صح ازعل من كلامه بس يعني اقول ليش ازعل وهو مهوب شي بالنسبه لي
نوره :لا.. بس انتي شي بالنسبه له
لمياء :لا انتي الي تبين شي بالنسبه له بس ماتمنى ولا توقع ..
نوره :انا مأكد بس حاسه لانه واحد مغازجلي فبكذا مايحب النوع الي يحذف نفسه عليه
لمياء :احساس كاذب ونوره امانه ماله داعي اتعودين في السالفه خلاص
نوره :من عيوني خلصنا
انتظرته يجي مثل ماقالت نوره بس ظل واقف في مكانه غمضت عيونها بهدؤ... متردده عقب لفتها عليه بسرعه شافته يناظر فيها بهدؤ وتمعن صدت بعيونها برتباك ويدها تعرق امسحتها كم مره بعباتها وراسها تثبت لجهه الثانيه
ام مفلح بتعب تجلس:ها نروح انتعشى
نوره توقف:اخيرن جيتو اذا تبون مشينا
ساره :ااااه فديت خاالتي الي وسعت اصدورنا
الهنوف :الله يخليها لنا يارب ويفرحها دنيا واخره
ام مفلح ببتسامه :ويفرحني فيكن وكل واحده ببيت رجل يحبها ويسعدها
نوره :هههه ارفعو يديكم دعاء الام مستجاب
ام مفلح :هههه ..لموي وش لونتس ذلحين
لمياء بهدؤ:لا الحمدالله احسن
الهنوف تقرب منها وبصوت واطي:وش فيتس كنتس تعبانه
لمياء توقف :لا منيب تعبانه بس ابي ارقد
ساره :يالله بنات امشو

البارت الرابع عشر

ارفعت راسها له ماشافته واقف تنهدت براحه ومشت مع الهنوف
ادخلو السياره كلهم ومفلح معنز نفسه على الدريشه وراسه على السيت
مفلح يلف لامها الي ادخلت :سمحتو
ام مفلح :ايه خلاص مشينا
مفلح بستهزاء :خلاص اكيد محد نسى اكياسه ولا شي
ام مفلح :لا محد
لمياء بقهر تفتح الباب :لا لحظه نسيت كيسه تحت الطاوله
انزلت بسرعه وراحت
الهنوف تهز راسها :الله يصلحها وين هالكيسه ماشافتها
ام مفلح :وش ورانا نحتري
مفلح يفتح الباب :انا بروح معها!! اخاف احد خذاها ويسوي مشكله
ام مفلح :ايه فديتك ماطرى علينا
راح لداخل المجمع وقف عند الدرج وهو يشوفها بالمحل شرت بلوزه واطلعت .. راح لها الى ان امسكها بالكيسه الي معها لفت براعه
اسحب الكيسه الي معها رص على اسنانه بغيض :ناسيتها بالمحل ولا تحت الطاوله
صدت عنه بغرور وهو دزها بخفيف تمشي قدامه لفت له بقهر ووقفت ... تقدم قبلها ناظر لها وهي تمشي في اتجاهه احذف الكيسه بالزباله وناظرها يتحدي
لمياء برفعت حاجب :ماهمتني بدالها عشره
مفلح يبتسم وياشر لها تمشي قدامه :انشالله تطيح في يد مسكين معنده مثلها عشره
تنفست بقهر ومشت بسرعه من قدامه مشى وراءها وادخلو السياره
ام مفلح :شكلتس مالقيتي الكيسه
لف مفلح لها بهدو وسخريه وارجع يناظر قدام وهو يشغل السياره
لمياء :شفتها مع مسكين شكله يرحم وخليتها معه
ام مفلح :فديتتس ..الله يجزيتس خير
اضحك مفلح بدون قصد هز راسه... لف مع الطريق العام لاقرب مطعم
الهنوف:صدق وينها
لمياء :يعني ماسمعتيني
ساره :غريبه تنازلتي له بالهسوله
لمياء :ليش شايفتني مغلوثه
ساره :ليته الى هالحد
لمياء بقهر :ترى منيب رايقه.. بعيجبكم كلامي ولا موب لازم تسالون..!
الهنوف بستهزاء :الا وش الي معكر مزاجها رئيسة الوزراء !!
ساره :اكيد انهم داخل اقعدو يصورون معها واخروها باين اتاخرت..!!
نوره :بنات المشهورين نفسها لازم يجي عليهم ضغط.. فخلووها تاخذ نفس وبعدين تعطيكم وجه
صدت لدريشه عنهن
مفلح بهدؤ :انا تعبان اذا ودكم ناخذ وجبات سفري احسن
الهنوف :خلاص معليه لمياء بعد تعبانه
مفلح يرفع عينه بالمرايه ناظرنهن يسولفن ماعرفها فلف لطريق
وقف عند ماك واطلب وجبات لهم ومشى للبيت باقصى سرعه
ام مفلح :وش فيك مسرع شوي شوي
مفلح يناظر قدام بعقدت حواجب ومركز بالطريق
دق جوال الهنوف ردت عليها بصوت واطي
الهنوف :لبيه يمه
ام فهد :وينكم الى الحين
الهنوف:دخلنا النعيريه خلاص
ام فهد :ابوتس جاوه ضيوف مسوي عزيمه عشاء علمي الي معتس كلهم وبسرعه عشان تجن وترقدن تجهزن لبكره
الهنوف بزهق :يووه شين وقت العشاء
ام فهد :عاد صار ..يالله مع السلامه
الهنوف:مع السلامه ..صكته دخلته بشنطتها وعلت صوتها.. بكره فيه عشاء عندنا تراكم معزومين لاحد يجلس
مفلح يبتسم :اذا جات العزيمه منتس ماتنرد
الهنوف:تسلم ابو سعد
لمياء تناظر لبرى وبتفكير ماتناسب الهنوف مفلح الهنوف رجلها الي يناسبها جاءها وراح.. وتأسف على حالها اذا خذت مفلح
وقفو عند بيت ساره الي انزلت لراشد اخوها واقف عند الباب ارفع يده لهم وادخلو داخل
وعقبها وقفو عند بيت البنات
انزلت لمياء بسرعه وخلت الهنوف توهق مع العشاء واكياسها
مفلح يهز راسه باسى ويفتح بابه :خليها انا بشيلها وبحطها عند الباب كلها وجبتين شيلي الكياس انتي
الهنوف بفشله ابعدت عنه نزل معها العشاء حطه عند الباب
والهنوف تجمع الاكياس
مفلح بقرف:بالله ماتعلموني وش فيها كل الاكياس
نوره :فيه اغراض للبنات !!..تبي تشوف يعني وش اهتمامها انا اقول فرصه غير هذي
مفلح يناظرها بهدؤ وركب السياره صكت الهنوف الباب بعد ماخلصت عقبها مشو
افتحت باب الحجره ودزته بقوه شافتها متروشه وجالسه على تسريحتها تحط الكريم ...
احذفت الاغراض على الاراض :خير شايفتني حماله
لمياء :يعني وش فيها لو سويتي خير
الهنوف تنهد وتجلس على السرير بعد مافسخت عباتها :وش صار لتس
لمياء تصكر الكريم وتروح لفراشها :ابد بس هو شي واحد مزعوجه
الهنوف تقوم من سريرها :من الي مزعجتس
لمياء :حتى لو اقولتس بتقولين انتي المخطيه ..تغطت وغطت راسها ناظرتها الهنوف شوي وعقب اطلعت لحجرتها
ادخلت ام مفلح لحجرتها وهو لف لنوره بسرعه
امسكها بقوه مع يدها وبتهديد: اشوفتس تحذفين الكلام بدون لاتحسبين له احساب ...ترى ان امشي على كيفي سامعتني زين
ناظرته نوره بعتب وخوف احذف يدها عليها ورقى لحجرته
نوره بتفكير الحين مهتم فيها وش افسرها ذالنظرات ولا كذا نظرته مع كل البنات رقت فوق بتطنيش لكل السالفه
من بكره وقت العشاء كل شي جاهز بفضل غزيل ونوف والبنات نايمات ماقامو الى العصر وبدن يلبسن
"""""""""""""""
تاخرت نوره في اللبس اختلفت وهي تدور في مكان واحد
مفلح عند الدرج بصوت عالي :نووووره
نوره :ياله شوي بس..
رقى لها وقف عند باب الحجره ناظرها بضيقه :توتس الظاهر ماظن هذي ملابس العشاء(لابسه جلابيه )
نوره بسرعه:كل شي خالص يعني بس ببدل ..توى المغرب وش معجلك
مفلح :انا قايل لابو فهد بجي اعاونه مع فهد فهمتي
نوره :طيب بصلي وبنزل
مفلح :طيب
نوره :خلاص بخلص ذلحين
اطلع برى صلت بسرعه البست عباتها وانزلت تحت
نوره بستغراب : وين راح
نادته كم مره رقت لحجرته مالقته دقت عليها مصكر جواله
دقت لمساعد الي رد عليها :هلا اختي النوري العزيزه
نوره :مفلح وينه
مساعد :ايوه شوفيه توه داخل
نوره بقهر :وانا من الي بجيبني
وقف مفلح عند مساعد احذف عليه المفتاح :روح لنوره اذا خلصت جبها
مساعد :بجيتس الحين استعدي بمر بسرعه اذا تمسكت فيني حظتس وذا رحت عاد مشكله
نوره بغضب:مساعدوه خلصني يامحق عشاء
مساعد يطلع برى المجلس ويلبس حذيانه :تونا وش لاحقه عليها تبي تقعد اتهذري في خلق الله
صكته في وجهه وراحت تجلس على العتبه تحتريهم
اجتمعو البنات كلهم جاتهم بعد خوات رجل غزيل ثنتين اعمارهن 16 و17 وجالسات مع الحريم الكبار
ناظرت للبسها كحلي فاتح باوراق بيج باهته بدون اكمام والا نص الساق امسكت شعرها من فوق ونزلت خصل بسيطه على وجهها لفت واطلعت من الحجره انزلت بملل من درج بيتهم مرت عليها لمياء وناظرت لها
لمياء :عدلي مشيتس
الهنوف :مشيتي وكيفي ...
صدت عنها لمياء وراحت للبنات بفستانها الى تحت الركب وكم طويل مره لحد اصابعها وشيفون ورقبه طويله شيفون ولونه وردي فاتح سيده وشعرها فاكته بقصته الفراوله
اتبعتها الهنوف للبنات ادخلت عليهن بالمجلس الصغير
نوره بصوت عالي :الله الهنوف مجبوره على الحضور
الهنوف: ماداني التجمعات الكثيره ..ناظرت للبسها ...بعد زين الي قدرت البس
ساره:ولا مكياج ولا شي
الهنوف تضحك:لاتخربيني مره ماتشوفين الماسكراء والروج..!!
ساره :من زمان ماجاءنا عرس ..وخلينا نشوف مكياج صارخ بعرس نوره
الهنوف :اي والله اخر عرس عرس نوف قبل اربع اسنين يوه دهر..
لمياء :باالنسبه لنوره يمكن سادس سنه ماتحضر عرس خاص
نوره تناظر لمياء وبوجل :شوفي لموي بيحي مني
لمياءترفع حواجبها : ليه وش مسويه ...وبعدين على حسب ابيح ولا لا
نوره : موب شي كايد بس ضميري يأنبني ...
ساره :دام فيه تانيب فهو كايد
نوره تاخذ نفس وبسرعه :يوم جينا من امجمع ازعل علي مفلح يوم درى ان حنى روحنا المشاه علمه امساعدوه الكلب وصراحه ابيه مايزعل علي قلت ان لمياء تبي تمشي الطبيب قالها
لمياء بصدمه:ليه ياحماره اكيد انه اقعد يسبني.. صح يانويران وانا مالي ذنب وش فيكم علي حرام والله...!! وفي نفسها وانا ناقصه كلام علي منه
نوره :عادي يابنت الحلال انتي منتب معنا في البيت عشان يحط الحره فيتس.. اتصدقين وضحكت نوره ..يقول احس ذا البنت ماهيب مضبوطه
لمياء تناظرها بعتب وتناظر الهنوف بمعنى شفتي كيف نظرته لي
نوره :ماعليس اذا اعرست وضمنت راشد علمته
لمياءتصرف السالفه:وش عقبه بطيرين براشد مالت عليس ماتصدقين تعرسين
الهنوف:هههههه صراحه من نوره اتوقع عسى بعد ماترفض تبيه يجلس عندها لاجاء يوم العرس
ساره :مانيب جايه القصر الاانا امطلعته من عندها اني بعد خايفه منها
نوره تاشر عليها بمعنى مالت عليكن كلكن
البنات :ههههههه
جاتهم مره كبيره وقفت عند باب الغرفه ونادت الهنوف
قامت الهنوف وهي مبتسمه وفيها خوف تعرف ذا المره اتعرفها بالحيل وقفت عنده وحبت راسها :هلا خاله وش بغيتي
البنات :الله يعينها وش بتقول لها

ام عبد العزيز :الهنوف عبد العزيز تضايق يوم رحتي وهو باغيتس ويقول لكم اصبرو علي والحين تطلقتي وهوشاريتس حتى بعد طلاقتس
الهنوف ارتبكت وشتت نظرها بعيد عن ام عبدالعزيز.. يالله توه مارسل اورقتي وش اقولها
ام عبد العزيز :اخليه يتقدم لابوتس تراهو الاول لاتعدين احد عليه
الهنوف برتباك واضح :انشالله
ام عبد العزيز :اخليه يتقدم
الهنوف تهز راسها بمعنى ايه
ام عبد العزيز بفرحه :الله يكملس بعقلس مع السلامه ياامي
ارفعت راسها لها وابتسمت بخجل راحت منها ام عبدالعزيز وهي ارجعت للبنات
ساره :وش تبي
الهنوف بخوف:تقول بخلي عبدالعزيز يجي لابوتس يكرر الخطبه وشاريني الاان
لمياء بتوجس:وش قلتي
الهنوف :وافقت
نوره :طيب واللي ماخذتس قبل
الهنوف :انشالله يبيني امعلقه بخلي ابوي يدق عليه
لمياء :غريبه مارسل اورقتس لذلحين
الهنوف بخوف :اخاف ارسلها ووماوصلت لنا
نوره وساره فضلن السكوت والهنووف قامت وراحت لغزيل شافتها عند الحريم واستحت تدخل عقب ماكلمتها ام عبد العزيز ارجعت للبنات ووقفت بارتباك
نوره :وش فيس ياقلبي لاترتبكين كذا
الهنوف بقلق :ابي غزيل وهي داخل
لمياء قامت :انا بروح اناديها
الهنوف: ايه يابعد عمري شوفيني بالمطبخ
لمياء :من عيوني راحت لها لمياء ونادت اغزيل وسبقتها على المطبخ الحريم بالمجلس الداخلي للحريم ابعيد عن المطبخ لازم لفه يعني
ام فهد :لمياء لمياء
لمياء :لبيه
ام فهد :جهزي الدخون الرجاجيل ابوتس طالبه ابسرعه
لمياء في نفسها ياليتني مامريت راحت لمخزنهم وطلعت الجمر وادخلت للمطبخ ولفت على الفرن على طول بتشعله مانتبهت للي قاعد يذوق الجريش على درج المطبخ ومعه دلة القهوه التفت لها عقب ماسمع صوت تفافاها للكبريت ماولع لها
مفلح يشوف ظهرها وشعرها ماعرفها تحنحن يبيها تروح احذفت الكبريت في الغساله والتفت على الدروج بتاخذ جديد شافته واقف ويناظرها عضت شفايفها بقوه وحطت يدها على وجهها وصاحت على طول بصوت عالي وهو نزل راسه ابسرعه وطلع بالقهوه
مفلح اكيد ان هاذي الهنوف كلن يمدحها الله على الزين ياحظك ياعزيز وش الي جابها في طريقك والله من الشين فيك.. ناظزر ليده بها اثر جريش وقف واحد من البزارين دنق عليه حط الدله امسكه مع راسه ومسح يده الي فيها جريش في جيكته من داخل والبزر يناظره مايدري وش يسوي ناظره مفلح وطقه مع راسه :يالله حبيبي لامك للعاد تمر من هنا .!!
صاح البزر بقوه:والله لعلم امي عليك
مفلح :ماتعرفني اصلن ...
البزر يمسح الجريش ويزيد اصياحه : الا اخو مثاعد
مفلح براعه :عنكني رحت فيها ..افتح عيونه بقوه وبصوت غليظ.. تراني شرطي ..انزل على الدله خذاها وراح وهو يلتفت للبزر ويعض بشفايفه ويرفع حواجبه يعني ياويلك والبزر اسكت ارتاح وهو يشوف ملامحها خايفه لف ووقف عند باب مجلس الرجاجيل ونادى فهد
مفلح :فهد عطني القهوه بصبها وانت روح سخن القهوه ذي ..خذاها فهد وراح بها
غزيل :اسم الله عليس لمياء وش فيتس
لمياء ارفعت راسها ودرات بعيونها اتاكد انه اطلع من المطبخ مالقيت يشوفني الاهو الله يسامحتس يالهنوف ليتني مافزعت
غزيل بستغراب:لمياء
لمياء اتبهت لها :مافيني شي عشان الهنوف بس
غزيل :وش فيها الي خلاتس اتصيحين ..وتذكرت ...هي وش تبي بي
ادخلت الهنوف عليهن :السلام
البنات :وعليكم السلام
لمياء بغضب :وينتس وانتي بتلحقيني ذلحين
الهنوف شافت اغزيل واسفهت لمياء اقربت عندها وهي اتفرك ايديها :غزيل ام عبد العزيز جاتني مرسلها ولدها وش اسوي
غزيل :انتي مابعد جاتس ورقة طلاقس
الهنوف بحزن وخوف :لالا
غزيل :اصبري لين يروحن من العرب وبعدين بتصرف روحي ذلحين وخليس عاديه
اطلعت الهنوف وراحت وراءها لمياء الي زعلانه وتحس بشي في صدرها
اجلسن وكملن السمره الي صارت ممله و هاديه عقب ماكانت حلوه
راحو المعزيم كلهم وعبد العزيز تاخر اشوي الين ماعاد بقى احد قام واجلس جنب ابو فهد
عبدالعزيز :عم انا ابي الهنوف انكنه لذلحين تبيني
ابو فهد التفت عليه وبرتياح :الله يكتب الي فيه الخير ابسالها وبنرد لكم الخبر ولا تباطونا
عبد العزيز في نفسه ولا انتباطاكم ترده لي يعني ماعليه اهم شي الهنوف اتحصل :اخذو راحتكم وتراني شاري طيبكم
ابو فهد :تسلم ابو فالح
عبد العزيز يوقف :تمسو على خير
ابو فهد :وانتو من اهله
ادخل ابو فهد على اهله ونادى ام فهد واطلب الهنوف
منيره جت بتقوم واحلفت عليه اغزيل ماترقى الدرج وراحت بدالها
غزيل رقت لهن فوق شافتهن بالصاله :الهنوف ابسرعه ابوي يطلبس اكيد انه بكلمس في موضوع عبد العزيز
الهنوف توقف وتاخذ حذيانها :بجي الحين ..اسرعت لحجرتها تسبحت على عجل البست جلابيتها تعطرت وامسكت شعرها ذيل احصان ونزلت
الهنوف :مسك بالخير يبه
ابوها :مسيتي بالرضى والسرور ..اشر لها تجلس جنبه راحت جنبه واجلست
ابو فهد :الهنوف عبد العزيز عاد خطبته وانتي توتس في ذمة سلطان
الهنوف حسيت بقلبي واكنه انعصر بذكرى اسمه الي ماسمعته الا مرتين بس:مدري يبه وش اسوي
ام فهد :دق عليهم واطلبه باسمه ذكره اكيد انه نسى .
الهنوف والله من كثرهن النسوان يوخر ذي من وجه ذي
ابو فهد بتفكير :الظاهر انه عطاني رقمه.. التفت على فهد .فهد جبه شفه في درج السياره
ام فهد بتساؤل:بدق ذلحين
ابو فهد يناظر ساعته :توى الساعه عشر.. مستقبل الهنوف يهمني ماله داعي انأجله بعد ..
الهنوف ببتسامه لابوها :الله يخليك لنا يارب ..

[7btin]

البارت الخامس عشر


جاب فهد الرقم ومده لابوه
ابوفهد :السلام عليكم
الرجال :وعليكم السلام
ابوفهد : الامير سلطان ..
الرجال :لا والله موب انا ..
ابو فهد :اذا تقدر ياولدي تعطيني الامير سلطان
الرجال :ياوالدي الامير مايرد على الناس في الجوالات
ابو فهد :ابيه ضروري
الرجال :تقدر تجيه في مكتبه ولا في بيته اذا كان امر شخصي
ابو فهد :ايه شخصي.. ولا انيب اعرف بيته ياولدي
الرجال :انت بالرياض
ابو فهد :لا بالله منيب حولها
الرجال :اذا جيت الرياض دق على الجوال هذا وانا بدلك عليه
ابو فهد :ماقصرت مع السلامه
الهنوف بؤجل شكله مايبشر بالخير
التفت عليهم ابو فهد :لازم انقابله .. الهنوف بكره انكني قدرت اخذالي يوم رحت انا وياتس انخلص امورتس ولاطلبوتس لينس معي المشوار موب اقريب
الهنوف بخوف وش يوديني برجلي له مأقدر اشوفه يارب ارحمني ويسر اموري
ابو فهد : الهنوف انتي معي
الهنوف بقلق وحزن نزلت راسها : ايه
ام فهد :وش فيتس لونتس امخطوف
ابو فهد :ماعليس يابوتس كله اورقه اتوقعين عليها
الهنوف تسحب ابتسامه :ايه الله ييسر.. قامت منهم وادخلت على لمياء الي منسدحه على السرير و داقها هجوس ماهي مع الناس جات واجلست جنبها التفت عليها لمياء :وش صار
الهنوف :بروح الرياض اجيب اورقتي
اجلست لمياء وبتشجيع :ماعليس انشالله صيري مثلي شجاعه وقويه اصامد الاعداء ..


الهنوف مبتسمه بهدؤ:الظاهر الاعداء مفلح... واتفكرين فيه يوم دخلت صح
لمياء بسرعه:خير وش عشانه افكر فيه
الهنوف :بس حاسه انه مغير لتس حياتس
لمياء بقرف : هو الوحيد الي اصادفه اكثر واحد في جماعتنا بس وبعد من زين الصدف
الهنوف بتعب :والله مدري بروح ارقد ...قامت منها واطلعت
لمياء ناظرت فيها لين اطلعت وتنهدت من قلب "حلو ومزيون حتى يوم اقرب منه فيه غميزه نفس غميزات اختي هنوف ..وش علي منه وزينه بس احس اني ودي انه يبعد من حياتي قبل يغير لي قلبي
\\\\\
في صالة ابو مفلح
نوره :يمه ام عبد العزيز تتطلب الهنوف للحين
ام مفلح :ايه شفتها يوم نادت نوره
مساعد :وش تبي بنوره
نوره خزته بنظره وسفهته
ام مفلح :ماهيب نوره اختك خالتك
مساعد :ايه ونا افكر مستغرب احد ينادي ذي
نوره :وانت شعليك من سوالف النسوان
مساعد :خخخخخ شكلي قهرتس ذاك اليوم مره ياطريق المشاه... تسوين رياضه ها نويران
نوره :سخيف وربي الله يعينك على ثقالة دمك
ادخل مفلح عليهم وهو وابوه :السلام عليكم
كلهم :وعليكم السلام
ام مفلح :تاخرتم كل ذاه عند الرجاجيل
ابو مفلح:لا روحنا شوي لوورشه
ام مفلح : ليه من الي سيارته خربانه
مفلح :انا ... وصلني ابوي لهناك حطينها وجيت معه ...ببيعه ذالسياره
ابو مفلح :هذي اول مره اتخرب
مفلح :لا قد تعطلت معي لطريق الشرقيه ولا زانت الى قدني برجع
ام مفلح :موب ذاه بس قصدك
مفلح يفسخ اشماغه وببتسامه :لا ابي اشتري جيب ودي به
ابو مفلح :ايه قل كذا
اضحك مفلح وابو مفلح لف على نمشه يسولف عليها..
قام واجلس جنب نوره
حط المركى تحت فخذه والتفت عليها :لبس بنات خالتي نوره ساتر اليوم
نوره بستغراب وضيقه :معاد الا ذي تدخل حتى في لبسهم
مفلح :كلن في راسه عقل واخبر بنفسه
نوره :زين انك عارف وش الي طراك تسال
مفلح ينزل اكمام ثوبه :شفت الهنوف
نوره بتوجس :وين شفتها
مفلح :في المطبخ
نوره بحسره لايتعلق بها: شفتها زين!!.. كان صديت طيب
مفلح :والله هي الي ادخلت علي في المطبخ اهايط مثلن وحذف عليها اشماغي
نوره :ههههه طيب شافتك هي
مفلح :ايه وبكت
نوره بستغراب : غريبه تبكي موب عادتها دمعتها قريبه ..وبتذكر ورحمه .. يمكن ماثر عليها موضوع رجلها الاول
مفلح وخر من المركى :ليه
نوره :ام عبد العزيز ارجعت اتخطبها وهي خايفه
مفلح يرفع حاجبه :طيب اذا ماتبي ترفض
نوره تناظره :الا تبيه.. هي خايفه من رجلها الاولى عشانه مارسل ورقتها
مفلح :اهاا طيب ... وبتردد..والله حلوه البنيه
نوره بأسى :مفلح ترى الحين معرسه على ذمة رجال بلى هالحركات التافهه
مفلح بغيض :لاااا حلو علمتيني ..أبديت رايي..وبعصبيه وصوت قصير ..انا كم مره قلت لاتحللين على كيفتس
نوره بخوف:كلمه قلتها وراحت
ناظرها بهدؤ: اساليها بدون لاتفهمتس ليش بكت يوم شافتني "وفي نفسه ليكون متحسسه من نظرتي لها بالسوق
نوره بتردد:مدري بشوف
مفلح يصك على اسنانه بصرار:لا بتقولين لها ...صد منها وقام البس حذيانه عند لباب وطلع للستراحه


فى بيت بو رراشد

ساااره :راشد
راشد :لبيه
ساره بتردد:ودي اروح لامي عند جدتي اتوديني
راشد يعقد حواجبه :ليه
ساره بترجي:والله مليت جالسه وحدي
راشد :ونا اقعد بلحالي
ساره تنهد بحباط وتناظره
راشد يبتسم :والله مدري ياساره يعني اوديتس واخاف امي بترجع بدري شوفي
ساره بفرحه :لا دقيت عليها بترجع بعد اسبوع والله طويله علي
راشد:اجل خلاص بستاذن من الدوام اجيتس والقاتس جاهزه
ساره :الله يخليك يارب ....

في بيت ابو فهد

الهنوف ذاك اليوم مازار النوم اعيونها الين اذن الفجر بعدها صلت وراقدت اليوم كله الى اذان العصر ولا نزلت لهم تحت
لمياء تقعد جنبها بالصاله الفوقانيه:ابوي خذا اجازه اليوم وبتروحون بكره الصبح
الهنوف ببتسامه :ادعي لي
لمياء تهديها :وش بيصير يعني
الهنوف تنهد:خايفه وخجلانه منه احس معاد ابي اخليه يمر بحياتي وذاكرتي
لمياء :خلاص حبيبتي اهم شي انتي تزين امورتس ...
هزت راسها بتفهم ونزلت مع لمياء تحت
شافتهم كلهم متجمعين اجلست معهم بذهن شارد وحيل مهدود


تعشت الهنوف غصب عنها عقب ماجبرتها امها حست بعياء امسكت فمها ورقت فوق بسرعه رجعت كل الي في بطنها في الحمام
لمياء واقفه عند الباب وبخوف:وش فيتس
الهنوف بالم : احس بتعب وكبدي تقلب علي...وبكت... مأبي اروح
لمياء تسندها الى جلست على السرير :خلاص قولي لابوي
الهنوف بحيره ودموع بعيونها :اخاف يرجعونه يروح ويجي موب هين الطريق
لمياء : توكلي على ربتس انشالله مايخيبتس
الهنوف تنزل ادموعها مره ثانيه :متوكله على ربي بس فيني خوف مابي اشوفه مره ثانيه
لمياء :ايه طيب مراح تشوفينه موب لازم اصلن كل امورهم اتدبر هم مايسون شي
الهنوف تمسح خشمها :انشالله الله يسمع منتس ..اطلعت منها لمياء وهي ارجعت تفكر
قعدت الى الساعه 6 ماجاها النوم مره توقف عند الشباك ومره تنزل للحوش شافتها امها جالسه عند باب المطبخ
ام فهد :ابوتس بيمشي الحين
الهنوف توقف :بروح اخذ عباتي
ام فهد بشك :مانمتي امس صح
الهنوف ببتسامه :لا بنوم انشالله اذا جينا يومين ..
رقت لفوق البست عباتها وانزلت لاابوها تحت بالسياره
ام فهد :سمي بالله
الهنوف تبتسم اطمئن امها:بسم الله
ابو فهد :يالله مشينا انشالله انخلص ابسرعه ماعطوني فرصه كثيره
الهنوف :خلاص انا جاهزه
ابو فهد يمشي :توكلنا على الله ... راحومن عند ام فهد الي تدعي لهم يرجعهم سالمين

البارت السادس عشر

في الطريق الهنوف ساكته وتفكر في الا شي الى ان وصلو الرياض الساعه 12 ودق ابو فهد على الرجال ووصف له بيتهم
ابو فهد :بروح لشقه نرتاح والعصر روحي له بيته
الهنوف بفجعه:بلحالي
ابو فهد :بوقف لتس عند الباب مستحي ادخل.. وهو رجلس ناديه وعلميه ولاب ذاك الوجه امقصر
اسكتت الهنوف وهي متلخبطه اخاف والله
الساعه ثلاث اطلعو من الغرفه الي استاجروها
ابو فهد :هو يقول جنوب الرياض بس وين الرياض ماهيب اصغيره
الهنوف ملتزمه الصمت
دق ابو فهد على محمد :انا ذلحين جنوب الرياض طالع منها مره وحده قدها وراي
محمد :خلك على الخط الى ان تجيك لوحه مكتوب فيها مزراع الراحه كيلو وخذ بعدها يمين وبي بان لك البيت وبتعرفه
ابو فهد برتباك :تسلم يابوي مع السلامه
مشو مع نفس الطريق الى اوصفه لهم وبان لهم بيت كبير وفخم صوره نص الحي ماخذه وحوله ابيوت حلوه وعاديه
وقف ابو فهد عند زاوية البيت:يالله يابنتي انزلي له
الهنوف برجى:انزل معي
ابو فهد :ان شافتس وحدتس يمكن يخلص لنا امورنا بسرعه
الهنوف تنزل بؤجل صكت الباب ولفت لاابوها
ابو فهد:الله الله يابوتس بالكلام الهادي والترجاي حتى هو يسمح امرس بسرعه
الهنوف تنهد بضيق اترجاه والحاجه لي!!! يارب ساعدني نفسي ماتطيعني.. غمضت عيونها وتنفست بقوه مشت

فى قصر سلطان
وصلت الهنوف للبوابه وطلت على غرفة الحارس
وطلع لها :نعم ياخت
الهنوف :ابي الامير سلطان ضروري
الحارس يتكي على المكتب وببتسامه :موب كل من جاء اندخله اتعرفينه معرفه شخصيه وتثبيتين اهلن وسهلن.. والا قولي وش بغيتي وحن بنعلمه
الهنوف بهدؤ وخوف :قول له الهنوف
الحارس يرفع عينه فيها :الهنوف وش اسم ابوتس وش القربى؟؟.. معليش بس احنى مامنين
الهنوف لعنبوكم والله لوني بنط في حلقه وبقوه :هنوف بنت ابو فهد هنوف ارماح وانا متاكده بيسمح لي
ناظرها الحارس وهز اكتافه ادخل داخل اشجار كثيفه وماعاد يبين لها
غمضت عيونها بهدؤ وبطنها يمغصها . . اشوي وطل عليها الحارس وافتح الباب تنفست بعمق وادخلت ناظرت في الحارس:وين اروح
الحارس :الطريق هذا الي (اشر على طريق واضح بين الاشجار )خلك عليه وسيدي موجود على كراسي هناك
حست بنبض في راسها " سيدك" ابلعت ريقها ووقفت وهي تناظر الطريق المحفوف بالاشجار لفت بنظرها للحديقه الواسعه مدت يدها لقلبها تهدي من رجفانه مشت بأقل من مهلها وكانه تبي شي يحدث وينتهي الحلم الي تعيش فيه ... وقفت بسرعه ملقيها اظهره ومرجع اشماغه ورى اشوي وحاط عينه على الاوراق الي قدامه
تنفست بسرعه ولفت تدور اي شي تمسك فيه حطت يدها على حلقها وامسحته كم مره هدت نفسها خلاص ياهنوف لازم تخلصين بسرعه وتطلعين لا ابوتس وترجعين للبنات مشت الى ان وقفت وراءه .. وبتردد ليش مايلتفت اللحين.. وش اقول له؟؟
تقدمت ووقفت ابعيد اشوي :السلام عليكم
ارفع راسه لها وابتسم وبصوت ثقيل :وعليكم السلام.. هلا والله بالهنوف وش حالتس
ارجعت لااردي بعد ماوضحت ملامحه الي اجذبتها حتى وهي تكره تصرفه الارعن :طيبه
سلطان :سمي يالهنوف وش بغيتي
الهنوف بدون مقدمات خربتها:انا بعرس وبي اورقت طلاقي ماروحتها
اضحك بخفيف وقام لها :طيب يالهنوف على هالخشم اعطيتس ايها... بس موب اليوم بكره عقبها روحي واعرسي على الي تحترين
الهنوف بسرعه :لازم اليوم ابوي ماخذ اجازه يوم واحد بس وبنرجع اليوم
سلطان يهز اكتافه :مافي مشكله يرجع وانا برجعتس سالمه غانمه بس ... ابتسم ابتسامه جذابه ومسك لحيهها..ابي ليله مثل ذيك اليله باظبط ..
حست بحراره وغضب وكرهتته وتفكيره المحدود ناظرت وجهه ونزلت اعيونها على شنبه الخفيف:ابعيدن عن شاربك تلمسني مرتن ثانيه حتى ولو اشعره
امسك برقعها بهدؤ ورفعه بقوه لين شاله من وجهها ناظرته منصدمه
قرب منها وبثقه :لازم ولو.. تجين وتاخذين الي تبين بلاش
الهنوف بتوتر :خذيت الي تبي والى يومك وانا نفسيتي وحياتي كلها متغيره تبي شي غير هذاه
حط اصبعه الابهام على لحيها واصابعه الثانيه تحت ذقنها ورفعه صوبه:ماخذيتس الا وعطيت وابوتس مرتاح بلخير الي عنده الى يومتس هذاه
الهنوف بأسى :خلاص خلني اروح في حال سبيلي والله يجزاك خير ماقصرت...
ابعد عنها وبعدم اهتمام: والله انتي جايزتن لي مره وابيس بعد اليوم وعقبها الله يسهل طريقتس
الهنوف ماينفع معه ترجاي وبغضب:تبطي بعد تذوقها....
امسكها مع عضدها وارفعها صوبه ارفع وحده من حواجبه بستنكار وغيض :طولتيها ورب البيت مامنعني منتس الااني عارف ماتقدرين الا على الكلام
الهنوف بتحدي من الغيض الي فيها:هاطل وانا بنت ناصر ...
هدها وعطاها كف على وجهها كله الى ان طاحت ناظرته بغيض ورصت على اسنانها تمنع دموعها
سلطان بهدؤ :اعقبي ويعقبن الي مثلس.. ليله وحده وباخذها
ابو سلطان :سلــــطان انا اخو نوره.. هذي اسواتك وانا مخلن لك الحبل على الغارب
التفت على صوته وراح له بهدؤ حب خشمه وراسه :كيف حالك ياوالدي
ابو سلطان بعتب:اليله الي تطري تبيه بالحلال ولا الحرام ياولد مهره
سلطان وعينه في عين ابوه :باالحلال يبه بالحلال هاذي مرتي ..
قامت والبست برقعها ووقفت مكانها وهي تمسح ادموعها الي انزلت غصب عنها
ابو سلطان يلتفت عليهاوبجراه:ليه ترفضين تبين شي ماعطاتس اياه
الهنوف بصوت قوي وخانقته العبره:منيب مرته انا معلقه اربع اشهور في بيت ابوي انتظر ورقتي الي قايلي بنفسه انه بيرسلها... وماوفقت عليه الا اني داريه انه موب الي بعيش معه طول العمر وهو جاني بذل في بدايه ويبي يعود علي مهانته وانا عيت نفسي ترضاها وماطاوعتني... والمال ماجيت له اطلبه...
راح لمكانه واجلس وهو يناظرها:وانا على كلامي ورقتس بتاصلتس
ابو سلطان يقاطعه وهو معجبه كلامها :لا.. لا.. لاتاصلها مير تكرمها وتعزها مثلها مثل امك وهي في بيتك ... التفت على الهنوف وش اصلتس
الهنوف بهدؤ:......
ابو سلطان :ونعم... ويناظر سلطان الي يناظر الهنوف بسرحان ...كذا تسوي بربع امك وهذي دبرتك في خوالك البنت خلها على ذمتك هذي الي بتجيب لك عيالن يعزونك بين اعيال عمانك
سلطان يلف بنظره لا ابوه :نعم وسبعة انعام.. لكن انا سامح خلاص متنازل لها عن الي ابي وتاخذ اورقتها الان اذا تبي
الهنوف بفرحه خفيفه واستحت من ابو سلطان:ايه ابيها ذلحين ابوي برى
ابو سلطان بصرامه :لا اجلسي في بيت رجلتس وابوتس يقلط في المجلس بروح له الحين ..ارفع عينه في سلطان ورص عليها ..الله الله فيها طعني ذالمره
سلطان وكن الامر مايهمه:سم طال عمرك ابشر الي بيرضيك بمشي فيه
ابو سلطان بنبرة استغراب:تم الموضوع
سلطان بابتسامه استهزاء:ايه تم ولا تبيني اغيره
ابو سلطان :ماخبرتك ياسلطان اتوافق لي على شي يخصك
سلطان يوقف ويروح لابوه وبتمثيل :افاا يبه كل اموري تحت يدك
ابو سلطان يناظره بتوجس:زين هذا الي ابيه
الهنوف بصدمه يخططون ويقررون بدالي يعني يعني خلاص معاد اروح ابد لابورقه ولا بنفسي
راح ابو سلطان للمجالس البيت
وسلطان التفت عليها قرب صوبها وهي منزله راسها وعيونها هماليل
سلطان بتهديد :اسمعي بيرجع الوالد.. وانتي الي ارفضي ماقدر ازعله على الاقل موب االحين..واوعدتس عقب الي ابي اخليتس تروحين..
الهنوف ترفع راسها له شاف ادموعها الي ماقدرت اتسيطر عليها :ايه بعيي حسبالك اني بسكت وبرضى في واحد كل ديره بنت.. ماتنعد مدن المملكه ياسلطان!!!
سلطان ناظر في عيونها الي محددها رمش كثيف واسود ابتسم بستفزاز:دمعتس اقريبه مافيه شي يزعلتس..!! رجل كل يتمنى مواطيه وعز ماعاشن فيه غيرتس
صدت عنه بالم اجلس على كرسي وناظر فيها بتمعن ربع ساعه وارجع ابو سلطان
ابو سلطان واقف من بعيد :انا بروح الحين في امان الله .. الهنوف لاتقصر عليها ولاجي الاكل شي زين
سلطان في نفسه الظاهر خذا راحته عقب الموافقة وقف بسرعه امسكها بيدها وهي تناظره بقهر واعتراض ومشى بها الى ان اوصل ابوه
سلطان:البنت رافضه مره وحده وانت شف الامر بنفسك
ابو سلطان :عليه عهدن ان مايصيبتس شي من صوبنا وان كل امورتس منفذه وبتوافقين مابه شي يحدس ترفضين
الهنوف بخوف ورجى:لا اسمح لي انا برجع مع ابوي مابي اقعد اهناه
ابو سلطان بنظره قاسيه وقويه:ليه ماتجلسين لانقصتس شي دقي لي انا موب لسلطان ...هذا مايردن فيه النسوان
الهنوف بتوتر وبخوف من السالفه لاتعقد : ماقدر
سلطان ساكت ويناظر لها تحاول تقنع ابوه بكلام بارد
ابو سلطان بنظره قويه :لاتراددين بشي تام مدام سلطان وافق انتي وافقي
رص على يدها الي بكفه وكأنها يجبرها تقنعه بعد
لفت بنظرها له وبعناد مدام بيجبرني بوافق اقهره مثل ماقهرني : ماعليه خلاص الي تبيه.. موافقه بس بشوف ابوي
رص على يدها بقوه الين حست الدم توقف فيها تحملت واسكتت لفت عليه عقب مازاد الام بعتب فكها بدون لايناظرها
ابو سلطان :ابوتس علمته وروح ويسلم عليتس ويدعي لتس... يالله مع السلامه والتفت على سلطان سوى لها ياسلطان عرس تفرح به مثل البنات
سلطان ساكت وبنظره سخريه ماقدر يخفيها من ابوه الي شاف نظرته وصد عنه رايح
سلطان ببتسامه رايقه امسك كفوف يديها ولفها له :انا كان بمكاني اني ارسلتس لهلتس وورقتس معتس ولعاد اشوفتس.. وبسلوب عدم مبالاه.. وابوي ماهمني رايه
الهنوف بقهر تبعد عنه :كريه ...
سلطان يلف عنها ويروح : السانتس يبي له تعديل ..روحي لهم داخل...
تنفست بسرعه وغيض ارفعت برقعها شوي تبي نفس اجلست على كراسي الحديقه وين ادخل ومن عنده يروح مايعلمني وقفت بمكانها ولفت بنظرها تدور باب ولا شي أدخل وذا لقيت احد وش اقوله بعدين اناخلاص زوجته يعني تبعه وين اروح ياويلي بجلس لين يجي يدورني اجلست ساعه كامله محد جاء وقفت وراحت تمشي بانحاء الحديقه شافت باب الرئيسي للقصر واتجهت له وقفت عنده ودقت الجرس افتحت لها شغاله فلبينيه :نعم مدام
الهنوف:بدخل داخل بيت
الي ياصل باب البيت الريئسي خلاص ينفتح له الباب افتحته لها وادخلت
ارفعت عيونها بنظره للبيت كله صالات كبيره مفتوحه وواسعه بعضها شعبيه وبعضها كنب وكراسي والدرج بالنص ويتفرع منه درجين باليمين واليسار الي فوق مكشوف للي تحت غير عن صاله جانبيه بها حاجز خشبي لى اليمين وقريبه من الباب اجلست على اقرب كرسي في الصاله المفتوحه حست بتوتر من جلوسها بلحالها ومحد يعرف بوجودها

دخل سلطان المجلس بهيبته وثقته وقفو عقب ماشافوه اجلس
سلطان بهدؤ:تفضلو الله يحيكم
ابو منصورجنبه:الله يحيك ..وش لونك ياابوي
سلطان:بخير يمال الخير وش لونك انت عساك طيب
ابو منصور ببتسامه طيبه:طيب جعل يطيب حالك ..
سلطان على صوته للموجودين:وش الي سمعته مايصلح منكم ولا هوب متوقع
واحد من الجلوس بفشله:والله ياطويل العمر ان الامر احصل من غير قصد والرجال جاي يستسمح
سلطان يلف لراعي المشكله :وش تبي يامانع
مانع بتمثيل:هو اخطا علينا الرجال وادخل علينا في مجلسنا وهددنا وانا تكافينا شره بالله بس انه مارضى وارفع السلاح في وجيهنا وولدي ماصبر ووقف في وجهه بالسلاح ومثل ماتشوف تصاوبو في رجليهم
سلطان برفعة حاجب اليسار ميزه فيه:انا عارف ذاه كله اسالك وش تبي العوض..!!
مانع ببتسامه خبث:كان نبي ديه لعين اولدي الي افقعها لكن الحين خلاص ابيه يخيس بالسجن ولا يفقع عينه مثل ماصار لنا
سلطان ابعد عن المركى وقدم جسمه وبرفض قاطع وهادي:لا لا... بتنازل عنه وبدفع بداله الديه
مانع بغيض من ناجي الي ادخل عليهم بسلاح في مجلسه وفشله قدام ربعه الي جاو من قطر وهو ماقدر يوقفه عند حده..
ارفع راسه بتردد لسلطان: لا مافيه تنازل ابيه ياخذ حقه
سلطان يتمالك نفسه لف بنظره لخاله اخو امه ابو منصور وشاف في عينه انكسار على ولد بنته الي ارفض مانع يتنازل عنه
سلطان بقوه وحده:ناجي بيطلع من السجن اليوم سوا رضيت ولا ضقت والديه بندفعها لولدك لانها حقن لله ماغيرها شي
مانع يناظر ابو منصور وبحقد:بس هذا حقنا ولا علينا من ناجي
سلطان يعود يتعنز ويحرك خيوط المركى وببرود:تطلع الحين من مجلسي الي مايقدر ولد عمه ماقدره والدية لاهيب جايتك لا انت ولا اولدك وناجي يطلع من السجن من عين الصبح
مانع بتوتر وقف واطلع من المجلس عقبه بدت السوالف ترجع طبيعيه وكانه ماصار شي قامو الرجاجيل يطلعون بعد ماذان المغرب
محمد وهو يقرب من سلطان ويجلس جنبه
محمد:ليش رفضت تعطيه حتى الديه ماتوقعت انك بتطرده
سلطان يلف لمحمد وبهدؤ: بغضت نبرة التأمر في صوته وكانه متحكم بالامر
محمد يتنهد:عشان ابوي صبرت نفسك ..ابوي بيتحسس من جماعته
سلطان يلف عنه:كل شي الا خالي يامحمد صعب نظرته تنكسر قدامي عشان واحد مثل مانع
ابو منصور يسمع لهم انهى كلامه مع الي معه ولف له:الله يعينك انت ولدنا ولازم تحمل المشاكل الي بتجيك منهم
سلطان بقوه: يتحكمون بانفسهم موب ذي اول مشكله تصدر منهم ومالينت لهم الطرف
ابو منصور ببتسامه حكيمه وثقه:ان اضمن لك عقب كلامك معه معاد يعودها ..وبتردد ..بشر عن ابوك
سلطان :طيب طيب الظاهر كان يبي شي وراح مانفذه ..
ناظر محمد لابوه بعدم فهم اقامت الصلاه بمسجد البيت وقامو له

ناظرت الهنوف في المره الي جاتها بالخمسين وجهها سمح ومبتسمه لافه على راسها شيله وفي يدها برقع

ام سلطان:مرحبا والله
الهنوف بسحى شديد ماتعودت على هالمواقف :مرحبا
ام سلطان تجلس:تفضلي ... اخذي راحتتس ونزلي عباتس حبيبتي
الهنوف بخجل:معليش ماقدر انزلها ...(وهي ببرقعها)
ام سلطان ببتسامه :على راحتتس بس ماعرفتس عرفيني على نفستس
الهنوف استحت تقول انا زوجة سلطان ففضلت السكوت
ام سلطان:طيب ماهوب لازم اتعلميني بغيتي شي؟؟ ولا مسيره بس!!
الهنوف بتردد:بحتري سلطان
ام سلطان بستغراب وبضحكه:اولدي وش مسوي ليكون معرس وانتي مرته وانا مادريت
الهنوف ماقدرت تصبر وصوتها اوضح فيه صوت البكى : لاجاء بيعلمتس
ام سلطان بهدؤ:انتي مرته اجل
الهنووف صاحت:ايه

نهاية البارت

[7btin]

البارت السابع عشر

قامت لها ام سلطان واجلست جنبها :اخر مره خذا سلطان فيها مره في رماح انتي هي ولا وحده ثانيه..!!
الهنوف تمسح ادموعها:الاهي الااذا كان ماخذ ثنتين
ام سلطان اضحكت:لا بس وحده..الحمدالله الي اثبت سلطان على بنت اصل وفصل والله اني مرتاحه انه خذا من ربعي ليه اتصيحين طيب ياعمري
الهنوف بصراحه:انا مابي اخذ منكم ابي من جماعتنا العادين وولدتس خذاني تعبار واليوم اجبرت عليه
ام سلطان بطيبه :يأمي معليش اصبري.. اذاتس بشي...
الهنوف بخجل وتردد كان بتكذب بس خافت لاتعقد الامور:ماذاني منيب كاذبه عليتس.. بس اجبرني على نفسه اول مره خلاني موب حره في رايي وكني عبده له وهو المتحكم..
ام سلطان بستغراب ونبره استخفاف : وانتي كان رافضته
الهنوف تناظر تحت :ايه موب كل شي غصب هو تهددني اذا ماوفقت
ام سلطان :وينه هو.. ومن الي جابتس
هنوف:ابوي..ومدري وين راح
ام سلطان :ماعلمتيني وش اسمتس
الهنوف:الهنوف
ام سلطان :يالهنوف بيتنا مافيه الاسلطان ومحرم لتس ونواف بالندن والقعده ناصر في سادس اخذي راحتس وفسخي عباتس..وابتسمت بطيبه
الهنوف تتبسم براحه من صوتها الحنون وقفت وافسخت عباتها وبرقعها كانت لابسه جلابيه مخصره سماويه حرير نقش ذهبي خفيف على الصدر اجلست وناظرت لام سلطان الي اتناظرها بتفحص وتحاول تبين انها مهيب مهتمه ابتسمت بخجل واسكتت
ام سلطان بفرحه ظاهره :موب اهوين سلطان ذوقه صعب نكستيه على راسه يالهنوف موب ادنى مارضاه من الزين
كشرت من طاريه وام سلطان قامت على دخلت سلطان الي ناظر في الهنوف على طول واطنشها رايح لامه
سلطان يمسك راس امه ويحبه :مسيتس بالخير
ام سلطان :مسيت بارضى والسرور وش ذا المفاجاءه الحلوه وش الزين الي طحت عليه
سلطان بدون لايناظر الهنوف وعينه في عين امه :شفتيها ...ولدتس مايتعب نفسه الا في شين يستاهل...
الهنوف تناظره بغيض
التفت عليها واشر براسه :روحي فوق دقايق وجايتس
خذت عباتها ورقت على الدرج مادرت وين اتروح لفت بالصاله المطله على احد الصلات تحت وجلست فيها
سلطان ناظرها لين رقت وبعده التفت على امه:ابوي كان هنا
ام سلطان تنزل راسها :مادخل ماشفته
سلطان:مدري وش الي جابه اليوم وكانه بيفرض علي الي صار
ام سلطان تنهد :الهنوف مفروضه عليك من ابوك..وبستهزاء ..غريبه ترضى بالي يفرضه
سلطان يهز راسه بعدم هتمام:ايه رضيت بالي افرضه عشانه بس..
ام سلطان بهدؤ :يعني ماتبيها
سلطان بصدق:لا مهيب هي الي ابي
ام سلطان :وليه الهنوف الي اوضح لي منها كل شي فيها كامل والكامل وجه الله حتى شعرة المحبه فيها
سلطان بتغير في ملامحه :انا بنت هاديه واحس فيها نضح بتفكيرها هذاي تدرين يمه تراددني ماتمر كله الا وردها جاهزه لا لا مهيب هي الي ابي... مجبوره علي وش ابي بها
ام سلطان:حكمت عليها باول مره..!! عاشرها وشوف وبعدين كلامك عنها وهي زعلانه منك والواضح ان حتى هي تحاول تخلص منا وتروح
سلطان :ابي انا الي اختارها وهي توافق دون تردد
ام سلطان :واوبوك اجبرك ليها
سلطان :ايه
ام سلطان بنظرة شك:ماوافقت عشان ابوك عارفه انك تقدر حتى ماترد عليه بالموضوع وتخليها تروح ...تبي شي من ابوك ؟؟..
سلطان بدون اهتمام :ايه ابي منه ...ورص على عيونه..متى اخر مره قلت لابوي ابشر في شي يخصني
ام سلطان تجلس :كنت عارفه ..ووقفت على المسيكينه تسوي عليها خططك
سلطان يمشي منها:مهيب امسيكينه وانا ماعندي خطط الي ابيه على المكشوف...رقى الدرج وقف عند راسه من فوق ولف لها شافها جالسه ماادخل مزاجي ان مرتي باسها قوي ماعجبني نوعيت اسلوبها
سلطان بامر جاف:تعالي
لفت له شافته ووقفت بهدؤ راحت معه اطلعو من الصاله الاماميه وافتح باب واصل لسقف ادخلت وراه وهو مالتفت عليها ابد وهذا احلى شي خلني ارد النفس مشى في سيب طويل وعريض في نهايته باب على اليسار مجلس ابيض هذا الي لمحته باب مقابله مطبخ ومشت بسيب عقب فيه ردهه صغيره فاضيه الا من تحف وفرش فاخر وقدامها باب حجره كبيره ادخل فيها واجلس على السرير واهي وقفت عند الباب
سلطان بدون مقدمات:اسمعي امي لاتحسس منتس بشي لو بنظره ماعجبتها تدفعين ثمن زعلتها !!..
الهنوف تناظر تحت بجمود
سلطان يكمل :وخواتي حطيهن بعيونتس اعرفهن اكثر من انفسهن بيعرفن قيمتس لاصرتي تنحطين على الجرح يبرى... فاهمه
هزت راسها وهي ترفعه له وبقهر من تهديده:وانا مالي شروط بعد
سلطان بستخفاف ناظرها ووقف:يمكن عندتس بس افضل ماتقولينها اريح لتس انتي ..وياشر لها بيده
قام افسخ ثوبه خذا الفوطه وادخل الحمام ناظرته بغيض ولفت طالعه للمجلس الي شافته قبل ادخلت كل شي ابيض وخداديات حمراء فاقعه وبرتقاليه وواحد من الجدران كله زجاج مليان مويه وسمك ملون كانت مريحه للنظر وفيه على الجدار الثاني باب كبير عرفت ان وراها بلكونه راحت تشوفها افتحته ووقفت فيها طويله مشيت وعرفت انها مشتركه مع غرفة النوم ومطله على الحديقه والاشجار الطويله امنعتني اشوف الشارع ..
سلطان من وراءها:وصلتي لهناه
التفتت وانزلت راسها :اطالع برى بس
سلطان :انا ماعندي لتس ملابس او اغراض في الحجره بتجيتس الحين النايفه وبتسنع لتس الي تبين ..اطلع عقبها.. راحت مع باب غرفه المجلس واجلست على كنبها ويدها على راسها جايعه وفيها نوم من امس مارقدت ولا ذاقت النوم عقب مادرت انها جايه لرياض..ادخلت النايفه بنعومه مبتسمه اتهلي وترحب
النايفه:مرحبا بمرت اخوي سلطان
الهنوف وقفت تناظرها جذابه وملامحها تنطق بالنعومه كل شي من ملامحها صغيره عكسها هي الي كل يقول جمالها فخم بعيونها الناعسه بشكل خفيف ورموشها المحدده عينها بكثافه وترتيب وشفايف صغيره وحاده
سلمت عليها بتحفظ:بتس اكثر
النايفه تضحك :ماقال لنا شي والله اني داريه انه بيعرس فجاءه....بس اطلع كشيخ وين شافتس بلندن ولا باريس
الهنوف اضحكت من غير قصد الله لوصدق والله لا اشوف نفسي عليه :لا وين لندن وباريس هذي ماحبها ماتعجبني شافني في مكان احلى منها
النايفه بحماس :والله قولي وين
الهنوف :ارماح اذا اتعرفينها
النايفه بصدمه وضحكه :افااااا عليتس اعرف خفاياها جدة امي هناك بس والله شافتس اهناك
الهنوف ببتسامة: والله.
امسكتها النايفه وجلستها : تهبلين الهنوف يابخته فيتس... ابتزعل عمتي الجوهره..
الهنوف بستغراب :من تزعل عليه مابعد شفت احد منكم ابد..,,
النايفه بستبعاد:لالا بتزعل من سلطان هو قايل لااعرست باخذ بنتس يوم كان عندهم يدرس الثانوي
الهنوف بعدم اهتمام:المشكله بينها وبينه
النايفه تناظرها بهدؤ : بس المشكله بتاثر عليتس بعد
الهنوف :تخوف لهالحد ..
النايفه :هي صح تخوف بس مانشوفها دايم كله باالعياد بس اخوي سلطان بعد معاد راح لها من تخرج من الثانوي كان يبي يروح يدرس برى هي تكلمت على ابوي ومنعه وشكله ازعل عليها
الهنوف :بس عشانها عيت ازعل...
النايفه بستغراب من استنكار الهنوف وردها له:كذا هو اسلوبه صعب شوي وقاسي بس الحريم الي اول ياخذهم ..وبتفكير ناظرت للشباك ..تدرين واحده يوم كنا بباريس نسيت اسمها بس جاتني تبكي وتدعي عليه مدت السانه للهنوف وابتسمت..خليت البودي قارد يحذفونها بقشاقيشها لشارع
الهنوف تناظر لها بترقب:وليش تدعي عليه
النايفه مبتسمه :اكتشفي بنفستس بس هااا لا تدعين عليه عقب
الهنوف بهدؤ: وش اكتشف اذا شي بيظهر لي ولا انا ماحب اكتشف اسلوب اي احد
النايفه بضحكه تعجب: حلو بس لاتغيرين
الهنوف بقهر من التكلم فيه وخوف وش الي فيه مستانسه وجايتهم البنت تبكي عشانه وهم يتحكمون في اسلوبهم...شافتها النايفه شارده استغربت حالتها
النايفه بتغير تبي تنبهها لوجودها :يووووووووه سلطان جاء وقومني اجيتس وانا نسيت ...وحكت شعرها ..ماينعمد علي
الهنوف براحه انها بتصرف لها شي تلبسه لانها كاره الجو وتبي تروش: ابي ملابس مامعي شي ويالله نفذي الي قالتس فديت وجهتس الحلو..
النايفه توقف : انشالله راح ارتاح باالجلسه معتس...بس ها ترى مقالي جيبي لها ملابس قومني وقال روحي لامي اتعلمتس .. ذا الانسان مايصبر ياتفهمين بسرعه يايطنش ويروح.. دقايق وتلقينها على سريرتس
راحت والهنوف تناظرها بتعب ووجل مامدحته ابد وهي تكلم فيه تنهدت ووقفت رايحه للحمام ادخلت الحمام تروشت واطلعت لقت الملابس على السرير تنوره ميدي لحميه وبلوزه سوداء شيفون مبطنه من الظهر والبطن بس بكمام طويله ارتاحت لها ساتره وذوق حتى الجزمه جابت لي شبشب اسود لحد الكعب رفعت شعرها بعشوائيه واجلست على السرير
عند بيت ابو فهد ادخل عليهم في اليل
ام فهد :ها بشر عسى الاخبار متيسره ...والتفت وراه ادور الهنوف
ابو فهد بتعب من الطريق:انشالله انها زينه.. لاتلتفتين ماهيب جايه رجلها عيا عليها وبغاها
ام فهد بشهقه:كذا ميرلااحم ولادستور امخليها عندنا يوم غدت كنها امطلقه خذاها
ابو فهد بصرامه:جاني ابوه براسه واسلم علي ومدحها عندي وكلهم يبونها
ام فهد بتوتر:الله يحفظها ويوفقها متى هي بتجينا ياويل حالي عليها
ادخلت عليهم لمياء وراحت لابوها حبت خشمه والتفت على امها :وش قومتس يمه
ام فهد بحسره :الهنوف اقعدت عندهم
لمياء افتحت اعيونها بقوه :كيف اقعدت عندهم يعني ماجات معك يبه
ابو فهد ينهي الامر:خلاص البنت رايحه لرجلها خلن منكن السوالف وكثر الحكي ..التفتت على لمياء اغرفو العشاء بمسي تعبان وراح للصاله
راحت لمياء لشغاله وقالت لها اتغرفه وراقت فوق خذت الجوال ودقت علىرقم الهنوف وش فيه مغلق انسدحت على ظهرها مستحيل تبعد منا باالهسرعه ووين العرس مستحيل وشلون اقعد في البيت بلحالي تكفين يالهنوف ردي خليني ارتاح ياويلي ياربه يطلقها وتاخذ عبد العزيز يابعدتس يالرياض ولو كنتي في السعوديه
||||
فى قصر سلطان
اقعدت تنتظر احد يبين عليها تذكرت جوالها وراحت لها فاضي مره وحده من الشحن تلفتت في الحجره تدور شاحن افتحت الدروج كلها اغراضه موس حلاقه واكباك ونوتات اصغيره واقلام بعد ولاهيب مرتبه سكرته وطلعت برى وقفت بتردد مستحيل انزل مستحيه منهم
وقف عند الدرج والتفت عليها :وش اتدورين
عضت شفايفها بخجل :ابي النايفه مدري وين اروح ..ضيعتها
مشى صوبها امسكها مع اظهرها وقدمها قدامه:شوفي ذا الصاله والسيب وشوفي ذا البيبان هذا الوسطي حجرتها ..هدها والتفت عليها ...وش تبين بها ؟؟ هي جاتس!!...
وخرت شعرها الاسود عن عيونها :ايه جاتني ..مسكت التنوره بعفويه وورته ...هاذي من عندها..ارفعت واحد من حواجبها بقهر..وانت خليتني
ابتسم لكلمتها امسكها مع خصرها وقربها صوبه :ابيتس تاخذين راحتس وتطلعين كذاا حلوووه..
استحت وامسكت يده الي عليها ووخرتها وابعدت : انا ابي شاحن ..
لاحت عليه اثر ابتسامه:مايحتاج شاحن النايفه تعالي ابوريتس وين الشاحن .. راحت معه ادخل الحجره افتح الدرج الي جنب السرير.. امسك يدها وحطها فيه
سلطان :اشحنيه وانزلي تعشي
الهنوف تنزل راسها :بس مابي
لف عنها وانزل.. شحنته واحترته لين ينفتح على طول دقت على امي
الهنوف بلهفه وبكى :يمه
ام فهد متخنقتها العبره :لبى صوتس يا حبيبتي وش اخبارتس ..
الهنوف تشهق وهي تكلم:طيبه بس ابيكم
ام فهد بشوق :ليه ماعييتي ياامي
الهنوف بحزن :ابوه جاء براسه وكلمني ويأمرني بعد اجلسي في بيت رجلس خفت منه لنفسي وعليكم
ام فهد :يابعد روحي كل شوي مري علينا ترى والله ان لتس فقده
الهنوف :ابشري ابشري
ام فهد :الله الله بالدبره الزينه واغدي مرتن سنعه ترى موب اي ناس يمشون العيبه بالهون...
الهنوف تمسح ادموعها :لاتوصين يمه..
ام فهد :الله يييسر لتس امرتس مع السلامه
الهنوف:مع السلامه
البارت الثامن عشر

نزلت التلفون ودق على طول عرفت انها لمياء
الهنوف:الو لموي
لمياء بهدؤ:خلاص يالهنوف رحتي
الهنوف بحزن :النصيب في يد الله ماهوب بيدينا
لمياء:طيب انا في البيت بلحالي ..وماقدرت اتكمل من العبره
الهنوف تنهد:صح انه صعب الزياره لكم بس صدقيني اذا هدت الامور وشفت ان ابوهم معاد له طاري بقوله يطلق ابيكم وابي حياتي تكون معكم وافقت عناد فيه وقهر مثل ماقهرني
جاء واجلس على السرير قدامها كانت معنزه ظهرها على السرير ارتبكت وهو عينه في عينها صدت منه بخوف
الهنوف :لمياء سلمي على امي مع السلامه ..وسكرته في وجهها وقفت بسرعه امسك يدها وجلسها بقوه التفتت وارفعت خشمها بغرور اعرفت انه اسمع كلامي واني ابي ارجع لهلي
سلطان رافع واحد من حواجبه :طالت وشمخت يابنت ناصر تبين تنزلين كلمتي عند ابوي موافقه اعناد فيني وقهر لي

الهنوف بهدؤ:ابوك بجيبرني واحترمت سنه ولا بغيت ارفض اطلبه وانت رجال في يدك ترفض محد جابرك ...
سلطان بستهزاء:اجل انتي مصتصغره ابوتس يوم جاتس يطلبتس موب مالي عينتس سنه.
اسكتت عقب كلامه بس والله ماكان قصدي الكلام الي قلته للملياء اصلن مافكرت وش حياتي بالمستقبل بس كان ابي اهديها دريت انها بتشتحن ناظرت برى الشباك وانا داريه ان كلامي اين كان موب معطيه اهميه
قام وهو يفسخ اشماغه :اسمعي زين انا ارش جال ابوي من زمان واداريه يعني حطي في بالتس منيب ساكت راغبن فيتس ولا شايقتني ...حست بنغزه في قلبها مهما كان ماتبيه بس هذا يجرح وكأنه يصتنقصني..كمل كلامه..الاهل بكره بيروحون الندن... وانتي معي اندور لنا مكان ونروح له
كفت شفايفها بستنقاد يدور لنا مكان مره مجبور
سكت وانا ودي اروح واطلع منه معاد ابي اشوفه وكلامه يحذفه بستنقاص لمشاعري قام يفسخ ملابسه وهي اطلعت للمجلس جلست على رجليها وحطت المخده على مسند الجانبي وراسها عليه تعبانه وفيهاا نوم بس برد المكيف وخوف من الافكار الي تحاذف عليها ابعد منها النوم
عنز يديه على الباب لابس سروال البجامه بدون فانيله وبهدؤ :حركات الدلع ماتمشي معي.. قومي لحجرتنا وبصرار في صوته بتجمعتس وتجمعني..دقايق واشوفتس اهناك ...
عندت وهي جالسه معطيته ظهرها وللحين وكلامه في اذنها منتب شايقتني وبقهر : ماهوب لازم اجي لحجرتك ونفسي متقززه منك خلني في حالي..
قرب صوبها امسكها ووقفها بقوه وهوصاك على اسنونه:انا متاكد ان النايفه قايلتس ان الصبر عندي صفر...
الهنوف بستهزاء وهي ماثره عليها مكالمة لمياء: روح درو لك واحده ثانيه ترى سامحه عادي ولا بعد ابوك موطي على غاربك ... امسك رقبتها واضغط عليها بقوه وكانه متحكم بكل شي ابتسم بخبث وهويناظر وجهها الجذاب ممتلي غيض وكره له وراصه على اسنانها نزل راسه وباسها بأقل من مهله
تكلم بصوت هادي : وش تقولين للي وطاء على غارب ابوتس وغاربتس وخذاتس غصب... امسحت فممها بقوه بظهر يدها حست بالغبينه والقهر عقب كلامه عضت على شفايفها تمنع ادموعها من النزول..
حط عينه في عينها ونزلت عينها بسرعه :والله انتس تجنين على نفستس ..الرجاجيل طوال الشوارب الي اقوى منتس ماسكين السانتهم لا ماعجبهم الوضع وانتي ..اسكت بقرف واستحقار...صدق ناقصات عقل...دزها بقوه على طاولة الزينه الحاده ماتحملت الالم وصاحت على طول لف منها واطلع..
حطت يدها على ظهرها وهي تهمزه بالم اجلست على الكنبه رصت على قبضة يدها مانعه ادموعها تنزل اكثر
ماعمر احد طقني ولاحتى اهاني حتى ابوي يحترمنا ويكن لي حب اشوفه في عيونها اكثر من خواتي بس الحين وش صار لي كيف بتعامل معه انا ماضمن نفسي احاول اسكت لاتكلم بس ماقدر لازم ارد حقي اذكر اخوي فهد يوم في المتوسط انا وياه دايم انتهاد امي تقول طيعيه بس مارضى ارفض وهو يمد يده وهنا عاد انا افور بس هذا من زمان يوم فهد صغير الحين فهد اكبر وزاد احترامه لنا...قمت اتذكر اشياء مالها داعي بس انها ماثره على طبعي شردت بذهني وانا احس انه مشوش او صار فيه لخطبه ..
وقف عند الباب احذف عليها الجوال ارفعت راسها له وقد راح مدت يدها لجوالها خذته وشافت مكالمه لم يرد عليه دق اسم النايفه درت انه هو الي سيف رقمها الهنوف:الووو
النايفه بمرح:الو هنوفه تعالي عندي
الهنوف بتعب : يابعد روحي تعبانه فيني نوم
النايفه بترجاي:لازم تجين اشوي بس
الهنوف بصبر :طيب..اطلعت وراحت لها طقت الباب وادخلت قالبه الحجره كل الملابس على السرير
الهنوف تناظر الحجره البيج والموف:مشالله حجرتس حلوه والونها بعد
النايفه بفرحه: توني مغيرتها.. السنه الي طافت ورديه سلطان يقول غيريه مايحب الون وردي يقول كبرتي ساعدتني اختي موضي والون انا
الهنوف تجلس على الكنب وملامحها تنعقد لطاريه :لو خليتيه على الوردي احسن ماعليتس من احد ...
النايفه :ليه موب حلو الحين
الهنوف :الا حلووه ..وش مسويه بالحجره
النايفه :هذي لتس ماعنتدس شي وانتي رايحه بكره ..وبجديه ..ترى والله مالبستها توها جديده ها عاد اصبري على ذوقي
الهنوف ببتسامه : متاكده انا بتطلع حلوه ..بس ماراح اخذ هذي كلها
النايفه :انشالله بيهديس ربي وبتاخذينها يالله قوسي عشان نجهز شنطتس وبعد ابي اسالتس
الهنوف ويدها على ظهرها :اسالي
النايفه :لالا قومي قوسي اول اخاف غير المقاس
الهنوف بتعب :ماقدر موب لازم ...اصرت عليها النايفه لين قامت وصارت تقوس كم بدله وفستان حتى بجايم
البست بنطلون جينز رمادي غامق وبلوزه بيضاء ضيقه بدون اكمام
النايفه :هذا البسيه بكره عشان طريق وبترتاحين فيه
الهنوف براحه :تسلمين النايفه ريحتيني والله
النايفه :ولو مرت خيي... ارفعت فستان قوسي هالفستان وخلاص
خذيته لخاطرها ولاانا ظهري حسيته مرضوض البسته وكان احمر قاني حرير ضيق لحد الركبه وسيور وقفت قدامها
النايفه تناظرها ببتسامة اعجاب:روعه الهنوف والله مكان علي كذا اصلن جسمتس حلو طويله انا قصير صح
الهنوف براحه من اندماج النايفه وراحتها معها:طماعه وش تبين غير هالطول..
النايفه بضحكه:توتس في بداية المجاملات وبستغلتس
الهنوف ببتسامه :لا تكفين لاتخلين بين مجاملات ابي ارتاح معتس وتاخذين راحتتس معي
ابتسمت لها وطرى لي لمياء فسخته وعطتني ابجامه وجلست على الكنب
النايفه بتردد: تبين اتنامين
الهنوف تعنز وهي تحط خداديه ورى ظهرها :لا مافيني...(وانا عيوني ثقيله ابي انام بس مادريت وين انام فيه ومستحيل اجي كذا وارقد جنبه)
النايفه تنهد براحه:زين مافيتس نوم بوريتس شريط سلطان العام يومه في القنص... ايه نسيت كان بيخليتس تروحين معنا بكره وهو بيجلس بس امي ارفضت تبيه يروح وهو رافض الى ان دقت له موضي واقنعته وببتسامه اغمزت لها ..ترجيته اختار لكم مكان وقالي عادي اختاري مكان نروح له واحجزي لنا حجزت لكم مفاجاءءه ههههه اول مره يطيعني على طول قال الي تبين ..قامت وراحت لدرج
الهنوف بنفسها ليت خالتي ماترجته ياخذني وبألم من غير نفس الرحله كيف بعيش معه على الاقل بهدؤ
وقفت النايفه عند التلفزيون وشغلته والعنود تنسدح على الكنبه
الهنوف باحراج:بنسدح احب اتفرج وانا منسدحه
النايفه : اخذي راحتتس هماتس تقولينه ..لفت لتلفزيون بسرعه .. اطلع رجل ومعه صقر ..هذا محمد ولد خالتي صديق سلطان
الهنوف: ايه على ماظن شفته معه في البر
النايفه تناظرها بخجل وبتردد :امي قالت لاتدبلين كبدها بالاسئله ولا ودي اسالتس تجين كذا بدون عرس ماعليش ...بعدين اسال صح
الهنوف تضحك :صح بعلمتس بكل شي..بس متى رتبتو السفر والله كان ماودي توني بس جيت
النايفه :عادي سفراتنا اصلن فجاءه متعودين بنمشي بكره فماحبة امي تحرجتس معنا لان رايحين لنواف توتس عروس.. وبحماس..شوفي سلطان
الهنوف تزين مخدت الكنب تحت راسها ولفت على التلفزيون... ماسك طرف ثوبه ومتلطم و يتختله شي شوي واركض لين اوصل لجحر خذاء حصاه كبيره ودزها على الجحر وتكلم بصوت فيه ضحكه :عطني الشوزن عجل
كانت مندمجه معهم وهي تشوفهم متحمسين اضحكت النايفه وهي تناظر اندماجها لفت عليها طنشتها وارجعت تلف على التلفزيون
انزل رجال ومدها عليه صوبها على الارنب وقنصها
محمد يحط يده عليه: كفو ابو نايف
سلطان :كفوك الطيب ولو يروح مني تسذا وان اشوفه
ابتسمت من داخلها وهي تشوف كلاماتهم نفس كلامتنا
كنت اغمض وافتح من النوم معاد شفت
النايفه :الهنوف بسرع لين يقول قصيدته امانه لاترقدين ابيس تسمعينها
الهنوف بطيبه :لا مانيب راقده بس ابي حبوب مسكنه راسي يوجعني " كنت ابيها تهدي ظهري بس ماقلت لها شي انا حاسه انه صار فيه شي الله يستر
قامت تجيبه من درج الكومدينها ومعها علبة مويه:طيب اكليها وانا بسرع على القصيده
كلتها الهنوف والنايفه سرعت لين اوصلت لها جات واجلست جنبها
جالسين على الضوء وعليهم افراوه الاهو متربع وناسف اشماغه وقدامه بيالة حليب على التراب وشافته يهل القصيده
يقول من عدى على روس الطوال النايفات
من ضيقة بالصدر ثانيها وحزتها عصير
يارب أجرني من عذاب القبر مابعد الممات
واغفر لخالي وابيه واخوانه وأجرهم يامجير
يارب انا ماخترت اكون الشاعر الي قاصيات
الطرق يطرقها وتصبح له ارق من الحرير
انت الذي خلقت كائن حي غير الكائنات
الحمدلك والشكر والمنة وفضل الله كثير
يارب انا شاعر واهيم بكل وادي من شتات
واقول وافعل وانا مؤمن ولي قلب وضمير
شاعر ويتبعني من الغاوين كثر الغاويات
ذنبهم من غروربي صرت اقل من الغرير
والشعر مثل السيف ابو حدين وعيون البنات
ياليتها كانت مدى الشعار ومرسها الاخير
ما كان جبت العيد والعذر البنات المترفات
والعالم الله وش نواقي بالمقدر للضرير
البارحه هبت علي الريح من كل الجهات
حتى عرفت ان الليالي غير والوفات غير
قمت اتلفت بالسنين الي غدت مني فوات
وامنت ان لالعمر مهما طال فالدنيا قصير
كلا يموت وينتهي والوقت يمضي هات هات
ولاعاد يبقى الا الذكر ان كأن شر أو كان خير
والشاعر ابقى بعد موته بالعلوم الطيبات
او عكسها والوقت يأخذ والقصائد تستخير
اقرب الي لهم بالبيت سبع معلقات
راحوا ولازالت قصائدهم كما البدر المنير
والشعر فضل شاعره عمن سواه فضل وله سمات
مافضله بالفعل فاليوم العبوس القمطرير
اقولها وانا اعرف انها ماتلحفني العباة
التي طرفها في يدي وأكمامها في يدي الوزير
لكن على الله يامتم الصوم ومقيم الصلاة
تدفئ الكفوف الباردات ويجبر العظم الكسير
ياصاحبي ياحظي المكتوب ياغلى الامنيات
ياجمل الصدفات لو ماجات يالسهل العسير
من صيف عام ماخذاني بعد ولا سبات
وانت تجاهلني وانا وضعي من اسبابك خطير
والحب ذنبا مايكفره التجاهل والسكات
واجهه فديتك واحسم الموقف يصير الي يصير
ولاتعلقني على امل نجوم ساريات
وابقى على قول البدو لولا العمل مات الفقير
ياصاحبي ياغلا السنين المقبله والماضيات
ياعز واغلا من على رجلينه يسير
لاتحسب اني جاهل بعض الامور الخافيات
االي تحدك وانت مالك عن قلبي مطير
ادري واقدر واتحمل واتحاشي الانفلات
والا تراني في بعض الاحيان ماطيع الشوير
والصبر مفتاح الفرج والقل جراح اللهات
وسهيل يبدئ بالسماء ويهيج في القاع المعير
وانامن الي مجدهم على ظهور المسرجات
قومن مهي تشد الا جاهاه من القوم النذير
وش عادحين على شأنه وش لي بالحياة
ان كان نيل اسرجت افرق الجمع الغفير
لعيون من حبه رسى مرسى الجبال الراسيات
والا اصطفق ماكنه الا الموج فالبحر الغزير
وسلامتكم
كلهم :وانت سالم
واحد من اخوياه :واحده ثانيه ابو نايف
سلطان يعنز اظهره على المركى:لا هاذي جاشت بها المشاعر وانتهت.. خذاء بيالة الحليب في يده وهم اقعدو يسولفون
نهاية البارت

[7btin]

البارت التاسع عشر

فى قصر سلطان
النايفه بفرحه :وش رايتس في قصيدة سلطان تراى هو رومنسي وش بتدلعينه الله الله.. وضحكت
الهنوف مبتسمه تحسبني اشوي وبذوب فيه:لا اخوتس اسمه مايليق له التدليع مايزين له الا العياره
النايفه بصدمه:يابري حالي ياخوي بتعيرينه ياهنيف
الهنوف بضحكه :ماعليتس دون نفسه..وبتردد..شكله يحب
النايفه بتفكير :مدرري مايقول لنا شي عن حياته الا المواقف الي يستخف فيها واكثر عن البنات الي ياخذهن بس ترى من زمان يوم محمد يجينا كنت صغيره عقب ماكبرت ماعاد جاءنا ... مره سمعته يكلم محمد وهو يضحك ..حست النايفه انها مالها دخل بحياته وخافت تقول له الهنوف شي وعقب هي الي بتوهق..فغيرت السالفه..ويمكن عشانه يصد من ابوي
الهنوف درت انها غيرت السالفه وبهدؤ:اهاا مابين الاب ولابن كرامه
النايفه بهدؤ:سلطان ماعتبره ابوه ..
الهنوف ترفع راسها لنايفه ببتسامه: بس فيه ابيات مالها دخل بالوالد تخص انثى وحركة حواجبها
النايفه بتردد بس عرق القافه انتصر:كان فيه وحده من بنات عمي بينت حبها له يومه بالجامعه حسينا انه مال لها ذيك الايام بس الاكيد انه معاد طراها ..وبعد وحده من الشمال خذاها هذا اول مره يسولف لنا عن نسوانه
الهنوف بفضول :وش قال
النايفه :يقول ..وبستبعاد وتاكيد..ترى مايقول لي بس انا الي اجي اتسمع لهم هو ومحمد بالمجلس الصغير.. احب اسمع سوالفه عنهم هزت لها الهنوف راسها عشان تكمل ..
النايفه :كان ماخذها اسبوع قال لها عقب تروح لهلها بس هي ارفضت ... واضحكت النايفه
الهنوف بستغراب:وشلون ارفضت تبيه يعني
النايفه مازلت تضحك:ايه تقول منيب رايحه لهم .بس هوخلاها اطلع وارسل لها السواق يوديها لهلها
الهنوف في نفسها منصدمه ليكون يحسبني بتعلق فيه يوم ارسل لي السواق ومعاد جاء
الهنوف ببرود: يالله برقد معاد اشوف الا عيونتس الحلوه
النايفه بخجل وتردد :اسفه على السؤال... بس منتب رايحه لسلطان
الهنوف :لا عادي قلت له برقد عندتس توني ماشبعت منتس وانا بروح بكره ..وغمزت لها
النايفه استانست:فديتتس
الهنوف ببتسامه :ياله انقزي على فراشتس بنام
النايفه تمسك يدها وتقومها :قومي معي نامي على السرير اريح ..
راحت معها ماعارضت انسدحت الهنوف على بطنها ماقدرت تنام على ظهرها اقعدت تسولف عليها النايفه تعلمني بحياتهم ابوهم لجاء وقت الدراسه خذاهم لرياض عنده لين خميس وجمعه و العطل الاسلطان يروح ويجي لخواله بنفس اليوم يومه بالبتدائي والمتوسط ايام الثانوي اقعد اهناك يبي نسبه وخوانها من ام ثانيه مغربيه وقالت لي ليه ابوه ارفض يدرسه برى اثره كان داشر وصايع مع شباب ايام مراهقته وعمته علمت ابوه فعيا يخليه يروح اهناك ويكمل صياعته رقدت معاد حسيت فيها مع انها تسولف الساعه خمسه صاح منبها لصلاه وقمت على طول لان نومي متقطع وحاسه بالقلق وقفت وحسيت اظهري شادني تصبرت صليت وانا جالسه ماقدرت اركع يزيد المه لانزلت ظهري البست البنطلون الي جهزته لي يالبى اعيونها ذا البنيه خليت اشعري مفكوك بس رفعته من قدام بطوق ابيض ناظرت نفسي بالمرايه ابتسمت مافيني اي اثر لمكياج امحق عرس حتى الكحل مافيه بس اعجبني شكلي مايحتاج مكياج كذا اريح شفت الساعه خمس ونص عسى ماتاخرت عليه قومت النايفه وقامت وقالت لي ان امي تعذر لتس انها ماتقدر ترقى الدرج وعلمتني انهم بيمشون الساعه 12 الظهر "يالله ونا دايم اسرح من فجر الله سلمت عليهاوعطتني عباية كتف خليتها في يدي ماراح البسها الاهناك وطلعت والشغاله في وجهي اطلبت الشنطه وعلمتها مشيت بهدؤ كاني مابيه يسمعني لين وصلت الجناح دخلت حجرة النوم بشويش لقيته قاعد على اركبه عند خزنه وعنده اوراق رحت لشماعه وخذيت عبايتي طاحت الطرحه من يدي نزلت اخذها حسيت بنغزه في قلبي من االالام الي فاجتني في اظهري فتاوهت بدون قصد وبصوت الي التفت عليها بهدؤ وارجع يكمل الي في يده تحملت على نفسها وراحت بسرعه لحجرة البيضاء واجلست فيها ماسكه ظهرها ويدها على فمها تمنع دموعها يؤلم بس قلبي يتالم اكثر
دخل عليها وبسرعه:ياله .. وطلع منها
وقفت وخذت نفس وهي تهف على نفسها انزلت والعبايه في يدها شوي شوي مع الدرج لقت امه بالصاله حبت راسها
الهنوف:صباح الخير خاله
ام سلطان :صباح النور حبيبتي ماعليش ياامي اعذريني مارقيت لتس امس
الهنوف ببتسامه:انا الي اتعذر منتس مانزلت كنت تعبانه
سلطان يقطع عليهم وهو يمشي صوبهم :يالله بنمشي
دنقت على راسها وحبتها مره ثانيه :مع السلامه ..ولفت له واقف و يناظرها صد منها حست بالاحراج من نظراتها مشى والحقته عند باب الصاله
التفت عليها:جهزت لتس النايفه اشيأتس
الهنوف منزله راسها :ايه..
افتح الباب واطلع
البست عباتها والبرقع وطلعت له كان يكلم الي عند السياره
ركب قدام جنب السواق واقعد يكلم وياكد عليهم كل شي جاهز اوصلو لوسط العاصمه الساعه ست نص وقف عند محل كبير والتفت عليها وقالها تنزل وتدخل قابلت وحده سمراء اطلبت منها تحجب تحجبت وشعرها من ورى مرفوع وطالع شكلها رزه صورتها وستانست على صورتها اطلعت لهم وهم واقفين والسواق سعودي يسولف معه بصوت قصير وقفو عند عماره كلها قزاز انزلو كلهم ومد عليه الي معه بشت البسه و تنهد بقوه وراح ناظرت بظهره مشيته واثقه وراسه رافعه فوق ياحظهم ذا الامراء وضحكت احليل اخوي فهد قده في الثانوي وكنه بزر دخل وارجع السواق لمحله جاء بعده ووجهه مجهم وقف عند باب السياره وفسخ البشت ولواه في يده واحذفه عند رجليه وركب
الهنوف بخوف من شكله المتغير يارب نهون
سلطان بضيق:بسرعه للوزاره....
حطت شنطتها ورى ظهرها منع لتحركه الكثير من سرعة السياره
سلطان يلف عليها :عطيني اصورتس
فتحت الشنطه وطلعتها بظرف صغير وحطتها في يده الممدوده مدها للسايق الي خذاها ونزل وهو ارتخي شوي بمسنده وناظر لفوق بشرود عشر دقايق انكنها كثيره وجاء على طول اوصلو المطار نزلت وتبعته وهي عاضه على شفايفها بالم من ظهرها الي يزيد خلصو التفت على الي معه وقاله يوصل اهله للمطار الساعه 12 بدون لا يعير لوجودها اي انتباه حتى بنظره
كلم بالجوال
سلطان:اسمع الساعه خمس بيوصلن خلك بالبيت قدامهم ،ايه الله يحفظك الله الله في النايفه .
اغلق جواله ودخلو واقف عند الكراسي ومد يده بمعنى ادخلي كان الناس الي فيها اشوي يمكن رجال ومرتين جنب وولد كبر فهد بس والكراسي مريحه كنها سرير ريحت ظهرها وهوحط راسه على المسند الي وراه وغمض اعيونه اشوي وحنا في الجو انزلت ترفع شنطتها في حظنها رصت على اسنانها بقوه تمنع صوت ااه تطلع منها بعد التفاته لها في الحجره وصده بدون لا يسال عن سبب تالمها حطت يدها على فمها تكتم صوت شهقتها ابلعت ريقها بقوه واستنشقت هواءء وهي تحسه يفضي من الجوو بكت بصوت مسموع
ارفع جسمه والتفت عليها
سلطان بعقدة حواجب :وش فيتس
الهنوف ببكاء:ظهري يوجعني
سلطان:كذا فجاءه
الهنوف تمسح دموعها وتسكت
سلطان بهدؤ وصوت واطي: عليتس الحيض
نزلت راسها وبكت زياده:لا..
التفت على المضيفه اشر لها وجات
سلطان :نادى الطبيب...
شوي وجاء وراه طبيب باكستاني
الطبيب:وش فيه سير؟؟؟
سلطان : نبي مسكن االاالام ظهر
الطبيب :تفضلي كشف يمكن عشان الضغط
سلطان بهدؤ:جيب حبوب مهدئ
الطبيب:لازم كشف عشان يمكن وجع ازياده بعدين
سلطان ببرود يرفع نظره له :جيب مسكن حق الالام..التفت على المضيفه ممكن عصير مانجا
المضيفه :حاضر حاجه ثانيه
سلطان :كاس مويه ..لف على الطبيب الي واقف وبستهزاء...طبيبكم هذا يفهم
المضيفه تناظر الطبيب برتباك والطبيب لف وراح بسرعه جابها مدها لهم خذاها سلطان ومدها عليها مدت يدها تاخذها منه واصابعها ترجف ارفعت عيونها في ملامحه ماكان يناظرها وباينه فيه ملامح الضيقه وكانها مبتلش بها خذتها اوصلت المضيفه خذا الماء ووصله لها وخذا العصير واقعد يشربه...برواقان
كلتها هدء الاالم ورقدت عقبها
حست بحركه عند بطنها افتحت اعيونها بتعب شافته قده مبعد نفسه ورابط لها الحزام عدلت جلستها بتوتر اوصلو للمطار روما وهو توى عليه ثوبه وشماغه خلصو ومد عليها الجوازات خذتها واطلعو لرجال راح له خذا منه مفتاح السياره والرجال ركب الشناط وراح
سلطان يركب ويلف لها :وش سوى اظهرتس
الهنوف بهدؤ:الحمدالله
اوصلو للبيت الريفي روعه كله خضار وطبيعه وعلى مرتفع اشوي ادخلو من طريق البيت الحجري المزين بورود ملونه جات شغاله فلبينيه خذت الشناط ورقت فوق
شافته ادخل وحده من الحجر الي تحت رقت لفوق بسرعه ورى الشغاله قعددت اترتبها في الدروج والهنوف تفسخ عباتها انسدحت على السرير بالعرض
الشغاله :خلاص مدام انا في جهز غداء تحت
انقلبت على جنبها وكنها في حلم ورقدت على طول...
:الهنوف هنوف
فتحت عيونها بنعاس ناظرته وارجعت اتغمضها عقدت حواجبها :طيب شوي
سلطان :قومي صلي الظهر والعصر الساعه خمس
تخنقتها العبره حطت ذراعها على عيونها :توى فيني نوم مارقدت من امس
وعودت ترقد ...
افتحت عيونها حاسه بنشاط ارفعت جوالها يالله الساعه 11 اول مره اغط كل ذا الغطه ارفعت نفسها من المخدها شافت انها معدله على السرير وهو راقد جنبها توترت من شكله الهادي واستسلامه لنوم ناظرته شوي والذاكره ترجع لها بشقة ارماح تاملته بتعب وواحساس بالعجز من انها تغلبه وترجع لهلها تسحبت بهدؤ وراحت للحمام تروشت والبست بنطلون ابيض استرتش واسع وقميص بدون اكمام ابيض ماسك مع الصدر بشريطه برتقاليه وببطى ماتبيه يحس فيها خلت شعرها مجعد
واطلعت برى الحجره لفت بعيونها على ديكور البيت قمه في الذوق صاله واسعه خشب اثاث ابيض باكسسوار ملون مطبخ تحضيري على جنب افتحت الثلاجه بجوع ماتعشت امس ولاافطرت ولاتغدت يوم كامل طلعت كل الي فيها سخنتها وصفتها قدامها كلت شوي بس وخلته ندمت انها طلعتها افتحت الستاره وراها بلكونه كبيره وظلام خافت وصكرتها بالقفل اجلست عند التلفزيون كله انقليزي وايطالي اتقولب راسها عنده طرى عليها الصلاه ماصليت الا الفجر امس ماقومني لونه يصلي كان قومني صلت الصلوات الي فاتتها وعودت للكنبه

فى المملكه – بيت بو فهد

نوف عند اهلها رجلها رايح دوره اسبوع
لمياء :اشوى انتس جيتي مع روحة الهنوف
نوف :ياحليلس يالهنوف ماصدقت منيره يوم دقت علي
لمياءبتنهاد:تقول انهم طيبين بس موب قادره اتعيش عندهم
نوف باستغراب:ليه عسى موب تبي تجي مطلقه
لمياء: خليها تجي ماعليه كلن متشاوي قسمه منها
نوف:استغفري ربس اذا هو طيب عندها وماناقصها شي وش تبين منها اتخربين افكارها
صدت لمياء عنها وقامت لجوالها يدق
لمياء :الو
نوره:اااااااه بننحد ندق عليس الله يعينا وينس يالهنوف
لمياء :يحصلتس وحدتن مثلي اتكلمس
نوره :اقول لايكثر تعالي عندي اليوم مفلح عنده عشاء لخوايه وابيس تساعديني
لمياء بسرعه:امعصي والله ماتشوفيني
نوره :مالت عليتس مانيب امعلمته انتس هناه
لمياء بدبلت كبد:يبطي والله افزع في عشاه
نوره :بكلم ساره وانتي انطقي اقعدي بلحالس
لمياء ااتغير الموضوع:اقول ساره بتوافق على االوضيفة ابعيده القريه
نوره :اي بتوافق حرام يوم جيت بيتهم راحت
لمياء :اجل بتسكن اهناك
نوره:ايه في مدرسات يرقدن في المدرسه نفسها بتسكن معهن
لمياء :الله يعينها ويرزقها
نوره:امين باي ولادقت عليكم الهنوف سلمو لي عليها
لمياء بقهر:معاد تدق
نوره:ترى توه يالمياء خلى لين ترتاح وتزين امورها بالكامل ولاهيب امخليتكم اقول
لمياء :قولي بس هو انتي تقولين شيىء زين
نوره :هههههه كل كلامي يهبل شوفي اخذي مفلح وتعالي عندي
لمياء بستهبال :ياويلي عليه.. احد يعيف قربتس لاجيت لينس رايحه لرويشد الا ليني متورطه بخوتس ذا العفازه وانتي روحتي منا هااا عاد ذيك الحزه وش بسوي
نوره ميته ضحك :لعنبوتس والله ان مفلح ينسيتس نوره والهنوف بعد
لمياء :هيييه لاتكثرين الحكي ترى امزح مع السلامه..وصكرته في وجهها
لو اخذه صدق كش عليها جلدها لو يقولون له بيقول وش ابي بذا الداشره مبري نفسه ..هزت راسها بتفكير ونوف تناظرهاا بستغراب

فى بيت بو راشد
راشد:يوم الاربعاء مابغى يقرب
ساره :ههههه باقي اسبوع حرام يوم جات نوره رحت بقعد معها بس ثلاث اسابيع وتبداء الدراسه 25 |8 ياربي كيف ياحطون ذالتاريخ
ام راشد :بتنقلين انشالله بنخلي رجل الهنوف ينقلس
ساره بستبعاد:مستحيل والله لو اعشعش اهناك مانقولها شي
راشد :اصبرو لاتستعجلون الامور والله لونتس تطيعيني وترتاحين
ساره :لاخلوني على راحتي ماصدقت انه اطلع اسمي
راشد :الي بيرضيتس بمشي فيه لونه بيضيق عربن واجد
ام راشد :جعل ربي يخليك لها ويسعدك يشهد الله اني راضيتن عليك
راشد مبتسم :هذي الي ادور عليه يالغاليه

||||||||||||||||||||||

فى ايطاليا

ارقدت شوي وقامت النور بادي يطلع الحقت على صلاة الفجر صلت ترددت تقومه ولا تخليه خلته وراحت للبلكونه تفتحها الوان زاهيه تشرق عليها الشمس وتزيدها اطلاله حلوه واصوات شلال من بعيد واصل لهناه تحمست تشوفه راحت لسياج شافت الارض اقريبه شوي فجلست عليه وطلعت رجليها برى وتمسكت بااطراف البلكونه تذكرت ايامنا في البر والبنات فاتحين باب بدي السياره وجالسين عليه ابتسمت لذكرايتهم الحلوه مستحيل اعيشها عندهم لو اطول عمري كله حست بيديه على خصرها
سلطان بهدؤ:هذا مكان تجلسين فيه
الهنوف بتوتر وتهور:ابعد ولا والله ان اطيح نفسي
سلطان قرب منها وحط ذقنه على كتفها :ليه تبين تموتين
لفت عليه بهدؤ واصدم خشمها بخشمه اركزت ظهرها ابعادن منه
سلطان يبتسم :اشوي اشوي لو يطلع دم بخشمي بمشه بملابستس
التفت له مره ثانيه وهو نزل نظره لها ارجعت تلف لبرى وبهدؤ :وخر وخر بنزل .
شالها من خصرها وحطها قدامه وظهرها على صدره :شفتي الشمس اشرقت وانتي ماقومتيني اصلي
الهنوف تهز اكتافها:ماهتميت وقومتني فاكيد انك ماتبي احد يقومك
سلطان ببتسامه جذابه:انا الي ماقومتس
الهنوف:امس ماصليت ولا صلاه
سلطان يضحك:اوووه لوني داري انتس ماتدرين عن نفستس كان سويت الي ابي
قعدت تعض شفايفها بتوتر:مافهمتك
حط اصابعه على شفايفها برقه:لاتخربين شفايفتس الناعمه مابعد شبعت منها
الهنوف بعصبيه خفيفه ورتباك:روح صل وخاف ربك
سلطان يبتسم ويقربها منه: توتس بتعلميني
الهنوف بترجي:خلاص بروح هدني.. ظهري للحين يوجعني
سلطان بسخريه :الظاهر انتس حاطته عذر ...
نهايه البارت

البارت العشرون

الهنوف باسى وهي منزله راسها حطت يدها على يده وفكت اصابعه من خصرها خلاها على كيفها ابعدت :انت تنسى بسرعه او تناسى
سلطان يرفع واحد من حواجبه ويغمز بعيونه :انا ماسوي شي مدري عنه ..
الهنوف بصراحه وهي توخر شعرها عن اعيونها:لانك انسان مافي قلبك رحمه اهم شي تكون مرضي ذاتك
سلطان بعصبيه :لا تكلمين كذا تستهبلين
الهنوف بسرعه وبعتب نزلت راسها :مديت يدك علي والمتني امس بطيحه
سلطان يرفع شفايفه لفوق:اهاا ليه مديت يدي عليس هذي عاد ناسيها
الهنوف بغباء:يعني الا الان ماقلت لي كلام يقهرني ليش مامديت يدي عليك
سلطان يرجع راسه ورى من الضحك :هههههههههههاي تبين تطقيني...
انقهرت منه طنشته ومرت من جنبه متجاهلته لداخل امسك اذراعها وقربها له
سلطان بهدؤ يمسح ظهرها :من وين الاالام
الهنوف برتباك :رضه وبدت تخف
سلطان :زين ...احذرتس من نفسي يالهنوف...فكها ويده بمخبات بجامته ولف يطالع برى البلكونه
ادخلت داخل بسرعه وهي تنفس بتوتر وانزلت تحت خذت نفس بعد ماحست انها بعيده منه اسمعت اصوات بالمطبخ وادخلت له
الهنوف ببتسامه للشغاله: كيف حال
الفلبينيه مبتسمه :كويس الحمد الله انشالله نوم كويس ...امس سيد سلطان في روح صحي نوم انت مافي اجي
الهنوف براعه افتحت عيونها وطقت خدها يعني جاني صدق يقومني
ادخل سلطان المطبخ وناظر الشغاله بصرامه :ليش فطور بارد
الهنوف براعه واحراج صدت بسرعه تناظر لبرى
الشغاله تناظره بخوف وبسرعه:سير انا توى مافي حط فطور
سلطان : الاكل الي على الطاوله الي وفوق
الهنوف تبلع ريقها بخجل:انا حطيته من امس
سلطان يبتسم فجاءه:كلها انتي الي حاطتها
ابتسمت بحراج : حطيتها بس ماكليت شي صح
قرب منها وبحنان مفاجئ :صح ياقلبي ليه من جيتي ماكليتي شي.. لتس عيشه محدده ماندري عنها!!!
الهنوف استحت وهي ترجع ورى :لا توني مابعد تعودت ..وارفعت راسها له وابتسمت تبعد التوتر ..عقب شف وش بسوي
سلطان :جعل فيه العافيه والله ..يالله سريتا جهزي الفطور ..واطلع
اجلست على كرسي المطبخ بفتور ويدها على جبهتها وعينها تعبى دموع بيلعب بحسبتي ياطيب يايطق وانا وين مكاني من ذالحياه الي بعيشها اذا هو المتحكم حتى في داخلي هزت راسها تبعد عنها الافكار ابي اروح لمكان بعيد موب فيه ارتب افكاري واطنشه اطلعت شافته قاعد على الاب
واقفت عند باب المدخل:بطلع شوي برى اذا مافيه احد
سلطان بدون لايرفع راسه :اطلعي الجو خالي
اطلعت افتحت الباب وقفت عنده وهي ماسكته حقول خضراء واسعه وفيها اشجار صغيره منظر بديع صكت الباب خافت لاتطلع برى ارجعت اتوقف مكانها الاول
سلطان ارفع راسه :ليه رجعتي
الهنوف تهز اكتوفها بخفيف وبصوت هادي:خفت لايجيني احد مادريت
سلطان :هههه روحي هذي منطقه سياحيه كلها فيه ناس سياح وفيه امان اخذي راحتس
الهنوف بخوف وتردد عقدت حواجبها :مدري
سلطان :موب لازم تروحين تعالي اجلسي جنبي
الهنوف برتباك :لا ودي اتمشى
سلطان هز اكتافه ونزل راسه للابتوب
اطلعت وجلست عند عتبة الباب الرئيسيه ويديها معنزتها ورى على الارض

فى المملكة - بيت بو فهد

ادخلت على لمياء ومدت عليها هبه
منيره برجى: امسكيها بروح للمشغل تكفين يالموي خليها تجلس عندتس اليوم بس
لمياء بستبعاد :مستحيل منيب فاضيه ماعرف لها.. لاتطيح مني تبلشيني انتي وابوها
منيره :لا ماهيب انشالله طايحه
لمياء بدبلة كبد:خلاص جيبيها لعاد تعوديينها...
منيره :المهم انتس ذلحين اتدورين الشغل ماعاد عنتدتس احد
لمياء :لا مابيه ابي اقعد اتمغط يمين ويسار
راحت منيره اليوم طلعتها من الاربعين
فهد ينادي لمياء:لميااااااااااا
لمياء بشين نفس :خير
فهد يستهزء فيها :خير ...قومي دوري لي شراب من سسماء ولا ارض
لمياء :معي هبه روح دورها انت
فهد :قومي قومي ياله ياله ..ويدززها
لمياء بعصبيه :فهددددددددد
اصطرها وانحاش :هههههههه خلاص هذي تكفي بدل الدساسيات
لفت عنه وهي معصبه قعدت تصيح هبه زينت لها رضعه وعطتها اياه سمعت صوت امها تناديها تحت انزلت لها
لمياءء:لبيه
ام فهد :خلصتي اغراض العرس معاد الاخير
لمياء :ايه كل شي خالص متى يجي يغير ذا الجو
ام فهد بترجاي :وافقي يأمي على سعيد اعرسي كلن راح ونتي ماتبين احد
لمياء بقهر من ذا السالفه:لا يمه خلاص لاتخرجت فكرت
ام فهد :وش الي بيدريتس انه بيجي احد صاحي لاتخرجتي!!! ها قعدي يالميه.. دقي لي على الهنوف
لمياء بدون مباله بالموضوع:ابشري
دقت لها وجوالها يدق ماترد
|||||||||||||||
فى بيت بو مفلح

ام مفلح :نوره اكدتي الحجز لا يفوتس شي
نوره:ايه يمه
مساعد :يوووه يانوره معاد بقى الا خمس ايام معاد عندي احد اشوشه
نوره :ماعليك انت.. وتلتفت على امها.... يمه زوجي مفلح تكفين يمه اجبريه على لمياء بنت اختتس حبوبه ومزيونه
ام مفلح :وش اسوي به لرفض
نوره :اجبريه لاخذاها بيقتنع ذلحين راكب راسه على قل سنع
ام مفلح :اصبري لين يخلص عرستتس وبشوف
نوره :لايمه وش تحترين لاتروح ثم نندم
ام مفلح :لا اصبري لاجاها احد علمناهم
نوره تكلم نفسها ياخوفي لاجاها احد وجيتو ترفض مفلح
|||||||||||||||||
فى ايطاليا
ارفعت يديها على راسها وركزت ظهرها استنشقت ريحة الورد بستمتاع
امسك ذراعها ووقفها بقوه اصرخت صرخه وخفيفه ولفت له
سلطان يبتسم:اسم الله عليتس
الهنوف تنفس بسرعه :خوفتني
سلطان :حسبتس ماخليتي مكان ماجيتيه
الهنوف بمزح:لا خلني عند الباب تسمع صوتي ...
مشى وهوماسك يدها :اجل انا بمشيتس...استغلي وقتتس ترى انا ماحب التمشيات جدا
الهنوف تناظره بنص عين : اصلن احنى ماعمرنا تمشينا ماتعودت ارتاح ..حدنا النعيريه ومستانسين فيها...
ناظر لها شوي وبهدؤ: من النعيريه؟؟..
الهنوف بقهر:ايه.. ماتعرف انا من وين!!
سلطان بدون اهتمام بالامر:خلتس كذا نظيفه لاتطلعين للعالم....
دق جواله ورد عليه تاملت الطبيعه الجو بارد وهي ماعليها شي يدفي بس تحس بحراره من داخلها تنفست بتعب الظاهر يحسب انا حنى من ارماح
سلطان :خلها تاخذ راحتها
نواف:ابشر انت وش علومك اربك مستانس
سلطان :كل اموري تمام ولله الحمد.. نواف ياخوك الشهاده لاتخيب ظني فيك
نواف بتوهيقه :لا لا انشالله ان ترفع راسك
سلطان بتشجيع : سنايدي ابو نايف.. يالله سلم على الي عندك
نواف: تسلم مع السلامه
صكره ووتكلم بسرحان :ماكان هذا موقفي اتمشى بكل ديره ..المفروض جالس على كرسي لواء او عقيد
الهنوف بعدم فهم لكلامه :ليه وش يعني
سلطان بهدؤ :انا متخرج من كلية الظباط لاغير
الهنوف ترفع حواجبها بخبث:ليش مادرست برى ..
سلطان يطقها على راسها من ورى بخفيف :عارف ان عندتس علم بس مايهمني.. !!
استحت وفركت اصابعها بارتباك
سلطان ببرود : روحت اخوي نواف برى غصب على ابوي ..واضحك بخفيف ساخر..
ارفعت راسها له وبستغراب:ليه مايحبكم ؟؟..
سلطان يضحك:لا يحبنا...وبهدؤ...يمكن الي مخليتس ترفضيني الى هالحد خوف من الحياه المعقده بس مابعد عرفتيني زين..,,
الهنوف بقلق يعني عارف اني بتلخبط حياتي معه وبهدؤ:لا ماعرفتك ولا انت تعرفني ...
سلطان يناظره بهدؤ:صح ماتعرفيني لكان انا باخصتس زين
الهنوف برفعة حاجب :بخصتني من يوم بس
سلطان :من نظر موب من يوم
اسكتت وصدت تناظر للطبيعه من حولها تذكرت شي وبسرعه لفت له :لو باخصني عرفت اني اكرهك اكثر من اي احد وماجبرتني اختلط معك
سلطان برفعة حاجب لف لها ناظرها شوي ولف لقدام :لا عارف ان كل نظراتس كره ..مراح تنامين برى الحجره لو كرهتيني طول عمرتس ...!!
نزلت راسها بحراج من انه اعرف انها تحاول يخليها تنام بعيد منه
سلطان بنبره هاديه وببتسامه:الحياه معي حلوه لاتفوتينها
الهنوف بصدمه من ثقته الزايده بنفسه وبقهر:لاموب حلووه
سلطان يحط يديه على اكتافها وبتفكير :تعرفين صاحبة الفراء امراءه تبيع الفراء في عهد الملك ويليم ملك انجلتر الاعظم ...
ناظرت له بسرعه حست بخوف من صوته الهادي ورجفان قلبها الي يزيد نزلت راسها وعينها تسرق له نظرات واذانها منصته له
سلطان يكمل :وقفت عند قصره بمانشستر تبيع لعاملات القصر طل عليها الملك مره وهي تحاج عامله ماتدفع لها وتاخذ منها بكميات كبيره اعجب بشكلها الاثير حتى وهي بهندام سي جدا استدعا وزيره وطلب منه يشتري ماكان معها من فراء ويدفع لها المال بضعاف فعل الوزير الي اطلب منه الملك وشرا منها لكن الوزير اخذ الضعف الي أمر به الملك وعطاه الثمن صافي
نزل نظره لها شافها تناظر قدام ومعقده حواجبها بتاثر وشعرها يطير مع الهواء ويرجع يحاوط وجهها
تنهد وكمل :افرحت بما ان الفرا كله راح وارجعت لبيتها اخذه الملك بدون لايشوف اي فرءا منه واتجه لبيتها على طول وقف عند البيت واطلعت له ..وش توقعين قال لها
الهنوف تلف له وبتفكير :بيعرف ان الوزير اخذ الزياده
سلطان :لا هاذي كماليات بالقصه مالها داعي ...أسالها وين تجيب فراء الدببه القطبيه منه وانجلتر بلد ماتعيش فيه هالحيوانات
الهنوف :اهااا طيب مستوردتها
سلطان :لاا الفراء فراء ثعالب تعيش في شمال انجلتر في أجواء بارده وروجت هي بدورها انه فراء دببه والناس من جهالتهم صدقو هاذي الكذبه الملك بعدها غضب عليها لانها اخدعت سكان قلعته اجبرها تشتغل عنده بقصره واجبرها تجيه بغرفته كل يوووم تسقيه شراب الخمر واذا اسكر معروفه تاليته وهي عنده
الهنوف حاولت تمالك نفسها من البتسامه وصدت بسرعه
سلطان :وهو بكذا اضغط عليها بدخولها حجرته كل يوم عارف انها تكره ذالك وعارف انه تكرهه وهذا عقاب لمشاعرها ..لكن المفاجاهء
الهنوف بسرعه :ايوووه
سلطان يوقف ويلفها له :انها حبته وفضلت تعيش خادمه عنده مهما عاقبها ولا يبعدها عن احضانه
الهنوف تناظره ولفت عنه بسرعه :مافهمت مغزى القصه
سلطان :بتجربينها اذا مافهمتيها..
ناظرت لقدام رافعها حواجبها باستغراب

نهايه البارت

[7btin]

البارت الواحد والعشرون
دق جوال سلطان دخل يده بجيب بنطلونه الاسود واقعد يتكلم باالانقليزي والهنوف تنزل وتقطف الورد
صكه والتفت عليها :بكره بروح لواحد من الربع اهناه جهزي نفستس
الهنوف عقدت حواجبها :لا.. مستحيه
سلطان :لابتروحين ..
الهنوف تزم شفايفها:طيب ...
حست بالتعب ماتعودت تمشي لف لها شوي وامسك يدها لاف وارجع من الطريق الي مشو معه اوصلو للبيت وقفها عند باب الحديقه اترك يدها وكمل طريقه
ناظرته وهو يمشي على اقل من مهله حست بالبرد ادخلت لداخل مرت المطبخ الشغاله تشتغل وتغني ابتسمت ورقت لفوق
شافت جوالها لقت مكالمه من امها توها بتدق الا جوالها يدق
الهنوف:مرحبا خاله
ام سلطان بضيقه:وش في سلطان ياأمي كلمني صوته موب زين عسى موب متغير عليه الجو وتعبان
الهنوف بستغراب:لا ياخاله لاتوسوسين كنا نمشي يمكن اتعب من المشي
ام سلطان :الله الله فيه ياهنوف تكفين يامتس لاتخلينه من الاكل والحاف برد وهو ايهتم لنفسه
الهنوف:مانيب امقصره انشالله
ام سلطان :مع السلامه حبيبتي
سكرت ودقت على امها كلمتها مشى عليها الوقت بطئ قضت الوقت مع الشغاله تسولف عليها ومره تطلع للبلكونه وتنزل مره ثانيه تعشت بسرعه ورقت لحجرتها قفلت الباب وارقدت .....
فزت على صوت طق الباب العالي ازعج نومها
قامت بسرعه وراحت له:من
سلطان بضيقه وصوت عالي :سلطاااان ...
خافت من صوته و افتحت ابعدت عن الباب وراحت على طول للفراش
سلطان بقلة صبر :الخوف على الي بجي منتس موب منهم

دخل الحمام انسدحت تكلم نفسها يروح واحد ويجي واحد ثاني اول مره اعرف كيف كلمة مزاجي صح ...طلع من الحمام وعليه بجامه رماديه صوف انسدح على السرير جنبها واسحبها صوبه
الهنوف براعه اقعدت والتفتت صوبه وبرجى:طلبتك لاتجبرني توني ماتعودت عليك اتركني
سلطان برفعة حاجب : ماخبرت المعرسين الجداد يقعدون لين يتعودون على بعض مثلتس مثلهن
الهنوف تنزل راسها :حنى موب معاريس اجداد
سلطان بهدؤ: زين انتس داريه انتس منتب عروس جديده... انا سبق ونبهتس حركات البزران ماتحملها
اسكتت وهو نزل راسها لصدره ويده على ظهرها
نزلت دموعها غصب ووضح صوتها اقدرت تخفي عبراتها
سلطان بستفزاز :صيحي يالهنوف..انتي المسؤله عن حالتتس
امسكت شهقتها وعضة على شفايفها وبدون صبر: انا مابيدي شي
سلطان بهدؤ:ااااص لاتزعجيني اذا رقدت قومي... امسحت دموعها بضعف وعيونها شاطحه بسقف الحجره حاولت تغمضها وتعتاد على وضعها معه ترددت ترفع راسها له تشوف اذا نام وفضت تضل بمكانها الى ان يروح نص الوقت حست بكتمه من قربه ودموعها تنزل بقلى حيله...
تنهد بعمق: لاتسوين فيها لي راي وبفرضه سامعه...
هزت راسها بايه ودموعها مبللة بلوزة ابجامته ابعد راسها منه ولقاها ظهره ابعدت اخر السرير وحطت الشرشف على فمها ليطلع صوت ابكاها ماتدري كم راح من الوقت لين نامت
من بكره الساعه 11 قامت مالقت له اثر بالحجره تسبحت والبست فستان من الصوف ضيق ملون بخطوط عرض عريضه يغلب عليه لون البني الى اسفل الركبه بشوي وبوت بني سيحت شعرها مره.. واكتفت بذالك ..انزلت لتحت بشويش وهي تنزل راسها تشوف اذا موجود ارتاحت عقب ماشافت الصاله فاضيه وتوها بتقعد ادخل..
سلطان وعينها على لبسها :خلاص
الهنوف برتباك من نظراته :ايه .. طلع لبرى وهي البست عباتها وتلثمت
فضل يمشي الجو حلو والبيت اقريب نص ساعه مسافة وهم بالطريق هدؤ يخيم طريقهم ونظرات شارده كان يسبقها الخطى وهي تمشي بسرعه لاجل تلحقه مرت جنبهم ايطاليه لابسه شورت وبطنها طالع ناظرها وهو عاكف رقبته يتبعها لين اتقت
الهنوف بقرف:شوي شوي لا تكسر ارقبتك
سلطان مبتسم :من الي يقدر يرد نفسه من مناظرها الا القليل...
وللا سف ماني بمنهم
الهنوف:من سوء حظك ، سكت ومازال مبتسم
استقبلهم رجال سمين شوي سلم على الهنوف من بعيد وووجها للباب و ادخلت داخل
هيام تفتح الباب وبدلع:مرحبا
الهنوف :مرحبا
هيام :تفضلي الهنوف صح
الهنوف ببتسامه :صح ياقلبي
هيام بدلع ماصخ: انا هيام مشالله حلوه ياالهنوف بس ماتقارنين ببنات عمه
الهنوف بستغراب اسم الله توني ماقلت السلام اسفهتها وسكتت وهي راحت تجيب عصير خذته اقعدت تشربه بملل وهيام تمقل فيها وساكته
هيام بخبث :يحبك والا ام عيال بس
الهنوف :روحي اساليه شوفيه برى
هيام بضحكه مستفزه: كان بنات عمه يجون هينا مشالله عليهم ادب واخلاق غريبه ماخذا منهن
الهنوف ببتسامه واثقه:شاف فيني شي ماشافه فيهن
هيام بحقد :لاااا وشو عشان زيادة جمال بس ماهوب كل شي الجمال
الهنوف ببتسامة تعجب:وش فيس علي سامعه مني شي مادريت عنه توه اول لقاء بينا
هيام بتصريفه :لا بس ان شوي صريحه
الهنوف :حلو الصراحه بادب
هيام تعكف شفايفها :يعني انا قليلة ادب.
فضلت تطنشها وتسكت . جاء رجل هيام ونادها وقامت له بعد دقايق
ارجعت لها هيام وببتسامه:ياله تجي معي انحط الغداء
ابتسمت الهنوف وقامت اغرفو الغداء وصفو على طاولة الطعام وقفت الهنوف جنبها وهن يحطن الصحون على الطاوله
هيام بغيره :مشالله اطول مني بشوي بس
الهنوف ماقدرت تمسك نفسها واضحكت واستهبلت عليها:لااا وين اطول انتي رزه مشالله عليس
لفت هيام بغرور وراحت تناديهم افتحت باب الي على الحديقه من الجهه الثانيه ..ادخلت الهنوف للسفره الي حطتها هيام بالصاله وجلسن يتغدن
الهنوف :تسلم يدتس اكلتس حلو
هيام : تسلمي من ذوقك مشالله شفتك اكلتي مره
الهنوف هي صادقه كليت جايعه ماهتميت لعيونها الي تناظر القمه الى ان تدخل فمي اما هو فما اكل معه شي ابد استحي منه بقوه خاصه ان كان الجو هادي.. قمت غسلت وجلست ادعي الله انه يناديني الحين
هيام تبتسم :غسلي معاي المواعين مدام جالسه كذا يد على يد
الهنوف ببتسامه:لا معليش اعذريني يدي بصير خشنه ماتعودت اشتغل.." موب من طيبتس اغسل معتس
هيام لفت بقهر وراحت والهنوف ترتب نفسها وتعنزت على المسند خلصت هيام الغسيل وجات تجلس معها
هيام :سلطون مانادك للحين
الهنوف بدون قصد:هههههههههه لا والله ماناداني سلطون للحين ..وبسلوب مزح ..ليش اتنادينه سلطون مايصلح انا الي اناديه كذا بس شين ادلعتس يبطي مناديته سلطون
هيام :كانك تستهزين فيا
الهنوف انفلتت بقهر:لا بس استحي على وجههتس تنادينه كذا
هيام بدون اهتمام :كل اصدقاء سامي كذا اناديهم وهو صديق في الدراسه من زمان وماعندوه مشكله
سمعت صوت رجلها يناديها راحت له وارجعت وقالت لي اطلع له برى وهي بسرعه راحت فوق لبست عباتي وقعدت ادور طرحتي لقيتها ورى المعلاق طايحه عاد حاطتها زين لبستها واطلعت له شافته جالس بلحاله راحت له بدون لايحس بها ارفعت راسها تشوف وش يناظر هيام لابسه لابس وجوده مثل عدمه وتكلم بالجوال
الهنوف بهدؤ:ياله شبعت ولا اجلس اشوي لين اتخلص
التفت عليه وبرفعة حاجب:بشوف الي مالقيته عند مرتي
الهنوف:فالت نفسك مره اجل كيف ترضاها على خويك تشوف مرته
قام معقد حواجبه امسك يدها واطلعو برى : هي الي اطلعت مارحت لها لا تقومين تحرفين لايجيس شي مايرضيتس
التفت سلطان على بلكونتها مره ثانيه بعدين مشى لفت الهنوف لقتها الى ذلحين وهي فيه انا متاكده انها متقصده
لفت هيام على الهنوف ارفعت حواجبها اضحكت ودخلت
الهنوف:الله يشفيتس مريضه عشان كذا شوي واطقني عاشقته!!
راحت ورى سلطان ولفت مع الجهه الثانيه التفت يمين شمال :وين راح مامداني الف الاهو رايح...

البارت الثانى والعشرون

دورت ربع ساعه مالقته ولبيوت كثيره كلها متشابه خافت لايجي احد و شكلها ملفت وقفت عند شجره على طريق بين بيوت بتوتر والعبره بحلقها امسكها مع يدها واسحبها بقوه
سلطان بغضب :وش موديتس كل هالمسافه
الهنوف بسرعه :لفيت ومالقيتك رحت ادورك وضيعت ترى اول مره اجي
سلطان بنبرة تهديد:اشبري شبر وانا موب جنبتس...
الهنوف بقهر وعصبيه تحاول تخفيها منه :اتهاوش على كيفك متى مابغيت مافيني مشاعر انا!! لاني ساكته كل هاالوقت
سلطان يحط يده عند فمه بمعنى اص وبهدؤ: لا اسمع كلمه كل الي انتي فيه انتي الي جبتيه لنفستس..اسكتي دام النفس عليس طيبه
تخنقتها العبره واسكتت مشى وهو ماسكها بقوه كلم رجال يجيب سيارته ووقفو على الطريق ربع ساعه ووقفت السياره انزل الرجال وركبو وراح لطريق عام لين اوصلو لسوق
سلطان بأمر جاف لف عليها :انزلي
انزلت مشى لين وقف عند المحل مكان فساتين
سلطان يأشر على المحل :ادخلي جيبي لتس فستان
الهنوف بهدؤ حزين :ليه وش داعيه
سلطان بنفاذ صبر وهويطلع بطاقة ويمدها لها: هذي فيه الفلوس الي في الشيك وقطعتيه.. الوالده بتحط لتس حفله....
ادخلت الهنوف تمشي على الملابس وناويه ترجع ملابس النايفه دام الفلوس جاتها قعدت تشرى بسرعه
جالس برى اسمع صوت جوالها دخل يده بجيبه وطلعه شاف رقم ابوه تنهد ورد:مرحبا يبه
ابو سلطان :مرحبا وش لونك عساك طيب
سلطان :طيب طاب حالك بشرني عنك
ابو سلطان :الحمد الله سلطان انت دريت ان سعود تخرج من الثانوي ذا السنه
سلطان بدون اهتمام :لاااا
ابو سلطان : تخرج ونسبته ترفع الراس
سلطان في نفسه حلو انا منزل راسك
ابو سلطان :اسمع ابيك اتسجله في وحده من الجامعات عندك بيرسل اوراقه لك
سلطان بنفعال :تبي اتدرسه برى
ابو سلطان :فاهم عليك قصدك انه داشر حط في بالك انه موب مثلك راعي زقاير وتفحيط ونسووان شله مأثره عليه وببعده عنها بس
سلطان بغضب: ليش مابعدتني من الشله الي اثرت علي
ابو سلطان :عمتك اتعلمني بعلوم ماخلتني اتغاضى عنك
سلطان :حرامن علي حبة خشمها مادمت اشم الهواء
ابوسلطان بصراخ :سلطان احترم نفسك
سلطان يرطب شفايفه وهومعصب وساكت
ابو سلطان :رتب اموره في الجامعه قبل تجي
سلطان :ماعليش يبه عنده اخوى اكبر مني ومنه يسنع اموره
ابو سلطان :سلمان مشغول
سلطان :وانا بعد مشغول اخوه اولى مني
ابو سلطان :تعصاني ياسلطان ياولد مهره
سلطان بنفعال:ايه اعصاك مالي في سعود حاجه عنده اخوه
ابو سلطان بغضب:اقطع لعنبو من راباك ...تهور سلطان وصكه في وجهه
سلطان يتنفس بغضب مايعرفني الا بغى حاجه لاااا وجاي يعيب في الي رباني امنعني من الحلم الي تمنيته طفل ثم شاب والله لوانها على جثتي مامشيت في اوراقه
ارفع راسه بتوتر اناا سلطان الي ارخي العنان وارجع ابتسم لكم بعد جفاكم ارفه راسه بقهر ناظر مراهق واقف عند عمود الاناره راح لها وكلمه
سلطان :هل يمكن ان اشتري مامعك بخمسين
الولد بتعجب:لكن ثمنها اقل من ذالك
سلطان :هل ستعطيني اياها
الولد بفرحه :اجل يسعدني ذالك.. مدها له خذاها سلطان وعطاه فلوسه
الولد :لماذا اشتريتها بذالك المبلغ
اسفهه سلطان وتعنز على العمود
~~~~~~~~~~~~~~~
عند الراشد
ساره :يمه راشد امكلمني بشوف البطايق وينها
ام راشد بضيقه :توه يبي يوزعها
ساره :مدري مشغول فديته
ام راشد :عطيني الجوال ودقي لي عليه
دقت لها ساره وعطتها اياه
راشد :لبيه
ام راشد :السلام عليكم
راشد :وعليكم السلام
ام راشد : اقول يابوي وش تبي بالبطايق
راشد :ابيها بعض اخوياي ماعطيته
ام راشد:انت وزعتها
راشد :ايه لبى قلبتس وش نحتري معاد الاخير
ام راشد :زين جعل ربي يوفقك ويسمح امرك
راشد مستانس بذا الدعاوي:ايه هذا الي ابيه وين ساره عطيني ايها
ام راشد تمده على ساره :تعالي يبيتس
ساره :لبيك
راشد : علميني نوره بتدخل على الحريم ولا لا
ساره :لا لا عيت امها
راشد :ايه اشوى انا بعد مابي ادخل عليهن
ساره :ليه نوره بتدخل لوك اتكلم خالتي وتقول لها اتخليها تدخل
راشد:لا مقاله الله من جدتس ادق واقول خلوها تطلع للنسوان مااااخبلتس
ساره :كيفكم ابيك كان تجي وواوريك خوياتي
راشد بقهر:بس واحسبن هي الي محرضتتس
ساره :هههه لا انا الي ابي
||||||||||

بين لندن وايطاليا
النايفه بفرحه:وش رايتس في ايطاليا
الهنوف رافعه راسها للمعروضات وخاطرها ماش :حلوه...
النايفه تمزح :لبى اخوي الي وداتس
الهنوف ببتسامه الم :اي والله ماقصر الله يخليه لكم
النايفه :ولتس
الهنوف ماتبي اتزعلها:ولي بعد.. مستانسين
النايفه :اي والله بعلمتس بس لاتعلمين سلطان تكفين
الهنوف:قولي مانيب امعلمه
النايفه بحزن :اخوي نواف ساقط ذا السنه
الهنوف :ليه...اجل بيسوي لنفسه مشكله
النايفه :امي ضاقت عليه ماكلمته الا عقب ماتوسط بموضي عندها
الهنوف:الله يعينه وش بيسوي
النايفه :يجي على وجهه ارمضان بيقعد شهر وبيرجع يمتحن المواد انشالله ينجح وماناب امعلمين سلطان لين يجي هو الي يعلمه
الهنوف بصدق:يارب يانجح حرام السنين والتعب
النايفه :امين
الهنوف :النايفه فديتس مع السلامه لافضيت انشالله دقيت عليكم
النايفه :مع السلامه قولي له اني حجزت لكم بعد
الهنوف يصير خير اقوله يوديني :ايه انشالله
خلصت تشراي وشرت للنايفه اكثر شي حاسبت واطلعت له ناظرته بتقزز من اندماجته بالي معه وقفت وراءها تنهدت وبصوت هادي:اذا سمحت
التفت عليها وبتعب:خلاص
ترددت خذت نفس وتشجعت قربت منه وشالتها من فمه امسك يدها ورص عليها بقوه خذاها منها واحذف يدها عليها
سلطان بحقد ورفعة حاجب :تجرئ وعوديها
الهنوف بعتب:انا مسئوله منك هذا دمار لصحتك
سلطان بتساؤل عقد حواجبه:مسوئله مني!!.. ماشفت شي من مسولياتتس صوبي
الهنوف بقهر:كيفك يعني يوم طلعت برى السعوديه صعت وخذيت راحتك
سلطان ياخذ منها نفس وينفثه عليها وببتسامه :ايه ابي اخذ راحتي عندتس مانع يا قلبي
ابعدت عنه منصدمه من تغيره الغريب وجهه المظلم .
احذف الزقاره وراها وانزل عينه على يدها:وين اغراضتس
الهنوف صدت عنه وخانقتها العبره :في المحل كثيره
دخل لعندهم وعطاهم العنوان وهي التفتت على الشارع قعدت تمسح ادموعها قبل يجي "امنيتي ماخذ مدخن واطلع يدخن ليش حظي كذا كل الي ابيه عكس ليه وش سويت في دنيتي وانا مادريت يارب سامحني
طلع عقب ماعلمهم بالعنوان واشر لها تركب السياره اركبت ومشو
دخل السياره للحديقه انزلت بسرعه وراحت فوق مالي نفس اشوفه كرهته بقوه لو شايفته من بعيد ولا في التلفزيون كان تمنيته رجلي عرفت الحين ان المظاهر خداعه تعبت من التفكير فسخت عباتها فكت شعرها وجلست على كرسي البلكونه والشمس باديه تغيب ..
برد صح بس ماحسيت فيه.. خدودي وردت سحبت اكمام فستاني على كف يدي
جاء ووقف وراءها بهدؤ :امي كلمتتس
الهنوف وناظرها لقدام :ايه
سلطان :وش تبي
الهنووف:تسال عنك
تقدم جنبها وجسمه موجهه لها ويناظرها:وش قلتي لها
الهنوف ترفع راسها له :قلت مادري.. كذا صح ولا
شاف الحزن بعيونها مزيدها صفاء ولمعه وسواد ارموشها لخبطه وبضيقه وتعب دخل يده في شعره ومشطه بقوه
تكلم بسرعه فجاءه :انا ابيتس تجبين لي الولد اثنين بس اثنين وبخليتس عقبها تروحين حتى البنت مابيها اخذيها معتس...
الهنوف بصدمه افتحت فمها تدراكت نفسها وقفت جنبه و اببتسامة حزن : ليه والعيال الي بتاخذهم مالهم ام تبيهم بعد وبتحن عليهم ولا انا في نظرك ماحس اجيب وانسى .. وبنفسها .. عشان كذا هيام تقول ام عيال بس ...صاحت بقوه وحطت يدها على فمها تمسك شهقتها
سلطان بهدؤ:بيجونتس متى مابغيتيهم وليه البكى الحين توتس عليه .
ارفعت راسها لها ودموعها اربع اربع على خدها :تشمت علي ياسلطان...
احضن وجهها بكف يده وببرود امسح ادموعها ببهامه
ابعدت ايديه بقوه ودخلت داخل يسكتني لين اجيب الي يبي هين ياسلطان والله ماتشوف البزر مني ونا الهنوف بنت ناصر
ادخلت الحمام غيرت ملابسها والبست بجامه سوداء مخمل اطلعت ولا لقته في الغرفه ترددت اتكلم نوره بس نوره موب صوبي عرس وربكه دقت على ساره وشالته على طول
ساره بفرحه :مرحباااا براعية ذالصوت
الهنوف توسع صدرها :بتس اكثر يافديتس ياساره والله اني اشتقت لكم
ساره : ونا اكثر يابعد روحي وش اخبارتس اعلومتس
الهنوف:طيبه انشد عن اخباركم وش فيكن معاد دقيتن
ساره بخجل:استحينا والله اخاف ندق وانتي مشغوله
الهنوف باسى :دقو علي ياساره لاتخلوني بعيدة شوف وبعيدة صوت
ساره :ابشري من عيوني ..وبتردد.. انتي مستانسه
الهنوف اسكتت اشوي :ساره انا نفسيتي تعبانه موب مرتاحه ابد
ساره بحنان :ليه حاولي اتئقلمين نفستس
تخنقتها العبره ولاعاد اقدرت تكلم.
ساره :معي
خذت نفس وابلعت ريقها:ساره انا..ما..هو.. يبني اجيب بس اعيال مايبيني بذاتي يبي يضيع شبابي اجيب له اعيال واقعد احاتيهم انا انسانه ابي اعيش حياتي مع شخص يبيني قبل يفكر في المستقبل وش اسوي ياساره ....صاحت بقهر..معاد قدرت اصبر
ساره مادرت و ش تقول : هدي اشوي اهو الي قالتس انه بس يبي اعيال ولاانتي الي قمتي توسوسين من كيفتس
الهنوف بحزن:لا هو الي قال ياساره قالها في وجهي ماراعا شعور ولا حن علي ساره ظنتس اني انا الي بفكر ذا التفكير وهو مقال شي.
ساره ساكته ماعرفت وش تقول
الهنوف بهدؤ:انا باكل حبوب وبخليه يحتري الولد الي يبيه
ساره وصوت الهنوف ماثر عليها :خلاص ياقلبي سوي الي تبين اكليها يمكن لابطيتي يمل ويخلي سبيلتس
الهنوف بجمود:اصلن مابي منه اعيال ..ساره لاتقولين لاحد حتى نوره ..
ساره :افا عليتس ارتاحي بدعي لتس انشالله يمكن بعد يحبتس ..وبمزح بتغير نفسيتها ..من الي يشوف بسمتتس الحلو ه ولاتدخل قلبه
الهنوف تمسح خشمها بعد البكى وببتسامه : ويلتس ثاني مره لو تمنين مثله بقطعتس
ساره بضحكه :وهو مافيه حسنه كله عيوب
الهنوف بضحكه فيها دموع:تدرين ساره يبيكيني ويمسح ادموعي... يفرح لاشاف دمعي بس يضحك لي انا احس بالخوف منه
ساره :اسمعي زين يالهنوف عيشي حياتس بدون مشاكل خليه على كيفه اذا ماتبينه ترى الرجال يحب الي تحارده وتعانده خلتس عاديه معه لاتطلعين شياطينتس
الهنوف بحيره:والله مدري وش اسوي بس الحين ارتحت الله يريحتس دنيا واخره
ساره :هذا الي ابيه موب حاضره العرس
الهنوف: لا مانيب قايله له شي
ساره :على راحتتس الله يسهل امورتس
الهنوف :في امان الله وخلي نوره تدق كل مابغت لاتستحن
ساره :ابشري مع السلامه
الهنوف:مع السلامه
انسدحت عقب ماسكرت التلفون وهي تفكر وشلون اجيب الحبوب بس من الي بيجيبها لي خلن احافظ على نفسي انشالله اخلي الشغاله تجيب لي بكره شافت الساعه عطشانه من صبح ماشربت يابس حلقي قامت تصلي المغرب اول اتجهت لدرج شافته راقي فجلست في الصاله على كنبه منفرده وعينها على التلفزيون ادخل الحجره قاعد تقريب الساعه قامت للبلكونه سكرتها وقفلتها وهواطلع قبل ترجع مكانها راح للبلكونه افتحها ورجع يجلس على الكنب
الهنوف بغيض في نفسها حتى هذي يحس انه بيبرد كبده فيها
سلطان وهو يلبس شرابه: عطيني الريموت
مدته له ارفع راسه وخذاه وهي راحت للدرج عطشانه من متى ماشربت من امس
سلطان :لاتنزلين ترى موب مطمئن للوضع تحت
رقت بسرعه له وبخوف:وشلون يعني وش فيه
سلطان وهو يغير القنوات :لاتنزلين ...ولاتسالين
الهنوف بقهر :طيب سكر البلكونه
سلطان :الجو حار هنا
اجلست امقابله الدرج وهي تنفس بسرعه :خلاص خلن نرجع بكره انا معاد ابي اتمشى
سلطان بدون مبالاه:موب على كيفتس
مر الوقت بطي وهو مندمج مع التلفزيون ويشوف فلم الطعنه الثالثه
حطت يدها بحظنها وعينه لتحت ماتبي تشوف التلفزيون ترددت تروح للحجره اخاف يهجم علي احد هناك ماحد يدري تنفست بخوف وهي تناظر لارجاء الصاله صوت صراخ ااااالتلفزيون ارعبها حطت يديها باذانها وغمضت سخيف مافيه رحمه ابد ليش يخلي عليه ..من الامان الي هناه
طفى التلفزيون وبصوت عالي :وش فيتس
انتفضت بخوف ولفت له وبرجى :سكر البلكونه
سلطان يرجع يشغل التلفزيون ويهز راسه بلاا ..
حست بدمها يفووور قرات الي تعرف من القران
شاف الساعه وبعدها قام شافته ووقفت بسرعه ماكان منتبه لها اتجه للغرفه واتبعته لف للحمام وافتح الباب
الهنوف برجى:وانا
لف لها بستغراب :وش تبين
الهنوف بخوف صدت منه :خلاص مابي شي ..راحت لكرسي الغرفه واجلست عليه ناظرها شوي وادخل للحمام
حطت يدها على رقبتها بخوف وعينها على باب الحمام وباب الغرفه افتحه واطلع
الهنوف توقف وتروح له :كلم الشرطه
سلطان ببتسامه استغراب :ليه بتشكيني
اعرفت انه بيتهزى فيها فنزلت راسها ولفت منه
لفها له وبحنان :خايفه
اابلعت عبرتها وصدت براسها منه
سلطان: توضي وتعالي صلي معي
ارفعت راسها له ببتسامه هاديه انه يصلي اطلع برى وهي توضت واطلعت له بسررعه بشرشف الصلاه اشر لها جنبه لفت الجلال ووقفت جنبه التفتت عليها
سلطان :هذي صلاه مافيها خوف اقربي لاتخلين بيني وبينتس فرجه عشان الشيطان لايدخل بينا ..مع اني ضان انها داخل.. التفت بهدؤ وكبر
اقربت والصقت فيه خوف واظهورهم للدرج
الهنوف ماتفاجاءه من صوته روعه وكلمة روعه قليله عليه اخشعت معه سلم من الصلاه و سلمت
سلطان ببتسامه يناظرها :ليت قلبي في يدي
ارمشت بعيونها بسرعه واسكتت
سلطان بهدؤ عميق وبصوت أمر:غمضي
التفتت على الدرج وسالته:ليه
ابتسم حط يده ورى راسها ولفه له امسح على عيونها الى ان غمضت مرر اصابعه على ارموشها بنعومه افتحت بسرعه ووقفت متوتره نزل راسه وعيونه لقدام لفت منه وراحت للحجره خذت نفس وانسدحت على السرير بتعب معاد اقدر اطلع له..ناظرت في السقف بألم لحالها واقعدت بسرعه هزت راسها تبعد عنها الافكار الموحشه خذت الجوال اتناظر مقاطع جوالها
طقت الخادمه الباب وادخلت
الخادمه:مدام عشاء
الهنوف :مابغى شبعانه..
الخادمه : سير سلطان مايبي بعد
الهنوف تهز اكتافها :وش اسوي ..خلاص روحي
اطلعت الخادمه وهي طفت الجوال وانقلبت على بطنها المست رموشها وابعدت يدها بسرعه برتباك ارموشه احلى مني بس يبيني استسلم له واتعلق فيه يبطي ذا الصايع اقعدت على حيلها يالتيني قلت لشغاله تجيب ماي عطشانه اطلعت برى لقته جالس عند التلفزيون ارجعت بسرعه قبل يشوفها دورت دبة مويه مالقت ومستحيل تنزل مشت في الحجره وقررت ترقد بتصبر لبكره لين تطلع الشمس
انسدحت في اخر السرير وتلحفت كل جسمها حست بالسرير تحرك درت انه هو هداء الجو لفت الجهه صوبه وارفعت الحاف تاكد انه هو مغمض اعيونه وحاط يديه ورى راسه غمضت تبي النوم يجيها راحة يمكن كم ساعه العطش مانع منها النوم اقعدت على السرير شافته منقلب على بطنه وراقد بعمق
الهنوف تكلم نفسها عطشانه ماقدر ارقد كل اليوم ماشربت وحنى ماشينا لبيت صديقه تنهدت بقلة حيله ناظرت فيه شوي وبتردد قربت منه هزت ظهره ونادته :سلطان ..ماقام ونادته مره ثانيه
انقلب على ظهره صوبها وفيه النوم :سمي
الهنوف برتباك وسحى :انا عطشانه وخايفه انزل تحت ...وقف لي على الدرج
اعتدل من نومه ولف على طول نازل من السرير:تأمرين
راحت تنزل من الجهه الثانيه وهوتقدم قبلها انزل ووقف عند باب المطبخ ولف عليها راحت بسرعه للحنفيه عبت كاس مويه وشربت وعبت كاس ثاني وهي مستحيه منه
امسك ضحكته مايبي يحرجها
الهنوف بخجل :مابي كان اقومك بس اني عطشانه وخفت
سلطان :لا لا اخذي راحتتس... لاتمنعين نفستس من شي عشانتس مستحيه
الهنوف بمتنان :ماتقصر
لف سلطان للباب وهي اتبعته على طول رقو الدرج وراسها لورى لاحد يجي ماشافته وقف واصدمت فيه من ورى لف لها امسك اذراعها وهو يناظر الباب الرئيسي
الهنوف برعب:وش فيك ..تمسكت في طرف بلوزته من تحت فاك ازاريره كلها
سلطان :مافيه شي..لف ورقى مره ثانيه هدته ومشت جنبه ادخل الحجره ورجع محله ولقاها اظهره ادخلت تحت الحاف ازحفت صوبه وتمسكت في طرف البلوزه طايح من جنبه بدون لاتخليه يحس حست بالامان والنوم يداعب جفونها وشدت من قبضتها لقميصه انقلب على ظهره وعلى يدها عضت شفايفها بضحكه اطلعت غصب
سلطان لف راسه لها ناظرها بتساول
اشرت براسها تحت اظهره وهي مبتسمه:يدي تحتك
استغرب ارفع اظهره واسحب يدها :وش جابها هناه ..ابتسم ..علميني
الهنوف بوهقه: حطيتها وانت انقلبت بسرعه مامداني اوخرها
سلطان :وغيره
الهنوف تمثل البرائه :بس
سلطان :يالله اطلعي ارقدي برى
الهنوف بسرعه :خلاص خلاص ..باسى ..ماجاني النوم خايفه
كان راقد على ظهره مد يده على طول المخده واشر بيده الثانيه على عضده الممدوده بهدؤ:تجين عندي
ارفعت عينها له وراسها على المخده قعدت على حيلها بفتور وتوتر التفتت له وبتردد حطت راسها على عضده وهي على جنبها ووجهها مقابله
سلطان :اذا رقدتي ببعدتس لتس مني عهد ...غمض اعيونه وحط يده الثانيه عليها وبهدؤ تكلم ..لازم تأقلمين نفستس انتي لي وتحت يدي وسيطرتي
غمضت اعيونها بالم واستمعت لمعزوفة الصمت
.........................

[7btin]

مساء الفل واليامسن والورد الجوري للحلوين

اليوم 3 بارتات لعيونكم الحلوه تعويض عن امس والسموحة يا الغوالى

البارت الثالث والعشرون
فى المملكة
نوره بقى يومين على عرسها جاتهم ام فهد ومعها غزيل ولمياء تقهوو عندهم ادخل عليهم فهد ومساعد وقعدو يتقهون معهم
شاف الحريم وارجع بسرعه
ام مفلح :تعال يابوي خالتك وبناتها
تنهد براحه وادخل
مفلح ببتسامه:السلام عليكم ..نصاء خالته الي قامت له
مفلح بسرعه:والله ماتقومين ارتاحي
ام فهد :جعلني قبلك كان خليتني اقوم لك
دنق عليها مسك اعقاله لايطيح حب خشمها واجلس جنبها:وش لونتس عساتس طيبه
ام فهد :بخير يمال العافيه انت وش لونك
مفلح : بخير يسلم قلبتس ..التفتت على البنات وش لونكن يابنات
غزيل :الله يسلمك
ام مفلح :قومي يانوره صبي قهوه لاخوتس
مفلح :لا بس توني متقهوي
ام فهد :مفلح منتب مع الي رقوهم في الجريده
مفلح يبتسم :لا والله ياخاله يبون شهادة الجامعه وانا ماصدقت اخلص الثانوي تكفي الدورات والخبره الي منا ومنا
مساعد :وحاط حيلك فيني ادرس وجيب شهادة الجامعه وانت مرتاح
مفلح يلتفت لها:انت هنا .. اولن انا افهم الشي وانا ماشي ماهوب مثلك لازم تدرس لين يظهرون تسبدك وتفهم
فهد :ههههههه ايه ذاه خلوه يدرس لين ياخذ كل الشهايد
ام فهد :اسكت اسكت يافهيدان كنك اياه وهو بعد اشلى منك
مفلح يضحك: الي بيجيب شهادة الجامعه يعطيني اياه حتى لاكان اتقدمونها لابكم رايحين ديره
لمياء تميل على نوره:شايفن نفسها اخوتس كم نسبته تكفين
نوره تطول صوتها :مفلح كم نسبتك يوم تخرجت من الثانوي
مفلح يرفع انظره لها :منيب امعلمتس وتروحين تنشرينها اختي واخبرتس خبل
نوره :ويش عاد البنات يبن يعرفن
لف انظره بعفويه للمياء الي جنبها تركى على المركى واشر ليها :من هاذي
ام مفلح :لمياء
ارتبكت وغطت اعيونها بالجلال
مفلح بتطنيش كلم نوره: شوفي لاتقعدين تمشين وتقولين اخوي جاب 99 اسكتي لا تعلمين احد
ام مفلح تضحك :لا والله ماهوب 99 مير 75انكنتس بتنشرين فنشري هذي
مفلح :افاااا يمه وش فيتس علي
مساعد :ههههه يمه لاجاء بيعرس علمو بنتهم بذا النسبه الي تفشل لاتوهقونها
مفلح يناظره بنتقاد : بتوافق من ورى ذاه ..وياشر على خشمه ..
ام فهد :لا ماعليها هي بتحتوي مفلح ياحظها
لمياء تناظر اغزيل :بتنفخ امي راسها علينا
غزيل :يستاهل مفلح سنافي وعاقل
مساعد:بدق عليها وبعلمها بنفسي
مفلح : اااه امحق حظ انا وذالبزارين ..وياشر على مساعد وفهد..لونتس ياخاله جابتن وحده من بناتس الاولات ولد كان مب ذاه حالي منحد عليهم ولا اجرجر اخوياي من اهاليهم
فهد :اي والله ياليت لمياء ولد اقريبه من عمري بيصير خويي
مفلح :ايووووه لمياء يناسبها اتصير ولد خشنه وقويه
اضحكن الامهات ولمياء ناظرت له بقهر لفت لنوره وابردت حرتها بيدها واقرصتها بقوه
نوره بدون شعور:ااااااي مالت عليتس
لف لهن وابتسم
ابعدت عنها وبصوت واطي :خير انتي
لمياء بغيض وصوتها به العبره :احسن ..اجل انا اصلح اصير ولد خشنه
نوره :هيه لاتصيحين
اركضت له صباء ومدت يدها له واضحكت
مفلح بضحكه وفرحه:اخو نوره اول بزر يجيني من نفسه بدون لاسحبه..خمها وحطها في حظنه
نوره تلتفت على لمياء وبتخفيف حكت قرصتها:ااي يالميه بتورم هذي ماهيب يد زراديه
لمياء بغيض:اخوتس رقيق مره... اتصير ولد خشنه كرهي له بس
نوره :حاقده على اخوي مره متحسسه ...شوفي صباء جاته شافته فيه البرائه
لمياء بغيض صدت عنها واقعدت تناظره يلعب صباء
غزيل :خلاص صباء تعالي
مفلح مستانس عليها :لا لا خليها يازينتس ..ويبوسها بقوه لين صاحت
ام مفلح بعتب:امفلح الحمد الله بكيتها
فهد يضحك:وتقول اول بزر يجيني لعنبو لايم البزارين ..ويزين اسلوبه ..تعالي حبيبتي تعالي
مفلح رافع حواجبه:لاتبكي اشوي تخنقتك العبره
ام فهد :هههههههه
لمياء بقهر :كل اشوي امي ضاحكه لكلامه
نوره بستغراب :العن ام الحقد
صدت عنها بقهر لو موب مستحيه امشي قداامهم كان قمت منه
ام مفلح :سمعتو الاذان ياعيال يالله توضو وصلو جعل ربي يوفقكم ..
قام مفلح واشر بيده للعيال :يالله قم قم انت وياه.. قامو العيال يتوضون عند المغاسل
مفلح يطق مساعد مع علباه :وخر رح لذيك المغسله
مساعد :لاتطق طيب مسوي فيها يالله قومو ياعيال والله لوخالتي ماهيب اهناه ان ماتقوم لين يقيم
فهد يبي يقهره:العن ام الطقه ياطلع لها صوت يامساعد
راحو بعد المغرب ولمياء اقعدت عند نوره جاتهم ساره بعد العشاء سرى ابو مفلح ونمشه بعد العشاء للمدينه الي عايشه فيها ام ابو مفلح مع واحد من اعيالها يبون يجيبونها تحضر عرس نوره
نوره :تكفين ياساره علمي اخوتس تراني استحي جدا لايربكني
ساره بفخر:مايحتاج اعلمه اسلوبه يعجبتس
لمياء تبي تروعها :انشالله صادقه ياساره..!! فهد يقول انه نظرته نخاف منها احنى يالعيال وما يتكلم الله يستر وش وراه
ساره :لعنبو وجهتتس ماعندتس فيني تكذبين على اخوي قدامي
لمياء بدون اهتمام : والله لوتس اهنيف اااااه بس لبى ذاك الزول ان تضحكين وتعاونيني
نوره :على حسابي جعلتس تاخذين مفلح
لمياء بسرعه تكش عليها :استغفري لاتوافي لها باب مفتوح
ساره بمزح وبرائه :مدري ليه احس انتس تبينه بس تلفلين منا ومنا
لمياءبفجيعه :امانه ساره ان تشيلين ذا الفكره من راستتس
البنات :هههههههه
نوره :بنات بما ان مافيه احد خلونا نلبس اثياب رجاجيل ونطلع اشوي في الشارع
لمياء نطت : ايه هاذي نوره الي اعرف تعجبيني هههه يالله نوره ابي ثوب انا الي بختاره
نوره قامت :يالله بسرعه تبين ساره
ساره تخزه بنظره :امحق عروس ..بس جيب لي ثوب ضويق
نوره :هههههههه تشرطن السوق ونا مدري
راحت معها لمياء جابت من سلة الغسيل وعطت ساره ادخلت لمياء بثوب جديد
نوره بستغراب :هيه من وين جبتيه
لمياء :خخخخخ طلعته من الدولاب
نوره بصدمه:وش على كيفتس وذا مالقاه وش اقول
لمياء :خخخخخخخ صرفيه يالله بسرعه بس
تلبسن واطلعن بيت خالتي نوره قدامه مخطط فاضي وحولها بيوت حضران هاديه مايطلعون مشينا اشوي
نوره خافت ورجعت عقب ماشفت سياره مرت من بعيد وراحت ماتبي اتخرب سمعتها ويتكنسل كل شي
ساره :خلينا نقرب اشوي من الباب
لمياء :يالله طيب
مشن للباب توهن بيلفن على زاوية البيت والباب الرئيسي يبي له لفه بعد وفي وجيهن على طول نور سياره ساره غطة اعيونها طبعن متلطمات
لمياءبخوف:اسويره ياحماره خلس عاديه
ساره ترتعش:اص اص ماقدر ماقدر .
الصقن في الجدار صدق انا حريم شكت فيهن السياره وساره ماسكه لمياء وقفت السياره عندهن
:السلام عليكم ..ساكتات ويمشن
لفت لمياء تعرف من الي فيها وطلع ثلاثه اثنين قدام واحد ورى
ارجعو بسيارتهم صوبهن ومد يده الي من جهتن:سلم سلم والله ان توقف وتسلم .
افتح الباب ياكني بنزل ومانزل يبي يشوف وش بيسون هنا مسكت لمياء يد ساره ودزتها منها وصرخت عليها فكيني فكيني وحطن رجليهن انفسخت حذيان لمياء اكبر من رجلها وساره تبكي بصوت عالي الحمدالله انا منب رجاجيل اسمعو صوت ضحكهم حتى ان واحد منهم قعد يكح وقفن عند الباب الرئيسي معاد شفوهم افتحن الباب وادخلن لقن نوره في وجيهن نادتهن بارتباك ولمياء نزلت الشماغ وضحكت بقوه ادخلت ساره بسرعه وراحت الجهه الثانيه شوي وحست ان الارض تدور فيها شافته يمسك نوره ويدزها وراه تقدم منها بسرعه وصار قدامها وبغضب رص على اسنانه :يالخسيسه اوصلت بس المواصيل تطلعين في الشارع وتخلين كل من هب ودب يتفرج عليتس ..
اسكتت بخوف وارتباك من صوته الي يجلجل وعيونه الحاقده
مفلح بصرخه:وش الي مطلعس برى.. من تدورين
صاحت والغطاء في خبر كان
مسك طرف الشماغ الي عليها مع الجهتين بيد وحده واسحبها صوبه رص عليها بقوه كانه بيخنقها حست انه يبي اي شي يعورها بدون لايلمسها :عرفت انتس وسخه من جيتيني في الباص انتي وصديقاتس على نوعيتس.
لمياء ماقدرت تسكت بكت بصوت عالي: ماعرفهن مب صديقاتي والله
مفلح بغيض: ليش انتي بالذات طلعتي برى تبرهنين على انتس غير عن بنات اهلتس
لمياء ودموعها تنزل : كلهم اطلعو معي ماهوب بس انا ساره ونوره اختك بعد وش معنى انا !!!
مفلح بقهر:اص اص ولا كلمه... محد مثلتس يالخايسه تبين تشملينهن في لعانتس !!..
امسكت الشماغ الي ماسكه وهي تصيح:والله والله شفني حلفت
هدها بقرف افسخ اشماغه دخل اصابعه في اشعره ورصه بقوه وبتوتر :وش سوو فيتس الشباب الي برى
لمياء اتصيح وساكته
مفلح يصرخ عليها وهز يديه بوجهها :سوو فيتس شي
ارتعدت بخوف :لا لا نحشنا
مفلح يحاول يهدى نفسه الثايره:من الي كان وراتس
وخرت شعرها من اعيونها ارفعت راسها له طاحت عينها في عينه توها تبي تذكر الغطاء حطت الشماغ على كل وجهها حس بالحراره تدخل لكل جسمه تنفس بسرعه هاذي هاذي الي شفتها بالمطبخ ولا الغضب اعماني وتهيأت لي ..
استدرك نفسه خذا نفسه :توتس تحسين ولا خلاص كلن شابع من وجهتس
اسكتت وهي تشوف نوره وراه تمسح ادموعها بخوف وتنزل مره ثانيه مشت من قدامه بهدؤ وقلق
مفلح بتهديد يوقف بطريقها:علي الحرام يالمياء لقد احس منتس بشي ولا اسمع كلام ... ان تكرهين حياتس ذا المخنزه .
حط اشماغه على كتفه واطلع .
راحت وراه نوره على طول وصكرت الباب
نوره بصياح:لمياء مادريت انه بيسوي كذا سمعت صوته قدني فاسخه بس عقب ماسمع صوت الشباب وضحكهم اطلع يشوف والله حاولت الهيه حسيت انه انتن بس حظكن جابكن قبله...
التفت عليها لمياء ببتسامه وادموعها تنزل :لا ماعليتس يانوره عاقبني ربي انا الي دقيت على مساعد يجي ياخذتس من السوق كنت ابي اسوي مقلب مدريت انس بتخافين كل ذا القد
نوره تضحك وتمسح ادموعها:ماتعرفين مفلح عشرة عمر قاهرني في حياتي حتى في لبسي ..بس اشوى تساوينا رديتها لس
يسوق بهدؤ الـــله عليها طالعه في الشارع لون احد شافها من جماعتنا اصلن وين كانت يعني تبي تروح وتجي ولاحد يدري عنها وش السواه...رص يده على دركسون السياره وزفر بقوه اااااه ظلام ماشفتها زين وفوق هذا الزعل اعماني ماشفتها بس لو اتاكد انها الي بالمطبخ انتبه لنفسه وش يصير فيني وش ابي فيها حتى لو عرفت اكيد انها خايسه
ساره تضحك بخوف :زين الحمد الله الي ضيع السالفه ولا اكيد بتعلمينه من الي وراتس
لمياء ببتسامه مجامله وهي ماسكه ادموعها :علمت بكن بس مدري وش فيه علي بذات
اسكتت مالها خلق اتسولف :بكلم فهد بروح
قامت تلبس عباتها وساره كلمت راشد يمرها لاجاء من سمرته
||||||||||||||||||||||||||||||
وين وديته انا متاكد اني جايبه من الغسال هو اكيد انه مطلع من الدولاب ويله لو ادري انه مساعد اطلع الحجره وناداه
مفلح :مساااااااااااااعد
مساعد طالع من حجرته وينسف اشماغه :ياهلا
مفلح عاقد النونيه:ماخذ ثوبي
مساعد ببرائه:وش ابي به لاهوب قدي ولا هوب من زينه خخخخخ
اسفهه اطلع وراح لشغاله ادخل عليها وسيده:ادخل حجره اانا.... وين ثوب حق انا هااااااا خلصيني
الشغاله بخوف:والله مافي شوف كل ملابس هذا نوره حطي ملابس في سلة غسيل حق انتا ولله نوره مافي انا
دز الملابس الي على طاولة الكوايه كلها في الارض :يالله رتب مره ثانيه
اطلع وصادف نوره نازله من الدرج .
نوره بستغراب: مالبست ماهوب عرس خويك اليوم (بالملابس البيضاء الداخليه )
مفلح بستهزاء:وين الثوب الي مغسله امس
نوره ياويلي:وش يدريني عنك مادخلت حجرتك تنسى وتحط الحره فيني
مفلح رافع واحده من حواجبه :لمياء وين خذت الثوب الي كان عليها
نوره نزلت اعيونها:راحت وجابته مدري عنها
مفلح يتنهد:اسمعي روحي جيبيه اي انكان مكانه يمكنه ماتوسخ ماعندي جاهز ونظيف الاهو
لفت بسرعه وراحت شوي ودخلت حجرته وهو جالس على كنب الحجره يحتريها
نوره مرتبكه بس مابينت:هاك . خذاه وافرشه على السرير يتفقد وساخته نظيف مافيه وساخه ارفعه له ودخل يديه انتشرت ريحة عطرها المركز شمه ارتبك بدون قصد منه خاف لاتحس به نوره لف منها وبقهر :وش الي مدخلها حجرتي ....
نوره تبي اتصرف خربت السالفه :مثل الي تسويبها تبي تقهرك مثلك يعني لاتضيق
ارفع حواجبه وقرب لها :لااااا والله ..راح لها وامسكها مع اذنها بقوه.. وصلي لها هاالكلام سامعه ترى بوقف في حلقها تزعل ماتزعل جعلها ماترضى
نوره بتصرف:طيب طيب مشالله طالع حلو بالسكسوكه
مفلح يرتب غترته :روحي جيبي لي جمر
نوره :منتب وجه مدح امدحك وانتي اخلصي علي ياأخي انت كيف عندك اخوياء ...مابعد خلصت عليهم؟؟..
مفلح بستهزاء:لا باقي واحد بروح عرسه ذا اليل ثم بخلص عليه
نوره تستهبل :والله يمكنك صادق.. مفلح متى تعرس عاد عمرك صك الثمان والعشرين يالشايب
مفلح :لالقيتي لتس بنت مزيونه وهاديه وتستحي من ظلها فخطبيها لي
نوره بترجي بطلع الي في خاطرها :مفلح والله ان لمياء تستحي انت ليش حاط في بالك انها جريئه
مفلح باستغراب وهو يمشي صوبها:وش دخل لمياء الحين
نوره تمسك يده وترجاه :طلبتك تزوجها والله ماتندم والله ان فيها زينن هايل انا خابره انك تحب الزين
مفلح بغضب اسحب يده منها ودزها من كتفها بقوه : روحي شبي جمر وخلي الشغاله تجيبه انتي لعاد اشوف وجهتس
اطلعت نوره بسرعه وهي مبرطمه توه ضايق مني وانا تزوج لمياء صدق اني همجيه ابلعت عبرتها مايستاهل الي ينقي له راحت للمطبخ معليه والله لحرض امي عليه قبل العرس هين يامفيلح يبي يقعد حياته يغازل ذا البنات
في العرس قاعد جنب المعرس ويسولف عليه ناداه ابو بدر فلتفت عليها مفلح
مفلح :سم ابو بدر
ابو بدر بخجل ومرتبك:مفلح يابوي ودي اقولك شي ومستحي
مفلح بستغراب:قول ياعم على العين والراس كلامك
ابو بدر براحه: الرجال ينشرى وانا رجال شاريك لابنتي حتى المهر ترى ماهوب اكبر همي باغيك براسك
مفلح بوهقه وارتباك:والله يابو بدر اني خاطب والعرب الي خاطب عندهم مقربيني
ابو بدر بخيبة امل:اييه الله يوفقك ويسر لك اجل
مفلح :تسلم ولا والله اني مانيب عايف انك تكون جد لعيالي
ابو بدر :قدر الله ومشاء فعل
دخل عليهم محمد يسلم على المعرس وتلفت يدور لمكان جنب مفلح ولا لقاء وراح يجلس بعيد قام مفلح من جنب ابو بدر براحه ان محمد جاء في الوقت المناسب وراح له
محمد بستهبال:خير وش تبي لوني ابيك كان جيتك...
اجلس وارمش بعيونه:انا انخطبت
محمد :وي ماعندها سالفه الي خطبتتس وش تبي بذا الخشم الي دايم يصفر
مفلح :منقهر مني مزيون وكلن يبي قسمتن مني .. برد تسبدك بردها
محمد :وش دراك اني عاد شارب عصير وفيني حرقان
مفلح:الا يانذل شارب عصير ونا هنا منطق ومستهلك ماجابو حتى الماء
محمد :ويش زيني ونا جايبه ومده لك عند الرجاجيل
مفلح :ويش فيها يحسبونك راعي البقاله يمكن بعد يقولون محمد جيب زيادة طلببيه
محمد يستهزي:محمد جيب ازيادة طلبيه... هذا جزاي كان بعزمك على مثلوثة
مفلح :انت الي بتعزمني ..يالله ورنا متى
محمد:ذلحين بعد شوي بنقوم على العشا وبنأكل مثلوثه تبي بعد غيرها هههههههه
مفلح يضحك بصوت عالي :اني داري التفتو عليه الرجاجيل الي جنبه استحى نزل اشماغه وزينه مره ثانيه
محمد : اووووف ليه تخربين تسريحتس من الي بخطبتس ذلحين
مفلح : كنها زانت لك حاطني بنيه ... اسمع اسمع ابو بدر نصيحه خلك في جنبه
محمد مبتسم:هو الي عازمك
مفلح :ايه ويقول ابي محمد بعد انكنه بيوافق على الشغاله هههههههههه
محمد بقهر:انت ويش فيك علي اليوم
مفلح :يالبى قلب ابو بدر اثبت حقيقة جماهيرتي
||||||||||||||||||||||
فى ايطاليا
افتحت عيونها بنشاط ورجعت تغمضها بسرعه يارب انه نايم افتحت عيونها بشويش وناظرت لشكلها الي يفشل مدخله راسها تحت يده عند صدره ويدها الثانيه على بطنه وخرت بشويش واقعدت لفت له بهدؤ
سلطان يناظرها وببتسامه:قومي صلي شوي تشرق الشمس
استحت حمر وجهها انزلت من السرير بسرعه وراحت لحمام ارفعت راسها تبيها يجيها هواء غسلت وجهها كم مره صاحي من زمان وينتظرني ابعد وانا ماخذه راحتي يافضحي توني اترجاه يتركني توضت خذت نفس ابعدت شعرها من وجهها ورجعته لورى اطلعت شافته يناظر السق بسرحان لفت لمصلاها صلت وقعدت على سجادتها
جلس على السرير ونزل رجلييه
سلطان بهدو:خلصتي
الهنوف تناظر في عيونه حمر وكانه مانام من امس نزلت راسها :ايه خلاص.. تبي شي
سلطان :لا ... رجع ينسدح شوي بعدين قام ..تعالي
قامت بهدؤ ووقفت عنده انسدح وحط يده على اعيونه وبتعب :اقري علي ياالهنوف
الهنوف بستغراب:وش اقرى
البارت الرابع والعشرون

سلطان بهدؤ:اي شي حافظته من القران وانفذي هناه ..واشر على صدره
حست بصوته التعبان ترددت نزلت راسها بحراج
ابعد يده من وجهه :موب لازم اسمع الصوت قصري انا ابي ارتاح بس
ارفعت راسها وناظرت بعيونه ابعدتها عنه وقربت منه اقعدت جنبه وهو ارجع لوضعيته وتنفس بقوه
الهنوف برتباك:وش الي يوجعك بحط يدي عليه
سلطان بتعب:مدري كل شي... قلقان ومتعومس
الهنوف ببتسامه رحمه حطت يدها على صدره حست بجلده ووخرتها على طول بدات تقراء ناظرته هادي ومستسلم قرت كل شي حافظته بالقران حست بنور الشمس يدخل الحجره ابعدت يده من عيونه مغمض وراقد وتنفسه هادي ناظرته بفضول غريبه حالته وش مزعله للهحد وبتفكير من جينا من محل الملابس وكلامه متغير حتى ملامحه تعيسه هزت اكتافها اطلعت انزلت تحت واقعدت عند الشغاله وهي تفكر التفتت على الشغاله
الهنوف: قربي
الشغاله:نام مدام
الهنوف:شوفي ماريا انتي معلوم حرمه لازم مشاكل في حمل ورحم انا روح طبيب وهو قول لازم اكلي حبوب هذا حقت منع حمل عشان بعدين يجي بيبي كويس
الشغاله تناظرها ماهيب فاهم السالفه
الهنوف يوه البلشه :شوفي ماريا لازم انا اكل انتي روح جيب وسير سلطان مافي معلوم عشان هو زعل كثير اذا شوف انا تعبان وبعدين يقول خلاص مافي جيب بيبي ونا يبغى معلوم ماريا
الشغاله برحمه:حراام ماما انشالله جيب بيبي كويس ,,وبحماس خلاص انشالله انا روح صيدلي وجيب وش اسمه ماما
الهنوف براحه:خلاص انا في اكتب ورقه .. جيبي ماريا بابا سلطان مافي معلوم وبعدين يزعل خلاص لازم هو مافي معلوم
الشغاله :لا الا انا جي على طول اعطي
قامت منها وطلعت من باب المطبخ تنفست بقوه انشاالله ماحمل اقعد سنه بس اكيد بيطلقني دامه بس يبي عيال وانا ماجيب ارجع لامي وابوي واهلي ولموي ونوري وسويره يالبى قلوبهم
ادخلت افطرت وتمشت في البيت رقت فوق طلت عليه الساعه تسع راقد بعمق في نص السرير
اقعدت تدور في المكتبه الصغيره كتاب عربي خذته واطلعت للبكونه ملت منه حطته على وجهها ورقدت قامت بسرعه على صوته يرحب براعي التفلون التفتت عليه
جالس على الكنبه ومتحمس:انا طيب دامني اسمع ذا الصوت
وش لونك انت ياخال عسى امورك كلها زينه
ابو منصور: زينه يابوي وكل شي متيسر
سلطان :الحمد الله... اسكت وهو يضحك.. لالا ابشر ذا المره غير انشاالله ان الخميس امحضر عندك
الهنوف بفرحه زين بنرجع الخميس الله يسعد ذا الي رجعه
سلطان:المره الي فاتت مشغول والله اني صادز
ابو منصور:ابي منك خدمه ياسلطان انكن قادر
سلطان:انت تامر ياخال منتب تطلب.. تفضل
ابو منصور:خالتك حصه عاتبه عليك من العيد وهي ماشافتك موصيتني ادق عليك تقول خلوه يجيني لكان يسلم علي وهو متشهل
سلطان بنفسيه زينه :جعل ربي يخليكم لي ولا يحرم النفس من شوفتكم تبشر ام محمد من الي يجيها لين يوقف على راسها ويسلم على راسها ماهوب متشهل
خاله بحبور:جعلك تسلم لاتنسى الخميس ترى لازمن عليك اتوجبني وتجي
سلطان:باذن الي متنام عينه تبي شي نفداء روحك
الخال :ابد ابيك سالم ومرتاح
سلطان : الله يسلمك سلم على الاهل مع السلامه
صك التلفون وانزل تحت راحت الهنوف بسرعه للحجره طلعت الشنطه وافتحتها اليوم الثلاثاء باقي بس يوم برتبها الحين خلى الوقت يروح علي
وقف عند الباب ومعه كاس عصير:وش تسوين
وقفت من الارض اندمت على تسرعها
الهنوف بحراج مدت يدها على الشنطه :الي تشوف
سلطان يقرب منها :اشوف شنطه تحطين بها اغراضتس على وين ناويه انشالله
الهنوف بفشله من نفسها :بروح السعوديه ..ارفعت راسها بتشكك من الي اسمعته
سلطان : ذا الخميس الي سامعه اني بمشي فيه ماهوب خميستس هذاه بعد اسبوعين اثنين ..وياشر بصبعينه
الهنوف بخيبة امل عقدت حواجبها :لااااعاد وش نسوي في الاسبوعين
سلطان :ناظريني واناظرتس ..لف منها واطلع
نزلت راسها وقعدت جنب الشنطه صكتها بالي فيها ودفتها جنب الدالاوب عنزت راسها على اركبها ولفت يديها حولها
استغفرت بسرعه تبعد الزعل منها وين اسبوعين والله لوه متعلق فيني ويحبني انا مابي اجلس معه وحدنا مابيه ..حست بحباط من حالتها ارفعت راسها له
سلطان بامر وهو معقد حواجبه: قومي من الارض...
الهنوف تناظر جلستها :احب اجلسها
سلطان بحزم :وقفي هنوف
وقفت بقهر وبعناد :بجلسها دايم... ابتسم غصب عنه راح لدولاب طلع له ملابس ووبدل
الهنوف بصدمه وقفت و لقته ظهرها :ترى حرام قدام الناس
سلطان :انتي غير عن الناس... التفت عليها ناظرها وهي واقفه عند التسريحه وملقيته ظهرها
سلطان وهو يصكر ازارير القميص الابيض :دقايق واشوفتس تحت لابسه بسرعه.. لف منها وراح
ارفعت راسها ولفت له قد اطلع تحركت بحباط اخاف اتصير مثل طلعتنا لصاحبه هزت راسها بنفي انشالله تكون احلى .. البست بنطلون جينز ازرق وبلوزه بكمام طويله صوف خضراء والعبايه في يدها نزلت له تحت مالقته راحت للباب الخارجي المفتوح
مامداها تحط رجلها برى معاد حست بالهواء يد على فمها كاتمتها ويدها الثانيه معكوفه بقوه
الهنوف بشهاق مكتوم تفلت منه فكها وهو يضحك ولفها له
الهنوف تناظره برعب تاكدت انه هو وقعدت تصيح وهي ترجف ولفت وجهها عنه
سلطان ميت من الضحك : وش يبكيتس وانتي عارفتني
ماردت عليه لفها له مبتسم ارفع شعرها من وجهها :خلاص ياقلبي خلاص..
الهنوف تمسح دموعها: انا موب مرتاحه هناه وتخوفني كانك نسيت ليلة امس ..امسحت دمعتها بطرف اصبعها
سلطان ببتسامه: ليلة امس مجرد اطفال متطفلين وامسكوهم اليوم...ياله البسي عباتس
خلص كلامه اتركها وراح للباب الحديقه البستها والحقته
سلطان لسايق :انا ساستخدمها بنفسي يمكنك انا تذهب
السايق :حسنا سيدي..رحله ممتعه
سلطان :شكرا
دخل لسياره وراحت للجهه الثانيه حرك من البيت لفت لشوارع الناس قليله بشوارع ايطاليا عكس مدن الاوربيه الاخرى ..وقف بساحة ؟؟؟ وفيه ناس مليانه ورواق ودكاكين انزل ومشى عنها انزلت واركضت بسرعه وراءه الى ان اوصلت له
الهنوف بخوف امسكت يده واسحبتها صوبها بشوي:شوفهم كيف يناظروني
لف لها وبعدين لف لهم وبصوت عالي :لاحد يناظرها...ويلتس منهم اذا حطيتي عينتس في عيوونهم مباشره ترى بهدتس وبنحاش
الهنوف بضحكه مليانه خوف :اذا نحشت انت انا بواجههم
سلطان بضحكه :كفو...
ابتسمت ولفت بنظرها للمدينه عمليه جدا والشمس تطل علينا بين النصب التذكاريه من جيت لروما واختياره الجلوس فيه عن بقية المدن الاخر الي سمعت عنها ويعرف كافة الناس الميزات الي تتميز فيها مثل فلورانس وميلانو والبندقيه مدن الرومانسيه والطبيعه الخياليه تجبر النفس تهدى في هاذيك الحظه عرفت ان له شخصيه مياله للجد والجمود اكثر عملي اكثر حجر مايحس مثل هالنصب الواقفه امامنا كان مناظر من حولي وكانها تشرح لي شخصيته الغريبه
سلطان يمد يده ليدها امسكها ونزل عيونه لها ارفعت عيونها له شافته مبتسم نزلت راسها وناظرت لقدام بهدؤ
سلطان : هاذي رومــا المدينة التي كانت يوما بمثابة القلب النابض للامبراطورية الرومانيه العريقة
من أوربا الى أفريقيا ومليانه بأمجاد 2000 سنة.. ناظري أعمدتها العتيقة وأحجارها الآثرية في نور الشمس ومعارضها العريقة هز اكاتفه بدون اهتمام ..كان بودي اروح لميلانو حسب خريطة النايفه السياحيه لي لكنها ماتناسب ذوقي العام
ابتسمت بينها وبين نفسها ليت اقدر اقول كمل كلامك واترك نفسيتي هاديه شوي بس ..سلطان يكمل .. مدينه لمركز الموضة والأناقة في إيطاليا ومدينة مجيدة عريقة تحتفل بمجال الموضة والأناقة والفخامة في أرقى المراكز الحضارية في أوربا تلقيت دعوات كثيره لحضور عروض الازياء وكنت اهدي كروت الدعوه لنواف وموضي ..اشر على صوره كبيره بوسط الساحه ..هاذي ميدان بياتزا سان ماركو الشهير..وببتسامه تعرفين مسلسل ماركو الصغير
الهنوف تلف لها وبسرعه وببتسامه :ايه اعرفه
سلطان ببتسامه هاديه:حلووو.. هذا الميدان بمدينة فلورانس فيها تلال تاسكاني الجميلة بتشوفين صورها مع النايفه وناصر ..لفت له بسرعه عقب ماقال فلورانس كانت بتكلمه عنها بس اسكتت
سلطان :فيه شي
الهنوف تهز راسها بلاا
اوصلت عندهم بنتين طوال وحد لابسه فستان اسود قصير لحد الفخذ ووحده شورت وقميص بنص البطن ومعهن رجال بالعشرين
وقفن في طريقهم وقف سلطان وناظرهن بهدؤ وقليل من الانزعاج
سلطان :ماذا هناك
ام فستان :لاشي ..نريد مرافقتك وهزت اكتافها ..لو اردت ان تاتي للبار هاذي اليله
سلطان يناظر الهنوف : زوجتي تحبني كثير وتغار علي سترفض ذالك
ناظرته الهنوف بعدم فهم لكلامه...
الايطاليه بتفكير:يمكنها ان تاتي وتستمتع ايضاء..وببتسامه .ستكون انت نجم الحفله وساكون مرافقتك
سلطان ببتسامه يرفع حاجبه الايسر :هل هذا صحيح
الايطاليه بفرحه ناظرت الهنوف:اجل ..وانتي ايضاء ياسيده يمكن ان تاتي ولكن بدون هذا الغطاء
سلطان :انها لاتعرف لغتكم
الهنوف :وش تقول لي
سلطان :كلام سخيف
الهنوف بعناد :قولي لي حتى لو سخيف
سلطان يلف لها بجسمه ويناظرها :تقول انت رجل وسيم وجذاب والفتاه الواقفه بجانبك لاتناسبك
الهنوف بقهر وغرور :لو شافتني ماكان هذا كلامها
سلطان ببتسامه يلف لهم :انا مستعجل هل يمكن ان تبتعدو
الايطاليه برجى :وماذا عن اليله
سلطان :سأتي لو اعطيتني العنوان..وابتسم
ام بنطلون بسرعه ضمته بفرحه وهو يربت على كتفها
الهنوف بصدمه ناظرته وصدت عنه حست بدمها يفور وتقزز من تصرفه
الايطاليه تبعد عنه :انا اشكرك وبتاكيد ساعطيك ..مدت له البطاقه خذاها ولف للهنوف الي تناظره بحقد
ابتسم وبهدؤ:هاذي دعوه لحفلهم اليوم
الهنوف تناظر البنات وبكبرياء :اذا انا موب غلطانه انت ماتبي الاذن مني عشان تروح تصيع معهم
سلطان :لا طبعن ماطلب منتس الاذن انا حاب تكونين في الصوره بس
ام بنطلون تناظر صديقتها :لو اعرف ماوراء هذا الغطاء
ام فستان :اجل كل دقيقه يلتفت عليها
ام بنطلون :سانزع غطاها هذا ..تقدمت من الهنوف الي تناظر سلطان بقهر وشالت غطاها بقوه
ام فستان تناظر الهنوف بصدمه: واوو ..انها رائعه لايجوز حرامانها من العيش بهذا
سلطان بغيض تقدم منها امسك يدها واسحب الغطاء وهو يلوي يدها ودزها لين اصقعت الجدار
سلطان بهدؤ :تجرئ مره اخرى وافعلي ذالك
مد الغطاء على الهنوف خذته بعصبيه البسته وناظرته بحقد
الهنوف :ليش توقف لهم
سلطان ببرود: كيفي.. جازت لي البنت
الهنوف بقرف:من شفتها ضمتك وانت تبادلها عرفت ان لك مشاعر وقحه وحذفت العلاقه السخيفه الي تربطني فيك وراء ظهري
سلطان يناظرها بسخريه:وانا قد قلت لتس اني اقدس هالرابط.. انا مره قلت لتس اني أراعي مشاعرتس.. خليتس كذا احسن لتس ماتتعبين معي
رصت على يدها يعني كذا متى ماجاز له يوسع صدره خذاني في حظنه وغمرني بحنانه وكلامه والحظه الي وراها على طول يحذفني وكانه يفرح بشوفتي مجروحه
وقفت بغيض:قسم اني اكرهك من كلي قلبي حتى اليهودي ماكرهته نفسك
سلطان وهو يكمل مشيه :القلوب عند بعضها
ماكملت معه مدري وش جاني احساس معاد ابي اروح معه للبيت يهيني ومايبيني وانا اتبعه وقفت وجلست على الكرسي وهو مكمل طريقه
قربت منها الايطاليه ام فستان ووقفتها مع يدها بقوه وكلمته بالايطالي
وخرت الهنوف يدها وناظرتها بقرف :ابعدي عني
الايطاليه تناظرها بخبث ورطنت عليها باالايطالي
مافهمت الهنوف الاكلمة اوكي ونو بربلوم ناظرت الايطاليه في جهت سلطان وهي تصفر التفتت عليه بخوف وهي تشوف نظرات الغضب في عيونه وقف عندها واعطاها كف قدامهم بقوه لف معه وجهها حطت يدها على خدها وارفعت راسها له بنظره ماهميتني امسك يدها ورص عليها ومشى بدون اي كلمه وهو يجرها
الهنوف بألم :خلاص يكفي.. فك يدي ماعاد حسيت فيها
يمشي بصمت وبقوه يسحبها تمشي وراءه وقف عند السياره ودزها على بابها بأقوى ماعنده وراح لبابه امسكت يدها ودلكتها بوجع وكتفها يولمها
سلطان يفتح امرايتها وبصراخ وغضب:اركبي يا...
ابعدت عن الباب بحزن تنهدت بهدؤ واركبت دخلت شفايفها في فمها وهي ترفع اعيونها فوق عشان ماتنزل ادموعها كان يمشي بسرعه في الطريق ويطوف السيارات غمضت عيونها بخوف من سواقته الخاطئه وكانه ماساق من زمااان
اوصلو البيت وقف عند باب الحديقه الخارجي
سلطان بحره وقهر:انزلي فارقي لا اشوف وجهتتس لين تنزل اشناطتتس تحت....
افتحت بابها وانزلت والم يعتصر قلبها اسحبت عباتها من مقعد السياره ولا انسحب لها حاولت فيه مافيه حيله ناظرته بخوف انزل وجاها
زاد غيضه ابعد يدها بقوه من مسكت العبايه واسحبها بشده لين انشقت عقب دزه مع كتفها بعنف وطاحت
الهنوف بعتب وقهر :الله لايسامحك ويسلط عليك الي اقوى منك ...
طنشها وراكب سيارته صاحت بقوه عقب ماراح قامت من الارض دورت شنطتها تذكرت انها في السياره ...كل شي يهون على الا انه يخليني ماسوا شي ماتحمل الاهانه وهو على الطالع النازله وصابره مشت وهي ماسكه ادموعها ادخلت وواجهتها الشغاله
الشغاله بخوف:مدام ايش فيه ؟؟ ليش كذا!! عبايه غبار
الهنوف بقلة حيله صاحت بصوت عالي:يعذبني ويذلني وانا اقول ماعليه بصبر وبتحمله يطقني ويحط السالفه عادي وامشيها له حطت يدها على وجهها وشهقت بقوه ... اكرهك ومتحمله مشاعري شان يخليني اعيش حياتي هاديه .. انا انسانه الله لايسامحه امسكتها الشغاله برحمه شافتها منهاره ورقتها فوق
افسخت عباتها واسدحتها على السرير والهنوف مستمره بالبكى وشهقاتها تزيد
الشغاله تصيح وهي تهزها :مدام ويش فيه تعبان
الهنوف تشهق وهي تكلم الشغاله :جبتي احبوب ماريا
ماريا بحنان :ايو مدام روح صبح وجيب
الهنوف برجى وهي تبكي :تكفين روحي جيبيه الحين
راحت الشغاله بسرعه جابتها كلتها وحطت راسها على المخده وكل شوي ماسحه ادموعها
ماريا برحمه:مدام كلم سير سلتان يودي طبيب
الهنوف بنفعال :لا لا اذا كلمتيه بذبح نفسي فاهمه بموت.. روحي خلاص روحي خليني ..حطت يدها على راسها ورصت عليه بقوه وهي تمسح خشمها
ماريا :خلاص مافي كلم بس لازم غداء الساعه 2
سافهتها وهي سرحانه وتمسح ادموعها الي تنزل بستمرار راحت الشغاله لتحت لتلفون المطبخ ودقت عليه
ماريا بخوف:سير سلتان مدام تعبان كثير ويبكي مره مره..
سلطان بهدؤ قفله بوجهها ووقف عند راعي كافي خذا له كافي واجلس على كراسي الحديقه وهو يكلم ولد خالته محمد

[7btin]

البارت الخامس والعشرون
فى المملكه

اليوم عرس نوره وراشد
مفلح بصراخ ينادي نوره من فوق:نوره بسرعه يامحق عرس حتى في عرستس اخر من يجي
الجده :وش غادين عليك لك زعيقن في الصاله رح لها ونادها من قريب فقعت راسي جعلك الطر ,,,يووووووي امحق صوتن فيك
مفلح براعه:اذكري الله اذكريه اعجيزن نظيفه ودعوتس مستجابه
الجده تستهزي فيه :اعجيزن نظيفه ,,وتكش عليه ,,وش قوم ماتغدي نظيف
مفلح :اااه ياجده انا مانيب نظيف وش انتي شايفه علي
الجده :تحسبني مانيب اشوفك يوم وديتن الشوق اشري هدية نوره
مفلح بستهبال:وش سويت الله يهديس ماتناظرين زين انتي انظرتس اضعف
الجده :والبنيه الي خليتني عند الصايغ ورحت تتبعه ولابعد وقفت الكلبه تتكلم معك وانت معطيها وجهه ترى البنات يجرن الواحد
مفلح بضحكه :هذا ونا متخبي منتس كيف شفتيني
الجده :الوقت خذاك معها المخنزه وابطيت علي
مفلح يتمسكن :وش اسوي لها ياجده متبرقعه وراسمه الكحل ذوبتني ونا ثقيل
الجده :الله بالستر ,,انت ثقيل
مفلح :ههههههه اي والله لاشفتها بغتني ماجيتها هي الي تبلشني بروحي
الجده :وليش تلحقها
مفلح بصدق:والله يام سعد انها وقفت في المحل الي قبالي وقعدت تاشري لي بجوالها وهي رافعه غطات عيونها ونا عاد رجال ولي قلب يحب الزين
الجده ناظرتها وصدت عنه راح لها حب خشمها وهو يضحك :المره الثانيه بتلثم عشان مايشوفني البنات ويقعدن يلاحقني
الجده :لا خلاص معاد بوه مره ثانيه
مفلح يرفع يديه:كيفس انتي الخسرانه
نوره برتباك :يالله
التفتت لها مفلح ووقف :يالله
وداها للمشغل وراحت معها ساره ونوف ولمياء فضلت تسوي نفسها بالبيت
ام مفلح برتباك:نوره خلصتي يأمي
نوف :خاله انا نوف ..توها باقي شوي على على المغرب خالصين انشالله
ام مفلح :الله الله فيها تكفين يانوف
نوف :ابشري خاله ولايهمتس
ام مفلح :ايه يابعد قلبي مع السلامه
صكرت نوف وراحت لنوره :نوره باقي الفستان بتلبسين هناك انشالله
نوره برتباك:ماعليه خلصت ساره
نوف :ايه تلبس عباتها
خلصن وراحن للقصر على طول مناك ادخلت نوره والبست الفستان وطالع شكلها يخبل كت وطويل بنفشه خفيفه من تحت وبدون طرحه عندها نوف تساعدها خلصت وجلست على الكوشه بغرفه منعزله عن القصر جات امها وهي تسمي عليها ..وماسكه معها ام سعد جدت نوره
انطحتها نوره وحبت خشمها الجده تمسح دميعاتها:جعل ربي يوفقتس ويشرح لتس صدرتس ..التفتت على ام مفلح انمشه وش فيكم عليها لبستوها كذا
ام مفلح تضحك:يالبى قلبتس ياخاله هذا البس ذالوقت
نوره تبتسم :جده لوني ماسويت كذا كان موب ذاه عرسي
الجده :والله مدري عنكم لاكن امحق لبس انكنه زين..خربتنها وهي مزيونه
ام مفلح :بتصلح لرجل هذا الي يبي
الجده :وديني تحت برقص في عرس نوره ثم بسري
نوره :تعالي ياجده خلن احبتس بعد ماشبعت ,,حبتها وضمتها لصدره شوي ,,مع السلامه ياجده لونتس تقعدين لين اجيكم
الجده بحنان:يابعدي يامي بروح لحوشي وغنمي بدني انشالله بعد اجيكم
ام مفلح :مشينا ,,امسكتها مع يدها وسرتها
لمياء وقفت برى تحترهن لين يطلعن
الجده امسكت برقعها وهي تناظر لمياء :مشالله من ذي بنته
ام مفلح :هههه هذي بنت اختي نوره لمياء
الجده :مشالله ,,اشرت بيدها وهي مقفيه احجزيها لولدتس ذا السربوت
ام مفلح تضحك من كلامها وهي تعنز لها
لمياء بندهاش اخطبيها لسربوت شايفتني بايره محد يبيني ...
ادخلت على نوره وهي تلولوش:عاد اسمحي لي على ذا الصراخ
نوره تبتسم :اي والله حسبتس منحاشه
لمياء تضحك:حتى وانتي عروس بتفشليني ...روعه النوري صراحه هنديه طالع شكلتس بيخق راشد
نوره توترت: اشهداني مستحيه يالمياء
لمياء بفرحه:لا لاوالله انتس روعه ناقصتس بس تخففين ذا السحى..
ادخلت ساره وراحت لنوره سيده وهي تضمه:اخيرن يانوره مبروك من قلبي
نوره تمسكت فيها:ساره لاتخليني امانه
ساره تطمنها:ماعليس لاشفتيه ادخل انشرح صدرتس وراح كل ذالخجل
ادخلت عليهم ام راشد شافتها نوره وتقدمت تسلم عليها
ام راشد بفرحه:اسم الله عليتس الحمدالله الي جابتس عندي زين ووملح واخلاق يالله يارب لك الحمد
نوره ساكته ومستحيه
ام مفلح تدخل عليهم وتلف على ام راشد :متى راشد بيدخل
ام راشد :لاتعشو جاء ماعليس يانمشه برقى لها انا وساره وتعالي بنات نوره فيهن بركه عند المعازيم
ام مفلح بفرح ممزوج بحزن :الله يوفقهم
اطلعو وخلوها بلحاله انزلو عند معازيمهم ازعاج البزارين وصوت الرقص واصل نوره الي سمعت صوت جوالها يدق راحت لها طلعت من الشنطه وفتحته
نوره تخنقتها العبره: وش صار لتس كنتس مغيبه من ذا الدنياء
الهنوف ماتمالكت نفسها وصاحت:نوره مبروك
نوره ترمش بعيونه بقوه عشان الدموع:الله يبارك فيتس لاتصيحين وتخليني اخرب زيني
اسمعت صوته ادخل اقعدت على السرير وهي ملقته ظهرها قصرت صوتها واخفت العبره :لا تبكين داقه ابي اسمع صوتتس وابارك تكفين يانوره لاتلوميني عشاني ماجيت
نوره بعتب: منيب لايمتس انا اعرف بالظروف الهنوف تحسبيني مادري عنتس داريه انتس حزين علينا اصبري مابعد الضيق الا الفرج..
شافته ادخل الحمام ولاكأنها موجوده طلعت بسرعه للبلكونه:لا لاانا مستانسه ناقصني قربكم بس وني احضر عرستس
نوره بهدؤ:ماعليه جعلتس تستانسين اختتس لمياء شكلها حلو اليوم
الهنوف ببتسامه شوق:دومها لموي حلوه امدحيها تراى تحب المدح
نوره تضحك :عاد بعلمتس عشانتس بعيده ولاتعلمين احد ناويه انشالله عليها لمفلح
الهنوف بفرحه:يارب انشالله عسى اتوافق يانوره
نوره :لا ماعليه بتصيرمثلي بعدين بتوافق
الهنوف:الله يجمع بينكم بخير مع السلامه نوره لو مادقت عليس كان يمكن يصير فيني شي
نوره تضحك :لبى روحتس جعل ربي يسعدتس ويسخر لتس مع السلامه هنوف الجيد
ابتسمت وصكته امسكت الجوال بيدها وضمته الله يوفقها يارب ياسميع الدعاء
عند الرجاجيل في العرس قدهم داخلين يتعشون
محمد :مفلح طالبك ان تقوم ترقص
مفلح يحك خشمه بتردد:مستحي من الشيبان ونا خابر نفسي بنسى وبتدجر
محمد :حالف ان ترقص بصورك تكفى
مفلح برتباك قام والتفت عليه:اصبر اصبر لاتربكني
راح مفلح للطقاقين اجلس عندهم نص جلسه وهو يكلمهم بعدها قام جاه فهد
فهد بفرحه :بترقص
مفلح :ايه وخر ابي نفس ...ويهف على نفسه
مساعد جاهم :بيرقص
فهد :ايه ايه وشرايك نرقص معه
مفلح يلتفت عليه وبزجر :ياله اشوف احد راقص معي
فهد :توك مرتبك
مساعد بستهزاء:مصدقه بيطمر وينسى نفسه ابعدو من جهته لاتطايرون
مفلح يضحك :صادق مساعد انتو خلكم مع الجهه الثانيه منيب جايها
التفت عليه الطقاق :تبي نبداؤ الحين
مفلح يرتب اشماغه :ايه ابداء لاتبرد يدك من الطق
طقو والعيال وقفو مارقصو معه خافو منه
محمد يوم شافه ارقص راح لمساعد عطاه الجوال يصورهم تلثم وادخل معه
مفلح مندمج وهو مغمض يدق وينزل بمهاره وعيون الطقاقين عليه حتى البزارين وقفو يناظرونه والي قدهم خالصين من العشاء بيطلعون تقدمو له وقعدو يناظرونه
مفلح يقرب لمحمد ويميل راسه عليه وهو يرقص :عاش ابو احمد
محمد بستهبال:خلني خلني يامفلح ترى اول مره ادجر
مساعد وفهد يناظرون محمد ويضحكون
مساعد :هيه محمد يناظر مفلح ويلقط حركاته
فهد وهو ميت ضحك:ياليته يضبطها عاد
مساعد يكلم فهد:تكفى ارقص معي مانيب راقص بلحالي ثم يشدني ويكفخني
فهد :لا والله محذرنا خلن لين يخلص ثم دورنا وبعدين ابي اناظره
اقطع مفلح الرقص في نص الاغنيه وراح يجلس ومحمد مكمل
مفلح ياشر لمساعد :روح دق على امي شف هم خالصين اروح ادخل راشد
راح مساعد ودق عليها ورجع له
مساعد :ايه تقول انكن الرجاجيل قامو على العشاء دخله
مفلح يطق جبهته:قامو من زمان ...قام بسرعه وراح لراشد الي جالس في مكانه وعنده واحد من اخوياه
دنق عليه :راشد تبي تسرى تراه اهلك جاهزين
راشد بفرحه :اخيرن حسبت تبوني اخذها بكره
مفلح يبتسم :ياله تعال بلحالك لاتجيب خويك معك
اضحك راشد ومشو داخل مفلح عند الباب ويدق على امه
مفلح :يمه ترانا عند الباب ندخل
ام مفلح :اصبر لين اجيكم .راحت لهم ام مفلح ودخلتهم مع درج بلحالهم وساره فوق عند نوره
ساره :نوره سمي بالله ترى راشد بيدخل
نوره تنفست بهدؤ ومدنقه راسها اسمعت تحنحانهم عند الباب ابعدت ساره وراشد ادخل وقفت نوره له اوصل لها باس راسها وجبهتها ووقف جنبها حطت نوره يدها على جبهتها ونزلتها بسرعه
مفلح راح لعمته وسلم عليها وتقدم لنوره مبتسم دنق على خشمها وحبه :مبروك النوري بتروحين وتخلينا
راشد بمزح:خلاص لقد شافتني معاد بغتكم
نوره ساكته وهي مستحيه من مفلح يشوفها بذا البس
مفلح يتلفت :مافيه مصوره
ام راشد :الا فيه تبي صوره معهم
راشد :يوه البلشه هذا عرسي ولا عرسك
مفلح يروح صوب نوره ويوقف جنبها :عرس اختي ..ياله وينها
ام راشد :ساره ناديها فيه حجرة التبديل.راحت ساره ودخلت المصوره وهي تاخذا كم صوره لمفلح مره واقف جنبها ومره لامه بيديه مع كتوفها
راشد بقهر:خلاص يالاخو تبي تعرس البنات واجد خذا مرتي يناس
نوره مبتسمه
مفلح: شفها تبسم معجبتها حركاتي
راشد يلتفت على نوره وهو مبتسم بحبور :امانتن معك تطلع وتخليني انا وذا الزين
مفلح مات من الضحك ونوره توترت وعقدت حواجبها والعجز يتفرجن
نوره ترفع راسها لامها وعيونها محمره
ام مفلح :مفلح افلح وخلهم ياخذون راحتهم
راح لاخته وحب راسها والتفت على راشد :الله الله فيها ياراشد لاتجيني ضايقه ومضيومه ونا ماصبر على شوفت دمعتها وانشالله ماهوب جاين منك الازين
راشد وهو يحط يده على كتوفها ويقربها منه:افاااا عليك مرتي وحبيبتي تطمن ابو سعد في عيوني اذا تكفي
مفلح :تسلم في امان الله ..اطلع مفلح
راشد وهو يلتفت :وين ساره مامداه يكمل جملته وساره حاذفه نفسها في حظنه وتصيح
راشد :افا تصيحين وانتي تشوفيني مستانس
ساره تصيح ولاكلمته وهي تضمه بقوه حط يديه ورى ظهرها وضمها
ام راشد وهي ماسكه دمعتها:خلاص يامي ساره ابعدي لاتضيقين خاطره
ابعدت ساره وهي منزله راسها وتمسح ادموعها ارفع راشد وجهها وهو يوايق فيه
راشد بحنان:خربتي زينتس يابعد كل البنات
نوره ترفع نظرها لساره و له ادخل قلبها من اوسع ابوابه
ارفعت راسها له :مبروك الله يسعدك ويخليك يارب
راشد براحه:امين وين الي تقول ابرقص قدامك وباخذ وبخلي وريني
ساره تضحك :من عيوني اذا مارقصت في عرسك من ارقص له
ام مفلح :ماقصرت عند الحريم على رجل
راشد يلتقت لخالته وهو مبتسم:ابيها ترقص عندي انا ونوره
راحت ساره للمسجل وحطت اغنية اهداء لاخوها ورقصت عليها قدامه بهدؤ وهي تنفح بشعرها
راشد مبتسم وهو ماسك يد نوره حط اصابع يده عند فمه وهو يرسلها بوسه لساره الي ضحكت وراحت تجلس جنبه
ام راشد :ساره عسى ماتغدين كنتس بزر وخري منهم بيمشون
حط يده على شعرها :خلوها على راحتها لو الرجل مابينه وبين مرته خصوصياته كنا بعد خليته جنبي في كل شي
اهتزت يدها في كفه ودقات قلبها ترتفع لعلى معدل
قامت ساره وهي تبتسم :لا ثم تكرهني نوره اذا نزلتو تحت بنشب ل
اضحكت ساره وهي تناظر نوره الي منزله راسها
وقف راشد ووقف نوره معه :يالله بنسري
راحت ام مفلح لعباتها والبستها ونزلت معهم تحت اركبو سيارتهم وحركو
لمياء قاعده مع خواتها على طاوله وامهن مع العجز في المنصه :اااه الهنوف راحت نوره راحت ساره بتروح للوظيفه ونا بقعد مقابله فهيدان قولعي منه
غزيل :يوو الله ازهلي البنات لابغيتي سوي اسواتهن وافلحي
لمياء بدون مباله تحرك يدها :توني مابعد جاء الي اتكتك على شكله ويعجبني
منيره :لا لاتعرسين خلس كل مابغيت اتمشى احط عندتس هبه
لمياء :جيبيه هبيه ام السعابيل عشان اشدها مع كراعينها وطلعه لتس
نوف بهدؤ وهي تفكر: بنات تدرون وش بسوي لو الي يطلع الي في بالي صح
لمياء : منتب مسويه شي ماعنتدتس الاالحتسي
نوف وهي تكمل ومشكله بلمياء:يالله يارب
كلمها رجلها واطلعت له وراحن باقي خواتها مع ارجالهن وهي راحت لامها
لمياء بملل:ياله يمه نسري
امها :كلمي فهد خليها يجي
كلمته وقالها انه سرى بابوه للبيت
ام فهد:روحي قولي لخالتس قبل تسري خلينا نروح معهم عجلي
راحت لها لمياء وهي قدها داخله من الباب قد المعاريس ماشين
لمياء:خاله بتروحون ذلحين
ام مفلح :ايه يامتس بتروحون معنا
لمياء :ايه فهد راح مع ابوي
ام مفلح :ياله انا بنمشي الحين
علمت امها ووقفن هي وياها عند باب الاستقبال يحترن نمشه وعليهن اعبيهن
نمشه تلف عباتها تبي تلبسها:ياله مشينا عند الباب
ام فهد :وين ام سعد
ام مفلح :ابطؤ عليها بالعشى عقبن سرت مع ولدها (ابو مفلح )
اطلعن وركبت ام مفلح قدام ولمياء وامها ورى
مفلح يلتفت على خالته وهو يتقدم منها : خاله خشمتس فديته
لمياء بقرف قطيعه انت
ام فهد وهي ترحب :مرحبا لبى روحك انت الي بتودينا انشهدنه تبارك المسرى
مفلح يحرك السياره انسف اشماغه:الله يبارك في ايامتس انشهد اني احبتس ياخاله
ام فهد :حبك ربي ولاسبك كنك تشوف الي في قلبي
لمياء راكبه وراه ناظرته مع المرايه ببندهاش انشهدني احبتس ياخاله هذالا هم المغازلين
ام مفلح بدون مقدمات :نوره ياختتس انكن لمياء ماهيب صوب احد تراني ابيها لمفلح

نهاية البارت

[7btin]

البارت السادس والعشرون
التفت مفلح بصدمه لامه ولمياء ناظرته على طول شافت الصدمه بعيونه ...لف براسه برى على طول وهو متضايق
ام فهد ماسعتها الفرحه وهي تقدم جسمها لقدام معاد شافت لمياء :لا والله مير على حسابه ومتى مابغاها لقاها
لمياء بحقد قربت من جهته من صوب الباب:ارفض ترى امي تكلم من نفسها ولا نفسي ماتبيك عايفتك اذا فيك ذرة كرامه يعني
ميل بنظره صوبها اسمع كلامها خلصت ورجعت لمكانها وهي تنتفض من الغيض خاصه عقب ماشافت الصدمه بعيونه يعني ماهوب هوالي يبيني خالتي اصدمته بذا الخطبه
التفت مفلح بسرعه عقب ماخلصت كلامها :خاله ناوي من زمان احجزها ابيها من يومها اصغيره والحمدالله الي قعدت تحتريني بنتس ومهتويها
خالته بفرحه:جعله والله ساعه مباركه الي بشوفكم فيها جايني مسيرين
لمياء بصدمه حطت يدها على راسها الله ياخذك ياملفح يالا العاب
ملفح بحماس مصطنع :انشالله ونا احتري ذا الحظه من اقصاي
لمياء بتهور وبقهر:بس انا مابيك ومابي اعرس
ام مفلح انصدمت واسكتت وام فهد قدها منقهر من رفضها للخطاطيب وجاها مفلح حبيب قلبها من صغرها
ام فهد بغيض اقبصتها مع فخذها وهي تنفص عينها على لمياء:اقطعي اص ولا كلمه وش انتي بعد تنتظرين غير مفلح بتاخذينه وانتي ماتشوفين دربتس
اسكتت وهي منزله اعيونها ودموعها هماليل من تفشيلت امها حطت يدها على قبصت امها المؤلمه
ام فهد :ماعليك يأمك منها متدلعه مخلينها على كيفها
مفلح برواقه:لا ماعليتس ياخاله كذا البنات خابرهن يرفضن ثمن يوافقن لاتشلين هم تحسبيني بضيق... لمياء تمون وكلامها ولو هو مايعجبني عسل على قلبي
ام فهد تكش على لمياء :مانتب تستاهلين السنافي
كانت تصيح و كاتمه صوتها وعينها لتحت بقهر
دق جوال مفلح ورد عليه وهو مبسوط
مفلح :مرحبا بالي دق يسمعني صوته كيف الاحوال
محمد باستغراب:اسم الله عليك احوالي مستقره انت وش احوالك
مفلح بضحكه:تنشدني وش فيني اضحك بعلمك واحد من اخويانا اليوم تفشل وهو كان ناوي يفرض علينا رايه بس مشكله محد عطاه وجه يمكنه يبكي الحين ماهوب يمكن الااكيد
محمد بتعجب :عسى مالقطك جني وانت ترقص
اضحك مفلح بقوه :لا لا مابيه بس اعناد فيه عشان يمسك السانه
محمد مبتسم :هييه يالحمار عندك احد تبي تلعب عليه
مفلح :عليك نور ياغبي ياله مع السلامه
محمد :مع السلامه احتريك تعلمني هاه
مفلح :يصير خير ..صكه وكمل اسواقه وهو مروق ويصفر
ام مفلح بستغراب:واحد من اخوياك يبكي وش صاير له يدافع البلا
مفلح :هههه لا تشيلين هم هذا مزحه بسيطه
امسحت ادموعها بقهر وصدت بقوه للشباك
وقف عند بيتهم وانزلت ام فهد ولمياء افتحت بابها التفت على امها لقتها تكلم خالتها صكت بابها واسرعت صوب بابه
لمياء بغيض :تبطي ياراعي البنات اخذك تبطي وتشوف ماكون لمياء ماكنسلت ذاه كله
ارفع عينه في اعيونها بالكحل تمعن فيها بشغف تدارك نفسه
اضحك وهو يغمز لها :اجهزي بس على عيد ارمضان هناه وياشر على حظنه
لفت بسرعه ودخلت...فسخ اشماغه بتوتر واحذفه ورى بهمال
ام فهد :في امان الله سلمو عليها وراحو
|||||||||||||||||||||||

فى بيت بو فهد
ادخلت لمياء حجرتها بسرعه صكت الباب وصاحت بقوه اجلست على الارض وبصوت عالي مايحق لها امي تفشلني قدامه وهو اصلن مايبيبني ليه يمه ليه صاحت وحطت يدها على وجهها تذكر كلامه في الجوال عارف اني ابكي ومصر يوافق
جاها فهد يطق الباب:لمياء وش فيتس انتي تصيحين
قامت امسحت دموعها وتنفست :لا اكلم ساره اضحك اضحك مابكي
فهد :ايه اشوى روعتيني!!.راح وهي قامت بسرعه غسلت وجهها ووغيرت ملابسها ونزلت تحت عند امها
طقت الباب على امها
ام فهد اطلعت لهاومستغربه:وش فيتس تبكين
لمياء بدموع:ليه يمه توافقين انا مابيه
دزتها ماها وراحت معها لصاله بعيد عن ابوفهد الراقد
ام فهد بعصبيه:من تبين لمياء؟؟..رافضه مفلح من تحترين
لمياء بترجي:يمه الله يخليس من احتري يعني ..وبسرعه..يمه خلاص موافقه على سعيد
ام فهد :اسكتي مالت عليتس تبيني اكلمهم واقول ارجعو خلاص وافقنا وارفض مفلح ولد اختي وعزيزن على قلبي تبطين يالميه ان خليتس على كيفتس مره ثانيه
لمياء تصيح :هو مايبيني لاتصدقينه والله انه يلعب
ام فهد تقفي منها وهي تكلم:يلعب وهو يقول احتريها من يومها اصغيره
اطلعت للحوش وقعدت على ا لعتبه وهي تصيح بحره

|||||||||||||||||||||||

فى بيت بو مفلح
وصل امه ودخل حجرته افسخ ثوبه وحذفه على الارض انسدح على السرير والله ان امي وهقتني بلشه قسم بالله بس.. جابته لنفسها لوها اسكتت كان بسحب نفسي بهدؤ.. تذكر اعيونها امسح شعره وقعد انفخ بثمه هي هي الي شفتها بالمطبخ ونوره تقول ان الهنوف ماشفتني بالمطبخ اجل هي المزيونه فيها ملح موب طبيعي وترتني ذا البزر دق جواله
مفلح يعود ينسدح وهو يحط راسه على المخده:هلا
على :منتب جاي
مفلح :لا تعبان برقد
على :وين الي متحمس واحتروني هونت اعلومك
مفلح :انشهد انها هونت
على :وش الي هون بها ادنى مافشك وحتسيك
مفلح مسرح :هون بها واحدن اطلق من وجهك ..صك التلفون ونقلب على جنبه يحاول يرقد
||||||||||
فى ايطاليا

ارفعت الهنوف جوالها تشوف الساعه 11اليل من عقب مكالمة نوره معاد ادخلت الحجره من الساعه تسع وهي في البلكونه ارخت جسمها على الكرسي وغمضت عيونها
وهي تغني بصوت خفيف اسكتت فجاءه ورفعت راسها له ولفته بسرعه يوم شافته جاي صوبها اكيد جاي من حفلته السخيفه لابس بنطولون البجامه دون قميصها اوصل لها وصكر باب البلكونه وقفت وناظرته وهو مقفي للحجره لفت نظرها لبرى البلكونه هاديه وظلام ماعليه بجلس هناه لصبح مصكر الباب يعني افهمي مابيتس تدخلين حطت يدها على جبهتها ورصت عليها بقوه مشت لزاوية البلكونه اجلست ولمت نفسها غمضت عيونها بقوه وهي تقراء اية الكرسي لفت نظرها على المكان حست بهدؤ مخيف قامت بسرعه للباب وهي تفتحه ورفض ينفتح انتفضت بخوف وطقته بقوه
الهنوف ببكى :سلطان افتح الباب بسرعه سلطان.. وهي تطق الباب.. امانه افتح والله معاد ابعد عنك والله مااشبر الا وانت جنبي خلاص افتح..لفت وراءها ظلام عنيف ماتشوف يدها اجلست على الارض وظهرها للبلكونه اسحبت الكرسي قدامها تغطي نفسها
اجلست نص ساعه وهي تشاهق وتصيح برد ماعليها شي برمودا وقميص بسيور بس رصت جسمها على باب البكونه وعنزت راسها ويدها على وجهها بكت بقوه عقب ماسمعت صوت الهواء على الشجر واصوات طيور الليل اكيد بيجون المتطفلين الحين وبيشوفني وبيقتلوني عشان ماعلم عليهم
التفت على جوالها بسرعه وهي ناويه تسوي الي في بالها والي بيسويه يسويه لو يذبحها وتفتك
نهاية البارت السادس
نهاية الصفحة(3)
البارت السابع
امسكت جوالها ودقت رن وطول وهو يدق اخيرن اسمعت صوتها
الهنوف بصياح والم :خاله طلبتس
ام سلطان براعه :ويش فيكم صار شي
الهنوف وهي تمسك نفسها من البكى :تعالي اخذيني مابي ولدتس مابيه
ام سلطان تنفست بهدؤ :ليه وش سوى
الهنوف وهي تمسح ادموعها:ماله خاطر فيني...خلوه يفكني ترى انا انسانه احس ارحموني الله يخليكم سوو فيني خير
ام سلطان برتباك من صوتها:الهنوف ياامي اهدي وفهميني السالفه وش سوى فيتس
الهنوف ناويه اتخرب السالفه وبدموع قهر:صكر علي باب البلكونه وانا برى برد وخوف ,,,وتحشرج صوتها بالبكى ..ويمد يده قدام الي يسوى ومايسوى
ام سلطان :انتي الحين برى
الهنوف ترص الجوال على اذنها:ايه برى من اول اليل
ام سلطان :وش سويتي وخليتيه يزعل منتس كل ذا الزعل
الهنوف بالم :ماسويت شي بس لاني وقفت مابغيت اروح معه للبيت طقني قدامهم كلهم وكاني مسويه جريمه
ام سلطان بعتب:الله يسامحه ويسامحتس بعد سلطان يالهنوف عصبي وموته والي تسفه امره ابوه يالهنوف الي هو ابوه معاد يكلمه الا من طرف خشمه عشانه ماعطى لرغبته اهميه اصبري يمي اصبري وانا بعد بكلمه
هدت امسحت دموعها وهي تسكره من ام سلطان
ازحفت صوب الزاويه والجوال في يدها قعدت شوي التفتت لباب الي انفتح وقفت بسرعه وناظرت له
سلطان يناظرها ببرود تقدم صوبها وامسك لحيهها بهدؤ :تدقين تشكين
ناظرته بغرور وقهر واسكتت
رص على وجهها اسحبها صوبه وهو مدنق عليها الى ان انحنى ظهرها بقوه
سلطان بغيض :اسمعي الكلام الي بقولها لتس مابي اتعذر لتس فيه لا ... ابي اوضح لتس اياه بس ماتوصل بي المواصيل اطلعتس برى واقفل الباب سامعه.. الباب يتقفل اتوماتيكي لانصك ونا ناسي هالامر
حست برتباك وخجل ابرد غيضها بس للحين وهي على نظرتها ومتحمله الوجع
رفع وجهها فوق :ارفعي السماعه على احد تشكين له سويها يالعاقله وتعرفيني على حقيقتي ..انا هنا بايطاليا اقوم بدور مفروض علي بس الظاهر اني حتى التمثيل ماقدرت
امسكت يده تبي تفكها اكسر رقبتها ودموعها تنزل بكبرياء:خلاص بردت حرتك
دزها على ارض البلكونه وبتهديد وهو رافع حاجبه اليسار بهدؤ:لاتدخلين الحجره وانا فيها فاهمه..ادخل وهو ملتفت عليها عقب لف راسه وراح للحجره
وقفت بهدؤ خذت الجوال الي طاح منها وادخلت الحجره في كنب عليها شراشف بيض مغطيه نزلت وحده منهن وطلع لها اغبار اطلعت بسرعه برى الحجره لين خف الغبار ورجعت لها خلت الباب مفتوح وانسدحت عليها وعيونها منفوخ من البكى وتعبانه غمضتها وحاولت ترقد
تقلبت الكنب يابس وحجمه صغير
|||||||||||||||||||||||
فى المملكه

عند نوره وراشد الي سرو للفندق الي حاجز فيه راشد
راشد ياشر لنوره تجلس على الكنب وجلس جنبها
راشد ببتسامه:وش اخبار مزيونتي
نوره ببسمه خفيفه:الحمدالله
راشد بهدؤ :اكيد انتس تحمدين ربتس على ذا العرسه يانوره
نوره بعدم فهم بس قالت:ايه اكيد
راشد وهو يلف ويشبك يديه مع بعض:رافضه ومسويه ضجه عند امتس انتي سامعه مني شي ماعجبتس ولا اتعرفيني
نوره بصدمه دنقت راسها وعضت شفايفها بندم
راشد بركاده:يانوره الوحده لامنها اقدمت على شي ماهيب باخصه فيه تنشد عنه عند اخوها وابوها محدن باغي لتس الشر
نوره تكلم برتباك:ماقصدت لرفضي لك اني مابغيك لذاتك بس اني ..وبتردد..خفت من الزواج وتوني ابي اجلس عند امي
راشد يمسح شعرها:ماعليتس صح انس متحسسه بس منيب زعلان عليتس ...
نوره بمتنان :مشكور ووالله بس قصدي اني خفت من طاري الزواج تقدمت لي واغتضت منك مال لرفضي اهميه الحين صح
راشد يهز اكتوفه وهو مبتسم ويبي يغير السالفه:تدرين اني حابتس من شفتتس في صوركم
نوره بتوتر هزت راسها
راشد مستانس عليها :داريه يعني
نوره اضحكت من ردت فعلها
راشد بضحكه:لبى الضحكه وراعيتها دوم ووانتي معي..لف وجهها له..قولي انشالله
نوره بتعرق وصوت مرتبك :انشالله .وصل لهم العشاء تعشو وامسو
|||||||||||||||||||||||

عند مبارك ونوف
جالسه على كنب الحجره مجافيها النوم
مبارك رفع راسه من المخده وتربع وبارهاق:وش فيتس يانوف من جيتي ونتي ماش
سرحانه ويدها على بطنها قام مبارك وجلس جنبها وهو يحط يده على جبهتها
التفتت له بهدؤ:قمت
مبارك يتنفس:قمت وكلمتس وانتي منتب صوبي
نوف بسرعه:وش تبي مانتبهت
مبارك :ابيس اتعلميني وش فيتس تعبانه
بكت فجاءه وطاحت في حضنه
مبارك براعه اول مره تصيح قدامه كذا ارفع راسها له ارفضت وهي تحرك راسها وتمسك فيه اكثر
نوف ببكاء:مبارك انا ماجاتني لي شهرين يعني يمكن حامل
مبارك بعبط :وش الي ماجاتس ونتس تحملين
نوف ترفع راسها :الدوره مغيبه مني شهرين اخاف اعشم نفسي ويطلع كله اوهام
مبارك يتنهد عقب ماعرف السالفه:نوف كم مره ونا اقول لاتفتحين السالفه معي متى مابغى ربي جابه
نوف :لا لاعندي امل ذا المره بروح اكشف ذلحين ساعدني مبارك
مبارك :انوف عشان كلام اختتس الهنوف في شهر سبعه
نوف وهي ترجع راسها لصدره وبهدؤ:ايه وبعد قلبي حاس بقوه ..وقفت وسحبته مع يده ..يالله ودني الحين
مبارك يناظر ساعته:الساعه 2 اهدي بكره ياتسمح كل شي
نوف بترجي :اذا تبيني ارقد الحين
مبارك مستسلم :يالله امشي بلبس واحتريس تحت
مشت برتباك وهي خايفه من النتيجه البست ونزلت له تحت بعد ربع ساعه اوصلو المستشفى وهي تستغفر وتسبحن
ادخلت عند الدكتوره الي منسدحه على الطاوله ماعندها احد شافت نوف وقامت لها حللتها والتحاليل بعد ساعتين
اطلعت له نوف قام مبارك بسرعه:بشري اربه احساس مبارك والله لايطلع صدز ان اذبح لي قعود
نوف ببتسامه وفي نفسها ويقول كله عندي واحد:النتيجه بعد ساعتين
مبارك بنزعاج :وين ساعتين متاخر امشي بروح احط في يديهم فلوس عشان يطلع الحين
راح لهم ووقف عند التحاليل والاشعه عطى اللممرضه الفلوس خذتها بسرعه
الممرضه:خمس دقيقه
قربت نوف منه وتمسكت فيه لمها بيده وجلسو خمس دقايق كنها ساعات اطلعت الممرضه وعطتهم الاوراق يودونها لطبيبه خذاها مبارك واسرع في مشيته ناسي نوف وراه وهي تتبعه بامل
مبارك طق الباب وادخل:السلام هاتس يادكتوره اوراق التحليل
خذتها وجلست تلبس نظارتها ببرود ادخلت نوف عليهم وهي تناظر تعابير وجهه ولفت على الدكتوره
نوف صاحت :بشري دكتوره
الدكتوره:من متى ماحملتي يانوف
مبارك رد بدالها:اربع سنين

البارت السابع والعشرون
الدكتوره :اا عشان كزا طيب هو في حمل بس عايز متابعه ومراقعه دايمه جدار المشيمه خفيف طيب يانوف
مبارك يضم نوف بقوه : اشوووووى ...اخيرن يانوف بشوف اولدي منتس اخيرن
نوف تمسح دمعتها:ما.. طيب.. يعني انا بجيب بيبي
مبارك بفرحه عارمه:واحلى بيبي انشالله لاتفوتين ولا مراجعه لاتنسين طيب
الدكتوره مبتسمه وهي تناظرهم:اه حرص عليها ياراجل
امسكها مبارك وطلعو وهو منزل راسه لها ويكلمها بهدؤ لازم ماتنسى وتهتم
نوف بضحكه:من عيوني لاتوصي عساني ماقلقك عاد
مبارك :ياروح روحي انتي احلى قلق قسم بالله
اوصلو لبيتهم ومبارك حالف يدق هو على الهنوف يعلمها بنفسه
|||||||||||||||||||||||
الخميس راشد ونوره رايحين لبيتهم عند ام راشد الي استقبلتهم عند الباب
ام راشد :يالله حيهم مرحبن عد نجوم السماء
راشد يحب خشمها:البقى
تقدمت نوره وحبت راسها وخشمها :وش اخبارتس عمه
ام راشد:طيبه مدام عيني تشوفكم ادخلو يامي
اجلس راشد جنب المركى وام راشد تكلم نوره :اجلسي منا وتاشر لها على الجنب الثاني للمركى
نوره وهي تمسك عمتها:لا والله ان تجلسين انتي ابعدت عن المكان وجلست جنب راشد
ام راشد راحت للمركى وهي ملتفته صوبهم:ساره ماحطت راسها الا الفجر قومتها وكني معها من امس
نوره بغتها من الله مستحيه من راشد :انا بروح لها..قامت بسرعه ورقت فوق
ابتسمت وهي تنفس ادخلت حجرة ساره طفت المكيف وراحت لتسريحه تشوف شكلها مكياج خفيفه وردي وروج وردي ناعم على شفايفها انفضت شعرها ومسحت حواجبها المنمقه وقعدت على السرير مع وقفت راشد الي لقته ظهرها مادرت عنه
نوره :اسويره قومي جعلتس المرض جيت وانتي ماستقبلتيني
ساره ارفعت الحاف على وجهها
نوره اطق على ظهرها من فوق الحاف :ياحظي في كل مكان واحد اقومه واقهره مساعد ثم انتي .. اسحبت الحاف وهي تضحك بنعومه وقفت تبي تسحبها لين الباب لفت وهي تعض شفته التحتيه بصدمه احذفت الحاف على لارض ولقته ظهرها
راشد يضحك :اووه اثر مرتي ملقوفه ..حط يده على اكتافها ولفه له وياشر على ساره
راشد:هذي جيفه ميته لاتقوم لالمنبه ولا امي شوفيها حتى ماحست بنا تعالي اوريس كيف تقوم... مشاها معه ووقف عند سرير ساره الي متكرمشه من براد المكيف
مد يده لخصرها وحركه بقوه
ساره بصرخه فزت:اااااه
نوره :هههههههه
راشد يبتسم :شفتي الطريقه المعتمده
ساره توقف وبفرحه وهي تشوفهم واقفين جنب بعض :جيتو
نوره بمزح :لا توني تحت وراشد راح
راشد ببتسامه:يالبى اسمي على هالكشره
نوره استحت وساره تضحك
راشد يحط يده ورى ظهر نوره ويكلم ساره: اخلصي ونزلي تحت ابيس قبل نمشي
نطت من السرير وبحيويه :ابشر من عيونيه
اطلع راشد ونوره من الحجره وساره غسلت والبست وطلعت لهم تحت
ام راشد سلمت من صلاة الضحى والتفت عليهم عقب مانزلت برقعها على وجهها
راشد :ساره بروح اليوم ومدري كم بنقعد دقي على خويتتس وشوفي وش بعد القريه من النعيريه لاجيت انروح انشوفها قبل الدومات
ساره بحماس:خلاص بدق وبنشدها عسى ماهي بعيده جدا
ام راشد:اكيد بعيده تستاهلين ...الحمد الله نوره عندي وانتي بلحالتس
ساره تضحك :يعني تبيني اهون خلاص طاح الفاس في الراس وافلقه
||||||||||||||||||||||||||||||||||
فى ايطاليا
قومتها من الارض الي فارشه فيها فراش ابيض ونايمه عليه
ماريا بتعجب:مدام
الهنوف تفتح عيونها ببطى وترجع تغمضها:نعم
ماريا:مدام ارض مافي كويس ليش نوم هنا
قامت ابعدت الحاف عنها بقوه ووقفت طالعه لغرفة النوم
وقفت بتردد تبي تغير ملابسها وتسبح من الغبار خذت نفس طلت براسها وجسمها تأكد من خروجه طاحت عينها في عينه على طول يصكر ازرار قميصه متجه للباب
اارجعت الهنوف بهدؤ ولقته ظهرها طلع مار من جنبها ونزل تحت
ناظرته لين نزل بعتب وقهر مالتفت عليها يشوف وين نامت
ادخلت تسبحت من قلب والبست فستان سماوي لتحت الركبه وبنص كم وشال ابيض لفته حول رقبتها امسكت شعرها واحد ونزلت قذلته الي طالت على وجهها وطلعت لشغاله الي تنظف الدور الي فوق
الهنوف:ماريا
ماريا:نعم مدام
الهنوف :سير سلطان روح برى . تعال انا يبغى ..
ماريا تهز راسها:تيب مدام
اقعدت في الصاله والجوال معها تلعب به ساعه
وقفت عندها ماريا وتمسح يديها بمريولها :خلاص مدام سير يفطر وروح
الهنوف : انا يبغى امشي برى روح معي في خوف
ماريا بفرحه:مافيه مشكله ماما ياله انا جاهز
بدلت الهنوف جزمتها بشبشب ابيض اريح ونزلت تحت
اطلعن من باب البيت التفتت الهنوف على الشغاله الي وراها :وين روح الحين ترى انا مايبي شوف احد بس انا عشان لازم غطى معلوم
الشغاله: ااه ماما معلوم خلاص من هينا كلو حق بابا سلتان
مشت الهنوف والشغاله تتبعها الجو هادي ونفسيتها ثايره وقفت عند ساقي ماء وحوله ورد الوانه زاهيه اجلست على اركبها بشويش وهي تقطف من كل لون جمعتها وكملت المشي وهي تستنشق الهواء البارد بنعومه اقطفت اوراقها وفجاءه اضحكت بستهزاء وكلمت نفسها بصوت عالي
:الله وين الرومانسيه الي اطرى عروس تمشى بلحالها.. هزت راسها باسى احذفت الورد في الهواء بعشوائيه.. شافت نهر كبير وشلالات اصغيره مره
الهنوف بفرحه تسرع له:ماريا وين هذا من زمان.. وقفت عنده ونزلت تحركه بيدها وهي تضحك
الشغاله مستانسه :من زمان فيه بس انتي مافي يطلع
الهنوف :والله من قرادت حظي.. تربعت عند جال الماء القريب ونزلت يدها فيه ورشته فوق
الهنوف تاشر لماريا:تعالي هنا علميني كيف اجيتي هنا
الشغاله ترددت جات وجلست بعيد شوي:انا حق بيت سير سلتان في باريس هذا مافي بيت.. اول مره ايجي هنا انا
الهنوف:اهاا يعني انتي من ربع البيت الي هناك
قامت وجاتها وهي تمسك يدها تبي تبوسها :ايوى شكرن ماما عشان انا يجي ايطاليا من زمان يبغى زورو
اسحبت يدها برتباك وراها وامسحتها وهي تبتسم:عفوا ماريا بس مافي داعي للفرحه كلها
هزت الشغاله راسها بفرحه
فسخت جواتيها ونزلت رجليها في الماء ارفعته بسرعه :يب بارده مره
نزلتها مره ثانيه بشويش لين ثبتتها زينت قعدتها واقعدت تصور الي قدامها
ماريا :مدام الساعه 12 لازم يروح سوي غذاء
الهنوف تاشر بيدها اصبري
طفت الجوال وقامت اجلست على جذع اشجره وهي تلبس حذيانها
جات بسرعه الشغاله :مدام انا يلبس عطيني
الهنوف بستبعاد :لا لا ماريا انا يلبس مافي سوى كذا ثاني مره طيب
الشغاله ترجع وراء وهي تبتسم: طيب
افسختها مره ثانيه قبل تدخلها رجليها الرطبه حطتها جنبها اقعدت تحرك رجليها لاجل تجف ويدها معنزتها وراءه
ماريا:مدام روح
الهنوف تلتفت عليها وبسوال: مين اكل غداء مافي احد خلاص خلي
اسكتت ماريا والهنوف تقفز من الشجره وناظرت صوب صوت الشجره الي فوق
ماريا :مدام هذا سنجاب
الهنوف بوسعة صدر :ياحلوه يالبي عليها بيتها هنا برقى اشوفه..ماريا تعالي وقفي هنا وتاشر جنبها جات الشغاله تعنزت على كتفها وتمسكت في اغصان الشجر لين رقت فوق جنب الجحر
ماريا :مدام امسك كويس مافي خوف
الهنوف بضحكة خوف :طيب اسكتي لاتربكيني..وايقت في الجحر
الهنوف بصوت عالي:ماريا في واحد ,,ارجعت توايق ونط عليها السنجاب اصرخت اختل توازنها اقدرت تمسك في الغصن الي قريب منها
الهنوف بحماس :امسكيه امسكيه سريع
الحقته الشغاله امسكته قبل يرقى فوق
الهنوف ترفع قبضة يديها فوق بنتصار :عاشت الفلبين
الشغاله بفخر:ياله مدام انزل بسرعه شوي شوي مافي طيح
لفت الهنوف ونزلت على وراء بهدو وهي منزله نظرها تحت تراقب طريقه مانتبهت لغصن الشوك الي انغرس في اذراعها
الهنوف بالم :اووش ... كملت نزولها الى ان وصلت لارض والتفت على يدها ينزف منها دم
الشغاله بخوف:ماما وش مشكله...
تاففت بالم : اوف اوف ..خليه بنظفه الحين راحت لنهر خذت مويه في يدها وهي تنظفه برى النهر غسلت يدها وشافت الجرح طويل بس موب عميق مره ويرجع ينزف
امسحته بالفاين ورجع ينزل
الشغاله بخوف :لازم مدام يرجع بعدين سير يزعل
شافت الهنوف يدها ماوقف الدم منها لفتها بمنديل ملون وخذت السنجاب من الشغاله
الشغاله :مدام حذيان
الهنوف دنقت على حذيانها وامسكتها مع ارباطها والسنجاب في حظنها عضها السنجاب مع يدها اصرخت وحذفته بقوه
الهنوف بوجع :حمار يكفي يدي... لفت منه وهو انحاش لاقصى مكان ارجعن للبيت مع سور الحديقه من ورى
سينيتا :مدام انا اذا سير ايسال وين دم هذا انا مافي روح تكفين مدام
الهنوف تضحك :لعنبوتس ماسرع جحدتيني
وقفت واختفت ضحكتها وهي تشوفه واقف عند باب البيت الرئيسي
ناظر سلطان في شكلها شعرها ضحكتها كلها جذابه رص على علبة البيبسي بيده وبصوت واطي
مهـره ماعسـفـت صغـيـره وبـنـت حـصـان
الجبهه كما الصبح وكما القوس اسود الحجان
نـاعـسـات ونرجـسـيـه سـود الاعـيـاني
رمــش كـمـا ريــش يغـطـي الثـلـج فـالاوجــان
جـفـن يشـيـل الـرمــش طـربــان وكـسـلانـي
خـد كـما ورد تـنّـمـى فــي طـرف بـسـتـان
خـشـم صغـيـر ومـثـل حــد السـيـف شامـانـي
البسمـه كمـا البـرق وثناياهـا كـمـا المـرجـان
شـفـاهــا جـمـرتـيـن وفـمـهـا خـاتـم سـلـيـمـانـي
شـعـر مـثـل ذيــل الـفـرس لا طـبّـت الـمـيـدان
او الـشــلال لامـــن بـــات لـيـلــه بــيــن الامـتـانــي
جـيـد ســـوات ابـريــق فـضــه نـاتــق مـلـيـان
وصــدر كــنــه مــرايــه عـلـيـهـا طــلــع رمــانــي
ظهـر كمـا الـجـدول وقــدّ مـثـل غـصـن الـبـان
وخـصـر مـثـل مـجـدول الاعــلان وجـسـم رويـانـي
نـابـيــة ردف وبــطـــن ظــامـــر جــوعـــان
مـدمــج ســـاق وقـدمـهـا لــســان ثـعـبـانـي
بـنــت عـــز مـــن رغـدهــا يـنـعـم الفـسـتـان
الـرقـه و الـدقـه لـهـا باطـرافـهـا شـانــي
المشيه كما اللـي طالـع مـن المعركـه كسبـان
تــرش مـــع خطـواتـهـا مـســك وريـحـانـي
صــوت الــى مـنـي سمعـتـه كــن فـيـه الـحـان
يـدغـدغ مسمـعـي ويثـيـر كــل السـحـر فـاشـجـاني
لــوحــة مـا صـورتـهــا ريــشــة الـفـنــان
جـوهــره مـــا جـابـهــا قــاصــي ولا دانــــي
ابيـهـا تنتـصـر لــي مـــن زمـــان حـطـنـي نـيـشـان
وتبـشـر بـالـغـلا الـلــي مـالـفـى بـــه واحـــد ثـانــي
مـهـرهـا قـلــب وشـعــر يـهــز الـقـلـب والـوجــدان
وألبـسـهـا القـصـيـد وتـصـبـح اوزانــــي وقـيـفـان

[7btin]

البارت الثامن والعشرون

ناظر فيها واقفه وصاده عنه ونظرها مشتت في الحديقه والشغاله مرتبكه
شكلها البرئ بلبسها بدون جزمات وهي في يدها عقب ارفع راسه لوجهها ونظراتها التايهه في الحديقه وصاده بوجهها عنه
احذف علبة المشروب الي معه وتقدم منهن : وين كنتو
الهنوف تعضض شفته الي تحت ومرتبكه من كلامه واكنها قصيده وماعرفت وش يقول زين
سلطان يكرر كلامه بهدء:وين كنتو
الهنوف تنتبه له وببرود:نمشي
سلطان وهو ياشر عليها:اشوف انتس مرتاحه كثير..تمشين وتضحكين
ارفعت عيونها له وبجمود:المفروض اني اندب حظي بكل شي
سلطان وهو يحرك يده بملل: الساعه تسعه تكونين جاهزه راجعين
حست بفرحه خبتها جواتها اسكتت وهو ارجع لداخل البيت
الهنوف تلف على ماريا وبفرحه درات بها :الله ياماريا خلاص معاد شوف انتي بروح السعوديه ,,وضحكت.. ماصدق
ناظرها من شباك الصاله وابتسم بسخريه ..
راحت من طريق المطبخ ادخلت ونظفت الجرح عقمته ولفت شاش عليه اطلعت لفوق بسرعه رتبت اغراضها في الشنطه وهي تحذفها اي كلام
طقت ماريا الباب
لفت الهنوف للباب المفتوح :ادخلي ماريا
ماريا :ماما في كرتون تحت جيب عامل مبيعات
الهنوف بتذكر:جيبيه نسيت الفستان وملابس النايفه
راحت الشغاله ورقتها لها خلتها الهنوف تكمل باقي الترتيب وراحت لجوالها
الهنوف ترد وماعرفت الرقم :الوه
مبارك :السلام عليكم
سمعت صوت الرجال بستغراب :وعليكم السلام من معي
وقفت لافه بتطلع من الباب عقب ماسمعت صوت سلطان يرقى الدرج مرت من جنبه طالعه والجوال على اذنها
مبارك بفرحه:انا مبارك بن مضحي
الهنوف بهدؤ:مرحبا مبارك وش لونك
المحته يوقف ويناظرها نزلت راسها واجلست على الكنب
مبارك :بخير ولله الحمد وش العلم من صوبكم
الهنوف : الحمد الله مانشكي باس وش لون الاهل والي حولك
مبارك :كلن بخير الهنوف والله اني حالف مايعلمتس الاانا
جاءها سلطان وجلس ملاصق لها تمام ويده على ظهر الكنب
الهنوف برتباك:تفضل ابو مضحي عسى خير
مبارك :خير انشالله خير نوف حامل
الهنوف بفرحه ماقدرت تخفيها:تكلم من جد يامبارك
هز رجله بهدؤ وزم شفايفه بتفكير ونظره لفمها المبتسم بفرحه
مبارك :اي والله نوف من زمان اتعلمني انتس امبشرتها في شهر سبعه والحمد الله الي اصدق ظنتس
الهنوف ببتسامه وهي تلف عن سلطان:من رجى الله ماخيبه
مبارك :صدقتي ..مع السلامه وسلمي على رجلتس
الهنوف :وانت سالم ..مع السلامه ..صكته ووقفت
امسك يدها وهو جالس لفت له
الهنوف:نعم
سلطان :ينعم بحالتس ...من الاخو الي فرحتس كل ذا الفرحه
الهنوف تلف بوجهها عنه :امبارك رجل اختي نوف
سلطان بفضول:وش يبي داق عليتس واصل يعني
الهنوف تنفس بغيض:لا يبشرني
هدها عقب ولاسالها عن العلم مشت بقهر وهي تشوف نظراته المرتاحه وهي تغلي قد لها اسبوع... راحت لحجرة الكنب اسحبت كرسي صوب الدريشه واجلست عليه
وقفت على راس الدرج بعيد منزلها راسها باحترام :سير هناك احدهم يريدك بالخارج ويبدو انه امر يهمك
لف لها وبتساؤل :من هناك
ماريا:رجل أمن وبجواره احدهم لم ياتي من هنا من قبل ..
نزل تحت فتح باب الرئيسي وشاف رجل امن البيوت السياحيه ومعه ولد مراهق تقدم منهم وهو يدخل يده في جيب بنطلونه ويطلع زقاره
رجل الامن :السيد سلطان
سلطان ينفذ الدخان :اجل انا هو
الرجل :لقد وجدنا هذا الفتى يريد الدخول الى هنا فامسكنا به ورفض يريد مقابلتك ..لف سلطان انظره للولد وبعدها للرجل
سلطان ببرود:وماذا بعد
الولد يتقدم:سيدي انا اعترف اني مخطي حينما علمت انك احد امراء السعوديه دخلت الى حديقة المنزل خفيه ولكني ..وسكت عقبها
سلطان يرفع حواجبه :اكمل حديثك هل فعلت شي يضر باحد
الولد بحماس:لا ابدا لقد وجدت فتاة وقمت بتصويرها سانسخ الشريط واعطيك نسخه وتدفع لي ثمن هذا الشريط
سلطان بستغراب :ومايهمني في الشريط لا اريد ان اراها ..وبسخريه وهو يحذف الزقاره ويطفيها برجلها ..لست مثلكم
الولد بفرح بالي سواه:لقد علمت ان معك زوجتك فقمت بتصويرها وساعطيك الشريط كهديه..
ناظره بسرعه عقد حواجبه:هل هي الفتاه
الولد بخوف من نظرته : اجل هي المقصوده
سلطان بغضب:اين الشريط
الولد: انه هنا ,,طلعه من جيب البنطلون ومده لسلطان اللي سحبه بقوه
سلطان :هل هناك نسخه اخرى
الولد برتباك:لا اقسم لك
رجل الامن:باستطاعتك ان تتاخذ كافة الاجرات الي تريدها فهو معتدي على ممتلكات الغير
سلطان يرفع يده لهم :لاتفعل به شي المهم ان يكون الشريط بدون نسخ
الولد يبكي:لم انسخه بالكاد انتهيت من التصوير
سلطان :لو لم تكن قاصر لكنت فعلت بك شئ لاتنساه طيلة حياتك
لف منهم ورجل الامن قفل بوابة الحديقه وكلبش الولد
اتجه على طول لفوق مر عليها جالسه بالكرسي وظهرها للباب وتناظر برى بسرحان ..راح للتلفزيون
وشغل الشريط رجع لورى جلس وحط مرفقيه على اركبه شبك ايديه وعنز ذقنه عليها والشريط بادي يطلع الي فيه
جالسه عند الساقي وتقطف الورد اجمعته وتكلمت بصوت عالي وهي تقطفه ماسمع سلطان وش قالت فرجع وطول الصوت
الهنوف تضحك توتر وهو يشوف ضحكتها وغميزاتها باينه بقوه ...الله وين الرومانسيه عروس تمشى بالحالها غمض اعيونه
وقفت وهي تسمع صوتها مشت بشويش ووقفت عند باب الحجره وعينها على التلفزيون شافت نفسها حطت يدها على فمها في كاميرات مراقبه ماجاء في بالي
اطلعت صورتها تركض للنهر وتجلس على جاله وترشه فوق وهو على وضعيته مركز ..ارفعت نفسها تبي تشوف ردت فعله من شوفها مصوره ماقدرت فرجعت بسرعه وخوف للحجره
سرح ونزل عينه وتفكيره ياخذه لشي امتخيل في يوم بيصير له ... رفع راسه لصوتها وهي تصرخ على الشغاله امسكيه افتح عيونه من حركاتها رقت على الشجره وينها الهاديه
اركضت وراه الشغاله وامسكته انزلت وصرخت بالم من الوجع.. عقد سلطان حواجبه وهو يتذكر شكلها ماألفت نظره جرح ولادم في يدها وهو عاري ماعليه شي رجع اظهره ورى ويديه مازال شابكه ورافعها له
حطت السنجاب في حظنها
الهنوف تسمع صوتها وهي مغمضه عيونها وتهز الكرسي بتوتر متوقعه دخوله عليها باي لحظه
قام طفى الشريط وسحب الشريط واقطعه الى فضى الشريط وحذفه في الزباله ورجع للكنبه منسدح عليها
شافت الساعه على اذان العصر.. طلت من غرفتها شافته راقد اسرعت للحجره ادخلت الحمام توضت واطلعت حست بالبرد على اقبال اليل.. غيرت فستانها الخفيف البست فستان اكمامه طويله بقماش عادي ونص الساق مزمزم مع الصدر اسحبت سحابه من ورى لنص الظهر وماقدرت اتكمل
وقف شعر جسمها من ملمس يده على ظهرها لفت له بسرعه وهي ترفع اصبعها السبابه له
الهنوف بقهر:احذر تبي تستدرجني مره ثانيه انا فهمت حركاتك السخيفه
سلطان ببتسامه استفزازيه :الزمي الصمت.. لاتغترين بالزعل الي في صدرتس لابغيت وصلت..،،لفها بقوه واسحب السحاب
الهنوف ببرود:شكرا على الخدمه...
سلطان يرفع يده وهو مبتسم:العفو ماسوينا شي ...مد يده للباب... يالله
لفت عنه خذت جزماتها في يدها واطلعت راحت للمطبخ بتجلس فيه الى الساعه تسع..

اطلعت من الحمام بسرعه متسبحه البست شغلت المكيف وافتحت جوالها مكالمه لم يرد عليها الهنوف
دقت عليها:الو السلام عليكم
الهنوف تنهد بهدؤ:مرحبا وعليكم السلام
لمياء :وش اعلومتس فديت الايطاليه
الهنوف تبتسم :ماعلي طيبه وش اخبار عرس نوره
لمياء طرى عليها وبحزن:الهنوف امي اغصبتني على مفلح وش اسوي
الهنوف بفرحه:لاعاد قولي والله اطلبس ولا خالتي
لمياء بسرعه:لاامه الي قالت لنا وانا في السياره ...والله ان الصدمه في عيونه شكلها ماشاورته
الهنوف :ليه اسكت ولا ضاق
لمياء بقهر:لا.. وتستهزي فيه.. ابيها من يومها اصغيره يكذب والله انه يكذب يبي يقهرني
الهنوف بستغراب :وليه يقهرتس وهو يبيتس من من وانتي صغيره
لمياء بخجل:اني قلت له بالسياره مابيك
الهنوف بصدمه:لمياء من جدتس كلمتيه
لمياء تبرر:ايه قهرني من حقي ارفض حتى ولو قدامه
الهنوف :يالجرئيه طيب شوفي اسفهتس ووافق
لمياءبقرف:مالت عليه على طول لف لامي خاله ابيها جعله مايتوفق امين يارب
الهنوف بعتب :لمياء استغفري وين بتلقين زي مفلح
لمياء بحقد:تحسبيني بسكت مستحيل يبطي... يكرهني ونا اكره ماعليتس من كلامه اشوف نظراته
الهنوف :الميه لاتسوين مشاكل لنفستس ..علميني وش اخبار نوف
لمياء بوناسه:امي اقعدت يوم كامل تصيح راحو يتمشون للشرقيه والله لوه طالعه من الاربعين
الهنوف:عقبال انشالله ماتطلع بسلامه... نوره وساره وش اخبارهم
لمياء :ساره بعد اسبوعين رايحه لقريتها تاريخ المباشره ونوره بدبي .. اييه الهنوف نسيت اعلمتس
الهنوف تضحك :وش عندتس مخزنه السوالف ماعندتس احد
لمياء :انتي تشوفين خلني اخذ مفلح بهبل فيه واطلع كل فراغ الايام الي راحت
الهنوف تضحك في نفسها توها تقول والله ماخذ وبسوي مشكله :ها وش عندتس
لمياء :تخيلي اقبصتني امي في السياره عشاني عيت
الهنوف بضحكه واستغراب:قدامهم
لمياء :ايه بس مادرو
الهنوف بستهبال :اهم شي هو ويطيح في تقبيصتس
لمياء :شانت سوالفتس وش قومتس
الهنوف :هههه سلمي على امي ...انشالله بنرجع اليوم
لمياء بفرحه:اخيرن متى بتجينا
الهنوف :اسبوع وبجيكم اذاكر موادي وامتحن
لمياء :يالله ننتظرس لبى زولتس
,,,,,,,,,,,,,,,,,,,,,,,,,
فى المملكة
صكرت لمياء منها وانسدحت تفكر في الي بيجي جاتها الضحكه ابتسمت ابيه ومابيه ابيه لوه يبيني بس هو مايبيني انعفس خاطرها .. ماعليه اذا خذت واحد غيره بنساه بلى عشانه هو الي قدامي ومعجبني شكله تنهدت بتعب قامت اتعطس وتكح راحت للمكيف طفته ونزلت لامها تحت
حطت راسها على طاولة المطبخ والوقت توه العصر ترددت تدق لنايفه وخلتها بجيهم بكره انشالله

,,,,,,,,,,,,,,,,,,,,,,,,,

البارت التاسع والعشرون

فى ايطاليا
الهنوف بشهقه:ياويلي نسيت احبوبي في الغرفه.. ...حاولت تبين طبيعيه وراحت للغرفه الي رقدت فيها ومالقت له حس ادخلتها بسرعه ورفعت شرشف الكنبه تنهدت اووف اشوى دخلتها في جيبها وظهرها للباب
سلطان :وش معتس
ركزت ظهرها ودقات قلبها تزيد ابلعت ريقها هدت من نفسها ولفت له
الهنوف ببرود مصطنع:ورقه ارقام جوالي تفرمت
سلطان يتقدم ويجلس على الكنبه الي قدامها :ابسالتس وعطيني على قد سوالي بدون لف ولادوران..
الهنوف تهز راسها بنعم رجعت شعرها ورى وحست بحرارها بجسمها زادت
سلطان طلع زقاره ولعه وخذا نفس وهو يرجع ظهره لورى ويتعنز:المكان الي كنتي فيه الصباح شفتي فيه احد
الهنوف حاطه نفسها ماتعرف سالفة التصوير:انا وماريا بس
سلطان : انتي أمصوره مراح احط لتس سالفه وأأنبتس وكل شي واضح
الهنوف بعدم فهم ترفع حواجبها :والله مافمهت شي من كلامك
سلطان خذا نفس من الي في يده وهو يناظرها بهدؤ
الهنوف برتباك من نظرته المركزه :ابي انزل
سلطان :باختصار اذا شفتي صورتس في اليوتيوب وحركات الخبيثه الي بيكتبونها زوجة فلان وهي تسوي وماتسوي
تجاهليها تمام ..
الهنوف براحه :طيب ..بس كان المفروض اتعلمني ان في كاميرات مراقبه لو مهتم يعني
سلطان بستهزاء ابتسم وقف ويده بمخباته: انتي غبيه مع احترامي الشديد ..
الهنوف بقهر وغيض :مانعني من حجرتك ماتبي تشوفني ..احترم كلمتك واطلع مني ..
احذف الزقاره قدامها كانه يصوبها :طفيها مايمديني ابطلع من بيتي قصدي حجرتس واحترم كلمتي .. وطلع
ناظرت الزقاره بقهر سخيف سخيف ..كم مره اقول مايصلح له الا اني اسكت بس ماصبر .. تنهدت براحه عقب ماتذكرت الحبوب ونزلت
........................................
فى المملكة
منسدحه على فخذ امها وتسولف عليها
لمياء بتعب:يمه المسي جبهتي حاره
ام فهد تحط يده وبراعه:انشهد وش فيتس
لمياء تنقلب على ظهرها :مدري تسبحت وشغلت المكيف
ام فهد بعتب :ليه الواحد مايعرف مصلحته قومي اكلي حبوب مضاد
قامت دورت ولا لقتها :يمه مالقيت
ام فهد :ابدق على البقاله اصبري
لمياء بسرعه وهي تهز يدها :لا لا بروح ارقد لاقمت انشالله متعافيه .. رقت فوق انسدحت على سريرها وكبدها تقلب عليها وحاسه بغثيان
|||||||||||
فى ايطاليا
ماريا :مدام سير سلطان يبي يطلع برى
الهنوف:اووووف اخيرا.. البست عباتها والغطاء في يدها
اطلعت له برى ظلام الا من نور السهرات برى واقف وماسك باب السياره معه ورقه يقراءها
ماريا :مدام مع السلامه
الهنوف تلف لها وتمد يدها وببتسامه :مع السلامه ماريا
الشغاله تحضن الهنوف وتصيح :مع السلامه انا طياره بكرا باريس
الهنوف وهي تضحك:توصلين بسلامه
حذف الورقه ولف لهم:يالله بنسري
الشغاله عودت تصيح :انشاء الله مدام يحمل ومايحتاج حبوب ويجيب بيبي كويس ..
الهنوف انصعقت ولفت عنه وهي تناظر الشغاله وتهز راسها وتكلمها بصوت واطي
الهنوف بقهر وراعه:روحي انا يبغى روح خلاص يالله .مشت الهنوف عنها بسرعه وهو واقف يناظرها
الهنوف بتوتر:يالله
ركب وصكر بابه خذت نفس ودخلت حط يده على سيت السياره وهو يطالع ورى يريوس وطلع
سلطان بهدؤ:وش الحبوب الي تاكلينها
غمضت عيونها بقوه ببرود:ألمني ظهري وعطتني حبوب عقب جاتني وهي خايفه تحسبني حامل
سكت ويده مادها على الدركسون وظلام برى وهدؤ مضفي على المكان وحشه ثقيله
|||||||||||||||||||||||||||||||||
فى المملكة
توعت بحطت امها يدها على جبهتها ونفسها سريع
لمياء :لبيه يمه
ام فهد بقلق:انتي تعبانه جسمتس كلها حار قومي بخلي فهد يوديتس لايجيتس شي
اطلعت ام فهد تقوم فهد قام بسرعه وجاءها
فهد براعه:و ش فيتس تعبانه
لمياء ببتسامه :يابعد قلبي محمومه بس لاتخاف
فهد بسرعه :البسي بنزل تحت احتريتس
ساعدتها امها ونزلتها تحت
لمياء تجلس على الدرج :يمه دخت
ام فهد بخوف:الله يهديتس ماخلتين نوديتس وانتي توتس ..قومي شوي وتاصلين السياره
قامت بتعب وتنفسها يزيد الى ان ادخلت السياره
لمياء :تعالي يمه معي
فهد :لا لاتجي انا معتس واكفي
اسكتت لمياء عنزت راسها على السيت وغمضت وهي ترفع برقعها
فهد يمد يدها على خدها ويلمسه
فهد بخوف:اخو نوره ضو مشتبه
وقفت الاشاره شاف الشارع مافيه احد واسرع
فهد برتباك :اوووه ...لف بسرعه عن السياره المسرعه تبي تلحق على الخضراء اصدم حاسبو كلهم وجات الصدمه خفيفه
لمياء ترفع راسها براعه :وش فيكم
فهد يدعي عليه:الله يلعنه توه يبي يجي يوم حركت
طلع له راعي السياره الثانيه وجاءه :خير يالاخو ماتشوف الاشاره خضراء عندي وحضرتك مكمل سيده
طلع له فهد وبرتباك :ماعليه معي االاهل تعبانين اسمح لنا
راعي اسياره يوايق على سيارته :منعدمه السياره لازم تحضر الشرطه وتاخذ حقك وتعطيني حقي
فهد يكلم نفسه الله ياخذك بيفشلني ذاه عند الجماعه
حايله فهد مافيه حيله دق على الشرطه وفهد دق على امه
فهد مايبي يربك امه :يمه انا سيارتي بنشرت وبتاخر دقي على احد يصرفنا
ام فهد بتوتر:ابوك موب هناه اصبر .. اصبر.. صكرت منه ودقت لهم
فهد :لمياء انتي طيبه
لمياء ترجع راسها للسيت وبرقعها مرفوع وبتعب :لا.. بسرعه يافهد تصرف كبدي لايعه وتعبانه
توتر فهد اوصلت لهم الشرطه مع وصول مفلح
نزل مفلح وراح له :هو المخطي ولا انت
فهد بخجل :لا والله انا قاطع الاشاره
مفلح ويده على كتف فهد :هواين ابو ناصر اهم شي السلامه
فهد برجى :مفلح لمياء في السياره تعبانه موديها للمستشفى
مفلح يلف عنه برتباك :روح روح لها انا بجلس عندهم
الشرطي :وين راعي السياره
فهد بخوف :انا
الشرطي :تفضل معنا خطاء واضح وتدفع غرامه
مفلح يتقدم :انا بروح بداله الولد ابوه ماهوب اهناه وهو الي عند اهله
الشرطي :ناخذك بصفت من.. القانون مافيه فزعه يمشي معنا حتى يتنازل المخطي عليه
طنشه مفلح وراح لراعي السياره :اخوي اسمح له هالمره توه صغير ومرتبك
راعي السياره بغضب :ماعرف صغير موب ذنبي سيارتي توها جديده وخربها
مفلح :طيب تنازل له نخوتن منك درس له
راعي السياره بعناد :لا ياخذ حقه وبرتاح..انا مالي دخل فيه
مفلح بقهر :اا لعنبوك يالرخمه ماينفع معك لارجى ولا طلب
راعي السياره عصب:وبيدفع غرامه بعد
مفلح بغضب:جعل منت رفيقن لي..لاابو ذالوجه ..لف عنه وراح لشرطه
وراعي االسياره ينافخ ويهاد
مفلح :فهد بودي لمياء رح معهم وبجيك السالفه هوينه هد نفسك
فهد مستحي منه دنق راسه :ماعليه تسلم ابو سعد ماتقصر
راح مفلح للسيارة فهد افتح باب الي من صوبها
مفلح بتوتر صد بوجهه ورجع مره ثانيه يناظرها شاف وجهها تامل ملامحها المتعبه اخجل من نفسه مد يده ونزل برقعها
|||||||||||||||||||
فى ايطاليا
وقفو عند المطارادخلو للمطعم الصغير واجلسو فيه الى ان تحين رحلتهم
سلطان حاط اصبعه على نظيره ( بين العينين)
الهنوف تناظره عاقد حواجبه ويرص على اصبعه بقوه
رفع راسه بتعب ونادى النادل
النادل يدنق براسه:اجل سيدي
سلطان : سنختارمن القائمه وابقى هنا حتى تنتهي السيده ..التفت عليها اختاري ..بروح شوي وبجي
هزت راسها وطلع اختارت وماتعرف جدا بالاكلات اختارت المناظر الحلوه وعطته اياها خذاها وراح
اقعدت تفرج على الناس ومابين جاء العشاء وحطوه بالطاوله والى الان سلطان ماجاء نادت النادل الي جاءها على طول
وقفت و اشرت بيدها :وين سير يجلس هنا وتاشر على الكرسي
النادل يناظرها مافهم وش تقول وهو يهز اكتافه
اجلست بتوتر انتظرت كثير والى الان ماجاءها ساعه ونص وقفت وراحت تمشي بين الناس لعلى وعسى تلمحه
خذت جوالها بتدق عليه مامعها رقمه ومستحيل ادق على امه كفايه المهزله الي سويتها ذاك اليوم
حست براعه والناس تشوفها ارجعت لمكانهم ساعتين ماجاء
واقف عند مواقف السيارات واخوه سلمان عنده
سلطان ببرود :اسمعني انا حاشمك اكثر من حشمة ابوي واعزك الله يشهد على لكن انا فضلت اني انعزل عنكم وهاذي رغبتي مال احد دخلن فيها
سلمان والشيب باين في لحيته في الاربعين من عمره :سلطان الوالد زعل ومنخفض عنده الضغط عقب مكالمتك
سلطان بنفعال:وش اسوي ناشب لي هنا ..وياشر على رقبته.. ونا انسان احب امشي حر نفسي وفوق ذاه ياسلمان اقهرني في شي ابيع عمري ولا يمسهم شي"يقصد سبه للي رباه"
سلمان يتنهد:انا جاي اظبط امور سعود في الجامعه نسبته ماتاهل تدخله هينا وحبيت اعلمك بزعله عليك
سلطان بقرف:ماتقصر حقك علي الي ماسجلت سعود بس انا مشغول
سلمان :لا عادي روح لبونا وراضه مدامه في البيت
سلطان في نفسه مانيب رجال ان رحت ودخلت بيتها :لاجيت اهناك شفت الي يرضيك
سلمان :جعلك تسلم ..سلطان انت معرس ؟؟..
سلطان :ايه..
سلمان :افاا ولا علمتنا..
سلطان :اظروفي ماجات على الكيف ولا مانيب ناسيكم
سلمان :لا لازم لاعودت تسوي عرس نحضره ويدرون اهلك بعرسك
سلطان :انشالله
سلم عليه سلمان وراح تنفس بقوه واجلس على كراسي الي برى عنز راسه على المسند وغمض اعيونه
الهم اني استعيذك من امرن لاينفع وقلبن لايشفع وصلت رحمن تنقطع اللهم اعني على نفسي والشيطان
دق جواله ارفعه وابتسم :مرحبا
موضي :بك اكثر طولتو الغيبه...
سلطان يتنفس بهم :لزوم شهر العسل
موضي بحنان :وش اخباره شهر العسل عساك متهني..الصوت ماش
سلطان :موضي ابو سلمان معقدني في حياتي
موضي بضيقه :وش سوى بعد
سلطان يصرف سوالها :مرتي الي عندي بجيب العيال منها باذنه ومتسوم انشالله لاشاف عندي مره وبزر يخليني في حالي
موضي:كييفها هي .. من اهل امي صح
سلطان :صح ..وماعليها اخلاف البنيه بس ماتطابقت انا وياها
موضي :ليه امي تمدحها
سلطان :تستاهل المدح بس اني مابيها.. تجيب الي ابي من العيال وتسهل لهلها
موضي بعتب:مرت فراش بس..!! ومتى تستقر وتعيش حياتك متكامله..
سلطان :كذا عاجبتني.. وانا معطيها خبر سبق وعلمتها
موضي بصدمه :قلت لها ابي اعيال بس
سلطان بتايد لكلامه :ايه ماتبيني ولا تبي تعيش عندنا.. وماخذها من واحدن تبيه ...
موضي :بس حرام جرحتها ترى المره مشاعر واحاسيس ياسلطان مهما ارفضت الرجال يجرحها كلامه ..عشانك طول عمرك ماتهتم لهن ولابغيت العرس الاساسي
سلطان:ماتعودت يكون لي حياه اغلبها سيطره على مشاعري ابي ولد يشيل اسمي وامه تبيني حيها الله ماتبيني تروح لهلها منيب ملزوم اجبرها ..
موضي بألم:لازم تغير حياتك وتستعد لاجل تغير مشاعرك الحياه بالمشاعر الفارغه شينه..
سلطان بتعب ويده في شعره :موضي ارحموني قسم اني تعبان ... ابوي من هنا والبنت من هنا ..السالفه ماب مداها اقريب..!!
موضي برحمه :لو حبك ماهوب ساقط في قلوبنا ياسلطان ماتكلمنا عليك في الي يفيدك
سلطان ساكت ومغمض عيونه
موضي :مع السلامه والله يحفظكم
صكر منها اغلقه وحطه في جيبه وهو يناظر الساعه اوف اوف ساعتين

[7btin]

البارت الثلاثون

فى المملكة

لفت لمياء صوبه بتعب:فهد
مفلح ينسف اشماغه وهو لاف عنها برتباك :لا مفلح انزلي
لمياء برهاق:وين نروح
مفلح:بوديتس المستشفى ..يالله
بهدؤ لفت تبي تنزل وهو ابعد عنها
لمياء بتعب ورجليها برى السياره :وين فهد طيب
مفلح وهو ياشر على سيارة الشرطه الي يركب فيها فهد :بيروح معهم للقسم شويت اجراءت وبيطلع
شافته ونزلت ادموعها عارف اخوها يرجف الحين اسكتت تمسكت في الباب ونزلت وهو مشى قدامها
ماقدرت اتكمل طريقها واجلست على الرصيف ويدها على جبهتها
ارجع لها مفلح وجلس جنبها نص جلسه :لمياء وش فيتس دايخه
لمياء غمضت عيونها بقوه وصاحت :معاد قدرت اشوف وين امي كلمها ..
توهق امسك ذراعها وقومها :امتس بتخاف لادقيت عليها...من هو الي بيجيبها امشي معي شوي وناصل
حرك يديه تحت ذراعها وامسكه بقوه حطت يدها على كفه والثانيه على راسها
مفلح يكلم نفسه ابعدي يدتس يالمياء لاتحديني على قصاي تنفس بقوه ودرجه الحراره ترتفع من ملمس يدها الطري على كفه هز راسه يبشوف زين لايطيح هو وياها ماصدق وقف عند السياره اسحب يده بسرعه وراح لجهته
افتح لها الباب الي جنبه وناظرها.. صكرته وراحت وافتحت الباب الي ورى المعاوني
سكت مفلح وهو منفشل من نفسه فاتح له الباب الي جنبي عشانها يعني حطت يدها على يدي ملكتها
اوصل للمستوصف ووقف برى يحتريها انزلت ودخلت
مفلح عند لااستقبال التفت عليها :تعالي هنا وياشر وراه ..وقفت ورفعت عيونها فوق تبي الزوعه تروح لاتفشله
مفلح التفت عليها :كم عمرس
لمياء :19
مفلح بستغراب:انتي صادقه
لمياء بتعب :ايه... مفلح برجع
مفلح بوهقه يامحق ليل وش اسوي فيها
راعي لالستقبال :تفضلو من هنا الطيب العام ..
راح لها بسرعه :تعالي تعالي
وقف عند قسم الحريم :روحي منه يمكن تلقين زباله ولا حمام عجلي
راحت بسرعه ويدها على فمها
اقعد على كرسي الانتظار وعينه على الباب تاخرت ماطلعت
بعد نص ساعه اطلعت ومعها اورقه تردد يروح لها ولا يجلس فضل يجلس وهي خلاص بتصرف نفسها
راحت له لمياء بتوتر وسحى:عطوني الورقه وين اروح
انفخ بفمه ووقف خذا الورقه وقراءها :يبونتس تاخذين مغذي ماجات معتس ممرضه
لمياء :تكلمت انجليزي وراحت مادريت و ش تقول والورقه انجليزي
ارحمها وابتسم : ويل الي يحده وقته عليهم راح للاستقبال كلمهم ورجع لها وهي جالسه على الكراسي
مفلح واقف عندهم :اخوي صرف لنا احد اليل سرى والناس تعبانه عجل
طلع موظف الاستقبال من مكانه ومفلح واقف يحتريه شوي وجاهم
موظف الاستقبال :تقدر تتفضل الممرضه موجوده داخل
مفلح :مشكور
وقفت لمياء وفاين في يدها
مفلح :روحي لهم داخل بورقتتس وعطيهم اياها بحتريس اهناه لين تطلعين
هزت راسها وراحت ادخلت عليهم حطو لها مغذي ساعه الاربع
وطلعت عنها الممرضه مفلح وهو ياشر لها
مفلح :يانيرس
الممرضه :ايوا بابا
مفلح :هذا حرمه داخل متى خلاص
الممرضه :ساعه وربع
مفلح يوووه امحق دوام راح علي ..بكنسله اليوم..ابتسم.. وبكيف معها
طلع لسيارته ونزل اشماغه على عيونه يحتريها

فى ايطاليا

اضاءة المطعم اخفتت الساعه قاربت 12 والى الحين ماجاء صاحت بالم كيف يخليني بلحالي لوى في السعوديه بخاف كيف هناء
شغلو الموسيقى ورتبو المكان ادخلن راعية اليل يتراقصن والرجاجيل يجلسون على الكراسي قامت بسرعه تبي تطلع كلهم قدامها ومسكرين الطريق تلفتت وهي تمسح ادموعها انا يصير لي كذا اشوف المراقص وادخلها اصوات الموسيقى تعلى ودخلو الجالسين عليهن مندمجين بالرقص توسع المكان ارفعت راسها اتدور لها طريق بينهم شافته جاي لها مسرع وهو يبعدهم من طريقه وكلماتهم البذيئه بادين يسكرون
اوصل لها وتمسكت فيه بقوتها وبصوت عالي وصياح:ماخليت شي وماسويته حتى المراقص عذبتي فيها ..ضمها لصدره بهدؤ وطلعها برى
وهي تصيح وقف برى ورفع راسها له وهي رافضه
سلطان بتعب وذراعه على ظهرها وكفه راص فيها راسها لصدره :الهنوف مارحت العب...هزت راسها
دخل يديه تحت اللثام ورفع وجهها له :خلاص حبيبي انا مارضها لنفسي تدخل للماكن فخليتس فيها..
الهنوف تمسح دموعها باصابعها:متى الاقلاع
سلطان برهاق :بعد نص ساعه مسك يدها ومشاها لصالة المطار
الهنوف :ماكان لازم نجي بدري وهي متاخره كذا
سلطان :عندي شغل ..
خلصوؤ اجراءتهم وركبو الطياره اربط الحزام وحط مخده ورى راسه ورقد وتو الطياره ماطارت
,,,,,,,,,,,,,,,

فى المملكة \ فى المستوصف
باقي شوي ويخلص المغذي هدت الحراره ورتاحت
لمياء بتفكير وهي مبتسمه وهقته اليوم زين مهتم فيني هزت راسها تبعد التفكير ونادت الممرضه
لمياء:لوسمحتي
الممرضه :ايوى ..امسكت السلك ..باقي شوي
لمياء :لا خلاص شيلي
الممرضه بدون اهتمام :كيفك ..شالته وحطت لها لصقه
البست برقعها وتغطت واطلعت برى لفت تدور مالقته ومعها اورقة العلاجات
اطلعت لشارع وشافته في السياره راحت لشباكه وطقته بصبعها
رجع اشماغه ورى وافتح الباب بكبره وخرت وهونزل رجل وحده
مفلح :خلاص
لمياء ارتبكت من عيونه وغميزته الي بانت حتى من كلامه :ايه خلصت
مفلح :يالله مشينا
لفت للجهه الثانيه واركبت ورى
مفلح بروقان:وش لونتس الحين
لمياء بهدؤ:الحمدالله
حرك وطلع لشارع العام
الفتت لها نص التفاته وهو يفسخ اشماغه ويحذفه جنبه
حك شعره وببتسامه :الحين بلى تعبانه اجل لحملتي وجاتتس الولده وش بسوي
لمياء بدون شعور ازحفت والصقت في الباب حطت يدها على قلبها تهدي من وضعها
مفلح صرف السالفه وهو مستانس :ماعطوتس وصفه للعلاج
لمياء تمسك يدها الى ترتعش:الا عطوني بس حذفتها في الشارع
مد يده لها ورى ونظره قدام :حطيها هنا شفتها في يدتس
تفشلت وطلعتها له حطتها في يدها وهو مسك يدها بسرعه
لمياء بسحى وفشيله :مفلح هدني
مفلح وهو لاوي على يدها بقوه وبهامه يحركه على كفها بدون شعور
لمياء تخنقة العبره :انت ماسك يدي
هداء السرعه حس انه ارتبك واندم وبتصريفه :لاعاد تكذبين على مره ثانيه
لمياء :طيب هد ني
بتردد رص عليها بنعومه تنهد وفكها وهو يسحب يده
رجعت يدها في حظنها ودموعه تسكب ليش يسوي كذا
ارفعت راسها له : ماينومن معك احد.. الشرهه على امي الي واثقه فيك
مفلح بغضب :جب ياحيوانه وش قصدتس..
لمياء بتوتر:انا ماصرت زوجتك تاخذ راحتك فاحترم نفسك
وقف مفلح فجاءه ولف لها بجسمه ناظرت فيه برعب
مد يده واسحب يدها بقوه لين قربت منه بجسمها
مفلح بغيض :محترم نفسي قبل اعرفتس ولو ابي اسوي شي سويت بس مالي رغبه فيتس ..سامعتني زين
اسحب يدها بقوه شوي وطيح من الكرسي الي جالسه عليه :سامعه
لمياء هزت راسها ورفعت عينها له مليانه دموع
ارتبك من نظرة عيونها ماتمالك نفسه بتهور قرب يدها وباسها
اسحبت يدها بقوه وهو خلاها ورجع لمكانه انفض راسه بقوه من فعله
لمياء بشهقه وهي تنفض يدها :الله لايوفقك جعلك تموت اليوم قبل بكره
مفلح بعصبيه ينهي الامر وهو يرفع يده:خلاص البخي قلق كلها شهرين وانتي زوجتي مالها داعي هذا كله
امسحت خشمها بفاينها ونظرها لشباك وقف عند صيدليه شرى الادويه اركب وهو يحذفها ورى عليها طاحت عند رجليها
طنشتها لمياء ومانزلت تاخذها هدت السياره حتى اوصلو البيت انزلت بسرعه متجاهله العلاجات
مفلح يتنهد طق جبهته كم مره وش سويت انا وش الي صابني خبلت بي ذا البزر
لف لورى يشوف الادويه شافها في محلها خلاها ومشى تبطي مانزلت اعطيها اياه
ادخلت لحجرتها امسحت دموعها وغسلت وجهها انزلت لامها تحت
ام فهد براحه: وش لونتس الحين..؟؟
لمياء :الحمدالله طيبه .. فهد يقول انه بيروح لواحد من اخوياه يسهرون في مخطط ماجاه النوم ..وببتسامه طيرت منه النوم
ام فهد :جعلني قبله جاكم مفلح
لمياء تنزل راسها ويدها على كفها:ايه صلحها وراح
ام فهد ترفع يديها وتدعي له اخر اليل
انغاضت من دعا امها لها واطلعت بسرعه رقت فوق صكت بابها بقوه وهي تزفر بقهر
اجلست على السرير وشغلت التلفزيون مافيها نوم وفكرها ماهوب معها في وادن ثاني موب بعيد من مفلح

فى الطائرة القادمه من ايطاليا

قاعده في جو بلحالها تناظره وترجع تناظر برى راقد بهدؤ وكنه من زمان مارقد
رفع راسه وهو ماسك رقبته وطلع منه ااه صغيره
التفت لها وبنعاس :كم الساعه
الهنوف تناظر ساعتها :3
نادى المضيفه واطلب مانجا وهو يمغط يديه قدام..لف بنظره صوبها وهو يشوفها متردده
صور بعيونه لها :تبين شي بتقولينه لي
الهنوف هذا الوقت المناسب مصحصح وبتردد:ابي اروح لاهلي اسلم عليهم
لف وجهه عنها :مالتس من جيتي منهم الااسبوعين
الهنوف :اشتقت لهم... طيب
سلطان بصرامه:لاااا
الهنوف بصرار :شوي وبرجع
رجع راسه لورى بهدؤ غمض اعيونه وهو حاط اصبعه عند فمه بمعنى اص
اجلست تناظره بغيض ويدها على مسنده
جاء العصير خذاه وهو يشربه بمتعه ارجعت لمكانها وعينها على صورت المجله الي قدامها
طلع اللاب وقعد يطقطق فيه

..........
البارت الواحد والثلاثون

(بالحباط... بانه جريح من زمانه اردت واردت ووتكلمت وقلت انا من سيكون هو ذاك البطل..!! لاكن زماني هو من فاز بالبطوله... واخذا مني مااقدر عليه هي الالام تشابكت عليها خيوط الدهور وتقاسمتها الاف العيون.. حينا اشعر باني كنت المنقذه ...وفجاءه اصبحت العاجزه تماما... ماهي الظروف..!! وماهي الماسي بنتظاري.. ...)

فى دبى

قاعده من النوم اطلعت تجهز الفطور بمطبخ الفندق بدبي
راشد يلف يديه عليها وخده على خدها :وش تسوي العروس
نوره بخجل:فطور لقيت كل شي موجود فحبيت اسوي لك
راشد يضمها لها بقوه:زين تعرفين تطبخين
نوره بقهر:ليه وش شايفني بزر
راشد يضحك:في عيني بيبي ..لازم ادرايه واحطه في عيوني ..باسها على ظهرها
لفت بسرعه وبرتباك:طيب بسويه وبجيبه برى
راشد بمزح هز يده قدامها:اذا كنه سحى وبعدين بتسمعيني كلام حلو اشوى اذا كذا مافيه رومنسيه عااد بروح فيها
انا رجلن رومنسي
نوره :توى بس لنا اسبوع ونص حرام عليك
راشد قرب منها وسحبها من المطبخ اطلع لصاله اجلس وحطها على رجله
ارتبكت ولفت وجهها منه
راشد بهدؤ امسك لحيها ولف له:انا احبتس يانوره وابيس على طبعتتس عاجبتني
ابتسمت له :انا ماتعودت عليك
راشد يضم راسها لصدره ويبتسم :بتعودين اهم شي تحبين ...
,,,,,,,,,,
فى المملكة
اهبطت الطياره على مطار الملك خالد الدولي بالرياض راح لحمامات الطايره قبل الهبوط غير بدلته والبس ثوبه وشماغه
انزلو استقبلهم ولد خالته وسواقه السعودي
محمد يسلم عليه بالخشم :الحمدالله على سلامة الوصول
سلطان :الله يسلمك ويخليك
محمد يلف للهنوف ونظره تحت:وش حالتس يابنت
الهنوف بهدؤ:بخير زان حالك
ناظرها سلطان وهو يهز راسه لها تمشي معه
مشى قدامه محمد والسواق خلص امورهم واطلعو لمواقف السيارات
سلطان يقرب منها :روحي مع ابو هاني
الهنوف ترفع راسها له:بلحالي
سلطان بعقدة حواجب :ايه بلحالتس ... راحت له بقهر واركبت معه
ركب سلطان مع محمد ومشو هم بعد

فى قصر سلطان

وصلت الهنوف للبيت افتحو الخدم لها الباب نظيف وريحته بخور وروائح زكيه كان فيه احد
الهنوف تسال الخادمه الي تمشي معها :فيه احد في بيت
الخادمه :لا مدام ..انتا اول الواصلين
رقت لحجرتها نبهت الخادمه على ملابس النايفه توديها لحجرتها وترتبها وترتب باقي الغراض في حجرتها
ادخلت الحمام اجلست بالبانيو ساعه بعد ماعبته برغوة الصابون وريحت معطرات الجسم والوشانات ريحة اعصابها المظطربه
نشفت شعرها والبست روبها واطلعت برى طلت براسها للحجره الخادمه خلصت شغلها وراحت تنفست براحه ودخلت
شافته منسدح على السرير عقب اجلس
الهنوف برتباك لفت براسها جهة البلكونه:ماشفتك
نزل من السرير وووقف عندها:ساعه في الحمام يالظالمه..مد يده لروبها...خلن نشوف نتيجة التنظيف
حطت يدها عليها بقوه :الله يخليك
دخل يده من جهة اكتافها تحت الروب وضمها له بقوه
الهنوف تبعده منها بقهر وبرجى:رجاءن
سلطان ببرود:تحمين نفستس من غيري موب مني .....
ناظرته بغيض وقلة حيله ارفع يده لشعرها من تحت الفوطه واسحبها الى ان طاحت على الارض
حرك شعرها بنعومه ارفع راسها له:بروح اتسبح انزلي تحت اهلي دقايق ويأصلون
الهنوف بسرعه :طيب
باسهاا بهدؤ..ناظر في عيونها وهو يتامل ملامحها بتامل اسحب يديه منها واطلع وقفت بمكانها ولمت نفسها بخوف يارب خلك معي بدربي يارب لاتتركني بيديه يفعل بي مايريد ابعده مني يارب ..
تنفست بتعب وراحت لغرفة التبديل البست فستان سكري وبني تصميم صيني نص الساق ونص كم
رتبت شعرها لفوق وانزلت تحت بسرعه قبل يطلع
النايفه بفرحه وهي تركض لها :الهنوف
الهنوف بصدق افرحت بشوفتها على الاقل ماصرت وحدي معه سلمت عليها
الهنوف :اعلومهم اهل لندن
النايفه :طيبين مانقاصهم الا انتس معهم
الهنووف ببتسامه :المره الجايه ..راحت لخالتها الجالسه من تعب الطياره والطريق
اجلست جنبها على الكنب وضمتها وهي تحب خشمها
ام سلطان بحنان تلمس وجهها:كيف االاحوال زانت
الهنوف بخجل من ذاك اليوم :ايه اسفه على الازعاج
ام سلطان :عادي فديتتس اولدي واعرفه دقيقه مروق وساعه نفسه هينا.. وتاشرعلى خشمها

الهنوف تنهد :ماعليه بحط الفطور رقدتو ولا من امس واعين
النايفه :لا والله مارقدنا انا كنت متحمسه ارجع وامي تعبت شوي
الهنوف :خلاص اجل افطرو ونامو توى الساعه ست
ام سلطان :انابس من الفطور بروح لحجرتي انام.. الهنوف لقام سلطان خليه يجيني
قامت ام سلطان والنايفه راحت للهنوف
النايفه تجلس جنبها :صورتي
الهنوف ببتسامه هاديه:بس مره وحده بالجوال ...وتاشر باصبعها .مقطع صغير
النايفه بحسره:ياحرام وش لون بدري وش وضعكم
الهنوف ترفع حواجبها بستغراب:وش وضعنا... وش ذا الكلام النايفه
النايفه بندم وفشله:ماهوب قصدي اتجسس.. بس بشوف اسلوب سلطان مع وحده غيرنا بس والله
الهنوف براحه صدق الي على راسه ريشه
النايفه بتردد:زعلتي
الهنوف ببتسامه :لااا وش دعوه الايام بتوريس كيف اسلوبه
النايفه تقوم :انا بعد مابي فطور كلينا في الطياره..حتى انتو توكم جاين عيونس فيه التعب روحي حطي راسس اشوي
الهنوف تهز راسه بماعليه رقت النايفه والهنوف راحت للشغالات
اول مره تدخل المطبخ شكله روعه ولا مطبخ مطعم كبير ودائري تاملت الخدم بالمطبخ الي ياكل والي جالس شافهم وكلن اترك الي بيده
اسالت الخادمه:فيه حبوب بنادول
صفيه : اوكي مدام سواني بس وتكون هون
ناظرتها الهنوف ولبسها القصير تحت الركبه وبلوزه ضيقه هزت راسها بتعجب جابت لها من صندوق الاسعافات
صفيه :اتفضلي مدام
خذتها منه وهي تناظرها بستحقار :غيري ملابس مايصلح كذا
صفيه :ملابس الخدم في بيت السيد متشابهه وكلياتنا هيك
الهنوف :ماعليه في تنوره طويله بدالها صرفيها فيه سواق على حسابكم
صفيه بحترام:حاضر مدام
خذة كاسة المويه وكلت الحبوب متمنيه النوم يجيها فيها نوم بس عيت اعيونها تستلم له الافكار والهواجيس اقلقتها
راحت لفوق البيت هادي افتحت باب الجناح بهدؤ ودخلت غرفة النوم شافته راقد بسلام
راحت للجهه الثانيه وانسدحت بملابسها تقلبت رافض النوم يجيها التفتت له ناظرت فيه وش معنى هو يرقد براحه وانا الي اتعفس تنهدت بملل تاملت شعره كثيف ومقصص صغير وبترتيب
مدت يدها له من بعيد امسكت اطرافه ملمسه ناعم قربت منه بهدؤ بدون مايحس اغرست يدها بدون لاتعمق
توترت من حركتها وجرئتها اسحبت يدها بسرعه كان اسرع منها ومسك يدها اسحبها له حط يدها ورى ارقبتها وعيونه في عيونها
سلطان بهدؤ متوتر:وش تسوين في شعري
الهنوف بصراحه:اعجبني شكله ..وابتسمت ارتبك من غميزتها الي بانت له غمض عيونه بهدؤ ..كملت كلامها.. نفس شعر اخوي فهد
قربها منه اكثر دخل راسه في رقبتها يشنتشق ريحة عطرها
الهنوف برتباك :امك تبيك والله قالت لي
رفع راسه لها باس مكان الغميزه :امي راقده
الهنوف بتصريفه :ابي الحمام ممكن توخر
سلطان يغمس وجهه في شعرها وهو يهز راسه بلا
تنهد وهمس في اذنها :الهنوف ابي ارتااااااح انتي عارفه كل المرات الي فاتت اخذ الي ابيه منتس بالغصب خلي ولو مره وحده اكون مرتاح وانتي جنبي. قبلها في اذنها بهدؤ ..استسلمي لي
الهنوف بدموع :ماقدر ارحمني
سلطان بدون مباله :اقدر اخليتس تقدرين
تحشرج وخفت صوتها بسبة راسها الي مضموم لصدره :الي يصر على فعلك الناس الي في قلبها حب لبعض
سلطان بعدم صبر وبهدؤ وراسه عند اذنها :
انا ترى في الحــب ما نيـب فعّـال..
ولا بعـد ولّـع بقلبــــــــي هشيـمـه..
ولا بعد غنّيت فـي ساعـة وصــال..
ولا بعد ذقـت الفـراق وجحــيمــه..
ولا جرى دمعي على الخـدهمّـال..
ولابعــــــد جربـت مــرّ الهزيـمـة..
ولاانيب من الرجال البغيضه..
واناس الواطيه مالها عندي قيمه..
اصبري بصبر الرجال العنيده..
وطيت ارقابها على العسر والينه..
ريحي فكرتس ..حط يده على راسها وضمه لصدره..لاتتعبه مقاديره
هذا هو زماني حط علي من ملازيمه..
جبرني ظرفي واجبرتس يالزين باالاعيبه..
ماجرى لتس من فعايل ايديتس النحيله..
ارخي الطرف العذوب كل زمان له حنينه..

دخلت راسها في صدره وتكلمت بصوت الباكي وألم :خلاص يكفي ..ياما دخلت نفسي في مشاكل جاء الوقت الي اتحمله فيها
جوابه الصمت ..؟؟؟ساكت يكفي جوابه في قصيده لمها لحظنه وهدت بين احظانه

فى بيت بو مفلح

صلى مفلح الفجر ورجع ينسدح جفاه النوم والى الحين مارقد من وصلها مد يده للجوال الي يدق
مفلح بنعاس :الو
محمد :الو ..وش الو الساعه ست
مفلح يغمس وجهه في المخده :مانيب جاي
محمد : مانيب جاي... وش منيب جاي امش
مفلح :كيفي مابي اداوم طيب
محمد بستهبال:وش كيفي مابي ادوام .. لازم
مفلح بغضب :محمد قسمن مانيب فاضي لك.. فارق عني
محمد بستغراب :عسى ماشر وش بلاك
مفلح بغيض على صوته :مبلاني شي توكل الله يجزاك خير ..وبعدين انا اعرف متى اداوم ماهوب لازم تدقدق
محمد بقهر:عساك مداوم ياشيخ الشرهه علي انا ..قفل منه محمد وهو يتنفس بقهر
اقعد على السرير ويده على راسه كيف تجرئت وبست يدها وين عقلي انا الصايعات ماجيتهن وبنت خالتي اتجراء عليها
ماقدرت وانا اشوف عيونها واتذكر شكلها خبلت بي لو داق على خالتي تقدم الملكه ابرك ...طاح على سرير لاتعلم خالتي بعد بنساها
..............
فى بيت بو راشد

انزلت ساره لامها تحت قاعده تقهوى
ساره براحه :يمه باقي اسبوعين على الدراسه مشتهيه ادرس
امها وهي تنزل فنجالها:ماتدرين لاراح معتس راشد بيشوف المكان انكنه اصلح ولامابه شي ,,لاحد يهوجس
ساره بنفعال:وشو لايكون بترفضون اذا مالقيت مسكن
امها تلف نظير البرقع المايل لمكانه :هاا وش تبين اتسوين تسكنين في الخلا
ساره بهدؤ ترجع مكانها:لا انا علمتتس قبل المدرسه الي يدرسون فيها فيها حجرتين وحمام للمدرسات بسكن معهن فيها مثلي مثلهن
امها بقلة حيله :ماعليه بنشوف قبل
ساره :لارجع راشد راح يشوف
لفت على الدلال وصبت لها فنجال وفكرها في الخرابه علوم خويتها ماهيب زينه قريه بعيده اربع ساعات من النعيريه ولابه االمحطه مافيه بقايل حتى تنهدت ولفت لامها تسولف عليها بسوالف المسلسلات
............................
فى قصر سلطان
افتحت عيونها بشويش من يومين مارقدت ليله على الكنب وليله في الطياره ماشافته في مكانه
ناظرت في السقف وعيونها ترمش بهدؤ مصطنع لخفقات قلبها الحزينه كلامه امس يوضح ان مافي امل يرف قلبه للحب وانتي ياساره تقولين يمكن يحبتس
انا مابي حبه ولا ابي قلبه انا ابي اهلي ابيه يقول طالق روحي لهلتس ابي اعيش معه بهدؤ الى ان اغادر مملكته .. انقلبت على جنبها وكلامه يرن في اذنها سبب لي ازمه مشكله الشاعر اهو يعبر بالي في داخله ولو جرح الي قدامه
انا ترى في الحب مانيب فعال ولا ولع بقلبي هشيمه ....تنهدت وقعدت بتعب ارفعت عينها لساعة الحيطه اشهقت
يالله الساعه ست وخرت الحاف بقوه وراحت للحمام تسبحت وصلت الي فاتها البست ليقنق بيج وبلوزه اورنج امسكت شعرها من وراء نص مسكه واتركت الباقي ونزلت لهم تحت
الهنوف وهي تنزل الدرج حست فيهم وهم يناظرونها ارتبكت بس ماوضحت
اوصلت لهم وببتسامه :السلام عليكم
الجميع :وعليكم السلام
النايفه :الجميله النائمه جيتتس وانتي ميته ماحسيتي فيني
الهنوف بستغراب:لا والله دخلتي
النايفه تضحك:ايييييييه وينتس انتي
ام سلطان وهي تدز النايفه مع كتفها والنايفه تضحك:هذي ماتستحي عليتس بها
الهنوف:لا فديتها ماعليها
النايفه :اليوم بجي اخوي ناصر عاد شوفي النسخه من سلطان كبي بست
الهنوف :ماشفته من جيت
ام سلطان :العطله الصيفيه يسافر مع اخوانه
النايفه : متحمسته تشوفين شبيه سلطان
الهنوف تناظر بام سلطان الي تناظرها خلت نفسها عادي:بجي انشالله واشوفه وبعدين معي الاصل وش ابي بالشبيه
النايفه :الاصل الاخلاق غير والشبيه الاخلاق غير
ام سلطان :يحب عمامه وخوانه موب مثل سلطان جعلني فدوتن له مع خواله
النايفه : جيتي في العطله وهو يروح لهم مايجين الا مع موضي لاجات مرينا سلمنا عليها يوم رحنا للندن وراح هو معنا للمطار يودعنا
الهنوف :اهاا كذا يعني متكي عندهم.. وموضي بتجي قريب
ام سلطان بقلق:اييه قدها بالتاسع بتولد وتجي تنفس عندنا
النايفه تصب لها عصير وتجي تجلس جنب الهنوف وهي تناظر امها
ام سلطان تخزها :وش فيتس تناظريني
النايفه برتباك:مافيه شي بنروح انا والهنوف برى
ام سلطان تشر لها تجي جنبها
قامت وجلست نص جلسه :هلا يمه
ام سلطان تمسكه مع فخذها وبصوت قصير وتهديد:والله لوتسالينها عن شي ان اقطع فخذتس سامعه
النايفه برجى :يمه تكفين طيب ابي تعلمني قصتهم يعني كيف شافها لين جات لمنا تكفين يمه
ام سلطان تمعص فخذها والهنوف تناظرهن
النايفه بصراخ :ااااااا.. يمه ,,فركت مكان القبصه ,,حرام عليتس
ارتبكت الهنوف وهي تشوفه يدخل عليهم مع باب الكبير معه المسباح يسحب خرزه بيده ويفكه مره ثانيه
ام سلطان تناظر النايفه وبغضب :قومي عن وجهي مايفيد الحكي
بوزت النايفه وجلست جنب الهنوف
سلطان وقف عند امه :وش فيها
ام سلطان وهي تناظر النايفه الي زعلت :ماينفع معها العلم
لف لهن ناظر الهنوف الي نزلت راسها بسرعه عقب لف نظره لاخته
سلطان اشر توقف جنبه:تعالي هنا
جاته وهي مدنقه راسها ووقفت جنبه
النايفه :لبيه
سلطان : اليوم بتروحين معي لعزيمه خالي... خلتس جاهزه تاصلين في الوقت الي اصل فيه
النايفه بتوتر:الهنوف هي مرتك اول اروح بدل امي الحين جاتك مره
ارتبكت الهنوف وافتشلت انه ماقالها هي
سلطان فتح عينه عليه وبزجره: ولاكلمه.. تعلميني من اخذ واخلي لابغيتها قلت امشي
نزلت الهنوف راسها وبلعت ريقها بهدؤ
رقى فوق وام سلطان تلتفت للهنوف : تعالي جنبي
قامت تبي تمثل االابتسامه بس ماقدرت اجلست جنبها والنايفه اطلعت برى
ام سلطان بتفهم :الهنوف يامي الرجال لازعل من المره عاف رفقتها معه ..بس لو تزين مقامها عنده لو يوم تصير عنده مافيها عذروب
الهنوف ببتسامه رجعت شعرها ورى اذنها :خاله الرجال لاحب المره حب كل شي فيها ...
اسكتت ام سلطان والهنوف قامت بتلحق النايفه
ام سلطان تناديها قبل تطلع :الهنوف,,لفت لها ..ترى يبي يسوي عرس يشهر فيه عرسه قصدي انه مايبي ياخذتس وبعضهم درى انه معرس وبعض يحسبه اشاعه
الهنوف بصدق :خاله والله عادي وش فيها لوخذا اخته اصلن توني جديده يبيلي خبره ..واضحكت بتهون السالفه
ام سلطان ببتسامه هزت راسها والهنوف اطلعت برى
نهاية البارت

[7btin]

32

فى قصر سلطان
النايفه جالسه على كراسي الحديقه :الهنوووووف
لفت لها وانفخت بفمها وراحت لها
اجلست جنبها :المكان مكشوف للباب الرئيسي يجي احد
النايفه :صح بشوف سلطان لاطلع بكلمه عقب بنغير مكانا ..
وقفت الهنوف :اجل انا مالي فيه حاجه بروح
النايفه بدون اهتمام :كيفتس
تعمقت بالشجر ريحة الريحان والحبق ماليه المكان تنفست بتعب واجلست على كراسي صغيره حطت رجل على رجل غمضت عيونها وسندت راسها على ظهر الكرسي
سلطان يوقف عندها :الوقت الى قلت لتس عليه لاتعدينه
النايفه :ابشر ..وبتردد وقفت عنده ..شفت بدريه بلندن
سلطان :وليش متردده كذا
النايفه بصوت خانقته العبره :اقهرتني اهناك هي واخوها متعب
سلطان بستغراب :وش اقهرتس فيه
النايفه تبكي :شافتني انا وامي بلحالنا ؟؟؟... تقول مامره شفت احد من اخوانتس معكم دائمن وحدكم لاانتو الي جيتو لم بنات عمتس وصرتو معهم كانكم موب منا
سلطان يضمها لها :ليه وين نواف منكم
النايفه :راح للجامعه يجيب منها اوراق
اسمعت اصواتهم لفت لمكان النايفه شافته ضامها ويده على راسها صدت منهم وطلعت دموعها بدون شعور منها امسحت دموعها بسرعه وش فيني دمعتي على طرف عيني من عرفته اخته وش فيها لوضمها ودارى شعورها
ابلعت عبرتها..وانا طيب مايراعيني عنزت راسها على المسند وغمضت عيوونها ليش يراعيني وهو مايحبني وانا بعد ماراعي شعوره نزلت دموعها وخلتها تسيل على خدها بهدؤ دون لاتمسحها وقف ببشته وعينه تمسح وجهها الجميل بدون مساحيق ولا تكليف ناعمه وحلوه تردد يقرب من خدها ويمسح دمعها
ناظر لجفنها الي يرتعش ورمشها مبلل بالدموع
افتحت عيونها بريحة العطر الرجالي انصدمت من وجوده لفت للجهه الثانيه وهي تنزل رجليها
امسحت دموعها بظاهر كفها
سلطان :ليش البكى
الهنوف وهي صاده عنه:مابكيت الهؤاء قوي ودخل فيها قذا..
سلطان بعجله :المهم ... عمتي جوهره بتجي لا تنزلين لها ولا اسمع انها شافتتس .
الهنوف ببرود مكتفه يدينها وجهها صاده فيه للجهه الثانيه :طيب ..وش ابي فيها انزل؟؟..
هداء الجوء احذف كلمته وراح تنهدت بالم ابعدت خصلات شعرها ولفت صوبهم
انصدمت من وجوده واقف في مكانه ماتحرك ارفعت نظرها لها ماكسر نظرته لعينها
الهنوف برتباك :في شي ثاني بعد
سلطان بهدؤ عكس ثوران بركانه الي يفور في صدره :سلامتتس..
اسكتت ولف رايح منها
شافته مقفي بطوله ورزته ابتسمت لتعاسة حظها اقعدت لين شافته يدخل بمجلس الرجال
قامت وادخلت داخل
ام سلطان :الهنوف النايفه تدق على جوالس
الهنوف تلف لها :وينها
ام سلطان :فوق روحي لها متوهقه كود انتس تساعدينها
الهنوف:ماعليه بروح لها
رقت لها فوق حايسه الحجره ومتلخبطه
الهنوف تطق الباب عقب مافتحته
راحت لها بسرعه النايفه :تعالي ساعديني
الهنوف :بتلبسين ذلحين
النايفه بتوتر:اييه تاخرت بروح المغرب وبرجع
الهنوف:اصبري شوي وبجي
راحت بسرعه شوي ورجعت لها ومدت لها الفستان
النايفه :وشو
الهنوف ببتسامه وهي تطلعه من الكيس:من حظتس كاني شاريته لك
خذته النايفه وهي تفرشه بتشوفه اسود طويل حرير وبروش من نفس الون على الصدر وتحت ممسوك على الخصر ببروش بعد رافع الفستان لنص الساق
النايفه بنبهار:روعه والونه شي ارفعت راسها لها بمتنان ..تسلمين ياقلبي
الهنوف :يالله روحي قايسيه بسرعه الوقت لايوفوتتس
راحت النايفه قاسته واطلعت للهنوف الي ترقبها
الهنوف براحه :اشوى مضبوط
النايفه بفرحه :صدق والله
الهنوف ببتسامه :اي والله.. و المكياج؟..
اضحكت النايفه :لو يدري سلطان لايذبحني مايحبني احطه
الهنوف :ابد ولاشي بتحطين
النايفه :لا اصبري بحط شي بسيط
حطت لها كحل من داخل اخضر واحمر خدود خفيف ماينشاف وروج وردي ومسكره
وقفت عندها الهنوف:بس كذا
النايفه لفت لها :بس
الهنوف بصدق:لو الاصل موب حلو ماصار المكياج حلو ...
النايفه :عيونتس الحلوه ..
الهنوف :شعرتس..بتخلينه كذا"رافعته فوق وخصل على وجهها بخفيف
النايفه :انسب للمناسبه
الهنوف :وش مناسبتها العزيمه
النايفه :خالي عازم كل جماعتهم الي في كل مكان احتفال القبيله يعني
دق تلفون الحجره والنايفه تلبس عباتها
الناييفه :الهنوف ردي فديتس
لفت له الهنوف وردت
سلطان :ياله ياقليبي امشي
الهنوف بهدؤ :شوي وبتجي
سلطان بجمود :خليها تنزل بسرعه ساعه نحتتريها برى من حضرتها
الهنوف بستغراب من اسلوبه الي تغير:طيب
صكه ولفت لها لقتها تصلي المغرب
سلمت النايفه بربكه لفت الططرحه :زعلان
الهنوف هزت راسها بلا:بس يقول بسرعه
اطلعت بسرعه وراحت لهم تحت في سياره تخصها
لفت الهنوف في حجرتها تامل فيها بملل شافت البوم صور على درج التسريحه خذته وتربعت على سريرها تفرج عليه الالبوم كبير وفيه كل صور النايفه من صغرها نعومه وواضح عليها اثر الغنى واغلب صورها بجنب سلطان شافت نواف وناصر مافيه صوره له معها وهي كبيره افتحت صفحه صوره له جنب ناصر يشبهه كثير
واكثر صورها في كل مكان في الثلج وعند بحر كل الظواهر الطبيعيه ياحليلس يالمياء لو تشوفه بتنهبل عليه راح عليها الوقت وهي تصفحه اسمعت اذان العشاء صكرت الالبوم ورجعته محله انزلت تحت لام سلطان منسدحه في الصاله الشعبيه وتفرج على التلفزيون
الهنوف تجلس جنبها ببتسامه :السلام عليكم
ام سلطان :وعليكم السلام ..راحو
الهنوف :اييييييه من مغرب وهم رايحين
اقعدن يسولفن شوي علمتها الهنوف بخواتها وحياتهن وحمل اختها نوف
ام سلطان :اشوى انتس يوم املتيها طلع حمل
الهنوف براحه:اي والله ذاك اليوم شفت في عينها الفرحه كني قلت انتس حامل
ام سلطان :ههههههه الحمد الله ... وبتردد كنت بسوي حفله لتس بس سلطان قال لي اصبر شوي
الهنوف تضحك:عادي مافيها شي يرددتس كذا من حبي لها الحفلات
ام سلطان ببتسامه: وكان بيسوي عرس عقبن هون
الهنوف:موب لازم عرس..
ام سلطان :اييه ابوه واهله لازم يدرون بعرسه.. وبحزن.. كان بيحط بهالوقت بس رفض عقب ماوصله امر من ابوه يطلبه يحط عرس لو اسكت ابوه كان حط من نفسه
الهنوف هزت راسها بخوف الله يستر من عرسهم
اسكتت ام سلطان وهي ملتفته على احدى قنوات البدو
تمللت الهنوف من القعده كذاء طرى عليها الشغاله راحت لها
الهنوف بستغراب :ياسلام وش بعد ذا البس
صفيه بملل:مدام هيك لبس الخدم شو بدك نلبس
الهنوف بقهر:من تنوره لبنطلون وش غيرتي
صفيه :لازم ملابس الشغل هيك بتصير ..كيف بدنا نشتغل بجلابيه بدك يعني
الهنوف بقرف :خلاص بنطلون اشوى من التنوره القصيره
صفيه :مدام نحط العشاء
الهنوف:انا موب مشتهي شي بس حطو في صينيه صغيره باخذه معي
صفيه بستغراب لفة وهي تنظم لها بصنيه صغيره
صفيه :خلاص مدام وين بدك احطا
الهنوف :جيبيه انا بوديه
صفيه :لامايصير هيك مدام انا بخدها عنك
الهنوف :لا انا قلت جيبيها جيبيها خلاص
صفيه :الانسه نايفه مابتدخل المطبخ من اجيت خمس سنوات
الهنوف بضحكه :انا الهنوف وبجي ..
راحت وخذته من يدها وهي تطلع ..بس انا منيب مثلهم ولا منهم ولا في يوم بصير
حطتها قدام ام سلطان الي غطها النوم على مسندها عند التفزيون
الهنوف بحنان :خااله تقومين تاكلين
ارفعت راسها ام سلطان :يالله يابنتي كان ماهوب لازم تجيبين انا ماتعشاء
الهنوف :ليه..؟؟ انا بتعشى معتس ...
ام سلطان :تعشي انتي انا باكل حبوبي العشى يقعد على كبدي ماتصرفه
ابتسمت الهنوف وضمتها فجاءه
الهنوف وهي ضامتها :يالبى قلبس ياخاله والله كني اشوف خالتي نمشه
اضحكت لها ام سلطان :عشان الحكي يأمي ترى ماتغيرت يوم خذيتهم
الهنوف وهي تلف لها :ماهوب بس حكي حتى الشكل فوق بعد محبتس الي دخلت قلبي فديتس
ام سلطان :يابعد عمري يشهد الله انتس دخلتيه وانتي توتس عند الباب..قامت بثقل وتعب .. بروح ارقد الظاهر ان التلفزيون خدرني
الهنوف :هههه اجل بروح فوق ادور لي شي يشغلني
قامت ام سلطان والهنوف رقت فوق اجلست على التسريحه فكت علبة المكياج اجذبتها الوانها الحلوه واسماء الماركات عليها فكت شعرها وعدلت جلستها
اول شي اسحبته الروج الاحمر الصارخ حطت بتقان خذت الماسكره رتبت رموشها وكحل داخلي اسود
فكت شعرها ابعدت عن المرايه تشوف شكلها من زمان ماحطت روج ولامكياج طالعت في لبسها الناعم والمكياج يغير النفسيه
امسكت قذلتها لفوق بشباصه صغيره ابتسمت لشكلها الحلو والنعوم في المرايه ماكتب ربي افرح بجمالي عبست بوجهها مايستاهل اسليطين. تنهدت بملل طالعت الساعه عشر ونص...اتجهت لحجرة النايفه الى ان تجيها مع انهم تاخرو بنسبه لناس مثلهم مجرد سلام وبس
اسمعت اصوات في الصاله وصوت ام سلطان عالي طلت على الصاله وانزلت بسرعه
ناظرت الحرمه الكبيره المقابلتها حلوه ماوضح فيها اثر الكبر من اهتمامها بنفسها
الجوهره تلف للهنوف وتاشر عليها بحتقار :هذي الي ترك سلطان بنتي عشان ياخذها التفتت على ام سلطان.. عمرها قده خمس عشرين سنه ونا اتنيها سلطان وبعده يروح ويخليها
الهنوف منصدمه بالي تسمعه وتشوفه
ام سلطان بتعب:هذاك سلطان روحي له
الجوهره تلف للهنوف وتقرب منها وهي تقيم شكلها : وبعد حلووه ..
ابتسمت الهنوف غصب عنها من شكلها المعصبه وتمدح
الجوهره بقهر :الظاهر مجنونه ..ناظرتها بقرف ..لو انتي مهمه حطتس سلطان ببيت بلحالتس ...وانتي ببيت مليان رجاجيل وبهالبس
الهنوف الحين فرحت اني جيت لم اهله مابي اجلس معه وحده وتبين ازعل ابي بيت وحدي ..ناظرت لبسها حق الصبح ساتر حتى قميصها نص كم
ام سلطان :مابه احد يالجوهره من الرجاجيل الي تقصدين
الجوهره بعصبيه :انتي اص ولاكلمه من زمان وكلمت الكل ماشيه عليتس ماقدرتي تخلين سلطان ياخذ من بنات عمه واهله
الهنوف فضلت السكوت عقب ماشافة قوات صوتها على ام سلطان
ام سلطان :لاني ساكته يعني
الجوهره بغيض :لا ماعندتس شخصيه العب عليتس سلطان وكل اموره مكشوفه وانتي مثل الخبله
الهنوف بهدؤ:العب عليها عشانه خذاني
الجوهره تلف عليها :لااااوالله تكلم بعد لها السان ..اكلي تراب
الهنوف تلف لخالتها :خاله روحي نامي اذا تعبانه انا بجلس
الجوهره بسخريه:قومي طيعيها ..يالملعابه كلن يلعب عليتس ابو سلطان وسلطان
ام سلطان بقهر:الي ساكت يعني ملعوب عليه
الجوهره بخبث:لاااا الخبل هو الي مخليتس في بيته تجيبن العيال وبس والحب لغيرس
يعني ماتسوين شي عنده حاطتتس خرابه تجمع عياله
ادمعت اعيون ام سلطان بالم
لفت الهنوف بقهر :لو سمحتي جايه بيت اعيالها وتحكين فيها وكل كلامتس غلط في غلط
راحت لها الجوهره وقفت عندها واصفعتها:انتي تسكتين مثلتس مثلها ام عيال وبس والحب لغيرتس لبنات عمه
اطلعت بعد الكف والهنوف نزلت راسها ارفعت نظرها لام سلطان الي تمسح دموعها بطرف شيلتها راحت لها
وهي تجلس جنبها وبغيض :مالس حق ياخاله تسكتين انتي عندتس اعيال معاد بس بحاجه لغيرهم كان تكلمتي عليها لوتطلعينها
بكت ام سلطان زياده
الهنوف برحمه :قولي لسلطان يبعدها منتس اكيد يدور مصلحتس ..
مازالت ام سلطان تبكي وساكته ماتحملت الهنوف ورقت فوق تنهدت بتعب ادخلت للمطبخ ترطب ريقها
دخل عليها ناظر في امه بصدمه من شكلها صك الباب بقوه وصوتها يسمعه من الباب
سلطان براعه :يمه وش فيتس
مهره (ام سلطان ) ببكى وقهر ماقدرت تمسك ادموعها عند ولدها الي مستحيه تنزل دموعها قدامه وبتخبيص :هي صادقه الهنوف انا ملعابه خبله كلن ياخذ الي يبي مني ويمشي .. صادقه الهنوف مالي حق لسكوتي ...كان تكلمت امنع من نفسي الظلم غاديتن لعبتن في يدينهم
سلطان بقهر:يمه فهميني وش السالفه
ام سلطان تمسح ادموعها :معادني بحاجة احد قالته الهنوف قالتها انا خبل هي الي تكلم على كيفها
فسخ بشته على الكنب ورقى الدرج ادرجتين ادرجتين
سمعت باب الجناح الي انصك بقوه حطت الكاس على درج المطبخ وناظرت الباب برتباك
شافها واقفه عند الطاوله ببلاهه دخل بقوه وهو ثاير
الهنوف بخوف من شكله ارجعت بظهرها لورى ويدها على صدرها
مسك ارقبتها بقوه وبيده الثانيه سحب شعرها بعنف الى ان المست يده حافة الدرج
الهنوف بألم وصياح :وش صار فيك..
سلطان بغضب رص على رقبتها:ياحيوانه امي امي ..ماشفت دمعتها من عرفتها مانزلتها للي اهم منتس وانتي الي نزلتيها
الهنوف تبكي بوجع: والله والله ماسويت شي... حست بالاختناق حطت يدها على يده تبعدها بضعف
سحب يده من رقبتها عقب ماشاف زراق شفايفها صفعها بقوه وعادها مره ثانيه
سلطان بقهر:ماسويتي شي.. والله ان تذوقين ماذاقته وانا سلطان
الهنوف تبعد نفسها منه بقوه ويديها تبعد يديه المتشبثه في شعرها بقوه :وربي انك فاهم السالفه غلط لا..
سلطان بصراخ:اسكتي
الهنوف بعناد وبكى:لا مراح اسكت اعرف وش مسويه عمتك و..
لف شعرها في يده وهو يقاطعها مره ثانيه وبصدمه وقهر:تعمعمتس ازبدتس ...شفتيها يعني
الهنوف ويدها على يديه وشعرها :خلاص شعري طلبتك فكني
سلطان بصراخ :نزلتي لها ..جاوبيني
الهنوف بصياح وصدمه من حالته :ايه نزلت لها مادريت سمعت صوت امك ونزلت
سلطان بغيض:وش تبين بهن ليش تنزلين ..انا ماحذرتس
الهنوف :قلت لامك تطردها بس ان...
سلطان :ليييييييش وش الي دخلتس ياوقحه... حديتي امي على قصاها
الهنوف بقوه ودموعها على خدها :موب انا
سلطان وهو ثاير :اسكتي
الهنوف :لا مراح اساكت لين تدري انا
جرها للغساله وراها ونزل راسها لصنبور المويه وهو يفتحه على وجهها
سلطان وهو يتنفس ويرص على اسنانه :اسكتي اسكتي فاهمممممممه
تمسكت في ثوبه من قدام تبي نفس وقلبها تزيد دقاته بألم
..........

[7btin]

33
عند مفلح
في سيارة مفلح يسوق ومحمد جنبه
محمد :ماعندك ياهل السامري لاتوجعونه
مفلح يدق على الدركسون ويغني :انا بغني لك بدالهم ..وخر ركبة محمد من درج السياره فتحه وكل شوي رافع راسه لطريق
مفلح بقهر:لعنبوك قل عنك ياخي انا الي بطلع الي تبي.. وانت تشوفني مبتلش
محمد بتطنيش:اقول مفلح انا بعرس ...
مفلح بتغير اسلوب على طول وبقرف:اسم الله علي وبتخطبني بعد
محمد بقلة صبر:الله ابو بدر بيجي يوم وبكعرب له!!
مفلح يضحك:صادق بتعرس ...
محمد :ايه باخذ لي بنت مزيونه توني شايفها في بيت اهلي
مفلح :ماشالله كل شي حار بحار شفتها وبتاخذها كذا وانكنها ماتبيك تبي واحدن مزيون ..
محمد بتأكيد يطلعى صوت بفمه:هييه ماشفتها يوم شافت اكشيرتي بغت تسيح
مفلح :ههههههه ..ويطق ركبت محمد ..بالتوفيق ابو احمد
محمد :وانت متى تحلحل
مفلح يتنهد : خطبت خلاص
محمد بعتب :افااا ولا علمتني
مفلح :والله حتى انا جاني الامر فجاءه
محمد بقهر:لاتثقل مزحك يعني مالف مثل سالفة ابو بدر
مفلح يناظره وناظر الطريق بهدؤ :لا هذي امي اخطبتها لي قدامهم وماعندي علم قبل
محمد بتفهم :اهاا..كانك ماتبيها يعني
مفلح بتشتت لتفكيره: مدري والله ...خلها شوي..ابي استمتع بزهرة شبابي..
محمد درى انه مايبي يتكلم:اقول ارقص في عرسي خلى العرب يقولون زييييين عرس محمد
مفلح استانس :بس ارقص ماتبيني ازوك...
....
فى قصر سلطان

وخرها من المغسله اقعدت تكح ويديه عليه سحبها للحجره ودزها على الارض
الهنوف والمويه في وجهها بحزن وقهر:ياألظالم اكرهك الله لايوفقك
جلس على اطراف اصابعه بدون لاتلمس ركبته الارض :ظالم .؟؟ وبقرف.. وش ظلمتتس فيه كل شي وضحته لتس من دخلتي للبيت بس الظاهر صابتس جنون ..
الهنوف تبعد وجهها :نذل.. حجر مافي قلبك رحمه
مسك وجهها باصابعه :مايفيد الكلام
الهنوف بكبرياء:ضربك لي تاكد انه ماهز في قلبي اشعره مايوجع الاطق الحبيب ..ماهميتني
وقف سلطان :يعني افهم مافاد العقاب
لفت عنه الهنوف بقهر
وقف وناظرها بقوه : هذا العقاب الي يفيد ويأدبتس
لفت له الهنوف بسرعه امسكها ودزها للسرير انسدح جنبها وذرعانه مثبته عضدها
سلطان وهو يقرب وجهه من وجهها الرطب والدامع مرر اصابعه على شفايفها :ليش تنزلين تحت هذي الى الان وانا ابي افهمها ...!!
صدت منه للجهه الثانيه وبضعف :احلف لك مادريت عنهم
قرب منها ونص صدره وعلى صدرها :ليش قلتي لامي هالكلام ..تدرين انتس سببتي لقلبتس مأسأه
الهنوف ببكى :ماقلت لها ششششي أسال امك
سلطان بتطنيش:وش قالت لامي وش تبي منها..
الهنوف وصوتها يهتز : سبتها وقسم انها سبتني بعد
سلطان ونفسه يلفح وجهها بحقد:ليش امي تصيح منتس ..وقفتي معها ضد امي
الهنوف ترجع تبكي بقوه :ماقلت لها شي علمتها بس انها موب بحاجتهم وانكم عندها ولاتسكت على حقها .. غمض عيونه ..وهي تكمل كلامها عمتك الي تقول ان كلن يلعب بها
سلطان يقاطعها ويرص على اسنانه:لاتقولين عمتك
الهنوف:الجوهره الجوهره هي الي سبت وطقتني ترى مايسوى علي اخذ لنفسي كل ذا العذر
هداء من نفسه وهو يشبك كلام امه عنها وكلام عمته
سلطان يناظرها بقسوه :حتى لو اخطت عليتس تستاهلين مأجاتس مانزلتي وانتي تدورين خير
ارتعشت شفايفها بألم من كلامه :بد الزمن يوضح لك كل شي ياسلطان بن نايف
سلطان بهدؤ يكتسح جسده ناظر وجهها المرهق والدامع:حاطه المكياج ماحطتيه لي تبين اتبينين جمالتس لها ناظر الروج ... ارتبك مامسحه الماء زاده صفاء وجمال
قرب وجهه من شفايفها ووهو يقبلها بتملك ..حطت يدها على ظهره من فوق ثوبه وهي ترص عليه باظارفها بنتقام حتى لو مايحس الا بالقليل
حس بيدها عليه مليانه غيض وقهر .. هذا الي بيبرد حرتي فيها بعد عنها حطت يدها على وجهها وصاحت..
ابعد يدها عن وجهها وهي رافضه سحب يدها بقوه من وجهها
سلطان ببتسامه بارده مليانه حقد: ابكي ابكي ..ناظر في عيونها الي تناظره والدمع ماليها
حط يدها على صدرها مكتفنها ويديه فوق يديها ونزل راسه على يديهم غمض عيونه وتنفس بقوه
حاولت تسحب يديها من تحته وهو مكتفنها ماقدرت بكت بغيض وقهر كلمت نفسها ودموعها تنزل على خدها وتطيح على شعره كل شي يتصرف فيه على كيفه حتى نفسي تملكني بجبروته واسرف في ظلمي اشهقت بألم وحزن اسمع صوت ابكاها العالي ..ابتسم رفع راسه لها وهو مازل على وضعه
سلطان بسخريه بارده:صوت انغام فريده ..لاتوقفين من البكى
حست بحراره من الغيض والشرهه غمضت اعيونها بقوه وحرارة الدمع تجبرها تفتحها مره ثانيه وتناظر السقف بقلب حملته الاالام
عند ام سلطان تحت دقت على جوال سلطان بعد ماهدت بتفهمه السالفه وتعلمه ان عمته شافت الهنوف ببيته بدل بنتها بس مايرد دقت على النايفه الي ماشافتها
النايفه بفرحه:لبيه يمه
ام سلطان بحزن:وينتس منتب مع سلطان
النايفه :جلست عند بنات خالتي حصه
ام سلطان :خلاتس سلطان
النايفه بضحك:كلمه خالي ابو منصور وتو سط لي
ام سلطان بعتب:دقيتي على خالتس
النايفه :لا دقت بنته الجازي وبعدين يمه توى الساعه وحده
ام سلطان :براحتتس لاتبطين ..صكت عنها وراحت لحجرتها
رفع راسه لجواله الي يدق جلس بوسط السرير ورد
سلطان بهدؤ:هلا موضي
موضي بفرحه:اول واحد ادق عليه انت.. جبت ولد انشالله ان اسمه سلطان
سلطان ببتسامه هاديه:مبروووك الولد يتربى في عزكم
موضي :الله يبارك فيك عاد اسمح لي داقه الفجر
سلطان :الوقت الي يصلحلتس دقي فيه ..
موضي براحه:يالبى اخوي الله يخليه لنا ..جعلك تبشرني بالولد
سلطان :على خير
اسكتت عقب ماسمعت صوته المكتوم :بجي اليوم انفس عندكم ..مع السلامه
صك عنها واحذف الجوال
...........................
عند الراشد
راشد واقف عند الباب :اصبري بشوف ان كنها اهناه ادخلي روعيها اذا امي دخلنا سواء
هزت راسها وهي مبتسمه وايق من الباب شافها مندمجه بالغداء وامها تعلمه بسالفه ومصغيه بهتمام
رجع ورى وهو مستانس:موجوده ادخلي
امسكت ضحكتها وهي تخيل شكلها وادخلت بشويش للي ملقياتن الباب ظهرهن
اضحكت بصوت عالي بدون شعور وهي تحط يدها على فمها
لفن بسرعه لها وهن مرتاعات
دخل راشد وهو مبتسم :ماش ماتعرفين للمفاجاءت
سلمو عليهم ونوره تضحك اضحكت ساره لضحك نوره
راشد مبتسم: هذي ازين من المفاجاءه
ام راشد :جعل ربي مايغير عليكم ..تغديتو
راشد وهو يلف لامه :تغدينا جعلني قبلس ..لف يده على كتوفها وش علومكم اربتس بخير
ام راشد :جعل فيه العافيه ..طيبين الحمدالله مانشكي باس
راشد وهو يقوم :بروح اقيل قبل الاذان ...لف لساره بعد بكره بروح اشوف مدرستس
ساره :ماعليه فديتك باقي اسبوعين يمدي لو اتروح السبوع الجاي عادي
راشد :لا الاسبوع الجاي مشغول ...راح ونوره تناظره
ام راشد:تبين تروحين يمتس روحي احنا تونا قايمات
نوره منفشله :بروح افسخ عباتي وانزل
رقت فوق ادخلت افسخت عبايتها وراحت للباب
طلع من الحمام:وين يالحبيبه
نوره مبتسمه :بنزل لهم تحت
راشد:تعالي تعالي ..قيلي عيني خير والعصر انزلي
نوره :مستحيه قلت لهم اني بنزل
راشد:يابنت الحلال انتي منتب امسيره عندنا لا شفتيني قومي الحقيني
نوره :طيب بس ذلحين بنزل
راشد انقهر منها وبعناد :انطقي منتى بنازله
نوره تلف بتنزل :مافيني نوم وانت بترقد
راشد بصوت عالي شوي:نووره
وقفت وصدت عنه
راشد بضيقه :تحدين الواحد على قصاه قلت لس لا لا
راحت لدولاب خذت بجامه وراحت للحمام وهو انسدح على السرير
اطلعت له شافته منسدح لف عيونه لها عقب وخره
راحت للجهتها ووانسدحت
لقاها ظهره بغيض شكلها عنيده ومدلعه بزياده تجمد وهو يحس بيدها على كتفه العاري
نوره بخجل :راشد زعلت
ساكت وهو مبتسم اشوى بوه رجى
حبته على راسه :انا اسفه بطيعك مره ثانيه
لف لها ضمها لصدره :ضيقتي ماتجي بالهون بس لاجات جات
نوره بندم :خلاص اخر مره
راشد :اذا تبين تروحين لهم روحي انا برقد
قامت نوره منه وراحت تبدل
راشد بغيض ماصدقت على طول عزتي لي الي ماهيب رومنسيه
.............................
بيت ابو فهد
لمياء :يمه بروح للسوق انا وفهد بنقضي للكليه
ام فهد براعه :اسم الله عليس تونا على التقضايه
لمياء :ههههه باقي اسبوعين بس
ام فهد :اييه الهنوف ماهيب جايه تصوم عندنا عاد
لمياء :كلميها يمه وقولي لها تقوله
ام فهد :مستحيه كل شوي سالتها متى تجي
لمياء :بتجي تمتحن موادها قبل ارمضان يمكن ماتحتري ارمضان
ام فهد :ليتس رحتي بدالها ..قلة صنعه واحلى
لمياء ماتت ضحك:يمه انشهد انتس عطيتيني اياها في وجهي
ابتسمت ام فهد وماسكه ضحكتها ادخل عليهم ابوفهد قامت لمياء تحب خشمه وتجيب القهوه
ابو فهد :نوره هي لمياء خاطبها مفلح
نوره :ايه خطبها وكلمني يبي المكله في رمضان بس انا الي عيت
ابو فهد :لا بالله ليه تعين دامه يبيها وش الي ياخرهم
حطت لمياء القهوه ببرائه وهي تناظرهم
نوره :مايصلح ملكه وعرسهم متاخر جدا ء ماهيب زينتن لهم
لمياء:من ذولا
لفت لها امها وهي تقرص عينها فيها اسكتت وناظرت ابوها يقدع ولاشاف امها
لمياء :يبه ابي فلوس ودي اروح للسوق
ابوفهد :ابشري .. معاد عندنا الا انتي
لمياء بوناسه :فديتك جعل ربي يخليك لنا
قام ابو فهد ولمياء لفت لمها :يمها وش فيتس
ام فهد :ابوتس يتكلم في عرستس
لمياء بستغراب:اي عرس مابعد درى احد
ام فهد :يبيتس اتملكين ذلحين مفلح طالبني بس ماعلمتتس
لمياء بعصبيه :خير وش عنده العاشق توني باولى
ام فهد :ايه ايه صيحي علي .. ولوانتس خالصه من الكليه كان شبكتتس في رقبته اليوم قبل بكره
دخلت غزيل وعيالها الي ركضو لجدتهم
سلمت على امها ولفت للمياء :وش فيتس امبوزه
لمياء :مدري اسالي امتس
ام فهد :اختتس خبله
غزيل :وش فيكم متزعلات ..تصاحبن لين اروح
ام فهد :هههههه ماعليتس منها مدلعه
لمياء وهي تدمع :ليه يقولتس بيملك الحين انا عارفه انه بيقهرني
غزيل بصدمه :وليه انشالله يقهرتس
لفت لمياء عنهم وهي تمسح ادموعها
ام فهد :لمياء لاتعفسين خاطري بشي مايسوى
اسكتت لمياء وصدت عنهم
الشغاله بتعب :ماما انا تعبان معليش مأقدر سوي عشاء
وغزيل تناظر الشغاله الواضح عليها اثر التعب ::انا بقوم اسويه ..روحي نوم .. راحت منهن غزيل والحقوها اعيالها بالمطبخ
ام فهد :قومي اطبخي سنعي نفستتس
لمياء :ماهوب لازم الي يبيني ياخذني كذا
ام فهد :بلين على غاربتس لين تعرفين ان الله حق ...ثم بترهفين معه
لمياء :يمه تراتس ماخذه واجد مقلب منه ذا الملفح ..كل ماشفته لينه يغازل
ام فهد :هذا الرجال لاعرس اعقل
لمياء في نفسها والله لولا الخوف وانها ماتصدقني فيه ان اعلمها بسواته في السياره
................
نهايه البارت

[7btin]

34
فى قصر سلطان
جالسه من قبل اذان الفجر ويدها على خدها تنهدت بملل وهي تناظر ملعب التنس اول مره تشوف من جات قصرهم بالحديقه الخلفيه للقصر
اطلعت منه نايم براحه وهي النوم مجافيها ليلها كله تهجم عليها بدون لايسمع مبرارتها انزلت دموعها بقلة حيله .. حتى وعقب ماسمع ماتعذر مني ولا راح يتاكد امسحت دموعها وقامت اتصلي الفجر في غرفة الخدم ورجعت لمكانها ورى القصر في كراسي الحديقه حتى اشرقت الشمس على الارض اسمعت صوت طفل يصيح وحرمه تنادي مايا
ناظرت لبسها عليها من امس لفت من ورى البيت متوجهه لمدخل البيت
الهنوف تناظرهم وببتسامه قربت منهم :السلام عليكم
ناصر ينزل راسه :وعليكم السلام
الهنوف :ناصر صح
ناصر بستغراب:اييه ..من انتي السموحه ماعرفتتس
الهنوف :انا مرت سلطان
ناصر بصدمه:اخوي سلطان !!..اخوي سلطان معرس..؟؟
الهنوف ابتسمت باستغراب من حالهم هزت راسها له
ناصر :والله ماقالو لي وين العرس وين الدنيا
الهنوف بضحكه:سكيتي
ناصر ببتسامه ناظرها بعجاب :ماعليش ماعرفتس ولادريت ..وش لونتس عسى امورتس كلها زينه اهناه
الهنوف ببتسامه من كلامه:الحمدالله طيبه..
ناصر : اختي موضي داخل وعلى ماظن انتس مابعد شفتيها
ادخلو والهنوف تكلمه:لا مابعد شفتها اولدت اجل
ناصر :اييه جابت ولد بتسميه سلطان
اسكتت الهنوف وهي تشوف موضي جالسه على الكنب وفي حضنها ولدها رقى ناصر فوق
وقفت موضي بصعوبه وهي مبتسمه :مرحباااا
الهنوف:بتس اكثر ..واجهتها وش لونتس الحمد الله على السلامه
موضي :الله يسلمتس ..وش لونتس
الهنوف :الحمدالله ..اجلست جنبها وهي تقرب من خد البيبي وتبوسه ..كانت بتشيله بس ماعرفت
موضي تضحك:بتعودين انشالله
الهنوف برجفه :يمه احسهم مطاط
موضي :هههههه احذري تقربين من اولدي ماصدقت يجي
الهنوف :لا االله يخليه لتس يارب ويصلحه ..خالتي تقول عندتس ولد ثاني
موضي :ابنيه راحت ترقدها الشغاله
وقفت الهنوف وببتسامه :تبين اجيب لتس مويه او عصير
موضي :لا والله ان تجلسين معي شغالاتي ..تعالي علميني وش اخبارتس..ناظرتها موضي بتفحص
الهنوف نزلت راسها:كل شي زين
بكى ولدها ناظرت فيها الهنوف وهي ترضعه
موضي وعينها عليها وببتسامه :النايفه شوقتني اشوفتس تصدقين انها هي الى رجعت امي من عند نواف يوم اعرفتس انكم رجعتو
الهنوف :ياحبي لها ..تخباء في القلب وابتسمت لموضي
موضي :وانتي بعد دخلتي قلب امي ومدام امي حبتتس فاكيد انتس تستاهلين الحب منا كلنا
الهنوف ببتسامه راحه :الله يقدرني واقوم بمقام خالتي ..
موضي توقف :واثقه منتس..بروح ارتاح حيلي منهد.. تقومين بدري.؟؟
الهنوف بوهقه:طار مني النوم واطلعت اشم هواء برى ...
موضي ببتسامه :بعد لي جلسه معتس ...
قامت ومعها ولدها للحجره مجهزينها لها تحت
والهنوف مرت المطبخ خذت عصير فرش وطلعت برى ثاني مره ..
............
على اذان الظهر
انزل لهم سلطان كلهم مجتمعين جاته بنت موضي رفيف اضحك لها وشالها ومشى لهم
سلطان مبتسم وعينه على رفيف :لبى الكشره في ذمتي
سلم على موضي:يالله حيها وحي ماجابت
موضي :الله يحيك
سلطان ببتسامه اجلس ورفيف في حظنه:ارتاح ابو سلطان عقب الولد
موضي:ههههه الحمدالله
التفتت لامه وبهدؤ :وش لونتس
ام سلطان:الحمد الله ..وين الهنوف مانزلت معك
سلطان ببرود:ماهيب فوق
النايفه :وينها ماشفتها من امس
لف لها سلطان وهز راسه له:وش اخبار السمره
النايفه :اااه روعه لبى قلوبهم راح الوقت ماحسينا فيه
نزل رفيف وراحت لامها تركض :متى جيتي
النايفه تحك راسها :الساعه اربع ..هذي العطله
موضي تبعد بنتها عن ولدها وبستغراب :الساعه اربع غريبه خليتها وينك
النايفه :ههههه جات الهنوف خلاص جاء الفرج انفك شوي
سلطان يخزها بعينه:في ذي صدقتي التهيت معها..مره فوق السرير مره تحته
موضي:ههههههه
النايفه حمر وجهها ونزلت راسها
سلطان يصرفها:قومي دوري الهنوف خليها تجي
قامت بسرعه وموضي تضحك
ام سلطان ببتسامه :روعتها..ليش مارديت لي امس
سلطان وهو يلعب بمسباحه وبدون اهتمام:انتي زعلانه من الهنوف ولاغيرها
ام سلطان :محشومة بنت ناصر ماهيب اتزعل احد ..الاانا الي زعلتها ودخلتها بمشاكلنا
سلطان وقف حركة المسباح وهو يناظرها :ليه ..علميني وش الي صار لتس امس..
علمته ام سلطان بكلام عمته وهو يتقلب وجهه
سلطان :انا بمنع زيارتها للبيت
ام سلطان :لا لا لاتسوي شي خلها تجي تفرغ الي في قلبها وتروح..ماعلينا منها
موضي :هي صادقه امي لا تسوي مشاكل بينك وبين ابوي
سلطان بصرار وبدون اهميه لكلامهم:الي يبي يسمع كلامها يطلع لها في الشارع لاكن تاطا رجلها بيتي بعد اليوم ماتعيدها وانا بعد راسي يشم الهواء
ام سلطان :هذي عمتك لحمك ودمك اصبر عليها ..
سلطان وهو يتنفس بملل ويصد براسه:قلت وخلاص ..
وين راحت مالها زيله طلعت جوالها من جيب البجامه وهي تدق عليها
الهنوف ببرود:الوه
النايفه :وينتس تعبتيني
الهنوف:برى عند ملعب التنس
النايفه بستغراب:مافيه اظلال الشمس صاقعه
الهنوف:الافيه
النايفه :طيب طيب.. صكت منها وهي تركض رايحه لها
وقفت عند راسها والهنوف مانتبهت لها
النايفه :هنوفه وين الضلال ..كانت جالسه في زاوية البيت بوه اضلال اشوي مغطي جسمها بس
وقفت الهنوف بسرعه وهي ماتدري وين تروح فوق موجود وتحت بيجي وبالمختصر مابي اشوفه
الهنوف ببتسامه مرتبكه:ماحب البيت ياختي حاشر.. هناء نفاه ..بروح اتسبح
راحت واتبعتها النايفه بستغراب ادخلو سوى والتفو لهم الي في الصاله
ناظرت فيهم بوجهها المحمر من تاثير الشمس متجاهله وجوده بينهم وناصر معهم استحت منه شكله اكبر من عمره فضلت ترقى فوق تسبح وتلبس دراعه استر
الهنوف ببتسامه:صباح الخير
ام سلطان ببتسامة حنان :صباح النور
موضي :صباح الظهر
الهنوف توسع ابتسامتها : كلها نهارات ..اسمحو لي برقى فوق
النايفه وهي تجلس : هههه اخذي ارحتتس
سلطان:الهنوف
وقفت وناظرت له بدون ماتكلم
اشر لها بيده تجي وقفت جنبه امسكها مع يدها واسحبها صوبه اشوي يبي يشاورها يصغي في اذنها
سلطان :غيري ملابستس ماتصلح..
جاته رفيف دزت يده من الهنوف وناظرتها بغيض و ببرائه :وانا ماناديتني
شالها وحطها في حظنها بدون اي تعبير
راحت فوق تسبحت والبست دراعه بيج مطرزه من الجوانب بني خلت قذلته على جنب وشعرها الباقي امسكته واحد لفوق
انزلت لهم وهم يقومون على الغداء اول مره تجتمع معهم كذا والغداء على الارض افسحو لها مكان بجنبه شافته وصدت عنه اجلست بمكانها
استحت منهم مدت يدها على الخبز والمرق بدون غيرها
سلطان وهي يكلمها بصوت قصير : مرق مرق غيري ..!!
ناظرته بستهزاء وكره وقلبت عيونها عليه
ابتسم وهو يرجع يكمل غداءه من عرف ان مالها دخل بسالفه بين امه وعمته حس براحه
الهنوف :الحمدالله الله يديمها
ام سلطان :ماتغديتي ياامي
الهنوف :شبعت فديتتس .. وراحت صوب المغاسل قام عقبها سلطان
موضي :تغداءانكنك بتقلدها بتموت جوع
سلطان يضحك :وش عليتس مني مرتي واحب اقلدها
الحقها صوب المغاسل مشغله المويه على يدها وتغسلها بهدؤ وسرحان
جاء من وراها دخل يديه من خصرها وهو يمسك يديها ويغسلها لها مستمتع بنعومة ايديها
الهنوف بغيض وبقوه دزت يده واسحبت نفسها من بينه وبين المغسله وهي تنشف يدها بالفوطه
ناظرها شوي ولف للمغسله يغسل مطنش حركاتها راحت لصاله وجلست على الكنب توهم يتغدون
موضي :الهنوف ذلحين منتب اصغر خواتتس
الهنوف :لا تحتي لمياء بعد وفهد
النايفه :هاااا شفتي اعلمتس كاني اصقع في جدار
الهنوف ابتسمت لهن شافته جاء واجلس جنبها تلفتت تبي اي شي عشان تقوم منه وهو ماخذ راحته بالجلسه قامت للمنديل خذت واحد واجلست في جهة التلفزيون
قعدت تلعب في المنديل مالها فيه حاجه جاتها رفيف واجلست في حظنها وبدلع :غصب اجلس
الهنوف بضحكه عاليه :هههه اجلسي يابعد قلبي ...باستها وقعدت تضحك
موضي :ماتنعطى وجهه بوديها لشغاله قوميها ماعليس منها
الهنوف ببتسامه :لا والله انه عادي احب البنات لا تروحينها
لفت لها رفيف وامسكت اذراعها وبترجي:ترى بتوديني عند الشغاله مابي اروح عندها
ضمتها لحظنها اكثر وهي مبتسمه :لا خليتس هناه اذا اطردتس تعالي عندي بسرعه ..زين
رفيف وهي مبتسمه :زين ..بس ترى خالي سلطان بيمسكني لها مثل ذيك المره
سلطان وهو منتبه معها قام وقرب منهن :وش سويت ؟؟.. ضمت رفيف لها اكثر وحست بكره حتى لصوته
رفيف وبحماس :الا لحقتني يوم نحشت يوم خذيت الجوال مسكتني وطقيتني ..وبزعل ..وبعد دزيتني على ذي وتاشر لامها
الهنوف تسمع لها اضحكت غصب عنها وشاورتها في اذنها :خليه حمار خالتس هذا.. حتى انا يطقني.. ولفت من عيونه وبصوت قصير مدت اصبعها الصغيره. تصيرين صديقتي
سلطان بسرعه امسك اصبعها ورص عليها بكفه :اصبع بيبي
اسحبتها بقوه وقهر وصدت عنه
رفيف مدت اصبعها :ياله
ابتسمت الهنوف ومدتها مره ثانيه
رفيف بفرحه :صداقه للابد
الهنوف تهز راسها :الى النهايه ..ههههه
ناصر بصوت عالي من سفرة الغداء:سلطاااان شفت ابل خالي على العرض يقولون غاشين فيه اللجنه
سلطان يناظر لتلفزيون واذنه معها وده يمد يده وتصير صداقه بينهم وبهدؤ:ذي ذلحين ابل خالي
ناصر :اييه وينك انت ماش ماتعرف للابل
طنشه سلطان ونزل نظره لتحت
النايفه :لقط غيرها بغيرها
ناصر :الشرهه على الي يجيكم
ام سلطان :ايييه عود مابقى على ارمضان الاسبوعين
سلطان يرفع راسه لهم:ماراح يروح لهم مرتن ثانيه
ناصر :ليه ليه وش غادي عليكم ..مافيه احد اهناه عندي
سلطان ياشر بيده للباب:انصاء مجالسك وبتلقى الي بيوسع صدرك
قام ناصر وراح فوق وهو متضايق ويكلمهم بصوت عالي:العن ام الحكره ياشيخ
موضي :خله يروح ويجي معي
سلطان ينهي الموضوع:خلصنا خلاص ..وقف وراح يجلس على الكنب
ام سلطان تمد عليه الجوال وهي تجلس جنبه:سجل لي رقم ابو منصور انمسح مني..
اعقدت نظيرها وبصوت عتبان :سلطان انت تدخن
,,,,,,,,,,,,,,,,

[7btin]

35
سجل الاسم وعينه على الجوال وكأنه مايسمع
ام سلطان بضيقه :هذي ريحته معك منك ولا من احد ثاني
سلطان بهدؤ ارفع راسه لها :لا مني انا
ناظرت له الهنوف ببرود وقرف
موضي بعتب:ليه قد لك خمس اسنين ليش ترجع له
النايفه بتردد :امس كل اليل قعدت تشرب انصدمت يوم شفتك ..
ناظرها ولف عنها بتطنيش مد الجوال لامه:على ماظن هذا موضوع يخصني انا,,يعني من خصوصياتي افضل انها اخر مره تتكلمون فيه..
موضي بقهر وبتردد:انت ليش صعب كذا انت تهمنا ولازم تكلمنا بالي يزعجك..
سلطان يناظرهم ويديه تحت ذقنه :وش رايكم استشيركم بروحتي للحمام ..رجع ظهره لورى ..انا كذا وانتو تعرفون اشر بيده بمعنى اخلصو من الموضوع ..
ناظرته ام سلطان بعتب وراحت تجلس على الكرسي
ناظر الهنوف الي تناظره وارفع حواجبه لها بمعنى فيه شي لفت بعيونها عنه
قامت منها رفيف وهي تنطط على الكنب وتلعب
الهنوف بتفكير باقي اسبوع وبتبداء الدراسه وعقبه باسبوع امتحاناتي اخيرن بروح لهلي بس خلن امهد له الموضوع تنهدت بحباط ابي اروح بس مابي اقوله ولا اكلمه
النايفه تبوسها على خدها بقوه
اضحكت الهنوف :احمارره ..مشت البوسه وبقرف ..يع مقرفه
مشت لهن موضي بشويش واجلست جنبهن
موضي بخبث:مقرفه ..وخزت سلطان وهو يناظرهن وبغغمزه ..ولا معجبتتس غيرها
الهنوف بتغير في ملامحها لضيقه وكره نزلت راسها بسرعه ماتبيهم يشوفونها
ناظر لها وقام جاي لهن:الي ذاق العسل .. قومي مني ..يقصد النايفه من جنب الهنوف
قامت النايفه واجلس جنبها
موضي بتساؤل وابتسامه :استحت اول ماشافتك ؟..يوم التقيتو اول مره يعني ..علمنا تكفى بس هاذي
ناظرت الهنوف لنايفه وبصوت واطي وغيض:خليها تسكت
سلطان بهدؤ:اييه استحت الى درجت انها بكت بس الحين عادي ..نزل راسه وباسها مع خدها
كانت النايفه جنب الهنوف من الجهه الثانيه وموضي من جنب النايفه على الكنب
اضحكت موضي والنايفه ابتسمت بعجاب من اخوها
لفت له الهنوف وناظر لها انصدم من الدموع الي ترقرق في عيونها بغيض وكبر وقهر مكبوت
سلطان ببرود:حتى البوسه اتبكيتس !!..
الهنوف ترفع اعيونها له بحقد وعينها في عينه :كل شي منك نفس الشي معيوف
سلطان وهو يشوف صوتها المخنوق بالعبره وبسخريه :قومي قومي ارقي فوق لاحد يشوفتس
قامت الهنوف بسرعه ورقت بدون لاتلف لهم اسكتو بدون لايهتمون بقومتها مبعدين الشك
اول ماحطت رجلها فوق ويدها على فمها اشهقت بقوه
ناصر بستغراب:عسى ماشر
لفت عنه الهنوف وفيها عبره:لا مافيه شي ..راحت بسرعه ادخلت حجرة الكنب وهي تكمش نفسها على بعض وتصيح بصوت عالي والذاكره ترجعها لموقف امس وضربه القاسي لها واليوم يضحك يحسب اني ماحس ولا يهمني شي حرارت يده على خدي مانطفت او بس عشاني اضحك مع اهله انسى فعلته
اشهقت بقوه و دموعها على وجهها
رفيف وهي تشوف الهنوف ترقى فوق اركضت لها :بروح معها
سلطان بصرامه :رفيــف
وقفت وناظرت له وهي ترجع لامها بسرعه
رفيف بدموع :ترى هي علمتني انك تتطقها وماتحبك حتى انا ماحبك
حاول مايبين الصدمه بعيونه تنفس بسرعه وعيونه عليها وبغيض:ابعديها من وجهي...
موضي وهي تضمها وتقوم فيها وبتردد : ماعليك منها ترى هي تالف على كيفها اكيد اضلمت البنت
سلطان ببرود :اكيد ماعلي من كلامها.. ناظر في رفيف الي تصيح ..ليه انا احبتس!!,,
رفيف تصيح :لا لا تصارخ علي ليش كيذا
اسفهها بملل وناظر التلفزيون وامه تناظره بستغراب
النايفه اضحكت بخفيف :ماعنده وحده اثنتين ..خليها ترضى من نفسها.. رقت للهنوف فوق
طقت الباب وادخلت وقفت عندها بصدمه وخوف:الهنوف وش بلاتس
اسكتت الهنوف وهي تكتم صوتها
قربت منها ورفعت راسها لها ناظرتها الهنوف :مافيني شي النايفه خليني تكفين
النايفه برحمه:اهلتس فيهم شي..علميني
الهنوف تهز راسها بلى:لا ...
اسكتت النايفه ونزلت تحت على طول لسلطان الي واقف عند الباب الرئيسي بيطلع
اركضت له:سلطاااان
لف له:خير
النايفه بتوتر :الهنوف تصيح فوق بقوه حالها موب زين
عقد حواجبه بضيقه وبعصبيه :وش الي موديتس اهناك يعني لازم امنعتس بالصريح
افتشلت النايفه منه افتح الباب واطلع مطنش الموضوع كله
ام سلطان :وش فيتس كنتس مفجوعه
النايفه بضيقه:اعلمه بمرته تصيح بقوه وتعبانه اسفهني وراح لا وزعل علي بعد
ام سلطان بخوف:وش فيها..اخاف اهلها فيهم شي
النايفه :لا سالتها مافيهم شي
خذت التلفون بقهر ودقت عليه
سلطان :هلا
ام سلطان بصرامه وضيقه:ارجع اذا لي خاطر عندك
سلطان بهدؤمصطنع:ليه
ام سلطان بقهر:روح للهنوف شف وش فيها
سلطان بملل:الرجعه مانيب راجع وماعليها شر ..
ام سلطان :جعل مايحدني زماني عليك ... وصكته في وجهه
وقف عند باب المجلس وهو يناظر البيت بقهر
المقهوي:طويل العمر تبي شي
لف راجع للبيت وهو يهز يده بلا ادخل واتجه فوق على طول بدون لايلف لهم
ادخل الغرفه مالقاها وطل على المجلس شافها منكمشه وتشهق بخفيف
وقف عندها وبجمود:اكره الاسلوب الضعيف ولا هوب اماثر علي.. ادموعتس والبوسه بتجيتس سوان قومتي الدنيا ولاقعدتيها... والي صار امس حذرتس منه عصيتني ونزلتي..
ارافعت راسها له بقوه وهي توخر شعرها الي الصق بوجهها من اثر الدموع
وتمسح خشمها :مالك خص فيني اذا الي تبي يجيك ابكي مابكي
سلطان ببتسامه :لا لا لاتفهمين الموضوع خطاء ماوصلت لهنا عشان اقول لاتبكين
بس حطي شي في بالتس ..قرب منها ويديه على الكنب حاجزها وناظر وجهها ..انا في مره مانبهتس على الناس حولنا وش يخصهم في حياتنا
الهنوف بعدم فهم وقهر :ماقلت لاحد شي
سلطان بتطنيش لكلامها امسك عضدها ورص عليه باضافره:دقيتي على امي بيطاليا وانا بعمري ماحد اعرف باموري الخاصه وتحملت التصرف الطفووولي ..والحين..رص على اسنانه...وش ينفع في حالتس
الهنوف بخوف بينت في ملامحها وألم:ماعدتها هذيك اخر مره
سلطان يفك عضدها ومازالت يده الثانيه على مسند الكنبه ارفع وحده من حواجبه:عارف انها اخر مره ..
ناظرته بغيض وغضب كمل كلامه ببرود:تشكين منا منا ماينفع معي خليتس بكرامتتس ازين..هز راسه لها.. تفهمين
ناظرت فيه بكرهه وقرف:ماشكيت لا حد لي رب يدري بشي مادرو بها الناس ماقلت لامك
طلع لها صوت بفمه بمعنى بوسه :يالله كملي الطرب الي انتي فيه..
لف وطلع عنها ناظرت بالفراغ قدامها ميلت نفسها على الكنب وغمضت عيونها بقوه معاد فيني دموع لاابكي ولا احزن اذا كذا اسلوبه مره كارهني وياذيني حتى لو بكلمه ومره كاني المره الي ماشاف الاهي افتحت عيونها بقوه وهي تذكر كلام النايفه لها اول ماجات اكتشف اسلوبه من لحظه وحنى تحت كانه عاشق والحين كارهني ومتقزز اكيد بيعيشني بتشتت حست بالنعاس يدخلها وعد معاد تنزل دموعي دامه يستانس اصلن ليش ازعل من اهانته ومد يده هذا عندي مايعنيلي شي ليش ماريح وارتاح واعيش عادي لين ينزل الله مقاديره واروح لهلي ..انقلبت على جنبها ونامت بسرعه من عقب سهر البارح
انزل سلطان بعجله بدون اهتمام بهله الي جالسين ويناظرون و اطلع برى متوجهه للمجالس .
,,,,,,,,,,,,,,,,
فى بيت بو فهد
لمياء بسرعه:فهد يالله خلصت
ام فهد :توتس على الكليه وينتس غاديه
لمياء برجى :لا لا يمه وين توني باقي اسبوع وبعدين بروح اتسلى
اطلعت هي وفهد رايحين لسوق
فهد يغني ويمول
لمياء تحط يدها على اذنها:خلاص خلاص كيف بقعد اختار ذلحين تشوش ذهني
مد فهد صوته وطوله
ولمياء منقرفه دق جواله اسكت وهو يدوره
لمياء :يبي له حبت راس ذالي داق ..
قراء الاسم ورد :خخخخخ حبييه يجوز
ناظرته ببلاهه وهو رد
فهد :هلا ابو سعد يالله حيه
مفلح :ابقه .. وش يضحكك كل هذا فرحن بي
فهد :لمياء تقول بحب ذالي داق ظنك هو يجوز
مفلح :انشهد انه يجوز علمها... مروني اعطيكم الورقه السياره في الحجز وتعطوني الي عندكم..
فهد :ههههههه ولايهمك
مفلح :وش طريقكم
فهد : ماكنك زودتها ليكون تبي اتخطم علينا..بلى رايحين لسوق المدرسه
مفلح :هههه ..طيب عطها السماعه شوي سنايدي ابو ناصر
فهد انتفخ راسه ومد لها السماعه
لمياء بستغراب :وش اسوي
فهد :اخذيها يبيتس راعي التلفون
خذتها لمياء بشك وبتردد:الو
مفلح :شوفي اشتري قلم رصاص ودرزن ابو اربعين وثمانين ..لا تنسين المسطره الي فيها ماء تلعبين بها لين تنتهي الحصه
اضحك شوي ..شفتي اني مهتم فيتس قبل لاخذتس
لمياء ببرود:اشتري لك مطاره احسن صح
مفلح :ههههههه ماهيب شينه ماء الدوام حار..
لمياء ارتبكت من ضحكته وناظرت فهد :ماخذ راحتك بزود ياولد خالتي العاقل
مفلح وهو يزم شفايفه : اسمعي ..ترى بنحط الملكه في النص من ارمضان قبل انروح للبر عشان يعني اخذ راحتي وخبرتس
صكته في وجهه وحذفت التلفون على فهد
لمياء بغيض:ليش تعطيني الجوال
فهد :صراحه مأيد تعال اخطب وامش لا ياختي لازم مكالمه ونظره وشوفه يعني هيك شي قعد يسولف ولمياء سافهته خذت جوالها وارسلت له رساله
كان جالس في مجلس الرجاجيل لواحد من جماعتهم فارشين في الحوش والهواء لاهوب
اسمع صوت الرساله افتحها (الزواج موب من طرف مفلح بس.. لي وقتي الي يناسبني بعد.. ورمضان بتبطي ماوقعت فيه)
امسحها ودخل الجوال في جيبه ومزاجه تعكر
علي :وش الرساله القشره سود وجهك
سكت مفلح مارد عليه وعلي لف عنه
.............

[7btin]

36

فى بيت الراشد
راشد ينسف اشماغه وهو نازل مع الدرج وراسه رافعه فوق ينادي ساره وايقت ساره :لبيه
راشد :تعالي تحت... جلس بالارض وهي اركضت له
راشد:اشوي لاتكسرين ثم اتروح الوظيفه
ساره بشغف:رحت لها
راح الصبح شافها ومعه خطابها عطاه المدرسه ومشى في القريه الظهر واقف عندهم
راشد:ايه القريه قرية بدو هذا احسن مافيها والمدرسه جديده وزينه
ساره :عطيتهم الخطاب
راشد:ايه افتحوه لي شفت الحجر الي بترقدن فيها والحمام منعزله من ورى العماره انشالله انه امان
ساره :فيه سكك وبقايل
راشد يخزها ببتسامه :ودتس اتهونين
ساره براعه :ليه
راشد :فيه سكك بس ماهوب كل الطرقات وفيها محطه على الطريق بس ولها جهه لوجه القريه من داخل
ساره بحماس:لا ماعليه الاربعاء بتجي تاخذني كل اسبوعين صح
راشد:صحين ..ولو تبين كل اسبوع ماعندي مشكله ابد ابد
نوره توقف عندهم:السلام عليكم
الجميع :عليكم السلام
نوره :ها جاتتس العلوم
ساره :ايه ..وتحرك حواجبها امعزمه انشالله
نوره تقلد حركة حواجبها وهي مبتسمه:امعزمه انشالله.. مادري ليه حاسه انتس بتهونين
ساره :فال الله ولا فالتس ..
وقف وحوط نوره بيديه :خلى الجو يخلى تحت وفوق
حمرت نوره ونزلت راسها
ساره :بحرض امي وبوصيها
راشد يناظر نوره:شفتي ياساره قدني انا وياها ثلاث اسابيع ,..وهي كل ماقلت شي حمرت واسكتت
ساره :توى وبعد بطول
راشد براعه:انتي صادقه
نوره بهدؤ: ماحب ذا الحركات ومابيها
راشد بصدمه:وش حركاته تبين اناظرتس وانتي تصدين
نوره برتباك:وش اسوي ماتعجبني ..
راشد بضيقه :الحياة الي تبينها عيشيها مانيب رادتتس ..وغمضي من الحركات الي ماتبينها لف عنها واطلع
ساره نزلت راسها عقب ناظرت في نوره
ساره:وش قصدتتس ماتبينه يعني
نوره بتوتر :لا والله اني حبيته ماكذب عليس والله ياساره .. بس استحي منه حيل افهميني قلت له عشان اتعود عليه قبل
ساره : مادري يانوره انا بروح وبببعد عنكم واذا تحبينه اتصرفي في حياتس
رقت فوق ونوره دقت على اخوها مساعد يوديها لامها
....................
فى قصر سلطان

تقلبت على ظهرها واصدرت اااه اقعدت وهي تمسد ظهرها شافت الساعه تنهدت بتعب واطلعت توضى الساعه 11 ادخلت الحجره فاضيه صلت ترددت تنزل اطلعت للبلكونه شوي تنفست بعمق وشعرها يطيره الهواء العليل في اخر الليل اقعدت فيها شوي ملت
واطلعت لغرفة النايفه طقت الباب وادخلت عليها
النايفه بفزه:هلااا
الهنوف تجلس مقابلتها على السرير وتناظر الي تصفحه: ارقدت خالتي
النايفه :ايه حتى موضي
الهنوف :ااها طيب وبببتسامه..انا جوعانه
النايفه وهي تطق صدرها:افااا عليتس خدمة اربع وعشرين ساعه..ادق الحين على المطبخ
الهنوف :لا انزلي معي تحت انا باخذ بنفسي
النايفه وهي تقوم :من عيوني
الهنوف :تسلم عيونتس حبيبتي
انزلن تحت واتجهن للمطبخ طلعو الي يبون بس محتاج تسخين حطته بالطاوله وكلت الهنوف بشراهه
النايفه :فيه العافيه
الهنوف تضحك :مدري وش جاني جعت
النايفه :لعنبو لايمتس اول مره اشوفتس تاكلين كذا
الهنوف تضحك ويدها على فمها:يافضحي
النايفه استانست لفرحتها عقب ماشافتها تبكي :هههههه وش الي يافضحتتس كلن ياكل
اشربت الهنوف مويه وقامت :ياله شبعت ..مافيني نوم بتسهرين معي
النايفه امسكت خصرها:لا والله راقده توها قايمه
الهنوف تمسكها مع يدها :هاذي عطله خلاص يعني سهر للصبح
مشت معها النايفه:خلاص اسبوع وتبداء المدرسه
لفت لها الهنوف وهن يمشن :انتي في اي صف
النايفه :انا ياقلبي تخرجت العام من الثانوي ولا ابي الكليه
الهنوف :ليه طيب
لفت بتكمل طريقها واقف على الدرج ويناظرها وقفت النايفه حسبالها انه يبيهن من وقفته ارتكت يدها والهنوف رقت الدرج ماره من جنبه وريحته كلها دخان حركت فمها بقرف وكملت
امسكت جلابيتها وهي ترقى الدرجه الاولى ورافعه راسها فوق برفعة حاجب
تركها تمر ولاكانه كان يناظر لها ..كمل طريقه برى والنايفه واقفه بالوسط هزت اكتوفها والحقت الهنوف
ادخلت الحجره وريحت زقاير فيها راحت النايفه افتحت الدرايش وناظرت الهنوف وهي تصفح المجله
النايفه تجلس بهدؤ :وش فيكم بينكم شي ..وبعدين ريحت دخان غريبه رجع لها
الهنوف بستهزاء توها تدري وتشوف:لا زعله بسيطه وبتروح مثلها مثل غيرها ..
النايفه بحزن :ابوي اكيد ورا رجعته لدخان ..صح ان سلطان مايهتم له كثير والي يبي ياخذه بس يتضايق عشاني انا وموضي اذا شافنا بعيد من اهلي
الهنوف تحاول تبين طبيعيه وتستمع لنايفه ومن داخل تمنى لو تسكت عن اي شي يخصه
النايفه تكمل :يمكن فيه امور اجتعت عليه وخلته يرجع يدخن
الهنوف تدور اي شي تقطع به السالفه : صح النايفه تذكرت
النايفه تناظرها :وشو
الهنوف : انا عندي مواد حاملتها من السنه هاذي بروح لهلي امتحنها قبل اول سبت برمضان
النايفه :لا صدق راسبه
الهنوف :ايه ..حكت شعرها.. كسلانه وش اسوي ..
اسهرو ذاك اليل بحجرة النايفه ارجعت الهنوف على وقت الفجر الحجره فاضيه بس انها راحت للكنب اخاف يجي
الساعه تسع ص
ناصر يمغط يديه :صباح الخير مامي
ام سلطان :صباح النور
موضي :ونا مالي صباح
ناصر يضحك قام لها وحب راسها :افاااا انتي ام الصباح
موضي :ههههه
ناصر يتلفت :وين الهنوف من امس مابينت
موضي : مع النايفه ساهره سمعت اصواتهن تحت
ناصر وهو يحط اصبعه على خده :يوووه ياموضي اول ماشفتها جايه من ملعب التنس قعدت اناظرها وهي مقبله ياهي جميله حسيت انها انتبهت لمناظري
ام سلطان :اسم الله عليها
موضي :حتى انا بس استحيت اناظرها وتستحي منا
انزلت عليهم سلمت واجلست حست انهم كان يتكلمون في شي واسكتو يوم جات اقعدو يسولفون على اذان الظهر انزلت لهم النايفه
ام سلطان :يمل قلبن تضحوى ثم تغداء
النايفه :تغداء ..سهرتني الهنوف وقامت بدري التفتت على الهنوف والله مسويه خطه وانا فاهيه
موضي:من يومتس ..دبري نفستس ترى ام مشعل دقت على امي تخطبتس..
النايفه براعه :جعلتس المرض ..التفتت على امها تكفين يمه لاتعلمين سلطان
ام سلطان :لازم يدري ماهوب على كيفتتس
النايفه برجى:اخاف يجبرني يمه مابي اخذ من اهلي مابيهم
خزتها امها بنظرة قهر وغيض عقب اسكتت بحسره
مر اليوم ورقت الهنوف بدري لجناحها بتكلم لمياء تشوف لها كتبها
علمتها بموعد االمتحان 4|9 صكته تروشت البست بجامه بنص كم ماسك على الجسم لحد الخصر وبنطلون طويل ضيق ناظرت الغرفه اشوي وترددت..انام هناا او اطلع اذا مانمت هنا اخاف منه وبعد يفتعل لي مشكله في غنى عنهاا تاففت بقهر برقد قبل يجي عشان ماحس فيه اتجهت لسرير نامت ولحفت كل جسمها حتى راسها ناظرت بالظلام بدون التفكير باي شي حست بالكتمه والحر ابعدت الحاف عن وجهها شوي على مقاس وجهها بس تنهدت بتعب والنوم رافض يجيها وبرجى يارب مايجي من امس مابان ابي انام احس بقلق وكيف يجيني النوم
ابعدت الحاف عن راسها واجلست بملل ادخل ووقف عند الباب شافته ارتبكت وحست بغيض من حظها قبل اشوي كاتمه نفسي بالحاف مابي اشوفه والحين ادخل نزلت راسها وناظرت الحاف
سلطان يمشي بتجاه علاقة الملابس وبجمود :جيبي لي اكل لهنا
ارفعت وحده من حواجبها بغرور ابعدت الحاف عنها وانزلت من السرير ادخلت المطبخ بالجناح دقت للمطبخ الي تحت وانتظرتهم يجهزون ويرقونه لفوق اجلست على طاولة المطبخ تنهدت بتعب حسيت بخوف منه صرت اخاف من الي المفروض اعتبره زوجي يامحق زووواج حست بحزن يكتم انفاسها اسمعت دق باب الجناح وراحت له افتحت الباب خذته من الخادمه وراحت لطاولة الغرفه حطتها عليه ولفت تطلع
سلطان واقف ويسكر ازرار قميصه:شيليه حطيه بالبلكونه
ارجعت ثانيه مره شالته وحطته بطاولة البلكونه
سلطان يجلس على الكرسي:هاتي لي عصير مانجاا
اطلعت بهدؤ كلمت المطبخ ورقو لها عصير خذته واتجهت له حطته على الطااوله ولفت منه
سلطان :جيبي لي جوالي
ناظرته شوي ولفت تناظر الحجره تلفتت مالقته خذت نفس وقربت منه:مالقيته
سلطان يحرك الملعقه في الشوربه بسرحان تنفست وتكلمت:مالقيت تلفوووونك
سلطان ياشر بيده وراءه بدون لايلف:بمخباة الثوب..
راحت لثوبه المعلق بالعلاقه وقفت عنده ريحة عطره هاااديه ورايقه مدت يدها لمخباته لقت اثنين لفت له
الهنوف تاشر له باثنين:ايهم هذا ولاهذا
سطان يلف براسه لها:جيبهن الثنين
مشت وحطته قدامه على الطاوله
سلطان:رجعي هذا
ناظرته بغيض ليش ماقالي وانا هناك خذت الجواال حطته على التسريحه وارجعت تنسدح هالمره بغطي راسي حتى لو مايجيني نفس
غمضت اعيونها بقوه بيجي النوم غصب عنه ..
وقف عند راسهاوبهدؤ:قومي شيلي الاكل
افتحت عيونها بقهر اوووف .. ابعدت الحاف وقامت بدون لاتلف له راحت للاكل شالته وحطته بالمطبخ تنفست بهدؤ يأمر وبالي يسوي ناسي امسحت اعيونها بقووه وادخلت الحجره شافته مانام ومتربع جنب الخزنه وحوله اوراق
راحت لمكانها وانسدحت ولفت عليها الحاف
سلطان:الجوال الي فوق التسريحه رجعيه لمكانه الاصلي
الهنوف بعناد :بس انا برقد خلااص
سلطان بجمووود:قووومي
ابعدت الحاف بقووه وازفرت بغيض راحت للجوال خذته بقوه من التسريحه طااار من يدها وطاح على السراميك تحت العلاق
حطت يدها على فمها بشهقه لفت له اتناظره بخوف عبس بوجهه وقف وجااهء بعقدت حاااجب وضيقه
الهنوف بخوف بكت وبقهر:واالله مادريت.. لاتقول قصدتس
سلطان يبعدها من طريقه بقوه ويروح للجوال خذاه وهي تناظره يتفحصه بيده ولف لها
سلطان بستهزاء يرفعه بوجهها :الشاشه انكسرت يعني احترق
الهنوف بنبره متوتر ووجله ودموعها تبرق بعيونها:تقدر تاخذ غيره
سلطان يقرب منها حست بقلبها تزيد دقاته وشكلها بين ايديه تحت الغساله ينعاد قدامها اجلست ويديها على وجهها تصيح:بعطيك جووالي
وقف عندها بتوتر سحبها من يدها ومشاها قدامه بيده وتركها وبهدؤ:روحي ارقدي ..
ماناظرت جهته وراحت على طوول لمكانها تنام انسدحت وراسها تغطيه بين المخدات طلع للبلكونه اقعدت فتره ودموعها تنزل شمت ريحت دخااان ارفعت راسها من المخده شافته يدخن بسرحااان ارتاحت انه تركها وارجعت تنسدح بعتب من نفسها انها بكت
...
فى بيت بو فهد
منيره تكلم امها :يمه هبه تصيح مدري وش قومها
ام فهد :جيبيها عندي خليني اشوف
لمياء بستهبال :وش بتسوين يمه يعني اسطري ذا البزر وبتسكت تدلع على اهلها من ذلحين عزالله بزرن مهوب هين
ام فهد:استغفري ربتس ..يمكن اخليها تمسي عندتس عشان اشوفها في الصبح
لمياء بنفعال:لا والله وش علي منها مربيه انا
ام فهد تاشر لها تسكت :يوم واحد ماتغاضين
جابتها لهم منيره ولا راحت الابعد العشاء سوت لها ام فهد سعوط وقرت عليها عقب عطتها لمياء بتروح تمسي
خذتها لمياء وهي تحلطم رقتها اسدحتها على السرير وعقب افتحت ثمها تصيح
لمياء بوهقه:ياردي حظي.. دق جوالها خذت الرضعه عطتها اياها وهي ترد
لمياء :هلا فهد
فهد وهو يبعد السماعه من اذنه:يوووووه دفع البلا وش الصعاق
لمياء بقهر:هبه تعبانه
فهد:ههههههه اختي العزيزه ارحمتس صراحه مخلينتس مهزله
لمياء بغيض :اسكت بس ..تخنقتها العبره وصكته في وجهه
جاتها رساله افتحتها (انا مابي زوجه تجيني مكروفه وكانها شغاله دبري نفستس ترى انا غير..زوجتتس الي يدور مصلحتش )
قرتها بقهر وهي تدق بتلفونها

[7btin]

37

فهد:الو
لمياء :ماتستحي بكل شي تعلم والله لاعلم ابوي تشوف
فهد :خخخخخخ هو قسم الي اسمع الصوت صرفي البزر الي معتس
لمياء :مالك دخل والشغاله تاج راسك وراسه صكته وبكت جنب هبه الي ماوقفت تملال وهي تقلب مره تصيح ومره تهداء
.........
فى قصر سلطان
ام سلطان اتناظر الهنوف الي بعيده منهم وصاده بوجهها عن جهتهم هي وسلطان وموضي ورفيف الي تكلم وتغني بصوت عالي وتلون بددفترها
ام سلطان :الهنوف
لفت لها مباشره وعينها في خالتها وببتسامه:لبيه
ام سلطان :تعباانه من كم يوم وانتي وجهتس متغير
الهنوف بحراج وارتباك :شوي ارفعت عيونها فيهم شافته يناظرها بقوه وكان في نظرته تحدي..كملت بتوتر..كان راسي يوجعني الايام الي راحت والحين الحمدلله
موضي:وجع الراس شين يغير حتى النفسيه
الهنوف:صادقه
ام سلطان:تعالي اقربي
قامت الهنوف وراحت لهاا وقفت عندها
ام سلطان:اجلسي عندنا
الهنوف تحس بثقل بعيونها واحساس جامد للي يناظر لقدام وساكت:انااا برقى لفوق عندي شغل
ام سلطان بستغراب من اسلوبها:على راحتتس يأمي
سلطان بصرامه:تعالي اجلسي
لفت له شافته يناظرها بعنااد ورافع حاجبه اليسار ناظرته بغرور وراحت جنبه واجلست
مووضي بستغراب ناظرت الهنوف الي كأن الوضع ماعجبها وبالنسبه لاخوها فمعتاده على اسلوبه الصارم:اذا فيه شغل اسمح لها تروح
العنود بهدؤ:لا انا بجلس شغلي يتاجل
سلطان وبصوت قصير يلف لها:هذا اذا كان فيه
اسكتت وعيونها تناظر رفيف
النايفه تنزل الدرج وتتجه للباب وهي لافه لهم:الهنوف تعالي ساعديني برتب حوض الورد
لفت له وهو لف لها وبنظره تساؤل:نعم
ااسكتت وناظرت قدام
النايفه :ياله امشي
سلطان يوقف ويوقفها معه ويده بيدها:الهنوف بتروح معي روحي سويه بلحالتس
اطلعت النايفه لبرى وام سلطان تنفس برتياح وهي تشوفهم يطلعون الدرج سوى
موضي:والله حسبته زعلان
ام سلطان:وهو زعلان بس اطلعو فوق انشالله بترضيه
دخل الجناح وترك يدها وقفت اتناظره الى ان داخل للغرفه افهمت انه مايبيها تطلع مع النايفه ولايقدر يرفض بدون مبرر فخذاها فوق بعيد عن اهله هزت اكتافها بستغراب راحت لغرفة الجلوس وقفت عند حوض السمك واقعدت تفرج عليه
...
فى منزل نوف بنت بو فهد
نووف:امباارك
مبارك يناظر اللاب :اعيونه
نووف:فديت اعيونه..وبزهق..موب صوبي
مبارك يلف لها وببتسامه:لا صوبتتس وش تطلبين
نوووف:يارب يخليك لي ..ابيك تصكر اللاب الحين قاعده بلحالي وانت بس تفرج
مباارك ياشر لهاا:تعالي تعالي شوفي
قربت منه واجلست جنبه
مبااارك:شفتي
نوف اتناظره :وش ذاه
مبااارك:الاسهم يعني شغل
نووف ببتسامه:طيب ...بس ماعلمتني انك انت الي قايل للهنوف عن حملي
مبارك:ان قايل لتس اني حالف ..بس ابد صوتها ماعجبني مزعووجه جداا كانه تبي اتصكره في وجهي
نووف تضحك:عليك تفسير ..كان توها رايحه هاذيك الايام لرجلها اكيد توها ماتعودت عليهم
مبااارك:الله يسعدها...اخوي مطلق قال لخالتي اتخطب له
نوف:زين الله يوفقه اخيرن تحلحل
مباارك:كان عنده امل في اختتس بس الظااهر اغسل يده
نووف برتباك:داريه بس الهنوف علمته انها ماراح توافق عليه
مبارك يتنهد :معليه هذا موضوع انتهى من زمان ...ابتسم له..شوي بطفيه وبجي جهزي عشاء يحبه قلبتس
نووف بحب:من عيوني احلى عشاء..
...
فى قصر سلطان
رفيف تدخل الجناح وتوقف في الوسط بين الردهه والغرفتين وبصوت عالي وطفولي:يالله تجمعوو بقول شي
ابتسمت الهنوف وهي تسمع صوتها احذفت المجله على الطاوله واطلعت لها
الهنوف تمشى لها بخفيف امسكتها بقوووه من ورى:قووووولي
رفيف تضحك:اوووول وين خاااالي
الهنوف تبتسم وتقرب صوبها:موب لازم
سلطان يمسح شعره وببجامة النوم وقف عند باب غرفته:وش تبين
رفيف تروح له وتمد يدها له شالها وحط رجليها حوالين جسمه
رفيف:شفت بابا كلم ماما وقال لها اذا خلصت نفاس بنروح عند جده مريم في الامارات
سلطان يهز راسه ببتسامه:زين الله يسمح دربكم
رفيف تلف للهنوف:وتقول مااما احسن لو تروحون معنا وناخذ الهنوف تشوفها جده
سلطان يناظر الهنوف الي تناظر رفيف استغربت سكوته لفت اتناظره ارتبكت من نظرته المتامله لها لفت راسها لبرى
رفيف تهز خالها:طيب
سلطان ينزلها:لا
رفيف تخصر وتهز نفسها:الهنوف اذا قالت ابغى هي موب انت
سلطان يطق راسها بخفيف:الهنوف حقتي انا موب حقت نفسها لي انا
الهنوف بنرفزه واستهزاء :قول والله
سلطان ببتسامه:والله
ناظرته بقهر ولفت عنه داخله الحجره
سلطان :روحي لماما ياله
اطلعت رفيف ركض لبرى وهو وقف عند باب الغرفه شافها جالسه والمجله بحظنها تناظر غلافها
مشى الى ان وقف عندها حطت المجله على الطاوله قدامها وتكتفت
سلطان يجلس جنبها ويحاوط كتفها بيديه اصلبت ظهرها بتوتر وهو اشر بعيونه للمجله
سلطان:لو كنتي صوره بغلاف المجله وانتي مبتسمه اوحتى معصبه كان تمنيت ان صاحبة الصوره مرتي .. وببتسامه ..مايجي بغلاف المجلات الا المتميزات
الهنوف ترفع وحده من حواجبها بستهزاء واضح:يعني اقول انك معجب
سلطان يهز راسه بتاكيد:بالظبط ..
الهنوف تصد براسها عنه بقرف
سلطان ببتسامه:بس ماراح ارضى اكون من معجبينتس تدرين ليه
اسكتت وهي تسمع له بقهر
امسك لحيها بيديه ولف راسها له وبهدؤ:قولي ليه
الهنوف بستسلام:ليه
سلطان ببتسامه جذابه:لان الادوار بتنعكس وبتصيرين انتي المعجبه
الهنوف ترفع حوواجبها بغيض:اذا انت واثق من نفسك هذا راجع لك لكن توثق لحد اني يمكن اصير بيوم معجبه فيك تبطي..
سلطان يضحك بصوت واطي:يعني تقدرين تقولين هاذي خبرتي في الحياه..
الهنوف بغرور واضح:خبرتك بتخذلك اليوم انا موب مثل الي خذيت منهن تجاربك اذا اعجبن فيك فهذا لصغر عقولهن..وقفت بتروح رص على كتفها رافض قومتها
سلطان ببتسامه واسعه: تبين تروحين لااي مكان وترقدين فيه اليوم وبكره ولمدة اسبوع جاوبيني على اسالتي..؟؟
الهنوف يعني اقدر اروح ارقد بسرير ناصر بلحالي واقدر انام بعمق واتقلب مره يمين مره يسار افرحت ناظرته وهزت راسها بايه
سلطان يحط رجل على رجل ويده ممدوه على المسند:اولن انا مزيون
الهنوف تناظره بسخريه
سلطان بسرعه :هااا الصراحه
الهنوف بعدم اهتمام:ايه
سلطان :وش ايه
الهنوف:ايه مزيون
سلطان ببتسامه:طيب انا عندي فلوس ومركز واماره
الهنوف:ايه
سلطان:اهااا طيب تحسين لو كنت احبتس وانتي تحبيني انتس راح تستمتعين بالحياه معي..؟؟
الهنوف برتباك ارمشت بعيونها وهي تحاول تصد بوجهها عنه
سلطان يرفع يديه:ترى انا اعطي وقت لتفكير اخذي وقتس..
الهنوف تزم شفايفها بقهر وبسرعه:لا
سلطان بهدؤ ووثقل في صوته:هااا قولى الصراحه انا انسان ناضج افهم لاتعكسين بالاجابات..
الهنوف بهدؤ:لوو..لوو..بس ماجربت الحب معك عشان اعطيك اجابه صح
سلطان يعنز يديه على ركبه وبتفكير ورجوله طاغيه:الحب الحب ماج ر ب ت ي ه معي ...بس انا اخاف انه ماتطاوعتس نفستس وتجربينه
الهنوف بعصبيه توقف:يعني حاط نفسك الرجل المثالي واني بحبك غصب عني لا اذا جاوبت عليك موب يعني اني صادقه
سلطان فجاءه:هههههه ...ناظرته بقهر ورصت على اسنانها بغيض
اسكت ومازلت اثر الضحكه واضحه عليه:لاتشككين باجابتس لو ماكانت صح ماقلتيها من البدايه لانها في صالحتس اتطلعين الحقيقه منتي مجبره تكذبين هاذي اجوبتتس وانتي حره فيها
الهنوف:نفسي ماتجبرني على شي مابيه وعلى حبك
سلطان يوقف ويمسك يديها:ماعلينا بس عقب الاجابات هاذي تشوفين اني شخص يستحق الاعجاب؟؟..هاا ترى لازم الاجابه وصريحه ولا زدنا بشروطنا
ناظرته بقهر واثق ذالسخيف وبعدم فهم:وش زدت
سلطان:اذا ماجاوبتي بصدق وحاطه في بالتس اني افهم بمقومات الرجل المميز.. راح اظطر اني امنعتس لاتنزلين تحت تصيرين هنا بس تشوفيني تقومين تحطين لي اكل تأكليني بيدتس اروح لفراشي تبوسيني وتنامين في حظني وهذا كله مافيه رجى ولا دموع..
الهنوف بعدم تصديق وقهر:اصلن انت عارف الاجابه ليه تسال..!!
سلطان ببتسامه مرحه:عشانتس... صعب عليتس اتنفذين الشرروط
الهنوف تنفض يديها من يديه وتبعد عنه ناظرته وببرود: ايه تستحق الاعجاب ...بس انت مثل التحف يتبأهأ صاحبها بشكلها وفي الاخير هي جماااد مهما كان شكلها
سلطان بببتسامه:لازم قبل تقولين هالكلام تحكمين على الانسان من داخل عشان يكون كلامتس صح
الهنوف تنهد من داخلها:انا جاوبت ارضتك الاجابه
سلطان :لا.. مأكن هدفي انتس تقرين بأني مظهر وبس لان هذا انا عارفه موب محتاج تأكدين عليه ..وانت الحين تفلسفين بكلام عن داخلي ...اشر للباب..روحي للمكان الي تبين
نهاية البارت

[7btin]

38
فى قصر سلطان

ابتسمت الهنوف من داخلها عارفه انها اقهرته بتشبيها له بالتحفه ..واضح وضوح الشمس بصوته ازفرت براحه راحت لدولابها خذت بجامه ولفت بتطلع شافته واقف عند باب الغرفه مشت للباب ماتحرك
الهنوف منزله راسها:بطلع
سلطان :المكان الي بتروحين له برى الجناح كله
الهنوف تبلع ريقها بهدؤ:ايه
سلطان ببتسامه سخريه:ماتبين تنفسين حتى الهواء الي اتنفسه
اسكتت وهو بعد من الباب ودخل للداخل واهى اطلعت بسرعه وراحت لغرفة ناصر صكت الباب وقفلته حست بحراره بجسمها اجلست على السرير امسحت وجهها بتعب نفسي خذت نفس اليوم موب طبيعي اكيد صاير لعقله شي كلامه غريب ونبرته غير
انسدحت تفكر بكلامه اقعدت بقهر وبصوت عالي:معجبه فيني وبتحبيني بعد شايف نفسه ازفرت بغيض .. عارف ان كل هالصفات فيه بس يبيني انا الي اعترف عشان يقهرني وانا بكل دلاخه اجاوب تنهدت بحباط حتى اجاباتي لو عكستها بيدري انها خطاء
انسدحت على الفراش بتفكير بتستمتعين بالحياه معي اللحظات القصيره الي عشتها بيطاليا ماتعداء دقايق اوحتى ثواني كلامه الحلو لي قليل نظرات خاطفه ..نظراته اذا روق لو دايم كذا وعن حب اكيد بستمتع وبعد يمكن اعشقه حست بقلبها يرجف وغمضت عيونها بقوه لا لا ماله ربع ساعه من قال تجبرتس نفستس على حبي حطت المخده على راااسها ورصت عليه بقووه
من بكره الصبح قامت بنشاط وهي تحس انها راقده براحه رتبت سرير ناصر ووقفت عند المرايه رتبت شعرها وابتسمت لو عندي قوه كان سالته نفس اسالته اضحكت على نفسها واطلعت برى الغرفه اسرعت ماتبي النايفه تشوفها ادخلت الجناح هااادي خذت نفس وادخلت بالغرفه لف لها شافها وصد يرتب اشماغه توترت من نظرته الخاطفه مرت من جنبه خذت ملابسها وراحت للحمام
.........
فى بيت الراشد
ادخلت على ساره الي تجمع الملابس الي شرتها وتحطه بالشنطه بكره بيوديها راشد للقريه
نوره بحزن:ساره
لفت لها :لبيه
بكت وهي تحط يدها على وجهها
ساره تنهدت :مارضى
نوره تهز راسها :لا مو معطيني وجهه ابد يدخل يرقد ويطلع حتى السالفه عقب الشين تطلع منه
ساره بتردد: طيب تاسفي منه
ناظرت فيها نوره هزت راسها وهي تمسح ادموعها اطلعت وهو يرقى الدرج
راشد بجديه :ساره خلصت
نوره تنزل راسها :توها ترفع ملابسها واغراضها
تعداها راشد ودخل حجرتهم الحقته افتحت الباب ووقفت عنده
جالس على السرير ومعه الجوال بصوت عالي شوي :صكي الباب ...
تخنقتها العبره ادخلت وصكت الباب
راشد بغيض:قلت فارقي وصكي الباب
نوره بتردد:بس هذي حجرتي بعد
طنشها راشد واتصل على جواله تكلم وهي تسمعه بحرقه
راشد :الي تبيه انا حاضر فيها ... ايه عازمني على بنته وعيت عشان كذا متسلط علي
قامت واجلست جنبه على السرير ناظرها بستهزاء وكمل كلامه انغزها قلبها بقوه من حركته
راشد بهدؤ:اذا اصر بسوي الي يبي ماعندي مشكله ... وببرود اهلي ماعليك منهم عارفين وضعي ..مع السلامه
قام فسخ اشماغه الحقته امسكته من كم يده
نوره بندم :كل هذا زعل عشان كلمه
سحب يده منها بقوه وهو يناظره بحقد:الكلمه طالعه من قلب وانتي اخبر بالي في قلبتس وانا بعد عارفه
نوره مافهمت وهي ترفع حواجبها :وش الي ..
راشد :خلاص ماتسكتين ..ترى ابلشتيني
لفت منه اطلعت برى الحجره وراحت لساره
ساره براعه من الي فتح الباب بقوه
نوره بصياح :وش الي قلبه فجاءه مايسوى علي زلة السان ..قال لتس شي ساره ترى ترى اكيد تعرفين..؟؟
ساره بتوهيقه: اساليه انا يانوره ماخذه عهد مادخل بحياتكم ولا اسبب اي احراج بروح بكره ... لكل بيت مشكله وهذا بيتتس
نوره تمسح ادموعها :بنام عندتس انتي بتروحين بكره
ساره بصدمه:لا اخاف تزيدين الطين بله
نوره بعدم فهم:ليه ابي اسهر معتس بعدين هو مايبيني
ساره ماتدري وش تسوي :خلاص حياتس الله
من بكره الصبح اطلعت ساره لراشد ونوره نايمه بالحجره اسرحو مبكر
ام راشد:الله يحفظكم ..في امان الله
راشد حب راسها مع السلامه
ضمتها ساره :ادعي لي يمه بالليل يسهل ربي دربي
ام راشد:ادعي لتس كل ليل ماهوب بس ليله
اركبو ومشو وراشد داق الطمه وسرحان
ساره بتردد:راشد وش الي مزعلك على نوره كل ذالزعل علمني ونا اختك مابين الاخوان سر يخاف ينتشر
ساكت ويديه حاطها على الركسون ومتقدم بجسمه
ساره :نوره مارقدت امس ولا خلتني ارقد تقلب على فراشها واسمع صوت ابكاها ماتبيها ارحمها
راشد بقرف:ذلحين هي ضايقه من ضيقتي
ساره بصدمه :راشد وش فيك في شي ماعرفه
راشد :انا داري انها ماتبيني ومغصوبه علي كل ذاه قاله لي مفلح وهو على وجهه وانا مثله قلت يمكن لا خذيتها ترضى وتقبلني ...وبقهر ولا ازيدتس من الشعر بيت حبيتها من قلب ماتوقعتها بتسكنه ولا فيه احد بياخذه غيره علمتها اني داري برفضها وقالت رفضي مالها داعي كنت خايفه بس... ولا هاوشتها بالعكس قلت لها اخذي راحتتس لين تعودين علي بس ذلحين ..كان منفعل وهو يتكلم اسكت وهو يتلفت بتوتر
ساره بهدؤ: انت وقلبك اخبر بقلبها
فك راشد اشماغه وانسفه ويده ماحركه من الدركسون

.................
فى قصر سلطان

الهنوف بزهق تلفتت بالصاله فاضيه مافيها احد ام سلطان رايحه لموعد بالمستشفى بالرياض وموضي داخله تقيل هي وولدها
خذت جووالها ودقت عليها:النايفه مانزلتي
النايفه بنعاس:امس مانمت زين وحاسه راسي يوجعني باكل حبوب وبنام
الهنوف :سلامتس ...انا بطلع برى
النايفه :لو فيني حيل جيتتس
الهنوف:معليه اذا جاء العصر انشالله تطيبين ...صكته واطلعت لبرى لفت بنظرها بالحديقه البديعه كانها مزارع مشت باسيابها شافت حوض النايفه معبى ورد اجذبتها الوانها راحت ووقفت عنده ودي اقطف ورده بس اخاف النايفه عادتهم اضحكت بخفيف وارفعت راسها
عضت شفايفها برتباك وهي تشوفه جالس بكراسي عند المسبح يكلم باالجوال وعينه عليها حطت نفسها عادي ولفت تمشي بعيد عنه ادخلت بين الشجر بعد ماشافت انه صار بالماكن الي جنبها بدون لايشوفها هدت نفسها اجلست على الكراسي المتفرقه هدا الجو وسكن الهوا اسمعت صوته الهادي يكلم جاءها فضول تسمع كلامه قامت مشت الى ان صارت وراهء وقريب منه بينهم اشجار صغيره اجلست عندها وتخبت
سلطان يتنهد بملل:والمطلوب
ريم:انا ذاك اليوم قلت لامي وهي تقول بتوقف في صفك وبتساعدك
سلطان يقدم نفسه على الطاوله وبسخريه:لااا تدرين كم صارت عليها السالفه
ريم ارتبكت واسكتت
سلطان:خمس تعش سنه كنت توني بدخل الجامعه ...وببروود انتي ياترى كم كان عمرتس
ريم:سبع تعش سنه
سلطان:وانا كنت مررراهق ابي احد يساعدني احقق حلمي وادرس برى
ريم:بس انا ساعدتك
سلطان :وش سويتي ..؟؟
ريم بتوتر ورجى:والله ياسلطان اني مابيك تسافر مابيك تبعد عني
سلطان ببرود:بس انا كنت امثل عليتس ..
ريم بستغراب:وش تمثل
سلطان بثقه:ايه ماكنت احبتس ولا اميل لتس
ريم بصدمه وقهر :ماصدقك
سلطان بهدؤ:لا صدقي كنت ابي مساعده بسيطه منتس تقنعين ابوتس يقنع ابوي يخليني ادرس برى ..بس ماشفت منتس فايده فطلعت منها
ريم بتذكر عقب مارفض ابوه سفره شافت خمول منه في طلب مكالمتها الى ان تخرج من الجامعه وطنشهم كلهم وراح معاد شافته مع انها تتصل
سلطان:تبين شي داقه
ريم تنفس بقهر :لا بس انا ماعرست انتظرك
سلطان برفعه حاجب واستهزاء:وش تنتظرين..!! استحي على وجهتس لو كنت احبتس ماخطبتس كيف وانتي موب في خاطري
الهنوف تبتسم على رده ياهو فشلها
ريم بقهر:روحت عمري عليك
سلطان :تبين تقنعيني ان عمرتس اثنين وثلاثنين وتنتظريني للحين
ريم :تزوجت بس ماقدرت اصبر وشفني خلصت نفسي عشانك
سلطان بزهق صكه في وجهها وقفله
تعنزت الهنوف على الشجره وهي تناظره بشرود قام وراح يمشي بعيد عنها

.......
فى قصر ابو سلطان

ابو سلطان:انت متااكد
سعوود:ايه يبه ماقبلتني
ابو سلطان بدون اهتمام:دبر نفسك مالي دخل لابواسطه ولا شي
سعود بأمل:يبه كلم سلطان يخليهم يدرسوني بنفس جامعة نوااف نواف كلمني يقول انه له صداقه بمدير الجامعه
ابو سلطان:مراح يطييعني قل لسلمان يسمع لامره شوي
سعود بقهر:وليه انت موب ابوه ولك حق
ابو سلطان بشرود:ليتني قدرت ذالابوه كان انا بافضل حال الحين
بندر يدخل عليهم بالمكتب وبضيقه اجلس على الكنب:سلطان ناوي يدخل علينا بمشروع الاسطبلات
ابو سلطان يلف له وبتساؤل:ليه
بندر بقهر:يبي يحوش على كل شي بس هين انا وراءه
ابو سلطان بستهزاء:ورني وش بتسوي
بندر :وشو شايف حاله عليه حتى ماعطاني كلمه قايل لاخوه
ابو سلطان:الاسطبل بينك وبين نواف بالنص عطا اخوه يكفي
بندر بصوت عالي:بس هو مايطلب يامر ..انا برفض
سعووود:خله الى ان يدخلني بالجامعه
بندر بقرف:وانت مصدق ان احد بيقبلك
ابو سلطان:وش فيها نسبته زينه
بندر:65 زينه
سعود بتفكير: يوم جاء سلطان اليوم لرياض علمته ان نسبتي 65شفت بوجهه الفرحه
ابو سلطان : رجال قد الشيب ينعد فيه وتحسبه بيفكر فيك ونسبتك
سعود:هذ الي حسيته
.........

فى قصر سلطان
مر اليوم كله بهدؤ وبدون لا تشوف احد من العايله حتى العشاء ماكان فيه احد حست بملل عنيف هي تدور بالبيت الشي الوحيد الي افرحت فيه عدم وجوده هناه
راحت لغرفة النايفه ناويه تقومها يكفي من الصبح مانزلت طقت الباب ودخلت شافتها شبه راقده
الهنوف:انتي طيبه
النايفه بتعب:اشوي راسي يوجعني
الهنوف:انا ادلكه لتس... اجلست عند سريرها وارفعت راس النايفه وحطته بحظنها
النايفه:احسه ثقيل
الهنوف تدلكه بشويش:انتي غمضي عشان يدخلتس النوم وتقومين مرتاحه
هزت النايفه راسها دق جوالها خذته الهنوف قرت المتصل ابوي الغالي ومدت لها
النايفه :من هو
الهنوف:ابوتس
خذته النايفه وردت:هلا والله
سلطان:وينها الهنوف
النايفه:عندي
سلطان:طيب ..صكه والنايفه تلف للهنوف
النايفه:سلطان يسال عنتس
الهنوف:هو الي متصل
النايفه بحراج:ايه..
فتح الباب ووقف عنده لفن للباب صدت منه الهنوف وابعدت يدها عن راس النايفه
سلطان يقرب منهن ويجلس جنب الهنوف على السرير ويده على خد النايفه
سلطان بهتمام:وش فيتس كأنتس تعبانه
النايفه :شوي بس وبيروح
سلطان:اذا حسيتي بحراره حطي خبر عند امي على طول ..اذا جاتتس ثقيله
النايفه توخر يده من خدها وبحنان:حتى انت تثقل عليك لااعاديك .. روحو لجناحكم اخاف يجيك مني شي
سلطان يبوس خدها:انا بروح الهنوف تجلس عندتس
الهنوف بفرحه انها بتجلس عندها:تبشر انا عندها للصبح
سلطان يوقف:الله يعطيتس العافيه..تصبحوون على خير
النايفه:وانت من هله
طلع وصك الباب

[7btin]

39
الهنوف تبتسم:انشالله انتس وجه خير
النايفه تضغط راسها:ليه
الهنوف:بس احساسي يقولي كذا ..اضحكت لها وتنهدت براحه اليوم من ضمن الهديه وباقي اربع ايام من الاسبوع وارجع انام هناك قامت رايحه لتسريحه وطلعت منها احبوب فيفادول عطتها اياها كلت النايفه بدون تردد وغمضت عيونها
النايفه:امي وينها وموضي
الهنوف: موضي الظاهر طالعه للملحق الي برى من عصر للحين رجلها سمعته انه هنا وامتس راحت لموعدها والحين الساعه عشر ماجات
النايفه:غريبه دقي عليها
الهنوف:ماترد
النايفه براحه وتاكيد:اكيد سلطان داري والا كان سال عنها
الهنوف تهز اكتافها وتروح للكنب شافت النايفه باديه ترقد خذت نفس واطلعت لغرفة ناصر جابت منه المخده والحاف ادخلت لغرفة النايفه حطته على الكنب ونامت على طول
موضي تدخل البيت وماسكه رفيف والشغاله تشيل ولدها
جالس بالصاله ويناظرهم بملل:مبطي ماشفتيه
موضي:ههههههه قد لي نص الشهر
سلطان :لا اجل معذوره
موضي تقدم له:ليش جالس هنا
سلطان :فاضي
موضي:وينها الهنوف
سلطان:عند النايفه تعبانه شوي
موضي بضيقه:لا برقى انا لها وبطلع لك الهنوف
سلطان بهدؤ:كيفتس
رقت موضي بعد ماوصت الشغاله على اعيالها ادخلت للحجره شافتهن راقدات راحت للهنوف ارفعت عنها الحاف نايمه براحه
موضي تهزها:الهنووووف
افتحت عيونها بنعاس:هلا
موضي:روحي لغرفتس انا بجلس عند النايفه ,,تعبناتس معنا
الهنوف تجلس بسرعه:لا لاتعب ولا شي انا ودي
موضي تهز راسها بنفي وتجلس على الكنبه:لا المفروض ان النايفه ارفضت الله يهديها
الهنوف برجى:لا والله انه عادي
موضي :فديتتس ماقصرتي سلطان بلحاله برى اطلعي له اخذو على الجلسه مع بعض اكثر عشان تنبسطين شكلتس ماتأقلمتي معه
الهنوف تناظر موضي الي عارفه بوضعها وبحباط:الحين قده اليل اكيد راقد
موضي:لا بالصاله الي تحت روحي له
هزت راسها وطلعت شافت بجامتها حرير اسود صكت الباب وراها واتجهت لغرفتها تبيني اروح له ياموضي هذا لوني مشتاقه له طنشت امر موضي ودخلت لغرفة الكنب ونامت فيها
تثاوبت بنعاس قومتني الله يصلحها ادخلت تحت الحاف الخفيف ونامت
من بكره الصبح قامت بدري مافيه اي اثر له حست براحه امس واليوم احس اني حره ماجلست بلحالنا صدق انه ضغط علي وعلى مشاعري البست بنطلون ابيض واسع وبلوزه حرير بحريه ضيقه بمحزم على الخصر ابيض لفت شعرها بطريقه حلوه ونزلت خصل خفيفه حطت روج وردي فاتح وبس وانزلت تحت
شافتهم بالصاله مع ان الساعه ثمان وبدري انزلت الدرج مع دخول سلطان من الباب الرئيسي ابعدت نظرها عنه بسرعه وهي تشوفه منزل راسه ماشافها اسرعت بنزول الدرجات قبل يشوفها تحس بالخجل منه والاحراج خاصه اذا كان هادي او مع الناس
رفع راسه وهي تنزل اخر درجه ابتسم بنعومه لشكلها الصباحي الحلووو توجه لها قبل تأصل الصاله الي فيها اهله شافته جاي لها وقفت وعبست بوجهه بدون شعور
سلطان يحط يديه على خصرها :اوووف ليه التعبيسه
صدت براسها عنه واسكتت
سلطان يبوس خدها:وين نمتي امس
الهنوف:في غرفتنا
سلطان بتفكير:غرفتنا.. ناظرها ..يعني طلعتي من غرفة النايفه
الهنوف:طلعتني موضي
سلطان:ليش ماجيتيني تحت
الهنوف تناظره بقوه:مابي اجيك
سلطان ببتسامه:طيب لاتزعلين..بعد منها فاتح لها المجال تروح..
ارتبكت من ابتسامته وابعدت منه وبألم من داخلها مابيه مابيه ليش تربكني نظراته شافتهم نزلو روسهم عقب ماشافوها جايه لهم اجلست بهدؤ وبدون اي كلمه
ام سلطان:افطرتي
الهنوف:ماحب الفطور ماشتهيه
موضي:لازم تفطرين
الهنوف ترفع راسها لهم وبطيبه:احد بيفطر معي
ام سلطان:ايه انا
الهنوف ببتسامه:طيب خلاص اشتهيته
ام سلطان ببتسامه:اجل توكلنا على الله بسم الله ..قامت معها للفطور علشان خاطر خالتها
افطرت مجبره نفسها على الاكل مالها نفس فيه ابد
الخادمه صفيه:ست مهره الانسه النايفه بدها اياكي فوق
ام سلطان توقف:زين تعالي معي
صفيه:حاضر مدام
الهنوف توقف مع ام سلطان :وش فيها تعبانه للحين
موضي تقرب منهن وبنغزه :خلتتس تطلعين تروحين لسلطان فمارحتي له عشان كذا مادريتي ان حنى جبنا لها الطبيبه باليل
الهنوف بحراج:كنت نعسانه ..انا برقى لها..مشت عنهن بسرعه وهي تحس بالفشله من موضي انها اعرفت ادخلت على النايفه الي جالسه ترجع في الحمام ادخلت عليها
الهنوف برحمه:حاولي تمسكين نفستس عشان ماتعورتس
النايفه بتتعب:ماقدر ..وينها امي
ادخلت ام سلطان وراها موضي
صفيه:انا كلمت الطبيبه تحضر سواني بس وتجي..
ابعدت الهنوف عنهم ووقفت عند الباب ادخلت الطبيبه وفضلت انها تطلع مره وحده متجه لصاله الي فوق اجلست فيها تناظر غرفة النايفه المسكره
لفت لصوت باب جناحهم الي انفتح شافته طالع ماناظرها ونزل لتحت تنهدت براحه انه راح تاخرو داخل فراحت لحجرتها شافت لابه على الطاوله ترددت تاخذه بس راح اذا طلع معاد يجي الامتاخر خذته حطت ايميلها وادخلت عليه رسايل من صديقاتها وصور حفلة التخرج الي ماحضرته طاولات المعازيم والورود خذاها الوقت وهي تحس بفرحه لطاري النعيريه واهلها

...
فى بيت الجوهرة عمة سلطان
خلوود:ماما
الجوهره:ايوى
خلود برجى:ماما انا بروح لنايفه
الجوهره تناظرها بستهزاء:وش تبين فيهم
خلود بزهق:ابي اروح اشوف زوجة سلطان والله مو متصوره انه من صدق تزوج وعارف اني انتظره
الجوهره :مايحتاج تروحين اتشوفينها حلوووه وجميله ماراح تستفيدين شي
خلوود بقهر:ابي اشوفها مراح ارتاح وانا احس كاني الاطرش بالزفه
الجوهره بملل:الحين انتي ولا ريم الي تطلقت وتنتظر كلمه منه
خلود بغيض:مره كبيره 32 وانا اناسبه
الجوهره بعدم اهتمام:تبين اتروحين روحي لاانتي ولا ريم الي بتاخذه لاتهوجسين مره
خلوود:على الاقل بشوف وش وضعه معها

......
فى قصر سلطان
مر اليوم واليله بسرعه مره تروح لنايفه النايمه ومره تنزل تحت
ام سلطان:انا بروح انام
موضي تنهد بتعب:وانا بعد ...علت صوتها تنادي شغالتها ويلااااا
ويلاا:ايو مدام
موضي:اخذي رفيف شوفيها نايمه فوق
راحت الشغاله وموضي تلف للهنوف
موضي:مراح تنامين
الهنوف:شوي مافيني نوم بطلع برى
موضي:براحتتس
راحت موضي والهنوف اطلعت برى شافت الجو هادي ومظلم بعض الشي فقررت ترجع ماتكمل راحت لغرفتها تذكرت اليوم الي يسالها عن نفسه ويمكن انعجب فيها فاسرعت بسرعه للحمام تروشت البست بجامتها ودخلت بغرفة الجلوس
اليوم الثاني قامت متاخر بعد مادخلت بفراشها اقعدت طول اليل واعيه ماغفت عينها مع انها منسدحه وتغصب النوم شافت الساعه 12 قامت ماله اثر بالحجره ماصار نفس اول لازم ينام فيه الحين يوم يومين مايجي مع انها موجود باالنهار البست واقعدت في البلكونه حست بخمول في جسمها وتفكيرها ففضلت ماتنزل وهي موب مشتهيه اتقابل احد
مشى الوقت سريع على غير ماتوقعته بين الجلوس بالبلكونه ومشاهدة التلفزيون صلت العصر شافت جهازه اللاب موجود خذته وراحت لغرفة الجلوس فاتحه ايميلها
ماشافت احد موجود افتحت المستندات فاضي مافيه صور وكل اللاب فاضي مافيه شي حتى سطح الكتب صورة من صور الجهاز الاصليه فيه صكته ورجعته لمكانه
ادخلت النايفه ببتسامه متعبه ووقفت عند الباب
الهنوف بحنان:طبتي
النايفه :الحمدالله بس قلت الحين جالسه بلحالها وابي اروح لها
الهنوف تقرب منها ماسكه يديها وجلست معها على الكنب:ماحبيت اجيتس وانتي تعبانه التعبان مايبي احد
النايفه :دريت انتس متحسسه من المجي فجيت
الهنوف: فديتتس يابعد عمري ...انا الحين بسوي لتس عصير فرش من يدي وبنطلع برى اوسع لصدرتس
النايفه :طيب ودي اغير جو
سوت العصير وخلت الشغالات يجبوونه برى اجلست على الكراسي مع ظلامت الجو والانوار الي ولعت صمت عم المكان والنايفه سرحانه والهنوف تفكر في اللا شي
اذان المغرب يرتفع لفت الهنوف لنايفه السرحانه
الهنوف:تصلين
النايفه تلف لها:ايه .
الهنوف بتردد:موب طبيعيه اليومين صاير لتس شي
النايفه بهدؤ:لا تعبت والظاهر اني قمت اخبص بالتفكير
الهنوف توقف :انا بصلي ومالي نفس للعشاء برقى فوق
النايفه:بس امي تقول ماتغديتي ولاطلبتي فطور
الهنوف:ماشتهيت شي واذا جعت بجيتس مثل هاذاك اليوم ...ابتسمت لها وراحت
النايفه تنهد بتعب وتناظر بسرحان لفوق
رقت الهنوف لفوق صلت خلت عليه اجلال الصلاه واطلعت للبلكونه تقرى قران
ام سلطان بعصبيه:اكيد انها متضايقه من شي احد قايل لها شي
موضي :يمه الله يهديتس من الي بيقول لها شي اصلن هي تحد احد علي زعالها
ام سلطان تهدى:طيب من امس ماكلت شي والحين ترقى ماكلت
النايفه :اخافها مشتاقه لهلها متعلقه فيهم وكل شوي قايله اني اشتقت لهم وتسولف لي عنهم
ام سلطان بتعب:الله يهديه مايفهمها ويشوف وش تبي
موضي بتفكير اكيد ان الامور بينهم موب صافيه اروحها تجيه بالصاله وتروح ترقد مطنشه ماشوف فيهم عيب عشان مايتاقلمون مع بعض ويفرحون تنهدت ولفت لامها الي تقوم وتتجه لتلفزيون
موضي:برقى لها فوق وانزلها تاكل لها شي
النايفه :لاتروحين اذا بغت جت لاتجبرونها وهي تستحي
ام سلطان :صادقه خليها الله يحفظها والله اني شلت همها وهو مطنشها
صلت العشاء بسرعه شربت مويه وراحت تنسدح بفراشها مثل امس ماشفته اكيد انه جا ء شافني راقده وراح افضل لي اسوي كذا نامت وغطت بلحاف كلها مخليه فتحه صغيره بس لنفس
تنهدت بقلق عاد عسى يجيني النوم انا قايمه متاخر اليوم بس معليه كل شي يهون ولا اني اشوفه هزت راسها بقوه لا مابي افكر كذاا غمضت عيونها بقوه محاوله يجيها النوم
اليوم الثاني صحت بدري تحس براحه وحتى صدرها تحس بنشراح البست فستان قصير لفوق الركبه وشيفون ثقيل رمادي وجزمه واطيه سوادء خلت شعرها مثل ماهو مكسر واطلعت للهنوف
النايفه عند باب الغرفه وتطقه بقوه
افتحت اعيونها بنعاس وهي مازلت على الكنب اجلست بسرعه وهي تسمع صوت النايفه قامت ركض لسرير شافته موب موجود ادخلت تحت الحاف وغمضت عيونها ادخلت النايفه وبصوت عالي
النايفه:قووومي ياكسوله الساعه 11
الهنوف تناظرها بنعاس:تو فيني نوم
النايفه تجلس عندها:والله اذا نزلت بلحالي بتزعل امي وبترقيني لتس مره ثانيه
الهنوف توخر الحاف وتجلس :بنزل شوي ورقى انام
النايفه بستغراب:وش فيتس ماغير خيشة نوم
الهنوف ببتسامه:مدري
النايفه :انا بطلعتس من جوتس تبين تغيير جذري له
الهنوف :انا مستعده
وقفت متوجهه للحمام تروشت البست بنطلون جينز سماوي وبلوزه بيضاء للخصر ارفعت شعرها واحد لفوق وادخلت لنايفه بحجرة الجلوس
الهنوف:ننزل
النايفه تلف لها وببتسامه:ايو لبس مناسب بنلعب تنس
الهنوف تناظر لبس النايفه وببتسامة استغراب:مره قصير وذا شافتس اخوتس
النايفه تضحك:وينتس وينا من يومين مسافر او ثلاث بعد
الهنوف تزم شفايفها بحباط وانا ارقى واجبر نفسي على النوم وكل شوي عيني على الباب ليشوف لابه بحظني ويطلع مسافر تنهدت براحه اهم شي راح
النايفه :ليش مادريتي
الهنوف بهدؤ:لا.. وين سافر برى السعوديه ولا هنا
النايفه:مدري قال لامي بسافر ولاعلمنا وين...ليش ماقالت لتس
الهنوف بتمثيل:اكيد قالي بس انا الي ناسيه ..وبسرعه خلينا ننزل
هزت النايفه راسها بتفهم ونزلو سوى

[7btin]

40
مرت ايام الاسبوع بسرعه تجيهم فيها نسوان حارتهم واحد يصير لام سلطان واحد زاير بس النايفه ماتنزل وموضي مجبره بما ان الزياره لها
العصر عقب ماراحو الحريم
ام سلطان :الهنوف يابعدي نادي لي النايفه
قامت الهنوف بخف:ابشرررري من عيوني دقايق انادي المنخشه
النايفه تطل عليهم فجاءه :المنخشه جات
الهنوف تعود تجلس:وفرتي علي طريق
اجلسن يسولفن دخل عليهم ناصر
ناصر :جايب لكم خبر طازه يروق لذي ..وياشر للنايفه
النايفه تدق ارقبه :ياحظي
الهنوف :ههههههههه
ناصر :كلمني سطام (اخوه من الاب وكبره بسادس) يقول ان ابوي بيكلم سلطان عشان بندر رجلتتس
النايفه منصعقه:امااااانه ناصر تكلم جد
ام سلطان :وش ظنتس ماتبين يدري الاانتي
النايفه تنهد بخوف وتوتر:مابيكم مابي ابي اخذ من برى
موضي بهدؤ:النايفه هدئ اصبري الى ان يجي سلطان وشوفي وش بيصير
النايفه بعناد:حتى لو يجي سلطان ماعلي منه ولو تنطبق السماء على الارض
لفت عنهم وهي تنافخ وطولت على التلفزيون
الهنوف تقرصها مع جنبها بخفيف:لا تسوين مشكله شفتي ولا تنافخين كذا
النايفه : بنافخ لين يخلوني بنفسي
الهنوف بتغير الجو :طولي طولي برقص
النايفه ابتسمت :يالله برقص معتس احب هالاغنيه
طولت عليه النايفه وامها تناظرها بصدمه اضحكت الهنوف بصوت عالي والنايفه وقفت ومدت يدها على الهنوف امسكتها الهنوف ووقفت
ارقصت معها الهنوف ابتسمت ام سلطان وموضي تصفق
موضي :ناصر يالله شوط
ناصر بستبعاد:والله لوتموتين تبيني اقعد ادلي راسي قدامهن
موضي :هههههه
اقربت الهنوف وهي تنزل عند ام سلطان وتدق ارقبها ابتسمت بخجل لدموع ام سلطان ماتدري وش سببها
ام سلطان :عاشن عاشن
اجلست الهنوف والنايفه منسجمه
موضي :ياسلام على الدقه هنوفه
الهنوف بخجل ومبتسمه:احب الرقص ههههههه
ام سلطان :هههههه الي يحب الرقص حظه زين يلقاله شغله يلتهي فيها
انتهت الاغنيه واجلست النايفه
ناصر:هااا روقتي
النايفه تلين ظهرها:وين الراحه وانت ذي اعلومك جعل ماتزين اعلومك
نااصر يناظر الهنوف:الدل زين والشكل زين والرقص زين
الهنوف تضحك بخجل من كلامه الي صدمها وهو بالعمر ذاه
موضي :الهنوف اذا سمحتي تعالي معي شوي..وقامت متجهه للباب
النايفه :ونا اجي
موضي تلف لها بعين قويه اضحكت النايفه ولفت لتلفزيون
قامت الهنوف واطلعت لها
اجلست موضي على كنب بعيد من غرفة الجلوس اشرت له تجلس جنبها الهنوف:أامري
موضي تلف لها وتمسك يدها وبحزن:الهنوف انتي فرحانه عشان سلطان موب موجود؟؟..
نزلت راسها وبهدؤ:موضي فديتتس لاتفاتحيني بمثل ذالمواضيع ...
موضي بصرار:الا وبعلمتس بعد...سلطان زل السانه قدامي وعارفه انه يبي منتس ولد بس وعارفه ان حياتكم تعيسه ..بس هذا مايرضيني
الهنوف بقهر انفلتت:يعني بالله وش اسوي الذنب موب ذنبي انا ..
موضي بحنان:عارفه ...بس حبيت اقولتس شي عن اعيالنا شخصيتهم قويه ويحبون النسوان
الهنوف تخنقتها العبره:داريه...
موضي:تنكرين انتس عشتي معه لحظات حلوه سوى كلممه او نظره
الهنوف بنبره حزينه:وش بتفيدني الحظات او النظره ابي حياه متكامله انا ماعندي نقص..
موضي تلف عنها:اسلوبهم حلو مع الحريم الي يحبونها ومايحبونها
الهنوف تنزل دموعها:اسلوبه قاسي معي
موضي تمسح ظهرها برحمه:طبعه صعب بالعكس يالهنوف يمكن انتي احسن منا لانا مانشوف منه الا الجانب الامر الناهي نادر يمزح معنا بس انتي اكيد بتحسين بحنانه ...في قلبتس له شي
الهنوف : احس بحنانه لحظه وتروح مثل لمح البصر
موضي تكرر سوالها:في قلبتس له شي
الهنوف وقلبها مليان حقد عليه وبهدؤ:ماحبه ..انا اكره اخوتس
ناظرتها موضي بقهر حاولت ماتبينه لها:الى هالحد مافيه حسنه تتدخله قلبتس
لفت لها الهنوف وبقوه:لاتزعلين حسيته في صوتتس بس ترى يبادلني نفس الشعور .. اوعدتس اني اعيش معه واعيشه بهدؤ
موضي بصوت عالي شوي وعتبان وبزجره:لا الهنوف مابي اخوي يعيش كذا حياه بارده يعني ماسوى شي يشفع له عند قلبتس
الهنوف بقلق وخوف لاتقول له موضي انها كلمتني في حياتنا الخاصه وبسرعه: تعامله بعض االاحيان يطفي ناره وانا منيب طماعه اخليه يصير ممتاز في كل شي
موضي بتردد وأمل:اذا راح الكره يجي الحب
الهنوف توقف بسرعه:يمكن يروح الكره بس ماراح يجي الحب ...راحت منها لفوق وموضي تنهد اسلوبها المتناقض شككها فيها

- - - -

مجهز نفسه بكره الجمعه وبيروح لابوه يدرس عندهم لين تجي العطله
ام سلطان :مجهز من وقت كل ذي فازعن تبي اتروح لهم
ناصر:ايه خليتوني اشتهي الدارسه عشان اغير جوء الله يهديكم بس
الهنوف ترفع حواجبها له :ياروحي ياروحي.. مافيه مشكله يداوم ويعود في نفس اليوم
ناصر بضحكه:اثر مرت اخوي شريره..جعلتس منتب امي
الهنوف:امين ههههههه
ناصر:هههههههه بعد ماتبيني اصير ولدتتس
الهنوف تفك شعرها وانسدل بنعومه على وجهها وترجع ترفعها:لا لاتفهمني غلط ابيك بس بحجر لك
ناصر يناظرها ببتسامه وساكت استحت من نظراته وناظرت امه على طول
ام سلطان :ناصر ترى بعد كلامه يمكن تروح وتجي في نفس اليوم
ناصر التفتت لامه وبرجى:تكفييين يمه طالبتس خلوني في حالي انتو وش تبون بي
الهنوف اضحكت وقامت مارتااحت استحت من نظراته ذكرته بنظرات اخوه
ناصر بسرعه :وين وين ..بكره بروح سليني
الهنوف بوهقه :بروح عندي شغل فوق..وبمزح.. تسمح لي
رقت بسرعه وناصر لف على امه
ناصر وهو يحك شعره: من زان وجهه زان دله
ام سلطان :هههههه منتب ناصر الي اخبر ذاك يستحي
ناصر :هههههه المناظر مافيه سحى
ادخلت حجرتها اقعدت على الكنب وبقلق باقي اسبوع بس على امتحاني وهو الى الان مابين
والا اقول لخالتي واروح لا لا طيب بيقولون دقي عليه اخذي رقمه من النايفه وهي ماتدري اوووف يالله وش السواه
صلت العصر وانزلت بتقول لخالتها تشوف لها صرفه
مالقت احد تحت طلت برى مافيه بوووووووووو
الهنوف براعه :جعلتس المرض بتاخذون قلبي انتي واخوتس
النايفه :هههههه وش تدورين كنتس حرامي
الهنوف :ابي خالتي
النايفه تمشي قدامها لبرى:تعالي امي نادوها حريم وفي مجالس الحريم الي برى مع موضي
الهنوف تطق راسها :اييه نسيت الحريم
وقفت النايفه :والله ماتروحين لهم تعالي نجلسس على كراسي الي برى
الهنوف بستسلام: مالي نفس اتزين بعد
اجلسو على كراسي قدامها طاوله مضلله بمظله كبيره وفيه مويه وعصير
النايفه تناظر لبسها لابسه بنطلون كحلي فاتح قماش عادي وبلوزه نفس الشي رقبه بدون اكمام معه شاله مربوط من جانب الرقبه وورى ظهرها
الهنوف :انتو وش فيكم اليوم
النايفه بستغراب:وش فينا
الهنوف تراجعت تقولها عن نظرت ناصر :لا لا مافيه شي
النايفه :مايحتاج تزينين روحي لهم
الهنوف:لا يبون مظهر ثاني غير هذا
النايفه :هذا شاريته من ايطاليه صح
الهنوف:ايه حتى انتي شريت لتس مثله ابيض شكلتس ماشفتيه
النايفه براحه:اشوى عندي نفسه روعه جسمتتس فيه على الطويلات زين..وبتكشيره .. انا قصيره
الهنوف بتقهرها:اي ليه عاد اختتس موضي طويله حتى ناصر ذا البزر اطول منتس
النايفه بصدمه :اتقولينه في وجهي يالعنبوتس ياه..خذت كاس المويه الي قدامها وكبته عليها
الهنوف بشهقه كاستها المويه فاضيه خذت كاس العصير وكبته عليها وهي تضحك
النايفه بصدمه : ماخذه حقتتس ماخذته... قامت تبي تملى كاسها عصير والهنوف قامت بسرعه تنحاش
شافته ملقيهم ظهره رايح للمجالس ماشافهن لفت للنايفه الي جاتها تركض عقب ماملت العصير
الهنوف تضحك وتقفز من الحفر في الارض :سلطااااااااان
لف عليها براسه بس عقب ماشافها وقف ولف بجسمه احذفت نفسها على يده وهي تنخش وراها وماسكه عضده
الهنوف و تطل على النايفه :ترى هي الباديه
النايفه بقهر وصدمه :لا والله شفها كبت العصير علي تخيل عاد عصير
سلطان ببتسامه خفيفه:مشكله كبيره
الهنوف تمسك يده ومازلت ورى ظهره :المس المويه .. مررت يده على جانب شعرها وجهها وبعفويه.. شفت انت
رص على يدها الي في يده تردد يرفعها لفمه ابعد الفكره من راسه وكلم النايفه : وحده بوحده
النايفه بقهر:لا بكب عليها عصير نفسي.. توني مسويه شعري اقربت منهم النايفه
سلطان يمد يده قدامها:لا تكبين يجيني شي وانا بروح للرجاجيل ابطيت عليهم ..انتي اصلن ماسلمتي علي
النايفه بعناد :لا اول بكبه
الهنوف بضحكه :شفت بتكبه علي اذا رحت والله..
التفت عليها ونزل اعيونه لها اضحكت له بعفويه جات عينه على غميزاتها الي واضحه بقوه
ارتبك ولف بسرعه ناظر النايفه مبرطمه وزعلانه لف يده الثانيه من ورى الهنوف وقربها له حتى حس بجسمها على ظهره
النايفه تقرب وبتردد :بكبه
تحركت الهنوف ونخشت وراه اكثر :سلطاااان لاتخليها تكبه ترى هي بتزوج وتروح وتخليك وانا بقعد عندكم
ضحك من خوفها وكلامها عفوي وحلو امسك النايفه من يدها ولف للهنوف :انحاشي وانا بمسكها
لفت بسرعه واركضت ناظر شعرها مختلط مع الشال وهي تعثر وتركض مره ثانيه وتمايل وضحكها ياصل لاذنه ويرن رن
النايفه بغيض :خلاص فكني ..هدها واركضت على طول وراها
تنفس بتوتر وقلق ارتبكت عشانها مزيونه بس هذا قصدي ..لف عليهن واقفه عند الباب الرئيسي حركت حواجبها وبعدين صكته بوجه النايفه افتحته النايفه والحقتها
مسح جبهته وانفخ بقوه يامجرالك ياسلطان لعوزتني وش الدبره مسد صدره بضيقه وجلس على بلوك فيه ورد يلعنك يابليس وتفكيرك الي داخل عرض بحياتي موب وقته .. وقف مبعد عنه الافكار
دخل على الرجاجيل خواله وجماعتهم سلمو عليه وجلس جنب خاله في صدر المجلس
ابو منصور :اربك خلصت
سلطان يحس انه فيه توتر تلخبط وهو يكلم خاله معه ولا هوب معه : ايه خلاص
ابو منصور بتردد:فيك شي ..تنس تعب روح ادخل ماعليك منا
سلطان ببتسامه :لا منيب تعبان
النايفه واقفه عند باب الجناح :افتحي الباب ياهنيفه
الهنوف:لا والله احلفي بس..روحي صلي المغرب ترى اذن ههههه
راحت النايفه وهي تحلطم عليها والهنوف بهدؤ اجلست على السرير وش سويت وش لون تجريت وروحت له اشوى انه مافشلني قدامها وافزع لها او بعد استهزى فيني ارتبكت وهي تذكر شكله هزت راسها احسه ارتبك مني ونا اتقرب والله موب ودي مابيها تكبه علي وانا ماصليت
تنفست بتوتر ابعدت اتفكير فيه وقامت تطلع للبلكونه
.............
عند راشد وساره
قعد راشد عندها اليوم يبي يمسي عندها ولاجاء بكره سرح
ساره :توه ماجاء مدرسات
راشد وهو ينسدح على سريره:هذي مدرستهم من زمان ماهوب جاينتس االابكره
ساره :الله يستر عسى لارحت ماتشبك فيك
راشد:ههههههه وانتي بزر ..اجل بنخش منتس
ساره :تكفى امي ترى بتفقدني اقعدو عنها
راشد لقاها ظهرها :ماعليها شر ماجبت نوره الا عشانها
انسدحت على فراش في الارض مافيه الاسرير واحد احلفت على راشد يرقد عليه وهي تناظر له
تحبه نوره شعورها بس ماتعرف اتعبر عن مشاعرها عسى مايعيفها الله يهديهم
.............

[7btin]

41
فى قصر سلطان
انزلت تعشى معهم والنايفه تخزها بنظرات
الهنوف بدلع:خااااااله شوفيها
موضي :ههههههه اول وحده تبرد حرتي فيها
ام سلطان :وش فيكم
موضي :مترشات بالماء والنايفه مخطيه وزعلالنه بعد ذا الملقوفه
الهنوف :ههههه يابعد عمررري والله
النايفه تستهزي فيها :يابعد عمري... ماخذها االانتي تلزق في سلطان وهو استانس
ام سلطان :خليها تلزق
الهنوف بضحكه تقهر النايفه:هههههههه.. وقفت.. انا اسمحو لي بروح عيونها فيها شر نلتقي بكره انشالله
موضي :ههههههه مع السلامه قفلي الباب
اضحكت الهنوف ورقت
ام سلطان بفرحه:ذا الاسبوع الي راح كله خاطرها منشرح ماشفتها نفس كذا من جاتنا
النايفه بغرور:هذا بفضلي طلعتها من الجو الي فيه
موضي في نفسها ياحسرتي انكنه عشان سلطان ماهوب فيه
النايفه : حتى سلطان تجرئت عليه يوم شافته عادي بالعكس ضمته وتضحك له بعد
ام سلطان برراحه:زيين الحمدالله
موضي وهي تذكر كلامه عنها في ايطاليا :انشالله الله يبدل حاله
اسرعت لجوالها الي يدق وردت بسرعه بصوت فرحان :لبى لبى صوتتس
ام فهد :لبيتس انا وش العلوم
الهنوف :الحمدالله زينه... ترددت تقول لامها انها بتجي ثم يصير شي يردها ..انتو وش اعلومكم
ام فهد:كل شي زين ترى ابوتس يوصيني بالسلام عليس كل مادقيت بس انسى
الهنوف :الله يسلمه ويسلمكم
ام فهد :تبين حاجه ولاشي
الهنوف:لا فديتتس سلامة روحتتس يابعد روحي
ام فهد بشوق: الله يمتعنا بشوفتس بحالن يسر ...مع السلامه
صكته واحذفته وراها بشوق لهلها
واقف عند الباب وبهدؤ:وذا الكلام الزين مالي نصيب فيه
الهنوف برتباك:هاذي امي
سلطان بتغير لسالفه :كبت عليتس العصير
الهنوف ببتسامه حطت يدها على فمها تمنع ضحكه :نحشت فوق اقعدت كل المغرب عند الباب تبيني افتح ...
ناظرها وابتسم براحه:فتحتي
لفت للكنب في الحجره واجلست عليه :لا.. خفت.. ابتسمت بجذابيه وناظرته
ناظرها بجراءه وشغف وصكت اسنانها البيضاء وغميزاتها توضح له ضحك عقب ماشافها تناظره بستغراب وخجل ...
استوعب نفسه:لاااا ماهيب هينه النايفه..
نزلت راسها بخجل منه وصوت ضحكته
سلطان :عاد ترى مارضى فيها
الهنوف ببرائه قلبت اعيونها :ماسويت شي حتى خالتي جاءت في صفي ..الااذا انت ودك تحطني المخطيه هذا شي ثاني..!!
سلطان يناظر في عيونها وبهدؤ:انا شفتتس ونسيت وش انتو فيه
الهنوف برتباك اسكتت مافهمت وش قصده
افسخ شماغه وثوبه وعلقه على الشماعه لف صوبها
سلطان:تبين تفهمين كلامي ..ابهرتيني نسيت حتى نفسي..
حست بالدم يتجمع بوجهها بدون شعور ونزلت راسها
سلطان يجلس على السرير :يالبى الخدود الخجلى... ابتسم واخذ اللاب وحطه بحظنه
قعدت تطالعه والله انتس ياموضي صادقه لوي طيبه ازياده عن الزوم كان حتى بدوامه بروح معه تنهدت بقلق واحباط من حالتها.. حك شعره ابتسامته تزيد وتنقص الى ان اضحك بقوه وهو يرجع راسه لورى
ابتسمت لضحكته ورجع ثاني مره يناظر للاب ويرجع يضحك
الهنوف تناظره بفضول انقهرت تشوفه مندمج ومتحمس وقفت شافته ماشافها وارجعت تجلس بسرعه
سلطان وعينه بشاشة اللاب:ممكن مويه ..رفع راسه لها ..خليه بارده مررره ..
هزت راسها بايه وراحت للمطبخ صبت مويه من البراد واطلعت لبرى مدته لها خذاه دون لايرفع راسه
ترددت تروح وبسرعه وايقت على شاشته بفضول شديد
مسك راسها ولفه صوبها وببتسامه:لاتشوفين
اسحبت نفسها وبهدؤ :بنات يكلمونك ودهن هنا
سلطان وعينه عليها :ايه بنات بيميلي وش فيها ..
الهنوف بستغراب ارفعت حواجبها وبصراحه: مايعرفن ربهن ولا انت غاسلتن يدي منك
سلطان بدون شعور موب غريبه جرائتها :هههههاي ..حط اللاب على السرير وناداها ..تعالي تعالي
ترددت تجلس معه عكفت شفايفها بتفكير .سحب رجليه من المكان الي يأشر عليه ويربعها
سلطان:اجلسي
رطبت شفايفها واجلست لحاجه في نفسها..
سلطان بتفكير وهدؤ:استانستي يوم ابعدت منتس..؟؟
الهنوف بصدق وعيونها مشتته في الحجره :لا موب عشان كذا فتره في حياتي وبتعدي وشو له الزعل بصبر عليها بمرها وحلوها ..وماخفيك بعدك عطاني فرصه اروح عن نفسي..ارفعت راسها له بثقه من كلامها
سلطان : يعني فتره انتي الي قررتيها
الهنوف :لا انت الي قررتها وانا رضيت فيها
سلطان يهز اكتوفه :ماعندي مشكله من ذا الحظه لذيك الحظه الدنيا تدور..
قامت منه وبتردد ارجعت تجلس:انا بقولك شي
سلطان بهدؤ:قولي
الهنوف :انا راسبه عندي مواد حاملتها معي من رابع
سلطان يعبس وجهه بضيقه:طلعتي كسلانه اييه معروف لازم واحد من الزوجين يطلع كسلان ..وبعقدت حاجب ..وش فيتس ماذاكرتي زين
الهنوف بحراج من كلامه:الا والله بس هو الحمار رسبني اسالته صعبه
سلطان بضيقه:لا والله مارسبتس ..هذا عذر الساقط
الهنوف بفشله:صار الي صار ..امتحاني يوم السبت الجاي ..!!
سلطان بصدمه:يوم السبت توتس تكلمين..!! عشان كذا رسبتي ..
الهنوف ببتسامه محرجه:الوقت راح وابي اروح لهلي اغتنم الوقت
سلطان يبتسم بستهزاء :اها كذا يعني..وبرفض قاطع.. الروحه لهلتس منتب رايحه...
الهنوف بقهر ورجى:هاكيف امتحن اصلن كتبي اهناك
سلطان ينسدح وببرود:الكتب بكره عندتس واالامتحان يرسلون اوراقتتس لجامعة الملك سعود على الفاكس وترجع تصحح مره ثانيه..
الهنوف بأخر أمل :منيب ارتاح اذاكر الا في حجرتي
سلطان يخزها بنظره :منتب رايحه لهم.. تبين تذاكرين ذاكري ماتبين اريح..
بوزت وقامت وهو لف يرقد غيرت ملابسها ترددت ترقد على السرير وفي الاخير قررت تحط الامر عادي وتستسلم بدون لاتعقدها
ارقدت بهدؤ ماتبي تطلع صوت افتحت عيونها بشويش راقد بهدؤ دق قلبها بقوه لفت بسرعه شكله مارقد له وقت غمضت اعيونها تحس بالفرحه ماتدري وش مصدرها وبخوف ان مشاعرها تحرك اتجاهه وهو مايستاهل.. خايفه من الحب يذل مايعز..
من صبح قامت ولعاد ارجعت ترقد خذت هم كتبها اطلعت برى ببجامتها وارجعت له راقد وشكل ماله نيه يقوم
دقت على المطبخ الي تحت جاءها الفطور كروسان وعصير برتقال خذتها للبلكونه وهواء الصبح البديع يحرك خصلات شعرها المسترسل على اكتافها..ماشتهت الفطور اشربت شوي من العصير وحطته بجنب الصينيه وتنهدت بتفكير
صفر بعجاب لفت له ببتسامه ناظرت بشعره مبلل حتى رمشه باقي فيه مويه
سلطان :اكيد مالي شي ..اجلس على الكرسي الي بجنبها
خذت الكروسون ومدتها لها : انا مابيها
سلطان :لا لا افطري فطورتس
الهنوف :اخذها ماحب افطر بس هم جابوها ..بنزل اجيب لك كاس ثاني هذا شربت منه
سلطان مد يده للكاس:ماعليه ابي فضلتس
الهنوف بتوتر وخجل باقي اثر الروج فيه:بجيب ثاني انا ابي كاسي..
سلطان يدور بكاسها الى انا جاء اثر الروج حط فمه عليه وشرب وارفع حاجبه لها ببتسامه
نزلت راسها متجاهله حركته الهنوف في نفسها لا لا ليش يسوي كذا كذاب ومخادع بعد..
سلطان والكاس بيده:كلمي اهلتس يحطون الكتب في اي مكتبه معروفه عندكم
الهنوف:طيب ..والامتحان في نفس اليوم الاول..
سلطان :ماتغير شي الا انتس بتمتحنين في الرياض
قام ودخل لداخل ولبس لبسه الرسمي وطلع لفت بكرسيها لجهة غرفتهم وحطت يدها على خدها باسى الحين وش بيصير لحياتي معه من زين اطبوعه احاول اتجاهل الي سوى ..اوووف ..راحت لجوالها ودقت على لمياء وطلبت يحطونها في مكتبه في شارعهم
لمياء بخيبة امل:يووه منتب جايه
الهنوف بحزن :لا والله.. انا حمدت ربي اني رسبت على اني كان بجي عندكم بس الحين !!..
لمياء :طيب والعيد لا تقولين منتب جايه.. رجلتتس ليش مايخليتس تزورينا طيب
الهنوف:لا العيد بيخليني اكيد.. اذا ماجيتكم لو انحاش ويصير الي يصير..
لمياء بتردد:بنروح للبر كلنا لاتقولين له.. اذا درى بيرفض..
الهنوف تنهد بتعب:لازم اقوله منيب مرتاحه..
لمياء :على راحتتس
الهنوف:يالله مع السلامه لاتنسين الاوراق حطيها بعد فيه
لمياء :ابشري مع السلامه
......................
راشد وشقيقته ساره
راشد :اذكري ربتس لا تطلعين في اليل لوان الدنيا تقوم وتقعد
ساره بخوف:ايه ماعليه.. بتمشي الحين
راشد:ايه قدنا ظهر وراي طريق ودوام
ساره :الله يحفظك يمكن يجون باقي المدرسات ذلحين اذا الان فيه وحده
وقف عند باب المدرسه الي افتحها لهم الفراش سلم عليها واطلع
صكت الباب وراحت للحجره الفاضيه تسمع صوت المدرسه في الحجره الثانيه استحت تروح لها
انتفضت بسرعه وقامت ساره بخوف:بسم الله
فاطمه ببسمه:لوني داريه كان روعتش ونا بلى امسلمه
ساره ببتسامه:توني للحين قلبي ينتفض اصبرو علي كمن يوم
فاطمه تجلس متسنده على مخاد في الحجره ومركى:تعالي اجلسي توش جديده صح
ساره :ايه اول مجيي اليوم
فاطمه وهي تحط يدها على فخذها :هااا ارتاحي وانا اختش ..قريه وامنه واهلها طيبين فيه جماعتن يقربون لي
ساره :ليش مارحتي لهم ..يعني تسكنين عندهم
فاطمه:مالي بالسكن معهم بزران وبعاد ماهوب من جماعتي القراب
ساره بمزح:هجل كل البنات مرتاحين هناه
فاطمه:ايه الحمدالله بيجون وبتشوفينهم
ساره براحه:كم وحده تمسي اهناه
فاطمه:مبلى ثنتين ونا ثالثتهن وانتي الرابعه
ساره :يعني كل ثنتين في حجره
فاطمه :ايه انا بجي معش ..وترى نروح ونسير على بعض البيوت يعزمنا حريمهم
ساره :حياتس ربي حي ذا العين انتس معي ..بسوي سواتكن بسير بعد هههههه
فاطمه:هههه سيري عاد لاشافو الزين اسفهونا وحطت يدها على خشمها ودتش مير ماتسيرين معنا
ساره :والله ان فيتس حقتس من الزين ونتس تهبلين ..انتي معرسه
فاطمه :ايه قدني ام بزرين عند امي ومعهم شغاله لعنابيهم اهلهم عيو منهم ...عاد ترى بزران قرادن جعلش ماتجين في طريقهم
ساره :ههههههه
..............
فى بيت الراشد
دقت نوره عليه ابطى مارد خافت الطريق اقطوع وصعب انزلت لعمتها تحت
ام راشد :حيتس جيتي دقي لي على راشد
خذته نوره جوال عمتها ودقت لها وعطتها الجوال
ام راشد بقلق:وينك فيه يابوي
ارفعت راسها بسرعه والدموع تشير بالنزول ساعه مابرد جوالي من الدق وسافهني
ام راشد:والله انك ياولدي مسرع اجل قطعته بلى في ثلاث ساعات
راشد بضيقه:يمه نص ساعه واكون عندكم..
ام راشد تهدي: طيب..ماتشوف شر..
صكه واحذفه جنبه اخليها تروح لهلها اخاف يزعل خالي..توى مالها شهر ماقدر اعيش معها وهي ماتبيني ..اوووف وخالي.. بقوله هي الي ماتبيني..واظهر منه بوجهن ابيض
وانا وش اسوي لا مستحيل اخليها تروح اكيد انها بتعرس لا طلقتها ارتخى في مقعده ونفسه يضيق عليه
ام راشد تلف على نوره :وش في عيونتس حمراء..الله يستر من العدسات يمكنه منها
نوره ببتسامه الم:يمكن ..راشد وينه فيه
ام راشد وهي تنهد:يقول نص ساعه واصل
هزت راسها واسكتت قلبت التلفزيون لعمتها من قناة لقناه
ام راشد بسرعه :رجعي رجعي
نطت نوره براعه:روعتني الله يسامحتس عشان قصيده..
ام راشد:ههههه ..كل ماقدني بسمعها راحت علي
نوره تضحك :علميني باسمها بطلعها من النت
راشد بهدؤ وتعب:السلام عليكم
ام راشد بترحيب:مرحبا ..وعليكم السلام والرحمه... وبحزن.. خليتها ساره
قرب منها حب راسها واجلس جنبها :يمه تبين يعني اعود بها..
ام راشد بدموع:وش تبي بها امحق رغبتن يوم بغتها ...
ناظر نوره هز راسه بمعنى قومي لاأمي وهو قام
قامت نوره بسرعه واجلست جنب عمتها :عمها انا وين رحت..انا معتس كل وقتي
وقف راشد وناظرها بقهر واحتقار ماكانت منتبهه له
ام راشد :فيتس الخير والبركه ارفعت راسها لراشد..تعال وش معجلك
راشد يلف بجسمه ويناظر امها معجلني الي جنبتس:وش تبين ياغلاي
ام راشد:علمني وش مكانها قايل ارتاحت ولا خايفه ..
رجع واجلس من جنبها الثاني علمها بعلوم ساره ومكانه ونوره منزله راسها وعبرتها ترقة وتنزل ماعبرني من جاء حتى بنظره لو ثواني ..
راشد برهاق:سمحتي ياأم راشد
ام راشد:سمحت غصبن علي ....بصلي العشاء وبمسي ترى مالي بالعشاء
نوره بحنان :ليه ياعمه بتعفينه لين تجي ساره مايصلح لازم تاكلين
ام راشد بصدق:ودي اروح ارقد احس ان كبدي لايعه
نوره ببتسامه ناظرها راشد ولف عنها بسرعه :وذا العشاء من الي بياكله لازم تمدين يدتس معنا
ام راشد بستسلام : اجل اصبري لين اصلي
نوره :ابشري
قامت ام راشد واقعدو بلحالهم تغصصت بالعبره وهي تشوفه تعبان وصاد عنها
نوره بتنهاد:تعبان
راشد بهدء:ايه
نوره من قلب وبألم من حالهم:سلامتك من التعب
لف لها ببرود ورجع يصد
نوره بحزن:راشد

نهاريه البارت

[7btin]

::: البارت الثانى والاربعون:::

سكت مارد عليها تكلمت بحسره من حالهم :ليش مارديت علي وانا ادق عليك
راشد :ابيتس ترتاحين ..ماهوب زين التصنع يوجع الواحد..
نوره بالم وهي تعقد حواجبها:اتصنع ماردك ترد علي الا اعتقادك هاذا
راشد يلف لها بقهر :انا ترى نفسي في راس خشمي ..ماحطيتي فيها واحد ثنين دهورتيني
ناظرته بعتب وقامت بسرعه رايحه للمطبخ وهو يتنفس بقهر
ام راشد تجلس:وين نوره
راشد :مادري عنها
ام راشد: انكن به عشاء اغرفوه ودي ارقد
قام رايح للمطبخ وقف عند الباب وهي ملقيته ظهرها وتصيح
راشد ببرود :انكن العشاء زان حطيه
ارتبكت امسحت دموعها ولفت للفرن بدون مايشوفها
وقف شوي وبتردد:وش العشاء
نوره ماقدرت تكلم من العبره وزاد عليها نبرت صوته الهاديه وحسته فيه بشي فاقدته
ابطت وهي ساكته غمض عيونه كاتم غيضه منها وطلع
هدء الجو من عقبه لفت على المغسله غسلت وجهها تنهدت بتشتت اغرفت العشاء واطلعت عليهم
ام راشد :شوفي راشد ياأمي مرني بسرعه ورقى فوق
قامت نوره ورقت له طقت الباب وافتحته بشويش
منسدح بثوبه ومغمض عيونه
نوره بهدؤ:العشاء
راشد :اطلعي وسكري الباب
ناظرته بقهر وصكت الباب بقوه جعلك ماترضى ماسويت شي غير ان قلبي تعلق فيك اذا ضايق من هذا مايمديك
انزلت وعلمت عمتها الي عافت العشاء وراحت لحجرتها غسلت المواعين ورقت لغرفتها
مبدل ملابسه وراقد تروشت البست قميص نومها وارقدت جنبه
حس بريحها يدخل نخاشيش خشمه تنفس بعمق وتنهد لف لها بدون شعور ماقدر يصبر يشوفها
ارفعت نظرها بعفويه فيه
نوره بستغراب:فيه شي
راشد بتوتر قرب منها وضمها بقوه ارتبكت ويدها في حظنه
راشد بالم :مشكله الي يصير
وخرت نفسها منه ارفعت راسها له وبعتب :انت الي حطيتها
راشد :انا الي حطيتها وانتي الي جبتيها واسستيها يابنت خالي
نوره ببكى:ماخبر نفسي سويت شي يحدك للزعل انا المفروض ازعل ونا اسمعك بتعرس علي
راشد بحقد:من حقي اخذ عشر احسن منتس
صاحت بزياده:وش ذنبي علمني لاتخليني اهوجس اليل مايذوق النوم عيني..
راشد بعصبيه :كذابه كذابه ..لو فيس قلب يحب حسيتي بالمشكله دريتي وش هي
نوره بصدق وهي تمسح دموعها: اذا قصدك كلامي الجلف هذا طبعي حتى على اخواني والله ياراشد ..
سكت من قسمها وحس براحه شوي بس مستحيل يقول لها ماتحبيني ..ماتحمل اجبر نفسي عليها انا احبها ومشاعري مابادلتني اياها
لفت عنه وهي تشهق بألم
قرب منها وهو يلف يديه حواليها وخرتها بقسوه وهو معاند
نوره بعصبيه :تبي شي قلت كلامك وقلت كلامي خلاص
راشد تنرفز وقرب منها كثر :لاتزيدين الطين بله
اسكتت بغيض وهي تحرك بكثره تبي تقهره
راشد بصراحه وهدؤ:نوره يرضيتس حالي وانا تعبان ماخليتي النوم يجيني هدت عقب كلامه وحست بالندم طريق وسفر ماهيئت له الجو المريح وابيه يرضى علي لاستقبال بكلام حلو ولاشي
لفت له وبكت :انا اسفه .. انقهرت منك
تركها ولف عنها والارق حارمه لذت النوم
تعلقت اعيونها في ظهره حابسه ادموعها ماقدر اشوفه مجافيني احبه حيل ياويل حالي انا يصير حالي كذا
........................
فى بيت بو مفلح

راجع من الدوام بلبس شرطي المرور حزت العصر صادفه مساعد عند الباب
مفلح يحط يدينه على الباب :وين
مساعد بستهزاء وبحركه كوميديه :يييمه روعتن
مفلح بنفخة ريش وينفض قميصه :اسم الله علي هيبه ... وخر يده ..يالله تسهل مساعد يمر من جنبه لف له بسرعه اسحب كبوس الدوام وانحاش
مفلح يحط يده على راسه وبفجعه:لعنبوك شعري قطعته ناشب فيه الله يبلاك..
مساعد يحرك حواجبه:بكشخ به في البقاله خخخخخ
طلع من باب البيت الرئيسي والحقه مفلح وهو مايدري قرب منه ولفه بقوه له
مساعد بصوت غليظ صرخ
مفلح :ههههاي انشهدن به صوت يوووووه الحمدالله على صوت البلبل
مساعد يتنفس بسرعه:لعنبوك دخل فيني بلى خابرك تبي الفكه مني باي وسيله
امسكه مع يديه وسوى به حركه لوى فيه يده واسدحه في الارض وبستهزاء:تف تف اللهم اني اعوذ بك منه تف تف ..اطلع ياكلب
مساعد بقرف:عشاني منيب قادر عليك..وبقهر.. وخر عني ابمسح اتفالك وقفت عندهم سياره فهد:وش معه يومك وراه اضرب بوري مير اذن حمار ماتسمع
مفلح ياخذا الكبوس ويلبسه عدل وقفته:الحمار انت ..سامعك عارف انك تبي تنبهه علي بس طلعت اسرع منك
فهد :ههههههه
ام فهد تفتح دريشتها وبصوت عالي :قوه ابو سعد
مفلح انصدم من وجدوهم وبفشله:هلا والله الله يقويتس ..رفع نظره وراها شوي المح زول واحد ورى ونزله بسرعه
لمياء برتباك لفت بسرعه عنها وهي تشوفه يوجه لها انظره ابتسمت بعجاب شكله بالبس بجنن ناسبه مرره
مفلح :اقلطو اقلطوو ..اسمحو لي برقد توني مهلز
ام فهد:روح الله يحفظك ويعينك..
دخل مفلح وهو يفسخ كبوسه نزلو حاولت تبين طبيعيه وتبعده من تفكيرها .. تذكرت شكله هزت راسها بقوه حتى وهو يراقب مساعد ويطرحه لو شافته مشاعل وش بتقول ابتسمت بنتصار وهي تذكر شكلها عقب ماعرفت انها خطبني وعلمتها سميره يابعدروحي ياسمووره..
ام مفلح :وش لونتس لمياء
لمياء برتباك:مافيني شي..
ام مفلح تضحك :اقول وش لونتس..
لمياء تضحكت بتوتر :الحمدالله... دايخه مانتبهت ..
..............................
فى قصر سلطان

اقلقت من جلستها الكتب ماجات من صبح الى الحين ماشافته راحت فوق ودقت على النايفه
الهنوف بكذب:النايفه ارسلي رقم سلطان تفرمت جوالي
النايفه :من عيوني ثواني
جاها الرقم احفظته وبرتباك ادق الحين ولا شوي تنفست بقلق ولو انه يشوفني وش بيصير لي
اجمعت شعرها على جنب تنفست بقوه دقت رقمه اسمعت صوت يدق سكرته بسرعه احذفت الجوال وانزلت تحت على طول قبل تسمع صوت الاتصال شافته جالس معهم اشوى اني سكرته
اجلست جنب النايفه من جهة الدريشه وطالع نور الشمس عليها وكانها صوره ناظرته وهو يسولف مع موضي مانتبه لها حركت شفايفها بحباط..
اسكتو ولف للنايفه ناظرها جالسه جنبها
وبدون شعور بصوت فرحان وعجل :هلا وغلا
ابتسمت وعضت شفايفها بسحى الصقت في النايفه احس توني معرسه نظرته لي غير والله غير موب نفس الاوليه
النايفه :هلا وغلا وانا لي ساعه اهناه وسافهني
سلطان ببتسامه هاديه وحلوه :وانتي مثلها...
ابتسمت الهنوف بمجامله تخفي ملامحها الخايفه من اسلوبه وقلبها يرقع كانه يستهزي فيني
كمل كلامه وعينه على النايفه وبهدؤ ولاكأنه كان يضحك:عطيني اسبابتس للرفض
النايفه بقرف :مابي من اعمامي ولا اهلي
سلطان بستهزاء :لاااا ..مره منتب مغيره كلامتس
النايفه :اولن مابي من أهلي وثانين ابي من برى وثالثن..
سلطان بصوت عالي شوي: ماخبرت البنت تنقى واولتس هذا الغيه منتب ماخذه الامن اهلتس وثانيتس حطيه في بطنتس خوالتس منتب تعزينهم اكثر مني ..ونا منب مخفي عليتس اخطبوتس لكن عيت
النايفه بجرائه:ليه مابي اعيش اهناك ..ليش ترفض..
سلطان بعصبيه :ماتبين بندر قوليها بالصريح ..وليش ارفض لعطيتس راي فسأليني
ام سلطان بهدؤ:سلطان يابوي خلها على راحتها
النايفه بدموع:انا قلت لكم لاتعلمونه..بيتحكم على كيفه ويسوي الي يبي..هاذي حياتي وش دخلك فيها..
ارفعت راسها بصدمه من صفعته على وجهها انصدمت الهنوف من ردة فعله وابعدت شوي عنها
سلطان وبتهديد وغيض:مايعلموني انا.. وياشر لنفسه... انا ناوي اخليتس على كيفتس بعد ماتقنعيني باسبابتس للرفض ..لكن الحين يابنت ابوتس من ورى ذاه تاخذينه ابيتي ولا رضيتي ..
ناظرتها ام سلطان بقهر من تهورها وكلامها
حطت يدها على خدها وصاحت وقامت بسرعه رايحه لفوق
جلس مكان النايفه وهو يتنفس بعصبيه حست برعشه من قربه وهو معصب لف لموضي
سلطان بعقدت حواجب:انا مراح افاتحها بالموضوع ثاني مره ..علميها لاتجي لي تعذر مني عقب كلامها خليها تريح وتستريح
ام سلطان بعتب: عاد ترى العرس ماهوب لازم ...
سلطان يبلع ريقها وبتمالك لنفسه:من تبي علموني.. تبي احد حاطته في بالها ..
موضي :لاتفكر كذا هي تبي من خوالي تقول لي مابي اعيش مثل بنات عمي..
سلطان يرفع صوته بقهر:من جدها بتأخذ من الشعب هاذي ماعلمت ولا توها فاتحه عينها...
كانت تبي تقوم منهم الموضوع مايهمها خافت لايشوفها ويقول شي ففضلت الجلوس
عنز ظهره على الكنب لف راسه للهنوف وصد بسرعه توترت وناظرت لهم
ام سلطان :انا بعلمها بكل شي ..توها ماتفهم ولاتحسب لكلامها..
سلطان :لا موب توها بس ما تستاهل الدلع ...وهذا المفروض من اختها الي قدها خابره كل شي..
موضي بصراحه:صادق مانبهناها لهشي ابشر مالك الا من يفهمها
سلطان :جعلتس تسلمين ..اشر للهنوف تصب له ماء..عطيني مويه
قامت بهدؤ صبت له كاس من المويه الي على الطاوله ومدته له
سلطان ببتسامه ويده على الكاس ويدها : سبحان من خلق وفرق
مافهمت كلامه ارتبكت وحركت يدها تبي يهدها ارخى يده من على الكاس وخذاه
اجلست مكانها وازحف صوبها بدون ماينتبهون صدت عنه تحس بحراره من كلامه وقربه لفت له بسرعه وبصوت واطي :مافهمت كلامك
سلطان :ماهوب لازم خليه يروح مثل ماطلع ولاارجع
وقف عند باب الصاله بدون مايشوفونه بسبت الحاجز الخشبي تقرب منهم
نواف ببتسامه وصوت عالي :السلاام عليكم
التفتو له كلهم بسرعه و سلطان حط يده على الهنوف من قدامها ولفها ورى اظهره يغطيها
شافهم نواف وارجع ورى بسرعه :السموحه به احد مادريت عنه
سلطان وهو يهز الهنوف :ارقي فوق ...
رقت بخطوات مستعجله وهو اطلع له برى
سلطان بترحيب وفرحه ضمه:مرحبااااا ...حي ذا العين من شوفك.
نواف بتوتر اضحك:بك اكثر ...وش اعلومك
سلطان ويده على اظهر نواف ادخلو داخل عند اهله الي استقبلوه باالاحضان
ام سلطان تامل وجهه :انت مرتاح
نواف بضحكه :الحمدالله شوفيني قدامتس ...اجلسو للظهر وقامو بعده للمسجد
عند الهنوف الي راحت للنايفه شافتها تصيح على سريرها والمخده على وجهها ارحمتها بقوه يعني بتعاني حتى وهي عندها من يفزع لها
اجلست جنبها :ليش ترفضين يمكن افضل من غيره
مازلت تبكي
الهنوف :نواف اخوتس تحت
قامت النايفه بسرعه :صدق
الهنوف ببتسامه:ايه توه جاي
النايفه بامل:بيقول لنواف يمكن يقنعه
الهنوف :طيب شفتي بندر ..ولا كذا رفض ..
النايفه برتباك وخجل نزلت راسها :اعلمتس بس امانه معتس ليوم الدين لاتعلمين
الهنوف بستغراب:ارقدي وامني .. سرتس في بير
النايفه :انا ابي محمد
الهنوف بصدمه :وش محمد يقرب لتس ولاماتعرفينه ...وبخوف النايفه احذري
النايفه ببكى:الا اعرفه محمد ولد خالتي حصه
الهنوف :اهااا الي معه في القنص
هزت راسها بايه وبكت
ضمتها الهنوف برحمه :ليش اتعلقين نفستس بشي وانتي ماتدرين عنه
النايفه :غصب ابي ابعده عن بالي ماقدرت ..ابي اوافق بس قلبي يعورني الهنوف تحاول تمسك دموعها لاتصيح قدام النايفه قوت نفسها وتكلمت :يعني حبيتيه من بعيد لبعيد
النايفه : يوم سهرت عندهم عزيمت خالي تذكرين .. ارفعت راسها للهنوف ..لاتعلمين سلطان تكفين
الهنوف بعتب :النايفه ماراح اقوله شي
النايفه وهي تسرد قصتها معه
ساهرات في صالة خالها
الجازي :خلن نطلع برى قبل يجي سواقتس الجو روعه
اطلعن واجلسو في حصير برى افرشنه بنات خالها
النايفه بفرحه:اشوى اني جيت والله اني استانست معكم
بندري:وانا اكثر نحسب بتجينا الحين مغروره بعض البنات ماجاو خخخخخخ
النايفه :ههههههه افاااا انتو اهلي بعد ...اصرخت بقوه وهي تمسك رجلها فزن البنات واقربن منها
الجازي بخوف وبسرعه اسحبت النايفه شوي
البندري بصراخ:عقرب

[7btin]

43

البندري بصراخ:عقرب
النايفه تصيح بقوه وبالم.. كلمت البندري محمد الي جاء بسرعه ووقف ورى الجدار
محمد بتوتر :وش عندكم
الجازي :تعال محمد تعال
دخل عليهن وهو منزل راسه
الجازي :النايفه اقرصتها عقرب شف لنا صرفه بسرعه فديتك
محمد :وين العقرب
اشرن له على زاويت البيت حطو عليها سطل راح لها ومعه حذو واحد من البزارين طقهاااا لين اذبحها
امسكت صوتها لايطلع واطلعت منها شهقه قويه
محمد برتباك قرب منها :وين اقرصتتس فيه
النايفه تشهق وتاشر لقدم رجلها
اجلس جنبها نص جلسه امسك قدمها وشاف احمرار جنب اصبعها الصغيره
محمد بهدؤ وهو يحط يده على مكان القرصه :هاذي
ارفعت عيونها فيه يناظرها بدون خجل هزت راسها برتباك
التفت على خواتها :جيبن قماش ولا شي عجلن ..مد كفه لموخرة قدمها ورص عليها
النايفه ببكى :اااه.. ابعدت نفسها منه وبالم.. ودوني للطبيب
محمد بركاده : لا بكلم سلطان لايخاف عليتس
النايفه بسرعه ويدها على كفه الي على ركبته :لا لا طلبتك لايدري والله معاد يخليني اجيكم
ابتسم انتبهت ليدها واسحبتها في حظنها لف للجازي الي جاتهم خذا القماشه وربطها على مكان مسكته للقدم ومسها بقوه
محمد :يالله قومي للمستوصف اقريب.. وقف قومتها الجازي عدلت نفسها وعباتها
لف لها وببتسامه :كلمي السواق يحتريس برى اشوي لاتقولين له انا طلعت
ارفعت عيونها لها دق قلبها بقوه جذاب وحلو وغير عن زوج موضي شايف نفسه ويالله يتكلم ..
راحت معهم البندري للمستوصف ودق جوالها السواق يحتريها برى
النايفه :اشوي بالبس عباتي
صكته ولفت راسها له شافته يناظرها
محمد يضحك:حلو صرفيه شوي ..
حست بالحراره تكتسي جسدها
اسحبو السم الي ماتعمق بفضل الخرقه ورجعو مع الباب الثاني
محمد وهو يوقف عند الباب ويلف راسه لها ورى وباسلوب مزح :لاتقطعينا ترى انا ياخوالتس نحبتس لاتخلينا
النايفه ببتسامه فرحه :طيب..انزلت بسرعه وادخلت اطلعت مع الباب الثاني راكبه مع السواق
اشهقت بخوف وحزن وهي تدفن راسها في حظن الهنوف
الهنوف بالم :ذاك اليوم مأكان في حالتس عشان كذا مادق يدورتس
موضي وهي تدخل الحجره ناظرت في النايفه بعطف واجلست جنبهن
الهنوف:انابروح اسمحو لي
قامت وموضي تكلم النايفه الي رافضه اي كلمه
موضي :ارضي ماراح تاخذين واحد ماهوب من اهلي لوتموتين
النايفه بصياح :طيب سلطان وكلهم ياخذون برى ليه وش معنى احنا
دخل نواف بسرعه وهو مستغرب ومنصدم من شكلها جلس جنبها وضمها بخوف :وش فيتس
النايفه ببكى:نواااااف شف سلطان بيغصبني
ناظر موضي بستفسار
موضي بتنهيدت ملل:بندر ولد عمي متعب خطبها
نواف :ونعم فيه وليش ماتبيه
النايفه وهي تعلق فيه:مابيهم كلهم ..طلبتك كلمه
نواف بحنان :ليه... لازم مستحيل تاخذين من برى انتي قد سمعتي احد من بنات عمتس خذا من برى
دنقت راسها ودموعها تنزل بصمت
وقفها نواف وقامت معه :يالله غسلي وجهتتس ونزلي تحت
طلع منها وهي ادخلت الحمام وصاحت بقوه وراسها على الجدار
ارسلت رساله له تساله عن الكتب اليوم السبت معاد فيه وقت
قرى الرساله (كتبي)حك رقبته وهو يحس بتعب ارسل لها ( دقي لمديرة الخدم توصل لتس الطرد (
دقت على صفيه ورقت لها طرد صغير خذته منها براحه من بكره راح ابدا اذاكر
افتحتها شافت فيها رساله من لمياء تستهبل فيها ونوره قرات حقت لمياء توصيها لاتسقط ثم اتفشل عندهم
ونوره تقول فيها " وش علوم القلب ماتزحزح خخخخخ انا متاكده انتس تبين تساليني انا تزحزح وطاح بعد ههههه
الهنوف السبقه الي يجيب بيبي قبل ههههههه يالله مع السلامه حبي لي خشمه هع"
اضحكت اصفطتها وحطتها في كتابها علوم اجتماعيه اجلست في الحجره بترددت تنزل لهم الين ادخلت عليها النايفه
النايفه بعيون محمره :تنزلين معي مابي انزل بلحالي
الهنوف توقف وبتأكيد :ابشري دقايق بس البست برقعها وجلالها ونزلت معها
شافتهم تحت ومعهم نواف جنب امه ويده في يدها وسلطان في حظنه ولد موضي يلاعبه
الهنوف بخجل :الحمدالله على السلامه ابو نايف
ارفع راسه لها :الله يسلمتس ..وش اخباركم
الهنوف :الحمدالله مانشكي باس
نواف نزل راسه :نحمد الله
اجلست جنب النايفه الي منزله راسها قعدت تسمع لنواف الي يسولف لامه وكل شوي رافع يده يحبها
قام سلطان وقرب منهم كان على الكراسي وهم جالسين على الجلسه الشعبيه جلس على الكرسي القريب منهم
مطنش النايفه الي ارفعت راسها له عقب ماقام قعد يكلم نواف وهي نزلت راسها بسرعه متالمه منه
سلطان بهدؤ:اخبار الشهاده وش التقدير
نواف بندم وتوتر :ماجبتها
اعتدل سلطان في جلسته اعقد حواجبه:وشلون يعني ماجبتها
نواف بفشله:باقي علي مواد راسب فيها بمتحنها عقب ارمضان..
سلطان يوقف بنفعال وبقهر :وطيت راسي قدامهم ... طنشت كلامهم ورفضهم وسفرتك وهاذي النتيجه...!!
التفتت الهنوف على النايفه الي منزله راسها شافت ام سلطان تهز راسها وساكته وموضي تناظرهم بخوف
نواف يوقف وهو مرتبك:هد هد ياسلطان بنجح وبجيبها
سلطان بثوران وعصبيه :تخسي لوانك بتجيبها كان جبتها. هاذي اول اعلومك وش اقول لهم لاقالوو وين الشهاده ..اخوي وضح لكم اني ماعندي سالفه وطلعت الخسران ..
كمل كلامه وهو يقرب من نواف :احد درى
نواف هز راسه وهو منزله بلا
سلطان بغيض ويرص على اسنانه:امش امش الحين تغادر السعوديه..والله والله يانواف ماتمسي فيها ذاليل
ام سلطان بترجى :امتحانه متأخر ورمضان على الابواب خله يتصوم..يروح وش يسوي اهناك
سلطان بعصبيه:يتصوم في قلعت وادرين. اهم شي انه يبعد من وجهي ..
نواف بندم واحباط :انا داري اني غلطان بس ماهوب ودي
سلطان بصوت عالي:وش الي موب ودك كل شي تقدر عليه والي ماتقدر عليها اجيب لك لونه يكلفني ماهوب صح تكلم
نواف بهدؤ:صح
سلطان بحباط وانتقاد :يروحون جاين بشهادات دكتور وطيار ومهندس وانا اخوي ماقدر عليها ...مد يده له بتهديد والله يانواف لو يدري احد انك جيت ان تنسى البيت واهله..
ام سلطان بعتب:وين يروح
لف عنهم سلطان وهو ياخذ جواله
سلطان بسرعه :ابي حجز للندن الحين دبره لي لو تلغي مكان احد فاهم .. سكت شوي الامير نواف بن نايف اتمنى ان الخبر يقعد في بطنك ولا يدريبه احد
صكه ولف له :اهلك وسلمت عليهم ...تجلس اهناك ولا تجي الابالشهاده
نواف بضيقه:تأمر.. وانا اسف على الي حصل.. اتمنى انك بعد تفهمني وظروفي
سلطان صاد عنه: لا مراح افهمك مافيه ظروف تمنعك منها
ام سلطان بضيقه صدر: االا بيفهمك هو شاف الي شفت اهناك غربه ودراسه ..امنعك تجلس عندنا ولا يحس باحد
ناظرها سلطان وصد عنها ببرود
موضي :موب صاير الا خير كلها شهر ويرجع بها اهم شي ماحد يدري
راح نواف لامه حب راسها ويدها وراح لموضي حب راسها ورقى فوق لنايفه الي رقت عقب ماشفتهم محتدين بالنقاش
دنقت راسها بخوف مالومه اذا يستنى الشهاده الي يتمناها واخذله اخوه شي يقهر.. اوووف الحين ادافع عنه لا موب دفاع هذا حقيقه قهر موب عشانه عشان خالتي الزعلانه جادلت نفسها وهي تشوفه عاقد نظيره لقاهم اظهره وهو يطالع التلفزيون
سلم على النايفه وتعذر لها انه مايقدر يقوله شي في الوقت الراهن ولاهوب راضي عليه عشان يسمع منه ابتسمت بالم وهي تودعه
نزل لهم وهو يشوفهم كن على رؤؤسهم الطير راح لامه مره ثانيه ضمها وتوجه لسلطان الي مطنشه ولاقام له حب راسه وطلع برى
ام سلطان تخنقتها العبره :ليه تسوي فيني كذا..الي اطلبه ماتلبيه..
تنهد بتعب وهو يلف ويقوم لها اجلس جنبها وضمه لصدره :يمه ماحطيتي لكلامهم احساب ينتظرون علي الزله ..انا ماسويت الا الي يرفع من شانكم ويعزكم..
موضي :يمه كلها شهر وجاي رافع راس اخوه وراستتس
قام رايح فوق نادته ام سلطان لف لها وهو سااكت
ام سلطان بزعل:اتحرمني من اولدي ياسلطان !!.. طول عمرك قاسي ولاتغفر..
رص على قبضة يده بالم من كلامها:ايه بحرمتس منه
موضي تناظر امها بعتب:سلطان تغداء اول ماتغديت
ناظر لها وهو يرقى :بس جعلني قبلتس ..الهنوف تعالي..
وقفت بقلق وراحت وراءه دخل الغرفه وهي تتبعه انسدح على السرير واشر لها تجي جنبه ارجعت وراء شوي برتباك
سلطان بتعب :تعالي ضميني..انا انسان ابي الراحه مثلكم...سكت اشوي ..انا ما ألبي لها شي..
قربت منه اجلست على السرير وبعدين انسدحت استحت تجيه وتضمه مد يديه لها واشر لها تقرب قربت بطواعيه ويديها على ظهره
ضمها بقوه وهي يتكلم بكلام مافهمته يتكلم بعتب ومره بضيقه يعاتب اسماء ماتعرفها تنفس بعمق وهو يبعد راسه من حظنها ووجهه مسود بتعب وتحس بانفاسه تلفح وجهها حاره
الهنوف بتردد: ااا..ماا ماتبي شي
سلطان بهدؤ هز راسه وهو يرجع لحظنها امسحت على ظهره طرى عليها يوم يقول اقري علي قرت عليها وهي تنفذ على شعره ابتسمت وهي تشوف شعر راسه يتحرك ابتسم وارفع راسه لها
سلطان بدون شعور : شفتي وش سوو بي.. جاء بدون الشهاده كأنه يعاندني والثانيه متعنتره علي تبي تاخذ على ذوقها ..
الهنوف بهدؤ ورحمه:انت اخوهم الكبير هذا مقامك كلهم حتى موضي الي عند رجلها تحتاجك الصبر نهايته زينه ومصير كلن جايك يتعذر منك ماسويت فيهم الشينه..
حط يده على خدها وهو يمسحه وبنظره هاديه :انا اشكرتس على ذا الكلام واهنيتس على عقلتس .. بصبر يالهنوف وانا دايم الي اصبر لاكن الكلام الناصح من رفيقن نحبه يصير غير ..ضمها بهدؤ
ابتسمت بفرحه ودها تضمه ودها تشكرهم كلهم على الي سوووه فيه خلوه يقول لها كلام ياما تمنت تسمعه وبعد رفيقن نحبه دخلت راسها في صدره بدون شعور ضمها بقوه وامسح شعرها بحنان
...............
عند سارة الراشد
داومت اول يوم للمدرسه بناتها شوي متوسط ومدرساتها حبتهم على طول
اطلعو الطالبات بدري وهن راحن للحجر قفلن باب المدرسه وقعدن يتمشن في ساحتها الي كلها صبه اسمنت
ساره بوسعت صدر :كلكم معرسات
منال :انا توني احتري ولد الحلال
منى :انا عندي ولد
ساره :ونا احتري ابو حصان
فاطمه :ههههههههههه
منال بضحك:عسى ماطاح في الطريق ومات
ساره براعه :اهبي هبيتي
فاطمه :اكيد انش مهتويه ابو حصان وش الراعه الي جاتش
ساره ببتسامه :انا مطلقه بس من زمان من قبل الكليه..
منى :اكيد انوه موب اكويس وربي يبي ليك الخيره
ساره :الحمدالله مازعلت ابد من طلاقي
فاطمه :مااريد ازيد عليش بس والله انه خسران وحدتن مثلش
ساره ابتسمت لهن واسكتت
منال :بتروحن للعشاء الي بتسويه ام عوفه
فاطمه :حقن عليش تروحين هذا على احسابنا
ساره :يعني مسويته لكن
فاطمه :ايه حق ..يوم الخميس الي بعد توه بيجي ..وش رايش بتجين
ساره بحيويه:اكيد كني اياش ههههه
فاطمه :والله انه مناسبش الكلام ياحلوه عليش
ساره :ههههههه
.........
فى قصر سلطان
مرت ايام الاسبوع والهنوف تضل بفراشها ممثله النوم وقت الضحى الى ان تشوفه يطلع برى الجناح وتنقز بعدها تذاكر مجبرها نفسها على هالاسلوب المستقل عنه
استغربت من اسلوبه بارد بمعنى الكلمه لا ابتسامه ولا كلمه من بعد هاك اليوم شكله ندم انه فضفض لي .. ابعدته من تفكيرها اليوم الثلاثاء وملت من المذاكره انزلت لهم تحت واقعدت عندهم
ام سلطان :يابنتي انتي ذاكرتي زين
الهنوف :ايه ومليت ياخاله
موضي :والله ماظن كل وقتتس عندنا متى المذاكره الضحى بس ..
الهنوف بملل:ماقدر اذاكر ماعندي صبر لها
النايفه وتاشر لها يدها :كذا الكسلانين مايحبون ياذكرون بس ينجحون وهاذي غريبه..
الهنوف :الكسلانين ماهوب انا
موضي :ههههههه
النايفه :هههههههه وانتي وش
الهنوف وهي تقوم وتمد السانها لا :انا برجع اذاكر
النايفه بصوت عالي تسمعها :بعدي اهنيفه ..
راحت نطت على السرير امسكت كتابها انسدحت على ظهرها وهو في يدها
الهنوف بصوت عالي :من مميزات المجتمع الصالح صلاح ابنائه بالعلم وووو و..بقهر.. مسرع ونسيتها ياويلي توني مذاكرتها
........................
44

سلطان واقف عند الباب ويده عليه وبستهزاء:لان بالتس موب معها من البدايه
اقعدت على حيلها : بالي يجي ويروح.. ابتسمت ونزلت راسها .
سلطان برتباك صد منها وش يصير لي وش تسوي فيني متفقه علي ببتسامتها تنكسني على راسي..تنهد وخذا نفس عميق عبس بوجهه وتقدم منها
قرب منها ووقف عند السرير :منسدحه وتذاكرين
الهنوف يحسبنا مثلهم على كرسي وطاوله : انسدح واقعد اغيرر اجواء المذاكره ماثبت
سلطان وهو يهز راسه لها :ذاكرتي زين ..
الهنوف :انشالله وعلى الله..
سلطان تردد يروح ناظر في الحجره وناظر لها وبسرعه :وش قلتي لرفيف ..؟؟
الهنوف بستغراب :متى..؟؟
سلطان :خلاص ارجعي ذاكري..
الهنوف بفضول :وش تقصد؟؟.. بعدين بذاكر ...
كان بيلف عنها مر السانه على شفايفه وارجع لها:بتقولين لي الحقيقه عدت سؤالي..!!
الهنوف :بقولها يعني وش بقول لرفيف..
اجلس على السرير امسك يديها وهي بعيده منه :كلمتيها في اذنها اول مره اجلست في حظنتس وش قلتي لها..
الهنوف وهي تذكر ارتبكت :قلت اني احبتس..
سلطان بهدؤ:تحبينها وانا ماأحبتس واطقتس وهي ماتحبني.. هذا التكمله صح
نزلت راسها وهي تهزه بايه
سلطان :ماله داعي تقولين كلام مثل هذا لبزر
الهنوف بهدؤ: احب اقول الحقيقه وش اسوي..
سلطان برفعة حاجب :الحقيقه انتس ماتحبيني ..
اسكتت اول ايه بس الحين مدري تنفست وهي ترفع راسها له وبتساول :ماحبك ...طيب انت ماتحبني بعد..
سلطان ببرود:صح ..
انصدمت امسكت نفسها لاتصيح قدامه ابتسمت غصب :خلاص .. لا حبك ولاتحبني وش.. وش ماقدرت تكمل صوتها اختفى هزت اكتافها واسحبت يدها منه
امكست الكتاب انزلت من السرير بسرعه واطلعت ناظر مكانها موب تحبني يعني.. زم شفايفه حلو لا تعلق فيني بسبة اسلوب يظهر غصب عني وانا ماودي اجرحها.. وبتفكير تنهد لاكنها تظهر مالاتخفي..
وقفت في حجرة الجلوس وهي تنفس بسرعه سواله يقصد به شي موب عبث..حياتي صارت ملخبطه دارت بعيونها في الحجر بقلق
...................
فى بيت بو مفلح
ام فهد وهي تلبس عباتها راجعين لبيتهم :وين فهد
ام مفلح :في المجلس عند مساعد بروح اناديه لكم
لمياء :لا اجلسي خاله بروح انا..
اطلعت وراحت لهم بالمجالس الي برى افتحت الباب بقوه وصكته في الجدار
التفتو لها ببرود ناظرو فيها وعودو يلعبون سوني
لمياء برواقه اطق على الباب وبتلحين:سرينا سرينا يالبزارين يالبزراين..
مساعد :والله صوت طقاقه ..
لمياء :ههههههه ..وبتريقه ..بزران وحمير بعد..
فهد :البزر رجلتس..
لمياء بستهزاء وتعود تطق :انشهد انشهد ..هههههه..
قرب منها واصرخ في اذنها :بووووووو
الصقت في الباب براعه وصرخت :يممممممه
مفلح :ههههههه ..مخليه البزارين بتهزون في رجلتس ..
غمضت عيونها بقهر و لفت عنه وهي تناظر فهد يعني قم
مفلح بستهزاء:انشهد انشهد ..شين صوتتس ...
اسفهته ولقته ظهرها راجعه للبيت ابتسم والحقها مسرع بمشيته قبل تدخل قبله نحف نفسه ودخل قبلها قدهاعند الباب تراجعت وهي منصدمه من حركته شوي وتصدمه فيه
مفلح يناظر خالته وبسرعه :خاله استريحو ما جلست ولا سولفت معتس
ام فهد : ياجعلني قبلك ..مرتن ثانيه انشالله
مفلح وهو مبتسم :بصركم اجل...عاد يام فهد عجلو علي بالمره ..وغمز بتجاه لمياء الي وراء امها.. ارفعت عيونها له وارمشت بعيونها بتسبيله ولفت عنه
نزل راسه ببتسامه حلوووه..
ام فهد :ههههه ترى هي تستحي اغميزه منا منا لامن شديتها بيدها..
ام مفلح بهدؤ:الله يكتب لهم الي فيه الخير
سلمو واطلعو منهم لف مفلح لامه :يمه تقولينها من غير نفس وش بلاتس انتي لذلحين وانتي زعلانه منها
ام مفلح بغيض:ايه ترفضك قدامك وقدامي انت ماتحس..
تنفس بقرف لوه في يدي والله مايردها الا صوت راسها في الجدار الكلبه بس ماعليه كل شي بيجي..
سكت وطلع وامه تناظره بقهر
.........................
فى بيت الراشد عند نوره
جالسه بلحالها بملل في الصاله ام راشد مسيره على اهل رجلها وهي من عصر لليل بلحالها
دخل شافها حط يد على خدها ومعها الريموت
تنفس بعمق:السلام
وقفت بسرعه :وعليكم السلام .. وبرتباك.. تبي عشاء
ناظرها شوي وجلس:ايه جيبيه
راحت للمطبخ بفرحه توترت وهي تغرف العشاء وكانه اول مره تغرف او تقدم شي جهزت له وراحت صوبه
حطته قدامه واجلست على الكنب
راشد وعينه على العشاء :تعشي
تناقز قلبها من الفرحه اخفت ابتسامتها واجلست جنبه
ناظرها بقرف وهو يطلع لقمته بفاين وبعصبيه :تستهبلين علي
نوره بخوف:وش فيك
قام وهو متقزز ويمسح فمه: طعمه مثلتس خايس ... موب من قلب شغلتس..!!
ناظرت فيه بصدمه وهو رقى واشماغه بيده اسرحت بعيونها بدون تفكير في اي شي ادخلت عليها ام راشد :السلام عليكم
نوره بصمت وسرحان تحرك ملعقة الشوربه
ام راشد بستغراب:نوره
لفت لها بهدؤ:لبيه
ام راشد :روعتيني .. وين راشد
وقفت ومعها صينية العشاء تكلمت وهي تمشي:فوق
حطتها على درج المطبخ بحزن ناظرت لعشاها ليه وش ذايق فيه..مدت يدها للمكرونه وذاقتها احذفتها في الزباله وهي تسرع للبراده وتشرب مويه نار كله فلفل حطت يدها على فمها وهي تطق فخذها ياويلي يحسبني متقصده..
غسلت المواعين وهي تدور اعذار وكلام خلصت بسرعه ورقت فوق
جالس على السرير وياكل اظافره بتفكير ونهم ...ابلعت ريقها بخوف ترددت وهي تقدم منه وقفت عند راسه
رفع راسه لها وناظرها ارتعشت شفايفها بالم كل كلامها ضاع ناظرت بعيونه
نوره برجفه: ما.. ترى انا.. ذاه.. بكت ويديها على وجهها ماصبرت وهي تناظره مستهزي فيها
راشد :بدى القلب يمل
نوره بصياح وهي تمسك يده الي يعض اظافره:راشد وش الي غيرك علمني بعدها مرخصتن لك الي تبي تسوي بي
ارتبك من بكيها وسحب يده بغيض وهو على جلسته ويهز رجله بتوتر
نوره برجى وبكى :علمني راشد تكلم
قام بسرعه فسخ ثوبه ورجع ينسدح على السرير تلحف وظهره لها
اشهقت بقوه وهي تمسح ادموعها :اقول لبوي اني مابيك اذا ماتبيني ..عشان مايزعل منك..
دق قلبه بقوه وحس بحراره وعرق مستحيل اقول لها لا ومستحيل اكثر اقولها ايه
اركضت للحمام صكته بقوه وهي تصيح مايحبني مايحبني علقني فيه ونساني اقعدت تصيح ماتدري وش الوقت الي راح وهي على هالحاله ارخت نفسها على الارض وعيونها باديه تغفي
ماصبر وصوت صياحها ابعد نوم عنها وقف بتوتر وطق عليها الباب :نوره افتحي ..مايصلح كذا
ناظرت في الباب ببرود ولفت نظرها
طق الباب كم مره ونادها رافضه تستجيب له..
تنهد وهو يعنز جبهته على الباب وبهدؤ :يابعد راشد ..افتحي..
نوره بدموع :وش تبي فيني ..ذليتني من البشر وعزيتك
والمشكلة بقلبي احطك بس قل لقلبي خاب ظنك
تنهد بألم : وش الفايده من كلامتس يانوره وفعلتس غير ..اناديتس وتقفين عني ..وبقهر ..حتى يوم زعلتيني رحتي لساره ورقدتي عندها وانا ارقبتس ليلي كله وين القلب الي تكلمين عنه
حطت يدها على فمها تمنع الشهقه مستحيل يفهم احد داعي علي في حياتي نزلت راسها على ركبها وصاحت
راشد بحنان :اطلعي من الحمام يابعدي
امسحت دموعها ووقفت ابعدت شعرها من وجهها افتحت الباب بقوه عدل وقفته وناظرها
نوره بهدؤ:ابعد بطلع
راشد برقه ويده على لحيها : دموعتس غاليه
ناظرت وصدت بعيونها باس خدها وبعد من الباب راحت للسرير وازحفت لاخر شي وهي تلحف جسمها كله
ابتسم ورجع مكانه دخل في اللحاف كله وصار عيونه تناظرها من تحت اللحاف
راشد :تسمحين لي اقرب
غمضت عيونها بالم: كنت داريه ان قومتك من عقب وانت مطنشني عشان كذا
راشد بدون اهتمام مد يده ليدها ومسكها ويمسحها بهدؤ:انا ابي منتس كل شي ... بس ماقدرت الاعلى ذاه؟! حطها في كفه وغمض عيونه اسحبتها ماسكها بقوه في يده وتحت خده
ابعدت اللحاف عن وجهها وناظرت فيه بقهر
...........................
ذاكرت اليوم بمافيه الكفايه وقفت ومرنت ظهرها التفتت على صوتها الصغير تهبل ذا البنيه شعرها كله كدش خلقه
ابتسمت وراحت لها :هلا رفوف
رفيف:ابوي يقول تعالي تحت
الهنوف بستغراب وضحكه :وش يبي
رفيف :هو يقول نادوها
الهنوف تضحك بقوه:حبيبتي مايصلح بابا يشوفني ..بعدين ربي يزعل..
ناظرتها رفيف برفعت حواجب وبرائه:انتي تشوفينه دايم
امسكتها مع يدها واطلعو برى الجناح وقفت على راس الدرج وطلت عليهم ماشافت احد غريب شافته جالس بكرسي منفرد مسند راسه على المسند ويناظر لسقف بسرحان تغصصت بالعبره وهو تشوفه جالس معهم.. ليش افرح بشوفه واشتاق يطل علي من الباب ماسوى فيني شي طيب اهاني ومشاني على كيفه هزت راسها بقوه لا لا عشان اول مره اعرس ورجال غير ابوي وفهد البزر لا رحت بنسى ابتسمت بتشجيع لنفسها رتبت شكلها ورفيف تنزل الدرج بشويش
الحقتها ..
ناظر فيها سلطان تنزل من الدرج وصد عنها نزلت راسها بأسى..مرت من قدامها رايحه لنايفه
سلطان بهدؤ:تعالي هنا ..واشر جنبه.. لفت له وارجعت للمكان جالسه فيه
اركضت له رفيف ونطت بحظنه .. امسك خدها وباسها
رفيف :شوفها ناديتها
سلطان :من هي ..
رفيف :هنوفه
ابتسم سلطان:وليش اتنادين هنوفه
رفيف :انت تقول لو تنزل شوي وترتاح من الكتاب..
ضحك بتوتر وباسها
الهنوف تبلع ريقها وببتسامه مرتبكه :انتي قلتي بابا.. انتي كذابه..
رفيف بعفويه:خلاص خالو مثل بابا ..صح
موضي :هههه تقصد سلطان اذا رضت نادته بابا
الهنوف:تقول بابا يبيتس ..حدثت عليها حرام ومايصلح ههههه
موضي وام سلطان :هههههههه
لف لها بهدؤ وصوت قصير :روحي لنايفه جيبي منها بطاقتها...
ابتسمت له وقفت خذت من حظنه رفيف شالتها ورقت فوق
انقبض قلبه من حركتها وشيلها رفيف من حظنه لو البنت لي.. عض شفايفه وزفر بقوه
ام سلطان بحنان:ياسميع الدعاء جعلني اشوفها شايلتن ولدها من حظنك
سلطان بببتسامة مجامله:امين ..
موضي بتعجب والله مدري عنك ياخوي ساعه وساعه ويل البنيه ناظرت له سرحان ومبتسم
طقت الباب ودخلت رفيف قبلها ودخلت عقب
الهنوف ببتسامه:السلام
منسدحه على السرير وتلعب بشعرها:وعليكم
اجلست جنبها :مايصلح الي تسوينه ماهوب مغير الاقدار
النايفه بحزن:انا فكرت زين وبحاول اشيل الموضوع من بالي ..بس سلطان زعلان
الهنوف:انزلي حبي راسه وقولي اسفه بس
اجلست وراسها منزلته :يقول لموضي لاتجي تعتذر مني ..وبكت بتعب
الهنوف برحمه:روحي يمديه رضى
ابتسمت وتدور بعيونها بعيد عن الهنوف :بروح اذا رقى لجناحه مابي انزل تحت
الهنوف:اذا رقى بناديتس ..انتي الحين طيبه..
هزت راسها بايه والهنوف تدور رفيف الي عند الدرج ولاعبه بالمكياج
الهنوف:لاااا يع وش ذاه ..خذت الفاين وامسحت الي قدرت عليه وقفت النايفه عند رفوف امسكتها مع شعرها ودزتها برى الحجره طاحت على الارض وصياحها لابق بالسماء
الهنوف وهي تصكر درج التسريحه وبصدمه :ليه النايفه... نظفت كل شي
ااجلست على السرير وعطتهم ظهرها :لا تدخل حجرتي ثاني مره

[7btin]

45

ناظرتها الهنوف بستغراب واطلعت لرفيف الي تصيح بشرهه على النايفه انزلت لها وهي تهديها وتفتح اعيونها عليها :خلاص حبيبتي عيب كذا خاله تعبانه
مشاء صوبهم عاقد حواجبه :وش فيها..
وقفت امكسته مع يده نزل عينه على يدها وارجع يناظر لقدام بجمود مشت فيه بعيد عن حجرت النايفه ورفيف بيدها الثانيه
وقفت بنص الصاله
الهنوف بجديه:غير غير مره عصبيه شوي وطقني نفسيتها ماش تصرف ..هزت اكتافها له وهي تناظره
مسح على شفايفه ورص على يدها انتبهت لمسكتها هدته بسرعه وهي ترجع ورى بحراج
سلطان ببتسامه :لو بايستني وش بيصير فيتس
ابتسمت بخجل وفشله
قرب منها ورفع وجهها بااصبعه :حلوه بسمتس وانتي مستحيه ..كل شي منتس حلو كل شي..
ابعدت راسها عنه بتشتت ابلعت ريقها برتباك :وين رفيف
سلطان :انزلت ...
الهنوف تهدي نفسها:النايفه تبي تجيك تستسمح منك وخايفه..
سلطان ببرود وهو يلف :لا لاتجي
ارفعت حواجبها بعتب :حرام عيك ..
سلطان بهدؤ:خليها تلمس الارض النايفه سويت بها سوات ماسويت بها احد من اخواني ... وبجديه ..وين البطاقه؟؟..
الهنوف:ماجبتها
سلطان مازل لاف عنها:ليه؟؟..
الهنوف بتردد:دخلت عليها شفتها زعلانه ونسيت
اتجه لغرفتها والهنوف تناظره بعتب من تصرفاته المتقلبه .. فتح الباب وادخل شافته ابلعت ريقها واجلست
سلطان ينسف اشماغه : عطيني بطاقتس
قامت افتحت الدرج وعطته اياه وهي منزله راسها خذاها منها ولف
النايفه بتردد وضعف:يبه... لف لها ناظرها بقسوه وطلع
ماقدرت تحمل زعله حتى مع اخر سلاحها له وضعفه لذالكلمه لاطلعت منها بكت بقوه ويديها على وجهها
طلع برى البيت وهي ارجعت للحجره قالت لهم مابي العشاء مرت النايفه المقفله حجرتها ارحمتها عقب مادقت عليها تسالها اذا موجود صوتها مجروح صعب تعلق نفسها في احد مايدري عن هواء بالها وحتى لو درى الكل ضدها
صكت كتبها وحطته على درج الكمودينه ونامت
.......................
عند ساره الراشد
صلت الصبح ولاعاد جاءها النوم تلبست برواقه لفت على المدرسه كلها واطلعت على الساحه في بنتين خوات قدهم جايات راحت لحجرت المدرسات واجلست فيها
ادخلن عليها الطالبات في الحجره وبجرائه :استاذه سولفي معنا ..توى الوقت
ساره بطيبه :تفضلو انا جيت بعد بدري
هيله :استاذه وش ديرتش
ساره :انا من النعيريه
نيله بهياط:يالبى النعيريه واهلها ...وش الحظ الي جابش لمنا
ساره ببتسامه:حظي الزين
هيله :لبى الحكى ياستاذه ..عندش اعوال
ساره ترددت تكلمهن في خصوصياته عقب ردت:لا توني ماعرست
نيله :استاذه اختي هيله بتعرس بعد سنه حاجزها ولد عمي حامد ..عقبالش ياستاذه
هيله بغيض:فارقتش انتي وولد عمش ..جعل منت عوضي في سعود
ساره ماعجبها تعمقهن في الكلام : فيه خيره انشالله..
نيله تحرك حواجبها لاختها :استاذه ساره.. تبي عمه اصغر واحد..مير ماهوب حاصلن لها
هيله تكش على اختها :مالت عليش ..ومن زينه عمه شايفن نفسه جعلني الخفه كاني اريده
نيله بضحكه:اجل خليه لي انا ابغيه بس تخيلي يخطبوني يافرحتي...
ابتسمت في داخلها ياحليتس الله يرزقتس اياه وقفت تنهي سوالفهن :خلاص بنات معليش عندي دروس بحظرها ..تسمحون لي
هيله :ايه نفدا قبيلتش ..يشهد الله اني احبهم
ساره :حبتس ربي ..
اطلعن وساره تنهد براحه توهم متوسط وش خلو للكليه
جاؤ المدرسات ومشى يومها نفس الروتين اليومي اطلعو بدري الطالبات راحت الي عليها الغداء تسويه والباقيات عند الطالبات لين يطلعن
..............
فى بيت الراشد
انزلت وهو راقد حتى الفجر ماقومته يصلي ولا يروح لدوام سوت الفطور وافطرت مع عمتها
الساعه تسع نزل لهم ناظر فيها رافع واحد من حواجبه بضيقه صدت عنه بغرور حب امه على راسها وصبح عليها
راشد بستحقار وهو يصغي عليها:الصلاه مافيه حركات التفاهه الي تسوينه..
نوره ببرود:منتب بزر اقومك..
حس بالغيض ناظر لامه تزين تمر بالقط والسمن امسكها مع عضدها ورص عليه
راشد بغيض:اص عيديها والله ماتغاضى عنها .. دزها من كتفها ناظرت فيه بعتب قام عنها بسرعه وطلع برى
ام راشد بستغراب:وين راح
نوره :مدري ..عمه بروح لامي اتغدا عندها تجين معي..
ام راشد :لا يمي روحي انتي عندي الشغاله مايحتاج
رقت فوق وارسلت لراشد تعلمه وافق لها تروح تلبست ودقت على مفلح يجيبها تعذر منها عيو الدوام يسمحون له وقالها تصبر لين يجي واحد من اخوياه ويقعد محله شوي
تنفست براحه اشوى ماسال عن راشد اذن الظهر ومفلح يدق لها التلفون تنزل له تحت
مفلح يحك ارقبته:وين راشد..؟؟
نوره بتوتر :عنده شغل ..
نوره :منتب مروق ..
مفلح بدون اهتمام:لا ..يعني حر ودوام وزاد الطين بله اني جايتس ..
نوره ببتسامه: لوه لمياء كان جيت اطامر..
مفلح بصراحه: بجي بس مانيب ماخذها ابصفقها ثاني مره لعاد تدق اجيها..
نوره براعه :اجل اشوى انك ماصفقتني..
مفلح بسرحان: هي غير وانتي غير..
وصلها لبيتهم ورجع لدوامه نزل عندهم وحط راسه على طاولته ونام
محمد :قم قمت اعصابك الرجال يدور بدالك وانت هناه
مفلح ياشر له بيده بمعنى يالله بس
..................
عند ساره الراشد
العصر افرشت فاطمه فرشه برى الجو حلو اطلعو كلهم عندها
ساره بشوق :ياليت امي تجي عندي..
فاطمه بحكمه:مايصلح لها هنا انتي مشغوله طول الوقت بما انش جديده..
منال : مالنا الا اسبوع من جيتي... يوه حر وش ذا الجوا.
فاطمه بلقافه خذت موية الفناجيل ورشت عليها
منال بشهاق :يع وسخاتكن
ساره :هههههه عشان ماننضلتس
منال بضيقه :وع ..اتمنى ماتعودينها
بوزت فاطمه بضيقه: مادانيش يالزعاله
امسكت ساره كوب الماء وكبته علي فاطمه بسرعه :هههههه خلين نشوف من الزعال
فاطمه براعه: جعلش القوم ..سمي علي فقدش.. تلفتت تدور شي تكبه عليها شافت كاس منى مليان خذته وساره اصرخت وانحاشت
ساره بخوف:فاطمه ..بزلق تكفين خلاص ..لفت بسرعه مع لفت العماره اصدمت بشي حست بشعرها يتقطع وفاطمه اصرخت وارجعت ورى
ساره وهي طايحه عليه بخوف قامت بسرعه اطلعت منها اااه بدون شعور
ارتاع سعود من صوت البنت لف ماحس بنفسه الا طايح وهي عليه ناظر فيها دموعها بتنزل وهي تفكك شعرها من زرت ثوبه
سعود بهدؤ امسكها مع عضدها وابعدها منه وعدل جلسته :اصبري شوي ..مد يده لشعرها فككه توتر من ريحت شعرها وملابسها وعضدها الابيض وناعم كل الي عنده سمران ولا بي ذي ملابسهم
فاطمه من ورى البيت بخوف:ساااره ..فيش شي
كانت صاده بوجهها عنه لفت له تشوف خلص قاعد يناظرها ويده على الشعر يفكه
ساره بخوف وقهر : وسخ ..فك شعري ماتخيل..
سعود ببرود سحب شعرها من جهت زراره بقوه واقطعه وهو يحذفه عليها
سعود بستهزاء :بعدش ماعرفتيني..
امسكت شعرها اركضت عنه تلقتها فاطمه الي ضمتها وصاحت
فاطمه تهديها:ماعليش لاتخافين.. يمكنه جاين بكتب الطالبات الجديده
امسكت دموعه وبراعه :شافني!!.. وجهه بوجهي ماصد عني.. لمت نفسها بقوه ويدها على وجهها..
فاطمه :ههههه بيعجب بش ..وعقب بياقع في هواش..
ساره ترتجف بخوف :ريحته دخان ..يع يع الباب صكروه قبل اليل..
فاطمه :خوافه بنت......
ساره : من ذل نجاء ..تعدت البنات وادخلت لحجرتها وهي تعود الموقف في بالها اكثر من مره
......................
فى بيت بو مفلح
دقت عليه تبي ترجع لعمتها قبل ترقد وتطمن عليها
يدق مايرد حست بالالام منه ارفعه في اخر لحظه :الو
نوره بعتب:هلا ..ابي ارجع للبيت..
راشد ببرود:اذا تبين ترجعين دوري احد يرجعتس..
انصدمت من رده امسكت الجوال بقوه ويدها ترجف ..انتظرته يوضح كلامه ساكت
نور بالم:خلاص يعني.. تنهدت بحزن ..مع السلامه.. صكته وركضت لحجرتها لحد يشوفها ادخلت بسرعه و صكت الباب طاحت على السرير وبكت بصوت عالي ماتبيني يارشد سمحت مني تبي احد يرجعني يعني افهمي منتب تبعي حرام على القلب الي يودك ويغليك حرام عليك
اشهقت بدموع غزيره تتابعت شهقاتها وقفت دارت في الحجره بقلق تحس بكتمه وحاشر حسبي عليك انكنك ضالمني ماحسيت بحلو الحياه الا معك اكتمت شهقتها بقوه ماقدرت على المها اجلست وارخت لدموعها العنان . . دق جوالها طنشته ويدها على راسها رجع يدق كم مره امسحت دموعها وانسدحت على السرير والجوال مازال يدق ناظرت فيه بسرحان طفى ورجع يدق مره ثانيه مدت يدها له وردت
نوره وواضح في صوتها البكى :الو
مسح عيونه بقوه وتنهد:انزلي احتريس تحت
نوره بصوت باكي :انا منيب لعبه في يدك ...
راشد بتعب :نوره انا تحت تبين ترجعين انزلي لتس خمس دقايق ماتبين كيفس ..صكه ناظر يده الي تنتفض مسك فيها الدركسون بقوه.. ناوي يخليها عند اهلها بس ماقدر يصبر..
نزلت الجوال بهدؤ البست عباتها شافته جالس في مكانه متراخي وراسه على السيت . .
اركبت وصكت الباب رفع راسه بدون لايناظرها ومشى ناصي البيت وقفو انزلت قبله تحس بقرف من شوفت البيت ادخلته مجبوره بقلبها مافيه احد بالصاله صوته وراءها رقى وقفت شوي والحقته ماسمحت لها نفسها تدخل وراءه للحجره لفت لحجرت ساره وادخلتها افسخت العبايه وانسدحت على سريرها
ندم انه راح يجيبها لو تبي تجي بتجي بس انى ملزوم بها.. نفض راسه بكلم خالي والامر عادي ماحصل توفيق حس بشي تغصصه الحب شين ياليتس يانوره تعرفينه الايام كفيله تمحيتس...
تسبح ورقد بفراشه ما احتراها تجي ولاهوب راغب في شوفتها خذا الجوال عقب ماسمع صوت رساله فتحها وقراها بهدؤ
ليش تزعل وانت ماتعرف ظروفي
ليش ما تسمع كلامي للنهاية
اقتنع بالعذر ترضيكم حلوفي
والله الي جرى ماهو برضاية
من وعدني بلتزم بالوعد يوفي
ليش تلعب بي وتلعب في هواية
وإذا خنت العهد فالحكم معروفي
الخيانة بالعهود أكبر جناية
كان قلبك يرحم الحال ويروفي
والله إنا ما لنا بالغير غاية
لا تحسب اني بطير مع الدفوفي
ما اشتري السلعة على سبب دعاية
لا مرت لي كلمتك يزيد خوفي
واتعذب من خلاية في خلاية
احسب ان الحب وياك مخلوفي
يوم انا اخصك بحبي مع غلاية
ما تصورت تجرح القلب العطوفي
لا يا بو وجهين مو هذا جزاية
ما قدر يصبر وهو يقراها قام لها وهو يفتح الحجر يدورها فتح حجرت ساره صك الباب وتقدم لها
منسدحه على السرير منكمشه على نفسها وتصيح بصوت منخفض
الس جنبها ومسكها مع عضدها وارفعها له ناظرت فيه بخوف ودموع
راشد وعيونه في عيونها وعاقد حواجبه بأسى :تبيني ..تحبيني يانوره
نزلت راسها وصاحت بصوت عالي :ايه احبك ياراشد وابيك .. علقتني في هؤاك ونسيت هواء داري ..كلمته ببكى وصوت عالي.. تصبرت وكلامك كله تجريح وذل تحط اعذار منا ومنا صبرت بس عشان عمتي مابي اصدمها وساره الي ترجاني وهمتني انك تبيني راحت وخلتني اعاني معك ولا فيه امل تحبني.. ارحمني ياخي ماتبيني قلها صريحه مصير الايام تنسيني.. امسحت دموعها بقوه
انصدم من كلامها بس موب اكثر من فرحته بمعناه مايهم عتبها بأنسيها اياها كله اهم شي تبيني
مسك بسمته مايبي يجرحها وهي في حاله مثل كذا قربها وضمها بقوه وزاد في ضمها حط ذقنه على كتفها وببتسامه : خفت لتكونين تبيني عشان ابوتس بس سمعت كلام مفلح واي شي كنت احسبها مجامله وانتي بعد تزيديني بأفعالتس .وهذا يقهرني لاني احبتس..بس والله يشهد علي يانوره ان ماقلب حالي كذا الا حبتس الي ساقطن في قلبي من شفتتس في الحوش..
رفع راسها له وهو ينزل عينه عليها :ماهوب صح قد علمتتس... هزت راسها بايه وهي تشهق..
ابتسم ورجع يضمها :انا احبتس احبتس ابيتس تقولينه لي مره ثاني عوديها خليني استوعبها من السانتس..
رطبت شفايفها وصدت عنه غمضت عيونها :ليش ماحبك ..كل مافيك ينحب احبك بس لاتزعلني مره ثانيه..ولا تشك في حبي لك
شاف اعيونها المغمضه عارف انها تستحي من هالكلام مافيه مشكله باصبر قد دريت بالقلب والي فيه
ضحك براحه: والله انها غير معتس يازينها.. والله لايجيب الزعل.. وش قومتس مغمضه اعيونتس.؟؟
نوره بسحى :ابي اقولها لك ..
انسدح على السرير وهو يضمها باسها على وجهها كله وهو مستمتع من زمان ماحسى براحه وهو معها
غمضت عيونها وابتسمت
راشد :ترى اخق انا على المبسم يكفي قلبتس الي احس بدقاته
حست بالخجل نزلت راسها وقلبها يرقع تحمد الله انها مأركبها عفريت ولا انزلت له
نهايه البارت
....................

[7btin]

46

قومها صوت الجوال الي يرن ارفعته وهي تشوف الساعه ردت بنعاس :الو
رفيف بنعومه:الو
الهنوف ببتسامه :احلى الو ..
رفيف :يقول خالو كسلانه هالبنت ..قوموها تذاكر
ارفعت حاجب وبكذب:قولي لخالو انت كذاب من زمان وانا قايمه بيخرب سمعتي...
خذا السماعه من رفيف وهو يصرخ بقوه :قوووووومي
الهنوف براعه :سخيف ..ياحرام يالصوت الي قبل شوي...
سلطان :ههههه ذاكري والله يالهنوف لو تسقطين ان اسحب ملفتس من الكليه كله.. وتقعدين بشهادة الثانوي
الهنوف بدلع :عادي ..الي تسويه عسل على قلبي..
سلطان ببتسامه نزل راسه :لاتخليني ارقى..
الهنوف بخجل وبضحكه :ارقى وانا بنزل..
سلطان يضحك :برقى الحين وانتي انزلي اذا سبقتيني والله ماتشوفينهم اليوم..صكه عارف انها على السرير مابعد قامت ..ناظروه بستغراب وهو يمسك طرف ثوبه ويركض للدرج احذفت الجوال واركضت برى
حتى ماغسلت وجهها افتحت باب الجناح شافته وبخوف لفت وانزلت من تحت اذراعه تبي تنحاش مسكها مع خصرها وسحبها له
سلطان :ههههههههههاي ..فاتتس
الهنوف باعتراض وغيض :لا لا طلعت من الجناح...
حط يده على راسها وهزه بخفيف:انا قلت الدرج ..يالله ..فتح باب الجناح دخلها وصكه
الهنوف برجى:خلاص سلطان تكفى والله ان اقوم واذاكر بدري
سلطان: لا استحي ارجع في كلمتي...
الهنوف بقهر واحباط:ياربي ماكرهك لي...
ابتسم بهدؤ ونزل تحت ..
ابتسمت بعتب وادخلت الحمام تروش ...
نزل سلطان لتحت وانزلت النايفه معه بالدرج الثاني التقت معه طنشها وكمل طريقه ناظرت في موضي بالم وعودت ترقى
ام سلطان ببتسامه :وش فيكم ..
موضي بلقافه وخببث : يبيلكم بيت بلحالكم عشان تطول المسافه
سلطان وهو يفرد جسمه على الكنب ويبتسم:ابيها ماتنزل وتذاكر جات في بالي ذالخطه...
اسمعت طق على الباب طلت من الحمام شافت صينية الفطور وارجعت تكمل لبسها ... كلت الفطور بشهيه اول مره .. امسكت الكتاب والتفكير مغرقها ابتسمت وهي تذكر شكله مبسوط ماصدقت انه من جد بيهتم في دروسها احذفت الكتاب وخذت الجوال تلعب به مر الوقت بطى وممل
ماقدرت تصبر من الصبح الى العصر وهي بلحالها ترددت تدق عليه دقت بسرعه عشان ماتهون
سلطان بصوت ثقيل :الو
الهنوف بتردد:ابي انزل ولا على الاقل بروح لنايفه
سلطان ارفع حواجبه بعد ماعرف صوتها :انتي قد مره دقيتي علي وصكيتيه
الهنوف برتباك:ايه
سلطان زم شفايفه:وليه
الهنوف بصراحه وعفويه:ابي اشوف كتبي جات ولا لا ووو
سلطان :واستحيتي وصكيتيه
الهنوف ببتسامه خجوله :صح
سلطان :طيب وش بغيت الحين..
الهنوف بملل:بنزل
سلطان:يالله مع السلامه...وصكه
احذفت الجوال بقهر وغبينه ... دقت عليها خالتها نمشه اقعدت تسولف عليها وتعلمها بعلوم اهلها وحماسهم للبر وانهم كلهم بيروحون اطربت الهنوف لطاريهم
صكته من خالتها وام سلطان تدق عليها
ام سلطان:ياأمي بنت عمهم جاتهم ولابه احد علمي النايفه وانزلي معها
الهنوف بفرحه اخيرن جاء الفرج:طيب ياخاله سلطان محذرني انزل لين اذاكر وانا خلصت.. علميه اني لازم انزل عشان ضيفتكم
ام سلطان :ماعليه اجهزي وانا بدق عليه..
صكته وفزت تلبس البست فستان زهري على ابيض شيفون لنص الساق بشريطه رمادي تحت الصدر حطت شعرها على جنب وشبشب زهري
كحلت اعيونها بكحل اخضر وروج وردي فاتح بخت عطر راحت لنايفه الي عقب الشين رضت تنزل البست لبس عادي بنطلون جينز بلوزه بيضاء .. وانزلن سوا
ام سلطان :النايفه امسكي السانتس ..شوفوها برى عند الكراسي
النايفه:ارتاحي منيب فاضيه لها..
الهنوف توقف عند خالتها وبتردد:خاله سلطان وافق
ام سلطان :ايه كلمته وقال ماعليه
ارتاحت والحقت النايفه بشكلها الملان اطلعو لها جالسه على مقاعد الحديقه الخلفيه
وقفت لهم بنت حلوه بعبايه على الكتف وطرحتها على اكتوفها
خلود وهي تقز الهنوف مدت يدها :كيف الحال
الهنوف ببتسامه :الحمدالله وش اخبارتس
خلود بستهزاء :اخبارتس!!..طيبه
ناظرتها الهنوف اسفهتها وجلست بدون اهتمام على الكرسي
النايفه بهدؤ:وش اخبارهم بنات عمي
خلود ورجل على رجل :كلهم طيبين ماتنشافين وينك
النايفه :ماعليش اعذروني بعيد وسلطان متشدد شوي..
خلود وهي تلف على الهنوف:متشدد حتى على غيركم
الهنوف برفعت حاجب اسكتت ماعجبها الاسلوب فاالافضل الصمت
النايفه تغضي منها:الهنوف عنده غير
خلود بقهر :وليش ياحظي ..
الهنوف بتكبر وبببتسامه :لاني غير
خلود :يعني اذا ماتعرفين ..احب اقولك خاطبني قبلك بس الظروف الله يعلم بها
ناظرت الهنوف النايفه وابتسمت
النايفه :ترى خلود بنت عمتي الجوهره كانو يقولون انها لسلطان
الهنوف ببتسامه تغيض بها خلود :يقولون يقولون بس..بس قلبه ماقال
الناايفه :هههههه
الهنوف ارتحت عقب ماعرفت انها بنت عمته خلود يكرهها اكيد مراح ياخذ بنتها
خلود بتكبر: ارضي نفسك بالكلام ..لفت عنها بقهر وهي تطالع النايفه ...اقول روحي معي اليوم لاجاء اخر اليل ارجعي
النايفه :ماقدر بيرفض سلطان
خلود بستهزاء :خليها تدق عليه الهنوف يمكن مابيرفض
النايفه بامل تبي تغير جو:دقي الهنوف شوفي انا ماراح ادق يارب يوافق ودي اغير جو
الهنوف :من عيوني على عشان خاطرتس ..ارفعت جوالها ودقت عليه وقلبها برجف لايرفض والله ان تفشل
خلود بضحكه عاليه:هههههه..وبستهزاء واضح.. وش ذا الجوال المنكسر
الهنوف مانتبهت انه شال التلفون ناظرت جوالها وهي تذكر طيحته منها في ايطاليه عقب مادزها سلطان على الارض في البلكونه تنفست بهدؤ ورجعته لاذنها
خلود مازلت تضحك:وي فشله وش فايدت الحب الي تقولين
سلطان بصوت عالي وضيقه :الووووو
الهنوف برتباك :الو ..ماعليش مانتبهت
سلطان بصرامه:تعالي انا فوق...
الهنوف تهدي نفسها ماعليه فوق ولاعندها :طيب دقايق بس ..صكته ناظرت خلود بغرور ورقت له
خلود تعضض شفايفها بقهر
رقت الدرج بشروود تنهدت بخوف افتحت االباب ابلعت ريقها لقته جالس على الكنب
الهنوف بنفسيه ماش:هلا
سلطان برواقه:هلتس افراحتس
ارفعت وحده من حواجبها وتقدمت له...
سلطان بعقدت حاجب مد يده لها
الهنوف بستغراب :وش تبي
سلطان :ابي الجوال
مدته له وقف وخذاه منها مشى للبلكونه وهي تناظره طلع ووقف على طرفه ميل جسمه لين شافهن جالسات على الكراسي
سلطان بصوت عالي :خلوووووود ..لفت له بستغراب شافته عقب ابتمست
رفع حواجبه وغمز لها وحذف عليها الجوال بكل قوته طاح عندهم قريب انصدمت وناظرت فيه
سلطان : صلحيه واخذيه تراهو غالي...
رجع جسمه وناظر للهنوف الي تناظر له بهدؤ راح لها ومكسها مع يدها وناظر لبسها ناعمه كأنها رسمه راسمها رسام ماهر شفايفها المرتبه بنعومه ولحيها الحااد ضمها له برقه هدت بين احضانه ونفسيتها تهدى مبعده اي تفكير بالي مر في خاطرها بعد جسمها عنه ومسح شعرها وابتسم:تدرين كان ناوي احوس مرتتس ..تنهد وجلس على السرير انسدح وراسه في حجرها ووجهه موجها لها :خليتس منها واقعدي عندي,,
الهنوف برتباك:خلاص اصلن معاد ابي اروح عندها
سلطان :اعرف لها تموت تشوفتس ..وبستهزاء.. بس انكفستس عقب ماشافتتس ..ماتقدر تحداتس
الهنوف ماتصورن وش فرحتي وانا اسمع كلامه وثقته فيني
ابتسمت مستغله الوضع:ماعلي منها ..وبتردد.. ابي اطلب منك طلب ممكن..
سلطان بستمتاع :اطلبي لو عيوني ترخص لتس..
الهنوف بخجل وارتباك :تسلم اعيونك..كل اهلي وجماعتنا بيطلعون بالعيد للبرى وابي اروح لهم..
سلطان بهدؤ وحيويه :بس بشرط..
الهنوف بخوف من شرطه:وشو
سلطان :تنجحين بممتاز على الااقل جيد جدا
الهنوف براحه :اشوى ..بنجح انشالله بكتب اسمك تحت هههه
سلطان يعض يدها :يالاستغلاليه
اسحبت يدها بوجع :اااي .. لاطلع دم بروح حتى لو ماأنجح
سلطان :هههههه هاتيها مره ثانيه اجيب حيلي..
لفت عنه مبتسمه لوه يعني يعني اقول يعني يبيني من قلبه وموب فتره وتروح ...تعكر مزاجها ابعدت الفكره من راسها بس ماقدرت تصفي فكرها الي تشوش .. ابعدت راسه من حجرها ووقفت
سلطان بستغراب:وش فيتس..
الهنوف ببتسامه ساحبتها سحب:بروح اذاكر اخاف اسقط... اسكت وهو يشوف نظرات اعيونها الي تغيرت خذت الكتاب واطلعت
اجلست في غرفة الجلوس ركزت بقوه تبي الافكار تبعد عنها طل عليها وقف على عتبة الباب ناظرت له يناظر لها نزلت عيونها وهو طلع من الحجره بدون اي كلمه .. تنهدت بالم ورجعت لكتابها
...............
فى بيت بو فهد
لمياء بملل :بعد بكره كليه ..يامحق عطله لاحلنا ولازلنا..امشوير للجبيل وبس
نوف ترفع حواجبها :لوكم رحتو معي لمصر ..بتستانسون
خزتها لمياء بنظره : مصريه صدق اعرف مبارك وين يوديتس..
نوف بغرور: انا الي طلبت وهو الي وداني ..
لمياء بستهزاء:انا الي طلبت ..تبين تروحين لهلتس الصعايده ترى منب اهلتس..
نوف:ههههه ياحبيلتس بس لانقهرتي ..نقطت ضعف صراحه بعلم فيها مفلح...
لمياء تلخبطت حطت يدها تحت اذنها مكان ماحست بنفسه يوم روعها
نوف بضحكه:اسرحت البنت من الحين..
لمياء بتصريفه:افكر في الهنوف لاتروحين بعيد
نوف :ايه ياحليلها وجلالها الاسود عندي لذلحين ..
لمياء بتنهيدة استهبال :اااه بس متى اعرس وانساكم..
نوف بفكره :لمياء وش رايتس ادق على مفلح من جوالي نلعب عليه..
لمياء بستبعاد :لا لا تكفين بيعطيس وجه وبتصدميني خليني على عماي..
نوف :هههه بدق ماعلي منتس ..خذت جوال امها سجلت الرقم واجلست جنب لمياء
لمياء تناظرها بترقب وهي تضغط الرقم
انتظرت شوي وعقب رد: الو
نوف بدلع :اهلين
مفلح ببتسامه :هلا وغلا ..من معي
ناظرتها لمياء بحقد ونوف امسكت ضحكتها
نوف :نوووف
مفلح :مرحبا يانوف بغيتي شي
نوف :ابي اسولف معك
مفلح يتراكى على المركى ملقي اخوياه ظهره:سولفي يابعد حيي انا فاضي لتس..
طقتها لمياء على ظهرها بقوه
نوف بدون شعور :هههههه..تمالكت نفسها وتكلمت.. قول لي انت سالفه مفلح سكت شوي زم شفايفه :الي داق يدور السوالف يسولف
نوف :طيب انت متزوج
مفلح :لا..
نوف:خاطب
مفلح :ايه
نوف ناظرت لمياء وحركت وحواجبها :تحبها الي خطبتها
خذته لمياء منها بسرعه وحطته على اذنها ووقفت بعيد
مفلح بلا مباله:لا ماحبها ..تقليدي بس
ناظرت بنوف الي تناظرها من بعيد لفت عنها وتكلمت :وش اسمها طيب
مفلح بصراحه:لمياء
ارفعت عيونها فوق وارمشت لاتطيح ادموعها وهي تساله مره ثانيه :وانت وش اسمك
مفلح :اسمي فيصل..
ابتسمت باألم وعكفت شفايفها :طيب يافيصل وش يدريك يمكن بعد هي ماتحبك يعني لاتاخذ مقلب بنفسك
اضحك بستهزاء:لاتحبني ..اعرف نظراتها زين دايخه معي ..طلع لها صوت بوسه اموااح يالله ياشاطره باي
صكته واصبعها عند موخرت عينها تمنع الدموع لاتنزل معليه يامفلح كل شي عندي ولا اني انهان بقلبي والله ماتعرفني في حياتك... ناظرت نوف واحذفت عليها جوالها من بعيد اطلعت للحوش اجلست على عتبت البيت من ورى لمت يديها على كتوفها وصاحت
راح لهم عقب مادقت امه وروحته لاختها تاخذ منها اغريضات بتحطه من باب الي وراء البيت وقف عند الباب دخل راسه يشوف وين الاغراض الي تقول حاطتها عند الباب شافها جالسه على العتبه سرحانه ودموعها في محاجرها.. ابتسم بخبث وتردد يدخل ولا لا طاوع قلبه تلفتت يشوف به احد وادخل
مفلح بدون مبالاه:وين الاغراض..
لفت له براعه صدت بوجهها بسرعه ارفعت كبوس جلابيتها على راسها وصدت عنه
لمياء بقهر:ماتستحي لا احم ولادستور...
مفلح :بيت خالتي وعلى كيفي ..وقريب زوجتي ولا فيه اشكال..
لمياء برفعت حاجب وغيض: مرتي مرتي ..تخسي والله يالسربوت
رص على اسنانه بقهر:والله لوتس بعصمتي ان تشوفين يالمياء شي مايرضيتس..
لمياء بستحقار :روح يابابا بس... خذ راعيات التلفونات.. كفوك واشكالهن ..
مفلح بستهزاء اضحك :يأسفني حالتس ..تكلمي املىء فمتس كله مسجل وبسدده عقب..
لمياء بتعب:اطلع ..برجع للبيت
مفلح وهو ملقيها ظهره :قبل اطلع احب اعلمتس ان صوتتس بعرفه من سبعين صوت ..خلي احد بدالتس يتكلم اذا بغيتي يعني تختبرين..
عضت شفايفها برتباك وقهر
مفلح وهو مقفي لفت له شافته يفتح الباب بيطلع لف لها يشوفها توترت وصدت بسرعه
مفلح مبتسم:ابي اسالتس انا صادق بلي يخصتتس اتجاهي..
لمياء بستحقار:ماعرف ذا الشي مع واحد مثلك..
مفلح بضحكه:مشكله اذا تحبيني بس انا مأحبتس ..ضحك ووطلع ودخل بسيارته ودق لامه والله يالمياء ان نظرتتس فاضحتتس ردت امه ضحك عقب ماشاف صوتها معصبه وهي تناديه مارد عليها
ام مفلح:الباب الي قدام انت وينك..
مفلح بكذب :توني مابعد وصلت ..شوي وبنزل .. صكته وهو لف من قدام البيت
................
فى بيت الراشد
تحس بقلبها عليه للحين مع كلامه الي غرقها فيه باليل مهما صار قهرني اجلست عند عمتها برى في الحوش وجاتها امها
سولفو عصريتهم كلها دخل عليهم راشد سلم على ام مفلح ابتسم لها واجلس جنبها
نوره :تبي اجيب لك شي مشتهيه..
راشد بفرحه:لا والله مابي شي..ابي قربتس يكفيني..
نوره ببتسامه:تسلم لي ..ماجيت الظهر..
راشد:ماسك بدال واحد من اخوياي ..ياهو حجر لي
نوره :ههههه الفزعه وماتسوي
راشد وهو يمسك يدها: لبى الضحكه ليتنا بلحالنا...
نوره بعتب:راشد هدني لاحد ينتبه ..مستحيه منهن
ام مفلح وهي تقوم:اسمحو لي مساعد برى ..تمسو على خير
راشد :تعشي ياخاله ماقدامتس احد..
ام مفلح :تعشى معكم العافيه ..اعيالي يحتروني
اطلعت وام راشد خذت مغزلها وادخلت
لف لها راشد وبجديه:نوره في القلب شي لذلحين
نزلت راسها واسكتت
تنهد بملل وتعب:ظنتس لوني مابيس ولا على الاقل ماحبتس كل ذا الحب اني بصبر كان بخليس تروحين بسيطه ..نوره حبتس ساكن بالحشى ايه قسم
نوره ببتسامه ارفعت راسها: ماشكيت بالقلب جعل نبضه يدوم ..بس شي حسني ونا حساسه وبيروح ...
راشد بهدؤ:تبين تروحين لهلتس ترتاحين عندهم هالايام الي بتجي لين يبتدي ارمضان ..ترى سامحن لتس..
نوره بحراج:بتزعل لارحت
راشد ببتسامة حنان حط يده على ظهرها وامسحه:ازعل ونا اقول روحي بصبر صبرن جميل والله المستعان ..
بتردد قربت منه باسته على خده ورجعت ورى
راشد ببتسامه هاديه:هه الله يصبرني..
ابتسمت وقامت مدت يدها له امسكها ووقف كانت بتمشي رص على يدها ووقفها لفت له بستفهام
ارفع يدها وباسه :لاتبطين علي ياخوتس..
بفرحه اغمرت قلبها حست بفكرتها لروحتها لهلها مناسبه في الوقت الراهن مدت يدها لعيونها :من عيوني ..هزت اكتافها.. يمكن اجي قبل رمضان بواجد
هز راسه لها ومشى هو وياها داخل رقت فوق كانت ناويه تروح لهم اليوم بس رفض بمانا امتس جات اليوم بتسال اذا لحقتيها خليه بكره وافقت بدون تردد عقب مارقدت امه طلب منها تروح معه يتعشون برى على البحر
.............
فى قصر سلطان
على العشاء متجمعين كلهم هادي الجو الا من صوت رفيف الي تغني وتقوم وتقعد
سلطان بنزعاج وعصبيه :بس يابنت
لفت له برطمت واجلست عند امها ناظرت له النايفه بألم وافق لها تروح عقب ماكلمته امها مع خلود بس هي الي رفضت عقب ما اعرفت وش يقصد يبيها تعود عليهم وتقتنع ولا متى سلطان يرضى لها تروح بلحالها ترددت تروح تعتذر منه قام قبلها ورقى فوق بدون يلقيها بال
قامت وراه وهي تناظر الهنوف السرحانه شكلها اليوم متغير عقب خلود تنهدت والحقته داخل طقت الباب اسمعت صوته يسمح لها ادخلت وهي منزله راسها
ناظر لها وعود يكلم في الجوال
سلطان بهدؤ: محمد اصبر خلني اعلمك ..ارسلها وبشوف بعدين
ارفعت راسها له بسرعه حست بدموع تجمع بعيونها تمالكت نفسها وهي تسمع اسمه حاولت تسفه كلامهم بس ماقدرت وهي تصغي باذنها معهم
سلطان بضحكه: تامر .. الي سويته ماهوب شوي ..اسكت كمل بضحكه عاليه وارفع حواجبه.. ضايعن في هواها اعرس بس وجرب
لف لها سلطان واشر لها تطلع تخنقتها العبره وهي تهز راسها بلا
سلطان يغير كلامه لجديه :مع السلامه .. اهم شي لاتنسى ترسله.. صكه ولف لها
سلطان بعقدت حواجب:نعم
النايفه بدموع:اسفه .. مابعيده مره ثانيه
سلطان ببرود:وش تاسفين عليه
انزلت دموعها وهي تناظره :وش اسوي طيب ..اوافق عليه يعني
سلطان بنبره قويه: تفكرين اني غبي لذا درجه..وبستهزاء.. اوافق يعني ..تبين اتبينين انه تنازل منتس وانتي عارفه انه غصبن عنتس
النايفه تمسح دموعها:انا اسفه اني فكرت كذا .. بس ابيك ترضى
سلطان بعتب وقهر:انا شايل عليتس في خاطري جدا...19 سنه كفيله تعلمتس وش شخصية سلطان..
حطت يدها على وجهها وصاحت: سلطان انت ابوي واخوي اذا ماصبرت علي من يصبر ..الله يخليك كلهم يزعلون على حتى امي الا انت.. اشهقت بقوه وتعب وصوتها يعلى...

[7btin]

47

ادخلت الهنوف بهدؤ شافتهم وارجعت لحجرت الكنب وقفت عند زجاج العازل لموية السمك وهي تناظر فيه بسرحان
طلع برى مطنشها لف لحجرة المجلس مع لفة الهنوف للباب
سلطان بجمود:روحي قولي لها تهدئ ...اذا قصدها الرضى رضينا خلاص..
الهنوف بتوتر هزت راسها له
طلع برى الجناح والهنوف اركضت لنايفه الواقفه وتصيح ضمتها برحمه النايفه بصياح:ليش هو كذا قاسي..غلطه بصححها بوافق وخلاص
الهنوف : اهدي هو الي قالي روحي لها وعلميها اني رضيت
لفت لها النايفه وبأمل: صدق قال
الهنوف تبتسم :ايه والله هو الي روحني
النايفه: ليش مقال لي,,
اضحكت الهنوف تخفف عليها:ياطماعه خلاص رضى ..والعتب بيروح مع الايام
هزت راسها النايفه لفت واطلعت رايحه لحجرتها..
تنهدت براحه تسبحت مشطت شعرها وخلته مفتوح يجف ناظرت الساعه توها عشر اطلعت للبلكونه بدون لاتفكر بشي ذالمره الشتاء بادي يدخل والجوء بارد والاجواء بالنعيريه حلووه بيشبون الضو وبتصير السمره احلى ابتسمت بخيبة امل لو انا الحين عندهم
وقف وراءها جو الغرفه
سلطان بتعب :دوري لي حبوب راس اذا ممكن..
لفت له وناظرت بوجهه المتعب وبهدؤ :ابشر..
ابتسم برهاق جلس على السرير ويده تمسد راسه
اطلعت للمطبخ صبت في الكاس مويه وقفت شوي عند طاولة المطبخ راسها يدور فيها اجلست على الكرسي شوي رصت على راسها وش ذا الالم موب وقته وهو تعبان حست بنفسها يضيق لمت راسها بيدها اكيد دخله برد عاتبت نفسها متروشه وطالعه لبرى وقفت بسرعه تاخرت عليه حست بدوخه فكت الكاس من يدها وطاح طلع له صدى في ارجاء المطبخ تنفست بتعب ورجعت تجلس
دخل عليها حط يده على كتفها وبستغراب:انتي طيبه
ارفعت راسها له بتعب ابتسمت :ايه دخت شوي بس
المس جبهتها وبراعه:اخو موضي.. ماحرتس وش جرالتس..؟؟
الهنوف بنهاك:مدري بنام ان قمت راح
وقفها وعنز لها للحمام : لا ..تروشي بماء بارد عسى تخف شوي...
راحت معه للحمام دخلها وسكر الباب اجلست على البانيو برهاق بملابسها شوي وطفت المويه افسخت ملابسها بتعب البست الروب واطلعت برى .. وقفت عند الباب رفع راسه لها حطت يدها على فمها وارجعت للمغسله ترجع الي في بطنها
وقف عندها ويده على ظهرها بعقدت حاجب:افاااا ..تعبانه مره..
الهنوف بالم وهي ترجع مره ثانيه تمسكت في حواف المغسله وبخوف :بطيح ... اااه ..
مسكها بسرعه وهو يرفعها بخفه شالها وحطها على السرير
الهنوف بتعب :ابي النايفه تساعدني..
سلطان بدون مبالاه:لا.. اذا فيه احد يساعدتس انا..راح للدولاب وسحب بجامه اي كلام وراح لها
الهنوف بحراج وتعب:لا لا ..مدت يدها.. عطني انا اقدر..
مدها له وهو مقدر احراجها لف منها فسخ شماغه واحذفه على الكنب ومشط شعره على ورى وناظر لها لابسه بنطلون البجامه وارجعت تنسدح
سلطان :وش فيتس ..دختي..!!
الهنوف ببكى:راسي احسه يدور.. جلس جنبها سحب منها البلوزه وجلسها وظهرها له دخلها مع راسها وسحبها لجسمها
سلطان بسرعه :يالله دخلي يدتس..
مدت له الهنوف يدها ودخله كمل لبسها وخذا الجوال ناظر لبسها بنطلون حرير سماوي بشك خفيف على الفخذ وبلوزه قطن بيضاء
سلطان بشك :هذا صح علي..
ابتسمت بتعب وامسحت دموعها هزت راسها بلا.. ابتسم ورد طلب طبيبة حرم البيت وطلب من رئيست الخدم تدخلها مع الدرج الخلفي
قامت بسرعه وراحت للمغسله مره ثانيه وهي ترجع اجلست على الارض سلطان بضيقه وخوف:بكذا لازم مستشفى..
ماردت عليه ناظرته ضباب حوله هزها ورش عليها ماء معاد حست بشي عقبها اغمى عليها
....................
عند راشد ونوره
جالسين على بساط بمكان منعزل الجوء هادئ اخر اليل ناظرت له بشوق يتأمل الاشجار تتحرك وملتزم الصمت في قلبها حب كبير وشوق حتى وهو جنبها لف لها فجاءه ارتبكت ولفت عنه
راشد وهو يلف وجهها صوبه :تحملي الي بصير لي لابطيتي..
نوره بخجل وهي تهز راسها بلا: متى ماحسيت اني رجعت لحياتي معك من جديد جيت..هذا غير اني بشتاق لك زود..
راشد ببتسامه :هاذي اغرائات.. وقف وامسكها معه توقف
راشد: شفتي الفضاء على كبره والجو على زينه كني لحالي لا دريت انتس بتروحين ..اوعديني يانوره لارحتي تكبر افكارتس وتحسين بمسؤليتتس اتجاه بيت ورجل..
نوره بفشله منه وكانه ناقد عليها:ابشر ..بتشوف الي يسرك..
ضمها بهدؤ
الاخ الي هنا انت مضبوط وجاري عليك التحقيق
هدها راشد ولف لهم بسرعه ونوره تمسك يده
راشد بستغراب :خير حصل شي
راعي الهيئه :الوقت والمكان يحطونك تحت الشبهه ..ابرز هويتك نتاكد من الي معك
نوره بخوف وهي تناظرلهم
راشد بحلم:ياشيخ مامعي الا البطاقه الشخصيه .بطاقة العايله في البيت
الشيخ :تمشون معنا حتى نتاكد بالامر
راشد برفعت حاجب :ادخل معكم للمركز وادخلها هذا انسه تبي البطاقه اصبر علي شوي
الشيخ :تعرض انفسكم للعقوبه .؟
خذا جواله ودق على مفلح يطلب منه البطاقه صكه من مفلح الي مات من الضحك
مشى بها دخلها السياره وقبل يصك الباب :لا ترتبكين ..تراهي هواين ماعليس منهم ماهوب كل ماجيت بضمتس قلت لا لايجي احد ..احب ذالمكان ابتسم وصك الباب
ربع ساعه ومفلح واصل بالبطاقه نزل للمشايخه الي اعرفوه بحكم عمله وروحته معهم في بعض الاماكن
مفلح بنشاط وهو يسلم عليهم:يالله حي الي امسكو ذالمجرم الخطير..
واحد من المشايخه يضحك:الامر يدعو للريبه والمكان فاضي..
مفلح :ماعليكم منهم بس.. شدوه كل ماشفتوه .ذالمره بجيبها له.. تفضل ياشيخ البطاقه خذا الشيخ ورجع لهم وهو يتأسف
راشد :هذا واجبكم ولا عليكم اسف ..
راح الشيخ منهم ولف مفلح وضحك:وينها ذالداشره..
راشد بهدؤ وابتسامه :ترى هي خايفه ومستحيه..
مفلح وهو يتقدم لسياره:يقول مسكناهم بوضع مخل وش انتو تسون
راشد وهو يتبعه وبنصدام :يامحق سالفه مخل مرتن وحده مقربها لي بس
قربو افتحت نوره الباب لمفلح الي دنق عليها وسلم :المره تعقل الرجال ماهوب تنهبل معه
نوره بخجل صرفته بغرور:هذي الاجواء الرومنسيه ..ماهوب اهبال
مفلح :ههههه اخس صرنا نتكلم بالرومنسيه ..يالله افلحو قبل يمسكونكم جهات المهام الخاصه.. راح عنهم وراشد يركب في مكانه
قعدو يسولفون الى ان وصل بيت اهلها
راشد يناظر لقدام:الله يحفظتس
افتحت الباب: في امان الله ..لفت له شافته يناظر قدام عيونه فيها حكي تنهدت وصكت الباب اقعد لين ادخلت ومشى
..............
عند ساره فى القريه
العشاء عند وحده من نسوان القريه عازمه المدرسات ادخلن سلمو عليهن واجلسو
ساره برتباك:فاطمه ..وي ليتني ماجيت مستحيه
فاطمه :لازم تعودين لاجاء لنا نقل هم الي بيوسعون صدرتش
ام معيوفه :مرحبا بكن من ملفاكن لديرتكن
فاطمه :بش اكثر يابعدي نفداش
جاءت لهن مضاوي واجلست عندهن
مضاوي برحابة صدر:عرفينا يافاطمه
فاطمه :هذي ساره من الـ.... ومن النعيريه
مضاوي :مرحبا بش
ساره ببتسامه:البقى فديتس
سولفن معها واندمجت معها ساره بسرعه في عمرها وبتعرس في الصيف الجاي تحتري ولد عمها في امريكا
مضاوي :ياويلي بعد بيجي نافخن ريشه ..
ساره :هههه ماتدرين يمكن يجي بعد وهو قده متشفق عليس ..
مضاوي :ياطرجيبي ياساره وانكنه عافني يبي له حمراء..
ساره ميت من الضحك:والله يامضاوي انها حمراء على قل احلى
مضاوي :يابعدي والله... خليني ارقبه وانا مافكر فيهن
ساره ببتسامه:لازم تشوفينه لعود يمكنه معاد بوه الي انتي خابره
مضاوي بدون اهتمام:ان ماعجبني جعل ربي يخلي لي اخواني..
تذكرت ساره راشد وابتسمت بشوق وبحب:ذكرتيني براشد جيت وهو ماله شهر من اعرس
مضاوي :ياحيهم اعيال النعيريه انشاهدهم باالتلفزيون والله من الزيون ..راشد اسمه
ساره بشوق:ايه اخوي واختي ..
مضاوي ببتسامه:وش لون يعني
ساره :ماعندي الا هو بس توفى ابوي وامي راحت لخوانها لين اكبر وشرى لنا بيت بلحالنا وطلعنا له
مضاوي:ايه جعل ربي يخليه لش ..وش وظيفته
ساره:متوظف بشركة الكهرباء مهندس ..دارس برى سنتين
مضاوي بشغف :تكفين تغير يوم جاء
ساره :هههه لا والله الااعقل واهتم بنا ازياده
مضاوي بحالميه :يالبيه لو يجي حمد وهو متغير..لو تشوفينه ياساره زقارته في يده والشماغ على الكتف
ساره:ههههه .. ناظرت في الحرمه الي ادخلت ..مضاوي من ذي
مضاوي :هذي امي ليه
ساره :ياويلي والله انها تشبه ام فهد
مضاوي بمزح:اجل مزيونه
ساره ببتسامه:انشهد..وحنين وتذكر ..ذكرت الهنوف بنتها تهبل وفيها غميزات تقولين ماخلقت الا فيها
مضاوي: يالبى الغميزه تحلي ياليت فيني وحده اتدلع بها عند حمد
ساره :هههههههه
مضاوي :خلنا من ذالطاري يجيب لي الوسواس ..سيري علي لافضيتي لاطلعتو بوريش بيتي
ساره بتردد:بشوف
مضاوي :ترى بنت اخي صيته تدرس عندكم
ساره :ايه اخبرها في اول ..هاديه وتستحي
مضاوي :جعله اول ..فيه بنات مراهقات ومعهن بعد نسوان كبار كان وحده من المعلمات قبلش اتدرسهن قران وحروف
ساره :كذا محد طلب منها
مضاوي:لا محد قالها انا اقول يعني لو تدرسينهن عشانهن يستحن من الغرب وبيجتهدن تاخذين اجرهن
ساره :لا اجل بدرسهن يضيع علي الوقت
مضاوي :تبين اعلمهم ذلحين
ساره بسحى :بس مستحيه اقعد ادرسهن
مضاوي:تاخذين اجرهن متى مافتحو المصحف وقرو
ساره :طيب خلاص قول لهم ..بس وين يتجمعون فيه
مضاوي:وحده من نسوانا الاكبار مطلقه من زمان وعند امها عجوز يتجمعون هناك
ساره :اجل قولي بكره ..مريني العصر نروح
مضاوي:تامرين ..علت صوتها وعلمتهم ان ساره بتبداء تدرسهم بكره بدل عايده في نفس الماكن والوقت علن اصواتهن يشكرنها استحت منهم وناظرت مضاوي الي اضحكت
اغرفو العشاء تعشو المدرسات وراحن للمدرسه يكملن سهرتهن بما ان بكره الجمعه
................
فى قصر سلطان
افتحت عيونها بثقل لفت تدور احد مافيه احد لفت للجهه الثانيه شافته منسدح ثوبه عليه ومرفوع الى خصره ويده على عيونه
كحت بقوه وحطت يدها على فمها بسرعه تخفف من صوتها
رفع راسه لها وعقد حاجبه:اوف اوف وش ذالكحه..
الهنوف تبلع ريقها بصعوبه وألم:اجعتني في حلقي..
سلطان ببتسامة رحمه كأنها طفله كلامها يجبرني احن عليها رغمن عني : قومي اشربي شويت ماء وبعدين استخدمي العلاج
الهنوف بتفكير:انا وش وصار لي امس..
سلطان :اغمي عليتس الطبيبه تقول عندها سوء تغذيه وفقر دم.. ليش كذا!!
الهنوف برهاق :فقر الدم فيني من زمان وسوء التغذيه من المذاكره
سلطان بستهزاء:مشاالله .. وقف رتب ثوبه ..انا عندي رحله بكره السبت مدري متى بجي اهم شي لاجيت ان علوم الامتحان تسرني.
الهنوف تأشر على عيونها بهدؤ
سلطان: تسلم عيونتس .. وببتسامة جذابه وهاديه.. عسى دوم الرقه الي لي
ابتسمت بخفيف شافت المويه في كوب بجنبها بالدرج وقف قدامها وفتح لها الحبوب الي بتاكلها حطها على الدرج خذا اشماغه وطلع
ناظرت له لين طلع زمت شفايفها بحباط ترى موضي قالتها اسلوبهم مع الي يحبون والي مايحبون وش له اتضايق اذا سافر ..كلت الحبوب وارجعت تنسدح الساعه صارت 11 الظهر مدت يدها للكتاب خذته وتصفحته بملل
. . . . . . . . . . . .
فى بيت بو مفلح

ادخلت حجرتها ماجاها النوم خذت الجوال ناظرت في صورته بالخلفيه بخجل من نفسها اذا اذكرت مواقفها معه ودي ارجع بكره ابتسمت لتفكيرها وانزلت عند امها تحت
ام مفلح بستغراب:وين جيتي منه
نوره ببتسامه: من فوق
ابو مفلح بترقب:وش بلاتس اهناه..ومن الي جابتس..؟؟
نوره بخجل:تعبانه اشوي وراشد عنده سفره وجيت
ابو مفلح: ليه؟؟.. وتخلين عمتتس..
توهقت واسكتت وهي منزله راسها
ام مفلح بحكمه :سعد النسوان لهن اشياء تخصهن .. ماعليك منها..
ابو مفلح بعتب:والله مدري وش عندكم بس صيته لاتخلينها وتقعدين تجيني كل شوي
نوره :ابشر
تغدو ولف ابو مفلح لحجرته ونمشه لفت لبنتها
ام مفلح :وش جابتس متمشكلتن معه..؟؟
نوره بتصريفه:لا يمه انا تعبانه والطبيبه انصحتني ابعد من الزوج كم يوم
ام مفلح براحه وحنان: وش قومتس...
لفقت لها نوره عذر صدقتها فيه رقت فوق ودقت لراشد
راشد بنعاس :مرحبا
نوره برجفه من صوته النعسان :وش اعلومك
راشد بشوق تنهد:اعلومي ضايعه.. مالقيتيها عندتس ؟!.
نوره تبلع ريقها وببتسامه:لقيتها ارسلتها لك مليانه شوق وتبشرك..
راشد بضحكه: بشريها بالشوق والوله..وش بعد عندها من بشاير..
نوره بتردد:تبشرك انها تحبك..
راشد وهو يستقعد تنهد: الحب انا الي اشيله ماهوب انتي ..انتي فضلتي ترتاحين بعيد..
نوره بصوتها الحلو :اختلفنا من يحب الثاني اكثر ..ابتسمت.. تعال اخذني بكره مالقيت الراحه البعيد
راشد بفرحه مخفيه :بكره انابمسك من بعد المغرب لي يومين اشغال الشركه زادت..
نوره بشوق:الله يعينك وترجع لي سالم
راشد ببتسامه من كلامها تغير وعسى ان تكرهو شين وهو خير لكم انسدح وهو يكلمها وكل شي يمشي مثل ماتمنى
...............

[7btin]

48

من بعد الظهر رقت لها ام سلطان وموضي
الهنوف ابتسمت وهي تشوفهم يدخلون:نورتو
ام سلطان اجلست عندها وبحنان :منوره وانتي فيها ..وش لونتس ذلحين..؟؟
الهنوف براحه:الحمدالله كويسه
موضي :علمنا سلطان وراح ..تعبانه من امس ماقلتي لنا
الهنوف بخجل:بس اشوي والحين الحمدالله ماله داعي اخوفكم ..
ام سلطان بامل:انا قلت لسلطان يمكنها حامل...
نزلت راسها وبهدؤء:لا منيب حامل!!..
موضي بستغراب: ليه ماكشفتي..؟؟
الهنوف بكذب :الا وطلع بدون حمل..
ام سلطان :ياقلبي ياسلطان املته وماطلع شي
موضي بتخفف عليها: علمتيه بس يمه ترا احسه موب مهتم مره مسلم امره ..لاتخافين يالهنوف الهنوف تبتسم بمجالمه الله يستر علي ويحفظني منه
.....................
بداء يوم اختبار الهنوف انزلت الصبح بعد صلاة الفجر من امس تدق له تشوف وش تقول لهم وكيف تدخل الامتحان ومن بيروح معها ومارد عليها راحت لخالتها بالحجره احترتها لين صلت سلمت والتفتت عليها
الهنوف ببتسامه :صباح الخير
ام سلطان:صباح النور ..هلا حبيبتي
الهنوف بتردد :الاختبار اليوم كيف اروح.. ومتى؟؟
ام سلطان : ماقال لتس شي سلطان..!!
الهنوف :دقيت عليه مايرد..
ام سلطان :الساعه سته تجهزين وانا بكلم السايق يروح بتس
هزت الهنوف راسه بتفهم واطلعت فوق الدور هادئ ادخلت الجناح اجلست بالحجره تصفحت الكتاب حست انها متورطه اذا راحت اهناك كيف بتسنع امورها.. اطلعت لغرفة النايفه الي قدها مصليه ومعها المصحف
الهنوف ببتسامه:صباح الورد
النايفه تلف لها:صباح الزهر الحلو
الهنوف تجلس على السرير وبورطه:النايفه لازم تروحين معي تجرئيني ..جامعتكم متوجله منها..
النايفه بتاكيد :من عيوني والله.. متى بتروحين ...
الهنوف براحه:تسلم اعيونتس ..الساعه ست نمشي
النايفه :طيب ماعندي مشكله
على الساعه سته اجهزت وانزلت الصاله فاضيه ترددت تروح لنايفه مره ثانيه تخليها تجي معها
الهنوف بتوتر الله يسامحه مارد موب لشي الا اني ابيه يوضح لي وش اسوي خلاني كذا متوهقه البست عباتها لفت الطرحه واطلعت برى
شافت سياره واقفه وصوت محركها شغال تنفست برتياح تغطت ومشت صوبه وهي ترد على النايفه :يالله بسرعه على بال ماناصل
النايفه بربكه وهي تركض تحت:يالله يالله انتظريني ..البست العبايه واطلعت وهي تمشي بسرعه لها
الهنوف تكلم السايق فاتح باب السواق تشوف بس اكتوفه :لوسمحت اخوي ..اذا كل شي خالص نمشي
محمد بفشله وتوهيقه الله يهديك ياسلطان :ايه نقدر نمشي ..لف عنها وانتبه للي جايتهم مسرعه وتدخل يديها باكمام العبايه
ماقدر ينزل عينه عنها وشعرها متناثر حولها بفوضويه توتر من حركاتها واضح انها شقيه ارفعت راسها له عقب ماخلصت من عباتها انصدمت وهي تشوفه افتحت فمها فيه شوي وهو صد بسرعه بفشله وعض شفايفه
لفت الطرحه وغطتها كان ناويه تهزئ على بالها احد من السووايق مايدخلون لين تركب وتدق عليهم يجون بس شافته وضاعت اعلومها
محمد بربكه واضحه :خلاص احرك
الهنوف :ايه خلاص ..لفت لنايفه الي ترتجف ويديها في حظنها ..تحركت السياره واطلعت برى الحديقه
الهنوف بستغراب وصوت واطئ :اسم الله عليس وش فيتس..!!
النايفه برتباك:شافني مادريت عنه..!!
الهنوف براحه :بس .. يعني عادي بعدين غريبه داخل ماهو بتقولين مايجون لمكم بصور القصر..
النايفه بدموع انزلت غصب: هذا محمد ولد خالتي...
الهنوف برحمه:شيلي من راستتس انتي شفت كيف اخوانتس واقفين ضد مبداتس...
النايفه بهدؤ هزت راسها وهي تناظر برى هدى الجو الا من صوت صفحات كتاب الهنوف
محمد بركاده:معكم البطاقه الخاصه فيتس
الهنوف:و ش البطاقه..؟؟
النايفه وهي تصغي عليها :بطاقة العايله..!!
الهنوف عضت شفايفها:لا نسيتها..
محمد بورطه :قدنا بعيد مدري والله هم بيصدقون امرتس ولا لا..!!
النايفه بهدؤ :معي بطاقتي الشخصيه ببرزها لهم وبتمشي امورنا تمام..
محمد :انا بكلم سلطان وبشوف اذا يصلح..
النايفه برفعت حاجب وتكبر:انا قلت بتمشي امورنا خلاص ماله داعي تدق..
الهنوف ببتسامه حلووو طلعيه من راستس
محمد ماقدر يصبر من كلامه وكانها مستعبدته:افضل تخلين راييس لنفستس منتب تقارنين بالرجال والي يقدرون عليه..
ناظرت لها الهنوف بحزن وهي تشوفها تنزل راسها تحاول ترص على نفسها بذالاسلوب
محمد وهو يشيل التلفون على سلطان ويكلمه وبعقدت حاجب مازالت فيه :ماعندي مشكله اقدر اسويه يالله فمان الله
صكه ولف لهن براسه شوي :يقولكم روحو للعميده ..الهنوف ولا عليتس امر لاجيتها عطيها التلفون..!!
الهنوف:انشالله
طال الطريق على النايفه الي دموعها تنزل بصمت امسحتها بتعب وناظرت لمرايه شافته معقد حواجبه ومندمج بالسواقه نزلتها ولفت للهنوف
النايفه ببتسامه وتصريح بمشاعرها:انا قلبي يعي يجي على كيفي
لفت لها الهنوف وهي تناظر لمحمد ومبتسمه:علميني لا طلعت من الامتحان اعلمتس كيف يطيعتس
هزت النايفه راسها ولفت للشباك اوصلو للجامعه انزلن وادخلو ومحمد ينتظر تلفون منهن
وقفو عند الامن طلعت النايفه البطاقه تبعها ومدتها لصاحبة الامن
صاحبة الامن باحترام :هلا والله شرفتونا ..بيش اخدمكم..؟؟
النايفه :ابي العميده ورجاء ندخل على طول ..
راعيت االامن وهي تاشر على عيونها واشرت لهن يمشن قدامها
الهنوف بستغراب:طيب فادت البطاقه..!!
النايفه ببتسامه الم:بتفيد مافيها اختلاف حتى هو داري بس زعل من كلامي... وبتفكير وتردد.. صراحه مادري هي فادت نمشي المعامله بسرعه مدري عن الامتحان
الهنوف بعتب :الله يهديتس اهم شي الامتحان ندخل ولالا ...
النايفه بخجل: اصبري خلين نشوف وش بيسوي
ادخلو لمبنى وعلى طول اطلعو عند العميده وادخلن
النايفه:السلام عليكم
العميده بترحيب:هلا ومرحبا ..وعليكم السلام تفضلو..
النايفه: الهنوف ناصر ..اوراقها للامتحان واصلت لكم ..!!
العميده :الا وصلت اكيد ..بس تبرز بطاقة الكليه او اي شي يخص انها الهنوف
النايفه في محاوله انها ماترجع له :نستها بس انا معي البطاقه..
العميده ببتسامه هاديه :الاميره النايفه بنت نايف.. صاحبة الامتحان الهنوف بنت ناصر وينها الهنوف
الهنوف: انا الهنوف ..بس ممكن تاخذين الجوال طالبينتس...
العميده هزت راسها والهنوف تدق :الو العميده معك الحين ..
محمد :عطيني اياها
مدته لها وخذته منها
العميده بركاده:طيبين الحمدالله ..
محمد :الهنوف تدخل اوراق االامتحان الي جايه من النعيريه..
العميده:لازم البطاقه الي تخص المختبره..
محمد بدبلت كبد : يعني المفروض اخلي سلطان بن نايف يدق عليس عشان تسمح الامر...
العميده بتردد:لازم وش يضمن انها صاحبة الاختبار..
محمد بغيض :الامر يخص الامير اكثر مني اذ بتمشينها حلو وذا اركبتس عفريت اسحب يدي منه واسلمه لاصحابه
العميده بتوهيقه وهي تشوف نظرات النايفه المتكبره :طيب مافيه مشكله...
صكه محمد في وجهها وهي مدته للهنوف
العميده : خلوكم هنا الاوراق برسلها تجي عندنا
اقعدو شوي والهنوف شايله يدها من ذاه كله اوصلت لهم الاوراق ادخلت بحجرة الاجتماعات اقعدت ساعه الاربع وهي تمتحن بحماس اهم شي الممتاز خلصت وهي تراجع كل كلمه بشويش
مدتها للمراقبه الي تناظرها وتناظر ملابسها بتفحص شديد ابتسمت ومدت الاوراق
المراقبه ببتسامه وعينها على الهنوف:مشالله مشالله ..الله يوفقتس والله اني حبيتس..
اضحكت لها الهنوف واطلعت للنايفه السرحانه
الهنوف تنهد براحه :مشينا...
قامت النايفه واطلعو برى المسافه طويله لباب الخروج
النايفه بهدؤ: لانطلع الحين شوي..
الهنوف: انا مارقدت امس زين احاتي الامتحان ابي ارجع انام .. وبعدين الرجال برى يحترينا...
النايفه برتباك :ادخل عادي..
الهنوف بضحكه :لا خليتس واقفه فديتس ..
النايفه ببتسامه:عطيني الطريقه..
الهنوف وهن يمشن بستغراب: وش طريقته
النايفه :طريقة الي تقولين لي بالسياره
الهنوف تهز راسها بتذكر :اها ..تبين الحقيقه الصريحه شوي احسه الرجال مايعرفتس ومايفكر في الي تفكرين فيه..انتي الي شفتيه ومتغطيه واعجبتس يالنايفه الي يبيتس اشتريه بغالي والي مايبيتس انسيه.. يعني ظنتس هو بيفكر يخطبتس عقب مارفض اخوتس واحد من اهله بيعتبر نفسه نفس الشي ..
النايفه بصدمه من كلامها صح طيب هو خاف مايبيني اخاف اعلق نفسي بواحد مافكر فيني وعنده بنات عمه ومن اهله
الهنوف بخجل وتوتر :عسى مازعلتي
النايفه بهدؤ وسرحان هزت راسها بلا:ازعل من الحقيقه..!!
وقفو عند الباب وهن يبلبسن عباياتهن هزت اكتافها الهنوف :انا عندتس يعني خذيت اخوتس من حب لا لا.. حتى هو يمكن تنصدمين لا قلت لتس انه الى الان ماحبني صح انه عادي عندي بس هو ماأخذني تعباره موب لازم الحب عشان نعيش ...
البست الهنوف غطوتها واطلعت والنايفه تناظرها بصدمه البست والحقتها برى شافته جالس بسياره لابس نظارته الشمسيه افتحت الباب وادخلت تحرك وهن صامتات
ناظرت الهنوف الي تصفح كتاب الاختبار وتشوف اخطاءها
النايفه بتردد:الهنوف وش هااالكلام
الهنوف بعدم اهتمام ناظرت لها :يعني انا عطيتتس تجربه عشان تعيشين حياتس..
النايفه بالم :والتجربه عليتس انتي واخوي سلطان..
الهنوف بتنهاد:هذي الحياه نصبر عليها..
النايفه بدموع:ماتحبين سلطان !!..
الهنوف برتباك:انااعيش معه كرجل يخصني بس.. الحب اذا الله كتب نصيب يبقى للعمر مادري وش بيصير
النايفه تمسكها مع كتفها وبصوت ارتفع شوي:هو يحبتس ..متغير اول مره نشوف شكله كذا ونفسيته حلووه..
الهنوف تقرص عينها لمحمد عشان تقصر صوتها :اذا يحبني تاكدي اني مارح افرط في هالحب ...
النايفه تمسح ادموعها وترجع لمكانها :اذا انتو كذا اجل انامالي رجاء...
محمد مستغرب من اصواتهن الي علت سمع تشاطيف كلام حاول يسفهه بس ماقدر وهو يعوده كم مره ويحلله
لفت ا لهنوف بالم يحبني ..!! حتى ماجبر نفسه يدق يشوف وش سويت حذفني عليكم لو الله ثم النايفه كان مدريت وش اسوي
اوصلو للبيت انزلت الهنوف ومحمد لف لهم
محمد :النايفه هذي اوراق لسلطان مرسلها لكم ..سمي
النايفه بتوتر مدت يدها وخذتها :انا اتاسف لكلامي ماقصدت فيه انقص منك..وماقصرت
محمد وهو يسحب اشماغه قدام وببرود:ماصار شي ..اهم شي اتسلم الاوراق للوالده
انزلت وصكت الباب وهو حرك وطلع
..............
عند سارة فى القريه
ساره بهدؤ :بنات لوسمحتو الامر هذا مايهمني
نرجس:والله ياستاذه انها الباديه وتشوف ..وناظرت زميلتها بغيض
صيته تظاهر بالقوه :انتي كلامش مثل وجهش شين ..
نرجس وهي تقوم من الكرسي بصراخ بتضربها:اقول الحقيقه..
قامت ساره بسرعه وامسكتها وبعصبيه :خير يا الاخت وين احنى فيه..
نرجس بتهديد :تشوف ذالملعونه
ساره بصراخ: بببببس اقطعي هذا كلام عاقل..
صيته بخوف : والله ماوراش احد صاحي بنت مصريه يعني وش بيجي منش...
ساره وهي تمسك صيته وتسحبها برى الصف وتصك الباب
ساره بقهر :خير مافيه شي يحد على مشكله نفس كذا...
صيته بخوف شديد:والله ياستاذه انها باديه تسب عمي وتطلع عليه كلام شين وش على كيفها..
ساره تنهى الامر:خلاص ادخلي...
صيته باعتراض:لا لا بروح للبيت بتمسكني عقب وبتبرد حرتها فيني
ساره :باقي خمس دقايق ويضرب الجرس ادخلي واطلعي بسرعه
صيته :لا وديني للمديره ابيها
ساره بستغراب :كيفتس اذا وصل للمديره ماهو من صالحتس
صيته باصرار:ماعليه.. انزلو للمديره وعلمتها صيته بالسالفه
ساره بتايد:صح مازادت بشي ..بس مالها داعي تاصل المشكله لهنا
المديره :هاذي البنت ينخاف منها قد امسكت بنت برى المدرسه واذتها ..ولفت لساره انا بطلع الحين مشواري بعيد روحي معها لين بيتهم تفادي لي ضرر لطالباتنا
ساره بخوف:وانا ياستاذه منيره وش دخلني...
المديره :مالك دخل بس بتوقف عند حدها لاشافتك..
هزت ساره راسها والمديره البست واطلعت..
ساره وهي تلتفت عليها:بوصي احد يجيب عباتس ونا بالبس عباتي قبل تطلع..
صيته برتباك :طيب ..اطلعت ساره وراحت وحده من الطالبات جابت العبايه البسنها والبنات يطلعن من المدرسه
ساره تمثل الهدؤ وهي خايفه:وين بيتكم امشي قبلي وريني...
صيته وهي تمشي بسرعه :منا ياستاذه منا... لفن مع البيوت وشوارع ومع لفت المسجد
صيته تصياح وهي تشوف السياره :وووووووقف
وقفت السياره وساره تناظرها بصدمه
فتح دريشته : اصويتان ..وش غادين عليش بالصريخ جعل السانش القص..
ساره برتباك وهي عارف راعي الموتر تاكدت من غطوتها وارجعت ورى
صيته براحه:اشوى ياعم انك جيت والله انا خايفات..
سعود وهو يناظر لساره :وش انتو
صيته :هاذي استاذتي لبى قلبها جايه معي توصلني..
سعود ببتسامه وهو يكلم ساره :هاذي خلوها يتفرشونها ترى ماتنعطى وجه..
اسكتت ساره وهي تلف راسها منهم
صيته مبوزه :هذا وانت سبب المشكله ..بعد فازعتن لك ..
سعود بضحكه :وش مسويه ياحليلش فكيني بس من فزعتش مابيها
صيته بقهر: يقولن انك مدخن وسربوت تطلع من المعيه (اسم قريتهم) ادور السربته عشان محد يعرفك.. ليتني قلت انكم صادقين
سعود بغيض: اقطعي لعنابيش انتي والي نقل لش الحكى..توش غرير هين ياالكلبه..
ساره بتوتر لفت لصيته :انا برجع كملي دربتس معه
صيته تمسكها بقوه: ماعليش منه يتقوى علي .. واصغت عليها.. ماعليش منه يحب يكلم الحريم والله سنافي.. وبصوت عالي ..امشي والله ان تغدين معنا
ساره بهدؤ اسحبت يدها :لا بروح للمدرسه.. انا استاذه ساره طيب ياصيته
صيته بخجل :طيب الله معش ...
لفت ساره وارجعت وهو يصفر ويضرب بوري ابتسمت بتقزز خافت اذا فيه ناس مثل كذا بذا المدينه وش بيسوي لدرى راشد
اوصلت وكل البنات قد اطلعو اتجهت للمعلمات وصكرت الباب زين حست بالخوف من نضراته
............
فى قصر سلطان
اليوم موعد امتحانها الثاني راحت بدون النايفه وسواق غير محمد عقب مارتب لها الوضع هناك اختبرت وراحت للبوابه
لفت لصوت الي يناديها :هلا
مراقبت الامتحان :ابي ر قم الوالده اذا عادي عندتس.
الهنوف ببتسامه :وش تبين به..
المراقبه :ابي اطلبتس لولدي انكنه عادي عندكم...
الهنوف:انا متزوجه ..وولدتس الله يسهل امره ويلقى عروس افضل مني..
المراقبه بطيبه:ايييه الله يوفقتس ..ماشفتتس مع الطالبات قدي لي هنا كم سنه..
الهنوف :انا جايه بس امتحن اول مره لي بعد ادخل الجامعه
المراقبه :طيب ممكن رقمتس .ابي ابشرتس بالنتيجه قبل..
الهنوف حلو بدون لاتعنى:ايه ابشري انشالله على يدتس..
عطتها الرقم واطلعت للسواق اوصلو للبيت على اذان الظهر مافيه احد بالصاله رقت بدلت ملابسها ببجامه ورديه برمودا وقميص للخصر بدون اكمام تقلبت على السرير تحس بارهاق بس ماجاءها نوم دق تلفون غرفتها
الهنوف بنعاس:الو
النايفه :بجي لمتس الحين.
الهنوف:طيب انتظرتس..
ادخلت النايفه عليها وطلعتها لغرفة الجلوس
النايفه:ترى اذا كذا منسدحه على السرير و لا جاء النوم اطلعي عشان مايأثر على االاعصاب ..
الهنوف متراخيه على الكرسي: احس اني مرهقه..
النايفه توقف :بطلب لنا شي ناكلها وعصير فرش تنشطين شوي..جاء االاكل واجبرتها تاكل غصب عنها
الهنوف بعد ماغسلت يدها:يالله جعلتس تاخذين الي تمنين ..راح مني العماس..
النايفه بمزح:امين..
الهنوف :هههههههه
ادخلو الخدم شالو الاكل والنايفه تقوم للهنوف االواقفه عند حوض السمك
النايفه :ماحبتس له.. دايم تفرجين عليه..
الهنوف ببتسامه:ايه احب السمك موت شكله والوانه.. مادري وش الي علقني فيه ودي امسكها بيدي ...
النايفه تلف لرف جنبها رفيع اسحبت منه كيسه ومدتها للهنوف
الهنوف بستغراب:وشو هاذا..
النايفه:اكل السمك.. صفيه تأكله كل يوم
الهنوف :ايه انا اشوفها بس حسبتها تنظف مانتبهت ...
النايفه :سمي اكليها دورتس اليوم .
الهنوف تاخذ الكيس وبفرحه :كيف ااكله بعيد
النايفه :احذفيه عليه على ماظن تسوي كذا
افتحت الهنوف الكيس بحماس قربت من الحوض الرفيع احذفت له من فوق ونصه بالارض
النايفه تضحك:شوي شوي ماجاه شي المسيكين..
الهنوف: ههههه يكفي اني انا الي اوكله
النايفه :ههههه ياعيني ياعيني .. انا بروح اجيب سلة فيها عصى طويل رحمته كنه مشفوح على الاكل ..
اطلعت والهنوف راحت للطاوله الصغيره قربتها منها وافتحت الكيس عليها خذت ملى يدها وهي تقفز وتحذف الاكل الي نصه يتناثر باالارض وترجع تاخذ مره ثانيه وتحذف

نهاية البارت

[7btin]

49

وقف عند الباب ناظرها وابتسم متحمسه ماتحس بالي حولها تحذف الحبوب في الحوض وتحط يديها الثنتين على راسها لايرجع الاكل ويطيح عليها..
خذت من الكيس واتجهت للحوض ناظرتها بتفكير وشلون تحدفها دون لا يرجع ويطيح عليها..مشى بهدؤ ناحيتها قرب منها ورفعها بقوه باتجاه الحوض
الهنوف بخوف نزلت راسها تناظره:بطيحني
سلطان يهز راسه بلا:لا عطيه الاكل الحين
الهنوف برتباك ابتسمت لفت للحوض وبثت الاكل بنحاءه كلها برهوو
سلطان بصوت هادي :خلاااص
الهنوف وصوتها يهتز:ايه .. نزلني..
نزلها ولفها له ناظرها بهدؤ وضمها بقوه
الهنوف بتوتر :النايفه بتجي الحين ..ابعد مني..حاولت تخلص نفسها منه بهدؤ
سلطان ببرود :كم لي يوم ماشفتتس ..؟!ضميني سلمي علي.. على الاقل اسكتي..قسى نظرته .. وش اخبار الامتحان ؟؟..
الهنوف شفتو يناس كيف يتحكم كيف يبيني اسوي الي يبي والحياه بيني وبينه على المحك..
ردت عليه ويدها على ذراعه الي محوطه خصرها :انشالله انه زين ..
سلطان وهو يقرب راسه منها ويرفع ارقبته ومازالت عقده بحاجبه :فكيه مانفك لي...
الهنوف برتباك ناظرت لبسه بدله رسميه سوداء اول مره تشوفه لابسها قبله وملحه عليه..
سلطان :ارقبتي انكسرت ..ارحميني ساعه وانا احاول فيه..
مدت يدها وهي ترتعش اخفتها تحت ذقنه حاولت فيها وازرار اكبر من الفتحه مدري كيف دخله..
سلطان يمسك يدها وبهدؤ:اهدي مراح تفتحين وانتي كذا..
الهنوف بسحى :قوي مرره ..اقطعه..
سلطان ببتسامه:اقطعيه بسنانتس..
الهنوف برتباك:لا اسناني توجعني اخاف تقلعه ..وابتسمت
سلطان ببتسامه حلوه :بزعل من نفسي طول العمر لو انا تسببت بتخريب المبسم الحلووو
ابتسمت ونزلت راسها امسك راسها وقربه من رقبته :فكيها بسرعه.. بفسخها انقرفت منها..
قربت بتوتر اسحبت شوي البلوزه وهي تعض اخيوط الازرار وتقطعه..
حس بشعرها الناعم على خده وارقبته ووجهها المحمر ابتسم ومسك راسها :خلصتي
ارفعت راسها له بشوي خجل:باقي خيطين..اسحبته عقب بيدها واقطعته ابعدت وهي مبتسمه
سلطان بهدؤ مد يده لشفايفها يسحب اثر الخيوط الباقيه ابتسمت وعضت شفايفها بحراج
قربها منه :لازم مكافاءه للمساعده.. ارفعت راسها له ناظرت له وهو يقبلها بعمق حس بالغربه وهو بعيد بمكان ثاني اول مره يداعبه هالشعور .. ابعدها منه بسرعه ولف طالع من الحجره ناظرت له ودموعها تهدد بالنزول الى الان وانا ازعل اذا قرب ليه مانسى وليش مايبعد مني ويخليني اعيش وحدي اسمعت صوته بالحمام واطلعت للنايفه بسرعه
النايفه ببتسامه:سلطان جاء..
الهنوف تدخل لحجر بتشتت لتفكيرها:ايه توه واصل..
قامت النايفه وقفت جنب الهنوف وامسكتها مع يدها طلعتها برى وامسكت الباب :روحي لرجلتس مايصلح توه جاي.. صكته والهنوف تناظر الباب برتباك لفت تناظر جناحهم ترددت ترجع او تنزل تحت بس خايفه تشوفني موضي وهو توه جاي وتحرجني ..خذت نفس وارجعت لجناحهم .. شافته جالس متكي على الكنب ومعه اوراق رفع راسه لها عقب ماحس بريحة عطرها الاخاذ تنفس بعمق وانفخ بفمه:محمد ماعاطاكم اوراق تعطوني اياها..
الهنوف :لا ماعطاني شي.
سلطان يمسح شعره بقلق:يقول عطيتهم اياها..
الهنوف :ماخذيت شي منه نزلني وماقال شي ؟؟..
سلطان :اسالي النايفه عجلي ...
اطلعت الهنوف للنايفه طقت الباب وافتحته
الهنوف:عطاتس محمد اوراق لسلطان
النايفه براحه:ايييييييه نسيت عانيها فوق التسريحه من امس...
الهنوف تتجه للتسريحه وبعتب:مابردتتس ,,روعتيني.. خذتها واطلعت له
افتحت الباب شافته منسدح على الكنب: الاوراق عطاها النايفه..
استقعد وافتح عيونه بصعوبه :وليه ماقالت لي...
الهنوف تهز اكتافها :مادري
سلطان ياشر لها تجلس جنبها
قربت منه واجلست جنبه زحف صوبها وحط راسه على صدرها ويديه محوطه خصرها
ابلعت ريقها بصعوبه وعقدت حواجبها برتباك
سلطان بصوت خافت:هدني الشوق وانا قويه معاميدي ...
حست بقشعريره بجسمها وحرارتها ترتفع كذاب اكرهه واكره مجاملته ولعبه
سلطان بدون اهتمام :بوسيني هنا.. وأشر لخده..
صدت بسرعه وابعدت يديها عن راسه الي محوطه به من قبل
سلطان يضمها له اكثر :يالله بوست السلام نسيتيها ..وبعدين دايم انا الي ابوس..
الهنوف بتوتر خافت لايقلب عليها انهت الامر نزلت ارسها وباسته مع خده ابتسم وابعد عنها وعينه بعينها
سلطان :الاوراق تخص النايفه ووصايتي عليها حتى بوجود الاب .. وبنظره عميقه لعيونها.. ابي بيبي اكون له الاب الحقيقي
الهنوف برجفه وخوف :الله عنده كل شي..
سلطان :ابيه مثلي يعيش عند خواله..
الهنوف ترفع راسها له وبستغراب :معي يعني...
سلطان بستدراج :اذا تبين تاخذينه اخذيه..
الهنوف تنزل راسها:ماتبيه..!! والكلام كله الي حصل قبل...
سلطان :الاول تغير انا الحين ابي من اهلي..
غصت بها العبره وهي ترجعها بقوه ابتسمت :اهلك وهم اولى فيك ..وانا عندي اهلي..
سلطان وعينه عليها : عندتس ضعف اوكشفتي من قبل..
الهنوف بتكبر ماقدرت تخفيه :معاد يهم اذا افيني ولا لا ..اخذ من اهلك واعيالك منكم ..وانشالله خلود بعد
سلطان بصراحه :لا تخسي خلود واشكالها .. وبتفكير وشرود..تدرين اصبري بشوف..
الهنوف بقهر في نفسها وانا على حسابك اصبر عشان تشوف.. اعوذ بالله من ابليس الله حسيبك ياسلطان..
خذ الاوراق ووقف عضت شفايفها بقوه يارب رحمتك لاتنزل ادموعي علشانه اصبري يالهنوف الى ان يطلع كيف يقول هزني الشوق الله لايسامحك لخبطت افكاري كيف يقدر ينطق بهالكلام وهو كذب او بس يحب يجامل الحريم ويحب يعيش يلعب عليهم.. وقف بيطلع وقفت بسرعه ونادته :سلطان..
لف لها :لبيه
ابلعت ريقها وبصوت خانقته العبره :ليش تقول لي كلام يقوله العاشقين وانت كذاب ..وش تقصد !!..
لف لها بجسمه كله:انا ماقدرت اغير اسلوبي واخليه واحد معتس..
الهنوف بعتب:ياتصرف بوحشيه ياتكذب وتجامل بمبالغه..
سلطان :صح بس على ماأظن احسن لتس المجامله موب الوحشيه..
الهنوف بجمود:كاني منيب موجوده هذا احسن لي واعدل..
سلطان بترديد وتفكير :كنتس منتب موجوده!!.. اذا شفتتس ماقدر اطنش وجودتس ..حلتس صعب..
اسكتت منصدمه من كلامه حتى وهو يعلمني بحقيقته يعود ويكذب طلع وهي ترجع تجلس ويديها على وجهها يارب رحمتك ..
جلس عندهم بتفكير ما حملت لها شهر من الله والا بفعلها المشكله مايبين عليها الكذب وحركاات الحريم المخادعه مستحيل تاكل حبوب وهي عارفه انه خلاصها بالولد
موضي بستغراب:سلطان !! اسم الله عليك وش في وجهك مجهم..
سلطان ببرود:اوصلت اوراق النايفه الي تبع سلمان ..الحين اقدر اتصرف فيها بلي انا ابي ولا لهم منه..
ام سلطان بتعب:يوم رحت لهم ذالمره صادفت ابوك..
سلطان يمسك يدها:صادفته حبيت خشمه ولعاد شفته وهو ماطلبني...وبتغير للسالفه يوووه وش ذالريحه
موضي بستغراب :ويش تشم
سلطان بقرف: ايه خابره هي ريحة الحلبه عسى اذا انفست الهنوف ماتسوي مثلتس..
موضي بحنان تبتسم:جعلها تنفس على خير ..
سلطان :امين..مابي بنت مثل بنتتس دلوعه ..مسك رفيف مع اذنها الي جالسه تناظر سبيستون ومندمجه..ابي ولد مثل ابوه
رفيف بألم:اااااااااااي يمه مهره شوفيه...
سلطان بستهزاء:يمه مهره شوفيه ...مشطي شعرتس مهوب زين ..
موضي تبتسم :كلش ولا شعرها حطمتها
رفيف ببكى عضت يده بقوه وانزعتها تاوه بصوت عالي امسك يده ودزها على الارض..قامت واركضت فوق وهي تصيح
سلطان بقهر :الخلا..باين انه مهم عندها هالشعر
ام سلطان بحزن:نواف يدق عليك ماترد..
سلطان ينقلب وجهه لعبوس وبدون اهتمام :شفت اتصاله امس.. وانشغلت
ام سلطان :كم مره ماهوب بس امس
سلطان بزهق امسك نفسه :انا اخبر بنفسي..
انزلت الهنوف شافته معهم صدت منه واتجهت لخالتها اجلست جنبها
الهنوف بهدؤ:امي تسلم عليتس ,,
ام سلطان ببتسامه :الله يسلمتس ويسلمها من كل شر..
ناظر لها سلطان يوم ناظرت له صد وهو يفرك يده مكان عضت رفيف بتوتر
لفت له بجسمها وابتسمت واشرت على يده :عضتك..
ناظر لها بوجه مجهم ارفعت حواجبها باستغراب
سلطان ببرود:فرحانه..
الهنوف تناظر لهم بتوتر موضي واقفه تلف بزرها وام سلطان تناظر لهم : ايه ابردت حرتي ..
سلطان ببتسامه ارفع حواجبه :لااا زعلانه .. لف لامه .. هااا ياأم سلطان انتي بعد بردتي حرتتس
ام سلطان تناظره بعتب:ايه مثل الهنوف بالضبط...
حس بحساس يكرهه يرجع يرواده ابتسم بخفيف :اجل جعل رفيف تسلم على ذالعضه ..
موضي تعطي الشغاله ولدها وتجلس عنده ويدها على كتفه:كل شي تسويه في صالحنا حتى لو زعلنا منك بعض الاحيان
سلطان ببتسامه سخريه:علمي امتس شايله على من بعد ولدها عاجبها فعله..
ام سلطان بضيقه :قاهرتني روحته هناك كل رمضان ماله حاجه..
نفخ بفمه بقوه خذا اشماغه من الكنب وطلع لبرى ترددت تلحقه قامت غصب عنها والحقته برى
واقف برى ويمسح شعره ووجهه بتعب واشماغه على كتفه قربت منه ووقفت وراه
الهنوف ببتسامه : امزح والله اذا زعلت مني ..
لف لها براسه ورجع يلف عنها قربت ووقفت عنده وبرتباك مدت يدها وامسكت يده ناظر لها وارفعت عينها فيه
ابتسمت بتوتر:مافيه دم ...
رفع وحده من حواجبه بسخريه :يعني شاكه اني متالم من عضتها..
زمت شفايفها :لا بس.. سحب يده منها.. مشى ويده بمخباته ناظرت له ببتسامة حزن وهو يسحب باكيت الدخان ويشعلها ببرود
قعد على حواف مكان الزهور .. انا احس ابي مشاعر ..ابيهم يوقفون معي بالصح الي اسويه عشانهم سحب نفس عميق منها ورجع ينفثه مره ثانيه .. عنز يديه على ركبه وهو يطلع الوحده ورى الثانيه ويخلصها بثواني امه عارف انها ماتصبر بدونه وتعزه يمكن اكثر من كل اخوانه بس...تجبرني اغضبها وهي تدافع عنهم بلا مبرر. .. الاخت ماقصرت بس ويني وينها.. والزوجه ناظر للباب شافها واقفه في مكانها رفع عيونه لعيونها استغرب دموعها تبرق بعيونها ولا بان بملامحه..
ابتسم ونزل راسه.. لكي تنجح مع المرأة ، إذا ابتسمت لك ، فكن شمعة تذوب ، وإذا بكت، فكن صخرة لا تلين..
نزل نظره ويده يرفعها لفمه مره ثانيه ويسم بدنه تحركت من مكانها بسرعه وقفت عنده ويدها على كتفه
الهنوف بدموع مبللها وجهها: فديت روحك فديتك خلاص يكفي ..يكفي تعبت وانا اناظر كيف انت..
زم شفايفه داعبت كلماتها شغاف قلبه تنفس بهدؤ وناظر لها
سلطان بعتب:انتي تكرهين الدخان بس ولا انا عادي عندتس..
الهنوف ودموعها تنزل بستمرار :مهما كان مارضى لك الي تسويه في نفسك وبتردد انت..انت
انتظرها تكمل اسكتت .. وقف ويدها تنسحب من على كتفه العب بصلب الزقاره بيده وهو يقفى اجلست بحباط في مكانه امسحت دموعها بقهر وناظرته
طلع للشارع ورجع يدخل لمشب الضوء امسحت اثر الدموع ووقفت راجعه للبيت ادخلت عليهم كأنه ماطلع منهم زعلان ام سلطان تكلم اختها ام محمد وتضحك وموضي تناظر لنايفه تلون لرفيف بدفتر الوان
اجلست جنب موضي وبحراج :سلطان زعلان
موضي تناظرها:زعلان..!! تدرين يالهنوف قبل اذا سالناه عن الي مزعله ولكأنا انكلمه يطنشنا حتى امي يسكتها بمافيه شي صح انه تغير عن قبل وصياعته بس وبتنهاد.. والله ماندري وش يبي ويصلح له..
الهنوف بتردد وضيقه :يدخن بقوه حتى عيونه ذبلانه..
موضي بحنان :الهنوف على يدتس انشالله ..والله انتس تعرفين شي مانعرف له المره الطيبه اخبر بلي في رجلها..
اسكتت الهنوف وموضي تحط يدها عليها:تفهمين بنظرة اعيونتس والي يدل لحقتيه برى يمكن انه زعلان من كلامتس انتي وامي
الهنوف بخجل انها درت :بسوي الي علي وزياده ..
موضي:انتي المسؤله عنه اهتمي بكل شي يخصه .برجى..لاتشيلين بخاطرتس عليه
هزت راسها وابتسمت يعني انا المسئوله عنه ههههههه حست ادموعها بتخونها الله يعيني غديت كن مالي اهل الا هو..
...............
فى بيت الراشد

خلصت كل شي الغرفه تغيرت كلها حمراء صارخه والمفرش عليه ورد طبيعي ابتسمت بتوتر وهي تنتظره يجي رجعت مع مفلح ماعلمت احد برجعتها تنفست بعمق صوت الباب ينفتح وراشد يدخل بهدؤ
وقفت له وبشوق : اشتقت لك..
كانت عيونه تشع بالفرحه منصدم من وجودها ابد ماخطر على باله بتجي من نفسها قرب لها ضمها بقوه :وانا اكثر ياروحي..
نوره وصوتها يهتز:راشد اوعدك اني اسوي كل الي يرضيك وترضى عني
ابعدها منه وناظر في وجهها :يابعد راشد انتي وواعدتس اني بعد احطتتس هنا.. وياشر على راسه
اضحكت وفي عينها دموع وهو يجلس ويجلسها بحظنها :الله الله ويش ذالحركات الزينه ..اثريتس منتب بسيطه
نوره :ههههه لعيونك
ارفع وجهها باصابعه :تسلم عيوتس جعل ربي يخليتس لي
نوره لفت له بجسمها :هذي اول ليله يحظرها معنا شخص ثالث
راشد بستغراب :ثالث..
نوره بضحكه تحط يدها على بطنها :فيه بيبي
راشد بفرحه شديده وهو يعلي صوته :لااااا والله تقولينها صادقه
نوره :هههه ايه اول يوم جيت لاهلي
راشد برتباك :يالله يارب لك الحمد ..والله لوني داري ان ماتنزلين
نوره :ههههه ليتك دريت..
راشد :ههههههاي لبى قلبتس ..تعالي تعالي نزلها جنبه وهو منسجم على الخبر ويلقمها من الكيك
...........
يوم الاربعاء راح يجيب راشد ساره لهم اوصلو قبل المغرب ادخلت عليهم وامها جالسه على العتبه تحتريهم
ام راشد بحنان :مرحبا عد السيل ونجم سهيل
ساره بدموع:يممممممه ..ضمتها وقعدت تصيح
راشد :اوه اوه ..ليه المفروض انتس ذلحين جايبه الفلوس ومستانسه
ساره تضحك وتمسح دموعها:اول مره ابعد منها كل المده
راشد بمزح :يالكذوب وايام عرستس
ام راشد :الله لايعيدها من ذكرى ..وتلف له انت وش تبي بها خلها تبكي مستانسه بنا
راشد :هههههه خليها تبكي هااا على كيفها لاتقولين تعال سكتها
نوره وهي مقبله عليهم وتنشف يديها :يالله حي السوري
ساره تمشي لها وببتسامه:الله يحيتس ..وش اخبارتس
نوره :الحمدالله انشد عن اخبارتس
اقعدو يسولفون عند الباب وساره كل شوي متنهده
نوره :ههههه ساره حي ذالعين بنا صح
ساره ميته ضحك:انشهد..
..

[7btin]

49

وقف عند الباب ناظرها وابتسم متحمسه ماتحس بالي حولها تحذف الحبوب في الحوض وتحط يديها الثنتين على راسها لايرجع الاكل ويطيح عليها..
خذت من الكيس واتجهت للحوض ناظرتها بتفكير وشلون تحدفها دون لا يرجع ويطيح عليها..مشى بهدؤ ناحيتها قرب منها ورفعها بقوه باتجاه الحوض
الهنوف بخوف نزلت راسها تناظره:بطيحني
سلطان يهز راسه بلا:لا عطيه الاكل الحين
الهنوف برتباك ابتسمت لفت للحوض وبثت الاكل بنحاءه كلها برهوو
سلطان بصوت هادي :خلاااص
الهنوف وصوتها يهتز:ايه .. نزلني..
نزلها ولفها له ناظرها بهدؤ وضمها بقوه
الهنوف بتوتر :النايفه بتجي الحين ..ابعد مني..حاولت تخلص نفسها منه بهدؤ
سلطان ببرود :كم لي يوم ماشفتتس ..؟!ضميني سلمي علي.. على الاقل اسكتي..قسى نظرته .. وش اخبار الامتحان ؟؟..
الهنوف شفتو يناس كيف يتحكم كيف يبيني اسوي الي يبي والحياه بيني وبينه على المحك..
ردت عليه ويدها على ذراعه الي محوطه خصرها :انشالله انه زين ..
سلطان وهو يقرب راسه منها ويرفع ارقبته ومازالت عقده بحاجبه :فكيه مانفك لي...
الهنوف برتباك ناظرت لبسه بدله رسميه سوداء اول مره تشوفه لابسها قبله وملحه عليه..
سلطان :ارقبتي انكسرت ..ارحميني ساعه وانا احاول فيه..
مدت يدها وهي ترتعش اخفتها تحت ذقنه حاولت فيها وازرار اكبر من الفتحه مدري كيف دخله..
سلطان يمسك يدها وبهدؤ:اهدي مراح تفتحين وانتي كذا..
الهنوف بسحى :قوي مرره ..اقطعه..
سلطان ببتسامه:اقطعيه بسنانتس..
الهنوف برتباك:لا اسناني توجعني اخاف تقلعه ..وابتسمت
سلطان ببتسامه حلوه :بزعل من نفسي طول العمر لو انا تسببت بتخريب المبسم الحلووو
ابتسمت ونزلت راسها امسك راسها وقربه من رقبته :فكيها بسرعه.. بفسخها انقرفت منها..
قربت بتوتر اسحبت شوي البلوزه وهي تعض اخيوط الازرار وتقطعه..
حس بشعرها الناعم على خده وارقبته ووجهها المحمر ابتسم ومسك راسها :خلصتي
ارفعت راسها له بشوي خجل:باقي خيطين..اسحبته عقب بيدها واقطعته ابعدت وهي مبتسمه
سلطان بهدؤ مد يده لشفايفها يسحب اثر الخيوط الباقيه ابتسمت وعضت شفايفها بحراج
قربها منه :لازم مكافاءه للمساعده.. ارفعت راسها له ناظرت له وهو يقبلها بعمق حس بالغربه وهو بعيد بمكان ثاني اول مره يداعبه هالشعور .. ابعدها منه بسرعه ولف طالع من الحجره ناظرت له ودموعها تهدد بالنزول الى الان وانا ازعل اذا قرب ليه مانسى وليش مايبعد مني ويخليني اعيش وحدي اسمعت صوته بالحمام واطلعت للنايفه بسرعه
النايفه ببتسامه:سلطان جاء..
الهنوف تدخل لحجر بتشتت لتفكيرها:ايه توه واصل..
قامت النايفه وقفت جنب الهنوف وامسكتها مع يدها طلعتها برى وامسكت الباب :روحي لرجلتس مايصلح توه جاي.. صكته والهنوف تناظر الباب برتباك لفت تناظر جناحهم ترددت ترجع او تنزل تحت بس خايفه تشوفني موضي وهو توه جاي وتحرجني ..خذت نفس وارجعت لجناحهم .. شافته جالس متكي على الكنب ومعه اوراق رفع راسه لها عقب ماحس بريحة عطرها الاخاذ تنفس بعمق وانفخ بفمه:محمد ماعاطاكم اوراق تعطوني اياها..
الهنوف :لا ماعطاني شي.
سلطان يمسح شعره بقلق:يقول عطيتهم اياها..
الهنوف :ماخذيت شي منه نزلني وماقال شي ؟؟..
سلطان :اسالي النايفه عجلي ...
اطلعت الهنوف للنايفه طقت الباب وافتحته
الهنوف:عطاتس محمد اوراق لسلطان
النايفه براحه:ايييييييه نسيت عانيها فوق التسريحه من امس...
الهنوف تتجه للتسريحه وبعتب:مابردتتس ,,روعتيني.. خذتها واطلعت له
افتحت الباب شافته منسدح على الكنب: الاوراق عطاها النايفه..
استقعد وافتح عيونه بصعوبه :وليه ماقالت لي...
الهنوف تهز اكتافها :مادري
سلطان ياشر لها تجلس جنبها
قربت منه واجلست جنبه زحف صوبها وحط راسه على صدرها ويديه محوطه خصرها
ابلعت ريقها بصعوبه وعقدت حواجبها برتباك
سلطان بصوت خافت:هدني الشوق وانا قويه معاميدي ...
حست بقشعريره بجسمها وحرارتها ترتفع كذاب اكرهه واكره مجاملته ولعبه
سلطان بدون اهتمام :بوسيني هنا.. وأشر لخده..
صدت بسرعه وابعدت يديها عن راسه الي محوطه به من قبل
سلطان يضمها له اكثر :يالله بوست السلام نسيتيها ..وبعدين دايم انا الي ابوس..
الهنوف بتوتر خافت لايقلب عليها انهت الامر نزلت ارسها وباسته مع خده ابتسم وابعد عنها وعينه بعينها
سلطان :الاوراق تخص النايفه ووصايتي عليها حتى بوجود الاب .. وبنظره عميقه لعيونها.. ابي بيبي اكون له الاب الحقيقي
الهنوف برجفه وخوف :الله عنده كل شي..
سلطان :ابيه مثلي يعيش عند خواله..
الهنوف ترفع راسها له وبستغراب :معي يعني...
سلطان بستدراج :اذا تبين تاخذينه اخذيه..
الهنوف تنزل راسها:ماتبيه..!! والكلام كله الي حصل قبل...
سلطان :الاول تغير انا الحين ابي من اهلي..
غصت بها العبره وهي ترجعها بقوه ابتسمت :اهلك وهم اولى فيك ..وانا عندي اهلي..
سلطان وعينه عليها : عندتس ضعف اوكشفتي من قبل..
الهنوف بتكبر ماقدرت تخفيه :معاد يهم اذا افيني ولا لا ..اخذ من اهلك واعيالك منكم ..وانشالله خلود بعد
سلطان بصراحه :لا تخسي خلود واشكالها .. وبتفكير وشرود..تدرين اصبري بشوف..
الهنوف بقهر في نفسها وانا على حسابك اصبر عشان تشوف.. اعوذ بالله من ابليس الله حسيبك ياسلطان..
خذ الاوراق ووقف عضت شفايفها بقوه يارب رحمتك لاتنزل ادموعي علشانه اصبري يالهنوف الى ان يطلع كيف يقول هزني الشوق الله لايسامحك لخبطت افكاري كيف يقدر ينطق بهالكلام وهو كذب او بس يحب يجامل الحريم ويحب يعيش يلعب عليهم.. وقف بيطلع وقفت بسرعه ونادته :سلطان..
لف لها :لبيه
ابلعت ريقها وبصوت خانقته العبره :ليش تقول لي كلام يقوله العاشقين وانت كذاب ..وش تقصد !!..
لف لها بجسمه كله:انا ماقدرت اغير اسلوبي واخليه واحد معتس..
الهنوف بعتب:ياتصرف بوحشيه ياتكذب وتجامل بمبالغه..
سلطان :صح بس على ماأظن احسن لتس المجامله موب الوحشيه..
الهنوف بجمود:كاني منيب موجوده هذا احسن لي واعدل..
سلطان بترديد وتفكير :كنتس منتب موجوده!!.. اذا شفتتس ماقدر اطنش وجودتس ..حلتس صعب..
اسكتت منصدمه من كلامه حتى وهو يعلمني بحقيقته يعود ويكذب طلع وهي ترجع تجلس ويديها على وجهها يارب رحمتك ..
جلس عندهم بتفكير ما حملت لها شهر من الله والا بفعلها المشكله مايبين عليها الكذب وحركاات الحريم المخادعه مستحيل تاكل حبوب وهي عارفه انه خلاصها بالولد
موضي بستغراب:سلطان !! اسم الله عليك وش في وجهك مجهم..
سلطان ببرود:اوصلت اوراق النايفه الي تبع سلمان ..الحين اقدر اتصرف فيها بلي انا ابي ولا لهم منه..
ام سلطان بتعب:يوم رحت لهم ذالمره صادفت ابوك..
سلطان يمسك يدها:صادفته حبيت خشمه ولعاد شفته وهو ماطلبني...وبتغير للسالفه يوووه وش ذالريحه
موضي بستغراب :ويش تشم
سلطان بقرف: ايه خابره هي ريحة الحلبه عسى اذا انفست الهنوف ماتسوي مثلتس..
موضي بحنان تبتسم:جعلها تنفس على خير ..
سلطان :امين..مابي بنت مثل بنتتس دلوعه ..مسك رفيف مع اذنها الي جالسه تناظر سبيستون ومندمجه..ابي ولد مثل ابوه
رفيف بألم:اااااااااااي يمه مهره شوفيه...
سلطان بستهزاء:يمه مهره شوفيه ...مشطي شعرتس مهوب زين ..
موضي تبتسم :كلش ولا شعرها حطمتها
رفيف ببكى عضت يده بقوه وانزعتها تاوه بصوت عالي امسك يده ودزها على الارض..قامت واركضت فوق وهي تصيح
سلطان بقهر :الخلا..باين انه مهم عندها هالشعر
ام سلطان بحزن:نواف يدق عليك ماترد..
سلطان ينقلب وجهه لعبوس وبدون اهتمام :شفت اتصاله امس.. وانشغلت
ام سلطان :كم مره ماهوب بس امس
سلطان بزهق امسك نفسه :انا اخبر بنفسي..
انزلت الهنوف شافته معهم صدت منه واتجهت لخالتها اجلست جنبها
الهنوف بهدؤ:امي تسلم عليتس ,,
ام سلطان ببتسامه :الله يسلمتس ويسلمها من كل شر..
ناظر لها سلطان يوم ناظرت له صد وهو يفرك يده مكان عضت رفيف بتوتر
لفت له بجسمها وابتسمت واشرت على يده :عضتك..
ناظر لها بوجه مجهم ارفعت حواجبها باستغراب
سلطان ببرود:فرحانه..
الهنوف تناظر لهم بتوتر موضي واقفه تلف بزرها وام سلطان تناظر لهم : ايه ابردت حرتي ..
سلطان ببتسامه ارفع حواجبه :لااا زعلانه .. لف لامه .. هااا ياأم سلطان انتي بعد بردتي حرتتس
ام سلطان تناظره بعتب:ايه مثل الهنوف بالضبط...
حس بحساس يكرهه يرجع يرواده ابتسم بخفيف :اجل جعل رفيف تسلم على ذالعضه ..
موضي تعطي الشغاله ولدها وتجلس عنده ويدها على كتفه:كل شي تسويه في صالحنا حتى لو زعلنا منك بعض الاحيان
سلطان ببتسامه سخريه:علمي امتس شايله على من بعد ولدها عاجبها فعله..
ام سلطان بضيقه :قاهرتني روحته هناك كل رمضان ماله حاجه..
نفخ بفمه بقوه خذا اشماغه من الكنب وطلع لبرى ترددت تلحقه قامت غصب عنها والحقته برى
واقف برى ويمسح شعره ووجهه بتعب واشماغه على كتفه قربت منه ووقفت وراه
الهنوف ببتسامه : امزح والله اذا زعلت مني ..
لف لها براسه ورجع يلف عنها قربت ووقفت عنده وبرتباك مدت يدها وامسكت يده ناظر لها وارفعت عينها فيه
ابتسمت بتوتر:مافيه دم ...
رفع وحده من حواجبه بسخريه :يعني شاكه اني متالم من عضتها..
زمت شفايفها :لا بس.. سحب يده منها.. مشى ويده بمخباته ناظرت له ببتسامة حزن وهو يسحب باكيت الدخان ويشعلها ببرود
قعد على حواف مكان الزهور .. انا احس ابي مشاعر ..ابيهم يوقفون معي بالصح الي اسويه عشانهم سحب نفس عميق منها ورجع ينفثه مره ثانيه .. عنز يديه على ركبه وهو يطلع الوحده ورى الثانيه ويخلصها بثواني امه عارف انها ماتصبر بدونه وتعزه يمكن اكثر من كل اخوانه بس...تجبرني اغضبها وهي تدافع عنهم بلا مبرر. .. الاخت ماقصرت بس ويني وينها.. والزوجه ناظر للباب شافها واقفه في مكانها رفع عيونه لعيونها استغرب دموعها تبرق بعيونها ولا بان بملامحه..
ابتسم ونزل راسه.. لكي تنجح مع المرأة ، إذا ابتسمت لك ، فكن شمعة تذوب ، وإذا بكت، فكن صخرة لا تلين..
نزل نظره ويده يرفعها لفمه مره ثانيه ويسم بدنه تحركت من مكانها بسرعه وقفت عنده ويدها على كتفه
الهنوف بدموع مبللها وجهها: فديت روحك فديتك خلاص يكفي ..يكفي تعبت وانا اناظر كيف انت..
زم شفايفه داعبت كلماتها شغاف قلبه تنفس بهدؤ وناظر لها
سلطان بعتب:انتي تكرهين الدخان بس ولا انا عادي عندتس..
الهنوف ودموعها تنزل بستمرار :مهما كان مارضى لك الي تسويه في نفسك وبتردد انت..انت
انتظرها تكمل اسكتت .. وقف ويدها تنسحب من على كتفه العب بصلب الزقاره بيده وهو يقفى اجلست بحباط في مكانه امسحت دموعها بقهر وناظرته
طلع للشارع ورجع يدخل لمشب الضوء امسحت اثر الدموع ووقفت راجعه للبيت ادخلت عليهم كأنه ماطلع منهم زعلان ام سلطان تكلم اختها ام محمد وتضحك وموضي تناظر لنايفه تلون لرفيف بدفتر الوان
اجلست جنب موضي وبحراج :سلطان زعلان
موضي تناظرها:زعلان..!! تدرين يالهنوف قبل اذا سالناه عن الي مزعله ولكأنا انكلمه يطنشنا حتى امي يسكتها بمافيه شي صح انه تغير عن قبل وصياعته بس وبتنهاد.. والله ماندري وش يبي ويصلح له..
الهنوف بتردد وضيقه :يدخن بقوه حتى عيونه ذبلانه..
موضي بحنان :الهنوف على يدتس انشالله ..والله انتس تعرفين شي مانعرف له المره الطيبه اخبر بلي في رجلها..
اسكتت الهنوف وموضي تحط يدها عليها:تفهمين بنظرة اعيونتس والي يدل لحقتيه برى يمكن انه زعلان من كلامتس انتي وامي
الهنوف بخجل انها درت :بسوي الي علي وزياده ..
موضي:انتي المسؤله عنه اهتمي بكل شي يخصه .برجى..لاتشيلين بخاطرتس عليه
هزت راسها وابتسمت يعني انا المسئوله عنه ههههههه حست ادموعها بتخونها الله يعيني غديت كن مالي اهل الا هو..
...............
فى بيت الراشد

خلصت كل شي الغرفه تغيرت كلها حمراء صارخه والمفرش عليه ورد طبيعي ابتسمت بتوتر وهي تنتظره يجي رجعت مع مفلح ماعلمت احد برجعتها تنفست بعمق صوت الباب ينفتح وراشد يدخل بهدؤ
وقفت له وبشوق : اشتقت لك..
كانت عيونه تشع بالفرحه منصدم من وجودها ابد ماخطر على باله بتجي من نفسها قرب لها ضمها بقوه :وانا اكثر ياروحي..
نوره وصوتها يهتز:راشد اوعدك اني اسوي كل الي يرضيك وترضى عني
ابعدها منه وناظر في وجهها :يابعد راشد انتي وواعدتس اني بعد احطتتس هنا.. وياشر على راسه
اضحكت وفي عينها دموع وهو يجلس ويجلسها بحظنها :الله الله ويش ذالحركات الزينه ..اثريتس منتب بسيطه
نوره :ههههه لعيونك
ارفع وجهها باصابعه :تسلم عيوتس جعل ربي يخليتس لي
نوره لفت له بجسمها :هذي اول ليله يحظرها معنا شخص ثالث
راشد بستغراب :ثالث..
نوره بضحكه تحط يدها على بطنها :فيه بيبي
راشد بفرحه شديده وهو يعلي صوته :لااااا والله تقولينها صادقه
نوره :هههه ايه اول يوم جيت لاهلي
راشد برتباك :يالله يارب لك الحمد ..والله لوني داري ان ماتنزلين
نوره :ههههه ليتك دريت..
راشد :ههههههاي لبى قلبتس ..تعالي تعالي نزلها جنبه وهو منسجم على الخبر ويلقمها من الكيك
...........
يوم الاربعاء راح يجيب راشد ساره لهم اوصلو قبل المغرب ادخلت عليهم وامها جالسه على العتبه تحتريهم
ام راشد بحنان :مرحبا عد السيل ونجم سهيل
ساره بدموع:يممممممه ..ضمتها وقعدت تصيح
راشد :اوه اوه ..ليه المفروض انتس ذلحين جايبه الفلوس ومستانسه
ساره تضحك وتمسح دموعها:اول مره ابعد منها كل المده
راشد بمزح :يالكذوب وايام عرستس
ام راشد :الله لايعيدها من ذكرى ..وتلف له انت وش تبي بها خلها تبكي مستانسه بنا
راشد :هههههه خليها تبكي هااا على كيفها لاتقولين تعال سكتها
نوره وهي مقبله عليهم وتنشف يديها :يالله حي السوري
ساره تمشي لها وببتسامه:الله يحيتس ..وش اخبارتس
نوره :الحمدالله انشد عن اخبارتس
اقعدو يسولفون عند الباب وساره كل شوي متنهده
نوره :ههههه ساره حي ذالعين بنا صح
ساره ميته ضحك:انشهد..
..

[7btin]

50

يوم الخميس اعلنو دخول شهرالبركه والخير رمضان
* * * * * * *
فى قصر سلطان
النايفه :الهنوف طلع بكره رمضان
الهنوف:ايه بكره ادق لاهلي ابارك لهم
النايفه :لاتنسين سلطان ارسلي له رساله يحبها قلبتس
اضحكت بمجامله تبطين كل شي الا اني اوضح لها لين من ناحيتي وأنا ولا شي عنده اذا ماهنيته موب صايم يعني..
اقعدو البنات لوقت السحور وبعدها رقت الهنوف لجناحها انتظرت الاذان صلت ونامت وهو ماجاء

.............

فى بيت بو فهد
ادخلت المطبخ تزين فطاير بيرحون لخالتها يفطرون هناك
لمياء :سيريتا .. سيريتا ..جيبي الطحين جهزي كل شي بروح وبجي
سيريتا بربكه اطلعت من المخزن :انشالله
اطلعت لمياء والشغاله يرجع يدق جوالها
الشغاله براحه:مشكله اذا ماما معلوم..
المتصل :هذي كفيل انتا
الشغاله :ايو مشالله بنت كويس مشالله حلووو مره
المتصل :هذا اسم ايش
الشغاله :لمياء توى صغير كليه
المتصل بخبث:طيب انا ابي اشوف هذا بنت
الشغاله بخباله :كيف شوف انتا مافي معلوم
المتصل:لااا انا يجي يعطي انتا افلوس صح
الشغاله بضحكه:ايو صح انتا قول اول
المتصل :خلاص يجيب فلوس اذا كلو مافي ولمياء بس فيه اعطي فلوس وشوف لمياء بس اشوي
الشغاله بخباله:خلاص مافي مشكله بس اشوي عشان بابا مافي معلوم
المتصل بضحكه :طيب اذا روحو سوي تلفون ..هذاكم رجال هنا
الشغاله :بس فهد صغير سم سم بيبي انا..يجي زوج نوف دايم كذا يجي يجلس عند بابا
المتصل :ايش اسم هذا زوج يمكن معلوم انا شغل
الشغاله :مبارك هذا ولد اخو كفيل زوج نوف كويس مشالله كلو كويس سعودي
المتصل يضحك:ايو حتى اندونيسي كويس خلاص انا يجي اذا بيت بس لمياء
الشغاله :طيب يالله سكر انا في سوي شغل..
.............

فى بيت بو مفلح
تجمعو في بيت ام مفلح وجاؤهم الراشد كلهم
لمياء تسلم بحراره على ساره :يالبى والله شوفتس
ساره :هههه يابعد عمري ..ويش اخباركم عقبي
نوره :نهبل ماصدقنا هههههه
ساره :ههههه انتي عاد غير محجرتن لكم
قدمو الفطور واجلسو عليه بهدؤ من صوت تسبيح العجز اذن المغرب وسمو بالله
.............
فى قصر سلطان
بسرحان على الفطور امس تسحرو هي والنايفه وموضي بس ام سلطان راحت لهلها من بعد اعلان رمضان تسحرت عندهم واقعدت عندهم للفطور تنهدت بتفكير احترته له يومين ماجاء حتى امس اعلان رمضان ماجاء عاد ..
النايفه بزهق:متى ياذن
موضي :انتي مرفوع عنتس القلم اكلي
الهنوف ببتسامه :بنفقدتس لا رحتي..
موضي : باقي عشر ايام واطلع من نفستي ..انكن عبدالرحمن راح مع ابوه قعدت
النايفه :يارب مايروح
الهنوف بغمزه: منتب مشتحنه اكيد
موضي :الا هي الي تكلمني وتوجد وجيبي لنا رفيف يالقاطعه
النايفه :ههههههه احب المجاملات
اذن المغرب سمن بالله وافطرن بعدها رقت الهنوف فوق صلت وكلمت ابوها باركت له امس ماهوب موجود يوم دقت تعيجزت تنزل انسدحت على السرير ورقدت بدون ماتحس
.......
فى بيت بو مفلح
لمياء تمغط يديها :الحمدالله الله يكثر خيري انا وذالفطاير الحلوه
ساره :هههه صراحه ابداع ..
نوره :تغيرتي قمتي تمدحين زين زين
ساره :من يوم ابعدت منكن ونا اعلومي زاينه
لمياء :ههههههههه ..تبين الحقيقه والله من رحتي ياساره صدز ونا منيب مبسوطه
ساره ببتسامه : الله يذكرها بالخير يومها اهناه منتب تفقدين احد
لمياء بشوق: انشالله ان تجي لنا بالبر
نوره بفرحه:قولي والله
لمياء :والله رجلها يقول انكنتس نجحتي بممتاز روحي..
ساره : الله يستر كسلانه بتجيب لنفسها المشاكل..
لمياء :صراحه اول كل ماكلمت صوتها مايعجبني لاكن الحين تغيرت يمكن خذت عليهم
نوره :الا اذا حبت رجلها بيزين كل شي انشديني انا..
ساره :ههههههه احليل راشد يوم وداني والله كأنه منصاب وهو متلطم اشوى الحمدالله على ذالساعه
نوره بخجل:له الحمد والشكر ..
لمياء:ليه صاير بينكم شي
نوره:لا الحمد الله كل شي زين ...
لمياء وهي تقوم:بروح اشوف طاش بتجن
نوره:انا عجزانه ..بروح للحريم برى
ساره :ونا بعد بطلع لهم..بكره بمشي ماشبعت من امي
اطلعن ولمياء رقت فوق لحجرت نوره القديمه ارفعت برقعها فوق راسها ونسدحت عند التلفزيون
انفتح الباب بقوه لفت للباب شافته افتحت فمها بصدمه نزلت البرقع واقعدت بسرعه
مفلح مبتسم بستحقار : بزر.. الناس تحت وهي عند التلفزيون
لمياء ببرود: ويش عليك
مفلح بستهزاء:ماعلي شي بس مابي مرتي تقعد ضحكه للناس
تنفست بقهر واسكتت
مفلح :اوه نسيت امبارك عليتس الشهر ..
اسكتت ماردت عليه
مفلح دخل وسكر الباب ويده على كولون الباب لفت له بخوف واستغراب وعينها على يده بالباب
لمياء بخوف:خير
مفلح بدون اهتمام :قولي علينا وعليك امبارك
لمياء بسرعه :علينا وعليك امبارك
مفلح :هههههههاي.. عض شفايفه ماسك ضحكته وتنهد دق قلبها بقوه وارتباك ووقفت
لمياء بربكه :بروح
مفلح :لا خليس اهناه ناظري معي طاش..
لمياء بتوتر :وخر بطلع
مفلح ببتسامه :ودي اسوي بتس شي دام احنا بلحالنا يعجل علي با العرس بس مستحي لايدخل احد..
لمياء بكت على طول:الله يخليك خلني اطلع
مفلح يناظرها ببتسامه حنونه :من جدتس بسوي لتس شي..اغلط على نفسي ولا اغلط عليتس..لف للباب افتحه على وسعه وقف عنده
ارفعت راسها للباب ومشت صوبه ترددت تمشي من جنبه ناظرت له تبيه يفهم ويبعد ناظرها بتأمل
لمياء برجفه حركت يدها له بمعنى وخر
مفلح :الدرب وسيع مانيب روحي مناك ..
لمياء بخجل وهي تذكر كلامها يوم فتح لهم الباب مرت من جنبه قرب صوبها بسرعه ابعدت براعه وبسرعه برى الحجره
مفلح مبتسم :لمياء
وقفت بدون لاتلف له
مفلح :اذا كلمتكم الهنوف سلمي لي عليها وباركي لها بالشهر بدالي ..راحت علي اختس وانا ودي بها.. يالله العوض والا القطيعه اتصبر بتس..
ابلعت الغصه بقوه وانزلت احسن يوم راحت اصلن ماتبيك ليتني قلت له.. ماقدرت تطلع لهم وعيونها تنذر بالدموع ادخلت المطبخ وامسحت اثر الدموع الخفيفه بطرف جلالها اشربت مويه واطلعت لهم بوزت يوم شافته جالس عندهم راحت لساره واجلست جنبها
مفلح بصوت عالي :خاله وش لون الهنوف ..ماهيب جايه
غمضت عيونها بغيض وحقد وكلامه خنجر بصدرها
ام فهد :ماعليها مستانسه وبتجي انشالله بالعيد
مفلح :ايييييييييه زين زين ...ياخاله انا ابي ملكتي الخميس الجاي انكن الوقت صالح لكم
حست بفكرها مشتت ابعدت تفكيرها عنهم وناظرت انحاء الصور
ام فهد:ماعليه الخميس زين ابو فهد تراهو سامح لك اتملك متى مابغيت
مفلح :جعله يسلم .. على خير الخميس انشالله
ساره توايق عليها:مستحيه ولا تضحكين
قامت منهم بهدؤ ماهمتها اعيونهم الي تناظر لها يحسبونها مستحيه اادخلت ودقت لفهد يجي ياخذاها
فهد:ليش ماسهرتي معهم
لمياء:انهم بيسهرون ونا تعبانه.. جاء خذاها ووداها للبيت وارجع لخوياه ..
. . . . . . . . . . . . . .
فى بيت بو فهد
البست بجامتها وانسدحت على السرير دقت لمها اتعلمها
ام فهد بضيقه :ليه ويش فيتس
لمياء بتكت صدر:مافيني شي اجاعني راسي وحسيت اني برجع وبطني يوجعني.. باكل حبوب وبرتاح
ام فهد :الله يحفظتس ..فهد عندتس
لمياء وهي تنسدح :راح لواحد من اخوياه عازمه
ام فهد :ها يلا مع السلامه
صكته من امها ودق جوالها ترددت ترفعه اسفهته وخلته دق مره ثانيه
لمياء بهدؤ:الووو
المتصل :السلام عليكم
بوزت لمياء لوني داريه مارديت :وعليكم السلام ..نعم
المتصل :انا مبارك
لمياء بستغراب:هلا مبارك
المتصل :اغراض الجمعيه الخيريه توزع لفاعل خير انزلو تحت اخذوها ..معطيني وجبت لكم
لمياء براحه :ايه طيب الله يجزاك خير
المتصل:انزلي ذلحين عند الباب
لمياء :انشالله ..ارفعت شعرها واحد ونزلت
لمياء تطل على الشغاله الي ناظرتها باعجاب
الشغاله :مشالله حلو
لمياء ببتسامه :والله انتس فاضيه .. تعالي معي باب نجيب اغراض
الشغاله بتوتر :ماما انا بطني يوجع ابغى حمام شوي واجي
لفت عنها لمياء وراحت للباب شافت الاغراض من برى اشياء متكومه افتحته وهي واقفه من داخل
دز الباب بقوه وادخل عليها لمياء بصدمه ناظرته وكأنه في حلم
لف يديها الثنتين ورى ظهرها وهو يضمها له من قدام بيده الثانيه متمسك فيها بقوه
. . . . . . . . . . . . . . . . .
فى بيت بو مفلح
ساره بقهر:والله انها خايسه ..ليش تروح كان كلت حبوب وبيهدى
نوره :انا بدق عليها ذلحين ..
ساره :لا لاتدقين ..خلي احد يروح يجبها عشان تجي غصب ..روحن مساعد يرجع يجيبها مره ثانيه يكملن السهر خاصه ان بكره الجمعه دقن على جوالها ماترد
مفلح متحقرص بيعرف ازعلت صدق ولا بلى احساسه وقف من هنا والرجال يدخل بسرعه عقب ماشاف سياره قربت وقف ودخل وراءه يحسبه احد من اعيال عمها نزل من السياره ووقف عند باب الشارع شاف الرجال وهو ماسك له احد وومتوهق فيه
مفلح يدخل للبيت وبستغراب:ويش فيكم..!!
الرجال براعه دز لمياء الي منكتم صوتها ووجها محمر طاحت بالارض وهو لف لمفلح باقو قوه عنده دزه من الباب قدامه ونحاش برى ...
مااستوعب الي يصير تمسك بالباب لايطيح وناظر برى حركت السياره بسرعه وتقحيصه وراح ناظر لها طايحه بالارض وتصيح قرب منها وبصدمه وراعه:من هاذا
لمياء بدموع وخوف:مادري..شكله حرامي..
مفلح يستوعب السالفه رايحه من الناس مجتمعه للبيت مخططه لهذا
نزل جسمه لها ومسك شعرها باحباط وكره :ليه الله لايوفقتس..
لمياء تبكي وبفجيعه من صوته :ويش سويت هذا حرامي..
مفلح بصراخ وصوت عالي وقف وسحب شعرها توقف معه :مدخله احد عليتس بالبيت..يضمتس وماأمنته على حالتس
لمياء بصياح وباألم على شعرها :منتب صاحي انا الي اسوي كذا..
مسك شعرها بيديه الثنتين واسحبه بقسوه :كل هذا ماتبين الملكه تتم..
لمياء بصياح عالي :الله لايبيحك انكنك ضالمني..كيف تفكر فيني كذا
مفلح بقهر وعصبيه:كنت شاك بتصرفاتتس ..وبتعب وكتمه..النفس عافتتس خلاص..بس والله ماهمني الا خالتي وعمي...انا عرضي تشوهينه كذا سحب شعرها بقوووه.. انا ياالكلبه..
لمياء تغمض عيونها بعياء:ااااااه..خلاص
دزها على الارض بقوه حس بضعف وضياع ناظرها وصورة الرجال ترجع له مره ثانيه كان بيسوي بها شي والبيت فاضي مدخلته ببيت خالتي نوره.. نزل عقاله بدون شعور عليها تردد يطقها بها انا مالي دخل فيها.. مد العقال عليها ورجعه مره ثانيه.. لا لا اذكر الله يامفلح لو امدها ماخليتها الا ومعلم بجسمها كيف بتعذر لنفسها بتفضح عمرها وبتفضحنا الله يلعنها.. ماقدر يصبر وهو ينزل عليها مره ثانيه ويسحب شعرها رايح راد استسلمت له ويدها على وجهها وتهتز بقوه حذف راسها بقوه على الارض ووقف ويده على راسه
مفلح برهاق وتعب:قومي روحي فوق قووومي.. ..لا حد يدري بالي صار انا بستر عليتس.. انتي الي ربحتي الي تبينه بيحصل
كانت تصيح ولامه نفسها وترتجف وبشهاق :الله فوق كل شي الله بينصرني عليه وعليك..
ناظرها بتعب واحتقار نزل على اعقاله الي طاح منه خذاه وطلع برى
جات الشغاله بسرعه الي كانت اتناظر لهم عقب ماسمعت اصياحهم قومتها ورقتها فوق اسدحتها على السرير شربتها مويه
لمياء بصوت مبحوح:سيريتا مافي معلوم احد طيب بابا مفلح ترى يمكن يذبح انتي
الشغاله بخوف:لا مافي قول انا.. انا روح جيب ثلج وعصار في دم هذا يد
لمياء ويدها تحسس جسمها المطقوق بالم ظليمته لي كبيره كبيررره يامفلح خليتني صايعه بكت بصوت عالي انا اجل اسوي ذالسوات اقعدت تشاهق وهي تعضض اظافرها بقهر وخوف من تفكيره قامت للباب بسرعه وقفلته كم قفله
ركب سيارته يدقون عليه نوره وامه ..حطه صامت ووقف السياره فتح ازارير ثوبه كلها وهو يتنفس بسرعه ويده على راسه .. قعد ساعه كامله يحس بحراره بكامل جسمه ونفسه يضيق حرك سيارته مشى بها شوي وعود يوقف بعد ماحس ان التفكير يرجع له ويشتته دق لمحمد
مفلح بصوت كسير :محمد تقدر تجي لي..
محمد بخوف:وش في صوتك وينك فيه انت
مفلح :انا عند طريق المشاه..
محمد :دقايق واكون عندك
سكر منه ربع ساعه وهو يوقف وراءه جالس باالسياره ورجل برى ورجل داخل وراسه على المسند ومغمض عيونه بقوه
محمد ويده على كتف مفلح وبهدؤ:عسى ماشر
رفع راسه برهاق وناظره بهم وغم عدل جلسته ولف راسه داخل السياره وحواجبه منعقده
محمد براعه من ملامح وجهه المكفهره راح للباب الثاني افتحه وادخل
محمد وبهدؤ:ويش الي زعلك للدرجه ذي
مفلح بحزن والم :انا صار لي شي يامحمد عمري ماتوقعت اني بواجهه
محمد براعه اكتمها في نفسه :مفلح اذكر الله ..وش الي جرى لك ؟!.
نزل من السياره بسرعه ونزل وراه محمد اشر مفلح لمحمد بيده وهو ملقيه اظهره بمعنى خلك مشى بسرحان حتى التفكير ماقدر يرجع يفكر فيهم هي وياها
محمد باستغراب من حالة مفلح خاف وهو يتقدم منه
محمد :مفلح ودك نرجع للبيت ارقد لاتقلق من شي ترى الدنياء ماتسوى
مفلح بوجع وعدم تصديق:الله ياخذ روحي معاد لي بشوفها ذالدنيا..
محمد بصدمه وهو يلف له:الله لايقبل منك وش ذالدعى ..لعنبو غيرك وش صار لك..!!
مشى منه مفلح بحيل مهدود اركبو سيارة مفلح ومحمد يسوق هدؤ خيم على السياره وصله للبيت ونزل مفلح وشماغه في يده
مفلح بمتنان :مشكور ابو حمد على تفهمك الوضع
محمد ببتسامه :العفو مابينا ذاه .. حرك محمد ومفلح دخل
دخل عليهم وام فهد تضحك وهي تكلم ام راشد الي تلبس عباتها بتطلع
ام مفلح عقب ماشافت مفلح :مفلح ياأبوي
لف لهن وعينه بعين خالته تضحك مادرت وش الي صار ببيتها وبسوات بنتها سكت وناظر امه
ام مفلح :ود خالتك فهد تلفونه مغلق
مفلح بصوت خافت :اسمحو لي انا تعبان.. رقى فوق وهن مستغربات مستحيل يردهن وخاصه خاالته نوره رقى فوق مر على نوره الي تلبس عباتها على الدرج انزلت ساره قبلها يوم شافته
مفلح ويده على جبهته بتعب وهم :نوره ابي من حبوب ابوي الي ياكل منها..
نوره بخوف:ليه اسم الله عليك ويش تبي بها..
مفلح بترجي :بس ابي وحده اليوم الله لايهينتس
هزت راسها وجابت له حبه من حبوب المنوم لابوها خذاها بسكات ودخل حجرته كلاها بدون مويه وانسدح على السرير بثوبه
.............
فى قصر سلطان
قامت من النوم بحيويه تسبحت البست بنطلون رمادي جنز ضيق وبلوزه حرير بيضاء ضيقه بستايل فرنسي.. انزلت تحت لهم وقفت بنص الدرج تشوفهم كلهم وسلطان معهم ترددت ترجع ترقى شافتهم يناظرونها انحرجت وانزلت
ام سلطان بحب :وينتس اشتقت لتس من امس ماشفتتس..
الهنوف بحبور :تشتاق لتس العافيه.. رقدت ماحسيت ..
ناصر:مبروك عليتس الشهر..
لفت له ببتسامه :علينا وعليك يتبارك ..ناظرت سلطان الي يناظرها وسعت ابتسامتها.. امبارك الشهر
سلطان بهدؤ :علينا وعليتس ..
اسكتت بحباط وزمت شفايفها مابتسم لي.. اجلست جنب موضي خذت ولدها وقعدت اتلاعبه
ناصر :الهنوف وش اخبار النتيجه
نزلت سلطان الصغير من يدها وبحراج :توها مقبله الله يكفينا شرها..
ناصر يضحك:لا لا بين الي بينجح
سلطان : وين الجوال ناسيه هناه..
ناصر يوقف :انا شفته فوق الطاوله.. جاب الجوال الي دق بيده مده له خذاه ناظر الرقم حطه صامت وخلاه جنبه
اجبرت نفسها ماتناظر لمه اوصلت له رساله افتحها ووجهه يتغير كم مره
سلطان ببتسامه سخريه:خبل...
ناصر:من هوو..؟؟
سلطان يتنهد ويرقى لفوق
ام سلطان بخوف:وش يقصد اكيد واحد من اخوانه..الهنوف روحي يأمي شوفي وش بيسوي
الهنوف بتوتر :طيب.. اطلعت وراه لدرج لفت على الصاله واجلست فيها والله اعرض نفسي للخطر يزعل ويرضى تعنزت على المسند وتأملت زخارف البيت الفخمه طلع ناظرها بعجله طنشها ونزل تحت
نزلت راسها ورصت على اسنانها بخوف لو تدري خالتي اني جلست بالصاله ..وش دخلني بمشاكله ياليت رفضت ارقى وراه تنهدت وهي تفكر في حياتها لو خذت عبدالعزيز اريح لراسها من المشاكل

[7btin]

51

سلطان واقف على راس الدرج :تعالي
انتفضت لصوته ولا قامت لف لها سلطان بستغراب :امشي
الهنوف بهدؤ منزله راسها :وش بغيت..؟؟
سلطان بنظره حاده :امششششي
وقفت ببرود وجاته وهو لف للحجره ادخل ووقف بنص الممر ناظرت له برفعت حاجب
سلطان يلف لها وببتسامه سخريه:انتي جبتي مقبول بكل موادتس..
حست باالارض تدور فيها تماسكت وبعدم تصديق :انا متاكده اني حاله زين ..!!
سلطان وهو مقفي:حظتس شين ..صح ..!!
الهنوف تلحقه وبترجي :اهم شي النجاح !.
لف لها برفعة حاجب :لا اهم شي الممتاز
الهنوف بحزن توقف :وش قصدك ..!!
سلطان بسخريه :قصدي العيد هنا احلى من البر ..حظتس ردي اجبرتس وقتتس وتندمتي... مد اصبعه السبابه هاذي مضمون رسالتس لي.. لف عنها ودخل
اجلست بقهر واحباط في الممر معنزه ظهرها للجدار وصاحت بقهر ويدها على وجهها
سمع صوتها برى ابتسم بتوتر ارفع صوته شوي :الهنووووووف
اسمعت صوته حركت راسها بلا نادها مره ثانيه ابلعت ريقها ويدها على قلبها تهدي من نبضاته الحزينه استنشقت هواء بقوه وانفخت مره ثانيه وقفت امسحت دموعها بهدؤ ودخلت عليه وهي تكتم عبراتها عقب ماشافته مبتسم لحالها
سلطان بركاده: يالله برقد..
الهنوف بغيض من بروده:من الي علمك..؟؟
سلطان بدون اهتمام :يابنت الحلال خلصنا من السالفه يعني احد عن احد يفرق..
الهنوف تعبر بتصيح :تكذب علي ماخذيت مقبول انا بروح اجيبها..
سلطان بعصبيه :ماشبعتي مامليتي كل شوي والثانيه عيونتس مليانه دموع..
حطت يدها باألم على وجهها وصاحت بقوه بعدم قدره على تحمل كلامه
دخل يده بشعره بملل :بتصيحين اطلعي برى ...
ارفعت راسها له ودموعها مبلله وجهها المحمر :مابي اطلع..
سلطان يرفع راسه ويضحك بقوه .. وقف ضحك وانفخ بفمه قرب منها طق خدها بخفيف كم مره بستهزاء
ابعدت يده بقوه وشفايفها ترتجف:رجعت نفس اول..!!
ناظر لها بتمعن دخل يده بمخباه خذا الجوال افتحه وحطه قدام عيونها شافت الصوره الي هزت قلبها واصدمتها
صورته وصورة خلود بزفه ضامها لصدره وابتسامته شاقه الحلق
نزلت راسها وباقي اثر الدموع على خدها
سلطان ببتسامه استهزاء :ارتحتي..
اسكتت حذف الجوال على الكنب وطلع للبلكونه عضت شفايفها بقوه ورجفان مرهق اطلعت لحجرة المجلس امسكت شهقتها بيدها ولفت جالسه ورى الكنب مختفيه منه من جهة الجدار بدون لايشوفها احد بكت بالم وحقد وحسره على الي يصير لها حطت يدها على راسها من الصداع القوي الي خمها ارتخت على الارض بشويش وتعب وهم مغمضه عيونها والدموع تذرف على خدها الناعم..
وقف في البلكونه شعره يحركه نسيم الهؤا بادي يبرد بقوه .. لازم زواجي يشهر بسرعه باأول العيد وارتاح من الاشاعات وابوي قبلها
على سفرة السحور ببيت سلطان
ام سلطان بتساؤل :وين الهنوف.. لفت لنايفه بقلق..روحي ناديها..
ناظرت النايفه سلطان الي يناظرها ترددت ولا قامت
ام سلطان :قومي قبل ياذن
سلطان بأمر : روحي عشاء لها توديه الشغاله موب انتي..لف لناصر ..متى بتمشي..؟؟
ناصر منزل عينه :بعد الفطور "رجع يدرس في الرياض بعد ماتوسطت امه عند سلطان "
ارفعت راسها بوجع من الارض اقعدت ودلكت شعرها تستوعب مكانها تذكرت الصوره وغمضت عيونها بقوه تحاملت على نفسها ووقفت مع دخوله عليها .. استغرب شكلها وشعرها على وجهها المحمر تقدم منها ووقف عند الكنب يناظر لها ناظرت له بغرور وتعب ومشت عنه مسكها مع يدها بدون لايلفها له
سلطان ببرود:وش قايله لنايفه يالعاقله..
رجف قلبها بقوه ليكون محمد سمع كلامي معها غمضت عيونها برهاق مليت من التعب والخوف: كلامي مع النايفه لازم تعرفه..
حس بريجف كفها في يده:انتي اعرف.. لازم كورس باسرار الحياه الزوجيه المفروض...
ترك يدها وهو يكلمها.. شوي وياذن الصيام عطف مايصلح
مشت عنه بهدؤ للمطبخ شافت صينية اكل اشربت مويه واطلعت للحجره شافت جواله وصوته بالحمام ترددت وبخوف خذت الجوال افتحت على الصوره بصندوق الوارد امسحتها بسرعه افتحت الرساله الي عقبها بتوتر وهي تقراها( اخوي العزيز تعرف ابوي الي هو ابوك طبعن.. سحب ملكية االاسطبل الي تبعك منك خلاص بح(
عضت شفايفها اطلعت على الرسايل المرسله بتشوف رده (مهتم لاامري مره اولا الاسطبل رجعته لمكليتي وانت راقد جنب امك وعلى فكره اسطبلك انت ونواف اعجبني باخذ نصيبك فيه وبتصير على الحديده وانت تناظر انت وابوك )
اطلعت ورجعت الجوال بمكانه راحت بسرعه للمغاسل توضت واجلست في مصلاها بغرفة الجلوس
.............
فى بيت الراشد
الجمعه راحت ساره لــ قريتها موديها راشد ولا رجع الا على اذان المغرب حزت الفطور عازمين اهل خاله ببيتهم جلس على السفره بتعب
مفلح بهدؤ:تعبت
راشد يبعد من المركى ويعدل جلسته :خط طويل الله يعينهم
سكت مفلح وصد عنه وابو مفلح يسبحن ويستغفر
مساعد بثقاله:افاااا مفلح متعبك الصيام
ماعطاه وجه وهو يحرك التمره بيده
راشد بهدؤ وصوت قصير:مفلح فيك شي ..تعبان., عندك مشكله ولاصاير شي في شغلك..ترى حاضر بسوي الي اقدر عليه..
مفلح ببتسامه مرهقه:لا تسلم مشكله صغيره وبتروح مثل غيرها
سكت راشد وهو ياذن عم السفره هدؤ وصوت ملاعق الشوربه تخالف
ام مفلح :جعل ربي يحفظ ساره ويحميها
ام راشد :امين عليه المتكل ..مفلح بيعرس ذالعيد
ام مفلح :لا بيملك ذالخميس وعقبه العرس يمكن في الصيف
نوره بخوف:ليكون قدني والده
ام راشد بستغراب :انتي حامل
نوره بضحكه حطت يدها على فمها:فضحت نفسي
ام مفلح بعدم تصديق:وليه ماتعلمينا.!!
نوره :ههههه ابي افأجاكم اذا لبست ثوب الحمل
ام راشد بفرحه وصوت خانقته العبره:الله يتمه كان علمتيني يامي استانس لتس وادعي
نوره :الله يخليتس لنا يمدي وقت ادعي
ام مفلح بضحكه:مستغله الناس حتى اهناه
ام راشد:ههههه هذي عاد بنتنا
.................
فى بيت بو مفلح
ام فهد بقلق:كلميها شوفي وش فيها من امس ماذاقت شي وخاطرها متعومس
غزيل بضيقه:وش فيها
ام فهد بتعب:يوم جينا امس عيونها حمر ووجها منتفخ مدري وش فيها
غزيل :انا بروح لها وبشوف !!.
رقت لها فوق شافتها تصلي احترتها لين خلصت
غزيل :تقبل الله
لمياء تحط يدها على عضدها مخفيه المه الي كل ماله ويزيد :منا ومنكم..
اجلست عندها وبحنان :وش فيتس امي تقول انتس من امس ماش
لمياء تمسك عبرتها :بطني يوجعني شوي جوء رمضان تغير علي بتعود انشالله
غزيل :لا انتي تعبانه باين بوجهتس وخاطرتس حتى ملامحتس ذابله..
لمياء ببتسامه متعبه :بكره دوام يمكن لارحت غيرت جو يزين خاطري ..عادي هذي تجي كل الناس وتروح..
غزيل براحه:اشوى زين خافت امي عليس
لمياء تقوم لسريرها وتجلس عليه :لا لاتخاف انا شوي بنسدح وبنزل لكم غزيل تقوم تطلع:زين انا بتسحر عندكم
لمياء بسرحان :الله يحيتس.. ناظرت باارجاء الحجره بدون تفكير انزلت دموعها بهدؤ اشهقت بقوه وغطت راسها بالمفرش
بكت من قلب مرخيه لدموعها العنان طلعت كل الي في خاطرها هدت وهي تشهق بخفيف وقفت بتعب وراحت للحمام تسبحت ويدها تمسح عضدها الى طقها فيه مفلح باالعقال بدون صبر وكف يده بسرعه ..بس وش عقبه.. غيرت ملابسها بجلابيه اكمامها طويله ناظرت بوجهها بالمرايه مافيه اي اثر .. غطته بيدها بس قلبها مجروح..ابتسمت بالم طقني وعشان ايش مدخله رجال علي.. برطمت ودموعها تنذر بنزول هزت راسها بقوه انفخت على نفسها واطلعت لهم تحت
.............
عند ساره فى القريه
ساره ببتسامه:بكره بعد التراويح ازين من ذالحزه ..معليه
ام ايمن :معليه يابنتي..هاالوقت بعد الفطور نكون تعبانين
ام معيوفه:هجل شورش وهداية الله بنحولها عقب التراويح
ساره :طيب ..حفظنا نص البقره صح
ام مضاوي:ايه نصها يا امي محد عندنا في البيت يراجع لنا
ساره تبتسم:شغلو لكن شريط واتسمعن له
ام مضاوي:ايه ..اجل بقول لولدي يجيب لي
ام معيوفه:لاتنسيني ياختش خليه يجيب لي معش
ام مضاوي:ابشري .. وبجيب لاام ايمن بعد
ام معيوفه:ويل اولدش وش دخله تخلينه يجيب لنا كلنا
ساره :ههههه
ام ايمن:حسوده الله يعينك
ساره :تبون شي قبل لا طلع للبنات الصغيرات..عشان ماتاخر
ام مضاوي:لا الله يحفظش ...روحي لهن وترى امان مافي بيتها احد تخافين منه
ساره:فديتس ..خاله انا بعد لازم امشي بدري
ام معيوفه :معليه خلصيها وانا بنحتريش
ساره :والله ان تروحن كلكن منيب خايفه المدرسه قريبه
ام ايمن :مع السلامه
ام معيوفه :انا بروح معش ..راحن معها كلهن وساره راحت للبنات الصغيرات في حجرة التلفزيون طفته واجلست قدامهن تعلمهن القران
نوفه:استاذه ساره ..تعبت برقد
ساره ياعيني على الطالبات:يالله ماعاد فيه اجل انتباه ..ناظرت ساعتها عشر ونص بس في رمضان بدري
البست عباتها واطلعت معهن كل وحده راحة تمشي لبيتها واصوات اعيال يلعبون في الشارع
غمضت عيونها من نور السياره الي اجهرت عيونها قربت منها السياره ومشت بشويش
سعود:السلام عليش
وقفت من باب احترام اهله:وعليكم السلام
سعود:مايصلح تمشين في ذالوقت
ارفعت راسها له باستغراب من سواله:الوقت الي يصلح لي بمشي فيه
سعود :على كيفش انتي حره..بس ودي اسالش !!انتي الي طيحتيني في ساحة المدرسه
ناظرته بقهر من سؤاله الوقح يعني اقول ايه من زين ذكراه مشت عنه واسفهته
سعود يكمل طريقه جعلني الخفه كانه موب انتي
. . . . . . . . . . .
فى قصر سلطان
ايام رمضان تمشي بسرعه اليوم النص من رمضان الهنوف بحزنها كان تمنى قرب العيد بتروح لهلها الحين اجتمعت عليها بعيده من اهلها ومنبوذه من حضرة جنابه
النايفه بمرح:تعالي معنا تكفين
الهنوف :بشوف اذا وافق اخوتس رحت
موضي بمزح:قولي حبيبي سلطان
الهنوف حاولت تبتسم بس ماقدرت حررت شعرها وارجعت تربطه مره ثانيه
ام سلطان :لا انشالله بيوافق بقوله
الهنوف بهدؤ:ترى اذا رفض عادي ماتعودت اروح لهم
النايفه :خلينا انروح انا وياك وننبسط هناك بتشوفينهم بنات عمي اشكال والوان هههههه
الهنوف ببتسامه :مدري ..دق جوالها ناظرت اسمه في الشاشه وردت ببرود.. الو
سلطان : جيبي لي مويه بحجرت المكتب
الهنوف :طيب
صكه تنهدت بهدؤ وقامت للمطبخ
موضي بصوت عالي :الهنوووف تعالي
الهنوف تلف لها:لبيه
موضي :وين رايحه..؟؟ للمطبخ..!!
الهنوف :بجيب مويه لسلطان
موضي :والله ان ترجعين لعاد تروحين لللمطبخ مثلتس مثل هاذي..واشرت لنايفه
ارجعت الهنوف وموضي ترفع السماعه على المطبخ اطلبت مويه وجابوه لها قامت خذته منها واتجهت للمكتب تنفست بعمق طقت الباب وافتحته ادخلت منسدح على الكنبه الطويله وذراعه على وجهه
الهنوف :المويه
وخر يده واستقعد وهو ياخذ المويه ويشرب لفت منها بتتطلع
سلطان :مستعجله.. لحظه
وقفت ولفت تناظره ببرود
نهاية البارت
.........................

[7btin]

52

سلطان ينسف اشماغه باهمال :باأول العيد راح يكون يوم زواجنا بالرياض معلن جهزي حالتس كعروس جديده..
الهنوف بقهر:كم عرس انت تسوي.. وكلها معلنه..!!
سلطان باستغراب رفع حااجبه اليسار :ليه انا قد سويت لتس عرس وانا مادريت مثلن..
الهنوف بغرور :ليه والعروس وحده بااعراسك
سلطان يزم شفايفه بتفكير:تفكيرتس محدود ..يعني انتي الي ماسحه الصوره ..بان في وجهها الخجل والارتباك ونزلت راسها
وقف جنبها ورفع راسها له باصابعه :أثمن الي سويتيه ترى..
ارفعت عيونها له بستفهام تنهد وحرك ارموشها باأعجاب وراحه غمضت عيونها بقوه
سلطان يبعد يديه ويدخلها بمخباته:انا بسوي عرس لتس بس انتي..والصوره الي مسحتيها امبفرمكه فاضين ويطلعون مواهبهم علي..
الهنوف بتردد:ماعرست
سلطان ببتسامه ناظرها شوي وضمها بهدؤ:لا ماعرست.. بس انا بكيفي مشيت مسح الصوره لاتعبثين باغراضي طيب حبيبي
الهنوف تهز راسها باأيه وتنمع نفسها من ابتسامه
لف للمكتبه معطيها ظهره ووقف:تقدرين تتفضلين اذا تبين..
اطلعت بسرعه صكت الباب تنهدت براحه وابتسامة تطلع غصب عنها ناظرت رفيف تلبس جزمتها وتركض لبرى
الهنوف :وش فيها مستعجله..
موضي :هههههه محمد برى
الهنوف تناظر لنايفه ابتسمت النايفه وغمزت اضحكت لها الهنوف
ام سلطان :انا بروح لاأختي الى ثاني العيد
النايفه بقهر:وانا من اروح له ..من اعيد معه
الهنوف:انا بجلس منيب رايحه
موضي :ليه منتب رايحه لهلتس
الهنوف ببتسامه:لا.. الظروف تغيرت
ام سلطان :الله يعدل مقاديره
الهنوف باأمل:اميين
....................
عند مفلح
في استراحة الشباب
علي بتساؤل:والله انه صايبه شي متغير مره
محمد بضيقه يناظر مفلح الي ادخل:والله مدري والااعلم شي
مفلح يتقدم منهم ويجلس وببتسامه هاديه:تحتسون فيني صح ..
محمد:ايه صح ..لف له محمد وبصوت واطي..علمني ياأخوك وش الي مضايقك شي يخصك ولا غيرك
مفلح ينزل راسه وبحزن:يخصني ويخص غيري ..وبتردد..انا ماعلي من نفسي ولا الي اجعها ..انا..انا.. متضايق انه خرب صورته قدامي ماتوقعتها منه
سكت محمد وبتفكير كل الي يعرفهم مفلح وبيحزن عليهم ويتأثر بهم الى هاالحد اعرفهم.. انكنها مره فاأشهد ان الدنيا عجيبه
مفلح يتنهد وويوقف :تمسو على خير
....................
بين مفلح وبيت بو فهد
طلع لسيارته اجلس فيها وهو يكلم خالته
مفلح :وش لونتس ام فهد
ام فهد : زان لونك بشرني عنك
مفلح :بصحه وعافيه ..اقول خاله
ام فهد بحنان:قول جعلني مابكيك
نزل راسه وبهدؤ:اسمحي لي ياخاله انا سامح للمياء لاجاء الرجال الي تبونه زوجوها اياه
ام فهد بصدمه :ليه ياأمك وش قومه ذلحين
مفلح يزم شفايفه :انا ظروفي تغيرت مابي احيرها عن نصيبها وربي في يده كل شي
ام فهد مابغت تضغط عليه:الله يوفقك ويوفقها ترى مازعلت يامك الله في يده النصيب
مفلح :جعلني ماخلا منتس..في امان الله
صكه وشغل السياره وهو يضغط على شفايفه بقوه وغيض
لفت لغزيل ولمياء يتقهون ويسولفن
ام فهد بحباط :لمياء حبيبتي
لمياء:لبيه
ام فهد بتردد:ترى كلن راح في طريق مفلح ارخصتتس
ارجف قلبها بقوه ابلعت ريقها بصعوبه ابتسمت لامها تبعد التوتر :اكيد مافيه خير ولا كان ربي اكتبه
غزيل تناظر لمياء وبحنان:عادي كلن يبيتس هو الخسران
لمياء ودموعها تهدد بالنزول :مازعلت..تحشرج صوتها ببكاء..لاتجون تغصبوني على احد ثاني..
ام فهد برحمه:كان ابيه مافيه اخلاف وانتي داريه.. وبعد مفلح الي تبينه من الرجاجيل اقبليه ولا ماتبينه بكيفتس
صدت عنهم وناظرت التلفزيون اضحكت بهدؤ اسمعو صوتها ولفو لها باستغراب ناظرتهم وقامت فوق
لمياء ترقى الدرج عافني يحسبني راعيت رجاجيل الحمدالله الي جاب الموقف وخلاني اعرف ان مافيه خير
..........................
فى بيت بو مفلح
ام مفلح بصراخ اول مره على مفلح الي يصدد براسه بزهق:ليه كذا مخليها ملاعبتن في يدك ماتستحي على وجهك
مفلح بقرف:خلاص والله لونها شيخة البنات
ام مفلح :اعقب بس.. انت وكلامك مااستحيت من ابو فهد الي مخلي كل شي في يدك
مفلح وهو يقوم :صار وانتهت السالفه
امه بعصبيه :حتى ابوك فشلته من فعلتك..ماهوب فعل ارجال
مفلح بصراخ وغضب مكتوم :انا حر في نفسي احمدو ربكم مافضحت....ازفر بغيض ورقى فوق
ابو مفلح يطلع من حجرته وبخوف:وش فيكم
ام مفلح بقهر:مفلح ارخص لمياء عقب ماهو مزعجهم
ابو مفلح بهدؤ:الله يكتب الي فيه خير وصالح.. وليه وش قومه..؟؟
ام مفلح:مدري عنه
ابو مفلح :اصبري بنشده بعد وبشوف وش قومه الله مايكتب شي الى فيه خيره ..رجع لحجرته وام مفلح حاسه بالفشيله من اختها
...........
فى بيت بو فهد
لمياء تكلم الهنوف وتصيح :كلكم ضدي اقول مابيه وانتو اجبرتوني
الهنوف بضيقه:لمياء يهون كذا ماسويتي شي
لمياء تمسح ادموعها :لا ماسويت شي الله يشهد ..مع السلامه ضايقتتس
الهنوف بحزن على حالها:مع السلامه صلي ركعتين لربتس وهو اعلم بالي يصلح لتس ..صكته منها وناظرت النايفه
النايفه :اختتس لمياء
الهنوف :ايه زعلانه عليهم
النايفه :ليش..
الهنوف ببتسامه:تقريبن حالتها مثلتس تبي احد حصل لها بس انفصلو
لمياء بصدمه وتاثر:لاااا.. ليه..؟؟
الهنوف :ماكتب نصيب ..رفوف تروحين معي برى..
رفيف ببفرحه:يالله كلنا نروح
الهنوف تلف عليهم :تروحوا معنا برى
اطلعو كلهم برى على كراسي الحديقه الساعه تقريب الوحده
موضي بضحكه:النايفه يشبهونتس برفيف
النايفه اضحكت بقوه :ههههههههاي ..يعني تبين تقهريني عارفه ان بنتس شينه هههههههههه
الهنوف وام سلطان يضحكن عليها
موضي ببتسامه :ازين منتس انتي وكدشتس
النايفه مسويه تكسير لشعرها ناظرتها بغرور وانفضت شعرها:سبحان خالقه
الهنوف ببتسامه:امممم .. سلطان ما قالكم بيسوي عرس
ام سلطان بستغراب:لا هو هون ..ليه قال لتس شي اجل..؟؟
الهنوف :ايه امس الا اذا غير رايه
سلطان :لااا ماغيرته ..دز النايفه مع كتفها ..قومي روحي اجلسي اهناك...
ارفعت راسها له وبتردد وخوف :مانيب قايمه
ناظرها بستغراب وبرفعة حاجب :وشو منيب قايمه
النايفه بتوتر:بقوم بس خلني احب راسك
مسك نفسه لا يبتسم وقفها بقوه وسحب الكرسي شوي ليجلس عليه
وقفت مكانها ناظرته بقلق رفع عينه لها
سلطان :ليه وش لاقيه في حبة راسي
النايفه:اذا حبيت راسك ياسلطان اتخليني انسى الي راح
لف جسمه لها وبهدؤ:تعالي قربي ..بكت وقربت منه باست راسه وجلسها على فخذه
سلطان :كلامتس خنجر في صدري ...بس منتس جرح وطاب
النايفه تبوس خده وتمسح دموعها:توبه ابقطع الساني بيدي ااذ عدتها
سلطان يبتسم للهنوف الي تناظرهم وهاديه:يالله قومي ترى الهنوف بتغار..
ابتسمت الهنوف بهدؤ قامت النايفه وراحت تجلس جنب امها
موضي :لا الهنوف محجره لنايفه..
الهنوف تبتسم:ترى بتصدق كلامتس...
حط يديه على اكتوفها حست بدف يده على جسمها وتنفست بعمق
ام سلطان تناظر سلطان:بتسوي عرس ..
سلطان :ايه باول العيد
موضي براحه:حلووو نحس بك عريس ونفرح لك
سلطان يناظر لها بحنان:جعلني ماخلا ..ونفرح بسلطان واخته عرسان
موضي :امين ..الله يتمم لكم على خير
ام سلطان :اجل بجي قبل ينتهي رمضان
النايفه:يمه يعني وش بتسوين..بنسلمه شركه خاصه وهي بتسوي كل شي
ام سلطان تكش عليها :هين والله لوى تعرسين ويسون لتس عرس ان اعيي خليه سكيتي
الهنوف :هههههه
سلطان ينزل راسه ويوايق في وجهها ببتسامه :بتقهرين اختي الحين..
الهنوف بخجل وارتباك نزلت راسها
موضي :انا اذا رحت للرياض بتكفل بكل شي من ناحيت الحريم
سلطان :ماقصرتي الباقي مكفول ومحفول سلمان بيتولاه
ام سلطان بستغراب وبتردد:هو الي قاله
سلطان يبتسم بستهزاء:ايه.. بروح مع ابوي للندن تالي ذالشهر ولا به وقت
النايفه :ليش مايروح معه سلمان بدالك
سلطان : يحبني ..
ام سلطان بقهر:استغلالي عارف ان ولدها مايصلح له باموره وخذاك
سلطان يهون الامر :انا ودي اروح عندي شغل هناك .!.
لفت له الهنوف بدون شعور وهي تذكر الرساله ناظرت له نزل عيونه لها ثواني وارجعت تلف
رفيف بنعاس :ماماتي ابي انام..
موضي :يالله ماما
النايفه توقف :جويعه ..خخخخ لاتناظرون ماكليت شي من الفطور
سلطان :احد قال شي ..الي على راسه بطحاء..
ام سلطان :ههههه
راحت النايفه وام سلطان تلف لسلطان :ظنك انه بيسنع شي سلمان
سلطان :محمد من وراه..
ام سلطان:ليه ماخليت محمد..اوسلمان هو الي قالك
سلطان :هو بالفعل محمد عليه المتكل من بعد الله بس هذا كلام لخواتي يكفي الي في قلوبهن
حست ان مجلاسها ماله داعي بينهم فقامت
سلطان يثبتها مع كتوفها بيديه الي عليها :اجلسي ..
الهنوف بتوتر:لا ماعليه اخذو راحتكم..
سلطان بنظرات استهزاء:ماخذينها ماهوب لازم تقومين..
حطت رجل على رجل ولفت منه ببرود..كريه شايف نفسه انفخت بفمها من الغيض
ام سلطان: اسمح للهنوف اتروح معنا بكره
سلطان بضحكه: لا خلوها عندي .. الله يهداتس يمه
ام سلطان متحمسه :ليه خلها تستانس مع البنات
سلطان يقرب من امه:يمه جعلني مابكيتس ..تروح بصفة من خليها لين بعد العرس..
ام سلطان بحراج:اي والله نسيت ..وقفت ولف عليها شالها من البرد .. يالله تمسو على خير
الهنوف توقف بسرعه بتدخل مدام خالتها ادخلت ومابغت تجلس معه بلحالهم..
سلطان يمسك يدها وهي واقفه وبهدؤ:ابي اسمر معتس..
الهنوف برتباك ناظرت امه وارجعت تجلس ويدها في يده
سلطان :انا بروح للعمره
الهنوف تنزل راسها كان بتقول له اروح معك بس ترددت
سلطان:قولي وش تبين ..
الهنوف تبلع ريقها برتباك وحراج:اروح معك عادي..!!
سلطان يبوس يدها:ايه عادي احد يعيف خوتتس..
حست بغصه بحلقها من تعامله المتذبذب ابتسمت بالم:تاخذ اجر عمره ثانيه..
سلطان يلعب باصابعها:خافن عمرتس ماش خربوطيه..
الهنوف ببتسامه هاديه:باأجتهد فيها.. حست برتباك من هدؤه ويده تلعب باأصابع يدها..اسحبت يدها منه
سلطان يمشي حركتها ويدها مازلت بيده:الساعه 12 بنمشي.. نفطر فيها انشالله
الهنوف تناظره بتردد وخوف:طيب اذا جينا اهناك لاتهدني ترى لاضعت ماتصرفت..
سلطان بنظره ذايبه واسلوبها الطفوليه يجذبه:لو اقدر امشي وانا ضامتس بحظني ماخالفت..
حمرت خدودها وارتبكت من نظرته وكلامه وصدت عنه :الوقت راح يالله يمدي نتسحر
ناظرها ببتسامه ورجع ظهره للمعناز وبيده الجوال يلعبه:انا عندي مكالمه ..تفضلي انتي
وقفت وناظرت له شوي رفع راسه لها وارفع حواجبه بمعنى نعم زمت شفايفها ومشت
رقت فوق شربت مويه واقعدت باالمصلى الى ان اذن صلت جهزت شنطه صغيره ونامت
....................

[7btin]

53

لمياء بهدؤ :يبه عمي مضحي كلم يبيك..
ابو فهد :جيبي التلفون
قامت لمياء وعطته التلفون دق عليه وبعد السوالف والاخبار
ابو مبارك:اقول ياخوك انا نطلب لمياء لبدر..
ابو فهد :هاذي والله الساعه المباركه حياكم الله
ابو مبارك:الله يحيك ويبارك فيك
صك منه والتفت على لمياء
ابو فهد :عمتس مضحي اطلبتس لبدر(في نفس عمرها)
لمياء بدموع على طول والم وصوت عالي :لا لا مابي احد انا الي بعيش حياتي لاتجبروني على احد ؟!. قامت بسرعه لفوق ادخلت حجرتها بخوف لايجبرها ابوها عليه
ام فهد داخله بعباتها افسختها واجلست جنبه:لمياء ماهيب عندك
ابو فهد بقلق :الا بس كلمني مضحي يبيها لبدر ضاقت ورقت
ام فهد بحزن:عيت منه
ابو فهد :هذا الي ظاهر لي ..بعد كلميها انتي وشوفي
ام فهد بستبعاد:لا بالله معاد بني قايلها لها شي تبي تقول لها انت كيفك
ابو فهد بغضب:كلمتيها لولد اختتس يوم اتركها ..فسمحتي من ولد اخوي ام فهد بتوتر:والله يابو فهد اني عقب ماخلاها مفلح اني حالفه معاد اجبرها على احد
ابو فهد يهدي شوي ويلف عنها
....................
فى بيت بو مفلح
نوره تناظر امها وبقلق:غريبه وليش طيب
ام مفلح بقهر:مدري عنه اني لذلحين ماحط عيني في عينه
نوره :ليه يمه هذي انصاب يمكن شاف انها ماتناسبه
ام مفلح بنفعال:توه يحس ..يوم ارفضته بالسياره ليش ماخلاها
سمع صوتهم دخل سيده ولاناظر لهم
ام مفلح بصوت عالي: سلم حتى حنى بتعيفنا
مفلح ببرود:وش دعوه يمه ..اذا صححت مسار حياتي اصير اعيف
نوره برتباك :خلاص روح امي زعلان شوي بس
ناظر لهم بنظره ورقى فوق
ام مفلح بعتب:اساليه .. شوفي وش بلاه
نوره :يمه ماهوب اول واحد يفسخ خطبته
ام مفلح بحزن:ماهوب كله لفسخ الخطبه ..حاله متغير ماهوب الاولي نفسه في خشمه ولاعاد يمزح حتى حاله ماش
نوره بتاثر :ماعليه ..يمكن عنده ظروف ..كل الرجاجيل كذا يمه مايعلمون بالي يلحقهم
انتظرت امها لين تصلي ورقت له فوق طقت الباب ودخلت جالس على السرير ومعه اوراق شافها ضف الاوراق وحطها جنبه
نوره :وش اخبارك
مفلح:طيب ...
نوره :ليش لميت الاوراق ليكون شاعر
اهكر بستهزاء وبصدق:هذي اوراق تخص الشغل اقرب اقربين لايشوفها
نوره بتردد:مفلح امي زعلانه عشانك خليت لمياء
مفلح بسخريه:والله زعلانه
نوره:لاتستهزي
مفلح بنرفزه :لاتخليني اعصب وانا ماصدقت راسي يهدا اطلعي برى وخلصيني ..هذي حياتي ياناس افهموووو
ناظرته بتوتر واطلعت برى بسرعه
مفلح بتعب حسبالهم اني ضايق من فرقاها لا انا موجوع منها انا مصدوم اوصلت بها المواصيل تسوي كذا حط يده على راسه هذا شين يوجع
........................
عند سارة فى القرية
منسدحه على فراشها وقت العصر بعد شوي بتروح لمضاوي اعزمتها للفطور ارفضت تروح بس ام مضاوي امس قالت لها تجي عشان خاطرها واستحت ترفض قامت تروشت البست تنوره بشيفون رمادي وبلوزه من نفس القماش اسود
اطلعت للبنات:بنات هاا ماغيرتن رايكن
فاطمه برهاق:لا الله يستر عليش احنا بنفطر من فطور ذالهرشه
منال :بحط لي انا ومنى وقعدي اكلي بلحالك
فاطمه بخوف مصطنع:امزح
ساره :هههه يالله قبل يظلم اليل
اطلعت برى بيتهم بعيد شوي مرت على المحطه الي في القريه شافته واقف على باب البقاله وشماغه على كتفه صدت عنه بسرعه خافت بقوه وهي تشوف شعره الكثيف شوي لفت من المحطه تنهدت براحه وهي تلف لوراءها مطمنه شافته يمشي بتجاهها ووقف يوم وقفت عطته نظره قويه وهي ترجع تمشي مره ثانيه مظاهره بالقوه مشت بشويش وعيونها كل شوي تلف له يمشي وراءه ان لفت مع طريق لف ترددت بعدين لفت
ساره برفعت حاجب:ماتستحي على وجهك ..
سعود بمسخره:ياااي علميني ماعرف
ساره بغيض:احترم نفسك تقعد اتلاحق لك مره في طريق بين جماعتك ..
سعود بغضب:اكلي تبن ..والله لو منتي مره .. ان تغادرين موقعش ذاه يالوسخه
صدت ساره بخوف من صوته وفضلت تمشي لايسمعهم احد ويطلع كلام مشت بسرعه شافت البيت وحست براحه لوجود اطفال هناك وما زال يتبعها صدق مابه حياء افتحت الباب وادخلت على مضاوي الي جالسه بالصور وحاطه السفره
ردت الباب ويدها على صدرها
مضاوي:يالله حيها
ساره تمشي صوبها :ابقها
مضاوي :وش بلاش كنش خايفه
اجلست عندها وبتصريفه :لا مابه شي بيتكم بعيد المره الثانيه تعالي انتي افطري عندنا
مضاوي :مايخالف المره الجايه انشالله
اذن وافطرن ساره انسدت نفسها ليش يتبعني ويزعل بعد الله يستر لا ينوي على شي حست بالخوف وهي تقوم للمغاسل
مضاوي باستغراب:مافطرتي
ساره ببتسامه خوف:لا افطرت دوم سفرتكم.. دوام وتعب انا بروح قبل يظلم الجو جدا
مضاوي وهي تقوم وتحلف:لا والله ماتروحين توش جايه لا فطرتي زين ونا قايله لهم لاحد يجيني امي واخواتي كلهم ابيش تاخذين راحتش
ساره بمتنان :يابعد عمري والله تكفين المره الثانيه بقعد الى الفجر ذلحين بروح
مضاوي بخوف واستغراب:من دخلتي وانتي فيش شي وش صاير لش
ساره بتصريفه :لا مافيه شي اسمحى لي بروح
مضاوي :حرام توه حتى ماقام العشا
ساره بضحكه :ماعليه ..مشت معها للباب افتحته ساره واطلعت شافته واقف برى شاف الباب انفتح مشى لها ارجعت بصرخه وخوف وهي تصك الباب بقوه
مضاوي براعه :وش فيش
ساره ببكى :تكفين افزعي لي والله انه ناوي علي
مضاوي بصدمه:يعني فيه شي من ذاه يساره من جماعتنا
طق الباب بقوه وقهر
مضاوي وهي تحس بالخوف بعد :شكله من المتسللين خليني ادق على سعود يجي
ارفعت برقعها وهي تمسح ادموعها بخوف كبير دقت له مضاوي رن جواله
سعود بغيض:افتحي الباب انا عنده
مضاوي بخوف : لا سعود فيه احد واقف عنده شكله حرامي
سعود بصوت عالي وضيقه :افتحي ويل الحرامي منش
مضاوي بتردد تقدمت للباب انزلت تحت ووايقت من تحت الباب شافت حذيانه اعرفتها افتحت الباب
دزه بقوه وقهر وهو يلتفت عليها ناظر لساره الي ناظرتها بصدمه وبرقعها فوق راسها ناظر لها شوي وصد برتباك
سعود بتوتر وضيقه:انا الي حرامي الله يسامحش
نزلت برقعها ورجعت ورى مستحيل يعني هذا بيتهم وهو رايح له احسبه يتبعني يافضحي
مضاوي :ايه فيه احد يروع ساره ...لا صليتو روح معها للبيت تكفى
سعود وهو يمشي :تبشر بسعدها ..خليني اشرب ماء مابعد افطرت بتوضاء وواصلها بطريقي للمسجد
ساره بخجل:يمكني صكيت الباب في وجهه مادريت
مضاوي :لا ماعليش هو كذاته مايفطر يشرب ماء بس بعد الاذان يفطر
ساره وهي ترتب عباتها :يالله انا بروح
مضاوي :ووووين احتريه يوصلش هماش خايفه
ساره بربتاك:لا بروح... اطلعت بسرعه ومضاوي تحاكيها
ارتاحت عقب ماعرفت انه اخو مضاوي انشالله مابه شر احسبه يتقصدني فضحي منه انا الي والله ماستحي ليش ماسميت بالله ومشيت عضت شفايفها بسسحى وهي تذكر شكله الغاضب فوضوي مايرتب نفسه موب نفس اول مره ريحت العطر انشبت فيني الى ان فسخت بجامتي
سعود وهو يطلع بسرعه :وين راحت
مضاوي :راحت خلاص شكلها استحت
سعود :ههههههههاي خبل تحسبني اتبعها ما درت عن بيتنا
مضاوي بضحكه:لا عاااااد صادق
سعود مبتسم :ايه وتهزئ بعد ماهيب هينه ..بس ياهي حلوه ماتغيرت من شفتها من جو القريه المعفن
مضاوي بستغراب:وشلون ماتغيرت قد شفتها اسعيدان
سعود :ايييه عرفتها على طول قد شفتها بطريقه ماتوقعينها رومنسيه حتى عادل امام ماعرف يزبطها ههههه يالله روحي لامش بلحالها
ناظرته بدون فهم وهو يغمز لها ويطلع ادخلت لامها خواتها وخوانها كلهم معرسين هي وسعود بس الي عزابيه عند امهم عمره 26 وهي 23
ادخلت ساره عليهن وهن يغسلن مواعين الفطور
فاطمه بصدمه:جيتي مسرع
سساره بتصريفه :هههه اشتقت لكن
منى :اثرن مانب هينات لنا وحشه
فاطمه :لا ماهوب انتن بلى انا وانتن تسلك لكن ..صح ساره
ساره :ههه لا كلكن
منى ومنال :ههههههه
.................................
فى قصر سلطان
بعد ماصلت الفجر ارقدت الى تسع وقامت مصحصحه ماهوب موجود مدري كيف يعيش وهو مايرقد اخاف يرقد بمكان ثاني
تسبحت البست لها بنطلون ستان ابيض وابلوزه من نفس الون بأطراف ارونجيه ارفعت شعرها من ورى ونزلت خصل خفيفه من قدام حطت روج وردي غامق
سلطان يدخل من البلكونه : لا حنى ماتفقنا على تسذا مايصلح صايمين..
الهنوف بدون شعور حطت اصابعها على فمها وبخوف وتصريفه :حسبتك برى.. مانمت
سلطان ببتسامه من شكلها الخايف :لا.. يالله افلحي خلينا نطلع من ذالحجره للعرب قبل افطرتس ..
لفت برتباك صدق مايستحي غمضت عيونها بحباط انا تعبانه من تصرفاته الغريبه..تنهدت بتشتت خذت عباتها والحقته تحت الصاله هاديه وهو واقف عند الباب . . لف لها شافها واطلع برى البست واطلعت سيارتهم واقفه برى اشر لها تركب ورى اركبت وهو قدام
سلطان: من في بيته دخلتهم
سايقه:في بيت ام بندر طويلت العمر ارفضت بيت عمتكم
سلطان يطق فخذه بهدؤ: وصلنا للمطار وارجع لهم رجعهم للبيت
السايق :بس طويلت العمر تقول تعال بكره الصباح
سلطان يلف له :ارجع وقف عند الباب الي حطيتهم فيه..فهمت انت
السايق :فهمت ياطويل العمر تبشر
.................................
فى قصر ام بندر
جالسه جنب امها بلبسها تنوره لنص الساق ورديه وبلوزه بدون اكمام من نفس الون
ام سلطان تشاورها:لاااتعديني
النايفه بضحكه :يمه ذلحين الساعه 12 لازم اتحرك كذا بموت
ام سلطان بنظره اسكتت عقبها النايفه
ام بندر بحنان :يالله ان تحيهم لبى النايفه مشالله كبرتي ياامي
النايفه بتوتر:لبى روحتس من زمان عنكم
ام بندر:يوم دريت انكم هنا عزمتهم كلهم يفطرون عندي
ام سلطان الله يستر تجينا:لونتس خليتنا نروح لبيتنا وتجونا فيه اريح لابو بندر
ام بندر :لا بيتكم لاجيتو الرياض وانا ماناب فيه ذلحين احنى اهنا.. وابو بندر اليوم عند صافيه ماهوب عندي
النايفه ياروحي ياروحي وينتس يالهنوف بالدور النسوان
ادخلت عليهم الجوهره زمت شفايفها بضحكه وهي تسلم عليهن
الجوهره :جيت بدري مع اني اقوم متاخر بس عشان اجي اسلم عليكم
اسكتت ام سلطان والنايفه تناظرها بغيض
الجوهر وهي تلفت :وينها مرت ولدكم
ام بندر بستغراب : من الي اعرس سلطان !!
ام سلطان برتباك وقهر:عرسه بالعيد اانشالله بالرياض مابعد جاكم كرت الحفله
الجوهر :وين يجيهم وانتو ماتنشافون حتى يوم جيت اسلم عليكم طردتوني ولاا بعد هي ..الا ودي اعرف كيف ماخذها ذلحين والعرس متاخر .. النايفه تناظرها بحقد
ام سلطان :الظروف لازم يجي فيها اشكال وبعدين الله يهديتس ما طردناتس
الجوهر ترجع تكلم دق تلفون ام سلطان ردت وطنشتها :هلا ياابوي
سلطان جالس على مقاعد الطايره:السايق عند الباب اطلعو له الحين الفطور في بيتكن..
ام سلطان بستغراب :ليه تونا واصلين
سلطان بأنهاء للموضوع :يمه نفدا شوفتس لاتخلوني اكنسل رحلتي واجيبكم انا
ام سلطان : لا.. بنطلع بس ترى مانيب راضيه
سلطان ينفخ بملل :انا اخبر بالي يرضيتس جيتس اهناه غلط من الاساس بس ماعليه هذي اخر مره
ام سلطان:طيب بنطلع ذلحين
سلطان :ربي يرضى عليتس ويخليتس ..مع السلامه
صكه وام سلطان تقوم بحراج:ام بندر جعل ربي يخلي لتس اعيالتس ..انا بنرجع للبيت
ام بندر تقوم :ليه ياختي من زمان ماشفناكم وترجعون
ام سلطان :سلطان مكلم عنده شغل بالبيت لازم يبينا نحضره
الجوهره:اكيد علمته ذالعفازه اني جيت "تقصد النايفه "
النايفه بنظره هاديه وقفت تلبس عباتها واسفهتها معاد الا هي ادق عليه اعكر جوه عشان اعلمه . . اطلعو برى وام بندر تتبعهم
ام بندر بخجل:امسحو في وجهي المره الثانيه انشالله عندي ولاحد جايكم ام سلطان :ماعليه متعودينها منها ..اسمحي لنا بروح ذلحين عشان يركب طيارته
ام بندر:مع السلامه ..
ام سلطان :في امان الله
ام بندر :في حفظه
اطلعو للسايق برى اركبو معه وحرك للبيت
النايفه :اووووف الحمدالله انه كلمنا نطلع
ام سلطان ويديها على وجهها وبصوت باكي:جعل ربي يخليه لي جعل ربي يخليه لي
النايفه ببتسامه حزينه:يمه استهدي بالله .. من البدايه يعارض مراحنا لهم بس انتي الله يهديتس ولااا في الاخير هو الي اجبرنا على رايه
ام سلطان تشهق:ابيكم عند اهلكم ولا انا اهلي وراي وش ابي بهم
النايفه ماتحملت شكل امها تصيح قويه ولا هيب هينه دمعت بدويه وبصوت خانقته العبره:يمه خلاص حنى مانبيهم
دق جوالها هدت وهي تمسح ادموعها:هلا حبيبي
سلطان :وينكم
ام سلطان :قدنا في الطريق للبيت
سلطن :الله يحفظكم ...صكه ودق على السايق
ام سلطان تسمع السايق تاكدت انه يكلم سلطان ابتسمت النايفه وهي تناظر امها
ام سلطان :وش يبي سلطان
السايق :يسالني عنكم
اعلنت الطياره الاقلاع لمطار جده واربطو الاحزمه
الهنوف بهدؤ اركبت في محلها طرت عليها رحلت ايطاليا الله لايعودها امحق رحله
سلطان :اربطي الحزام
الهنوف :الحين
سلطان يصد منها:لا اذا أستقرت الطايره في السماء اربطيها
اعرفت انه يستهزي فيها اربطت الحزام اقلعت بحفظه ساعه الا ربع وهي تنزل مطار جده الدولي
انزلو شافت واحد من الرجال السعوديين تلقفها خذا الشناط ووقف الى ان مشو قدامه
خلصو اجراتهم واطلعو برى المطار
سلطان :محمود خذ المدام للفندق
الهنوف بقهر دايم في يد الناس
محمود :تامر تفضلي طويلة العمر
مشت معه الهنوف وهي تناظر سلطان الي لف لها
وقفت وكلمته:كل مره اروح مع احد وش وظيفتك
سلطان ببتسامة استهزاء: ابوس العيون والخده..تعودي ياقليبي اجل تبين انا اقضي مشاوريتس..
ناظرت له بهدؤ لفت للسياره الي تنتظرها ادخلتها ولفت تناظره عينه حاره على السايق وكأنه يهزئه ناظرت بشمئزاز للشارع قدامها
.......
فى بيت بو مفلح
نوره:يمه خليني انا الي بروح ازينه لكم
ام مفلح :خلي الشغاله ارتاحي
نوره توقف:ذالمره انا بزينه...راحت لشغاله تبي تسوي لابوها شوربه
مفلح بصوت عالي يمشي في سيب الصور :النوري الله الله بالفطور
نوره تلف عليه :ابشر على هالخشم مع اني زعلانه عليك
مفلح منحشر:ياليييييييييييل الشقاء على الحرام لاتقولين لي شي ان محاكيتس كل رمضان اعوووذ بالله..اووف.. رقى فوق وهو يتحلطم
نوره بقهر يعني لمياء صادقه لعاب صدق انك ماتنعطى وجه
ركبت قدر الشوربه واقعدت تزين مع الشغاله الفطاير
الشغاله بفضول :ماما بابا مفلح خلاص مافي يزعل من لمياء
نوره برفعت حاجب:وش دخل انت هذا كلام بيت مال انا وش مشكله انتا
الشغاله بتردد:مافي انا.. هذا شغاله ماما نوره شوف مفلح طقي لمياء مره ولمياء خلاص طيح بعدين شيل ودي فوق
.................................

[7btin]

54

نوره بصدمه تهز راسها:مفلح طقي لمياء كيف...
عادت لها السالفه ونوره منفعله يعني الانفصال له سبب ولا واحد فيهم تكلم.. احذفت العجينه ورقت له فوق افتحت الباب بقوه
منسدح على السرير ارفع راسه لها وهي تقدمت منه
مفلح ببرود:خير انشالله
نوره تنفس بغيض:ماد يدك على لمياء يا مفلح ..!!
استقعد بسرعه وبعقدت حاجب:اقطع السانتس ان عدتيها لاتجيبينها لتس على طرف السان..
نوره بنفعال وقهر:يعني صدق.. وليه؟؟ وش عقلك بعد مهيء لك..
وقف بسرعه وامسكها مع جيبها :تاكلين تراب فاهمه انا ماأمزح في سوالف تمسني بذالشكل..
نوره بصدمه من شكله ووجه الي تغير غدا اسود :علمني هو صح ولك وجهي محد يدري
عض على شفايفه بغيض ارفعها بجلابيتها له رص على اسنانه:هي قالت لتس قولي ايه او لا.. ووووبببببببس فاهمه
نوره تناظره وبقهر مخفي:لا الشغاله علمتني وبتعلم غيري عشره...
دزها من قدامه بقوه ونزل للشغاله طاحت على السرير باألم تحاملت على نفسها ووقفت بتلحقه
دخل عليها بقوه وهو يرص على اسنانه علشان محد يسمع :كلام لنوره من الي علمتس اياه
الشغاله بخوف:وش بابا انا مافي مفهوم كلام
مفلح بقهر:انا طقي لمياء من قال حق انتي
الشغاله :هذا شغاله بابا ناصر
مفلح بصوت عالي شوي:شغاله بابا ناصر كويس انتا خايس والله لو كلام مره ثاني حق احد اقطع راس ياكلبه .. نوره وهي تدخل المطبخ وتناظره
الشغاله بخوف:لا مافي كويس هذي دخل رجال عند ماما لمياء... لمياء ما في معلوم يبكي خوف كثير من حرامي
نوره بصرخه ويدها على فمهاا :حيوووووانه
مفلح بتوتر وهو يناظر نوره بتنفضح الله يلعنها وش سوت في اهلها ...
الشغاله تبكي:والله هذا شغاله هي اخذ رقم لمياء اعطي رجاال وكلم قول مافي احد هي كلام انا سم سم هذا كلام
ناظرها بشك ومسح وجهه بقلق وتعب :رجال شغاله جابت رقم من وين
الشغاله : هو اخذي رقم لمياء من سيريتا
مفلح يناظر السقف بتشتت ورتباك وخوف: انا احس اني تدهورت.. وش الموضوع..!! وش معناه!!
الشغاله بخوف وتروح لزاوية المطبخ بسرعه:هذا رجال دايم دايم يجي عند سيريتا اذا روح بابا هي قول هو يسمع صوت لمياء جوال سيريتا بعدين يقول انا ابغى يجي اذا بيت كوله روح شوف لمياء ..
مفلح يناظرها بتعب وصدمه:دمرتوني ودمرتوها ..عيفتوني اياها
الشغاله براعه تناظر وجهه القاتم:خلاص انا كلم سيريتا وهي اعطي رقم رجال
مفلح بصراخ وعصبيه :انتي اوووص ياحيوانه قرب منها ورص على اسنانه.. روحي جيبي جوال بسرعه ..دزها وطاحت بقوه وقعدت تصيح
نوره بدموع :مفلح فهمني السالفه وش العلم هذا شي زااد عن حده
مفلح مطنشها ويصارخ على الشغاله :روحي جيبيه
قامت الشغاله بسرعه تجيبه ونوره تناظره بخوف وصدمه
مفلح برهاق والم :نوره روحي داخل لاتجي امي...
لفت بسرعه واطلعت جابت الشغاله التلفون خذاه منها بعد ما علمته رقم سيريتا ورقى فوق
ام مفلح بتعجب:وش قومه وجهه مجهم
نوره بتوتر:مدري صيام وتعب...
..............
عند الهنوف
تروشت خلت شعرها مفتوح واطلعت لصاله الكبيره بنص الجناح الملكي شافته واقف على الشباك ويناظر لبرى
الهنوف:كم باقي ويأذن
سلطان وعيونه برى :دقايق
لفت بملل واجلست على الكنب ناظرت جانب وجهه الجذاب بتأمل دعوت الصايم مستجابه دعت لنفسها يحنن قلبه عليها والا يشيل الي في قلبها له مره وحده تنهدت ببتسامه سبحان مغير القلوب
سلطان بهدؤ:وش تفكرين فيه نظراتتس معبره
الهنوف بحراج:مافكر بشي ناظرت وسهيت بس..
دق الباب هز راسه لها تقوم ادخلو يجهزون الفطور من بعدها راحو
سلطان يدخل الغرفه :اطلعي
اطلعت برى الفطور ولا فطور عزيمه اجلست عليه اشتهت الفطور ريحت الاكل مشهيه
طلع لها شافت اثر الوضو عليه امسحه بيديه ووقف عندها :انا مالي رغبه بالفطور بشرب مويه تحت
لفت بجسمها من طاولة الطعام وبصدق:ماحب اكل بلحالي .. وبهدؤ.. ولا خلاص بشرب مويه بس..
سلطان بنظره عميقه :لا لاافطري انا اذا جلست بااقعد اناظرتس
لفت بهدؤ لطاوله الطعام وهو طلع برى
...........

فى بيت بو مفلح
وقف عند باب البيت ودق على جوالها
مفلح بعصبيه :تعالي
نوره :وين بروح
مفلح مرة ثانيه بعصبيه :تعالي
نوره برتباك :طيب بدق على راشد اعلمه وبطلع.. صكه في وجهها وهو على نار كلمت راشد وعلمت امها ان مفلح يبيها وبتروح معه
سكرت باب السياره :على وين
مفلح يسوق بسرعه :شوفي طلعي لي شغالتهم ولاحد يشوفتس
نوره براعه :مفلح طلبتك لاتسوي مشاكل
مفلح بغيض:نوره قسم انا نفسي في راس خشمي الى الحين... طلعيها خلصيني
...........
فى بيت بو فهد
اوصلو وادخلت نوره لفت من وراه بيتهم وشافت الشغاله على عتبة باب المطبخ وصوتهم في الصاله وعيال غزيل واصل لها ومنيره
نوره :سلام سيريتا
سيريتا وهي توقف:سلام نادي ماما لمياء
نوره بسرعه:لا تعالي فيه اغراض ابيتس تشيلينها معي
هزت راسها بنعم ومشت معها شافهن وهن لافات مع لفت البيت مقبلات له تقدم منهن بسرعه معاد شاف الا الشغاله مسكها مع رقبتها ولصقها في الجدار
سير يتا بخوف:ويش بابا
مفلح بقهر:شوفي كلام منا منا مافي مشكله موت
سيريتا بخوف:طيب بابا انا مافي سوي مشكله
مفلح وهو يتنفس بسرعه :رجال يدخل بيت اول رمضان شوف لمياء كيف يجي
الشغاله بصياح :بابا والله هو يسمع صوت لمياء في جوال انا بعدين هو قول ابغى شوف انا مافي معلوم
مفلح يخنقها بقوه وبصوت عالي شوي:ليش..لييييش.. انت سوي مشكله كبيره
الشغاله تبكي:بابا هو والله قول اذا كل بيت روح كلم انا يجي شوف بنت مافي معلوم انا يصير مشكله بعدين هو يجي شوف لمياء تبكي كثير هوحرامي خوف
مفلح يمد يده الثانيه على رقبتها ويرف راسها :جيبي جوال وين رقم
الشغاله وهي تطلعه من جيب قميصها وتمده له وصوت اختناقها يوضح
نوره بعتب:مفلح هدها رمضان ولمسها حرام
مفلح بغيض :وين رقمه ؟!. ورته الشغاله الرقم
الشغاله :بابا انا مافي سوي حاجه بس هو سالم سوي
فكها من يده وعطاها كف وعاده باقوى منه وبغيض :سالم بعد سعودي خربتي مستقبلي انتي ماتدرين وش سويتي فيني
نوره وهي تمسك يده وتهديه :خلاااص مفلح يكفي خلها تروح السالفه.. يكفي انك شكيت في عرضها .. حس بحراره تدخل جسمه ويش السوات ... رص على الجوال بيده وطلع برى البيت ركب السياره
نوره وهي تفتح الباب
مفلح وهو مغمض عيونه :روحي لها علميها ان كل شي بان ووضح
نوره بحزن :وش عقبه ..بتعذر لها بدالك
مفلح وهو يلف لها بحقد:انا قلت تعذري كل ذاه جابته لنفسها الوحيده بينكم كل ماشفتها في موقف غلط
نوره بصدمه :مفلح انت جدا ظالمها حرام عليك
مفلح :عاني يانوره تسمع كلام غير الي قلت لتس عليه تندمين وعينتس تشوف .. مد يده للباب الي عندها اسحبه بقوه صكه ومشى بالسياره
نوره بستغراب انت مخطي وخطا كبير وماتبي تعذر.. مشت للداخل البيت ادخلت عليهم
نوره بخجل :السلام عليكم
الجميع :وعليكم السلام
ام فهد :يالله حيها
نوره :ابقهااا وش لونك ابو فهد
سلم عليها ترخصت منهم انها تبي لمياء رقت معها لميا لحجرتها
نوره وهي تجلس على السرير وعيونها تدور بالحجره :لمياء والله مدري وش اقولتس
لمياء بستغراب:وش فيتس عسى مهوب شين كايد
نوره بسرعه :انا دريت بالي صار بينتس وبين مفلح وش سبب فسخ الخطبه
لمياء وعيونها تجمع فيها الدموع:دريتي يانوره عسى ماصدقتي بعد انتي
نوره بحنان وخجل من اخوها :مفلح درى انها الشغاله هي الي مدخلته عليك
لمياء وهي تجهش بالبكاء : درى ان مالي ذنب وانه ظالمني ...حرام عليه والله
نوره وهي تقرب منها :خلاص اهم شي درى انتس مالتس ذنب !!الحمدالله يالمياء الي بين له الحقيقه حرام خسر وحده مثلتس
لمياء ودموعها على خدها :صدقيني لو اقولتس انه كان له معزه بقلبي بس ذلحين هو والغريب واحد حتى الغريب لو اشوفه بموقف شين بحنه بس هو الله لا يوفقه
نوره وهي تنزل راسها :الله يرزقتس ويرزقه ارفعت راسها للمياء الي تمسح ادموعها .الحين دريت وش سبب همه الايام الي راحت مهوب مفلح الي نخبر وحتى عقب انا متاكده انه نادم
لمياء ببتسامة الم :الهم يانوره عندي!! اهاني وفوق كذا خلاني اعيش ونا شاكه في عمري
نوره وهي تقوم بتصريفه :الله يسامح الجميع ..اسمحي لي
لمياء ببرود :مسموحه بالحل ..لاتضايقين هذا شي مايخصتس
نوره وهي تبوسها على خدها :فديتتس وفيه مثلتس
ابتسمت لها لمياء كلمت نوره مفلح قفله في وجهها افهمت انه مهوب جايها و دقت على راشد ومرها في بيت ام فهد
مفلح والجوال بيده تنفس بعمق ناظر رقمه ودق عليه
شوي وسمع صوته :السلام عليكم
الرجال :وعليكم السلام..
مفلح : وش لونك
الرجال :الحمدالله ..من معي
مفلح :بتنسى صوتي اكيد ..من زمان ماشفتك
الرجال بتذكر:مدري والله ..وش اسمك..؟؟
مفلح :اذا نسيت صوتي اكيد بتنسى اسمي ابي اشوفك وجه لوجه وين القاك
الرجال :وين تبي
مفلح بتنهاد: عند مخطط الجديد
الرجال بستغراب:بلحالنا
مفلح بتصريفه:ههههه لا كل اخويانا هناك نفرش ونسهر هناك الحين يصلح لك..
الرجال براحه:ايييه خلاص تم
صك منه وهو يرص على الجوال بهدؤ دق لمحمد وعلمه انه بيمره عقب شوي حرك صوبه ووقف عند باب الاستراحه طلع له محمد وركب
محمد :وش مشوارك توه يطلع
مفلح بهدؤ:مشوار تعرف على صديق ابيك مخاوي بس حتى لا تنزل
محمد :يعني اتفرج.. وش ناوي عليه؟؟..
مفلح وهو يلف له :بدينا حركات العاقل الناصح..
محمد يرفع يديه :لا كيفك انت حر بنفسك..
اوصلو للمخطط وقفو وسيارة الرجال توقف قبلهم أشر مفلح لمحمد يصك دريشته صكها محمد ومفلح يصك دريشته لاجل مايسمعهم محمد نزل الرجال سلم عليه مفلح بحراره وتمثيل ابتسم الرجال وهو يعصر مخه يتذكره مشاه مفلح بعيد عن محمد
لف له مفلح ببرود وقرب صوبه وبقهر رص على اسنانه:تخاف ربك..
الرجال بضحكه : وش قوم ماتعلمني من انت..
امسكه مفلح مع رقبته والرجال تنعقد حواجبه : من انا ..تذكرالشغاله الشيطان الي اعنتك على مره والرجال الي واقف عند الباب...
الرجال بخوف :وش تهذري به انت..
مفلح وهو يبقسه على وجهه بقوه الى ان طاح نزل له ومسك قلابي ثوبه وبحقد:وش تبي بنات الحمايل تدخل عليهن في بيوتهن ياواطي..
الرجال وهو يبعده عنه بقوه ومفلح يرص برجله على بطنه :البنت الي نادتني انا ماجي احد غصب ..
مفلح بصراخ وغضب:تخسي حرمت نفسي منها وانت السبب ياالخايس..ياكلب حرام الي تسويه ماتخاف ربك.. صفقه بكفوف على وجهه والرجال يقاومه بكل قوته
الرجال بقهر وخبث ينفث بفمه:انا الي اعرفه ان ما عندها اخوان اكيد انك تبيها بعد...
مفلح يمسك وجهه ويرص عليه وعيونه تحمر وبصوت مخيف: تعقب ياوطي تشرف عن امثالك لعنبوك..
الرجال بسرعه وكذب :ترى وراى راس كبير يوديك في داهيه ..البنت انا خلصت منها تبيها اخذها فضله..
رفسه مفلح بقوه في بطنه ونهال عليها بالضرب في وجهه ويرفسه برجليه في كل جهه امسكه محمد بقوه وخوف من شكله وصريخه يسب ويلعن ويتهدد الرجال الطايح بدون حس
محمد بصوت عالي :بس يامفلح ذبحته..
مفلح بقهر وغيض يدز محمد منه ويدنق على الرجال ويرفع وجهه والرجال عيونه يفتحها ويرجع يغمضها:قسم بالي رفع السماء ان اطلعت سوالفك ذي لاحد ان اقتلك لو انقص عقب بثانيه سامع.. تفل عليه وبقسه بقوه على خشمه
محمد براعه مسك مفلح بقوه ودزه وراه وهو يتقدم من الرجال الي طايح ماعاد هو بيحس
مفلح يناظر له بقهر لقاهم ظهره ل ايتهور مره ثانيه
محمد بخوف :ساعدني انوديه لايموت الرجال متكسر
مفح بقهر واستهزاء:يخسي اشيله ويركب سيارتي الساعه المباركه خبر وفاته..
مشى عنهم مفلح ركب سيارته وحرك ومحمد يناظره بصدمه لف للرجال ودق على واحد من اخوياهم في الاستراحه جاو خذوه وودوه للمستشفى حاول محمد يخفي السالفه رفض مدير المستشفى ودق على الشرطه بسبب حالته تكسر ضلعين من صدره وكسر بخشمه ورضوض بانحاء جسمه
محمد:مفلح انت وهقت نفسك.. الشرطه تطلبك
مفلح ببرود:وينكم
محمد :اطلبو رقمك قلت لهم اني ماعرفك وجار البحث..
مفلح يقلب السالفه براسه مايعرف اسمي الحقير بس اكيد بيدلهم على بيت عمي ابو فهد بما انه درى اني لي يد في سواته وتكبر السالفه
مفلح:انا بجيكم وبسلم نفسي..
محمد براعه :منتب صاحي هو يعرف اسمك
مفلح :لا مايعرفه خلني اسلم نفسي قبل يدخل فيها غيري.. وينك
محمد :انا بالمستشفى
مفلح:لا منيب جايكم في محل هو فيه.. بروح للمركز
محمد بستغراب :وش سالفتك معه الله يهديك ماعلمتني
مفلح :شخصيه.. افضل ماتعرفها..
محمد :على راحتك هم ذلحين ماسكيني عنده لاسلمت نفسك جيتكم
مفلح :صكر بروح انا لهم ذلحين.. صكرو وراح لهم في المركز يسلم نفسه
الضابط:افاااا انت الي اتسوي تسذا
مفلح يناظره :محد معصوم من الخطاء..
الضابط :صح بس الي في مركزك لازم يحافظ على نفسه من كلام الناس
مفلح يمسك نفسه:صار الي صار ومشكله تخصني بالذات.. الحكم الي علي نفذوه وخلصنا منها
الضابط بستغراب من اسلوبه :الحكم في حقك سجن الى ان يعفاء عنك المصاب او تاخذ حقك العام
مفلح بهدؤ:نفذه.. ولا ابيه يعفو عني باخذ حقي العام
الضابط : حقك العام سنه ونص يامفلح اتمنى تفكر في اهلك وقهر الرجال في امور واجد اذا استسلمت لها شي صعب تصبر عليه
مفلح ساكت وعيونه تدور في انحاء الحجره نادو له الشرطي الي خذاه لتوقيف الى ان يجون اهله
من بكره الصباح الساعه ست دق محمد على ابو مفلح الي جالس في فية الصور توى الشمس بارده ويقرى الجريده
ابو مفلح :هلا
محمد :صبحك بالخير
ابو مفلح : صبحه برضا والعافيه
محمد :ياعم مفلح بمركز الشرطه شي بسيط بالتوقيف ويطلبونك
ابو مفلح براعه :مفلح بن سعد
محمد : ايه ..لاترتاع شي بسيط ..
صكه منهم ابو مفلح وراح لهم المركز علموه بالسالفه ونادو له مفلح الي دخل عليه
ابو مفلح يوقف :وش سالفتك
مفلح يجلس على الكرسي صد عنه وسكت
ابو مفلح بضيقه:ماتكلم انت مخمل ولا مظلوم
مفلح بهدؤ:لا مخمل ولا مظلوم
ابو مفلح بقهر:كلمني كلام رجال شايفني بزر قدامك..
مفلح يلف له ويوقف:يبه مشكله صغيره احصلت لي ماتمالكت نفسي ومديت يدي عليه
ابو مفلح :ماخبرتك كذا
مفلح :حصل الحاصل واحب بعد اقولكم لاعاد يسعى بعفوه عشان اطلع.. بنسجن الا ان اطلع بالحق العام
ابو مفلح مستغرب كلامه وبهدؤ:موب على كيفك لا تعافى الرجال جيته وطلبته يعفو عنك
مفلح بقهر يغلي بصدره:لاترجاه لاحد يترجاه والله ان طلعت بسبته ان اغادر النعيريه ولا تشوفون لي وجه بعدها والله الي ماغيره احد.. زفر بقوه وطلع من الحجره امسكه الشرطي وطلعه لسجنه
نهاية البارت

[7btin]

55

جلس ابو مفلح برهاق دق لمحمد الي جاءه وعلمه انه مايدري وش سبب الهده
محمد بتردد:بتطلبون الرجال يعفو
ابو مفلح بتعب :تبيه يابوك يروح ويخلينا اعرفه عنيد ونفسه عزيزه
محمد بقهر :بروح اكلمه يمكن يرجع لنفسه
طلع محمد يطلب يشوفه وابو مفلح راح للبيت بعد ماحس بنخفاض ضغطه
من برى حديد السجن
محمد يرص على اسنانه:ابوك وجهه غادين اسود انت صاحي
مفلح بتوتر:محمد الله يخليك خلوني كلامي منيب متراجع فيه
محمد بقهر وصوت عالي:اهلك امك بتقعد سنه هناه وظيفتك مانتب بوعيك انت
مفلح بتعب ورهاق :خلاص يكفي قلت الي عليك ماقصرت انا بصبر كلها سنه بتروح مثلها مثل غيرها
محمد بشمزاز من تمسكه برايه :حسافه بس العقل ظنيته ساس اثره مظهر !!.راح منه محمد وهو ينسدح على فراش بالارض وسكين يطعن بصدره
ام مفلح براعه :ليه وش فيه
ابو مفلح يجلس على السرير وبتعب:متهاد مع واحد في المستشفى ذلحين ورافضن ان نكلمه يعفو عنه
ام مفلح بخوف:يالله يارب سترك وش ذالمصيبه الي حلت عليه
ابو مفلح :استهدي بالله كله من تحت راسه كان غدى رجال ومسك نفسه ولا خلانا انسنعه
ام مفلح بدموع:ياويلي عليه وش مدته الي مقررينه عليه
ابومفلح ونفسه يتلاحق عليه :سنه ونص انكنه اقعد كذا
ام مفلح تحط شيلتها على فمها وتصيح
انتشر الخبر عند ربعهم الي قالو له انروح لهل الرجال نطلبه عيا ابو مفلح واشكرهم
. . . . . . . . . . . .
فى بيت بو فهد
بعد المغرب جالسين في الصور كلهم
ابو فهد بضيقه :لا اله الا الله
ام فهد راسها صاكها ورابطته:الشكوى لله ..الله يعينهم عين وصابته
فهد :يقول مساعد انه عيا يطلبون ذالي متهاد معه يعفو عنه
لمياء تبتسم بفرحه احسسسسسن سنين دوم يارب مب سنه...
ابو فهد :بروح ازوره عقب العشاء
فهد :بروح معك
هز ابو فهد راسه بالموافقه وام فهد تدعي له مع اذان العشاء الي ارتفع
راح ابو فهد للمسجد والحقه فهد ولمياء تطلع فوق تصلي
. . . . . . . . .
بين الهنوف ولمياء
دق جوالها برقم الهنوف
لمياء بفرحه :مرحبا
الهنوف : مراحب السلام
لمياء :وعليكم السلام وش اخبارتس
الهنوف :طيبه شكلتس مستانسه صوتتس متغير
لمياء :مستانسه بقوه بعد خليس مني وش اخباركم
الهنوف:انا الحين بجده بكره ننزل للحرم ..وش اخبار البنات وابوي
لمياء :كلهم طيبين.. اما ابوي راح يزور ولد خالتي نمشه في السجن
الهنوف براعه :ليه وش فيه
لمياء بستهزاء: متطاق له مع واحد واسجنوه بيقعد في السجن سنننننه ونص قليله في حقه
وقف عند طاولة الطعام يصب له كاس موية
الهنوف بخوف :مساعد فهد معه
لمياء بدون مبالاه :لا.. مفلح
الهنوف بستغراب :غريبه مفلح مسوي مشكله تحده على السجن
لمياء :وليه هو كامل من بدت خلق الله راح له ابوي وفهد يزورونه.. والله اني مرتاحه
شافته مقبل وجلس جنبها معه ورقه
الهنوف بعتب:لمياء مهما صار ولد خالتتس الي اكيد انها الحين تعبانه وش ذالكلام..
لمياء :وش اسوي عاد انا.. اذا اغلط لازم ياخذ جزاه
الهنوف بضيقه منها :مع السلامه اكيد انتس منتب في عقلتس
لمياء ببرود :مع السلامه
. . . . . . . . .
بين الهنوف وسلطان
صكته ولفت لسلطان حط الورقه جنبه وبهدؤ:من الي في السجن
الهنوف بحزن :مفلح ولد خالتي غريبه منه عاقل ورجال اكيد ان فيه شي حده على ذالسواه..
سلطان بهتمام:وش مسجونن عشانه
الهنوف:متهاد مع واحد وانسجن بسبته
سلطان :طيب يطلبونه يعفو عنه وبيعفا خاصه انكنه طيب معافى
الهنوف بفشله:رفض انهم يروحون يطلبون منه يعفو عنه ومتهددهم اذا راحو له ان يطلع برى النعيريه ولاعاد يشوفونه
سلطان ببتسامه هاديه : يعجبني رايه قوي مع ان في يده خلاص نفسه ...مافيه مشكله اذا راحو يزورونه يعطونه التلفون بكلمه
الهنوف بخجل ابتسمت:عادي
سلطان :ايه متى ماراحو علميني
الهنوف بفرحه داخليه :هم الحين عنده وش لون اتكلمه
سلطان :عطيني رقم ابوتس.. عطته الرقم ودق عليه سلم عليه وعرفه على نفسه وبعد السلام
سلطان :عم ابو فهد.. انت عند ولد ربعكم المسجون
ابو فهد بستغراب:ايه وش العلم ياولدي
سلطان بهدؤ:ابد عطه السماعه ابي اكلمه
ابو فهد :سم تامر .. رفع راسه لمفلح.. سلطان بن نايف يبيك على التلفون
خذاه منه مفلح خذا نفس وكلمه سلم عليه وتحفاه
سلطان :وش المشكله الي انت فيه..!! وش سببها..؟؟
مفلح يقوم من الي عنده بزواية الحجره :ماخذ حقي..
سلطان :حقك بنفسك يخصك ماتقدر تمالك نفسك هذا شي عيب في حق الرجال.. اذا فازع لا انا ماقدر اقول شي..
مفلح بهدؤ:يمسني ويمس غيري وفازع له ياطويل العمر فازع له وحرته بعد الى الحين في صدري..
سطان : مره ولا رجال
مفلح بتردد:مره..وامنتك الله لاتطلع منك ..
سلطان بتفهم : ايه عرفت انها مره بعد رفضك لتوسط عنده..
مفلح ينزل راسه بقهر وغيض
سلطان: رد الجوال على ابو فهد
مد مفلح الجوال لبو فهد :سم
سلطان :روح لضابط المسؤؤل عطه الجوال
الهنوف بتوتر من سالفة مفلح وتدخل سلطان فيها
ودو الجوال لضابط كلمه سلطان وعلمه الضابط بملابسات الحدث
سلطان :هذا شي بسيط تقدر تطلعه منه شي بين الشباب على ماظن كل دقيقه عندك قضيه مثلها
الضابط :صح ياطويل العمر تامرنا بشي
سلطان :طلع الرجال وانا لوني منيب داري انه يدافع عن شي يخصه وماذئ فيه ما توسطت له عندكم
الضابط :تم انشالله اليوم يطلع مع اهله
سلطان :تسلم وما تقصرون..في امان الله
الهنوف بمبادره :الله يجزاك خير كل شي عندهم الا مفلح ياصله شي من الامور الشينه..
سلطان :الي مايفيد الرجال وهو يقدر مهوب رجال يعد منهم
الهنوف ببتسامه نزلت راسها:ماخيبت ظني فيك.. لفت عنه بوجهها وكملت..انا قلت لامك قبل وبصدق جاوبتها اكذب اذا قلت ان فيك عيب ولا يقصر في واجباته
وقف وتنهد:حلو انتس تحطيني ذالكلام في راستس وتمشين عليه وتنسين الي مضى..
وقفت عنده:حتى انت حلو من ناحيتك.. وببتسامه ..لاتظن في يوم بنسى جمايلك علي موب قصدي مادي لا ياسلطان حتى اسلوبك الدافي وشعوري الي غيرت فيه كثير لفت عنه.. ولاتظن اني بنسى في يوم عكس هذا كله.. مشت عنه لداخل الحجره وهو مد يده للورقه الي على الطاولة واجلس على الكنب يكمل شغله هاذي حياته اذا اعجبه الكلام كان بها وذا مس شي في قلبه ابعده عن تفكيره ولا في مجال ينعاد مره ثانيه بعد مايدخل
.............
عند مفلح فى السجن
الضابط يمد الجوال لبو فهد:بنكتب سماح خروج لمفلح بامر من سمو الامير سلطان بن نايف بن محمد
ابو فهد بفرحه ورفعة راس:زين جزاكم الله خير
طلع لهم واقفين برى يحترونه بعد مانتهى وقت الزياره
ابو فهد ببتسامه :ابشركم مفلح بيطلع معنا
ابو مفلح بفرحه غامره وهتزاز بصوته:الله يبشرك بالخير وش صار
ابو فهد:كلمهم سلطان بن نايف وامرهم يكتبون له خروج
مساعد وفهد يضحكون وابو مفلح يدق لام مفلح يبشرها
ابو مفلح بضحكه:الله يفتحها في وجهه ويكتب له الخير ...جعله يفتحها في وجه الهنوف ويكتب لها كل خير معه
ابو فهد:امين ..
مفلح واقف عند باب السجن ويناظر الشرطي:انت صادق يا نواف
الشرطي نواف:ايه الجوال الي جاك صاحبه طلعك
مفلح بنتصار وفرحه هذا الي ابيه اني اطلع غصبن عنه ولا طلبنا منه يعفو عني يعني خذيت حقي وهو كلا تراب
طلع لهم مفلح حب راس ابوه بخجل وابوه ساكت وبعينه نظره حنان وفرحه
. . . . . . . . . . .
فى بيت ام فهد
ام فهد بفرحه تكلم ام مفلح :مبروك فرج مفلح
لمياء بشهقه طلع توني ماشفيت غليلي منه
ام فهد :رجل الهنوف جعل ربي يوفقها هو الي طلعه
لمياء بقهر ناظرت امها يا ليتني ماعلمتها يعني هذا من ورى راسي مادريت
صكته ام فهد ولفت لمياء تكلمها :سبحان الله اكيد انه مضلوم ولا كان ما طلع
اضحكت لمياء بستهزاء غصب عنها ولفت رايحه للمطبخ مظلوم كثري منها
...............
عند سارة فى القريه
ساره بسرحان امس كلمتها مضاوي واعزمتها لعشاء ذبيحه عندهم استسمحت منها هذا موب غريب تعزمها لكان انه هو يجي لباب المدرسه ويطلب منهن يجن لعزيمه بدافع انه من المسؤؤلين عن سكن المعلمات في مدارس القرى
فاطمه :وش مسرح بش يابنت الاجاويد
ساره ببتسامه:خذا قلبي ولد الاجاويد
فاطمه بضحكه :حظه بقلبش الكبير
ساره :هههههه امزح لاتنشرين
فاطمه وهي تجلس على سريرها :تصدقين ذكرتيني ..غريبه جاء سعود يعزمنا قد لنا ثلاث سنين هناه ما حال علينا ولا زال
ساره برتباك :توه يحس بكن ههه
فاطمه بغمزه :لا والله مير طاح بحب بدويه
ساره بجديه :فاطمه ابي اروح ونا ماعلي منقود عند العرب
فاطمه بطيبة قلب:ابشري والله انش خذيتها كل الحريم حبنش حتى بناتهن بالمدرسه معجبات بش مشالله عليش
ساره بخجل:هذا الي اطلبه السمعه الزينه
فاطمه بتردد:ساره لاتزعلين بطلبش طلب والله انه من قلبي
ساره :افااا عليتس مابينا ذالكلام امري
فاطمه وهي خايفه من الي تسويه عشان مضاوي :ابطلبش لولد اخوي اكبر منش بثلاث سنين
ساره بوهقه:لا يافاطمه لاتزعلين مني لا رفضت
فاطمه وهي مبوزه :يعني بترفضين
ساره :هههه وش اسوي توى نصيبي مفزيت له
فاطمه :ههههههههههه اجل تبين تحبين قبل الزواج
ساره :ههههههههه عليس نور
فاطمه :طيب خاف الي رفضتيه يحبش ماتدرين
ساره :هههه يحبني وهو قد شافني
فاطمه براعه وش سويت بغيت اوهق نفسي وبضحكة توتر :لااا بس قلت يعني ..بعدين ليش ما توافقين
سااره بطيبه :فاطمه احنا ماناخذ من برى قبيلتنا رفض قاطع مره لامن صوب راشد ولامن صوبي بنفسي
. . . . . . . . . . .

[7btin]

56

واقفه عند باب الحرم وتناظر فيه لابس الاحرام طوويل وعريض وشعر راسه واصل لتحت اذانه
سلطان :جاهزه
الهنوف بوجل:ايه
مسك يدها ومشى معها ادخلو لساحة الحرم بدو يطوفون اسمعته يتمتم بادعيه تمنت تسمع وش يدعي فيه قعدت تسمع له ونست نفسها من الدعاء
سلطان وهو يقربها منه:انتبهي الناس سديتي طريقهم ماخذه جوه بلحالتس
الهنوف بفشله:الدعاء ماخلاني انتبه
خلصو الطواف وراحو للصفاء والمروه ترك يدها وعلمها مكان اذا خلصت تلقاه فيه راح يمشي مره يركض ومره يهدي حست برجليها تكسرت وبدوخه تحملت على نفسها واصبرت اخر دوره جات تبي تجلس معاد في مجال تحمل
مصريه وهي تقومها :لا لا ماتجلسي حتى تخلصي مره وحده ازي كده متخافيش ربنا
الهنوف بتعب: فيني فقر دم برتاح ثم بكمل
المصريه :لا يعني انا قايه من اخر الدنيا ونا الي بفهمك
الهنوف ترتفع ثاني مره وتمشي متعنزه بالجدار الخاص باصحاب الكراسي قربت من المكان الي وعدها فيه خلاص طفح الكيل بتجلس وبتنسدح بعد شافها وقفت عند المعناز راح لها بسرعه
سلطان وهو يهز راسه :تعبتي
الهنوف بتعب: المصريه عيت اتخليني اجلس اشوي
سلطان بهدؤ :كان جلستي يجوز لتعبان..
الهنوف برهاق :رجلي ماحس فيها ..خلن نطلع برى
سلطان يحس بنشاط ويناظرها برحمه :تعالي قصي شعرتس قبل ... شوفي وحده من الحريم جيبي منها مقص ناظرت الهنوف للمكان الي ياشر لها عليه وراحت لها
وقفت عندها وبسحى:ممكن المقص شوي
الحرمه:ايه تفضلي ورجعيه لي
الهنوف تضحك من تحت الغطاء:طيب ابشري.. لفت بترووح وشافت بنت واقفه هي واختها على جنب ويناظرنه
غمضت عيونها وتنهدت اهدي يالهنوف جعلهن العمى يارب وفي الحرم ..
سلطان يمد يده لها :عطيني المقص
انتبهت له طنشتهن ومدت له المقص
سلطان :ياله طلعي شعرتس انا بقصه..
طلعت شعرها له بدون شعور وهي تناظرهن خلاص يكفي ماشبعن شافت اخوهن يوم جاء وراحن معه تنفست براحه ولفت له خذا شوي وقصه فركه بيده
سلطان ببتسامه :حرير اصلي..
الهنوف تناظره باستغراب شافت شعرها بيده ابتسمت وهزت راسها مادريت عنه ..مدت يدها وطقت يده بخفيف الي فيها شعرها وطاح منه
ناظر لها ببتسامه ماعرفت وش يقصد منه امسك يدها ورص عليها
سلطان يتنهد :بيصلون الحين التروايح انتبهي للجوال معتس طيب
الهنوف تناظر يدها بيده وبتعب ابيه ..ماابيه..يحبني مايحبني.. ارمشت بسرعه صعب الشعور الي احس به معه
سلطان بستغراب:معي..
الهنوف بتوتر:وشو ؟؟..
سلطان :خليتس هناه
الهنوف تهز راسها بايه وتصد منه
راح منها اجلست في مكانها كل شي فيها مهدود حيلها ومشاعرها وعيونها الي تدور زوله كل لحظه .. في شي جذاب غصب عني انجر وراءه
قامو للتراويح صلو معهم الوتر دعى السديس بهم امنت وراءه من قلب بكل دعوه قالها محتاجتها وبخشوع خلصو الصلاه دق جوالها برقمه علمها بمكانه وراحت للمكان الي وصف لها شافته جالس على حديد المواقف
الهنوف بهدؤ:خلاص
وقف من قدامها ومشى دون لا يناظرها اوصلو الجناح دخل للحمام وهي راحت للحمام الثاني تروشت اطلعت للحجره مالقته فيها البست بجامه وطاحت على السرير بتعب نامت بعمق بدون لا تحس بأحد ادخل عليها ووقف عند الباب ناظرها بهدؤ نايمه ومعقده حواجبها بضيقه انسدح جنبها ومد اصبعه على عقدت حواجبها يفردها لها..
افتحت عيونها بشويش وارجعت تسكرها بنعاس قرب من خشمها وباسه ارجعت تفتح عيونها اسحبت الحاف عليها ودفنت وجهها فيه وهي ترجع تغمض مره ثانيه .. سلطان وقلبه يدق بقوه صد عنها بسرعه معاد ينفع الي يصير لي الحين انقلب على ظهره ويديه تحت راسه تنهد بتعب وتشتت اسحب صوته بموال خفيف
أعتلي يانفس واعقل ياخفوق...
وارقدي ياعين وارحل ياهوى...
بنصحك ياقلب لايطويك شوق...
روحته مع جيته عندي سوى...
من يحطك تحت لاتعليه فوق..
ومن يحطك فوق يبشر لانوى..
الكرامه مايوطيها مخلوق...
والنجم لاطاح قالوله هوى..
غمضت عيونها بقوه وألم حاولت كل الي تقدر عليه تبقى هاديه وتبين انها راقده ماتسمعه.. مستحيل اني اسمع الكلام هذا واقوم بكره ابتسم له الافضل اني مابين له شي ارتعشت شفايفها بوجع وكلماته تثبت بذاكرتها روحته مع جيته سوى.. اغمست نفسها اكثر وقلبت نفسها للجهه الثانيه تخفي ملامحها الي فاضت بالم
..................
عند سارة فى القريه
سلمت على المدرسات الي معها وراشد واقف برى يحتريها تطلع لها بدات اجازة المدارس لرمضان
ادخلت عليهن بسرعه :اسويرره بتروحين ذلحين
ساره وهي تلف عليها :ايه اخوي برى
مضاوي :شفته مشالله بلى انتي الله لايضركم
ساره :هههه ماعليتس نقص زين
مضاوي تمسكها مع يدها وتبرز بها :سااره لا تفهميني غلط وترى ذاه شين عادي عندنا وانتي حاسبتش منا
سااره :وش عندتس
مضاوي:ترى سعود يقول لي سلمي لي عليها وعيدها امبارك قبل حزته
ساره بستغراب وقهر:وليه يسلم علي انا اعرفه ..
مضاوي بخجل:لا والله مهوب قصده بس عندنا عادي لهوى الرجال مره وصل لها سلام مع اهله ..يالله مع السلامه
اطلعت مضاوي بسرعه وساره يرجف قلبها وهي تذكر شكله وضحكته عند باب البيت وشعره الفوضوي البست غطوتها بسرعه واطلعت والبنات يودعهن عند الباب
راشد وهو يحرك السياره :ذلحين توى ماجاء طعم العطله
سااره مهيب بوعيها وهي تشوفه ياشر لسيارة اخوها راشد
راشد وهو يحاسب عنده :هلا اخوي
سعوود وعيونه ذابله:مرحبا بكم في ديرتكم
راشد :الله يخليك ويبقيك
سعود وهو مايدري وش يقول :انا من الي يعنون لامر المدرسات الي يسكنون برى المنازل الخاصه فيهم
راشد يحتريه يكمل:يعطيكم العافيه.. دق جوال راشد لف له
سعود وهو يستغل الفرصه ويناظر لها شافها منزله راسها ناظر راشد لا يناظره شاف عينه بالجوال رجع يناظرفيها تمنى بس لوى تناظر لجهته بس ويلمح عيونها
لفت صوبه ناظرت بعيونه الي مركزه عليها نظرته جامده تنفست بسرعه ولفت راسها للجهه الثانيه
راشد يدخل الجوال بجيبه :كمل معليش
سعود وهو يلف شماغه من تحت لحيه وكنه بيتلطم :سلامتك حبيت بس اطمنك على الاهل ونهم بامان
راشد :تسلم ماتقصر
بعد عنهم سعود وش الي خلاني اتعلق فيها من شفتها بساحة المدرسه وعيونها مافارقت فكري حتى ريحة عطرها غير وصوتها وعصبيتها كلها عذبتني ...
سااره وشعور اول مره تحس به لا لا وش يبي عيونه نظرته غريبه كانه زعلان وعتبان وش يبي مني . . .
. . . . . . . . . .
فى بيت بو فهد
رمضان يرحل والناس تقضي للعيد لمياء نفسيتها عالي العال من قامت صباحية ذاك اليوم طالعه برائتها وهي منتعشه حتى خوياتها بالكليه لاحظن الي فيها..
اليوم لازم تخلص مقاضيها للبر بيشدون لبوها باقي يوم وينتهي رمضان ام فهد :لاعيدنا اول يوم روحنا
لمياء :يمه متى بيجن خواتي
ام فهد :كلهن بيروحن معنا من هناه الا غزيل بتجي هي ورجلها
فهد :حلووو بتجي هبه
لميا ءتضحك:هماك ماتحب البنات
فهد :لا ذي غير ياخي مدري وش فيها شي كذ ينغوش قلبي
لمياء :هههههه الحب وما يفعل
ام فهد :ههههه يالله جعل بعد اشوف اعياله يلعبون عنده
لمياء :امين كلهن بنات هههههههه
ابو فهد :ههههههه ياسعد عينه بهن
فهد بصدمه :استغفري طيب قولي واحد ولد
لمياء:هههههههه
ام فهد تلف على ابو فهد وبضيقه:ماتقدر تكلم رجل الهنوف تخليها تجينا...
ابو فهد :لا والله مارفعها عليه...
لمياء :يمه بيسون لها زواج بااولى العيد يمكن لاجات من عقب شهر العسل ياحظها..تجينا
ام فهد وهي تكش عليها :بلى تحاتين التمشيه..
لمياء:الا صدق ذكرتيني ادق عليها اسالها وين بيروحون يتمشون
فهد :هههههه اول مره ايطاليا اكيد ذلحين المريخ
لمياء ماتت ضحك:انشهدنك ماشفت خير عشان ايطاليا وصلتها المريخ... ....................

عند سلطان
البيت خالي الا من الخدم اهل البيت راحو الرياض قبل اسبوع يجهزون لعرس سلطان ومعهم الهنوف
سلطان بضحكه رنانه :ههههاي انا قايله من زمان ..بسس عبيط ..تنهد براحه..يااه يامحمد لو ماحصل الي ابي..
محمد بفرحه:الحمدالله احد درى بسالفته معك..
سلطان بهدؤ:ايه درت الهنوف
محمد بستغراب:علمتها..!!
سلطان ببتسامه سخريه:علمتهاا..!! هي الي افتحت الجوال وشافت الرساله من حظها كنت ظامن اني بكسبه واخسره فوق خسارته ..ولا كان جاها علم موب الي جاءها...
محمد :اوف اوف سلطااان العرس بكره وهاذا اسلوبك للعروس..
سلطان يعنز يديه على الطاوله وبتفكير مشتت:محمد جربت تعب القلب وهو له وجهين ماتدري من تطيع فيه ولا وش تبي فيهن..
محمد :وش قصدك..!!
سلطان بتغير السالفه : الى الحين ولاحد يدري اني رجعت للبيت...
محمد بستنكار :انت غاامض وكل الي حوالك تبيه واضح لك مدري كيف..
سلطان يرجع ظهره لورى وببرود:حياتي عاجبتني بغموضها بس كل شي الا اني اعيش والناس اجهل حقيقتهم ..
محمد يهز اكتافه:انشدني ..بس هذا صعب..
سلطان يوقف وينسف اشماغه: انا بمشي بعد بكره الظهر للرياض
محمد بضيقه:تمشي يوم العرس... سبق قبله تجهز حالك...
سلطان :لا توني ماسمحت على اموري هنا..
محمد: اجل اسمح لي انا بمشي الحين ازبط بعض الامور واخلص كل شي..
سلطان بمتنان :مسموح ..ماقصرت
. . . . . . . . . . . .

فى الرياض
الهنوف بصراخ على النايفه :والله يالنايفه ان افشلتس
النايفه بقهر:ترى شين هوين مالت عليتس يالقرويه
الهنوف بقهر:ماعليه قرويه مقحيه بعد اجل لاستقبلته وضميته اصير متطوره ...لااااا ياويلي جعلتس المرض
النايفه :مالت انتو قدكم معاريس من زمان وش الفايده طيب
طنشتها الهنوف وقامت طالعه لبرى وصكت الباب بقوه
موضي ترقى الدرج صوت الكعب ينسمع بصوت عالي بانحاء القصر
الهنوف:مرحبااا ام سلطان
موضي :مرحب بتس اكثر.. اوصلت عندها وسلمت عليها ..خلصتو البروفه والزفه
الهنوف بضحكه :ايه الحمدالله
موضي:وش فيتس تضحكين
الهنوف : ماصدقت الي بتسويه اختتس روحي تعلمتس وش تبي تهبب...لفت من موضي وانزلت وبصوت عالي ... اشوى ان قدني ماعلي منها ولا بتصرفني على كيفها
موضي تضحك:يمكن اعاونها عليتس ماتدرين..
الهنوف :شكلنا بنتهاد اهناك
انزلت تحت عند ام سلطان في حديقة البيت الواسعه لفت بنظرها للشلالات الصغيره معطي الجو اريحيه
ام سلطان تناظرها بحنان:مستعده ابي ارفع راسي بكل شي فيتس
الهنوف براحه وتأكيد:خلصت فديتتس انشالله ترفعين راستس
ام سلطان بفرحه :حبيبتي ياأمي واثقه.. بعد بكره تظهرين لهم وتسكتين طويلين اللسان
الهنوف بخجل من كلامها: والله ان فيني ربكه..
ام سلطان :لا احذري ..امشي وانتي واثقه والله ان اغلبهن يطلبني اخطب بناتهن له حتى امور العرس هن الي بيسنعنها
الهنوف بحراج:على خير الله يزين كل شي
...........
فى بيت الراشد
ساره تقوس فستان عند نوره:نوره شوفي يزين علي
نوره :يهبل روعه بس ناحفه شوي
ساااره وفكرها تشوش :مدري..
نوره بستغراب:وش في وجهتس حمر
سااره بربكه :نوره انا مستحيه اقولتس صراحه
نوره تقرب منها :لا تستحين اعتبريني اختتس
ساره :اليوم الي جيت في عندكم مخلص الدوام جو يسلمون علي بعض حريم القريه وجات وحده من البنات اعرفها واسير عليهم بعض الاحيان اسكتت ساره بتوتر
نوره :كملي سرتس في بير وامرتس محفوظ
ساره :يوم جاتني قالت لي..ابتسمت بتوتر .. ان اخوها يسلم علي وان والله مدري وش اقولتس
نوره :ههههه يسلم عليس كملي امانه
ساره بقهر:لاتضحكين علي افهمي السالفه اول
نوره :خلاص يالله كملي
ساره تنهد :انه يعني اذا ارسل سلام لي مع اهلها انه هاوي المره
نوره :هههههههههاي انتي رايحه لستار اكاديمي تحبين وتنحبين والا رايحه اتدرسين
سااره وهي تقوم :اقول الشرهه على الي علمتس
نوره تمسكها :خلاااص يابنت الحلال بس يعني قد شافتس ولا قد شفتيه
ساره ترجع تقعد :ايه اول مره صدمت فيه بساحة المدرسه بالعصر جاي ينزل كتب وبعده من بعيد لبعيد
نوره :شافتس بدون غطاء
ساره بحراج :ايه وبعد علي بجامه
نوره تغمز :حلو
ساره بصراحه:ايه بس نحيف موب طويل مره اقصرمن راشد شوي
نووره:راشد طووويل مره
سااره برتباك: بس هم كلامهم غير كلامنا
نوره :كيف يعني حضر
ام راشد تدخل عليهن:قومي يا ساره افرشو فرشه برى لا جاء راشد نجلس عليها
ساره تقوم :ابشري احطها تحت النخل ولا في الصبه
نوره تقوم معها :لا بنحطه تحت النخل احلى
ام راشد :افرشو في اي مكان بصلي عليها التراويح
اطلعن برى يفرشنها
نوره :كملي وش قصدتس
ساره :هم بدو نفس كلامنا بس يوشوشون
نوره :اها بس.. طيب لا يخطبتس بتوافقين بما انه هاويتس
ساره براعه ماتوقعت كلامها :يووه نوره مدري روعتيني
نوره ببتسامه :اهله موصفاته اخلاقه تعجبتس ارتاحت نفستس وافقي ولا تمالين
ساره تمسك طرف الفرشه وتسحبها :هههه الي بيشوف جاء وبخطب
نوره بجديه :اذا اخطبتس ولا ابعدي من طريقه شي نهايته زواج ياساره ولا احذري منهم
ساره ارفعت ظهرها :خليها على الله ولاتخافين مارخيت معه مع اني اشوف انه يتبسم لي وعيونه تلاحقني يعني بالنسبه لوحده لي ما يعرفونها غلط يسوي معها كذا
نوره براحه:الله يكملتس بعقلتس
.........

[7btin]

57

فى بيت بو فهد
اليوم اخر رمضان بتمام الشهر ليلة العيد اصوات الشريخات ماليه الشوراع النعيريه ازعاج البزارين حتى البنات واقفات عند الباب يناظرن
نوف تدف لمياء:وخري كل الوانها شفتيها
لمياء تسحبها مع يدها:مكاني طيب
نوف بهياط راعه :بطني جعلتس المرض
منيره :ههههه يالكذوب يدتس مهوب بطنتس
لمياء :انتي تشوفين اعوذ بالله شكلي برفسها ونا رايحه
منيره:ههههههههه بتروحين تصلين معهم العيد
لمياءبستهزاء:لا بمسك بنتس
منيره تبي تقهرا تضحك:حلوووو متى اجيبها
لمياء ونوف:هههههههههههههه
ابو فهد : افرشو لنا فرشه بالصور الجوء زين
افرشوها وقعدو يسولفون عليها تعشو وبعدها راحن البنات فوق نوف رجلها رايح لرحلة قنص ومنيره رجلها بيطلع مع خوياه كشته للبر اذا حضر العيد وبتجي لهلها تروح معهم لاراح
في مسجد العيد الي في الحي جالسه لمياء ونوف وامهن تسلم على الحريم تعرفهن وجات تجلس عندهن
لمياء تهز نوف بقوه:عاني ساره جاو
نوف براعه :جعلتس الطير والله لو انها الملك عبدالله..
دارت ساره بعيونها على المصليات شافتهن وجات عندهن هي ونوره الي سلمت عليهن وراحت لامها في الصف الي قدام
سااره :سبقتونا
لمياء :تعالي شوفي نوف وش تقول ميدتس..
ساره وهي تناظرهن :قومن اول عيدن علينا
لمياء بدون اهتمام :اصبري لين انتلبس وش له شارين الملابس الجديده ساره :ههه ماعليه وش تقول نوف
نوف تبي تكلم اسبقتها لمياء وتكلمت قبلها :يوم شفتس قلت عانو ساره قالت والله لوها الملك عبدالله الله يكرمه
نوف تناظرها متعجبه
سااره :هههههههه نوف تعالي وخليها ذالمريضه
نوف بفرحه من تفشيلتها:هههه لمياء..
لمياء بقهر تقبص ساره بقوه :جعلتس تسخنين ولا تروحين معنا..
ساره تصرخ ويدها على مكان القبصه وتحسسها بالم :مجرمه
ام راشد بضيقه:اووص انتن في البيت بلحالكن
ساره ونوف راحن يدورن لهن مكان ولمياء عودت تجلس عند امها
......
عند الهنوف
ارقدت امس بدري وقامت الساعه ست ص اكيد انهم في المسجد كلهن خالتي وبناتها ماراوحو يصلون بالمسجد البيت هادي يالبى ارضتس يالنعيريه لوني اهناك كان ازعاج البيت من انصلي الفجر مع ان ما عندنا احد بالبيت صغير
تقلبت بفراشها بملل اليوم زفتها حست برعشه بقلبها وتوتر شديد مابعد جاء من سفرته ..
. . . . . . . . . . .
عند اهل النعيريه ..

مفلح كاشخ ولابس الغتره البيضاء واقف عند باب سيارته يحتري امه وعنده مساعد لابس غتره حمراء امس شراء الغتره البيضاء الي على مفلح اعجبت مفلح وخذاها منه وعطاءه غترته الحمراء
مساعد بقهر:متكشخ بغترتي وراز نفسك
مفلح يفكها ويعدلها مره ثانيه :انت تشوفها علي تحسبها بتصير عليك زيي لاتوهق..
عطاه مساعد نظره استهزاء ضحك عقبها مفلح
راشد :السلام عليكم
مفلح لف له :هلا وغلا وعليكم السلام
راشد :عيد الله عليك مبارك
مفلح وهو يواجه :جعلك من عواده من العايدين
راشد:من الفايزين ..سلمو عليهم اطلعو شيبان الجماعه سلمو عليهم وعايدهم
ام مفلح وهي تاشر لهم من بعيد
مساعد :مفلح امي تاشر لنا
لف لهم مفلح شاف امه وخالته اشرت له امه يجي وراح لهن
لمياء ملقيتهم ظهرها وتكلم ساره :لا مهيب جايه العيد ذاه
ساره :الله يعينها ويوفقها
لمياء :امين لاتنسين كاميرتس
ساره وهي تروح :لا منيب ناسيه انشالله
لفت لهم لمياء شافته قده امدنق على امها يحب خشمها ومبعد واجر امها وعايد عليها حست بنار تغلي في جوفها والشرر يتطاير من عيونها
لف للبنات وعايدهن ردت عليه نوف ولمياء تدور بعيونها اتدور سيارة اخوها شافته واقف عند سيارتهم وابوه عنده راحت لهم مطنشته والحقتها نوف
نوف بصوت قصير :يمتي منه يوم رحتي والله ان عينه ناشبه فيتس..
لمياء وهي تناظرها بستهزاء صدت منها وبقرف:مالت
نوف :يعني يمكن نفسه فيتس لذلحين وندم
لمياء :انتي نادمه انتس خذيتي مبارك.. اسالتها لانها تدري كيف نوف تحبه حب الحياه ومبسوطه معه
نوف بصراحه :لا الا الساعه السعيده
لمياء :اجل انا متاكده انه موب نادم يحتري ذالفرصه ..
نوف :وليه يبي ينفصل يعني
لمياء :لوتس الهنوف علمتس بس انتي ماينفع
نوف :من زين اعلومتس
لمياء تفتح الباب وتركب :ازين من علومتس وتسهزي فيها "حبيبي كيف اعيد وانت موب موجود" ..خخخ شوفي كيف راح وخلاتس..
نوف تدزها عشان تزحف لها وتركب :كل ذاه قهر عشان ساره فشلتس
لمياء تسفهها وتقدم من ابوها تحب خشمه :عيدك مبارك
ابو فهد :جعلتس من عواده
نوف تسلم عليها :عيدك مبارك
ابو فهد :جعلتس من عواده..عيدكم مبارك ..
البنات :جعلك من عواده..
ابو فهد: وين امكم
نوف :شوفها ذيك مع اعيال خالتي نمشه
فهد يدخل السياره :دقو عليها خلونا نمشي
جاتهم قبل يدقون ومشو الغداء عند الراشد وبيتجمعون عندهم الجماعه
. . . . . . . . . .
فى بيت بو فهد
اوصلو للبيت تلبست لمياء ملابس العيد تنوره لنص الساق مشجره بلون الطيف الفاتحه يغلب عليها لون الاخضر ضيقه وبلوزه خضرا حرير بدون اكمام شعرها بقصته الفراوله طال لنص ظهرها شافت نفسها بالمرايه راضيه عن نفسها اشد الرضى بمكياجها الخفيف بدون ظل مجرد روج وردي غامق وماسكره وكحله داخليه خضرا وحمر خدود من عرفت نفسها ماداني المكياج
اطلعت برى نوف معها عباتها وتحتري فهد يطلع عليهم من حجرته.. امها وبوها راحو على سيارتهم الجيب عليها ااغراض البر بعد الغداء بيمشون للبر
نوف :واااوووو روعه لمياء..وبسرعه.. لاتفهميني غلط اقصد الملابس
لمياء :الملابس يوم شفتيها على العرض ماعجبتس.. وبغرور.. عشانها علي بس
فهد ويفرد يديه بستهبال :يالله خواتي العزيزات سلمو علي بدا العيد
لمياء تمشي صوبه ببتسامه: فديتك كذا الصح العيد بعد الصلاه والتزيان.. سلمت عليه وباركت له العيد سلمت عليه نوف واطلعو برى رايحين لهم الساعه 11
. . . . . . . . . . .
فى بيت الراشد
اوصلو وكل الناس موجودين ادخلن مع المطبخ فسخن عبياتهن رتبن اشكالهن وطلعو للحريم عايدوهم ولميا تسلم على ساره وتوقف جنبها
لمياء :ياأختي متى تغرفون الغداء
ساره تمسك ضحكتها وبراعه:تونا نقول بسم الله
لمياء بستهبال :يعني بديتو تاكلون..
ساره :ههههههه ..
نوره تناظر لمياء ببتسامه شكلها روعه ناعمه وحلوه جمال طبيعي موب مثل البنات الي هناه اغلبهن لطخ تحسرت على حظ اخوه الاعوج سبحان الله يمكن مايطابقون كلهم نفس الطينه قامت صوبهن
لمياء :مرحبا
نوره :مرحبتين...الهنوف مغيره جوالها..
لمياء :لا توها داقه علينا عقب صلاة العيد ليش ماترد اجل
ساره :حتى انا معطيني مقفل
لمياء تطق يدها بجبهتها :يووه نسيت اليوم بيسون لها فرح يمكنها اغلقته مشغوله
ساره بستغراب:اليوم ... ليش مارحتو
لمياء بصدق:صراحه ابوي وامي كلهم استحو قالو يسون لها فرح قدها منهم وحنا بروح لبلنا وحلالنا
نوره بتأيد :صادقين اهم شي الهنوف تشوفونها وذا كماليات يهتمون لها مالنا دخل فيها
لمياء :هذا الي صار..
اذن الظهر رقن البنات فوق صلن وانزلو الغداء يغرف تغدو الجماعه وكلن تسهل الي بيروح يتمشى في البلاد والي بيروح للبر
ام فهد بعجله :لمياء امشينا ابوتس يحترينا برى نادي نوف ومنيره وياله ..
لمياء تشرب علبة البيبسي بسرعه :ياله ياله جينا.. احذفته على ساره واضحكت
ساره اصرخت وهي تنفضه من فستانها الليموني لا ينكب عليه :هين انا درايه مهيب امخليه حقها..
نوره تدخل عليها وبسرعه :ساره بسرعه خلينا انرتب المكان ونغسل عشان نلحقهم بدري..
وقفت ساره :خلاص خلي علي المجلس والمقلط وانتي روحي مع الشغاله
اركضت للمغسلة المطبخ تغسل يدها صوت ارجاجيل برى اكيد امي زعلت غسلت يدها وراحت للفوطه تمسح يديها باب المطبخ الخارجي ينفتح لفت لمياء بسرعه للباب تشوف ارتاحت عقب ماشافته منيصير ولد اختها غزيل معه سفرة الاكل حقت الرجاجيل
لمياء تجي وتاخذ منه السفره :سلم منيصير ماعيدت علي
منصور يحبها مع خدها ويتفلت منها
لمياء :ياخي شوي بسالك
منصور بيبكي :هديني بروح معهم بيخلوني
هدته وراح يركض برى وقف عند الباب حط الصحن الي معه شافها منزله راسها وتوخر باقي رز باخر تنورتها وتبعده بعجله
ارفعت راسها بسرعه عقب ماخلصت عقدت حواجبها بضيقه وكره وبنظرة قهره طنشته ولفت منه داخله لداخل البيت
دخل يده من ورى ارقبته يمسحها بتوتر .. ونفخ فمه بضيقه كل شي كامل كل شي الزين الي اتمناه وابيه تنفس بقهر ولف راجع لمواقف السيارت
ام فهد تهاوش لمياء عقب ماركبت ومشو :اخر من يركب انتي مستحيل تغيرين . . نوف تناظرها وتحرك حواجبها لفت منهم لمياء تناظر لبرى كاشخ كأنه معرس غميزته واضحه حتى وهو مايضحك تجذب الرجال كيف وحده كانت تحمل له في قلبها شي كااانت.. تسندت على السيت غمضت يونها بالم وبصوت واطي تسمعه منيره المنسدحه على السيت مثلها غنتها من قلب مجروح
لاردك الله لا ولا اطلب ترد لي
ادعي عليك بعثره في صلاتي
عثره تشلك مابعدها تقومي
يالي نقضت عهودنا الماضياتي
منيره ببتسامه عفويه:حلو صوتتس والكلمات توجع
لمياء تلف لها وفي عينها دمعها تلمع بالم : قد سمعتها بالجوال واعجبتني...
منيره بدون لاتشك :ارسليها لي انكنها عندك
لمياء وبيدها الجوال وبسرحان :مسحتها ..
نوف بدفاشه تطقها :منتب وجه شي زين
لمياء تزحف صوب الباب لاصقه فيه :موب انتي الي تقولين حظي.. لفت لامها وكلمتها ..يمه تكفين بنزل مع فهد
ام فهد :فهد معه مساعد
لمياء بقهر :اووف ماعندهم سيارتهم..
ام فهد :اطرده مفلح زاحمهم ..
لمياء بقرف ويقولونها برواقان كأنهم مستانسين عليه اي شي يسويه يعجبهم ومافيه شي.. كرهي لك بس
منيره :عسى موب ريحة بنتي
نوف :ااااه وينك يامبارك
ناظرت لها لمياء وصدت عنها حظتس يانوف
الساعه ثلاث العصر خلصت نوره وساره ترتيب اغراضهن صكن البيبان واطلعو يركبون في السياره
ام راشد قدام : صكيتو كل البيبان
نوره:ايه فديتتس الا باب حجرتس
ام راشد براعه :ليه جعل امحق
راشد يركب ويسكر بابه :خلاص نمشي
ام راشد :لا اصبر وحده تروح اتسكرها
سااره :هههههههه يمه تكذب عليس
نوره تضحك :امزح عمه ابي اشوف قد ايش غاليه عندتس
راشد بدون صبر :يعني نمشي
ام راشد :ايه امش امش
مشو من النعيريه على العشاء بيصلون لرماح
.........................
زواج الهنوف وسلطان
مغمضه عيونها والخبيره تضع لمساتها الاخيره وترفع يدها
سوار :تمااام الهنوف مابتطالعي في وشك بالمرايه الا بعد مانخلص من كل حاجياتك
الهنوف ببرود بااطراف اصابعها:مافيه مشكله كم الساعه الحين
سواار تناظر ساعتها :تسعه بتمام تفضلي لغرفة التبديل اذا بتسمحي
قامت معها والبست فستان الزفاف الابيض ادخلت عليها موضي والنايفه اضحكن بفرحه من شكلها الجميل وهن يتكلمن وش بيسون اهلهم برى ناظرتهم بقلق يتكلمن بشي وانا احس بشي ثاني ياحظها لمياء مشالله كلهم اكيد هناك تعبت عيونها بالدموع من غير شعوور
النايفه براعه :الهنوف لاتصيحين مكياجتس حرام
موضي بحنان :وش فيتس كل هذا خوف..
الهنوف ترفرف برموشها تخفي دموعها : مرتبكه شوي ..
راحت موضي تزبط زفتها كلاسكيه منوعه بصوت العصافير وانغام موسيقيه اختارت موضي القصر بليلته الرومنسيه حمراء وطوالات المعازيم شموع على ضوء القمر ليون اخوها سلطان
وقفت الهنوف على الدرج ونظرها على الصاله كل شي خيالي ماخلت موضي شي ماسوته حتى البدر في ليلة كماله جايبته مجسم في نص الصاله يضي بالونه المعروفه ويوقف شوي عشان يعكس لون احمر مناسب لجو الصاله
بداءت الموسيقى تنفست بهدؤ ورجلها تخطو اول خطوه على الدرج نزلت بفستانها الكت طالبته النايفه من برى بتصميم فستان باسكال باغنية بحبك انا بحبك ونفس ستايل الطرحه
اشرت لها النايفه من جنب الكوشه تبتسم ابتسمت بهدؤ.. وين امي وين خواتي وين البنات وين اهلي في عالم موب عالمي
وقفت في نص الطريق مثل مابغت النايفه ناظرت للمعازيم ودارت بخفيف حولين نفسها بدقه حست بدموعها تخونها غمضت وافتحتها بسرعه
ام بندر:مشالله تبارك الله
نواار بنتها بنبهار :تجنن لايق فستان عليها مررره
ناظرت لهن الجوهره بحقد
ام بندر بطيبة قلب :انااا معجبني عليها اكثر طويله وخصرها ادق ولاقاصره زين اسم الله عليها مدري وين لقوها موب تجي في حفلاتنا..
الجوهره بدون شعوور :اسكتن الزين موب كل شي ..ناظرنها بصدمه ناظرت لهن بقرف وقفت وراحت لطاوله بلحالها

بعد ماوصلت للكوشه لفت للناس وجلست بتعب
النايفه :ليش تجلسين قومي تونا
الهنوف برهاق :ارحميني تعبت الحمدالله الي تم كل شي هنا ويكفي
ام سلطان ترقى الكوشه عليهم وقفت لها الهنوف سلمت عليها ومن بعدها رقو المعازيم
ام سلطان جنبها وبحبور :ماظن احد بيجيب مثلتس في عيال عمه
الهنوف بخجل وبربكه :تسلمين كلن فيه خير وبركه
موضي تصغي على امها :بيجون الرجاجيل ودتس تجلسين معها
ام سلطاان تقوم :لا بنزل تحت..
موضي توقف وتاخذ المايك حيت الحظور بفرح اخوها وعطتهم علم بدخول الرجال الي تغطى والي قعد على ماهو عليه
الهنوف برجفه :موضي
موضي تلف طرحتها :لبيه
الهنوف بصوت مهتز :لاتبعدون مني
موضي :ماعليس شر الا سلطان قدتس بتحملين ههههه
الهنوف تسمع صفير باذانها توترت بقوه ماتدرون بلي في قلبي والله اني اتمنى اني في ليله جديده واني مابعد شفته.. راحت موضي بسرعه انفتحت بوابة القصر ادخلو وقفت ويدها تزحلق من على المسكه من التعرق . . تشوف الناس من حوله معه بس ماميزت الا هو ببشته الاسود وطوله الفارع افتحت فمها بخفيف تاخذ نفس وتهدي من خفقان قلبها وصل لها ووقف قدامها ماقدرت ترفع اعيونها له كانها اول مره تشوفه
سلطان وعينه تدور على وجهها وبروقان باسها على راسها بوسه طويله
تنفست بتوتر متاكده انها بتعجبه ومتاكده انه يتظاهر قدام العالم الي قدامه
الجوهره بقهر :جازت له مطول..
الحريم الي جنبها لفو لها مافهمو قصدها وارجعو يناظرون
بعد عنها عشان الي معه ووقف جنبها
وقف ابو سلطان قدامها تقدمت منه حبت راسه
ابو سلطان ببتسامة اعجاب :مبروك ياحظه سلطان بذالزين
سكتت بخجل وراسها مازلت منزلته تحت
ناصر الي دخل عقب ماقنع سلطان ان ماعليه حرج لاشافها واهم شي الشرع ويبي يسلم عليها وافق له سلطان وخلاه يدخل
ناصر وعيونه تناظرها :مبروك مرت اخوي الحفله.. ولا مهوب عرس العرس راح
الهنوف بصدمه ارفعت راسها له كيف يدخلونه كانه رجال حطت نفسها عادي وابتسمت :الله يبارك فيك
ابو سلطان :يالله اترخص منتس بروح لجده اليله جالسن علشانتس يا بوتس
سلطان يصد من ابوه وبصوت هادي:مهوب لازم ياابو سلمان تكلف على عمرك وتجلس علشان احد..
ابو سلطان يناظره ويتنهد:الهنوف تبي من يوقف معها في ذاليله
سلطان بسخريه: الهنوف مهيب بحاجتك..
ابو سلطان يناظره بقهر وحسره:في امان الله ..لف منهم وطلع وناصر يغمز لها ابتسمت له الحق ابوه وسلطان لف لها عقب ماجلسو
سلطان ويده في يدها :احلى عروس راتها عيني..
الهنوف بحمرار لفت تدور البنات ماجو شافت المصوره تقرب منهم لفت له بتوتر
الهنوف :عادي تصور
سلطان :تصور الصور الي تشوفها بعيونها بس..(يقصد ماتقول له سوى كذا او تمشيه على كيفها بوضعية الصور)
الهنوف وعيونها تشع بالفرح احسن يالنايفه رايحه تجيب مصوره وانا مادريت
المصوره ببتسامه معجبه :سيدي بدك ناخز صور اليك هااسه
سلطان يوقف ويوقف الهنوف معه :اخذي... خذت المصوره وضعية لها وصورتهم وعينها ماتنزل من سلطان البارد ويلف بنظره للحضور والمنصه خاليه من اي احد فرصه عشان تاخذ المصوره الصور لهم ناظرت الهنوف للمصوره محاوله تلفت نظره لابتسامتها الواسعه وهي تناظره بشغف واعجاب وتقرب منه بحذر وتلتقط صور وكانها تاخذ صور له وحده
الهنوف تناظرها بهدؤ وبدون شعور لفت لسلطان :مانزلت عينها منك..
سلطان ناظر للمصوره شوي ولف للهنوف وببتسامه هاديه:تغارين ..
الهنوف ترف برموشها بهدؤ وساكته
سلطان بصوت مبحوح:اخليها تنزل..
الهنوف تبلع ريقها بتعب وترص على شفايفها تمنع رجفتها:ايه خلها تنزل ..
سلطان يلف للمصوره وبنظره هاديه وأمره :انزلي لتحت ..لفت المصوره برتباك وانزلت
سلطان يلف للهنوف ناظرها شوي باينه بملامحها الارهاق والتعب رطب شفايفه ولف لاامه المقبله عليه ابتسم لها وقفت عنده حب راسها وخشمها ويدها
ام سلطان بفرحه غامره :مبرووك
سلطان : الله يبارك بعمرتس ويخليتس
نهاية البارت

[7btin]

58

فى زفاف سلطان والهنوف
ام سلطان تأشر للمطربه تبداء بالترحيب وتغني..وبدات بصوتها الصاخب النايفه تمسكه مع يده وتلفها وراها باست خده :مبروك يبه..
سلطان بحنان ويده على ظهرها :الحين ذكرتي الكلمه...
النايفه بضحك :بس توني رضيت عليك ولا قبل الهنوف تجي اقولها لك دايم صح
سلطان يضحك :صح وليش يوم جات الهنوف ما قلتيها.!!
النايفه ببتسامه صادقه :والله استحي منها.. قربت منه وشاورته والهنوف تناظر لهم ..احس انها بتزعل اذا شافتني اقول يبه بس تبي لعيالها
سلطان بنظرة عطف وحنيه ضمها لصدره وابعدها عنه شوي:الهنوف تفكيرها مهوب محدود يمكن تفرح منها اكثر من اي كلمه..
ماقدرت تمنع دمعه تنزل من عينها بغيره من النايفه اول مره اصدق ان فيه غيره تقهر لهالدرجه بين حريم ارتجفت شفايفها بألم انا منجذبه له غصب عني جذااب ووسامه غير طبيعيه امسحت دمعتها بسرعه لتبان لناس وبداخلها وجع..
موضي تقرب منهم سلطان وهو يفك يده من النايفه الي ابعدت ويمدها لموضي سلم عليها وضمها وهي تبارك له
قربو منهم عماته وبعض الحريم الي سلمو عليه باليد وصافحهم والهنوف واقفه بهدؤ بمكانها كن الامر مايعنيها ..
النايفه :سلطان طلبتك بس بعض الصور كذكرى.. دام الناس انزلو..
سلطان :لا خذت صور تكفي..
النايفه برجى :بعد اكثر..
سلطان يناظر للهنوف ويرجع يناظر لنايفه:نبهي عليها تجي تصور..
دق قلبها بقوه وناظرته يناظر لقدام ومعقد حواجبه ..
الهنوف بصوت مرتجف :ماابي اصور
سلطان يرفع يده لجبهته ويرص عليها بتعب:لازم تحملي..
الهنوف وبنبرة بكاء:لاترقى..رجعها
سلطان يلف لها وبهدؤ رافع حاجبه اليسار:وش سالفتتس..
صدت منه وارمشت بسرعه تخفي المها مابيها تقربني منك يكفي الي في قلبي لك ..انا ياسلطان احبك ..ارفعت اصابعها لتحت عينها وامسحت دموعها الخفيفه..
سلطان ببرود:ماتبين تصورين معي..قوليها صريحه ترى ماهمتني..
الهنوف بصدمه لتفسيره الغلط هزت راسها بلا وبتعب
قربها منه برقه بحظنه من جنب ويده محوطه بها دنق راسه له وهمس له .. مهوب لازم ترتاحين لقربي مهوب لازم.. هز راسه للمصوره تصور ناظرته بنظره جانبيه وارجعت تناظر الكاميره او بالاصح المصوره المتوتره حط اطراف اصابعه على ذقنها ورفعه له
الهنوف تكلم بسرعه:خلاص صور الي تبي ..عادي لو تجلس المصوره ..
ناظرها بهدؤ ممزوج بستغراب اخفاه في داخله ..تركها ويده تحاوط كتفها..أشر للمصوره بمعنى خلاص
موضي :خلاص اكتفيت
سلطان :ايه صورت الي فيه الكفايه..
النايفه :بلى صورتين
سلطان ببتسامه بارده:تحكي مشاعر واحاسيس كثيره
لفت الهنوف له ناظرته وعقب صدت منه وهو يناظرها
حط يده على اكتافها :كأنتس ماصدقتي
هزت راسها بلا بدون اهتمام
سلطان :اهاا ماتصدقين الا الي تبين..
لف للمصوره الي واقفه وتناظرهم اشر لها تصور حط يده من تحت اكتوفها وقربها لها بقوه وظهرها ملاصق لصدره لصق خده بخدها وصورتهم المصوره
لف لها من قريب وكلمها :ابتسمي الى ان تبين صفت اسنانتس
لفت له شافته قريب ولفت عنه:ماقدر بتصير موب حلوه
سلطان ببتسامه :كل شي منتس حلو.. ابتسمي اشوف.. انغزها من جنبها اضحكت بدون شعور
اشر للمصوره تستعد نزل فمه وباسها على خدها وهي مبتسمه صورتهم سلطان برسميه في كلامه :هذي بتصدقينها يمكن!! مسكها مع يدها جاو خواته يترجونه يتاخر شوي رفض توسلاتهن نزل من الكوشه ويده بيدها بتملك ويمشي بشويش لااجل تكون بجنبه وراسه لها يناظر خطواتها وراسها المرفوع فوق بهدؤ اسمع صوات تصفير وتصفيق وكلمات اعجاب متمنين لهم حياة سعيده ابتسم غصب عنه بعد ماسمع وحده تكلم بصوت عالي بجنب الممشى.. واضح انه مجبور عليها ومايحبها.. لف لصوتها عرف نظرة عمته الحاقد ومعليه صوتها بتسمعه لف للهنوف بيشوف ردة فعلها ناظرته وابتسمت بسخريه أطلعو برى للبوابه وقف لموضي الي وراهم ومنحرجه من كلمة عمتهم الي من شافتهم وهي ماخذه اول كرسي بجنب الممشى عشان تقول كلمتها
موضي بتردد:سلطان بتروح مكان
سلطان :لا.. لف للهنوف.. روحي فوق البسي عباتتس ونزلي لي تحت ...روحي معها موضي
موضي :ابشر دقايق.؟!
رقو فوق وهو يناظرها بتامل حرك شفايفه بتفكير وطلع لبرى
بعد ماوصلو لفوق وادخلو لغرفة التبديل
موضي بحراج:لا تفسخين فستانتس
الهنوف بستغراب:ليش صعبه اطلع فيه من هنا
موضي ببتسامه:سلطان ارسل لي يطلب مني اقولتس لا تفسخينه
الهنوف ترطب شفايفها وببتسامة استهزاء:من اعيوني الي يطلبه اخوتس
موضي بتوتر:عرفتيها الحرمه صح..
الهنوف تنهد بتعب:ايه عرفتها وماهمني كلامها..اذا اقدر اطلع الحين
موضي بتاكيد:اكيد سلطان بعد مستعجل..
عند الحريم النايفه عند صديقاتها بالثانوي اصواتهم تنسمع لاخر القاعه
ام بندر :مشالله شكله يحبها
ام سلطان تبيها توصل الكلام للجوهره :ايه ماخذها من حب ومن زمان
ام بندر:الله يهنيهم يارب
ام سلطان :جزاتس الله خير ..وين خلود ماشفتها
ام بندر:تكمل الماجستير برى ..الا ياأم سلطان مارديتو علينا بالنسبه لنايفه
ام سلطان :انت تعلمين معزتتس عندي بدتهم كلهم..بس اصبري علينا شوي
ام بندر :تسلمين والله في قلبي مثل الي في قلبتس ..من زمان وبندر يطلب واحده من خوات سلطان موضي ربي وفقها ما بعد بغا العرس والنايفه ما يبيها تفوته
ام سلطان :ابستشيرها وبرد الخبر لاخوها وبتوافق انشالله بندر مافيه مثله
ام بندر:انشالله جعلها من نصيب بيتي.. ناظرت لنايفه الي تسولف كنها منفلته من زمان عن العرب ابتسمت لرقت ذالبنت
..............

عند اهل النعيريه

اوصلو ارماح على اذان المغرب رتبو عفشهم الي بالمطبخ والي بخيامهم حوالي عشر خيام مستاجره لجماعتهم خيمة لبوفهد واهله وخيمه لهم مطبخ وخيام الثاني موزعها بعيده شوي عن حوش الابل الي قريب من خيام ابو فهد
لمياء بعد ماغيرت ملابسها البست دراعه موف غامق استرتش وبرقعها واطلعت برى الجوء هادي ماوصل الى خالتي نمشه وعيالها خيامهم مع الخيام المتشهله ومافيه احد برى
ام فهد :لمياء افرشي فرشه برى وحطي عليها القهوه بيصلون الرجاجيل وبيجون عليها
لمياء :ابشري ..سيريتا
سيريتا الي خايفه تحط عيونها بعيون لمياء عقب ماجاتها تصيح وتطقها من سالفة الرجال تعذرت منها وقالت انه عادي عندهم حسبته بس يبي يصير صديق مافي معلوم صير مشكله
ام فهد :يالله انا اقول افرشيها انتي ليش تنادينها
لمياء بزهق:يمه بغبر خلي منيره بمسك بنتها
لفت عنها ام فهد بقهر وهي تروح للوايت افرشتها الشغاله وحطت عليها زمااازم القهوه والقدوع
صلو الرجاجيل واجلسو ابو فهد وابو مفلح وفهد ومساعد ومفلح جاتهم ام مفلح واجلست عندهم وام فهد ونوف.. ومنيره ترقد بنتها وارقدت معها مواصله من امس ولمياء اجلست في الخيمه
ابو فهد متحمس:والله اني حاطن فيها فوق الالفين روسيه اصلييه
فهد يشاور مساعد :لاتكلمو في السلاح ماسكتو تروح معي للرعيان
مساعد يقوم :مشينا ..راحو والرجاجيل مندمجين
ابو مفلح :يارجال مبذا نوعهن نوعهن منقطع له سنه
مفلح:لا يبه لاتكذب توني شايفها
ابو مفلح بضحكه ممسوكه :يالله جعلك القوم لا تدبل تسبدي وانت تكذب
مفلح :ههههههههههاي لا والله صادق ابوي يابوفهد قد لها سنه مابعد جات
ابو فهد منقهر وبصوت عالي :لمياااااء
فزت من مكانها احذفت الجوال ووقفت عند باب الخييمه
ابو فهد :جيبي البندق عانيها ورى فراشي
لفت لمياء وراحت لفراشه شافتها شالتها يالله ماثقلها الله يستر مافيها شي تحاملت بيديها الثنتين ورفعتها وقفت عند باب الخيمه ونبهت ابوها بوهقه وراعه
لمياء وهي تحاول ترفعها ازياده لاتطيح :يييبه بتطيح ..
فر مفلح بسرعه واركض لها امسكها وارفعها من يديها بسهوله :عنتس لاتحشرينا بالي فيها..
لمياءء ببرود: امنيتي ..لوها بيدي قضيتها فيك ..
مفلح بهدؤ وسخريه:شيليها زين ثمن حققي امنيتس..
لمياء تناظر لهم وهم منشغلين عنهم :راعي سجون ماعليك شرهه..
ناظرها بسرعه رافع حاجبه:حسافه صرت راعي سجون لعيونتس... لف عنها وهي تناظره بتعجب ورفعت حاجب مشكلتك والله..
راح لهم فكها ابو فهد وفضى الي فيها من الرصاص وطلع صح عليه شاريها من واحد لاقيه في رماح في وحده من روحاته لبله
ام فهد :هناك سياره جاتكم يمكنهم الراشد
نوف :شكلها هي..
ابو مفلح :اي اي هاذي هي..
مفلح سرحان موب يمهم طردت مساعد لايركب معنا السياره من سبايبها من شفتها ونفسي في راس خشمي جميله على نعومة ماألبست لا لا خلاص انا مستحيل ارجع افاتحهم بالموضوع مره ثانيه تافف بتشتت قدني بصك الثلاثين ووظيفه وبيت جاهز وش احتري مادور البنت الي تناسبني..
ابو مفلح بضيقه :امفلح انت تسمعني.. قم
مفلح رافع راسه بهدؤ :لبيك
ابو مفلح :قم الرجاجيل جاوك وانت جالس جب لنا مراكي وزود قهوه..
رفع راسه السياره بلى سيارة راشد هذا رجاجيل :الله يهديك يبه مبلى راشد يجيب المركى بنفسه..
ابو فهد بضحكه :انا الي بجيبه
مفلح وهو يفز يقوم :لا والله اني امزح ..راح يجيبهن والسياره توقف عندهم انزلن البنات وراحن للخيام وراشد ينزل عند فرشة الرجاجيل وقعدت معه امه
لمياء بفرحه :اخيرن مابغيتو
ساره :اجل جالسه بلحالتس موب معهم
لمياء بملل:اي والله
نووره تجلس بتعب:لمياء ماعليتس امر ابي وساده شكلي برقد جنب منيره
لمياء :ابشررري
ساره :لمياء وين خيمتنا بروح انحط اغراضنا
لمياء :اخذو الخيمه اقرب وحده اصبري بجي معتس
اطلعن برى وساره تكلم راشد يوقف عندهم سيارتهم
ساره توقف داخل الخيمه :شين البر بدونها اول مره نروح مهيب معنا
لمياء :اسكتي بس اليوم امي خاطرها ماش عقب ماكلمتها تبارك لها بالعيد.. يالله حبوني انا
ساره وهي تناظر الخيمه بستهبال :ايه سمحا امرتس بنحبتس ..عزتي لنا
لمياء بغرور: كان بساعدتس ذلحين بتعشى وبرقد قايمين من صبح
ساره : لاغرفتوه نادوني
لمياء :لا وش دعوه بجيب لتس والقمتس
ساره :لا وش داعي ذاه كله جيبيه ونا بلقم نفسي خخخخخخخ
اطلعت لمياء لهم اسمعتهم يصلون وراشد يأم بهم الصلاه راحت للمطبخ نوف عند الشغالات الي تجمعن وامها تصلي في الخيمه
نوف :انا بروح اعلم منيره تجيتس اغررفي العشاء
لمياء :بغرفه واروح ارقد ترى مالي دخل
نوف وهي تطلع :الله لايحدني عليتس
وقفت عند الشغاله الي ترتب صحون للعشاء
لمياء:صحن اكبر هذا صغير
سيريتا:لا هذا كبير كلو رجال مافي اكل
لمياء بغضب:اغرفي وانتي ساكته ترى النفس مهيب عليتس طيبه..
دخل للخيمه ومسكها مع رقبتها اصرخت بقوه من الحركه ولفت له بسرعه
فهد يضحك:خخخخخخخخخ يارخمه
لمياء بعصبيه:الونه داخل فيني سكني وش بتسوي
فهد :ههههههه
مفلح واقف برى الخيمه :فهد العشاء جاهز الشيبان يبونه
لمياء بقرف:قله جاهز بكيته
فهد ماسمعها :يالله بسرعه...
اغرفت عشاهم واغرفت للحريم الي ودوه لهم الشغالت في خيمة مجلس النسوان
فهد ومعه صحن العشاء وقدامه مفلح يمشي:وش فيكم عندكم صوت صراخ
فهد يضحك: بلى لمياء مروعها
اسكت وهو يجلس على المركى
راشد :تعشى يامال الشحم
مفلح يرفع يده: بس ماكل في السياره على تسدبي لذلحين
ابو مفلح :خله ل.. لايقوم كلا صحن كله وقعدنا بلى اناظره
مفلح :هههههه جعلني مابكيك يبه والله انك نكوتي
ابو مفلح يبتسم :اجل مثلك نفسك اهناه
ابو فهد :لاتظلمه دايمن ومفلح يضحك الله لايغير عليه
مسااعد :لا حيك ماشفته ياخال في رمضان انتجنبه.. متغير ذالايام والله الحمد بفضل دعباتي المستمره
راشد :هههههههه اصدق مساعد هو المزوح
فهد :وانا منيب مزاح
مفلح :ياليل البزارين
منيره تقوم تمغط يديها:غرفتو العشاء
لمياء تناظرها بستهزاءوتفرش فراشها :لا.. اخيرن قمتي عشان نغرفه
منيره توقف دزت لمياء لين طاحت على فراشها واطلعت برى
لمياء بقهر وقفت ثاني مره وانفضت الفراش وهي تدخل فيه كل منه خلى نفسي في راس خشمي ليته ماجاء
نوره :بترقدين
لمياء :ايه
ادخلت عليهم ساره :وين يالحبيبه بترقدين
لميا بقرف:ايه برقد
ساره :توى السمره تبداء وش مرقدتس
لمياء ملقيتهم ظهرها ومتلحفه :ابي ارقد..مواصلين اليوم
ساره :كيفتس العيال كلهم برى شابين ضوء وقاعدين عليها
لمياء هذا الي مابيه كلهم عليها اسكتت ماردت عليها
اطلعت ساره ونوره توقف وراءها وتقرب وبهدؤ:لمياء اذا كذا منعزله في الخيمه من قبل نجي والى ذلحين عشانه ماراح تستانسين
لمياء بهدؤ:مهوب عشانه
نوره بتاكيد:الا عشانه حتى نظرتس له مليانه غيض يفهمها العميان
لمياء بصدق:اصلن انتهى من كل شي يخصني من اليوم الي شك فيني..
نوره بقهر :صحح غلطته يالمياء.. وترى مهوب بس انتي الي حسيتي حتى هو مارتاح الى عقب مارح للرجال الي اادخل عليكم واسوى معه مشكله انتي اخبر وش سوى عقبها والحمدالله الي فكه..
لمياء:محد قال رح له ...
نوره بصدمه: هذا الي قدرتي عليه..!!
اسكتت لمياء وعيونها شاطحه بذرا الخيمه راعي سجون اكرهك مهما سويت
...........
عند سلطان والهنوف
اجلست على كنب الغرفه ببيتهم الي في الرياض وهو واقف يفسخ بشته خلص ولف لها
سلطان بأمر :وقفي..
وقفت وعيونها تطالع لبرى بشرود
سلطان يقرب منها وبعقدة حاجب :انتي وش صاير لتس..
الهنوف ترفع عيونها له معقده حواجبها بعدم فهم
سلطان بقهر :قدامي انسانه بارده كان مافيها حياه فهميني هذا مفتعل او ايش ..
الهنوف تبلع ريقها:مافيني شي..
تافف بقهر ويديه على خصره :وريني الى اي حد ماثره فيتس كلماتها..
الهنوف تلف له وعبرتها تشق حلقها بوجع انا متت موب بس اهتميت:ماثرت فيني عادي..
ناظرها بحقد وعينه تمسح وجهها الجامد والمتعب نفخ بفمه وقربها من صدره ضامها بهدؤ
الهنوف ترجف شفايفها بالم وبضعف:صدقو انا عرسان جدد
تركها ولف وبنظره هاديه :موب يهم يصدقون ولا لا المهم اني شفتتس بفستان الزفاف مثل كل بنت وماهضمت حقتس بااحلامكن الي تمنن..
الهنوف بدموع ماقدرت تصبر:انا منيب مثلهن انا اليوم بلحالي ابي اشوف امي ولااحد من اهلي انا اليوم محرومه منيب سعيده
تنفس بهدؤ وعمق: لا هذا عاد موب في يدي..
اشهقت بهدؤ وامسحت دموعها لف لها وناظر فيها وهي تمسح دموعها حط يده على اكتافها وبهدؤ:اهلي مايكفون.. وانا وين..؟؟
الهنوف بالم :انت سلطان اهلك بس اما انا ... اسكتت ماكملت
سلطان يزم شفايفه موب معجبه ردها نفخ بفمه وبتردد تساءل: اول مره دخلت عليتس..واليوم نفس الشعور.. لف بعيونه لها وهي صدت
الهنوف ودموعها ترجع تنزل كله منك خذيتني من اهلي وبعدتني منهم وحيده وهم مجتمعين منعتني عنهم متسلط غيرت مشاعري غصب عني لك وانت ماتستاهل متعجرف.. حبيتك وانت ماتحبني .. وتسالني بعد.. وبقهر ارفعت وحده من حواجبها:كلهن من اتعس لحظات حياتي..
رص باظافره على عضدها بقسوه ورص على اسنانه حست باالوجع عضت شفايفها بالم طاحت منها المسكه ويدها ترتفع لفمها تمنع صوت شهقاتها
الهنوف بالم:عورررتني,,
رص عليها بقوه وغيض وعقب فكها وببرود مصطنع :لازم تكملين اجل الدراما هاذي اليله نفس ليلتتس التعيسه...
راحت عنه بسرعه للحمام والفستان يسحب من وراءها ينهي ليله عاشت بدايتها في شقق رماح ...

سمعت صوت الفجر ياذن حاولت تخلص نفسها منه بدون لايحس مافي فايده محوطها بيديه تنهدت وعودت تغمض عيونها برهاق
اسمعت الاقامه اندمت انها ماقومته وبهدؤ:سلطاااان..
سلطان بتململ:همممم
الهنوف :اقامو وانت نايم
ابعد عنها وهو منسدح على ظهره ومدد يديه على السرير مغمض عيونه
اقعدت وهزته :الصلاه فاتتك بس قوم صلها هناه
مغمض عيونه وراقد بعمق ترددت تقومه مره ثانيه وقفت خلاص اهم شي علمته صلت الفجر البست بجامه واطلعت برى بالصاله مافي بلكونه هنا الفله على شوارع موب مثل ذيك في مزارع.. تمشت شوي في البيت النور طلع ارجعت للغرفه تقومه قبل تشرق الشمس
ادخلت شافته راقد للحين قربت منه مدت يدها ورجعتها مره ثانيه خلاص بخليه لين يقوم بنفسه تاففت بتشرق الشمس بقومه والي يصير يصير
هزته بخفيف ماقام ارجعت تهزه اقوى من الاوله فتح عيونه ورجع يغمضها بثقل
الهنوف تنفس بتوتر علت صوتها :بتشرق الشمس ماقمت.. هزته بقوه من كتوفه
الهنوف بخوف لايعصب:الفجر بيفوتك لاتمثل النوم..
فتح عيونه ناظرها بقهر واصرخ عليها بغيض:خلاااص ابعدي عني بقوم..اقلقتيني..
ارجعت ورى شوي ناظرته بعتب اجلست على كرسي التسريحه ويديها على عيونها صاحت بهدؤ ودموعها على خدها بغزاره مالومتس ياعين لابكيتي تعبت من القدر لازانت شانت ..ماعرفت للحياه معه ماوضحت لي.. انا ابين احبه عشان يحبني ولا اواصل كرهي له عشان يخليني ولا اموت قهر وانا اشوف قلبي يتصرف من وراي غصب عني..
تنهد بتوتر نفخ بفمه ووقف مشى لها وجلس قدامها ويده تسحب يدها من عيونها ابعدت يدها من يده ورجعتها لوجهها وانحبت بقوه
سلطان بعطف:انا تعبان يومين مارقدت فلا تشرهين علي..
هزت راسها وبشهقه:ابيك تقوم لصلاه بس..
سلطان ببتسامه حنونه:وتصيحين عشان صرخت عليتس ..تحملي شوي..
هدت شوي ونزلت راسها:انا بعد تعبانه صحت غصب عني كل شي تجمع علي..
سحبها من يديها بهدؤ الى ان انزلت قدامه على ركبها ابتسم :طيب نسيت هديتس ياالله يمديتس..
الهنوف برتباك من حركاته وصوته الهادي:اذا سفر ..انا مابي اسافر وماعليك من كلام الناس اجلس في البيت مع اهلك احلى من سفر برى.. وبتردد..اذا سافرت نفسيتي بتتعب اكثر..
سلطان ينزل عيونه لتحت ويزم شفايفه:السفر ذالمره صوب ارماح

[7btin]

59

الهنوف وعيونها تعبى دموع مره ثانيه وصوتها يروح وبعدم تصديق :وشلون يعني..؟؟
سلطان وكأنه مجبور:يعني جهزي نفستس من هناه الى الظهر يالله يمدي ترتبين وضعتس..
احذفت نفسها عليه واجهشت بالبكاء وهو يضمها برقه ومبتسم بألم
ارفعت نفسها وامسحت دموعها :لبى روحك لا خلا ولاعدم...
سلطان ببتسامة هاديه:بصلي وبروح لجده مع الوالد ونكمل العيد عند الي ماحضره بالرياض.. وقف وراح للحمام وقف من مكانها بفرحه بخليها مفاجاه لهم طلعت شنطتها ورتبت الاغراض بسرعه وبحماس صلى وخلص دخل عليها وهي ترتب بحيويه ونشاط مابدى اي كلمه لبس لبسه الرسمي وخذا بشته وقف عند باب الجناح
سلطان ببتسامه افرد يدينه لها بخفيف :تعالي سلمي علي قبل اروح..
ابتسمت ابتسامه حلوه ومشت له بسرعه احضنته اول مره من خذته من كل قلبها وبكل رضاها ضمها بقوه وتنهد ابعدها عنه..
الهنوف :تروح وترجع بالسلامه
سلطان ويده بيديها : الله يسلمتس ..باس يدها وطلع عقبها من الجناح..
ابتسمت بألم ونزلت عيونها تحت ابلعت ريقها ليته صدق يحبني بس مشكله لا يحب ولا يكره حطت يدها على عينها ورصتها بقووه خلاص هدي هدي ماله داعي تحرقتس الدموع..ابعدته من تفكيرها وتذكرت اهلها تنهدت براحه لفت بسرعه تكمل اغراضها
.........................
فى ارماح .. عند اهل النعيريه
بعد ماصلو الفجر اجلسو على الضوء الشيبان وراشد.. مفلح ومساعد وفهد والبنات راقدات تقلبت على فراشها ماجاءها النوم وخرت الحاف وقفت البست برقعها والجلال واطلعت لهم الشيبان واقفين عند حوش الابل والحريم جالسات يشربون حليب
لمياء تجلس جنب امها لفت لها امها وبحنان :وش فيتس قمتي..
لمياء بصوت خفيف عشان راشد :طار مني النوم
جاءهم سلم وصبحهم بالخير وجلس جنب راشد في الجهه الثانيه من المركى وعم الهدؤ
ام راشد بحنيه :وينتس امس ماسمرتي معهم مستانسين..
رفع راسه لها وعقب لفه وعيونه في جهتهم
لمياء بحراج :جعله دوم ..تعبت ورحت ارقد اعوضها اليوم انشالله
ام راشد:انشالله
ام مفلح جايبه الفطور حطته عندهم وراحت تجلس جنب ام فهد
ام مفلح :انتي هناه وش قومتس رقدتي امس ماسمرتي معهم
ضحك فجاءه عقب كلام امه لفو له مستغربين
راشد :وش فيك..
مفلح بحراج:ذالراعي بغى يطيح وامسكه ابو فهد ..
محد صدقه بس مشوها له وام مفلح تلف لمياء وتنشدها مره ثانيه ارفعت لمياء عيونها له بسرعه شافته مبتسم ياأكل ويناظرهم صدت عنه وكلمت خالتها نفس عذر ام راشد
يكلم هو راشد بصوت خفيف والشيبان جالسين يفطرون حست بالملل راحت لساره بخيمتهم شافتها قايمه تفرش اسنانها
لمياء برتياح:اشوى كنت بقومتس
خلصت ولفت صوبها تكلمها:توني قايمه قمتي بدري
لمياء :اي عقب الفجر مارقدت
ساره :قومتس الرقاد بدري ..بلبس وبجي
لمياء تطلع :ترى في خيمة المطبخ ..وين نوره
ساره :في خيمتها اسمع صوتها قايمه لاتروحين لها احذري تحسبينها نفسي
لمياء تطلع :منيب خبل ..
راحت لخواتها راقدات قومتهن :قومن امحق نسوان ان الي اقومكن
نوف مطنشتها وراقده ومنيره وخرت الحاف وقامت اطلعت لمياء لخيمة المطبخ جهزت الفطور واحترتهم يجونها تجمعن البنات عندها بعده كل وحده راحت تلبس اليوم توه ثاني العيد وجماعتهم بادين يوصلون لهم
البست لمياء تنوره فيروزي حرير سيده بشك خفيف اسود متدرج من الجنب وجلال نفس الون وكحل بحدود العين سايل وكحل من داخل فيروزي بس..
اطلعت برى الساعه عشر شافت نوره و ساره جالسات عند الحريم الكبار في مجلس الحريم
ساااره :بدري تاخرتن وين خواتس
لمياء :والله انا يااختي ناس مانرضى بتزين الخفيف
سااره :قومي بس صبي القهوه ..حاطه مكياج كويتي مشالله...
لمياء تقوم وهي تضحك اجلست عند دلال القهوه وقهوة خالاتها جن خواتها من عقبه وهي غاسله يدها من القهوه وطالعه هي وساره بررى ارجعت تطل براسها للخيمه :نوره تروحين معنا..!!
نوره بتعب:لا عاجزه امشي.. ارجعت لمياء لساره وقعدن يمشن
لمياء بحالميه :رووووعه الجوء خيال
سساره :اي والله يارب يجي مطر
لمياء بتفكير :شكله بيجي مطر الغيوم سوادء وهذا يبشر بسقوط امطار سريعه وكثيفه..
ساره : صدقتي لازم نرجع بدري للخيام
لمياء : انا طويله بتعلق في الشجر وانتي وحظتس ان نشتي رجلي ترى برفستس هديني هههه
ساره :ههههه يقولون القصار سباق
شافن سيارات ددسن ثنتين وصالون عايله متجهه للخيام
لمياء :من الي جاو شكله مبروك من جوء والمطر يرش
ساره تناظرهم:شكلهم ام عمر وولدها ..واهل وفاء ومشاعل وابراهيم واهله
لمياء تلف لها :نرجع
ساره تكمل مشيها قدام :يعني وش بتسوين بهم قدامهم البنات وخيامهم
كملن مشي وهن يسولفون متحمسات من الايام الي في رمضان يعلمهم ابوهم بالامطار الي تنزل في البر عليه والارض ذلحين باديه تخضر تحمسو كلهم يطلعون له
............
فى قصر سلطان
واقفه برى وعبايتها في يدها لفت للبنات :ياله اشوفكم على خير
الجميع :على خير انشالله
النايفه :هذا نعتبره شهر العسل..
الهنوف تبتسم :ايه شهر العسل روحت له من زمان...
ام سلطان :سلمي لنا على اهلتس كلهم..
الهنوف :الله يسلمتس من الشر ..البست عباتها واركبت السياره اطلعت السياره برى البيت
الهنوف تناظر ورى:هذي تبعنا
السايق:ايه وامرنا به طويل العمر
الهنوف ببتسامه ماجاء في بالي أخذ معي شي واول مره اروح لهم من زمان.. اتبعتهم سياره كبيره فيه بعض العانيات والكراميات وخيمة شعر سوادء
.........................

فى ارماح
على اذان الظهر اوصلت لهم الرياض من ارماح قريبه مهيب مثل النعيريه
شافت الخيام وبزران برى والرجاجيل واقفين المطر يرش صوته على سقف السياره وقفت عند الاخيام انزلت ماشافت احد نادت شغالتهم
سيريتا بفرحه :ماما هنوف وش اخبار انتا
الهنوف ببتسامه :الحمدالله كيفكم انتو
الشغاله :الحمدالله
الهنوف :سيريتا روحي عند رجال هذا شيلو اغراض .. راحت الشغاله ومعها الشغالات عند راعي السياره الكبيره
والهنوف وقفت برى خيمتهم فاضيه وفيه خيمه ثانيه مليانه اصوات الحريم ترددت تروح
لمياء :وش ذا السياره الكبيره..امشي الناس في حال وانا كن منب معهم
ساره تمشي معها :كيفس ابي ابعدتس من الشغل
ارجعن وقفت شوي تناظر المره منزله عباتها وعليها بس طرحه على اكتافها وشعرها مفتوح ولابسه فستان شيفون اخضر فاتح مزموم من تحت الصدر
لمياء بدموع :الهنوف
لفت لها بسرعه وشافتها يااه من زمان عنهم اركضت لها لمياء ضمن بعض واقعدن يصيحن
لمياء تصيح بقهر وشوق:الهنوووف من رحتي وانا حياتي متلخبطه..
الهنوف تضحك وهي تشهق:اعتمدي على نفستس..
لمييا ءتصيح بقوه وتضمها هدتها الهنوف وناظرت في ساره الي تمسح ادموعها قربت منها وضمتها
ساره :وش علومتس
الهنوف وعيونها تعبى بدموع من شافت ساره وكلامها في ايطاليا يرن باذنها الى الحين :الحمدالله كل شي زين وش اخبار مدرستس
ساره بضحكه :لا الحمدالله كل شي زين
ادخلن الخيمه ولمياء مازالت تمسح دموعها
ساره :لمياء خلاص اذا شافتتس امتس كذا وش بتسوي اجل هي
الهنوف تمسح على ظهر لمياء :خلاص فديتس لوه بيدي ماخليتكم ولا ساعه..
ادخلت نوره وهي تناظر اشكلهن في شي غريب وبستغراب:وش فيكم وش فيتس لمياء
ساره تضحك:ماش اثر عليتس الحمل في ذاكرتتس
الهنوف بصيحه وفرحه :حامل ماعلمتوني
لفت لها نوره بسرعه ناظرت فيها وهي تحط يدها على فمها:الهنوووف
وقفت لها الهنووف سلمت عليها بحراره
نوره :يالخاينه مفاجاءه
الهنووف بفرحه:والله مفاجاهء لي بعد انا ..حملتي النوري
نووره :ههههه حملت وانتي
الهنوف بهدؤ:لا انا توني ..لمياء روحو نادو امي مستحيه اروح لهم
وقفت لمياء وساره تكلمت بسرعه :تعالي
لفت لها لمياء:خير
ساره توقف وتروح لها :اتروحين بذالزين اجلسي رتبي شكلتس بروح انا
الهنوف :هههههه كحلتس سايل ارفعو براقعكم خلوني اشبع منكم احس اني سنين ماشفتكم ارفعت نوره برقعها ولمياء افسخته مره وحده
لمياء :جعله يسعده الي خلاتس تجين بتفرح امي
الهنوف بصدق:امين
ساره وهي واقفه عند باب خيمة الحريم وعندها ام فهد :وش فيكم
ساره :خاله الهنوف جات ..
ام فهد والعبره تخنقها راحت بسرعه وخلت ساره ادخلت عليهم بخيمتهم شافتها جالسه بين لمياء ونوره هذي بنتي هذي الهنوف
لفت الهنوف للباب الي ادخلت معه امها فزت بسرعه وبكت بصوت عالي ام فهد تضمها :حبيبتي والله وش اخبارتس
الهنوف تصيح وساكته وتشهق بقوه
نوف ومنيره اطلعن برى الخيمه :ساره وش فيكم
ساره تضحك :الهنوف جات
البنات بفرحه راحو لخيمتهم
ادخلت ساره للحريم سلمت على البنات الي توهم جايات وقعدت تصب القهوه لهن
ام مفلح :ساره وين راحو
ساره تقصر صوتها :الهنوف جت وراحو يسلمون عليها
ام مفلح بفرحه :الحمدالله .. لفت بخجل للحريم ماصبرت تجلس وقامت رايحه لهم .. ادخلت عليهم والبنات ملتفات حولها
ام مفلح :مرحباا يالله حيها
وقفت لها الهنوف ضمتها وخالتها ترحب بها وتسلم عليها بحفاووه
ام مفلح بحنان :وش علومتس اربتس مستانسه
الهنوف ودموعها مازلت في عيونها :الحمدالله تطمنو ..ابي بعد ابوي مشتاقه له
ام فهد :بكلمه يجي لمياء جيبي الجوال
لمياء توقف :معادهم بحابيني ذلحين
نوف :انا عزلت منتس وبكرهتس
الهنوف :ههههههه عارفتها تدلع عليكم
ام فهد وهي تناظر لمياء الي دخلت مع شق الحريم :خلوها تدلع
ابتسمن البنات وام مفلح نزلت راسها اي مجال في لمياء تحسس منه لذلحين منقهره من ولدها
دقو لبو فهد الي جاء وجاء معه فهد
ابو فهد بحنان وشوق :يامرحبااااا بهنوف الجيد
الهنوف تمالكت نفسها قدام ابوها حبت راسها وخشمه وهو ضمها له برحمه :وش لونتس وانا ابوتس
الهنوف يتحشرج صوتها :الحمدالله انت وش لونك
ابو فهد :طيب بشوفتكن مرتاحات
بناته كلهن :الله يخليك لنا ..سلم عليها فهد حب راسها..
الهنوف:منيب فيه اقهرك خذيت راحتك..
فهد يضحك:من رحتي مدري وش جاني على لمياء خذيت دروستس وقعدت اقهرها
لمياء :حولت علي
فهد :ههههه اثرتس يالهنوف تستانسين اذا قهرتي توني اجرب شعورتس
الهنوف :هههههههههه..وين هبه تغيرت!!..
منيره :راقده ومثل ماهي اللهم انها زانت ازياده
الهنوف تضحك:بعد ازياده على زينها..
منيره بفرحه: جعلتس بعدهم ..
رجع فهد وابو فهد لخيمة الرجاجيل صلو الظهر وراحن البنات وخالتهن لخيمة الحريم سلمت عليهم الهنوف وهن يقزنها من اسفلها لعلوها
ساره تشاور الهنوف:يناظرونتس من قلب
الهنوف ببتسامه :خليهم حتى انا بعد ابي اقعد اناظرهم
ساره :هههه اجل بخليكم تاخذون راحتكم
الهنوف تلف لها :وش سويتي في المدرسه
ساره تلخبط متدري ليه اذا طرو المدرسه:زينه الحمدالله
الهنوف بستغراب:وش فيتس شكلتس مارتحتي فيها
ساره بصراحه :بالعكس اول مره اشتاق ارجع ادرس مره ثانيه
الهنوف:حلووو وش اخبار نوره بالعرس تغيرت
ساره :اول عرسها توهم جداد على بعض لابد من المشاكل حتى نفسيتها تغيرت الى اسوء بس الحين مشالله مرتاحه ..وبتردد..انتي ماتعودتي
الهنوف:بعدين اقولتس مايصلح هنا
قوموهم للغداء قامن الحريم والبنات اجلسن تجمعن وبنات جماعتهم يسالنها عن حياتهم ويسولفون عن بنات الشيوخ
الهنوف تلف على لمياء :متى بتجي غزيل
لمياء :يمكن تجي بكره اذا على كلام رجلها ماغير رايه
الهنوف بشوق:ياربي مشتاقه لمنصور وصباء يالبى قلبها
لمياء :تجنن اكبرت
الهنوف بضحكه:ذكرتيني ببنت موضي اسم الله عليها كلامها موب على سنها تهبل وشعرها مجعد من ذلحين هههه
لمياء :هههههههه يمكن لوه ناعم يروحون اتجعده تبي تصير مثلهم
الهنوف ببتسامه:لاتوقعين انهم نفس الي نسمع عنهم ترى بسيطين حتى بعض الاحيان تحسين ان هاذولا مثلنا لا يتباهون ولايتكابرون حبيتهم من قلب
لمياء :ماقد مره شفتي احد من الشيوخ
الهنوف برتباك : يوم الزفاف ودي كان االارض تنشق وتبلعني
لمياء بحماس:يبي لنا جلسه غير ذي
بعد العصر افرشو فرشه برى تجمعو الرجاجيل في جههة المجلس ونسوان عند جهتن في فرشه ثانيه
الهنوف مبسوطه :دورو لنا سياره انروح عليها انتمشى
وفاء :اروح على صالون يكفي
مشاعل اختها :لا لا نبي سياره مفتوحه نركب فوق
لمياء :اهبي تعرف تختار
مشاعل :هههه اصبرو بشوف ددسن
ساره : من الي بتسوق
نوره :انا الي بسوق بكن جيبن سياره بس
مشاعل توقف :بروح لااحمد بيوافق انشالله
راحت والبنات يتجمعن ورى الخيام ينتظرونها شافن السياره وفيها مشاعل يسوق بها احمد اخوها ..
انزل والبنات يركبن فيها
احمد براعه :وين فوق
البنات اضحكن واسكتن
مشاعل بترجاي:نبي نستانس الجوء حلو
احمد تردد وبعدين:كيفكم
ادخلت نوره داخل ودخلت معها منيره وبنتها ونوف
الهنوف فوق السياره :منيره جيبي هبه منتب صاحيه جيبيها ماسلمت عليها..
لمياء بزهق:بعدين فااااضيه
الهنوف بعناد :لا جيبيها فوق معنا
مدتها لها منيره خذتها الهنوف وقعدت تبوسها مشت نوره بشويش الى ان ابعدت من الخيام اقعدن يتمشن مرت عليهن سيارة فيها حريم ورجالهم
لمياء براعه :ياويلي فضحي منهم
الهنوف وهبه في حظنها :ليه وش فيهها تخيلي انا داخل وانسي..
ساره :ههههه روعه المنظر بس برد..
مشاعل تزحف صوب الهنوف الي لابسه ملفح صوف على كتوفها..
الهنوف تضحك:قامن يتزاحفن..
وفاء ترتجف:برد والله ماتوقعنا بيبرد كذا
لمياء :عشان فوق
ساره :خلاص خلوها توقف بندخل
مشاعل تطق قزازة السياره عشان يوقفون
وقفت نوره وافتحت الدريشه :هلا
وفااء :برد ببنزل ..انزلن البنات كلهن واركبن داخل
نوف بزهق:زحمه ليتنا درينا مقصدكم كذا والله مانوقف
ساره :اشوى انتس مادريتي
شغلت نوره السياره حاولت اتحرك وبخوف:بنات شكلنا غرزنا
لمياء تقدم جسمها: حاولي ماسرع وغرزنا
نوره برتباك :اصبرو شوي ..حاولت فيها والكفرات تحفر في الارض زياده
نوف:انزلو دفوها انا ماقدر .. انزلن دفنها مافيه فايده..
الهنوف :دقو على احد دام الوقت..
مشاعل :بدق على احمد
نوره بسرعه :لاتكفين بيزعل علينا وانا بعد السبب.. بدق على مفلح يطلعها ولا يدري اخوتس
وفاء:لا عادي ..
نوره :لا الله يرضى عليتس بدق انا ..دقت نوره على مفلح كلمته وجاءهم على سيارته الجيب
لمياء تلفلف شفايفها :بيهايط ذلحين..

[7btin]

60

ساره فيها الضحكه بس امسكتها الموقف مايساعد انزل ووقف عندهن
مفلح ببتسامه حلوه :وين الهنوف
الهنوف :مرحبا ابو سعد
مفلح :هلا ومسهلا وش اعلومتس
الهنوف :طيبه طاب حالك..وش لونك انت.. سلم عليها وتحفاها ركب في سيارتهن افتح الباب وطلع راسه لهن
مفلح بضحكه :دفن يامال الشحم..
تضاحكن البنات وقربن يدفن
ساره بقهر:لمياء دفي لعنبو ذالراس
قربت من السياره وحطت يدها على باب من ورى بس وناظرتهن
الهنوف:مشالله وخري بس ثقلتي
لمياء ترفع حواجبها بخبث: قربت ابي لامشت نطيت فوق
صدت عنها الهنوف وقعدن يدفن مشت السياره ونطت لمياء في الصندوق الى ان اركبت وزينت جلستها متربعه وهي تضحك على البنات يناظرنها ومنقهرات
وقف بعيد عن مكان التغريزه وطلع
مفلح بصدمه :خير..اشوف السياره ثاقله
لمياء :مهيب سيارتك..
مفلح : انزلي معهن يالله..
لمياء بغرور :منيب نازله..
مفلح :انزلي وروحي وقفي معهن مثل ماوقفن هن..
لمياء :لاصرت احمد طعت كلامك..
خلاها على عنادها شاف البنات يمشن صوبه راح للسياره ركبها ومشى وهي فيها
وقفن البنات ويضحكن على شكلها الخايف
سااره :وين موديها
نوف تضحك:تستاهل كان انزلت شكلها كان اتعاند
منيره :عزتي لها خوافه مهيب على شكلها
اقعدن البنات في مكانهن والهنوف راحت تمشي لمكان السياره تشوف التغريزه
الهنوف بصوت عالي :مايحد كان اناديه ماش نوره منتب سواقه
ساره تناظر معها :معلقه بس
الهنوف تجلس في مكان الكفر :دافي مكانها الارض بارده
ساره تجلس جنبها :من كثر مادرات الكفرات ولعت شراره
ابتسمت الهنوف خذت عود وارسمت به على الارض
ساره :كم تقادريتس في المواد الراسبه فيها
الهنوف ويدها تشخبط في الارض:كلها مقبول ..وابتسمت
ساره :هههههه المشكله كان مذاكرتها يعني بلا مراجعه ..
الهنوف ببتسامه :ذاكرت بس ..يعني.. اشوفه يدخل يطلع .. ارفعت راسها لها.. تقدرين تقولين اذاكر بس برتباك وتوتر ومضر بالنفسيه هذا الي درسناه صح
ساره تناظر بشخابيطها :الاشياء الحلوه نحب نتذكرها وتجينا حتى في الخيال بدون شعور درسنا هذا صح..
الهنوف بستغراب من كلامها :مافهمتتس..!!
ساره تاشر للارض ناظرت الهنوف ابتسمت بخجل وعقب اضحكت :كتبته ماحسيت والله..
ساره بهدؤ:تذكرين تلفونتس لي في ايطاليا..
الهنوف تهز راسها باسى :اشين لحظات عمري ماعمري حسيت بالغبينه والقهر مثل ذيك الايام
سااره :فضفضي..
الهنوف تنهد وبالم :حسيت بايطاليا بالكره له وانا اشوفه يمد يده علي بغطرسه وبقوه كم مره ابيت وانا عيني حزينه اغلب لقاتنا تنتهي بضرب واهانه يمكن بعد انا ماخفي عليتس اطول الساني عليه وهذا الي بس اقدر عليه حتى عقب ماجينا في بداية معرفتي بهله يناظرني من فوق ..ابتسمت اتعرفيني ماداني ذالنظره فماصبر ارد عليه من قلب بكلام يسم
ساره :انا قلت لتس خليه وعيشي حياتس..
الهنوف وصوتها تخنقه العبره وبسرحان :ماقدرت ساره هو انسان ماعرف اعبر لتس عنه عصبي شايف نفسه متكبر وحنون وفيه رحمه لفت لساره وكملت اذا اظهر جانب شخصيته كلام معسول عطف وحنيه وكانه عاشق احس انه متعلق فيني حتى نظرته تغيرني عشان كذا ماقدر اصبر واطنشه يخليني غصب ادخل معه بالكلام ماقدرت اعيش منعزله يقهرني بثقته وينرفزني ..
سااره ببتسامه :االا الان المشاعر كذا
الهنوف ببرود:لا... ميه بالميه تغيرت انا خايفه على نفسي هذا الي مابيه في الوقت هذا... حست بدموع تهاجم عيونها ارمشت بقوه
ساره :الهنوف اتركي الحبوب .. احملي حاسه ان حياتس بتغير مع خبر حملتس خذيها مني.
الهنوف بخوف:وذا حملت وخذاه مني وخلاني اروح..
ساره :مهما صار الطفل يبي امه خاصه اذا تعلقت فيه بيجيها ويعيش عندها اذا اعتمد على نفسه..
الهنوف بتردد: انا خليتها هالفتره ومراح ارجع اكلها..
عند مفلح ولمياء
لفت صوبه بخوف تناظره داخل السياره شافته لابس نظاره شمسيه ويسوق بها بسرعه مشى بها الى الجهه الثانيه ووقفها تشوف الخيام بعيده مره نزل وهو ينسف اشماغه ويزينه قدامها ويناظرها وهي تراجف بس مابينت
مفلح عقب مانزل يديه ودخلها بمخابيه:يالله انزلي
لمياء بخوف :وين انزل..
مفلح بنظره قوييه :انزلي روحي للخيام تشوفينها..
لمياء :بلحالي..
مفلح بستهزاء واضح:لااا وين بلحالتس بشيلتس..
درت لمياء من كلامه بالجديه وبعزة نفس انزلت ..
لمياء بغرور:اووه قاهرتك وانا مدري سورري
قفت منه متجهه للخيام عود للسياره ركبها مشى بتجاهه قرب من جنبها وحرك كفرات السياره عليها بسرعه الى ان تعبت اغبار ناظرته بصدمه وقهر .. بعد منها شوي افتح دريشته وابتسم
حرك منها وهي تغلي من القهر حقير تافه..تخنقها العبره برد كيف اتروش اشوف فيك يوم..
رجع للبنات وقف عندهن نزل وركب سيارته وهن يمشن لسياره
نوره بصوت عالي قبل يمشي :مفلح
لف لها بعد ماشغل السياره
نوره بضيقه وترص على اسنانها :وين لمياء
مفلح :وصلتها للخيام قبلكم انتو يالله امشو قدامي لاتغرزن بعد
راحت نوره للبنات شغلن ومشن وراه اوصلو ونزلن البنات على غروب الشمس كلن راح لخيمته يلبس شي دافي التهن البنات بغزيل الي وصلت لهم اليوم بعد ماكلمتها امها وعلمتها بمجي الهنوف..
وقف سيارته وراء خيمة الرجاجيل وقعد فيها يناظرها تمشي من بعيد ابتسم بالم غمض عيونه بقوه وزفر
انتظرها الى ان اوصلت ودخلت بين الخيام نزل ودخل على الرجاجيل
لمياء وهي تنادي منصور :منصور تعال حبيبي
الهنوف تسحب منصور لحظنها وتسولف عليه:خليه توني ماشبعت منه
لمياء بقهر :انتي هنا ليش مافزعتو لي
الهنوف تلف بقوه وضحكه :نسيتس ياشيخه وينتس
لمياء تخنقها العبره :توتس تذكريني شوفي شكلي
تمعنت فيه الهنوف وعقب اضحكت بقوه :يووه وش ذالزين متمرغه مع النوقات..
نوف :هههههههه
لمياء بترجاي تنرحم:دبرو لي مويه دافيه بتروش
الهنوف تقوم :ابشري دقايق روحي جهزي نفستس ..
غزيل تجلس مع امها بعد مانومت صباء :مشاالله الهنوف حالها زين
ام فهد بوناسه :الحمدالله
دفت مويه وودته لها تروشت والبست واطلعت لهم ترجف من البرد
لمياء :يمه برد وين الدفايه
منيره :روحي لها قربي مافيه احد كلهم راحو للضو عند خيمة ام راشد.. لمياء :ااه الله ياخذ من كان السبب
منيره تزين لها خبزه وجبنه :استغفري انتي السبب بطرانه..
درت لمياء انها تستهزي فيها خلتها تلبست ملابس دافيه وصلت المغرب وراحت لهم هناك ادخلت اول ماشفنها البنات اضحكن وهي تقلب اعيونها عليهن وتجلس جنب امها عند الحريم
منصور بصوت عالي :يبه (يقصد جده ابو فهد ) جاءت سياره
ابو فهد :قم يافهد شف منهو
مفلح :خلك فهد واحد من اخوياي بقوم له انا
قام له مفلح وهو يرحب بمحمد
محمد بتوتر :والله اني مستحي من اهلك
مفلح يطقه على ظهره بقوه :والله ان ابوي معتبرك واحد منا ...
محمد يبتسم :يالله خلني ادخل سمى علي لاطيح..
مفلح :منتب طايح عليك سيقان..
محمد براعه :والله لو اطيح يامفلح ان ارجع امتر ثري..
مفلح :اييي اتفوو على هيك سيقان مشعره..
دخل محمد سلم عليهم وجلس جنب مفلح بوجل
مفلح يدزه :وخر ترى منيب ابوك متمسك فيني
محمد متفشل لايشوفه احد وبستهبال:اااه مالت عليك الي معتبرك زي ابوي ..بتاخذ راحتك بين اهلك
مفلح :هههههههههاي ..لف لمحمد يكلمه بصوت خفيف..واضح علي انى عمري 29
محمد بستغراب :وش الي يخليك تسال
مفلح :ابي لا بغيت اكذب ذلحين ذالرجاجيل الي انت تشوف عندهم ان مفلح مايمزح سيده وانت عاد جيت الساني يحقرشني لازم احتسي عليك..
محمد يفتح عيونه :يووه السالفه وش الزبده..
مفلح يضحك :يعني لاشافوني انكت معك قالو استخف الرجال اثر ذي دبرته مع اخوياه وعندنا عاقل..
محمد يلف لها ويمثل الجديه :تدري انك سامج
مفلح يمثل الاهتمام :معلي منك لازم اعقل لين اخطب منهم بناتهم مزايين...
محمد يلف له :انت ماقد خطبت..
مفلح ببتسامه متوتره :لا خلاص كلن راح في طريق..
محمد :الله يكتب لكم الخيره ..صليتو
مفلح :لعنبوك انت جالس ماصليت
محمد براعه :قصر صوتك لاحد يسمعك
مفلح يستهبل عليه :صل ورى الذر لايشوفك احد..
محمد :معليه .. وبتعبير جديه اقول مفلح ..
مفلح :لبيه
محمد :عندكم شاهي اقط
مفلح يضحك:افاا عليك صل وتلقاه جاهز
راح محمد يصلي المغرب ومفلح ينادي منصور
منصور :هاا
مفلح :لاتقول هااا قل سم
منصور :سم
مفلح :ابعدي ..روح لخيمة المطبخ قلهم يزينون شاهي اقط
منصور :اقولهم يزينون شاهي اقط
مفلح :ايه حبيبي يالله
راح منصور لهم دخل على الشغالات
لمياء بفرحه :منيصير تعال ماسلمت علي يوم ناديتك
منصور يجيها ويسلم عليها جلسته في حظنها
منصور يقوم :لا لا مفلح يبي شاهي اقط بوديه لهم
لمياء بقهر:والله يتامر عليك ليش ماعيت
منصور :لا تحسبني بزر اعيي
لمياء :هو هو الي قالك ولا احد ثاني
منصور :لا جالس قريب منهم عشان اشوف خويه جاي عنده وقاله خويه وهو قالي
لمياء ببتسامه شيطانيه :خلاص انا بزين لكم
منصور :عجلي بحتريس
خذت الابريق حطت مويه وفيه شوي طحين وركبته على القز الى ان غلى ترددت تسوي الي في بالها تذكرت شكلها بالغبار وترواشها بالبرد خذت تراب وكبته فيها وشوي مصفر يغير لونه بعد ماغلى مدته لمنصور ببيز وراح لهم
بضحكه انتصار يارب لك الحمد احس اني هديت وانا من عصر اغلي لفت اجلالها زين البست بالطوها واطلعت للحريم منحاشه
مفلح ومحمد جالسين ورى الرجاجيل في اقصاء الخيمه ووالباقين قدامهم متجمعين على الضوء
جاب منصور الابريق وحطه قدامهم
مفلح :جعله يسلم ولد ماجد..جب بيلات قبل تروح
محمد :كديت البزر
مفلح بتهديد اشر على الابريق:تراني بكبه
محمد :تبتزني ..
عطاه منصور البيالات خذاها مفلح وصب لمحمد ظلام شوي فماوضح شكل الشاهي
مفلح :ياله اشربها كلها هذا طلبيه مخصص لعيونك
محمد :جعل اعيونك سالمه
صب له مفلح ومحمد يشرب ابيالته تتطعم طعمها يع وش هم حاطين فيه الله يديم النعمه تصبر عليه استح يقول له شي وهو طالبه طلب
جلس قدامهم منصور وقعد يناظرهم
مفلح يناظر منصور ويضحك :مستغربك والله لوتبخ عليه ان تمرجه..
محمد :يحب الزين ..اكيد انه معجب ..حط محمد البياله مقدر يصبر على طعمها
مفلح يصب له بياله ويحطها قدامه :كمل ذالابريق الحق رغبتك فيه
محمد بتوهيقه ياليل الساري خذاها واشرب رشفه بسرعه عشان تكمل وبيعيي لاصب له مره ثانيه
مفلح :وش اخبار نادر منقول من قسمنا جاكم
محمد :جاء الهم صبرتس يارض اناظره وانغضي
مفلح ميت من الضحك : والله اني مستانس عليه موب يشيل في خاطره..الظاهر انكم جدين شوي..
محمد يناظر منصور :صب لذا الاغليم كونه يصد مني شوي
مفلح :ههههه منصور تبي
منصور :لا مابي تبيني اشرب تراب
مفلح منصدم ويضحك :وش اتربه ذاه اقط تعرفه..
محمد اني والله داري ان فيه نكره :عسى موب هو الي مزينه..
منصور :لا موب انا خالتي لمياء زينته وحطت تراب..
مفلح منصدم من كلامه خذا بيالته وشرب منها بانت على وجهه تعابير القرف
مفلح :انت شفتها
منصور :ايه وتخلطه تقول خلطه سريه عطتني اياه واقعدت تضحك..
محمد :ههههههههههاي خبل ذي ولا صاحيه ..
مفلح مبتسم بسخريه وعيونه في الارض :تبي تردها لي..
محمد مازال فيه الضحكه :متصبر على الشاهي اثره فيه ان ..اني داخلن عليك يامفلح ان اتعلمني وش سالفته تكفى..
لف له مفلح وابتسم ابتسامه ذات مغزى :وديتها بعيد ونزلتها لين عافت السانها..
محمد يبتسم ويغمز له :شكله معجبك الوضع تبوسم..
مفلح :حتى لو يعجبني معاد يمديني.. هات بيالتك بروح لاحد يسنعه..
محمد :والله معاد يركب اليوم لي شي..
مفلح بقهر :استغفر والله انه يركب وان تذوقه وان اتزينه راعيته الي خربته..
محمد برتباك :مفلح ياخوك ترى السالفه هوينه لاتسبب لهم مشكله..
مفلح بجمود:والله ماقامت معي ولااقعدت مقدار شعره ..الا انه عناد فيها ماتصير الاخيره..
محمد بستغراب:الظاهر انها العبت في عقلك خبلت بك ..
مفلح ياخذ الابريق:من زمان ..طلع برى وكلم خالته ام فهد
مفلح :خاله فهد يمدح زيان لمياء بشاهي الاقط خويي عندي خلوها تزين لنا وذوقيه جعلني مابكيتس قبل يجينا..
ام فهد :ابشر نفداك بعلمها ذلحين..
مفلح :بيجي لها منصور ياخذه..
ام فهد تصكر منه وتلف للمياء
لمياء تجلس على اركبها عند امها :لبيه
ام فهد بهتمام :زيني شاهي اقط مفلح عنده خويه زينيه زيانن حلو وجيبيه خليني اذوقه قبل تودونه ...
لمياء افتحت عيونها على الاخير:وش على كيفه ..
ام فهد ترص عيونها عليها :استحي على وجهتس ترى موب فهد ترفضين..
قامت بقهر للمطبخ زينته صح ذالمره وقفت عند القز وبيدها البيز وهي تحرك رجلها بتوتر وكل شوي تزفر بضجر..
وقف عند الباب وابتسم بنتصار :وش افضل الطريقه الاولى او هاذي..
لفت له بسرعه ناظرته بقرف وصدت
مفلح بستهزاء :صراحه متردد مدري كلها حلوه بس انتي وش رايتس..؟؟
لمياء ببرود:والله والله يامفلح ماكرهتك بحياتي من عرفتك.. لفت له وناظرت بعيونه الهاديه..مثل ماكرهتك برمضان وفي ذالمكان انت انسان بغيض...
مفلح يحرك مسباحه بهدؤ :الافضل تكرهيني وتعيشين حياتس لنتس لوبقيتي تحبيني نفس اول وهذا شي متاكد منه بتضلين تعيسه لا انتي لي ولا انا لتس..
لمياء ترفع راسها لفوق وبجمود :تكذب على نفسك وتصدق كذبتك.. الحقيقه اني ماحبيتك بحياتي..رصت على اسنانها وبتاكيد.. اكرهك واكررررهك من كل قلبي ودوم ..وبقرف ..كريه ماتساوي مقدار ذره ..وبستهزاء..احبك مسكين
مفلح يتنهد:انا دكتور في نظرت اعيونتس الي بدت تكره وبغرور ..مد اصبعه السبابه لها ..تدرين وش الحقيقه حتى انا بديت اكرهتس وبقوه.. مادري وش الحظ السعيد الي افسخ خطبتي منتس الحمدالله على هالساعه..
نزلت نظرتها بشرود لعيون القز الي تشتعل بنيران
مفلح بتهكم :لا تنسين تحطين اصبعتس تحلينه احبه حالي ازياده..سلام
طلع وهي نزلت على ركبها بسرعه ويدها على وجهها تصيح بقوه
دخل عليهم الخيمه جلس جنب محمد بسرحان وتعب شفت بعيونها الكره شفته بمطبخ الراشد ياليتني ماتمرجلت ووديت الصحن افضلي قعدت على نظرت الحب بعيونها الاولى ماقدرت تخفيه مني او على الاقل اقدر اسميه اعجاب..بس الان تكبرت على مشاعرها وابغضتني..
محمد بهدؤ:وش فيك عسى مابيت راعين الشاهي
مفلح يتنفس بقوه :بيتهم وبيتوني..
محمد ببتسامه وصراحه:طحت في حب ابنيه..
مفلح ببتسامه حزن هز راسه: ليته اول يامحمد ليته قبل تكرهني..
محمد برحمه:الكره ماجاء عبث صحح غلطتك وترجع الامور كما كانت..
مفلح بسخريه:لا مافيه مجال تتتصلح الامور انا نفسي عزيزه جدا اتعبتني...
سكت محمد عقب ماصد مفلح للرجاجيل ملقي محمد جنب وجهه وساحب اشماغه .. محمد في نفسه الله على الزمن مفلح تتعب نفسيته لذاالامر حكم الاقدار..
ارفعت راسها وطفت النار بعد مافار الشاهي عليه امسحت ادموعها وشالت الشاهي نادت منصور وعطته اياها
منصور :خاله وش فيها عيونتس حمر..
لمياء بتعب:عشان الدخان.. عطته اياها وراح.. ابتسمت ويدها على فمها ابكي عشانه بين مشاعره لي طيب واذا اكرهني بالطقاق الي يطقه مثل ماكرهته بيكرهني
اطلعت للحريم شافتهن قايمات يصلن العشاء اجلست جنب الهنوف وقعدت تسولف معها جاتها منيره واجلست جنبها
منيره تشاورها :ترى عمر ولد صبيحه اخطبتس من امي اليوم..!!
لمياء تحس بجليد بقبلها :وش قالت امي.. ؟؟
منيره :تقول بسالها وبرد لتس..
لمياء بهدؤ:شفته عمر مشالله شكله رجال وعاقل قولو لامي انا مواقفه مالله داعي تجي تسالني
الهنوف:اكيد بكل قناعاتس ..شفتيه..
لمياء تلف صوبها اجبرت نفسها ببتسامه : لمحته من بعيد ولاباس فيه صح انه سمين مهوب مهم الشكل ..وفي نفسها حبيت الشكل الجميل وماستفدت شي
منيره :زين اجل بعلمها تقول لها
لمياء :ايه تعلمها بكره مهوب اليوم تحسبنا مشافيح على ولدها
نهاية البارت

[7btin]

:::البارت الواحد والستون:::
فى النعيريه
مفلح يفز ياخذ الشاهي من منصور خذاه وجلس على اركبه عند البيلات صب له ذاقها قبل ارتاح طعمها زين ومضبوط راح لمحمد وصب له
خذاها محمد وهو منفشل:والله اني منحرج منك..
مفلح بهدؤ:عين خير ...واجبك ولا قمنا في حقك بعد..
محمد :جعلك تسلم..
...........
فى قصر سلطان
ام سلطان :ماعليه اخلاف الرجال..اخطبتس وام بندر احرجتني كم مره وانا أأجلهم وانا ماعندي اعتراض مستانسه عليه
النايفه بتردد:مدري يمه بس ماقد شفته..
ام سلطان:طلعي صورته من النت وبتطلع.. وطبعا كلمت سلطان وعلمته وترى بيزعل عليتس لارفضتي مثل مارفضتي مشعل هو الي قاله لي بنفسه
النايفه ببتسامه:خلاص موافقه...
ام سلطان بفرحه:يابعد روحي الله يوفقكم والله ان امه تنحط على الجرح يبرى..
النايفه بخجل:ايه وهذا الي مريحني اكثر
دق تلفون البيت راحت له النايفه وشالته :الو مرحبا
محمد :السلام عليكم
النايفه بتنهد مخفي:وعليكم السلام
محمد :ام سلطان موجوده
النايفه:لحظه شوي ..نادت امها وجلست على الكنب قريب
ام سلطان :مرحبا
محمد :بتس اكثر وش العلوم
ام سلطان :كل شي زين ولله الحمد من صوبكم فديتك
محمد :تمام ..خاله زاهمن عليتس ان تفزعين لي
ام سلطان :ابشر بسعدك ولك حر مالي
محمد براحه :الله يخلي لتس سلطان واخوانه ابيتس تيسرين لي موضوع متعقد شوي
ام سلطان :الي بقدر عليها انشالله
محمد بحراج:انا احب لي بنت من جماعتنا واهلها رافضين اعيال عمها حاجزينها والبنت ماتبيهم ابيتس تكلمينهم وتقنعينهم كلن يحبتس وينفذ امرتس
ام سلطان بحنان:ابشر يامحمد ماعدك الا واحد من اعيالي الي اطلعو من بطني بروح لهم بكره مرني وودني لهم
محمد بفرحه :جعلني مابكيتس الله يسهل ماتعسر..
ام سلطان تضحك:عاشقها
محمد يتنهد :انشهد ياخاله اعيالهم درو اني ابيها وعقبه وقفو في طريقي..
ام سلطان تطمنه:لا انشالله بيوافقون
محمد :انشالله على يدتس ...مع السلامه
ام سلطان :مع السلامه ..صكته ولفت لنايفه السرحانه ..محمد يبيني اروح معها اخطب له بنت من جماعتهم
النايفه ببتسامه:الله يوفقهم..
ام سلطان :امين احليله حابها توى الناس في جهل حجران وماحجران
النايفه بدون شعور:انتو اول الناس مخلين السالفه حجران لعيال عمي ونا مابيهم
ام سلطان بستغراب:هذا موب حجران هذا شي طبيعي وبديهي ياحبيبتي.. بس لاتقولين ذالكلام قدام سلطان...
النايفه تقوم بسرعه وترقى فوق انزلت دموعها غصب بيعرس انا اصلن كيف حبيته مايبيني ولاحس فيني
..........
فى القريه
منسدح على سريره وباله منشغل من نظرتها بساحة المدرسه وهي طايحه على صدري اااه ليتها تنعاد
مضاوي بدفاشه :انت هناه وندورك
سعود براعه :جعلش اتطيرين وش تبين بي
مضاوي :خخخخخ تحب السرحان ..طقت يد على يد .. ياحظي قمت تحب
سعود يعود ينسدح:وليه وش قوم ماحب
مضاوي:حب يانظر عيني بس لاتحلم واجد
سعود بتفكير:ظنش انها ازعلت من توصيلش السلام لها
مضاوي تجلس جنبه :صراحه هي انصدمت بس اسكتت وانا طلعت بسرعه ماشفتها زين
سعود يلف لها بقهر:وليش تطلعين بسرعه يعني بدنش في فلم ..
مضاوي:ويه انفشلت هذا عربن مهوب مثلنا..
سعود بتعب:ااه يامضاوي شفتها مره وحده وانا تفكيري فيها كل ليله صح اني ماعرفتها يوم كانت مع صيته بس فز قلبي لهيئتها ايه ايه انا احبها واحب بحة صوتها وعصبيتها يوم اتبعها اااه وتاكدت يوم شفتها رافعها برقعها.. انا وقعت في الحب
مضاوي تناظره يتكلم وسرحان تنهدت بهبال :الله يعينك على مابتلاك
سعود :يازين ذالبلوى .. تنهد بتعب بس عيت من خطبتها وش السواه اخطفها
مضاوي :صدق ياسعود ارجع اخطبها من اخوها يمكن فاطمه ماوصلت لها زين
سعود بالم :المشكله يامضاوي انه تقول ماناخذ من برى حتى هي بنفسها معارضه
مضاوي :لا خلها علي بخليها تحبك وعقب كرر الخطبه وتشوف فعلت ذيبه بنت الذيب
سعودد بتوتر:واذا ماحبتني
مضاوي :اصبر الى شهر 12 الاجازة الثانيه ومن هنا الى هناك يزينها الله
.........
فى النعيريه
منسدحه على فراشها جنب راشد وبتعب:وش اخبار اخوي مفلح
راشد بستغراب :ليه وش فيه تسالين عنه
نوره بتردد:بس ابي اشوف نفسيته اخبر انه كان تعبان ابي اشوف انشالله انه استانس وتوسع خاطره
راشد يلف لها :نفسيته من جينا البر عاديه لنا تقريب يومين صح
نوره :صح
راشد :بس اليوم زفت لا يكلمنا ولا حتى يوجه نظره لنا اللهم خويه ذالي جاء يسولف ومندمج معه..
نوره :يمكن عشان خويه جاء صار معه
راشد بتفكير:لا حتى خويه عقب العشاء كأنهم مسكتين اما عندهم مشكله ولاشي عقبها راحو لخيمة الرعيان بيرقدون فيها..
نوره بحزن غمضت عيونها وفي نفسها حتى لمياء اقعدت عندنا شوي وراحت ترقد وعيونها منزلتها مارفعتها فينا انا متاكده ان بينهم شي..
راشد يلمها في حظنه وبحنان :تعبانه
نوره بهم اخفته :شوي بالبر عشان الارض مب مستويه
راشد يقبل خدها :انتبهي لنفستس ولوافي
نوره بحزن والم:سميته
راشد :اكيييد وافي بن راشد
نوره بتردد:راشد انا بقول لك شي
راشد : قولي يابعد عمري
نوره خلاص باجلها لبعد البر اخرب نفسيته باجازته :خلاص نسيتها..
راشد:طيب ..عطيني اسم ؟.اقعدو يسولفون على فراشهم واصوات البزراين يلعبون غميضه بالظلام
ساااره تضم لها فروتها من البرد :راحت نوره لراشد ..واختتس ذي من جينا ماتسهر معنا
الهنوف :غريبه تحب شي اسمه سهر
سااره :مدري بكره تسهر معنا غصبن عنها
الهنوف :حتى مشاعل ووفاء راحن يرقدن
سااره :عاد هم جاين اليوم عادي .. وبتردد ..بتوافق لمياء على عمر..؟؟ الهنوف: ايه خلاص وافقت
ساره تثاوب : الله يوفقها حسبتها بتعيي تحب المناظر..
الهنوف تضحك :وهذا وش فيه..
ساره :هههه مافيه شي عداه العيب بس انه دب وعادي ..انا فيني نوم روحي ارقدي تقومين بدري
الهنوف بملل:انتي روحي انا بجلس عند الضوء الى ان يدخلني النوم..
ساره ببتسامه :دقي لرجلتس اخذي علومه بيفرح صدقيني..
ارفعت الهنوف اعيونها له وابتمست وهي تهز راسها لها راحت ساره والهنوف تناظر بدخان الضوء الي بادي يخف نوره خذت جوالها ترددت ترسل حتى لو وش اخبارك افتحت قائمة الرسايل كم مره وصكرتها لا لا.. مايندرى خاف انه ذلحين يتقلب في حظن وحده من بنات جده خذت جوالها وراحت لفراشها بهدؤ يغلف مشاعرها
الساعه ست الصبح
محمد يزين فراشه من ورى الموتر ويدخله
مفلح بقهر :ياخي توك جاي منتب صاحي
محمد بصدق :قد علمتك قبل اجي بروح اخوي عبدالله في الرياض عنده دوره وبروح اقضي باقي الاجازه
مفلح بتفكير : اووو ..انا اجل بروح معك
محمد بفرحه :سعده والله ..
مفلح :اجل اصبر علي خلنا لين نفطر واجهز اغراضي
محمد :ياالله استعجل افطر ذلحين يمدينا نروح هناك ارقد امس مارقدت
مفلح :حسيتك بك ..لارقدت انت ولا انا رقدت..
راح للخيمه فطر بخيمتهم لقى امه الي عطاها خبر وضاقت عليه يروح ويخلي الجماعه مجتمعين طلع لبوه
مفلح يجلس جنب ابوه :يبه انا بسرح مع محمد لرياض يمكن معاد ارجع لكم برجع معه لنعيريه لا رجع
ابو مفلح :ليه عفت المكان
مفلح بهدؤ:محمد وراح والباقي ماتعودت عليهم الله يرضى عليك انا بمشي ذلحين..
ابو مفلح :الله يسهل دربك ..يعني انا الي ارجع اهلك
مفلح ببتسامه :ايه الله يعافيك..
ابو مفلح يهز راسه بالمواقفه
تكح بقوه وراكبتها حراره وعندها الهنوف تعطيها حبوب مضاد
ام فهد تنهد بتعب:امس مادفيتي نفستس زين
الهنوف تناظر لمياء التعبانه:بتاكل حبوبها وبتخف..
ام فهد تهز راسها بايه وتناظر الهنوف:وش اخبارتس مع رجلتس
الهنوف تنزل راسها بهدؤ وش اقولها مبسوطه بحبه.. وبعد كم شهر ولا يوم ارجع لها مطلقه ولا مروحني لهم تنهدت بهم وارفعت راسها
الهنوف ترطب شفايفها :موب مره بعض الاحيان ماقدر امنع نفسي وادعي عليه ..ماحبيته ولا ارتاحت معه..
ام فهد تهز راسها بخوف:من جيتي وانتي شكلتس مبسوطه ..ليش تقولين هالكلام
الهنوف بتوتر:مبسوطه بشوفكم بس ماقدرت اصبر معه
ام فهد بتحذير:اهم شي ماتسوين شي او تبدين انتي بالمشاكل..
الهنوف بملل:يمه توقعين انا بسوي شي..
ام فهد تنهد بهم وقفت البست جلالها بتطلع برى
الهنوف : وش فيتس ليكون من ترواشتس امس
لمياء بتعب:يمكن ادخلني برد
نوف ترفع فراشها :حطي شي على راستس ..
جاتهم غزيل مزينه حليب حطته عنهن وجلست :اخاف انه عشان ذالخطيب
لمياء بهدؤ:لو عشانه رفضت معلي من احد بس حسيت بالتعب
غزيل :شكل ماعندتس مناعه
لمياء بصراحه :ماعندي مناعه جسميه ونفسيه
ناظرت لها الهنوف ولمياء تغطي نفسها كله بالحاف
قامو العرب كلهم من النوم وتجمعن الحريم في خيمتهن
ام عمر بصوت واطي على ام فهد :ماعندتس خبر للحين
ام فهد : وافقت الله يتم
ام عمر بفرحه :امين جعله يبشرتس بالخير
قامت بتكلم ولدها والهنوف تكلم منيره :شكلها مستانسه من قلب
منيره :وليه ماتستانس احس لمياء ماتناسبه..
الهنوف :هذي حظوظ الناس يمكن لمياء تحب ذالي ماتحسين به مناسب لها
منيره :والله مدري يمكن
انتشر خبر خطبتها بين المخيم وعمر ميت من الفرحه..
كلمت نوف فهد يروح يجيب سياره للمياء زادت عليها الحراره وبيودونها لمستوصف ارماح
فهد :طيب احتروني شوي سيارة ابوي راح عليها لرماح وسيارتي مبنشره
نوف :معليه بسرعه
راح فهد لخيمة الرجاجيل ومفلح يطلع منها
فهد :مفلح مفتاح سيارتك انكنك ماتبيها الله لايهينك
مفلح :انا برجع مع محمد شفها مع الوالد ..مع السلامه
فهد يدخل للخيمه :مع السلامه
شافه محمد مقبل عليه ركب السياره وانحنى يفتح له باب المعاوني ركب مفلح وحركو لرياض
اشر لهم فهد قبل يروحون وقف محمد وفتح مفلح دريشته :هلا فهد
فهد :مفتاح السياره مهوب مع ابوك
مفلح يفتش مخابيه :ياليل وين حطيته
محمد :يمكن بالخيمة نزل دوره
نزل مفلح ودخل بخيمة الرجاجيل الفاضيه كلهم في الشرقه عشان الشمس
فهد يدق تلفونه :اصبرن شوي ..طيب المفتاح ضايع يدوره ..اخلفتوني حطو عليها قطعه مويه بارد تخفض حرارتها شوي
مفلح يمد المفتاح لفهد :سم
فهد بسرعه مد يده لمفلح ويكلم بالتلفون :عينته ودنها لسياره بجي ذلحين... صكه واطلع بسرعه
مفلح :عسى ماشر
فهد :لمياء تعبانه من امس الليل ركبت عليها الحراره.. ياله اترخص..
نزل نظره لتحت وتافف بقهر من حاله..
دخل عليه محمد وهزه :بعد تبي شي المفتاح لقوه امشينا
طلع معه مفلح برى واركبو السياره وومشو بطريقهم
مفلح بهدؤ:وقف وقف
وقف محمد بملل:وش ناسي بعد
مفلح يفتح الباب :لا هونت مابي المراح
محمد بنفعال :ليه حرام عليك وش تبي بالبر
مفلح يصك الباب ويكلمه مع الدريشه :ابي قلبي ابي احس به..رفع يده بسلام وراح منه
ابتسم غصب عنه عاشق الرجال الله يعينه على مابتلاها حرك رايح للرياض ومفلح يرجع يدخل في خيمة اهله وينسدح
راحت لمياء لرماح ركبو عليها مغذي ساعه وارجعو على اذان الظهر
الهنوف تستقبلهم:وش اعلومتس..؟؟
لمياء براحه :الحمدالله زينه
فهد :اخر وحده تتعب مهوب لاجاء بكره تجي وحده تسندر علينا...
ادخلو في الخيمه ولمياء تدور الاكل ماكلت من امس جاءت امها وعلمتها انه علمت ام عمر بالموافقه
لمياء :مسرع
ام فهد برحمه:وش اسوي فرحه بموافقتس
الهنوف:كلنا موب بس امي
لمياء تجبر نفسها على اللقمه الي بفمها اطلعو كلهم برى احذفت الي في يدها وانسدحت على المخده
منصور :لمياء جيتي..؟؟
لمياء:ايه
منصور :يوه شكل كلن بيروح مفلح راح مع خويه.. وخويي حامد)اخو احمد ومشاعل ووفاء الصغير) بيروحن ذلحين لخوالهم بالخرج معاد باقي الاحنا
لفت عنه للجهه الثانيه اشوفه مستانس يتمشى بكل مكان ولا يهمه كلامه الى يجرحني وانا اتعب علشانه تاففت بقرف ..ابعدت شعرها عن وجهها وقامت بسرعه غسلت والبست لبس مرتب واطلعت لهم برى قاعدين يتغدون
ساره :وش اخبارتس..؟؟
لمياء ببتسامه :الحمدالله
نوره :فجاءه تعبتي
لمياء :يمكن عشان تروشت مدري ..بيروحون وفاء ومشاعل
ساره :ايه يرتبون عفشهم بيعيدون باقي العيد عند خوالهم
لمياء :حرام مابطو يومين
نوره :امهم تقول ان اختها تكلمها وتزهمها تجي عجله..
ادخلت عليهم وفاء ومشاعل يسلمون عليهم
مشاعل ببتسامه:حرام لمياء اسبقنا عليتس عمر..
ابتسمت ونزلت راسها بخجل..
نوره بصدمه :عمر خاطبتس..
لمياء ترفع راسها وبرفعة حاجب:ايه وواقفت..
نوره بهدؤ لفت لصحن الغداء وقعدت تناظره...
اطلعن البنات لسياره تنتظرهم برى والباقي بالخيمه جاؤهم شيبانهم وادخلو عليهم بما ان الناس قلو ومعهم عمر
لمياء بتوتر تكلم ساره :ليكون هذا عمر
ساره بضحكه :ايه وش عندتس
لمياء تمسك نفسها من الدموع صح انه موب شين بس مهوب في بالي.. ساره :شكلتس ندمتي ..لمياء الحب الحقيقي يجي بعد الزواج انا حاسه انه هو الي بتحبين صدق..
لمياء بهدؤ ابتسمت :يمكن.. الناس مخابر موب مظاهر..
ساره :يالله تمقلي في حركاته شكله رجال...
لمياء تناظره:مشالله مارفع عيونه فينا من قعد..
ضجت الخيمه بالسوالف الرجاجيل والحريم مستمعات
ابو فهد :ها ياعمر انت منتب دكتور في الجامعه
عمر :الا طال عمرك ..بس الكلام الي يقوله راشد صح لازم يجيب معدل عالي يدخل الجامعه برهو
ابو مفلح :طيب جامعتكم وش نسبتها الي تطلب كون ذا الكسالى (ياشر على مساعد وفهد) تقبلهم
عمر يضحك :جامعتي جامعه ادبيه تبونه ياعيال
فهد :لا انا ابي ارمكو
مساعد يناظره بستهزا:تبي ارامكو لادخلتها فادرى انك بتدخلها
اضحكو وعمر يعلمهم بنسب الي تقبلها الجامعه وش مطلوب منهم ومعلومات عن كل تخصص
لمياء :مشالله مثقف..
ساره :ههههه هذي معلومه
راح لخيمة الرجاجيل مالقاهم تلفت برى الخيمة سمع صوتهم بخيمة النسوان مشى صوبهم وادخل
مفلح :السلام عليكم
الجميع :وعليكم السلام
ابو مفلح بصدمه :وش فيك عودت...؟؟؟
مفلح يجلس جنب راشد :مارحت من البدايه هونت ..
ام مفلح بصوت واطي:عسى ماخلاف ..
مفلح يلف لها :ماخلاف جاني خبر عومسني وجلست..
ابو فهد :خيره انشالله..
مفلح :انشالله..
ازحفت الى ان تخبت من ورى البنات معاد شافته وتنهدت بالم خلاص انسي انتي لعمر الي قدام عينتس مافيه عيب وقلبه خالي لي بس..
قامو يتوضون لصلاة العصر عند الوايت توضو الشيبان وراحو
راشد يلف لعمر :مبروك الخطبه
عمر بفرحه ينزل اكمامه وهو قد بيروحه :الله يبارك فيك
مفلح يرفع راسه لراشد :مشالله عمر رجال ينعمد عليه
راشد :انشهد تستاهله ويستاهلها
مفلح :بيخليها تروح لمدرستها حتى عقب العرس
راشد : مدري عنه ..هي في الكليه ولا توها في الثانوي
مفلح بستغراب:ليه مهيب ساره
راشد يضحك :على وجهك ..لا مهيب ساره لمياء بنت خالتك..
رفع ظهره من قدمه الي يغسلها للوضوء وبصدمه: لمياء الي مخطوبه لعمر
راشد :ايه اصغر وحده مدري عاد منهي..طفى الماء يصب.. لف للمويه ابتسم بستهزاء واشمئزاز من حاله ..طفاها والحق راشد رايحين للخيمة ناظر لعمر الي يضحك لفهد ويسولف معه
عمر :ههههه لا انا غير انحب بسرعه لاخذتني حبتني واجحدتكم
مفلح يناظر لقدام بغضب تخسي تحبك الدنيا سايبه مالقت الا انت...
عمر يضحك :يابو الشباب عطنا نظره
لف له مفلح ناظره بتكبر ورفعة حاجب ولف منه..
عمر بستغراب :وش فيك زعلان علي..
فهد يناظر مفلح ويبتسم:لا هذا طبعه شايف نفسه مايعجبه العجب
عمر:مهوب لازم اعجبه يزين طبعه مع الرجاجيل..
اسمعه مفلح ولف له وبقهر:وانت الي بتعدله!!..
عمر :نظرتك حسنها لرجال
مفلح بغيض يرص على اسنانه:تعقب.. انت تعلمني وش لازم اسوي...
فهد بصدمه :مفلح هد الوضع وش فيكم ..
عمر :شكله ماتعود يجلس مع الرجاجيل في مجالسهم..
مفلح بصدمه وعصبيه من كلامه رفع يده وعطها كف على وجهه كله الى ان طاح
مفلح بهدؤ ممزوج بحقد:على هونك ياولد صبحه متى عرفتها مجالس الرجال من خالك مصطفى ..احترم كلمتك ومن الي يستحقها..
فهد بخوف:خلاص مفلح وش صار لك اهدؤ لاتكبرون السالفه
راشد يطلع ويشوف عمر الي يوقف ويمسح فمه :وش فيكم ..!!
ناظر مفلح عمر بغيره انت الي بتعيش معك طول عمرها انت الي بتضمها انت .. لف بسرعه لاتخونه يده ويمدها عليه مره ثانيه قدام راشد دخل وكبر على طول يصلي بدون ذهن

[7btin]

:::البارت الثانى والستون:::
جاب مساعد الفاين وعطاه عمر خذاه وراح للوايت يغسل
مساعد :وش سالفتهم..!!
فهد لذلحين منصدم :مدري وش فيه مفلح هو الي بداء بالكلام ومد اليد
راشد بهدؤ:خلاص اعيال صلو ولا تكبرون السالفه..
ادخلو على الصلاه الي اقامة وبدؤ يصلون المخيم فاضي ماغير ام عمر وولدها والراشد والمفلح
...........
فى قصر سلطان
في الرياض واقف محمد عند مكتبه يحط الاوارق
سلطان :تصرف فيهن انا وراي مشوار..
محمد:ابشر بسعدك..بعيد مشوارك..؟؟
سلطان يوقف ويتجه للباب:لا قريب...
محمد بحراج:ماتقدر تاجله شوي..ابيك بموضوع صغير
سلطان ببتسامه هاديه:ماقدر والله يامحمد لازم امشي ...
محمد بتردد:فيه مشكله ولاشي..؟؟
سلطان :ابد ابد..في امان الله
محمد:في حفظه
...........
فى ارماح
العصر تقهوو البنات وراحن يمشن
غزيل :بنات تاخذون معكم صباء
الهنوف تلف لهم :هاتيها ..تعالي قلبي تعالي.. مشت لهم صباء باديه تمشي اوصلت لها شالتها وكملو طريقهم
منصور يركض صوبهم :انا بعد بروح ..
لمياء تمد يدها له:هذا عاد حبيبي.. مسكها مع يدها واقعدو يمشون ويسولفون اتعبن واجلسن
لمياء :الهنوف تعرفين مشاعل الي معنا بالباص
الهنوف:ايوا اذكرها ..ملسونه ذيك البنت
نوف :خلوها في حالها
ساره :لا اصبري خلي لمياء تكمل حاسه وراءها شي
لمياء :ههههههه يافاهمني
الهنوف:اها داريه بعد انتي..
ساره :مرسله ورقه مع لمياء بعد ماعرفت انها تعرف مفلح..صح نوره
نوره :صح ..هي تبي تزعل لمياء تدري انه اخوي ولمياء خاطبها اخوي فسوت كذا
لمياء انصدمت يوم اذكرت هالموضوع نست سالفة الرساله كانت تقصد سالفه ثانيه
الهنوف بستغراب :وش دخلها صدق ماتستحي..
ساره :ايام رحت قبل الدوام مع نوره تبي تسحب ملفها ولمياء جات معنا وهي كانت جايه مع وحده من خوياتها تاخذ جدول امتحان الاعاده
لمياء بتصريفه :لا السالفه هاذي مالها داعي انا اقصد سالفه ثانيه
نوف بلقافه :لا علمينا وش سويتي بالرساله
لمياء بتوتر:يعني كان اول خاطبني فطبيعي حذفتها..
نوف :وليش تنشرين خطبتس هذا شرعكن يالبنات
لمياء :بصراحه ماقلت لاحد الا خوياتي وطبعن ماراح ينشرن بس تعرفينهم بنات الكليه ومن كبرها النعيريه ياحسره..
الهنوف :وبعد عندها سالفه غير هاذي
لمياء تنهد:ايه تطاقت مع وحده من الامن مهيب هينه قوتها عطتها كف مع وجهها والامن تصاعق وهذ الي اقدرت عليه..
منصور :نفس مفلح والله عند الخيمه اسطر عمر كف لللللللين طاح عى وجهه...
البنات يلفن له بستغراب
ونوره بهدؤ :وليش يضربه متهاوشين
منصور يهز كتوفه :مدري يسولفون وبعدين مفلح طقه وجاء خالي فهد وانا نحشت عند خيمتنا
لمياء قلبها يدق بقوه.. شرير متسلط ليش يمد يده شايف الناس تحته
الهنوف:اخافهم يمزحون
نوره بزهق:ماظنيت مب ذاه مزح مفلح..
نوف :ماعليكم من كلامه بزر
منصور بضيقه :لا منيب بزر الاصدق طقه بعلم عليه ابوي ناصر عشان ثاني مره معاد يطق عمر وهو يلعب معنا.. لف لنوره وبقرف.. مالت على اخوتس يع منه كل شوي يمشي جنبنا ياخذ الكوره ويحذفها بعيد
الهنوف تضحك:يبيكم تلحقونها..
منصور يفهمها:لااا هو يقول العبو بعيد ازعجتونا وحامد عيا يبي يلعب قريب
نوف :خلاص منصور عيب ..ثاني مره طيعو كلامه
حاولت تبين طبيعيه معهم تبتسم بدون حياه والكلام يدخل ويطلع بدون فهم.. يبي يبين يعني ان عمر اقل منا وش فيها لو صارت امه اجنبيه متعلم ومتفهم اكثر منه ..ليش يمد يده عليه ..
وقفن البنات بيروحون والهنوف تلف لهم وتبتسم :بنلحقكم انا ولمياء
راحن البنات وخذو معهم صباء
الهنوف بهدؤ:انا متاكده انه مد يده عليه وانتي في السالفه..
لمياء بقهر:داريه يبي يقهرني يبيني افهم اني خذيت واحد اقل منه نسب..
الهنوف بستغراب :كم مره وانا افهمتس انتي وافكارتس الغلط ..ماقصدت كذا
لمياء تنفخ بغيض:وش تقصدين
الهنوف :ماقصدت الي فكرتي فيه وبعدين ليش مفلح بذالوقت يمد يدها على عمر الا عقب ماعرف انه خاطبتس.. مفلح انقهر من عمر لانه بياخذتس وهو توه يشيل في قلبه لتس اتوقع انتي مثله..
لمياء وتنفسها يسرع:لا لوه يبيني مارخصني لوه يحبني يشيل في قلبه لي شي ويثق فيني كلكم تحبونه وتوقفون معه ضدي انا اكرهه واكرهه من كل قلبي انسان مافيه احساس لا لا يالهنوف لاتقولين كذا انتي ماتدرين كيف عشتها ايام عصيبه علي ماتمسك فيني ولاوقف معي بالعكس خلاني كاني شي ملك له وبيملكه بس اصلن مارضى بالخطبه من البدايه الا عقب ماكلمته وانقهر..
الهنوف بستغراب:وش صاير لتس معه غير الي نعرفه
لمياء برتباك: ماصار شي بس عارفه انه كذا ..
الهنوف :ودي اصدق كلامتس فيه بس انتي منتب واضحه مشاعرتس له مهيب كره
لمياء تبكي:انتي توهمين كنت معجبه فيه بس مثلي مثل البنات جمال وشخصيه بس من عرفته وهو يكرهني ماحبه ماحبه
الهنوف تنهد بهم وتلف عنها تناظر غروب الشمس:انا قبلتس كرهت سلطان وحقدت عليه حتى بصلاتي ادعي عليه ماتوقعين كيف انا خايفه ان الله يستجيب دعواتي الي قد دعيتها عاشرته عرفت انه انسان مثل غيره يخطي ويعصب ولازم الي يحب يتحمل انتي مثلي بالضبط لو انا ماحسيت بسلطان يشيل لي مشاعر اشوفها بحنانه وكلامه وتغاضيت عن الباقي ماشفتيني قدامتس طبيعيه ابتسمت بستهزا ..حتى لو كانت نظراته وكلامه مجاملات صدقتها غصب عني
هدت لمياء تناظر الهنوف السرحانه راحت لها وضمتها من ورى وصاحت
الهنوف ببتسامه:يعني مازال فيه بقول اعجاب مهوب حب
لمياء ابتسمت تغير مودها:حتى لو فيه على قولتس بمحيه انا خلاص صرت لواحد غيره وهو الله يوفقه..
الهنوف تلف لها :امين اجمعين
راحن للمخيم شافو سيارة مشغله عند خيمتهم وقد صلو العرب ادخلن صلن واطلعن برى والسياره اتحرك
الهنوف: كانهم راجعين
ام مفلح بضيقه وحرج :الله يهديه وش يبي منه فشلنا عندهم
لمياء تكلم ساره :وش فيهم.؟؟
ساره :شكلهم عشان الهوشه زعل عمر وامه بعد.. احليله علمها افزعت عند خالي سعد وقعدت تشره عليهم..
لمياء تنهد بتعب: ماله داعي ليش يمد يده وبعد عمر ..وناظرت ساره.. يعني عشان اصير منصفه ماله داعي يروح كان اجلس ولا علم امه..
في خيمة الرجاجيل
ابو مفلح ويده على راسه:بتجيب لي المرض مانتب صغير...
مفلح بهدؤ وفرحه من داخل ما توقع انهم بيروحون ولكان تهاوش معه من زمان
ابوفهد:لا ذالي صار مايصلح منك يامفلح
مفلح يبعد من المركى المتراكي عليه: اخطيت وهو استفزني ومديت يدي..
راشد :لازوم تملك نفسك الرجال ضاق وراح...
مفلح :يا شيخ ابرك الساعات ..
ابو مفلح بقهر :انت وش صاير لك وش مسوي لك هو..
مساعد :والله يايوبه ماخبرت عمر يزعل احد تلقها بلى هاذا متفرغ ولاجاء في وجهه الاعمر..
مفلح بهدؤ:صادق مساعد..
ابو مفلح يناظره بعصبيه وبروده للموقف:علمن جاك ياما تصير رجال مع الرجاجيل وتكف اذاك منهم ولا فارقني لاتشوه سمعتي..
ابو فهد يهديه :هد نفسك هذا الشباب ومشاكلهم
ابو مفلح بغيض :هذا قده شايب متى بيحس بنفسه..!!
مفلح عاقد حواجبه ومنزل راسه ..
ابو فهد بعتب : لوك تحملت شوي عاد هذا نسيبنا وبياخذ بنتنا..
ناظره مفلح بسرعه وصد بغيض وألم..
ابو مفلح بفشله من اهل عمر:احرجتني قدامهم وقدام امه.. وش حادك تمد يدك عليه مصتصغره..
مفلح يتنفس بهدؤ وتراكى على المركى ملقيهم كلهم اظهره ويديه ورى راسه بدون اهميه ودندن بصوت واطي..
هي راس مالي والعرب مايدركون
اني على باب الممات وماحكيت
يقوى قلبي يوم قفنه اطعون
الي على ذاك الموادع مابكيت
وياصبر صبري والعواذل يحسبون
اني دلهت من الهوى ولا سليت
اسكت عساهم من اسكاتي يسكتون
وانا عن الي في ضميري مانتهيت
راشد يفتح عيونه في مفلح يبيه يحس بالي حوله ولا يسفهم كذا
غمض عيونه بقوه وافتحها:مساعد جبي لي مويه
ابو مفلح بغيض وقهر:لاااامنتب صاحي..
مفلح بالم :يبه الله يرضى عليك ويخليك لي انا اسف والسموحه منك..
ابو مفلح :انا وش ابي باسفك كان تاسفت منه وحبيت راسه يوم اشرت لك
مفلح بعتب : يبه انت خبرتني من الرجال الهواين تبيني احب راسه لا والله.. تاسفت منه رضى لك بس وشوف عينكم مارضى وراح
سكت ابو مفلح عقب ماذكره بسالفة اخوه مفلح المتوفي طاق مفلح ولد سعد عشان المدرس جاي يتشكى منه مطول السانه على المدرس وعقب ماعلمهم مفلح بسبب المشكله ان المدرس هو الي ضاالمه مع قائمة طلبه متسربين وهو جالس في الصف بشهادة طلاب الصف طقه عمه قبل يدري ومفلح طول السانه عليه وتهدده... طلب ابوه ذيك الحين يحب راس عمه رفض وطلع من البيت رقد عند خالته نوره عقب مادرو ببرائته تاسف منه عمه الله يرحمه
فهد يدخل عليهم :قومو على العشاء
قامو كلهم بهدؤ وكل واحد يسترق النظرات لمفلح راحو للعشاء ومفلح ماراح معهم
جالسه وراهم ماتبي العشاء وتفرج عليهم شافت نوره يوم قامت توها جالسه اطلعت وراحت لخيمة مجلس الرجاجيل محد انتبه لها
ادخلت على مفلح منسدح براسه على المركى ويرص بيده على راسه من الصداع
نوره :ليش ماتعشيت؟؟...
مفلح وهو على وضعه :مالي به ..وش الي جابتس لو فيه احد غيري..
نوره :شفتهم يوم ادخلو الخيمة وتباطيتك دريت انك بلحالك..
مفلح :وش بغيتي..
نوره تقرب منه وبرحمه :خلاص الايام كفيله تغير حياتك وتنسيك الي اصعب من كذا...
مفلح ساكت ولا قال شي
نوره :ياخوي ترى مظهرك كذا يزعلني ماصبرت اسكت ولاانت قدرت تخفي شعورك..
مفلح بالم :وش تبيني اسوي يانوره...
نوره تجلس على ركبها قدامه :ابيك تنساها انا داريه انك حبيتها من شفتها بمطبخهم وعارفه انها هي الي تبي وتدخل مزاجك بس الله يدبر اموره..
مفلح يستقعد ويديه على راسه وبضيقه:ليتني مادريت انها بريئه كان على الاقل بخلي السالفه عياف المشكله انها ..انها ..تحبني...
نوره بهدؤ:تحبك لمياء ؟؟!
مفلح :ايه انا اعرف عيونهن بس عقب ذا عمر ذالمخيس تغيرت
نوره بستغراب:لا تفكر كذا ماعمرها حبتك ..!!
مفلح بنزعاج:خلاص خليني راسي موجعني لاتزيديني..
اطلعت نوره منه ادخلت عليهم بالخيمه شافتها جالسه وتلعب بجوالها حسافه تعبان وهي تلعب ماهمها
حطت الجوال وراحت لامها الي تبيها تجي تشيل العشاء صلن الحريم الكبار وراحن يرقدن وغزيل معهم
نوف :مافيه لعبه
ساره :الافيه بيلوت تبون
الهنوف :بيلوت المعروف
ساره :المعروف بس المشكله ماعندي
منيره :معتس ولا مامعتس
لمياء :لا هي معها عيشه بس ماتعرف الى هي
ساره :ايه وعيشه احد يبي ههههههه
لمياء :هههههههه وريته شكله قام يماري به
ساره بنبهار :احلى تقولين امثال وحكم
الهنوف تضحك:بالله فسريه
لمياء :يعني مثلن فيه واحد خلونا نقول ساره تهايط يوم قلنا لها حقيقتها قامت تماري بها وهي مصدقه ونا نقوله نلعب عليها خخخخخخخ
ساره تكش عليها وتلف لضوء:خلونا نصير رومنسين ولو ليله وحده يعني لعبة الصمت
نوف برومنسيه : وكلن يذكر حبيبه
منيره :ويكلم رجله..
ساره براعه :اما ذي لا تكفن معاد الا انا ولمياء
اسمعن صوت رساله واصله لفن لجوالتهن
لمياء بفرحه :لي الرساله من الي متذكرني في ذالحزه
نوف بضحكه:استعدي لطيحة الوجه...
افتحت الرساله اقعدت تقراءها وهن يناظرنها
الهنوف:شكلها مهمه
لمياء بستغراب ارفعت حواجبها :لا رقم غريب
الهنوف:هاتي خليني اشوف
عطتها الجوال والهنوف تقرى
ساره :طولي صوتتس
الهنوف :خلوني اتحنحن شكلها موثره ...احم احم
روحي عسى درب مشيتي فيه لـك منـه خيـره ,,
ارخصتك وانتي مثل الذهب الصافي نقاوه وقيمه..
لعل كفن حوى كفك بدل كفي كسرن ماله جبيره,,
ولعل جسمن ضم جسمك موت ساعته قريـبه..
نوره تكلم بعد ماكانت معتزلتهم :عطيني اقراهء مره ثانيه
نوف :ياااه وش حلوه القصيده احساس عميق
ساره بستهزاء:حسيتي به وهو عميق
نوره متردده تمسح الرساله معقوله هو الي يرسل لها برقمه الاصلي يبيها تدري وش يقصد
نوره بحراج :مسكين اكيد انه غلطان
لمياء بعفويه :مادري يعور كلامه ..اكيد مجروح او مجروحه
ساره :او مجاريح هههههههههه
لمياء:هو كذالك هههههههه
الهنوف:يالله لو صدق صاير معنى القصيده.. وبتفكير ابتسمت وناظرت للبنات ..ندق على صاحب الرقم اذا رد رجال انسكره وذا مره انعلمها انها ارسلت بالغلط
منيره :لا وش عليكم منهم لازم كل شي تدرون وش مقصده
الهنوف بصرار :هاتي لمياء انا الي بدق..
نوره بخوف:لا بنات عيب اخاف بعدين يسبب ازعاج للمياء
لمياء متحمسه :لا عادي دقي الهنوف اذا ازعجني بخلي فهد يرد عليه..
ساره :خليس طبيعيه اقول حتى لو رجال اساليه وش قصته
نوره بقهر:لا بنات ماستحيتن
نوف تبي وماتبي:وش رايكم انخليه..
لمياء :دقي بس هذا جوالي ونا حره
دقت الهنوف ولمياء تحط اذنها عندها
ساره بغيض:ظلم حطي سبيكر
اشرت لها الهنوف تسكت وهي تسمع صوت الرجال يرد:مابي اتصال ..اذا نويتي تقفين..
الهنوف تعض شفايفها ويدها على السميعه وتناظر لمياء: وش اقوله..!!
لمياء بهدؤ يعصف بداخلها :قولي انت غلطان برساله..
الهنوف ترجع تكلمه :ماعليش اخوي انت غلطان الرساله ارسلت لرقم غلط...
مفلح درى انها الهنوف:لانوى صاحب الجوال بصد يعطيني خبر مهوب مجبور يكلم... وصكه في وجهها
الهنوف بعقدت حاجب: صكه
ساره :وش يقول
الهنوف : شكله مادرى انه غلطان لذلحين
نوره بخوف :امسحي الرقم وافلحن
لمياء بندم :بمسحه ليتني ماخليتس تدقين
الهنوف: يوم اشبعتي فضولتس
لمياء بهدؤ:لا بس اثر فيني صوته وكلامه شكله موب لعاب ليتني ماعطيتس..
نوره توقف :الله حسيبها المقصوده..ياله تمسو على خير
لمياء بتعب :انا بعد بروح ارقد
ساره :يالدجاجه
لمياء توقف وتطلع حست براسها يدور اطلعت برى وهي تمسك اطناب الخيمه الى ان ادخلت فراشها راحو عقبها كلهن يرقدن اقعدت تقلب في فراشها ماعرفوه تحسب نوره اني ماعرفته عرفت صوته ونغمته مانساها يحسبون اني متحمسه اسمع قصته وسالفة عشقه ليش يرسلها لي عقب مانخطبت ووافقت يبي يخرب على عمر عشانه متهاوش معه وبتردد بافكارها او يحس بحساسي اتجاه وندمان ..لو يحس بكذا اعترض على خبطة عمر وهو رايح يرسل لي انا .. وبستهزاء ناظرت جوالها..يعني انا الي ابدا وارفض عمر واقول يامفلح تعال اخطبني ..تاففت بقهر وقرف..مستحيل ارفض عمر عشانك وانت اهنتني وارخص نفسي لك.. انزلت دموعها بالم وغصب عنها وهي تكتم شهقاتها ...
مساعد يناظر مفلح الي يتقلب بفراشه بكثره ونفسه عالي وكانه محتر او منكتم..
راح له وابعد الحاف عنه يناظره بتوجس:مفلح تعبان..؟؟
مفلح يجلس ببطء وتعب واصابعه على جبهته :تجيب لي بندول تسوي خير..
مساعد يقوم :ابشر ..راح لخيمتهم دور في شناط وفي شنطت امه استح يدخل على امه في شقهم وارجع يطلع
شاف منيره رايحه للمطبخ تدفي مويه لبنتها
مساعد :من انتي
منيره:منيره .. تدور شي
مساعد :ايه ولا عليتس امر ابي بنادول مفلح تعبان شوي
منيره :سلامته.. اصبر بروح اجيب لك
ادخلت تدور في الشناط
منيره :بنات عندكم حبوب بنادول
الهنوف بفراشها وتحط كريم على يديها :ليه تعبانه...
منيره :لا مساعد يبيها برى مفلح شكله تعبان
انكمشت في فراشها وهي تعض شفايفها بقوه. ..
دورو في جيوب الخيمه واشناطهن مالقو
الهنوف:مالقيتي
منيره :لا.. عزتي له اكيد انه تعبان مره ولا ماجاء مساعد يدور..
لمياء تقوم :لا انا معي بشنطتي..
منيره :بدري وتشوفينا مشتقات
لمياء تقوم بحراج من الهنوف وتروح لشنطتها خذت الكرتون وعطتهم اياه
منيره تروح لابنتها الي قامت :وديه انتي الله لايهينتس
راحت لمياء لبرقعها وجلالها البسته واطلعت لمساعد برى
لمياء :سم مساعد
لف لها وخذاه منها :ماقصرتي
لمياء بتردد:وش فيك تعبان وش الي يوجعك
مساعد :لا مفلح راسه يوجعه من اول اليل
هزت راسها بهدؤ ورجعت للخيمه
دخل على مفلح الي يتقلب بفراشه مره يحط المخده تحت راسه مره فوقه
مساعد برحمه :مفلح اكلها عساها تهدي عليك
مفلح ملقيه ظهره وبصوت واطي :حطها حطها وخلها..
مساعد :لازم تاكلها يالله لقتها لي لمياء..
مفلح بصوت مبحوح وغامض:اخذها هالحبوب منيب ماكلها..
مساعد بتردد:وش زعلان منه اخبر انه مايوجعك الا اذا زعلت نفس ايام رمضان..
مفلح يقوم بسرعه ويلتفت على الحبوب بجنبه كلاها بدون مويه وناظر مساعد بجمود:كليتها خلاص قوم ارقد..
مساعد يناظره بستغراب وقف ومشى عنه وهو ملقيه ظهره:عشان عمر ماعليك منه هذا رخمه رايح يعلم الشيبان كنه بزر..
مفلح يمسح شعره ويرص بقوه عليه:مانيب زعلان.. بردان بردان..
راح مساعد يرقد ومفلح يتعوذ من ابليس ويستغفر من هواجيس والافكار بعد طول تقلاب ووجع استسلم للنوم ورقد

[7btin]

63

مع صوت العصافير قامت بسرعه اغسلت وجهها من صلت الفجر ماجاءها النوم البست جلالها واطلعت برى لابوها وابو مفلح وامها وام راشد عند النار
حبت راس ابوها وامها صبحتهم بالخير واجلست
ابو فهد :هذي تراهي ناقتتس يالمياء..
لمياء ببتسامه :فديتك صامل اكيد
ابو مفلح :هههههه اشهدو عليه ولا وانا ابوتس شيليها معتس نادي لتس دنه من ارماح دامنا عندتس..
لمياء تضحك:انكنه صامل كلمتهم ذلحين اضمنها..
ابو فهد يضحك:افااا بتغدرين فيني
لمياء :ههههههه ماعاش الي يسويها فيك
طلع من خيمة المجالس شافهم مجتمعين واتجه لهم قرب منهم ارفعت راسها وشافته ازحفت صوب امها برتباك وهي تشوفه يحب رؤس الشيبان وراس امها ويصبحهم بالخير
مفلح:صباح الخير لمياء..
غمضت عيونها ودقات قلبها تسارع وصوتها يخونها:صباح النور..
ابو مفلح بتردد :وش فيك ذابل ووجهك ماش..
مفلح متطلم لاف الشماغ الابيض على راسه من تحت ذقنه وعليه ثوب اشتاء رصاصي: مابه شي شوية ارهاق..
ام فهد :يذكر فهد ان راسك امس ماخلاك تمسي..
لمياء تناظر امها بمتنان الله يخليتس يمه على هاالسؤال
مفلح يرفع نظره لخالته وبهدؤ:شوي من بعد الحبوب هداء ونمت..
لمياء ببتسامه ناظرته انا عطيتك اياها..
ام مفلح تقرب منهم وتصبحهم بالخير قام لها مفلح حب راسها وجلسها في مكانه
ابوفهد:عطونا الفطور بنسوم الحشوان دام مفلح قام وقومو راشد والعيال يعاونونه (نسوم الحشوان يعني يبطحون الحاشي ويكونه برقبته بعلامه يعرف بها(
قامت لمياء تجيب الفطور ومفلح راح يقوم العيال وام مفلح دقت على نوره تقوم راشد يجيهم عقب ماجاتهم لمياء بالفطور كلهم متجمعين الشغالات يشيلنه وراها حطنه وراحن
ام راشد : يامحق اعيال انتو سهرانين امس
فهد يالله يفتح عيونه :ايه سهرنا عند جيرانا..
مفلح يلف لهم :روحتو امس..!!
مساعد يشرب حليبه :روحنا وجينا وانت منتب صوبنا..
لمياء تناظره وهو يحك ذقنه بسرحان شافته يناظر الجالسين كلهم شافهم مندمجين مع ابو فهد يعلمهم طريقة مسك الحاشي لف بعيونه لها يناظرها قبل يشوفه احد حط عينه بعينها
افتحت فمها بخفيف من تحت البرقع ورفت بعيونها بخفيف تناظره من غير شعور ونبض قلبها يزيد غض بعيونه منها وصد يناظر ابو فهد نزلت عيونها لتحت ابلعت ريقها وسكين يطعن بقلبها وينئبها انها ناظرت فيه وعرف قبل يناظرها.. خلصو الفطور وقامو لحوش الابل
ام راشد تقوم توقف :بروح اجلس على النفود الصغير اتفرج تجين يالمياء
لمياء توقف وتنفض فستانها:ايه بجي معتتس
راحن صوب جهه مصده من الحوش يناظرنهم ادخلو العيال وسوى ضجه بالحوش الابل تهج منا والعيال يركضون على عماهم
لمياء تضحك على العيال
ام راشد بضحكه:مفلح كانهم جابرينه ..
لفت لمياء بسرعه له فاك اشماغه وناسفه بهمال متعنز على شبك الابل ويناظرهم بنزعاج ..
ابومفلح يناظر فهد ومساعد:اطلع اطلع انت وياه روعتوهن ..
مساعد وفهد يضحكون وهم يمشون برى:وش نسوي بها معاد درينا وين نمسكها معه..
ابو فهد:ادخل مفلح الله لايهينك ..
مفلح يفك اشماغه ويتطلم به:انا خبرتي فيها ماش ..على الله
ابو فهد:مايبي لها تبي قوه به..
ابو مفلح :القوه ابشر بها
ابتسم مفلح لابوه
اشر لهم ابو فهد على حاشي راح من جهه يحده عليهم ومفلح يترقبها الى ان قربت من جهته متحوزم بثوبه ومتلطم قربت منه امسكها مع ذنبها ومشت به اشوي الى ان اقدر يسدحه وابو فهد يقرب منه بسرعه وابو مفلح يجيب السوط الي في النار عند راشد يحرها لهم ويكونها
ام راشد بحماس:مشاالله الله يحفظه..
قامو من الحاشي وهي فرت تركض صوب خوياتها
ابو فهد بعجاب:ابعدي والله سنايدي..فهد المره الثانيه دورك
مفلح يفك لطمته ويبتسم :ومساعد قبله..
مساعد :ياويل مساعد فكوه من شركم
ابو مفلح يطلع من الحوش:هههههه يقولون اخر العنقود مهما سويت فيه وعلمته على ماهو مايتغير داج
فهد اعجبه كلام ابو مفلح :هههههههههههههه صدقك صدقاه
ام راشد بتمناي تناظر مفلح :والله اني ادعي انه من نصيب ساره..الله يجيب دعوتي
لمياء تناظرها بصدمه ..كل شي الا ساره.. كيف اشوفهم يروحون ويجون قدامي .. حست بالعبره بتخونها بتجي لمنا ساره وبتحكي لنا عنه وسوالفه وانا لي عمر بس..حست بالغيره تغلي بقلبها..ناظرت للارض وانا انا وافقت على عمر خلاص ..لا لا مابيه ..طيب مفلح راح وساره تستاهل.. اصلن من قال انه يبيني وبيرجع لي
ام راشد بفرحه :شوفيه يأشر لنا..
ارفعت عيونها له بحزن وهو يبستم وياشر على عضلاته
لمياء تصد منه:انا بنزل..
ام راشد تضحك وتاشر له بصبعها الابهام بمعنى قد
لمياء تناظرها بقهر من ذلحين متفاهمين خلتها وانزلت من راس النفود الصغير ودخلت بخيمتهم لقتهم كلهم قايمين
لمياء تاخذ نفس :ازعاج ذالبزراين
نوف :اي والله الصغير يبكي والكبير يبكي الصغير .. خلية ذبان
منيره تلبس بنتها:ذبان بعينتس..
نوف تناظر لمياء :اشوف الخاطر ماش على الصبح..
لمياء تنفخ بفمها تبعد عنها الافكار:من شفتكم وخاطري ماش
نوف:مالت عليتس والي بيصبح بوجهتس..
لمياء :وخري بس ياويلتس علي كل صبح ..
منيره :ايوه بدات بطرتها ..
لمياء تبتسم بتعب:ودي اصير بطرانه اصليه.. ودي استانس ..ودي اغير عقلي واشيل افكاري كلها كلها مره وحده.. ودي اركض وانسى واصير وحده جديده ماعلي من احد ولا في بالي احد..
الهنوف تبعد الحاف عنها وترفع راسها ببتسامه رحمه :طيب سوي..
لمياء تبتسم :وهذا الي بيصير...
الهنوف تجلس وباحساس اختها:حتى انا بسوي مثلتس..ماافكر باحد
غزيل تتجه لهم بصينة الفطور :ليه والاخوات موب مبسوطات..
لمياء تشتنشق الهواء بقوه وتنفخ :لا بنبدا الحين الوناسه..
الهنوف تقوم :بروح اتسبح واغير..
لمياء بتفكير :حتى انا بتسبح ..
الهنوف بقهر :لذلحين تقلديني
لمياء :ايه وش اسوي بحركاتس حلوه
الهنوف تضحك وتروح ولمياء تتبعها دفن مويه بالحمام وتروشنا بالدور اطلعت الهنوف البست فستان مخمل احمر هادي ضيق على جسمها مشطت شعرها وخلته مفتوح الى ان يجف واجلست عند الدفايه ولمياء تلبس تنوره مخمل اسود وبيج وتمشط شعرها وتجلس جنب الهنوف
غزيل تناظرهن:الحمدالله والشكر ذلحين استانستن..
الهنوف تضحك:لا اصبري بعد شوي..
نوف :خخخخخ تصدقن والله انكن تشبهن بعض بس الهنوف اغلبتس بالغميزه
لمياء :اصلن انا موب معطيتس وجه ماتمدحين ..
الهنوف :لا والله ماتشوفينها تمدحني
لمياء :ليه انا انتي ..
الهنوف:هههههه وانتي ليش ماتفرحين لااخوتس المسلم..
ساره تدخل عليهن :السلام
البنات :وعليكم السلام
ساره تناظرهن وتجلس قدامهن :فالات الشعور..وش تحسن به ..
منيره:يحسن بشي صراحه خوفنا..
ساره بتحليل:الهنوف حلو شعرها طويل يعني جذاب لاكن الاخت هاذي..
لمياء:وش فيها الاخت هاذي تبين طويل..
الهنوف :هههههه
منيره :حلو شعر لمياء عشانه قصير
ساره :لا الشعر الزين هو الطويل
لمياء تناظرها بسرحان تذم فيني عشانه اول خاطبني اكيد امها قالت لها شي بتفكيرها عن مفلح
ساره تبتسم :امزح يالمياء والله انه روعه حتى لونه متغير غجري
لمياء تبتسم لها وبنتقاد لنفسها:فديتتس عارفه مزحتس..
الهنوف توقف :بلبس برقعي وخلنا نروح نتمشى على رجلينا ونجمع الخزامى نفسي فيها ..
لمياء :اصبري لين نفطر
ساره :مابعدو افطرتو..!!
لمياء :الظاهر جايه تبين الفطور..
ساره تضحك :ايه روحي جيبيه بس وحطيه قدامي وانتي يالهنوف نادي احد يمشينا بالسياره
غزيل :ههههه خلتس وياهن ...أمريهن
ساره :ههههه بيطيعني ولا قمت عليهن..
لمياء : هههههه تفيحلت بنت هادي..
نوف :بروح اطلع للحريم مابي فطور..اطلعت لهن والحقتها منيره
غزيل :الساعه عشر فطور متاخر..
الهنوف:حنى بنفطر الحين الغداء بناخره
افطرن البنات البسن براقعهن واطلعن برى يمشن ابعدن من الخيام
لمياء :ليت معنا كاميره..مع اني ذكرتتس بها
ساره :اي والله خساره كان صورت هالخزامى..ليتني جبتها صدق
الهنوف: جوالي تصويره حلو بصور
لمياء :خذي لي التقاطه
الهنوف تخزها بنظره وهي تصور الخزامى منتشره حولهم كانها بساط
ساره :ليتني شاعره الجوء يساعد..
الهنوف تبتسم وتناظر لبعيد :ياما تمنيت اصير شاعره ..
لمياء بحماس :رجلتس شاعر صح..
الهنوف بهدؤ:ايه ليته ماكان شاعر..
لمياء تناظرها بستغراب:ليه بالعكس
اسكتتها عبره قويه بحلقها واكتفت بهزة راسها بلاا .. عضت شفايفها بقوه مابي افكر فيه الحين والله لاابكي قدامهن من زمان عنه ليش مايدق علي انا مرته يشوف وش صار لي.. وبتردد بنفسها والدمعه بطرف عينها مشتاقه ياسلطان مشتاقه.. ناظرت فوق تبعد الدمعه بطرف عينها..
تقدمت عن البنات الي ينزلن ويقطفن الخزامى تمشي بسرعه تبعد الدمع الي بداء يهاجم اعيونها
ساره بصوت عالي:تعالي
الهنوف تمسح دموعها وتهف على نفسها انفخت بفمها ولفت راجعه لهن
ساره :وين رايحه الحبيبه شكلها خذتتس الهواجيس عقب الشاعر ..
لمياء :ههههه اكيد موب يمكن ..
الهنوف بحزن من داخلها ابتسمت:عاد وش نسوي غصب علينا ..
ساره تناظرها بحنان وتبتسم: قد قال لتس قصيده..
الهنوف بتردد:كثير..
لمياء تصفر: اذوب انا.. اكيد ماحفظتي ولا بيت..
الهنوف : شي بسيط يقولها مره ولا يعوده
ساره بترجي :امانه قولي لنا وش الموواقف الي اقصد فيها
الهنوف كلها تجرح وبجمود:مره يوم بيطاليا كنت راجعه مع الخادمه كان واقف قدام الباب وقفت قدامه وقال قصيده ماسمعتها زين بس دريت انه يقصد
البنات يضحكن
لمياء بعجاب:ياحظتس يالهنوف والله لو مايقصد فيني عمر لطلقه
ساره :حبيبتي مستحيل عمر يقصد بيتفلسف قصدتس..بعدين رجل الهنوف كذا اسلوبهم خقق
لمياء :جعلتس يارب تاخذين واحد كلامه منا وانتي منا
ساره يدق قلبها ودي اقول امين بس صعبه..
الهنوف:ههههه وش في وجهتس حمر
ساره بحراج :تخيلو اخذ... قبيله توشوش
الهنوف :عادي تصير وش فيها
ساره :يعني عندتتس عادي
لمياء :هو خليه يجي بعدين تحفزي
سااره :لا طيب وذا جاء
الهنوف بتشكك :ليه انتي خاطبتس احد منهم
ساره منفشله :لا بس فضول
لمياء في نفسها ليته خاطبتس صدق وتعرسين بسرعه
ساره بتصريفه :يالله ماحفظتي بيت من قصيدة ايطاليا
الهنوف :لااا ولابيت كان زعلانه منه... ابتسمت لهن
ساره تانظرها برحمه :اهاا..وش جديده
الهنوف تضحك بهدؤ:والله مدري عن قصيده شي ابد هو صامت مايتكلم عن نفسه..
لمياء تقوم وسحب الهنوف :قومي صوري عشان تورينه اذا رحتي لهناك ..
الهنوف تضحك بنفسها ايه مره بوريه صورتي..
ساره بتأيد:خليني اعطيتس وضعيه ترى عندي خلفيه عن التصوير
الهنوف تبتسم :طيب..
ساره تناظر حولها: طيب مادام مافيه احد افسخي برقعتس وجلالتس واجلسي جنب هالخزامى
لمياء :ياقدمتس ياساره
ساره :قديمك نديمك ...تعالي الهنوف هنا.. اجلست الهنوف عند الخزامى وافسخت برقعها واجلالها ابعدت قذلتها عن عيونها
ساره :يالله نزلي راستس اشوي وناظري بالخزامى وابتسمي واصابعتس تحرك اوراقها
سوت الي تقولها وشعرها تجمعه على الجهه الثانيه
ساره تاخذ جوال الهنوف :يالله استعدي
حطت اصابعها على ارواق الخزامى ابتسمت وجاتها الضحكه وبسرعه حطت يدها على فمها
الهنوف بضحكه :اصبري
ساره :لا لا خليتس كذا حركه انا بصورتس ..التقطتها ساره
لمياء تناظر مع ساره :واااووو الهنوف روعه كل شي مضبوط
اضحكت الهنوف وهي بمكانها
ساره بسرحان :اسم الله عليتس كيف ماتعلق فيتس الى الحين
الهنوف بحراج ناظرت لمياء الي ملتهيه وتناظر الصوره واشرت بعيونها بمعنى اسكتي..
وقف بسيارته بعيد منهن ناظرها جالسه وتضحك وشعرها يحركه الهواء بخفيف
وصل لخيامهم الساعه عشر دخل على الرجاجيل وتقهوى عندهم وبعد نص ساعه طلع وطلع معه ابو فهد طلب يشوفها وعلمتهم ام فهد انها رايحه تمشى مع البنات وبيروحون يجيبونها عيا وقال انا الي بروح لها مهوب لازم تجي وهذاا هو واقف يناظرها حرك صوبهن يمشي بشويش بفكساره الابيض وارد السنه الجديده
اسمعن تهشم العشب تحت الكفرات لفن لسياره ارتبكن والهنوف تروح وراهن
سلطان عليه نظاراته الشمسيه ويده على الدركسون :السلام عليكم
ارفعت راسها له بسرعه عقب ماعرفت صوته.. زادت دقات قلبها وهي تشوفه بجذابيته وهيبته قدامها ابتسمت بسرعه وبفرحه غصب عنها.. ماغيرت مكانها ورى البنات سلمن البنات بسحى شديد
سلطان يشوفها تخبي نفسها وواضح طولها من ورى البنيات ببتسامه دنق راسه من بينهن:بيني يانظر عيني..
نهايه البارت

[7btin]

64

الهنوف بتوتر من كلامه وخجل منه اكثر من البنات زادت ابتسامتها الخجوله تقدمت قدامهن وهن يمشن بسرعه رايحات من ورى السياره راجعات للخيام
سلطان مازال مبتسم :تعالي لاسلام ولا كلام افااا..
الهنوف خفقان قلبها يرف بسعاده انه جاء مره وحده براسه وماكلم.. قربت من دريشته وارفعت صوتها:وش لونك..
سلطان يتنهد :طيب وبخير.. تعالي اركبي..
لفت من ورى السياره واركبت لف لها بجسمه وامسك يدها وباسها بشوق
سلطان :وش اخبار الهديه اعجبتتس..
منزله عيونها تحت ببتسامه:مشكور احلى هديه ارفعت عيونها له.. امي مبسوطه كنت مشتاقه لهم حيل..جبرت بخاطري..
سلطان بهدؤ تامل عيونها ويده على خدها وبصوت خافت:خاطرتس صعب علي اكسره ..الي يسعدتس اهم شي عندي ومن اولوياتي..
تنهد وناظرها بشوق وهي تدور هؤاء بعيد من عيونه وكلامه الي وداها في داهيه وماتدري وش الاكيد معه . . نزل راسه وباسها بعمق وشوق
رفع راسه وابتسم ابتسمت له ونزلت راسها بخجل
لف لقدام وشغل السياره لفت مرتبكه اول مره احسه مشتاق لي صدق مثل ماانا مشتاقه له
سلطان بهدؤ:الارض حلوه والجوء احلى ...لو طلعت الاهل بمخيماتهم
الهنوف: لهم مخيم
سلطان :ايه بطلعهم له السنه الجايه..وبتصيرين تطلعين لها بدل اهلتس
الهنوف تبتسم ماعليه اهم شي معك طول العمر:اذا قريب من هناه بسير على اهلي..
سلطان :ههههههه سيري ..ولا اقول لا.. اخاف تسحبين علينا..
اضحكت وسلطان يوقف ويلف لها:شفتي الشجره القريبه..
الهنوف تناظر مكان يده :ايه..
سلطان :شفتي الي فوقها ...
الهنوف :طير !!..
سلطان :ايوه.. جيبيه..
ناظرته وبعينها نظرة استفهام اجذبته بصفايتها وبرائتها
ابتسم بسرعه وبنظره حب ماعرفت تفسرها ..ضحك بدون قصد لنظراتها المستغربه ولف ينزل ..فتح الباب ونزل وهو يبعد المرتبه ويطلع السكتون
عشقها وحط فيها رصاص :يالله تعالي...
انزلت وراحت صوبه امسكها مع خصرها حست بتوتر ورعشه قربها من المكان الي يبي وعطاها البندق خذته وهي تناظره واضحكت برتباك
الهنوف:بس امسكه هذا الي اعرفه
سلطان يبتسم :ماتعرفين ذالزر وياشر على زر البندق حق الرميه
الهنوف تناظر لوين يأشر :يعني اقنص الطير ..كيف اصوبه..
جاء وراءها وعلمها وضعية الرمي ويده يمررها على اذراعها العاري ارتبكت وغمضت عيونها وقلبها تحس برجيفه انفخت بفمها بتوتر
سلطان :خلاص عرفتي..
الهنوف بخجل:لا ..مره ثانيه بس
سلطان ويده ورى ظهرها:انسي سلطان واسمعي وش ااقول..
استحت انه عرف برتباكها هزت راسها علمها مره ثانيه حط يده على راسها وحرك شعرها :فهمتي..
ارفعت عيونها له وابتسمت :فهمت ..يمكن احطها تحت الشجره موب فوقها
ابتسم لها وحط اصبعه على غميزتها:خففي خففي لاتبتسمين لاتهور ..يالله استعدي.. بعد منها ..
ارتبكت من وجوده بجنبها وكلامه حطته نفس ماقالها وعينها على التصويبه ويدها ترتعش بدون تركيز ابد
ارفعت راسها من البندق وفي عيونها رجى : والله اني خايفه..
سلطان ببتسامه وتردد:عشان خاطري ارمي..
لفت ثانيه مره لجهت الطير تنفست بعمق وهي ترجع لنفس وضعيتها اطلقت الرميه عليه ووخرتها بسرعه من قدام عينها
سلطان بهدؤ :كفووو يابنت ناصر ..
الهنوف بفرحه اضحكت :قناصه بس ماقلت لك..
سلطان يبتسم لها:احذري توهقين مره ثانيه ..اضحكت ومدت له البندق
خذاها منها وهو يروح لطير وياخذه
الهنوف:بحنط الطير وبحتفظ فيه
سلطان :انا الي بحتفظ فيه ..افتح الباب الي ورى وحطه على جرائد
الهنوف:اهم شي لاتقول انه انت الي صدته
سلطان يرجع راسه لورى بدون لايتمالك نفسه:هههههههههاي ..قرب منها بدون شعور توترت من نظرة عيونه الغريبه وابلعت ريقها بصعوبه ضمها ويديه على راسها وبمجادله لنفسه انا من عرفت نفسي والي تبي تقوله حتى لو مايلقى صدى للاخر وماتهمني مهما كانت ردة الفعل تنفس بعمق وبانهاء للمشاعر الي تختلج في نفسه من اول نظره لعيونها
سلطان بعذوبه هاديه :انا عاشق ومغرم وولهان...
غمضت عيونها بقوه وابلعت ريقها ووجهها يتقحم بالدم من غير تصديق وبحزن من غير قلب كلام شاعر..!!
سلطان تباطى سكاتها بعدها منه وناظر بوجهها كله:الهنوف ليش ما تعبرين عن مشاعرتس..
الهنوف تنزل عيونها ودموعها تنزل غصب عنها:اي مشاعر تتكلم عنها سلطان..!!
سلطان يمسح خدها ويتنهد برهاق:مشاعرتس اتجاهي..!!
لفت بوجهها عنه وشهقه خفيفه تطلع منها:نفس الي تحس به اتجاهي ..
سلطان ببتسامه: لاتبكين شتتي تفكيري الحين بتعطيني اجابه مهيب صريحه وهاذا الي مابيه..
امسحت دموعها بقوه وبرعشه بصوتها:انا اشتقت لك بعد بعد مارحت لجده واشتقت اسمع صوتك..
سلطان يزم شفايفه بفرحه وانتصار :ليش مادقيتي علي..
الهنوف مازالت منزله راسها هزت كتوفها
سلطان يلف بعيونه حولها ويرجع يناظرها:استحيتي او شي ثاني..
الهنوف تنهد بتردد:قلت يمكن مشغول او يعني
سلطان يهز راسه لها بمعنى كملي
الهنوف ترفع راسها وتناظره بهم:او متزوج جداويه..
سلطان بثقل يرجع شماغه :لا ماتزوجت.. مااجمع بين الثنتين
الهنوف وشفايفها ترتجف والزواج والحب مايجتمع بقلبك:ليش جيت لمنا..
سلطان يلف بيديه حول اكتوفها وبتعب بصوته وتساؤل: ليش جيت !!..وبحباط ..مابه صدى للكلام الي تسمعينه..
الهنوف تمسك فستانها بقوه تخفي ارتعاشت يدها وبالم ناظرته:انا بعلمك بالي في خاطري بما ان عندك دمقراطيه تطلبها مني خاصه..
سلطان يبتسم بخيبه:حلو.. هاتي
الهنوف تنزل راسها لتحت:مشاعري لك مسيره يحركها بامكانك تفهمها بان لك اسلوب توضحه في قصيده غير عن الي في صدرك وهذا شي يمنعني اني ..اني ماعبر لك بالي تبي..
سلطان بهدؤ:اهاا يقولون مالايفعلون ..
ابلعت ريقها بخوف:صح كذا قصدي..
سلطان يعقد حواجبه وبثقه وتاكيد:اذا قال الرجال قصيده في مره مثلتس لازمن عليتس اتصدقينها..انا باالفعل احبتس وعاشقتس ..
نزلت راسها بسرعه وشعرها يغطي ملامحها انزلت دموعها حطت يديها على وجهها وصاحت..
غمض عيونه بهدؤ تنهد بهم وقرب منها سحبها لحظنه ويده على راسها يحطه على صدره ..بكت ازياده تسارعت دقات قلبها بخوف وفرحه اخيرن انفتح باب الحظ معي..اخيرن ..
سلطان يحط يدها على ظهرها بهدؤ وصمت من ردة فعلها الي ماوضحت له الحين ولا اعترفت بشي ..
رفع راسها له ماقدرت تناظر بعيونه مباشره فناظرت من جنبه وابتسمت بهدؤ:ان كفت روحي ولا قلبي افداه..عشقن يجي منك وانا اتمناه.. انا بعد ياسلطان احبك
ناظرها ببتسامه جذابه وضمها بقوه: يعني اقول انه متبادل ..
الهنوف تهز راسها بايه وتمسح دموعها :ايه ..اهم شي ماعرست..
سلطان ويده على خدها ببتسامه :اموت في الغيوره والواثقه من نفسها هذا كله اشوفه فيتس على كثرماتخبينه مني..
امسكت يديه بتملك وابتسمت بحب..حست ببطنها كانه يهوي يالبى روحتس يالمياء اليوم وامانيتس ..سلطان يكمل ..واعطيتس ضده امي مثلن غيوره بس لا وثقت من نفسها وهي تستحق الثقه ولا قويه خذت حقها..
الهنوف بنظره هاديه مليانه فرحه وحب :العوض فيكم ..
سلطان بركاده:تبشر ام سلطان جاها العوض وعليه زياده..أشر لها تدخل ناظرت فيه وتنهدت براحه عميقه.. راحت لمكانها والبست جلالها ومشى الهنوف تبتسم من داخل تحس ارضها مامسكتها من الفرحه صح اني احبه بس للحين استحي منه.. راح تفكيرها لساره تبي تاصل بسرعه تقول لها.. عارفه انها بتفرح معي هي الي عاشت كل اظروفي..
سلطان يبطي مشيه:برجعتس لهلتس الحين..وانا برجع للرياض مجرد زياره وشوق لتس..
الهنوف بخجل من كلامه ردت في نفسها تشتاق لك العافيه:عندك شغل ولاعادي اجلس غير جؤ
سلطان يبتسم:لا والله عندي شغل..وقف قريب من الخيام وكمل كلامه.. هاذي اخر مره ماتقولين بشتاق لك الله يردك سالم لي طيب..
الهنوف تبستم بخجل :من عيوني..
سلطان :تسلم لي عيونتس.. الله يحفظتس..
افتحت بابها وانزلت صكت بابها وناظرته باسها بالهواء اضحكت وراحت وهو يمشي
وقفت عند باب الخيمه وناظرت في سيارته المدبره يمشي على هونه بين الشمع وعقوم صغيره حست باالغصه تخنقها انزلت دموعها غصب
ساره بضحكه طقتها مع كتفها :الله الله عايشه بجنه وتناظر حتى للسياره لفت لها الهنوف وهي تمسح دموعها
ساره بصدمه :وش فيتس ..عسى ما تزاعلتو
الهنوف تبستم وفي عيونها الدموع :لا بس مابيه يروح ...
ساره تضحك بصوت عالي وفرحان..
جاتهن لمياء تركض ونوره توايق عليهن مع الباب
لمياء تناظر الهنوف :انتي هنا ليش صرختي ياساره اعترفن
الهنوف تبتسم وبصوت واطي: يحبني ياساره يحبني والله اني احبه من صميم قلبي..
لمياء بحالميه :ياااي الهنوف حلو كلام الحب..
نوره تدخل صوبهن :ايه انتي كنت معه
الهنوف تناظرهن:اسرار الزوجيه صح نوره.. ولا علمينا بحياتس مع راشد ..
نوره :خخخخ خلاص هونت
ساره تسحب الهنوف بقوه الى ان طلعتها برى :اعترف بشي خلاتس كذا ماتمسكتس الارض
الهنوف تضحك بفرحه :انا سعيده ياساره الحمدالله تحققت امنيتي مدمت طحت في حبه ..بادلني نفس الشعور..
ساره بفرحه لها :الله يديم عليكم
الهنوف من قلب :امين
ساره :هذي بركات صبرتس عليه ربي عوضتس بحبه
الهنوف تنهد وبتأيد :ايه صبرت ثم حبيت ثم عشقت وخبيت ماتوقعين وش احساسي وانا اسمع كيف كلامه لي ولهان وعاشق ومغرم..
ساره :ههههههه يالله الفال لي
الهنوف:امين ابو وشوشه
ناظرتها ساره بصدمه
الهنوف :ههههه اسكتي ترى حنى موب خبلان فهمنا ان وراتس شي
ساره بخجل:لاتفهمون صح ثاني مره
الهنوف:ههههه يالبى روحتس والله ياحظه
ابتسمت ساره وادخلن على البنات
لمياء:خلصت المشاوارات
الهنوف تضحك:ولو اخت لمياء ..
نوره :لمياء انا الي بقولها السر ازين من سركن
سااره :هههه معليه لمياء مهيب صابره بتعلمنا
البنات :هههههه
ام راشد تدخل الخيمه:وينتس ونا ادورتس
نوره :لبيه
ام راشد :جوالتس وينه
نوره :فاصل من الشاحن وخليته
ام راشد :هاترى راشد يبيتس
قامت نوره واطلعت له برى شافته جالس على المركى في الفرشه الي برى
نوره : ناديتني
وقف وامسكها مع يدها :ايه ابيتس بموضوع
نوره تمشي معه :خير انشالله
اجلس معها على نفود قريب منهم وصغير:خير.. خير
ناظرته واسكتت تحتريه يتكلم
راشد بهدؤ:وش حالتس
نوره ببتسامه :دامها تشوفك مبسوط يسرك حالها
راشد:عسى دوم.. مايمدحون خاطرتس لا امي ولا امتس وش جرى لتس
نوره تنزل راسها :مافيه شي هذا الحمل
راشد يهز راسه :لا لا انا بعد اشوف علميني وش فيتس
نوره بدموع ماتمالكت نفسها : انا سقطت .
راشد بستغراب :سقطتي كيف
نوره ودموعها تزيد :برمضان توني ببداية الشهر كل ماقدني بقولك ترددت..
راشد بهدؤ:وليش البكى واحد راح والحياه قدامنا
نوره تشهق:هذا غير اول واحد ..خايفه لايتاخر الحمل بعد التسقيط وانت تبي طفل ..
راشد يمسح على ظهرها بحكمه:نوره قولي الحمدالله ..روعتيني وبلى مسقطه متى ماكتبه الله بيجي..
نوره تمسح دموعها :وزاد علي اخوي مفلح وحاله..
راشد بصبر:وش فيه مفلح
نوره :مفلح صبور وبقوه بعد يضحك مع الناس وهو حزين غاضني ان الي يبي مايقدر يحصل عليه
راشد عقد حواجبه :وش يبي مفلح والله ان الي اقدر عليه ان يحصل له
نوره تبتسم وتمسح دموعها :المشكله لا انا ولا انت نقدر مالي الا ادعي له
راشد :هو تبين الصراحه اخوتس ذاه غريب مره يناظر ويغضي ومره ينكت ويضحك
نوره تنزل راسها:هو يحب له وحده بس انها راحت
راشد بهدؤ :مد يده على عمر بسببها
نوره :ايه
راشد:ليه موب كان اول خاطبها وانفسخت الخطبه
ناظرت لمفلح الي طلع من خيمة الرجاجيل ناظرهم وابتسم
نوره :احس بشعوره اول ايام زواجنا حبيتك وتعلقت فيك بس مدري وش صار لك خفت انك تروح وتخليني ارفعت راسها له بعض الاحيان حتى النفس يضيق علي
راشد بنظره تذوب: يالبى الاحساس ياقلبي..
اشرت لهم امها الغداء قدموه انزلو لهم وقفها عند باب الخيمه وباسها بسرعه تلفتت بخجل ليشوفها احد
مفلح يضحك:صدتكم.. اوف اوف يانوره
اضحكت وادخلت الخيمه بسرعه
راشد يمشي معه لخيمة الرجاجيل:صراحه البر مايصلح للمتزوجين
مفلح ببتسامه هاديه:اول مره اعشق البر.. كلن قريب من الي يبي
راشد :كلن على همه سرى
..........
فى قصر سلطان
ام سلطان :دريت بعرس محمد
سلطان يناظرها بهدؤ:دريت ولا هوب من محمد..
ام سلطان تقرب منه وتجلس عنده ويدها على لحيته:اني طالبتك ما ترفض..
سلطان :والله انها لتس لو ارقبتي ..
ام سلطان :اسم الله عليك ... وافق على خطيب النايفه
سلطان يعقد حواجبه:وبندر حذفتوه بدون شور..
ام سلطان بتردد: لا موب كذا .. بس تكفى ياسلطان لاتقهر النايفه وتعيش بعد مثلي تكفى..
سلطان بملل:يمه الله يهديتس امرتس منفذ ماله لزوم ترجين..
ام سلطان بحزن :يومن نغصبه على واحد من عيال عمها وهي ترفض وانت تدري بعد ليه..
سلطان بغيض:ماتبي تعيش عندهم قولي لي سبب
ام سلطان :تبي تعيش مع رجلن لا اشغال ولا تقاسمها فيه مره ثانيه ورجلن غير عن طبع وحياة اعيال عمك
سلطان بنزعاج: ليه وش فيها حياة الامراء رفاهيه وعيشه مثل خلق الله
ام سلطان :لا مهيب نفسهم حياته في شقاء
سلطان :موب كلهم سوى كلن وطبعه..
ام سلطان تنهد :عارفه فديت روحك ..انت متضايق لانك منت مثلهم ماعشت اجواوهم ومنعزل عنهم وحياتك الي راحت والمقبله اهناه يعني عند مرتك طول وقتك
سلطان :هذا شي طيب حلو انكم حاطين هاذا ببالكم
ام سلطان بحنان :اهم شي ام العيال
سلطان :ام العيال لاحبت ماهمها ...ومن ناحيتها كل شي تمام
ام سلطان براحه وهي تشوف ملامحها الي ارتخت وبانت عليه الراحه:الحمد للي مانلحق جزاه ..اصبر بعلمك بسالفة ولد عمك الي خاطبها
سلطان :اسلمي..
ام سلطان :يوم عرسك كلمتني ام بندر تخطب النايفه وافقت ووافقت النايفه وقفي عرسك دق علي محمد يبيني اروح معه لواحد من جماعتهم يبي بنته وعيال عمها معين عليها
سلطان :ايوه خابره
ام سلطان تنهد :مرني اليوم الثاني اروح احاوشه عليهم عساهم يوافقون اقلط يتقهوى عندي..
سلطان :روحتو لهل البنت
ام سلطان :روحنا الام اسعد ماجاها والابو مابعد درى ولاهوب داري ملتهي واخوها مهوب امخالف البنت تبيه ومفضلته على عيال عمها
سلطان :وش قصدتس يام سلطان
ام سلطان بحنيه :خاطب النايفه
سلطان بجمود:محمد هو الي قاله لتس بنفسه
ام سلطان :ايه ..بترده ياولدي
سلطان :النايفه تبيه
ام سلطان بامل:ايه قلت لها وفضلته على غيره
سلطان بقوه :ذالبنت ماتفهم انا ماعلمتها انها غير..اخطبوها قبله شيوخ القبايل ورفضت محمد مابه قصور ياشر على البنت الي يبي ويزهل الباقي
ام سلطان بأسى:محمد يرفض ياابوي حتى هي نفسيتها زاينه عقب الخبر
سلطان بصرامه: هذا شي مامنه اثنين تاخذ بندر وتجي جنب اختها وبين اهلها
ام سلطان تمالك نفسها :بتصير مثلك بعيد عن اهلك
سلطان يلتفت لها وبقهر :حنى مثلها..!! انا واخواني ان انفعونا اهلي ولا منب في حاجتهم.. نأسس الشركات ونبني الاموال وحياتنا كلها كذا البنت غير لازم لها والي من لحمها ودمها يرفق بها ..انا مراح اوافق
ام سلطان بهدؤ:على كيفك اجل وانا ترى بسحب نفسي من امور ذالخطبه مع انه بيشره علي
سلطان ببرود:مهوب زعلان ..
وقفت عند راس الدرج وعيونها تذرف دموع الظاهر مالي نصيب معه اذا زانت من جهه اخربت من جهه
وقف سلطان وطلع برى كنت عارف وانا اشوفه يصد مني اثره داري انه غلطان.. راح لمجالسه ناصر جالس عند المشب ويسولف على المقهوي
سلطان :خذيت علومه كلها
ناصر:خخخخخخ قدنا عند ليلة العرس قطعت علينا
سلطان :جمال صب قهوه
ناصر بتردد:غريبه خليت الهنوف تبطي..
سلطان يلف له : الاغرب اني خليتك عندهم توك تجي والعطله من نص رمضان
ناصر ببتسامه:ماكنت صوبي
سلطان يستهزاء:يعني تبيني ازيد الجرعه
ناصر بسرعه :لا خلاص انا عارف انك تغاضى عني بس ليتك تفهمني ..
ناظره سلطان بنتقاد ولف عنه
دخل عليهم خاله ابو محمد ومعه محمد ورجالين
سلطان :اقلطو حياكم الله..
ناصر :ارحبو
سلمو عليهم التفت سلطان لناصر بسرعه وابتسم له بتشيجع وهو يغمز له بعينه
اقعدو يسولفون والشيبان يقصون عليهم اقصص الاوالين وقصصهم مع اعمامهم توى السعوديه باديه تكبر
سلطان :اول كل شي زين ..الخوي لايغدر بصاحبه ولا يستغل اهله لاراح واليهم.. ناظر محمد الي نزل راسه
ابو محمد :ايييه اول مانعرف مير ذالشي
تقهوو عندهم العصر يوم اذان المغرب صلو بمسجد البيت واطلعو لسيارتهم
محمد :يبه انا عندي شغل هناه بلحقكم لاخلصت
ابو محمد :ماعليه شغل لكان بطي عند عيال مهره يرضيني
راحو ومحمد يرجع يدخل عليهم
ناصر :وش مرجعك اكيد شغل يعني اتسهل
محمد:زين فاهمها
قام ناصر يطلع ولف لهم :نسيت اقولك يوم كنت عند سطام (اخوه من ابوه وبنفس سنه) دخل علينا بدر مادرى عني قعد يتهددك ويطرى الاسطبل حبيت احذرك ..ياليت تعطي كلامي اهميه موب اطنشه مثل كل مره
ابتسم سلطان وناصر راح
محمد :احفظ الاوراق زين لاتنوخذ مانتبهت عليها
سلطان:حتى لوياخذها مختمه من الراس الكبير وكلن قده داري انه صارت من املاكي وهو بزر توه طالع ويجرب حظه معي
سكت محمد
سلطان ببرود :كلن بتوقعه يسويها الا انت.. توضح لي السبب لاهنت
محمد ينزل راسه:داري انك بترفض فتوسطت بخالتي..
سلطان بجمود:سبق وقلت لك انه الافضل يعيشون عند اهلهم
محمد :اعذرني
سلطان :النايفه تحب خوالها وطاريهم ورافضه تمام فكرة تاخذ من عيال عمها فانت الحين وهقتني معها وحطيته بخاطرها ...
محمد :خطبتها امل ان خالتي تقدر تقنعك..
سلطان :اذا حطيت الشي في راسي صدقني ماقدر اغيره عارف انت هالكلام..
محمد مازال منزل راسه: تخيلت لو لحظه تغير قناعاتك
سلطان :يعني اسميه تمسك في النايفه ورغبه
محمد :اكيد ماشقيت نفسي الا شي يستاهل
سلطان :محمد انا ما أتهمك ولا احقق معك ارفع راسك..
رفع راسه تنهد واسكت
سلطان :النايفه مثلها مثل اختها تعيش بين اهلها وعند عيال عمها ..ولا تشره على الوالده
محمد بضيقه:ماقصرت عداها اللوم
سلطان بترضيه :المره الي تبي اشر عليها وازهل الباقي
محمد بقهر مخفي:اجل انا اترخص...
سلطان :تفضل..
طلع محمد بسرعه وضيقه وسلطان يسحب الجرايد ويتصفحها
نهاية البارت

[7btin]

65

فى ارماح
صلو العشاء وتعشو قعدن البنات في الخيمه
ام راشد راحت ترقد وراحت معها ساره تمسد رجليها موجعتها
ام فهد تدخل عليهن الخيمه :بنتس قامت تصيح ياغزيل وقومت هبه
منيره بقهر :جعل بنتس المرض ماصدقت ان اهبيه ترقد..
غزيل :استغفري خيره قومي امسي معها
قامن يروحون لبزرانهن وام مفلح تقوم عقب ماشافت ابو مفلح رايح لخيمته
نوف بميوعه :ويه معاد الى هي اجلس معكن بلحالي
الهنوف:لا روحي بس عطيني جوالتس شوي
نوف تضحك وتمد السانها لها :كل شي الاهو كنزي ..
لمياء بتفكير:صايرين رومنسين اليوم ..اوف لازم ادور احد اقوله كلام حلوو..
نوره :انا عندتس ناظريني وعيوني وقولي لي من القصيد
لمياء :ههههه ظنتس.. ودي بس الكلام عيا يطلع
الهنوف :هههههه
قامت نوف على دخلت ساره
نوف عند الباب :اذا حضرت الشياطين طلعت الملائكه
ساره :اجل بطلع معتس
نوف بغرور :حتى لو تطلعين معاد ينفع بلى يصلح لي ذالحكي
ساره :اختكم ذي مغرور صح
لمياء :لا
ساره تصرف:اطلعو برى الجو روعه
نوف :يااه يعني جو حلو وبسمع صوت عذب
الهنوف تمشي البنات قدامها:يالله بنات مشينا
اضحكت نوف وراحت
نوره تستنشق الهواء :ماحلا رايحة الدخان
ساره :اروح لنار ماعندهم احد غريب..
لمياء بفرحه عضت شفايفها وناظرت خيمة الرجاجيل
راحن البنات للخيمه الي فيها راشد ومفلح وفهد ومساعد
مفلح يناظرهن وببتسامه:يالله حيهن
البنات :الله يحيك
راشد :ذالمزيونه الي معكن ابعدن خلنها تجي جنبي...
نوره تجلس بين راشد ومفلح وتضحك:مزيون ومزيونه والباقي يطلعون برى الخيمه..الله لايهينكم
مفلح بضحك:وبعد اهناه تسون حركاتكم الي ماهي بمضبوطه..ماكفاكم خيمتكم..
اجلسن البنات في الجهه المقابله يعني مساعد على طرف زوليه الخيمه من برى مقابل مفلح عقب فهد والهنوف ولمياء. وساره جالسه جنب اخوها
راشد :ههههه كان بروح لها لوها ماجات
نوره بقهر انغزته مع خصره وتاشر للعيال الي ساكتين ومنزلين روسهم
مفلح يضحك :راشد ماتسوي لنا في ذاليل السماري سينما انت ونوره .. مابعد شفتها في حياتي..
لمياء تشاور اختها :زين سوالفهم (طبعن بستهزاء)
اضحكت الهنوف بخفيف
راشد :تشوف غير الي شفت اليوم
مفلح بروقان يتكي:شف حركات المتزوجين واجد نفسي وجسدي وتشويق واكشن..مره بوسه مره ضمه..
مساعد يتأفف ويتلفت
راشد :هذا وانت توك عزوبي وكلامك هاذا ..
مفلح:والله ربي ماكتب لنا شي..بس انشاالله موب ابعيد ..نرجع وكل شي يزين ..
ابتسمت لمياء غصب عنها بستهزاء وصدت تناظر لظلام الحالك من حولهم ..
راشد:اصبر الى ان تعرس واخذ راحتك..
مفلح:لااا مانيب ساكت لين اعرس..احب هالكلام..
لمياء بقرف ناظرته ولفت للهنوف:همجي صح
الهنوف تهز راسها بلا :بالعكس حيوي ويحب الحياه..
نوره تصغي على مفلح:غير سوالفك ..
مفلح يناظر الجلوس:الحين يومكم ساكتين مستحين..
راشد :يامحق ليل يامفلح..
مفلح ببتسامه:طيب..نوره جيبي لعبه من خرابيطتس الواجد
نوره:زين لعبة الحروف اسم وجماد
مفلح :مااشين ماجبتي .. بس ماعليه بنصرفها لتس ذالمره .. نبدا بتقسيم الفرق..
مساعد بقرف:الحين بيتحكم..
مفلح يناظره ويبتسم :ياقدمك بيتحكم متى علمنا بذالسوالف..ناظر لجهة البنات وضحك.. فريق الكسالى فهد الهنوف لمياء مساعد.. ودي اقول ساره بس جنب اخوها صعب تجي صوبكم
لمياء تناظره وتناظر ساره بغيره يبيها تجي بفريقهم مالت عليكم ..
مساعد :وانت مع الشطارى
مفلح يطنش كلامه :فريق الممتازين انا ونوره وراشد وساره ..
الهنوف بعتراض:لا مايصلح انا مع الممتازين ياربي من الكسالى الي معي..
لمياء بدون شعور:هههههه وييه عاد انتي الراسبه..
بلع ريقه وابتسم بستهزاء منزل راسه ويده تقطع عود اصغير لقطع صغيره..الله على الضحكه تسوي سوايا عذبتني وهي ماهيب لي اجل لو لي وقاصدتني وب..
راشد يهزه بستغراب:مفلح..
مفلح يرفع راسه وبهدؤ:هلا
راشد:يالله ابدء يالممتاز
مفلح يتنهد بهدؤ:ابدو انتو..
فهد يلف على خواتها:تكفن ياخواتي خلن نقلب الاسم عليه الشاطر..
مفلح يناظرهم وبتفكير :لا لا ذكرتني ..مايصلح نخلي الاخوان مع بعض..
مساعد :ياليل وشرايكم نقلبها ونقعد انقسم ونفرق ونخلي اللعبه على جنب
مفلح :صراحه اشكرك فهد على الكلام ..يالله الي على الطرف تجي لمنا وساره تروح معكم..
فهد :لا هاذي لمياء خلوها صح ماتنفع بس على الاقل تصايح تلهيكم لين اندور الجواب
مفلح بسرعه :لا خلاص اتفقنا .. نبداء بحرف الام اسم
مساعد:لمياء..
مفلح ببتسامه:صح حتى لوه غلط بعطيك صح ..
ابتسمت الهنوف وناظرت للمياء الي تناظر برى الخيمه بتوتر ونرفزه..
مساعد :شفتو والله انه يتحكم في العبه..
مفلح بستهبال:انت اطلع برى..
صد عنه مساعد بقهر (متحمس للعبه )
فهد:انا الي بقول لكم الحرف حرف الفاء
مفلح :فارس ..تبينا نقول فهد معصي..
راشد :هههه.. خلونا بالدور نقول الحروف.. قال مفلح وفهد والحين نوره يالله
نوره :حرف الواو
الهنوف:وليد..
مفلح : صح ..بس خلونا نغير قانونها شوي .. انا لي مساعد و نوره للهنوف وانت يافهد لراشد وساره للمياء
راشد : حلو كذا.. طيب حرف دال
فهد :دلال
مفلح يدور اي شي عشان يلف لها براسه وبسرعه:لمياء ابدي..
لمياء بهدؤ :حرف العين ..
انصدم ورفع حاجبه بسخريه بان بوجهه ناظرهم محد صوبه غير تعابير وجهه وابتسم غصب..
ساره :عايشه
مفلح :تعجبيني (عشانها ماقالت عمر)
نوره تناظر مفلح واضحكت بقوه ناظرها باستهزاء وصد عنها
بدو من جديد طلع مساعد ماعرف حرف الذا وتاخر
واطلع راشد واطلعت ساره
مفلح :فهد اعطيك حرف الجاء
فهد :جا..هز الهنوف جنبه
مفلح يطقه بخفيف بعود حطب :كف يدك..
فهد :الجمل
مفلح :يالله برى..
الهنوف:نوره حرف قا اسم رجل
نوره :قا قا قرسون خخخخخخ
مفلح :تعرفين تنكتين مشالله عليتس ..يالله لمياء..
مساعد:الظاهر انك مندوب الاخت لمياء انت الي تنبهها..
مفلح يهز راسه :وش اسوي بما انها مهيب في اجوءنا ارجعها لها..
لمياء ترفع حاجبها وبتطنيش:من اقوله الحرف
مفلح :افاا عليتس قولي لي..
راشد يناظر نوره اغمزت له مايبين شي لمفلح الي يحسب محد درى عن هوى باله
لمياء :حرف الياء اسم رجل..
مفلح : لااا.. مايجي انتي واختتس اسم رجل انتي خليها مره..
لميا ءبقهر :دوري بحطه الي ابي..
مفلح بدون اهتمام يفك اشماغه ويتلطم بها مره ثانيه يخفي تعابير وجهه الضاحك:لا اسم رجال ورى بعض لا ..
لمياء بغيض:خلاص بطلت
مفلح يضحك:مساعد ماطرى عليك تسوي مثلها وتبطل فاتك هذي اول حركة بزر تفوتك..
اسكتت بقهر ونوره ساكته معجبها انه يحاول يغير نفسه ويبعد من طريقها
فهد:لمياء شفتي انتس بزر اعلمتس من زمان بس مايفيد فيتس
مفلح بدون قصد ضحك بصوت عالي
راشد يبتسم :خلاص والله انها اعقل منكم كلكم
ساره :معروفه حركة الخسران ينكت عشان ينسى الهزيمه
نوره :يعني لمياء الي فازت
لمياء وعيونها تمتلي دموع ارفعت راسها وناظرت لبرى معطيتهم جانب وجهها وبالم كلهم يبون يصرفون ضحكه علي وهو ماهمه
مفلح يتنهد :طيب الفايز لمياء من فريقنا والهنوف من فريقكم
راشد :اعلمكم لعبه ابرك من ذي للعزابيه بس
مفلح :حلو جبها
خذا عود خفيف من الغضا وحطها في الارض مركوز وحوله اربع خطوط مع الجهات الاربع
راشد : هذا العود الحظ والجهات مستقبل.. خطين مستقبل حلو.. وخطين مستقبل شين.. يعني الغالب المستقبل زواج ..نشب العود الى ان تاصل الى نهايته وتطيح على الخطوط وطبعن كل واحد يفكر في شريك المستقبل..
فهد :ياالهي وذا طاح في جهة مستقبل شين
راشد :ثنين حلو وثنين شين
فهد :طيب
شب العود الي في النص وفهد متخيل المستقبل وكل وحده على خط
طاح العود على خط وناظرو ردة فعله
فهد براعه:امانه عده
راشد :هذا لعب ل اتخاف
كلهم :هههههههه
مساعد بحماس :دوري
حط له عود وشبه وطاح
مساعد يناظر فهد وبحزن :مالت علينا كله منك انت وحظك..
فهد: هههههه زين عشان انتشكى لبعض
مفلح يبتسم ويحك رقبته:وانا بعد حطي لي مثلهم..
راشد :بس ها احذر تصدق
مفلح :ماعليك مانيب مخلي العود على كيفه..فك لطمته وناظر راشد
حط له العود وارسم حوله الجهات الاربع شمالها وجنوبها شب العود ومفلح ينزل راسه وينفخ صوب اتجاه الجنوب..
مفلح يضحك :حلوووووو ...
نوره تناظر لمياء وتضحك :غشاش ..
راشد :هههه عبقري اذا بيطيعك ولا غصب
مفلح :يالله دور العزابيات موب لازم تعبرن جدا ناظرن ان اعجبكن ولا اسكتن
راشد :لا لا مايصلح اخاف يطلع التعبير غصب
مفلح :انا الي بزينه لهن حط العود يالله ساره
ساره بضحكه :بطران انت..
مفلح :ماعلي منتس تراني بشبه ..شبه وطاح بين خطين
مفلح :هههههه ساره وين بتروحين
اضحكن البنات ولمياء تبتسم بفرحه يارب تنخطب بسرعه وتعرس..
مفلح :يالله لمياء فكري بسرعه ..
فهد :لا لمياء خلاص الله لايعوق بشر
مفلح بشوي جديه :لا مهوب خلاص مجرد سوالف ..
لمياء برفعت حاجب على كيفه..
مفلح يشب العود:اصبري خليني اجي صوبتس عشان انفخه صوب مكاني..
عم الهدؤ جلستهم الي افهم والي مستغرب جراءته مثل العيال الي استغربو كلامه عليها
لف براسه وهو بمكانه انفخ العود الى ان طاح في جهته..
مفلح ببتسامه امسح يديه الي بها اتراب:مافيه مفر العودين كلن طاح في جهة الثاني.. وقف وارفع سقف الخيمه من اعقاله لايطيحه.. يالله تصبحون على خير.. انسف شماغه ودنق من طرف الخيمه طالع برى وراح لخيمة الرعيان..
لمياء ودقات قلبها ترجف بقوه حتى راسها تحسه ينبض بفشله من راشد وماتدري وش تحس فيه بكلامه ماقدر افرح ومدري ليه..
نوره والهنوف ساكتات وساره حست ان مفلح يحمل للمياء مشاعر
لمياء تهز الهنوف:خلينا نروح
الهنوف برحمه:يالله.. حنى بعد ببنام تصبحون على خير..
قامن وقامت معهم ساره وراشد ونوره اجلسو على الضوء
راشد يناظر العيال :نعم تبون شي..
اضحكو بحراج وقامو
نوره:هههه حرام عليك تفشلو
راشد :ابعيش رومنسيات البراري
فرش فراشه باالخيمه حذف شماغه وانسدح ااااه ليتها اللعبه تصدق اليوم احسها غير علقتني فيها زياده هاديه وصوت ضحكها ببطي مانسيته..وش اسوي بعمر فاجئني بخطبته ..صعب اني اقولهم يرفضونه وانا الي فاسخ الخطبه مهوب على كيفي مستحي من ابو فهد من فسخة الخطبه فكيف ارد اخطبها ولي وجه بعد..نفخ بفمه هاذا ان كانها مارفضت ..معاد بالنظرات ذيك النظرات قدها تصيبني بالحقد..ابتسم بتشجيع لنفسه وبتفكير..ترى العذارى عن بعضهم يسلون..دوري اعرس واخذ الي تسواها..
لمياء بصوت واطي وبقهر :مايستحي انا مخطوبه خلاص..
الهنوف:يابنت الحلال لعبه
لمياء:راشد موجود كيف بيفسره بعد..
الهنوف:صراحه مشالله عليه يسوي الي يبي ماعليه من احد ولا تردد..
لمياءتنسدح :يعني توقعين انه صادق..
الهنوف تناظر بعينها وتبستم :ميه بالميه ..لمياء
لمياء بهدؤ:لبيه
الهنوف:انا متردده اقو لتس بس لو تطيعيني وترفضين عمر ترى توى ماصار شي
لمياء ترتجف شفايفها وبتعب:ارفضه وانتظر مفلح ..اهين نفسي وهو الي تركني..
الهنوف:ماقلت كذا اصبري اسمعيني عقب الغداء اليوم..
الهنوف عند غسيل اليدين :منتب مثل اول
نوره تلف لها :ليه
الهنوف :كل شي طبعتس تغير وهاديه خاطرتس ماش
نوره ترفع ظهرها وتوقف وتوقف معها الهنوف :الحمل الي في بطني طاح وواحتفظت في هالخبر الى ان قلت لراشد اليوم بس من عقب ماعلمته ارتحت..
الهنوف بحزن :يعوضتس الله انشاالله..وش السبب
نوره بتعب:نمزح انا ومفلح ودزني مادرى عني
الهنوف :يالله الخير في الطريق
نوره :انشالله وبعد امضايقني مفلح..
الهنوف بهتمام ::وش فيه مفلح
امسكتها نوره مع يدها وابعدن شوي من لمياء الي كانت قريبه منهن وخافت نوره لاتسمعها
نوره:مفلح يحب لمياء من زمان والخطبه والله صارت له ظروف لمياء تقدرها..
الهنوف: وهي لازم لها راي بعد..
نوره بتردد:هي تحبه هو الي يقوله مهوب انا..
الهنوف بضحكه :مفلح هو الي يقوله يقول تحبني
نوره تبتسم : وبعد واثق .. بس لاتقولين لاحد والله لو يدري اني يقتلني..
الهنوف تنهد: وش بيدي اذا الله كتب بينهم نصيب بيجمعهم
لمياء تنزل عيونها :وش تبين اسوي عقب كلامتس ..
الهنوف بتساؤل :داريه انه يحبتس..
لمياء تناظره وبهدؤ:الحين كلامتس وش بيفيدني.. بس تحسبين صدقته لا عارفه انه هو مفلح دوم بيغيضني شاف اني وافقت على عمر وصار يسوي هالحركات اخلي قلبي يميل له واخذ عمر وتفكيري عنده.. وبقهر.. وبعد انتي كيف تفكرين وينه قبل يخطبني عمر وهو يوقف وراي ويقول بديت اكرهتس..كانه يبيني اقعد في بيت اهلي اندب حظي على فسخه للخطبه وهو يعرس وينسى..وش بيضمني اني اترك عمر واحتريه الرجال مالهم امان واولهم هو..
الهنوف تنهد:استخيري..
لمياء :لا.. باخذ عمر ومستحيل ارفض عمر عشان انتظر حظرته يعود خطبته وااوافق عليه لا لي عزت نفس مثل ماله هو ..

[7btin]

66

من بكره الصبح بعد صلاة الفجر كلن في سيارته يتجهزون للرحيل تحركت سيارة راشد وراحت بدري وسيارة ابو فهد تاخرت شوي يشيك على ابله وقفت معهم سيارة سعد وعياله
بعد ماخلص ابو فهد اركب السياره الي فيها زوجته وغزيل وعيالها ومنيره ونوف وسيارة فهد لمياء والهنوف والشغاله
مفلح يسوق ببوه وامه وشغالتهم ومساعد معهن ورى
مساعد يوايق على الشغاله :ازحفي عند الباب الصقي
ام مفلح تهاده:انا ذلحين منيب بينك وبينها..
مساعد :لا اخاف تمد يدها مباغته..
مفلح بدون نفس:ودك تمسك السانك..
مساعد:هاه تكلم راعي السمره امس اعلمهم بسوالفك ..
لف له مفلح ببرود مبطن بتهديد :علم لاتخلي شي ودك تقوله..
مساعد :خلاص ذالمره بخليك ذالمره ..
لف مفلح ببتسامة استهزاء جانبيه
فهد يتثاوب :ياه فيني نوم سرحتونا بدري
الهنوف :انتبه لطريق لا تنعس ..مشتاقه لبيتنا وغرفتي
لمياء :استحلتها منيره
الهنوف:لا صدق جات فيها..وانتي وينتس مارفضتي
لمياء :الحين افكر بغرفتي ولا بغرفتس..
فهد بتذكر:لا صدق وش قصده مفلح امس كانه زودها ولا استحى..
لمياء بقلق ناظرت الهنوف
الهنوف برتباك :هذا مزحه يحب هالمزح
فهد بشوي ضيقه:ايه هذا لوه بعد خاطبها بس يوم خلاها اعجبه المزح.. الهنوف :يعني ترى لمياء خطبتها مب رسميه الى الحين مافيه داعي تلصقونها فيه
لمياء تكلمت بسرعه :اذا الله كتب نصيب وش فيه عمر احسن من غيره وعادي لو لصقوني فيه
الهنوف تلف لها ورى وتناظرها بقهر وعتب
فهد:حتى انا أأيد لمياء عمر مشالله اللهم ماثر عليه المخول شوي
لمياء تنهد وتعنز راسها بالمسند يتعاكسون بكل شي الشخصيه والشكل والاصل بس برضى فيك ياعمر وبتمسك باي شي يعلق نصيبي معك
الهنوف:صراحه لمياء يعني ترضين اعيالتس يصيرون خوال ابوهم اجانب..
لمياء بقهر :تبين تثنيني عن رايي احب اقولتس ترى الحين تمسكت فيه ازياده.. لفت بقهر لدريشه وناظرت لبرى
..........
عند الراشد
ساره بزهق :كم باقي
راشد يناظر الوحه :ساعه تبون غداء بيتكم ولا نشري
ام راشد :لا اشتر ..بننشغل في البيت معفوس
راشد :كيفكم
ساره :انا من الحين برقى لغرفتي برتبه وبرقد
ام راشد بستهزاء:لااا بس غرفتتس ماقصرتي
ساره :نوره حامل ولاراح تشتغل وانا مثلي مثلها الي تسويه بسويه
نوره ناظرت راشد الي ناظرها بالمرايه نزلت راسها
راشد بحيويه وبمزح:الولد الي في بطنها اسبقنا للجنه..
ام راشد براعه :عليه العوض.. معليه الخير قدامكم..
رفع راسه لها بالمرايه ابتسم ابتسمت وفي عينها دموع مد يده لتحت عينه ياكانه يمسح دموعها . . اضحكت بحب وهو يرجع يناظر لطريق
ساره : متى سقطتي
نوره تذكر دزت مفلح لها على السرير اتعبت من بعد مارجعت من خالتها ذيك اليله والصبح قامة مسقطه..
نوره :نص رمضان
ساره :كذا من ربي
نوره :اي الحمدالله على كل شي
ام راشد بهدؤ:خيره انشالله
اسكتو عقبها والسياره تكمل مسيرها
مفلح يأشر لفهد الي وراءه وقف فهد ونزل
مفلح رافع ثوبه :توصلني لا اقرب ورشه
فهد : وش عندكم..!
مفلح :بنشرت خالصه ولا معي سبير
فهد:والباقي وش بيسون
مفلح :بيجلسون ومعهم مساعد
فهد :مشينا اجل ونعود بسرعه لهم
ابو مفلح :اذكرو العجله بنصلي الظهر لين تجونا
مشو لسيارة فهد
فهد يأشر للهنوف تنزل انزلت وراحت ورى
مفلح يركب ويصك الباب :معليه تحملونا شوي
الهنوف:خذ راحتك
لمياء تبلع ريقها بتوتر ويدها تقطع قماش المقعد بدون شعور وصاده براسها بقوه لدريشه
الهنوف:شوي شوي خربتي سيارته..
ارتبكت ورجعت يدها لحظنها وازفرت من داخل يارب يارب شيله من بالي ورزقني كرهه يارب
مفلح :ايوه هاذي هي عسى نلقى ورشه..
دخل فهد من خطها ووقف عند المحطه
فهد بعجله :انتظرو شوي بنشري ماء عطشان ..
مفلح بصبر:الله يهديك ..لا انتاخر ..
فهد وهو ينزل :والله اني عطشان ..صك الباب ودخل المحطه
مفلح بتردد لف لهن ورى براسه شوي ..
مفلح :اسف لمياء اذا سببت لكم حرج امس..
الهنوف تناظر لمياء الهاديه
لمياء :لاعادي كله لعب وكذبه
مفلح :لا مهوب كذب
لمياء بصرار :الا كذب
مفلح بسرعه وقهر :تبين عمر..
لمياء تبلع ريقها بصعوبه عضت شفايفها وبالم :ايه افضل من غيره سبعين مره..
مفلح :غيره انا..
فتح فهد الباب وركب لف له مفلح وصد بقهر مالقى يجي الا الحين
الهنوف تناظر لمياء المنكمشه على نفسها في اخر المقاعد وتفرك جوالها بتوتر
فهد :هاذيك ورشه
مفلح بغيض:اشوف انا منيب اعمى..
فهد ببتسامه متردده ومازحه:جاته ام انفيسه..
مفلح يفتح باب السياره الي مازالت تمشي وقف فهد براعه انزل مفلح وراح للورشه رجليه
الهنوف منصدمه :يمكن لوك ماوقفت يدوم..
فهد :انشهد انها جاته ام نفيسه
انزلت دموعها بحراره ذق الي ذوقتني يامفلح حس مثلي تظلم وتهجر وتذم وانا اسامح واطنش ليه قالو لك مافيني قلب يحس..
وقف عند الورشه شافوه يشتري اطار فتح باب الدبه من ورى ركبها وراح يركب
مشو راجعين لسيارة مفلح
فهد بروقان :اقول مفلح سؤال ممكن
مفلح ساكت ومتراكي بركبته على الباب
فهد :لحظه انت ليش تضحك وتسولف وفجاءه تقلب وحش
مفلح على وضعيته وساااكت
فهد :تفضل جاوب..لو سمحت اشبع فضولي
مفلح بهدؤ:البارحة ذكيت نفسي في سبيل الكرامه
قلبي توطّيته برجلي وناديت:
كل الجروح تطيب غير الكرامه
أنا عزيز وعزّتي بها تعدّيت
ذل المواقف لاجل عز الكرامه!
من خلقتي أمشي على صافي الصيت
والصيت ما يصفى بذل الكرامه
ان اهجرو فلاباس انا قوي باس ما ذليت
وان اتكبروو فانا الي معاد ارجيه عندي كرامه..
فهد :دبلوماسي.. بس هذا موب الجواب
مفلح يصد للباب :جاك الي جاك ..
الهنوف:مفلح ..الي باعك برخيص بعه ببلاش
لمياء بقهر وصدمه لفت عنهم لدريشه غمضت عيونها بقووه
مفلح :توى ماجبتيها يابنت ناصر صح السانتس..
وقف فهد عند سيارة مفلح انزل صك الباب بقوه وراح
فهد :لازم يقرى عليه ابوه
الهنوف :الا هاذي الي لازم نقري عليها ..انزلت وركبت قدام
مشو ولمياء تعبر بينها وبين نفسها
.......
فى النعيريه
اليوم الثاني يوم الاربعاء كلن في بيته باقي يوم وتبدا المدارس
ام فهد :الهنوف ماتدرين متى تروحين
الهنوف منسدحه وبطنها يوجعها :لا
ام فهد :غريبه مادق ولا قالتس تجين.
الهنوف تبتسم بالم :مدري يمه ..بطني يمغصني.
ام فهد :بزين لتس دافي اشربيه..قامت والهنوف تلوى من بطنها
ارجعت ام فهد :اقول خافتس حامل لاتشربين شي ياثر عليتس
الهنوف:لا زينيه بشربه
ارجعت ام فهد تزينه دق جوالها لرقم غريب ردت عليه
الهنوف تمسك نفسها من الالم :هلا
: السلام عليكم
الهنوف :وعليكم السلام
:طويلة العمر موعد الطائره 7المغرب
الهنوف بستغراب :وش طيارته
:الامير سلطان طلب مني اتكفل بقدومتس من مطار الجبيل الى الرياض
الهنوف:اها ..طيب متى اكون جاهزه
السائق :الان على اساس الوقت
الهنوف تناظر ساعتها 3 العصر:طيب راح اكون جاهزه
صكرت منه واركضت لامها
الهنوف تدخل المطبخ بسرعه وتضمها من ورى
ام فهد تلف لها:اسم الله عليتس وش فيتس
الهنوف ببتسامه تبوسها :خفت يقولون اطلعي برى ماضميتس..
ام فهد :اجل بتروحين
الهنوف تنهد:بروح الحين
ام فهد بحزن تخفيه :الله ييسر امرتس حبيبتي
الهنوف:امين يالله اخليتس بجهز اغراضي
ام فهد :روحي على بال مايجهز الشاهي
راحت جهزت اغراضها القليله عكس ماجات تروشت والبست بنطلون جينز ازرق وبلوزه رماديه كت ادخلت على لمياء تمشط شعرها
الهنوف:تعالي سلمي علي بروح
لمياء تلف بسرعه وبصدمه :خلاص
الهنوف تخزها :اجل تبيني نهائي هنا..
لمياء بضيقه :ياربي بعيده الرياض
الهنوف :اذا رحت هناك صافي يالبن بجي عيد الاضحى ...
لمياء :ليته نهائي..
الهنوف بستغراب وزعل من كلمتها :لمياء يعني اذا تعقدت حياتس ترضينها لي
لمياء ببكى :موب قصدي شي فكرت لو تنقلون قريب..
الهنوف تضمها:مع السلامه ..طقتها مع راسها بخفيف ..الله يعقل ذالخبل الي هناه
لمياء تمسح دموعها :دومه عاقل
الهنوف :اي هين ..انزلن تحت كلهن
ام فهد :تعالي بسرعه قبل يجيس احد
اجلست الهنوف وتلفونها يدق:هلا
السايق :طويلة العمر حنى برى
الهنوف :طيب دقايق
لمياء :بتروحين الحين
الهنوف توقف :ايه ..راحت لاامها ضمتها
ام فهد بحزن :لاتاخرين علينا ياامي..الله الله في رجلتس واهله..
الهنوف:انشالله لاتوصين
لفت للمياء الي شافتها ترقى الدرج بسرعه رايحه فوق
الهنوف خانتها عيونها :سلمي لي عليها يمه ..
ام فهد توقف :الله يسلمتس من كل شر معليتس من دموعها وحركاتها بخير
الهنوف :الله يعينها ..سلمي لي على الجميع وخاصه ابوي ومع السلامه
ام فهد :مع السلامه ..
اطلعت الهنوف للباب الخارجي
فهد عند باب الشارع و براعه :ووووين ليكون الي برى ينتظرتس
الهنوف ببتسامه:ايه بروح ماراح اتاخر انشالله نفس المره الي فاتت..
فهد يضمها :مع السلامه بنفقدتس والله
الهنوف:ماتفقدون غالي
حب راسها وببتسامه :ماتشوفين شر
تنهدت واطلعت صعب اني ابعد عنهم وهم اهلي الي اعشقهم من صميم قلبي الي يصبرني مشتاقه له ومشتاقه اشوفه واعيش الحياه معه بالحب واجربه معه مثل ماقال ومتاكده اني راح استمتع وانا بجنبه..
شافت اشجار الي جنب الطريق تخطف من جنبهم وكانها تبعد منهم ياليت اقدر اقوله هالكلام وبتعب اخجل منه وللحين اخاف بعد ..
........
فى بيت بو مفلح
ام مفلح :جدتك نفله دقت علي امس
مفلح :وش لونها.
ام مفلح :طيبه وبخير..
مساعد : هي من سكان هاذيك الديره من زمان
ام مفلح :ايه اهلها هناك عقب ماتوفى جدك راحت لبنت لها جايبتها اكبر من ابوك من رجل ثاني...
مفلح :مالها طاري هاالعمه ..
ام مفلح تناظره :جدتك كلمتني تبيك تخطب بنتها..
مفلح بقرف:عشان كذا قايله لي عن تلفونها..
ام مفلح بقهر:ايه وجدتك بتكلمك بعد
مفلح بملل:وش ذكرها فيني ..
ابو مفلح يفسخ حذيانه عند الباب :ان اجبرتك ولا اجبرتك انا وش تنتظر يامفلح؟؟
مفلح :انتظر نصيبي وتوه مابعد وفئ..
ابو ملفح يجلس ويتركى صب لها مساعد فنجال:الا وفئء.. خطبت لمياء وعفتها مفشلنا عند اهلها.. وعن ذيك ساره شيخة البنات
مفلح يمسح رقبته بتعب:لا ساره عزيزه ولا ابي اظلمها..
ابو مفلح :وليه تظلمها ..!!
مفلح يقوم بسرعه :ساره الله يوفقها مابيها..ياله عندي زام وبمسي في الدوام..
ام مفلح :الله يحفظك
اطلع برى ووقف عند الباب الخارجي تنفس بعمق وغمض عيونه ..ساره.. لا لا!!.. كيف ارضاها لاخت راشد وبنت عمتي.. اذا كلمتني جدتي ببنت بنتها رضيت بالمكتوب..
........
عند الراشد
كلهم جالسين بالصاله ويتعشون
راشد :بكره اجهزي مثل ماراحنا الاول
ساره :ابشر
ام راشد:ودتس اروح معتس هالمره
ساره تناظرها بشك :عادي ماراح تضايقين
ام راشد :لا لقدني جنبتس منيب متضايقه ونا اشوفتس واشوف محلتس..
ساره تضمها :فديتس فديتس والله ..كني تحمست لبكره
نوره :افاااا ياعمه بتروحين وتخلينا
ام راشد :انتو منتب صوبي تبون بعض الله يديم عليكم المحبه مالكم حاجه في عجيزكم..
راشد :لاخلا ولاعدم من شوفتس ..
ام راشد بحنان :الله يسعدكم ويوفقكم ياولدي الحمدالله على ذالساعه
راشد يناظر نوره ويبتسم :انشهد
................................
فى قصر سلطان
سلطان بضيقه :في غرفتها
ام سلطان بؤجل:ايه ..
رقى لها سلطان فوق طق الباب وادخل
منسدحه على السرير تلعب بشعرها وتهوجس
عدلت جلستها وهي تشوفه يدخل جاء وجلس جنبها
سلطان :وش اخبارتس
النايفه :طيبه
سلطان بدون مقدمات:جربتي في محمد مخططاتس وشفتي كيف رفضناه..وبتاخذين بندر..
النايفه ببرود:مابي احد..
سلطان بدون اهتمام لكلامها:راح ادق عليه واعطيه علم والوقت الي يبي صيري جاهزه..
النايفه ترفع واحد من حواجبها :انا مابي منهم ومصره بعد ...
سلطان بعصبيه:انتي ماتفهمين
النايفه :لااا مافهم
مسك مقدمة بجامتها ورص على اسنانه بقهر:انا افهمتس..غيرهم احلمي لو تاصلين سابع سماء وبندر بتاخذينه غصب عنتس اعناد فيتس..
النايفه بنبرة استهزاء :موب بس انت الي تعرف اتعاند ..ناظرت في يده الي على بجامتها ورفعت عقب عيونها فيه ..مد يدك احسن مره ثانيه..
سلطان بدون شعور صفعها على خدها بقوه:هذا اسلوب اتعامليني فيه..
النايفه بخوف لا يرجع يجفاها مره ثانيه وبسرعه :خلاص ..خلاص انا موافقه ..والله والله شفني حلفت . . ناظرها بحتقار طنشها وطلع
وقفت عند الباب الرئيسي وانفتحت قدامهم البوابه حست بتعب وهم بنص الطريق للبيت كانت بتوقف السايق يشري لها احبوب بس المحلات مصكره
انزلت وبيدها شنطتها اليد دارت بعيونها بانحاء الفله شافته جالس على الكراسي الخارجيه اتجهت له ونزلت طرحتها على كتفها
متراخي بجسمه على الكرسي بتفكير وشماغه ناسفه على راسه بهمال رفع راسه لها شافها تناظره بعتب وألم
سلطان بهدؤ :مرحبا
تقدمت منه ووقفت قريب
الهنوف:كيف الحال
سلطان ينفث دخان:محيوس..اشر على خده وهو يميله لها ..بوسه
نزلت راسها بهدؤ وباسته
سلطان ياشر على الكرسي بجنبه:تفضلي..
اتجهت للكرسي واجلست عليه وبالم اشرت على الي في يده: ليش هاذي ..
سلطان يتقدم بيديه على الطاوله وبفضفضه عقد حواجبه بشمزاز:محمد يغتنم سفرتي ويطلب النايفه ... والنايفه لو تعنس ماخذت من برى..
الهنوف بفرحه اخفتها :محمد خاطب النايفه
سلطان يرفع واحده من حواجبه بستغراب :اهاا عندتس علم ... مرفوض الي تبيه
الهنوف باستغراب ورحمه لنايفه:ليه انت الي تعيش حياتها...
سلطان بنظره حاده :ليكون بعد ماأيده كلامها..
الهنوف وعيونها بعيونه :بكل ثقه ايه مايدتها ..تفرضون رايكم وتمشون الي تبون على مزاجكم ليش ماتراعي مشاعرها النايفه لو حبت محمد وحبها بتنسى اي فارق بينهم ولا راح تفكر في الي تفكر فيه انت..
سلطان بنزعاج :انتو ماتفكرون...هي بنت اي مضره او شي يحصلها مراح تعرف تصرف... لو كانت بين اهلها اجاعهم الي بيوجعها مستحيل تطول النايفه مابغت
وقفت وراحت عند راسه وهو يناظر قدام وعاقد حواجبه شالت الزقاره من فمه وحطتها بكاس المويه
سلطان يناظرها:ليش
الهنوف بعتب وتعب:خلاص تكفى يكفي ..قهرتني
سلطان ببتسامه :طيب قدامتس مافيه
الهنوف برجى :ووراي بتشرب
سلطان :لا افكر ابعد منه ..وسهل علي..وبقرف ..وذالي فوق دابله كبدي وش اسوي فيها
الهنوف بنبره هاديه:سلطان حبيبي راح تعيش النايفه حياتها بدونك مع اي رجل اخترته انت او هي.. مشاعرها تختص فيها بتصبر وانت تحسبها مستانسه سلطان الحياه طويله خلى النايفه تعيش مثل مابغت اذا صار لها شي لاسمح الله في مستقبلها بتكون راضيه لانه بختيارها وذا كان بختيارك بتشيل في خاطرها منك طول حياتها او حتى جفت وتخلت..
اجلست على ركبها عند رجليه ويديها على فخذه وبنظرة رجى هاديه: متى هموك عيال عمك اذا تبي تسكتهم ارضى خواطرهن والباقي موب لازم
نزل عيونه لها بهدؤ تامل ملامح وجهها كانه يتعرف عليها من جديد حاوط وجهها بيديه وبنبره متعبه:ابي كل شي زين لهن حتى اعيال الوزراء والكباريه رفضتهم عشانها ...
امسكت يده الي على خدها وباست باطنها :لاتخلي شي يجي بينك وبين خواتك فديتك اسمع رايي...
سلطان بتفكير ابتسم :بسمعه ..انا جاي من فوق شايل بخاطري منها بس اقنعتيني ..اكييد زعلانه روحي قولي لها موافق..
نهايه البارت

[7btin]

67

وقف ووقفها معه تنهد بعمق وضمها بقوه ابعدت نفسها منه بقوه ناظرها بستغراب ورفعة حاجب
الهنوف:كتمتني بريحته الخايسه..
سلطان يزم شفايفه:لا تسذا مايصلح ..نفخ بفمه ويده على خصرها لفت بوجهها بدون شعور وملامحها توحي بتقزز
الهنوف:وبعد هاذا حرام والله..
سلطان يناظرها بشوق ويبتسم :يالله روحي لنايفه..
لفت بحراج من نظراته خذت شنطتها وعباتها من الطاوله:اشتقت لهم..مشت عنه وهو يرجع يجلس على الكرسي ويطق بصاابعه على الطاوله ونظره لزولها الي اختفى من بين الاشجار
افتحت الباب شافت امه جالسه على الكنب وتناظر التلفزيون
ام سلطان تلف للباب وبشوق وفرحه:مرحبا وحيتي يابعد روحي.
الهنوف تضحك وتضمها :بتس اكثر فديتس وش علومتس..
ام سلطان تجلسها معها على الكنب :زينه زانت اعلومتس والله يالهنوف ان لتس فقده
الهنوف تبوس راسها :ماتفقدين غالي اشتقت لكم واشتقت لنصور وينه.. ام سلطان :توه رايح اليوم يقول بيجهز بكره
الهنوف:هههه وش يجهز بكلات ولا مريول
ام سلطان :ههههه لعاب يبي المراح لرياض باي وسيله
الهنوف:بيتعود لاكبر انشالله
ام سلطان :انشالله ..النايفه لادرت انتس جيتي بتفرح كل الايام الي راحت فوق وبلحالها..
الهنوف :اجل انا بروح لها فوق..
ام سلطان :روحي لاتبطون وانزلو انتي وياها ..
الهنوف توقف :ابشري.. رقت لها فوق ركض على الدرج افتحت الباب عليها بقوه
الهنوف:مبروووك ياحلوه
النايفه تلف لها شافته وقامت ضمتها وصاحت :كل الظروف ضدي وش سويت في حياتي علميني وش سويت..
الهنوف تضحك :اكيد مسويه خير وهذا نتيجته
النايفه تبعد عنها وتمسح دموعها :ماتدرين عن شي محمد خطبني موب بندر بس سلطان رافض حرام زعلني منه..
الهنوف تجلسها على السرير وبغمزه :لا انا اقولتس مبروك
النايفه ترفع حواجبها :وش مبروكه مابي بندر ولا حد يقنعني اذا قايل لتس اقنعيني..
الهنوف:ههههه الله عاد والي بيقنعتس كل شي عنده تسحيب..
النايفه بالم :جايه من اهلتس مبسوطه.. مراح تفهمين مشاعري..
الهنوف:لا فهمتي غلط. .انا ماضحك على زعلتس انا مستانسه انتس خلاص بيتحقق حلمتس وبتاخذين محمد لان سلطان قالي بنفسه انااااا موافق
النايفه بعدم تصديق وبرجى :تكلمين جد
الهنوف :والله اول ماجيته شفته وقالي خطبتس فرحت لتس بس عقب مقالي انه رافض حنيت عليه الا ان وافق ..هاا افرحي لاتقومين تفكرين انه بيغير رايه
لمياء بفرحه اضحكت :لا لا خلاص مع ان اذا قال راي مايغيره ابد بس هذا اكيد ان احد داعي لتس بقلبه
الهنوف ببتسامه :والله فرحت اني قدرت اقنعه عارفه انك بتفرحين
النايفه تقوم وبسرحان :ماتقدرن تتخيلين وش كثر انا فرحانه بعيش مثل البنات بس يحبني انا..
الهنوف تخزها بنظره :طيب وش فيها هاذا انا ماخذه اخوتس منهم..
النايفه :لا لا كم مره نقول لتس سلطان غير عنهم سلطان معاش معهم سلطان خوالي موب اهلي ..
الهنوف:الا هو الحين معاد يهمني الا انه سلطان الي يبيني لنفسي وابيه وبس..
النايفه :ههههه فديتس الله يسعدتس مثل ماسعدتيني
الهنوف:امين ..يالله بروح اتروش وارقد تعبانه.
النايفه :نوم العوافي ياليت اقدر اروشتس انا وارقدتس
الهنوف:ههههه ..اطلعت من الحجره وهي تسمع النايفه تضحك ومسويه ضجه بالغرفه وهي بلحالها
ادخلت غرفتها صح رجع لها احساس ماتبيه اطردته من بالها وراحت تروش خلصت والبست بجامه وردي حرير وهي تحط راسها على المخده بتعب بطنها لازال يؤلمها شوي وتحس بزوعه ماقدرت ترقد وعينها تناظر الباب اي صوت برى تفتح عيونها مشتاقه له حيل صح حست باالااحباط من طريقة استقباله هادي وبعد تأخر مارجع للجناح..
تنهدت وانقلبت على ظهرها تنفست وهي تنفخ خصل شعرها من وجهها..ادخل وناظر لها
سلطان ببتسامه: لا زين..حسبتس نمتي..
ابتسمت واجلست بفرحه:انتظرك..
مشى صوبها واجلس على السرير جنبها تنفست بعمق وهي تحاول تبعد عنها االالم
سلطان بنظره حنونه :وش جاتس ياقلب سلطان..
الهنوف تبتسم :الله يخلي لي سلطان ..يبي لي انسدح بس شوي ويروح الالم
مد يده على المخده رتبها وعقب سدحها بهدؤ وانسدح جنبها ويده على بطنها :جعل يسقى لاجاء هنا بيبي..
الهنوف برتباك:قريب انشالله..
ابتسم براحه وامسح خدها بنعومه:تحبيني..
الهنوف ببتسامه حلوه نزلت عيونها:ايه احبك...
سلطان يبتسم :قد كرهتيني..
الهنوف تنفس بعمق وحراج:ايه ومن قلب بعد ..ومعي عذري
سلطان :ههههه يعني كنت استحق نظرة الكره بعيونتس لما كنا بايطاليا وبرضو لما رجعنا هنا..
الهنوف بدلع :يعني كنت تطقني وانا ماستاهل صدق سخيف ..
سلطان يضحك :لبى الحكي في ذمتي..شوفي انا انسان حراري وتجين بوجهي.. وبهدؤ فجاءه.. مع العلم اني ماكرهتس بيوم صح ازعل واحقد.. بس نظرة عيونتس غصب تحيرني مدري وش يصيبني تربكني ؟!. خذتني ياالهنوف خذتني...
الهنوف بخجل وارتباك:لعاب ليش تخليني اقول اكرهك من قبل وانت ماتكرهني احرجتني..
سلطان يهز اكتافه:يعني انتي ماسويتي فيني شي يستحق اكرهتس صح ماحبيتتس عشان كذا خفيفه يدي عليتس..
الهنوف ترفع عيونها له حطت يدها على خده:والحين..!!
سلطان يقرب منها ويضمها: الحين ..!!احبتس واموت فيتس انتي نعمه ماتوقعت بحصلها..
سبلت عيونها وابتسمت بفرحه وهو يناظر لها وذايب
سلطان بروقان :تسمح لي حبيبة سلطان بقصيده
اضحكت بخفيف :تفضل اسمعها بقلبي قبل اذاني
سلطان بسترسال وعذوبه:قالو تتوب وقلت بالطـرف مصيـوب
والله ماتـوب وصافـي الخـد ماتـاب
قالوا جهلـت وعقلـك اليـوم منهـوب
وكشفت سرك بين ربعـك والاجنـاب
قلت الهوى لقلوب الاحبـاب مرغـوب
ايات حـبٍ صـورت وسـط الالبـاب
قالوا بعقلـك ضايـع الفكـر منكـوب
قلـت المـوده ماتداويهـا الاطـبـاب
عقلي معي ماني مـن العقـل مسلـوب
انا الغريـق وكـل شـيٍ لـه اسبـاب
كان انكم تـدرون بالـي شفـى ايـوب
وجدٍ سطـى بالقلـب والحـب غـلاب
انا غريقٍ مـع هـل الحـب منسـوب
في زمرة العشـاق بالحـب منصـاب
ماطـاب لـي زادٍ ولا اريـد مشـروب
الي صفا لي صاحبي عسـل الانيـاب
يغضى بعينـه وافهـم العلـم مقلـوب
واسـري عليـه بليلـةٍ نورهـا غـاب
ويرخص لي الغالي الى حـل ماجـوب
وعن القرايب حط لـي ستـر وحجـاب
وابعدعن الشكه ولا انـوش لـه ثـوب
الا الحديـث وقرعـة النـاب بالنـاب
اخاف يصبح زين الاوصاف معيـوب
وهو عليه مـن الشـرف كـل جلبـاب
وعرضه نضيف ابيض ولا فيه عذروب
ولا حكـوا فيـه البعيديـن واقــراب
عليـه وجـدي فايـقٍ وجـد يعقـوب
وقلبي من اسبابـه بوسـط الحشـا ذاب
يلومنـي مـن لاشكـى حـب نبنـوب
فتـان لقلـوب العشاشـيـق نـهـاب
اصبح هو الغالب وانـا منـه مغلـوب
غـدا بعقلـي بيـن شـاري وجـلاب
ان كان شفته صفـق القلـب مرعـوب
بالصـدر كنـه بيـن لاوي وجــذاب
والدمع من مـوق النظيريـن مسكـوب
يخضر ديارٍ ممحلـه عقـب الاجـداب
ترقرقت الدموع في عيونها ابتسم و قرب راسها وباسها بين عيونها بشوق
سلطان يبعد راسها وبتنهاد :ليه الدموع يابعدي
الهنوف تمسح دموعها بصابعها: من زود الغلا ترخص لك دموعي.. ماقدر اعبر لك عن مشاعري..
سلطان ببتسامه جذابه:ناظريني بعيونتس وتكفيني من كل كلمه..
ضمته بيديها النحيله وبكت غصب عنها تحبه هو الرجل الي تمناه شخصيه وشكل وحكمه ياما تمنت يحبها وماوضحت له رجفان قلبه لشوفها الى ان بين لها حبه
ابتسم ويده على راسها يمسح شعرها ويسولف عليها بذكرياته
. . . . . . . . . . . . . . . . . . . . .
فى النعيريه –فى بيت بو مفلح
اصبحو الراشد وراهم مشوار لقريتهم حطو نوره ببيت امها عقب الغداء جالسين كلهم يشربون شاهي ويسولفون
ام مفلح تسولف هي وبنتها والباقي يعلمهم مفلح بسالفه بشغله
ام مفلح بهوجاس :خالتس كلمتني امس ملكة لمياء اليوم..
نوره تنهد بقهر:ماغيرت رايها..
ام مفلح :وليه تغيره رجال سنافي ولاعليه قصور..!!
نوره :مستعجلين على الملكه..
حس بانقباض في صدره من سمعهم ورافض احساس انه يمكن تكون هي
مفلح بهدؤ:من مكلته قريب ...
ام مفلح بحسره :لمياء ياقرادة حظك..
مفلح يتصنع ابتسامه :حظوظ عاد وش انسوي..
ابو مفلح :يستاهل عمر
مفلح يصد عنهم وبقهر:ودي ادري كيف رضو فيه
ابو مفلح يزجره :ولو منتب صاحي
قام مفلح بغيض ورقى لفوق ان مااقلقت منامتس يالمياء ماكون مفلح حسدن لتس واكون انا الرابح عشان تعرفين من تطنشين ..رقى فوق وجلس على السرير بتفكير طق الباب وادخلت نوره
نوره بدون مقدمات:الهنوف قالت لي قبل تروح بتخطب ساره ..
ناظره مفلح باستهزاء وانسدح على السرير ويديه تحت راسه
نوره :وانا معها يعني لمياء راحت وتوفقت وماعطتك اي اهميه.. وساره مافيه مثلها وش تنتظر..
مفلح يعقد حواجبه:ساره ان قلت لها تخلي الوضيفه بترضى..
نوره ببتسامه:انشالله انا بقنعها وبتوافق اصلن الوضيفه خذت عشان الفراغ
لف لها مفلح براسه :اذا رجع راشد روحت له ..
نوره بفرحه:الله يوفقك والله مافيه مثلها ...جمال وذرابه وحياء و..
مفلح بسخريه يقاطعها:حياء ..!!ليش ماقلتي لي عنها وانتي تدورين وتلفين حول لمياء
نوره تنهد:حسيت انكم مناسبين بعض والحين ربي ماكتب نصيب
لف لجواله يدق جلس وخذاه ورفع نظره في نوره :هذا محمد ..ممكن تطلعين او اطلع انا
نوره تلف بتطلع:لا انا بطلع.. اطلعت وصكت الباب
مفلح :مرحبا
محمد:السلام ,,اخبارك
مفلح :وعليكم السلام .طيب
محمد:ماطلع اسمك بالعمليه ذي
مفلح :متى بتكون
محمد :يوم الاربعاء او الثلاثاء
مفلح بتفكير :مافيه مشكله كلها قريب
محمد :انت منتب فيها في وحده ثانيه بعد عيد الحج
مفلح :لا بطلبها هاذي مناسبه اكثر..متى انداهمها.؟؟
محمد:اليل هذا طبعن الاجابه تمويه والوقت بعد بيتغير
مفلح :بتجي بالاستراحه
محمد :ايه
مفلح :لا اليوم كنسلها ابيك بمطعم ....
محمد :وش عنده كريم سبلا
مفلح ينفخ بفمه :انتظرك..مع السلامه..
محمد :مع السلامه
. . . . . . . . . . . .
اال الراشد فى القريه
نزلهم بالمدرسه وقعد معهم شوي بساحة المدرسه الاماميه الى وقفت العصر عقب راح
فاطمه تمشي لهن :حيالله ام ساره
ام راشد :الله يحيتس
فاطمه :مرحبا بش بين ربعش
ام راشد ببتسامه:بتس اكثر ياامي
ساره بصدمه :ماتشوفيني
فاطمه :لا سمحت منش ابي امش
ام راشد :ههههه انا وساره واحد
ساره تقرب منها وتسلم عليها وتضحك:ترى امي غير ماترضى فينى
فاطمه تضحك:هالايام بتحلو بوجودش لبى قلبش
ام راشد :فديتس والله انتس حبيبه
فاطمه :جهزي حالش ترى من يدرون اهل القريه بيمسكونش دول
مشو لداخل المدرسه غرفهم وفاطمه تنقل عفشها مع خوياتها عشان ام ساره
. . . . . . . . . . . .
فى قصر سلطان
سلطان :كلمتهم
مسعود:ايه طال عمرك وعلمتهم ان الطلب من صوبك وعلمته بعد هو تردد شوي وعقب ماعلمته انك صامل وافق وهم اطلبوه للملكه اليوم
سلطان بصوت واطي:زيين زين..ذا الي ابيه.. خذا تلفونه ودق عليه علمه بالموافقه واذا يبي الملكه يجي ذلحين
بعد صلاة المغرب دخل سلطان عليهم بالكتاب سلطان يجلس جنب النايفه الي تناظره بستغراب
سلطان :وقعي هنا..
النايفه :وشو هاذا..
سلطان :هذا كتب اكتابتس موب لازم حفله وشوشره اهم شي راس الرجال الطيب..
النايفه بخجل اسكتت ووقعت على المكان الي ياشر عليه
طلع وامها تبارك لها
انزلت الهنوف:وشو تباركون عليه
ام سلطان :النايفه تملكت
الهنوف بضحكه تضمها :مبروك ياما رفض ياما على السريع.متى صار
النايفه :هههه قبل شوي
الهنوف:الله يوفقتس ...
النايفه :وياتس ..
اطلعو منه الرجاجيل وراحو ادخل عليهن داخل
سلطان يحب راسها وبهدؤ:مبروك عليتس بندر..
النايفة بخوف : بندر من يا سلطان
سلطان:بندر ولد عمتس متعب..
ام سلطان بصدمه:ليه ومحمد
سلطان ببرود:محمد ملك قبل تملكين
ابعدت النايفه عنه ورقت لفوق بسرعه
الهنوف :هاذي كذبه ولا خدعه
سلطان :لا هاذي ولا هاذي محمد مايصلح لها وانا اخبر بمصلحتها
ام سلطان تصد عنه بعتب والهنوف تلحق النايفه بتردد
افتحت الباب وادخلت عليها لفت النايفه لها وبعصبيه وبكى :اطلعي برى جايه تعذرين لي من رجلتس ..هذا عدو موب اخو ..
الهنوف جات بتكلم اقطعت عليها النايفه بقهر وصياح :هذا موب ابوي..ابوي نايف والله لاادعي عليه واروح لموضي غصب عنه ..اطلعي برى انتي اطلعي..لفت الهنوف بعتب واطلعت والنايفه تصكر الباب بقوه انكمشت الهنوف على صكت الباب وناظرت سلطان الي يناظرها ناظرته بعتب وراحت لجناحهم اتبعها وامسك الباب قبل تصكه
الهنوف بعتب:ليش.. صدمتها بقوه
سلطان يمسكها ويمشي فيها لحجرة المجلس جلس وجلسها بجنبه
سلطان :محمد يبي بنت جماعته من زمان وجاي للوالده يبيها تفزع معه لااهلها يتوسط بها بس جاءه خبر انها تملكت وهو عند باب بيتي فخذاها فرصه انا منيب موجود والوالده تعزه وبعدها باايام تبين له ان خبر ملكتها كذبه
الهنوف :يعني مايبي النايفه يبي هاذيك
سلطان ينفخ بفمه:ايه يبيها مع انه خابر اني برفضه بس كان الامر خارج من سيطرته
الهنوف:طيب والنايفه زعلانه
سلطان يوقف وبقرف:اي اجدار بالبيت يعجبها تصك راسها فيه ..
الهنوف تبتسم ياروحي تبطي ماراضاها ولا انسحب من ملكتها..
...
فى بيت بو فهد
في النعيريه بعد العشاء تمت ملكة لمياء
ابو فهد :عاد لارحتو لجده لاتنسونا
عمر بفرحه:والله مدري بشوف اهل امي قريب منا اذا فضينا بنروح لهم
ابو فهد:واهلها مالهم حق
عمر:بنشوف ..ياالله ياعم انترخص منكم
راح وابو فهد وفهد لداخل على البنات المجتمعات
ام فهد:ااااه بتروح لجده بعد
فهد :وينها هي
غزيل :راحت ترقد
فهد :خخخخ مستحيه
نوف :اكيد بتستحي
ابو فهد بقهر:لا ياليته مزين كلامه لنا
ام فهد :كانك زعلان
ابو فهد:ايه زعلان رايحه ترفض بدر ولد عمها وتوافق على عمر
منيره :نصيبها عاد
غزيل :اهم شي لاتقولن قدامها بتزعل..
فوق دق جوالها تنهدت وردت
لمياء :هلا
الهنوف بقهر:مبروك
لمياء ببرود:الله يبارك فيتس ..
الهنوف:الحين ارتحتي
لمياء :تبين الصدق والله اني ارتحت..احس ان راسي مرفوع واتحداه يبي يغلط ويبينا نحبه ..
الهنوف بستنكار:مرتاحه لعمر
لمياء بكبر:ايه فرحانه عكس لو وافقت على هللي تبين ..
الهنوف :الله يهنيتس..مع السلامه
انفخت لمياء بفمها وصكته ..اناا تعبانه ياناس راسي احسه بينفجر ابي هواء او ابي اموت وانفك..
...
فى بيت بو فهد
نوره تلبس عباتها وبقهر :تملكت
ام مفلح :ايه الله يوفقها..
نوره ترفع راسها لفوق وهي تسمع صوت الحجرة ينفتح :لو عندي وقت برقى لمفلح ..بس راشد برى
ام مفلح :وش تبين فيه ..
نوره تنهد:من زمان ماشفته :يالله مع السلامه
طفى تلفزيون حجرته وطلع لبرى نازل لتحت
شاف امه توقف عقب ماشافته
ام مفلح :انا بروح ارقد تبي شي
مفلح :سلامتس انا بجلس هناه
راحت امه وهو جلس على الارض ونظره للسقف انا ماقدرت اصدق تملكت وراحت تمت ملكتها وانا اتفرج ..وش بيدي لا اقدر ارفض ولا اقدر اعترض ولا اقدر ارجع اخطبها ولا لى وجه انا وفعايلي..
من بكره بالليل
في احدى المطاعم المتواضعه بالنعيريه بس حلوه وهاديه واجواءها ولا اروع خاصه بالشتاء بهذا الوقت ( من عاش بالنعيريه اضمن لكم معاد يطلع منها ( ..
مفلح بتردد:اسمع
محمد بؤجل:حاس ان وراك مشكله
مفلح يبتسم :الا قل مصيبه .
محمد :اها كلبوها مجتمعه فيك..
مفلح :محمد عمر تملك امس ..
محمد:الله يوفقهم
مفلح بقهر:الله لايوفقه ولا يوفقها
محمد براعه:انت مريض الله يشفيك
مفلح بعصبيه:ايه مريض مجنون فيني بلى ..الله ياخذه والي جابه للبر..
محمد يهدي:اهدى اهدى يارجال..عاد تملكو وش تبينا نسوي ..انت تحبها من جدك اجل
مفلح بقهر وغيض:مهوب حب قده اعناد فيها ماتصير الاخيره ..
محمد:اقسم بالله ان السلال خامك ..
مفلح بملل وتعب:اسمع بس ولا تقاطعني..
محمد بصبر:اسلم ..
بعد ربع ساعه محمد فاتح فمه على الاخير ويده على راسه
مفلح يتنهد :وبس
محمد :استخبل الرجال
مفلح :ابيك عارف بالموضوع وبس..
محمد باستهزاء:يعني تبي تستشيرني ولا كيف
مفلح :لا انا متمم الموضوع وخالص ..
محمد بعدم استيعاب:ماصدقت لذلحين
مفلح بعصبيه:صدق لانه صاير صاير
محمد :جعلك القوم انت قسم وقسم بالله ان اتدهور حالك
مفلح بقهر يوقف:عطيتك خبر لانك اقرب قريب لي وابيك على بينه وبس ..اما حركات النصح مالي بها ..بمشي..ابعد الكرسي من وراءه بقوه وراح..
... . . . . . . . .

[7btin]

68
فى قصر سلطان
الساعه سبع الصبح قامت متسلله منه نايم طلعت لها ملابس من الدولاب واطلعت برى تروشت البست فستان وردي صوف لنص الساق وبوت واطي جففت شعرها من المجفف ارفعته فوق واطلعت من الحمام سيده لحجرة النايفه
طقت الباب انتظرت شوي وبتردد افتحته على النايفه المتمدده على الكنب وسرحانه
الهنووف بصوت قصير:صباح الخير
ناظرتها النايفه وارجعت تناظر السقف
الهنوف:كنت عارفه انتس صاحيه انا بقول لتس كلامي وبروح..
النايفه بهم وتعب :وش تبين تقولين.. خلاص انهاني رجلتس ضيع حياتي..
الهنوف:قصدتس عز مقامتس عند الي نزله ..محمد ماعمره فكر في الي تسوينه في نفستس
النايفه تبكي :لا تكذبين اخطبني هذي موب لعبه..
الهنوف بسرعه :محمد كلم امتس عشان تفزع معه لااهل هالبنت ارفضو وقهر منهم استغلتس عشان يرفع نفسه عندهم ويبين انه موب خسران
النايفه بهدؤ تمسح دموعها:ليش تقولين لي ذالكلام تبيني يعني ارضا بولد عمي..
الهنوف بقهر:انتي غريبه اختي لمياء تركها مفلح وهي تحبه وهو يحبها بعدها ندم على فسخه للخطبه بس قد فاته الوقت وانخطبت لغيره بس انها ماعافت غيره في انتظاره عزت نفسها وتحملت اقبلت عمر وهي ماتبيه كله بس عشان تبين له انها عزيزة نفس..
النايفه بدموع:والله اني مادري وش اسوي ..
راحت لها الهنوف ضمتها :انتي تملكتي ومحمد ملك على البنت قبل اتملكين..
ناظرت لها النايفه بصدمه والهنوف تكمل:يعني المفروض تنسين اترابه وتعيشين مع ولد عمتس الي شاريتس ويبيتس لنفسه موب انتقام من غيره..
صاحت النايفه بالم وطاحت في حضن الهنوف الي تنهدت بحزن لها
النايفه بدموع:والحين وش اسوي بزعل سلطان ..
هزت الهنوف راسها لها :قومي معي اول.. قومتها تروح تغسل وتنزل معها تحت للفطور في الحديقه افطرن وبعد ماجات ام سلطان الهنوف رقت لجناحها
. . . . . . . . . .
الساعه ثمان الصبح في مكاتب شرطة النعيريه
محمد يفكر في كلام مفلح البارح في المطعم تنهد بتعب ولف له
محمد::انت لذلحين مصمل ماترددت ..!!
مفلح :ولا لحظه .. وبتعب..ماقدرت يامحمد اصبر حتى النوم جفاني..
محمد بهدؤ:وتقول قده اعناد موب حب
تنهد مفلح ولف بوجهه عن محمد الي قام واطلع من مكتبه..
. . . . . . . . . . .
فى بيت بو فهد
ام فهد تصك التلفون وتلف للمياء الى انزلت:حددو عرستس
لمياء:متى..
ام فهد:بعطلة الحج...
لمياء بهدؤ:باقي شهر..
ام فهد:ايه... يصلح لتس ولا اانوخرهم شوي
لمياء :لا عادي مناسب ..مستقر في جده صح
ام فهد بحزن:ايه ..بيروح يوم السبت وذاجاء وانتهئ وقت العرس روحتي معه
لمياء بالم احسن خلني ابعد منه ومن مدينته كلها:جده قريبه ..
ام فهد تبتسم :دقت امه بدري الظاهر قايل لها تقول لنا قبل يروح لكليته
لمياء تهز اكتافها بعدم مبالاه
ام فهد:متحمس ويبي يحط عندتس خبر بحجزه ..
لمياء تنهد وقامت من امها واطلعت للصور تمشي في هواء الشتاء البارد
...
فى قصر سلطان
ناظرت ساعتها تسع الصبح قامت من الصاله تحت ورقت له فوق افتحت الباب بهدؤ مشت بالسيب واقف ينشف شعره من المويه لف لها وابتسم
الهنوف ببتسامه حلوه:صباح الخير
سلطان :صباح النور قايمه بدري..والجو بارد
الهنوف بحيويه:عندي شغل ..حذف الفوطه على السرير واتجه لها
حطت يدها على صدره توقفه
الهنوف:الجؤ بارد وانت متروش البس بجهز فطورك
سلطان :مابي فطور.. تكفيني بوسه.. بطلع
الهنوف ابتسمت وقفت على روس اصابعها وباسته وابعدت :وبعد لازم تفطر
خذا فانيلته والبسها : طييييب ...خليه باالبلكونه ياقلبي..
الهنوف:من عيوني ..لفت منه دقت عليهم من تلفون المطبخ جابو الفطور وحطو عند الباب
خذته حطته بطاولة البلكونه لف لها وراح يجلس بكرسيه
الهنوف بتردد:مدري وش تحب كافي او حليب
سلطان يحضن كفها ويبوسه :ابي حليب يابعد عمري
الهنوف ببتسامه راحه:ابشر.. صبت له ومدته له ..الحمدالله انه حليب مايصلح كافي على الصبح..
سلطان ياخذه منها:هذي اول مره اشرب حليب على الصبح..
ناظرته بتساؤل .يعني كنت تشرب كافي..
سلطان ببتسامه:ايه ..دريت انتس من اهل الحليب اشوفتس مع الفطور..
مدت يدها على كاسه وخذته منه حطته على الطاوله وصبت له كافي ومدته له
الهنوف تهز اكتافها بحراج:مادريت..
سلطان ببتسامه :عطيني كوب الحليب بشرب هالمره لخاطرتس
الهنوف تحط الكافي قدامه على الطاوله وبهدؤ:لا مابيك تخليه وانت نفسك فيه عشان خاطري ..انا بشرب الحليب..؟؟
ناظرها ونزل راسه يشرب قهوته بسرحان
سلطان فجاءه: الرجال الي كان تحترين وينه...
الهنوف:مدري...
سلطان :لا تدرين ليش جيتي تطلبين ورقتتس!!..
لفت له بوجهها:طلبتها بعد ماارجع عبد العزيز يخطبني عقب ماجيت من البر...
سلطان :يعني كانو دارين انتس متزوجه..
الهنوف بهدؤ : ايه ..لانك قلت ليله وتروح..اسكتت ولفت منه
نزل فنجان القهوه الكبير ولف وجهها له
سلطان ببتسامه:انا ماسألتس عشان تضايقين ...طيب كملي لي وش صار!!.. انتظر
تنهدت بالم امسكت يده الي على خدها:خطبني وانا جيتك ابي ورقتي لانه مستحيل اجلس معلقه وانت مادريت عني ..بس كانو يحسبوني مطلقه من الوقت الي خذيتني فيه..
سلطان برفعة حاجب:يعني اخطبوتس حتى وهم دارين انتس مطلقه..
الهنوف بغرور :ايه يقول ماعليه ..
سلطان بنرفزه:يعني يحبتس..
ناظرت فيه وتكلمت بستغراب:مدري ..مقد شافني في حياته ولا قد شفته..
سلطان يرجع لطبعه وبهدؤ:كان برسلها بس نسيت انشغلت مع الوالد في وقت المؤتمرات الخليجيه ..
الهنوف بقهر حاولت تخفيه :لانك تقدر على شي انا ماقدر عليه... طبيعي تنسى
سلطان ببرود:كانها ماثره عليتس بدايتي معتس...
اكبتت دموعها وبهدؤ:حطيتني في موقف محرج عندهم ..بانت العبره بصوتها وبكت..انحرجت من ابوي والبنات حتى اذا تخيلت ان كلن درى سواء رجاجيل ولا حريم..
سحبها من مكانها وحطها بحضنه ويده على راسها
سلطان :انتي الحين تحبيني... هزت راسها بايه
ابتسم ورفع وجهها له:وانا احبتس والله اني صادق.. انسي ذالامور كلها وخليني انبسط معتس وتنبسطين مهيب فايدتس بشي خاصتن اني معاد اقدر اتخلى عنتس . . امسحي ادموعتس لعاد اشوفها.. مد يده وامسحها له باطراف اصابعه
ابتسمت وامسحت بقايا دموعها
الهنوف:جعل عيني ما تبكيك ..
ضمها لصدره وبهدؤ:ولا تبكيتس عيني..اليوم بعد الظهر بروح لاسطبلاتنا في الشمال عندي مشكله..كل مازان لتس الوقت دقي علي ..انتي تعرفين اني ماقدر اتصل
الهنوف تذكر رسالة اخوه له وبتوتر:تكفى ياسلطان والله ماتعيش نفسن بعدك قد ذاقت حبك..
ابتسم ومسح ظهرها وببتسامه مستغربه:ليه تقولين هالكلام مهوب صاير الا كل خير مجرد مشكله بين العمال
الهنوف بحراج:انا مارتحت لذا الروحه..خايفه عليك
سلطان يوقف ويوقفها معها:سلطانتس ذيب.. رفع حواجبه لها بتاكيد
الهنوف بحزن ورجى:طلبتك ذالمره لاتروح
اعقد حاجبه وبشوق:لاتزهميني يالهنوف وانا لازمني المراح..
تنهدت بهدؤ :الله حافظ كل حبيب لحبيبه..
مسح خدها وضمها بقوه:ايه هاذ الكلام .. باسها وتنهد وهي بين يديه
سلطان :يالله ودعتتس الله...
دخل للحجره يلبس ثوبه وهي واقفه عند باب البلكونه رتب اشماغه مسح وجهه والتفت عليها
سلطان ببتسامه تعب:لاتناظريني كذا..
نزلت راسها بالم :ياويلي ياسلطان...يوم صارت دنياي على الكيف خليتني..
سلطان بشك عقد حواجبه راح لها وضمها :وش سامعه..وباصرار وقهر..وش فيتس منيب رايح لين تقولين ليه هالخوف كله..
الهنوف تنفس بعمق تخفي عبراتها :رسالة اخوك ..تحلمت في الليله نفسها انك مقتول...سكت وهو يسمع صوت شهقاتها المتواصله..بعدها منه وهو يرجع ينسف اشماغه
سلطان :اضغاث احلام ..امسحي ادموعتس والله انه غابني ان دموعتس تنزل وسببها بندر (اخوه الي اصغر منه من ابوه..(
الهنوف تمسح اعيونها:روح بدعي الله يحفظك من دعى الله مايخيبه..
سلطان:والنعم بالله ..طلع بسرعه قبل لاتثنيه من رايه تنفست بألم وهي تذكر حلمها كان ماهمها جدا بس الحين وش الدنيا بلياه
.................
فى النعيريه – عند مفلح
جالس في السياره :كم الساعه بالضبط
محمد وهو منزل نفسه:عشر حكم
طفى نور السياره ووقفها تحت العماره
محمد :كيف رضى الضابط عبدالله يحطك في المداهمه رقم عشره..
مفلح :قلت له عندي ظروف في المداهمه الي وراءها وبدل اماكنا
محمد بهدؤ:تسهل اولها الله يستر من تاليها..
مفلح وهو يناظر الرجال الي يدخل العماره وبعده اجنبيان
محمد:نتصل على فرقة محمود ولا لين يستقرون في شقتهم
مفلح برتباك من الي بيسويه :لا دق خلنا نخلص في الشقه ولا برى عادي اهم شي ممسكوين
دق محمد لهم نادى عمليات رقم فرقة محمود انزلو من سيارتهم بهدؤ داهمو العماره متقدمهم مفلح الي متحفز يكون اول من يمسكه
شافه يطلع من الشقه براعه وهو يصك بابها بسرعه
امسكه مفلح بسرعه وبقية الوحدات تهاجم الشقه
عمر براعه :وش الي يصير
مفلح يمثل المنصدم :عمر انت من اهل ذالاماكن ..
عمر يتبرى بصوت عالي:انا مدري عن شي ..وش صاير .تلفت على الشرطه الباقين وهم ينزلون الاجانب ومكبلينهم والشرطه محاوطه الاماكن
مسفر:مفلح سعودي الي معك..
مفلح يناظر عمر بقرف:للاسف ايه ..بس خلوه بجيبه في سيارتي انا ومحمد..
مسفر:لازم كل المتهمين في سياره وحده
مفلح يناظر عمر ويقصر صوته :انا ماقدر اكبلك بخليهم ياخذونك هم وانا بجي اتصرف عند القسم
عمر بخوف:طلعني من ذالمشكله
مفلح وهو يناظره عقب ماخذاه مسفر وكبله مشى قدامهم
انزلو كلهم اركبو سيارات الشرطه ومفلح يترك محمد يرجع بسيارته ويركب مع المتهمين في سيارتهم
مفلح قريب من عمر المكبل ويرجف
مفلح بصوت قصير:وش جابك عند شقق الدعاره ..سمعتك ماتهمك وقدك مملك كيف تسمح لك نفسك تسوي كذا ببنت خالتي
عمر برتباك:والله يامفلح اني برئ
مفلح بلعانه:برئ وانا اشوفك بعيني..
عمر بنهيار:والله ان واحد داق علي ومواعدني بذالعماره ومعطيني رقم الشقه مادريت عن شي
مفلح زم شفايفه ماسك فرحته بتمام كل شي وهو يتذكر تلفونه لعمر من كابينة في الشارع يواعده بالعماره بدعوى انه صديق قديم
مفلح يلف عنه:لازم يدرون اهل مرتك ومرتك بعد بما انها بنت خالتي ويهمني امرها ولاكيف تبيني اعيش عرضي مع واحد زيك...
عمر براعه :تفضحني وانا برئ يشهد الله
مفلح بهدؤ:خلص نفسك من ذالزواجه وعقبها بخلصك من الحكم...
عمر بضيقه :اخلص نفسي منها وانا برئ ..
مفلح بقهر:وش برئ وانت بشقة دعاره..
عمر :وش الحكم علي
مفلح يناظره بستهزاء:اربع سنين وسجل اسود لاي شهاده تقدمها الى اصحاب الاعمال
عمر بتوتر :اذا جينا اهناك بشوف وش اسوي
مفلح بغيض :ظنك انك بتقعد على ذالزواجه ...
عمر يناظره بقهر:انا عارف انك حاقد علي تبيها بس مانيب مطلقها...
ناظره مفلح ولف عنه يناظر للشارع ودمه يغلي اوصلو مركز الشرطه انزلو ووادعوه السجن الى ان تبداء محاكمتهم
محمد برتباك:وش سويت..
مفلح واقف برى:هههههه مايبي يطلق مشكله الي مايعرف قدر نفسه ..خذا جواله وابعد من ازعاج الناس حوله شاف ساعته 11 اتصل الحين ولا بكره الصبح ..بس مافيني صبر ابد.. اتصل على ابو فهد بدون تردد
ابو فهد:مرحبا
مفلح :السلام عليكم
ابو فهد:وعليكم السلام
مفلح :ياعم ..صاير مشكله بسيطه نسيبكم ماسكينه في شقق الله يستر علينا وعليه..
ابو فهد براعه :وش نسيبنا
مفلح :عمر ..
ابو مفلح بخوف:وش يسوي فيها..
مفلح ببتسامه مذنب: والله ماودي انقل لكم ذالشي بس لازم يوصلكم العلم مارضاها لكم..مسكناه في شقق دعاره بس هاا ياعم لايطلع العلم منك انت وصاحبة االامر رغبه ان نستر عليه..
ابو فهد:لا حول ولا قوة الابالله ...جعل امحق رجال يملك ويروح صوب الحرام ..الله لايعينه ولا يجزيه خير
مفلح ينزل راسه تحت :عطيتك خبر ..اتمنى ان الامر مايقعد على حاله وتعينون لكم صرفه معه..
ابو فهد بغضب:يخسى يشدها بيده وذي اعلومه.. هو عندكم في المركز..؟؟
مفلح ابتسم بفرحه:ايه نعم..
ابو فهد:انا بجي بكره وان اطلع انها حقيقه ذالامور والله ان يطلق..
مفلح:انشالله ان ربي يفرج لكم..
صكه من ابو فهد وهو يستعد لخطته الثانيه نزع كبوسه من راسه ومسد جبهته بفرحه وندم شوي راح لزنزانه وطلب عمر
عمر عند حديد السجن
مفلح :ابو فهد درى بمشكلتك وحالف ان يرفع قضيه عليك بشهادة الشرطه عدم صلاحك..
عمر براعه :مايحتاج يرفع .. ناقص زيادة مشاكل..بطلق بطلق
مفلح بتمثيل:يقول معاد يبي يقابل وجهك...
عمر :وش السوات دبرني تكفى..
مفلح :شف انا بحاول اني اطلعك بقول اني عنده يوم دق خويه واكذب عليه.. ووانا كنا انراقب المحل موب مع الموجودين اثناء المراقبه
عمر برجى:ايه طالبك
مفلح :بس موب اليوم. بكره الصبح الساعه سبع قبل يجي ابو فهد بجي واطلعك وانت على طول للمحكمه وتطلع اورقتها
عمر :صار بكره اجل وعدك ..
مفلح ببرود يناظره وبصوت خافت:انطقها ذلحين قدامي..وبكره طلع الورقه
عمر بحسره:وش اسوي..الي بيفديني بنفذه وش لازمني
مفلح يقرب من الحديد وبجمود :قول لمياء طالق..
عمر بدون مقدمات :لمياء طالق..
لف عنه مفلح بسرعه وهو يبلع ريقه طلع من بوابة السجناء استاذن من دوامه وطلع لمحمد الي ينتظره في السياره
مفلح يفتح الباب ويصكه بقوه وبفرحه:فكني الله منه
محمد ببتسامه :وش نهاية الشيطان معك..
مفلح يضحك بسعاده:اول مره احب الشيطان .. وبفرحه...طلقها قدامي
محمد :طيب يعني ذا طلقها خذيتها..
مفلح بتفكير:اليوم الاربعاء يوم الجمعه بارك لي...
...........
فى القريه عند سارة
سعود:هههههههههه هذا عشانش كلبه
صيته بزعل:فشلتني قدام خوياتي يامحق مدح
مضاوي :تستاهلين انا كم مره اقول لش لاعاد تجينها
سعود مازل يضحك:انا ذالمره الي قلت لها قولي..
مضاوي بصدمه :وش قايل تقول وهي اخبيله طاعتك
سعود ببرائه:قلت قولي لها ان فيه واحد معجب بش واني سمعت جماعتنا يقولون انها قدها مخطوبه له
مضاوي براعه :ياويلي ياسعود عنكنك استخبلت وعساهي الكلبه ماقالت انه بعد انت
صيته بفشله:كان بقوله بس هي هزئتني توني اعلمها بكذبة خطبتها..
مضاوي:احسن هين ياسعود والله معاد اتدخل فيك
سعود وهو يقوم لها :لا طلبتش مالي غنى عنش ..اشر على صيته ..هذي بلى اتعبر بها
صيته بقهر:يعني كذا فشلتني عندها وتخليت عني
سعود:اسكتي بس ليش تطيعني وانتي عارفه اني مخربها
صيته تقوم وبغيض: بخليها تحبني وباثر عليها لين تكرهك وبلعب في عقلها
سعود يضحك ويستهزي فيها :ياويلي منش تكفين خليها تحبني ..يالله انقلعي من بيتنا وش جابش
صيته تفتح الباب بقوه الى ان صقع بالجدار وطلع صدى شافته يوم جاءها يركض اصرخت وانحاشت
اطلعت مضاوي اتوقف عند الباب وهي تشوفه يلحقها في الصور اطلعت وطلع وراءها في الشارع . . سعود يوقف منفشل نزل اشماغه المتعوصم به
ام راشد ببتسامه:يالله حيه ابو حسن
سعود منزل عيونه ويسترق النظرات :الله يحيش ..كيف حالش..
ام راشد:زان حالك ...وين بيت ام فارس
ساره تناظره بقهر من عقب سالفة صيته لها
سعود:موب حولكم انا بوديكم لها
ساره بهدؤ:يمه انا برجع
ام راشد:ليه وسعود قده خلاص بيودينا
سعود:كيفش اهم شي الوالده انا بوديها توسع صدرها عند جماعتها...
لفت عنهم ساره وارجعت مرت المحطه شرت لهم خبز وجبن ومشروبات واقعدت تنقى بعض الكاكاوات خلصت واطلعت وهو يوقف يعبي بنزين
سعود عقب ماشافها لف السياره ومشى لها..
حست بالقهر وهي تشوفه يمشي باتجاها مايفهم هذا وبكل مره يتعرض لي بالشارع
سعود بصوت هادي وهو يقرب منها :ترى الكلام الي اوصلش من صيته حطته من بالها..
ساره :مافيه دخان من غير نار..انا غريبه عنكم مايجوز اتطلعون علي كلام موب في صالحي ولا صالحك..
سعود:حقش علي وانتاسف منش
ساره توقف وتلف له :من قبل اليوم والكلام الي اتروحه مع مضاوي كله مايبين وراءه رجال يخاف على سمعته وسمعت الي يسلم عليها..
سعود:والله مشكلتش انش فهمتيها كيذيه..انا عايش عند ربعي كلهم كذاته لاحبو بينو مشاعرهم وش ذنبي لاحبيتش وعبرت عن مشاعري مثلهم..
ناظرته بصدمه لفت منه برتباك وكملت طريقها بسرعه
....................
فى بيت بو فهد

افتحت فمها بصدمه وخوف :متى صار ذالكلام..!!
ابو فهد بتعب:امس دق علي مفلح وعلمني..روحت لهم المركز بعد الظهر قد عمر طالع ويقول مفلح انه سافر وعطاني اورقتس
لمياء بانهيار في داخلها تطلقت ومفلح بعد الي جايب اورقتي ودرى انه ممسوك في عمارة دعاره بانت بملامحها الهم والتعب والهزيمه لنفسها
ام فهد تناظرها وبقهر:الله لايوفقه ..لعنبوه ماستحى على وجهه
ابو فهد: سافر عقب سواته توى اخوي مضحي جايني يتاكد من ذالكلام ويتشره علي الي وافقت عليه من البدايه...لف للمياء .. علمتس بسواته وانا ماودي بس عشان يسمح خاطرتس منه..
لمياء بقلة حيله:سامح من زمان ..رقت فوق افتحت الباب بتعب صكته وصاحت بقهر طلقني قدام مفلح يهون عندي انهم ماسكينه ولا طلقني قدام مفلح اكيد يتهزاء فيني ..اجلست ويديها على راسها وتصيح بضعف
الشغاله واقفه عند باب الصاله:ماما بابا مفلح برى يبغى انتي...
ام فهد تقوم وتطلع لها برى دخلته مجلس الحريم اجلس وهي تلف بتطلع تجيب القهوه
مفلح بسرعه :لاتجبون لي شي انا بقولتس شي وماشي ...
ام فهد ترجع :عسى خير ...
مفلح بهدؤ:الخير عندالله ..انا ياخاله زعلني الكلام الي طلعوه على لمياء ولا ارضاني
ام فهد بخوف:ليه وش الكلام الي يقولونه..
مفلح يرفع راسه لها:ماعليتس امر نادي ابو فهد قبل..
قامت ام فهد اتناديه ومفلح ياخذ نفس ابعد منه التوتر وهو يشوف ابو فهد يدخل عليه قام له حب راسه واجلسو
ابو فهد بهم:وش صاير ياولدي
مفلح منزل راسه:العرب يقولون ان لمياء معه يومه في الشقه اموديها عقب مامسكوه ودرى كلن في سالفته وطلقها ..
ام فهد بحزن وبكى:ياويلي والله انها عندي كل وقتها..
ابو فهد بقهر وغيض:جعله مايجزاه خير ..خرب عليها مستقبلها
ام فهد تعبر:لو تدري بعد بذالكلام وش بيصير فيها
مفلح يعكف شفايفه بندم يالله الخيره..
ابو فهد منزل راسه :معاد احدن متقدم لها وهو يسمع ذالسوالف..
مفلح بفرحه عض شفايفه تحنحن وبهدؤ:انا الي بتقدم لها..
ابو فهد بضيقه صد منه:منتب ملزوم تغطي غلط غيرك.. تجبر نفسك على شي ماتبيه وربي انشالله بيعينها..
ام فهد بسرعه:اذا اظروفك زانت ماعليه..
ابو فهد يلف عليها وبقهر:ماعليتس من الرجال لاتحدينه على شي مايبيه
مفلح ببتسامة راحه:اي والله انها زانت واني ماخليتها اعياف ..انا طالبها ابيها لنفسي موب لشي ثاني..
ابو فهد بتردد:مادمت قدمت نفسك فانا منيب رادك
مفلح يوقف:افضل لو انملك الحين نقطع الحكي عنها...ولاتبين لحد انها تحسست من ذالمشكله..
ام فهد :اذا قدرت تجيب شيخ جب هاالحين..
مفلح بهدؤ:اخاف ترفض...
ابو فهد يوقف:لاااا انا متاكد انها مهيب رافضه ترفض وجايها رجال طيب شرواك..
مفلح :تسلم شرواك الطيب..اجل بروح اجيب المملك
طلع منهم وابو فهد يلف على مرته
ابو فهد:علميها مافيه رفض الحمدالله الي ربي ارزقها بواحد مثل مفلح وبه شكه بعرسها مره ثانيه
ام فهد تقوم منه وترقى فوق لها افتحت الباب شافتها تصلي العشاء انتظرتها لين خلصت
ام فهد تقرب منها وتوقف عندها وبتردد:شوفي ابوتس بيروح يصلي العشاء ذلحين لاجاء هو والي معه خلتس جاهزه
لمياء ترفع عيونها المنفخه من البكى لامها وبستغراب:من الي معه
ام فهد تلف بعيونها منها وبتردد:مفلح يبي يملك عليتس ..وابوتس امحذرني لاترفضين واكيد ان فيتس عقل وتفكرين صح
لمياء بصدمه واستنكار :انتو موب صاحين توني مطلقه انتو الي فيكم عقل..
ام فهد بعصبيه خفيفه:العرب طلعو عليتس كلام وانتس رايحه مع عمر لشقق ...وش رايتس انهون من مفلح ونخليتس اتعيشين عانس
لمياء تنزل دموعها بغبينه وذل:وليش يطلعون علي كلام وانا ماسويت شي ...انتو عاد روحتو وقلتو لمفلح تعال استر عليها من كلام الناس..
ام فهد وهي تفتح الباب:لا هو الي جاء وقاله لنا....
حطت يدها على راسها وبكت بالم يارب وش اسوي اكيد انه مثل ذالناس صدق وجاء بيستر علي موب واثق فيني بكت بقهر وانسدحت على سجادتها
بعد ماصلو العشاء جاء الشيخ وقع مفلح وودو الكتاب لها فوق بعد مارفضت انها تنزل رقى لها ابوها
ابو فهد يفتح الباب دخل بسرعه عدلت جلستها وهي تشوف في نظرته الجديه
ابو فهد ياشر على مكانها بدون كلام ناظرها بقوه وكانه ناقد عليها وقعت بسرعه وحطت القلم..لف منها وطلع ناظرت الباب وراه اسرعت وقفلته وقلبها ينبض بقوه انا متحلمه الحين بقوم بقوم
دخل عليهم بالدفتر ومفلح يناظر في فمه وش بيقول
ابو فهد:الله يوفقهم ويبارك لهم
عض على شفايفه بدون شعور اخيراااا
سلم عليهم الشيخ وطلع مع مفلح الي بيوصله هو ومحمد ركب الشيخ قدام ومحمد ورى
الشيخ :مبروك ..جمع الله بينكم بخير
مفلح بفرحه :الله يبارك فيك ويجزاك خير
محمد بضحكه:متى نويت العرس
مفلح :هههه ان الله راد بكره
محمد :ههههههههههاي

[7btin]

69
فى قصر سلطان
ترددت تدق عليه خايفه لايعطيني مفصول ولا مغلق عقبها كيف بهدئ
النايفه :وش اتفكرين فيه
الهنوف ببتسامه قلقه :افكر فيتس
النايفه :ماظنيت ...
ام سلطان :منتب وجه خير ينويفه يوم طلعتي من عزلتس راح سلطان
اطلعت النايفه في اليوم الي مشى فيه سلطان للشمال تاسفت من امها وانها خلاص رضت ببندر وزعلانه على نفسها والي سوته
الهنوف:راح وبيجي انشالله
النايفه تصغي لها وبهدؤ:ليش انتي كذا قلقه صاير شي
الهنوف تلف لها وبتصريفه:تعالي علميني ..الحين اقتنعتي بكلامي ولا هذا تمويه لموجه جديده
النايفه بتعب واحراج:لا انفشلت من نفسي وانحرجت والله يالهنوف من طلعتي من الحجره وانا احس اني مصدومه من نفسي كيف وهمت نفسي والمشكله انه تملك واانا قدني بعد متملكه
الهنوف:زين يعني مقتنعه
النايفه :ايه الله لايوفقه كان خاطبني يبي يصرف اموره
الهنوف : استغفري ... كلن راح في طريق
النايفه تنهد بالم : استغفر الله بس هو سبب مشكلتي مع سلطان وخلاني اتلفظ عليه.. نزلت عيونها بندم وقامت رايحه لحجرتها لفت الهنوف على خالتها الي انسدحت ونامت خذت الجوال وارسلت له بدون شعور
. . . . . . . . . . . .
عند سلطان
سلطان داخل الاسطبل ومحمد جنبه
محمد بستغراب:يعني قد لنا شهر من سحبت المكليه منه ومختومه لك ومادرى انها قدها لك
سلطان يدخل يديه بجيوبه:ايه يتوعد العمال ذالخايس خوفهم واخلفوني
محمد :علموكم اهناك
سلطان :ايه ..دق علي مـ...سمع صوت الرساله بجيبه وطلعه فتح الرساله قراءها وناظر لمحمد الي يناظره تحرك من قدامه وطلع برى
فتحها وببتسامه وعيونه تلتهم الحروف بشوق
البارحه راسي تصافق طواريه
والنوم ماله يمت العين حروه
يلعب في راسي صوت صلف المشاريه
ماهمني شهره ولا جمع ثروه
همي وغمي واحدن يوم القايه
يتل قلبي في الهوى من عراويه
تل الرشى دلو الثلاثين عروه
يتله الي حامي القيض حاديه
قلتها وكل اناء ينضح بمافيه
وفي العمر يبلغ العز ذروه
واليوم ذاه يااوله وين تاليه
والنوم مالها يمت العين حروه
تنهد ببتسامه وش كنت ياسلطان وش صار حالك الحين انا اجل الي احس بضعف من ذالحكا بس هاذي جات من واحدن اغليه..
رسل لها ودخل على محمد الي ابتسم عقب ماشافه داخل
سلطان:اشوفك تبوسم
محمد ببتسامه :اييييه دريت ان سلطان بن نايف اقفى
سلطان :وش قوم سلطان بن نايف مايقفى لخاطر الهنوف..
ابتسم محمد وهو يتذكر شكلها عند الوايت ابهرتهم بجمالها وشعرها ونعومتها فاز بها سلطان والوني داري انه يوم خلاني احرك انه مايبيني اشوفها..
. . . . . . . . .
فى قصر سلطان
خذت جوالها بتردد خايفه جعل يسقى لشفته واقف عند الباب..افتحت الرساله
( خاني القصيد مالقيته يعبر عن شوقي لتس احبتس يابعد شوف سلطان )
تنهدت براحه والابتسامه تشق حلقها تنفست بعمق رقت لحجرتها افتحت الجوال على رسالته وحطتها قدام عيونها وهي تحاول تنام
.........
فى القريه عند ساره
صيته :ابلا ساره شوي لوسمحتي
فاطمه:هاذي وش تبي بش كل شوي جايتش
ساره بزهق:وش اسوي بها شكلي بصقعها بالحكي وانفك..قامت واطلعت لها
ساره :نعم ياصيته
صيته بفشله:اانا اسفه ياستاذه هو يعلمني وانا الي روحت ونقلت لش الحكي ..ترى هو زعلان علي الى وقتش هذا
ساره :معليه اسفتس مقبول ...بس شرط انتس معاد تجين عندي ولاعاد تنقلين حكي مره ثانيه
صيته براحه:ابشري عى خشمي ...بس تراهو قال تعذري لي منها
سار بضيقه :صيته
صيته بخوف:خلاص اكذب عليش ماقال
ساره :انا عارفه انه ماقال فهمت حركاتس ..لفت منها ودخلت
ارجعت صيته لخوياتها
هيا:وش قالت لش
صيته :ياليتني مافزعت له وروحت استسمح منها
هيا:ويلش منها لتزعل عليش وهو السبب
صيته :معلي منه وش دخلني ليش يتكلم عندي وانا ماعندي صبر
هيا:كيفش انشالله يشدش وانا اعاين ويخبز وجهش
. . . . . . . . . . . .
فى قصر سلطان
النايفه بفرحه :طيب دقايق ..صكت التلفون ولفت للهنوف..روحي البسي لتس اجلال نواف بيدخل
ام سلطان :هاتس اجلالي ..لفيه عليتس
خذته الهنوف لفته وغيرت مكانها
تحنحن نواف وادخل عليهم
نواف :السلام عليكم
ردو السلام وهن يقومن يسلمون عليه ضمته النايفه بفرحه راح لامه والنايفه ماسكه يده حب راسها ويدها وضمها
وجلس جنبها في الصاله الشعبيه وقدامهم القهوه
الهنوف:الحمدالله على السلامه
نواف:الله يسلمتس ..وش لونكم
الهنوف:بخير الحمدالله.. مبروك الشهاده
نواف يبتسم:الله يبارك فيتس ..وش دراتس انها معي اخافني خليتها..
الهنوف بضحكه:بعد تروح عشانها وترجع بدونها
نواف:ههههه لا توبه الحمدالله قدها في الشنطه
ام سلطان بحنان:وش سويت في ذالوقت الي راح كله
نواف :ابد صمت عند اخوياي وافطر عندهم ,,وابركه قعدت اذاكر موادي وجبت فيها درجات مرتفعه ارفعت نسبتي مع اني راسب
النايفه :كلها بركات سلطان
نواف :وينه ادق مايرد...لف للهنوف..هو موجود
الهنوف:رايح للشمال...مدت له فنجال القهوه وخذاه منها
نواف :ايه ..هااا وش اخبار عرستس يالنايفه
ام سلطان :عرسها في عيد الحج
النايفه :اقريب مره ..انتو الخسرانين بروح واخليتس يمه
ام سلطان تناظر الهنوف وببتسامه :روحي انا عندي الهنوف تسواتس..
نواف :الام مالها الابنتها الهنوف مرت سلطان
الهنوف بهدؤ:انا بنت لخالتي ومره لسلطان..
نزل راسه ببتسامه وهو يحرك الفنجال بيده
ام سلطان :جعل ربي يسعدتس .. وناظرت النايفه ..النايفه اتروح قدني سامحه منها
النايفه:بس ماعلي منكم بجيكم حتى لو سامحين
نواف يضحك :ياحليلكم والله اني اشتقت لكم واشتقت لبيتنا
ام سلطان :وانا بعد اشتقنا لك ولشوفك الحمدالله على ذالساعه
نواف :وينه انويصر لذلحين يروح لهم
النايفه :ايه حتى خميس وجمعه مايجي
نواف :هذا لو ياخذ له وحده من الرياض ويحبها معادبكم شايفينه
النايفه بخبث تناظر الهنوف:الا صدق الهنوف انتي تحبين اخوي سلطان..
فتح نواف عينه عليها بزجره
النايفه تضحك :يالله جاوبي
الهنوف ببتسامه:ماهوب لازم تعرفين جوابي لقد اعرفه سلطان..
نواف يبتسم وبنظره خاطفه لها وبعد استقر نظره لنايفه
ام سلطان :لو حنا سالين النايفه كان قالت حبيبي واحبه
نواف :والبنات مثل بعض يايمه
النايفه :ههههه لاتقلبون علي...
مد فنجاله للهنوف وهزه بمعنى بس ووقف
نواف :بروح اتروش وانام تعبان لاجاء سلطان قوموني
ام سلطان :نوم العوافي ...خذ راحتك
رقى فوق والهنوف تلف لنايفه
الهنوف بقهر :وش عندتس ياحماره تساليني قدامه
النايفه :هههههه والله بشوف وش بتسوين
ام سلطان تقبصها :تحسبينها خبل مثلتس
النايفه .اااي يمه ماحبتس القباصي
الهنوف:ههههه والله انتس تستاهلينها ...بروح اصلي لاتنتظروني على الغداء
ام سلطان :ليه...
الهنوف:بس فديتتس..ودي ارقد شوي راسي يوجعني
ام سلطان :سلامتتس اجل.. وبتردد..يمه ماحللتي اخاف حملتس يحتاج اعلاج..
الهنوف بملل :لا ...انشالله قريب
ام سلطان :انشالله ... شوفت ولد سلطان هذا منى عيني وسعدها
الهنوف بهدؤ:الله كريم ..رقت لحجرتها افسخت اجلالها احذفته على السرير صلت ونامت على طول امس اليل ماقدرت ترقد
. . . . . . . . . .
فى بيت بو مفلح
نوره بفرحه وصدمه:يمه تكلمين جد.ماصدق ماصدق
ام مفلح بتفكير :لذلحين وانا مستغربه تطلقت من عمر ثم تملكت مفلح..
نوره بتحفز وبدون صبر:اساليه شوفي..
ام مفلح :توه مابعد جاء علمتني خالتتس نوره ..تملك لاقال لابوتس ولا احد درى ..!!
نوره بحماس :بجي انشالله بكره ...وبساله بالتفاصيل..
ام مفلح :طيب اجل مع السلامه ..
صكته من امها وابتسمت ياسبحان الله
. . . . . . . . . . .
عند مفلح
محمد :من زماااااان ماشفتك تسذا مبسوط..
مفلح يتنهد براحه:ايه من عرفتها وانا منيب مبسوط اوله عقدت لي حياتي عقب حبيتها عقب راحت مني
محمد :يوه المشكله..اثره الحب تسذا
مفلح يناظر لشارع وبتفكير:بس اتعقب اقولها احبتس..
محمد براعه:وش صاب عقلك ولو بتجيب لها النفسيه..
مفلح يلف له ويبتسم:لابردت حرتي فيها وذوقتها ماذقت من قلة الحيله ..وبحماس..يالله لو تدري وش كثر اشوفها بعد ذالي صار
محمد:صراحه الحظ جاء في صفك...
مفلح يمسح وجهه:والله مدريت ان اموري الحمدالله بتزبط كذا ..اول بروح اصلي ركعتين انشالله ان ربي بيغفر لي ثمن شكر..
محمد وهو يتراخى في كرسيه:وصل شكر اني خويك
مفلح :بخليها اربع لك.. والله ان اخليها اربع ركعات
محمد يضحك:لوني داري كان تشرطت
......
فى بيت بو فهد
لمياء بتشتت:مدري قمت والحال منعفس..وش تبيني اسوي ارفض
سميره بستغراب:صراحه شي لايصدق يعني يوم الاربعاء رايحه متزوجه عمر ويوم السبت مفلح خطيبتس الاول
لمياء تنهد بتعب:احس اني متلخبطه ..تطلقت من عمر تزوجت مفلح في نفس الوقت مدري ليش رجع يطلبني..خايفه ان امي داق عليها ومستفزعه به تسويها امي..
سميره تقوم وتقومها :قومي معي نتمشى شوي وانسي السالفه الله يكتب كل شي في صالحتس
لمياء توقف:ايه هذا الي يبرد الخاطر...
سميره:لو فكرتي في الامر بغض النظر عن مفلح ..الحمدالله الي فكتس من عمر وسواياه
لمياء بضياع:الا لو فكرتي اني ضايعه من كل ناحيه ...
. . . . . . . . . . .
فى قصر سلطان
نواف بنزعاج :روحي جيبيه بشوفه
النايفه بتردد:اصبر الى ان تجي امي
نواف بعناد :لا ذلحين وش معني لين تجي امي
الهنوف بضحكه :وش فيها يالنايفه ..لفت لنواف ..عقد مكتوب عليها اسمها واسمه بس الكبت عليها صورته
نواف :هههههه ايه قولي كذا وش فيها لاشفت اسمتس...
النايفه تناظر الهنوف بغيض العقد الاسم متداخله مع بعضها وصورة رجل وامراءه متعانقين
الهنوف تبتسم:خلاص اجل شوفها وقت الزفه هذيك الحزه هي موب صوب احد
نواف :اجل سمحنا شكل السالفه فيها ان..رفع راسه لامه المقبله عليهم ..يالله حي بنت خالد
ام سلطان تجلس جنبه على المركى:الله يحيك..وش ذالمكان الزين
الهنوف:الجوء حلو ودافي وفرشنا في الحديقه اشرح
ام سلطان بمتنان:كنت عارفه انه انتي الي مسويه هالجو..ومطلعتنا من ملل البيت
النايفه :وبعد هي الي مزينه هاالحلو اذا تبين تمدحين.
نواف:اشوف كنتس غايره
النايفه :والله اشملوني معها
نواف:يعني الحين طالبه منهم يفرشون الفرشه ومزبطه القهوه وكل شي على الكيف ونشملتس معها ماسويتي شي..
النايفه بمرح:وش اسوي عاد احب المدح..
نواف:نمدحتس ابعيد من خشمتس يالرفله..قومي ردي على التلفون بس
راحت لطاوله جنبهم وردت على تلفون الاسلكي
النايفه :الو ..
امن البيت:طويلة العمر..نطلب الامير سلطان
النايفه:خارج البيت
امن البيت:الامر ضروري ..عندنا عمال طالبينه والامر ضروري..
النايفه :عمال اي شركه
امن البيت :عمال مصنع الاعلاف في الخرج تبع سلطان واخوانه ..
النايفه :اذا جاء بيجيهم
امن البيت يكلم الي وراءه مدام السيد موجوده ارجع وكلم النايفه:تفضلي طويلة العمر واحد منهم بيكلمتس.. خذاه العامل المصري وكلمها
النايفه بزهق :انا موب مدام السيد
العامل بقلق:الامر خارج من سيطرتنا ..اذا مدام السيد هنا لو سمحتي يعني ادينا اياها
النايفه تبعد السماعه :الهنوف هنا عمال طالبين سلطان ولا مدامه اذا كنه موب موجود
الهنوف ترفع حواجبها :وش ذالعمال ..!!
النايفه:يقولون مصنع سلطان واخوانه
الهنوف بهدؤ:الله يهديتس وش يدخلني في ذالامور
النايفه :يقولون ياهو يامدامه
الهنوف برتباك:ولا عليه امر نواف يروح لهم
ناظر لها نواف شوي ووقف
نواف يلبس حذيانه :انا بطلع لهم ..طلع والنايفه تسكره وترجع تجلس عندهم
الهنوف:يعني بالله يوم تعطينه وجه وتناديني هذا شي مايخصني خاصه بوجود نواف
ام سلطان :لاتشرهين عليها...
النايفه :وش يعني هذا حلالتس بعد انتي
الهنوف بعتب :لاعاد تعودين ذالكلام وخاصه قدام اخوانتس رجاء يالنايفه حتى لوتمزحين
ام سلطان :الله يكملتس بعقلتس يابنتي ...
النايفه :والله اذا كذا عيب ومنقود توبه
ابتسمت لها الهنوف وتكلمت في نفسها يعني مصنعه واخوانه وانا الي اتصرف فيه وبعد نواف جالس اخاف يكرهني ويحسب اني ابي فلوسهم ولاشي..
غابت الشمس اذان المغرب من مسجد البيت يرتفع قامن لداخل خاصه ان الجو برد
ادخلن والهنوف تروح لحجرتها ناظرت اسمه ودقت
افتحت الباب وادخلت وهو مايزال يرن حست بالقلق من تاخره بالرد وفي اخر لحظه رد
سلطان بهدؤ:مرحبا عد مادق قلب سلطان لهنوفه
الهنوف تنفخ براحه وببتسامه:تبقى وتدوم نبضاته ..وش اخبارك
سلطان:كل شي زين .. من صوبتس يابعد شوفي
الهنوف بحب وبصدق:خايفه حتى النوم ماتهنى فيه وانت بعيد هذا اذا نمت..وبرجى.. لاتطول
سلطان يتنهد :لاتجفى عينتس النوم تحاتيني...
الهنوف:حتى لو غصبت عيني تحدتني وظلت ساهره
سلطان يزم شفايفه بهدؤ ومشاعر تخالج احاسيسه شوق لعيونها الي اسحرته وملكة مشاعره
الهنوف بصوت هادي:معي.. سلطان
سلطان بشوق:معتس بس ذوبتني حكاويتس ...ومدري متى يزين كل شي واجي
الهنوف ببسمه:انشالله في اقرب فرصه ..نواف يدق عليك يقول ماترد اقلقتني..
سلطان :نواف قد هو عندكم..!!
الهنوف تنهد:ايه ..وصل قبل يومين
سلطان بترقب:جاب لشهادته طاري...
الهنوف:ابشر بها قدها معه...
سلطان براحه:زين زين ..بحاول اني اجي باسرع وقت ..خلال الاسبوع الجاي
الهنوف بحسره :ماطولها وينا وين الاسبوع توه ماجاء...
سلطان بسرعه:بيجي انشالله بيجي ..سلمي لي عليهم في امان الله
. . . . . . . . . .
عند سلطان
صكه منها والتفت على محمد
سلطان ببرود متجاهل وجود بندر اخوه:وليه يجي معك..
بندر:انا اخوك مهما طال الزمن ولاقصر
سلطان بستهزاء:لااااا ..تعرف تحكاء بعد!!..
محمد:اسمحو لي عندي شغل
سلطان :وش تبي ياأخوي طيب
بندر:ابيك اترجع لي الاسطبل وتاخذ حق نواف وانا اخذ حقي ..
سلطان ببتسامه واثقه:لابعيدن من شاربك ..ليه ماوصلتك رسالتي...معاد لك حق روح حقق لك واحد ثاني ابمجهودك ...
بندر:انا مانكر انك انت الي ساعدت في تكوينه وعطيتنا اساسيات العمل فيه الى ان صار كذا بس هذا قسمه بيني وبين نواف وابوي الي مزينه لنا يعني لي فيه حق
سلطان يلف منه :كل كلامك صح بس انت تعديت حدودك مستفيد من تهاون ابوك معك في تصرفاتك الصبيانيه ..وحذرتك وقتها بس شوفت عينك عاندت وهاذا انا نفذت الي قلت لك عليه..مشى منه متجه الى مكتبه الرئيسي
..............
بين القريه وقصر سلطان
الساعه 11 الظهر
ساره بصدمه:تقولينه صادقه
الهنوف تضحك :والله اني فرحت لها
ساره :انا كنت شاكه انه يبيها سبحان الله الي رجعها له ..
الهنوف :الى الحين وانا ابيها اتعلمني ولاترد على اتصالي
ساره:لا لا الي بيشوف يوم السمره بيدري انه يحبها معليتس منها اكيد فرحانه
الهنوف:الله يستر وش اخباركم انتو وش اخبار خالتي مبسوطه معكم
ساره بتردد:ايه مبسوطه.. الهنوف ودي اسالتس
الهنوف:سمي
ساره :فيه واحد من المدينه الي ادرس فيها صار لي كم موقف معه اذا جاء واخطبني اوافق
الهنوف :يعني موقف يوسع صدرتس ومافيه عيب
ساره تنهد:بعضه انقد عليه وكانه يمون بس استانس به
الهنوف:ههههههه وش اصله..
ساره :من اهل قريتهم الـ...
الهنوف:انتي معي انا ونوره يوم جاتنا فهده من الــ(نفس قبيلة سعود) وتعلمنا بقصة وحده من جماعتها وعادي عندهم العشق والسلام على بعضهم
ساره تنهد بتعب:لا بس نوره علمتني
الهنوف:خلاص يابعد قلبي ..شوفي طبيعتهم واكيد بيعاملتس نفس لو انتس من جماعته ,,
ساره :وش اسوي طيب
الهنوف:يعني اذا اخطب اسالو عنه واكيد ان قلبتس يبيه وافقي الحياه مره وعيشيها
ساره :عاجبتتس اجل حياتتس
الهنوف :الحمدالله على كل شي في حياتي زين ومر والحمدالله الي ارزقني اياه في حياتي..
ساره تضحك:ياحظ سلطان انتي اذا حبيتي ابد مسكتي..
الهنوف بشرود:وكيف اذا حبيت واحد كل مشاعري تطلع لاشعوري ماقدر اتمالكها ..
ساره بفرحه:الله يهنيكم يارب ..ولا تنسيني ادعي لي اكيد انتس تدعين لنفستس
الهنوف تضحك:ابشري بضمتس لي ..بس موب لصار شي مايصلح لتس تحسبينه مني..
ساره:ههههههه الله يستر عسى ادعاتس مره يصيب ومره يخيب
الهنوف:ههههه اجل امتس عندتس وخليني
ساره :ايه بحول عليها..يالله مع السلامه
الهنوف:مع السلامه .. حطت الجوال جنبها ونزلت تحت
...
نفس الوقت في النعيريه
ام مفلح تقراء الجريده على ام فهد المندمجه
ام فهد:وش سوو بها
ام مفلح :يقولون عقب مادرو انها اتدخل رجاجيل لبيت كفيلها سفروها بس
لمياء تجي وتجلس عندهن :وش ذالقصه متاثرين
ام مفلح :شغاله في الدمام اتدخل رجاجيل على اهل بيتها وسفروها بس
لمياء تنفس بعمق :كثير الي يدرون بمثل تسذا ولا يسون بها شي..
ام فهد براعه :لا اسم الله علينا لا سمح الله لونها مسويه ذالدبره كان طقينها لين تحب ارضها وسفرنا وخطرن نقتلها..
ام مفلح بنفعال:ايه وبعد والله ماتشد شي من رواتبها..
لمياء تنهد :كلام الفاضي موب مثل المجرب
ام فهد:جعلنا مانجرب يابنتي
ام مفلح :امين..وش بعد باقي عليتس من الكليه
لمياء بهدؤ:سنتين غير ذي
ام مفلح بتردد:مفلح يبي العرس بدري معليه لاكن مابعد خلصتي
ام فهد تناظر لمياء :قده كبير يقعد بعد يحتريها
لمياء :الي يبيني يقعد يحتريني
ام مفلح بقلق:انتي يالمياء تبينه ولا موب لازم تجبرين نفستس البنات واجد
لمياء بندم تقول ذالكلام قدام خالتها:زواج ودراسه صعب
ام فهد:لا كثير الي معرسات ويدرسن واشطر منتس
ام مفلح :خليها على راحتها
اسكتت لمياء ونوره تدخل عليهم بعشاها
ام فهد:افسخي عباتس مابه احد ناصر بالبر وفهد مع اخوياه بالجبيل
ام مفلح:غريبه مساعد ماقال لنا شي
نوره :هو الي جايبني يقول ان مفلح عياء يخليه يروح مع فهد
ام مفلح :خله وياه انه امس ماجاء البيت الا الساعه وحده والوقت ادراسه...
ام فهد:اليوم اربعاء كان خلاه يروح يوسع صدره
لمياء تنفس بقهر وووع من شخصيته متسلط ومتحكم بعد اوووف
نوره تجلس جنب لمياء :وش اخبارتس
لمياء ببرود:طيبه ..
اسكتت منها نوره ولفت على امها وخالتها
...
نهايه البارت

[7btin]

70

عند ساره فى القريه
مضاوي :والله ان تروحين معنا
ساره بصدمه:قسم انتس منتب صاحيه ..لعنبو غيرتس وش اموديني معكم..!!!
مضاوي:قولي لاامش اذا عيت يعني عيب واذا وافقت والله ان تمشين ...راحت منها مضاوي لاام راشد
مضاوي اتدنق على ام راشد وتحب راسها :وش لونش ام ساره
ام راشد:زان لونتس وش لون امتس واخواتس
مضاوي:طيبين يسالون عنكم ..ام ساره اني طالبتش اتخلين ساره اتروح معنا انتمشى حول القريه مكانه واسع اتوسع صدرها
ام راشد:معليه انكنه تبي تروح تروح
مضاوي:فديتش لا خلا ولاعدم..راحت منها لساره الي قفلت على نفسها باب حجرتها
مضاوي تطق الباب :ساره امش وافقت
ساره :حتى لو اتوافق تبيني اروح مع اخوش توش غرير ماعرفتيني
مضاوي تضحك :يازين حكيش تكفين روحي معنا خليه يسمعى ذالحكا..
ساره بقهر:بعد هذا اتفاق ..وبجديه ..اسمحي لي يامضاوي والله اني تعبانه ماقدر اروح وحتى لو اطيب منيب رايحه معكم ..
مضاوي بقهر:فقدش ليه ..؟؟
ساره تضحك:ياختي بنقد على نفسي لارحت معكم
مضاوي:ها انطقي قابلي جدرانش المخنزه..
تنهدت ساره وهي تسمعها تبعد من جدها تبيني اروح اركب معه وش بيقول قوية وجه ماستحي ....
برى عند سيارة سعود
سعود:كانها ماجات
مضاوي تركب وتصك الباب :لا مهيب جايه
سعود:وليه ماتجي..؟؟
مضاوي تنهد:سعود هذالا عرب يستحون من جدك تبيها تجي تركب معنا وهي حاسه انك تبيها..
سعود بقهر:وش فيها منيب ناط في حلقها..
مضاوي :عاد كلن وعاداته ..نرجع وانتقهوى في صورنا
سعود بعناد:السالفه مطوله وهي تطلع الواحد من طوره ابخلص من ذالسالفه...
مضاوي براعه:وش بتسوي ..!!
نزل وصك الباب طق باب المدرسه جهتهم تحنحن ودخل على ام ساره الي جالسه في الصور بلحالها البنات داخل يحضرن ادروسهن
ام راشد:يالله حيه..
سعود يتقدم منها ويجلس:الله يبقيها ..وش لونش ياخاله..
ام راشد:طيبين الحمدالله
سعود بتردد:انا جاي ابطلبش ياخاله واخذو الوقت الي يكفيكم بانتظر..
ام راشد:اطلب عسى نقدر على طلبك ...
سعود وهو يتلفت بتوتر:انا اطلب يد بنتش ساره استشيروها اخذو وقتكم..
ام راشد بصدمه وهدؤ:ونعم فيك بس مدري ياولدي عن اخوها والظاهر انه موب يرضى انها تاخذ من برى اهلها وتبي الحقيقه وحتى انا بعد انتو ونعم فيكم بس كلن يبي جماعته...
سعود برتباك :الله يسامحش ياخاله.. شفتي علي شي شين
ام راشد ببتسامة:والنعم فيك .. بس صعب علينا نوافق لها على احد بعيد
سعود : الديار انشالله انها قريبه ما على السياره شي بعيد وان كن قصدش النسب لانيب خضيري ولانيب احضري ولانيب داشر وصاييع وش فيها لاخذت واحد يحبها..
ناظرته ام راشد بهدؤ:كلها مهيب فيك ..بس ابعلمك ياسعود اخطبها من اخوها ولاتقول له اني احبها عقبها اتحلم تشد يدها..
سعود بخجل نزل راسه:اني خابر .. اطلعت مني زله..
ام راشد ببتسامه:بسال اخوها وبسالها وبرد لك الخبر..
سعود يتنهد براحه:ايه انتظر العلم الي يسرني ..يالله تمسي على خير ومع السلامه
ام راشد :وانت من اهله
قام منها لمضاوي الي فاتحه الباب وواقفه عنده
مضاوي تخصر:عاش ولد ابوه رايحن اتخطب
سعود:وش عليش مني ..اربهم بس يوافقون والله ان يوافقون ان مدري وش اسوي..
ركب وحرك من مضاوي بسرعه الي واقفه عند باب المدرسه وتناظره بصدمه وقف بعيد ولف لها
سعود بضحكه:يالله اعدي احتريش
مضاوي بقهر تمشي صوبه حرك منها عقب ماقربت ناظرته بقهر ولفت منه رايحه لبيتهم ضحك بصوت عالي وراح للمحطه وراه مشوار للدمام
...
فى قصر سلطان
النايفه بتردد خذت جوال الهنوف ادق عليها او لا طيب هو مايرد على جوالي اكيد بيرد على جوال الهنوف برد ويصير الي يصير
انفخت بفمها ودقت وشالها على طول
سلطان بحب وفزه:مرحبا ومرحبا ومرحبا..
النايفه تعش شفايفها ماسكه ادموعها :هلا
سكت شوي وبجديه:وين الهنوف
النايفه بصوت خانقته العبره:كنت ابي اسلم عليك
سلطان بصرامه:عطي الهنوف تلفونها ولاعاد تعودينها..
النايفه تناظر الهنوف المقبله وبعيونها دموع مدت التلفون على الهنوف المصدومه:نعم
النايفه:سلطان..خذت الهنوف والنايفه رقت فوق..
الهنوف بفرحه :مرحبتين
سلطان :السلام عليكم
الهنوف :وعليكم السلام ..وش اخبارك
سلطان :طيب الحمدالله .. وش لونتس..
الهنوف تناظر لمكان النايفه وبهدؤ متعب:طيبه ...
سلطان بتساؤل:وش في صوتتس..تعبانه..!!
الهنوف تنزل عيونها بتعب وتبلع ريقها:مارقدت زين بس ..ولا تقول لي ليه..
سلطان بصرار :لااا بقول ليش مانمتي..
الهنوف بينت بصوتها بحت البكاء:خليتني انام وانعاد علي الحلم مره ثانيه ..والله معاد تذوق عيني النوم لين تجي..
سلطان يتنهد بتعب:تعوذي من ابليس ..موب جايني الا المكتوب مال احد مصد منه..
الهنوف تنهد وتمسح دموعها:الله يعيني الى ان تجي... ارفعت راسها في النايفه الي غسلت وجهها وجات
النايفه :انا برى..
سلطان:هاذي النايفه
الهنوف:ايه..
سلطان :اجل مع السلامه
الهنوف:ماتشوف شر مع السلامه
صكته منه ولفت لنايفه تمشي لبرى ومعها كتالوج فساتين زفاف الحقتها لبرى واجلست تصفحه معها الى ان نادوهم للغداء وادخلو لهم
ام سلطان :وش بيصير لشهادتك ..
نواف:مهندس جعلني مابكيتس بدخل بها بشركة سلطان قطاع الاعمال العقاريه..
النايفه:يعني اتصمم مباني والله قويه عليك
ناظرها بستهزاء:ايه.. خمس سنين دراسه معاد اصمم لي اعميره...
ام سلطان:اذا جاء الله يحفظه بيغير رايك توك مبتدي ..
نواف:هو الي قايل لي اني بمسكك ادارة الشركه اذا جيت ...انتو سوو سوات الهنوف اغسلو ايديكم من ذالامور كلهااااا...
ام سلطان:لازم نتدخل..
نواف يضحك:من ناحيتي اخذو راحتكم...يالله افرشو لنا ابساط مثل امس ..لاجينا من صلاة العصر نجلس عليها
بعد العصر افرشو ابساط حطو عليها القهوه تجمعو كلهم والنايفه ترسل لموضي تصاميم الكوشات
الهنوف: ارسلو لتس اسم القاعه..!!
النايفه:ايه من زمان ارسلته لي اخته نوار ...خاطرتس ماش ليه ..
الهنوف تنزل راسها:خايفه وخايفه بقوه..
النايفه بستغراب:وش خايفه منه..
الهنوف:مدري خايفه وبس
النايفه:هذا الشيطان تعوذي منه
الهنوف تبتستم وتعوذ بصوت قصير تمللت من الجلسه وهي ماهيب معهم بسوالفهم وفضلت ترقى فوق واحساس بالكتمه والخوف يرجع لها
ام سلطان :وين
الهنوف تبلع ريقها وبضيقه:نسيت شغله فوق بزينها وبجي..مشت منهم رقت لجناحها تلفتت في الحجره وهي تشوفه في كل مكان افتحت دولابه ثوبه وملابسه الداخليه البجامه محذوفه في الدرج بهمال صكت باب الدولاب بقوه وبكت ليتني ماحبيته كان احسن لحياتي واهدا اذا راح لمشوار لازم بسوي كذا دايم اشهقت بخفيف ..بس الحمدالله اني حبيته..
شافها تفتح الدولاب وتصكه سمع صوت شهقاتها وظهرها للباب تقدم منها وقف وراها وضمها لصدره بقوه
الهنوف بخوف لفت له شافته ابتسمت بين دموعها تحسست وجهه وعارضه الي بادي ينبت فيه شعر
سلطان بتعب:هااا شفتي ان موب كل الاحلام تصدق..
الهنوف تبلع ريقها ودموعها على خدها :وش اسوي خوف فقدك افقدني عقلي..
ضمها له وهو يمسح ظهرها :لعاد تفكرين كذا خليتيني انشغل شتتي تفكيري ..بعد منها بشويش وجلس على السرير بتعب
الهنوف بتوجس قربت منه:وش فيك..؟؟
انسدح على السرير وبالم:التوات قدمي برجل الطاوله بالمكتب..
اجلست عند رجليه ارفعت رجله لحظنها وهي تشوفها بخوف
الهنوف بقلق:مورمه ..اشوي خلن انغسلها بمويه وملح...
سلطان يغمض عيونه:لا لا تعبااان برقد
الهنوف باصرار:اشوي بس بغسلها والفها وبعده نوم الهناء
هز راسه وراحت بسرعه للحمام جهزت سطل وحطت فيه ملح ومويه جابته له شافته راقد تنهدت بقهر كيف اقومه الحين حطته عند طرف السرير وراحت تجلس على الكنب وهي تتامله براحه الحمدالله انشالله ان تفسير ذالحلم بس الطيحه ابتسمت وهي تشوفه يناظرها
الهنوف بضحكه:مانمت..
سلطان ببتسامه :كنت برقد بس ماصبرت ...
قامت وراحت له :طبيعي اذا توجعك مراح ترقد ,,اجلس خلني ازينها لك
سلطان يلف ويجلس:لا موب عشان وجعها ..توني بعد ابي اشوفتس مشتاق لتس..
ابتسمت بحب:تشتاق لك العافيه حبيبي.. مدت يدها ومسدت رجله بالمويه المالحه..
سلطان بشوق وفجاءه:والله يالهنوف ان حتى وانتي فوق وانا تحت والبيت واحد مايكفيني الا زولتس بين الحضور..ناظر بعيونها وبهدؤ..عيشتيني الحب الحلو ..
الهنوف بحنان وعشق:ايه عشان ماتلومني اذا بكيت لارحت... مابيك تبعد ابد..ارفعت رجله لفوق السرير واجلست عنده تلفه بشاش
سلطان براحه:ايوه يبي لي عقب ذاه حمام دافي واكل وارقد
الهنوف بعقدت حاجب:حمام عقب مالفيتها لك ليش ماعلمتني قبل..
سلطان يضحك:وش وراتس لفيها مره ثانيه..
الهنوف تبتسم:باين انك استغلالي..بس يالله تروش وتلقى كل شي جاهز... مدت يدها له امسكها وقام عنزت له الى باب الحمام دخل وهي اتجهز له العشاء بما انه وقت المغرب ذلحين جهزته وحطتها على الطاوله بالحجره جهزت بجامته وانتظرته يطلع
....
فى بيت بو مفلح
مفلح بعناد:دبري لي طريق من ورءا خشمتس
نوره بخوف:مفلح والله ان تزعل علي
مفلح :يعني تبين تقنعيني انتس منتب راعية حيله ..لاخلصتي دقي علي ادخل ..صكه منها وابتسم بتحفز
نوره بتوتر وقفت واطلعت لبرى راحت لها بالمطبخ ناظرتها شوي عليها بنطلون جينز كحلي وبلوزه خضراء مخصره ورافعه شعرها واحد
تنفست بعمق وادخلت
نوره :وش تسوين..؟؟
لمياء : بسوي السلطه بس..
نوره برتباك:خلي السلطه تعالي بكلمتس شوي ...
لمياء :وش تبين ...كلميني اهناه على ماظن ماتشوفين احد
نوره في نفسها اذا كذا اتكلمني من راس خشمها اجل لو تدري وش بتسوي بي ..
نوره بتوتر:انا ابيتس وراء البيت ابي شوي من نعناعكم
لمياء :مايحتاج اروح معتس
نوره بقهر:لا زم تروحين معي مستحيه احد يشوفني وانا الي اقطعه
ناظرت لها لمياء شوي برفعت حاجب ومشت معها وقفت عند النعناع المزروع بأخر البيت في الزوايه
لمياء :اخذي الي تبين
نوره بخوف:اصبري بجيب سكين وكيسه ,,ناويه اشيله كله
لفت منها لمياء ودنقت تحفر حول اغصانه تبي تقطعه راحت نوره بسرعه وهي تكلم مفلح الي نزل من سيارته ودخل من ورا البيت شافها تقطع النعناع وتحط جنبها بعصبيه تنفس بعمق هدا من نفسه وهو يشوفها بدون غطا كامل يعني حلااااالي
وقف وراءها وبهدؤ:مرحبا...
تصلبت براعه وخوف زادات دقات قلبها وقفت رصت على كفها بقووه
وببرود تكلمت:خير
مفلح :الخير بوجهتس ..زوجتي وجاي ابي اشوفتس..
لمياء برتباك :وانا مابي اشوفك ..ابي اروح اطلع منيب رايحه قدامك كذا
تقدم منها ولفها له وهو ماسك عضودها
مفلح بتوتر فاجاءه:انا قلت لابوتس اني بعرس في شهر واحد في الاجازه
لمياء بقهر تناظره:مابي عرس ولا ابي اخذك ..انت انسان كريه كيف ترضى تملك بي وانا توني مطلقه ماعندك احساس بالكرامه..
غرس اضافره بعضدها بقوه:زيدي معلوماتس انا السبب في طلاق عمر لتس وانا الي واقف عنده وهي يطلقتس بلسانه وتملكتس غصب عنتس ...فيه كلام بعد تبين تقولينه..
لمياء بحقد تسحب يدها الي رافض يفكها:ابي افهم ليش مصر تاخذني وانت حاط نقرك بنقري...
مفلح بستهزاء:يعني مادريتي ليش مصر..
لمياء بغرور اسحبت يدها منه مسكها بقوه وناظرت فيه تبيه يفكها ناظرها وهو يزم شفايفه نزلت عينها بسرعه
قربها منه بهدؤ وضمها بقوه
مفلح بصوت واطي :اخيرا قدرت اسويها واضمتس ...
تجمدت بين ذراعيه برتباك غمضت عيونها
لمياء بالم وصوت متحشرج:ابعد مني حرام عليك ...وش تبي فيني
مفلح باصرار يقربها منه ويده ترص على راسها كاتم صوتها في صدره
مفلح ببرود:استسلمي لمشاعرتس صدقيني منتب نادمه..
لمياء بغيض:لا بندم.. لاني ذالمره صدق مابيك وعارفه مخططك...
مفلح بجمود بعد راسها منه :تكذبين ..عيونتس الوحيده الي ماقدر اشك فيها..
لمياء تنهد بقهر:لاتكذبني ..الشرهه على نوره الي اغدرت فيني كذا وانت ماتستاهل...
مفلح ببتسامه ساخره:نوره انسانه فاهمه لكن المشكله تفاهمت من واحده مختله عقليا مثلتس..
ارفعت حاجبها بقهر ناظرت لها وبخبث ارفعت راسها له:مسكينه نوره انت السبب في تسقيط ولدها وهي تسوي لك الي تبي ..صدق وقح
ناظرها بصدمه ورص على اسنانه بعصبيه :وش ذالكلام..!!
لمياء ببرود:سمعتها باذني اتعلم الهنوف انه انت السبب لانك انسان ماهمه الا نفسه اهم شي تحصل الي تبي ..
دزها على االارض بغيض ومشى منها ناظرته بنتصار تستاهل انت واختك . . طلع برى الشارع ودق لنوره تطلع له
نوره تلبس عباتها بستغراب وش يبي مني ..اخاف سوى بلمياء شي وبعد يبيني اتعذر له منها
ام فهد :بتروحين الحين والعشاء
نوره: بخلي مفلح يوصلني بطريقه للبيت..
ام مفلح :هو برى...
نوره :ايه..
ام مفلح:اجل خلاص خليه يوصلني بعد لا يروح ويرجع مره ثانيه
ام فهد:اجلسي لين تعشين..
ام مفلح :يابنت الحلال موب لازم ..
ام فهد :اصبري انغرف لكم عشاء ..قامت ام فهد للمطبخ وام مفلح تلبس عباتها خذو العشاء واطلعو لمفلح الي متوتر وراكبه مية جني
. . . . . . . .
فى سيارة مفلح
اركبن سلمو عليه ولا رد السلام ناظرو له يهز رجله بضيقه ويناظر لقدام ام مفلح :رد السلام
مفلح بملل :وعليكم السلام..خلاص
نوره :ايه
رفع انظره لها بالمرايه ناظرته بستغراب من نظرته نزل عينه للشارع ومشى وصل امه قبل وراح يودي نوره وقف عند بابها ولف لها
مفلح :قبل تنزلين ..
نوره :هلا
تنهد بتعب:وش سبب تسقيط الحمل
نوه برتباك:مكتوب الله..
مفلح بصوت عالي شوي:غير كتبت الله..
نوره بتردد:انا عاذرتك ماكنت بوعيك...
مفلح يقاطعها :يعني انا السبب
نوره تهز راسها وتسكت
مفلح :كملي متى صار ذاه
نوره :يوم دريت بخطة الشغاله طيحتني ونزلت لها..
هز راسه بتعب واصابعه تمسد جبهته
نوره :عادي فديتك والله اني مازعلت الحمدالله اكيد ربي كاتب لي الخير
اشر لها تنزل انزلت مستغربه من الي علمه مايدري الا الهنوف ومستحيل تعلمه
مشى منها اول طفل لها وفرحانه وراشد ينتظره واتسلط عليهم وين عقلي يوم دزيتها ورايحه تعلمني اني السبب في تسقيط نوره تفكير خبيث مافيه برائه طول عمرها حقيره ماتدور الهدؤ لحياتها..
ارسلت له نوره تساله من الي علمه وانها عادي عندها وتحلف له مارد عليها راح لكتابة رساله جديده وارسلها للمياء
(موضوع زواجتس مني صار وخلص... خلي امورتس تمشي بالطيب والعقل قبل لاحطتس براسي عقبها والله يالمياء ان تندمين.. انا منيب اخسر حطي ذالمعلومه بعقلتس )
قرات الرساله واحذفت الجوال بخوف وش اسوي بالله عليه يبني ابتسم له وكلامه موب زين علي ولا شفت شي حلو منه ولا استسلم له مدري وش يصير فيني لاشفته..يبي وحده هو الي صانعها بنفسه..
. . . . . . . . . . . .
فى قصر سلطان
تاوه بالم حط يده على رجله وجلس بتعب
الهنوف بخوف:وش فيك تعورك مره...
سلطان بالم يخفيه هز راسه بلا ...
انزلت من السرير وراحت جهته ارفعت رجله
الهنوف:لو اهمزه موب ازين لك
سلطان برهاق:مدري ..جربي
الهنوف:اذا حسيت بوجع قول لي..
انسدح بهدؤ وغمض عيونه همزتها بشويش ناظرته هادي وبادي يتخدر لنوم واصلت عليه الى انام حركت يديها بتعب ارجعت لمحلها تنام فتح اعيونه وناظرها
الهنوف بقلق:ارجعت توجعك..!!
سلطان وملامحها توحي بوجع:مرتاح لملمس يدتس عليها بس الحين كانها ارجعت توجعني..نفخ بفمه متحمل الوجع لقاها ظهره وتنفس بتعب ويده تمرر على قدمه
الهنوف تقرب منه وتطل عليه:منت طيب ابد...توترت من ملامحه واضح عليها الالم نادته ولارد عليها وهو ياشر لها تهدى راحت لجواله بسرعه ودقت على نواف
الهنوف :نواف ولا عليك امر تقدر تجي شوي لجناحنا سلطان تعبان
نواف بسرعه :ايه ايه شوي وبجي
بدلت بسرعه البست جلال وافتحت الباب لنواف الي اقبل عليهم دخل وراءها للحجره اتجه لسرير ورفع سلطان الي توعى به
سلطان بتعب شديد:وش فيكم ..
نواف وهو يقرب منه ويمسكه رافعه يوقف:يالله تحمل شوي بوديك لطبيب..
سلطان يرجع لسرير :لا لا نادوه مافيني احيل اشيل نفسي وانت منتب متحملني..
نواف يبعد يديه منه :اجل بروح اكلمه يجيب لك مهديات وتقدر تمشي للمستشفى ..راح منهم بسرعه والهنوف تلف له
الهنوف بتوتر وقلق :مدري وش اسوي.. اعطيك بندول..!!
سلطان ببتسامه متعبه يدلك رجله ناظر لها بحنيه:ارتاحي لبى قلبتس..تعالي تعالي جنبي..اشر بيده تنهدت بالم وتقدمت منه اجلست جنبه ويدها على فخذه
الهنوف بوجع لحاله:وكان رجلي بدت توجعني وهي مافيها شي..اضحكت بخفيف وتوتر..والله احس بكذا
حط يده على كتوفها بحنان وقربها منه دخل نواف وقف بسرعه ونزل راسه ابعدت من سلطان بحراج
الطبيب يطق الباب من ورا نواف بعد منه نواف ودخل
الطبيب يقرب منه ويتفحص رجله:يحتاج لكشف عاجل بالمستشفى..
قعد عنده ربع ساعه اظربه بابره مهدي وطلع وهو ونواف الي بعد صلاة الفجر بيرجع يطلع به للرياض
قربت منه هادي ملامحه مرتخيه
الهنوف بهدؤ:خلاص راح الالم
سلطان بنعاس:راح..حطي راستس عى صدري ابي نفس حلو ..
قربت منه ببتسامه ياناس كيف ماتعلق فيه حركاته حتى من قبل لاحبه كيف وقد صار الهواء الي اتنفسه ولو ينقصه يفداه
...
النايفه بقلق:انا من شفته جاءنا العصر برى مشيته ماش كنه يعرج به شي بس ماتوقعته الى ذالحد..
ام سلطان بحسره :ياويلي اكيد ان احدن من ذالشيبان عطاه عين
نواف:والله يمكنه انا .. اسكتو ولفو له
اضحك وكمل:يعني يوم جاء لقى كل شي جاهز ومرته فارشه الفرشه ومزبطه الموضوع ومجتمعين كلنا عليها علمناه انها كانت اهناه ورقى لها
ام سلطان تقاطعه :عطيته عين يوم لقاك اظهره
النايفه :هو تعبان قبل يجينا ويشوف اعيونك
نواف:ايه كان خفيفه يقول بلى رضه ماحس بها,,, يوم رقى لها اجعته ..ابغسله اغسالي وبريح ضميري
النايفه :هههههه والله ان ودك اتحكي ..المهم هي المنضوله موب هو
نواف يتنهد:ايه وش يجيه العين على ذالمره ومزيونه..
ام سلطان بقلق: منتب في حالنا,,,عطيني التلفون ادق عليه
نواف :يمه هو ذلحين منوم لاجاء بعد العشاء رحت له وامسيت عنده
النايفه تناظره :وانت وش دراك انها مزيونه
نواف:شفتها اول ماوصلت وتقاها سلطان وراءه والله انها حلوه..
ام سلطان بعتب وضيقه:اقطع الكلام مايجوز ..والله لا يسمعك سلطان ان يزعل مايحب ذالكلام ولا الحكي فيه
طقته النايفه مع ظهره :افلح اعرس وبندور لك بعد مره مزيونه
نواف يحسب على يده :انا الحين عمري 25 لاجاء عمري مثل عمر سلطان اعرست ..
ام سلطان : ياويلي لاشيبت..
نواف:موب ياويلتس لانضجت وفهمت الحياه اعرست..
النايفه بتردد:كم عمر بندر
نواف يلف لها:مدري الظاهر انه كبر خالد ابن منصور حوول 30 ولا 31..
ام سلطان:لا..مهيب موجوده..طيب بروح نشوف وبندق لك ..مع السلامه النايفه :وش فيه ..!!
ام سلطان تحط الجوال جنبها : سلطان يدق على الهنوف مفصول الجوال روحي شوفيها
رقت لها النايفه طقت الباب افتحته وقفت عند باب الحجره الداخلي
النايفه :الهنوف نايمه
ارفعت راسها من المخده:لا ياقلبي ..وش تبين
النايفه براحه:اشوى حسبتني قومتتس ...سلطان يدق لتس مغلق
الهنوف تاخذ جوالها وتناظره :من شراه سلطان وهو ينغلق بس ماقلت له شي..
النايفه تمد جوالها لها:دقي عليه الرجال مايدري وش فيتس ...منشغل
الهنوف ترد يدها:بفتح جوالي وبدق
النايفه :اخاف ماينفتح
الهنوف وهي تفتحه:بشوف ..انفتح ووصلت مكالمته ورسالتين
النايفه :انفتح
الهنوف ببتسامه ارفعت راسها :ايه خلاص
النايفه ترفع حواجبها :يعني اطلع
الهنوف:هههه اذا ممكن
النايفه:ممكن ونص ..باي
اطلعت النايفه افتحت الرساله واحده منه (الهنوف لابغيتي شي اطلبيه من نواف لاتستحين منه انكن لي خاطر عندتس )
تنفست بقوه ووقفت عند البلكونه واتصلت عليه

[7btin]

61

فى القريه
ساره برتباك وخوف:لا لا مابيه
ام راشد بتردد:هو معجبن في دلتس بين ربعه ويقول انه يبيتس وحابتس..
ساره تهدي نفسها:لا مابيه..الله يوفقه مع غيري
ام راشد:كيفتس اجل بكلمه الحين وبعلمه قبل لا يقول لراشد...
ساره:انا بروح البيت اكيد كل النسوان متجمعات...اطلعت منها بقلق مابيه ليش يخطبني مابي اندم اذا رفضت ليته ماجاء انا فكرت زين مهوب الرجل الي ارتاح له.. البست عباتها واطلعت تمشي للبيت الي اتعلم فيه القران ادخلت عليهن ازعاج الحريم واصواتهم واصله لبرى كلهن اليوم موجودات سلمت واجلست في مكانها
ام مضاوي :وش فيش ياامي وجهش مصفر
ساره بهدؤ:مافيني شي ...نبداء ذلحين
ام معيوفه :ايه بالله خلينا نبداء
ساره :يالله خاله ابدي سمعي لي الي حفظنا امس ..
لجى المكان بصوت القران الي تسمع والي تحفظ وبرى صوت البنات الصغيرات تبرعت مضاوي تشاركها في تحفيظهن
مضاوي تفتح الباب بسرعه:ساره سورة البينه لنوف وشلتها ولالفايزه وشلتها ...
ناظرتها ساره وصدت :لنوف والي معها
مضاوي بستغراب من طريقتها في الكلام صكت الباب وراحت لصغيرات
بعد ماخلصو الدروس اطلعن كلن رايح لبيته وراعية البيت احلفت عليها تجلس الى ان ياذن المغرب
ساره بعد ماهدا الجوء:وش لون امتس
الجازيه:طيبه ولو انها تعبانه ذاليومين ..اعلاجها خلص وسعود اتاخر ماراح لدمام
ساره:وش دخل سعود فيكم..
الجازيه تنهد:اذا راح نوصيه يجيب بس تاخر ذالمره..
ساره :طيب قولو له عشان يسرع بالمراح...
الجازيه :قلنا لامه تقوله وقالت انه يقول طيب والى ذلحين ...ضغطنا عليهم
ساره بتاثر:قولو لاحد ثاني يعني مايروح احد لدمام الى هو..
الجازيه :مافيه الا هو الي يروح ويجي بسرعه
ساره تقوم :وش اسمه علاج امتس
الجازيه :علاج لقلبها ماعرف اسمه
ساره :خليني اشوف كرتونه يمكن اعرف اسمه...قامت الجازيه وجابته لها قرت ساره ومدته لها
ساره:صح اسمه صعب انا بقول لراشد يجيبه معه بجي بكره ..يالله تمسو على خير ..الله يشفي امتس
الجازيه براحه :الله يجزاش خير ..مع السلامه
اطلعت لبرى البيت الشمس قد غابت وبادي الليل يضلم دقت على راشد اخوها الي بيجيهم بكره
ساره :احنى طيبين ..وش اخباركم انتو ونوره
راشد:طيبين وبخير بكره نوره بتجي معي
ساره بفرحه:لاصدق
راشد:ايه بنقعد الى يوم الجمعه
ساره برجى:فديتك راشد والله انك مبروك ..تقدر تجيب لي معك اعلاج لوااعطيك اسمه
راشد:ايه من عيوني ارسلي اسمه بس منهو له
ساره وهي تشوفه جاي يمشي صوبها:لعجوز عندنا ..
راشد:ايه ابشري ...انتو ماتبون شي
ساره:لا سلامتك
راشد:الله يسلمتس ....مع السلامه
صكته منه ولفت تكمل طريقها
سعود بسرعه:لحظه شوي لو سمحتي
وقفت ولفت له :نعم ...
سعود:ليش رفضتي
ساره :لا أني مابيك ...وابعد من طريقي
سعود بقهر:ابعد من طريقش.. لوتموتين ...
ساره ببرود:تبعد ولعاد اشوف لك زيله من طريقي والا وصلت ذالحركات لبوك واخوي راشد...
لفت منه ومشت وهو وقف يناظرها
ادخلت المدرسه وتنفست بعمق وقح صدق وقح انا لو ماحساس يروادني اني بس فتره في حياته وتعدي بس لو وافقت عليه بكون الوقت فات اما تعلقت فيه وراح او او مدري مابي اوقف النصيب
سعود بعد مارجع يدخل البيت مضاوي تنتظره بالحوش شافته وراحت له
مضاوي بقهر:ليش اتخطبها ذاك اليوم تسرعت ماقلت لي شي
سعود بهدؤ:وش بيدش يعني...
مضاوي :انصدمت من عقب ماسمعتها تكلمك وتعلمك برفضها مادريت انها بترفض..بس تستاهل انها ارفضتك
سعود بصوت عالي:وش تحسب حالها يعني اني بموت يوم ترفضني بالطقاق ..
مضاوي بستغراب:انت ماتفهم خبل ...كان صبرت الى ان اضبط اموري اول
ناظرها سعود بستهزاء:وش امورش من عرفتش وانتي بتظبطين امورش جعل اتلى عليش.. طلع مـر على بيت ام الجازيه طق الباب وافتحت له
سعود:انا بروح لدمام تبون شي
الجازيه:لا ماتقصر ..الوالده تعبت شوي وتكفلت ساره تجيبه
سعود بقهر:وليش ماقلتي لي انه خلص
الجازيه بخجل:مابغيت اضغط عليك ...
سعود يتنهد بهدؤ:يعني لي ثلاث سنين وانا اجيبه شفتيني تذمرت!!.. ماكان لازم تقولين للغريبه..
الجازيه :ابد هذي اخر مره..
طلع منها سعود واتجه مدرسة الطالبات طق الباب وافتحت له فاطمه
سعود:ولاعليش امر نادي لي المعلمه ساره
فاطمه:طيب ..راحت لها بسرعه ونادتها
ساره بستغراب :انا
فاطمه :ايه شوفيه واقف عند الباب
قامت ساره وراحت للباب ووقفت وراءه
ساره :نعم
سعود يرص على اسنانه:شكرا على المبادره ...علاج ام الجازيه موب لازم تجيبينه..وش انتي حاطه نفسش منتي الا غريبه وش لش بها تجيبينه
ساره بهدؤ:فعل الخير موب قاصر على احد دون احد ...تبي تجيبه لها الله ينولك اجرهن ..في امان الله ...صكت الباب ودخلت
سعود يتنهد بالم:لعنابيش وش انا مسوي يوم ترفضيني .. ركب سيارته وطلع لطريقه
.....
فى قصر سلطان
الهنوف :مدري استحيت اسال نواف
النايفه :ليش مادقيتي لسلطان
الهنوف:مقفل جواله ...
ام سلطان :وليه
الهنوف:يقول يدق بعض الاحيان يبون يسلمون عليه وهو راقد ويقومونه
النايفه:اجل بدق لنواف... دقت له ابطى مارد عليها
نواف بسرعه :هلا
النايفه : اخيرا ... نواف متى اكتبو خروج لسلطان
نواف:يقولون بعد شهر
النايفه براعه :شهر
الهنوف بصدمه:وش فيه عشان يجلس شهر
نواف:ههههههه لا امزح اليوم خروجه جهزو له غرفه تحت ...انا بدخل عليه الحين مع السلامه
النايفه :مع السلامه ..صكته ولفت لهن
النايفه :يمزح بيطلع اليوم ويبي له حجره تحت ..ياله الهنوف قومي جهزيها..
ام سلطان بقهر من نواف:تفاول عليه الله يستر عليه ... لفت لنايفه ..وانتي ليش تامرينها
الهنوف:معلي منها بقوم ارتب له حجره..
ام سلطان:خلي الخادمات ياأمي
الهنوف ببتسامه: بروح انا وياهن ....راحت لحجره خبرنها عليه الخادمات تحت غرفة نوم خربزيه نظفنها وهي راحت تجيب اغراضه الي بيحتاجها في ذالوقت
خلصت على الساعه تسعه مرت عليهم بالصاله يحطون العشاء
ام سلطان :تعشي
الهنوف ترقى الدرج:لا لا بس فديتتس..رقت لحجرتها تروشت وصلت العشاء البست لها جلابيه بيج مخصره وبرقعها واجلالها وانزلت لهم
النايفه :ياااه تفوح منتس رائحه رائعه
الهنوف:ياااه ماكذبتس ماحطيت شي
النايفه بستغراب:والله اني اشم ..
الهنوف بدون مبالاه :يمكن مدري ..
النايفه :يعني فيه ريحه صح علي ..
الهنوف:يالله يالنايفه!. صح عليتس صح
النايفه :هههههه .وش فيتس متوتره
ام سلطان :دقي شوفي اطلعو
النايفه :طيب ...وتخز الهنوف الي صدت منها برتباك مدري كل ماراح لمشوار وابطى احس اني ارتبك منه واخجل صدق
النايفه :يالله توصلون بالسلامه ....
ام سلطان :وش يقولون
النايفه :في الطريق ...معهم ناصر
ام سلطان :ايه زين
بعد نص ساعه ادخلو عليهم نواف يعنز لسلطان الي معه عكازه
ام سلطان بحنان :الحمدالله على السلامه
سلطان وهو يحب راسها :الله يسلمتس
النايفه بتردد تقدمت منه وحبت خشمه:الحمدالله على السلامه
سكت مارد عليها ولف للهنوف
سلطان ببتسامه :وش لونتس
الهنوف بسحى من اخوانه:بخير... ماتشوف شر
سلطان :الشر مايجيتس ... لف لنواف ..ودني لحجرتي ..
ام سلطان :النايفه امشي معهم
سلطان بهدؤ:لا... تعالي ياالهنوف
النايفه بسرعه :انا ودي اروح
ناظرها سلطان بحده اسكتت عقبها وارجعت لورى بحباط
نواف يناظرها ويهز راسه باسى :نروح ذلحين
سلطان :ايه ..لف للهنوف ..امشي
راحو لحجرته جلسوه على السرير واطلعو
نواف عند الباب :لابغيت شي دق علي
سلطان :ماعليه ..
الهنوف تلف له وبتردد:فشلت النايفه
سلطان بجمود:الافضل لتس تتركين ذالامور..
الهنوف بحباط:طيب ...اجيب لك شي تاكله
سلطان ينسدح:لا مابي شي ...
ام سلطان تطق الباب وتدخل:وش اعلوم رجلك وش قالو..
سلطان:فيها شعر بسيط وتزايد الظاهر اني ضغطت على نفسي مادريت عنها..
ام سلطان تقدم وتجلس على السرير :تبي احد يرقد عندك
سلطان :بترقد الهنوف..
ام سلطان :مهيب قاويه تعنز لك لاتميل ولاشي..خل نواف
سلطان بهدؤ:ابي الهنوف..انا تعبان ودي ارقد
قامت ام سلطان واطلعت والهنوف تقرب منه
الهنوف :صليت العشاء
سلطان:لا
الهنوف:تبي ترقد ماصليت
سلطان يتنهد:نسيتها ... مد يده لها وبدخله خوف لتضعف من مساعدته خاصه عقب ماقربت منه وشاف نحالة جسمها وصغره عنده ..
قربت منه وامسكت يده وقف بتثاقل يحاول يضغط على نفسه وهو يشوف انها ماشالت منه حمل مع انها جايبها كل حيلها ..تندم ماخلى نواف .. مشى معها الى حافة السرير حست باألم برجلها عقب مارتطم جسمه بالارض بقوه اطلعت منه اااه عض شفايفه بقوه ولف بسرعه يشوفها
الهنوف ببتسامه اخفت الالام:وي ماثقلك..وبصوت ثقيل..اااابعد
سحب نفسه من على رجلها وبعقدت حاجب واحساس بالعجز:اسحبي رجلتس..
اسحبت نفسها بتعب تحاملت على نفسها ووقفت
سلطان بقهر يغمض عيونه:خلاص روحي...
الهنوف بتردد وخوف:يوجعك شي...
سلطان يتمالك نفسه كل شي اني اصير قدام الي اغليه ضعيييف مادبر حالي وببرود:نادي نواف وارقي لحجرتس..
الهنوف برتباك:وليش جلستني عندك الحين بيقولون راحت وخلته..
سلطان بنظره حاده:بتجلسين مع نواف ..
الهنوف بخوف:وليش يجي وانا هنا.!!
سلطان بنبره قويه :لانه بيجي مافيها ثنتين..
الهنوف برفعة حاجب:خلاص بروح اكيد
سلطان بسخريه وقهر:اووه مروق الاخ ماخلى مدحه ماقالها حتى الوجه ومدري وين شافتس..
الهنوف بتوتر من كلامه الغريب:مدري من تقصد..
سلطان بهدؤ :اقصد اطلعي من الحجره...
الهنوف بصدمه:وش فيك ..
سلطان يناظرها بحده وعقدة حاجب:تبين طرده محترمه يعني..
الهنوف تبلع ريقها وبعقدة حاجب متوتره:انت طلبت اقعد عندك وبقعد حتى لو ماقلت لي...
سلطان بقوه وصوت عالي:ماحتاج لخدمتس مستغني عنها..
الهنوف برجفة حزن حاولت تخفيه عن عيونه الي تناظرها :ليه تقول كذا..
سلطان يتنهد بقوه امسح حواجبه:ليه ترجفين.!
الهنوف ترمش بسرعه لاتطيح ادموعها :اسلوبك هذا ماحبه ترى ما تحمل ذالنظره الغريبه في عيونك وبعدين كم شخص في داخلك انت...لفت عنه واطلعت صكت الباب تنهدت بالم ورقت فوق
مسد ارقبته بتعب تمسك بالسرير ورقى جالس عليه وهو يحس باالجهاد
نواف يفتح الباب وبستغراب:هلا
الهنوف بهدؤ:سلطان يطلبك تحت ..اسفه تعبناك معنا ...لفت منه وراحت لجناحها ادخلت وطاحت ادموعها على طول بالم كلما ازعل ولا تنرفز اجرحني...
افسخت اجلالها البست بجامه انسدحت على السرير حست بالغربه والوحشه حتى لو احبه بيضل هاجس البعد من اهلي يعكر لي مزاجي انكمشت على نفسها بصياح واحساس بضياع احبه حب الحياه بس كيف اجمعهم هو واهلي وكيف اتجاهل كلامه القاسي عشاني طيحته ازعل واصرخ علي...
هزه بهدؤ وهو يناظر يده الي على رجله
نواف بخوف:سلطان تعبان!!
ارفع يده من رجله وناظره
سلطان بألم:راحت..
نواف بستغراب:من هي
سلطان وهو يصد بوجهه عن نواف
نواف بهدؤ وهو يناظر سلطان الي يدلك رجليه
نواف:ليه مابغيتها تجلس عندك شكلها متضايقه
سلطان بنظره لنواف الي ابتسم
نواف يهز اكتوفه: يعني عشانها قالت كلامها وراحت بسرعه ماعطتني فرصه اقول طيب
سلطان يصد عنه :مابيها تجلس عندي ..اقرب عنز لي بتوضى ...وقف ونواف يعنز له
....
فى بيت بوفهد
غزيل :خالتي نمشه تبيتس
لمياء :انا..!!
غزيل ماسكه التلفون :ايه شايفتني اناظر الجدار..
لمياء تقوم :ههههه طيب بس استغربت ..خذت التلفون وردت
لمياء:الو
ام مفلح :السلام عليكم
لمياء :وعليكم السلام ..مرحبا خاله
ام مفلح :مرحبيتن وش لونتس
لمياء:الحمدالله
ام مفلح بتردد:لموي ...اا مفلح يبي العرس بشهر 1 اجازه بين الترمين
لمياء ببرود :يعني خاله تبون تاخذون رايي..
ام مفلح تنهد:يقول عشاء خاص بالبيت وبس وووبياخذتس قبل العرس
لمياء بصدمه:وش لون يعني..
ام مفلح بوهقه:يعني العرس بشهر1وهو بياخذتس قبلها في واحد اثنعش بعد شهر..
لمياء بقهر وخجل اتجادلها في ذالموضوع :لو كل شي في مكانه الاصلي احسن..
مفلح ياخذ السماعه من امه:لا الاول من شهر الحج ليلة الدخله انا علمت ابوتس
لمياء تغمض عيونها بغيض:وش ذالعرس!!.. كل شي في جهه
مفلح بدون قصد :هههههههه ...
ابلعت ريقها بقهر ووضعف وبصوت خانقته العبره :ماكلمك في شي تافه هاذي حياتي ..سالت دموعها بقهر
مفلح وبرود يكتسح جسمه بعد ماسمع صوتها الخافت الحزين :طيب انا اسف حقتس علي هاذي حياتس صح وتهمني صدقيني..
لمياء بالم وبدون شعور:سلمني ابوي لك مجاني وذنبي اني جيت في وجه العرب وتكلمو علي!!.. ولا عشان مطلقة واحد داشر توني مادخلت حياته..
مفلح تنهد وهو يبدي مالي يخفي من الهدؤ قاطعها:ووتحسين انتس مغصوبه علي عشان ابوتس وافق علي ...تنهد بقوه ..ابي اعلمتس شي واحد ولا علي منتس انتي من الخطبه الاولى مغصوبه فاهذي حتى لو غصب ماهمتني..
لمياء توه يقول حياتتس تهمني:اجبروني ماجبروني عليك هذا مايهمك ..ولاانت تدور راحتي ولاتهمك حياتي حتى لو قلت ذالكلام ...صكته في وجهه لفت شافت غزيل اتاكل اعيالها في الحجره الثانيه اشهقت ودموعها تنزل بقوه رقت فوق بسرعه ليشوفها احد
صكت الباب وبكت وش فيهم علي محد يفهمني كل شي يبونه بيصير واحساسي الناس تكلمو علي وتطلقت من واحد ضايع انا منيب انسانه بارده كان شي مايصير ؟؟؟امسحت دموعها بالم شافت رساله من نوره تستسمح منها قرتها لمياء بقرف وطنشتها امسحت الرساله وانسدحت على السرير تحتري النوم يجيها
. . . . . . . . . . . . . . .
فى قصر سلطان
سلم من الصلاه وقف نواف له عنز له الى ان رقى لسرير واجلس عليه
نواف وهو يناظر لبسه لابس ثوب بدون اشماغ
نواف:بروح فوق البس بجامه وبجيك
سلطان بهدؤ:كلنا بروح فوق ...
نواف يهز اكتافه بعدم اهتمام:مشينا اجل
وقف متحامل على نفسه عنز له نواف واطلعو من الحجره متجهين فوق رقى الدرج ببطى
سلطان بتعب خذا نفس بسرعه وبقوه وهو يوقف على راس الدرج
سلطان :الله لايهينك
نواف يعقد حواجبه :كانك بتمشي للجناح بلحالك
سلطان وهو يتعنز على عصاه ويبعد:ايه ..ٍسلمت ..راح نواف لحجرته وسلطان يفتح الباب دخل غرفة النوم شافها منكمشه على نفسها بدون الحاف مع برودة الجوء تقدم منها وقف عند السرير وهو يناظر جفونها تحرك بظطراب تنهد بهدؤ واجلس على السرير ...
افتحت عيونها بسرعه عقب ماحست بحركة السرير
سلطان ببتسامه :في بيت واحد وكل واحد في جهه الا هاذي ماقويت عليها ...
اجلست وضمت اركبها لصدرها :ليش اتعب نفسك وترقى..لفت منه وامسحت دموعها..
سلطان ينسدح في مكانه:يعني افهم انتس مابكيتي مني عقب مارحتي ..
الهنوف ومازالت صاده بوجهها :بكيت بس موب عشانك
سلطان بدبلوماسيه في كلامه وبهدؤ:ومن عشانه جعل عيني ماتبكيتس.. دخلت شفايفها بفمها منع لدموعها انسدحت على ظهرها وراسها للجهه الثانيه
سلطان :طيب..انا مانيب جابرتس تفرغين الي في خاطرتس ..الصبح ياتي بعلمن جديد..
غمضت عيونها وهو ينسدح على جنبه ويناظر جانب وجهها الي ماخفى رجفان فكها

[7btin]

62
فى القريه
ام راشد بفرحه تفتح الباب:مرحبا
راشد يتلفت :البقى ..فيه احد
ام راشد :لا لا كلهن بالمدرسه ادخلو شوي
ادخلت نوره سلمت على عمتها وسلم عليها راشد
راشد :ربع ساعه وبنطلع لنا في شقه
ام راشد: مافيه شقق .. فيه حجر في المحطه..استريحو ذلحين وبدكم اتدوورن
نوره :متى تطلع ساره..؟؟
ام راشدتناظر ساعتها:بقى نص ساعه وتبدا الطلعه..
راشد يقوم:صعبه لحد يجي ويلقانا اهناه بروح وتعالن معنا الى ان نرجع..
ام راشد:انتو روحو اذا جات ساره جيناكم
راشد:يالله نحتريكم على الغداء ...
طلع هو ونوره بعد نص ساعه ادخلت ساره على امها
ام راشد:بدلي بسرعه بروح لراشد في المحطه
ساره بفرحه:اوصلو ..
ام راشد:ايه بسرعه ..لاروح واخليتس
ساره بعجله:طيب طيب يالله ...بدلت ملابسها علمت البنات واطلعت هي وامها للمحطه
ام راشد:هذا سعود الي عند راشد
ساره تناظرهم بريبه:ايه..خلينا ندخل..
ام راشد:بروح اسلم عليه
ساره بغيض:يمه وش اتسلمين عليه توتس شايفته امس
ام راشد:اجل امره ولا اسلم ...
تنهدت ساره بملل وام راشد تقرب منهم
سعود:مرحبابش
ام راشد:البقى...وش لونك
سعود:زان لونش ..عساش طيبه
ام راشد:طيبه الحمدالله ...
راشد يبتسم:ها يمه وش رايتس اعجبوتس الجماعه
ام راشد تناظر سعود :اي والله ماعليهم قصور ومباركن المنزل الي اجمعنا بذالربع
سعود :جعل يقصر منش الشر ..ماغير عوانينا والساعه المباركه نلتقي فيكم
راشد :هذا يمه ااخو سعود ماخذ اخت ماجد(رجل غزيل(
ام راشد بستغراب:لا اثر انتو هل المعرس والله ياولدي ماندري
سعود : ايه العرس سكيتي عرسه الثاني...
ام راشد :ايه ..هو معرس حرام توى البنت صغيره
راشد انحرج من امه وساره ماسكه ضحكتها
سعود ببتسامه:صح توى عمرها 17 بس اخوي ماعنده مره قبلها متوفيه
ام راشد :الله يرحمها ويعوضه خير
سعود :امين ..يالله اسمحو لي انا وراي مشوار بعيد
راشد:الله ييسر لك ماتشوف شر..مع ان حنى نبي نجلس معك
سعود :انشالله اخلص بدري واجي اذا زانت ظروفي..
راشد:لااا احسب احسابك لازم تجي بسرعه حنا اسبوع وماشين
سعود :ابشر .. بس هاا ترى بنشب لك معرس وانا رجالن عزوبي
راشد:هههه مدري بشوف ..اعرس اعرس
سعود يزم شفايفه :امممم العرس بطلناه خلاص نبي الحور ابرك...
راشد:افاااا ماادخل مزاجك احد من حور الدنيا...
ام راشد:كلن يتمناك ..
سعود يناظر ام راشد :عاد جربنا مره وعفنا الباقي ..مع السلامه
راشد:مع السلامه ...
وقف سعود عند باب السياره يرتب مقعده وراشد رقى فوق ناظرت ساره بظهره حست بندم وضيقه تنفست بعمق واتبعت اهلها
.....
فى قصر سلطان
وقفت عند الباب ترددت تنزل ناظرت له راقد .. بس اذا نزلت بينقدون علي واخاف يزعل... تنهدت ولفت ترجع للكنب
فتح عيونه وناظرها شاف انها متردده ارفع راسه ونادها:قربي..
لفت له :نعم..
سلطان يجلس ويناظر لها:ساعديني..
رطبت شفايفها وقربت منه.. امسك يدها ووقف عنزت له الى مغاسل داخل الحمام جلس على البانيو غسل وجهه وفرش اسنانه ولف لها قربت منه وعنزت له وصل الكنب وجلس عليها
ولفت بتطلع
سلطان :وين ..
الهنوف بهدؤ:بنزل تحت
سلطان ببرود:مارقيت لتس عشان تنزلين..
الهنوف بعتب:لاخلني انزل احاول ولو دقايق ابعد كلامك من راسي شوي بس
سلطان :لا.. بتجلسين يالهنوف وبتسمعيني
الهنوف بالم:سلطان وش تسوي فيني!!.. انا اخاف منك اذا تكلمت ولا تغير اسلوبك علي صعب اسمع مثل كلامك امس ويجي اليوم وانسى صعب علي والله انا انا ماصبر اعترف انه عيب فيني..
سلطان يتامل عيونها غمض عيونه وافتحها بسرعه:المفروض انتس الحين عارفه طبعي وتحملين..
الهنوف بقهر:والمفروض انك بعد عارف طبعي وتحاسب شوي..
سلطان يتافف بنزعاج:لازم تجاوزين وكثير بعد ..
الهنوف ودموعها تنزل:وظنك ماتجاوزت واكثر من اللازم تعبت وذاكرت وخبيت عني النتيجه يعني ماتجاوزته وانا الى الحين وهي بخاطري وبعد تعلمني وكانك ماسويت شي.. وفوق هذا حبيتك ياسلطان ..اشهقت بصوتها..حبيتك وانت تجرح وتمد يدك ولو احد غيرك كان سويت اي شي حتى لو اقتل نفسي واعز نفسي من الي كان تسويه فيني .. حطت يدها على فمها ولفت تطلع
سلطان ينفخ بفمه بزهق :الهنووووف
وقفت وعطته جنبها
سلطان :واضح انتس مخبيه كل ذاه في خاطرتس وزين الي طلعتيه عشان اكون على بينه ..انا داري انتس بعد عارفه اني من النوع الصعب يتعلق في مره واحبها ومستحيل اسلم قلبي عبث ابيتس تنسين وتدرين اني لو عرفتس بموقف وكان لقانا غير عن الي صار اني مستحيل اسوي فيتس نفس الي صار وامد يدي اما بنسبه لنتيجه مابي اقولتس وانا بسوي عرس بكذا لازم تروحين عشاني واعدتس فخبيتها عنتس ...
الهنوف تمسح دموعها بتعب
سلطان يناظرها :وكلامي امس ..بتردد في كلامه تنهد وكمل..وحنى باالسياره راجعين اقلقني نواف ياحظك بذالمره واخلاقها ودبرتها وكلامها وزاد الطين بله وهو يمدح زينتس والله لوما هو عارفني واني ماعطي ذا الامور اهميه مثل خبره ان كان قد نزلته من السياره بس صبرت وهو يحسب اني فرحان بمدحتس..
الهنوف:يعني لازم اخرب طبعي عشان يسكت ..
سلطان :تخربين الزين افا.. ماقصدت بكلامي تسذا ابيتس بس تفهمين وش معناته زعلي امس
الهنوف بهدؤ:ماقصرت على التفسير مع انه موب متوقع منك ان توضح كلامك كل ذالتوضيح ..بس بقعد طول حياتي انتظر توضيحاتك بعد ماتجرح
طق الباب لفت للمطبخ وادخلت بسرعه ليشوفها احد وواضح عليها البكى
ادخلت ام سلطان والنايفه وناصر..
عنز ظهره بقلق على الكنب وناظرهم :يالله حيهم
ام سلطان :الله يحيك وش لونك اليوم ..
سلطان :طيب ..
ناصر يتلفت :وين الهنوف ..!!
سلطان يناظره بهدؤ ولف لامه :قد لي اسبوعين من جيت من الشمال ماشفت موضي دقت ولا جات وينها
النايفه بسرعه:سافرت مع رجلها لسويسرا
سلطان بنبره حاده:لاكلمتتس فجاوبي ..وبسخريه ..اووه ليكون زعلانه لسفرها كان بتروحين لها ياحرام..
نزلت راسها بفشله من الي سوت
النايفه :انا اسفه..لفت واطلعت برى بسرعه
ام سلطان تنهد بضيقه:خلاص رضت وتاسفت باقي شهر على عرسها خلها تروح راضيه
سلطان هز راسه بتافف:ناصر ابي الجوال..
راح ناصر لمكتبه جابه وعطاها اياها وراح للمطبخ
ناصر ببتسامه :وش تسوين
تنفست بهدؤ ولفت له ناظرت لبسها فستان نص الفخذ رمادي سيده وبدون اكمام
الهنوف ببتسامه متعبه:ناصر فديتك انا والله احبك مثل اخوي واعزك اكثر مما توقع
ناصر بفرحه:وانا والله اني حبيتس وفرحان ان اخوي سلطان خذا وحده مثلتس كلنا نحبها
تنهدت بضياع وتوتر:انا معتبرتك رجال استحي تشوفني وانا كذا..
ناصر بخجل:اسف ماكان في بيتنا اول احد احاسب عنده جيتي وبدرب نفسي احاسب منكم وعد
الهنوف ويدها على كتفه:والله انك رجال وعقلك كبير..وبتشجيع..اي شي يواجهني صعب بستفزع بك
ناصر :ابشرررري افزعي بي بس..انا بطلع الحين انفذ الوعد
الهنوف ببتسامة طيبه :طيب..طلع ناصر ناظرت بمراية المطبخ رتبت شعرها واطلعت لاام سلطان الي جالسه جنب سلطان ومعها ورقه
قربت من خالتها حبت راسها شافته ياشر لها تجلس جنبه لفت من ورى الطاوله واجلست جنبه
ام سلطان:الساعه 2 وكانكم ماتغديتو..
الهنوف بهدؤ:اذا يبي الغداء بجيب لك الحين..
سلطان بنظرة استهزاء:توى الحين السؤال..
اسكتت وهي تناظر ام سلطان الي قامت لتلفون ودقت للمطبخ اطلبت غداء ناظرتهم شوي وانزلت تحت
سلطان :عاد كذا وماقدر اصبر انا اقول لامي شي وانتي تثبتين لها العكس..
الهنوف بصدق:مادريت انك تبي اكل
سلطان بقهر :والى الحين مابي واذا جابته رجعيه على طول مابي اشم ريحته..
الهنوف كل هذا تبين انك ماتبي..معليه باصبر عليه على ماقال واحاول اغيره ولو شوي.. اووف انا اتنازل وهو لا..
وقفت تبي تطلع مسكها وجلسها مره ثانيه لفت له على طول لايقول شي وبنبره استهزاء:انا بوقف عند الباب انزله قبل تشم ريحته
سلطان :خليه ابيه..
الهنوف بستغراب:خلاص هدني بجيبه
هدها وهي تلف عنه جابته وحطته قدامه على الطاوله
اجلست على الكنبه القدامه وبعيده عنه ناظرته بملامح وجهه الجذابه وهو يناظر الاكل رفع راسه له بسرعه ارتبكت وصدت عنه
سلطان :شيليه ماعجبني
الهنوف توقف وتشيله :لو قلت لامك مابي احسن من تقوم وتدق عليهم
سلطان :يعني تقصرين في واجبتس وتزعلين يوم قامت تدق..
الهنوف تناظره بصدمه وقهر:انا مقصره في واجبي ...
سلطان يلف عنها ويمدد رجليه على الكنب:لا ..
الهنوف بغيض:بس تبي تقهرني..
سلطان ببتسامه:وش اسوي ادور سالفه ...
مشت عنه حطت الصينيه بالمطبخ ترددت ترجع له رطبت شفايفها خذت نفس واطلعت له برى
شافته يوم لف لها يناظرها تقدمت واجلست على الكنب منزله راسها وتتامل زخارف الفرش بتمعن تأمل ملامحها وباين فيها الضيقه وشين الخاطر
ابتسم وبدون شعور :احبتس ياالهنوف..
مازال عقده خفيفه في حواجبها وتناظر تحت عضت شفايفها بقهر يبي يستميلني بسلوبه مره ثانيه..
دقق في ملامحها ارفعت راسها له شافته ونزلت راسها مره ثانيه حست بنظراته توترت وارفعت راسها
الهنوف بهدؤ وممزوج بقهر ورتباك:وش تناظر..!!
سلطان حرك اصابعه بخفه قدام وجهها:احاول ارسمتس بداخل خيالي..
تنفست بعمق ووقفت:تبي شي قبل انزل لتحت..
سلطان ببتسامه الامبالاه:مابي شي .. بس لاتنزلين..
الهنوف:مشغوله..
سلطان:ترتبين البيت او تزينين العشاء مثلن او ايش..
الهنوف تفرك اصابعها بتوتر وتنفس سريع:انا لازم انزل لو سمحت ..
سلطان يرفع وحده من حواجبه :تفضلي حبيبتي..
ناظرته بسرعه ولفت تنزل اطلعت وصكت الباب حست بدموعها تخونها ليش مارضيت عليه الحين الواحد اذا جاء بيتعذر موب يغير اسلوبه للاحسن وهذا الي سواه
لاحد يلومني لاني مدري وش صاير لي..بس حسيت انه عارف انه يقدر يتحكم فيني وانا لي شخصيه عصيبه..
خذت نفس ونزلت تحت مافيه احد الوقت ظهر توى ماذن العصر تمشت بالحديقه شوي اسمعت اذان العصر لفت للبيت ادخلت الى الحين ومافيه حس لحد ماحبت ترقى مع انها عارفه انه يمكن يتوضى للعصر بس ماقدرت ترقى
............................
فى النعيريه- فى الجامعه
سميره بستغراب وقهر:اقول لاتصيرين سخيفه
لمياء بغيض:ايه اسلوبي معه جاف مراح اتاثر بكلامه ولا نظراته انا عارفه من البدايه انه بيلعب بي متعود على البنات
سميره :طيب لاتصيرن معه كذا اهدي
لمياء :لا لا كذااااب انتي لاتنسين يوم كلمته نوف وش قال يقول ماحبها وفي البر يقول اكرهها..بس وشو انقهر يوم شافني ماعطيته وجه ويبيني استسلم له وعقب بلعب بي..هذالا المغازلين
سميره بصدمه: وانت وش دراتس عن المغازلين ..
لمياء بدون اهتمام:يعني انا عايشه بلحالي اسمع ياحبيبتي واشوف ولاتنسين الباص وش قال لنا
سميره:بس كل انسان يتغير
لمياء بدموع:ياويلي ياسميره ليش حظي كذا ليش
سميره بحزن :خلاص يالمياء كل كلامه يبين انه يبيتس لنفسه
لمياء تشهق:كلكم واقفين في صفه ...جاب لي النفسيه مره يقول كلام زين ومره يفشلني ويستهزي ليش ماقلتي انه حقير وماعنده اسلوب ليش بس تكلمون علي انا
سميره تضمها :خلا ص اهدي شوفي البنات يناظرون لنا..
امسحت دموعها وابعدت من سميره المبتسمه
لمياء :خير ليش تبتسمين
سميره :امس محمد كلمني
لمياء بسخريه:وانشالله بعد هو يحرضتس علي
سميره بتردد وخوف:لا يقول يبي يسوي عرسنا مع مفلح
لمياء بقهر:ياشين اعلومتس يعني عشانتس خويتي بفرح
سميره بقهر:مالت والله اني فرحت يوم شفت صورة مفلح بجواله وعلمني انه خويه وفرحت لتس اااه بس علي الي خنتي فرحتي
لمياء :الا صدق الحين يعني اطلعو اصدقاء
سميره :ايه شفته بمقطع لهم بالعمره عرفته وعلمت محمد ان خطيبته الاهو انتي صديقتي
لمياء :ومشالله ومطيحه الميانه بينكم وتوكم ماعرستو
سميره :عاد وش نسوي فيكم انتو متخلفين واحنا ناس متطوره اجل عرس على طول لاشوفه ولامكالمه
لمياء :طيب ملينا من النقاش في ذالمسائله بس هو كيف اخطبتس
سميره بدلع :شافني في بيتهم
لمياء بقرف:وي شينتس يوم تدلعين ليتني مسكته بالبر ونصحته..
سميره فجاءه تقرب صوب لمياء وتبوسها:الا لبى روحتس ..من عقب خطبت مفلح عليتس وهو جاي يخطبني وملك بي على طول ههههه
لمياء : كلي بركات الله يزيدني...
...............
فى القريه
نوره بستغراب:تقولينه صادقه
ساره بتوتر:ايه
نوره:اهااا وش قالت عمتي
ساره تنهد:تقول ماعليه لوني وافقت
نوره:شكله بتطلع لنا لمياء ثانيه يبيها وهي تكابر
ساره:يوم رفضت كان ابي احس بالامان توني ماخذيت عليهم وهو جاي يخطب على طول
راشد يدخل الحجره ويجلس:وش عندكم
نوره تلف له:ساره انخطبت
لفت لها ساره بصدمه وغيض
راشد يعدل جلسته:من الي خاطبها
ساره بسرعه:ماتعرفه ...وامي داريه خلاص رفضنا
نوره بدون اهتمام بساره :تعرف واحد اسمه سعود هنا مدري شفته ولا لا
راشد بستغراب:ايوه ايوه سعود اعرفه هو اي خاطبتس
ساره بسحى نزلت راسها :ايه هو
راشد:وليش ترفضين رجال وسنافي وامي تمدحه
ساره ببتسامه:بعيد منا ولا ارتاحت
راشد:كيفتس اهم شي الي يريحتس
ساره :فديتك الله يخليك لي
راشد:انا بطلع المغرب يقولون عندهم دكه يتجمعون فيها بروح لهم ..تبون شي
نوره:سلامتك
راشد:لا جيت جبت العشاء معي منيب مبطي...طلع وساره تلف لنوره
نوره:ليش ترفضين وانتي متحفزه من واحنا بالبر
ساره بصدق:فكرت من خطبني وانا مانام قعدت افكر واتخيل حياتي معه حسيت انه موب الي تخيلته ولا ارتحت بصدق
نوره:كيفتس هذا النصيب
ساره:امس كلمتني الهنوف
نوره:وش اخبارها ماحملت
ساره:كان تاكل حبوب المنع
نوره بصدمه:ليه هم عندهم ضعف بيزيدها
ساره :ايه حست بالندم عقب ماحبت رجلها ..على ماظن خلتها نص رمضان قد لها شهرين تقريبن..
نوره :وش بتسوي في عرس لمياء
ساره :باقي اسبوع وينتهي شهر 11 والعرس بشهر 1 صح
نوره برتباك:ايه
ساره برفعة حاجب:وش فيتس مرتبكه
نوره تبتسم :مافيني شي ..وين امتس مابعد جات
ساره :امي كانه مابعد شافت الناس في حياتها كل يوم عند وحده
نوره :هههههه مشالله عليهم يتجمعون كثير وعمتي منحبسه اهناك
ساره:حظها عاد ماجابت جدتي الا هي وابوتس ووحده ثانيه من رجال بس غريبه مانشوفها
نوره:عشانه ماتقرب لنا وش تبي فينا
.......................
فى قصر سلطان
ام سلطان تناظر الهنوف بشك:سلطان يدق على جوالتس ماتردين..
الهنوف تاخذ جوالها من جنبها دق مره العصر بس مارحت وحطته صامت خافت وهي تشوف سبع مكالمات منه اندمت انها حولته صامت اكيد زعلااان الله يستر كاني ماعرف عصبيته حطت الجوال جنبها وقفت مشت شوي وارجعت بتوتر تاخذه من الكنب
ام سلطان:دق على اذان العشاء بس انتو برى ونسيت اطلع اناديكن
الهنوف تبتسم لها وترقى الدرج بسرعه وقفت عند باب الجناح افتحت الباب وادخلت بشويش يارب راقد ..وقفت فجاءه ولا ارجع احسن لي..لالا واذا بغى شي..اووف مشت على فرش الردهه الفاخر وقفت على عتبة باب الحجره وناظرت كنبات التلفزيون مكان اهناه ناظرت السرير موب موجود
ادخلت شوي بوسط الحجره شافته بالبلكونه واقف ومعنز يده على السياج وسرحان
وقفت ورءاه عند باب البلكونه وبسرعه:الجوال كان صامت مادريت وخالتي نست تعلمني انك طالبني ماعليش اسفه..
سلطان يلف لها ويتجه صوب الكرسي اجلس وظهره لها:ماهميتس ليش تأسفين..
الهنوف براحه عقب ماشفته هادي قربت منه:موب قصدي اهملك من واجبي ارعاك..
سلطان يناظر لقدام :بس جايه عشان واجبتس..
الهنوف جرب القهر موب بس انا وببرود:ايه بس عشان واجبي ااديه وبس..
سلطان ببتسامه:لوما حبتس الي متربع اهناه وياشر لصدره..كان قلت لتس ابيات توجعتس على ذالكلام..
الهنوف ترطب شفايفها وبتوتر حاولت تخفيه عنه:تبي تقول ابيات تنفس عن نفسك وتجرحني عندي مناعه ترى ..
سلطان يلف لها وهي واقفه جنبه مد يده ليدها وقدمها لقدامه لفت عنه بقهر واسحبت يدها منه لقته ظهرها وهي تناظر لبرى وتهز رجلها بتوتر
سلطان ابتسم ابتسامه هاديه وجذابه:تدرين بقولها ذالابيات لو ماودي بس مشكله اتناسبتس..
لفت له بعيونها وهي على حالها
سلطان يعنز يديه ورى راسه وبروقان :شفتي نجوم الصبح
ناظرت لفوق ابتسم مره ثانيه وهو يشوفها تناظر لفوق وكمل:
بانت نجوم الصبح والي في عيوني من عصر
لاهوب دمع لاتضايقت اتنهد واسكبه
لاو الله الحلم شيخ عن طموحه ماقصر
لو قصرت سوداليالي عن يمين وشنبه
وان الوني ماتعملت الهزيمه والنصر
ماكن ذقت من الهوى القتال امره واعذبه
شاعر وعصري فاتني واعيش في اغرب عصر
لا الوقت وقتي والزمن مابيني وبينه شبه
لكن هنوف مثلت دور العزيزه في مصر
قدت قميصي واسرفت في وصلي قبل انتبه
يوم انتبهت استشدهت ضدي بحراس وقصر
قلت ارحمي عزيز قومن ذل وارخى منكبه
ماني نبي الله اقوام حسن خصرتس لانحسر
انا بشر عبدن ضعيف كل برق يجذبه
قالت وهي توها تثني كان مافيها خصر
الشعر ياسلطان ورث اجدود ولا موهبه
قلت الشعر سحر يسخر لي قلوب ويختصر عمر
المسافات الطويله والزمان المجدب سلطان :وسلامتس ياقلب سلطان
الهنوف برتباك رصت على قبضة يديها وغمضت عيونها بقوه وعبره بحلقها..
سلطان يعنز يده على الكرسي ويقوم بصعوبه قرب منها وحط يديه على كتفها :تحبين الجفاء كثيرررر..
الهنوف بنزعاج ودفى يديه ياأثر فيها:ماحبه كثر مانت تقلب مشاعري بيدك وانا مستسلمه..
سلطان يضمها من وراءها:انا بشر ضعيف ماقدر اقوام جمالتس وعذوبة مشاعرتس..وش عاد فيها لو قلبت مشاعرتس وانتي مستسلمه
الهنوف بدموع :خليتني ضعيفه قدامك اي زله منك تمحاه بكلام عاطفي وانا بكل حب اتقبله بكذا انا دائم خسرانه قدامك..
سلطان :الخساره في هالاموره مكسب
الهنوف تلف منه بصمت
سلطان يناظرها بهدؤ:لازم تطلعين من كل شي كاسبه مشكله كبيره مايطلع اثنين كسبانين في دور واحد ..
لفت منه وراحت ترنح شوي وهو يقرب من حديد البلكونه تمسك فيه ابتسم وهو يناظر النجوم يبي لها شد شوي وارخاء عشان تاخذ على اسلوبي وتحبني بكل شخصياتي وتعرف اني الدور الوحيد الي يكسب بكل مره
...

[7btin]

:::البارت الثالث والستين :::
فى بيت بو فهد
منيره :نوف شريتي لتس فستان
نوف:ايه شرى لي مبارك يوم اقنصو بالمغرب جعلني مابكيه.. بخليه لعرس لمياء..
منيره بستغراب:غريبه يعني اول الشهر دخلتها وعرسها بشهر 1
لمياء بصوت عالي وهي تنزل الدرج:انتي تشوفين يلعب ويخطط على كيفه
نوف:غريبه مارفضتي
لمياء تجلس جنب منيره وتبوس هبه:استحيت اجادلهم في الموضوع
منيره :بس يعني لاجاء يوم العرس بتنزفين مره ثانيه
لمياء :اكيد بيحطونه بقصر وبيجون خوياتي ...
نوف بستهزاء:مشالله بس بتداومين عليهم معرسه
لمياء :منيب قايله لهم
منيره :بس بيوضح انتس معرسه
لمياء بعصبيه:وليه يوضح وش تغير
نوف :ياسلاااام اكيد بتزينين موب نفس اول
لمياء بعناد:لا معصي والله ماتزين الا بعد العرس الاساسي وبعد بفكر
منيره تسحب بنتها:اقول شوي شوي على بنتي روعتيها بصوتتس
لمياء بتنطيش:اصلن الهنوف بتجي في العرس الاساسي هي تقوله وذالدخله الي مسويها يفرح بها بلحالها اصلن ماحد جاي فيها
نوف بصوت عالي تناظر الدرج:يالله حي فهودي..
فهد بتعب يجيها وينسدح على فخذها :همزي راسي اااه يامحق راس
نوف تهمزه:وش فيه
فهد :مدري امس اتدلع بشعري وشكله تاثر موب وجه دلع
منيره :هههههه تبيه يتحرك ومافيه امل
فهد:ههههههه اتناظريني اجل
لمياء تاخذ هبه وتوقف:انا بروح اكمل دفتري
فهد يقعد:انتي يالعروس في شهر 12 ترى مصدقه بيسون لتس عرس ثاني بعدين
لمياء بغرور: وفيه احد مثلي ..روح بس
فهد بصوت عالي ينرفزها:والله الي العب عليها مفلح ياعرب
رقت لمياء سافته ونوف تلف عليه
نوف ترفع حواجبها :وليش تقول ذالكلام
فهد: احس بالعقل يعني عرسين من حضرتها
منيره بتفكير:ليكون صادق بس
فهد:مدري مدري لاتوهقوني
نوف تناظر منيره الي تهز راسها بشك
...
في حديقة بيت سلطان
النايفه بحزن:باقي شهر واروح
الهنوف:عادي رجلتس اكيد سفراته كثير اذا راح تعالي
النايفه ودموعها تنزل :وسلطااان
الهنوف تنهد :مدري وش اقول لتس قولي لموضي يمكن تنفع
النايفه تمسح دموعها:قلت لها وكلمته بس صكه في وجهها وزعلت عليه موضي اول مره يسويها فيها ويصكره
الهنوف:اذا قرب زواجتس اكيد بيحن لتس وبيجي بنفسه
النايفه بامل:مادري اذا ماجاء ذاك الوقت مدري وش بيصير فيني
الهنوف بتردد:طيب تاسفتي ليش مايرضى
النايفه تبلع ريقها :كل شي عنده ولا احد يغلط عليه مايعرف يسامح ..وانا زودتها بقوه ودعيت بعد..
ناصر بصوت عالي فوق البلكونه يقاطع حكيهن:الهنوووووف
لفت له ببتسامه:هلاااا
ناصر :تعالي مفاجاءه لتس
الهنوف بضحكه:صدق والله ..ابشر ثواني بس..قامت والنايفه تقوم معهاا
ناصر:لااااا انتي يابنت لاتجين
النايفه بقرف:مانيب جايتك من زينها مفاجاتك
ناصر:احسن بس المشكله انتس كذابه بتجين
مشن داخل ورقت له الهنوف
الهنوف تلف لنايفه :وش تبين
النايفه :حجرة اخوي بدخل
الهنوف:ههههههه
ادخلو حجرتها وقف عند الكمبيوتر بفرحه
النايفه :وينها المفاجاءه
ناصر بزهق:وش جابتس
الهنوف ترفع حواجبها:خلها ناشبه ...جيب المفاجاءه
النايفه:ماعلي منكم ...بجلس
ناصر بحماس ياشر للهنوف:تعالي اجلسي ..اشر على الكنب واجلسن عليه
جاب الابتوب وحطه قدامهن على الطاوله
النايفه:يووووه واطلعت كذا اكيد صور
الهنوف :ماعليه انا احب الصور ...
ناصر:يسلم لي راعية الذوق ...ناظري هاذي هديه مني لتس
الهنوف بفرحه:طيب ورني تحمست
ناصر بتردد:اول شي اذا امانه بيزعلتس سامحيني وثاني شي تراني توني الشرع يحل لي مابعد بلغت
الهنوف ببتسامه:طيب منيب زعلانه
فتح الملف واطلعت صورها وصور سلطان صور حتى الي كانت بجوالها في البر موجوده وبعض الصور زفافها ومركب صورهم مع بعض ومركب مقطع اغنية محمد عبده والله ماملى غيرك العين
النايفه بنبهار:ابدااع انويصر اخس
ناصر بخوف ناظر للهنوف المبتسمه
ناصر :اهم شي الهنوف
الهنوف بطيبه قلب:والله انه حلوه وانا احب جمع الصور والذكريات
ناصر بحماس:بحطه بسيدي وابعطيتس اياه بس امانه ماتقولين لسلطان
الهنوف:طيب انسخه وعطني اياها
ناصر بفرحه:اكيد انها اعجبتس
الهنوف:ههههه حلووووه تسلم يديك مقبوله الهديه
ناصر:بنسخه الحين وبعطيتس اياها خبيه في محل مايشوفه سلطان
الهنوف بتعجب:واذا شافه
ناصر:ايه عشان يسوي فيني مثل ماسوى بذي..وياشر لنايفه
النايفه بعقدة حاجب وضيقه وقفت:لو ماخوف اني ازعله علي زياده كان علمته بالسيدي...اطلعت وخلتهم
ناصر برتباك:الله ياخذها عسى ماتقول له..
الهنوف تهديه:لا اطمن مراح تقوله شي عطني هذا يخصني بخبيه بسرعه قبل ياصلون
ناصر بعجله:يالله ....سوى له نسخ فرمت الجهاز وعطى الهنوف السيدي خذته وراحت لحجرتها
ابتسمت ياحليلك ياناصر تجنن صوره ,,اسحبت شنطتها اليد وحطتها فيه البست اجلالها وانزلت تحت
ام سلطان :يالله حي ام نايف
الهنوف تنهدت بتوتر من السالفه :الله يحيتس .. كيفتس اليوم
ام سلطان :طيب الحمدالله بشوفكم متجمعين
الهنوف ببتسامه:كلها ايام وتروح النايفه ...
ام سلطان تنهد بقلق:الله يوفقها ..الحمدالله الله جابتس تسدين محلها
الهنوف:حتى لو لها فقده .
ام سلطان :ايه اهم شي سعادتها... خلصت اغراضها كلها
الهنوف:تقريبن كلها ...اسمعو صوت الباب الرئيسي ينفتح ادخلو سلطان ونواف الي راحو يفكون الجبيره لسلطان بعد اسبوع
قربو منهم
ام سلطان :بشر مرتاح
سلطان :الحمدالله ...كل شي زين
الهنوف بصوت واطي:الحمدالله ...
لف لها وابتسم قرب لها:حتى لو ماطبت هو بس شوفتس الي ريحني
الهنوف بعد الليله في البلكونه وهي تحس بحنين له بس طبعها فرض عليها اسلوبه الجاف معاها ماعمرها رضت على طبعه الحاد بس غصب عنها ماتقدر تبتسم له بصدق ماتعودت صح رضت عليه بس فيه بقايا وببتسامه هاديه ناظرت لنواف الي لف منهم ورقى فوق والنايفه تنزل
ام سلطان :زوج نواف زوجه
سلطان :هههههه ياشر بس ابو نايف ويبشر...
ام سلطان :بنشوف له بعرس النايفه
سلطان يرجع يجلس وهو ماسك يد الهنوف:تبون الصراحه هو قالي في السياره انه يبي اخت الهنوف..رفع يدها له وباسها
بخجل رصت على قبضة يدها الثانيه دق جواله لف ورد عليه
النايفه بصوت واطي لايزعل عليها بعد:الهنوف اختتس لمياء انتي تقولين انها افسخت خطبتها
الهنوف :خلته بس الحين رجع لها وتملكت
النايفه ببتسامه وجع:مشاالله..
سلطان يصكر تلفونه:يمه ولا عليتس امر دقي لا ام بندر
النايفه تناظره بفرحه انه تكلم في شي يخصها
ام سلطان:ليه
سلطان:يسالني عن امور العرس مانيب فاضي اشرح الي تبون دقي لها..
النايفه ودموعها تهدد بالنزول لفت عنهم واطلعت برى
الهنوف بستغراب شافته يكلم ناصر الي نزل واطلعت لنايفه واقفه ورى عمود البيت وتصيح
الهنوف بقلق:وش فيتس ..
النايفه ويدها على وجهها :لو فيه بس نسبة رضى عني كان سالني انا وش ابي وهو يقول مانيب فاضي اشرح له ...
الهنوف تضمها:خلاص اهدي مستحيل مايرضى عليتس شوي بس الى ان ينسى
النايفه وصوت اصياحها يزيد:اخاف يجي وقت زواجي مارضى
الهنوف تمسح شعرها المهم انه يتقبل مشاكلها هو الي دلعها حتى ناصر اخر العنقود مادلعه نفسها
النايفه بهدؤ:انا بروح اتمشي شوي ورى البيت
الهنوف ببتسامه مريحه:روحي فضفضي عن نفستس حتى لوتصيحين محد يشوفتس طلعي الي في خاطرتس
النايفه ببتسامه تمسح دموعها :طيب...راحت منها والهنوف تدخل عليهم اجلست جنب سلطان وناظرت ناصر الي يغمز لها
الهنوف:هههههه
لف لها سلطان:وش صاير..؟؟
الهنوف بصوت قصير:كل هذا فرحه انك جيت
سلطان ببتسامه:اثرني اخبل بالنسوان..
الهنوف ترد له الابتسامه :من زمان..
سلطان بحب مسك يدها وبصوت حنون :كل الايام الي راحت ترى منيب مبسوط من الي تسوينه فيني الهنوف مايوجع الرجال الى ان جاءه الجفاء من واحدن غالي
الهنوف تنزل راسها بخجل وتردد:مابيك تاخذ على كذا تزعلني على كيفك وترضيني متى مابغيت..
سلطان يقرب لها:ليش تفسرين على كفيتس ماسويت كذا ولا يرضيني حتى تفكيرتس هذا
الهنوف ترجع شعرها ورى اذنها:مراح افكر مره ثانيه هالتفكير بس انت بعد لاتخليه يمر علي
سلطان ببتسامه حب:اذا علي ازهليه...هز راسه.. اخليتس اتفكرين باحلى منه ...
ناصر:مايصلح المناجاه وفي واحد ثالث
سلطان برواقان يلف له:اوووه انت هناه ذكرتني ..الفصل الدراسي الثاني بنقلك متوسطة(.....)قريب تروح لها برجليك..
ناصربرااعه:يمممه تسمعينه
سلطان بنبره حاده:خلاص هي مره وحده الي وافقت لامي عليها وبس
ناصر بترجي:اووما اروح لها برجلي بعد
ام سلطان:لا انا معاد لي دخل فيك ..وقفت بتروح ..بروح ارقد الساعه قدها عشر
سلطان :تصبحين على خير..ايه وبعد شارعين تبي السياره تجي وتاخذ من قدام المدرسه قدام اعيالهم..
ناصر بحباط:تبي تسوي بي مثلك ..
سلطان : وانت هنا الى ان تخرج وتدرس برى..
ناصر بقهر وتردد ناظر سلطان:الهنوف ترجيه علميه
الهنوف بتوهيقه لفت لسلطان الي ناظر لها ولف لناصر
الهنوف:هذا وقت مراهقه لازم تصير عند اخوانك
سلطان :بعدي والله ..قوم روح ارقد بكره الجمعه
ناصر بمحاولة امل:ونواف درس اهناك طيب..
سلطان بصوت عالي:ناصر لاتخليني اتنرفز والله ان تدرس اهنا من يوم السبت
لف عنهم ناصر بضيقه وطلع برى
الهنوف:عسى مايزعل علي
سلطان تنهد بتعب ولف لها :هذا قراري انا الي اتخذته ..
الهنوف بتردد:كلهم اطلعو برى ..وكلهم زعلانين عليك
سلطان وهو يوقف:ومتى رضو ...الي اسويه بتحمله الى ان يكبرون ويحسون بقيمته
الهنوف توقف جنبه وتمسك يده باستها بحب:الله يخليك لنا كلنا انا فخوره فيك وفي تصرفاتك ...
لف لها ابعد الجلال عن وجهها وباس خدها :الله يخليتس لي ..ماقصرتي ورفعتي معنوياتي
الهنوف ببتسامه:هاذي الحقيقه ...
حذف مفتاح السياره على الدرج بقصد لفو لصوته
نواف ينزل الدرج بسرعه وبتمثيل:المفتاح طاح مني ..مع السلامه.. مر من جنب الصاله
سلطان ببتسامه:نواف
نواف يلف له:لبيك
سلطان :لبيت حاج...الاسبوع الي راح شفتها الشركه ..!!
نواف:ايه نعم شفتها
سلطان :اسبوع تجربه وقد راح.. داوم لها من بكره وانا بعطيك صلاحية ادارة الشركه
نواف ببتسامه:ماتقصر انشالله اني قدها
سلطان :وهذا العشم فيك ...وبكذا بتسكن بالرياض صح
نواف ببتسامه:صح .....بس بجي خميس وجمعه ..
سلطان يضحك:الله يحيك..
نواف :في امان الله ..طلع برى شاف ناصر واقف عند الكراسي والنايفه تمشى بين الاشجار
نواف بصوت عالي:يالربع تبون شي
لف له ناصر وصد عنه والنايفه تلف عنه راجعه لاخر البيت
نواف براعه:افا وش فيكم
ناصر بنرفزه:واخوك حط فيها راحه كل شي مسيطر عليه
نواف بغضب:انويصر لاتحدني ارجع واعلمه بكلامك
ناصر بسرعه:خلاص اوف مافيه حرية راي
لف عنه نواف وراح لنايفه الي شافته واجبرت نفسها على ابتسامه
نواف:بعد عندتس مشكله
النايفه تنهد:لا كل شي زين الحمدالله
نواف:ليش زعلانه وضايق خلقتس
النايفه :مراح تفديني ولكان قلت لك ..خلها على الله
نواف:يعني سلطان .. هزت راسها وهي تخفي عبراتها
نواف :والله ياختي ماقدر اسوي بتس شي انتي الي جبتيه لنفستس ..يالله تبين شي انا بروح لرياض وشكلي بستقر
النايفه تلف لها بصدمه:ليه تستقر
نواف:صعبه ابي سلطان ياخذ راحته مع مرته
النايفه :عادي والله انها ماتضايق منك
نواف:عارف بس اني ذيب فهمتها من اخوتس الرجال عنده مره وانا حجرت لها بذاالجلال..يالله نزل على راسها باسها وراح منها
تنهدت بالم وراحت للبيت ادخلت شافت الصاله هاديه مافيها احد اكيد راحو لجناحهم وبقهر ياشينك يذالناصر على بالك زعلان
جالس على الكنب وبجنبه الهنوف
سلطان يحرك الميداليه بكف يده
الهنوف بنبهار من الميداليه الذهبيه وكلماتها منحوته وبارزه بحبات الماس:ناحته باالانجليزي
سلطان ببتسامه:ماعرفتيه
الهنوف تهز راسها ببتسامه:لا وش كاتب..
سلطان يلف لها وببتسامه جذابه :هذا اسمتس وهذا اسمي في الجهه الثانيه
الهنوف ببتسامه فرحه:ايه عرفت..بس وش مكتوب هنا
سلطان يناظرها بحب:ذقت من هواها اعذبه..
الهنوف تبتسم بخجل:قلتها في القصيده هذاك اليوم
سلطان يعض خدها:يعني مستمعه وليش ماتفهمين بسرعه..
الهنوف تمسح خدها بوجع:ااااي
سلطان يبعد يدها ويمسح خدها بسرعه:ابوسه
الهنوف :ههههههه..وين بتحطه فيه
سلطان :بعلقه في سيارتي الخاصه...وان جانا نواف حطيته تحت اسمتس
الهنوف بهدؤ:انشالله قريب
سلطان :والبنت بسميها علياء
الهنوف:لا لا انا ناويه اسميها رفيف من زمان
سلطان برفض:لا يكفي بنت موضي
الهنوف:بس نفسي فيه قبل اشوف رفوف
سلطان :اذا نفستس فيه سمي على الي ابي وبيجي بنفس شهوتش لرفيف
الهنوف تنهدت في نفسها ووبتسامه:يعني عارف انك غالي ليش ماتفهم بسرعه
سلطان ياشر على خده:قلدتيني في الكلام يالله لاتعضيني بوسيني
الهنوف :هههه مافيه عدل..
سلطان يحط اصبعه على غميزتها:بوسيني هنا يابعضتس
الهنوف تضحك :بس انت مافيك..
سلطان بصرار :معليه
قربت منه وباسته بقوه:ههههههه
سلطان يقرب خدها من خدها ويرص عليه:ياحلووها
دق جواله ابتسم وابعد شاف اسمها ورد
سلطان:مرحبا
موضي بزعل وبدون مقدمات:ليش تعبت وماعلمتني
سلطان :الحين طيب الحمدالله
موضي:الحمدالله.. بس كان قلتو لي حرام عليك منيب غاليه والاكان قلت لي
سلطان:لوتس منتب غاليه كان علمتس وضايقتس وانتي رايحه تمشين.. موضي تنهد :الحين طيب ماعاد توجعك
سلطان :طيب.. وشلونه ابو سلطان
موضي:بخير ويسلم عليك ..انا بكره انشالله بجيكم عشان اخذ النايفه اسبوعين عندي
سلطان :لا مهيب طالعه من البيت الايوم عرسها
موضي بستغراب:ليه انا من زمان معلمتك
سلطان:الي من زمان تغير
موضي برجى:لا زم تجي لها برنامج انا مسويته لها
سلطان بحزم:خلاص ياموضي اانا رفضت وانتهى الموضوع
موضي :بتزعل النايفه كل عروس لازم لها شغله تهمها
سلطان بزهق:الهنوف ماسوت من ذالي تقولين وشوفيها معجبتني ومافيها عيب
اضحكت وهي تشوف يمدح وزعلان
موضي:يالله الهنوف مرتك واكيد بتصير غير
سلطان :9\12بتجي هي وامي بالبيت وتعالي لهم
موضي براعه:اليوم الثاني عرسها
سلطان بقهر:انتهينا من السالفه ,,تبين شي ولا اسكر
موضي :ابي النايفه تجي ورفضت
سلطان :مع السلامه ..صكه منها ولف للهنوف
سلطان ببتسامه:الوقت تاخر ولاعليتس امر ابي عصير مانجا
الهنوف ببتسامه حلوه:ابشر ..وقف واتجه لدوالاب وهي تناظره يدخل الميداليه بجيبه خليت الحبوب بنص رمضان قد لي شهرين او شهر ونص تنهدت بحزن ليت اني ماكليتها كان اكيد بتاخر في الحمل بس كنت اكرهه لو داريه بتعلق فيه كذا كان الحين حامل..
وقفت وراحت للمطبخ
........
فى بيت بو مفلح
ام مفلح :خلصت
مفلح يفرك يديه :ايه خلاص بس الحجره بتجي بعد اسبوع ..وينها نوره متى تجي
ام مفلح :بتجي بعد بكره ..انا بروح لخالتك توديني
مفلح :انا مشغول خلي مساعد.. وبتحذير ..يمه احذرو من الزله هاا
ام مفلح بوهقه:زين عاد بتزعل علينا
مفلح وهو يدور بعيونه في جناحه:وتزعل وش فيها ...
اطلعت منه ام مفلح وهو يجلس على الكنب.. بتفكير انا يالمياء الي يلعب بمشاعري تبين اقولها لتس صريحه احبتس تبيطن والله ماسمعتيها اذا ماشفتيها بعيونتس
سمع صوت بوري برى وقف عند الدريشه شاف محمد يسولف مع مساعد ويده على البوري بدون اهتمام بصوته المزعج
مفلح بصوت عالي من الدريشه :سميرررررررررره
طلع محمد راسه من الدريشه وناظر فوق كش عليه ومفلح يضحك صك الدريشه وانزل
مساعد يناظر مفلح الي جاء ومحمد بالسياره :من سميره اعترفو هاذي شكلها مغربيه
مفلح :هههههههه الله يهدي محمد طاح فيهن
محمد يشغل السياره :مع السلامه
مفلح يفتح الباب ويركب بسرعه :ياخي وش ذنبي اني سمعتك تكلمها
محمد :وش ذنبي بعد انا جايب لك اعلوم زينه وانت تهزى
مفلح :عاد اسمح لنا ذالمره اسمها غريب
محمد بتنهيده:سمتها امها على الممرضه الي ولدتها ..بس احلم يامفلح على الحرام معاد تسمع الي بعلمك به
مفلح براعه :اوف فيها على الحرام غسلت يدي
محمد:اغسله غسل
مفلح :بس من عنه ذالعلوم
محمد :بقولك بس ابي اقهرك ..عن لمياء وحرك حواجبه ..تحسب بس انت الي تعرف اسم مرتي
مفلح بضيقه وعصبيه شوي:وش يدريك عن اسمها
محمد بستغراب:لا يارجال اخذ راحتك في الي تبي وغيرك يزعل ولا عادي
مفلح بتنهيده هدا نفسه الله لايبيحك ياسالم شككتني فيها
محمد بضيقه:ارجعك للبيت
مفلح وهو يسحب ابتسامه:شكلك انت الي تبيني ارجع
محمد:ايه الظاهر ناوي تشين المشوار
مفلح يلف لدريشه :اعذرني بس مثل منت عارف محسسني شوي طاريها محمد بهدؤ:اجل سكتنا خلاص
مفلح يلف له:لا وش كان بتقول
محمد:انا دريت عن اسمها لانها خويت اهلي ..وهي شافت صورتك معي ودرت
مفلح :شافته معك وش دراها عني
محمد:هي عارفتك عقب ماشافته بجوال وقد شافت صورتك مع لمياء ..وبعناد ناظر له
مفلح بضحكه :اتعاندني باسمها ..وش جاب صورتي معها
محمد:مدري يعني مرتك اكيد صورتك معها
مفلح يلف له:لا تحسبنا مثلكم اصور معها بالملكه ..وش العلوم الي جايبها عنها اكيد بتقول لمرتك شي
محمد :لا هاذي امعصي تسمعها مني انا حالف
مفلح بزهق :علمني ياشيخ
محمد:والله لو تبطي
مفلح :كيفك ...
.............
فى بيت بو فهد
لمياء بعصبيه :صدق انتس كلبه ياحماره الله ياخذتس
سميره:هههههههه هدي هدي ...وش فيها اصلاح ذات البين
لمياء بستهزاء:اصلاح ذات البين ..كلميه ذلحين خليه يسكت
سميره :خلاص كلمني العصر يقول انه بيروحون مشوار لدمام الحين العشاء اكيد انه قاله
لمياء بقلق :حرام عليتس وش قلتي له بالتفصيل
سميره تنهد بملل :يعني لازم تحفظين كلامي ...ماشي بعوده قلت له ان خويك مرته خويتي وكان بعد هادها وسب خويه عندتس ماتستاهلين
لمياء :المهم بس
سميره :درى اني اعرفتس وقلت له ليش مايحس فيها..وبتردد..ويقول لها احبتس هي تنتظر بس ذالكلمه وبتعلمه بمشاعرها له
لمياء بتوهيقه:جعلتس الموت ياالمصريه...هو من حاله كل شوي قايل تحبيني وتحبيني وتروحين اتاكدين عليه
سميره :ترى زهقتيني ...ياقولي صح عليك احبك ياخبي عيونتس يالخبل لمياء تنهد بتعب:مالت عليه عيوني غصب تلف له
سميره:مع السلامه.. محمد انتظار وتبطين اخليه واسولف عليتس
لمياء:يمه وانا قلت شي ..صكته سميره في وجهها ولمياء تحط الجوال ناظرت في شكلها بالمرايه والله انه مايستاهلني اطلعت لصاله اسمعت جوالها يدق اسفهته وانزلت
سميره:ليش ماترد اعلمها انه ماقاله...ارسلت لها رساله وارجعت تدق لمحمد بعد ماقالت له انه بترسل للمياء اتعلمها
...........
نهايه البارت

[7btin]

:::البارت الرابع والستين :::

فى القريه بعد ماخلصت ترتيب شنطتها الصغيره طلعتها برى
راشد:بتروحين ذلحين
ساره:ايه بكره السبت متى بتروحون
نوره:انا مفلح محتاجني بنستعجل ..لفت لراشد انروح بكره
راشد:مختبص الرجال
نوره:لا بالعكس ..على اقل من مهله غريبه ...باقي اسبوعين على دخلته
ساره :لاجات امي قولو لها اني رحت وابجي اتغدا عندكم
راشد:ترى بناخذها معنا
ساره برجى:لا تكفى خلها الى ان نجي كلنا باجازة الحج
راشد بستبعاد:لاااا ثلاث اسابيع بعد باقيه
ساره:اسالها اول شوف اذا وافقت ولا لا
راشد :مافيها ثنتين بتجي معنا ...
تاففت ساره واطلعت انزلت وراحت للمدرسه ادخلت على البنات بعضهن ارقد وفاطمه واعيه اتناظر التلفزيون
فاطمه:يالله حيها اخت راشد
ساره بملل:الله يحيتس ..ليش مارقدتي
فاطمه بحزن:دقت لي جدة اعيالي تقول علي تعبان محموم
ساره بتاثر:لااا ودوه للمستشفى
فاطمه: ايه ركبو عليه مغذي وانشالله انه بيخف منه انتظر مكالمتهم
ساره :الله يشفيه يارب ...
فاطمه :امين ...
.........
فى قصر سلطان
الساعه 11 الظهر
الهنوف بفرحه:رفوف كبرتي
رفيف بضحكه:صرت مره
الهنوف:هههههه ايه
موضي تجلس على الكنب:وش اخباركم وش اعلومكم
الهنوف تلف لها :طيبين الحمدالله وش اخباره سلطان الصغيرون
موضي:طيب الحمدالله
الهنوف:وينه ماشوفه
موضي:ماجبته.. انا بروح بعد العشاء
الهنوف:بس خالتي موب موجوده يمكن تروحين ماجات
موضي :اوووه لاتقولين بكلمها..اكيد عند خالتي حصه
الهنوف:ايه توها رايحه
موضي:يالله ماقال لها سلطان اني بجي اليوم
الهنوف:انتي دقيتي وهي قدها راقد واكيد انه نسى
موضي تلف لها بحماس:تعاااالي وش اخباركم ذكرتيني بالتحديد قلبتس ادخله اخوي
الهنوف ببتسامه تهز راسها بايه:انتي تقولين اسلوبه كذا حتى لو ماحب وهقتيني وخليتني ااحاول اصد منه
موضي بجديه: خفت لاتعلقين فيه وبعدين يتركتس
الهنوف ببستامة خجل:انا تعلقت فيه كثير وهو صرح بمشاعره
موضي بفرحه:يعني استستلم
الهنوف بضحكه:كله بركات البر
موضي:هههههه ليكون يوم قال عندي مشوار لرماح جاكم
الهنوف بفرحه من داخل يعني كان مشتاق لي صدق ابتسمت وموضي تناظرها
موضي بسعاده لهم:صدقيني اني ادعي لتس من داخلي في كل يوم اخوي صعب تفكيره وحياته حسبت انه بيعيش حياه ممله فيها اطفال ومره ماله خص فيها بس الحين عيشتيه جو الاسره والحب انا اتمنى لتس الخير من كل قلبي ومن وين مالقيتي وجهتس
الهنوف ببتسامه هاديه:انا سلمته نفسي كلها وبمافيها قلبي بكامل قناعتي
تنهد بحب رتب اشماغه وطلع لهن من ورى حاجز الصاله
موضي توقف وتناظره بعقدة حاجب:اتعرج للحين
سلطان ببتسامه:شوي وبيخف العرج..وينها رفيف
موضي :رقت لنايفه ...وبتردد...مصر للحين
ناظرها سلطان بحده:انا بتغاضى عن الكلمه بس لنتس جيتي تتطمنين علي ولو الزياره لغيري زعلتس
موضي:لا خلاص كيفك ...الحين كيف اسلم على امي
سلطان :مافيه مشكله ارقدي وروحي بكره...
موضي بقلق:عندي شغل اهناك
اقعدت عندهم الى ان جات امها الساعه عشر وبعدها ماقدرت تسري قررت ترقد وتروح بكره الظهر
النايفه في حجرتها وجنبها موضي :انا قلت لتس ماله داعي
موضي بتوتر :ياختي لازم تسوين لتس برنامج على االاقل اسبوع
النايفه :وش اسوي عاد رفض ..وينها رفوف
موضي تلفت :وين راحت ...
الناييفه :بروح ادورها ..اطلعت من الجناح دورتها بالبيت الساعه 12 وين بتروح
منسدحه على السرير في حظن الهنوف وتقص لها قصه
رفيف:وين مكانكم الي تسون فيه لعبتكم
الهنوف:مره قدام البيت مره في الحديقة..
رفيف:وماما وش تقول ..عادي ولا تاخذكم داخل
الهنوف تضحك:لاعادي اصلن تقول اطلعو برى ..
النايفه بزهق وين راحت وبعد نص اليل ..اخاف عند الهنوف رقت الدرج الي نازله نصه واتجهت لجناحها
سلطان بصوت عالي وكانها يمنع دخلوها قبل تفتح الباب:نعم نعم..
النايفه ويدها على كولون الباب وبحراج :ادور رفيف..
وصل لها ابعد يدها عن الباب بعنف دخل وصكه بوجهها
نزلت راسها بألم وابعدت عن الباب
رفيف بصوت عالي:وش اسم الاغنيه الي تغنونها وانتي صغيره..
الهنوف بتفكير:اممم ماعرفها ..بس دايم نقول سارعي للمجد والعلياء..
رفيف تناظر للباب ارفعت نفسها من حضن الهنوف وبفرحه:خاااالي
الهنوف تعدل جلستها وتبتسم
سلطان يقرب منهم ويوقف عند السرير:تعالي ياقلب خالتس..وقفت رفيف بسرعه ورمت نفسها في حضنه
سلطان :وش تقولون
رفيف:الهنوف تقول لي قصة يوم انها صغيره واغنيتهم
سلطان :اوووه مانتظرتوني
رفيف تبعد عنه وتنسدح بنص السرير:ياالله تعال
سلطان يضحك:لا لا قومي ..قرب منها وسحبها من خصرها لفوق
رفيف بعتراض :ليييييييييييه..
الهنوف :ههههههه خربت عليها
سلطان يتجه للباب :خلاص انتهى وقتها..فتح الباب والنايفه ترفع راسها لهم بتردد
سلطان ينزل رفيف ويرجع يصك الباب بقوه
النايفه تنهد بالم:تعالي وين رحتي..
رفيف بنزعاج تمشي عنها:ابعدي عني..من زينه الحين يومه يطلعني اصلن الهنوف تبيني ماتبيه هو
النايفه تسحبها من شعرها وهي تشوفها تنزل الدرج :تعالي الطريق من هنا وين رايحه تحت بنصاص الليالي هياته من الحين ..
. . . . . . . . . . . . . .
فى بيت بو فهد
بعد اسبوعين وقفت عند الشباك تناظر السيارات الكثيره برى والناس الداخله طالعه..غريبه هاذي بس دخله سكيتي ..وش جاب هااالناس كلهم تنفست بقلق ولفت للمرايه تأملت مكياجها الناعم وردي خفيف وموف غامق رتبت تسريحة شعرها الكيرلي وخصل ناعمه على جنب وفستان زفافها ماكان اختيارها ابد وماراحت معهم تشوفه ماعجبها كثير بس ماهتمت لسالفه كلها ابعدت ذيل الفستان الكبير كان منفوش مره مع ذيل كبير وطويل وضيق من الخصر وكت من فوق رتبت طرحتها الخليجيه ولفت للباب الي انفتح
نوف تقرب منها وببتسامه:يااااي تخبلين ..
لمياء تنفخ بفمها بتوتر:ليش انا هنا بلحالي
نوف :اجل انادي مفلح
لمياء بستهزاء:ايييي اتضحكين ..الا صدق وش ذالناس الكثار تحت
انفتح الباب وادخلت نوره وساره ومنيره
نوره وساره :كللولولووووووووش
لميا بقرف صدت عنهم
ساره :وخرو عنها بس ..من زينتس نللولش لتس
لمياء بتعب اجلست على الكرسي:ليش الناس اكثار تحت اليوم دخله سكيتي..
نوره تقرب منها وبرتباك:مفلح بيتخبل عليتس ..
لمياء تلف بوجهها عنها:وين امي وغزيل
منيره تناظر نوره بحراج :تحت عند المعازيم
لمياء تلف لها بسرعه:ايه هالناس وش جابهم واليوم سكييتي ..
نوره بسرعه:ساره تروحين معي ..
ساره :يالله احنى بننتظركم تحت ..
اطلعن ساره ونوره وغزيل تدخل وبسرعه:بنات تعالن ..امي تبينا
لفن البنات واطلعن ولمياء تحس بشتات ماحد معطيني وجه يقول لي وش صاير ..
ارفعت راسها لنوف الي افتحت الباب وقربت منها
نوف تمسكها وتوقفها:ياالله ننزل مفلح يبي يمشي الحين بس امي اخرته عشان تنزلين شوي عند الحريم
لمياء بستغراب توقف وتسحب يدها:الحريم وش جابهم وانا بسوي عرس ثاني يشوفوني فيه..
نوف بتوتر عقب ماعرفت السالفه:اناادري.. امي هذا كلامها خلينا ننزل
خذت نفس وانزلت ورى نوف ادخلت على الحريم بالمجلس الكبير تفاجات بعدادهم الكبيره توترت شوي ومشت للكوشه باالنص ونوف تساعدها بالفستان . . .وقفت ولفت للحريم كلهم جاو يسلمون عليها ابتسمت غصب عنها وهي تحس ان فيه شي من وراها انا عارفه انه راح يكون اهناه خالتي نمشه وام راشد واهلم بس ليش الناس هذالا كلهم ام راشد بصوت قصير لبنتها :مشاالله بينهبل عليها مفلح
ساره :هههههه اي والله عادها لمياء دوم حلوه..
ام راشد :اجل راح عليتس مفلح والله عقب مايشوفها ان مايبي لها بديل
ساره بصدمه:يممممه وش ذالكلام
ام راشد بغيره:ايه هو ولد خالتس وانتي احق من غيرتس
ساره بخوف واستغراب:يمه لااحد يسمع هالاكلام ..
ام راشد تنهد وتصد عن بنتها الي ناظرت للمياء المرتبكه وهي توقف وتروح لغرفه بلحالها ومعها امها..
لمياء تدخل الحجره وتلف لاامها :ليه تعزمون هالناس وانا ماستعديت لهم
ام فهد تصد عنها وبسرعه :مفلح بيدخل الحين ..
لمياء بخوف تمسكت بأمها:يمه وين رايحه
ام فهد :ماعليتس بروح شوي وبجي
لمياء برفض :لا لا اخاف يجي الحين
ام فهد تضحك:ماهوب ماكلتس
لمياء ودموعها تهدد بالنزول :لا لا تروحين ..
ام فهد تنهد:طيب هاذاني بجلس ..لفت واجلست جنبها وخواتها يدخلن ونوره معهن ..
غزيل تقرب منها وترتب طرحتها:ترى مفلح الحين بيدخل
لمياء ببكى:واذا دخل اكيد بروح معه بلحالنا..
غزيل :ههههه والله هذا الي يسمونه الزواج يسون كذا..
اسمعت تحنحانت الرجاجيل برى اسحبت لمياء الي كانها ماهيب مع العالم وقفتها وابعدت
دخل مع ابوها واخوها فهد وسلم بصوته الجهوري واتجه سيده لها وهي منزله راسها وويدها قابضه على المسكه بقوه وصل لها وباس راسها وخدها سحب يدها من المسكه وحطها بكف يده ولف من جنبها
مفلح :مساء الخير
لمياء بصوت خافت :مساء النور..سحبت يدها منه وهو رافض فناظرت لخالتها تقرب منهم
ام مفلح بفرحه:الساعه المباركه
مفلح :الله يبارك فيتس ..
ابعدت ام مفلح عن طريق ابو فهد وولده سلمو عليها وابوها يحظنها لصدره
ابو فهد:الله الله فيها هاذي اصغر الغاليات
مفلح بهدؤ:على راسي ..
ابو فهد:الله يسلم راسك ..اترخص منكم ..بعد ابوها وتقدم منها فهد سلم عليها والحق ابوه . . . وارجعو يجلسون
مفلح ببتسامه هاديه:وش رايتس باالعرس
لمياء وقلبها يدق بقوه ناظرت لها:اي عرس
مفلح بسخريه:عرستس ..
صدت عنه واسحبت يدها الي ماسكها بقوه كنت عارفه ان فيه شي يدور تحت يعني هذا عرس ولا تفاهه مسويها لي الحيووان .. ابلعت ريقها بقوه وشفايفها ترجف من الغيض والقهر
مفلح يوقف :احنا بنروح ..كل شي جاهز
ام فهد براحه:ايه الشنطه في السياره
لمياء سااكته وواضح في وجهها العبوس والضيقه
نوره تلف لنوف:بالله هاذي عروس فرحانه
نوف برتباك:ترى موب شوي الي صار لها عمر وكلام الناس ..اذا استقرت بحياتها مع مفلح اكيد بترتاح
مشى وبيده لمياء الي تتبعه ونوف وراءها تساعدها بالفستان واطلعو لسيارة الي موقفها بالحوش
مفلح:احنا بنروح الحين
ام مفلح :اصبر الى ان تبدل ملابسها ..
مفلح برفض:لا ..جيبو عباتها بس
قعد يسولف مع خالته الى ان جابو العبايه ومدوها لها
لمياء تسحب يدها منه وهو رافض
لمياء بقهر وصوت واطي:بلبس عباتي ..
ترك يدها ولف يركب بمحله ..البست عباتها ونوف رافعه معها هالفستان البلشه الى ان ادخلت بمحلها وحركو متجهين للخبر
تحس حلقها يوجعها من كثر مالعبره واقفه فيه وبدون صبر:ليش سويت كذا
مفلح يلف لها ويرجع يناظر الطريق:وش سويت
لمياء بفك يرجف:بالله هذا عرس
مفلح بضحكة :واحلى عرس..وش ناقصه انا جنبتس وهذا المهم وش تبين بالناس وخويات ماخويات ..
دخلت يدها تمسك فكها الي يرجف بقوه واحساس انها موب مهمه يرمونها عليها كذا :على الاقل يصير عندي خبر بهالمهزله
مفلح بهدؤ:ريحي افكارتس وهدي صوتتس اتعبتي حنجرتس ..
لمياء بقهر من نبرة صوته المليانه سخريه :وين رايحين
مفلح يتنهد بقوه:رايحين لشرقيه
لمياء بقرف :لو ماروحنا ماابيها خوتك..احسن لو نرجع للبيت
مفلح بستهزاء وقهر:لو ماحلف ابوي اتمشى والله ماتشوفينها ..
غمضت عيونها وغيض يحتوس بصدرها على اهلها قبله ..امي كل هذا حب فيه مساعدته ومرتبه له الوضع وخاشين عني الموضوع انا رخيصه لهاالحد انجبر عليه واعرس سكيتي وكانهم يبون يتخلصون مني ..غمضت عيونها بقوه ويدها بحظنها تهدي رجفتها ساعه ونص بينهم وبين الجبيل كل هذا ولمياء بفستانها وصلها بساعه ووقف عند فندق ببداية الجبيل على الطريق فاضي وقف ولف لها
مفلح :بننام هنا اليله ..نزل وهي ترفع عيونها في الفندق ناظرته وافتحت بابها انزلت واطلعت بفستانها نصه بالارض سحب شنطته الصغيره ومشى عنها . . ناظرت لشنطتها وفستانها الغثيث افتحت الباب ورى وطلعت شنطتها برى السياره مشت بتناديه قبل يبعد وابتلشت بالفستان ناظرته وبغيض وبصوت عالي:مفللللح
ابتسم ابتسامه خفيفه ووقف:خير
لمياء بقهر :ساعدني ..
لف واتجه لها تعداها وسحب شنطتها من ورى ومر من جنبها:ماحد قال لتس البسيه ..
ناظرته بحقد وكره واتبعته وهي تعثر بفستانها حجز غرفه ودخل بالاصانصير وهي توها بتدخل الفندق الفاضي انتظرها تمشي بشويش طاح نص الفستان من يدها وقفت ودموعها تنزل بقهر
مفلح يناظرها واقفه وبستغراب :امشي
لمياء بقهر:ماتشوفني تعال ساعدني
مفلح بغضب:لمياء امشي..
لمياء بعصبيه :مانيب جايه..
طلع والاصنصير يتسكر وراه مسكها مع عضدها بقوووه واظافره تنغرس بجسمها سحبها وراه دخل بالاصانصير ودزها بقوه لداخل ..
ترنحت شوي ماسكه عضدها الي صك بحديد الاصنصير من داخل وعيونها تطالعه بعتب ملقيها ظهره ويده تهتز من العصبيه انفتح الباب وطلع مطنشها فتح باب شقه ودخل وهي تتبعه ترك الباب مفتوح ودخل بغرفه اتركت فستانها يطيح على الارض وعيونها تدور بالشقه الصغيره غرفه حمام صاله صغيره تنهدت بتعب ومسدت عضدها مرتين يامفلح توجع الثالثه متى بتنهيها ..مشت بهدؤ لشنطتها ارفعتها للكنبه افتحتها وخذت بجامه افسخت عباتها واحذفتها على الكنب اي كلام وراحت للحمام افسخت الفستان واتركته طايح بالارض ..ارفعت شعرها بيدها لفوق وتروشت ازالت اي اثر للمكياج وامسحت شفايفها بقوه..جففت نفسها البست البجامه واجلست على الفستان الي طايح بالارض ضامه اركبها لحظنها وحيلها ومشاعرها كلها مهدوده
تحسست وجهها المتعب بضعف مايكفي انه خدعني ورايح يسحبني وراه ماكلف نفسه يرفعه شوي ويساعدني..انزلت دموعها بقهر الله ياخذه والفستان معه وقفت لمت الفستان على جنب ناويه تطلع برى وتدور اي كيسه زباله تحذفه فيها ..
اطلعت ووقفت وهي تشوفه قريب من الحمام وكانه ينتظرها تطلع ابعدت من طريقه وهو دخل الحمام
اسرعت لشنطتها تدور اي شباصه ترفع شعرها لفوق انفتح باب الحمام واتركت كل شي بيدها وكانها مسويه جريمه
مفلح بتساؤل:هالفستان وش بتسوين به
لمياء وظهرها له وببرود:بحذفه
قرب منها وامسك كتوفها بيديه وبجمود:ليه..
مدت يدها ليديه وابعدتها منها لفت له وشعرها يحاوط وجهها:ماابيه ..كرهته
مفلح يرفع حاجبه بسخريه:وبعد ليه ؟..
لمياء برفعة حاجب:كرهتني فيه موب من زين الذكرى احتفظ به..
مفلح يقرب منها ويديه تحاوط وجهها وبهدؤ:اجل ليش تشرينه..
لمياء برتباك ناظرته:ماهوب انا الي شاريته..
مفلح برفعة حاجب:ماشفتيه الا اليوم صح..
لمياء تنزل عيونها وبغرور:ايه ..
مفلح بسخريه وقرف:اهاا الليله هاذي تبعي موب لازم تشرفين عليها..تنتظرين الحفله الكبيره وتهتمين فيها عشان الناس والمظاهر..
لمياء ساااكته صح ماكانت مهتمه اليوم كثير بااي شي يخص هالليله من فستان لمكياج لاني انتظر العرس الثاني وبطلع فيه لصديقاتي والناس بقاعة حلوه..بس اقلبها علي
مفلح يناظرها بنظره غريبه نزل يديه من وجهها وتركها على رقبتها وبهدؤ:خربت مخططاتس..
لمياء تهز راسها باايه وجفاف بحلقها مانع صوتها يطلع مادري وش جاني معدت قادره اتكلم مع ااني اقدر ارد عليه بس ماقدرت انطق ..
مفلح يعض شفايفه بقهر وبنرفزه:هذا السكوت خجلانه من نفستس او مستهتره فيني ..
لمياء تعقد حواجبها بخوف بعد بسكت لااني مادري وش اقول..
مفلح يرجع يده ورى ارقبتها ويناظرها بتوتر:لو عمر العريس كنتي اسعد..وكنتي مختاره كل شي بنفستس
لميا ترفع راسها بسرعه:لو كان عمر كان سوى لي عرس مثل الناس موب يلعب علي..
مفلح يرص على اسنانه بغيض:ماتستاهلين العرس..
لمياء تبعد نفسها منه وبقهر وغيض:ابعد عني بس..
سحبها صوبه بقوه ويديه على ظهرها وعيونه منزلها لعيونها وبخبث وشر:ابعد منتس..!!هاذي ليله يبعد فيها الحبيب من حبيبه!!..
لمياء تناظره بخوف واشمزاز:وش تبي..
مفلح يبتسم وهو يقربها منه الى ان حست باالاختناق
لمياء بصوت ضعيف وقلة حيله:ابعد ..
اذان الفجر يرتفع من المسجد القريب اسمعته بس ضلت بمكانها مانامت ولو دقيقه وليلتها ترجع تذكرها.. تحس بحراج شديد وكانها موب مفلح الي دايم تراده ويقهرها اسمعت صوته يقوم ويروح للحمام غطت نفسها بالحاف تمثل النوم بعد ربع ساعه اسمعت صوت الحمام ينفتح وصوته بالحجره . . . ارمشت بعيونها بقوه تفتح ذهنها الي تحس انه من اسبوعين وهو مقفل ..وقف عندها ناظرها اشوي ارفع الحاف غمضت عيونها بسرعه
مفلح يناظره عيونها ورموشها الي تحرك:صاحيه ..
لمياء تهز راسها باايه
مفلح ببتسامه:طيب افتحي عيونتس ..
لمياء :ماابي افتحها
مفلح بقهر واصرار:لمياء افتحيها..
لمياء بقهر افتحتها وناظرت لقدام
مفلح :ناظريني ..
لمياء بقهر:موب معجبني طيب مابي اناظرك ..
مفلح بعصبيه وقهر منها:ناظرررريني ..
ارفعت عيونها بخوف له وناظرت باأنفه
مسك لحيها ورفعه له بقوه رص على اسنانه بغيض:ناظري بعيوني ..
لمياء ودموعها تنزل بضعف غمضت عيونها:مااقدر
مفلح باصرار وجمود:ليه ماتناظريني ..
لمياء بقلة حيله وقهر بكت:مستحيييه..
سحب يده بسرعه من فكها وكانها لامس شي حار ناظرها بجمود ومشى عنها
وقف عند الباب :ااذا جيت خلتس جاهزه بنمشي..واطلع برى ..
تنفست بقوه وشهقه قويه تطلع منها غطت نفسها وبكت بقووه ليش يحرجني كل هذا يبي يقهرني امسحت دموعها وقامت بتعب للحمام تروشت بسرعه جففت شعرها ووالبست بنطلون سكيني رمادي وبلوزه بدون اكمام بيضاء مقلمه برمادي ..
صلت وارجعت تنزل شعرها مشطته وارفعته واحد لفوق امسحت وجهها بيدها بقوه وناظرت للمرايه رتبت حواجبها وحطت مرطب وردي لفت له واقف عند الباب ويناظرها ارتبكت ولفت لعباتها دخل خذا الشنطه وطلع
لفت طرحتها والبست البرقع ماكان موجود تنفست برتياح واطلعت لبرى لمت نفسها من الهواء البارد الصقيع كان ضلام شوي تلفتت تدوره ضرب بوري ولفت لسياره شافته فيها غضت عنه ومشت للسياره
وقف عند الكشك بنهاية المحطه ولف لها
مفلح :تبين شي..
لمياء :لا..
مفلح :الطريق بعيد ..اخذي كافي او اي شي..
لمياء:ماابي شي..
صد منها واطلب له كافي حطه بالمركى بينهم ومشى فاتح دريشته ويدخل هواء بااااارد دخلت يدها لفمها وانفختها تدفيها وراسها رطب
لمياء بتردد:سكر الدريشه برد
مفلح بهدؤ:اسف ..معجبني الوضع..
صدت تناظر لبرى بتعب
مفلح يوقف فجاءه:اووف نسيت ..لف وارجع لبقالة المحطه وقف عندها ودخل . . . انفخت بفمها ولفت تناظر لقدام وتراخت بكرسيها شافت كوبه بجنبها ابتسمت بخبث وانظرت له داخل يشتري عدلت جلستها ارفعته بسرعه وصارت تمسح الكوب بيدها عشان يبرد ودفاه يتعمق بيديها ويدفيها ترددت وارفعته لفمها بسرعه استنشقت ريحته الحلوه واشربت يالله ماحلاه ناظرت له للحين داخل اشربت مره ثانيه بستمتاع ..ياليتني طلبت ..رجعته لمكانه بأسى
حاسب وطلع لبرى فتح الباب وحط بحظنها كيسه بها كروسانات وعصاير
مفلح يحرك السياره ويمشي:ماجاء في بالي انتس تبين هاذي
لمياء بهدؤ:حتى هاذي مابيها
مفلح بقهر:يعني لازم اجبرتس تاكلين ..
لمياء بسرعه:مااحب اكل شي بالسياره ولاطريق..
لف منها وخذا كوبه ارفعه لفمه ووقفه ناظره شوي ببتسامه ولف لها
مفلح :وش هاذا
لمياء تناظره وتناظر الكوب وقلبها يرجف بقوه انه اعرف انه ناقص وتمثل البرائه :وشو..
مفلح ياشر لطرف الكوب:شاربه منه
ناظرت لكاس ومرطب شفايفها واضح عليه حست بفشله واحرااااج عنيف وصدت عنه بقوه
مفلح يفتح الدريشه ويحذفه:خلاص معاد ابيه عقبتس..
لمياء بقهر وتمثل البرود:والله لو كان مسممته
مفلح :تسوينها ..
ياخيبتي توني اقول ماابي شي ليتني ساكته ..
مفلح يلف لها :افتحي لي بيبسي..
افتحت الكيسه وطلعته منه ومدتها له
مفلح :افتحيه . . . افتحته ومدته له مره ثانيه
مفلح يطلع صوت بفمه بمعنى التافف:الظاهر ماتشوفين زين..شايفتني فاضي شربيني ..
افتحت عيونها بقوه وبقهر:ابوي يسوق ويشرب بنفسه
مفلح :طيب انا منيب ابوتس ..
لمياء بغيض:تبيه اخذه ماتبيه بحطه
مفلح بقهر:لاتحديني اسوي شي مايرضيتس..
انفخت بفمها بقهر ولفت له مدت يدها لفمه وشربته
مفلح :ارفعيه مايجيني ..
ارفعته بقهر وحقد وبقوه الى ان انكب عليه وعلى ثوبه
لمياء بأسف مفتعل واحراج:ااووه اسفه ..ابتسمت من داخل بفرحه وشكله المرتاع وقف على جنب ولف لها
مفلح يمسح فمه بيده وبغيض:عطيني اياه
لمياءء ببرائه مدته له :مادريت ..
خذاه ورفع برقعها فجاءها بقوه الى افسخه وانزلت خصلات من شعرها على وجهها وهي تناظره بصدمه
مفلح بقهر:اشربيه ..
لمياء براعه:لااوووع
مفلح يقربه من فمها وبصوت عالي:افتحي فمتس
لمياء بخوف ورجى:تكفي يامفلح نصه دخل بفمك ورجع ..كيف اشربه
مفلح بعصبيه قربه منها وخلاها غصب تفتح فمها اشربت منه ونصه ينكب على عباتها ورقبتها بعد عنها بنتصار وعدل مكانه وهو يناظرها تناظره بقهر ودموعها ترقرق بعيونها..
لمياء بصوت باكي:ترى ماسويت جريمه
مفلح ببرود:كان احترمتي نفستس وشربتيني مثل خلق الله..
لفت عنه طلعت منديل من شنطتها امسحت وجهها وملامحها توحي بالتقزز عطته نص جسمها وهي تلف وتناظر لبرى عايفه هالمشوار والساعه الي مشو فيها..
اوصلو للخبر وقف عند احد الفنادق وانزلو ادخلو باحد الشقق دخل قبلها للحجره وهي ضلت واقفه بالصاله
مفلح يطلع مره ثانيه بعجله:انا بطلع ..لف منها وطلع لبرى تنفست برتياح وادخلت للحجره افتحت شنطتها وطلعت لها ملابس تغير هالي مليانه بيبسي راحت للحمام تروشت ووبدلت اطلعت تمشى بالشقه حلوه ومرتبه طلت من الشباك البحر من بعيد بس منظره حلوه والشمس ساطعه فوق خاصه انا حنا بوقت القيلوله لفت لتلفزيون وشغلته واجلست على الكنب حست بالنوم يداعب اجفانها من كم يوم مانمت حطت على قناة المجد للقران الكريم حطت مخده تحت وانزلت قدام التلفزيون ونامت..
نهايه البارت

[7btin]

::: البارت الخامس والستين :::
فى بيت موضى اخت سلطان
موضي بترحيب:هلا والله ومرحبا..
ريم تسلم عليها :مرحبا فيك ..
موضي :تفضلي اجلسي..
ريم تجلس وتلف لموضي:وش اخباركم وش اخبار ترتيبات النايفه لزفاف ..
موضي بتوتر:على اكمل وجه ..
ريم :وينها مأشوفها هناه ..الظاهر هناك ببيتهم ماعندهم مراكز ..
موضي بصوت عالي وتصريفه:ماااياااا جيبي عصير لهناه..الله ياخذهن هلاخادمات ماينفع معهن اي تعليمات..
ريم تحط رجل على رجل:رهف او ايش اسمها زوجة سلطان ..
موضي ببتسامه:الهنوف ..ياحبي لها مشالله كل شي حلو تلقينه فيها جمال واخلاق ..امي ماغير تكلم فيها ماترضى فيها ابد
ريم ببتسامه مجامله:انشالله مبسوطه عندكم
موضي ببرائه:وليش ماتنبسط ماخذه شيخ ال..ولايقين على بعض وتبين الصراحه احسهم لايقين على بعض بقوه
ريم :يعني هو مرتاح لها
موضي:مررره ماتشوفيه لما يشوفها رايحه او راده مع النايفه ماغير يتابعها بعيونه ..ولا بعد وكانها شوي وبياكلها هههههههه
ريم بدون نفس:هههههه ..من متى ماخذها
موضي:من العطله الصيفيه ..اذا ماخاب توقعي..
ريم :ولا الحين ماحلمت
موضي برحمه:لا والله عاد سلطان ميت ويجيه طفل ..
ريم بتمثيل خوف:اخاف فيها شي ماتنجب او شي..
موضي:لا لا الله لايقوله ..بس تبين الصدق يمكن اثر عليها حبوب منع الحمل لان الظاهر ببداية حياتها ماكانت كويسه معه فاحس انها كلتها ولا ليش للحين ماحملت ..
ريم:اخافها عقيم..وبتردد..يعني ولا سلطان ..وماعليش على التدخل
موضي بطيبه:لا مافيه شي..بس سلطان احملت نوف مرته ماخذها بالشمال بس سقطت توى مالها الا كم يوم ..وتشوفيه هاك الايام وكانه خسر الدنيا كلها
ريم :ياحرااام ..الا شوفو الهنوف اذا فيها مشكله ولا يدور غيرها
موضي:تبين الصدق هو صح يحبها بس بيروح الحب لو يدري فيها مشكله..وبياخذ عليها كم وحده ..
ريم :ياحسرتي لهالحد يبي اطفال
موضي:اصلن هو يحب الاطفال خلقه ..كيف ولد له ..
. . . . . . . . . . .
عند مفلح ولمياء
دخل للشقه شافها نايمه بعمق وشعرها مغطي وجهها اتجه للغرفه بدل ملابسه وناظر الساعه عشر باليل طلع لبرى واجلس على الكنبه وراءها
تردد يقومها ومايبي يقومها تلفت يدور اي شي شاف ريموت التلفزيون دور قناه رياضيه ايوه هذا حط على مباره اوربيه وصوت المعلق يلج وطول اخر شي ..
افتحت عيونها بشويش وابعدت شعرها مغطت يديها بقوه وارجعت تمدها جنبها واخلدت لنوم مره ثانيه
مفلح بتافف :وقف وجاء من قدامها ابتسم لاشعوري على شكلها البري والناعم وشعرها المنتثر على المخده نزل بجسمه وابعد خصلات شعرها مسح خدها بنعومه وباسها
مفلح بصوت خافت:لمياءءء..
كانت نايمه على ظهرها لفت على جنبها ووجها له ونامت ويديها بحظنها مفلح اكب عليها ماء ..لا لا وين انا اقوم مساعد ..
نفخ بفمه لف على التفزيون وطول عليه اخر شي ورجع للكنب خذا الريموت وطول عليه اخر شي
افتحت عيونها بسرعه وناظرت لقدام شوي تستوعب لفت لتلفزيون وهي على وضعها حكت شعرها واجلست ابتسم اخيرن قامت..
لفت ثاني مره لتلفزيون بخوف انا كان حاطه قناة القران ..
مفلح :صح النوم ..
لفت له بخوف:خوفتني
مفلح :نايمه من رحت الى ان جيت ..!!
لمياء:ايه ..ليه كم الساعه
مفلح :عشر اليل
لمياء بعفويه حطت يدها على فمها وابتسمت :ماحسيت كان توني نمت ..
مفلح ببتسامه حلوه:اجل مانمتي امس زين..
ندم عقب ماشافها عقدت حواجبها وقامت بسرعه
لمياء :انا بروح اصلي..
ابتسم لحراجها اول مره اشوفها منحرجه لكذا بس ياحلوه سحى البنات له طعم ويعطي لها مظهر حلو وبرئ..
صلت وترددت تطلع له بس انا مافيني نوم عشان انام بطلع يمكن يجي عشان ينام خذت نفس واطلعت لبرى
شافته يناظرها وهي مقبله لفت من قدامه واجلست على الكنبه المنفرده من جنبه
عم الجو هدؤ الا من صوت التلفزيون والاخبار تعلمهم بعلوم العرب..
لمياء يارب يقوم يرقد ماصارت اجعتني رقبتي وانا لافتها صوب التلفزيون ولا ليته شي يسوى اخبار ..
عدلت جلستها رطبت شفايفها شكله نام لفت تناظرها مسترخي بكرسيه ويناظرها بهدؤ..صدت عنها بسرعه وهي تحس بنظراته تحرقها وتخترق كل ديفعات مشاعرها ..
مفلح يرجع اشماغه لورى وبهدؤ:لاتاخذين سؤالي على محمد الجد ..اعتبريه فضول شديد..
لمياء تبلع ريقها ونظرها لتلفزيون:وشو..
مفلح يزم شفايفه:وش المشاعراللى تحسين فيها وانتي تحتفضين بصوره من صوري عندتس.. لمياء ماتحسون اني اليوم انحرجت اكثر من اللازم من شربةكوب ..لبيبسي والحين هاذي الخاتمه ..
مفلح يناظره بملل:لا السكوت مايشبع فضولي
لمياء تنفس بهدؤ:كانت سميره زوجة صاحبك تبي تشوفك
مفلح ببتسامة استهزاء:لااا ..وجبتيها لها
لمياء :ايه وش فيها..
مفلح :بس الصوره كان عندتس وماقالت لتس هي جيبيها
لمياء بقهر وبسرعه :وانت وش دراك انها ماقالت لي..
مفلح :وين حصلتيها طيب..
لمياء تصد عنه وبحراج وتردد:في سيارتك ..
مفلح :ومتى ركبتيها سيارتي
لمياء بغيض تصرف:هاذا تحقيق..ترى صوره لا راحت ولاجات
مفلح :هههههههه طيب رجعيها لي ترى فقدتها..
لمياء بقهر ترص على اسنانها:شقيتها ..(بالفعل انا شقيتها اليوم الثاني الي طقني فيه يوم شك فيني )
مفلح :كذابه ماشقيتيها
لمياء تلف لها وببرود:وريتها صديقتي وحطيتها بالدرج وفي نص رمضان شقيتها ورميتها في الزباله
مفلح يناظرها بهدؤ شوي وصد عنها
لمياء:نص رمضان يوم مميز عندي ..
مفلح يوقف ويلف لها :امحيها ذكرى نص رمضان ترى بتوجعتس جدا..لف عنها وراح لحجرته .. ناظرته بقرف رايح يهرب من هالسالفه اخيرن لقيت شي يحرجه مثلي..
وقف عند الباب وبصوت هادي:تعالي نامي بكره بنطلع
لمياء تلف عنه:مافيني نوم توني قايمه..
مفلح بهدؤ مبطن بتهديد:تجين او كيف..!!
وقفت ومشت له هاذا الي منحرج.. يبي له هداوه عشان اطلع منه بدون اضرار
وقفت عنده ونزلت راسها:اذا تبي تنام نام بس لاتجبرني على النوم ..يجيني قلق..
مفلح يتنهد:انا رحت لمكان اليوم عجبني وابيتس تشوفينه اخاف اذا رحتي لصديقاتس ماتلقين سالفه تعلمينهن بها ولا توصفين لهن مكان..مسك يدها جلس على السرير واجلست جنبه
لمياء تسحب يدها بغيض وتقوم :لا معليه بكذب ماعندي مشكله ..
مفلح :كيفتس انا عرضت عليتس ..والحين انا دايخ برقد ...بس موب معناته تطلعين
لمياء طنشته وببرود:حنى قريبين من الرياض لو اروح للهنوف ابرك من جلستنا اهناه
مفلح وهو يفسخ ثوبه وينسدح وبتفكير:الهنوف
لفت له وناظرت فيه عيونه بغيره :ايه الهنوف مرة سلطان
لف وجهه لها وببتسامه :تعالي اجلسي هناه
لمياء برفعة حاجب:لا
مفلح بعصبيه خفيفه :تعالي ..
ناظرته بغرور وراحت تجلس عند مكان يده على السرير
مفلح :يوم العزيمه الي حط ابوتس انتي الي دخلتي علي بالمبطخ !!..
ابلعت ريقها ونزلت راسها :ايه
مفلح :بكيتي وكنت احسبتس الهنوف تضايقت ليش تبكي مني وانا اعزها
ارفعت وحده من حواجبها باألم واسكتت
مفلح :قلت لنوره تسالها بس راحت قبل تسالها نوره ..وعقب دريت انها انتي
لفت له وبررود:طيب دريت انها انا ..تضايقت عشاني بكيت
مفلح :لا ماتضايقت..
هزت اكتوفها ببتسامه وقامت منه
مفلح :طفي النور بناام
طفت النور واطلعت برى داهمت الدموع عيونها اسرعت للمطبخ ادخلت وبدون تحمل اجهشت بالبكاء واجلست جنب الثلاجه اطلع كل الي في خاطرها بكت بندم انها ماجابت كل الي تقدر عليه وترفضه وتوقف في وجيهم انشجت بقوه ودموعها تملى وجهها لو رفضته كان بنساه بيوم من الايام موب افضل من حالي الحين وهو يتهزا بي.. وقف وراها بهدؤ
مفلح :لاتصيحين ...
حاولت تمنع صوت بكاها لايطلع وصار صوت شهيق صوتها مولم وحزين قرب منها ووقفها بقوه
مفلح عاقد حواجبه :خلاص يكفي
حطت يدها على فمها ودموعها تنزل بستمرار
طلعها برى المطبخ اسحبت يدها منه بقوه ووقفت صاده منه
مفلح ببرود:ماخبرتس حساسه لذا الدرجه
لمياء ببكى ناظرت له وفجاءه وبدون مقدمات:يعني عشان كذا تجرح ولا تداوي توقع اني بعيش معك وانت اسلوبك كذا او انك تبي تاخذني فتره في حياتك وتطلقني..انا جماد ماحس بالي حوالي ماخبرتني حساسه..!! عشان كذا خذيت راحتك تطلقت من عمر عشانه داشر وراعي شقق وكل الناس اعرفو والظاهر انك تحسب اني ماحسيت باالام ..اشهقت بقوه..وعلى طول جيت انت يعني انا النشمي السنافي الي بفزع لها من كلام الناس وباخذها ولا سويت لي عرس مثل البنات وحطمتني بكلامك وكاني مهمشه مافيني مشاعر وانت الي مليان مشاعر وتحس ...صاحت بقوه ...كمل ذالحياه وكمل التجريح ولاتنسى تخلي في بالك اني بدون احساس ...
مفلح وقشعرير بارده تكتسح جسمه تنفس باألم تردد يقرب صوبها مشت رجليه غصب لفها له بهدؤ ويدها عل وجهها ابعد يديها عن وجهها وهي رافضه ضمها بحنان وامسح ظهرها
مفلح بجمود:قلتها وانا زعلان منتس لاتاخذينها في خاطرتس كل ذالحد... ابعدت منه ومازال صوت شهقاتها متواصله راحت للكنب واجلست عليه ووجهها لبرى تناظر انوار الشارع الهادي
ناظرها شوي وراح لحجرته
.....
فى القريه
فاطمه ماسكه دموعها:والله بنفقدش
ساره ببتسامه:ماتفقدين غالي فديت روحتس ..سلمت عيلها وسلمت على البنات الباقيات
واطلعت برى في الساحه بشناطها تنتظر راشد يجي
جاتها فاطمه واجلست جنبها :سعود اخطب نهله تعرفينها
ساره تبتسم وبصدق:صدقيني فكرت زين في الموضوع حسيت انه مايهمني جدا اصلن ماحسيت نفسي منجذبه له بدون شعور
فاطمه ببتسامه:اجل الله يوفقش..امس مضاوي تعلمني هو الي يطلبها بنفسه يبي صغيره
ساره بضحكه:نهله اعرفها اول ماجيت هناه هي واختها كانت كانها معجبه فيه زين الله يسعدها معه..كنت عارفه ان الي يسويه حركات شباب طلعها من نفسه وراحت
اسمعت صوت البوري برى سلمت على فاطمه واطلعت له برى
راشد عقب ماركبت :والله انتس سويتي خير
ساره تضحك:شكلي صدق تعبتك طالعه من الخاطر
راشد عقب مامشى :تين الصدق مشوار يهلك ..بس الحمدالله كبرتي عقلتس خلاص معاد لتس حاجه هناه
ساره :خلاص..خلصت مره وحده
راشد وهو يغير ويلف من بين البيوت :خلينا نسلم على سعود مستحي نروح وكانهم موب راعين فضل عليتس
ساره :صادق ماجات في بالي
وقف راشد عند الباب دقت ساره على مضاوي اطلع سعود وهي تشوف مضاوي تاشر لها داخل ابتسمت وانزلت لها ادخلت ضمتها مضاوي
مضاوي :والله بنفقدش ياحماره
ساره :هههههه تسب وهي تودع
مضاوي :فديتش حرام تتركين الوضيفه تعز المره
ساره براحه:لاالحين ارتحت مابيها ابي اهلي ابرك منها
مضاوي :ايه الله يسعدكم
ساره :سلمي لي على امش وكل الحريم والله اني حبيتكم من قلبي وماقصرتو ..
مضاوي :وحنا بعد حبيناش
ساره تضمها:يالله مع السلامه ..
مضاوي :مع السلامه الله يحفظكم
ساره وهي ترجع:متى عرستس
مضاوي تضحك:خليه يجي اول
ساره بضحكه:بيجي بيجي انشاالله .. زورو مهرجان النعيريه ولاتنسونا مرو علينا
مضاوي :ابشري ذالسنه طابينها طابينها
ساره :هههههه في امان الله ..اطلعت لراشد واركبت محلها
سعود:مع السلامه ..لاتنسى العرس وجيب الاهل بحطه بالدمام برسلك متى ماتحدد
راشد:ايه ابشر ..اسمح لنا ماشينا
سعود:في امان الله ماتشوفون شر
ساره وهي تناظره معقوله كنت احس بتجاهه بشي او جاني الاحساس وراح الله مايكتبه ربي يصد به
....
عند سلطان
سمع صوت الرساله بجواله على الطاوله القريبه من محمد اسحبه من الطاوله ومده له
سلطان:لاهنت..فتحه وناظره شوي تغيرت ملامح وجهه (ياحراام سبع سنين وسبعين الف مره تدور لك على بيبي ..وفي الاخير يطلعون الحريم مايبون منك اطفال والدليل هنوفك الي قاعده عندك صبر وماتبي اي شي يربطها فيك ..واكيد محافظه على نفسها لاتحمل اطفال يحملون خبثك )
محمد:عسى مااشر
سلطان يمسحها ويبتسم بهدؤ:ماشر انشالله .خبرك رسايل البزران ..مليت ولو الغي الجوال مره وحده افضل لي يسبب لي مشاكل..
محمد:ايه اشوى خوفتني من شفت ملامحك ماتبشر بخير
سلطان :ماهمتني الرساله بس ادبلت كبدي..
محمد:هههه يعني الي مرسل حقق شي من المطلوب
سلطان يبستم وبنفسه يبون يبعدونها مني ..وحطو العيب فيها
....
فى قصر سلطان
الهنوف:باقي يومين وتصيرين احلى عروس
النايفه بخوف:خايفه وش بتصير حياتي
ام سلطان من بعيد:تعالن يابنات بسرعه
راحن لها بسرعه عند التلفزيون
ام سلطان بفرحه:شوفن ابل ابو منصور ...
الهنوف:هههه حتى ابله بتفزين لها
النايفه :ههههه ايه هذا غير ..ييمكن عشانه غالي عند سلطان تغليه
ام سلطان تنهد:ايه مادرتن وش سوى بسلطان وقف معه بالمشوره والتصرفات السنعه وعزه واعتبره اولده الى ماطلع من ظهره
النايفه :الله يخليه يارب والله حتى حنى اهتم فينا ...انا بروح فوق ارتب بعض اغراضي تجين
الهنوف تلف لام سلطان:وانتي خاله
ام سلطان تقوم :لا ياامتس روحي معها انا بروح ارقد..
الهنوف:اجل تصبيحن على خير..رقن فوق وام سلطان تروح لحجرتها
رتبن شنطة النايفه اليدويه وبعده راحت الهنوف لحجرتها افتحت درج قمصانها القميص الاحمر تذكر سلطان يوم اجبرها تلبس له قميص ارفضت وسبب لها ازمه ذاك اليوم بكلامه الجارح واجبرها تلبس وراح لدلاوب يطلع لها القميص طلعت القميص بس ذاك اليوم البسته بحقد وكره الحين.. خذته من ادلاوب والبسته بفرحه وحبور فكت شعرها وانثرته على كاتفها حطت روج احمر صارخ ومسكره وبلاشر خفيف وردي تعطرت وعطرت الحجره
ارجعت لدولاب ترجع المعلاق شافت الشنطه المليانه حبوب منع الحمل افتحتها وطلعت كل الكراتين الاربعه راحت للزباله ورمتها فيها
غيرت مفرش السرير طفت لانوار وشغلت شموع حمراء بانحاء الغرفه العووديه الفخمه
لفت للكنب بتجلس شافته واقف عند الباب ابتسمت وراحت بتجاهه
افتح يديه لها وضمها بقوه
سلطان بشوق:شوقي لتس غررريب..
اضحكت ابعدت عنه وارتفعت على رؤؤس اصابعها باست المكان بين فمه وشعر دقنه
الهنوف ببتسامه دلع:انا بقولك ليش غريب
ابتسم ومشاها معه للكنب اجلس واجلست جنبه
سلطان :قولي لي
الهنوف:القلوب عند بعضها الشوق الي في قلبي ماقدر يفسره قلبك يمكن لانه اكثر مماتوقعه وصار له غريب
سلطان بضحكه:تحليلتس رائع جدا..تنهد بقوه وضمها لصدره
الهنوف بحب اغمست راسها في صدره تستنشق رائحته الي تحس بنتعاش وتحس انه قريب منها وحولها حتى لو تبعده المسافات
سلطان بهدؤ وحنان:انا عاااشق لي وحده تستاهل اكثر من العشق
الهنوف ببتسامه ناعمه : معشوقتك تذوب ياسلطان في نغمات انفاسك ...
تنهد ولفها له :وش ذالزين والشموع ليله خاصه اجل
الهنوف بضحكه هاديه:فتحت الدولاب شفت القميص وحبيت البسه لك غير عن ذيك المره وغيرت بالحجره شوي بس
سلطان :يجنن في كل المرتين ...وبهدؤ ناظر في عيونها ..الهنوف فسري لي كلامتس يوم زفافتس اقصد جوابتس عن سوالي عن اليلتين اول مره في رماح وليلة الزفاف
الهنوف بحراج وتردد:اول مره صح ماحبيتك وسببت لي رعب ويوم تقرب مني اشمئز واليله ترجع لي ..ارفعت راسها له وبصدق ..والله ان ليلة الزفاف انك في ذيك اللحظه كنت الهوا الي اتنفسه بس خفت افصح عن مشاعري وانت ماتخبي لي في نفسك شي وبعده اهين كرامتي وهذا الشي الي مستحيل اصبر عليه
سلطان :اها ومعيشتني في ماساه وفي الاخير كذا..نزل راسه لها وعض خدها بقوه شوي
الهنوف بوجع:ااااي ..افركت خدها وبقهر..ياويلك لو تعلم وتفضحني عند اهلك,,,
سلطان :عادي شو اسوي بخدتس ناعم ..المسه بحنان وبضحكه يحاول يمسكها وهو يشوفه يحمر..
.....
نهايه البارت

[7btin]

66
عند مفلح ولمياء
من بعد ليلة لمياء الي طلعت كل الي بخاطرها وهي ترقد اذا راح وتقوم اذا جاء يرقد وقليل الي تصادفه وجه لوجه حتى الصلاه ماتقومه لها وهو مايطلب منها توعيه يطلب من الفندق يرقون لشقه الغداء والعشاء سواء بحظوره اوعدمه بعدها بثلاث ايام ارجعو لنعيريه مكتفين بها كاايام شهر العسل
صمت في السياره ماوقف عند اي محطه ماعدا محطه عبى بنزين ومشى على طول اوصلو لنعيريه
لمياء وهي تشوف الوحه:نزلني عند اهلي اول
مفلح :الحين العشاء روحي لهم بكره
لمياء بجمود:لازم اسلم عليهم قبل ارقد
مفلح بستهزاء:لا ياماما نامي اول واصحي بكير اوديتس على طول
طنشت تعليقه اتجه لبيتهم وقف انزلت وهو ينزل الشنط دخلها في الصور وخلاها
لمياء لفت عليه:بتخليها هنا
مفلح :وديها انتي والشغاله
لمياء :ثقيله
مفلح :كلها شنطتين تعاوني انتي والشغاله....تقدم ومشى قبلها لداخل البيت شاف اهله كلهم متجمعين ونوره وام راشد عندهم
مفلح :السلام عليكم
الجميع:وعليكم السلام يالله حيهم
مفلح :الله يحيكم ...وقفو الي بيسلم عليهم ولمياء تدخل وراءه سلمو عليهم واجلسو عندهم
ام راشد:وش اخبار التمشيه مع لمياء
لمياء في نفسها تكفين ياخاله لاتخليني اكرهتس
مفلح ببتسامه:خوتن تعجبتس لوني داري انها تسذا كان خطفتها من اهلها من زمان
ام راشد:الله يهنيكم
نوره تهمس للمياء :استحيتي ولا عادي
لمياء بهدؤ:لا عادي اخوتس مشالله ماخلاني استحي
نوره بفرحه:انا اقولتس من زمان والله ان تفرحين معه
لمياء ببتسامه مجامله لها لفت عنها
نوره بتردد:زعلانه مني للحين ..سامحيني لموي
لمياء بصراحه:اذا طاب جرحي من اخوتس سامحتتس
مفلح بصوت عالي :اسمحو لنا تعبانين طريق ومشوار بروح
ابو مفلح :الله يستر عليكم..ناظر للمياء وبحنان ..مرتاحه يابوتس
ناظر لها مفلح بسرعه
لمياء ببتسامه:الحمدالله فديتك مرتاحه
وقفت مع مفلح الي مسك يدها ورقو لفوق افتح الباب ادخل واترك يدها اتجه للغرفه ناظرته بتعب وعجز يارب ساعدني احبه وهو مايحبني لفت بنظرها للجناح روعه تصميم هندسي منمق وهادي الوان الصاله عنابي وذهبي مشت لحجرة الجلوس الوان الجدران بيج فاتح وكنب ابيض فاقع المقاعد ازرق فاتح وخداديات صفراء وسماوي فاتح وزيتي مع خدايدات من نفس لون الكنب افتحت الستاره دريشه كبيره على عرض الجدار وستائر بيضاء مدرجه بالوان الخداديات
ابتسمت لا شعوريا على اشراقة الحجره اعجبها الاريحيه وتغير تمام عن الوان الصاله الفخمه لفت واطلعت ترددت تروح لحجرة النوم بس اغراضي اهناك بتروش وبرقد تعبانه ادخلتها ماشافته اسمعت صوت مروش الحمام خذت نظره سريعه للحجره واعمدتها العوديه وبعض الجدران بفرميكه عوديه وبيج والحجره العوديه ومفرشها البيج واكسسوراتها البيجيه افسخت عباتها واجلست على الكنب تحتريه يطلع من الحمام
....
فى قصر سلطان
موضي بقهر :وش سويتي
الهنوف تناظر لنايفه الي ميلت راسها بملل :اصبري علينا
موضي :يالله وش تحترون بعد
الهنوف:الحين توها قايمه بتقوسه وبدق اعلمتس اذا خلصت
موضي :توها قايمه الساعه عشر جعلها المرض بشرتها بتخرب ليش ماقامت بدري واطلعت برى الصبح
الهنوف تنهد بهدؤ:طيب بقولها كلامتس
موضي:ثاني مره خليها ترد علي وكانها ماسمعت جوالها من صبح ادق
الهنوف:ابشري اوامر ثانيه
موضي:تسملين ماقصرتي مع السلامه
الهنوف تلف لها :قوسيه بتزعل
النايفه بقسوه: بس عشانتس
الهنوف ببتسامه:اهم شي انتس تقوسينه
النايفه :ههههه..اقهر صح
الهنوف:معترفه ..راحت النايفه تقوسه والهنوف تناظر الساعه غريبه تاخر ماقام
وقف عند الزباله شوي رمى الكبك المنكسر وانزل ياخذ الكراتين استغرب كثرها بنفس الشكل جمعها بيده فتحها كلها خلصت ولافيها اية ورقه فتح الاخيره نصه فيه ومعه ورقه قرى دواعي الاستعمال رص على الكراتين بيده بقوه اهتز كيانه للي حس به وادرك الي بيصير له ادخلت بسرعه للحجره شافته واقف عند الزباله
الهنوف ببتسامه:صحيت
تنفس بسرعه رتب اشماغه بهمال ولف لها ناظرت له بستغراب حط يده ورى ظهرها وجلسها على الكنب
سلطان ببتسامه غريبه مد لها الكراتين:تلعبين علي ذالمده كلها..
حست براعه وصدمه وخوف ورعشه بيديها وبرجفه في صوتها:لا لا..صح كليتها بس خليتها من زمان..
تذكر الرساله ماكانت عبث مثل كل مره كان صاحب الرساله عارف شي انا ماعرفته ..دخل يده جوا شعرها بهدؤ وببرود سحبها لورى :يعني كنتي تحسين اني راضي بالعيشه معتس بدون اعيال..
ابلعت ريقها وعيونها تملى دموع تلعثمت بالكلام ماقدرت تكلم وشكله يخوف وصوته بارد وحاقد
سلطان ويده ترص على شعرها من ورى :محتفظ فيتس ببلاش ..
الهنوف اكتفت بدموعها والصدمه ماسكه السانها وهي تناظر عيونه البارده
سلطان بستهزاء وسخريه موجعه :رغبه فيتس حب ..وقف ووقفها معه بشعرها تالمت بصوت مسموع لفه لها بقوه
سلطان بحقد:تبين فلوس تبين سمعه ...حلو تفكيرتس بس مايمشي علي تافهه ماتحركين امورتس بالضبط دزها على االارض بقسوه وناظرها بشرر
سلطان :تروحين معي للطبيبه غصبن عنتس ثواني بس ثواني واشوفتس تحت واقسم بالله قسم اذا تاخرتي او سمعت صوت بكاتس ان اذبحتس بيدي وتهونين..
طلع بسرعه ناظرت قدام بصدمه وعدم استيعاب ليه يسوي كذا امسكت شعرها بيدها وناظرت للباب الي طلع منه ..هزت راسها بوجع وبكت بقهر قامت بسرعه وصوت باب الجناح يرجع لها ذهنها ودموعها تنزل بغزاره البست عباتها وخذت شنطتها اليد انزلت شافت امه واقفه وتناظر الباب الي طلع منه بستغراب اطلعت بسرعه وهي تخفي عيونها عنها لاتشوفها شافته يفتح باب السياره راحت بمشيه مهزوزه واركبت
يطوف السيارات بسرعه وبدون اهتمام وكانها ماقد ساق بحياته حطت يدها على فمها لايطلع صوت خوفها او يسمع صوت شهقاتها ماتدري كم من الوقت راح الى ان وصل لباب المستشفى شافته ويده ترص على الدركسون اشهقت بقوه ودموعها تنزل بقوه لف لها ودزها بقسوه للباب
سلطان بعصبيه :اكلي تبن والله لو يسمع احد داخل صوتتس ان تعيفين هالحياه الله يــأخذتس ..بصوت صارم ..انزلي..
امسكت عضدها بالم وانزلت معه مشى بسرعه بين ممرات المشفى طق باب الطبيبه ودخل بدون مقدمات
الطبيبه ترفع راسها بستغراب شافته وابتسمت بسرعه:اهلا اهلا سيد سلطان
سلطان بجمود:سوي تحليل لها في امكانية الحمل اواي شي ياثر عليه..
الطبيبه :طبعن طبعن تفضلي مدام ..تقدمت معها الهنوف وعيونها على كثر ماحبته رافضه تلف وتناظره تشوف اذا هاذي صدق حقيقه او حب يبين سيطرته عليها بس..راحت لحجره موجوده داخل
الطبيبه :نامي هناه مدام
انسدحت بتعب واجهاد
الطبيبه تناظرها وتقرب جهاز الاشعه :مالك تعبانه كدا ليه
الهنوف تهز راسها بخفيف وصدت عنها عضت شفايفها بقوه لاتطلع دموعها وتدري الطبيبه وعقب وش بيفكها منه..ماقدرت تصبر اكثر وبكت بصوت مسموع ..
الطبيبه بستغراب اكشفت عليها خلصت وقفت لها وكلمتها والهنوف تناظرها ببرود وهدؤ خلصن كلامهن واطلعن لسلطان الي جالس على الكنب ويده تحت دقنه بشرود
الطبيبه بتردد ناظرت للهنوف الواقفه :هو ياسيد سلطان الست عندها من قبل ضعف اكلت الحبوب وزاد الها وامكانية الحمل صعبه ويمكن يعني تبئ مستحيل في بعض الاحيان
سلطان ببرود وقف ولف من الكراسي وطلع لبرى مطنشهم ناظرت الطبيبه المرتبكه شوي واطلعت وراءه
سلطان بدون شعور لف لها ودزها على الكراسي ودنق عليها
رص على اسنانه بغيض:صرتي تستهنين فيني ..انا انا الي سويت لتس قدر بيدي..فرشت لتس رمش عيني وعملت منتس شي وانتي ولا شي..
الهنوف تنزل عيونها لتحت وتبكي بقوه وحزنها يزيد بالم :خلاص والله ماتحمل..
سلطان يتنفس بهدؤ وعيونه مازالت تاملها:انتي طالق ياالهنوف ...دارت فيها الارض غمضت عيونها بقوه وانحبت بشده
سلطان ببرود:خلتس هناه لاتحركين
راح منها وهي تناظر ظهره ومشيته وكانه ماصار له شي ولا سمع شي ولا عاش معي ولا كان بينا شي.. ابعد منها ولا عاد شافته اقعدت ساعه وعيونها ماوقفت من الدموع ويدها تهتز بحظنها
مسعود باحترام:طويلة العمر تفضلي
ارفعت راسها له وناظرته اشوي ناظرها وصد عنها برتباك
مسعود برحمه:تحتاجين ممرضه تساعدتس
تمسكت بكرسي وقامت شافها ومشى عنها اتبعته لمواقف السيارت لفت بناظرها لعلها تشوفه واقف او لمحه لو من بعيد ..ناداها مسعود وركبت شافت الطريق غير الي راحت معه شمال الرياض والبيت بجنوبه تنهدت بحزن توجه للمطار وقف عنده وانزلت معه ماكان عندها شك انها بيسكت اومايمد يده بس ماتوقعت انه بيطلقها يعني كان مايحبني بس يبي اعيال هو الكاذب والمخادع وبعد .. شافت مسعود قام من كراسي الانتظار وقامت معه اركبو الطيار حطت يدها على راسها اكيد اني اتحلم امس مانمنا كل ماغفيت عيني وعاني بصوته وكلماته الي تلامس قلبي حتى لو هي امر.. نص ساعه وونزلت بمطار الحفر
. . . . . . .
فى النعيريه
انزلت بتعب ومسعود ينتظرها اركبو السياره وتجهو لبيتها
الهنوف :مسعود لو سمحت وقفني عند البنك ...
مسعود:تامرين طويلة العمر ..غير مسار البيت واتجه لبنك وقفها افتحت الباب
الهنوف:بكلم اخوي يجي ياخذني روح
مسعود:وصلتي النعيريه بسلام وهذا الي نبيه انا الحين اترخص في اامان الله
صكت الباب واتجهت للبنك ادخلت عليهم
الهنوف:السلام عليكم
االي رد والي مشغول في شغله زحمه مراجعات وعميلاتهم..حست بالتعب والالم
الهنوف لوحده من الموظفات:لو سمحتي
الموظفه :لحظه اختي استريحي شوي بس مشغولين
اجلست على الكرسي ويدها على بطنها حطت راسها على الجدار ورجعن تتذكر اللى جرا بالمشفى
الطبيبه بفرحه:مبروك ياستي دنتي حامل
حست ببروده تكتسح جسمها ونفسها يزيد لفت للطبيبه وبرجى
الهنوف:تكفين لاتقولين له شي لاتعلمين احد
الطبيبه بستغراب:وليه دا خبر بيفرح
الهنوف بالم تبي الولد تبي تاخذه والله ماخليك تشوفه ولا تدري عنه
االطبيبه :فيكي ايه ..دنتي من دخلتي مش على بعضك..
الهنوف بسرعه:تبين خمسين الف
الطبيبه تناظرها بشك
الهنوف:مية الف ميتين .. في مصر بتصيرين ملونيره
الطبيبه تسكت شوي ابتسمت بخبث:ااه خلاص انا حتصرف
الهنوف:عطيني رقم الحساب احوله لتس في اقرب وقت
الطبيبه :طيب هادوهويلك اكتبي ؟؟طلعت جوالها وسجلت رقم الحساب تنفست واطلعت مع الطبيبه
الموظفه:تقدرين تتفضلين
قامت الهنوف معها سوت لها تحويل حساب خلصت منه ارسلت للطبيبه تخبرها ودقت لفهد
فهد:مرحبا باختي الحبيبه
الهنوف:فهد تعال البنك(....)انا موجوده
فهد بفرحه:طيران دقيقه بس
صكته واطلعت برى ناظرت بالجوء بارده النعيريه موب مثل الرياض ولا فيها الالام مثل الرياض فيه احباب صادقين لي.. بس احزن واحس قلبي يتقطع ليش..حست بالتعب خافت لايصير للبيبي شي اجلست على الرصيف ارفعت راسها لفهد الي وقف عندها
فهدبستغراب:الهنوف وش فيتس
الهنوف تمد يدها لها امسكها ووقفها :مفاجاءه ..مشت منه لسياره تبعها بستغراب من حالها وترناحه بالمشي اركبو وراحو للبيت
وقف عند البيت
فهد:بدخل اعملهم قبل ...نزل ركض لداخل وهي تتبعه بهدؤ ادخلت عقبه وصوت اعيال غزيل وهبه وامها متجهه للباب عقب ماعلمها فهد
ام فهد بفرحه:حبيبة قلبي ..سلمت عليها احتظنتها الهنوف بقوه وصاحت بالم وقهر اقربن خواتها منها بخوف من صوتها ونشيجها
ام فهد براعه:اسم الله عليتس وش فيتس
الهنوف بنهيار:انا مت انتهيت..وبقهر ودموع.. مستحيل تعدل حياتي سنه سنه ماكملت وش هي الحياه بدونه ليش يصير لي كذا
انصدمو وهم يسمعون كلامها ارتبك فهد وهو يحس بدموعه بتخونه من صوتها طلع لبرى بسرعه
غزيل تمسكها من ورى:خلاص الهنوف اهدي شوي ...منيره جيبي حبوب بنادول ومويه
الهنوف بصياح:لا لاتجيبين حبوب ودوني لحجرتي بس وخلوني لا حد يجيني ويمر علي ..
ام فهد ببكى:وش صار لتس ياامي والله اني كنت داريه ان حياتس بتنعفس معهم ..امشي امشي ياحبة عيني رقوها لفوق ادخلت الحجره وامنعتهم يدخلون معها صكت الباب وقفلته انسدحت على السرير شهقاتها باديه تخف بتعب ناظرت لبطنها لايجيه شي بعد اذا راح هو وش ابي من الدنيا تخدرت اعضامها وعيونها تسكر من النفاخ من الصبح وهي تصيح الى ان اذن العشاء في النعيريه
ام فهد تحت وبخوف وراعه:صايرلها مشكله معه اكيد
منيره :الله يستر ليكون مطلقه
غزيل بتفكير:مفجوعه منه صدمها كلامها واضح انها متعلقه فيه الله يعينتس ياالهنوف
.....
فى قصر سلطان
جالسين بالصاله ام سلطان والنايفه وناصر
دخل عليهم شافهم جالسين واتجه لهم
ام سلطان:وينها الهنوف ..مرت علي الصبح بسرعه ندق جوالها ماترد..
سلطان:راحت
ام سلطان بستغراب:وين راحت
سلطان ببرود:طلقتها وراحت لهلها
ام سلطان براعه وقفت وراحت صوبه :انت ماتمزح ليه تتطلقها..
سلطان يناظرها بعقدة حاجب:ماجازت لي مابيها ...
النايفه بقهر اول مره من ازعل عليها :طلقتها تبي احسن منها ويلك من الله ,,,
سلطان بغضب مكتوم:طلقتها وراحت وبجيب غيرها عشر..ولو ينعاد علي ذالسؤال والله وبالله ان تطلعون من البيت كلكم..
ناصر بقهر مشى لبرى وبصوت عالي عند الباب :انت خراب تخرب كل شي حتى بيتك خربته...وقف سلطان وراح للحجره الصغيره فيها سرير ودولاب صغير في مكتبه تحت..
ام سلطان بالم حطت يدها على راسها:ليش سوى كذا مستحيل تعدل حياته..
النايفه بدموع:وعرس مراح تحضره مافي البيت احد روحها وخلتنا ..
ام سلطان تضمها:اهدي الله اكتب له انه يشتط في حياته ومايرضى بالهوين ..وبحزن هزت راسها ياويل حالي عليك ياسلطان ياويل حالي ياروح امك ...
....
فى بيت بو مفلح
انزلت تحت قبله اجلست مع خالتها بخجل من ابو مفلح ماتعودت عليه
مساعد :لمياء تسبحتي في البحر
لمياء بضحكه:لا شفته من بعيد
مساعد:حرام ليتس ما تسبحتي عشان اقهر نوره
لمياء :وليه
مساعد:مفلح يرفض تسبح واذا قلت لها انتس تسبحتي بتنقهر
لمياء :انا كفايه علي مسبح الاستراحه
مساعد:ههههه يعني حدتس
لمياء تضحك:لا تمسخر ...
فتح عيونه توه فيه نعاس بس ماشافها جنبه غسل وجهه ونزل تحت شافهم متجمعين ومساعد يهايط عليها
مفلح يجلس جنبها ويحط يديه على كتوفها
مفلح :وش تبي لي ذي ترى..
مساعد بستهبال:خلنا انتقاسمها
الجميع:هههههههه
مفلح :ياحبك لتلزق
ناظرته ببرود ولفت تناظر ابو مفلح وتسمع سوالفه متجاهله وجوده
مفلح بقهر :قومي سوي لي حليب وحطي زنجبيل
ام مفلح تلف لها :توها عروس اتركها
مفلح :قد لها اسبوع ..
لمياء تقوم:عادي خاله بروح اسويه..
ام مفلح تناظر مفلح بقهر:الله يرضى عليتس حبيبتي
راحت لف له ابو مفلح وبهدؤ:عدل اسلوبك معها اولن توه عروس وتستحي منا وثانين زوجتك حببها في نفسك
مساعد:لا يحسبها واحد من اخوياك ولا شغاله يامر بس
مفلح بهدؤ:تامرون الي تبونه..
سوته وحطته قدامه صبت لها بياله ومدتها له
لمياء بهدؤ:تبي شي ثاني
مفلح بجمود:لا ...
لفت واجلست جنبه شرب شربه وحده وقام رايح لفوق ناظرت له بغيض مكتوم
ابو مفلح:صبي لي انا ابي
ابتسمت بفشله توى اول مره اسوي له شي يفشلني كذا قامت للابريق وصبت له وصبت لخالتها
مساعد:وانا بعد ابي
لمياء :ابشر ..صبت له وعطته اشربوه كله افرحت انه خلص يعني حلو بس هو الي فمه مر
وقف عند الباب :بروح تبين اوديتس لهلتس
لمياء تناظرهم ترددت تقوم
ابو مفلح:روحي سلمي عليهم
قامت بفرحه راحت فوق البست واطلعت له برى افتحت الباب وادخلت
مفلح:اذا جاء العصر بجي اخذتس
لمياء :العصر قريب
مفلح :هذا الي ابيه غداء وبس
اسكتت ماردت عليه بقهر تعبت من الكلام معه والمشاكل شافت سياره تاشر له بالطريق وقف على جنب ونزل لها
تنهدت وغمضت عيونها بقوه.. مابي اشوفه كاشخ وكانه معرس فرحان حتى الغتره بيضاء فتحت عيونها ناظرته شوي وغمضت مابي اشوفه زين وارجع العصر اضحك له خلني كذا اطنشه
. . . . . . . .
عند مفلح
علي:يامعرس معي اورقه لك من الدوام
مفلح :والدوام لاحقني حتى في الشارع
علي:ترددت اوقفك بس عارف انك منتب جاي الابعد الاجازه بكم يوم
مفلح :وش ذالورقه المهمه
علي:لازم تجي تشهد عليها حقت عمر الي بالشقق انك كنت معه يوم كلم خويه وواعده الشقق بدون علمه
مفلح بستغراب:من زمان شهدت عليها ذي
علي:اكتشفو ان به شرطي من المجموعه متعامل مع اصحاب الشقق لانه يجي لهم فعطاهم خبر . . مفلح بصدمه دخل يده بمخباته مع انه عارف انه موب الشرطي الي علم بس له دخل بمشكله عمر
علي:خذها
مفلح :يمكن اداوم بكره
علي يضحك:طيب ننتظر اكبر مخالف ...
راح منه علي وهو رجع للسياره شغلها لف لطريق
مفلح :ام عمر راحت معه لجده
لمياء ببرود:مدري عنهم
مفلح بنرفزه:خلصيني اسالي امتس شوفي
لمياء بقهر:مدري عنهم وش تبين اقول.. وبستهزاء.. يمه وين ام عمر راحت معه لجده وش دخلني فيهم
سكت بتوتر وجهت له نظره جانبيه بستغراب انه سكت وصلها لبيت اهلها انزلت
مفلح قبل تصكر الباب:بجي عقب العشاء ويمكن اتاخر
لمياء بفرحه اخفتها :طيب ..
. . . . . . . . .
فى بيت بو فهد
ادخلت عليهم امها منسدحه بالصاله ونوف جنبها تهمز راسها
لمياء :السلام عليكم
اقعدت امها جاتها ضمتها وحبت راسها ويدها
لمياء :وش لونتس يمه
ام فهد بحزن:منيب طيبه
لمياءوهي تسلم على نوف ترجع لها وبستغراب:وش فيتس اسم الله عليتس
ام فهد :الهنوف فوق وتعبانه من امس ماطلعت علينا
لمياء بصدمه وخالطها شعور الفرحه:جات
نوف:جات بس مهيب مبسوطه
لمياء:بروح لها
رقت لها بسرعه افتحت الباب مقفل عقدت حواجبها وطقته
لمياء بشوق:الهنوف ياقلبي افتحي انا لمياء.. انتظرت شوي وانفتح الباب
لمياء بفرح ضمتها:وش اخبارتس وش المفاجاءه الحلوه
ابعدت منها الهنوف وراحت تجلس على السرير
لمياء بستغراب:وش فيتس ليش وجهتس مصفر
الهنوف بحزن ابتسمت:انتي تبين اجي نهائى هنا صح تمنيتي وهذا انا جيت
لمياء بصدمه:وش صار ليكون انفصلتي عن رجلتس
الهنوف بالم بكت:ايه تطلقت ..
لمياء ويدها على فمها براعه ماتحملت شكلها الحزين ودموعها فبكت معها:والله ماكنت اقصد يوم قلت لتس ذاك الكلام كنت ابيتس تجلسين وبس
الهنوف بهدؤ امسحت دموعها :لاتزعلين نفستس مكتوب ...بس ماقدرت اتحمل المكتوب ماقدرت
لمياء وهي تقرب منها وتمسح ظهرها :الله بيعوضتس انشالله اكيد فيه خيره
الهنوف بالم :خيره ..!!تفكيري رافض يفكر انه يمكن به خيره ..مابي ذالخيره مابيها
لمياء بحزن:اصلن هم كذا فتره ويطلقون حريمهم اذا اعجبتهم ولا لا
الهنوف بوجع:الا سلطان مستحيل انه كان يخدعني حتى لو حسيت بكذا
ادخلت ام فهد ونوف ناظرتهم الهنوف ونزلت راسها
ام فهد بحزن لحالها :ياامي لاتسوين بنفستس كذا انزلي معنا وانسيهم
نوف ببتسامه :حبيبتي الهنوف فكري انتس بين اهلتس وكلهم يحبونتس وابوي الي لو درى انتس زعلانه لطلاقتس كل ذالحد بيضيق من نفسه ومراح يسامحها ...
الهنوف :انا بقول لكم شي ..ترددت وبهدؤ ناظرت لامها ..انا حامل ..
امها بصدمه :حامل ...يالله ياربي هونها
نوف بتشجيع ابتسمت:مبرووك فديتتس .. تجبينه وتفرحين بصلاحه وابوي بيكون له الاب
الهنوف بخوف:بس لايدري سلطان اني حامل لاينتشر مره الخبر ..
لمياء تقرب منها وتضمها:في اي شهر
الهنوف:لي شهر ونص او شهرين
ام فهد:الله يهون عليتس وليش مدرى من زمان
الهنوف ببتسامه حزينه:انا بعد مادريت خبركم الدوره موب مرتبه معي ووو ..ورحت اكشف معه بس عطيت الطبيبه فلوس وتكتمت على الموضوع
نوف بحزن لحالها ناظرت بطنها الي بادي يكبر خمس شهور تنهدت ولفت للهنوف
الهنوف تناظرها ابتسمت مجامله:بيصيرون اقراب سنهم واحد
نوف تقرب منها وبحنان:عاد لو تجبيبن بنت ترى حاجزتها من الحين
لمياء بفرحه:والله مشتاقه اشوف البيبي تبعتس
ابتسمت لها الهنوف
ام فهد:يالله انزلي معنا وانتبهي لنفستس روحي مع فهد العصر يفتحون لتس ملف تراجعين فيه ..انا بنزل انتظركم تحت انتغدا ..اطلعت برى ولمياء تلف عليها
لمياء تحاول تتطلعها من الجوء :يقولون معاد فيه عرس في شهر اثنين ..يعني مراح تحضرينه
الهنوف ببتسامه:يعني اخدعوتس
نوف:ايوه جات الي تعطيتس بالوجه موب مثلنا نخش عنها ونواسيها
لمياء :ههههههه تصدقين منها عادي
الهنوف :فديتس ..طيب وش اخبارتس مع العرس
لمياء بنت بملامحها عدم الرضى عن السؤال وبتردد:اذاكانه بعد بيزين ولا ووع منه والله انه بلشه امر اذا قام يرقد اقوم معه وذا قام اقوم معه
نوف:هههه ايه اذا حبيتيه تسوينه بوسعة صدر
الهنوف ببتسامه هاديه:ايه الحب اذا قدرتي تبينينه له ولا على االاقل كفي السانتس منه اعرفتس انا
لمياء:هذا الي احاول اسويه
نوف:يالله خلونا ننزل لاامي ...اطلعت نوف واتبعتها لمياء..حطت يدها على راسها صداع ماذيها مانامت ولا ذاقت طعم النوم من امس تنفست بعمق غسلت وجهها وانزلت لهم تحت
فهد بترحيب:مرحبا مرحبا بهنوف الجيد
الهنوف ببتسامه :مرحبابك فديتك
فهد :الي تبينه ياالهنوف اطلبيه روحت المشفى وغيرها المشاوير وامانه معتس لاترددين وانشالله ان توضفت باقي بس سنتين ان يصير اولدتس اولدي
الهنوف ودموعها تجمع بعيونها:ماقصرت يافهد الله يخليك..وبضحكه بداخلهابتصير مثل ابو منصور بيصير اولدي نفس حياة ابوه بس بخليه يحس وفيه مشاعر وانسانيه
ادخلت غزيل بانت في وجهها الفرحه من شوفت الهنوف معهم صح انها هاديه ماتسولف بس على الاقل انزلت مع اهلها
اطلعو برى في الحوش تعشو جاء مبارك خذا نوف ولمياء يدق جوالها
الهنوف :ردي ..مفلح اجل
لمياء ببتسامه :ايه
الهنوف تاخذ الجوال وتفتحه مدت لها خذت لمياء وردت
مفلح بستهزاء :الساعه عشر تبين ترقدين الظاهر
لمياء بدون اهتمام بكلامه وقفت وابعدت عنهم:بطلبك بس مره امانه وافق
مفلح بستغراب:وش تبين
لمياء برجى:ابي انام مع الهنوف تكفى والله محتاجتني
مفلح بشك:الهنوف عندكم
لمياء تنفخ على نفسها :ايه
مفلح :غريبه موب بالعاده تجي بسرعه
لمياء بحزن :الهنوف تطلقت بتجلس عندنا
مفلح بصدمه وضيقه:افا والله وش ذالعلم وليه
لمياء:ماندري طلقها كذا
مفلح :امتس عندها..انتي تعالي لبيتتس
لمياء بقهر ورجى:اول مره اطلبك يااخي تلحلح شوي
مفلح ببستامه:بس انا ماقدر اصبر عنتس
لمياء بتوتر:لاتصرف ...
مفلح بعناد:لا اطلعي برى انا موجود
لمياء :سخيف وماينفع معك كلام اوف منك ..
مفلح بقهر كبووت :معليه اطلعي لي بس انتي
لمياء بخوف:بطلع لك ماعاندت
مفلح :كويس فهمتي الي تسوين ... انتظر
ارجعت لهم في الجلسه
لمياء برتباك:انا بروح مفلح برى
الهنوف بتردد وصراحه:بس ابي احد يرقد ويجلس معي بالحجره
ناظرت لها امها بخوف وضيقه:وليه مايصلح الحامل توتر من شي
نزلت راسها مادري وش اسوي مابي اصير بلحالي مابي افكر
فهد :تبين اروح اجيب منيره رجلها مر علينا اليوم في البقاله ويقول عنده زام وماسك بدوام
الهنوف ببتسامه:لا لا اكيد بيرجع الصباح لهم
لمياء :اانا بطلع مع السلامه ..اطلعت له برى مشغل اغاني وسرحان افتحت الباب تنفست بعمق وادخلت
لمياء بتردد :مساء الخير
مفلح يحرك السياره وبشك في اسلوبها ابتسم:مساء الحب
رطبت شفايفها بسويها والي يصير يصير وبرجى:وقف شوي بس..
مفلح وهي يبيطى مشيه ويوقف قبل يبعد من البيت :خير
لمياء بتوهيقه خذت نفس وبسرعه:انا عندي حاجه لك مهمه اكثر مماتوقعها او تحس انها بتصير معي وتخصك ..
مفلح بستغراب:وش ذالحاجه
لمياء ببستامه تبعد التوتر:انا رضيت اتكلم معك عشان هالحاجه بس
مفلح بضحكة استهزاء:وكان ساكته عشانتس زعلانه يعني مسويه اضراب
لمياء باخر ماحاوله:اذا وافقت تخليني ارقد عندي اهلي اليوم اعطيك اياها بكره العصر تمام اعطيك واقولك بعد وش سببها...صراحه انا منصدمه منها
مفلح :مساومه الشغله
لمياء تنهد بقهر وبهدؤ مصطنع:تبي او امش مالها داعي وقفتنا هناه
مفلح يلف السياره راجع خاف تعلق بمسالة ذالشقق المتورط فيها:اذا فيها شغله مخبيه عني نعرف وشي ..وقف عند الباب ابتسمت بفرحه ممزوجه بخوف افتحت الباب وانزلت
لمياء :شكرا الله يخليك...صكت الباب وراحت لداخل البيت
الهنوف بستغراب :ليش رجعتي
فهد:والله تلقونها انشبت بحلق مفلح رجعني رجعني
ام فهد:الله لايقوله توها عروس
لمياء وهي تروح تجلس معهم :وش فيها اهم شي وافق ورجعني ماقال شي ...
ام فهد بقهر:اعقلي تحسبين انتس عايشه وتكلمين مع فهد
فهد:ويل فهد وش سوى
لمياء بزهق:كلها ليله وبرجع بكره
الهنوف ببتسامه:اذا راضي وش فيكم عليها ..انا برقى انام نعست
لمياء :انا برقى معتس ...
ام فهد :الساعه ثلاث بقومكن تسحرن ..الهنوف بتصومين
الهنوف ببتسامه متعبه :ايه فديتس وش الي فيني ...
رقن فوق افسخت الهنوف ملفح الصوف الي عليها رمته على الارض وانسدحت على السرير
لمياء :والله فيني نوم واحس برهاق
الهنوف:طبيعي بداية الزواج متنامين زين..نامي استغلي الفرصه
لمياء تنسدح جنبها :صعبه البدايه .. وبتردد..الهنوف حبيبتي قولي لي ليش مفلح كل شوي يسال عنتس
الهنوف بضحكه:عشانه ذكي...مدري وش اقول في شخصيته مرح وجدي ورجال والله مايفوت ضميه بجناحتس لمياء لاتخربين حياتس بعنادتس السخيف
لمياء بملل:غيري السالفه ووالله انا ماسويت له شي هو الي يتحكم بكل شي ..خلني ساكته بس
الهنوف تنهد وتلف بوجهها عنها بعد بكره زفاف النايفه الله يوفقها امسحت بطنها ببتسامه وحنان مشتاقه اشوف حبيبي من يشبه يارب مايشبه لابوه يارب تنهدت بحزن لو يشبه ابوه.. ابتسمت ماحلاها الابتسامه الهاديه ياما اجرحتني بس عشقتها وشفت فيها فرحه لشوفي ااه ماعرفت انها تخدع الى هالحد وعيونه الحاده رموشه بس يتمنى رموشي خداع كذاب كل هذا وفي الاخير يطلع يلعب علي بكت بالم وبصوت عالي
لمياء براعه وحزن:الهنوف
اشهقت بقوه :لمياء خليني اطلع الي في خاطري
لمياء بالم:تكفين انسيه لاتصيحين وهو يمكن بكره ولا بعده معرس ...
الهنوف بالم وبكى:احبه الله يسامحه..بيجي يوم وبنسى
لمياء بهدؤ ضمتها :خلاص فكري بس بالي ببطنتس ...انا بشغل قران ركزي معه لاتفكرين بشي ثاني..قامت وشغلت قناة القران وارجعت تنام جنبها
......
نهايه البارت

[7btin]

:::البارت السابع والستين:::
فى قصر سلطان
الصبح الساعه 10 جات بدري افسخت عباتها احذفتها على الكنب وجات بترقى فوق
ام سلطان :وين
لفت لها موضي وابتسمت :بروح انادي النايفه وانتي تجهزي بروح بدري ..بنفطر في بيتي انتو صايمين
ام سلطان بحزن : ايه ..تعالي بقولتس
موضي ترجع لها:لبيه ...انزلت النايفه من الدرج وهي تشوفهم تحت
موضي تناظرها:زين جيتي
ام سلطان :اسمعيني انا
موضي بستغراب:ايوه
ام سلطان :سلطان طلق الهنوف
موضي براعه ناظرت لهم:ووووليه
النايفه بالم:ماقال لنا شي
موضي بصدمه وضيقه :لا لازم يقول لنا
ام سلطان :لا لاتقولين له بيزعل علينا.. وبتردد ..حالف ان يطلعه من البيت الي بيقوله شي
موض بعصبيه :لا موب على كيفه وش معتبرنا في حياته لازم يتكلم ..انا برقى فوق
النايفه :موب فوق
موضي :وينه
ام سلطان :بالحجره الي في المكتب
لفت عنهن وراحت له بالمكتب طقت الباب وادخلت شافته جالس على المكتب المليان اوراق وشنطه سوادء مفتوحه ناظر للي ادخل ورجع يحلل الي مكتوب في الاوارق
موضي بجديه:الحين دريت انك انت الي تخرب حياتك بيدك مال احد دخل فيها..
سلطان يحط ورقه وياخذ ثانيه وكانه وحده بالمكتب
موضي تبلع ريقها وهي تشوفه جامد:ليه ياسلطان طلقتها
عنز يديه وناظرها بهدؤ:تنتظرين تفسير..
موضي :اكيد
سلطان يبستم بستهزاء ويهز راسه بلاا..
موضي تنفس بعمق وبحزن:ولو مره في حياتك علمنا وش يصير بحياتك ناظرها وكانه محتقر كلامها عنز ظهره على الكرسي تراخى وببرود ناظر بمكتبة الكتب الي قدامه
موضي بدموع:كلنا عارفين انك ‏تحبها وانت ماقلت شي بس عرفنا لان من عرفنا اخوي سلطان وهو يناظر بالنسوان يتنقى في كل ديره بنت وينساها من يمشي طالع منها بس الهنوف ماناظرت لها مثلهن ..عمرك بيصك الاربعين مانشوفك بشكل مرتاح مثل كل رجل يستحق انه يعيش حياه حلوه ومريحه عندك مال وجمال وعافيه واهل بدال اهلك الي ماتبيهم عزوك وعزيتهم وتصرف كل الي حولك يحسدونك علي الي ربي عطاك اياه وانت واثق منه فرحنا دورك تعيش حياتك سعيد وفجاءه تنعفس حياتك
لف كرسيه للمكتب ورفع سماعة التلفون شوي وتكلم..
سلطان :خلك بالرياض محمد اليوم بمشي لكم..صكه وقعد يسحب الدروج بتطنيش لها
موضي بحزن والم:بكره عرس النايفه لاتنسى..
سلطان بصرامه وقوه:شايفتني منهبل...
موضي بعتب:ماقلت كذا .. تنهدت بالم واطلعت من المكتب صكت الباب وراحت لصاله شافتها امها الي وقفت بخوف
موضي بضيقه:خلاص خلصتو نبي نمشي
ام سلطان برجى وقلق:وش قلتي له وش قال
موضي :انا بس الي قلت هو ماقال ..يمكن توهمنا صدق انه يبيها والتوفيق بيد الله ...مشينا
جمعو الاغراض واطلعو للرياض
....
فى النعيريه – عند الراشد
هزت راسها مع نغمات الاغنيه مندمجه
نوره :طفيه طفيه عرفه وصيام
ساره تطفيها :استغفرالله .نسيت
نوره :راشد فرحان انتس خليتي الوظيفه
ساره :حتى انا ارتحت تعب ..اخيرن
نوره :طيب وذاك الرجال خلاص ابد معاد تبينه
ساره ببتسامه:ابد مهوب موجود في خاطري..اخر يوم طلعت منه وفاطمه تعلمني انه خطب وحده من البنات الي ادرسهن
نوره بستغراب:متوسطه صغار
ساره :الى ان تخرج من المتوسط وببتزوج ...البنات هناك يكبرن بسرعه موب يتدلعن مثل الي في المدن
نوره تطقها:اجل خلينا نتخيل زوجتس الجديد
ساره :ههههه ياحياة الشقى ماوراتس الاانا
.....
فى بيت بو فهد
لمياء بخوف عضت شفايفها :ياويلي دق
الهنوف:وش فيتس خايفه عاد..
لمياء :اني قلت له خلني امسي عندهم وبعلمك بشي
الهنوف بستغراب:وش ذالشي
دق مره ثانيه ارتبكت خذت نفس وردت
لمياء :هلا
مفلح بعدم صبر:ماقصرتي اطلعي لي برى
لمياء بمحاوله ماتلتقي معه الحين:اهلي بيجونكم العصر خالتي اعزمتهم على الفطور بجي معهم
مفلح بصرامه:يعني امي عازمتهم منتب جايه تساعدينها
لمياء بقلق:طيب ..البست عباتها وانزلت تحت ياويلي وش بقوله ياليتني مسكت الساني اطلعت له برى شافته متعنز على الدريشه بملل افتحت الباب واركبت
لمياء :السلام عليكم
مفلح :وعليكم السلام ...وش اخبار الهنوف
لمياء بغباء وبسرعه:طيبه طيبه مراح تخدعني
مفلح بستغراب:وش اخدعتس فيه ...
انحرجت من نفسها وتعجلها اسكتت ولفت عنه بغرور
مفلح بستهزاء:الحين تخبصين بالحكي وتشوفين نفستس
ابتسمت من تحت البرقع واسكتت اوصلو للبيت رقت قبله افسخت عباتها وبرقعها علقتها ناظرت لبجامتها الي خذتها من بجامتها القديمه ورديه فرو انفضت شعرها عضت شفايفها بتوتر وحركت يدها بمعني ياويلي
اسرعت تطلع من الحجره بتروح لاي مكان قبل يجي ويسالها
لمياء بصراخ عقب ماصدمت فيه عند باب الغرفه
مفلح بستغراب ارفع حواجبه :اشوي اشوي ..
لمياء برتباك:ماشفتك ..لفت عنه بتروح
امسك يدها ولفها له:انتي منتب طبيعيه اليوم وش فيتس
لمياء :مافيني شي
مفلح :طيب معليه ..نمتي عند اهلتس يعني نفذت الي تبين الحين ابي الي لي عندتس
لمياء :طيب بعدين انا الحين بروح اجهز الفطور
مفلح بنفاذ صبر:وش معتس لي..
لمياء تعكف شفايفها بحراج وبضحكه ماقدرت تخفيها:اكذب عليك ابي ارقد عندهم..
مفلح بصدمه وقهر امسك اذنها بخفيف:مسويه لي توتر مارقدت وفي الاخير تكذبين
لمياء تضحك وتمسك يده:والله الهنوف تعبانه وقلقانه عليها وانت مسوي فيها..
مفلح ببتسامه اطلعت منه غصب:مسوي فيها..بزر معليتس شرهه ..
لمياء بقهر:كل شوي بزر بزر منيب بزر
مفلح بعناد:بزر وبزر خبل بعد
لمياء بقرف لفت منه
مفلح :كل شي بحسابه ماعندي شي بلاش
ناظرت له بستغراب ..طقها مع راسها من ورى بخفيف على قوه شوي ودخل للحجره ..
امسكت راسها اااي بس اشوى ماجاء الا هاذا راحت للمطبخ تسوي بعض الاكلات كمساعده للمطبخ تحت
بعد العصر بساعه تجمعو الراشد والفهد وبناتهم كلهن بدون ابو فهد طبعن في البر في بيت المفلح
المحور الاساسي لسوالف الحجيج وكثرهم وش وسعو وجهزو لهم الحكومه الرشيده متجنبين اي سالفه او نشده عن احوال الهنوف الي اعرفوه من ام فهد قبل يجيونهم عشان مايسببون لها احراج او بنفعالاتهم الي مهيب ناقصتها
نوره تجلس جنب الهنوف:وين لمياء ماجتكم قبل نجي
الهنوف:لا ماشفناها من جينا..لفت لساره ..ساره خليتي الوظيفه
ساره ببتسامه:ايه مليت منها وتعبها
الهنوف:مالتس الاشهور
ساره :سمحت من غثاها
ام راشد بصوت قصير لاام فهد:وش فيها الهنوف وجهها مصفر ونحفانه ام فهد تنهد:تعبانه شوي واطلعت حامل بس ترى ماتبي تنشر الخبر
ام راشد:اييه الله لايحملها شر ويرزقها الذريه الصالحه
ام مفلح :لاتحسسونها من موضوع الطفل ترى اذا جاءها بتعلق فيها اكثر مماتوقعون..
ام فهد :لا الله لايقوله هي ناقصه تعب نفسيه..
لمياء بقهر يعني لازم انزل معه طيب خلصت قبله ولبست.. يبي يتحكم بكل شي تنرفزت ووقفت رايحه للحجره
مفلح يطلع من الحجره وينسف اشماغه :خير جايه مسرعه ناويه على شر..
لمياء تنفس بهدؤ:تاخرت بنزل
مفلح يتجه للباب مر الطاوله وخذا جوالها فتح الباب ووقف عنده :انا الي تاخرت انتي منتب جايه
لمياء بستغراب:ليه..بنزل تحت لهم
مفلح بصرامه :لا ..الظاهر انتس مسويه اكل هناه
لمياء بضيقه :مسويته اساعد خالتي انت الي تقوله
مفلح يصكر الباب:لا ابيه لتس ..قفل الباب
لمياء بصوت عالي وقهر:جوااالي ...اسمعت صوت خطواته المسرعه على الدرج ناظرت الباب بحقد وغيض والله لاادعي عليك يامفلح مع ذالصوم وبيستجيب لي ربي انشالله وانتي ضالمني
تحت تجمعو على سفرة الفطور كلهم
ام مفلح :وين لمياء ماجات
نوره :انا دقيت عليها رد مفلح يقول بيفطرون فوق
ام مفلح تنهد براحه:زين الله يسعدهم
اذان وعم الصمت يرددون ورى الاذان بعد ماخلص بدؤ بالفطور
ام فهد :الهنوف ياامي اشربي من الشوربه افضل لتس
الهنوف ببتسامه :ابشري
ام راشد:احذري لاتشربين من شوربتنا فيها حبة رشاد تسقطين
ساره ونوره بصدمه لفن لها
نوره :حامل
الهنوف ببستامه هاديه هزت راسها
نوره ارتبكت واسكتت
ساره ببتسامه حلوه:مبروك ياحلوه يالبيه ودي اشوف البيبي اذا يشبه لتس اروح وطي انا
الهنوف ببتسامه:الله يبارك فيتس ..
غزيل :انكنها بنت لولدي منيصير محجوزه
نوف:هههههه مالها بشوفه..
ام مفلح بصدق:والله ان كنها بنت ان اتنيها مساعد لين تكبر
الهنوف بضحكه :خاله فديتس خلوه يجي
...
فى قصر سلطان
على طاولة الفطور هدؤ مخيف في ارجاء البيت ناصر يشرب شوربه ويناظر سلطان الي اكل تمره وكتفي بها عن غيرها
ناصر :بس خلصت اكلك لو قايل لشغاله تسوي لي اندومي يكفيني اصرف بدل الفطور..
سلطان بنظره حاده :ترى النفس عليك شينه..لاتزيدني
ناصر بخوف من نظرته وصوته في البيت وبلحالي لو يسوي فيني شي وش بيفكني منه..
سلطان يوقف:لصليت المغرب خلك جاهز يمدينا نجيهم قبل العشاء
ناصر :ابشر
اطلعو من البيت متجهين للمسجد عند بابه
محمد:وش لونك
سلطان :بخير وش حالك انت
محمد:طيب ...انا بخاويكم بعد الصلاه لرياض
سلطان :حياك الله ...خالي لازم يجي بكره ترى مانيب سامحن له
محمد :لا الوالد بيجي قبلك
سلطان :الله يخليه ويسلمه ...
. . . . . . . . . . . . . . . . .
فى بيت بو مفلح – عند لمياء
جالسه على الفطور لحالها حست بالغيض جات بتدعي عليه ترددت وبقهر الا بدعي عليه كلهم متجمعين حست بدموع تجمع في عيونها الهنوف معهم وانا محبوسه بس اخاف يستجيب لي ربي استغفرالله استغفرالله احذفت الي في يدها في الطوفريه وشالتها للمطبخ طلت على الي تحت في الحوش الي يصلي والي تروح وتجيب القهوه والبنات جالسات يسولفون شافت الرجاجيل يجوون من المسجد وقف مفلح عن الزوليه وراحت له ام راشد اقعد يسولف عليها ويضحك
لمياء بقهر:ايه مقفل يبي يناظر ساره انا داريه اكيد افهم تلميح عمته.. حست انها بتبكي ..طيب وشتبي فيه وهو معرس.. وانا مسكينه جعلك تذوق القهر يامفلح انكنك دايم قاهرني..
. . . . . . . . .
عند سلطان
بعد صلاة العشاء دخل سلطان وناصر بفلتهم برياض شاف امه جالسه لحالها سلمو عليها وجلس جنبها وناصر رقى فوق
ام سلطان بجفاء واضح:وش باقي ماخلص تفقدت عرس اختك
سلطان جالس على كنبه منفرده ومنزل راسه يشتغل بجواله يفكه:عرس اختي موب انا الي امشي فيه له اهل يشوفونه
ام سلطان :ولو انت بعد شف اختك لاينقصها شي
سلطان بقهر مخفي:لا..
ام سلطان بستغراب:تقول لي لا انا
سلطان بتعب فسخ اشماغه وحطه على كتفه وناظرها بقوه:هو شي جاوبيني عليه خمس وثلاثين سنه ماعرفتي وش انا ابي..
وقف واتجه للدرج
امه بصوت عالي:وانت تكلم تقول شي عشان نعرفك زين شين ساكت
سلطان بقهر يلتفت عليها :طيب هذا انتي عارفه اني منيب متكلم تزنون علي ليه ؟؟..
لف ورقى فوق مرت من جنبه النايفه وهو مكمل طريقه
النايفه بتردد وقفت وبوجع :سلطان لاتخليني بكره
كمل طريقه لفوق متجاهل وجودها دخل حجرته فسخ ثوبه ودخل يتروش النايفه بالم :شفتي وتقولون موب مخليتس شوفيه رقى ماعطاني وجه
ام سلطان بضيقه :وش اسوي فيتس خليني ترى الي فيني مكفيني
النايفه تلف عنها:ليه عشان طلاقه للهنوف هاذي حياة الرجاجيل يمه اذا اعجبه كان بها وان معجبه الي يودي مايجيب..
ام سلطان :ليه والهنوف مثلهن انا بس قاهرني يمكن تعرس وتاخذ احد ثاني ويضيع الجمال الي اتفاخر بها قدام اهلتس اااه ياسلطان
. . . . . . . . . . . . . .
فى بيت بو مفلح
الهنوف:نوره دقي على مفلح تعشينا وهي مانزلت وهو عند الرجاجيل
نوره :طيب بدقله ..خذت جوالها ودقت عليه
مفلح :هااا
نوره :ياخي وش ذالاسلوب
مفلح :وش تبين
نوره :وين لمياء ندق لها ماترد
مفلح :يعني وحده توها متزوجه بتقعد في بيتها وشتبون فيها
نوره :تقعد بلحالها وانت منتب موجود
مفلح :لا انا برقى لها ذلحين
نوره:كيفك ..باي
صكه منها ورقى فوق فتح الباب لفت له ناظرته بغرور وصدت عنه تناظر التلفزيون
مفلح يجلس جنبها وبستهزاء :وين الدنياء بتس
لمياء تناظر التلفزيون وتمسك نفسها من الكلام
مفلح :مشالله كل حبايبتس تجمعوالهنوف منصور وخواتس كلهن وساره جات وام راشد تسال عنتس
لمياء بغضب :والله انا كنت عارفه حابسني هناه عشان تاخذ راحتك وتشوف الي تلمح لك عليها ام ساره
مفلح يرفع حواجبه بسخريه :ساره..!!على فكره فكرت فيها قبل افكر فيتس يعني لها الحق اكثر منتس
لمياء بغيض:وش الحق فيه ناسي انك متزوج ولا تناسى
مفلح :لا اتناسى ..وبصوت عالي وغاضب.. وش ذالحياه الزوجيه الي تبيني ماتاناساها من ادخل لا نظره حلوه ولاكلمه طيبه ..محسوبه مرة فراش بس
لمياء برتباك وبرود:موب كل يستاهل نظره وكلمه طيبه ماشوف انك تستاهل من حظرتك
مفلح بغيض مسكها مع قلابي جلابيها ولفها له وبحتقار:من حضرتي !!..زوجتتس ولا رايق لتس احد ثاني.. رص على جلابيها بقوه..هااا
لمياء بغرور وستهزاء:جاوب على نفسك بما انك تعرف نظرات العيون
مفلح بقرف دزها منه على الكنب:ياشيخه فارقي نظرات تسم ماتستاهلين انا الي افسرها لتس
لمياء :احسن هذا الي ابيه ..فيه من هو احق مني تفسر نظراتها ..وقفت ومشت من قدامه بدون اهتمام
مفلح بغيض امسكها مع عضدها ولفها له بقوه وعصبيه :لاتفلسفين علي...وثمني كلامتس سكت لتس اكثر من الازم تقللين احترامتس وانا اتغاضى رافتن بحالتس ياقليبي..
لمياء بجمود :يكثر خيرك هذا المطلوب ..
مفلح بملل وقرف:ماينفع في حالتس لاصبر ولا تحمل كنت حاط احتمال ان فيه تغير بس الحين بديت اتحسف على الي سويت بعمر كان احسن لي ولتس
لمياء رافعه واحد من حواجبها بعدم فهم وش دخل عمر احذف عليها يدها بقوه وادخل للحجره
ناظرت بحباط للحجره ميلت شفايفها بتبكي والله لو بس اتاكد انه يحبني موب بس يبي يلعب علي عشان يقهرني ان ان احكي لها حكايا في حبه موب بس كلمه دمعت عيونها بقلة حيله وحيره
وقف عند الباب وبسخريه لاذعه :اوووه تاثرت لمياء احسب يبي لتس كم يوم اضراب عن الكلام..
امسحت دموعها بهدؤ وناظرت لشباك تمثل عدم الاهتمام
مفلح بنبره جافه :تعالي غسلي لي بجامه كل البجايم في الغساله ماخذتس من بيت اهلتس تغيرين جو عندي..
قامت بدون اي كلمه وراحت لحجرة الغساله تفشلت كل بجايمه موجوده بالغساله كان بغسلها اذا جيت من اهلي بس كم شغله وترتني.. الهنوف وهو ونسيت الغساله غسلتها بسرعه وجففتها بالمجفف خذت وقت وهي تجففها
وقف عندها وسحبها منها بقوه :لاتعبين نفستس وش داعيه الاهتمام ..
لمياء بسرعه :توها رطبه..ترددت تقوله اخاف تمرض بس اسكتت ..
طلع لحجرته ونام شافت الساعه توها عشر مدري اهلي راحو او توهم بس اذا نزلت اخاف يزعل ..بس هو نايم ..وش اسوي راحت للحجره شافته منسدح ومفتح عيونه يطالع السقف خذت نفس وراحت لمكانها ونامت ملقيته ظهرها
مفلح بشرود وجمود :بعد مايعرف ابوتس بطلاق الهنوف بعطي اهلتس فرصه يتقبلون ردة فعله وبعده دورتس
لمياء بعدم فهم لفت له :وش دوري فيه
مفلح لف لها براسه وببتسامة سخريه :انتي تحبين اهلتس وتحبين الهنوف افضل انتس تروحين تعيشين عندهم يعني بالصريح اطلقتس
حست باذانها ماتسمع غير صوت دقات قلبها الي علت وارتعاشت يدها ارفعت عيونها فيه ولفت عنه بهدؤ حطت يدها على قلبها تحس بختناق مافيه شي يحده يوصل انه يطلقني يعني مافيه امل يحبني حب صادق كله بس كذب خانتها دموعها وانزلت يرحمني شوي يبيني ابين مشاعري له عشان يسهتزي فيني ويخدعني
....
فى عرس النايفه
الساعه 11 بدت زفة النايفه على انغام هاديه مشت بين الحظور بهدؤ وثقه وشاشة عرض تعرض قدومها من حجرة الي فوق الى ان اوصلت كوشتها ووقفت عندها توافدو عليها الحريم يسلمون ووقفت جنبها موضي وامها
انوار بفرحه :يابخته بندر فيتس وش هالحلا
النايفه بحراج:تسلمين ..
ام بندر بحنان:مشالله قريتي على نفستس الاذكار
النايفه ببتسامه خجوله هزت راسها لها
ام سلطان:هذى دلوعتنا بنسلمها لكم
ام بندر بفرحه:دلوعتكم هي دلوعتنا وبندر من زمان يقول لنا نحجزها له انوار:يمه بندر بيدخل كلمني
ام بندر:عن اذنكم بنجهز زفته
النايفه بتوتر وقفت ولفت لموضي وبرجى:سلطان بيجي صح
موضي بقلق:اكيد بيجي عاد انتي غير
ابتسمت النايفه براحه بدت شاشات العرض تعرض دخلوهم من بوابة القصر
النايفه وعيونها تدور عليهم زوجها الي عارفته من صوره ابوه ابوها نواف ناصر
النايفه براعه :موضي وين سلطان
موضي بتوتر حاولت تهديها :بيجي اصبري
النايفه وعيونها تخونها :وينه شوفيهم كلهم وهو ماجا
موضي:خلاص اهدي بيدخلون
غمضت عيونها بقوه وافتحتها انفتحت بوابة الداخليه وادخلو تقدم منها بندر باس راسها وجبهتها ووقف جنبها سلمت على عمها وابوها تقدم منها نواف وسلم عليها وناصر
بندر بفرحه:مبروك
النايفه بخجل:الله يبارك فيك
ابو بندر بحنان:يالله ان تحي بنتنا النايفه
النايفه :الله يحيك
ابو سلطان :الله الله فيها يابندر والا تحمل الي بيجيك من سلطان
النايفه بنظره لابوها يعني انت مايجي منك شي عادي عندك ..ياحسرتي على الكلام الي قلته لك ياسلطان
نهايه البارت
. . . . . . . . . . . .

[7btin]

:::البارت الثامن والستين:::
بندر:في عيوني
ابو سلطان :تسلم ..يالله اسمحو لنا بنطلع
ابو بندر:يالله اخذو راحتكم اخاف فيه شي مستحين منه
ناصر بضحكة :اصبر صور جماعيه
ابو بندر بحماس:هاتوه
اشرو لها وهي تاخذ لهم صور كم وحده بعده اطلعو الشيبان
نواف:خلوني اخذ صوره لي معتس
النايفه بأمل:سلطان بيجي وراكم
نواف يتنهد في نفسه وبمزح:وش تبين به
النايفه بصوت واطي وخانقته العبره:يعني موب جاي
نواف بحنان:مشغول بالي برى مايصلح كلنا نروح ونخليهم
النايفه بدموع:كان قعدت وخليته يجي
نواف ابتسم في نفسه يعني هو مهم وانا موب لازم اجي
ناصر يقرب من اذنها:يعني انا منب مهمين
بندر:توها جايه منكم مالنا دور
انحرجت من صوته القريب منها ولفت لاخونها
ناصر :اخر سالفه بقولها وباطلع
بندر يضحك:تفضل ابونايف
ناصر يقرب منها :يعني حنا منب مهمين تبينا نجلس وهو الي يجي
النايفه ودموعها تنزل:انتو اخواني كلكم سوا..لا كن هو اخوي وابوي وبعد فوق هذا زعلان مني
بندر بستغراب يشوف ادموعها :وش انت قايل لها وش ذالسالفه
نواف بهدؤ:ولا شي اخذو راحتكم حنى طالعين
اطلعو عقب ماسلمو عليها
بندر بطيبه:امسحي دموعك بس باخذ منك وعد تقولين لي كل الي يضيق خاطرك . . النايفه ببتسامه حزينه لفت له وهزت راسها
ام سلطان بزعل وضيقه :ليش ماجاء كلن بيسال عنه.. ليش ماجاء في زفة اخته..اووف
موضي تنهد:يمه وش صار لتس يعني كنتس اول مره تعرفينه المهم ان تصرفاته مع ابوي تكفيكم من عتابه واستغرابكم على زعله لنايفه
برى في صالة الرجال
نواف بنبرة زعل وعتاب:لو بس شفت عيونها وهي تدور عليك من ورانا نسيت الزعل كله..
سلطان يصك على اسنانه :نواااف لو سمحت لاتجمع علي الهموم
نواف بتردد:بتسافر اليوم تظن انها بتفرح وهي عارفه انك زعلان والله ماتهون عليها
سلطان بقهر:لا هنت يانواف هنت اجل انا تدعي علي وترفع صوتها....
نواف :من ورى قلبها والله
سلطان بهم وتعب:خلني على الاقل الفتره ذي الى ان ارتب وضعي والتفت لها
سكت نواف وهو يشوف نظرة الهم والحزن في عيونه يدور بها بين المعازيم بشرود ياترى وش مزعلك ياسلطان طلاقها بس ليش يطلقها ..ولو حبها صدق ماطلقها..
محمد يقرب منهم وببستامه:الاسبوع الجاي دوري وياني وياكم احتريكم تجون بعد العرب
سلطان ببتسامه هاديه:انا من الحين اسمح لي عندي شغله ضروريه ورحلتي لندن بكره
محمد بعتراض:لا والله ان ماسمح لك افا ياولد الخاله تخليني
سلطان يتنهد بحيره:مدري بشوف بكره بروح انشالله تكفيني اربع ايام
نواف:انا وناصر انشالله حاضرين
محمد :تسلم..
سلطان يوقف:نواف شف امي ابيها ترجع معي بسيارتي
نواف:ابشر بدق لها تطلع
راح نواف يدق لامه وسلطان يرتب بشته على كتفه ويتوجه لبرى القاعه محمد بسرعه :سلطان
سلطان يلف له:سم
محمد بتردد:انشالله ان رجل النايفه يستاهلها واعذرني وانا اخوك على موقفي معكم
سلطان ببتسامه:بيصونها انشالله ..وموقفك كل رجل ذاق طعم الحب ويقدر يصونه مينلام في الي يسويه
محمد براحه:الله يوفقها ويريح قلبك عليها
سلطان :امين ..بتمشي معنا
محمد:باخذ ابوي وعمي سعد معي في سيارتي
سلطان يلف منه:على راحتك ..طلع للمواقف فسخ البشت وحطه جنبه وصل له نواف يقوله يروح للبيت قد راحو له امه وموضي
نواف:بس امي تقول خله يجيني اهناك
سلطان:انا برقد بحجز لي بالفندق بامسي فيه اليله وبكره طيارتي
نواف بستغراب:والبيت
سلطان بنرفزه وقهر فجاءه:كذا طقت في راسي امسي برى..
نواف بستنكار لسلوبه :طيب العيد بكره
سلطان يحرك يده بعدم اهتمام صك باب السياره وحرك
نواف يناظر سيارته الي راحت اتصل لامه يعلمها ترقد خلاص مراح يمرها سلطان دخل لاصدقائه في القصر يكمل السهره معهم
.....
فى النعيريه- فى بيت بو فهد
فى العيد كلهم قامو بدري لصلاه الا الهنوف ماحرزت تروح معهم اتعبت وحست بثقل فجلستها امها في البيت
من بعده كانت ايام العيد هاديه عكس ايام عيد الفطر حتى الاجتماعات موب كثير اكثر الناس حاج او رايح للبر مرت ثلاث ايامه بسرعه
الهنوف مغمضه عيونها وبهدؤ:اذا راح ابوي للصلاه بنزل موب الحين
الشغاله :طيب وغدا مايبي
الهنوف:لا بنام
اطلعت الشغاله والهنوف تلف للجهه الثانيه كانت بتنزل لهم تحت بس اسمعت صوت ابوها المتضايق عقب ماسمع خبر طلاقها وحملها مره وحده وقفت عند الدرج ارتاحت انها مانزلت قبل يجي وخلت مهمة الخبر لامها تعلمه ارجعت لحجرتها وانسدحت فيها
امسحت بطنها بخوف وابتسمت بتوتر خايفه اشوفه بس مشتاقه له حيل لفت راسها لصوت الباب الي انفتح شافت منصور يدخل بشنطته وهو فرحان احذفها في الارض ونط معها لسرير
الهنوف تضمه :مرحبا بحبيبي.لفت لشنطه وش هاذي
منصور بفرحه:امي قالت لابوي يخليني ادرس عندكم ذالسنه وبنام معتس
الهنوف بضحكه فرحه :وابوك قال معليه
منصور بحماس:ايه قعدت ابكي عنده وقلت اني ابي اروح مع فهد للمدرسه ووافق عقب الشين
الهنوف:ههههههه يبي له حبة راس ابوك ...بس الشنطه هاذي ماتكفي
منصور :بس هذي حقت كتبي كلها واغراض المدرسه العصر امي تجيب باقي الاغراض
الهنوف بحزن داخلها وامتنان لغزيل ارسلته لي في الوقت الصح انشغل معه وغير لنا جو البيت الهادي
منصور ينزل من السرير:بروح اكلم خالتي لمياء عشان تجينا
الهنوف : لمياء خلاص تزوجت يمكن يرفض مفلح
منصور :بترجاه يوافق
الهنوف ببتسامه :كيفك ...
بعد العصر قوت نفسها خذت نفس وانزلت تحت شافت ابوها جالس في الصاله وعنده امها وفهد ومنصور يناظر التلفزيون
الهنوف بتردد قربت من ابوها الي وقف يوم شافها وفي عينه نظرة حزن والم حبت راسه وهو امسكها وجلسها جنبه
ابو فهد بضيقه :وش لونتس بشريني عن صحتتس
الهنوف تبلع غصتها وتبستم :الحمدالله كل شي زين
ابو فهد بنبره منكسره :سامحيني وانا ابوتس ماعرفت اتصرف وخليتس تروحين له برجلتس
الهنوف بالم تخفيه عن ابوها:ماسويت شي يبه فديتك هذا امر الله وانا راضيه فيه
ابو فهد يتنهد:اهم شي راحتتس لاتضايقين من اي شي والي تبين احنا حاضرين فيه
الهنوف ببتسامه :الله يخليك لنا ويرضى عليك دنيا واخره
ابو فهد بتردد لف راسه منها:وش السبب وانا ابوتس
الهنوف وقلبها يرجف بصدرها تسارعت انفاسها وهي تذكر نبرة صوته الحاقده ونظرته الحاده لها حتى يومها تكرهه ماشافت النظره الي شافتها فيه وهو يطردها من حياته ويطلقها انزلت ادموعها غصب عنها اشهقت بخفيف تحاول تمنع صوتها يعلى ويسمعه ابوها
ابو فهد يتنهد بضيقه على حالها وهو يشوف ادموعها قامت ام فهد لها وضمتها وفهد يناظر منصور الي اقعد وناظر لها بستغراب
ابو فهد :لاتنزل ادمودعتس وانا بعد حي واشوف ترى مايرضيني
الهنوف تكتم عبراتها وتمسح دموعها :انشالله
...
فى بيت بو مفلح
مرت كم يوم وحالة مفلح ولمياء كل واحد يسوى واجبه قدام اهله كزوج وفي جناحهم نبره جفاء وجمود يتبادلونها حتى الحجره الي تجمعهم كثير من الاحيان ينام فيها واحد منهم بس وزاد ابتعاد لمياء عنه تجاهلها ايام العيد ولا سلم عليها حتى وهناها بالعيد استحقرت نفسها وانتظارها له يعبرها بكلمه فطنشته باقي الايام
انزلت لهم تحت شافتهم متجمعين بدونه ارتاحت وتنفست بقوه
لمياء :السلام عليكم
الجميع :وعليكم السلام
ابو مفلح :وينه مفلح موبعادته يبطي برقاد ولابدا دوامه وراح؟؟..
لمياء برتباك قامت من صبح مالقته ماتدري متى يبداء دوامه:مدري
ام مفلح تناظرها وبنبرة شك:ليه امس موب موجود
لمياء بتوتر:الا..وببتسامه متوهقه..بس الظاهر عنده شغل
ابو مفلح :ايه هويطري ان الشغل بيستدعونه في اي لحظه الظاهر عندهم مشكله
ام مفلح :الله يستر..افطرتي يأمي
لمياء براحه انهم اقطعو السالفه:لا ماشتهيه افطر بلحالي اذا قام مساعد بفطر معه
ام مفلح :براحتس
ابو مفلح :روحي قوميه كود انه يستحي على وجهه ويقوم الساعه عشر
قامت لمياء وراحت له فوق افتحت الباب وادخلت شافته متغطي في الحاف كانه خايف لاينحاش منه
تذكرت نوره وهي تعلمهم كيف تقومه وتقهره يقوم لها بسرعه افتحت الباب بقوه الى ان صك الجدار
اضحكت بدون شعور وبصوت مرتفع مافي حياتها قومت فهد بذالطريقه امي دايم تقومه
وقفت عند راسه ووبدلع:الي يبيني اتوسط له عند مفلح يعطيه امتيازات بحكم خبرتي في الاقناع وبعد الحب الي يكنه اخوك العزيز لي..يالله قوم لا اغير رايي
اسحبت الحاف بقوه بس متمسك فيه صارت تطق على ظهره بستهبال مايتحرك استغربت منه اسحبت الحاف بس راصه على نفسه
لمياء بملل:مسيعيد قوم فديتك جويعه وابي افطر تعال افطر معي ماحب اكل بلحالي
هزته بيدها كم مره ماقام تنهدت بصبر وهزته مره ثانيه طلع يده بسرعه وامسك يدها
لمياء بستغراب وصدمه :مساعد هدني
وخر الحاف واجلس ناظر لها بهدؤ ومازال ماسك يدها :مزعجه.. مره واحده اذا قام او روحي
ناظرته وصدت عنه بصدمه ليش نايم هنا يبي يتخلص مني ماتحمل حتى وجودي بالغرفه حست ان الدنيا تدور فيها وهي تفكر انه فتره ويخليها تروح لهلها
مفلح يرص على يدها وبشك ناظر لها:وش فيتس
ارمشت بعيونها بسرعه واسحبت يدها :مافيني شي انزل تحت اهلك انشغلو فيك . . لفت منه وجات بتطلع
مفلح بجمود وجفاف:ثاني مره لاتوهمين نفستس باأكاذيب لو مساعد نايم كان بتقولين له اني احبتس
لمياء ويدها تلمس شفايفها تهدي من رعشتها اسمعت كلامه واطلعت برى الحجره صكت الباب ماتبيه يطلع وراها ادخلت حجرة نوره تسندت على الباب لاتوهمين نفستس يعني انا بالفعل طلعت موهمه نفسي وهو مايبيني . . او بس عشانه زعلان بس انا الي يحق لي ازعل موب هو خذت نفس كيفه يسوي الي يبي يكفي ان مابيدي اي شي طلقني او لا
افتحت الباب واطلعت شافته يطلع من جناحهم انزلت قبله لدرج ونزل ورءاها . . ادخلت واجلست جنب خالتها
ام مفلح :زين انت جيت ..افطرت
مفلح :لا
ام مفلح :لمياء ياأمي وين مساعد قومتيه عشان يفطر معكم
لمياء بصوت خافت :لا مالقيته
مفلح :راح بعد صلا الفجر مع فهد يسجلون بجمعيه خيريه تطوع
ابو مفلح :ايه قالي لي مساعد ..
ام مفلح :زين لمياء بعد مافطرت جهزي الفطوروافطري مع رجلتس
بابتسامه مجامله قامت للمطبخ وقفت عند درج المطبخ ويدها على راسها
الشغاله:ماما تعبان
لمياء تهز راسها بلا جهزت الفطور بصينيه حطت الحليب ونفسها انصكت من الاكل مع اني كنت جايعه تنهدت بحيره واطلعت بصيينه لهم حطتها قدامه وراحت لمحلها
مفلح :تعالي افطري مقومتني تبيني افطر معتس..
لمياء بقهر قومتك ..!وانا توى اقول لهم انه برى لفت لهم شافت ابومفلح مو بيمهم ويناظر الابل تعرض بالتلفزيون
ام مفلح بدون اهتمام:اني حالفه عليتس ان تقومين توتس رايحه منا تقومين مساعد عشان يفطر معتس وهذا ربي جاب لتس مفلح
قامت بتهدي خالتها ماله داعي رفضها تقوم تفطر اجلست جنبه وهو سحب الصينيه قدامها ولف يقابلها صار ظهره لهله
مفلح :وش قلتي لهم عني
لمياء بغيض:مالقيتك في الحجره فقلت انك موب موجود وانت عطيتهم كلام ثاني
مفلح :وانا وش يدريني ان دخلتي في البيت ماتدرين عنها
لمياء بقهر:تبيني اتابعك
ناظرها بغيض من ردها السخيف وكمل اكله
لمياء :وشف امك ساكته وانا عارفه انها درت انك موجود بالبيت
مفلح بحقد ونظره قاسيه:انتي وش منه مخلوق قلبتس لايحس ولا يفكر وش هالكلام
لمياء برفعت حاجب وبستهزاء:ومافكرت قلبك وشو...نسيت كلامك لي فوق قبل شوي
مفلح بقهر ماتفهم مافيها حس حرام التفكير فيها والله وبقرف احذف الخبزه قدامها وقام يطلع
ابو مفلح :متى دوامك
مفلح :بعد اسبوع بس بباشر من بكره ...
طلع والحقته لمياء برى
لمياء تكتف :ابي اروح لهلي اليوم
مفلح يكمل طريقه وقف عند الباب الخارجي ولف لها :روحي ..شاف نظرة الفرحه بعيونها ابتسم بتقزز ..رووحي بس لعاد تجين عفتتس ..طلع وصك الباب
اعقدت حواجبها براعه وصدمه تكفى يامفلح يكفي حبي لك وانت تجرحني خلني ارمم قلبي تزيد علي بتركي ماحاولت تاخذ مني كلمه بكلمة منك بس . . معاد شافت قدامها دموعها تزيد مبلله خدها ولا لحظه حلوه عشتها معه مافيه ذكرى حطت يدها على وجهها وصاحت بقوه
مساعد بخوف عند الباب :لمياء وش فيتس
لمياء بنهيار:مساعد بروح فوق اجيب عباتي ودني لهلي
مساعد:اهلتس فيهم شي
لمياء :لا لا لاتقول لاحد طلبتك مساعد شوي واجي ..راحت منه بسرعه البست عباتها واطلعت له وداها لهلها ادخلت مع الباب الي ورى افسخت عباتها وراحت تغسل وجهها من المغاسل ماحبت تدخل عليهم بهالحاله اجلست بالعتبه الي برى . . خانتها عيونها مره ثانيه انزلت دموعها وشهقاتها تزيد خلني عند اهلي بس لاتطلقني اذا طلقني يعني ياخذ وحده .. شافت الباب الي قد مره دخل عليها معه وتهزى فيها وشاف نظرة الحب بعيونها واعترف فيها بس ليش الحين مايتاكد من حبها له وشافها بعيونها بهالوقت هذا لانه مخادع عارف اني احبه بس مايحبني مجبور علي مجبور
الشغاله بصوت واطي وخوف تكلم الهنوف الجالسه هي ومنصور يفطرون :ماما لمياء برى يبكي قوه..بس تكفين مدام مافي قول بعدين هي يزعل مني
الهنوف بخوف:وينها فيه
الشغاله :ورى بيت
قامت الهنوف بسرعه واطلعت لها برى شافته تبكي بونين خافت وشهقاتها ماوقفت اسرعت لها واجلست جنبها
الهنوف براعه:لمياء وش صار لتس
لمياء بدموع وصوت عالي:مفلح طلقني مايبيني ..اخدعني حيواااااااااااان الله ياخذه الله لايوفقه جعله ظالم اقوى منه
الهنوف بصدمه وارتباك وش الحظ الي اشملتس معي اذا فيتس حب مثل الي بقلبي يالمياء فاترحم على حالتس شافتها مازالت تبكي حطت يدها على ظهرها
الهنوف بالم :مدري وش اقول بس صعب يواسيتس يالمياء شخص متعذب يبي من يواسيه
لمياء تشهق بخفيف وتمسح دموعها:خله يروح في حاله بس لايتزوج
الهنوف بوجع:ليش ماحافظتي عليه انتي تعرفين انتس تحبينه
لمياء بحزن والم :هو عارف اني احبه كم مره وهو يسمعني ايها بنفسه انتي تحبيني ماتعرفين تخفين نظرت اعيونتس بس مشكله انا ماحبتس انا اكرهتس كيف نسيت كلامه هذا وفكرت لحظه انه يحبني
هدتها الهنوف وهي تحس بتوتر من السالفه كيف بتتقبل امها خبر طلاقها ابوي وش بيصير حاله وش فيها الدنيا انقلبت علينا بسرعه
تلفتت بحيره ولمياء توقف
الهنوف :وين
لمياء :بروح لحجرتي ابي ارتاح شوي ومابي اواجه ابوي
الهنوف ياحظنا الردي وامي هي الي بتنقل له:احس الحين المشكله في امي اكثر من ابوي وانتي تعرفين موقف امي من سالفتكم
لمياء بجمود:تبي تتقبله امي بكيفها اذا تحبه لذالدرجه تختار له الزين وتخليه يروح في حاله
وقفت معها الهنوف اوصلت لها رساله افتحت جوالها وقرتها
وبصوت مهزوز وبعياء:لمياء قربي قربي
لفت لها لمياء بخوف وقربت منها تمسك يدها وتعنز لها لاتطيح
لمياء براعه :وش صار
الهنوف ودموعها تنزل بنهمار ويديها متمسكه بلمياء :تزوج وحده ثانيه واسكنت عندهم يعني رسميه يبيها..
لمياء وعيونها تنذر بدموع ثانيه :ليه وانتي كان تبينيه مانسيتيه
الهنوف تصيح بقوه وتنهار بين ايدين لمياء:نسيته..!!لا مانسيته حسبته فتره وبيرجع يشوفني يطلبني بس رااح يبيها تجيب طفل مايعرف يحب قاسي..
لمياء بخوف :خلاص ياالهنوف ارحمي نفستس البيبي الي في بطنتس لاتضرينه عشان واحد مايسوى
الهنوف تشهق بتعب :نادي الشغاله دخليني لحجرتي..
نادت الشغاله ورقت لحجرتها ادخلت معها لمياء وصكت الباب
الهنوف بحزن طلعت الجوال من جيب بنطلونها افتحته طلعت الشريحه واكسرتها وبالم:كان المفرو ض اسوي كذا من زمان
لمياء بحقد:مرسلين لتس يبون يقهرونتس صدق جماد
الهنوف تصيح:لا هذا ناصر يبيني ارجع لهم بالبيت الي بالرياض موب لازم اروح لسلطان ..اضحكت بتوتر وبها ادموع..يقول تعالي باخذتس انا
لمياء بضيقه:لا خلاص انتهي منهم لاتوافقين عليه
الهنوف بتعب:ناصر توه صغير بزر ماخلص سادس
لمياء بستغراب:وش يبي يخطب
الهنوف تلف منها ووصوتها يهتز من البكى ماقدرت انسى صوته ونظراته وبصياح:والله اني احبه من غيره بيدخل قلبي وبيعجبني مثل ماعجبني سلطان بكل شي من غيره يامحق حياه عقبه يامحق حياه
لمياء تحط راسها على ركبها وتصيح بقيلة حيله انا في مشكله وانتي في مشكله اعصا مني
.....
بعد ماذن الظهر ارفعت لمياء راسها على صوت الاذان تحس بنفاخ بعيونها شافت الهنوف مغمضه عيونها معقده حواجبها نايمه بملامح متعبه شافت بطنها الي بادي يكبر تحسرت على حالها على الاقل انا ماعندي شي اخسره اذار اح
منصور بفتح الباب وبوناسه:لموووي
لمياء:وين رحت
منصور:رحت مع ولد جيرانكم حبوب
لمياء تبوسه:انت الحبوب
منصور يلمس عيونها:ليه حمراء
لمياء تبعد يده:بروح اغسلها ويروح ..امي تحت
منصور:ايه في حجرتها تصلي..وجدي رايح لصلاه
لمياء تناظر الهنوف الي افتحت عيونها تناظرهم وعقب لفت منهم وقامت للحمام
منصور :اخيرن جيتي عشان تقصين لي قصه ماتبيكن
لمياء بستغراب:وليش ابكي
منصور:خالتي الهنوف اذا قالت لي قصه وخلصت اقعدت تبكي بصوت خفيف ماتبيني اقوم من النوم كل يوم كل يوم
لمياء ونغزه بقلبها ماحب اشوفتس ضعيفه وهو عادي عنده اعرس وانساتس
منصور:شوفيها اطلعت اساليها
لمياء بصرامه:لا روح تحت لجده اني هنا ابي اسوي مفاجاه
منصور:طيب
نزل من السرير وطلع
لمياء :روحتي امس لموعدتس
الهنوف بتعب:ايه كل شي زين الحمدالله
لمياء :دخلتي الثالث صح
الهنوف:ايه ..بتنزلين تحت
لمياء :لا مابي الغدا ولا تقولين لامي اني موجوده
الهنوف :يعني الى متى ...مالها داعي تخبين
لمياء تنهد باسى :خليه بالليل على الاقل...
الهنوف بحزن:بتزعل امي ومره بعد مالتس من اعرستي الا شهر بس
لمياء بالم:وش بيدي
لفت عنها الهنوف وكبرت تصلي
...
فى دوام مفلح
في حجرة التحقيقات حققو مع محمد وطلع براءه ومع كم شرطي وجاء دور مفلح الي دخل وهو يحس ان حوبة عمر بتكبشه اليوم
الضابط بهتمام:قل الي عندك وانا بتكفل بكل شي وبصدق
مفلح يخفي توتره:انا طلبت اني اكون بالفرقه الي هاجمت الشقق ذاك الوقت عشان ظروفي
الضابط:حنا اكتشفنا ان احد من المشتركين في المداهمه عطى خبر لسعودين هناك ومالقينا احد الا واحد ..والتهمه اكثر شي ضابطه معك
مفلح بقهر صح اني وهقت عمر بس ماخنت عملي:صح ان السعودي الوحيد هذا قريب لي ..لو ان عطيت خبر للموجودين كان هو احق عشان اضمن سلامته
الضابط :حنى بعثنا لشرطة جده تسوي تحقيق معه لانه موجود هناك وقال ان خلاف بينك وبينه ..حس بقلبه يدق وبان في وجهه الغيض والقهر..كمل الضابط كلامه انت الي قلت له انك بتطلعه من المشكله
مفلح بقهر:يعني قريب فسعيت اني اطلعه ومافضحه
الضابط:هذا عملك لازم تخلص فيه
مفلح يتمالك نفسه:المشكله في ايش الحين
الضابط:في الي بلغ عن المداهمه
مفلح بغيض:يابو سيف لقيتو علي شي في ذالامر
الضابط باحترام:انا اسفه ياخوي بس قريبك يقول انك عطيته خبر عن المداهمه بس هو ماصدقك وجاء حتى مسكناه
مفلح بهدؤ ناظر لضابط مراح اتجزع من الامر وانا عارف اني مخطي في حق عمر وحطيت في امر شين بس اني ابلغ عن المداهمه
مفلح بثقه:انا واثق وانا عارف انك واثق بعد اني ماراح ابلغ في شي يخص شغلي
الضابط باسف:انا مضطر اوقفك بالتوقيف الى ان يجري التحقيق..ياظااابط
سكت مفلح والضابط يدخل عليهم
الظابط:تبي زنزانه وحدك او مع ...سكت الضابط وهو يناظر عيون مفلح المتجهمه والغاضبه
مفلح :ابي زنزانه بلحالي اذا تسمح
الظابط :حمود ود مفلح لمكانه
حمود بتوتر:امشى مفلح امشى جنبي..وبصوت قصير والله انه يعز علي اوديك لها بنفسي
مفلح ملتزم الصمت ودوه لزنزانه دخل وصكو الباب حس بغيض وقهر فك ازرار ثوبه عكس علي اللعبه بس منيب زعلان ياعمر اخذ جزاي الحين ولا في الاخره
محمد بقلق:سجنتوه
حمود :ايه الامر انشالله مايطول ويطلع الخاين بسرعه
محمد بتوتر منيب قايل لهله ذالمره لوه يخيسه دايم وانا انقل لهم العلوم الشينه بس مني بيقولهم وهو من ظهر هنا وحنا بالمغرب
نهايه البارت
. . . . . . . . . . . . . .

[7btin]

:::البارت التاسع والستين:::
فى بيت بو فهد
نوف بستغراب:لمياء انتي هنا
لمياء براعه لفت لها وش الي دخلها بالحجره هنا مانزلت لهم من جيت خايفه اقول لاامي بعد ماحلفت الهنوف ماتقولها ففضلت تجلس فوق الى ان يجيها قدرها وتنزل
لمياء بتوتر ابتسمت:ايه ...رن جوالها ابتسمت للحظ وشالته ترد
اجلست نوف على السرير جنبها ويدها على ظهرها
لمياء بترحيب:مرحبا سميره
سميره برتباك:هلا لمياء وش اخبارتس
لمياء :الحمدالله طيبه من صوبتس
سميره :الحمدالله زينه ...داومتي اليوم
لمياء بتعب:لا الاسبوع هذا كله بكنسله
سميره بصدمه:وليه الاسبوع الي راح كنسلتيه بعد
لمياء تعكر مزاجها:بس كذا
سميره ولو اقول لها الحين الخبر وش بتسوي بتفصل
لمياء :وينتس
سميره بتردد:لمياء مفلح جاه شوي مشاكل بالعمل وبتوتر وخوف ..والله مدري وش اقول لتس
لمياء بخوف وراعه:وش صار سميره خلصيني
سميره بسرعه:هو الحين مسجون محمد قالي اقولتس
لمياء بصدمه :وليه يسجنونه
سميره برتباك:متهمين بخيانه عمله
لمياء بهم وتعب بكت:وهذا انا ربي استجاب دعاي وش استفدت الحين
نوف بخوف:وش فيتس
سميره:لمياء ادعي له انشالله ربي يستجاب لتس ..مع السلامه ..صكته ولمياء تصيح بحظن نوف
نوف بقهر وخوف:وش صار
لمياء بحزن :مفلح في السجن متهم
نوف براعه وغيض:مشالله عليه رجلتس كل ساعه والثانيه بسجن
لمياء بحباط من ردة فعلها :ترى الي فيني كافيني..
نوف تقوم منها :بروح اقولهم تحت اكيد محد يدري بسواد وجهه
لمياء ودموعها تزيد:مارضى يانوف تجرحيني انا
لفت عنها وانزلت تحت قالت لهم قامت ام فهد بسرعه تدق لاختها تاكد والهنوف رقت فوق بسرعه
الهنوف تفتح الباب بقوه :لمياء صدق
لمياء بصياح:اااايه توى سميره قالت لي
قربت منها وضمتها :ياحبيبتي معليه انشالله يطلع كل شي كذب
لمياء بحزن:انا دعيت عليه بالظلم
الهنوف بعتب واستنكار:ليه مهما صار ان قد قلت لتس اني دعيت وتمنيت ان الله مايستجيب دعاي ماخذيتيني عبره
لمياء بالم :بستغفر وبدعي له من كل قلبي
الهنوف بهدؤ:خلاص لاتقولين لامي عن سالفة طلاقتس الحين لايجيها شي ماشفتيها وش سوت تحت
لمياء تمسح خشمها وتشهق:هو توه ماطلقني
الهنوف بستغراب:اجل وش تقولين انتي
لمياء :هو قال روحي لهلتس بس لاترجعين
الهنوف تطقها مع راسها بقوه وبقهر :ياحماره ولو اني قلت لامي انه طلقتس والسالفه كلها جرح
لمياء بدموع وصوت عالي :وش جرحه انتي الثانيه يعني تبينه يقول روحي ولعاد تجين وبعد شوي ارجع له
الهنوف بعصبيه :ماقلت كذا بس ليش تخوفيني كان جلستس عندنا يمكن لوه ماجاء الظرف هذا يجي ويرجعتس باليل قالتس اكيد بلحظة غضب
لمياء بتعب:خلاص حتى لو جاء مابي ارجع له لفت للهنوف وبهم.. تدرين وش يقول اليوم الي جيتونا فيه حتى العيد ماتهنيت فيه يقول بعد مايتقبلون اهلتس طلاق الهنوف بيجي دورتس تفهمين اوبعد بيجي علي اللوم
الهنوف بملل وتوتر من السالفه :الحين خلينا بمشكلته اذا اطلع لكل حادث حديث
...
فى بيت بو مفلح
ام مفلح حاطه يدها على راسها وتبكي بصوت مسموع ونوره جنبها تهديها
نوره بحزن:يمه انشالله انه هواين
ام مفلح بصياح:وين هواين معه وبقضية خيانه الله يظلم الي اظلمه الله يرد كيده في نحره
نوره تنهد بالم:شوي الى ان يجي ابوي ونشوف وشبيسوي
مساعد يدخل عليهم وبراعه:صدق الي علمني به فهد
نوره تهز راسها بايه
مساعد بقلق:وش بتسون
ام مفلح بتعب:مابيدنا غير الدعاء ..روح دق لابوك مايرد علينا
مساعد بقهر:من قال لامي اخاف يطلع كل شي هين
ام مفلح بغضب:وتبي تخفي عني انت وياه
مساعد يتنهد:ماقصدت كذا بس توترين
ام مفلح تصد عنه:قالت لي اختي مكلمه مرة محمد لمياء وعلمتها الله يستر وش لمياء الحين فيه
مساعد يتذكر:لمياء بترجع
نوره تنفتح عيونها بستغراب:انشالله بيطلع وترجع
مساعد يتذكر شكلها ودموعها وبتفكير كانها داريه انه بينسجن ولا قالت لنا او شي ثاني روحها لهلها بذاك الشكل
انفتح الباب ودخل عليهم بهم وتعب
ام مفلح تقوم له بسرعه وامل:بشر
ابو مفلح وجهه مسود وكانه كبر كم سنه زياده:احكمو عليه بالسجن
ام مفلح بصوت عالي وعصبيه :لا تسكتني انا عارفه انه بسجن ...وبدموع وبكى كم احكمو عليه
ابو مفلح بحزن ويديه على راسه :خمس سنين عقوبة الخيانه ونزلوه من وظيفته
ام مفلح ونفسها يتسارع امسكت الجدار لاتطيح وبصوت هامس:ولدي توه ماتهنى في عرسه
قربو لها نوره ومساعد بخوف عنزو لها تجلس راحت نوره جابت لها كاس مويه واسدحوها
نوره بخوف وراعه:يمه نوديتس لطبيب
ام مفلح بدموع:لا مفلح هو طبيبي ودوني له بشوفه
ابو مفلح بجمود:الوقت هذا مافيه زياره له لا من قريب ولا بعيد
وقف وطلع منهم
نوره بتوتر:مساعد الحقه حاله ومشيته موب زينه لايطيح
مساعد بكابه وخوف:وامي لايجيها شي ومحد عندكم
نوره :روح لابوي موب صاير لها شي انشالله
طلع مساعد يلحق ابوه الي طلع وجلس على فرشته الي برى وراسه بين يديه قرب منه وجلس جنبه بقيلة حيله
. . . . . . . . . . . .
فى بيت بو فهد
ابو فهد بضيقه:لا حول ولا قوة الابالله
ام فهد تحط شيلتها على عيونها وتصيح
فهد يتنهد بصبر:ادعو له والله انشالله بيطلعه مظلوم ..
ابو فهد :وين لمياء درت بذالحكم
ام فهد تمسح عيونها:لا روح يافهد قول لها
فهد يلف لهم:اخاف يصير لها شي
ابو فهد :نادها ان الي بعلمها
فهد براحه:كذا ازين ..رقى فوق للمياء الجالسه بالصاله والهنوف معها هاديات وكل وحده شارده بفكرها في وادي ومنصوريكتب واجبه على الطاوله
فهد بحزن لحالهن:لاتسون كذا والله ماتسوى الحياه الي تزعلكن كذا
الهنوف تنهد وتلف له ابتسمت تبعد عنها الافكار الي ماخلتها ولا دقيقه:فديتك انشالله بس اولد ويزين كل شي لفت للمياء وبحناان ويطلع مفلح وتكمل
فهد برتباك:لمياء ابوي يطلبتس تحت
قامت لمياء بهدؤ بدون اي كلمه وانزلت معه
شافت ابوها سلمت عليه وجلست جنبه
ابو فهد بحكمه:يابنتي الدنيا مره لك ومره عليك والانسان الي يصبر ولا يتحمل الي يتعرض له من هموم الدنيا الكثيره
ناظرت له لمياء بخوف من طريقة كلامه
ابو فهد يكمل:انا توني جيت من مفلح انا وابوه وقد قررو عليه مدة الحكم خمس سنين ونزلوه من وظيفته
لمياء تغمض عيونها بالم ودموعها تنزل وبترديد:خمس سنين خمس يبه من الي يصبر عليها
ام فهد بحزن:الله بيفرجها انشالله
لمياء تقوم عنهم وترقى فوق بهدؤ صكت الباب قفلته وقفت عند المرايه ناظرت عيونها تحسستها ببرود وينها الدموع استسلمت لغروري وذرفتها قدامه بلا معنى بكيت قدامه اهين مشاعري ومشاعره واكذب على عمري واشكي له قسوته لوبكيت وقلت اني احبك من زمان كان موب ذاه حاله رفعت خشمي على مشاعري وراح وخلاني ماشاف مني ريق حلو اكيد بينساني وهو بعيد واذا طلع بيتخلص مني وبياسس حياته مع وحده ثاينه موب انا امسكت راسها واجلست جنب تسريحتها صاحت بقوه ويدها تظرب صدرها بقوه وهم وحزن للحاله الي وصلت نفسها له
. . . . . . . . . . . .
فى بيت الراشد
ساره تنهد بقلق:وش سوت خالتي
ام راشد بحزن:راشد يقول بخلي نوره عندها هالايام حالها موب يسر
ساره :ماتنلام اخربت حياته وقلب الام غير
ام راشد :ودي اروح لهم
ساره بعتراض:لا موب ذلحين توها زعلانه ولاهيب في حال احد
ام راشد:بكلم راشد يوديني لهم ابشوف اخوي وش صار له وروحي معي ساره بالم:لمياء وش صار لها
ام راشد:الله يعينهم ..كلمي راشد
ساره :الله يهديتس يمه ..بكلمه بس منيب رايحه
ام راشد بضيقه:لازوم اروح تبين اخليهم بذالحاله
ساره :ماقصدت بس يمكنهم ماودهم باحد
ام راشد:بروح ابي ااكد عليه مايقول لامي شي
ساره :صح لاتزعل وبه ضغط وسكر خطر عليها
...
فى بيت بو فهد
منيره توقف عند الباب وترجع تجلس مع الهنوف الي منسدحه وكبدها لايعه عليها
منيره:من امس ماطلعت عليكم
الهنوف بتعب:ايه ماذاقت طعم الاكل
منييره تنهد :ليه تضايق خاطرها وهي ماسوت شي خالتي محتاجه وقفتها معها
الهنوف :خليها الحين تشوف حالها بعدين تشوف حال خالتي ..الا امي ماكلمتها
منيره تناظرها بستنكار:امي راحت لها من زمان..انتي كنتس اختتس ماتنزلين لهم تحت
الهنوف تنزل راسها من المخده وتنام على ذراعها انا معاد لي خاطر لاحد مابي اشوف الناس مليت حياتي وانتظار قلبي يمل وينسى
منيره تهز راسها بعتب:امي تحت بلحالها متضايقه من الي انتي فيه وتشكى علينا لااكل ولا خاطر زين شوفي حياتتس ..انا استغرب كيف ماكنتي متوقعه طلاقتس منه
ناظرت لها الهنوف بستغراب وجمود : يقول لي انتي غير حبيتس كزوجه لي وانا من النوع الصعب انه يحب ماقال بطلقتس بعد فتره
منيره تناظرها بحزن لحالها:طيب شوفيه طلقتس وخلاتس
الهنوف تبكي فجاءه :خلاني ,,توجع الكمله يامنيره ماتحسين فيني خليني على الاقل اداوي نفسي لاتزودونها اجروحي
اسكتت منيره بندم وتحسرت على حالها ساكته وحنا نحسب انها ناسيه الله لايبيحه انكنه يقول احبتس وهممها وخلاها
. . . . . . . . . . . .
فى قصر سلطان
ام سلطان بقهر:مانشوف لها زيله لاتحت ولا فوق
ناصر ياكل تفاحه ويفرفر في قنوات التلفزيون:غريب الاطوار اخوي هذا كيف رضى فيها
ام سلطان بحسره:فضى البيت علي وهو رايح يجيب لي وحده كانها والجدار واحد . . خذا نفس ودخل عليهم
سلطان:مساء الخير
ام سلطان :مساء النور
سلطان :انا عندي شغل بالمكتب لا تنادوني على العشاء
ام سلطان :دلال فوق بتنزل!!..
سلطان :مدري عنها...لف منهم وكمل طريقه للمكتب
ناصر:انا برقى لها فوق وبناديها اغير جو
رقى لها فوق طق الباب مافتح له احد تردد يفتح الباب وتراجع في اخر لحظه لا وين مره متزوجه عيب علي ادخل عليها
انفتح الباب فجاءه وطلت عليه
دلال ببتسامه:هلا ناصر
ناصر برتباك:العشاء
دلال تطلع وتصك الباب ورءاها :يالله
ناصر يناظر لبسها ويلف عنها ياعيني ياعيني وش ذالملابس
ناظرت ام سلطان للدرج الي ينزلون معه استغربت نزولها من يوم جاتهم اول ايامها تنزل لهم وعقب اعتزلت فوق ومعاد شافوها
ام سلطان ببتسامه:مرحبا
دلا ل ترد لها الابتسامه:مرحبا
ام سلطان بصراحه:ماتوقعت بتنزلين
دلال:اعذريني ياخاله كنت مستحيه منكم
ناصر يناظر لبسها وبستهزاء:لا عادي انشالله الحين تجرئتي
دلال تضحك بدلع تناظر لبسها تنوره قصير فوق الركبه وبدي سيور:ايه موب عاجبك . . ناصر يصد عنها حطو الاكل وقامو له
دلال:وسلطان وينه
ام سلطان :موب يبي العشاء مشغول
دلال اسكتت وكملت اكلها
ناصر يقوم:الحمدالله
ام سلطان:ماكليت
ناصر:فيه واحد من اخوياي تعرفت عليه بالمدرسه بطلع معه شوي
ام سلطان :معليه
خذا جواله وطلع برى تنهد بعمق وفتح على قائمة الرسايل انشاء رساله
وكتب(وش اخبارتس الهنوف عساتس طيبه_مدري وش اقول لتس بس متضايق وحبيت ارسل لتس عن الي في خاطري سلطان نقلني للمدرسه القريبه توني ماكلمت السنه هناك والنايفه راحت لجنيف مع رجلها وحبيت اقولتس بعد ان زوجته الجديده الي مدري وين طلع لنا بها ما تسوى مواطيتس ولا مكانتس بتغيره في قلوبنا حتى هو الى الحين يحبتس ومتعلق فيتس وزوجته مستحيل يحبها وقحه وماتستحي بس مابي اظلمها طيبه وحلوه بس موب احلى منتس سامحيه اذا هو السبب وارجعي لنا تكفين )ارسلها ومادرى ان الجوال في عالم ثاني حطه بمخبات ثوبه ودخل
ام سلطان:ليه رجعت
ناصر:غيرت رايي بنام
دلال:اسهر معي توى الوقت
ناصر بقوه:لا
دلال بستغراب:كيفك
سلطان يمشي لهم ويوقف جنبها:انا الي بسهر معتس
ناظرت له وابتسمت له بحبور وفرحه وقفت جنبه
ام سلطان تناظرهم شوي وتلف تناظر التلفزيون
سلطان :تبين شي يمه انا راقي فوق
ام سلطان :سلامتك ..
مسكها مع يدها ورقى فوق دخل جناحه هد يدها واتجه للبلكونه
دلال توقف عند باب البلكونه وبغنج:نسهر هناه
سلطان وظهره لها طلع باكيت دخان وولع له وحده:لا ادخلي شوي واجيتس
دلال تدخل له وتوقف قريب منه ويدها على كتفه :لا عادي اذا قصدك الدخان مايهمني
سلطان يتقدم لقدام وبنبره قاسيه:لاتقربين مني ..ولاتعاندين ادخلي
لفت منه بقهر وادخلت لداخل اجلست على الكنب بالحجره ويدها على خدها بملل تفرج عليه تنهدت بحسره والله ضغطت على نفسي ونزلت لهله ابي اكسب حبهم عشان يلف لي ولا بنظره تاملت ظهره ويده القابضه على سياج البلكونه بقوه مزيون وجذاب وشخصيه ااااه بس لو يحبني وبتحدي انا بخليك تحبني غصب عنك يا سلطان
طفاها بملل رماها تحت رجله ضغط عليها بقوه ودخل
سلطان :مانمتي
دلال توقف وتجيه:والسهره
سلطان جلس على الكنب مسك يدها وجلسها جنبه:طيب وش عندتس
دلال بفرحه تقرب منه:ابي اناظر عيونك وهذا احلى سهره
ابتسم لها وباس خدها:لاتعتبين علي يا دلال بالنظره الي بتشوفينه منتب فيها..
دلال تناظره بستغراب:مايهم
هز راسه لها وهي تبتسم وتسولف عليه وهو ماخذ دور المستمع فقط
......
فى بيت بو مفلح
محمد بالتلفون:عم اسمحو لزيارة مفلح اذا تبون اتزرونه
ابو مفلح باسى :متى يبدا وقتها
محمد:الساعه اربع العصر
ابو مفلح :زين بنزوره انشالله
ام مفلح تجلس جنبه:من هذا
ابو مفلح يصكر من محمد ويلف لها :اذا تبين تروحين معي لمفلح العصر
ام مفلح بحزن وشوق:اكيد اني بروح
ابو مفلح :طيب تجهزي بصلي العصر وبجي
طلع للصلاه علم مساعد وبعد الصلاه توجهو له بالسجن انتظرو اشوي لانهم جاو قبل وقت الزياره بربع ساعه
دق جواله شاف المتصل ورد
ابو مفلح :مرحبا ابو فهد
ابوفهد:المرحب باقي ..مافتح باب الزياره لمفلح
ابو مفلح يتنهد بتعب:الا مفتوح وحنا موجدين عندهم
ابو فهد:زين الله يفرج همه ..مع السلامه
. . . . . . . . . . . .
فى بيت بو فهد
صكه منه ولف لام فهد قالها ولمياء تناظرهم بشرود مر شهر على دخوله للسجن توهم خذو منه كافة الاقوال انشغلت في الهنوف الي طاحت من عتبة الباب ونوموها بالمستشفى اسبوعين وهي الحين بحجره تحت ماترقى فوق صار كل وقتها عند الهنوف تنومت معها بالمستشفى حاولة تبعد تفكيرها عن الانسان الي حبته من كل قلبها وقابع خلف اسوار السجن
ام فهد بحنان:لمياء سميره كلمتني تبيتس تروحين معها للسوق
لمياء ببتسامه من متى امي توافق لنا نروح مع صديقاتنا بس اعرفت انها حرمة محمد صديق مفلح فحبتها ورتاحت لها
لمياء :لا الهنوف عندها موعد اليوم بروح معها
ام فهد بتعب:ياامي لاتزيدين علي الهنوف من جهه وانتي من جهه ارحموني انا احس فيكن
لمياء برحمه وندم :فديتتس يمه لاتشغلين بالتس فينا انشالله الهنوف بتولد وبيروح كل هذا
ام فهد بامل:انشالله وبيطلع مفلح وبيفرحتس برجعته وبيفرحنا
لمياء بشوق:انشالله
. . . . . . . . . . .
فى السجن
ابو مفلح بامر:يالله قومو افتحو الباب ..قامت معه ام مفلح بسرعه وحنين لولدها
افتحو باب الحجره مخصصه لهم ادخلو على مفلح جالس على الكرسي ومسند راسه على الجدار ومغمض عيونه ويده بمخباته
ام مفلح بشوق:مفلح ياابوي
فتح عيونه وقام لها بهدؤ ضمها وصاحت بقلة حيله وشوق
مفلح ببرود:لاتبكين يمه كلها فتره وبتروح
بعد منها وراح لابوه حس بالخجل من ابوه حب راسه وخشمه ولف لمساعد الي امتلت عيونه دموع
مفلح يفتح عيونه لمساعد ويهز راسه بمعني لا تصيح لف عنه مساعد ومسح خشمه
ابو مفلح:وش لونك اربك مرتاح
مفلح ببتسامه :الحمدالله..وفي نفسه ويني وين الراحه وانا هنا
ام مفلح بحزن:دعوة المظلوم مستجابه وانا اقوم الليل ادعي لك انشالله ربي مايخيب ظني
ابو مفلح :انشالله ...وش سو لك ماقالو لك شي جديد
مفلح بحباط:لا من خذو مني الاقوال قبل اسبوعين الى الحين مافيه شي جديد
ابو مفلح بهم:وش نقدر نسوي
مفلح بهدؤ:محد يقدر يسوي لي شي هذي تهمه ماتدخل فيها وساطات ...ادعو لي بس
ام مفلح :الله كريم وبيستجيب ..خالتك نوره تسلم عليك وبيزورونك انشالله..وبتردد.. ولمياء نسينا ماقلنا لها شي قبل نجي
مفلح يناظرها بسرعه:وينها عندكم
ام مفلح:لا ماجاتنا من رحت
ابو مفلح :الله يردك لبيتك ولمرتك
مفلح بجمود:خلوها في بيت اهلها انا ناوي اط...سكت بسرعه وبتشتت ناظر وجيهم.. قوى نفسك يامفلح طلقها خلها تروح تشوف حياتها لا تبيني ولا تحملت قسوة مشاعرها.. وبتذكر لملامحها الناعمه اخاف يجي عمر وياخذها لالا يبطي يبطي
ابو مفلح :مفلح
مفلح بسرحان :لبيه ...
ابومفلح :تبي شي الوقت انتهى
مفلح يتنهد:سلامتكم سلمو لي على من كان سلم علي ولاتنسون خالتي نوره طمنوها علي
ام مفلح تقوم:انشالله الله يحفظك لي
مساعد يقرب منه:لمياء بتجينا اذا جيت ولا الروحه
مفلح يرفع وحده من حواجبه :وش ذالسؤال
مساعد بدون اهتمام يمثله:مجرد سؤال لانها حتى ما زارتنا..يالله ماتشوف شر
اطلعو منه ومفلح رجع لزنزانته دخل وقفلو الباب عليه جلس بتعب وهم اااه لو اطلع وارتب حياتي معها من جديد واعلمها كيف تعرف تحب مثل العشاق بس لو ماتنفع
نهاية البارت

[7btin]

البارت70
......
فى قصر سلطان
سلطان ببرود:عاجبتني وكثير بعد
ام سلطان بتردد ارفعت راسها وكملت كلامها بعناد:هذي الواجهه الي يشوفون فيها الناس سلطان كذا تبي يتكلمون عنك
سلطان يغمض عيوونه وبهدؤ:يمه ماخبرتتس كذا
ام سلطان بتوتر:وش اسوي ابي كل شي زين لك
سلطان :انا اعرف بالي يصلح لي
ناصر في نفسه ياخي شف لبسها وكلامها كله دلع ولا نشوفها الظاهر كبر راسها علينا
ام سلطان تغير السالفه :النايفه بتجي بكره ماسويت شي
سلطان يتنهد بتعب :بعد بكره عشاءها بس انا كلمني الوالد بروح لبرلين ...ماعندي وقت
ام سلطان بغضب:حتى عشااها ماتحضره
سلطان بملل من السالفه وتكرارهم الدايم لها لف عنها وبعصبيه :لا مراح احضره ولا تعتبر اني موجود حتى اذا جيت من السفر ..كذا رضيتي.. رقى فوق وهي تطالعه بغيض
ناصر :يمه يعني كم مره قلتو له شكلتس تبينه يزعل منتس
ام سطان بقرف:معاد الا هي يزعل مني بعد...
ناصربستغراب:يمه والله انتس تغيرتي عسى ماهريتي
ام سلطان بقهر:انويصر قوم مني
ناصر:طيب بس وين اروح ..اسمحي لي يمه بزعلتس مره ثانيه وعلميني وين اروح
اسفهته ام سلطان وقعد تناظر التلفزيون
سلطان يفتح الباب ويدخل اتجه لخزنته طلع اوراق خذاها وراح لطاولة الكنب
وقفت عقب ماسمعت صوته واطلعت له من البلكونه شافته يفتح بين الاوراق وشكله زعلان
دلال بفرحه قربت منه واجلست على اذراع الكنبه:اشتقت لك..
سطان يكمل تصفح اوراقه بضيقه وسرعه
دلال بستغراب تجلس عنده ويدها على كتفه:حبيبي وش فيك
تنهد بقوه حط راسه على كتفها وبتعب:تعبان ياالهنوف ومهموم
دلال بصدمه تنفست بقهر :انا دلال مو الهنوف
سلطان يرفع راسه ويناظر لها ياااه من زمان مامر طاريها قدامي وبشرود:صح دلال دلال وينتس ووينها
دلال بدلع مايع:ليش تطريها قدامي اغار انا
سلطان ببتسامه سخريه :تغارين هذا وانتي ماشفتيها ...
دلال بدون اهتمام:موب لازم اشوفها اهم شي انت وبس..
سلطان يحك ارقبته بتوتر وشجاب طاريها ليش مرت في بالي الحين
سلطان بضعف مفاجاء:دلال نسيني اياها نسيني عشقها ولتس عهد اذا قدرتي ان املكتس قلبي
دلال بسرعه :بتنساها بسرعه بعد لاني صدق احبك
سلطان بمراره ابتسم وراسه بحظنها حتى كلمة احبك مادخلت قلبي وتوتس باديه يا دلال..
امسحت راسه بحنان وحب وفرحه انه سلمها قلبه تصرف فيه صح اني شفت الهنوف في زواجها ولا قلت له ماكان اقارن بجمالها ولا رقتها ولاحتى نبرة صوتها وهي ترد لهم السلام بس الحب ماله دخل بهذا
سلطان بخدر:تكلمي لي عنتس ابي اعرفتس اكثر
دلال ببتسامه تشق الحلق:طيب انا اصغر اخواني واخواتي يعني اخر العنقود ودلوعة البيت زي ما يقول باباتي
سلطان بتفكير وهدؤ:وكيف انقلو لتس خبر خطبتي لتس
دلال :جاتني ماماتي وانا بالسوق وخذتني لمطعم كانت فرحانه بخبر خطبتك لي وقالت لي انك خطبتني من خالتي ام بدر زوجة عمك اممممم بس
سلطان:ووافقتي على طول ولا..
دلال بضحكة غنج:طبعن حاوافق وفيه مثلك خاصه ان ماماتي خبرتني ان بدر ولد خالتو هو الي قالك عني
سلطان يغمض عيونه ويسرح بنات القبايل لهن راي موب انت الي بتعبدهن والي ماينوخذ شورهن اسال عن اصلهن..ضحك بخفيف وفي نفسه جيتي ورحتي مثل النسمه حلوه ولاتضرين صح ان دلال بنت اصل وفصل.. وحده من بنات خوال بدر ولد عمه
دلال تقاطع افكاره :ليش تضحك ماقلت شي يضحك
سلطان بنبرة جفاف في صوته:انا بنام
دلال بحباط:تونا باول الليل
سلطان يطنشها ويروح لسريره
....
فى السجن
بعد شهرين من زيارات المتكرره لمفلح الي مستغرب عدم مجي لمياء له هوعارف انها مراح تجي من نفسها بس توقع امه تقول لها وتجيبها معها حس بالراحه شوي بعد ماحولوه للسجن العام مع سجناء اخرين تسلى معهم ويقطع عليه الوقت محمد سوى عرسه بعد ماحلف عليه مفلح يسويه لا ينتظر طلوعه راحت له لمياء هي وامها ومنيره
وساره بعد ماخطبها سعيد ولد جيرانهم وحاول راشد يجبرها عليه ارفضت وراحت تسجل في معهد حاسب تقضي وقتها فيه
. . . . . . . . . . . .
لى بيت بو فهد
الهنوف بضحكه:وليه ماسكت..
منصور بحماس:يبطي الحمار علمت المدرس وطقه
الهنوف:زين الله يستر مايجيك شي منه بعدين
فهد يلف لهم ويطفي البلاستيشين:علمني انا وبلعن خيره
منصور بفرحه:ايه بعلمك امسكه وانا بطقه
الهنوف بتحذير:فهددد ركده موب اتزيده
لمياء تدخل عليهم :تعالو تعشو
قام منصور وفهد يتعشون ولمياء راحت تجيب عشاء الهنوف
حطته بصينيه وراحت به لها في الحجره الي فيها
الهنوف :وينها ساره معاد جات
لمياء :امس رحت اسلم على عمي وخالتي ولقيتها هناك هي ونوره مسجله بمعهد ومشغوله فيه يالله تفضى
الهنوف :عمتس وش اخباره
لمياء تنهد:قالت لي خالتي روحي معنا زوري مفلح وهو رفض
الهنوف:وليه يرفض
لمياء :يقول مايصلح المره تروح تزور زوجها بالسجن خاصه وهي توها عروس
الهنوف بستغراب:منطق غريب وسخيف وش فيها
لمياء بحزن:اخاف يشوفنا احد ويعرفتس وتبين الصدق سمعته يقول لخالتي احذرو تتطلعون كلام للعرب انها ماتزوره يعني يبي الناس يتوهمون اني ازوره عشان مايقولون شي ولا يبيني اروح للسجن
الهنوف بستخفاف:ياربي وليش ماقلتي ماعلي من كلام الناس
لمياء :انا سمعتهم وانا راجعه اخذ مفتاح الشقه يحسبوني رحت ..
الهنوف تنهد:وانتي تفكيرتس مثلهم منتب رايحه تزورينه
لمياء بستبعاد:لا مستحيل
الهنوف تمد يدها للعشاء:الى الابد والا في الوقت الحاضر
لمياء بتوتر:ماظن للابد
الهنوف ببتسامه:ارسلي له رساله مع منصور بكره بيروحن له
لمياء برتباك:وش اقول له
الهنوف:اي شي عن الي في خاطرتس
لمياء توقف بربكه :الحين
الهنوف:هههههه مدري متى ماتذكرتيه وجاشت مشاعرتس
لمياء ببتسامه هاديه :دائم وهي تذكره
الهنوف ببتسامه حنونه:يابعد قلبي وليش توتس تقولينه حرام الي تسوينه
لمياء تنفس بعمق وتلف منها :صار الي صار ..برقى فوق
رقت والهنوف تدز الصحن بعيد منها وترجع تنسدح تحس بالالام من الحين سببت لي الطيحه ارتخاء في الرحم الحمدالله الي ماطاح الجنين حذرتها الطبيبه تحرك من السرير اذا امكانية يولدونها بالسابع
انسدحت على جنبها وادخلو عليها العيال مره ثانيه
الهنوف:بسرعه تعشيتو
منصور:فهد سمع صوت الشغاله تتطرش وانقرف
فهد بقرف:شفتها وهي ماره من صوبنا اقرفتي هي وصوت تطريشها
الهنوف تنهد بعتب:استغفر كنها ايانا ..وانت ليش اتقلده
منصور:فكرت لينه صادق ابي اكل لقمه معاد قدرت..
الهنوف تمسك ضحكتها قدامه وتناظر فهد الي رجع يشغل السوني..
الهنوف:فهد بكره دوام..
فهد:شوي بس الى ان تجي الساعه 10
منصور يجلس جنبه:وانا بعد..
اقعدو يلعبون عندها ادخلت عليهم امها شافتها اسالتها عن لمياء وقالت لها انها راحت ترقد وعقبه دخل ابوها ومعه سطل حليب من جيرانهم خذاه منه منصور ووداه للمطبخ ..
الهنوف:تبي شي يبه تعشيت..
ابو فهد بحنان:تعشيت يابوتس انا بروح ارقد..
الهنوف:نوم العوافي..
فهد يطفي السوني
منصور يدخل و بعتراض:ليه توني مالعبت..
فهد :بكره بوديه معي للمدرسه بنشوف عليه عرض سيدي
الهنوف تلف لها بسرعه وبتساؤل:يطلع فيه سيدي..
فهد :ايه
الهنوف تجلس وبفرحه مخفيه:خلاص خله بشوف عليه سيدي..
فهد بستغراب:وش تشوفين..
الهنوف:روح فوق لشنطتي السوداء الجلد فيها سيدي جيبه..
قام فهد رايح لفوق
والهنوف تلف لمنصور:وانت روح ارقد..
منصور:ليه بشوف
الهنوف :فيه قصه عن وحوش الغابه عادي ماتخاف..
منصور:لا بروح راقد فيني نوم..
الهنوف ببتسامه:زين روح..
تحمست تشوفه حست بفرحه داخلها وشوق امسحت عيونها بقوه لا لا موب الحين يجي فهد ويشوفني ابكي ..
فهد يحطه بحظنها:هذا..
الهنوف توخر يدها من عيونها:ايوه فديتك ماقصرت روح ارقد وطفى النور معك..
فهد يقوم وبتفهم:طيب تصبحين على خير..وقف عند الباب ولف لها اصك الباب..
الهنوف والعبره تخونها نزلت راسها وهي تدخل السيدي هزت راسها باأيه تبيه يروح بسرعه مشتاقه تشوفه شغلته والظلام يعم الحجر من غير نور الشباك ابتدا عرضه
ابتسمت لصورتها في البر وصورها بالحديقه مع النايفه ابتسمت لصور ماشافتها هذاك اليوم يمكن لانه مستعجل لا يجي اخوه
حطت اصابعها على جبهتها وعضت شفايفها بقوه ودموعها تنزل تشوف صورته يبتسم ومعطيها جانب وجهه
الهنوف تشهق بقوه:عذبني حبك اول وتالي...
توالت صوره مكشر ويصد عن الصور ومره يغمز للي صوره واكثر صوره بثياب الشتاء في المقناص مره متلثم ومره عليه نظرات شمسيه جنب سيارته خلت العرض يكمل وطاحت على فراشها تصيح بوجع وحزن . . طفى السيدي حست بظلام يعم الحجره امسحت عيونها قامت للسيدي خذته وحطته تحت مخدتها وراحت للشباك توقف عنده ناظرت بنور القمر بشرود تنفست بعمق وتعب وقربت الكرسي تجلس عليه قدام الشباك الكبير حطته واجلست ابتسمت لبطنها الي برز بشكل كبير قدني بالخامس باقي اربع شهور واشوف اولدي بس اولدي انا ماعنده ابو
اشتقت له وبضعف وحزن ابي اشوفه ولومره بس.. عنزت راسها على الكرسي وبصوت حزين وكسير وضح خلفه قلب جريح
عزي لمن مثلي جفى النوم عيناه
يسهر وهمه بين الاضلاع يجتال
قلبي من الفرقا تبيح كنينه
فرقا الخليل الي خياله على البال وجدي
على شوفه وضحكت جبينه
وانشده عقب البطا كيف الاحوال
افتحت الباب بشويش اسمعت صوتها تنهدت بقلة حيله وارجعت ترقى فوق . . لفت للباب الي انصك تنهدت وقامت ترقد بفراشها
لمياء تصك باب حجرتها وتجلس على السرير بعد ماسمعت صوت الهنوف وكلماتها ترن باذنها الى الحين كلها وجع وقلة حيله وشوق لشوفه تنهدت بالم وخذت الرساله تقراها للمره الالف
تنفست بمعمق وصكت الرساله حطتها بظرف ودخلتها بالدرج
...
فى بيت النايفه
النايفه تبكي:محد قالي
بندر يجلس جنبها ويديه على كتوفها:جاء الموضوع بسرعه
النايفه تمسح دموعها:تزوج بسرعه كل ماكلمت ماجابو طاري حتى بالعزيمه الي لي ماشفتها ولاكنها موجوده وتوي ادري من نوار عقب ماشافته معها بالمملكه..
بندر:وذا عرفتي وش بيصير
النايفه بالم:حياته تخربطت من جديد كيف بصلح وضعي معه
بندر بستغراب:وش فيه وضعك معه
النايفه :زعلان علي من زمان قببل اربع شهور تقريبا
بندر:قولي لي السالفه وانا بتصرف معه
النايفه بحراج من سبب المشكله ورفضها الشنيع له من قبل ترددت :موضوع شخصي
بندر بتفهم:مافيه مشكله بس برضو بكلمه يحاول يفهم موقفك
النايفه ببتسامة لفت له :ماتقصر ..انا اعرفه اذا رضى هو الي بيجي
بندر بستغراب:ومارضى الى الحين باسه قوي اخوك هذا صعب
النايفه تنهدت وهزت اكتافها :وبعد نفسه عزيزه بقوه ومجامل درجه اولى ...
بندر ينفخ بفمه ويوقفها :بعد لازم اقوله يرضى ..بس الحين عازمك على العشاء ...
اضحكت بفرحه خذاها لدولاب معه واختار لها بدله لسهرتهم
.....
فى بيت بو فهد
لمياء بتردد نادت منصور ..
منصور يسكر ازرار ثوبه وبعجله:خير بروح
لمياء تقرب منه وبخوف:منصور بعطيك ورقه عطها مفلح زين لاتخلي احد يشوفها حطها بمخباتك وسلم عليه اخر واحد اذا جيته عطه وقله سر
منصور:طيب انتي حطيه بمخباتي ماعرف
لمياء ببتسامه متوهقه وكيف بيطلعه عنده دخلت الظرف بمخباته والحق جده وخاله للسياره
تنفست بتوتر وراحت للهنوف الي تكلم ساره تجيهم
الهنوف تصكر من ساره وتنسدح:احماااره هالبنت مارضت تجي الا بالغصب
لمياء برتباك:عطيتها منصور
الهنوف بستغراب:وشي
لمياء :الرساله
الهنوف:اييه زين اهم شي توصل له
لمياء تجلس وتنفس بسرعه :مدري وش بيسوي لا قراها
الهنوف تبتسم وترفع حواجبها :وش كتبتي له
لمياء :عادي.. وعلمتها وش اكتبت
الهنوف تعقد حواجبها بضيقه ونرفزه:ماااااالت عليتس يالخربانه مستحيل تصلحين انتي
لمياء براعه :وش فيتس
الهنوف بستهزاء:وانشالله بينتي مشاعرتس اتجاهه ...لعنبوتس ماكتبتي احبك ومن زمان بس كنت خايفه من ردة فعلك اتجاه اعترافي ماتعرفين تكلمين بالصريح
لمياء بندم وخوف:والله ماعرفت اصف الكلام ليش ماقلتي لي
الهنوف بسخريه :وينها المشاعر الي دايم تجوش
لمياء :ياويلي وش ظنتس بيسوي
الهنوف تنهد وتاؤه بخفيف:مدري عنكم ..ظهري يوجعني عطيني مخده ولا شي
لمياء تقرب صوبها المخده:ليش تنادي ساره وانتي تعبانه كيف تصلبين معها ..وانا بروح لسميره
الهنوف بتعب:ماعليه انا مشتاق لها من زمان ماشفتها ..وبعدين وش عندتس الزيارت كاثره لسميره
لمياء :خلاص صارت في بيت بلحالها وامي ترضى لي
الهنوف :اخاف مفلح اذا عرف يزعل
لمياء بتفكير وهم :طيب وذا قراء الرساله
الهنوف برحمه:لاتاخذين كلامي كله يمكن هو تفكيره غير تفكيري وتعجبه كلماتتس البسيطه
لمياء بأمل :انشالله ..
...
فى السجن
افتحو باب الزياره ادخلو عليه ابتسم بفرحه لشوفهم سلم عليهم شاف منصور وابتسم
مفلح :ياله حي ابو ماجد
منصور بفرحه:الله يحيك ..
مفلح :وش اخبارك طيب
منصور :طيب ..معي رساله
مفلح ببتسامه هاديه:لااا ورني اياها
منصور :هي من خالتي لمياء ..في مخباي
مفلح ناظر للموجدين يناظرونهم بس مايسمعونهم مد يده بتوتر وبسرعه:طيب عطني اياها
منصور يعطيه جنبها ويقرب منه:ماعرفت ادخلها هي دخلتها انت طلعها ماعرف
مفلح ببتسامه يدخل يده:ثاني مره قل لابوك يكبر فتحة المخبى
منصور:وانا دايم بحط فيها رسايل
مفلح :هههههه ..طلعها وحطها بجيبه بسرعه
منصور بصوت عالي :خلااااص
مفلح يغمض عيونه بضحكه:خلااص الله لا يفضحنا..
ابو مفلح يناظره ببتسامة حنان:دايمه الضحكه
مفلح يبتسم بمجامله لاابوه اجتمعت علي يبه انتو وهي ابتسم لابوه ولفهد ومساعد الي يناظرون المساجين بوجل
مفلح بهدؤ:شكلكم خايفين
فهد :ياخي شكلهم يخوف
ابو فهد:استغفر ربك وش فيهم احدن ضالمته الدنيا واحدن ربي يجازيه وانت تهزئ
فهد :ماقصدت كذا بس شف مفلح شكله شكل راعي سجن بس مايخوف.. ناظره مفلح بحده وصد منه
ابو فهد بغضب:فهدددد ابلع السانك الله لايرده
ابو مفلح بسرعه:استغفر لاتدعي وتندم
نزل راسه فهد بفشله :ماعرفت اوضح وجهة النظر قصدي انـ
ابو فهد بفشله وقهر:اص اص اخلص
لف عنهم مفلح ومساعد يتلفت بملل
ابو فهد يشوف ناس من جماعتهم يدخلون يزورون مفلح قام استسمح منهم وراح هو واعياله
برى عند الباب لف لفهد وبقهر :ماتستحي راعي سجن قدامه وقدام ابوه
فهد برتباك:ماقصدت يعني هو كشيخ ومزيون مايصلح له المكان بس اقولك ماعرفت اصيغه الكلام
ابو فهد بغيض:اجل انطم الله يطمك فشلتني مالت على اولدن مثلك
منصور :اوووه اماا جدي يقول لك انطم
فهد في نفسه ابوي زعلان وبرضيه ومفلح كيف بتعذر منه
ساكت ووجه مجهم سلمو عليه ربعهم واطلعو ماتاخرو حط يده بمخباته تاكد من الرساله ورجع يده
مفلح ببرود:انا تعبت بدخل
ابو مفلح :سلامتك اجل بنروح حنا
مفلح :ماتشوفون شر . . قام منهم وهم وقفو واطلعو
مساعد بقهر:ماله حق فهد يقول له راعي اسجون اغبنه فوق ماهو مغبون
ابو مفلح بهم:كلمة بزر بس الضيقه في ذالوقت منه قريبه الله يعينه
دخل زنزانته راح لزوايه فرش افراشه وانسدح سحبها من مخباته فتحها بسرعه وقراءها
(ترددت اكتب لك هالكلمات الي توضح الي بخاطري اتجاهك ماقدرت ازورك بالسجن ولا راح ازورك انا موب قويه لدرجة اشوفك وبيني وبينك حديد ينهي اي امل اني اشوفك باسرع قت انا حسيت بالغربه بعدك حسيت اني انتهيت وانت محبوس في مكان موب مكانك ولا تستحق انك تمر عليه مفلح ثق كل الثقه اني ادعي لك من صميم قلبي تطلع واحس بحياتي طبيعيه ترجع لي) ..
لمــياء..
ناظر بكلماتها بشويش وتفكير رفع شفايفه بستغراب اوووه لا رساله ترفع المعنويات تدعين لي طبيعي ياقلبي تدعين حتى لو من باب قرابة الام اما مسالة انتهيتي فكثري لي منها الشوق لو فيه ذره بقلبتس كتبتي احبك غصب عنتس تكتبها ايديتس بس المكشله انها ماغصبتها ...رتب تصفيط الورقه من جديد وشقها كم مره حطها جنبه ولف على حنبه حسايف حبن جمعني فيتس ..
...
فى قصر سلطان
ام سلطان واقفه عند باب البيت وجنبها شنطه صغيره
ناصر:اتخلين اولدتس دلوعتس بلحاله
ام سلطان :بروح منيب مبطيه
دلال تطلع لهم برى وتقرب منها
دلال:وين خاله
ام سلطان:بروح لاختي ايام تعبانه
دلال:سلامتها ماتشوف شر..وانت ناصر
ام سلطان :ناصر عنده دوام وش يبي
ناصر بزهق:يالله على الله ينتهي هالترم على خير احاول انقل بالترم الثاني
انفتح باب البيت من وراءهم شاف امه وقرب منها
سلطان برفعة حاجب :وين الوالده
ام سلطان تصد عنه :كلم السواق تاخر حصه تعبانه بروح لها
سلطان :تامرين ...دق على السواق ودلال تقرب منه وقفت جنبه ملاصقه له . . صكه من السواق ولف لها شافها تناظره ببتسامه لف بوجه عنها وكلم ناصر
سلطان :متى امتحان الترم
ناصر:اخر ذالشهر ..وبتردد..اقول لو انجح بممتاز تخليني انقل الترم الثاني
سلطان ببتسامه استهزاء:الممتاز معاد ينفع شرطه غيرك خذا ممتاز وغبنته ..
ناظرت له ام سلطان وبهدؤ:انت غبنت ناسن واجد
سلطان يدخل يديه بمخباه وناظر قدام :عديهم يأم سلطان
ام سلطان تقرب منه ناظرت دلال ولفت له :بعدهم ولا علي من الي يسمع لف له وهو عارف من تقصد ومن بتقول : ومتى انتي عليتس من احد جيبي الي بخاطرتس
ام سلطان :الهنوف حتى السلام معاد قدرت اسلم عليها هي موب تخصك بس حتى هي بنتي الي ماجبتها
دلال بقهر :راحت البنت بخيره وشرها وبعدين ياخاله هذا زوجي ومابي اي احد يطري قدامه اي بنت
سلطان يحط يديه على كتوفها ويبتسم :من حقتس.. ناظر امه ..طلقتها وراحت ومدري وين مكانها عشان اتسلمين عليها
ام سلطان بغيض:الى الحين ماعلمتني ليش طلقتها
ناصر يناظر امه بتوتر :يممه هو ابخص
سلطان يبعد يديه من دلال ويقرب لامه وبستغراب:اعتبره فضول شديد ...انا ماعمري اشبعت فضول احد
ام سلطان تناظر السياره الي ادخلت :بدورها وبلقاها
سلطان يلف عنها:كيفتس بس لاتدخل بيتي ...
ناصر بفرحه يقرب من امه عقب مادخل سلطان والحقته دلال:يمه صدق بتدورينها
ام سلطان بحزن تمشي لسياره:متردده وذا عرفت مكانها اسلم عليها وولدي مطلقها ولي وجه اجيها
ناصر يتنهد:بقعد بلحالي..ناظر للسياره الي ادخلت مع الباب
ام سلطان توقف عند باب السياره وتناظر السياره الي ادخلت :هذي النايفه ربي جابها لك
ناصر:زين اتسلى شوي
وقفت عندهم السياره وانزلت
النايقه تناظر امها :وين واناجايه ..حبت راسها وخدها
ام سلطان :خالتس تعبانه بروح لها وناصر موجود
النايفه تقرب منه وتسلم عليه
ناصر:ياشينتس عقب العرس صرتي مره
النايفه ببتسامه:الى متى الخباله
مشت عنهم ام سلطان وهي ادخلت داخل مع ناصر
النايفه تجلس على الكنب:وينها مرة سلطان
ناصر:فوق..ماشفتيها
الناايفه بستهزاء:ماشفتيها ..واحد قالي
ناصر:صدقيني ماحد اهتم لاامرها الا هو حتى موضي تجي تسلم على امي وتروح ماشافتها وكانها موب موجوده
النايفه :بس انا بشوفها وبشوف سلطان معها
ناصر:هي حلوه واخوتس جاب احد شين!! ...بس تدرين ياختي العزيزه ياحلو ايام الهنوف حتى وهو معصب تحسين انه بيرضى بسرعه الحين اعوذ بالله
النايفه تنهد:باين يرضى بسرعه ...اضحكت فجاءه ولفت له.. تذكر يوم زعلنا كلنا ذاك اليوم ياحليلها والله شكلها توهقت بينا تناظرنا وتناظره والحقتنا برى بالحديقه
ناصر يتنهد:كبرتني الدنيا وانا توني اصغير اااه بس
النايفه :امحق دنيا الي كبرت فيها
ناصر بجديه:اسمعي انا اايد انا خلاص معاد نجيب طاريها يمكنها ماضي وينتهي لانها الظاهر انها بالنسبه له انتهت
فوق وقف عند المرايه البس شماغه ناظر لها بالمرايه تناظره بشوق واعجاب ابتسم بسخريه ولف يطلع
دلال بسرعه تروح له:وين طالع وتاركني
سلطان:بطلع للمجالس
دلال بقهر :دايم وانت في المجالس شكلي بتهور وبجيك هناك ..
سلطان يدخل يده بمخباته:لااا الى هاالحد يوصل تهورتس
دلال بعتب وألم:بس انا اشتاق لك واحبك احبك اكثر مماتوقع
سلطان بهدؤ لف لها وامسك يدها وببرود:لاتقولين احبك لاتمر على السانتس ابد ..
دلال بصدمه ناظرت له ناظرها شوي ولف عنها طالع نزل مع درجات الدرج بعيون شارده
النايفه بتوتر ترفع راسها له تشوفه ينزل الدرج
ترددت توقف وتروح له بس انا اسلم عليه حتى وهو موب راضي تنفست ومشت صوبه وقف عقب ماشافها وناظر له ابتسمت بأمل قربت منه وحبة خشمه وسلمت على خده
النايفه :كيف الحال
سلطان بجمود:بخير
النايفه بتردد:مبروك الزواج مع انه متاخر
ناظر لها شوي اول واحد يبارك له بزواجه من اهله :الله يبارك فيتس
النايفه تمسك يده وبصرار :نظرتك متى تغيرها لي
سلطان يسحب يده منها بهدؤ
النايفه بدموع:يعني تبيني اموت ...معاد هميتك لامن بعيد ولاقريب روحت وجيت ولا حضرت زفتي ولا زوارتي ..والله والله انها موب جريمه الي سويتها..شافته يمسحه ذقنه بسرعه وحواجبه معقوده
النايفه باالم:تكفى سلطان انت ابوي انا بس تغطيت ماصرت اناديك يبه كيف تنساءها السنين ولا كناها مرت بغلطه وحده
سلطان بقهر:ابوتس وكيف تنسينها الابوه وتدعين علي وتعلين صوتتس وخوانتس ولا واحد فيهم سواها قبلتس
النايفه ببكى:الابو يرحم ويسامح ..يبه لين نظرتك لي بس لينها..
تنهد بتعب ولف لها ضمها بهدؤ وهي تشهق بحزن..
النايفه ترفع راسه له:توبه اغلط على نفسي ولا عليك..
سلطان يبعدها منه ويروحون للكنب الي جالس عليه ناصر ومبتسم
جلس وجلسها جنبه وببتسامه مهمومه اشر على خده:بوسيني اشتقت لبوساتس . . اضحكت بفرحه وباسته
النايفه بفرحه غامره:احلى لحظه في حياتي
ناصر يضحك:يا كذابه وليلة عرستس
سلطان يناظرها ويضحك:لا انا متاكد ان هاذي احلى
النايفه تبتسم:لاتقولها مزح انا صادقه والله احلى لحظه..الحين ارتحت بس
سلطان يبتسم بحنان :وش لونه بندر معتس
النايفه بحراج:الحمدالله ارتاح انت كل شي زين ...وينها مرتك بشوفها
سلطان يوقف وياشر لناصر يقوم معه:فوق روحي لها..اطلعو برى والنايفه ترقى لها فوق طقت باب الجناح ماحد افتحه ترددت تفتحه تشجعت وافتحته تفاجاءت بالاثاث الي تغير مره الردهه الاماميه بسراميك ذهبي وكانت اول مفروشه بفرش فاخر مشت لغرفة المجلس الي حبتها الهنوف بسرعه ادخلتها كانت كنب عودي قاتم وفخم وحوض السمك موجود الى الحين طقت باب المجلس يطلع لها احد ناظرت باب غرفة النوم شوي وطلت عليها دلال
دلال بوجهه مجهم :نعم
النايفه بخجل:اسفه بس محد افتح لي
دلال تناظر شكلها هاذي كشخه اكيد اخته :ماعرفتس
النايفه تبتسم براحه:النايفه اخت سلطان
دلال:ااهاا مرحبا كيفك
النايفه:الحمدالله ..
دلال:تعالي نجلس بالبلكونه شوي
النايفه بتردد:اذا سمحتي بشوف الغرفه اشتقت لبيتنا من زمان ماشفته
دلال بستغراب تمالكت نفسها :بس هاذي تبعي موب تبع البيت
النايفه بحراج:اسفه بس لان جناحه تغير عن قبل
دلال:ليش وماكان كذا قبل
النايفه كان احلى من كذا واشرح:تغير شوي بس
دلال :تفضلي شوفيه
ابتسمت لها النايفه ومشت للغرفه ادخلتها وسعت ابتسامتها برحمه وحنان حتى التلفزيون مغير كان ديكور ايطالي ناعم عكس غرفته الاولى اثاثه امريكي يميل للفخامه
دلال بستهزاء واضح:وش احلى هاذي او الاولى
النايفه بصراحه عقب ماسمعت نبرة السخريه في صوتها:الاولى احلى بكل شي ادمجت الفخامه بنعومه بس تبين الصراحه كل وحده والي يناسبها
دلال برفعة حاجب وقهر:وش تقصدين ماعجبتتس
النايفه بقهر للحياه في بيتهم الي كانت احلى بوجود الهنوف هزت اكتافها :ماقصدت انتي حلوه بس دقه قديمه ... لفت عنها واطلعت
دلال بغيض ماعليه ماهمتوني اهم شي هو وبيحبني غصب عنه بعد.. اصلن اسلوبه حلو وبيميل لي بسرعه
....

[7btin]

71
الهنوف بعتب:لاتكلميني زعلانه منتس
ساره ببتسامه تطقها مع راسها:ياخبل قبل اسبوعين ماروح الاقبل الفجر بنص ساعه طماعه
الهنوف بقهر:لمياء مشغوله بالكليه وامي ترقد من عشاء واقعد لحالي ماعنتدس ذوق صراحه
ساره :هههههه يبي لي تعليم
الهنوف تنهد:والله صادقه احس بالملل على الاقل كل خميس.. انتي غير اشتاق لتس بسرعه
ساره تضحك:اذوب انا على الكلام شوي شوي علي
الهنوف بهدؤ:من كل قلبي اطلع الكلام ساره احس انتي الي مريتي معي بكل الي صار لي اذا شفتس كاني اعيش حياتي معه قبل مره ثانيه..
ساره ببتسامه هاديه:انشالله تولدين بالسلامه يملي عليتس الجو مولودتس وتنسين غيره
الهنوف :انشالله الله يخليه لي..عمي مضحي توسط لي اتوضف بالكليه اداريه انشالله يتم بسرعه
ساره :انشالله..على السنه الجديده يمدي طلعتي من الاربعين
الهنوف :ههههه ناقه... كلها شهرين واولد وبعده تاخذون شهرين وتعطلون الصيف ولاراح ادوام الاببدايه ثمانيه
ساره :اها حلو يمدي يكبر البيبي شوي..اسمعي يوم الخميس بجي انا وامي هنا اقنعي خالتس تطلع شوي من بيتها وتجي حابسه نفسها
الهنوف:اشتحنت عليه جدا حتى امي اهتمت من شكلها ..
ساره :ولمياء وش صار عليها
الهنوف:لمياء ماتدري عن حالها ضايعه الله يعينها
ساره:خمس سنين كثيره وسمعت انهم بينقولونه لرياض
الهنوف بحزن:اايه سنه وبينقلونه ...
ساره:الله يفرج عنه ..لمياء فوق
الهنوف:ايه اتذاكر امتحانات الترم بدت
ساره:الحمدالله فكه من المذاكره وبرد بعد ..
الهنوف تلمس بطنها وتبتسم وبضحكه:ساره هاتي يدتس
مدت يدها بسرعه امسكتها الهنوف وحطتها على بطنها
ساره بصرخه وخوف:يمممه وش ذاه
الهنوف:ههههه يتحرك الايام تمشي بسرعه شكله اتضايق
ساره :اخاف قرب وقت الولاده
الهنوف :تقول الطبيبه شهر السابع توقعي عشان الطيحه
ساره :وش شهرتس الحين
الهنوف :خمسه
دخل عليهم منصور بكتبه وحطهم قدام الهنوف:ذاكريني كلها
ساره:متى تعطلون منصور
منصور يناظرها :السوريه هنا
الهنوف:هههههه
ساره تضحك:وش ذاللقب
منصورر:خالي فهد يقوله هو ومساعد
الهنوف تحط يدها على راسها :فضحتهم يالفضيحه
ساره :ههههههه وين شافوني ذولا
منصور :في البر جالسين على السياره ويناظرون بالمطبخ
الهنوف تبتسم:عيب لاتنقل الكلام ..ناظرت ساره ..ودي ادري وين جاتس البياض وذالعيون العسليه
ساره:ههههه جدة ابوي من الشمال والعرق دساس(ملامحها حلوه وهاديه بس فيه بياض يميزه عن البنات وعيونها علسيه فاتحه) وش تمنين الي في بطنتس يشبه سواء ولد ولا بنت اخبر انتس تحبين الحلا
الهنوف:ههههه كلن يحبه ..امممم اذا بنت ابيها تشبهني وذا ولد.. ابتسمت بهدؤ.. ابوه مزيون بس مابيه يشبه حتى لو يطلع اولدي شين
ساره :تحرمين اولدتس من زين ابوه عشانتس
الهنوف بدون مبالاه تهز اكتافها :اذا على الزين ابيه يشبه مفلح
منصور:بيصير معي ولد ثاني
الهنوف تناظره:نوف بتولد خلال الاسبوع انشالله تجيب ولد وتصيرون ثلاثه
ساره :الله يهون عليها
دق جوالها ارفعت مدت عليها ساره شافت رقم غريب
افتحته وردت:الوووه
المتصل:السلام عليكم
الهنوف:وعليكم السلام
مبارك بفرحه:ابشري بولد نوف
الهنوف بضحكه وفرحه:مبرووووك يتربى بعزكم
مبارك :الله يبارك فيتس ويجازيكم خير ..وينها خالتي ادق عليها ماترد
الهنوف:جوالها نسته اهناه وموب موجوده
مبارك :اجل مع السلامه
الهنوف:مع السلامه ..
ساره :اولدت نوف
الهنوف ببتسامه:ايه الحمدالله جابت ولد
منصور :وش بيسمونه
الهنوف:مادري
....
اليوم الثاني اوصلت لهم نوف بولدها تركي ادخلت مع الهنوف بحجرتها الي فيها . . راحت ام فهد وجابت اختها نمشه غصب عنها تجمعو كلهم ببيت ابو فهد وخواتها كلهن وطبعا مانزلت لهم لمياء الي تذاكر يومين وتبداء امتحان الترم
ام مفلح :الله يخليه لتس
نوف:الله يجزاتس خير
ام راشد:وعقبال الهنوف
الهنوف:الله يسمع منتس بديت اخاف عقب ماولدت نوف
نوف:ههههه عادي مثل النسمه تمر خفيفه
منيره بستهزاء:مثل النسمه الا قولي شعف
غزيل:ههههههه هذا اسلوب تخفيف
الهنوف تضحك:ما يحتاج خايفه خايفه
ام فهد:انا بغير غرفتس ياالهنوف روحي بلحالتس
الهنوف :ليه اجلس بلحالي
ام فهد:اذا جاؤ الحريم بيضايقونتس وانتي تبين تنسدحين
غزيل :اذا راحو تعالي موب ازين لتس تصلبين عندهم كثير وعينهم ماتطيح منتس
نوف تنسدح:ايه من اطلعو منا عقب قهوة العصر وانتي ماسلمتي الحمدالله الي جات على الطيحه بس
الهنوف بعناد:ولو بجلس ماعلي منهم الي كاتبه ربي بيصير
ام فهد بتعب:برضاي عليتس ان تروحين اذا جاؤ
الهنوف بستسلام :ابشري ارتاحي انتي الله يعيني لين يروحون
..
فى بيت بو سلططان
سلطان بملل:تامر الي تبيه بيحصل
ابو سلطان:اجل تجي معي بسيارتي انا
سلطان :انا بجي بسيارتي انا ومحمد
ابو سلطان :اهم شي تجي وراي على طول
سلطان :انشالله..اسمح لي بطلع ..وقف واطلع من مجالس ابوه شاف محمد واقف برى عند سيارته
محمد يفتح الباب ويركب وسلطان يتجه للباب الثاني
محمد عقب ماعدل جلسته :هااا بتروح
سلطان يصك بابه :ايه وبتخاويني
محمد:ولايهمك ..متى ناوي
سلطان:بيمشي الصبح عشان الزحمه ولازم نمشي معه
محمد يحرك :عقب الفجر
سلطان:ايه صلاه الصبح بمسجد البيت
محمد :تم
وقفه محمد عند باب البيت نزل وهو ياكد على محمد على وعدهم بكره دخل البيت شاف ناصر يلعب بلاستيشن
سلطان بقرف:قم شلها من وجهي
ناصر برجى:في غرفتي ماحب العب
سلطان بصرار وملل:قمممم اذا تبيه
قام ناصر بقهر فكك الاسلاك وسلطان يرقى فوق دخل الجناح هدؤ مر غرفة الجلوس مافيه احد ودخل حجرته
شافها جالسه على الكنب وراسها على المسند
سلطان:مساء الخير
دلال تلف له وبعيونها اثر دموع:مساء النووور ..هلا حبيبي
ناظر لها شوي وعقد حواجبه :تبكين
دلال تمسح عيونها:مايهم ..
سلطان يقرب منها وقفها وضمها:زعلانه
دلال تبكي :يهمك ااذا عرفت
سلطان يتنهد ويمسح ظهرها بحنان:لاافااا تفكرين فيني كذا
دلال تبعد منه وبدلع تعكف شفايفها:لو موب عارفه انك حنون كان ماهمني بس اقولك احبك وتقول لاتقولينها ..وفوق هذا اختك تجي وتزيد جرحك
سلطان يبعد منها ويجلس على الكنب:اول شي اختي لاتجيبين لكلامها معتس اي طاري لي هذا مايهمني ..هز اكتوفه..وسالفة الكلمه تافهه وماتعجبني
دلال بزعل:وكاني ماتكلم..
سلطان برفعة حاجب :وكانتس معتبرتني مافهمت
دلال بسرعه :ماقصدت كـ..
سلطان يقاطعها:انا بكره عندي سفر الصبح ابي شنطه صغيره جاهزه
دلال:طيب ..بس وين ..وبتردد..لو اروح معك
سلطان يلف عنها ويقوم :بروح للبر بتروحين
دلال:لااااا خلاص حسبته برى..
سلطان يبتسم لها:في الصيف انشالله انا بنفسي برتب لتس سفره حلوه..
دلال بفرحه :حبيبي والله مشتاقه لهاك الوقت
ابتسم ولف عنها لبس بجامته وانسدح على السرير
دلال تقرب منه وتجلس:ماماتك تاخرت ماجات صح
سلطان يضحك:اووومااا ماماتي ...
دلال بغنج:لاتضحك علي اصلن كذا نقولها بجده
سلطان يلف لها وهي تنسدح وراسها بجنب راسه
سلطان يناظر بعيونها حط اصابعه على عيونه بهدؤ ناضرت فيه بستغراب وابعدت يده عن عيونه
دلال:ليش تغطي عيونك
سلطان ينسدح على ظهره:كلامتس موب جداوي بحت
اعرفت انه غير السالفه وبتطنيش :بس دخلت المتوسط جيت هناه مع اهلي عقب ماتزوجت خالتي عمك
حس انه مشوش تكلم بعشؤايه وبدون شعور :مادريت ان العيون تسحر
دلال بشك:من عيونه
سلطان يغمض عيونه بهدؤ عيونها رمش عينها ماتهنيت فيه توني بس بديت حياتي معها ماحسيت برمشها على خدي وغميزاتها الـ.. لف لدلال بسرعه الي تناظره
سلطان يناظر خدها :مافيتس غميزات
دلال تصد عنه وببرود:لا من حسن حظي
سلطان بستهزاء اضحك: لااا مره فرحانه
دلال بحزن وتعب:عرفت اني احبك وصرت تلعب بمشاعري
سلطان بهدؤ وشرود:انا برضى فيها الكلمه اذا حسيت انه جاء وقتها لاتستعجلين بتتعبين توتس ببداية المشوار..
دلال تنهد بتعب وتقرب منه حطت راسها على صدره :بتعب بس بصبر
رطب شفايفه بتوتر :انا بنام وراي مشوار..الشنطه ماجهزتيها
دلال ترفع راسها منه بضعف وهم من صده منها ناظرته شوي باست خده وانزلت من السرير..
فتح عيونه ناظرها برحمه وهي تروح وتجي وواضح عليها الهم ..
سلطان ببتسامه :ياحلوووه
لفت له وبعيونها نظرة الم :هلا
سلطان :انا اعرف الواحد اذا سوى الشغل وهوزعلان مايضبطه
اسكتت ولفت عنه قام وراح لها ضمها من ورى وباس خدها
سلطان :تنحبين صدقيني
دلال تبتسم بمجالمه:بس موب اي حب يرضيني
سلطان يدخل يده بشعرها ويقرب راسها من صدره :بتشتاقين لي اذا رحت
دلال :مايحتاج تسال
سلطان :ههههه طيب ..باس خدها وراح لسرير انسدح وتنهد وهو يغمض عيونه بقوه
....
فى بيت بو فهد
نوف تشرب حليبها :الصبح بارد
الهنوف:صح
ام فهد:بكره بيجي ابوتس
الهنوف:مرحبا به من متى عنه الله يهديه ويخليه لنا ماكلمتس امس
ام فهد:الا امس خلصو كل شي كل شي في السيارات ومشو قبل الفجر
نوف :بينقلون
ام فهد:ايه ابوتس يبي يقربها شوي عشان المزايين
الهنوف بهدؤ:احسن له المكان ابعيد وموب حلو
نوف:الناس تجي لمنا تكشت وهو الله يهديه مبعد
ام فهد تناظر الهنوف:ربي كاتب الي بيصير للهنوف سبحانه
الهنوف تلف لها وبغيض فجاءه :وتوه يبي يغير مكانه
نوف بستغراب:الهنوف وش ذالاسلوب وانشالله بتقولونه في وجه ابوي
الهنوف تصد عنهم والعبره تخنقها
ام فهد بتعب:خلاص خلصنا من ذاك المكان ارتاحي
ادخلت لمياء بكتابها واجلست عندهم حطت عباتها جنبها
ام فهد:اصب لتس حليب قبل تروحين
لمياء تناظرالساعه:مايمدي
الهنوف :الا يمدي ...قبل يجي الباص
صبت لها ام فهد خذته اشربت شوي وحطته جنبها
نوف:ذاكري زين عشان مفلح
لمياء تناظرها وترجع اتنزل راسها للكتاب
ام فهد تنهد:اي والله الله يطلعه بالسلامه ..لفت لها ..
اذا خلصت امتحانات بنروح انزوره
قامت لمياء بدون اتناظرهم واطلعت برى بهدؤ
الهنوف:اتذاكر وانتو موضوعكم داخل عرض
نوف بندم:صح
ام فهد بقهر:ولامره قالت بزوره قد له شهرين وزياده
الهنوف:هي اخبر ..نوف شوفي ولدتس عليه الغطاء لايكتمه
ام فهد :عطيني اياه
...
فى بيت الراشد
نوره :راشد
راشد يلف لها :لبيه
نوره :لبيت بمكه ..ابي اروح لامي اقنعها نروح لنوف اليوم
راشد:روحي ياعمري مايحتاج تقولين لي..بس فكي ذالنونيه من متى وخاطرتس ضايق
نوره تنهد:غصب عني موب بيدي امي من جهه ومفلح من جهه ابوي مانع ازيارتنا له لا انا ولا لمياء
راشد يجلس وبستغراب:ابوتس عليه منطق الحمدالله الي مامنع امتس
نوره ببتسامه:عارف انه موب قادر عليها لو تسوي مشكله
راشد :انا الي بوديتس له اذا طلع ابوتس دخلنا
نوره ببتسامه فرحه:والله
راشد يبتسم بحماس :اذا جاء وقتها اجهزي وقولي للمياء بعد
نوره :لمياء عندها امتحانات اذا قدرت ادخل عليه جبناها المره الثانيه اذا خلصت
راشد :مافيه مشكله قبل اذان العصر تكونين في السياره
نوره بستغراب:بدري
راشد:ابوتس اذا دخل معاد يطلع خلينا نصلي بمسجد هناك ندخل عليه ونطلع قبل يجي ابوتس
نوره بوجل:طيب
راشد يوقف:انا بروح لدوام تبين شي
نوره تمشي معه"سلامتك
انزلو تحت عند امه الي جالسه عند ادلالها
راشد :صبحتس بالخير
ام راشد:صبحه بالنور
نوره :توى الساعه سبع تقومين بدري ياعمه
ام راشد:وش اسوي ارقد بدري,,, وانتي ماعليتس مني ارجعي ارقدي
نوره تجلس جنبها :مافيني نوم بجلس معتس
راشد :انا طالع مع السلامه ..طلع وام راشد تلف لنوره
ام راشد:وش اخبار امتس
نوره :طيبه
ام راشد:اييه عين وصابة مفلح
نوره تبتسم :عقب عرسه ماتهنى
ام راشد:خمس اسنين لمياء عادي عنها
نوره بستغراب:وش الي عادي عندها
ام راشد:ماقالت انها بتطلق
نوره بعتراض:لاااا مستحيل تقوله موب غرب حنا عشان تسوي فيه كذا
ام راشد:يمكن لاتطلق تنفك منه العين
نوره :ومن قال عاد انه عين
ام راشد:اقوول يمكن والله يفرج عنه
نوره بهدؤ:انا بروح فوق برقد شوي
ام راشد:شغلي التلفزيون معتس
نوره :ابشري ..مرت التلفزيون شغلته ورقت فوق افتحت ساره الباب واطلعت
ساره :صباح الخير
نوره :صباح النور ..بتروحين الحين
ساره بملل:اييه اليوم اخر درس بالكورس هذا
نوره:مافيه امتحان
ساره :بعدين بعد مانخلص كل الكورسين انا طلبت كذا
نوره :الله يوفقتس ..
...
فى بيت محمد صديق مفلح
سميره تدخل بكتبها راجعه من الامتحان وتحذفها على السرير
محمد منسدح ويناظرها :شوي لوتس فالقتني
سميره بضحكه:وانت تنفلق ..
محمد براعه :اهب ياوجهها
سميره تبتسم :تعال وش اخبار مفلح
محمد يحك راسه:موب طيب اول مره توضح مشاعر ويبان فيه الهم على كثر حياتي معه ماشفته وضح كثر ذالمره
سميره :ماينلام حياته تلعوزت معرس ومسجون ومنزل من وضيفته
محمد يتنهد:الله يصبرها ماتصدمه بطلاقها
سميره بعتراض:مستحيل تطلب الطلاق بتنتظره اكيد
محمد :الله يسمع منتس
سميره :الساعه 11 طالع بدري
محمد :بعد الغداء برجع ..حرك السانه بفمه بدون اهتمام.. اشتقت لتس وجيت استقبلتس
سميره :ااهااا طيب قولها بشوي رومانسيه اوضحت انه كذب
محمد يضحك ويطقها على ظهرها:دايم مفلح يقول انت منتب رومانسي
سميره تنهد:اذا علمتك بينفع
محمد:هههه بينفع ليه لااا بس زودي الجرعه الوقت الحاضر لاني اشوف البنات كاثرات حولي عقب ماختفى مفلح
سميره تناظره وتوقف:امتحان وتبيني اشك بعد كيف اذاكر
محمد يضحك:لا تشكين ابد انا استحي يصب مني العرق ان قربن معليتس من خوتي لمفلح ترى ربي خلق وفرق
سميره تبتسم بشك:عااد امانه لاتعطيهن وجه ترى بيوهقنك
محمد يبتسم على كلامها:امااانه ماعطيهن وجه هاا.
...
فى البر عند بو سلطان
ابو سلطان :انا بدخل في الخيمه ارتاح
وقفو الحضور الي عنده وبدو يطلعون
محمد :تبي ترتاح
سلطان :لا نايم امس بدري مافيني نوم
محمد:الجوو حلو ودافي
سلطان يوقف:اجل مشينا نتمشى شوي الى ان يرقب وقت العصر
محمد:توكل على الله ...
توجهو لسيارتهم ساق سلطان ومحمد جنبه اطلعو من المخيم
محمد:وش لونه ناصر في ذالمدرسه
سلطان يعنز اظهره ويده على الدريشه :ماشي..ولد مانع معه وبادي يندمج معهم
محمد:ولد مانع رجال وعاقل
سلطان بسرحان فجاءه ناظر للباطن وشجره حس بحراره تدخل جسمه من اصابع رجليه تمالك نفسه ولف لمحمد متصنع ابتسامه :اقول ابن فطيس شاعر
محمد :وفيها شك
سلطان يقرب من الدركسون حاوطه بيديه راكز ظهره وهو يمشي بهدؤ:اجل اسمع
استرسل بكلمات القصيده بهدؤ وهلها بصوت عذب
البارحه ربي كتب لي ومريت
دربن عليه بروق الاحباب لاحت
جيت المكان الي جمعنا وخفيت
وقامت اجروحي للجوارح وصاحت
ياليتني في لفت الدرب زليت
كان العيون من الدموع استراحت
التم غيم الدموع من يوم لفيت
وورق القصيد لشوفة الغيم ناحت
وضحكت ابي الناس تدري يوم الفيت
لاكنه غصب عن العين ساحت
حارت ادموعي في عيوني وصديت
وارمشت ابيها ماتبين وطاحت
وعقبه برق في العين براق واسقيت
خدي ووناتي وصدري تلاحات
وانا احسبني في افراقه تعافيت
وان عبرتي من مدخل ازاد زاحت
الي يحسبني على البعد سجيت
ولا ان عيوني في الراقاد استباحت
ياليتني من قبل لاحبه اقفيت
ولا ان دروبي عن ادروبه تناحت
اهون علي من البكى والتناهيد
وشلى من شدودن على الناس لاحت
عرفت كيف الحي يفرق عن الميت
وعرفت قيم نعمتي يوم راحت
قولو لها اني عقب بعدها تدانيت
ورجلي عن ادروب المعافين شاحت
البعد نار وطاعت العذل كبريت
رص على شفايفه بقوه ومحمد يلف بنظره لسلطان
محمد:انا جربت قبلك الي تمر فيه حل مشكلتك صعب
سلطان يرجع بظهره للمسند وبتاثر:صعب وصعب جدا انا لانسيت ولا عشت حياتي طبيعي
محمد:ماقدرت تحمل خطاها وتغاضى عنه
سلطان بهم:مشكلتي موب بالسماح..مشكلتي اني عارف اني خلاص مراح اروح لها ارجعها هذا الي موجعني
محمد يناظر له ووجه الي اسود وعتم مغتم اييه يعني ماقدرت تغلب عزة نفسك وغلبت حبك لها
سلطان يوقف ويفتح بابه دز الباب الى انفتح كله وطلع رجليه برى
سلطان :شفت مكانهم
محمد :هذا هو
سلطان :ايه معادهم موجودين
محمد:احسن لك
سلطان يلف له ببتسامه :صح احسن لي يبعدون عن المنطقه ...
محمد بتردد :بسالك
سلطان :سم
محمد:تحبها حب عشق ولا مثل اي وحده تمر القلب وتروح
سلطان مازال ملقي محمد ظهره وبنظره دافيه:تشوف المكان ذاه ثراه مشت عليه رجليها اعشقه يامحمد ..هناه مر زولها وخذا قلبي
محمد ببتسامه متعجبه :اجل لاتضغط على نفسك ابعد من مكانهم خلن نرتاح تجهز للعصر
سلطان يطلع من السياره ويلف لمحمد:روح ودي اجلس لحالي ..
محمد بعتراض:وكيف ترجع
سلطان يبعد من محمد:بجي برجلي..
محمد يطلع من مكانه ويروح لمكان السايق ركب وشغل السياره مبعدها من سلطان الي وقف في مكانه وماقدر ينزل عينه لمكانهم ونظره بسماء استنشق هواء بعمق وغمض عيونه دندن بشيلة بصوت عالي يعود قصيدة ابن فطيس ويمشي لمكانهم لااثر لها ولا لهلها اجلس على حزم صغير وعينه تجول بمكانهم بشوق وبصوته الي ترجاها دايم يشيل لها شيله من قصايده تنفس وعلى صوته
ياليل ماتدري عن اديارها وين
الجادل الي طيفها ساكنن بي
قفت ولااعرف دربها راحت منين
بس الاكيد ان رمحها طاعنن بي
عرفتها يومين بحساس عامين
ولعيونها الثنتين قلت اعتنن بي
يامسهرتني من فجر يوم الاثنين
لو اروي اعروقك شعر يفطنن بي
....
فى قصر سلطان
موضي تدخل بيتهم وتنادي اهل البيت
ناصر يطل عليها من الصاله الجانبيه :مرحباااا اختي الكبيره
موضي تبتسم:مرحبا بك اخوي الصغير..وين اخوي الكبير
ناصر:راح مع ابوي الى البر وتركني
موضي:هههه ياالهي ..وينه نواف مابعد جاكم
ناصر:لا من راح للقاهره وهو يجي يوم يومين ويرجع ..بكره بكره بعده يمكن يجي
موضي تجلس:وش اموديه
ناصر:سمعت سلطان يقوله الشركه راس مالها بدايته من مصر وافضل له يروح اهناك الى تاسس زين ويرجع يفتح لها فروع اهناه
موضي :مافيه مشلكه ..توى امي ماوصلت
ناصر يناظر ساعته :خمس دقايق بتوصل
انفتح الباب وادخلت ام سلطان استقبلتها موضي وسلمت عليها
ام سلطان بتعب:وش لونتس
موضي :انا طيبه وش لونتس انتي
ام سلطان :طيبه ..ماجاتكم دلال
موضي:لا مانبيها تجي بسلم عليتس وبروح
ام سطان بعتب:مايصلح انا وانتو عليها
ناصر :ترى البنت معليها اخلاف
موضي بدون اهتمام:اذا جاء قابلتها عشانه ام الحين مراح اناديها
ام سلطان :انا الي بناديها ..خذت جوالها ودقت عليها تنزل
ناصر:غريبه يمه
ام سلطان بهم:وش اسوي حاله مايسر وخاطره شين ماقدرت اصبر اشوفه كذا
موضي تنهد وتصنع ابتسامه لدلال الي انزلت لهم
دلال :اهلين
موضي توقف تسلم عليها:اهلين فيك ..
اجلست دلال جنب خالتها
دلال :وش اخبارك وين اعيالك
موضي:ماجاؤ مراح اتاخر ساعه بالكثير ورايحه
دلال :حرام سلطان موب موجود
موضي:دقلي بيمرني اذا جاء من البر
دلال :ااهاا.. وبتردد.. الصراحه اختك النايفه زعلتني وماكان استقبال حلو
موضي ببتسامه محرجه:ماعليش هي بعد ما كانت جاهزه وانصدمت من خبر زواجه ماقال لنا
دلال ببتسامه:معليه اهم شي مايكون بينا شي شين
ام سلطان :لا المره الثانيه تلقينها غير كانت مشتاقه لاخوها
دلال كذا مشتاقه اجل لو زعلانه منه وش بتسوي فيني
ناصر:الحين اهلك وينهم
دلال :امس راحت ماما وبابا لجده
ام سلطان :توى الاجازه مابدت
دلال :مافيه عندنا احد يدرس وخوالي اهناك راح يتجمعو بشاليه
موضي:ماقلتي لسلطان تروحين لهم
دلال :لا مابغى اروح
ام سلطان :معليه سلطان مايحب مرته تكثر الغياب عن بيتها
موضي تناظر امها الي واضح انها صارت اتايد كلام دلال ومدري من خاطر ولا من وراءه
...
فى بيت بو مفلح
نوره تدلك راس امها:يمه اهدي ربي فوق كل ضالم
ام مفلح تمسح ادموعها وترجع تنزل مره ثانيه :ابعيده الرياض ليه يعجلون بنقله اهناك كان يقول بعد سنه
نوره بحزن:اشتكي لله
مساعد يدخل عليهم ويجلس جنب امه:ابوي يقول خليهم يجهزون بعد العصر نروح له
نوره بضيق بيروح لرياض وخططنا انا وراشد بتلغى كيف اسلم عليه
نوره تناظر امه برجى:قولي لابوي يخلينا نروح معكم
مساعد:ابوي يقول كلكم حتى انتي
نوره براحه :زين ولمياء
مساعد :ولمياء بعد بس حذرنا لايدري احد
نوره تقوم:اجل بروح ادق لها ..راحت للجوال دقت عليها
لمياء ترفع السماعه:الووو
نوره:السلام عليكم ..كيف الحال
لمياء :وعليكم السلام طيبه ..وشلونتس
نوره:الحمدالله لمياء تجهزي العصر بنمرتس نزور مفلح قيل يروح لرياض
لمياء بشهقه راعه:خلااص بيروح
نوره تنهد بالم:ايه اليوم الصبح علمو ابوي عشان نسلم عليه وبيروح بكره
لمياء تمسك نفسها من البكى:طييب مروني
نوره :زين ..مع السلامه
صكت لمياء منها ولفت لامها
لمياء :مفلح نقلو سجنه للرياض
ام فهد بحزن:قالي ابوتس بس مابغيت اقولتس وانتي مازرتيه
لمياء وعينه تعبى دموع:بزوره اليوم
ام فهد:احذري تصيحين قدامه ويضعف
لمياء بقيلة حيله:ماقدر
ام فهد تمسح شعرها :اصبري ..روحي قولي للهنوف وعلمي نوف انا بعد بروح معكم والبيت بيفضى
لمياءؤ تقوم:طيب ..راحت للهنوف النايمه اتركتها وراحت لنوف تكلم رجلها وتهدهد ولدها
لمياء تاشر بيدها لحظه شوي
نوف ويدها على السماعه:هلا
لمياء بروح العصر لمفلح .. انتي والهنوف بلحالكن
نوف:معليه الله يحفظكم سلمو لنا عليه
لمياء تهز راسها وتطلع ونوف ترجع تكلم مبارك
بعد العصر اطلعو كلهم ام فهد ولمياء لسيارة ابو مفلح
لمياء طول الطريق مغمضه عيونها وتدعي انه الله يلهمها الصبر وتهدء قدامه . . اوصلو لباب السجن على فتحت باب الزياره ادخلو عليه ماشافو احد كانو بحجره منعزله عشان الحريم
اجلسو بكراسي الانتظار دقايق وانفتح الباب ماسكه الشرطي فك كلابشه ودخله عليهم
ارفعت عيونها شافته ولحيته الخفيفه باديه تظهر والشرطي ماسكه وكنه مجرم غطت وجهها بيديها وبكت بصوت مسموع
ام فهد برتباك :لمياء قصري صوتس
رفع عينه من ورى امه الي تقدمت تسلم عليه شافها عرف يدها النحيفه صد بسرعه سلم على امه وابوه ام فهد مادرت وش تسوي هدت لمياء وراحت تسلم عليه بعد ماخلصو اقربت نوره وسلمت عليه صاحت بحزن
نوره بصياح:شكلك متغير
مفلح ببتسامه جانبيه:محلو
صاحت وماقدرت تكلم
مفلح يناظر جهتها ماقامت ويديها بحظنها وواضح انها تشهق كره سلبيتها اتجاهه حتى وهي من زمان ماشافتني مارفعت اعيونها صوبي صد بجسمه عنها وجلس جنب امه وابوه
ابو مفلح بستغراب:لمياء ماشفتها
مفلح يمثل عدم المعرفه:جااات
ام مفلح :شفها على الكرسي
مفلح بتوتر:مانتبهت وماجات تسلم معكم
ابو مفلح بعتب:الله يهديك بتستحي تجيك قدامنا
هز مفلح راسه وقام اتجاهها قرب منها بكرسي منفرد جلس قدامها نص جلسه
مفلح يتامل ملامحها الحزينه وبهدؤ:لمياء
ابلعت ريقها وبدت دموعها تنزل مره ثانيه
مفلح يزم شفايفه :ماسلمتي علي
لمياء بصوت باكي:وش لونك
مفلح يمسك يدها:مانيب طيب ...
ارفعت راسها له بسرعه ناظرته ونزلت راسها
مفلح بعتب:ليه ماتبين تشوفيني
لمياء تشهق:ماقدر اشوفك وبعد شوي بتروح
مفلح تردد يقول لها صبريني في البعد عنكم بحبك بس سكت مدام هي مابدات من خاطرها بسكت . . باس يدها انكمشت يدها بحظنها اكثر ناظرها شوي وبعمق ترك يدها قام لهله وهي تحط يدها على فمها تمنع شهقاتها . . جلس بجمود عندهم يتكلمون ويصبرونه وماكان يمهم استرق نظرات سريعه لها ماكانت مع العالم منزله راسها وعيونها تناظر سراميك لحجره وكانها تامله . . بعد شوي نبهو لانتهاء الزياره ادخلت ام راشد بسرعه والشرطي واقف عند الباب وبيده مفلح
اشر الظابط للشرطي يخليه هده الشرطي سلم على عمته الي بكت ودعت له . . طلع من عقبها وامه وخالته متماسكات ويصيحن طلعهم ابو مفلح وهو يزجرهن يقصرن صوتهن لفت نوره للمياء الجالسه بمكانها ماتحركت . . راحت لها ونزلت راسها لها
نوره بحنان:لمياء مشينا
ارفعت راسها بشرود :متى بيجي
نوره توقفها بقوه وتمسكها:اذكري الله واصبري شوفي امي وتهون حالتس
مشت معها لمياء وراسها يدور فيها والناس تكلم بصوت ماتسمع منه شي طلعتها نوره برى وراحو لسييارتهم
مفلح يتنهد بهم :قل للظابط ابو رايد لو يقدر يجيني محمد شوي
الشرطي :ابشر وبهزمه يوافق
مفلح يلف منه :ماتقصر..
راح الشرطي لظابطه علمه يطلب محمد وافق الضابط ونادوه له من قسمه بنفس المركز
محمد يقرب منه من ورى حديد السجن :امر يابو سعد
مفلح بتردد ويأس:تقدر تروح لعمر وتخليه يبدل اقواله
محمد يفرك يديه ببعض بتوتر:هو يوم ادلى باقواله كذب فيها ويقول انك انت الي علمته بوقت المداهمه ..كيف تبيه يبدلها بيطلع كاذب وخاين بعد بيخاف على نفسه وانت ماهميته
مفلح بضعف:وش السواه ان رحت للرياض اتاخرت محاكمتي ..
محمد ينزل راسه بحزن :توكل على الله والي بيدي بسويه ..
مفلح بصوت خافت :لا اله الاالله ..يارب صبرني..ابعد من حديد السجن وراح لمكانه يجلس تنهد محمد بالم لو ابوه شافه بذالحال وش كان بيصير له . . طلع من السجن وتفكيره يعذبه لانه مايقدر يساعد اقرب قريب له
...
اليوم الثاني مشت سيارة السجن تبع مفلح للرياض من درت امه وهو منخفض عندها الضغط ومنسدحه بفراشها اجلست عندهم ام راشد وساره مع نوره
. . . . . . . . . . .
فى بيت بو فهد
نوف ترضع ولدها بحظنها وتناظر امها الي تمسح شعر لمياء منسدحه وحاطه راسها بحظنها
الهنوف تجلس جنب نوف:كلت شي من الفطور
نوف :حتى امي ماطب بطنها
الهنوف تمدد جنبها وبتعب:بطني يعورني اليوم
نوف تلف لها وبقلق:من متى
الهنوف:توه الصبح من قمت
نوف:وش باقي على سبعه
الهنوف:توني بالسادس
نوف :الله يستر عليه
الهنوف تلف عنها:امييين
. . . . . . . . . . . . .

نهايه البارت

[7btin]

72

عند سلطان
بعد ماخلص اجتماع ابوه امس مشى ما انتظره راح هو ومحمد لف لنواف بالشركه وبعد ماصلى العشاء راح لموضي دخل غرفة الضيوف ورقد فيها رافض العشاء
اليوم الثاني جالس بالشمس الساعه تسع تحت مضلات الحديقه مدد رجليه وعنز يديه ورى راسه
موضي تاشر للخدامه تحط الفطور على الطاوله قدامه حطته الشغاله وراحت
موضي تجلس قدامه:افطر امس ماتعشيت
سلطان يعدل جلسته ويمد يده للفطور :مكنت مشتهيه امس
موضي تنهد:ليكون ابوي سبب لك مشكله
سلطان ووجه مجهم:لا موب ابوي ..
موضي:وش فيك شكلك تعبان
سلطان يشرب كاس المويه ويمد يده للمنديل :خليتس مني وش اخبار اهلي
موضي تناظر اكله:اهلي طيبين امي جات من بعدي..
سلطان :وطبيعي مثل مانا عارف ماكانت دلال موجوده
موضي بحراج:صراحه ماطلبتها
سلطان بهدؤ:اذا كانت مفروضه عليكم احترميني ورايي فيها وانها مرتي موضي بفشله:امي جات دقت لها تنزل وامي تغير اسلوبها واضن هذا اكثر شي تبيه
سلطان بعدم فهم:وش لون تغير اسلوبها للاحسن ولا العكس
موضي:للاحسن كان تكلمها بحنان وطلبت منا نحسن اسلوبنا معها..وصراحه بعد كلام امي تغيرت نظرتي لها واشوف انها حليوه وتنحب
سكت سلطان وموضي كملت بمزح:ماقلت فيها قصيده
سلطان بجمود:القصيده ماتجي غصب
موضي تبتسم:والهنوف كل شوي سامعه لي كم بيت وا...
سلطان بجفاف يقاطعها وياشر بكف يده :موضي موضي مابي اسمع شي موضي بستغراب :وش قلت
سلطان بصرامه:كان بتقولين..وقف البس نظارته الشمسيه.. انا بمشي للبيت تبين شي
موضي:سلامتك...
طلع من اسوار البيت وهي تفكر غريبه ليش مايبي طاريها على ماظن انه طلقها صح اني استغربت كانت كامله والكامل وجه الله ويحبها بس لذا الدرجه وانا مادريت او كان بحياتهم الخاصه شي مادريت عنه اكيد ولا ليش رفض كلامي عنها جات رفيف تمط عيونها من النوم والشغاله تشيل ولدها الصغير بعد ماقام . . اجلسو عندها واقعدت تفطرهم
...
فى بيت بو فهد
بعد مابدت امتحانات الطلبه كانت امتحانات الكليه خالصه ابو فهد قالهم بعد مايخلصون الامتحانات يروحون كشته ايام قليله للبر بمكانه الجديد اقريب منهم بينه نص ساعه ام فهد اعترضت الهنوف على وجه ولاده ونوف نفاس وبيت اختها محتاس من سجن مفلح وروحته للرياض
توالت الايام وانقضى شهر ونص كان الفصل الثاني بادي والطلبه منتظمين فيه
. . . . . . . . . .
فى قصر سلطان
ناصر يضحك ويرص قبضة يده:احسن يستاهل
دلال تضحك:وش سويت لوه
ناصر:وش سويت لوووه..ورطته مع العيال وطلعت منها
دخل سلطان عليهم وامه بعد ماسلمو على الخاله حصه اجلسو عندهم
سلطان لدلال:صبي لي قهوه
دلال:تبغا
سلطان يهز كتافه:المهم تصبون قبل لاسال مو بعد تقولين تبغا..قامت للقهوه وصبت له
ناصر ماسك ضحكته وفجاءه:هههههه
سلطان :خير انشالله
ناصر مازال يضحك:اتضحك الكلمه معك تبغا.. يالله كيف ماتناسبك
ام سلطان :شكلك متشوبش
سلطان يناظره بنظره جليديه:انت لك دخل بسالفة المشكله بمدرستكم
ناصر بخوف نزل عيونه لتحت:انا بقولك الحقيقه
سلطان يرفع حواجبه بصدمه:يعني انتي فيها..
ام سلطان تناظر ناصر الخايف وبتوتر:خله يقولك السالفه لاتسرع
دلال :ليكون الولد الي ورطته هو الي تكلمون عنه
ناصر يناظر سلطان برعب ويناظر دلال بقهر واحتقار
سلطان بعصبيه:تكلم
ناصر برتباك وخوف:اانا كنت جالس بالفصل جاني صالح يبيني اطلع لان حمد غايب رفضت وقال لي بروح شوي وبجي وانا انسدحت على الطاوله دخل واحد من العيال يحسب اني راقد فتح باب الطؤاري الي بفصلنا وطلع معه منحاش وانا ..بتردد..دايم اتهاوش معه بالكلام ..اغتنمت الفرصه ورحت للمدير اعلمه
واليوم در اني علمت عليه تجمعو برى انتظروني انا وصالح طقو صالح وخلوني انا
سلطان يرفع وحده من حواجبه بقهر:وليش طقو صالح وانت سلمت
ناصر متوهق:قلت لهم انه هو الي علم
سلطان بغضب :وليه تكذب عليه والولد مسالم وانت السبب
ناصر:صالح ترى يسوي معي مصالح موب حبن فيني جاي
سلطان بزجره:انا كم مره نبهتك على سالفة الاسم الي تشيله ماتستغله بوساختك تحط الولد بدالك بالمشكله عارف انك منتب ملموس ..ليه محذرتهم وبيبعدون عنكم كلكم
ناصر بحراج وفشله:مادريت
سلطان بعصبيه :لاااا انت داري بس عشانه موب صديقك ماهتميت له لعنبوك ماتفشلت من اهله وش ذنبه ياكلللب
ناصر ووجه يحمر :بتعذر منه بكره وبعوضه
سلطان بتهديد وغيض:اليوم الي تجيني فيه بالمجلس هو يسبقك له ويطلع لي كلام منك بعد اليوم الي ينحاش ينحاش مالك دخل باحد
ناصر بسرعه:طيب ابشر
ام سلطان تنهد:الله يهديك
سلطان يلف لدلال وبدون نفس:نواف بيجي العصر
دلال:طيب
وقف وراح لحجرته ياخذ قيلوله فسخ شماغه انسدح بثوبه على الفراش وحط مخده على وجهه
دلال تدخل عقبه للحجره اجلست عند رجليه وبحنان:من وصلت من رحلة البر وانت منت على بعضك متضايق
سلطان يبعد المخده عنه:اجواء البر ماعجبتني
دلال :لاتروح مره ثانيه موب حلو جو البر
سلطان يناظرها:تعالي دلكي راسي شوي
قربت منه دخلت يدها براسه دلكته بمهاره وخفه
دلال :شعرك حلو وماكانو اخواني كذا
سلطان يحط يده على بطنها:ليش تاخرتي بالحمل
دلال تنهد بملل وخوف:اذا روحنا بالصيف لا وروبا راح اكشف هناك وانشالله خير
سلطان يغمض عيونه بنعاس:يالبى صيف ايطاليا العام
دلال بفرحه:تحب ايطاليا
سلطان بادي يخدر:اعشقها لحد الجنون
...
فى بيت بو فهد
نوف تاخذ شنطتها ولمياء تمد ولدها لها خذته سلمت على امها واطلعت برى
الهنوف تمسح راس منصور نايم بحظنها:ياحليلها كان معطيه البيت جو
ام فهد:عقبال ماتطلعين من االاربعين
لمياء تبتسم :امين متي بس تولد
الهنوف براحه:الحمدالله ان ابوي قريب منا
ابو فهد يدخل عليهم هو وفهد جاين من مجلس واحد من جماعتهم :السلام عليكم
الجميع :وعليكم السلام
ابو فهد:وش قومكم فرحانين بقربي
ام فهد:افضل لك من اهناك مشوار تروح ولعاد تجي
الهنوف ببتسامه:كنا نتكلم اذا قربت ولادتي فيه احد يودينى
منصور يقوم من حظنها:ابي ارقد
الهنوف :روح فوق بتروح معك لمياء
فهد:استحل حجرتس البزر
الهنوف:انشالله اذا ولدت ينام معي انا وولدي
لمياء:ماظن بتزعجونه ووراه مدرسه بيحول علي غصب عنه
منصور:انا الحين خلوني ارقد فيني نوم
ابو فهد:ههههه قومو ودوه لسريره
منصور برجى :انام عندتس هنوف اذا رحت فوق بخاف ولمياء بتطلع
الهنوف تلف للمياء:خلااص جيبي له افراش
لمياء بقهر:يتحكم فينا البزر..
ابو فهد :عشاني خاطري قومي ..
لمياء تقوم وتناظر لمنصور بغيض جابت له افراش افرشته وراحت تغرف العشاء
...
فى بيت الراشد
راشد بضيقه:اقسم بالله ماصارت ياساره
ساره بعناد:مابيه السالفه مهيب غصب
راشد:وش عشانه عطيني سبب
ام راشد:ساااره ترى حتى انا مليت من حركاتتس
ساره برجى:نفسي عايفه العرس تكفون لاتجبروني
نورره بصوت هادي:استخيري
ساااره:استخرت كم مره بس مابيه
راشد بعصبيه:عشانتس ماحطيتي ببالتس الموافقه
سااره بسرعه:خلااص علي لا ..اي احد غيره بوافق لو شايب
راشد يناظرها بقهر:وليه ترفضينه وتوافقين على شايب
ساره :كان يبي الهنوف مستحيل اوافق
نوره بستغراب:بس الهنوف موب صوبه والرجال خاطبتس انتي
ساره :انا خلاص رافضه مستحيل اوافق
راشد يقوم عنهم بغيض ويطلع
ام راشد بقهر تكش عليها :بتندمين بس وش عقبه
اسكتت ساره وصدت عنهم والله حياتي ويتحكمون فيني الي ابيه بوافق عليه
,,,,
فى بيت بو فهد
قامت بنص اليل راحت للحمام وارجعت لفراشها منصور نايم في اخر الحجره والفراش موب صوبه راحت له حاولت تسحبه لفراشه وتلحفه ماقدرت حست بظهرها كانها ينكسر خلته وحذفته عليه بطانيه بمكانه
انسدحت في فراشها والالم يرجع لها اقعدت بسرعه خذت نفس وانفخت بقوه جات بتنسدح ماقدرت والام يشتد تاااؤهت بوجع وظهرها للجدار نادت منصور بصوت خافت والجوال مافيه رصيد علت صوتها ببكى تنادي منصور الام يزيد تلفتت حولها شافت كاس المويه احذفته قريب من منصور الي اوصله بعضه قام مرتاع وقعد يتلفتت براعه
الهنوف بالم :منصووووور
منصور يناظرها ببلاهه:وش
الهنوف تصيح :رووح ناد امي بسرعه عجل
قام بسرعه وهو يركض لحجرة جدته طق الباب بقوه وافتحه
منصووور:جدددده الهنوف تبكي تعبانه
ام فهد براعه تقوم وتلف له :اسم الله عليك وشفيك
ابو فهد يقوم ويناظره :وش فيكم
منصور:الهنوف تعبانه تبيكم
قامت معه ام فهد بسرعه وراحت لها شافتها منسدحه على الارض وتصيح
ام فهد بخوف:اسم الله عليتس سمي بالله ..اصبري تحملي شوي بنروح للمستشفى
شافهن ابوفهد وراح للسياره وام فهد تروح منصور للمياء اتناديها راح منصور لفوق وام فهد تاخذ الهنوف للسياره وصلتها ولمياء تركض لهم بعباتها البست طرحتها بالسياره وعلى المستشفى اوصلو له على الطؤاري نزلوها بعربه ادخلت غرفة الولاده على طوول
واقعدو يحترونها برى ساعه الاربع واطلعت لهم الممرضه
ام فهد بخوف:بشري ياسستر
الممرضه :لا مشالله كلو كويس بنت هلووو مره
لمياء تضحك بفرحه وابو فهد يتنهد براحه
ام فهد:ومدام كويس
الممرضه :كلو كويس نوم الحين
ابو فهد :الحمدالله على ذالساعه ..بعد ماطمنتهم الدكتوره ارجعو للبيت قبل يشوفونها اما منصور الي جالس على العتبه هو وفهد يحترونهم قومه منصور عقب ماراحو اقعد يصيح وراح معه للباب ينتظرونهم ادخلو عليهم البيت وبعدها محد راح يرقد يحترون اذان الفجر ياذن
..
فى قصر سلطان
ام سلطان تناظر سلطان بقلق:سلطان عسى ماشر
سلطان يناظر قدام وبهدؤ:ماشر انشالله
ام سلطان بخوف :منتب طيب باين عليك التعب
ناصر:نواف فوق اقومه
سلطان يلف له:وليش تقومه
ناصر بتردد:عشانك
سلطان :وانا وشفيني
ام سلطان:محموم وجهك احمر ...قامت من كرسيها واتجهت صوبه حطت يدها على جبهته
ام سلطان بخوف:انت حااار ارقى فوق بندق لطبيب يجيك
سلطان يوقف:عندي شغل لازم اروح... عشان شوية حراره اكلم الطبيب ...اطلع منهم وامه تناظره بستغراب
ناصر:تعبان حتى وهو جالس جنبي احس بحرارته
ام سلطان بضيقه:نازل من فوق ماشافته دلال ودرت انه تعبان
ناصر :اشك انها قايمه
نواف ينزل مع الدرج سلمو عليهم وقعد معهم على الفطور:وينه سلطان
ام سلطان:طلع وهو تعبان
نواف يناظرها:وش فيه
ام سلطان :شكله محموم ..انا بروح فوق ..اطلعت لجناحه طقت الباب اقعدت شوي وافتحت لها دلال
دلال وواضح انها قايمه من زمان :هلا خالتي
ام سلطان :انتي داريه ان سلطان تعبان
دلال بستغراب وخوف:لا قبل ساعه نزل مافيه شي
ام سلطان بقهر:من شوي شفناه ماحسيتي بحرارته
دلال بنرفزه:قلت انوه نزل من ساعه يمكن طلع برى وبرد لو محموم عرفت
ام سلطان تناظرها بشك لفت عنها وانزلت
ادخلت دلال لجناحهم غريبه لبس نشيط ومافيه شي وطلع قبل ساعه راحت لجوالها ودقت عليه
اتاخر مارد شاف رقمها تردد يرد عليها حس انه ماله نفس احذفه جنبه قبل ساعه راح ياخذ اوراق حاطتها النايفه في درجها بخصوص دراساتها بالجامعه دخل حجرتها فتح الدروج مالقى شي راح لدرج سريرها فتحه شاف مجموعه صور حذفها بالدرج مره ثانيه دق لنايفه يتاكد وين حطتها
علمته بدرج داخل دولابها فتحه فاضي الامن بدله كحليه فيها من بعد سبع شهووور وريحة عطرها فيه ناظرها شوي يبي يتذكر وش الاحساس الي دخله فجاءه..ريحتها انا اذكرها حتى البدله البستها من عقب ماسافرت لمدريد وجات تفزع بي من النايفه هاذي هي البدله وهذا عطرها وهذي صورتها ببالي ماراحت ..مسح شعره بتعب وقوه سمع جواله يدق مره ثانيه طنشه وحرك يده في الهوء بمعني ويني وين النسيان
نواف يدخل عليه بالمجلس شافه منسدح بالمجلس ويده على جبهته وسرحان
نواف:سلطان
سلطان يرد بهدؤ وهو على وضعه:هلااا
نواف:وش فيك اهناه ماعندك شغل
سلطان يبعد يده ويجلس:ماعندي شي اليوم ..
نواف بطيبه:هاا وش وفيك ياخوي عندك شي مضايقك اقدر اساعدك فيه
سلطان ببتسامه:سلامتك..
نواف:اكيد
سلطان :تطمن..وش وجهتك الحين
نواف:اليوم بداوم بالرياض بعد بكره بجتمع بالعمال في القاهر وبيلحقوني اهناه بعدي بسبوع
سلطان :الله يعطيك العافيه ولايهينك
نواف بتردد:امي منشغله داخل لو تقدر تدخل لها تطمنها نك
سلطان يرجع يتعنز:مافيني الاالعافيه بجلس شوي وبرجع اطلع للرياض
نواف يناظره :انت الي بتسوق
سلطان:لا بيروح معي مسعود
نواف:زين اجل تامر علي شي ..ماشي
سلطان :سلامتك وماتشوف شر
نواف:الشر مايجيك مع السلامه
سلطان :مع السلامه..اطلع منه وراجع يغمض عيونه بدون التفكير في اي شي
....
فى النعيريه- فى المستشفى
الهنوف توعت عقب البنج تلفتت حولها تنفست براحه امس كاني بغيبوبه غمضت اعيونها براعه وهي تذكر الالم حسبتني بموت
ادخلت عليها الممرضه بسرير بنتها
الممرضه :سلاام ماما
الهنوف ببتسامه راحه:وعليكم السلام
الممرضه:انشالله كويس عشان رضع بيبي
الهنوف تناظر بسرير :ايه جيبيها خلن اشبع من شوفها ..خذتها وحطتها بحظنها ابتسمت ودموعها تنزل
الممرضه بحنان:اوووه مافي ابكي شوف بنت كويس
الهنوف تناظرها وعينها مليانه ادموع:الحمدالله ..بس مابيها لحالها لو سلطان جنبي ..هزت راسها بالم وبكت بقوه
الممرضه بمواساه تهز راسها :مافيه مشكله انشالله يجي سلطان سوي تلفون
الهنوف تهز راسها بتصريف لقمتها ثديها وارضعتها بيضاء بس ملامحها مابانت حطت يدها على وجه بنت بخفه وصاحت بقوه وينك ياسلطاااان انا مشتاقتلك احبك حرام عليك وش عيشتني فيه وش سويت بحياتي عقبك..
....
فى بيت بو مفلح
نوره ببتسامه تجلس جنب امها:بروح لهم كلنا اليوم نسلم عليها
ام مفلح ببتسامه حزينه:انشالله لاجاء العصر روحنا
مساعد :مشتاق اشوف بنتها اكيد صارووخ
نوره :اهب ياوجهه قل مشالله
مساعد:مشالله تونا الضحى متى يجي العصر
ام مفلح:يالله ان تكفينا شره
...
فى قصر سلطان
سلطان يناظرها بعصبيه وصدمه:نعمممم
دلال بخوف تلعثمت :انا سالت اول اذا فيه احد وجيتك
سلطان يقرب منها وبقوه عطاها كف وبقهر:انقلعي ..اشوفتس اهناه مره ثانيه
دلال تبكي بقهر:جيت عشانك
سلطان بصرراخ:لاتجين عشاني ولاتسوين اي شي عشاني ..وان بغيتي تروحين لهلتس افضل بعد
دلال بصدمه وراعه :خلاااص انا اسفه اذا سويتها مره ثانيه سوى الي تبي ..لفت عنه واطلعت من المجالس بسرعه
ناظرها شوي ورجع يجلس تنفس بقهر ابعد منها وتلحقني وتوصل الى هناه بعد
دلال تدخل البيت وهي تصيح
ام سلطان براعه:وش فيتس
دلال تمسح دموعها وتقرب منها:سلطان ضربني كف عشان روحت اتطمن عليه
ام سلطان تناظرها وبرحمه:هدي نفستس وينه فيه هو
دلال :بالمجالس الخارجيه
ناصر بقوه:وجيتيه اهناك
دلال بتبرير:بس انا سالت مافيه اي احد
ناصر:ولووو تستاهلين ماجاتس اصلن احمدي ربتس مالعن خيرتس
ام سلطان :نااااصر لاتزعجني كان طلعها بهداوه موب يطقها بعد
ناصر بقهر:لاوالله قولي ذالكلام قدامه موبقدامي انا
دلال:اصلن خلاص توبه اروح اهناك مره ثانيه
ناصر يناظرها بسخريه:توووبه شفتي ماكرهتي ..مالت عليتس
ام سلطان بعصبيه:ما تستحي على وجهك ياقليل الادب
. . . . . . . . . . . . . .
فى بيت بو فهد
لمياء تاخذ البنت وتبوسها:يالله ماصغرهاا
ام مفلح بحناان:الله يجيب اليوم الي اشوف اولدتس ومفلح يشيله
لمياء بشوق ناظرتها ونزلت راسها لصغنونه
ام راشد:وش بتسمينها
ساااره:اكيد رفيف
الهنوف تناظر بنتها:لاا
نوره:تقولين اول بنت لي رفيف
الهنوف تبتسم وتناظرهن :معاد اعجبني..بسميها علياء
ام فهد تاخذ البنيه:علياء يهبل وش زينه
غزيل تدخل بسرعه وفرحه:وينها وروني اياها
غزيل توجه صوب امها وتاخذها :اسم الله عليهاااا يالبى فمهااا يازينها
اقعدو يسولفون جاتهم نوف ومنيره ماجات الاعقب العشاء
تعشو عندهم وراحو على وعد يجونهم كل ماحانت لهم الفرصه
الهنوف تمدد بتعب جسدي ونفسيه مرتاحه:لمياء
لمياء تلف بنتها وتحطها جنبها:لبيه
الهنوف:روحي فوق نامي لانزعجتتس
لمياء :لاا بنام اهناه انا ودي منصور بعد قالي بجي ارقد معكم
الهنوف:كيفكم موب لازعجناكم بصوتنا تاففون
لمياء تبوس علياء:ازعاجكم طرب
الهنوف ببتسامه:يابعد روحي الله يعوضتس خير
منصور يدخل عليهم ويجلس جنب الهنوف على افراشها:قولي لها تجيب افراشي
لمياء بقرف:الحين مدام امي موب موجوده امعصي روح جيبه انت..
منصور بتعب:مافيني حيل
الهنوف تناظره بحب:فديتتس عشان خاطري ذالمره وبس
لماء تقوم:يالله كلن يقومني عشان خاطره ..لخاطرتس اخر مره
الهنوف :ههههه
منصور ينسدح جنب الهنوف ويده على بطنها:اهم شي يجي الفراش
الهنوف تحط يدها على يده:تعبت اليوم
منصور بكذب:ايه لعنبا رياضه وعندنا امتحان وكدني فهد كد روح جيب وجيب عشان مساعد اهناه
الهنوف:امك تقول قولي له اذا يبي يرجع معي للبيت بس انا رفضت..تبي تروح عادي
منصور بعتراض:لااا عندكم الحين علياء..بشيك على مرتي من قريب
الهنوف تبتسم:بس اخاف تصير ملقوفه وتطقك عادي
منصور:والله لاطقها
الهنوف تناظرلمياء الي ادخلت :ذيك الحزه من افزع معه
لمياء تفرش الفراش:وشفيكم
علمتها الهنوف ولمياء تناظره بستحقار:وهذي الي حسبناك بتفزع لها بتطقها
منصور بفشله:اذا بدت هي بطقها
الهنوف:هههههه لاتحرجينه
...
فى قصر سلطان
تناظره بعتب ومبرطمه دخل مطنشها بدل بجماته وراح لغرفة الجلوس شغل تلفزيونها وجلس فيها اقعدت شوي بقهر ضاربني ولا يرضيني الله يصبرني عليه..شافته ماجاء اصبرت شوي وراحت له بالغرفه مندمج يناظرالتفزيون جات واجلست جنبه
دلال :انا اسفه ماكان قصدي اجي عندك بالمجلس
سلطان بجمود:انتهت السالفه
دلال برجى:خلاااص طيب وش الي يخليني اعرف انك مو زعلان
سلطان يناظرها بهدؤ:اذا قلت انتهت انتهت تبين اتجربين واحد ثاني ...وهو ياشر لها بيده بمعني يعطيها كف ناظرت له بخوف واسكتت على طووول ولفت تناظر التلفزيون تغير مرره ماكان كذا صح مو مره معي بس كان اسلوبه حلووو على الاقل يعطيني امل...
تشجعت ووقفت بتردد:تبغا احاول معك واخليك تميل ليا ولا نسيت
سلطان بقرف تافف :وبعدين معتس
دلال بحباط:ماصارت انا زوجتك كمان
سلطان يدخل يده بشعره وعنز راسه على المسند:انا انسان ماتعودت اعطي الطرف الاخر اهتمامي اذا يرضيتس الي تشوفين ماعندي مانع استوعب وجودتس بحياتي
دلال بصدمه:وانت الى الحين مو فاكر فيا
سلطان بحيره غمض عيونه:روحي مني
دلال برجى:بس اعطيني وعد انك تفكر فيني بجديه
سلطان يارب صبرني وحدتن تعز نفسها حتى على مشاعرها وانا ارجى نظره من عيونها وشوف مبسمها ووحده تهديني مشاعرها وارفضها
دلال بشك وخوف:وش قلت
سلطان بجديه:اعطيتس وعد وارتاحي من قلب بعد.. لازم اغير حياتي ماقعد في رجى احد ..
دلال ببتسامه انتصار :راح اسعدك صدقني
سلطان يتنفس بعمق ناظر لها شافها تبتسم ماقدر يبتسم لها نزل راسه يناظر التلفزيون
دلال :مراح ترقد
سلطان:لا
دلال بتردد خذت نفس :اذا طلعت الي في خاطرك ترتاح تكلم وانا بحاول اساعدك مره واضح انك مو مرتاح
سلطان ببتسامه سخريه ناظرها شوي واشر لها تجلس جنبه تقدمت واجلست بوجل
سلطان :اسمعيني عقبها قومي ولا كلمه اسمعها منتس
دلال بستغراب بس فرحه اخيرن بيتكلم:من عيوني
سلطان مازل مبتسم:آلصمت له عندي معزّه ومقدار
في زحمة الافواه .. يا مزين الصمت !!
لا صار بعض البوح عند البشر عار
لو يشتعل جوفي حشى ما تكلّمت
تعبت من قولة : (علامك) و وش صار ؟
وان طحت ما ألقى سوى كلمة (سلمت)
واعذار اخلقها ولو مالي اعذار
مشّيتها مره .. ومرات ما رمت !!
كذبة صباح الخير/ يا صبح الانوار
عذري ليا عدّت ليالي ولا نمت
اسهر طوال الليل وضْيوفي افكار
واقول لاْصحابي : نعم توّني قمت !!
ما عاد فيني ألفت عْيون واْنظار
يكفي بأني من زماني تعلّمت
ان الصدر بيتــ ٍ.. وسكّانه اسرار
نيّام .. بس يصحون لامن تألّمت
يصحون ويناظرهم الجار والمار
وش عاد ينفع سترهم لو تكتّمت ؟!!
آقدّم اقدامي على درب الاصرار
امشي ولكن للأسف ما تقدّمت
النار قدامي .. ومن خلفي النار !!
والعمر يمضي بي وانا ما تولّمت
الين ذاك الحلم في لحظه انهار
وانا مع لحظة سقوطه تحطّمت
جروحي كثار..وتناهيدي كثار
لكن على كثر المواجع .. تبسّمت !!
ثم أْلتزمت الصمت وعزومي اكبار
ولو يشتعل جوفي حشى ما تكلّمت
اسكت والسانه يمرره على شفايفه بتوتر قامت بقهر وراحت منه سند جسمه على المسند خذا جواله بجنبه فتح قائمة الاسماء مسح رقمها المسيف باسم الاميره الهنوف الموجود فيه من ثمان شهور ضحك بخفيف ياسبحان مغير الاحوال انا الي ينحاس حالي عشان بنت تنهد بس متى اعترف لنفسي انها بنت غير عن كل البنات حبيتها جماااال ودلال واحساس يذوبني نفخ بفمه بقوه خلاص الى متى راحت الحين اعرست مثل ماسويت وكلن راح في حاله
....
نهايه البارت

[7btin]

البارت73

فى سجن الرياض عند مفلح
مفلح يناظر الشرطي الي يطلعهم كل عصر لحوش السجن :ماشتغل عاطل
الشرطي بشك:انا شايفك من قبل بس خانتني الذاكره
مفلح يروح منه:يخلق من الشبه اربعين
الشرطي :قد شفته بس مدري وين
مفلح يلف له شافه واقف يناظره ابتسم بسخريه وكمل طريقه شفته العام في مهرجان النعيريه كان جاي مع وفد سفارة اوربيه يزورون المهرجان ورافقته بمهمته بس طبيعي مايتذكر وهو يشوفني بسجن من شرطي لراعي سجون . . قعد جنب شايب ابتسم له
مفلح بصوت عالي وبمزح:وش حااالك ياشايب
الشايب يناظره ويبتسم:زان حالك ..وش انت
مفلح :ولد توني ولد نشيط..
الشايب يضحك:وش دخلك اهناه
مفلح يناظره ويطول صوته :مضلوووم
الشايب:المضلوم ربي ينصره
مفلح :بس اني راضي
الشايب يناظره بستغراب:محد يرضى بالسجن يعني كل ذاه رضى بقدر الله
مفلح يضحك:لااا مابعد وصلت لذادرجه للاسف بس ان ربي فوق كل ضالم
السايب:يعني قد ضلمت
مفلح :الحمدالله عقاب الدنيا ولا الاخره
الشايب:الا يالمجرم وش مسوي به
مفلح يضحك:جاه الي جاءه وانا راضي بالي جاني ..والشايب وش مدخله اهناه
الشايب:راعي الابل المضعوف مشتكيني عند الشرطه لي سنتين مادفعت رواتبه
مفلح :الا يالشايب اتعرف تحكم في الهندي بعد
الشايب يناظره بستهزاء ويصد منه ضحك مفلح وقعد يتفرج على الباقين اغلبهم يسولف وكانه فتره وماشي يالله عسى محمد يقدر يسوي شي
....
فى بيت بو فهد
الهنوف تروش بنتها الي ماوقفت من الصياح
الهنوف بخوف:يمه تعالي ساعديني
اضحكت امها وقربت منها خذتها من يدها وروشتها خلصت لمتها بفوطه وحطتها جنبها
الهنوف تقرب منها وبراحه:تمايل من يدي
ام فهد :ثاني مره روشيها بسطل مويه بالارض اريح
الهنوف تعدل وقفتها عقب مالبستها ملابسها الداخليه
الهنوف تناظر امها:خلي لمياء تكمل لبسها اذا اذن المغرب انا بروح للكوافير الحين
ام فهد:انشالله اهتمي بنفستس ..
خذت عباتها واطلعت:طيب يمه نبهي عليها تهتم فيها
ام فهد:ابشري..
اطلعت رايحه للمشغل اليوم بتطلع من الاربعين امها قالت انها بتسوي لها حفله اعزمت اقرباهم القراب بس الهنوف ماحبت تجمع كثيرمن الناس ففضلت امها تخليها عائليه اختها وام راشد وعمانها واهل بناتها
. . . . . . . . . . .
فى المشغل(الصالون)
راحت للمشغل كان فاضي تنهدت براحه جاتها وحده من الموضفات
الموضفه تناظرها ببتسامه اعجاب:هلااا
الهنوف :ابي قص شعر ..
الموضفه :اوكي تفضلي..اقعدت على الكرسي وناظرت الموضفه بالمرايه
الهنوف:فكتوريا لااسفل الرقبه موب قصير مره
الموضفه :شعرك طويل حرام خراب مشكله
الهنوف ببتسامه:معليه قصيه
هزت الموضفه اكتافها وبدات تقص خلصت قص انفضت بخفه
الموضفه تبتسم :مشالله يناسب قصه انتا
الهنوف تناظر شكلها برضى وقامت :شكراا.. راحت لكرسي الانتظار ناظرت نفسها بالمرايه الي قدامها ابتسمت لنفسها تغيرت مره بس حلوه لو دريت قصيتها من زماان.. نزلت راسها على الجوال واقعدت تدق على فهد . . اجلست قدامها بنتين من كليتها
وداد:اتعرفينها
مشاعل:ايييه اذكرها الهنوف السنه الي طافت متخرجه صح
وداد:ايه ارسبت بس ماجات تمتحن يمكن صار لها مشاكل معاد شفناها حتى اختها الي معنا هدت معاد لهاصوت يلعلع متغيره
مشاعل بقهر:ليكون لمياء الي شايفه نفسها
وداد:ايه يحق لها شوفيها هي واختها كل وحده احلى من الثاينه
مشاعل :الهنوف احلى ..شوفي قصتها تجنن..
ارفعت راسها شافتهن يناظرنها حست بالخجل وابتسمت بحراج
وداد بعجاب ابتسمت: يااي ضحكتها فيها شبه من ممثله هنديه..ياربي .. وبتفكير ..يوم ابتسمت بها لمحها منها
مشاعل تناظرها بغيره :عرفتها بريتي زينتا..بالغتي..طنشيها بس
وداد ببتسامه حالمه:ياحظهاا اكيد رجلها منهبل عليها
مشاعل تذكر مكالمتها مع مفلح تنهدت :شفت واحد من جماعتهم كان خاطب اختها لمياء بس انفخست الخطبه.. هو بعد فيه غميزات وارثينها
ما ارتاحت بالجلوس عارفه انهن يتكلمن فيها خاصه عقب ماعرفت مشاعل قامت وراحت للباب وقفت عنده
المديره تقرب منها وببتسامه:انشالله اعجبك القص
الهنوف ببتسامه :ايه يعطيكم العافيه ..رن جوالها طلعت بسرعه
فهد:بنتس بأكلها لبستها لمياء ..ماكلها ماكلها
الهنوف:هههههه حبيبتي والله طالعه على امها
فهد:بدينا بالتمدح
الهنوف تضحك وترد على جوالها :هلا يمه
ام فهد:لاتخربين شعرتس
الهنوف:ههههه خلاص فاتتس صرت في الطريق
ام فهد بشك:يعني قصيتي
الهنوف:شوي واصل واحكمي على الشكل موب القصه.. صكته من امها ولف لها فهد
فهد:اليوم مطرودين من البيت
الهنوف تبتسم:تعليمات ام فهد
فهد:بروح انا ومساعد والعيال للبر
الهنوف:كيفكم ...
. . . . . . . . . . . .
فى بيت بو فهد
اوصلت للبيت ادخلت عليهم شافت خواتها اضحكت غصب عنها
ام فهد براعه:ياويلي شكلتس خبصتي بشعرتس
نوووف ترفع حواجبها:مفاجاة ابوي فوق وفهد بعد
الهنوف تناظرها بفرحه:في حجرتي
نوف:اييه بس ورينا شعرتس باالاول
الهنوف تشوف خواتها يقومن ويجينها رقت بسرعه لدرج :لاخلصت مره وحده شوفوه..ادخلت حجرتها صكت الباب بسرعه وقفلته وقفت اشوي اتناظرالغرفه المجددها ابوها كلها ابتسمت بحب له وحنان فديتك الله يخليك لي كانت ورديه وكسسوار الحجره فوشيااء غامق سرير كبير وبجنبه صغير ودلاوبه بعد بجنب دولابها الكبير مميز عن باقي الغرفه بدبابيب الي فوقه اعجبتها اكثير ودعت لابوها من قلبها شافت على التسريحه هديه مغلفه اكيد حقت فهد افتحتها شافت الجوال وجنبه شريحه كان ناعم وخربزي غامق اعجبها كثير شافت الشريحه اضحكت بخفه لرقمها المميز اغلبه واحد و هذا فهد يحب المظاهر لو رقم هندي ماهمني ابتسمت بمتنان له بدلت الشرائح وراحت لدولابها طلعت لبس اختها غزيل هدتها اياها
كان فستان ناعم سماوي فاتح لتحت الركبه حرير وبه درابيه خفيف صغير مضموم على الصدر وورده كرستال سماوي غامق على جنب الدرابيه من صوب الصدر نازل منها سلاسل فضيه وجزمه فضيه عاليه حطت مكياج خفيف بدون شدوو مجرد روج فوشي وبلاشر وردي كثفت الماسكارا وكحل داخلي ابيض ومن تحت العين قلم ازرق فاتح خلصت فكت شعرها خلت قذلتها على جنب ناظرت شكلها النهائي وقفت عند المرايه بدون شعوور حست بدموعها تنزل بسهوله وبدون مقدمات وغصه بحلقها مانعه خروجها خوف يتبعها شهقاتها وبصوت عالي ارتجفت شفايفها اشتقت لك سلطان انا متاكده بعجبك صح بتضايق اني قصيت شعري بس بتحبه وعلياء بعد امس قصيت قذلتها كثيفه على عيونها بس لو تشوفها.. ابلعت ريقها وهي تسمع صوت الباب يطق طنشته وراحت لسرير اجلست عليه وعادت تسرد افكارها وكلامها ودموعها تنزل وش يفيد طلعت من الاربعين وانت ماتشوفني سوت لي امي حفله وابوي يايد فكرتها مسكت ادموعي عندهم مابي ابين ضعفي بعيد عنك لو كنت اهناه ما احتجت لحفله يكفي اني انا وعلياء بجنبك اكيد ان امك بتسوي لي حفله بس برفضها وبروح انا وانت وعلياء لايطاليا مراح يكون نفس اول مره حست بضيقه في صدرها اخاف نساني او زوجته الجديده احملت اقطعت افكارها بسرعه اذا تعمقت بسحب عليهم تحت.. تنهدت بشهقه مليانه حزن اسمعت صوت جوالها يدق والباب بعد امسحت دموعها وتحنحنت
الهنوف:هلااا
منيره بخوف:وش فيتس
الهنوف:كنت اصلي
منيره براحه:اللله يهديتس خوفتني صفقي على الاقل
الهنوف:زين شوي وبنزل
منيره :تاخرتي شوي وياذن العشاء
لفت الهنوف للمرايه رتبت شكلها مره ثانيه وتصنعت ابتسامه بخت عطرها خذت نفس واطلعت انزلت الدرج تسمع ازعاج بزارين خلق الله متجمعين ادخلت مجلس الحريم عم المجلس هدوو ماكانو كثير الي اوصلو ..حست بخجل والعيون عليها جاتها ام مفلح اول وحده وقربت منها
ام مفلح تناظرها واعجاب:قريتي على نفستس ياامي
الهنوف بحراج:ايه قريت
ام مفلح :الله يحفظتس وطالعه من الشر ..مرت من جنبها وراحت تسلم على الحريم قربت من ساااره
الهنوف تعض شفايفها بحراج:مااحب هالمواقف
ساااره تضحك:ياحماااره وين طحتي على القصه تجنن
نوره تطل عليها من ورى ساره:طالعه من الشر ..وش ذالحلااا حتى بنتس محلوه عقب الاربعين
الهنوف بهدؤ:ماشفتها للحين
نووره :روحي شوفيها مع لمياء مسويه عليها حظر بوسات
الهنوف تنهد بهدؤ:مابي اشوفها الحين
نووره :لييييه والله تجنن
الهنوف:اذا خلصت الحفله
ساااره:براحتتس ودكم نطلع من الحريم
الهنوف بسرعه:اي والله
اطلعن برى للصاله تنهدت الهنوف براحه مع انه موجود بنات بعمر لمياء واصغر بس اريح من الحريم الكبار
نووره:قبلتي اداريه بالكليه
الهنوف بوسعة صدر:الحمدالله امس عمي علمني الله يجزيه خير
سااره:بتتعبين مع الوظيفه وعلياء
الهنوف بجديه:ابي انفق على نفسي وبنتي ابوي الله يخليه لنا موب امقصر بس ابي ارتاح
سااره:صح طلبات الطفل كثيره
لمياء بصوت عالي شوي تمشي بسرعه :هنوووف ياحماره جيتي ولا جيتي تشوفين بنتس
الهنوف بتوتر:بعدين اذا فضيت
لمياء بستنكار:قومي كيف قدرتي تصبرين..
الهنوف بتشتت لفت منها:توني شايفتها العصر
سااره بسرعه:ابي الهنوف بسالفه
لمياء تفك يد ساره من الهنوف:اقول وخري خليها تشوف بنتها وبعدين قولي سالفتتس
الهنوف تفك لمياء من يدها:ابروح مع ساااره علياء لاحقه عليها
نووره بستغراب:ياقوي قلبتس
اسحبتها ساره واطلعت بها للمطبخ
الهنوف برتباك:زين ماسويتي
ساااره :ليه ماتبين تشوفينها
الهنوف بصوت خانقته العبره:بصيح اذا شفتها خليني كذا احسن اذا راحو الناس يصير الي يصير
ساااره :شكلتس ماتحبينها مره
الهنوف بصراحه وبتردد:ماحسيت بالامومه ناحيتها جداا صح احبهاا..
ساااره :بس تحبين ابوهاا اكثر
الهنوف تحط اصابعها على جبهتها الي مغطيها الشعر وتبكي:ساعات اشتاق لها بس عشانها بنته افكر فيه بقوه والمشكله اذا ناظرتني تذكرته..كرهت نظراتها كانها بتذكرني فيه وسواياه
ساااره تجلس جنبها وبسرعه:خلااااص امسحي دموعتس انا اسفه الي خليتس تكلمين في ذالوقت
الهنوف تمسح ادموعها :ماسويتي شي ..انا كنت ماسكه نفسي
سااره ببتسامه:اذا راحو اخذيها بحظنتس وسولفي عليها ترى هي بعد مالها ذنب
الهنوف تهز راسهاا ادخلت عليهم منيره ناظرت بشكالهن وكان على روسهن الطير
منيره بهدؤ وحنان:الهنوف اذكري الله واذا ودتس معاد تطلعين للحريم ترى موب لازم
الهنوف ببتسامه:لا بطلع امي وابوي متحمسين لها ماله داعي اضيق صدورهم..خذت نفس ابتسمت ووقفت ..خلونا نطلع
اطلعن ومنيره تناظرها بحزن اجل ماظن بتوافق على عبدالعزيز
راحن للحريم اجلست معهم الهنوف جنب ام علي الي ابلشتها تسالها عن اخبارها وبنتها استحت تقوم منها واقعدت ماصدقت قومتها امها راحت لها
الهنوف :لبيه
ام فهد:روحي جيبي بنتس ام عبدالعزيز بتشوفها
الهنوف بستغراب :وش تبي بها
ام فهد:وش تبي بها يعني بتشوفها
راحت الهنوف للمياء وقالت لها توديها لامها بالصاله وهي فضلت ترجع لساره ونوره عند الحريم
جابتها لمياء وعطتها ام عبد العزيز الي تسمي عليها وتدعي لها
ام عبدالعزيز :مشالله الله يخلي لها امها وجدها
ام فهد:الله يجزاتس خير
ام عبدالعزيز:عاد انا يام فهد ترى بنحط البنت وامها بعيوني وعبدالعزيز ملزم علي ارجع اليوم بعلم يسره
ام فهد :بتوافق بتوافق
ام عبدالعزيز برجى:والله انه مابغى ان حنا انخطب له احد من البنات عقب ماراحت من يده وانتي تدرين ان مابه عيب ينرفض عشانه لزمي عليها يام فهد وتبشر بالي تبي
ام فهد بحماس:المره هاذي ربي بيجمعهم انشالله
ام عبدالعزيز بأمل :الله يسمع منتس ..
قامت ام عبدالعزيز ومعها علياء
ام فهد:عطينيها عنتس
ام عبدالعزيز تبوسها:خليها معي الى انتعشى وتاخذها امها بروح للحريم(حاجه في نفسها)
اسكتت ام فهد بحراج وام عبدالعزيز ادخلت بها عند الحريم
سااره :الهنوف علياء مع ام عبدالعزيز
لفت الهنوف بسرعه وبصدمه :وش جابها معها
نووره:اكيد تبي تسلم عليها
الهنوف بقهر:سلمت عليها داخل ..قامت لها ووقفت عندها
الهنوف تصنع ابتسامه:عطيني اياها
ام عبدالعزيز تعدل جلستها :خليها معي وانتي سولفي مع البنات
الهنوف بصرار:لاعطيني اياها الله يرضى عليتس ..بتعبتس
ام عبدالعزيز تمدها لها:ابيها تاخذ علي
ناظرتها الهنوف ببرود خذت علياء واطلعت برى ناظرت بنتها شوي ترمش بعيونها بسرعه ويدها تحرك حطتها بسرعه على الكنب ووقفت بتوتر
وفاء بستغراب:مكانها مايل بتطيح..
الهنوف برجى:خليتس عندها بروح انادي لمياء
وفاء :ابشري ماطلبتي..
ابعدت منها الهنوف بتعب تبيني لعبدالعزيز يام عبدالعزيز ..انا اعيش بدون احساس
لمياء بتعب:اهنيفه فالتها لاعند الحريم ولاعند بنتس
الهنوف باسف:معليش بروح للحريم الحين...
قامو للعشاء واقعدت اغلب الجلسات فاضيه خذت بنتها من وفاء وراحت فيها بسرعه لفوق ادخلت الحجره وقفلت الباب نومتها على السرير شافت يديها الي تحركها بنشاط وتغاغي انسدحت جنبها وقربت راسها من راس بنتها حاظنتها ابعدت الجوال وخذت كم صوره لهن
حطت الجوال جنبها ولفت لبنتها ابتسمت وهي تشوفها تناظرها وتمد يدهاعلى وجهها
الهنوف بوجع:اااي..مشختيني ..امسكت يدها وباستها اقعدت على حيلها افسخت جزمتها ودلكت رجليها باالم
سااره من ورى الباب :الهنوف ممكن شوي
قامت للباب وافتحته:لبيه
سااره بتردد:انا طرت علي فكره
الهنوف ببتسامه استغراب:اطربيني تعجبني افكارتس
ساااره ببتسامه:انا اقول يعني لو لوو تبين تكلمين رجلتس موب عارفتس رقمتس جديد
الهنوف تناظرها بخوف وصدمه هزت راسها بلا:مستحيل وبعدين خلاص موب رجلي ..
سااره بحماس:دقي عليه خليه يسمع صوت بنتس ومنها انتي تسمعين صوته
الهنوف براعه واعتراض:مستحيل ما يصلح
ساااره بدون اهتمام تهز اكتافها :موب عارفتس لاتكلمين انا قلت فكرتي انتي كفيتس..باااي
راحت منها ساره وهي تصك الباب بسرعه حست بخوف من فكرة سااره لو يعرف ان عندي بنتي اكيد بياخذها بس هو يقول اذا بنت اخذيها واذا ولد باخذه
راحت للسرير شافت بنتها الي بادي يشين خاطرها وتصيح تبي تنام اجلست جنبها وحطتها بحظنها
الهنوف تبتسم بدون شعور :لاتنامين الحين بنكلم بابا ...
ماقدرت تقاوم فكرة ساره اذا موب عارف رقمي ..هدهدت علياء شوي الى ان اسكتت شافتها تلعب بسلاسل كرستاله فستانها خذت الجوال ودقت ارقامه الي حافظتها اضغطت زر الاتصال بسرعه وبتوتر
حست بقلبها تزيد دقاتها وصوت الجوال يرن ابعدت يد علياء بقوه وتوتر من السلاسل توهقت عقب ماشافت ملامحها الي تبدلت للبكى بألم
نهايه البارت

[7btin]

البارت74

بين قصر سلطان وبيت بو فهد

سلطان بصوت ثقيل:الووو
ناظرت جوالها بعدم استيعاب وعيونها ترف بتعب لفت عيونها لعلياء الي اقعدت تبكي بشرهه
سلطان بستغراب:نعم
حطت يدها على فمها تمنع صوتها لايطلع ويسمعه.. صوته سمعت صوته ..احذفت الجوال جنبها بنهيار وضمت علياء لها
اقعد يسمع صوت بكى وصوت بزر
دلال:وش فيك ..
سلطان يناظر الجوال ويرجعه لاذنه:مدري ياغلطان المتصل يامدري وش فيه
دلال:عطني بشوف
سلطان يبعد الجوال من يدها:لا ..رجعه لاذنه وهو يسمع صوت علياء تبكي
الهنوف بحزن وصوت خافت:خلاااص ياماما ..انا اسفه..مدت يدها لدرج جنب السرير لرضعتها وحطتها بفمها اسكتت علياء مع شهقات خفيفه
ابتسمت الهنوف بالم وهي تشهق ودموعها تنزل بقوه :ليتني ماسمعت كلام ساره ودقيت كيف بأسلى عقب المكالمه..
سلطان مايسمع زين وبفضوول علا صوته:الوووو
لفت للجوال بصدمه وهي تشوف المكالمه ما انقطعت مدت يدها بسرعه وحطته عند اذنها وبصوت مبحوح وحزين:اسفين على الازعاج جاء الاتصال غلط
سلطان ببرود يكتسح جسمه:ماا.. وش ال...فيه مشكله او شي
الهنوف تناظر الحيطه قدامها ارتجف فكها بقوه ودموعها تنزل مختلطه بعبرات غيرت صوتها :لا..صكته نزلت علياء من حظنها وضمت ركبها لصدرها تبكي بنشيج يقطع القلب صاحت بنتها عقب ماطاحت منها الرضعه بس مافيه مستجيب
. . . . . . . . . . . .
فى قصر سلطان
سلطان يصكه ويدخله بمخباته وبشرود:صوتها اثر فيني ..
دلال :وش دخلنا فيهم اكيد اتصال خطاء
سلطان يناظرها ببتسامه:انشالله انه خطاء لو